غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-07-2010, 02:10 AM
صورة ζϻوحےـشني صےــؤتكے« الرمزية
ζϻوحےـشني صےــؤتكے« ζϻوحےـشني صےــؤتكے« غير متصل
©؛°¨غرامي مشارك¨°؛©
 
B9 عشرة حياتي اليوم ماضيها / الكاتبة : الأرستقراطية ؛كاملة


عشرت حياتي اليوم ماضيها .. رواية سعودية رومانسية خيالية بقلمي أنا الأرستقراطية
هاذي الرواية أعجبتني كثير وحبيت أنقلها لكم ياأحلى أعضاء
رواية سعودية رومانسية خيالية بقلمي أنا الأرستقراطية
000 عشرت حياتي اليوم ماضيها ..
مرحبا أنا الأرستقراطية السعودية أول مرة أكتب رواية أوحتى قصة كتبتها وكلي أمل أنها تنال استحسانكم ولا تبخلوا علي بردودكم راح انزلها على أجزاء ..........
لا مستحيل مستحيل ما أبي أموت ....لا......لا ........ابتعد عني ابتعد عني
الكلب ينبح ...وهي يزيد صراخها ابتعد ابتعد ساعدوني ساعدوني ليس لها إلا الفرار منة حملت نفسها بأوجاعها وهربت مسرعة والكلب يقترب منها شيئ فشيئا وهي تركض ........ياربي ياربي مالي غيرك ياالله ساعدني ....بالله وش يصير معي تعبت إلى متى وانااركض ,وين أروح وين أروح ؟؟؟
فجاءه....... لمع في عينيها نور نار مشتعلة وتسمع اصواتآ غريبة منها مسحة دموعها وبدأت في الصراخ والاستنجاد ........ساعدوني اررررجوكم هذا الكلب يلاحقني ..........غمضة عيونها بقوة ,وبعد ما أفتحتها ........بسم الله .......بسم الله ........الحمدلله .....الحمدلله كان حلم كان حلم آه آه الر جولي تعورني طق طق طق الباب يطرق !!مين؟مين ؟ دخل طلال ..السلام عليكم.البنت وعليكم السلام
طلال:كيف حالك أللحين
البنت :الحمدلله بخير
طلال: ها شنو اسم الحلوة ؟
البنت :اسمي .........اسمي ........!!!أنا مين؟؟؟؟؟؟؟
طلال :يبدو انك للحين تعبانة من اللي صارلك البارحة أرتاحي اللحين .......معليش بعد ماترتاحين اكيد راح تتذكرين كل شيئ انا وصيت الخدامة تجيبلك غداء ,يلا ابتركك ترتاحين ,طلع طلال وفي نفسو مو معقول كل هذا شبهة!الله يرحمك ياعبير.
البنت:صار لي !..صارلي !..يعني أنا مكنت أحلم كل اللي شفته واقع......ياربي با الله .....أي صح تذكرت انا بعد ماهربت من الكلب سمعت صوت طلق رصاص وبعدين اصطدمت برجال..ايوا هو اللي اصطدمت بة هو ..اوووف ياربي احس بتعب وجوع.. في هذي اللحظة ..طق طق الباب ..البنت :تفضل
دخلت الخادمة وهي حاملة صينية الأكل
الخادمة:سلام اليكم ماما
البنت :وعليكم السلام
الخادمة :باباطلال يقول انتي لازم ياكل هذا اكل كلو وبأدين سوبي سبح ويرتاه
البنت:طيب ..انتي شنو اسمك
الخادمة :انا سيتي كريمة
البنت:طيب انتي تعرفيني
الخدامة :انا مايفهم انتي شنو يقول
البنت :يعني شفتيني هنا في هذا البيت قبل هذا اليوم
الخدامة :لاأ نا اول مرة يشوف انتي ..بابا طلال يجيب انتي اليوم الفجر
البنت: طيب شكرآ.
اللحين نتعرف على أفراد العائلة
اول شيئ هذي العائلة من العوائل الكبيرة اللي في الخبر هم ثلاث أخوان وعندهم اخت وحدة عايشين في مجموعة فلل داخل سور واحد
بيت ابو عبد العزيز (ابو عبد العزيز –ام عبد العزيز- عبد العزيز 40 س متزوج مريم بنت عمة وعنده خمس بنات العنود 20س-اماني 18س-التؤام سجى وندى 15س-نجود 3س)
الأبن الثاني محمد 38س متزوج بنت خالتة الجوهرة وعندة 3بنات أريج 18س- ريوف 15س-تقى سنتين .
ثالثآ طلال ..وضرار..توئم 32س ضرار متزوج بنت عمتة سارة وعندة توأم بنات جنى وجنان8س .
اما طلال اعزب متفرغ لأدارت الشركة اللي تملكها العائلة بلأضافة لشغلة الخاص ..شخصيتة جدية لأبعد الحدود ما يضحك إلا فيما ندر.. عيونه فيها حزن عميق لسبب راح نعرفه مع الأحداث.
اما البنات بنات عبد العزيز طبعآ ,منيرة 37س متزوجة خالد ولد عمها وعندها وليد 22س –-عمار 18س –عروب 20س- بشار15س.
البنت الثانية منال 28س متزوجة من عماد ولد خالتها وعندها هشام 10س- والثاني مهند 9س-ود 3س.
البنت الثالثة :الهنوف 25س متزوجة فيصل ولد عمها وما عندها عيال
البنت الأخيرة نوير 22س تحب مشاري ولد عمها .)
الأخ الثاني سعد أبو خالد زوجته متوفية وعنده (خالد 40س متزوج منيرة بنت عمة عبد العزيز-راشد 37س متزوج ريما وعندة تركي 19س-ماجد18س-ليلى15س-سعد سنتين .الولد الثالث مشاري 25س .
البنات ..مريم زوجة عبد العزيز – نورة متزوجة من برا العايلة وعندها حاتم 15س-حصة 12س-طارق 7س .
وصايف متزوجه سالم ولد عمها عندها ولد واحد سعود 18س .
نوف 22س تحب طلال ولد عمها .
الأخ الثالث سعود ابو سالم عايلته أم سالم –سالم متزوج وصايف بنت عمةبوخالد – فيصل متزوج الهنوف بنت عمه بو عبد العزيز –
سميرة متزوجة من برا العايلة عندها نايف 8س-نواف 4 .
اخيرآ غصون 18س غير متزوجة .
العمة شيخة عندها سلطان 37س متزوج بنت عمة سعاد عنده خالد وفهد توام 23س-الولد الثاني اسامة28س يدرس في بريطانيا غير متزوج .وعندها سارة اللي متزوجة ضرار) .
نبدأ بسم الله الرحمن الرحيم ....أحداث القصة ..........................[/size
]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-07-2010, 02:34 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: عشرة حياتي اليوم ماضيها / الكاتبة : الأرستقراطية


,’



بسم الله



يعيطك العــافية
موفقة بـ نقلك إن شـــاء الله



https://forums.graaam.com/238622.html



,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-08-2010, 05:36 PM
صورة ζϻوحےـشني صےــؤتكے« الرمزية
ζϻوحےـشني صےــؤتكے« ζϻوحےـشني صےــؤتكے« غير متصل
©؛°¨غرامي مشارك¨°؛©
 
الافتراضي رد: عشرة حياتي اليوم ماضيها / الكاتبة : الأرستقراطية


الله يعافيك
اتمنى للكل الاستمتاع بالقراءه
وراح انتزل كل يوم بارتين او بارت ان شاء الله
نبدا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-08-2010, 05:37 PM
صورة ζϻوحےـشني صےــؤتكے« الرمزية
ζϻوحےـشني صےــؤتكے« ζϻوحےـشني صےــؤتكے« غير متصل
©؛°¨غرامي مشارك¨°؛©
 
الافتراضي رد: عشرة حياتي اليوم ماضيها / الكاتبة : الأرستقراطية


ام عبد العزيز تنادي الخدامة ستي كريمة سيتي كريمة سيتي كريمة .....ياربي انا مدري هالخدامة شتسوي كل هالوقت فوق ,
ابو عبد العزيز عاد انتي شعندك وش تبين منها
الأم خليها تجي تشيل هاالسفرة صار لنا ساعة من خلصنا غداء
نوير:انا قبل ماانزل شفتها داخلة غرفة قرقوش وبيدها صينية غداء
الأم : وجع كم مرة قايلتلك لا تقولين عن اخوك كذاأنتي ما تحشمين احد ابد .....
الأب :معقولة يعني طلال ماداوم اليوم, الأم :يمكنة تعب من رحلتهم هذي اسبوع في البر مو قليلة ,الأب حتى ولو طلال ياما سافر سفرات طويلة ماعاقتة عن الدوام ثاني يوم ,الأم تراك اغلغتني على وليدي بروح اشوفة ,
الشغالة :ها ماما انتي ينادي انا، الأم ايوا انتي شنو تسوين فوق كل هالوقت ,
الخدامه انا بابا طلال يقول ودي هزا أكل حق هزا بنت فوق
ام عبدالعزيز......انتي شتخربطين شنو تقولين أي بنت ,طبعآ بوعبد العزيز شرغ في المويه ,ونوير فتحة فمها على الآخر .......بنت في غرفة طلول والله ويطلع منك ياقرقوش ,بوعبدالعزيزبنت فزي اللحقي امك وافهمي لنا السالفه..
الشغالة :بابا في مشكل ,بو عبدالعزيز :متى جت البنت ,الشغالة :اليوم في فجر يجي بابا ضرار سواسوا بابا طلال باباطلال شيلي هزا بنية بادين ودي غرفة هق هوه ...
في جناح طلال البنت تسرح شعرها بعد الشور وافكارها مشوشة وحاسه بغربة وخوف ..شوي ويطق الباب البنت :تفضل ,دخلو ام عبدالعزيز ونوير ,السلام عليكم البنت وعليكم السلام ,تبادل الكل نظرات الحيرة – الخوف-التسائول ..الأم واقفة بذهول وفي نفسها معقولة كل هذا شبةة..نوير :انتي مين ؟ايش اللي جابك هنا ؟شعلاقتك باخوي ؟لية لابسة بجامة طلول ؟
الأم :وجع يانوير شوي شوي كلتي البنت بقشورها وحدة وحدة ..جلسة ام عبد العزيز وحطت يدها على رأس البنت ومسحة على رأسها حسة برعشة البنت وخوفها ضمتها لصدرها ثم أشرت لنوير انو طلعي برا ..وقامت تقرأ على البنت..
نوير استغربت من ردة فعل أمها اللي يشوفها وهي تصعد الدرج يقول بتقتل اللي قدامها ..وبس شافت البنت كأن أحد صابب موية باردة عليها .
بعد مانامت البنت طلعت الأم وسكرت الباب شوي شوي .......في الصالة اللي في الدور الثاني نوير ماسكة السماعة :ايوا والله مااكذب عليكي
العنود :لا لا ماأصدق عاد مالقيتي الا عمي طلال تطلعين عليه كذبة أبريل
نوير :اذا مو مصدقتني تعالي جناح طلال وتشوفي بعيونك
العنود :عمتي انالو اشوف بعيني ماأصدق انتي الفلم اللي البارحة لحس عقلك
نوير :عاد صدقتي ولا بكيفك انا اللي علي سويتة وبلغتك بس بلييز لا احديدري عن شيئ وخاصة خالتك نوف..العنود لية خبري بك تحبي تجاكريها !
نوير علشان امتع نظري بمنظرها وهي تسمع الصاعقة..
العنود واااااااااي شكل الخبر من جد..نوير لا من عم ههةههةالعنود اخاف اجيك اللحين يشكو في الموظوع وانتي قلتي لا احد يدري ..نوير لية يشكو عادي ..قولي لهم انك بتريحين في جناحكم ,العنود بس امي سألتني بتروحي الجناح ولا لأ ؟قلتلها اني بظل معهم اللين الليل ..هذا غير انا خالتي نوف من سمعتني اقول طلال وهي ما شالت عيونها عني ..نوير خلاص براحتك بس المهم لااحد يدري ترى امي تطين عيشتي يعرفون من امي احسن العنود على رايك ..يلا باي نوير يلا باي .
بس سكرت السماعة على طول نوف نطت على الكنبة اللي العنود جالسة عليهاها عنودوشفية حبيبي ،العنود بعد عنودو ماراح اقولك نوف اوووووووووةخلاص عمتي العنود يلا قولي العنود اسمحيلي خالتي الموظوع خطيـــــــــــر جدآ مااقدر اقولك يمكن تطير فية ارقاب..نوف اممممممممم يعني طلال بيتزوج صح بيتزوج اصلآ اناسمعتك تقولين بنت وطلال وما أدري شنو بس كذبت سمعي ، العنود لا الموظوع أكبر من كذا ماتتوقعينة ,نوف اوووف انتي يشينك لشفتي حالك علينا ذليتيني أروح لأمك وأكيد بعرف السالفة وبلاها منتك علينا ..العنود لاخالتي لتتعبي نفسك حتى أمي ماتعرف بالسالفة اللين بكره وتعرفون كلكم الخبر الصاعقة.
سجى وندى جالسين يلعبون بلاي ستيشن سجى :أموت وأعرف العنود شنو تتهاوش علية مع خالتي ,ندى :لا تموتين ولا شيئ انتي ماسمعتي العنود وهي تقول طلال ,سجى أي سمعتها وشافييها لقالت طلال ،ندى خالتي نوف تحب تسمع أخبار خالي طلال أول بأول وكالعادة العنود ماتعطيها غاية إلا إذا نفذت لها كل طلباتها ,سجى يعني انا لو قلت لخالتي عن اللي شفناه البارحة بتنفيذ لنا طلباتنا ,ندى لا يامجنونة أمي وأبوي قلوا لنا مانقول شيئ ولا تبين أبوي يذبحنا ,سجى لا خلا ص ما راح أقول شيئ يلا بس خلينا نكمل لعب وبس أمور الكبار يحلوها مع بعضهم البعض .
أماني وأريج وغصون على الماسنجر
أريج.. شفتك عشقتك هويتك باليت تدري ياليتك غلاك وشكبر قدرة..
آه يابنات حسيت إني طايرة من الفرح كأني بعالم ثاني كأني فوق السحب فوق
مومصدقة أنة سلم علي ولامست أيديني يديه
غصون..يلا ياقلبي سرينا ضاقت الدنيا علينا المسافر راح ..
والله انس مصرقعه هو وشو قايلن لتس وخلاكي تستجني علينا
شفتك عشقتك هويتك.........
سألني عن أخباري واذا خلصت دراسة ولا لأ
يلاياقلبي سرينا........
بــــــــــــــــــــــــــــــــــس
شفتك عشقتك..........
طبعآبس وشتبين أكثر من كذا
أماني أن غبت ماغاب طيفك عني وطاريك كنك معي في خفايا فوق واقصاه..
لا لا لا ياغصون مايحقلك تستصغرين الموقف ..تقولك سلـــــــم عليــــــــــها وسألها عن دراستها
شفتك عشقتك هويتك........
اوووووووووووووه انا الغلطانة اللي قلت لكم ولا أنتم شيفهمكم عن الحب
يلا ياقلبي سرينا .......
لا أريج والله مو قصدي بس السلام شيئ عادي حتى أنا سلم علي وسألني عن دراستي يعني هذا انو يحبني
أن غبت ماغاب طيفك عني................
أقول أنتي وياها أصلآ عمار ما يحبك لاأنتي ولا هي عمار يحبني أنا ويبوس الأرض اللي أمشي عليها هعهعهعهعهعهعهع
شفتك عشقتك ........
أنتي شنو تقولين شلون يعني يحبك انتي
أن غبت ماغاب طيفك ......
ايوا طبعآ لأنة سألني بتدخلي الجامعة ولا لأ
يلا ياقلبي سرينا ..........
ههههههههههههههههههههه صدق أنك جبتيها صح صح لازم ياأريج تتقبلي الأمر الواقع ومهما حصل ترا حنا ربع واكثر من خوات
شفتك عشقتك.........
تتمسخرين أنتي وياها طيب تم أعلان المقاطعه لمدة يوم واحد ..........غير متصل
يلا ياقلبي........
هذي سوتها صدق
أن غبت........
لا معليكي منها نقولها اننا بنتعشى في الشيرتون شرط تشوفيها سابقتنا على هناك
يلا ياقلبي.........
اوكي موعدنا الساعة 9 يلا باي
أن غبت..................... بــــــــــــايـــــــــــــــــــــــــات
الله أكبر...الله أكبر.........الله أكبر ...............آذان العصر
بعد ماخلصوا صلاة العصر كعادتهم ابناء عبد العزيز يتقهوو عند أمهم وياخذو ويدو في الكلام معاها ,أم عبد العزيز : ما أدري كيف أبتدي معكم الموظوع محمد :خير يمة وشفيك ,ضرار:الغالية شكلك متكدرة مين اللي زعلك وأنا أذبحه اللحين قدامك ,الام:آه منك يا ضرار ماتجوز عن سوالفك.
أبو عبدالعزيز :طلال اليوم الفجر شافته الخادمة جايبن معه بنت للبيت وأمكم تبي تعرف السالفة محمد فتح فمه على الآخر .....طلال وبنية وفي بيتنا ........!!أما عبدالعزيز ما أستغرب لأنه تلاقى مع طلال وضرارالفجر وهم صاعدين الدرج وضرار فهمه كل السالفة ...المهم
ضرار:ايوا أنا كنت معه...الأم والأب..!!شنو..؟؟
ضرار:مثل ماأنتو عارفين كنا كاشتين في البر..والبارحة وحنا في المخيم فجاءة سمعنا صراخ بنت تستنجد ,طلعنا من الخيمة والا البنت تركض وراءها كلب يلحقها طلال هو اللي كان في المقدمة تلقى البنت وضمها لصدره وبعدين أطلق الرصاص على الكلب وموتة ,البنت أغمى عليها وهي في حضنة وتمت على حالها اللي اليوم الضحى كلمني طلال وقال أنها صحت ..طبعآ طلال ماحب أنه يزعجكم قال اذا صحينا من النوم بيبلغكم ..هذي كل السالفة.
أبو عبد العزيز:طيب ماعرفتو مين هي؟مين أهلها؟ وش قصتها ؟
ضرار: أنا لأ ..ماأدري عن شيئ ..........بس طلال يمكن يوم صحيت قالت لوه .
الأم :أنا كنت عندها الظهر كانت خايفة ومربوشة ..بس اللحين بقوم أشوفها .........
طلال جالس في مكتبه ومسند راسه على الكرسي .......آآآآآهه من هاذي البنت توي ماصحيت من جروحي و آلآمي.. أحس العشر سنين اللي مضت كلها كنها يوم قالوا يخلق من الشبهه أربعين ..بس مو زي كذا ..كني بحلم ..آه ..يمكن منكثر ماتخيلة عبير ومنكثر ماتذكرتها تخيلي أن البنت شبهها ...خلني أروح البيت واتأكد..قطع عليه التفكير صوت الباب طق طق طق ,طلال :تفضل
السكرتير خالد :طال عمرك هذا ملف المناقصة ماناقص الاتوقيعك
طلال:اها طيب خليه هنا والغي كل مواعيد اليوم
خالد:عسى ماشر طال عمرك,, طلال :سلامتك مافيه شيئ بس عندي شغل ضروري برا المكتب يلا نلتقي بكره,أخذ الأوراق المهمه والجوال وطلع برا الشركة وتفكيره كله في البنت .
الهنوف وفيصل وأبوسالم وأم سالم في الصالة الكبيرة يتقهوون ,الهنوف ها خالتي انشاءالله عجبتك الكيكة ,
ام سالم اكيد دام حبيبتي مسويتها اكيد بتعجبني كل شيئ منك حلو
فيصل:ذوقونا من اللي صارلكم سنة تمدحونها
الهنوف :تفضل يابعد عمري
فيصل: اكليني
الهنوف:طنشتة,,عمي ماأكلت كيكتي ما اعجبتك !!
ابو سالم:انتي ورجلس تعرفون وشو يعجبني .........؟المال والبنون زينة الحياة الدنيا
الهنوف وهي كاتمتها العبرة انا استئذن ...فتح باب المصعد طلعو منه سالم ووصايف
وصايف:هلا الهنوف عمي وعمتي في الصالة ,,ما أقدرت الهنوف تتمالك نفسها أنفجرت بالبكي وكملت طريقها ,,,,,,,,,,,
سالم :شفيها هاذي
وصايف:مدري علمي علمك خلنا ندخل الصالة يمكن نعرف
فيصل:يبه مالة داعي كل ماتشوف الهنوف تلمح لها عن موظوع العيال انا اللي ماأبي عيال في هاالوقت تو الناس
بو سالم :انا مدري انت كيف تفكر العيال هم سندكم في الحياة انا ما ابيك لكبرت تتندم على السنين اللي عشتها بدون عيال........ .سالم وصايف:السلام عليكم
الكل :وعليكم السلام ورحمة الله وبركاته
سالم:خير وش فيها الهنوف تبكي
بوسالم :يعني انت ماتعرف دلع الحريم
فيصل :انا استئذن
ام سالم :كنكم طالعين
سالم :ايوا عندنا موعد في المستشفى
بوسالم:الله يسهل عليكم يلا يبه شوي شوي مانبي نخسرة مثل ماخسرنا اللي قبله
سالم ان شاء الله يبه ,,يلامع السلامة
الكل: مع السلامه,,,,,,,,,طبعآسالم ابوسعود وكان ععنده ولد وبنت بس توفو بمرض القلب بسم الله عليناوعليكم .......غير الجنين اللي اجهضتة..واللحين هي في الشهر الخامس.
دخلت ام عبد العزيز جناح طلال .....طق طق طق .........لا رد.......
دخلت الغرفة ما شافت أحد وغرفة الملابس بعد ما شافت أحد ..يابنت ..يابنت..لا رد يا ربي وين تكون راحت حتى في الحمام ماهي موجودة ياالله..............
البنت وين أختفت.....طلال يتوهم الشبهه ولا هي فعلآتشبهه حبيبتة ......شيصير للهنوف ترغبو ذلك واكثر في البارت القادم تقبلو تحياتي .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-08-2010, 05:40 PM
صورة ζϻوحےـشني صےــؤتكے« الرمزية
ζϻوحےـشني صےــؤتكے« ζϻوحےـشني صےــؤتكے« غير متصل
©؛°¨غرامي مشارك¨°؛©
 
الافتراضي رد: عشرة حياتي اليوم ماضيها / الكاتبة : الأرستقراطية


البـــــــــــــارـــــت الثانـــــــي :
أم عبد العزيز تصارخ وتنادي .....نوير نوير بو عبدالعزيز بوعبدالعزيز........
طلال دخل البيت..السلام عليكم
بوعبدالعزيز:وعليكم السلام .....طلال: وش فيها أمي تنادي
بوعبدالعزيز:ما ادري !! طلال بروح أشوفها.....
طلال:خير يمة وشفيك
ام عبدالعزيز:طلال متى جيت ..!!طلال:انا توني جيت على صراخك ..الأم : انت شفت البنت انا دورتها باالجناح مالقيتها
طلال:يمة شنو تقولين شلون ما شفتيها
الأم:ماادري ياولدي اناتركتهاالظهرنايمة ..بس اللحين دخلت ماشفتها .
طلال :طيب يمة انا بشوف وينها ..........
دخل طلال الجناح قام يدورويدور لماوصل غريب البلكونة سمع صوت انين وبكاء بصوت منخفض جدآ مصدرة البلكونة دخل وشاف البنت جالسة في الزاوية متكورة على نفسها واضعه رأسها على ركبتيها ويديهاحولي رجليها وتبكي أقترب منها ومسح بيدية على رأسها ..رفعة رأسها بخوف عيونها التقت بعيون طلال.. هو في نفسة مومعقول حتى العيون نظرتها,دمعتها,خوفها والله لوما دفنتها بيدي كان قلت هي هي هي .....البنت رجعت تبكي .........
طلال :لا لا لاتبكي لاتخافي اناجنبك قومي معي
البنت بصوت كلوبكي وين ؟
طلال: عاجبك الجو البارد خليناندخل في الدفئ
دخلواالغرفة ووشافوالأم داخلة من الباب البنت أول ماشافت الأم رمت بنفسهافي حضنها الأم ضمتها و بدت تبكي الأم :شفيكي وين كنتي دورتك من شوي وماشفتك ,,البنت يزدادبكائها الأم :بنتي يعورك شيئ ,,البنت :خايفة
طلال:ماعاش الخوف مسكها من يدها وجلسها على الكرسي
الأم:نوير جيبي مويا,,,,,, نوير:طلال ثلاجتك فيها مويا
طلال:أكيد فيها سؤالك غبي مررررررره,,,,,, نوير:وهي تفتح الثلاجة يعني قلتة من باب الأستئذان..
بعد ماأشربت البنت المويا الأم تسئلها يابنتي ماقلتيلي عن اسمك ،،البنت :ماادري حاولت اتذكر بس مني قادرةكل اللي ذكرتة اني أول ماصحيت سمعة نباح كلب ولما فتحت عيوني شفته من بعيد وهويقترب مني وانا في هاالبر بروحي مافية غيري وبعض الملابس واغراظ منثرة في كل مكان ناديت واستنجدت بس بدون فايدة والكلب كل ماله يقترب مني اكثر مالقيت حل الا الهروب,,طلال :خلاص ارتاحي لا تعبي نفسك اكثر من كذا
الأم :انا من اليوم امك اللي تحتاجينة لا تترددين في طلبة وكلنا اللي في ها البيت أهلك ما أبيك تحسين باالغربة أبد
البنت: مشكورة ياأمي
نوير:طيب لازم يكون لها أسم نناديها بة
طلال أسمها عبير وبعد المغرب أبيكي توديها السوق وما أبغى ينقصها شيئ ابد
نوير أستغربة رد ة فعل طلال بس ماحطتها ببالها اهم ماعندهااللحين انها بتروح السوق .
في مكان ثاني بعيد شوي عن الخبر ........في النعيرية ,,,وضحى في الحوش تبكي وينتس يابنتي وين ارضس وشو سوالس هالظالم وين وداس لو اسمع صوتس بس يرتاح بالي
دخل بو ضاحي البيت يامرأة حطي غداس لاتعوقي
وضحى:احطلك غداك وعطيك عيوني وروحي بس قلي وين وديت بنتي ؟
بو ضاحي وهو ماسك جدايلها بقوة :غداي غصبآ عنس بتحطينه واذا جبتي طاري الفاجرة بنتس أبدفنس معها ..فهمتي ..
وضحى حسبي الله على الظالم ..حسبي الله عاى اللي ترسو راسك وافترو على بنتي ..اشوفها فيس ان شاء الله وفي بناتس يا غزيل .........
غزيل تكون زوجة بو ضاحي الثانية .في بيت غزيل .......
نجلاء:تتوقعين أبوي وشو سوى بالجازي
عفراء:تلاقية ضربها وحبسها ... كمن يوم بعدين ترجع لنا تنكد علينا بنصايحها اللي ماتخلص
نجلاء :بس حرام ماتستاهل ليتنا قايلين الحقيقة لأبوي
عفراء :انتي مجنونة تبينة يذبحني !!
نجلاء:يعني هو ذبحها !!!!
عفراء :لا,طبعآ لأنها وحيدة أمها بيغسو عليها كمآ يوم ثم بيحن عليها ,أما حنا خمس بنات لو ذبح وحدة مننا عادي عنده حلال . نجلاء :طيب انتي شنو بتسوين مع طارق
عفراء :أمي قالت لي اكلمة واطلب منة يتقدم لي قبل ماتنكشف السالفة
نجلاء:وأنتي كلمتية
عفراء:موبايلة خارج التغطية يمكن يكون في طريق الرياض بدق علية بعد شوي .
نرجع للخبر ,,,نوير وهاذي غرفتنا انا وانتي عجبتك
عبير: مره حلوةو بيتكم كبيير وروعة وخا صتآ المصعد احس كني بطير
نوير :ههههههههههههه بتطيرين بعدك ماشفتي شيئ ,,تعالي نطير على قولك للدور الخامس
عبير:فوق فوق لا ماابي اخاف
نوير:لاتخافين تمسكي فيني هههههههههه
وهم في المصعد عبير مغمضة عيونها ومتمسكة بنوير ..ماوصلنا ::..
نوير: افتحي عيونك , كأنك ذبيحة بتنساق لذباحها كلها طلعت مصعد وانتي شوي وتموتي علينا
عبير :حرام عليكي والله يخوف احس الدنيا كلها تدور
نوير:طيب تعالي أعرفك بعيال أخوي محمد.......
الجوهرة تكلم تلفون :اذاانا للحين ماشفتها تبيني ..أوصفها هههههههه ,حتى محمد لسى ما شافها ....ترن ترن تنتنتنتنت الجرس ..الجوهرة :ريوف افتحي الباب
ريوف طيب ........نوير :مرحبآ وين أمك
ريوف :اهلين أمي تكلم جدتي أم عماد تلفون
نوير تسحب عبير وتدخل :السلام عليكم
الجوهرة :فتحة فمها وجهها صار يعطي الوان من التعجب والحيرة والخوف على طول سكرت السماعة حتى من غير ماتودع أمها ..انتي.. قاطعتها نوير أي هذي عبير اللي جابوها طلال وضرار معهم من البر حنا بندخل غرفة أريج عن أذنك ..الجوهرة تفضلو ..وفي نفسها معقولة فية كذا شبهة خلني أعلم سارة ..
أريج صافة ملابسها على السرير ياربي شنواللبس ؟طق طق طق ...........أريج ادخلي ....فتحة عيونها بقوة نوير
نوير :اذا ماتبيني اطلع ترى عادي
أريج هههههههههشدعوة انتي الداخلة وحنا الطالعين طال عمرك
نوير ايوا كذا الأستقبال أعرفكم على عمتكم الجديدة
أريج وريوف عمتنا !!!!!!!!!
نوير نعم نعم عمتكم عبير
عبير من دخلت وهي خايفة ومشبكة ايديهابقوة
أريج:عبير انتي لية خايفة ترى حنا مخلوقات اليفة مانعض
عبير :هههه لا مو خايفة بس مابعد اتعود على الجو الجديد ,,احس كأني توي مولودة
أريج:اها اذا على كذا سلميلي نفسك ساعتين وبخليكي كأنك عايشة معنا من الف سنة ,عبير أرتاحة من عفوية البنات كانت خايفة انهم مايتقبلوها ..
نوير:ماني مجنونة اسلمها لك ونجمع زيادة دلوخ في العايلة
أريج :حرام عليك عمتي يعني انا دلخة
نوير :لا,طبعآ أمزح معك انتي الغلا كلة
أريج :احم..احم دام كذا اناعزمتكم على العشاء في الشيرتون
نوير:واناا قول لية مابقى ملابس الا وعارضتها
أريج:محتارة شنو اللبس
نوير :ليه تحتاري انتي طول الوقت باالعباية اللبسي بنطلون جينز وتيشرت ..معرض الملابس اللي مسويتة مال امة داعي ,,وبعدين انا أبغاكي انتي والعنود تروحوا معنا السوق ونغضي لعبيراللوازم المهمة ..
أريج :مو مشكلة انتي وين بتودينا
نوير :مجمع الظهران
أريج:لا, نروح المارينا لأنوغريب من الشيرتون ,نشتري الأشياء المهمه ويوم السبت نروح الظهران ونفلها
نوير :امممم فكرة حلوة انا بكلم العنود تتجهز وانتي كلمي راجو يجهز السيارة اوكي
أريج :اوكي
في بيت بو خالد..مريم ومنيرة يسولفون ,,,,,,,منيرة:طيب كيف كان موقف أمي وأبوي ؟؟
مريم:ماادري يوم أنزل الضحى واضح على خالتي انها ماتعرف شيئ ,بس اسئلتني اذاعبدالعزيز بيتغدىمعنا في بيت ابوي ولا لا وقالتلي اسلم عليكم, والوضع جدآطبيعي واناماحبيت ان الخبر يطلع مني ..
ترنترنترنترن منيرة رفعة السماعة :ألو
نوير:ماأقدر انا على صاحبت احلى ألو في الشرقية
منيرة:هلا والله باللي ناسين ان لهم أخت كبيرة ,تسمع أخبارهم من برا
نوير:آه ياأختي الموظوع مو عادي ،وراة قرقوش اخاف لنشرت الخبر براالبيت, ينشر لكم خبر موتي ..تعرفون من أمي اسلم لي ولكم انتم بعد
منيرة :نوير ماأسرع ماتلاقين تصاريف وحجج ,واللحين وش عندك داقة علينا ..نوير:ابغى استلف البنات اللي عندكم نبقى نروح السوق نغضي لعبير
منيرة :هي اسمها عبير علشان كذا طلال مهتم فيها
نوير:لأ ،أبشرك هو اللي مختارالأسم ولا هي ماتتذكر شيئ
منيرة :لا ,شكل الموظوع خطير انا بجي لأمي وأفهم منها السالفة
نوير :يكون احسن يلا بس كلمي البنات اللحين بنمرهم ..سلام :
أماني تكلم أريج طيب والعشاء ..أريج :ماراح نتأخر بنشتري أشياء بسيطة وبعدها نروح للشيرتون يلا انزلي ترى نمشي عنك ..أماني :ياربي على قراراتك السريعة والمفاجئة.. يلا بس انزل ليسوها فيني وماالاقي من يوديني
في السيارة نوير:راجو ادخل فيلا عمي بو خالد
راجو:تيب ماما
عبير :نوير شوفي مثل بيتكم
نوير واريج هههههههههههه
أماني ركبت السيارة ضحكونا معكم
نوير:انتي سلمي بالأول و بعدين أهرجي
أماني:تكلم عبير مين انتي ؟
عبير:انا عبير والتفتت على نورة
نوير:شغلة شريط قصة عبير
في بيت بو سالم ......................
الهنوف تغلب في صفحات مجلة اللأطفال وهي تبكي ..دخل عليها فيصل ..حبيبتي الحلوة زعلانة؟؟
الهنوف:لا ماني زعلانة
فيصل:معقولة حبيبتي لليوم ماتعودتي على مزح أبوي وتلميحاتة ,,تراه والله طيب ويحبك كثير ,,
الهنوف ......ساكتة
فيصل:تذكرين الساعة الألماس اللي جنيتي عليها ذاك الأسبوع
الهنوف :بفرح بتشتريها لي
فيصل:لية لا... من عندي أغلى منك
الهنوف :وقفة وباستة على جبينة تسلم لي ياأغلى أنسان في الدنيا ...فيصل :شكلي بهون
الهنوف:لية
فيصل :أولآالبوسة غلط المفروض تكون هنا وأشر على شفايفة
ثانيا خمس دقيق وانتي جاهزة ولا يمكن أغير رايي
الهنوف :هاذي البوسة,,,,,,,,,,ودقيقتين وأنا بالسيارة.
في بيت الخالة أم عماد ,,منال في الصالة تتصفح النت دخلت عليها ام عماد ,ام عماد :مساء الخير
منال :هلا خالتي مساء النور
ام عماد: وين مهند وهشام
منال :في صالة البلياردو مع ربوعهم.
ام عماد:الله يوفقهم ،انتي كلمتي أمك اليوم
منال :لأ ,اتصلت مرتين مرة يعطي مشغول ومرة مافي رد
ام عماد:انا كلمت الجوهرة وقالت لي عن سالفة أخوانك
منال :أي سالفة ,,وحكت أم عماد كل اللي قالتة الجوهرة
ام عماد :وبعدها غفلت الخط من غير ماتودعني مدري وش صاير
منال :معقول كل هذا يصير في بيتنا وانا ماعندي خبر ,,,,,
شرايك ياخالتي نروح لهم اكيد الوضع عنهم مخلبط
ام عماد :ياريت يابنتي انا ودي اتطمن على أمك
منال :خلاص أوكي بكلم السايق يودينا
ام عماد :الله يعطيكي العافية ويطمن قلبك .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-08-2010, 05:45 PM
صورة ζϻوحےـشني صےــؤتكے« الرمزية
ζϻوحےـشني صےــؤتكے« ζϻوحےـشني صےــؤتكے« غير متصل
©؛°¨غرامي مشارك¨°؛©
 
الافتراضي رد: عشرة حياتي اليوم ماضيها / الكاتبة : الأرستقراطية


في المارينا أماني شوفي هاذي التنورة تجنن ,عبير :روعة بس مرةقصيرة أماني اللحقي يا أريج صار عندنا مطوع كوول ثانية الكل ههههههههههههه عبير كيف يعني العنود :ماعليكي من ها الثنتين اذا تطاوعينهم بتستجنين .
عبير :طيب من الأولى أنتي
العنود:هههههههههه , لأ هذي تكون عائشة بنت عمتي منيرة بكره بعرفك عليها .
نوير:يكفي اليوم أربع أطقم, خلونا نخلص بسرعة من الجزم والشنط ،وبعدها نروح نتعشى .
العنود :اوكي اذا مستعجلين كذا خلونا نتقسم اماني وأريج أنتو اشترو العطور واستشوارو ميك أب وباقي عدة الكشخة واناونوير وعبير نشوف الشنط والجزم اوكي
البنات :اوكي ,,,,,,,,,,,في محل العطور أماني :شرايك في هذي الريحة
أريج: جنان بس خلاص لا تا خذيها اللي اشتريناه يكفي
أماني :بس أخذنا عشرين قرشة
أريج: الليي يسمعك يقول جهاز عروس اللي اشتريناة يكفي وزيادة
أماني :مين قالك انو لعبير وبس احنا معها بنفس البيت ولنا نصيب الأسد من كل شيئ
أريج :اها اشوفك مجتهدة وبتاخذين نص المحل
اماني: اكيد طبعآأجل دوارة في السوق على الفاضي لا زم ناخذ الثمن
أريج:ههههههههه الله يرجك ياشيخة ويعين هاالمسكينة عليكي
جيت قبل العطر يبرد..قبل حتى يذوب في صمت الكلام...
أريج :هلا والله بصاحبت اعذب وارق الو في الشرقية
غصون:اموت انا لا ماقدر على الروقان ,,صار لي ساعة أدور عليكم انتو وين
أريج :ضربة بيدها على جبينها ,,يا الله نسيت أقولك
غصون :خير وشفيكي بعد
أريج:انا وأماني في المارينا بس عشر دقايق ونكون عندك
غصون :خياااااااااااانة لية ماقلتولي
أريج:والله ظرف طارئ بس نلتقي احكيلك ..يلا باي
غصون :اذا حجتك ماهي قوية بزعل عليكي نلتقي بعد عشر دقايق ,باي .
خلصو البنات لف وتغضي وأتجهو للشيرتون للراحة والعشاء.
وصلو أم عماد ومنال لبيت بو عبدالعزيز في الصالة كانت جالسة أم عبد العزيز ومريم ومنيرة وسارةوالجوهره ,دخلو منال وام عمادالسلام عليكم ,,,,,,,
الجميع وعليكم السلام ......طبعا كلهم أجتمعو يبغو يعرفو القصة بتفاصيلها ...
سارة خالتي صحيح اللي يقولوة انو البنت تشبة عبير الله يرحمها
ام عبد العزيز:آه يابنتي مو بس شبهه كأنها هي الخالق الناطق
سارة:ابي أشوفها حمستيني وشوقتيني لشوفها
أم عبد العزيز :أن شاء الله تلحقو تشوفها
أم عماد:لية وين هي
أم عبد العزيز :أخذتها نوير للسوق ,وبعدها بيروحو مدري وين يتعشو ,ونوير مستحيل ترجع البيت بدري .
وتمو الحريم يسولفو ويهكو ويمكو .
الهنوف وفيصل في اللوبي عند المسبح يشربو كافي .......
.فيصل:حبيبتي لا تزعلي ولا تفكري كثير ياما ناس الله ما رزقهم بعيال وعايشين مبسوطين الحب هو اللي يربطنا ببعض مو العيال
الهنوف :بس عمي مو عاجبة الوضع أخاف يجبرك تتزوج ثانية وتجيب لك عيال
فيصل:لا ياعمري حياتي انا اللي اقرركيف اعيشها مو ابوي
الهنوف :احلف انك ماتتركني وتتخلى عني مهما صار
فيصل:انهبلتي انتي !!كيف أعيش بدونك !وراسك الغالية مايفرقنا الا الموت ,حتى ان متنا بوصي انو تكون قبورنا جمب بعضها ،،يلا فرديها وانبسطي .
غصون:بم بم بم ...طحنا عليهم ,,شنو تسوون
فيصل :بسم الله ,منين طلعتي
غصون :من ألأبريق المكسور اطلب واتمنى هاههاهاهاهها
فيصل:أتمنى انو حبيبتي تثق في حبي لها وانو...
غصون :حيلك حيلك بالأول قول أتفضلي ,شنو تشربين ؟؟بعدين اتمنى
الهنوف :ههههههههههههههه اتفضلي استريحي
غصون :ايو كذا الناس اللي عندهم ذووق
فيصل :انتي من معه جاية
غصون:متواعدة مع أريج وأماني ,,اكشتو فيني وراحو يتسوقو
الهنوف:مين هاذي اللي مع نوير؟؟فيصل وغصون التفتو ورائهم
غصون :ما أدري ؟اول مرة اأشوفها
فيصل كملت والله غصون ونوير ,الله يستر
نويروعبير:السلام عليكم
الباقي :وعليكم السلام ,,الهنوف :ماعرفتينا
نوير:بكرة أعرفكم على بعض ,وانتي غصونو الدبة خلي العرسان براحتهم وخلينا ندخل على البوفية البنات ينتضروننا
فيصل :لو مالعيب كان حبيت راسك ياملكة الذوق
نوير :احم احم ومين قال انو عيب ,حرام لاتخليها في نفسك ,ياصهري العزيز .
الهنوف:اقول خذي ربعك وفارقينا قبل ما اتوطا في بطنك
البنات :هههههههه مشو وهم يغنو جرب نار الغيرة جرب واوصفلي .
فيصل :حبيبتي شبهتي على البنت
الهنوف:ملامحها ماهي غريبة
فيصل :فيها من عمتي شيخة كثيير
الهنوف:صدقت بس وشرايك نتعشى وتترك عنك التشبيهات
فيصل :ههههههههههههه حبيبتي تغار .
مر الوققت بسرعه على السهرانين صارت الساعة ..,2 بالليل
عبير اهاه احس بدوخة
نوير :لا لأ ارجوكي لا تخلي طلال يطين عيشتي تحبي تروحي البيت
عبير :ياليت
دخلو عبير ونوير الفيلا وأول ماافتحو باب الصالة الا وطلال في وجههم ......
نوير:بسم الله ..طلال؟!
طلال:كان نمتو برا مو احسن...أنا قلتلك وديها معك أشتري لها ملابس ,,مو تصيعي انتي وياها للأخر الليل
نوير وعبير منزلين روؤسهم ,وشوي وتنفجر عبير بالبكي
طلال في نفسو لأ,ماأقدر أشوف دموعك أحس اني أتقطع ...غمض عيونو بقوة,, يلا بسرعة انتي وياها على فوق.
في غرفة نوير ,,,,,,,,,نوير:أنتي لا تصيري حساسة كذا ,,لازم تتعودي على الهواش والتهزيئ في هذا البيت ........
أحسن طريقة أنك تطنشي وتبيني أنك قوية ولا ترى بيستغلونك . عبير:بس انا احس انو طلال تغير كأنو شخص ثاني ماأعرفة ..
نوير: لا ياعمري هذاطلال وهذي شخصيتة مرات ولا كأنو موجود في الدنيا ومرات يطين عيشتك على أقل تصرف مايعجبة ,مثل اللي حصل من شوي ..
عبير:لأ,انتي لو شايفتة كيف كان يعاملني بحنان..وكيف كان يضمني ..كيف كان يشوفني بعيونة ..كان أستغربتي تعاملة معنا من شوي !!.
نوير:حيلك حيلك بالهون علي شوي ,متى صار كل هذا..طلال طلال عاد..أخاف تتحلمي.
عبير:لأ,لأ,ماأحلم...........البارحة لما اصطدمت بة ضمني لصدرة بقوة ,وبعد ماسمعت طلق النار على الكلب ارتعشت زيادة ماحسيت الا بأيدية تمسح على راسيوكان يسمي علي ويقرأقرآن ...بعدها مددني على الأرض وحضني لصدرة وصار يبكي ويتمتم بكلام و مافهمتة .........
نوير :وهي منسجمة وبعدين كملي
عبير:كان يقول مستحيل أخلي الموت ياخذك مني مرررة ثانية .....انا ما صدقت انك رجعتي بدمك ولحمك مو مثل كل مره تجيي في الأحلام والخيال .أرجوكي لا تروحي وتتركيني
قومي يلا قومي اللمسيني كلميني حسسيني أنك رجعتي لي آه آه آه صمتك بيذبحني .......
بعدها سمعت صوت رجال ثاني ..يقولة..قوم ياطلال مايصير اللي انت تسوية بنفسك وفي هاالبنت ..هاذي مو عبير ..عبير الله يرحمها ماتت وأنت دفنتها بيديك ...لا تهرب من الواقع حكم عقلك هاذي مجرد شبيهه ..عبيرلو كانت عيشة للحين ما راح تكون بنفس العمروبنفس الملامح من عشر سنين لليوم ,لا تظلم البنت معك ..تعوذ من الشيطان وخلنا نرجع للخبر يدوب نوصل على شروق الشمس.
طلال: بس انا مستحيل أتركها هنا ,,بناخذها معنا
الرجال :طيب ناخذها معنا بس انت اللي تتحمل مسؤليتها
طلال:يلا سرينا ,,وشالني بكل حنية وجلسني في السيارة ومسند راسي على صدرة وماابتعد عني ولا لحظة
توير:وبعدين كملي لا تتوقفين
عبير:بعد فترة همس في أذني حبيبتي سامحيني ادري ماتحبي الغطاء بس بنمر بنقطة تفتيش ولا زم أغطيكي ,,
نوير:كل هذا حصل بينك وبين طلال أخوي ,,,لأ ما أصدق طلال وين وحركات الرومانسية اللي تقولي عليها وين ,,,وغير كذا اناماأذكر أبد انوحب بحياتة ,حيتة جافة كلها بزنس وبس وعمرة ماقال كلمة حلوة حتىلو باالغلط كل يهاوش او ساكت. حبيبتي أنتي يمكن أختلطت عندك الماقف والأمور ,يمكن اللي تقولية فعلآحصل بس بينك وبين شخص من أهلك الحقيقين ,,وخاصة انك ما فتحتي عيونك وشفتي الشخص اللي تتكلمي عنو
عبير:طيب والصوت
نوير:يمكن لأنو طلال هو أول شخص كلمك بعدماصحيتي وتشابكت عندك الأمور
عبير:انتي شايفة كذا
نوير:اكيدوعلى العموم انتي اللحين كثير تعبانه نامي وأرتاحي وبكرة نشوف الموظوع .
عبير أول ماحطت راسها على الوسادة نامت على طول ,,أمانوير الأفكار توديها وتجيبها ........معقول يكون كلام عبير صحيح ولا هذا من تأثير الصدمة بفقدانها للذاكرتها ....طيب طلال لية مهتم فيها عمرة ما سهر لهذا الوقت على شان يحاسبني على التأخير ،،عمرة ماأهتم في أي بنت ,,ليه هو اللي أختار هالأسم ,,,,,,,,ياربي تعبت من التفكير أحسن شيئأترك الموظوع للزمن و لما تبتدي المدارس أسئل دكتوري اللي بالجامعة أكيد بيفيدني في حالت عبير ..آه وينك ياالنوم.
نوير طالبة في جامعة الملك فيصل تخصص طب نفسي.
يتبع.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-08-2010, 05:46 PM
صورة ζϻوحےـشني صےــؤتكے« الرمزية
ζϻوحےـشني صےــؤتكے« ζϻوحےـشني صےــؤتكے« غير متصل
©؛°¨غرامي مشارك¨°؛©
 
الافتراضي رد: عشرة حياتي اليوم ماضيها / الكاتبة : الأرستقراطية


يالله بكره ان شاء الله رح انزل البارت الثالث والرابع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 03-08-2010, 03:44 PM
صورة ζϻوحےـشني صےــؤتكے« الرمزية
ζϻوحےـشني صےــؤتكے« ζϻوحےـشني صےــؤتكے« غير متصل
©؛°¨غرامي مشارك¨°؛©
 
الافتراضي رد: عشرة حياتي اليوم ماضيها / الكاتبة : الأرستقراطية


مع جبتكم الرواية
ياليت الكل يدخل ويقرها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 05-08-2010, 03:15 PM
صورة سيدة سن توب . الرمزية
سيدة سن توب . سيدة سن توب . غير متصل
©؛°¨غرامي مشارك¨°؛©
 
الافتراضي رد: عشرة حياتي اليوم ماضيها / الكاتبة : الأرستقراطية


بالعككككككككككسسسس مرررررررره حلوووه ورهيييبه بس عشانك لسى في البدايه تحسي مافي حماس بس صدقيني بنات غرام ماراح يخيبو ضنك ^ـ^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 09-08-2010, 01:36 AM
صورة ζϻوحےـشني صےــؤتكے« الرمزية
ζϻوحےـشني صےــؤتكے« ζϻوحےـشني صےــؤتكے« غير متصل
©؛°¨غرامي مشارك¨°؛©
 
الافتراضي رد: عشرة حياتي اليوم ماضيها / الكاتبة : الأرستقراطية


اقتباس:
بالعككككككككككسسسس مرررررررره حلوووه ورهيييبه بس عشانك لسى في البدايه تحسي مافي حماس بس صدقيني بنات غرام ماراح يخيبو ضنك ^ـ^
يسلمووو ع المرور اسعدني تواجدك

الرد باقتباس
إضافة رد

عشرة حياتي اليوم ماضيها / الكاتبة : الأرستقراطية ؛كاملة

الوسوم
ماضيها , الأرستقراطية , اليوم , بقلمي , خيالية , حياتي , رومانسية , رواية , سعودية , عشرة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنت تدري البنت لا عشقت وش ممكن يصير / بقلمي ، كاملة راما الدلوعه روايات كامله - يتم نقل الرواية هنا بعد اكتمالها 4859 18-11-2019 06:22 AM
قصة دنيا الوله / كاملة &عبيــــــــــر& روايات كامله - يتم نقل الرواية هنا بعد اكتمالها 200 26-04-2016 05:16 AM
برد و جفا و نسمة هوى / كاملة دموع يتيمة روايات كامله - يتم نقل الرواية هنا بعد اكتمالها 89 16-03-2011 01:45 PM
تجديد / رابطة مشجعي نادي القرن الآسيوي..هنا هيووفه الهلاليه كووره عربية 1999 30-09-2010 01:00 AM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM

الساعة الآن +3: 06:30 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1