عبث ~ ©؛°¨غرامي متألق ¨°؛©

# بعد المغرب:
الكل كان قاعد يتجهز لروحة المزرعه.
((بيت عبد الله))
ـــ غرفة رنا ـــ
كانت رنا قاعده تسوي شعرها إلأ يرن تليفونها.
رنا:ألو هلا.
شجون:أهلين.شالأخبار؟
رنا:تمام.إنتي شلونج؟
شجوون:بخير.المهم طلبتج.
رنا:آمري.
شجون:احنا بنروح المزرعه و غصون بتروح معانا أبيج تأخرينها على ما نوصل المزرعه و نجهز و إذا خلصنا اتصلت أنا عليج أعطيج خبر.
رنا:أوك.
شجون:باي.
رنا:بايات.
اتصلت رنا على غصون.
غصون:هلا.
رنا:أهلين.شأخبارج؟
غصون:بخير.وإنتي؟
رنا:تمام.غصون سيارتي خربانه<<طبعا كل هاذا صواريخ. تقدرين تاخذيني معاج؟
غصون:أوك.
رنا:مشكوره.
غصون:لا العفو.
رنا:باي.
غصون:بايات.
#الساعه 8:
((سيارة غصون))
اتصلت غصون على رنا.
رنا:هلا.
غصون:أهلين.أنا أنتظرج تحت.
رنا"لازم أأخرها شأسوي":بس أعدل الميك آب و أنزل لج.<<طبعا بس عشاان تأخر غصون لو لو دقايق و لا هي كانت جاهزه.
غصون:أوك أنتضرج.بس كم يبي لج يعني؟
رنا اتوهقت:ها...... خمس دقايق.
غصون:أوك.باي.
رنا:باي.
#بعد خمس دقايق:
نزلت رنا و فتحت باب سيارة غصون و دخلت.
غصون:هلا.ما صار ميك آب.
رنا كانت مجهزه العذر قبل لا تنزل:ما أدري شفيها عيني كل ما أحط الكحل تدمع.
غصون:أها.
#بعد ما وصلوا نص الطريق.
رنا" شلون أأخرها شلون؟؟":غصون وين تليفوني؟<< كانت تدري إن تليفونها بشنطتها بس عشان تأخر غصون.
غصون:ما أدري عنج.
رنا:أكيد نسيته في البيت.<< و هو معاها.
غصون:طلبتج لا تقولين نرجع عشان نجيبه.
رنا:تكفين خلينا نرجع ما أقدر أستغني عن تليفوني.
غصون بملل:أوهو إنزين.
((سيارة غصون))
ـــ قدام بيت عبد الله ـــ
طبعا رنا نزلت بشنطتها عشان و هي ترجع تطلع التليفون كأنها توها جايبته و نزلت البيت راحت غرفتها تعطرت و رجعت لغصون و في يدها التليفوون كأنه توها لاقيته.
غصون:خلاص نمشي ما نسيتي شي؟
رنا:لا ما نسيت شي.
غصون:الحمد الله.لأنه حتى لو تكونين ناسيه نفسج ما راح نرجع.
رنا:هههه لا تخافين ما نسيت شي.
إلا يرن تليفوون رنا.
رنا:هلا.
شجون:أهلين.وينكم؟
رنا:في الطريق.
شجون مستغربه شلون قدرت تأخر غصون:شلوون؟
رنا:بعد ما وصلنا نص الطريق تذكرت إني ناسيه تليفوني.
شجون:أها.المهم إذا جيتوا قبل ما تدخلون عطيني خبر.
رنا:أوك.
شجون:على فكره إحنا سويناها في غرفتنا غرفة البنات الغرفه الكبيره اللي نقعد فيها.
رنا:أوك.
شجون:باي.
رنا:بايات.
بعد ما سكرت من شجون قعدت تكتب مسج(وصلنا)).عشان إذا وصلوا ترسله لشجون.
((المزرعه))
اجتمع الكل في غرفة البنات و شغلوا البنات الشموع و جهزا كل شي.
ـــ قدام المزرعه ـــ
وصلت غصون و رنا و رسلت رنا المسج لشجون.
ـــ داخل المزرعه ـــ
ـــ الحديقه ـــ
غصون استغربت ما شافت أحد:وينهم؟!ما أشوف أحد.
رنا:تشوفينهم داخل.
ـــ داخل ـــ
دخلوا و هم ما لقوا أحد.
غصون مستغربه:وينهم وين راحوا؟!
رنا:تلاقينهم داخل.
غصون:غريبه.
رنا:امشي نروح للبنات.
ـــ غرفة البنات ـــ
دخلت رنا و غصون و كان النور مسكر.
أول ما فتحت غصون النور.
الكل:سبرايز.كل عام و إنتي بخير.
غصون كانت متفاجئه و فرحانه.
استلمها الكل ببخاخات الثلج و قعدوا البنات يلعبون.
و بشار ما شال عيونه عن غصون.
و عامر ما شال عيونه عن ريم.
و نور هم كانت طوول الوقت تطالع في ريم و هي مضايقه و منقهره.
بعد ما غنوا و لعبوا قصت غصون الكيكه و البنات وزعوا عالكل.
شجون:تفضلوا عالبوفيه.<<البوفيه كان برا في الحديقه.
ـــ بره ـــ
ـــ عند رائد:ـــ
كان رائد كل دقيقه و الثانيه يطالع في رنا.
رائد مستغرب من نفسه"ليش كل دقيقه و الثانيه قاعد أطالع فيها مو راضي أشيل عيوني عنها؟!مو أول مره أشوفها بس أول مره يصير معاي جذي ليكون........ حبيتها........أو مجرد إعجاب بس هي قبالي طوول الوقت ليش ألحين شمعنى هالوقت بالذات؟!"
جا له راكان و قطع عليه سرحانه:شقاعد تفكر فيه؟!
رائد يطنز:أفكر فيك في جمالك و حلاتك.
راكان يطنز:أدري أدري ما له داعي أدري إني ملك الحلاة.
رائد يطنز:كنت أقوول على هالجمال و هالحلاه لازم نزوجك.
راكان:طلبتك لا تصير لي أمي الثانيه ما تمدح فيني إلا تبي تفاتحني بهالموضوع.
رائد:أنا أمي من يقولون لها أحد خطب أو تزوج تقعد تطالع فيني و في رشود و تعطينا ذيج المحاضره.
راكان:عارفها عارفها ما لا داعي تسمعها لي حافظها... يلا يلا متى تتزوج يا ولدي أبي أشوف عيالك و أفرح فيك......تبي تفرح على حسابي...أنا مو ماخد إلا وحده تملك قلبي من أول نظره.
رائد:على هالحال ما راح تتزوج.
راكان:وهاذا المطلوب.
رائد:هههه.
راكان:فاضي للزواج و المسؤوليه أبي أشووف حياتي لاحقين.
ـــ عند البنات:رنا و غصون و ريم و أروى و رنيم و نور.
رنا و غصون قاعدين يسولفون و البنات راحوا ياخذون لهم حلا من البوفيه.
غصون:منو اللي ذكر عيد ميلادي و سوا كل هاذا؟
رنا:شجون.....و هي اللي طلبت مني أأخرج على ما يجهزون كل شي.
غصون:يعني تليفونج ما كنتي ناسيته؟!
رنا:لا طوول الوقت كان عندي.
غصون:نذله خليتيني أرجع عشان و لا شي.
رنا: بعد شتبيي أسوي......وعلى فكره حتى سيارتي تشتغل ما فيها شي.
غصون:بعد؟!
إلا البنات جاو.
ريم:شفيكم؟
غصون:اليوم بعد ما وصلنا نص الطريق خلتنا رنا نرجع من جديد بس عشان تليفونها كانت ناسيته و ياريته صج إلا كانت متفقه مع شجون تأخرني على ما تجهزون و ما كانت ناسيه تليفونها و لا شي.
البنات:هههه.
ريم:إنزين ليش مضايقه؟
غصون:رجعتنا عالفاضي و ما كان عندها إلا هالطريقه البايخه.
أروى:ما علينا بنات عندي لكم خبر.أخوي عامر قرر يتزوج و عن قريب بتكلم أمي أمها.
البنات كلهم كانوا مستانسين بهالخبر عدا نور طبعا.
البنات:مبروك.
ريم:و منو هاذي سعيدة الحظ؟
أروى:إنتي.
الكل كان متفاجئ و ريم كانت أكثر وحده متفاجئه.بس نور ما تفاجئت لأنها كانت تدري.
نور حست إنها مضايقه:عن إذنكم بأروح أجيب تليفوني نسيته في السياره.
ـــ عند الشباب:ـــ
نواف:خاطري في فلم.
فيصل:بس و لا يهمك عندي لك مو بس فلم.. عشره.
نواف:من صجك؟!
فيصل:كبرك أنا أطنز معاك أكييد من صجي لابتوبي في السياره و فيه اللي تبي.
نواف:يلا يلا وين مفتاح السياره؟
فيصل:ههه شكلك مدمن أفلام.لا حبيبي بأروح أنا أجيبه شيضمني إنك ما تاخذ السياره تفرفر فيها و بعدين ترجعها لي.
نواف:لا تخاف عندي سيارتي أفرفر فيها عكيفي.
فيصل:بس سيارتك ما تهون عليك غير سيارة غيرك.
((سيارة نور))
نور كانت قاعده في السياره و كانت قاعده تبجي.
نور:آآآآآآه يا ربي أنا شسويت في حياتي عشان يصير فيني جذي ليش ليش؟؟آآآآآآآآآه
((بره المزرعه))
طلع فيصل عشان ياخذ الابتوب لنواف من بعييد شاف سياره مشغله و كان داخلها وحده<<طبعا هاذي سيارة نور بس ما عرفها.
راح فيصل يقرب من عند السياره عشان يشوف منو داخلها و عرف إن السياره سيارة نور و إن اللي داخلها نور بس كانت قاعده تبجي.
فيصل متفاجئ:نور.....غريبه توها داخل تضحك ما فيها شي.
راح فيصل لعند السياره و طق نافذة السيارة من جهة نور.
نور انتبهت لفيصل و مسحت دموعها و فتحت له النافذه.
نور بصوت واضح إنها كانت تبجي:نعم.
فيصل كاسره خاطره نور:شفيج؟
نور ما ردت و كملت بجيها.
فيصل:نور كنتي تبجيين؟
نور لفت وجها للجهه الثانيه و ما ردت عليه.
فيصل حن عليها فتح باب السياره من الجهه الثانيه و ركب.
فيصل:نور ليش كنتي تبجيين؟
نور ما ردت و كملت بجي.
فيصل صح ما له علاقه فيها بس ما قدر يشوفها بهالحاله تلقائي مسح دموعها.
فيصل انتبه لحركته و شال يده عنها.
فيصل بكل حنان:نور هدي خلاص.
نور بكل طاعه بدت تهدى شوي.
فيصل راح لسيارته و جاب لها ماي.
فيصل عطا نور الماي و عطاها كلينكس:مسكي شربي و مسحي دموعج.
خذت نور الماي و الكلينكس و بعد ما شربت و مسحت دموعها هدت.
فيصل:يلا نور عدلي شكلج عشان نرجع داخل و اللي صار ما أبيه يتكرر لو يصير اللي يصير أنا أبيج قويه.
نور مستحيه من فيصل:مشكوور.
فيصل:خلاص إنتي زوجتي..... و كمل و هو يطنز:و لا بعد ما تبيني شوفيني شحلاتي القمر يستحي مني أقول له وخر و أقعد مكانك.
نور ضحكت غصبن عنها:ههه.
فيصل:إي ها ضحكي مو مساعه.....إنزين يلا ما عدلتي شكلج عشان ننزل........ و لا أقولج خلج إنتي جذي أحلى تقولين للشمس وخري و أنا أقعد مكانج.
نور:هههه الناس تقول القمر مو الشمس.
فيصل:أنا القمر شلون تبين تقعدين مكاني بعد.
نور:ههه.
فيصل:يلا أنا أنزل و أشوفج وراي.أوك.
نور:أوك.
راح فيصل لسيارته و أخذ لابتوبه و رجع للشباب و نور عدلت مكياجها و رجعت للبنات.
((داخل المزرعه))
ــــ عند الشباب:
دخل عليهم فيصل.
نواف يطنز:لا تو الناس كان ما جيت.
فيصل يهدد:تبي و لا لا؟
نواف:خلاص أبي أبي بتقعد تذلني.
ـــ عند البنات:
رجعت نور للبنات.
أروى:شفيج تأخرتي.
نور:تليفوني نسيته في البيت رحت جبته و جيت.
رنا:رجعتي عشان تليفونج؟
نور:مثل ما رجعتي غصون عشان تليفونج.
غصون:شفيكم اليوم عالتيلوفونات.

عبث ~ ©؛°¨غرامي متألق ¨°؛©

انا قايله اني ما راح أكملها لكم بس اختي نزلتها بدوون علمي

روح زايــــد مستشــ¸.·* غرام *·.¸ـــاري




تغلق الرواية بطلب من الكاتبة


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1