rmad.ro7 ©؛°¨غرامي مشارك¨°؛©

المشاركة الأساسية كتبها كااافي لاقاالواا كوويتيه اقتباس :
ويينج تأخرتي :(

كآني هني ....

لبى قلبك نورتي / حيآك

rmad.ro7 ©؛°¨غرامي مشارك¨°؛©

المشاركة الأساسية كتبها رغما عنهم اقتباس :
لا حرااام عليك خيتو والله رويتك تجنن


ياقلبي انتي وجودك اللي يجنن
حياكي

rmad.ro7 ©؛°¨غرامي مشارك¨°؛©

المشاركة الأساسية كتبها صدى صووت اقتباس :
ويييييييييييينك طولتي علينا ليه ماكملتيها؟؟

ماراح اطول اكثر / تابعيني
حياك

rmad.ro7 ©؛°¨غرامي مشارك¨°؛©

بديت اكمل فيها اليوم / ان شاء الله انزل لكم بارت باقرب وقت

rmad.ro7 ©؛°¨غرامي مشارك¨°؛©


طلعت الهنوف عند خواتها تركض بعد ماراحت امها لـ السياره !

هنادي / خير خير وش جآك !

الهنوف / اقول اطلعي من حياتي انتي الحين .. هيفا هيفااا هيفاااا

هيفا / هممممممممم

الهنوف / قومي الله يلعنك قومي

هنادي / هيه انتي وش فيك !

الهنوف / ام بندر برا تقول اجهزوا عشان العزاء والاخت نايمه ولا همها !

رهف / وانتي ليه متوتره ..!

الهنوف / يحق لي دام بندر برا و انتم للحين ماجهزتوا اللي نايم واللي فاهي .. يبي لكم وقت على ماتخلصون

رهف / وانتي؟

الهنوف / وش فيني؟

رهف / ماراح تجين معنا؟

الهنوف / هاه لا انا توني راجعه و تعبانه أبي أنام ... اذا قمت رحت لهم

رهف و هنادي يطالعون بعض ويطالعون الهنوف !

الهنوف ارتبكت من نظراتهم / اقول انا وصلت حدي بنام استعجلوا عشان امي .. يلآ باي

طللعت وسكرت الباب بقوه عشان تزعج هيفاء اللي نايمه ولا حست باحد حولها !

هنادي / الله يستر منها شكلها مهببه

رهف / لا وين عند ميرال ! ماهي غبيه عشان تفضح نفسها !

هنادي / والله مدري عنها البنت مو طبيعيه وبس

هيفاء رفعت راسها و فاتحه عين / وجلستكم الاستنتاجيه ما حلت لكم الا فوق راسي

هنادي / اقول قومي تجهزي كافي عليك نوم ما صارت كم لك من ساعه ميته ؟

هيفاء / خوذي اختك واطلعوا بر ا ابي انام

هنادي / يالهبلا قومي بسرعه يا ويلك من ام بندر والله ان تجيك وتفزعك وانتي عارفه طريقتها مايحتاج اعلمك

هيفاء تتمغط / ا ا ا ا ه يا زين النوم بس .. ربنا يجازيكم دايم منكدين علي راحتي

هنادي / ايه قومي انتي اخلصي علينا بس .. امحق عروس والله

هيفاء / قمت خلاص اطلعوا باخذ دش سريع و اجيكم !

هنادي / أطلع لك ملابسك؟

هيفاء طالعتها بطرف عين / شايفتني بزر قدامك ولا محروله مثلا؟

هنادي مسكت ضحكتها / يلا رهف تعالي نشوف وش تلبسين بعد انتي

رهف / لا لا لا .. انا عن نفسي ماني رايحه لا عندي رجل ابي اشوفه ولا ام رجل اتميلح عندها بجلس مع الهنوف

هيفاء عطتها نظره وقامت للحمام

هنادي / براحتك انا بروح اجهز بعد قبل تخلص اختك و تطيح براسي

طلعت هنادي و لحقتها رهف

في بيت ابو رياض ما كان الوضع يختلف كثير عند خلود اللي دخلت ميرال تحت الدش وتركتها طالعه بعد ما فتحت عليها الماي .. جهزت لها ملابسها وضلت تنتظرها اكثر من نص ساعه بعدها حست بتاخر ميرال و رجعت لها حصلتها مثل ماهي على وضعها ما تغيرت .. منهاره حاضنه حالها وترجف ..

خلود / لا حول ولا قوة الا بالله .. ياقلبي هدي حالك ما صار الا الخير

ميرال زاد بكاها / . . . . . . . . . . . . . . . . . . . . . . . . .

رفعتها وطالعت وجهها / ميرال طالعي فيني

ميرال / . . . . . . . . . . . . . . . . . . . . . . . . .

خلود / حبيبتي خلاص والله مافيه شي يخوف هدي نفسك مايصير اللي تسوينه لا تنسين انك حامل ولازم تدارين حالك اكثر

ميرال ضمتها وبكت / بس انا خايفه عليه كثير

خلود / كلنا خايفين عليه ونبيه يرجع احسن من قبل عشان كذا خليك قويه لانك اكثر وحده ممكن تاثر عليه وتخليه يتحسن

ميرال / ان شاء الله بحاول

خلود / مافيها بحاول لازم تكونين قويه .. وبعدين وخري عني بللتي ملابسي كلها مويه شوفي

ميرال طالعتها ومسكت ضحكتها / دوووووووووووووووبا

خلود / ياقلبي انتي .. يلا حبيبتي تحممي ع السريع عشان ننزل سوا .. جهزت لك لبسك وراح انتظرك برا

ميرال / اوكي .. دقايق بس

طلعت خلود تنتظر برا . . نزلت ميرال في البانيو وبدت تفكر بحالها مع طلال والله صار الايام اللي راحت . . كيف ممكن تكون حياتها لقدام بعد ماتبعد عن اهلها و بوجود بيبي معها . . بعد ربع ساعه قطع حبل افكارها خلود وهي تطق الباب !


طق طق .. طق طق !!


خلود / يلا استعجلي .. امي دقت علي تقول جاتهم ام بندر لازم ننزل بسرعه

ميرال / خلاص اوكي جايه جايه

نشفت جسمها ولبست روبها طالعه . . كانت قدامها خلود جالسه على السرير تنتظر ! . . تجاهلت وجودها وبدت تستخدم كريمات الجسم الخاصه فيها
خلود / مطوله حضرتك؟

ميرال / وش عندك؟

خلود / انا ؟ ابدا ماعندي شي .. اصلا هو فيه شي لا سمح الله !

ميرال طالعتها بنظره وسكتت

خلود / يلا خذي لبسك و روحي بدلي .. قبل لا تتصل امك بعد

طالعت لبسها كان فستان اسود مقلم برمادي واسع حيل وطايح على الجسم .. مرفوع شوي من عند الخصر لاجل يتوسع اكثر وعليه حزام عريض اسود .. قصة الصدر كانت واسعه وطايحه تحتها توب اسود .. الاكمام كانت حاير فيها فتحه من اول الاكتاف لاخر زندها و بالاخر مشدوده .. لفت على شعرها شيفون اسود .. شوزها كان اسود زحف ناعم ..

طلعت وهي سرحانه كيف تنزل بالشكل هذا .. ممكن احد ينتبه لتغيرها و تنفضح !

خلود / لا تخافي مو مبين كثير .. وبعدين لا تطولين سلمي بس وارجعي غرفتكي

ميرال / شكل الفستان موضح أكثر من يخفي خليني ابدله بس !

راحت لـ غرفة الملابس وطلعت جلابيه أردنيه سودا وطرحه سودا .. لبستها بعد ما لفت على جسمها كم شال عشان ما يبين الفرق وطلعت لـ خلود !

ميرال / كذا انسب مو؟

خلود / طيب براحتك .. يلا نزلنا !

خلود كانت لابسه فستان بني هادي أكمامه جبنيز وطوله لـ نص الساق .. فتحت الصدر كانت مربعه ومزمومه .. و شوزها كان ابيض مع حجاب ابيض !

نزلوا سوا .. وقبل ما يطلعون رايحين لبيت الجده .. كانت الخدامه تحاكي ميرال !

الخدامه / مدام انتا يبي شي ؟

ميرال صرخت / لا مابي شي بس بعدي عن خلقتي

خلود / هاتي لها عصير ليمون بسرعه

الخدامه / اوكي مام

خلود / وش فيكي هدي أعصابك !

ميرال دمعت عينها / . . . . . . . . . . . . . . . .

خلود / تعالي تعالي نجلس شوي مو زين لك كثر الوقفه والمشي

ميرال ضمتها وجلست تبكي !

خلود / حبيبتي وش فيك؟ خلاص هدي

ميرال / خلود والله خايفه كثير مابي اروح لحالي خليني هنا

خلود / وين اخليك لحالك .. هذا انا معك وراح نطلع سوا ما يصير اخليك

ميرال / مابي .. اخاف اروح لهم و أنا كذا .. أبي طلال معي !

خلود / ادعي له ربي يقومه بالسلامه و أن شاء الله يرجع لنا كلنا

ميرال / أبي اشوفه الحين .. تكفيييييييييين

خلود / طيب خلينا نخلص من بيت جدتي ونطلع عنده وش رايك؟

طبعت على خدها بوسه قويه وهي تضمها اكثر .. رفعت راسها خلود وشافت الخدامه واقفه ومعها العصير ..

خلود / يلا يا حلوه امسحي دموعك واشربي عصيرك خلينا نطلع عشان نخلص بسرعه

ميرال مسحت دموعها وابتسمت / زيــــــــــــــن !


خلصوا و راحوا لـ بيت الجده اللي كان مزحووووم من الحريم و الرجال .. دخلوا مع الباب الخلفي المخصص لـ خالهم سامي وطلعوا للغرفه الوحيده فوق ! دخلت ميرال و ضلت واقفه قدام المرايه الكبيره اللي موجوده بالغرفه تفكر ! .. جت بعدها خلود اللي فتحت الشباك بسرعه بعد مارمت عبايتها وشنطتها ..

خلود / كح كح .. خبله أنتي وش فيك واقفه بالغبار كذا .. تعالي ننزل لا تنكتمي


نزلت معها بدون أي تعليق وهي منزله راسها وعيونها غرقانه بالدموع .. تعدت الصاله المزحومه بدون ماتسلم وراحت لـ زاوية الغرفه بعد مانزلت الطرحه على وجهها أكثر وطلبت من الخدامه تجيب لها لحاف تلم حالها فيه !

أسندت حالها على الجدار بعد ما لمحتها قريبه منها وتسلم على الحريم .. خلصت خلود وجلست يم بنت خالتها بإرهاق .. شوي ولفت تطالع ميرال بعد ما حست ب انتظام أنفاسها ألا وجهها اصفر و معرق من التعب .. سحبت مناديل وبدت تجفف لها من غير لا احد يحس فيها ..

خلود بهمس / ميرال .. ميرال .. حبيبتي ردي علي وش فيك ميرال !

ميرال / . . . . . . . . . . . . . . .

خلود ( لا حول وش أسوي الحين لا اقدر أقوم و أخليها ولا أطنش الموضوع .. أحسن شي اخلي ميار تجيب لنا شي يصحي أختها ! )

طلعت جوالها و ارسلت مسج لـ ميار عشان تجيها وتجيب معها عطر لـ ميرال

( هاتي أي عطر و تعالي بسرعه أنا بالغرفه )

فزت ميار من مكانها واقفه بعد ماقرت المسج

هنادي / وش فيك ؟

ميار / معك عطر؟

هنادي / هاه لحظه أشوف لك بس ليه تبينه أنتي

ميار / بسرعه تكفين ماعندي وقت بعدين اعلمك

هنادي / اوكي اوكي خلاص ابشري

مدت لها العطر و راحت ميار تركض لاختها

ميار / ياويلي اختي ! وش فيها خلود

خلود / اشششش لا احد يحس عليك مافيها شي هاتي العطر اشوف

ميار / خلينا ناخذها للمشفى شكلها تعبانه حيل

خلود " هذي اللي تبي تفضحنا بعد " / هاه أي مشفى لا لا ماتحتاج الحين تصحى مافيها الا العافيه

ميار / وش فيك انتي بعد؟

خلود / انا اللي فيني ولا انتي كل ماشفتي وحده قلتي وش فيها شكلك تعبانه شوي روحي ارتاحي

ميار تطالعها بتعجب / لا خليني عند ميرال شوفي كيف شكلها يخوف

خلود / لا تخافين مافيها شي الحين تقوم

ميار / اوكي براحتك بروح اشوف هنادي تاركتها لحالها

خلود / طيب خلاص طسي


هنادي / هاه .. وش صار معك ليه تبين العطر !

ميار / لا ابد بس خلود قالت لي عطرك حلو وتبي تستخدمه

هنادي / تتعطر بالعزاء !

ميار / هاه مدري لا ما اتوقع يمكن قصدها بعدين وتبي اسمه

هنادي / اها يمكن !

ام بندر / يلا يا ام رياض اسمحي لي استاذن تاخر الوقت .. وعظم الله اجركم مره ثانيه !

ام رياض / اجرنا و اجرك .. يمه ميار قومي وصلي خالتك ام بندر

ميار / ان شاء الله يمه

ام بندر / لا ابد ارتاحي .. مايحتاج حنا اهل بيت !

ميار / ولو يا خالتي .. حياك معي من هنا


رغما عنهم عضو موقوف من الإداره

وااااااااااااو مررررررره حلو البارت بس لاتطوليت ترى مرررره تشتت انتبهنا

حبك عذاب والم ©؛°¨غرامي مشارك¨°؛©

ووووووووووووووووووووووووووووووووووووووووووعة ..

كملي يالغلااا ..

من متآبعييينك "تقبلي مروي"

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1