عبث ~ ©؛°¨غرامي متألق ¨°؛©

بسم الله الرحمن الرحيم
هاذي أول رواية لي يقلم:أميرة الليل
أتمنى الردود و التفاعل

قراءه ممتعه للجميع

أتمنى التفاعل و الردود عشان أكملها و إذا ما رديتوا ما في تكمله
قراءه ممتعه للجميع

يا ليت يجمعنا القدر
أعرفكم بشخصيات القصه:
###عائلة يعقوب###
يعقوب:طيب و قلبه كبير و عطوف عالكل و هو غني عنده شركات سلمها لعياله وارتاح منها.
زوجته:بدرية:خدومه و تحب الناس و قلبها طيب.
أولاده:
**عبد الله:**عصامي بنى نفسه بنفسه وكون ثروه كبيره و يشتغل في العقارات ما يحب يأذي أحد بمشاكله يحب يحل مشاكله بنفسه ما يدخل أحد فيها.
زوجته:خلود:طيوبه وخلوقه و إجتماعيه ومهتمه ببيتها وزوجها و تحب اهل زوجها.
أولادهم:
مشعل:عصبي ومزاجي ومتقلب الشخصيه ويشتغل مع ابوه في ادارة الحلال في العقارات وهو صديق حمد.
زوجته:شوق:طيوبه و حبوبه و اجتماعيه تتعامل ببساطه و على طبيعتها وهي صديقة ساره.
ولدهم الوحيد:بدر:مشاغب وحبوب و عمره سنتيين و نص الكل يحبه خاصة جده عبدالله.
بشار:عنيد وما يحب احد يدخل بخصوصياته و دمه خفيف ويشتغل مهندس و هو صديق راشد من ايام الروضه.
رنا:جاده في تصرفاتها ومنطقيه وجريئه وتشتغل سكرتيره عند ولد عمها رائد وهي صديقة غصون الروح بالروح.
عمار:ذكي و طيب و حبوب و هو شخص قوي يعتمد عليه و ما يحب المغازل و هالخرابيط مثل صديقه عبد العزيز و يدرس بالجامعه.
دانه:صريحه وما تعرف تجامل واللي في قلبها على لسانها بس طيوبه وايد و مرتبه و منظمه وايد وتدرس اخر سنه بالثانويه وهي صديقة رغد.
**فاطمه:**متمسكه بعاداتها وتقاليدها والحال المايل مايمشي معاها بس حنونه و راعية واجب ومتزوجه من حسن.
**زياد:**قلبه طيب و هو مثقف و واعي و أبوه معتمد عليه في كل شي.
زوجته:بدور:انسانه فاهمه وواعيه تحب تاخذ كل شي برويه و نقاش.
أولادهم:
شوق:طيوبه وحبوبه و اجتماعيه تتعامل ببساطه و على طبيعتها و هي صديقة ساره و زوجة مشعل.
توأم:رائد:جاد و عاقل و منطقي و يحب يتفلسف يشتغل مدير شركه من شركات أبوه و هو صديق راكان.
راشد:مرح يحب يضحك ويضحك اللي حواليه و هو شديد الملاحظه و سهل التفاهم معاه يشتغل دكتور جراحه وهو صديق بشار من أيام الروضه.
غصون:دمها خفيف تبين انها من بره قويه بس من داخل ضعيفه ودمعتها تنزل بسرعه وتشتغل مهندسة ديكور و هي صديقة رنا الروح بالروح.
نواف:طايش و متهور و مغازلجي ما في بنت في المول الا مرقمها و أحيانا يحب يتفلسف عشان يقيظ شجون ويدرس بالجامعه وهو صديق فهد.
شجون:لسانها طويل ومتبري منها و ماتسكت عن حقها أبد وملقوفه وتدرس في الثانويه أخر سنه لها وهي صديقة الجوري.
**محمد:** إجتماعي و رايق راعي وناسه و فله و وساعة سدر يحب ينكت و يشتغل مدرس و هو صديق أحمد.
زوجته:مريم : إجتماعيه و طيوبه و حبوبه و متسامحه.
أولادهم:مهند:راعي هستره و استهبال و مقالب و طنز و رايق طالع على ابوه و هو في ثالث اعدادي.
**فارس:**ذكي و مثقف و طموح و همه دراسته وتحقيق طموحه يدرس مع صديقه إياد بره ببريطانيا.
**روان:**عربجيه فله و وناسه تحب الضحك و المقالب وهي في اول سنه بالجامعه وهي صديقة عبير.
###عائله يوسف###
يوسف:طيب و حكيم وعاقل وموزع حلاله على اولاده .
زوجته:فوزية:طيوبه و كريمه تحب زوجها وأولادها وعايشها مع زوجها في سعاده.
**حسن:**رأيه صارم ومسموع واذا قال شي يمشي على طول و شخصيته قويه ويدير محلات أبوه لتأجير السيارات مع أخوه علي.
زوجته:فاطمه:متمسكه بعاداتها وتقاليدها والحال المايل مايمشي معاهاا بس حنونه وايد و راعية واجب.
أولادهم:
حمد:رايق و رومنسي و عاطفي ويشتغل في محلات التأجير مع أبوه و عمه و هو صديق مشعل.
زوجته:ساره:قويه وجريئه و إجتماعيه و ذويقه و أنيقه تهتم بشكلها وايد وصديقتها شوق.
بنتهم الوحيده:رهف:عمرها سنتين و نص دلوعه ومؤدبه و حيويه.
راكان:انسان منطقي يحب يتفلسف وايد بس فلسفته حلوه وعنده اسلوب للحوار و النقاش ويشتغل مدرس في الجامعه يفهم صديقه رائد من دون ما يتكلم.
ريم:واثقه من نفسها و دلوعه و رومنسيه طلاباتها اوامر عند الكل وما تشتغل وهي صديقة دارين.
فهد:متسرع و يحب المشاكل ويشم ريحها من بعد أميال ومغازلجي مثل صديقه نواف ويدرس بالجامعه.
رغد:عنيده وراسها يابس واللي في راسها بتسوييه ما حد يقدر عليها و ما تستمع لنصيحة أي أحد و هي شخصية مغامره وتدرس بالثانويه في أخر سنه لها و هي صديقة دانه.
**علي:**كريم و حليم و قلبه طيب لأبعد الحدود و يدير محلات لتاجير السيارات مع أخوه حسن.
زوجته:نوره:مغروره و شايفه نفسها و ما يعجبها شي ودايم تنتقد وعلاقتها مو جيده مع أهل زوجها بسبب غرورها.
أولادهم:
ساره:قويه وجريئه و إجتماعيه و ذويقه و أنيقه تهتم بشكلها وايد وصديقة شوق و زوجة حمد.
عامر:مرح و واثق من نفسه و وايد رومنسي و صديق فيصل يشتغل في محلات تأجير السيارات مع أبوه و عمه في المحل.
دارين:شجاعه وقويه ويضنها الناس مغروره بس هي ما تتكلم مع اللي ما تعرفه ولا تختلط معاهم وتشتغل بنفس المستشفى اللي فيه راشد دكتورة عظام وصديقتها ريم.
عبد العزيز:اجتماعي و حبوب و خفيف الدم و تفكيره يشابه تفكير صديقه عمار و يدرس بالجامعه.
الجوري:قويه و دلوعه و مغروره صديقتها شجون و تدرس باخر سنه بالثانويه.
**بدور:**انسانه فاهمه وواعيه ومتفهمه تحب تاخذ كل شي برويه ومشاوره ونقاش وهي زوجة زياد.
**مريم:**إجتماعيه و طيوبه و حبوبه و متسامحه و زوجة محمد.
**إياد:**وحيد وغامض و انطوائي وما يتكلم وايد الا مع صديقه فارس ومسافر معاه يدرسون بره في بريطانيا.
**عبير:**حبوبه و خجوله و دلوعه تدرس اول سنه بالجامعه وهي صديقة روان.
###عائلة عبد الرحمن###
عبد الرحمن و زوجته نوال: توفو في حادث من 6 سنين.
أولادهم:
**إبراهيم:**مستقر اهو و زوجته منال و اعياله خالد و سلطان و الهنوف في السعودية.
**خلود:**طيوبه وخلوقه و إجتماعيه ومهتمه ببيتها وزوجها و تحب اهل زوجها عبد الله.
**سعاد:**طيوبه و حبوبه و ثقيله.
زوجها:عبد الاله: شخصيته قويه و قلبه طيب و كريم و يشتغل في العقارات.
أولادها:
فيصل: شخصيته قويه و مغرور و واثق من نفسه و صديق عامر ويشتغل دكتور في عيادته للأسنان.
رنيم:طيوبه و متفائله تحاول تاخذ الاشياء ببساطه و البسمه ما تفارق ويها و تشتغل سكرتيره بعيادة أخوها.
مرام:حساسه و عاطفيه دايم تفكر بقلبها مو بعقلها اذا حبت حبت من قلب و اذا كرهت كرهت و هي باخر سنه بالثانويه.
**أحمد:**اجتماعي و حبوب و رومانسي و عاطفي و هو صديق محمد و يشتغل محامي.
زوجته:غادة: طيوبه و اجتماعيه و شخصيتها قويه و هي صديقة مريم.
أولادهم:
علا:بويه و عربجيه و تحب الضحك و الوناسه و هي في ثالث اعدادي.
**علاء:** متهور و طايش و دمه خفيف و هو صديق معاذ و هم مسافر لبريطانيا يكمل دراسته.
**ربى:** دلوعه و لسانها طويل و تحب تضحك و تدرس بالجامعه.
###عائلة عبد الإله###
مستقر اهو و زوجته سلمى و أولاده في السعودية.
أولاده:
**دلال:**قلبها طيب و حبوبه و راعية واجب و زوجها كويتي متوفي من 3 سنوات و مستقره بالكويت.
أولادها:
نور:مغروره و دلوعه شوي بس عاقله و دايم تفكر بعقلها مو بقلبها و أهم شي عندها كرامتها و تشتغل في مستشفى قسم إستقبالات.
سعود:إجتماعي و طيب و حبوب بس عنيد و يدرس بالجامعه.
**نوره:**مغروره و شايفه حالها و ما يعجبها شي ودايم تنتقد و هي زوجة علي.
**معاذ:** اجتماعي و حبوب و خفيف الدم و جذاب مطيح نص بنات المملكه و هو صديق علاء و هم يدرس ببريطانيا.
**نوف:**عنيده تتمسك برايها لابعد الحدود و عربجيه و خفيفة الدم تدرس بالجامعه.

عبث ~ ©؛°¨غرامي متألق ¨°؛©

ـــــــــــــــــ البارت الأول: ـــــــــــــــــ
((بيت زياد))
نزل راشد من فوق والكل كان قاعد عالفطور.
راشد:صباح الخير.
الكل:صباح النور.
راشد:كأنه في أحد ناقص؟!
الأم:ابوك قعد من الصبح وراح الدوام وأخوك رائد للحين ما نزل ما أدري ليش؟
راشد:تلاقينه امس سهران طوول الليل والحين نايم بالعسل.
الأم:خلاص اذا خلصت فطور روح قعده من النوم.
راشد:انشاء الله.
نزل رائد من فوق مستعجل وبسرعه و هو قاعد يسكر أزرار القميص وشكله مو مظبوط << ضياع.
رائد و هو يسكر زراير القميص: شلون تخلوني للحين نايم ولا تقعدوني؟!
وأكل له لقمتين عالطاير وهو واقف.
راشد:إنزين ما صار شي.
رائد راح للمرايه يعدل شكله.
بس طبعا ما سلم من تعليقات شجون البايخه.
شجون:المكتب مو طاير ولا الحبايب اللي في المكتب.
الكل طالعها بنظرات اللوم أما رائد طالعها بعصبيه.
رائد بعصبيه:شجون حسبي كلامج زين قبل لا تقولينه وانتي مو جاهل اعلمج الكلام اللي ينقال واللي ما يتقال.
شجون حست ان اهي غلطانه:أسفه.
رائد بعصبيه:مره ثانيه بدل ما تقولين أسفه حسبي وثمني كلامج زين قبل ما تقولينه.
وطلع رائد معصب من البيت.
غصون:يعني انتي ماتوبين لازم تاخذين تهزيئه من الصبح تدرين انه ما يحب تعليقاتج البايخه.
شجون:يعني شصار ما صار شي الكلمه جات في بالي وقلتها.
نواف:كل هاللي صار و ما صار شي؟!
غصون:و مو كل كلمة تجي في بالج تقولينها لازم تحسبينها قبل.
نواف:لو أنا بمكانه مو بس أهزئج جان أعطيج ذاك الطراق اللي يلف وجهج لف.
شجون:أوهو بس خلاص أسف و تأسفت شتبوني أسوي بعد أبوس ريوله عشان يرضى عساه ما رضى.
نواف:قومي بس أوصلج على مدرستج أبرك لج.>>لأنها ما تسوق أبوها مو راضي لها إلا لما تخلص ثانوي.
((بيت يعقوب))
نزلت روان من فوق و أمها و أبوها جالسيين يفطرون.
روان:صباح الخير.
و راحت باست راس أمها و أبوها.
الأم و الأب:صباح النور.
روان توها بتطلع.
الأم:وين بتروحين يما؟
روان:بعد وين بروح؟! بروح الجامعه.
الأب:إنزين ما تبين تفطريين بالأول.
روان:لا مشكوور يبا حدي مستعجله.
الأم رفعت ايدينها تدعي لبنتها:الله يوفقج و يرجع أخوج فارس بالسلامة إنشاء الله.
روان:الله يسمع منج. تامرون على شي؟
الأم و الأب:لا سلامتج.
روان:مع السلامة.
و طلعت.
الأم:الله يوفقها و يبلغنا فيها و نشوف اعيالها و اعيال اعيالها.
الأب:أمين.
((بيت يوسف))
ـــ غرفة عبير ـــ
عبير كانت في سابع نوومه و صحاها صوت تليفونها.
عبير بصوت نايم:ألوووو.
روان مستغربه:للحين نايمه؟!
عبير:ليش اشفيج؟!
روان عصبت:شفيج ما راح تروحين الجامعه؟!
عبير:ليش اليوم أي يوم؟!
روان:انتي صج ما تدرين وين الله قاطج. اليوم الخميس.
عبير نطت من فوق السرير:من صجج؟
روان تستهبل:لا أطنز. يلا قومي بسرعه دقايق الا أنا عندج.
عبير:يلا ألحيين بأقوم.
روان عصبت:و انتي للحين ما قمتي؟!
عبير:إلا قمت. يلا دقايق إلا أنا جاهزه.
روان:يلا بسرعه.باي.
عبير:بايات.
قامت عبير على طوول اخذت شاور سريع و لبست اي شي و مشطت شعرها عالسريع.
ـــ سيارة روان ـــ
وصلت روان عند الباب و اتصلت على عبير عشان تنزل لها.
عبير:الو هلا.
روان:أهلين. يلا نزلي أنا أنتظرج تحت.
عبير:دقيقه بس. الا أنا عندج.
روان:دقيقه مو ساعه. لا تخليني اخليج و امشي عنج.
عبير:لا تقعدين تذليني جم يوم الا سيارتي طالعه من القراج.
روان تتصنع انها مضايقه: حسافه.
عبير مستغربه:ليش؟!
روان:ما أقدر أذلج بعدين.
عبير:مالت عليج و على ويهج.
روان:اقول نزلي نزلي أنا أنتظرج.
عبير:اوك.باي.
روان:بايات.
(( شركة رائد ))
دخل رائد على رنا و واضح على شكله ان فيه النوم.
رائد:صباح الخير.
رنا:صباح النور. عيونك فيها شي؟!
رائد:عيوني لا ما فيها شي ليش؟!
رنا:صايره حمرا.
رائد:امس ما نمت الا متاخر.
رنا:اها.
(((مدرسة البنات))
ـــ الفصل ـــ
شجون متملله:منو علينا ألحين؟
دانه:ما ادري بس يمكن أبله هيا.
شجون:اوهو مو وقتها عاد هالمليقه كأنه ناقصني أنا فلسفه بعد كفايا رئود و نوافوه يكفون و ويفون بعد.
رغد:رائد يتفلسف معروفه مثل أخوي راكان هاذي الصفه اللي خلتهم ربع.بس نواف غريبه اهو وين و الفلسفه وين.
شجون:مو وايد يتفلسف بس احيانا اذا يتفلسف رائد يصف معاه و يكمل علي.
تدخل أبله هيا.
أبله هيا:السلام عليكم.
البنات:وعليكم السلام و رحمة الله و بركاته.
أبله هيا قعدت تسأل في الدرس اللي قبله.
و شجون أبد مو معاها في الجو و لا معطتها أي اهتمام قاعده تسولف مع الجوري.
أبله هيا انتبهت لها و وقفتها و بعصبيه: شجووون.
شجون وقفت على طوول:نعم أبله.
أبله هيا بعصبيه: شعندج أنسه شجون تسولفين مع الجوري ما تدرين ان احنا في حصه محترمه.
شجون بترقع السالفه:الا بس الجوري مو فاهمه و سألتني و فهمتها.
أبله هيا:تونا ما قلنا شي قاعده أسئلكم في الدرس السابق.
شجون تورطت و هم بتكمل التمثيليه:إي الجوري نست الجواب و تبيني أذكرها.
أبله هيا:انزين جلسي و لا عاد يتكرر.
شجون بكل براءه:إنشاء الله أبله.
قعدت شجوون:أووف بغيت أروح فيها.
الجوري:حمدي ربج ما عطتج ذيج المحاضره الطويله اللي ينام فيها الفصل كله.
شجون:ههههه الحمد الله كفايا المحاضره اللي خذتها في البيت.
الجوري:ليش شصار؟
شجون:أقول لج بعدين ألحين تشوفني هالغبيه و توقفني و تعطيني ذيج المحاضره اللي لي نهاية الحصة ذيج الساعه شفكني منها.
((شركة رائد))
كانت رنا تبي تودي الملفات لرائد و ظلت تطق على الباب و هو ما يرد.
دخلت رنا المكتب شافت رائد حاط راسه عالمكتب و شكله نايم حست انه تعبان كسر خاطرها طلعت و خلته نايم.
((جامعة الأولاد))
فهد:نوافوه.
نواف:نعم خير شتبي.
فهد:شووف ذيك البنت تجنن.
نواف:صدقت يا ولد الخال عذاااب تطيح الطير من السما.
نواف و فهد ما شالوا عيونهم من على البنيه.
جا عبد العزيز و عمار.
عبد العزيز:شعندكم؟! شطالعون؟
فهد و ما شال عيونه:هاذي السوالف مو لكم خلوها حق أهلها.
عمار:تشوفهم شافوا بنت حلوه.
نواف:اهي مو بس حلوه الا الحلا كله فيها.
عمار:ما قلت لك.
عبد العزيز:لهدرجه؟!
نواف:وأكثر. انتوا شيعرفكم في هالسوالف خلوها حق أهلها أهل الخبره.
عمار:تصدق ما أعتقد ان بقى في هالراسين عقول.
عبد العزيز:صدقت ما فيها الا هوا.
مشت البنت و التفت نواف و فهد لهم.
فهد:ترا احنا هني ونسمع.
عبد العزيز يستهبل:تصدق توني أدري انك هني عبالي هناك.
عمار بيكملها:و أنا بعد توني أدري انكم تسمعون عبالي صمخان.
نواف يستهبل:هههههه بايخه.
فهد :و ما تضحك.
عبد العزيز:و منو طلب منكم تضحكون أصلا؟!
نواف:أقول امشوا ناخذ لنا عصير أبرك.
الشباب:يلا مشينا.
((مدرسة البنات))
ـــ الساحه ـــ
#الفسحه.
قالت شجون للجوري السالفه.
و اهم قاعدين يمشوون يسولفون و يضحكون على شكل هاذي و على شعر ذيك...... إلخ إلخ.
إلا تجي وحده((ريناد)) تركظ و تطيح شجون في الأرض.
شجون و هي بتقوم:آآه وجع.
ريناد وقفت:نعم خير.
شجون و هي تنفظ الغبار عن مريولها:انتي اللي خير طيحتيني ما تشوفين؟!
ريناد بدون نفس:أسفه. عطت شجون ظهرها و مشت.
راحت شجون لها.
شجون:أنا مو قاعده أترجاج إتج تتعذرين لي عشان تتعذرين لي بهالطريقه و تعطيني ظهرج و تمشين.
ريناد:نعم خير أسف و تأسفت لج شتبين؟!
شجون:أنا مو قاعده أطر منج عشان تعتذرين لي بهالطريقه و ترى انتي الغلطانه مو أنا.
ريناد:ليش مكبره السالفه طحتي و شصار. انتي مو أول وحده و لا أخر وحده تطيح و الموضوع ما يستاهل ما أشوفج تكسرتي و لا صار لج شي كأنج حصان.
شجون:يعني لازم أتكسر عشان يصير الموضوع يستاهل بعينج؟!
ريناد:انزين انتي شتبين مني ألحين؟!
شجون:تنتبهين و انتي تمشين لا تصقعين خلق الله.
و مشت شجون عنها.
^^^ كمل باقي اليوم عادي^^^
((شركة رائد))
#أخر الدوام.
دخلت رنا مكتب رائد و هو كان في سابع نومه.
رنا: أستاذ رائد.....أستاذ رائد.
رائد مو حاس انه في الشركه عباله في البيت: اممممممم خليني أنام.
رنا:رائد رائد قوم انت في الشركه و الدوام خلص يلا قوم انت من جيت و انت نايم.
رائد رفع وجهه من فوق المكتب و وجهه باين عليه النوم.
رنا بابتسامه:صباح الخير.
رائد ابتسم لابتسامتها و اهو يتثاوب و يتمغط:صباح النور.
رنا:يلا قوم خلص الدوام.
رائد:يعني انا كنت نايم طوول هالمده.
رنا:اي نايم.
رائد:تصدقين ما حسيت بنفسي حطيت راسي عالمكتب الا انا نايم.
رنا:شكلك تعبان؟
رائد:اي امس ما نمت الا الفجر ما جاني النوم ما أدري ليش من أحط راسي عالسرير يطير النوم من عيوني. الا صج ليش ما قعدتيني؟
رنا:دخلت عليك المكتب شفتك نايم كسرت خاطري ما حبيت أخرب عليك نومتك.
رائد:انزين يلا خلينا نمشي لا تتأخرين عالبيت.
رنا:يلا.
((بيت زياد))
الكل كان قاعد عالغدا ينتظرون رائد.
دخل رائد.
الأم:يلا يما بدل ملابسك عشان تنزل تتغدى.
رائد:لا يما أحس اني تعبان و أبي أرتاح شوي.
الأم:على راحتك.
رائد:مع السلامه.
الأم:الله يسلمك.
((بيت علي))
#بعد الغدا
عامر:يما حاب أفاتحج بموضوع.
الأم:تفضل.
عامر:أنا حاب أتزوج.
الأم طايره من الفرح:هاذي الساعه المباركه اللي أشوفك معرس.بس ما قلت لي تبيني أدور لك و لا حاط وحده في بالك؟
عامر:لا لا تدورين و تتعبين نفسج أنا أبي بنت و ما أبي غيرها.
الأم بلهفه:ومنو هاذي اللي أمها داعيه لها؟
إلا بنزلة الجوري من الدرج:إلا قصدج داعيه عليها بليلة قدر.
عامر:داعيه عليها لأنج بتصيرين حماتها.
الجوري:قصدك لأنك زوجها.
الأم:وشفيه ولدي كامل و الكامل الله و ألف بنت تتمناه.
عامر:انزين أنتي ألحين شتبين؟!
الجوري:بأخذ تليفوني نسيته.
عامر:يلا خذيه وفكينا من وجهج.
الجوري:إنزين.
خذت الجوري تليفونها و صعدت لدارها.
الأم:إنزين يما ما قلت لي منو هاذي؟
عامر:ريم بنت عمي.
الأم مصدومه ما توقعت ريم توقعت نور:ريم؟!
عامر استغرب من ردة فعل أمه:إي يما ريم.
الأم:ونور بنت خالتك؟
عامر استغرب:شفيها؟
الأم:بس نور تحبك ومن وانتوا صغار واحنا نقول نور لك و إنت لنور.
عامر:بس أنا ما أحبها و هاذي إنتي قلتيها و إحنا صغار و ألحين إحنا كبرنا و الموضوع إختلف.
الأم:أقولك نور تحبك.
عامر عصب:تحبني كيفها بس أنا ما أحبها و غير ريم ما راح أخذ.
الأم:شاللي عاجبك في ريم؟! شوف بنت خالتك شحلاتها كامله و الكامل الله.
الأب عصب:أم عامر.
الأم:يعني أنا شأقول لأختي.
الأب:قولي لها الولد يبي بنت عمه ما يبي نور انتهينا.
عامر معصب:هو الزواج غصب أنا ما أبي نور و غير ريم ما راح أخذ و هذا أخر كلام عندي.
وطلع عامر من البيت معصب.
ـــ غرفة دارين ـــ
رن تليفون دارين.
دارين:هلا والله.
ريم:أهلين.
دارين:شأخبارج؟
ريم:تمام.إنتي شلونج؟
دارين:بخير.
ريم:دوري << دلع دارين.شرايج نطلع؟
دارين:نطلع.... نطلع إي بس وين؟
ريم:مجمع.............. منها وناسه و منها شوبنغ.
دارين:اي.أوك.
ريم:شرايج أتصل عالبنات و نروح كلنا بسيارتي.
دارين:إي.أوك.
ريم:باي.
دارين:بايات.
((بيت حسن))
اتصلت ريم على غصون.
غصون:هلا ريومه.
ريم:هلا نوني<<دلع غصون.شأخبارج؟
غصون:بخير.إنتي شأخبارج؟
ريم:تمام الحمد الله.أنا ألحين بأمر على دارين عشان نروح المجمع و بعدين بأمر عليج علشان تروحين معانا.
غصون:إي.أوك.
ريم:وإتصلي على رنا تجي بيتكم.
غصون:ليش؟
ريم:عشان أمر عليكم مره وحده أسرع.
غصون:صج ما عندج سالفه.
ريم:أقول سوي اللي قلت لج و ما عليج.يلا باي.
غصون:باي.
((بيت زياد))
اتصلت غصون على رنا
رنا:هلا و غلا.
غصون:أهلين شخبارج؟
رنا:بخير إنتي شلونج؟
غصون:بخير.اتصلت علي اليوم ريوم تقول ودها نروح المجمع و تبيج تجين بيتنا عشان تمر علينا مره وحده.
رنا:ليش؟
غصون:ما أدري عنها تقول أسرع.
رنا:والله ما عندها سالفه اوك دقايق إلا أنا عندج.
غصون:أوك أنتظرج.باي.
رنا:بايات.
((بيت علي))
كانت أم عامر خايفه على ولدها عامر اتصلت عليه أكثر من مره بس هو ما يرد.
و بنفس الوقت تفكر شلون تغير رايه بموضوع ريم بنت عمه و تقنعه بنور بنت خالته.


عبث ~ ©؛°¨غرامي متألق ¨°؛©

((سيارة عامر))
كان مضايق من ردة فعل أمه هو يدري إن أمه علاقتها مو حلوه مع أهل أبوه بس مو لهالدرجه و ما توقعها ممكن توقف بطريق سعادته.
على طول إتصل على فيصل.
فيصل:ألو.
عامر بدون نفس:هلا فيصل.
فيصل حس إن عامر فيه شي:عامر فيك شي؟ صوتك مو عاجبني.
عامر:ممكن أشوفك ألحين.
فيصل:حاضر بس وين؟
عامر:أي مكان.
فيصل:خلاص أشوفك في............
عامر:أوكيه.مع السلامه.
فيصل:الله يسلمك.
((بيت زياد))
ـــ غرفة رائد ـــ
قعد رائد من النوم و كان ميت من العطش.
فتح ثلاجته الصغيره ما شاف فيها ماي.
نزل تحت عشان يشرب ماي.
ـــ في الصاله ـــ
نزل رائد و دخل المطبخ عشان يشرب ماي.
في هاللحظه وصلت رنا و كانت تنتظر غصون.
طلع رائد من المطبخ توه بيصعد الدرج إلا رنا بوجهه و كان شكله حده بس في نفس الوقت حده بريء كأنه طفل توه قاعد من النوم غمص في العيون و الوجه باين عليه النوم و الشعر الله أعلم بحاله و البيجامه أزرارها مفتوحه باين نص صدره.
ظلوا شوي على هالوضع رائد متفشل من شكله و رنا مستحيه لأنها أول مره تشوف رائد جذي إلا نزلت غصون من فوق و تضحك على شكل رائد.
غصون تضحك:رئودد شلون تنزل بهالشكل؟
رائد:لأني بأرد أنام.
غصون:إنزين ليش نزلت؟
رائد:كنت عطشان فتحت ثلاجتي بأشرب ماي بس ما شفت قلت أنزل أشرب ماي.
غصون:روح روح الله يهديك.
رائد: يعني تبيني أبدل ملابسي و أتكشخ بعد؟! عشان بس أنزل أشرب ماي عن إذنج بأروح أنام.
غصون:إذنك معاك.
من بعد ما صعد رائد.
ابتدت رنا بالضحك.
غصون:رنوه شفيج؟
رنا:هههههه.بصراحه أخوج شكله تحفه يذكرني ببدور أول ما يقعد من النوم.
غصون:بصراحه فيه شبه كبير. بس عالأقل رشح وجهه قبل ما ينزل.
رنا:تبين يطير النوم من عيونه.
((بريطانيا))
كالعاده إياد و فارس يذاكرون و معاذ و علاء طالعين.
دخل معاذ و علاء.
معاذ:شوف شوف هالدوافير رحنا و جينا و هم للحين يذاكرون.
فارس:عالأقل أحسن منكم إحنا جايين نكمل دراستنا و نرجع بذيك الشهاده الي ترفع روسنا مو إنتوا يا طالعين يا نايمين.
علاء:أقول خلوا الواحد يستانس و انتوا خلوا شهاداتكم لكم بروزوها و علقوها بغرفكم هاذي نهاية كل شهاده.
معاذ يمثل إنه يبجي.
علاء:شفيك؟
معاذ:أفكر في حال هالشهاده المسكينه أفكر في نهايتها المأساويه.
فارس:و الله ما أحد نهايته مأساويه غيركم.
علاء:أقول ملك الصمت أخ إياد ليش ما تتكلم ما لك حس.
إياد:ما أحب أضيع وقتي معاكم.
معاذ يستهبل:ما أقدر على هالوقت تصدق الكون كله معتمد عليك.
علاء:اللي يشوفه يقول قضية فلسطين كلها واقفه عليه.
فارس:أقول كأنه عطيناكم وجه زياده عن اللزوم.
معاذ:علاء تعال معاي نلعب بلايستيشن أحسن من مجابل نيوتن و اين شتاين.
فارس:عالأقل نيوتن و اين شتاين اهم اللي مخلينكم عايشين اللي انتوا عايشين فيه ألحين.
علاء:اكتشفوا كم قانون و سووا كم تجربه و طلعوا كم نظريه غثونا فيها و صاروا علماء.
فارس:تحسب القوانين و النظريات و التجارب اللي قاعد تتكلم عنها شي سهل أشوف كان قدرت تسوي مثل اللي هم سواه.
علاء:ألحين أطلع لك أحلى ثلاث نظريات بالعالم.
فارس:انت وين و النظريات وين بس يلا سمعنا.
علاء:أول نظريه تقول الكتب ما لها فايده و ما يجي وراها غير المغثه و عوار الراس.
معاذ:سمعوا و استفيدوا هاذي النظريات السنعه مو نظريات المدراس.
علاء:صدقت.المهم النظريه الثانيه تقول أهم شيئ في الحياة ثلاثة:تعبي بطنك أكل و تعبي جيبك فلوس و تخلي عقلك فاضي و مرتاح.
فارس يستهبل:يا سلام درر درر.
معاذ:شفتوا بس انتوا ما تقدرون.
علاء:و النظريه الثالثه و هي أهم نظريه تقول:لا تضيع وقتك مع ناس دوافير لأنه كل جلساتهم فلسفات و نصايح و محاظرات.
معاذ:صدقت أخوي علاء مع كل كلمه قلتها و ألحين جا الوقت اللي نطبق فيها النظريه الثالثه.


عبث ~ ©؛°¨غرامي متألق ¨°؛©

قراءه ممتعه للجميع
ــــــــــــــــــــ البارت الثاني: ــــــــــــــــــــ
((المجمع))
ـــ كافيه ـــ
فيصل:عامر شفيك؟
عامر:أمي.
فيصل:شفيها؟
عامر:هي أخر وحده توقعتها ممكن توقف بطريق سعادتي.
فيصل:عامر تراني ما فهمت و لا كلمه من اللي قلته.
عامر:أمي ما تبيني أتزوج ريم بنت عمي؟
فيصل متفاجئ:ليش؟
عامر:تقول هي حاجزه لي نور بنت خالتي من و احنا صغار بس أنا مو ذنبي أنا ما أحبها.
فيصل:بس هذا اللي مضايقك! لا تخاف حل الموضوع بيدي.
عامر مستغرب:من صجك؟!
فيصل:شايفني كبرك أستهبل وياك؟!
عامر يستهبل:حلوه هاذي.
فيصل:مو مصدق ترا أنا اكبر منك باسبوعين.
عامر:اسبوعين و تقول أكبر مني.
فيصل:اي اللي أكبر منك بيوم أفهم منك بسنه.
ـــ السوق ـــ
كانوا البنات قاعدين يتسوقون.
غصون:حرام عليكم بس تعبت خلونا نجلس بأي كافيه.
ريم:اووه بس هذا المحل.
دارين:إي صج حرام عليك ريوم تعبنا طاحت رجولنا.
ريم: لو أدري ما جبتكم معاي لو جايبه جديتي أبكر لي عجايز مو بنات بسرعه تتعبون.
غصون:ألحين احنا صايرين عجايز؟! و اللي يجي معاج مره ثانيه.
ريم:من رداة حظي خليتكم تجون معاي.
رنا:حتى أنا تعبت رجولي ما عادت تشيلني.
ريم: بس لا تتشكون إنتوا روحوا و أنا أحاسب و أجي لكم.
دارين و تأشر على كافيه:أووك.تشوفينا هناك.
ريم:أووك.
راحوا البنات و ريم ظلت عشان تحاسب.
جا لها واحد و قعد يتحرش فيها.
الولد:يا حلو.
ريم:...........مو معطته وجه.
الولد:تر أنا ما أبي شي ما أبي غير رقمج.
ريم:..........مو معطته وجه.
الولد:هذا انتوا يالبنات دايم إذا أول مره كل وحده تسوي نفسها مؤدبه و عاقله و أبد ما تعرف هالحركات.
ريم:..................
الولد:يا بنت الناس عطيني الرقم و أمشي.
ريم:هاذا انت قلتها بنت ناس يعني متربيه عدل مو بنت شوارع.
الولد:عطيني الرقم ألحين أحسن لج.
ـــ الكافيه اللي فيه عامر ـــ
عامر شاف الولد اللي قاعد يتحرش بريم و قام على طوول.
فيصل مستغرب:وين؟!
عامر مشى بدون ما يعطيه وجه و راح لريم.
دفع فيصل الحساب و مشى وراه.
ـــ عند ريم ـــ
عامر معصب:و إذا ما عطتك شراح تسوي؟!
الولد:خير أخوي.
عامر:قاعد تغازل في بنات الناس و تقولي خير من شاف وجهك شاف الخير و أنا ما يشرفني أصير أخو لواحد مثلك.
و بدا الخناق و البنات راحوا يشوفون الموضوع.
((بيت زياد))
ـــ غرفة شجون ـــ
كانت قاعده عالمسن كالعاده محادثه جماعيه مع الجوري و دانه و رغد.
شجون:بنات عيد ميلاد غصونه أختي يوم السبت.
الجوري:من صجج؟!
شجون:إي و أبي أسوي لها سبرايز و أبيكم تساعدوني.
رغد:شنو ناويه تسويين؟
شجون:ما أدري بس أكيد ما راح أقدر لحالي لازم أقول لأخواني عشان يساعدوني.
دانه:أها.
شجون:بنات شرايكم تجون الليله بيتنا عشان تساعدوني تخططون معاي؟
البنات:أوك.
و كملوا البنات سوالفهم.
((المجمع))
#بعد الخناق.
ريم:مشكور و أنا آسفه عاللي صار لك بسبتي.
عامر:أصلا لو أي أحد بمكاني كان سوا نفس اللي أنا سويته.
فيصل:ما أقدر عليك يا البطل الهمام.
بعدين مشى عامر و فيصل.
غصون:بنات انتوا ما شفتوا شكل هاللي يغازل الشعر نخله و البنطلون نصه مشقق.
دارين:و أنا أقول شنو هالأصفر اللي في شعره أثاري بدى يطلع رطب.
غصون:إلا تشوفين دود طالع من الغابات الاستوائيه اللي فوق.
دارين:ما ينلام من الحر اللي فوق.
غصون:اللي يشوف شكله جاي يطر مو جاي يغازل.
رنا:ريوم كان عطيتيه دينار بدل الرقم.
البنات:هههههههه
ريم:بنات ما تبون نكمل الشوبينغ<< يعني التسوق أستهبل للي ما يعرف.
دارين:ولا نسيتي؟!
ريم:لا.أنا جايه أتسوق مو جايه أجلس لو أدري إنكم بتزهقوني كان ما خليتكم تجون معاي.عن أذنكم أنا بروح.
و راحوا البنات معاها.
((بيت زياد))
بعد ما خلصت شجون من المسن فتحت الكبت(الدولاب) تشوف شنو راح تلبس بعيد ميلاد غصون.
طلعت
[/IMG][/IMG]
شجون:لا هذا قديم.
طلعت
[/IMG]
شجون:ما يناسب.
و ظلت تطالع بالثياب ما لقت شي.
ـــ الصاله ـــ
نواف قاعد يطالع التلفزيون.
نزلت شجون.
شجون:نواف أبيك توديني السوق.<<لأنه ابوها مو راضي لها تاخذ الليسن الا بعد ما تخلص ثانوي
نواف:ليش شعندج؟
شجون:ليلة السبت عيد ميلاد غصون و ما عندي شي ألبسه.
نواف:كل اللي عندج و تقولين ما عندج شي تلبسينه.
شجون:ما شفت شي حلو يناسب.
نواف:الكبت بينفجر من كثر الثياب اللي فيه خلاص ارحميه.
شجون:نوافووووووه الزبده بتقوم توديني و لا لا؟
نواف:إنزين يلا أنا أنتظرج في السياره.
شجون:أوك.
ـــ غرفة شجون ـــ
بعد ما خلصت شجون خطرت في بالها فكره<< ما أقدر عاللغه العربيه.
شجون:"ليش ما أتصل على البنات يجون معاي؟!"
اتصلت شجون على البنات عشان يجهزون.
((سيارة نواف))
ركبت شجون.
شجون:نواف طلبتك.
نواف:صج إنج ما تنعطين وجه.سوق و بأوديج شتبين بعد؟!
شجون:أبيك تمر بيت عمي عبد الله عشان ناخذ دانه و .......
نواف قاطعها:وأبيك تمر بيت خالي حسن عشان رغد و أبيك تمر بيت خالي علي عشان الجوري صح هذا اللي راح تقولينه؟!
شجون:إي.صح شقلت؟!
نواف:أمري لله.
((بيت عبد الله))
ـــ غرفة بشار ـــ
كان قاعد عالابتوب ييتصفح النت و يفرفر بالمنتدى.
لفت انتباهه نك غصون اللي هو:حلاتي بغلاتي.
فكر انه يروح لإحصائياتها و يشوفها.
شاف موضوع بعنوان فارس أحلامك.
و دخله على طوول.
كان الموضوع عباره عن عدة أسئله:
1:لقيتي فارس أحلامك اللي يملك قلبك؟
جواب غصون:للاسف لا.
2:من العايله؟
جواب غصون:أفضل يكون من العايله واحد نعرفه زين.
3:شنو مواصفاته؟
جواب غصون:شكله عادي بس أهم شي أخلاقه يكون طيب و حبوب و دمه خفيف.
4:شلون التقيتي فيه أو ودك تلتقين فيه؟
جواب غصون:أبي واحد يحبني و يصارحني بحبه.
سكر بشار الابتوب و قعد يفكر.
بشار:" تبي واحد يحبها و يصارحها بحبه أنا أحبها بس ما أدري أصارحها بحبي و لا لا ودي أقول لها ما أبيها تطير من ايدي و لا أبي أخطبها قبل ما أعرف مشاعرها و ما ودي أقول لها أخاف تفهمني غلط و لا تعصب و لا............ ما أدري ما أدري..... مادام هي تبي واحد يحبها و يصارحها بحبه ليش ما أصارحها بحبي لها قبل ما تطير من ايدي......... بس شلون شلون أقول لها؟!و شنو راح أقول لها أصلا......... يا ربي شأسوي".
((بيت عبد الأله))
ـــ غرفة فيصل ـــ
فيصل:"خلاص أروح ألحين و أفاتح أمي بالموضوع .......إي بس قبل لازم أتفاهم معاها ما راح أخلي أمي تتصل و أكيد راح يقولون لها إنها محجوزه".
إتصل فيصل على عامر.
عامر:ألو هلا.
فيصل:أهلين.عندك رقم نور بنت خالتك؟
عامر مستغرب:إي.ليش؟
فيصل:إنت عطني إياه و لا عليك.
عامر:قبل لازم أعرف شتبي فيه.
فيصل:انت ما تبي ريم بنت عمك.
عامر:إي بس شدخل إني أبي ريم في رقم نور؟!
فيصل:عطني الرقم و لا تفتح لي تحقيق لا تخليني أجيبه بطريقه ثانيه.
عامر:إنزين راح أرسله لك.أوكيه.
فيصل:أوكيه.يلا باي.
عامر:بايات.
بعد ما رسل عامر الرقم حق فيصل إتصل فيصل على نور.
نور:ألو.
فيصل يتأكد:نور؟
نور:إي منو معاي؟
فيصل:أنا فيصل صديق عامر.
نور مستغربه:إي خير؟!
فيصل:أنا حاب أكلمج بموضوع.
نور:تفضل.
فيصل:أنا أبي أخطبج.
نور متفاجئه:بس أنا محجوزه.
فيصل:أنا أدري إنج محجوزه لعامر بس عامر يبي ريم بنت عمه و امه هي اللي حجزتج له من يوم كنتوا صغار.
نور في البدايه مو مصدقته بس كلامه أكد لها إنه كلامه صج في هاللحظه انهدم حبها لعامر بس بتدافع عن كرامتها:و إنت بتاخذني عشان تساعد عامر إن يطلع من الورطه اللي حطته امه فيها و ما يستحي عامر قدامي صح؟
فيصل:لا لا لا تفهميني غلط.أنا صار لي فتره أدور عن بنت الحلال و بعد ما عرفت قصة عامر فكرت إني أخذج و عامر صج صديقي بس مستحيل أضيع نص عمري بس عشان أطلعه من الورطه اللي قاعده تتكلمين عنها.
نور إقتنعت بكلامه صح شلون يضيع عمره بس عشان صديقه مهما كان يحبه بس ما يضيع نص عمره و ياخذ بنت خالته عشان يفكه.
فيصل:و اليوم راح أخلي الوالدة تتصل على أمج عشان يجون بكرا و يخطبونج شقلتي؟!
نور منصدمه بهالسرعه.تلخبطت الأمور عندها:بس يبي لي وقت على ما أفكر.
فيصل:أنا أدري إن يبي لج وقت بس أقصد إن إنتي موافقه إني أكلم أمي عشان تكلم أمج.
نور وافقت بسرعه لأنها تبي تنهي علاقة حبها مع عامر بسرعه:إي.
فيصل:خلاص ألحين أخلي أمي تتصل على أمج.أوك.
نور:أوك.بايو.
فيصل:باي.مع السلامه.
نور:الله يسلمك.
نزل فيصل عشان يفاتح أمه بالموضوع و طبعا فهمها على السالفه و أخذ الرقم من عامر بس ما قاله شي قال كل شي بوقته حلو.
((بيت عبد الإله))
ـــ غرفة نور ــــ
كانت قاعده تفكر بالموضوع شلون ينتهي حب السنين بلحظه وحده.
نور:"شلون شلون شلون أوافق على فيصل و أنا احب عامر شلون؟! بس عامر ما يحبني مايحبني؟! ليش ليش يا خالتي إنتي اللي خليتيني أحبه بس بس".
ـــ الصاله ـــ
رن التليفون.
أم سعود:ألو.
أم فيصل:السلام عليكم.
أم سعود:وعليكم السلام.
أم فيصل:أم سعود؟
أم سعود:إي.
أم فيصل:معاج أم فيصل.
أم سعود:حياج الله.
أم فيصل:الله يحييج. شخبارج؟
أم سعود:الحمد الله إنتي شخبارج؟
أم فيصل:تمام.أنا أبي أزوج ولدي فيصل ولدي الوحيد ما عندي غيره و ما سمعنا عنكم إلا كل شي طيب عشان جذي ودي أشوف بنتج نور عشان أخطبها لولدي فيصل.
أم سعود:بس بنتي محجوزه لعامر ولد خالتها.
أم فيص مستغربه:أنا أسفه إذا أدخل بس عامر هو اللي قال لولدي عن بنتكم.
أم سعود مستغربه بس كلام أم فيصل ما يدل إلا إن عامر ما يبي نور:إي خلاص حياكم الله بأي وقت.
أم فيصل:الله يحيج.بكرا يناسبج؟
أم سعود:إي حياج الله.
أم فيصل:الله يحييج.مع السلامه.
أم سعود:الله يسلمج.
على طوول إتصلت أم سعود على أم عامر.
أم عامر:ألو هلا.
أم سعود:أهلين شخبارج؟
أم عامر:بخير إنتي شخبارج؟
أم سعود:الحمد الله.بكرا راح يجوني ناس يبون يشوفون نور عشان يخطبونها.
أم عامر مستغربه:شلون؟ و هي محجوزه لعامر؟!
أم سعود:اللي اتصلت علي تقول إن عامر هو اللي قال لولدها عن نور بنتي.
أم عامر"جذي تفشلني قدام أختي":ما عليج من بكرا نجي و نخطب نور لعامر.
أم سعود حست إن عامر ما يبي نور بس أم عامر متفشله منها:إذا الولد هون خلاص خليه على راحته و هاذ هي جاها نصيبها.
أم عامر:لا شلون ما يبيها أقول لج بكرا نجي و نخطبها له.
ام سعود:شلون يبيها و هو بنفسه قال لصديقه.خلاص يا ام عامر ما في نصيب.أشوفج بكرا.
أم عامر متفشله ما قدرت تقول شي:إنشاء الله.
أم سعود:مع السلامه.
أم عامر:الله يسلمج.
((بيت علي))
أم عامر على طوول إتصلت على عامر بس هو ما يرد بس أخر شي رد.
عامر بدون نفس:ألو.
أم عامر:تعال البيت ضروري أبيك بموضوع.
عامر بدون نفس:إنشاء الله.

عبث ~ ©؛°¨غرامي متألق ¨°؛©

((بيت عبد الإله))
ـــ غرفة نور ـــ
كانت نور سرحانه و قاعده تفكر.
طقت أم سعود الباب على بنتها.
نور:تفضل.
جلست الأم على السرير:نور أبي أكلمج بموضوع.
نور:تفضلي.
الأم:بكرا بتجي وحده تقول تبي تشوفج حق ولدها.
نور:إنشاء الله.
الأم مستغربه من نور غريبه ما استغربت ما سألت ما قالت شي و هي تدري إنها محجوزه لعامر.
نور:أنا أدري إنج مستغربه مني و أدري إني محجوزه لعامر بس اللي جاي يخطبني اتصل علي و قال لي إن عامر يبي يخطب ريم بنت عمه و خالتي مو راضيه لأنها حاجزتني له من و احنا صغار أنا في البدايه ما صدقته بس هو لو مو صادق عيل شدراه عشان جذي أنا موافقه أشوف اللي بيجون بكرا.
الأم:بس يما أنا ما أبيج تضايقين من عامر أدري إنج إنتي تحبينه بس هو ماله ذنب لأنه ما وعدج بالزواج و هون خالتج هي اللي وعدتج و خالتج هم ما لها ذنب ما حسبت إن عامر بيكبر و راح يصير له حياته الخاصه و ما تقدر تزوجه اللي هي تبيه اذا كان يبي وحده ثانيه و أكبر دليل إني إتصلت عليها و قلت لها تجي بكرا عشان اللي بيشوفونج قالت إنها مستعده من بكرا تجي و تخطبج لعامر رسمي.
نور:و إنتي يما وافقتي؟!
الأم:لا لأني ما أبي أضيع حياتج مع واحد قلبه مع وحده ثانيه.
نور:يما صج أنا أحبه بس ما أبي أخذ واحد ما يحبني و يكون مجبور علي لأني مو ممكن أملك قلبه لأنه غيري مالكته.
الأم حبت نور على راسها:طوول عمرج عاقله و تفكرين بعقل.
((بيت علي))
وصل عامر.
أم عامر معصبه:إنت شاللي سويته جذي تفشلني يم أختي.
عامر مو فاهم شي:ليش شسويت؟!
أم عامر:عامر لا تستهبل علي شلون تقول لصديقك عن نور.
عامر:شنو قلت له؟!
أم عامر:شلون تقول له إن نور مو محجوزه.
عامر:لأنها صج مو محجوزه.
أم عامر: شلون مو محجوزه وإنت؟!
عامر: أنا ما أبيها و لا راح أخذها لو تنطبق السما على الأرض.
أم عامر:شلون ما راح تاخذها تبي تفشلني قدام أختي.
عامر:يعني تبيني أخذها بس عشان ما تتفشلين قدام أختك صدقيني إن خذتها لا أعيشها بجحيم عشان تعرفين بعدين شلون تتفشلين قدامها.
أم عامر عصبت:عامر إحترم نفسك أنا أمك.
عامر:يما إنتي اللي احترمي رغبتي أنا أبي ريم ما أبي نور.
و طلع عامر و هو معصب.
((بيت زياد))
ـــ المجلس ـــ
كانت شجون قاعده مع البنات تخطط للحفل.
شجون:دانه شرايج نسويها في مزرعتكم؟
دانه:أووك و أنا راح أقول لأبوي.
شجون:خلصنا من المكان.ألحين نروح للمعازيم.بيتنا و بيتكم و بيتكم و بيتكم.
رغد:أكييد و لا جايبه شي جديد.
شجون:خليني أكمل بعدين تكلمي.الجوري اتصلي على خالتج دلال و عزميها.
الجوري:أووك.
شجون:و دنوي إنتي اتصلي على خالتج سعاد و ربى و خالج أحمد و عزميهم.
دانه:أووك.
رغد:شرايج نتصل على ربعها؟
غصون:على حد علمي عندها وحده بس.اسمها مشاعل و من زمان ما أدري عنها.
دانه:خليني أتصل على رنا و نشوف.
البنات:أووك.
إتصلت دانه على رنا.
رنا:ألو.هلا.
دانه:أهلين.عيد ميلاد غصون ليلة السبت و بنسوي لها سبرايز في مزرعتنا و نبي نعزم ربعها.
رنا:غصون ما عندها غيرنا إلا وحده إسمها مشاعل مسافره مع زوجها يكمل دراسته برا.
دانه:مشكووره.باي.
رنا:العفو.باي.
دانه:تقول ما عندها إلا وحده إسمها مشاعل مثل ما قلتي.و مسافره مع زوجها يكمل دراسته برا.
شجون:أها.إنزين إحنا ألحين خلصنا من المكان و المعازيم جينا لأغراض الحفله.
الجوري:لا تخافين كل الأغراض شريناهم اليوم.
شجون:عيل ما باقي إلا أشتري بكرا الكيكه و أوصي على البوفيه.
((بيت محمد))
ـــ الصاله ـــ
كانت روان معزومه عند بيت أخوها محمد عالعشا.
و كالعاده كانت قاعده مع مهند يستهبلون و يضحكوون.
مهند:يقول لج في واحد.......إثنين ثلاثه.
روان تستهبل:ههههه سخيفه.
مهند:سخيفه و لا لوحه.
روان تستهبل:هههه بايخه.
نزلت مريم مع محمد.
محمد:24 ساعه تضحكوون ما تخلصوون ضحك؟!
روان:للاسف لا.
مهند:و الأسف ملك الغابه.
مريم:أقوول قوموا نتعشا بعدين كملوا ضحك.
بعدين قاموا كلهم يتعشووون.
((بيت عبد الله))
ـــ الصاله ـــ
رنا:شوق.
شوق:نعم.
رنا:راح أخذ بدور و أوديه معاي السوق.
شوق:أوك.بس خليني أغير له ملابسه.
رنا كانت تبي تروح تشتري هديه لغصون ما حبت تشتريها يمها و بتاخذ بدور معاها:أوك
قامت شوق تغير لبدوور.
((بيت زياد))
ـــ غرفة رائد ـــ
اتصل رائد على راكان.
راكان:ألو.هلا.
رائد:أهلين شخبارك؟
راكان:الحمد الله.إنت شلونك؟
رائد:تمام.راكان شرايك نطلع أشتري هديه لغصون عشان بكرا عيد ميلادها<<طبعا رائد حافظ كل المناسبات المهمه عنده.و بعدين نروح نتعشى.
راكان:أوك.
رائد:باي.
راكان:باي.
((المجمع))
ـــ محل الألعاب ـــ
بدور:امتي لنا ابي ثياره:عمتي رنا أبي سياره.
رنا:إنشاء الله حياتو.
ـــ محل ساعات ـــ
رائد إشترى ساعه حلوه لغصون.
https://https://www.ankawa.com/forum/i...446924%3Bimage
رائد:شرايك؟
راكان:لا حلوه طلعت تعرف تختار.
رائد:إي أعجبك.
شروا الساعه و طلعوا من المحل.
ـــ محل الألعاب ـــ
شرت رنا كل الألعاب اللي يبيها بدر و طلعت.
ـــ بره المحل ـــ
رنا كانت ماسكه بدر.
و كانت تبي تعدل الكيس قبل ما يطيح من يدها و هدت بدر بعدين ما التفتت له الا هو يركض قدام يبي يروح لخاله رائد.
رنا تركض وراه.
رائد شاف بدوور و راح له و حمله و راكان كان رايح الحمام <<كرمكم الله.
رائد:بدور جيت مع منو؟
بدر:مأ أمتي لنا:مع عمتي رنا.
طاح تليفون رائد و نزل بدر عشان ينزل يجيب تليفونه.
رنا جات لهم و ما عرفت رائد لأنه كان لابس نظارات و كاب منزله عليه و منزل راسه يجيب تليفونه اللي طاح عليه.
رنا:مشكوور أخوي ما تقصر.
رائد:رنا شفييج؟!
رنا متفاجئه و منصدمه من غبائها شلون ما عرفته:رائد؟!
رائد:يعني إنتي من صجج ما عرفتيني؟!
رنا:لا ما عرفتك من هالنظارات و هالكاب.
رائد فسخ النظارات و الكاب و كان شكله يجنننن:و ألحين.
رنا:لا عرفتك.
رائد:أحسن.
جاء راكان.
راكان:هلا رنا.
رنا:هلا راكان.
راكان:شخبارج؟
رنا:تمام.إنت شلونك؟
راكان:بخير.
رائد:كنا جايين نتعشى تجين معانا.
رنا:لا مره ثانيه.بدور يلا تعال.
بدر متمسك في خاله رائد:أبلوح مأ حالي لائد:أبي أروح مع خالي رائد.
رائد:خلاص إنتي روحي و خلي بدور معاي.
رنا:أوك.
((بيت عبد الله))
رجعت دانه من بيت عمها.
ـــ الصاله ـــ
دانه:يبا عيد ميلاد غصون بنت عمي ليلة السبت و بنسوي لها سبرايز عاد أنا قلت لهم نسويها في مزرعتنا شقلت يبا؟
الأب:إي معليه.بس ذكريني بكرا أتصل على محبوب ينظف المزرعه هو و اللي معاه.
دانه:إنشاء الله يبا.
بشار:عن إذنكم بأروح داري<<عشان يفكر في موضوع غصون.
الأم:إذنك معاك.
دانه:شووق وين بدور؟
شوق:راح المجمع مع رنا.
دانه:رنا توها العصر رايحه بترووح مره ثانيه ليش!!
ـــ غرفة بشار ـــ
كان قاعد يفكر:"هذا الوقت المناسب عشان أعترف لها و اللي فيها فيها إنزين ليش ما أشتري لها ورده حمرا؟.......أنا من صجي؟!؟!لا أشتري لها شي حلو و أشتري لها ورده إذا بأعترف لها"

عبـدالعزيـز ©؛°¨غرامي جديد¨°؛©

نزليتـــــــــها دفعه وحده
لو شفتي اراء وردود الاعضاء قبل

جاري قراءة القصه

الزعيـ A.8K ـمه ©؛°¨غرامي ماسي ¨°؛©

,’




بسم الله



يعطيك العـــافية
موفقة إن شـــاء الله



https://forums.graaam.com/238622.html





,’


عبث ~ ©؛°¨غرامي متألق ¨°؛©

حبايبي ما في ردود بس مشاهدات مافي تكمله

عبث ~ ©؛°¨غرامي متألق ¨°؛©

أنا آسفه بس ما راح أكملها في المنتدى
لأنه ما في تفاعل

عبث ~ ©؛°¨غرامي متألق ¨°؛©

قراءه ممتعه للجميع
ــــــــــــــــــــــــــــــــــــــــــــــــــ ـــ البارت الثالث:ـــــــــــــــــــــــــــــــــــــــــــ ـــــــــــــ
((بيت زياد))
# اليوم الثاني - الساعه 10:
ـــ غرفة شجون ـــ
كانت شجون قاعده ترسل مسجات للكل عن عيد ميلاد غصون و بالنسبه لفارس و إياد رسلت لهم بالمسن و طلعت بتروح للمطبخ تسوي لها أي شي تاكله.
ـــ الصاله اللي فوق ـــ
شجون:صباح الخير.
رائد:صباح النور.شمقعدج هالحزه؟!
شجون:أمس من طلعوا البنات عطوول نمت.
رائد:جهزتوا كل شي لعيد ميلاد غصون؟
شجون:بس باقي أجيب الكيكه و أوصي عالبوفيه.
رائد:أوديج ألحين؟!
شجون تفرك عيونها مستغربه:من صجك؟!
رائد:إي شفيج؟!
شجون:إنت بتوديني أنا.يا للعجب!!
رائد:زهقان التلفزيون ما فيه شي و لابتوبي خربان.
شجون:أها مو لله.
رائد:الزبده تبيني أوديج و لا لا؟
شجون:إي بس أنا جوعانه.
رائد:نوقف عند أي مطعم و أخذ لج اللي تبينه.
شجون:أوك. بس بأروح أبدل و أجيك قبل ما تغير رايك.
رائد:أوك.
((بريطانيا))
ـــ غرفة فارس و إياد ـــ
فارس عالابتوب و إياد قاعد يذاكر.
وصلت رساله لايميل فارس من شجون.
فارس مستغرب:شجونوه راسله هالحزه شمقعدها؟!
إياد:نسيت الكويت الوقت يفرق.
فارس:إي صح.يفتح الرساله و يقراها.
فارس يستهبل:ههه.
إياد:شفيك؟
فارس:شجون تقول عيد ميلاد غصون الليله بيسوونها في مزرعة بو مشعل و تبينا نروح.
إياد:إي ليش لا؟
فارس:إياد شفيك؟!
إياد:إنت اللي شفيك نسيت إن هم معطينا إجازه إسبووع كامل من بكرا.
فارس يطق راسه:إي صح نسيت.
إياد:عيل أنا بأبدل ملابسي و بأروح أحجز لنا التذاكر.و قام فتح الكبت عشان ياخذ له ملابس.
فارس:بس لا تنسى الثنائي المرح علاء و معاذ.
إياد و هو يفتح باب الحمام|كرمكم الله|عشان يبدل:لا ما راح أنسى.
فارس:"إي صح معاذ نحجز له للكويت و لا للسعوديه"
طلع إياد من الحمام و وقف قدام التسريحه يمشط شعره.
فارس:إياد لا تنسى تسأل معاذ تحجز له للكويت و لا للسعوديه؟
إياد:إي صح ذكرتني.
و طلع إياد يروح لغرفة علاء و معاذ.
ـــ غرفة معاذ و علاء ـــ
طق إياد الباب.
معاذ:تفضل.
إياد شافهم قاعدين يلعبون بلايستيشن و مو أي شريط.شريط كراش.
إياد:بكرا إجازه و راح نحجز لنا للكويت.
علاء من الوناسه:من صجك؟!آآه يا ني مشتاق لحرها و لرطوبتها و لبردها و لغبارها.
إياد و معاذ:هههه.
معاذ:هاذا الشي اللي ذكرته؟!
إياد:المهم معاذ حبيت أسألك تبيني أحجز لك للكويت و لا للسعوديه.
معاذ:لا للكويت أشوف خواتي بعدين أحجز لي للسعوديه يا لبى قلبها ياني مشتاق لأهلي ياني مشتاق لبيتنا.........لغرفتي........ لسريري.
((بيت علي))
كان الكل قاعد عالفطوور.
الأب:أم عامر.
الأم:نعم.
الأب:أبيج تتصلين على أم حمد تتفقين معاها على موعد.
الأم:ليش؟
الأب:عشان نخطب ريم لعامر انتي ما قلتي إن نور بنت أختج اليوم بتجي وحده تشوفها لولدها.
الأم منقهره:إنشاء الله.
عامر حده متشقق من الوناسه قام و باس راس أبوه:تسلم لي يبا.
الجوري:مسكينه ريوم شمسويه في حياتها عشان إنت تاخذها.
عامر:إنتي ما عليج.
((بريطانيا))
ـــ غرفة فارس و إياد ـــ
طفى فارس الابتوب و قعد يجهز أغراضه.
دخل عليه إياد و بإيدينه التذاكر و جلس على سريره.
فارس:متى الرحله؟
إياد:عالساعه 5 إنشاء الله.
فارس:أها. إياد شرايك نروح السوق عشان نشتري هدايا للأهل؟
إياد:أوك.يلا.
فارس:روح قول لمعاذ و علاء على ما أبدل ملابسي لا يطلعوون و يخلوون الباب مفتوح عساس إحنا داخل مثل ذيك المره.
إياد:أوك.
ـــ غرفة الثنائي المرح معاذ و علاء ـــ
ما همهم شي للحين قاعدين يكملون لعبهم بالبلابيستيشن.
طق إياد الباب.
علاء:تفضل.
إياد:أنا و فارس بنرووح السوق لا تطلعوون و تخللون الباب مفتووح.
علاء:بأروح وياكم بأشتري هديه لربى لا تاكل قلبي مثل ذيج المره.
إياد:أوكي.
معاذ:يعني بتروحون و بتخلوني لحالي بأروح معاكم.
إلا يدخل عليهم فارس.
فارس:يلا.
علاء:دقيقه على ما أبدل ملابسي.
معاذ:و أنا بعد.
((بيت زياد))
ـــ الصاله ـــ
دخل رائد معاه شجون و الكل كان قاعد في الصاله.
نواف:رائد و معاه شجوون غريبه.إنتوا متأكدين إن إنتوا طالعين مع بعض.
شجون:إي شعندك؟
نواف:توكم أمس متخاقيين متأكده؟ جواب نهائي؟
رائد:جورج قرداحي مو نواف.
نواف يقلد جورج:على فكره عندكم وسائل مساعده عندكم حذف إيجابتين عندكم الإتصال بصديق عندكم رأي الجمهور و عندكم تغيير السوال.
رائد:و الله أنا مو متصل إلا على عقلك إللي ما أدري وين ناسيه.
الأم:تعالوا بس يلا غدى.
((بيت عبد الله))
#بعد الغدا.
دانه:عمار تقدر توديني أنا و البنات المزرعه عشان نجهز المكان.
عمار:إي.ألحيين؟
دانه:إي نبي نرجع قبل المغرب عشان نجهز نفسنا.
عمار:أوك.روحي دقي عالبنات.
((بيت أم سعود))
ـــ غرفة نور ـــ
نور:"يا ربي شلون شلون؟! وعامر بس أنا لازم أنساه"
قامت تدور في ثيابها عن شي تلبسه عشان تسلي نفسها شوي.
طلعت:https://images.farfesh.com/articles_i...3er%5B1%5D.jpg
نور:لا ما راح ألبس بدون أكمام شراح يقولون.
طلعت:https://photos.azyya.com/store/up3/0902131302348pfl.jpg
نور:لا هاذا مو حلو.
طلعت:https://www.promod.co.uk/images/produ...m/zp408863.jpg
نور:إي هذا.
و راحت تاخذ لها شارو.
ـــ في الصاله ـــ
اتصلت أم سعود على أم عامر عشان تذكرها.
((بيت عبد الاله))
إتصلت أم فيصل على أختها أم مشعل و على مرت أخوها أم لينا عشان يروحون معاها.
((بيت أم سعود))
ـــ غرفة نور ـــ
طلعت نور و لبست فستانها و سوت شعرها و حطت لها ميك أب بني خفيف.
بعد ما خلصت إتصلت على صديقتها أروى تسولف معاها شوي بدل ما يذبحها التفكيير.
((مزرعة عبد الله))
كانت المزرعه كبيره و حلوه من بره:في اسطبل للخيول و مسبح خارجي للشباب و جلسه شعبيه عالأرض و جلسة كنبات و ألعاب للأطفال.
و من داخل الدور الأرضي:فيه مجلس للرجال و غرفه للحريم و غرفه للبنات و غرفه للشباب و مطبخ يطل عالصاله و مسبح داخلي للبنات.
و الدور الثاني:فيه غرفة نوم للرجال بحمامها و غرفة تبديل و غرفة نوم للحريم هم بحمامها و غرفة تبديل و غرفة للبنات و غرفة للشباب نفس غرف الرجال و الحريم.
ـــ بره ـــ
رغد:نسويها داخل و لا بره؟
الجوري:بره أحلى بس أخاف الجو ما يساعد.
شجون: عيل نسويها داخل في الغرفة الكبيره.
((بيت أم سعود))
كانت أم عامر قاعده تسولف مع أم سعود إلا رن الجرس و كانت أم فيصل و أم مشعل و أم لينا.
((المزرعه))
راحوا البنات للغرفه و جهزوا الزينه و البالونات و الشموع و بخاخات الثلج.
((بيت أم سعود))
ـــ في الصاله ـــ
دخلت نور بصحن فيه شاهي عشان تقدمه للضيوف.
قدمته لأمها.
الأم:مشكوره يما.
قدمته لخالتها أم عامر.
أم عامر:"كان المفرووض تكون لولدي بس شأسوي في الولد إذا راسه يابس ما يبي إلا ريم بنت عمه ما أدري شنو عاجبه فيها":مشكوره.
و قدمته لأم فيصل.
أم فيصل: عيني عليج بارده مشاء الله قمر قمر يا بخت فيصل فييج.
و قدمته لأم مشعل.
أم مشعل:مشكوره .و يا بختها بفيصل.
و قدمته لأم لينا.
أم لينا:مشكووره.
قعدت يمهم شوي.
أم فيصل:قمر قمر عالأرض ربي يحفظج.
أم مشعل:حسافه ما عندها أخت جان خذتها لولدي بشار.
أم سعود:مشكورين ما تقصررون.
استحت نور و قامت.
أم لينا:البنت تشتغل؟
أم سعود:إي في مستشفى قسم إستقبالات.
((المزرعة))
البنات خلصوا و اتصلوا على عمار يجي ياخذهم.
((بيت زياد))
ـــ غرفة رائد ـــ
اتصل رائد عالبوفيه عشان يأكد عليهم.
و بدل ما يظغط رقم 1 ظغط رقم 2 و اتصل على رنا.
((بيت عبد الله))
ـــ غرفة رنا ـــ
رنا كانت مشغووله عالابتوب رفعت بدون ما تشووف المتصل.
رنا:ألو.
رائد مستغرب:رنا؟!
رنا هم مستغربه من اتصال رائد:رائد!! غريبه متصل آمر؟
رائد:لا كنت بأدق على البوفيه أأكد عليهم و شكلي بدل ما أظغط 1 ظغطت 2.
رنا:مره ثانيه ركز في الأرقاام.
رائد يستهبل:حاظر إستاذه رنا.تامرين بشي؟!
رنا:ههههه صج الدنيا دواره.
رائد:ما فهمت.
رنا:أمس كنت أنا اللي أقولك اليوم إنت تقول لي.
رائد:هههه خلاص بكرا لا تقولين لي أنا اللي أقولج.
رنا:لا تطنز علي بكرا إجازه.
رائد:ما شاء الله ما ينقص عليج.
رنا بالمصري:دا أنا رنا و الأجر على الله.تبي تقص علي بسهوله في أحلامك.
رائد:هههههه.عن إذنج بأتصل عالبوفيه أأكد عليهم لا تجي شجوون و تذبحني.
رنا:ليش وين هي؟
رائد:في مزرعتكم.
رنا:إي صج تذكرت.
رائد:عن إذنج.تامرين بشي؟
رنا:ركز في الأرقاام مره ثانيه.
رائد:ههه أسفين خلاص حفظت الدرس راح أركز و أحل زين بعد هههه.
رنا:هههههه
رائد:ذكرتيني بأمي أول في الإختبارت في يوم إختبار الرياضيات تعطيني محاظره طويله و دايم تقوول ركز ركز في الأرقام.
رنا:ههههه.جات دانه.
رائد:ها عيل جات شجووون يلا باي خليني أتصل.
رنا:ههه باي.
بعد ما سكرت رنا قعدت تفكر:"شنو هالصدف؟! شنو هالاحساس الغريب اللي أحس فيه كل ما أشووفه و لا أسمع صوته؟!ليكوون حبيته "
((بيت عبد الإله))
ـــ الصاله ـــ
كان فيصل قاعد يتابع التلفزيون إلا بدخلة أمه.
فيصل:ها يما شلون شفتيها؟!
الأم:بصراحه البنت حلوه سمرا و طولها حلو و جسمها هم حلو مو ضعيفه و لا متينه.تقدر تشوفها تشتغل في مستشفى...........قسم إستقبالات.إلا وين خواتك؟!
فيصل:راحوا السوق يشتروون هدايا لأنه حنا معزومين عيد ميلاد غصون بنت عم إعيال خالتي.
الأم:أممممممم.
إلا وقف فيصل.
الأم:و إنت بعد وين بترووح؟!
فيصل:بأروح غرفتي أبدل ملابسي عشان أروح السوق أبدل جوتيي أجيب أصغر منه كبير.
((بيت أم سعود))
رن تليفوون نور.
نور:ألو.
أروى:هلا.
نور:أهلين.شلونج؟!
أروى:تماام.إنتي شلونج؟
نور:بخير.
أروى:نسيت أقولج إنتي معزومه الليله عيد ميلاد غصون.
نور: غصون بنت عمتج؟
أروى:إي.
نور:وليش توج تقولين؟!
أروى:ما عرفت إلا اليوم ما حبيت أقعدج الظهر من نومج و العصر بيتكم ضيوف بطلعين و تخلينهم و هم جايين يشوفونج.
نور:وين؟
أروى:مزرعة بو مشعل.
نور:منو بو مشعل؟
أروى:عم غصون.بو رنا.
نور:إي عرفته.يلا باي.
أروى:بايات.
((في السوق))
بعد ما خلص فيصل و رجع الجوتي رجع لسيارته.
ـــ قدام السوق ـــ
وقفت نور السياره و توها بتفتح الباب إلا يحك باب سيارتها في باب سيارة فيصل.
إلا فيصل جاي.
نور:إنت صاحب السياره؟!
فيصل:إي ليش؟
نور:و انا ما أدري بأفتح باب سيارتي إلا يحك في باب سيارتك.أنا أسفه و مستعده أصلحها لك.
فيصل:لا عادي ما صار إلا الخير.أصلا السياره يبي لها تغيير.
نور:لا بس لازم أصلحها لك بدل ما خربتها.
فيصل:لا خربتيها و لا شي كله حك بسييط عادي.
نور:براحتك.و أكرر لك أسفي.
نور توها بتمشي.نور:""يا ربي صوته مو غريب علي مو أول مره أسمعه"
فيصل:"ما أدري وين سامع صوتها من قبل":لو سمحتي.
نور:آمر أخوي.
فيصل:أنا سامع صوتج من قبل بس ما أدري وين؟
نور:حتى أنا أحس إنه صوتك مو غريب بس ما عرفتك.
فيصل شك إنها تكون نور:تعرفين واحد إسمه عامر علي ..........
نور استغربت شعرفه في عامر ما توقعته فيصل توقعته مشبهها فيه:إي ولد خالتي.
فيصل:إنتي نور؟!
نور مستغربه:"شكله فيصل":إي.إنت فيصل؟
فيصل:إي.طلعتي أحلى من اللي وصفته أمي.
نور استحت و حست براحه تجاهه.
فيصل:أنا عازمج داخل على كوفي.
نور:مره ثانيه.أنا ألحيين مشغوله.
فيصل:ما عليه.مشكوره.
نور مستغربه:على شنو؟!
فيصل:إنج شمختي السياره عشان تكون سبب عشان أشوفج و أتعرف عليج و عشان هالذكرى ما راح أشتري غيرها.
نور:هههههه.

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1