غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 111
قديم(ـة) 04-01-2012, 02:05 AM
صورة أميرة بشمووخي الرمزية
أميرة بشمووخي أميرة بشمووخي غير متصل
©؛°¨غرامي نشيط¨°؛©
 
الافتراضي رد: روايتي الأولى : إنت كافي


البارت الاخير

وقطع عليه تفكيره صوت التلفون ...
طلال : الوو
: الأخ طلال الــ
طلال باستغراب : اي نعم منو معاي ...؟
:معاك مستشفى الــ....
طلال ويحس قلبه بيوقف من الخووف : خير شصاير ...؟
المستشفى : حورية الــ.... سوت حادث
طلال وقف بسرعة : شنووو ...؟ هي بخير
المستشفى : والله مادري شقولك بس تعال وانت تعرف بنفسك
وبسرعة البرق طلع من البيت .... وصل المستشفى ...... وسأل عن غرفة حورية وقالوا له انها بالعمليات .... راح وشاف ام عيسى قاعدة ....
طلال : ام عيسى
ام عيسى تبجي: هلا يمه
طلال بخوف : شلون حورية الحين ..؟ وشلون سوت الحادث ..؟
ام عيسى : كانت رايحة السوق مع عيسى وانقلبت فيهم السيارة .... والدكتور يقول حورية حالتها خطرة وعيسى ولدي بغيبوبة
طلع الدكتور طلال ركض له : هاا دكتور شلونها الحين ..؟
الدكتور : بصعوبة وقفنا النزيف بس الحمدلله هي الحين بخير
طلال بارتياح : اقدر اشوفها ..؟
الدكتور : اي اكيد
طلال :يعطيك العافية
وراح لحورية اول ما دخل شافها نايمة بهدوء والمغذي بايدها ومركبين عليها الاكسجين ... راح وقعد يمها بهدوء ...
طلال : بعد عمري ياليته فيني ولا فيج ... ودمعت عينه ... شوي ودق تلفونه
طلال طلع بره عشان ما يزعج حورية : هلا نوف
نوف : طلال شفيك طالع من البيت ركض شصاير ...؟
طلال بحزن : حورية بالمستشفى
نوف شهقت وقالت بخوف : شنو ؟ لييش ؟ شفيها ؟
طلال : سوت حادث
نوف : وهي شلونها الحين ..؟
طلال : الحمدلله بخير بس للحينها نايمة
نوف : اي مستشفى ..؟
طلال : مستشفى الـــ
نوف : احنا الحين يايينكم بااي
نوف : يمه .. يمه
ام طلال : خير شفيج تصرخين ..؟
نوف : حورية بالمستشفى سوت حادث
ام طلال بخوف : سمله عليها اي مستشفى ...؟ قولي حق ابوج بسرعة خل يودينا
نوف : اوكي ... وراحت بسرعة


نرجع لطلال اللي من عقب ما سكر التلفون من نوف دخل عند حورية .... وقعد يلعب بشعرها ...
لين تعب وناام وهو ماسك ايدها لأنه صارله جم يوم ما نام ....
شوي ويوا بوطلال ونوف وامها ... دخلوا ولقوا طلال نايم وحورية بعد وطلعوا ما حبوا يقعدونهم لانه طلال مبين عليه تعبان ....
بعد عشر دقايق قعد طلال من النوم وطلع شاف اهله قاعدين ....
طلال : متى ييتوا ...؟
ام طلال : من عشر دقايق
طلال : وليش ما دخلتوا
نوف : امي ما تبي تزعجكم ... قعدت حورية ..؟
طلال تنهد : لا للحين نايمة من تأثير البنج .... بعدها كلهم دخلوا لها ... وقعدوا جم ساعة بعدها تعبوا وراحوا البيت وطلال تم قاعد معاها .... وهو ماسك ايدها ودموعه بعيونه ... تكفين قومي بسج نوم
حورية تحركت شوي وفتحت عيونها وبتعب : طــ..طــ ــلال
طلال بفرح : يا عيون طلال الحمدلله على سلامتج
حورية بتعب : الله يسلمك
طلال : حبيبتي تبين انادي الدكتور
حورية : لا .... خالتي ام عيسى وينها ...؟
طلال :عقب ما تطمنت عليج راحت حق عيسى
حورية : وعيسى شصار عليه ..؟
طلال : بغيبوبة
حورية بحزن : الله يقومه بالسلامة ... طلال ابي اطلع
طلال : لا حبيبتي انتي للحينج تعبانة والدكتور قال لازم تمين هني جم يوم
حورية : اهى اهى ما احب المستشفيات بطلع
طلال : خلاص حبي باجر ان شاء الله بكلم الدكتور عشان يطلعج اوكي
حورية : اوكي



ثاني يوم الدكتور رخص حورية بعد ما كلمه طلال لانه حورية يننته بالحنة الا تبي تطلع .....
بيت ام طلال : هلا والله تو مانور البيت
حورية ابتسمت : بوجودج خالتي
طلال برطم : افاا يعني بس حورية وانا بالطقاق
ام طلال : هههههههه بعد تغار من زوجتك ...؟
طلال وصار يحب هالكلمة : اي اغار منها وعليها
حورية استحت وقالت لنوف تساعدها عشان تروح ترتاح بغرفتهاا



بعد جم يوم حورية تحسنت حالتها وكانوا كلهم متيمعين بالصالة .....
طلال : اقول شرايكم نطلع نتعشى براا
نوف + مشعل : اي والله صج ملل
بوطلال : انا ما عندي مانع
ام طلال : ولا انا
طلال : هاا حورية شقلتي
حورية : اوكي
بعدها كلهم قاموا بدلوا وطلعوا راحوا يتعشون وبعدها راحوا السينما
نوف : طلوول هالفلم سمعت عنه الكل يقول حلو
طلال : لا انا رايح له من قبل سخيف
نوف : انزيــ ......
: طلال
طلال التفت : فيصل اهلين شيايبك هني من وراي ...؟
فيصل : هههههههه انا اللي شيايبني والا انت يالخاين كاشت فيني وياي هني
طلال : ههههههههه والله ياي مع الاهل
فيصل : انا يايب اختي ذبحتني بالحنة عشان اطلعها
طلال طالع نوف بنص عين : عندنا وعندك خير
نوف خزته : شقصدك ...؟
طلال : لا سلامتج ما اقصد شي
مشعل : فيصل شلونك ..؟
فيصل : هلا والله مشعل سوري ما انتبهت بخير انت شخبارك ..؟
مشعل : تماامووو
طلال : فيصل شوفلنا فلم سنع ترى نوفوه ذبحتني كل فلم مو عاجبها
نوف : طلووووول
طلال : خلاص خلاص سكتنا
فيصل وهو يطالع نوف : هههههه خلاص اوكي طلوول شوف هالفلم حلوو ... وتموا فترة يتناقشون عالأفلام بعدها فيصل اختار لهم فلم ودخلوا وطبعا طول الوقت وفيصل ماشال عينه عن نوف ... وبعدا رجعوا البيت .... اول ما دخلوا كل واحد راح يرتاح بغرفته بس طلال وقف حورية قبل ما ترووح ..
طلال : حورية
حورية التفتت : هلا
طلال : ابي اقعد معاج شوي
حورية : اوكي ..... وطلعوا بالحديقة عشان ياخذون راحتكم بدون محد يزعجهم
طلال : حورية متى تبين العرس ...؟
حورية : ماله داعي عرس
طلال استغرب : شلون يعني ...؟
حورية : طلال انت عارف الوضع يعني محد بيكون موجود غير اهلك بس واحنا سوينا حفلة ملجة وكل اهلك يوا ... فماله داعي العرس نسافر احسن
طلال ابتسم : براحتج حبيبتي ..... وتموا يسولفون مدة ويخططون حق حياتهم


نورح لغرفة نوف .... اول ما رجعت البيت تسبحت ولبست بيجامتها وقبل لا تنام قعدت تفكر بفيصل : وه فديته شحلاته ... وعيونه مو صج تذبح .... امبيه لا لا نوف شفيج ينيتي تفكرين فيه نامي احسن لج ...
ونامت وطيف فيصل ما فارقها .....



بعد مرور اسبوعين
بيت بوحمد
بوحمد : سمعي عاد ناصر ولد خالتج تقدم لج وانا وافقت والملجة الشهر الياي
شيخة وهي تبجي : وانا مالي راي ...؟
بو حمد بعصبية : لا مالج راي بعد اللي سويتيه وسمعي ماكو طلعة من البيت الا ريلج على ريل امج سامعة .... وخلاها تبجي وطلع



بيت بوطلال

طلال : حورية .... حورية
حورية وهي عالدري : هلا شفيك ...؟
طلال : تعالي بسرعة
حورية نزلت : هااه شفيك ..؟
طلال : سمعي سفرتنا بعد يومين جهزي نفسج
حورية انصدمت : هاااه بعد يومين من صجك ...؟
طلال وهو طاير من الفرحة : اي من صجي سفرتنا عقب باجر الصبح
: وين بتروحون ...؟
طلال : ياشين اللقافة
نوف برطمت : افاا هذا وانا اختك وانــ....
طلال : بس بس عسى ماقلنالج كلمة عدتي لنا هالموال
حورية : هههههههههههههه
طلال ابتسم : فديت هالضحكة
نوف : هييييييي انتوا استحوا والحين قولولي وين سفرتكم ...؟
طلال مسك ايد حورية : مو شغلج
نوف : يالنحيس خلها عندي بسولف معاها قبل سفرتكم
طلال : نووو نوووو .... وسحب عليهااا



بعد مرور شهرين
بغرفة طلال وحورية قاعدين يطالعون التلفزيون ....
حورية قامت .. طلال : وين رايحة ...؟
حورية : ابي اسويلي نسكافيه تبي اسويلك ...؟
طلال : ياليت
حورية ما مداها قامت جان يغمى عليها وبعد ما وداها المستشفى طلعت حامل ... وكلهم فرحتهم فرحة
ام طلال : الف مبرووووك يمه
طلال + حورية : الله يبارك فيج
نوف طايرة من الونااسة : وناااااسة اخيرا بصير عمه
مشعل : وانا بصيرر عم
الكل : هههههههه
نوف : بس عاد سمعوا اذا بنت تسمونها نوف
طلال : لا يبه عشان تطلع نسرة مثلج
نوف تطالعه بنص عين : يحصلك بنتك تطلع علي
مشعل : انزين اذا ولد سمه مشعل علي
طلال : ههههههههه لا اذا ولد بسميه فيصل لانه فيصل موصيني اول ولد على اسمه
نوف من سمعت اسم فيصل قلبها قام يدق بقوووة
طلال قام : يلاا انا طالع
ام طلال : وين يمه اقعد معانا ..؟
طلال : والله يمه بروح حق فيصل يبيني بموضوع
ام طلال : سلم عليه يمه الله يحفظك
طلال : فمان الله
الكل : فمان الكريم



بيت بو حمد
( غرفة شيخة )
كانت قاعدة تبجي على قرادة حظها ... هي ما تبي ناصر تبي طلال طلاااال ماتبي غيره .... وعرسها تحدد هي وناصر بعد اربع شهور وحتى ما خذوا رايها ... شوي رن تلفونهاا
شيخة بدون نفس : الوو
ناصر : هلا شيوخ شلونج ..؟
شيخة : بخير
ناصر : شفيج ...؟
شيخة : مافيني شي خير شبغيت ..؟
ناصر : شيخة شفيج تحاجيني جذيه بدون نفس ..؟
شيخة : افففف قلت لك ما فيني شي ما تفهم انت
ناصر عصب : يلاا عاد جب احترمي نفسج انتي قاعدة تكلمين ريلج مو واحد من الشارع سمعي انا خمس دقايق واكون عندج يلاا باي
شيخة حذفت التلفون بقهررر وقامت بدلت بسرعة ....


عند فيصل وطلال
فيصل : مبرووووك مبروووووك اخيرا بتصير ابوو
طلال : ههههههه الله يبارك فيك عقبالك
فيصل : ان شاء الله قريب اخيرا بيي ريل بنتي
طلال : ههههههههههه من الحين مخطط على ولدي
فيصل : هههههههه اي طبعا ... بعدها قال بجدية طلال انا نويت اتزوج
طلال بفرح : ومنو هذي تعيسة الحظ قصدي سعيدة الحظ اللي بتاخذك ..؟
فيصل خزه : تعيسة الحظ هاااه
طلال : هههههههههههه
فيصل : طلال بقولك شي بس مابيك تفهمني غلط
طلال : افااا ومن متى افهمك علط قول لا تخاف
فيصل بارتباك : طلاال بصراحة انا بطلب ايد اختك نوف
طلال انصدم : نوووف
فيصل : اي نوف
طلال ابتسم : والله هذي الساعة المباركة وين بنلاقي احسن منك وبعدين من حظها نوفوه هالخبلة تاخذ واحد مثلك
فيصل خزه : يلاا عاد ما ارضى تقول عنها خبلة
طلال : هههههههههه يا انت من الحين .. عاد تصدق لايقين على بعض خبل وخبلة
فيصل : هههههههههههههه ماشي يا طليل ماشي ان ما خليت عيالي يطلعوون الحرة بعيالك ماكون فيصل
طلال : ههههههههههههههههه نشوف


بيت بوطلال
(غرفة نوف )
طلال يطق الباب : نووف
نوف : ادخل
طلال ابتسم : مشغولة ...؟
نوف : لا
طلال : ابي اكلمج بموضوع مهم
نوف باهتمام : خير شصاير ..؟
طلال : مو صاير شي بس فيصل طلب ايدج
نوف قلبها قام يدق بقوة ويها صار احمر : هاااه
طلال : ههههههههههه فيصل طلب ايدج وانا وامي وابوي ما عندنا مانع يعني بس باقي رايج
نوف : مـ ... مادري
طلال : فكري بالموضوع عدل وردي علي
نوف باحراج : ان شاء الله

بعد فترة نوف وافقت على فيصل وحددوا موعد الملجة




بعد مرووووور سنتين
طلال وحورية يابت ولد وسمووه فيصل وعمره سنتين وحورية الحين حامل بالشهر الثالث وطبعا فيصل ميننهم طالع شيطان على عمه ههههه

نوف وفيصل صارلهم سنة من تزوجوا ونوف الحين حمال بالشهر الخامس

شيخة وناصر
شيخة تطلقت من سنة بسبب المشاكل اللي ما تخلص بينهم وناصر ما قدر يتحمل شيخة ونفسيتها الزفت وهي اساسا ما تحبه للحينها تحب طلال

ملاحظة : شيخة عندها ولد من ناصر عمره سنة واسمه محمد


وه بس تعبت
تمت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 112
قديم(ـة) 27-05-2012, 11:27 PM
صورة امجاد جده الرمزية
امجاد جده امجاد جده غير متصل
©؛°¨غرامي متألق ¨°؛©
 
الافتراضي رد: روايتي الأولى / إنت كافي / كامله


يسلمووووووووووووووووو

الله يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 113
قديم(ـة) 10-06-2012, 11:34 PM
صورة علمني"زماني الرمزية
علمني"زماني علمني"زماني غير متصل
©؛°¨غرامي مجتهد¨°؛©
 
الافتراضي رد: روايتي الأولى : إنت كافي / كاملة


رووووووعة يالغلااا



عووافي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 114
قديم(ـة) 11-06-2012, 09:34 AM
صورة ? ? بًسِمَة حّزّنً ? ? الرمزية
? ? بًسِمَة حّزّنً ? ? ? ? بًسِمَة حّزّنً ? ? غير متصل
©؛°¨غرامي مشارك¨°؛©
 
الافتراضي رد: روايتي الأولى : إنت كافي / كاملة


يسلموو الرواية روووعة

الرد باقتباس
إضافة رد

روايتي الأولى : إنت كافي / كاملة

الوسوم
الاولى , بقلمي , روايتي , كافي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : رشوا على قبري من دموع عينه / كاملة على شاطئ النسيان روايات كامله - يتم نقل الرواية هنا بعد اكتمالها 896 24-02-2016 01:07 PM
LoOoOoL ~ يادنـــيـــا ~ ~ im yours ~ سكون الضجيج - مملكة العضو 332 01-05-2014 12:29 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
رابطة أولمبياد بكين 2008 , أخبار , نتائج ... إلخ سفير السعادة رياضة متنوعة - سباحة - كرة تنس - كرة سله - مصارعة 67 16-12-2008 12:49 AM

الساعة الآن +3: 02:12 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1