غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-09-2010, 02:55 PM
صورة كااافي لاقاالواا كوويتيه الرمزية
كااافي لاقاالواا كوويتيه كااافي لاقاالواا كوويتيه غير متصل
©؛°¨غرامي فعال ¨°؛©
 
يا دنيا إرحميني / للكاتبة : ReRez ، كاملة


بسم الله الرحمن الرحيم

بقلمي انا ReRez ابدي قصتي .. ابطالها ثنتين .. وحده تربطني معاها رابطة دم ( بنت بنت خالة امي ) .. والثانية رفيجتي .. بس انا ربطتهم مع بعض بالقصة

ولا تربكم كثرة الاسامي ماراح يهمكم الا ( ندى وفرح ) .. وهالمرة حابة اسمّي كل بارت باسم مختلف بناء على احداث هذا البارت ..

نبدي ..


- 1 / هدية اختي -

المكان : المدينة الترفيهية ( مدينة ملاهي بالكويت )
الوقت : الساعه 8 بالليل

ندى اقعدت اتطالع حواليها .. كل شي ازعجها الليتات والالوان واصوات صراخ الناس بالألعاب .. امسكت راسها واقعدت تمشي بممر تقريبا خالي ..
أحمد : ( لحقها ومسكها من زندها ) اشفيج وين رايحه
ندى : ( وخرت ايده عنها ) وخر عني
أحمد : ليش ؟
ندى : ( اتدزه من صدره وتصرخ ) أقولك وخر عنييي خلني بروحي
أحمد : انتي اشفيج ؟

- ندى فجأه طاحت عالارض واقعدت ترجف واطرافها كلها متصلبه ومشدودة -
( أحمد واقف يطالعها مصدوم واهي طايحه يم ريوله ومو عارف شيسوي )
---

- نرجع معاكم بعييييد .. قبل ولادة ندى –

(( فاطمة متزوجه واحد اسمه مشعل يشتغل بالجيش وحالته المادية تعبانه و عندها 5 بنات ( ساره 8 سنين – ريم 6 سنين - جنان 3 سنين – نوره سنتين – فرح سنه ) الله يحفظهم وماعندها صبي .. عندها اخت وحده اسمها أمل متزوجه – اخو مشعل ( سامي ) - بس حالته الماديه وايد احسن من حالة مشعل كان غني بسبة شغله الخاص وشركاته .. أمل صارلها 10 سنين متزوجه بس للأسف كانت عقيم بس سامي وااايد يحبها وكلش مافكر ان يتزوج عليها معنها وايد اصرت عليه بس ماكان راضي ))

- في بيت فاطمة –

فاطمة : ( تحط ايدها على بطنها ) انا وايد خايفه انها تطلع بنت
أمل : ( قلبها عورها ) لا تقولين جذي حمدي ربج ان عندج اعيال .. اشفيهم البنات يهبلون والله .. الله يخليهم لج
فاطمة : ادري انهم يهبلون بس انتي تدرين البنات يبيلهم رعاية و لازم احط بالي عليهم عدل .. غير هذا اهم للحين صغار خصوصا جنون وفروح ونواره .. واذا يبت بنت بعد .. ( اقعدت تبجي )
أمل : ( حطت ايدها على جتف اختها ) ليش تبجين ؟؟ تره العيال نعمه حرام اللي قاعدة تسوينة .. اهو مشعل قالج شي ؟ مهددج يعني؟
فاطمة : لا والله ماقالي أي شي بس اهو يبي ولد وانتي تدرين حالتنا المادية وايد صعبه مابي اكود بنات خلاص والله تعبت
أمل : استغفري ربج .. مايجوز اللي تسوينه
فاطمة : ( تبجي ) استغفرالله يارب
أمل : انتي الحين أي شهر ؟ و ليش ماشفتي نوع الجنين ؟ يمكن يكون ولد
فاطمة : انا بالسابع و مادري خفت كل ما اروح موعدي الزم عالدكتوره انها ماتقولي النوع .. لأني خايفه تكون بنت .. ومن نظراتها احس انها بنت
أمل : حمدي ربج غيرج يتمنى ظفر ياهل ( اسكتت وطالعت الأرض )

( يت الخدامه – سوما - شايله نوره وفرح .. ويمها جنان وكلهم كانو يبجون )

فاطمة : ( تصرخ ) اشفيكم يننتوني .. ليش يبجون ؟
سوما : ( بصوت عالي ) ماما سارو تكي جنون .. نواره فروح يبجي يبي هليب
فاطمة : ( ماسكه راسها ) خلاااص تعبتووني ماني قادره اتحمل اكثر
أمل : تعالي جنون يمه
جنان : ( راحت حق خالتها واهي ميته بجي )
أمل : ( شالتها قعدتها بحضنها ولمتها ) خلااص يمه لا تبجين الحين اروح اطق سارو
فاطمة : ( تكلم الخدامه ) عطيني فرح و روحي سويلهم حليب
سوما : اوكي ( عطتها فرح وخذت نوره وراحت )
فاطمة : ( اسدحت فرح على ايدها ) خلاص عفية لاتبجون .. ماما تعبانه
أمل : ( ماسكه جنان وتمسح على شعر فرح ) خلاص حبيبتي الحين اييبون حليبتج
( دشت سوما مره ثانيه معاها الحليبه مالت فرح )

سوما : ( عطت فاطمة الحليبه ) ماما هليب في شوويه بس هفاضه كلاس
فاطمة : ( خذت الحليبه وقاعده تشرب فرح ) عطيني التلفون
سوما : ( خذت تلفون البيت وحطته عالطاوله جدامهم )
فاطمة : اوكي خلاص روحي .. أمول دقيلي على مشعل .. اذا وخرت ايدي عن فروح تبجي اعرفها
أمل : ( شالت السماعه ) جم الرقم
فاطمة : ( نقلتها الرقم )
أمل : كاهو رن
فاطمة : حطيه على اذني
أمل : ( حطت السماعه على اذن فاطمة )
فاطمة : ألو
مشعل : ( معصب ) نعم؟
فاطمة : مشعل عفيه لا ترد البيت الا ومعاك حفاضات وحليب حق اليهال لا تنسى حليب جنان غير عن حليب فرح ونوره
مشعل : ( بعصبيه ) توني شاريلهم حليب شنو يسبحون فيه ؟؟!!
فاطمة : اي مشعل ماشاءالله عندي ثلاث يهال اكيد بيخلص
مشعل : ( يصرخ ) فاطمة انتي تدرين ان المعاش نصه ينسحب اقساط .. هذا غير الناس اللي تطالبني وواحد خسيس شاكي علي بعد
فاطمة : زين اشلون الحين ؟
مشعل : اشلون الحين عاللي شاكي علي ؟؟ ولا على الحليب والحفاض
فاطمة : لا عالثانيه طبعا .. الاولى متعوده عليها
مشعل : ( يصرخ ) مادري دبري عمرج ( سكر التلفون بويهها )
فاطمة : خلاص شيلي السماعه
أمل : ( ردت السماعة مكانها ) اشفيج ؟
فاطمة : مشعل مو قادر على مصاريفنا انا والبنات
أمل : الله كريم
فاطمة : لو يبت بنت ادري انه راح يحاول مره سابعه وثامنه وعاشره لين اييب صبي ومايهمه ان العيشه صعبه عليهم بسبة الفقر اللي احنا فيه .. اهو اللي مانعه ان يتزوج علي ان ماعنده فلوس يفتح بيت ثاني .. ولا اهو بيموت عشان اييب ولد بأي طريقه
أمل : انتي مالج ذنب .. اصلا علميا نوع الجنس يحدده الابو مو انتي
فاطمة : ( تضحك ضحكة قهر ) هه .. تعالي فهمي مشيعل
أمل : انا راح اقول حق سامي يساعدكم هذا اخوه
فاطمة : أمل من صجج ؟؟ جم مره عطاه بالآلاف عشان يسد ديونه بس قعد يلعب فيهم قمااار وضيعهم .. هذا مايتسنع كلش اعرفه عدل

( اليهال داخل قاعدين يصارخون ويبجون )

فاطمة : ( تصرخ ) ويعه انتي وياها بس سكتو لا اقوم لكم
- فرح كانت نايمه وفزت من صراخ امها واقعدت تبجي –

فاطمة : ( تصرخ ) بس انتي بعد

( جنان انزلت من حضن أمل وراحت داخل تركض )

أمل : فطوم خلاص لا تصرخين هدي اعصابج .. انا الحين لازم ارجع البيت .. لا تفكرين وايد راح تنحل ان شاءالله .. ( طلعت من بوكها 40 دينار ) هاج اكيد محتاجتهم
فاطمة : ( خذت منها الفلوس ) الله يسامحك يا مشعل عيشتني بفقر اكثر من الفقر اللي كنت عايشته في بيت اهلي
أمل : ( تضحك ) لا والله ماكو فقر اكثر من اللي كنا عايشين فيه
فاطمة : بلى والله هذا فقره العن
أمل : الله يفتح لكم ابواب الرزق ( قامت ) يللا مع السلامه
فاطمة : الله معاج
---

- بيت أمل –
( أمل قاعده عالغدى سرحانه )

سامي : حبيبتي امول اشفيج اكلمج ماتردين
أمل : ( انتبهت ) ها ؟ كلمتني؟
سامي : ( يضحك ) اي صارلي ساعه اكلمج وانتي سرحانه .. شتفكرين فيه؟
أمل : أفكر بحالة اختي
سامي : اي والله يكسرون الخاطر .. مشعل كل شوي متسلف مني وجان زين يسوي فيهم شي مفيد
أمل : لا والحين فطوم على ويه ولاده حتى حفاض وحليب حق اليهال موقادر اييب .. و بس فالح يخلف بهالعيال .. مايدرون ان العيال نعمة حرام يسوون فيهم جذي
سامي : ( حط ايده على ايد أمل ) هدي نفسج الحين ليش معصبه ؟ الله يفرجها احنا راح نساعدهم على قد مانقدر
---

- بيت مشعل –
( مشعل رد الساعه ثنتين بالليل وانسدح بدشداشته )

فاطمة : ( حست عليه وقامت اقعدت عالسرير ) مشعل؟
مشعل : خليني انام تره مالي خلق نفسي
فاطمة : رديت حق السم الهاري؟
مشعل : ششششششش خليني انااام
فاطمة : ( اتصرخ ) حرام عليك يا مشعل حرااام عندك بنات خاف الله .. ابعد عن طريج الشرب والقمار بسك .. حرام عليك
مشعل : ( قعد ) اوووو خلاص يننتيني .. خليني انام بعد شوي يقومون بناتج ويزعجوني
فاطمة : بناتي ؟؟ ليش مو بناتك بعد ؟ مشعل لي متى هالعيشه حرام عليك
مشعل : ( غصب ينفهم كلامه ) والله والله لو يبتي ولد راح اتعدل صدقيني
فاطمة : حرام عليك راح تذبحنا
مشعل : شوفي اقولج من الحين اذا بنت خليها بالمستشفى مانبيها
فاطمة : ( عيونها دمعت ) حسبي الله عليك يا مشعل
مشعل : ( طقها طراق ) شنووو .. تتحسبين علي يا بنت ال...
فاطمة : ( حطت ايدها على خدها ) اتطقني يا مشعل ؟
مشعل : واكسر راسج بعد
فاطمة : ( انسدحت وعطته ظهر واهي ميته بجي )

- بعد فتره –

مشعل : اووووو خلاص عاد بسج بجي خليني انام
فاطمة : اطلع بره ونام يعلك ماتقوم
مشعل : ( مو على طبيعته لأن شارب ) شكله ماينفع معاج الكلام ( مسكها من شعرها ولفها عليه وقعد يطقها طراقات ) تدعين علي هاا .. انا اعلمج الحين اشلون تدعين علي
( عقب ما طقها وايد خلاها تبجي وراح نام بالصالة )

- بعد 3 ساعات فاطمة من التعب والطق .. حاشها عوار الطلق –

فاطمة : ( ماسكه بطنها وقاعدة تبجي ) مشعااال .. الحقني الله يخلييك
- قامت من السرير جان ينزل ماي الرحم –

فاطمة : مشعااال راح امووت تعال الحقنيي

- مشعل لا حياة لمن تنادي –
( فاطمة اطلعت من الغرفة واهي غصب تمشي وراحت الصالة حق مشعل )

فاطمة : ( تصرخ من الألم ) مشعل قووم عفيه قوم ودني المستشفى راح اولد
مشعل : ( بطل عينه ) اشتبين ؟
فاطمة : ( ماسكه بطنها من تحت ) اقولك راح اولد ودني آآي
مشعل : ( للحين راسه ثقيل ودافنه بالغنفه .. مو مستوعب اللي قاعد يقوله ) زين زين من اصبح افلح

فاطمة : ( قاعدة تبجي وتتألم و راحت خذت التلفون ودقت على أمل )
---

- بيت سامي –
أمل كانت نايمه على صدر سامي جان يرن تلفونها

سامي : حبيبتي قومي تلفونج يرن
أمل : ( نايمه ) خله يولي
سامي : حبيبتي امول قومي الحين الفير اتوقع فيه شي مهم
أمل : ( مدت ايدها عالتلفون وطالعت الرقم ) هذي فطوم خير ان شاءالله
سامي : ردي شوفي اشفيها ؟
أمل : ( ردت عليها ) الو ؟
فاطمة : ( تبجي ) أمول الحقيني راح اموت
أمل : ( فزّت اقعدت ) اشفيج ؟ اشصار ؟
فاطمة : راح اولد
أمل : شنوو ؟؟ توج بالسابع اشلون ؟ ووين مشعل
فاطمة : مايقدر يوديني ..عفيه الله يخليج تعالي بسرعه
أمل : اوكي اوكي مسافة الطريج و اكون عندج .. صبري ( سكرت التلفون )
سامي : خير ؟
أمل : فاطمة بتولد ومشعل مادري وينه
سامي : يللا بسرعه قومي لبسي عباتج
أمل : اوكي ( قامت )

- أمل و سامي اوصلوا بيت فاطمة .. دقو عليها عشان تبطل الباب جان تطلع لهم .. امسكتها أمل وركبتها السياره –

أمل : وين مشعل ؟
فاطمة : ( هدت آلام الطلق ) مايقدر يوديني
أمل : زين اشلونج الحين ؟
فاطمة : أحسن .. بس كل شوي يرد الألم
سامي : ان شاءالله دقايق وانكون بالمستشفى

- اوصلو المستشفى ودشت فاطمة غرفة الولادة .. سامي دق وايد على مشعل بس ماكو أي رد .. بعد 4 ساعات –

سامي : وايد طولت الله يستر .. زين ماقالتلج مشعل وينه ؟ بالبيت ولا لأ؟
أمل : لا ماقالت
سامي : هالريال مادري متى راح يتعدل

- اطلعت الدكتورة –

الدكتورة : انت ريلها ؟
سامي : لا انا حماها
أمل : خير دكتورة بشري؟
الدكتورة : اولدت الحمدلله و صحتها بخير .. بس الطفلة تعبانة وحطيناها بالشيشة
سامي : بنت؟
الدكتورة : اي .. بس تعبانة ادعولها
أمل : الله يستر .. أقدر اشوف فاطمة ؟
الدكتورة : بعد شوي نوديها غرفتها وتشوفونها

- ثاني يوم الساعه 10 الصبح .. سامي راح الشغل وتمو أمل وفاطمة قاعدين بروحهم –

فاطمة : ( توها مسكرة التلفون من مشعل وعيونها دمعت )
أمل : ها اشقال ؟
فاطمة : يقول مايبي يسميها .. ولا له شغل فيها
أمل : استغفرالله .. اشلون يعني .. ماقلتيله انها مريضة ؟ ماراح ايي يشوفكم ؟
فاطمة : ( تمسح دموعها ) لأ ماراح ايي
أمل : لا حول ولا قوة الا بالله .. ميخالف حبيبتي هدي نفسج .. راح ايي بعدين صدقيني
فاطمة : انا ماهمني اهو .. انا احاتي هالبنت .. الدكتور يقول ان حالتها ماتسر .. فيها نقص اكسجين حاد وخايفين على مخها يعني تحتاج علاج وتكاليف ومتابعة
أمل : الله كريم وانا ماراح اخليج بكون معاج
فاطمة : انا قررت قرار .. واهو احسن شي لي ولها
أمل : شنو؟
فاطمة : انا قررت اعطيج اياها تربينها انتي
أمل : ( انصدمت ) شنوو!!!!
فاطمة : اي امول والله احسن لها .. انتي شايفه بناتي وشطانتهم يعني اشلون ابعدها عن هالاجواء ؟ واشلون اقدر اراعيها وبناتي صغار .. غير اني لازم على طول اوديها مراجعاتها ( دمعت عينها )
أمل : ( اسكتت مده من الصدمة ) .... انتي متأكدة ؟
فاطمة : اي متأكدة
أمل : ومشعل ؟
فاطمة : ماراح يقول شي .. والله احسن لها من العيشه معاي ماراح انتبه لها عدل .. ( امسكت ايد أمل ) وانتي اختي مو غريبه متى ما ابي اشوفها راح اييلج وانتي بعد راح تزوريني على طول
أمل : ( انزلت ادموعها ولمت اختها ) اييبها لج كل يوم لو تبين بعد .. وراح احطها بعيوني
فاطمة : ( تبتسم ) خلاص انا بروحي على طريف لا تبجيني معاج .. أدري اشكثر انتي تبين ياهل .. ومحد راح يهتم فيها كثرج
أمل : فطوم ؟ .. من اليوم بعتبرها بنتي لا تسوينها فيني على يوم وتاخذينها مني والله اموت
فاطمة : لا والله ما راح آخذها .. انا واثقه اني لو ربيتها راح تتعب أكثر .. ماراح اوفر لها الراحه والعلاج اللي تقدرين توفرينه لها .. بس انتي تقدرين عليها ؟ يمكن لا سمح الله نقص الاكسجين الحاد اللي فيها يسبب اعاقة بمخها او شي
أمل : ميخالف لو شنو كان فيها هم مستعدة اربيها.. والله والله راح ابديها على نفسي و أي شي تحتاج له اوفره لها ماراح احسسها بالنقص كلش .. بس حلفي انج ماراح تاخذينها مني
فاطمة : والله ماراح آخذها
أمل : ( قامت وخذت القرآن من على الطاولة اللي يمهم ومدته جدام فاطمة وايدها ترجف ) حلفي عالقرآن انج ماتاخذينها مني بيوم
فاطمة : ( فيها بجية بس حابستها ) انا مو طاهرة الحين بس والله العظيم ماراح آخذها .. احسن لها تكون عندج .. يللا قوليلي شنو راح تسمينها ؟
أمل : ( لمت القرآن ودموعها تنزل ) ابي اسميها ندى
فاطمة : ( ابتسمت ) حلو الاسم
---

- مشعل سمع بالخبر وما تضايق بالعكس قال حق فاطمة زين ماسويتي وين نقدر نربي بنت مريضه .. وسامي اول ما عرف مايدري يتضايق او يتستانس .. راح سأل مشعل اذا كان مقتنع بهالقرار وتأكد بنفسه ان مشعل متنازل عن بنته لهم .. حس بفرحة غريبة .. فرحة مو كاملة عدل –

( تمت ندى 3 شهور بالشيشة – الحضانة – .. وبعدها خذتها أمل وراحت بيتهم .. ام يديدة وبنت يديدة وعلاقة يديدة ... )

يا حبيب عمري أنا .. يا حياة روحي أنا
يا جناحي في الهوى .. يا بحوري في الهنا
شويه إن قلت أحتاجك .. شويه إن قلت أشتاقك
و شويه إن قلت أنا كلي لك .. و شويه إن قلت أهواك
لو تجمع حب العالم .. و احساس و شوق العالم
و كلام الحب وأغاني الحب .. ما تساوي يا عمري غلاك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-09-2010, 02:56 PM
صورة كااافي لاقاالواا كوويتيه الرمزية
كااافي لاقاالواا كوويتيه كااافي لاقاالواا كوويتيه غير متصل
©؛°¨غرامي فعال ¨°؛©
 
الافتراضي رد: يــــــــا دنيا إرحـــــــــمـــيــني للكااااااتبه ReRez


هالله هالله بالردوووووووووود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-09-2010, 05:16 PM
صورة meme.hom الرمزية
meme.hom meme.hom غير متصل
©؛°¨غرامي مشارك¨°؛©
 
الافتراضي رد: يــــــــا دنيا إرحـــــــــمـــيــني للكااااااتبه ReRez


يااااااااااااااااااااااااااااااااااااااااااااااو

شكلها رووووووووعه

انتظرك ياقلبي ببارت اطول

ومشكوره فديتك ع الدعوه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 11-09-2010, 07:40 PM
~×الريم×~ ~×الريم×~ غير متصل
عضو موقوف من الإداره
 
الافتراضي رد: يــــــــا دنيا إرحـــــــــمـــيــني للكااااااتبه ReRez


اااااااااااااااااااااااااااااااااااااااالله واايد حلووه ..ابداااااااع صراااحه
وااصلي ...نترياا التكمله بليز
غمضتني فاااطمة ..يمشيعل يقهر شووه هاااا عافانا الله >>للأسف في ناااس جيه

ونترقب حيااة ندي عند خالتهااا وعمهاااااااا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-09-2010, 11:31 PM
صورة نفس روحـي الرمزية
نفس روحـي نفس روحـي غير متصل
©؛°¨غرامي فعال ¨°؛©
 
الافتراضي رد: يا دنيا ارحميني للكاتبه ReRez


واااااااااااو شكللها القصه عجيييييبه من قلب :|
والله اني تفااعلت وياها واندمجت هههههه
يلالاه كاافي بلييز نزلي الباااارت الي عقبه << مافيها صبر خخ :$
ننتظرج حييااتي :**


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 12-09-2010, 12:27 AM
صورة مملوحة ـنجد الرمزية
مملوحة ـنجد مملوحة ـنجد متصل الآن
©؛°¨غرامي متألق ¨°؛©
 
الافتراضي رد: يا دنيا ارحميني للكاتبه ReRez


السلام عليكم ورحمة الله
شكل الروايه خطييييييييييييره ماشاءالله مبدعه
مشعل:خسيس اي ابو يتخلى عن بنته !!!كرهته صراحه
فاطمه :كرهتها من جد ليش تتخلى عن بنتها مهما كانت ظروفها مايحق لها تتخلى عن بنتها وتعطيها لامل !!!
امل:كآسره خآطري بس ان شاءالله تكون قد مسؤلية ندى ....
سآمي:لاتعيلق
ومشكوره حبوبه ع الروايه بأنتظار البارت القادم ^___^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 12-09-2010, 12:28 AM
مووج الصحاري مووج الصحاري غير متصل
©؛°¨غرامي فعال ¨°؛©
 
الافتراضي رد: يا دنيا ارحميني للكاتبه ReRez


واوووي روووعه
بانتظارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 12-09-2010, 02:57 AM
صورة ♥نسيم شوق♥ الرمزية
♥نسيم شوق♥ ♥نسيم شوق♥ غير متصل
©؛°¨غرامي جديد¨°؛©
 
الافتراضي رد: يا دنيا ارحميني للكاتبه ReRez


مشكوره علي الروايه جناااان

يعطيك العافيه

نتظرررك بالبااارت الجااي

دمتي بوود


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 12-09-2010, 04:13 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: يا دنيا ارحميني / للكاتبة : ReRez


,’




بسم الله


يعطيك العـــافية
موفقة إن شـــاء الله



https://forums.graaam.com/238622.html
و كل عام و إنتي بـ خيــــر




,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 12-09-2010, 12:57 PM
صورة ڪَلـﮯ روقاטּ الرمزية
ڪَلـﮯ روقاטּ ڪَلـﮯ روقاטּ غير متصل
©؛°¨غرامي مجتهد¨°؛©
 
الافتراضي رد: يا دنيا إرحميني / للكاتبة : ReRez


يع ـطيك الع ـآآفيه يَ قلبي روووووووعه +إبدآآآآآآآآآآآآآآآآآع



والله ياخذ هالمشعل ترـآآ البنات أحسسسسن من الع ــيال بـ مليون مرـآآ مالت عليه وقسسسسسسم <<دخلت جو هع


ويَ رب تكون أمل قد المسسؤليه بـ ندى ـآآ =)


تقبلي مـروري..وع ـيدك مبارك

الرد باقتباس
إضافة رد

يا دنيا إرحميني / للكاتبة : ReRez ، كاملة

الوسوم
روايه رووعه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
ضاعت حياتي بلحظة / للكاتبة : ReRez , كاملة غرور الأمل روايات كامله - يتم نقل الرواية هنا بعد اكتمالها 52 24-04-2019 05:35 AM
رواية رعب / الكاتبة : ReRez ، كاملة كااافي لاقاالواا كوويتيه روايات كامله - يتم نقل الرواية هنا بعد اكتمالها 422 30-01-2015 08:11 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 01:13 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1