ساد هارت ©؛°¨غرامي جديد¨°؛©

السلام عليكم ورحمة الله وبركاته
هذي قصتي الاولى ومشاركتي الاولى في المنتدى الرائـع وحبيت انزل قصة كتبتها ان شاء الله تعجبكم


قصـة حـبك في قلبي محـفوظ , بقلمـي

الشخصيـآت :

عـائـلة أإبو نجود

أبو نجود :ريـال عنـي عنده شركـات يحـب بنته نجود و مـايرفـض لهـا طلب
أم نجود : مـاتشتغـل .. تحـب بنتهآآ نجود وايد
نجود : عمـرها 18 في ثـالث ثنوي بنت حـبوبه و طيبـه الكل يحبهآ عينها وآسعة وعسليه شعرها طويل اسود وناعم بيضـاء و احلى شي ضحكتها و غمازتها ^^


عائلة ابو خالد
ابو خالد : ريال معروف و غني و اخو ابو نجود
ام خالد : معلمة في روضة الاطفال
خالد : عمـره 22 ماشاء الله عليه وسيم
سالم : وسيم وسيم لآخر درجه أبيض عيونه بنيه وشعره رووعهـ
سارة :عمرها 18 اربيعت نجود الروح بالروح مايفترقون ابد
جمالها متوسط .
مريم :عمرها 5 سنوات كتوته وحلووه

عائلة ابو حمـد
ابو حمد :عنده شركه وحاله متوسط و اخو ابو نجود و ابو خالد
ام حمد :ماتشتغـل
حمد :عمره 21 اربيع سالم و خالد وايد ويا بعضوبتعرفونهم اكثر في القصة
نورة :عمرها 19 صديقة سارة و نجود ودوم مع بعض
عائشة :توأم نورة عمرها 19 و دايما مع بعض واحيانا يتضاربون هع ومايتشابهون
ميرة :عمرها 15 الاخت البنت الصغيرة في عائلة ابو حمد
مشاعل :عمرهآ 25 متزوجه ماعندها عيال زوجها حمدان
..
منـى ( خـالة نجود) : مـديرة مدرسة اعدادية
خليفة : عمره 21 اربيع خالد و بتعرفون عنه اكثر في القصة
مهرة : عمرها 20 أكبر من نجود و سآرة بس وايد وياهم
شوق :عمرها 18بنت مغرورة شايفة نفسها تكرهه نجود و سارة وكل الي يحبونها
فاطمة : 17 ثآني ثنوي وتحب نجود و ربعهآ مب مثل شوق

سلطان : عمـره 26 خال نجود مب متزوج يشتغـل في شركة

الجـزء الأول

وصـلت المدرسه متـاخره بس الجرس ما دق باقي دقايق ويبدأ الامتحان ( كانت امتحانات نهاية السنة )

نجود : هلآ سآآرونه هلا عواش و نوروه شحآآلكم
البنات : تمام والله انتي شحالج
نجود : الحمدالله .. ها بنات ذاكرتو عـدل
عائشة : اليوم خلاص بنفتك والله اخر يوم في الامتحانات

رآآجعـو والا شووي ويدق الجرس ودخـلو الامتحان و عقب ساعتين طلعـو


نجود : بنات كان الامتحان سهـل لآه
سآرة : هييه الحمدالله سهل حليت زين
عائشة و نورة : وايد سهل

رجعـو البيت

دخـلت سآآرة بيتهم والكـل كان يالس في الصالة

ابو سارة : هـلا بنتي سارة شو سويتي اليوم
سارة : والله الامتحان كان سهل
ام سارة : الحمدالله

عــقب اسبوع طـلع النتايج والحمدالله الكـل نجح

في بيت سآرة

ابو سآرة : ام سارة اليوم بنسوي حفلة نجاح البنات والاولاد
أم سارة : عيل بتصل فيهم

في بيت نجود

يرن تلفون البيت ترد نجود : الو
ام سارة : هلا والله بنتي نجود شحالج
نجود : بخير الحمدالله انتي شحالج خالتي
ام سارة : والله تمام , مبروك النجاح
نجود :الله يبارك فيج خالتي
ام سارة : اليوم نحن مسوين حفلة نجاح و نهاية المدرسه ولازم اتون
نجود : مشكووره خالتي والله ان شاء الله بنكون عندكم
ام سارة :العفو , مـع السلامه
نجود : مـع السلامه

نجود قالت حـق امهـا وتجهـز الكـل

وصلو بيت سآرة و احتفلو و كانت الحفلة ولا احلى كان الكل موجودين حتى خالة نجود منـى كانت موجودة وعيالها الا شوق مارضت اتي الحفلة

السـاعة 10 في بيت سآرة
سآرة : بنات شو رايكم اليوم ترقدون عندي
عائشة : مادري بقول حق امي
نجود : انا بعـد
سآآرة : لآ لآ ولا يهمكم انا ارمس امهاتكم

سارت سآرة و قنعت امهاتهم حتى خالة نجود منـى قنعتها تخلي بناتها مهرة و فاطمة

والبنات نجود و عائشة و نورة و فاطمة و مهرة كانو داقين سوالف ويت سآرة وقالتلهم ان وافقو ..

السـآعة 2 والكـل رآح طبعا ما عدا البنات كانو يسولفون ومستانسين

سآرة : بنات شو رايكم نشوف فلم
عائشة : هيه والله اممم نبغي فلم رعب
فاطمة : لا انا اخاف نبغي رومانسي
نجود : خخخخخخخخ يالجبانه لا سارونه حطي رعب
مهرة : انا اخاف بس مادامكم وياي مابخاف
البنات : هههههههههههههه
سآرة : منو بيختار الفلم
نورة : انا عطيني وانا بختار
نجود كانت عطشانه وقالت حق سآرة : ساروه ابا ماي
سآرة : انزلي المطبخ
نجود : اممممم اوكي في حد
سآرة : لآ محـد اظن كل حد رآقد
نجود : اووكي مشكوره الحين بيي مابتاخر

نـزلت نجود المطبخ وكانت تدور اكواب وحليلها ماحصلت الاكواب وشوي والا تسمـع صوت وخافت وقفت مكانها ماتحركت والا يدخـل عليهآآ سآآلم

سالم يوم شافها انصدم ويقول في نفسه شو تسوي هاي اهنيه وبعدين حس في عمره ولف ويهه عطاهاظهره : انا آسف ماانتبهت بغيتي شي

نجود : أأأ كنت ادور الاكواب
سالم في نفسه حليلها والله ساروه بدال ماتنزل تيب الاكول مطرشتنها هي وقالها مكان الاكواب وراح بسرعه فوق

نجود شربت وراحت فوق بسرعه

سآرة : نجود بلاج فيج شي
نجود : لآلآ مافيني شي
عائشة : من مساعة نترياج وايد اتاخرتي كنت بنبدا الفلم
نجود : خخخخخخخخخ يلا انزين نشوف

وشغلو الفلم وكان يخوووف ونص سآعة وماكملو من الخوف سكروه و راحو يرقدون


قامو الظهـر تغدو وطلعو المـول اشترو اغراض و لفو لين ماتعبو وردو العشاء وكل وحده ردت بيتها

الساعة 10 فليل
ام نجود : نجود باجر بسير البـر بنتم يومين وبعدين بنرجـع وعقبها بنروح الشاليهات في العين

نجود : الله ونااااسسسه وكلهم بيون ويانا ؟ وصح ليش ماخبرتيني من قبل احط اغراضي

ام نجود : كلهم بيون ويلا سيري حطي اغراضج وارقدي لان من الصبح بنسير
نجود : اوكي تصبحين على خير
ام نجود : وانتي من اهله

جهـزت اغراضها ورقدت والصبح قامت بسرعه واتجهزت وكل شي وراحو كلهم بيت سآرة

ام سارة : يلا يا بنات اركبو السيارة
البنات : ان شاء الله

كانو وايد وراحو في 6 سيارات وخذو وياهم خيم كبيرة عشان يرقدون فيهآآ وصلو البـر السـاعة 10 الصبح اول ماوصلو حطو الاغراض والخيم وكل شي خيمة للحريم و خيمة حق الريايل وخيمة للبنات و خيمة للاولاد

نجود نست موبايلها في سيارة خالد اخو سآرة وراحت اتيب المبايل كانت السيارة مفتوحه وواقف حذالها سالم
سالم عرف انها ناسيه موبايلها
نجود : أمممم شفت موبايلي
سآلم : هيه وعطاها اياه
نجود : شكرآآ وراحت بسرعه
رجعـت عند البنات وويههآ الون خخخخخخخخخ

نجود : بنات شو رايكم نلعب دراجات
البنات : اوكي عادي
راحو البنات قالو حق امهاتهم
و ابو نجود كان مستأجر دراجات حق البنات والاولاد
ركبو الدرجات وراحو شووي بعيد عن مكان الخيم

سآرة : يلا منو يتحداني في سباقà خخخخخخخخخخ
عائشة و نورة : انا
سآرة : اوكي وحددو البداية لين النهاية
وفازت سآرة

نجود سآرت مكان بعيد عنهم وماتدري وين رآيحه وبعد لانهم في البـر وراحت بعييد بعيييد و اختربت الدراجه عليها وماعرفت شو تسوي وقالت :الحمدالله اني يايبه موبايلي بتصل حق ساروه وللآسف مافي شبكة وحاولت تتصل بس مايستوي وكانت بتصيح و يلست تصرخ يمكن حد يسمعها ويلست تتريا يمكن حد ايي و يحس انها مب موجوده ويدورونها ورجعـت تصرخ يمكن حد يسمعهآآ

وفجـآآة ..................................



انتظروني في الجـزء الثاني من القصة


آمـوت بحبيبي ©؛°¨غرامي متألق ¨°؛©

بدآيه موووفقه...

بآنتظآر آلجزء آلثآني...

ᴇᴎᴆᴌᴇšš ©؛°¨غرامي فعال ¨°؛©

||

بـدآيــه حلــووهـ آلشييخــه ×
آمم ..
يمكــن سسـآلـم جـآفهـآ ]

بـ آلتووفييــق يــآرب ..
بـ آنتظـآر آلـ بــآرت ~

يعـآفييــج ربــي =)


ساد هارت ©؛°¨غرامي جديد¨°؛©

المشاركة الأساسية كتبها ᴇᴎᴆᴌᴇšš اقتباس :
||

بـدآيــه حلــووهـ آلشييخــه ×
آمم ..
يمكــن سسـآلـم جـآفهـآ ]

بـ آلتووفييــق يــآرب ..
بـ آنتظـآر آلـ بــآرت ~

يعـآفييــج ربــي =)
أإنتــي الاحلى
الله يوفقك الكل يآرب
شكرآ على المـرور
اسعدني تواجدج
وبس يتفاعلون الاعضاء بنزل الجزء الثاني ^^
نووووووورتي


ساد هارت ©؛°¨غرامي جديد¨°؛©

المشاركة الأساسية كتبها بنت شيوخ اللي يشوفها يدوخ اقتباس :
بدآيه موووفقه...

بآنتظآر آلجزء آلثآني...
شكرآآ على المـرور
اسعدني تواجدج
منوووره اختي


ڪَلـﮯ روقاטּ ©؛°¨غرامي مجتهد¨°؛©

يعطيك العـآآآفيه



بدآآيــه موفقهـ





و ننتظــر جديد إبــداعك


ساد هارت ©؛°¨غرامي جديد¨°؛©

المشاركة الأساسية كتبها ڪَلـﮯ روقاטּ اقتباس :
يعطيك العـآآآفيه



بدآآيــه موفقهـ





و ننتظــر جديد إبــداعك

الله يعافيكي
انتي الابداع كله شكرآ على المـرور
منوووووره يآ عسل ^^

ساد هارت ©؛°¨غرامي جديد¨°؛©

بكمل الروايه

--------------------------------------------------------------------------------

الجــزء الثآني من رواية حبك في قلبي محفوظ
..
وراحت نجود بعيد وعلقت الدراجه عليهآآ
ومافي احد قريب منها
حاولت تتصل بالمبايل مافي شبكة
ويلست تصارخ بس محد سمعها
ومن الخوف كانت بتبكي
وفجـآآة ...................


يت دراجه و وقفت من بعيد ونزل صاحب الدراجه وكان يمشي صوب نجود وهي خايفه ومب عارفه شو تسوي لآ تقدر تتصل حق حد ولا تقدر تروح بعيد وصل لها ...

الولد : سمعت صوتج ويت اشوف شو بلاج

نجود : لا مشكور مافيني شي

الولد : هذي دراجتج شو فيها اختربت عليج ؟ تعآلي اوصلج

نجود : لآ لآ تشتغـل بس طاح عني شي ويالسه ادوره

الولد : شو هو بدور وياج

نجود ماعرفت شو تقول وكان ودها تصيح وقالتله ان دراجتها اختربت واخوها بيي وهي واقفة تتريآه

الولد : انا بوصلج عادي

نجود : لآ الحين اخوي بيي à ماعندها اخو اصلا

الولـد في نفسه رووعة هالبنت تاخذ العقل الا اخليها تركب وياي وسار وسحبها والا يركبها معاه

ونجود مب رآضيه وكانت تسحب ايده
..
سآرة و نورة وعائشة يلسو يدورون على نجود لين ماتعبو وماحصلوها وسارت سارة بسسرعه عند خالد و حمد و سالم وخبرتهم
عصبو عليهم لانهم ماقالولهم من قبل وكل واحد ركب دراجته وراح يدورون عنها

نـرجـع لـ نجود دفعت الولـد ورآحت تركض بس كان اسرع منها ويودها والا يووصل حد ونزل للولد وعطاه بكس قوي طاح الولد على الأرض ركب الولد دراجته ورآح بسسرعه من الخوف

نجود منصدمه : سآلم

سالم معصب : حد قالج تعالي هنييه بروحج ولو سوالج شي الحيين ومحد يدري عنج

نجود دمعت عينها وماردت عليه

سالم غمضته وسكت
وراح يشوف دراجتها و حاول يشغلها و اشتغلت
وقالها اركبي دراجتي لان يمكن ترد دراجتج تخترب عليج
نجود ركبت دراجة سالم وراحت قبله و هو لحقها
وصلت للخيم

سآآرة تركض وتحضن نجود : وين سرتي نونو خوفتينا عليج
نجود تبغي تصيح : اختربت دراجتي وو و و .......... وصآحت

عائشة و نورة : شو فييج نجود
سآرة : قالتلها خلاص لآ تصيحين وروحي عند امج خايفة عليج

نجود دخلت عندها امهآآ
تقوم امها وتحضن بنتها وينج يابنتي خوفتينا عليج خفت استوى فيج شي
نجود : لآ امي الحممدالله مافيني شي بس وقفت علي الدراجه

سالم كان معصب من الي استو بس بعدين هدت اعصابه

البنآآت يلسو ويآ نجود و قالتلهم شو استو
سآرة : اويييه انتي الخبله ليش اتسيرين بعيد
عائشة : الحمدالله ان سالم وصل بسرعه
نورة : هيه والله لو تاخر شوي بس الله يعين
فاطمة : يلا بنات بنروح نشوي حق العشاء
البنات : يـلا

يلسو البنات يشون حق العشاء وكان الجو برع حلوو وايد
عقب ماخلصو البنات و تعشو وكل شي سآرو يرقدون لآن بيقومون من الصبح عشان بيسيرون الشاليهات في العين

الصبـح قآمو من السآعة 6 وراحو البيت يجهزون و بعدين في ركبو السيارات البنات في سيآرة و الحريم في سيارة والريايل في سيآآرة البنات في السيارة سوالف و حالة واغاني لين ماوصلو

وصلو الشاليهآت السآعة 10 ونص كان وايــد كبيــر قسم حق البنات والحريم و قسم ريايل و اولاد في مسبح و قريب من الشاليهات بحـر و في ملعب كره

عائشة : خخخخ شو رآيكم نلعب كره
سآرة : اممم عادي
نجود : اووكي بس اول بنحط الاغراض بعدين
فاطمة : اوكي يلا

حطـو الأغرآض وكل شي ولبسو ملابس ريآآضه خخخ عشان يلعبون كره والا عم نجود يتصل " سلطآن " يقولها نحن بنلعب كره تعآآلي شجعيني هههههههه راحو عندهم سآرة تشجـع اخوانها خالد و سالم و نجود تشجـع سلطان و عائشة و نورة يشجعون حمد فاطمة و مهرة يشجعون خليفة دخـل سلطان قوول و نجود فرحانه وتشجـعه شوي و يشوت الكـرة بالقوى و ضربت رأس سآرة

سآرة طاحت على الأرض : ايييي راسي انت ماتشوف
خليفة : انا اسف ماادري
سارة قامت : امم لا عادي
الاولاد : ههههههههههههههههه يضحكون على خليفة

كملو اللعب وفآز فريق سلطآآن

رجعـو البنآآت الشاليه ويلسو سوالف و تخطيط وفكرو يسون مقلب في الأولاد

مهـرة : يلا نبغي مقلب حلوو نسويه فيهم
سآرة : امممم لحظة افكر
نجود : يلا يلا فكري
سارة : لا والله وانتي ليش ماتفكرين بس انا
نجود : ترى انتي ام الافكار , انزين يلا بنات فكرو نبغي مقلب حلو
البنآآت : امممممم
سآرة :عندي مقلب بنسير عند الاولاد بنقولهم ان نحن كنا نسبح في البحـر و انا و عاشوه غرقنآآ بيدخلون فيالبحـر حليلهم ويتخرسون مآآي بعدين نقولهم مقلب ونشرد وانا عواش مابنكون وياكم نجود و نورة و مهرة وفاطمة انتو تسيرون تقولولهم شو رآآيكم في المقلب

نجود : ههههههههههههه حلو بس لو عصبو علينا
نورة : مايقدرون يسولنا شي
فاطمة : اخاف يسولنا شي
سارة : لا لا تخافون مابيسون شي

سارة و عائشة يلسو في الشاليه و نجود و فاطمة و مهرة و نورة سآرو عند الأولاد

نورة تصرخ : حــــمـــــــد حمـــــــدوووه
حمـد : شو فيج تصارخين ومب اصغر عيالج تقوليلي حمدوه
نورة تسوي عمرها بتصيح : بسسرعه الحقو عواش اختي و ساروه غرقو في البحـر
حمد : شووووووو ! كييييييييف
نورة : مب وقته تسال بسرررعه
حمد قال حق الاولاد وبسرعه نط حمد و سالم و خالد في البحـر والاولاد واقفين طبعا مايقدرون يتدخلون في خواتهم
طلع خالد يقول ماحصلناهم والبنات شوي وبينفجرون من الضحك والاولاد خايفين نط خليفة والاولاد يمكن يحصلونه
عقب يت سارة و عائشة و طلعو الاولاد من البحـر وقالولهم مقـــــــلب وشردو والاولاد انصدمو ويلسو يطاعون بعض ويقولولهم مردوده مرودوه
والبنات ماتو من الضحك

سآآرة : هههههههههههههههههه والله تضحك اشكالهم
نجود : ههههههههههههههههههههههه ايي بطني ماشفتي اشكالهم كيييف
البنات : هههههههههههههههههههههههههههه
عـند الأولاد

خالد : والله انا اراويهم والله مردوده
سالم : ماعليه ياساروه
حمد : والله انا الي صدقتهم
خليفة : انزين نحن بنسويلهم مقلب
سلطان : خخخخخخخخخ الحمدالله اني مانطيت وياكم
حامد : ولا انا مانطيب ( كانو ربع خالد و سالم حمد وياهم
والي هم حامد و عبدالله و محمد وسيف )
خالد : بس لازم تساعدونا في المقلب
حمد : عندي مقلب
الاولاد : شو
حمد : اسمعـو ............................. شو رآيكم
خالد : اممممم عادي بس يمكن يعرفون ان مقلب
سالم : بنسويه باجر عشان مايشكون فينآآ
الاولاد : اوكي خلاص

السـاعة 1 فليل كلهم رقدو
الا نجود و سارة من البنات و من الاولاد سالم وخليفة

نجود : شو رآيج نتمشى على البحـر
سارة : اخاف فليل الحين
نجود : خلاص كييفج انا بسير عيل
سارة : لا لا مافي اتسيرين بروحج خلاص انا بيي وياج
نجود : اوكي يلا انسير

طـلعو من الشاليه و البحـر قريب منه جدامه بشوي وراحو عند البحـر

نجود تذكرت المقلب الي سوته في الاولاد وضحكت

سآرة : بسم الله بلاج تضحكين
نجود : اتذكرت المقلب ههههههههههه
سارة : هههههههههههههههههه حليلهم والله اكيد عصبو
نجود : زين شردنا ههههههههههههه
سارة : خخخخخخخخ

سارة شافت شي من بعيد اسود وخافت

سآرة :نجود شووفي هناك
نجود :بسم الله منو في هالوقت بيطـلع
سارة خايفة :اتخيلي جني
نجود خافت : أأأأ شو نسوي
" ترى كان ضباب ومايبين الشخص حتى لو كان قريب "
سارة :مااعرف اميي اخاف
..
سالم : خلووف شوف هناك في حد يالس
خليفة : هيييه بس منو في هالوقت طالـع
سالم : تعال نجوف

نجود و سآرة من الخوف ماتحركو يوم شافو الشخصين قربو اكثر منهم قامو بيركضون

خليفة : هاي اظني فطوم اختي
سالم : وهاي ساروه
خليفة : تعال نخوفهم
سالم : يلا

سآر خليفة بيود اخته فاطمة بس ماكانت اخته كانت سارة وسالم كان يتحسب نجود هي سارة

سالم يود نجود وقالها : ساروه يودتج ليش طالعة في هالوقت

يوم انتبه والا طلعت نجود من الفشله مااعرف شو يسوي
يقول في نفسه " حرام كل يوم افشلها "

نجود :أأأأ انا نجود
سالم :آسف والله ماانتبهت اتحسبتج سآرة اختي
نجود :لآ عادي

وخليفة يود سآرة وقالها :بووووووووووووو
سارة خافت
خليفة انتبه انها مب سارة قالها:اسف والله اتحسبتج فطوم

خخخخخخخخ كلهم افتشلو

نجود و سارة ردو الشاليه بسرعه لان عصبو عليهم طالعين فليل

سالم وخليفة تمشو شوي ورجـعو

السـاعة 2 في الشاليه

نجود : وقف قلبي والله خـفت
سآرة : انا اكثر منج
نجود : انا تعبانه بـرقد
سارة : انا بعـد
نجود : تصبحين على خير
سارة : وانتي من اهله
ورقدو

سـالم كان يفكـر في نجود وفي كل مره يستوي شي يكون هو موجوود في الموقـف
وخليفة كان يفكر بـ سارة الي خوفها اليوم و الصبح ضربها بالكرة على رآسها



خــلص الجـزء الثآآني
انتظروني في الجـزء الثآآلث من القصة ^^


ساد هارت ©؛°¨غرامي جديد¨°؛©

الجــزء الثـالث ..

الصبــح السـاعة 8
قـامت نورة و فاطمة قبل البنات مب راضين يقومون وكانت فاطمة يالسه على طـرف البلكونه و تحتها المسبح

نورة : يلا يا بنات قومو بس ماشبعتو نوم
نجود : شوي شوي خمس دقايق
فاطمة : بتقومون ولا شو
مهرة قامت ودخلت الحمام
نجود : مهرة دخلت الحمام يوم بتطلـع قوموني
فاطمة : نجووود يلا قوومي
وكانت على طرف البلكونه وبالغلط طـاحت من فوق في المسبح
نورة تصرخ : فطوووووم فطووووم وتنزل تحت بسرعه
وطلعت مهره : فطوووووم بلاها ونزلت ورآ نورة
نورة تركض بسرعه عند اخوها حمد وهي تصرخ : حمممممممد حمممممممد
يطلع محمد : هلا بغيتي شي
نورة : ويييييين حمد
محمد : راقد
نورة صاحت : فاطممة غرقت في المسبح
محمد اتحسب مقلب : هيه اتقصون علينا بعد هالمره مابنصدقكم
نورة صاحت زياده : لآ لآ .... صدقني والله
محمد صدقها وراح يركض في المسبح وصدق شاف حد داخله ونط طلع فاطمة بسرعه
نورة تركض عند فاطمة وتهزها : فاااطممممة فاااطمة قوومي فاطمة
محمد : مابتقوم مغمـى عليها بوديها المستشفى
شلها محمد بسرعه و حطها في سيارته وبسرعه على المستشفى
نورة راحت قالت حق ام فاطمة والكـل
نجود توها قايمة من الرقاد وماتدري شو السالفة ورايحة عند المسبح بالبجامه وتطـاع المسبح وكان سالم واقف عند المسبح وهي ماانتبهت له والا تشوفه وتصـرخ وتشرد سالم ضحك عليها وراح

في المستشفى
وصل المستشفى ودخلها غـرفة وطلع يتريا الدكتور
دقايق وطلـع الدكتور : مافيها شي الحمدالله بس غمى عليها
محمد : قامت الحين
الدكتور : لا بعدها ماقامت
محمد : يعني نخليها في المستشفى
الدكتور : هيه احسن ترتاح وباجر في أي وقت تعال وخذها
محمد : ان شاء الله مشكور والله ماقصرت
الدكتور : العـفو
محمد : مع السلامه
الدكتور : فمان الله

طـلع محمد ورد الشاليه توى وصل والا خليفه طيران ياي : محمد وين فاطمة
محمد : في المستشفى
خليفة : استوى فيها شي
محمد : لا بس غمى عليها والدكتور قال ترتاح احسن لها
خليفة : الحمدالله والله مااعرف كيف اشكرك
محمد : لا عادي والله ماسوينا شي

خليفة قال حق امه ان اخته فاطمة مافيها شي

فليل قـالو البنات يشون
سآرة : نجوود تعالي سووي وياي اليوم بس اشوفج يالسه وسرحانه حضرتج ونحن نسوي
نجود : أأ اوكي
سآرة : فيج شي اليوم
نجود تجذب : لا فيني نوم تعبانه شوي
سارة : اخر وحده قايمة وبعد فييج نوم وعشان مره ثانيه ترقدين من وقت مب بسير البحـر وبسير المريخ
نجود : هههههههههههههههه
أم سارة : خلصتو ولآ بعدكم
سارة : لآ امي باقي شووي مااستو عـدل
نجود من الدفاشه احترقت : أيييييييييييييي
ام نجود : بسم الله عليج شو بلاج
نجود : ايييي احترقت
سآرة : من الدفاشه
الكـل : ههههههههههههههههههههههههههه

الأولاد
خالد : متى بيبون الاكل يوعان
ابو خالد : بس تفكر في بطنك
الاولاد : ههههههههههههههههههههه

خلصو العشاء
ام سارة : سارة قومي خذي الاكل و وديه عند الاولاد
سارة : امي مااقدر اسير تعبانه
ام سارة : يلا قوومي
سارة : نجود
نجود : هلا
سارة : فديتج انا ودي الاكل عند الاولاد
نجود : فديتج حق المصلحه انتي سيري وديه
سارة : تعالي وياي انزين
نجود : اوكي يلا تعالي
سآرو نجود وسارة يودون الأكل والا يطـلع لهم حامد اربيع خالد و سالم
نجود وسارة : أأأأأأأأأ وشردو
نجود : اتصلي حق خالد ولا سالم يطلعون ياخذون الاكل عنج
سارة : اوكي
شلت الفون وتتصل
ترن ترن
خالد مـايرد وردت تتصل ولا يرد
اتصلت على سالم
سالم : الو هلا سارونه
سارة : هلا والله بـ اخوي حبيبي -> مصلحه
سالم : اختصري شو تبغين
سارة : انا و نجود يايبين حقكم العشاء تعال برع وخذه عنا عن يطـلع لنا حد من الاولاد
سالم من سمع اسمه نجود قال : اوكي خلاص اترياكم
سارة : يلا
نجود : اوكي
رجعو مره ثانيه شاليه الاولاد وكان سالم واقف يترياهم
سآرة عطته الأكل
سآلم : مشكوورين
سارة و نجود : العفو
ورجـع سالم داخل عند الاولاد ونجود و سارة رجعو
واتعشو ويلسو يسولفون
عائشة : تعالو نتصل حق فطوم
نجود : هيه بدونها المكان مب حلو
سارة : هيه لاه
مهرة تستهبل : مال الشارجه لاه
البنات : هههههههههههههههه
نورة : شو رايكم نتصل عليها
سارة : بس مانعرف رقم غرفتها وفونها عندي
نجود : انزين لييش مانتصل على خليفة ونقوله كم رقم الغرفة
سارة على طول : انا بتصصل
البنات يطالعونها : اووكي
سارة اتفضحت : لحظة باخذ رقمه من فون فطوم
خذت مبايل فاطمة و طلعت رقمه واتصلت من مبايلها

خليفة : الو
سآرة مااعرفت شو تقول : الو السلام عليكم
خليفة : منو وياي
سارة : انا سارة
خليفة يبتسم : هلا سارة شحالج
سارة : الحمدالله بخير انت شحالك
خليفة : دوم يارب انا تمام
سارة استغربت منه : امم بسالك
خليفة : تفضلي
سارة : اتعرف رقم غرفة فاطمة لان انا والبنات نبغي نتصل فيها

خليفة : هيه .. وعطاها رقم الغرفة
سارة : مشكور والله ماقصرت
خليفة : العفو
سارة : مع السلامه
خليفة : مع السلامة
البنات يطالعون سارة وهي ويههآ الون خخخ
نجود : جان بعد دقيتي سوالف ونسيتينا
سارة : ترى هو يسالني يعني شو اقوله
واتصلو على المستشفى و رد عليهم ريال وحول على غرفة فاطمة وكان التلفون يرن وفاطمة ماكانت راقده وردت

فاطمة : الو
نجود : هلا والله فطامي حبيبتي شحالج
فاطمة : منوو
نجود : فقدتي الذاكرة شكلج انا نجود
فاطمة : هلا والله نجود تمام الحمدالله انتي شحالج
نجود : دوم يارب انا بخير شحالج الحيين ان شاء الله بخير
فاطمة : والله تمام مافيني شي
نجود : الحمدالله
فاطمة : والله مااذكر شو استوالي بالضبط بس اني طحت في المسبح
نجود تضحك : هههههههههههههه كنتي يالسه على البلكونه وطحتي في المسبح
فاطمة : هيييه صح
نجود تكمل : ويا محمد وطلعج من المسبح و خذاج المستشفى
فاطمة : اووووويييه وانا كنت بالبجامه
نجود تضحك عليها : ههههههههههههه وتذكرت يوم طلعت بالبجامه وسالم كان واقف خخخخ
سارة : بس نجوود نحن نبغي نرمسها بعـد
نجود : فطوم ساروه بترمسج
سارة: هلا والله
فاطمة : اهلين
سارة : شحالج
فاطمة : والله تمام
سارة : الشاليه مب حلو من دونج
فاطمة : لا اكيد استانستو بدوني
سارة : لآ لآ مظلم من دونج
فاطمة : تسلمين حبيبتي
سارة : الله يسلمج
وكلموها باقي البنات وسكرو عنها لان الوقت كان متاخر

الصبـح الساعة 6
اول مره تقوم نشيطه شافت الكل راقد غيرت ثيابها وطلعت برع كانت يوعانه اتريقت وطلعت يلست عند المسبح رفعت البنطلون وحطت ريلها و كانت تحركها في الماي وحست ان حد وراها ولفت
نجود : سالـم وفي نفسها ياربي شو بيقول عني
سالم في نفسه كل مره مااسير مكان الاقيها موجوده
وبعدين انتبهت انها واقفة وماتحركت من مكانها والا بتقوم تشرد طلعت ريولها من المسبح عشان تشرد بس كانت ريولها فيها ماي فنزلقت وطاحت على الارض
نجود : اييييييييي
سالم خاف : نجود اتعورتي
نجود شوي وبتصيح من الفشله : لا لا مافيني شي من قوة الزلقه كانت بتقوم وماقدرت و قومها سالم ووصلها عند باب الشاليه وهي شوي وبتصيح
نجود : مشكور
سالم : العفو
دخلت نجود بسرعه داخل
وسالم راح الشاليه
نجود دخلت وصاحت من الفشله -> حليلها
وبعدين يابت لف ولفت ريلها و شغلت التفلزيون مافي شي حلو سكرته وراحت فووق رقدت شووي وبعدين قامو البنات و قامت وياهم
سآرة : اليوم زين نجود قمتي بسرعه مب مثل امس ولا كنت بيب ماي وبصبه على ويهج
نجود : هيييه هييه سويها انتي بس وبتجوفين
البنات : هههههههههههههههههههههه
الصبح قبل لا تقوم نجود كان في حد قايم قبلها مب سالم " محمد " راح المستشفى عند فاطمة و كانت راقده عطى السستر ورود بيضاء وقالها يوم بتقوم عطيها قوليلها من محمد ورجـع الشاليه يوم قامت فاطمة يتها السستر وعطتها وقالتلها من محمد فاطمة فرحت وايد وهي تحب الورد الابيض وايد
خليفة كان توى طالع من الشاليه عشان ايب اخته من المستشفى
وصل المستشفى
خليفة : هلا والله
فاطمة : اهلين
خليفة : شحالج اليوم
فاطمة : والله تمام شحالك انت
خليفة : دوم يارب انا الحمدالله
فاطمة : يلا ابا ارد
خليفة يستهبل عليها : لا شو الدكتور قال ورا باجر بتطلعين اليوم مايستوي لازم ترتاحين
فاطمة : شوووووووووو مابا مايخصني
خليفة يضحك : ههههههههههههههه اسولف وياج
فاطمة : اتحسب بعـد
خليفة : يلا نروح
فاطمة : يلا
ووصلو الشاليه البنات فرحانين ويحضنونها -> يقول مب شايفنها من سنة خخخخخخخخخخخخخ
عائشة : فاتج امس شوينا
فاطمة : لآ لآ مايستوي وانا مب موجوده
ام فاطمة : خلاص اليوم بعد بنشوي
وسارو البنات الغرفة يسولفون

..
الاولاد
قالو بيسون المقلب في البنات يقصون عليهم ويطرشون لهم رسالة تهديد
طرشو الرسالة حق عاشه من مبايل سيف لان مايعرفون رقمه لان اربيع اخوهم
طرش سيف رسالة تهديد حق عاشه انه هو شافها بالمول وصورها وبينشر صورتها هي والبنات والبنات يوم جافو الرسالة خافو البنات يلسو يصيحون -> حليلهم مايدرون انه مقلب بعدين
مهره خايفة وبتصيح : تعال انقول حق امهاتنا
نجود : لا شو نحن بنتصل عليه ونتفاهم وياه عشان مره ثانيه مابيخلونا نروح
سارة : هيه صح
نجود : عطيني رقمه
عاشه عطتها الرقم
اتصلت نجود و مارد عليها وطرش مسج ثاني ان اذا اتصلو خلاص بينشرها ماعرفو شو يسون وقالو انه بيقولون حق الاولاد ومن الخوف راح يصيحون عند الاولاد طلعو وشافوهم يسون عمرهم مايعرفون بالسالفة

خالد شوي وبيضحك : شو فيكم
البنات خايفين ويصيحون : واحد طرش ............. والـخ
حمد ميود عمره عشان مايضحك : عطيني اشوف
وراوه المسج
خالد يسوي عمره معصب : حد قالكم انا مااقدر اتصرف الحين بسير اخبر ابوي وهو يتصرف
البنات يترجون خالد : لا خاااااااالد بلييييز لا انزين اتصل على الولد
حمد : شو نسوي نحن مانقدر نتصل ولا بينشر
بنات عاد خلاص يصيحون وحالتهم حالة
ولا يطلعون الاولاد ويقولولهم مقــــــــــــــلب
البنات انصدمو وعصبو يلسو يصارخون مااااااعليييييييه
سآرة : ماااااعليه يا خلوود انا اراويك
نجود : ماعليه انزين حرام عليكم جي اتسون نحن ماسوينا جي فيكم بس بتشوفون
البنات معصبيين و راحو
الاولاد ميتين ضحك عليهم : ههههههههههههههههههههههههههههههههههه
خالد : احلى مقلب
حمد : عشان يتادبون
سالم : ههههههههههه شفتو اشكالهم
الاولاد : هههههههههههههههههه

عـند البنات
سارة : والله اراويهم انا مابسكت الا اردها نحن ماسوينا فيهم جي
نورة : والله حرام انا كنت بمووت من الخوف
مهرة : والله قلبي كان يوقف
عائشة : والله مابنسكت عنهم
نجود : اممممم شو رايكم اليوم نحن نطبخ العشاء
سارة : هذا شو يخصه الحين
فاطمة : مب نحن كل يوم نسوي العشاء
نجود : ههههههههه بنسوي حق الاولاد عشاء خاص اليوم
سارة : فدييييت الذكيه انا
مهرة : بنحطلهم فلفل حـار
عائشة : هيه نترسلهم فلفل
نورة : خخخخخخخخخ حليلهم
سارة : هيه يستاهلون عشان المقلب الي سوه فينا
نجود : هيه والله
فاطمة : ههههههههههه بعدين يوم بياكلونه بنشوف ويههم كييف
البنات : ههههههههههههههههههههه


كان بعده العصر يتريون فليل عشان يسون الي بيسونه
مهرة : مـلل
فاطمة : اممممم شو نسوي
سارة : تعالو نلعب كرة
نجود : هيه يلا
البنات : يلا
راحو بدلو ملابسهم لبسو ملابس رياضه
طلعو يلعبون كره طبعا مافي اولاد لانهم في الشاليه مالهم

سارة و نجود و نورة في فريق
مهرة و فاطمة و عائشة في فريق
بدو يلعبون نجود يآبت القول الأول -> تعرف تلعب
القول الثاني يابته عائشة
كان تعـادل
سارة كانت بتدخل القول الثاني بس فجـأة ........................................

طلعلهم فار ويصرخون كلهم وركض على شاليه الاولاد والفار وراهم -> هههههههههههههههههههه
كانت اشكالهم تضحك ويركضون بسرعه بسرعه ويدخلون على الاولاد ويصرخون
الاولاد خافو : شو فييكم
البنات يصرخون : فاااااااااااااااار
دخل الفار شاليه الاولاد ويا الفار بسرعه صوب نجود و نجود من الخوف نطت على حد ..
نطـت على حامد اربيع خالد و سالم
وهو مب مستوعب خالد و حمد طلعو الفار ونجود من الفشله ماعرفت شو تسوي طبعا قالتله انا اسفة وركضت برع بسرعه وكانت تصيح من الفشله -> حرام

سالم عصب يوم جافها نطت على حامد -> يغار الاخ
والبنات اعتذرو من الاولاد

خالد : لا والله مب مشكله بس الغلط من اصحاب الشاليه
حمد وخالد راحو للمشرفين في الشاليه وقالولهم عن الفار
والمشرفين اعتذرو منهم

نجود كانت تصيح في الغـرفة والبنات يهدونها
سآرة : بس خلاص انتي ماتقصدين ولو انا مكانج والله مانطيت عليه بس الا بركب فوق رآسه من الخوف
نجود كانت تصيح و ضحكت هههههههههههههههههههه
البنات يضحكون : هههههههههههههههههههههه
صـلو المغـرب وراحو يجهزون الاغراض عشان يطبخون العشاء
طبخـو العشـاء حقهم وحق امهاتهم اما الأولاد ترسو الاكل بهارات و فلفل شلو الأكل وخذوه حق الاولاد
سآرة تعطي الاكل حق خالد و ميوده الضحكه
خالد : مشكوره
سارة : العفو
وراحت سارة بسرعه عن تضحك و تخرب كل شي
الأولاد كـلو و حترقو حليلهم اتصلو على البنات
خالد يكلم سارة : انتو شو حاطين في الاكل
سارة : ليش ماعيبكم
خالد : لا
سارة ضحكت : ههههههههههههه تستاهلون وسكرت الخط
الأولاد ماكلو و طلبو لهم أكل خخخخخ


خـــلص الجــزء الثـــآلث
انتظــروني في الجـزء الرآبــع من القصــة ..


ڪَلـﮯ روقاטּ ©؛°¨غرامي مجتهد¨°؛©

يعطيـــك العـآآفيه ننتظرك ع أحر من الجمممممممر







تقبــل مروري


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1