غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 24-09-2010, 04:30 AM
صورة LASA الرمزية
LASA LASA غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


<< ااـــــــــبــــــــــــارت الـــــثــــــــــانـــــــــــي>>

تكملة محادثة نورة و لجين ,,,,,,
لجين بعصبية : ياااااا شينك لا علقتي ع الواحد ما تفكيييينه
نورة : ههههههه وش قلنا لك عاد المهم لجوني وش تحسين الحييين؟؟؟
لجين ببراءة : من اللي صار قبل شوي خاااايفة ... وكملت بعصبيتها ... ومرتفع ضغطي منك
نورة : ههههههه خلاص قلنا سوووري
لجين : عالعموم بكرة بنروح استراحة بتجون؟؟
نورة : والله امي ما قالت لي شي وبعدين اكيد اذا انعزمنا بنجي
لجين : اوووف قهر ..
نورة : تعالي فطوم بتجي؟؟؟
لجين : اكييييييد ...
نورة : اجل صعوبك بيجي خخخخخ
لجين : طيب تدرين شلون ... كلي تـــــــــــبــــــــــــن وباااااي
سكرت بوجه نورة الخط ....عالساعة 10 المساء
ابو مهند وماجد متكيين بالمجلس..
ماجد : تصدق عبود مشتااااااق للاستراحات والمسبح مع الشباب اووه ياهي ايااام
ابو مهند بحزم : ايش <<ويقلد صوته بسخرية>> عبود , هذي؟؟
ماجد : ليش مو اسمك عبدالله وانت اخوي عاااادي وش قلنا يالشايب.. نمزح نمزح
ابو مهند : المهم وش رايك نعزم خوال العيال؟؟
ماجد : صدق انك .... (ماكملها) لسة ما عزمتهم يعني شلون تاخذ رايي اول؟؟
ابو مهند : مو منك من اللي يكلمك.. ورمى الخدادية بوجه ماجد وطلع من المجلس
في الصباح الساعة 8
مهند ينطط بالدرج وهو لابس شورت (بس)
لجين : مهند انزل بالصالة واركد ... اجلس يا ولد الأوادم اجلسسس
مهند :طيب ليييه؟؟ انا فرحان من زمان ما رحنا استراحة خليني وروحي
لجين : كلنا فرحانين وما سوينا مثلك
مهند : لأنكم مووو فلة
لجين : طيب يالفلة انزل تحت ممكن؟؟
مهند : حاااضر يا احلى اخت بالدنيا
لجين :ياليت كل يوم استراحة ههههههه
وصلوا الاستراحة وريّحوا كل(ن) بقسمه ... بمعنى الرجال بقسمهم والحريم بقسمهم

ابو محمد (ابو بشرى) اعتذر عن الجية عنده شغل
الساعة 11 الظهر وصلوا بيت ابو عبدالله للاستراحة.. نورة : سلاااااااام
لجين من طرف خشمها : وعليكم... ورفعت حاجب وطالعت نورة وطلعت برة الغرفة وجلست مع نهى وعطت نورة الخااامس وكأنها مش موجودة وتركوها لحالها
يوم اجتمعت كل العااايلة الكريمة واليوم في شخصية جديدة >>>يا كرهي لها
جات اليوم مع الحاضرين بنت خال فطوم <<<شــــــــــهــــــــــــد>>>اللي بمثل عمر لجين ونورة
عند الزرع جلسوا البنات
لجين : يووووه من زمان عن الاستراحات
فطوم :مين اللي حجزها لنا فديييييته؟؟
لجين برفعة حاجب : مجووودي لبى عيووونه اللي مو عاجبك
فطوم بقررف : وعععع
لجين : مو عاجبك اطلعي منها فديته هو اللي عرض فكرتها وهو اللي حجزها
فطوم : سيرته ترفع ضغطي مع انه واخيرا سوى شي كويس.. عالعموم يا بنات اعرفكم ببنت خالي شهد
لجين : هلا والله شهودة كيفك ؟؟
شهد وهي تطالع لجين من فوق لتحت وبدلع : تمام .. وسوري اسمي شهد مو شهودة اوكي؟
لجين : آسفين حياتي شهد ولا يهمك
فطوم : وليه تعتذرين ما قلتي شي مو عاجبها تصك راسها بالجدار
نورة : شهد سلامات وش فيك تناظرينا كذا؟؟؟
شهد : يووووه ياربي <<بدلع ماااصخ >> وش عليكم مني قرررف
لجين : بنات وش فيكم هدّوا شوي وبعدين براحتها عيونها وهي حرة سيبوها بحالها خلاص
فطوم : بنات ودي اتسبح ...
لجين : انا كمان قومي .. واللي بيجي حياه الله سامعيييين
قاموا كل البنات للمسبح بس نورة مسكت لجين وتأخروا عن البنات
نورة : ليه ما تكلميني؟؟
لجين : انتي ادرى ... نورة : على تلفون امس؟؟
لجين : وش راااايك ؟؟
نورة : خلاااص عاد ترى مليييت
لجين : اوكي بس لا تعيدينها يللا امشي المسبح وخلينا نستانس
طلعوا البنات من المسبح لان العيال بيدخلون وراحوا جلسوا عند الحريم بعد ما صلحوا اشكالهم
ام مصعب : ياحليلهم العيال امس ما ناموا من فرحهم بالاستراحة
ام مهند : انا وعندي مهند طلّع لي شيب براسي امس اجل انتي شتقولين؟؟
ام مصعب : هههه انا ماينرفني الا يزيد ما يخلي احد بحاله هالولد الله يهديه خلود عليه حركات بس مو زي يزيد
ام عبدالله : الله يعين ياختي ياشين العيال ويا محلاهم هالبنوتات
نورة تضحك على كلام امها مع لجين
فطوم : اقووول يمة اشوفك ما ذكرتي صعوب ولا كأنه واحد من هالبايخيين اخواني ولاّ حبيب القلب ؟؟
ام مصعب : ياحليله مصعب بسم الله عليه هادي وفي حاله ما يكلّم احد هو صحيح عصبي لكن مايسوي زي اللي تسويه هالسوسة فطوم
اول ما طروا مصعب شرقت لجين بالبيبسي
نورة : بسم الله عليك لجوني
طالعتهم شهد باستحقااار واااضح للكل ... والحريم على مزحة ام مصعب لبنتها
لجين ونورة طلعوا برة الغرفة
نورة : لولو؟؟
لجين : امري؟ ....
نورة : ما يامر عليك عدو .. بس ليه يوم طروه شرقتي؟؟؟
لجين : لسة ما تبتي تسالين بالموضوع؟؟؟
نورة : يا حياتي اعترفي وريحي نفسك ليه الخجل انا اختك عاادي والله احكي
ترددت لجين وبعدين تكلمت : بصراحة نوري انا مدري وش حسيت يوم شفت عيونه
يوم رجعنا من المول وربي عجزت انام كل شوي اتذكره
نورة : هههههه ياحياتي يالخبلة هذا اسمه حب
لجين : وش دراك جربتي ؟؟؟؟
نورة : لا بس تعلمت من كثر ما اسمع واشوف
لجين : انا نسيت اشكالهم عيال عمي من زمااان ما شفتهم بس...
نورة : بس ايش؟
لجين :يوم سمعت صوته صار ودي اشوف شكله
نورة : وشلون شفتيه؟؟
لجين : وربي تغير وصار طويل عيونه صارت مررررة حلوة يا نورة
نورة : ههههههه يالخايسة كل هذا وما حسيتي بشي؟؟؟
لجين : على تبن .... خلاص قفلي الموضوع
نورة : ليه ؟؟ استحيتي ..
لجين : يوووووه خلاص عاد يا سخيفة
شوي ولحقوهم البنات ... فطوم : وينكم انتوا؟؟
لجين : طلعنا نشم شوية هواء ليه؟؟
نورة : وانتوا ايش سويتوا؟؟
فطوم : ولاشي
شهد بدلعها الماصخ : الا ... عمتي جميلة تكلمت عن صعوبي وكذا تعرفون سواليف كذا>>> آآآآآخ ودي اقتلها يلعن شكلها
فطوم : ما انتبهت
شهد : انتي مع جوالك شلون تنتبهين
لجين : وايش قالت عمة جميلة؟؟
شهد : لا ابدا سواليف عن عيالها بس ما همني الا مصعب
لجين تنرفزت من اسلوب شهد الباااايخ وحتى نورة وفطوم
نورة : وليه ما همك الا مصعب؟؟
شهد بضيق : اكييد لأني احبه يا الله والله فهمكم ثقييييييل
لجين : وهو يحبك ؟؟؟
فطوم : ههههههه تخيلي بس مصعب يحبها هههههههه
شهد : اوووص انتي .. وانتي <<تاشر على لجين >> هو فيه عنده احلى مني؟؟
فطوم : انتي يال ..... تسكتيني ؟؟؟
شهد : يوووه خلاص آآآسفين توومي>>>تتمصلح
نورة : فيه احلى منك يا روح امك <<قالت كذا عشان لجون >>
شهد : ومين هذي اللي تساوي نفسها بملكة جمال عائلة ال......... >> ثقة
نورة حطت ايديها ع راسها وهي تقول : يا مكبرها هالكذبة عند ربي بس يامكبرها
مــــــلـــــــــــــكــــــــــــة جـــــــــــــمـــــــــــــال .. ياهوووه استحي على وجهك تكذبين عيني عينك؟
شهد : ماطلبت رايك المعفن يا الدبة عساها انتي اللي بيفكر فيها صعوبي؟؟
نورة : مع احترامي لفطوم اذلفي انتي وصعوبك
فطوم : تيك ات ايزي خذي راحتك اشتمي فيه لين بكرة ما امانع
نورة : واللي بتاخذ مصعب منك هي هذي
واشّرت ع لجين ,, اللي طالعتها شهد بنظرات حقودة وفطوم بنظرة استغرااااب
لجين : وش فيكم تطالعوني كلكم يمة .. هي اللي حكت مو انا
نورة : لجوني بنت عمه وبنت العم لولد العم
شهد : وانا بنت خاله وهالمثل قديم ومغبر للناس اللي مثلك اما المثل الجديد هو ولد العمة لبنت الخال
فطوم :تخرفين امثال انتي ووجهك اللي كانه وجه قرد
شهد : تومي قلبو خليك بعيد
نورة : طيب يالمخرفة لجين احلى منك وملامحها هندية
شهد : وعععع من زينهم الهنود الحين الغرب احلى
نورة : وش دخل الغرب بالسالفة؟؟
شهد : انا ملامحي غربية
فطوم : ويييييييييين وين وش فيك اليوم تناقزين بعيد؟؟
نورة : يكفيك ان لجين شعرها ناعم وطويييييل مو زيك
شهد : ايام الشعر الطويل راحت الحين الموضة الشعر القصير يالفاهييين ,, وبعدين اذا لجين واثقة ان مصعب بياخذها نسوي تحدي
لجين : اوكي هاتي اللي عندك
شهد بدلعها ومصاختها : تصارخين باسم صعوبي هنا والحين وبصوت عاااالي <<قالت كذا وهي متاكدة لجين بترفض وهي لو قالولها صارخي تقول اوكي >>
لجين: انتي عبيطة ولا تستعبطي ؟؟
شهد : لسة ما كملت التحدي...
لجين : اللي سمعته كفاااية اللي تطلبينه مستحيييل
شهد بضحكة مايلة : وليه مستحيل؟؟
لجين : ايش بيقولون عني الحريم بعدين اذا انتي ماتربيتي بكيفك اسمحي لي انا آآسفة
هذا مش تحدي هذي قلة ادب
شهد :تخافين من حكي العجايز اللي ما يقدم ولا ياخر يا جبانة بكذا اقول انك انسحبتي؟
نورة : بس انتي مافزتي لسة يالوصخة
شهد : وايش رايكم اثبت ان مصعب يحبني؟؟
لجين بعصبية : اثبتي يللا اثبتي وريني
شهد : اوكي اوكي اعصاااابك
راحت شهد للمسبح ,, كان المسبح فاضي والعيال لسة ما جو
شهد كانت لابسة توب قصير احمر فوق الركبة <<بـــــــــــــس>>
اول ما سمعت صوت العيال جايين سوّت نفسها تبي تركض عشان تطلع من المسبح <<وهم يشوفون>> وطاحت بالمسبح وتمثل انها تغرق (شهد ممثلة ممتاااازة)
مصعب اول ما شافها طب يساعدها لجين بجد انقهرت وقفت ورى الباب وحكت: لا تساعدها تراها تستهبل
مصعب طنشها لانه شاف شهد تغرق بجد العيال طلعوا من المسبح ووقفوا برة
فطوم : مصعب تراها كذابة
وقف مصعب بعد ما طلعها من المسبح .. وعطاها ظهره ينتظرها تقوم عشان لبسها مرررة مبين كل شي فيها
شهد : كح كح اه شكرا مسعب ( =مصعب ) حبيبي انت انقذت حياتي
مصعب : لا شكر على واجب اختي
وقفت شهد بعصبية ولفّت مصعب لجهتها : انا مو اختك انا احبك مصعب احبك متى بتفهم متى
انصدم مصعب من وقاحتها لجين بهاللحظة انهااااارت وركضت بعييييد
مصعب سطرها كف لزقها بالجدار : يا وقحة
وطلع برة المسبح ... طلعت شهد من المسبح وضحكت عليها نورة وفطوم
تلفتت نورة حولها تدور لجين وينها وين اختفت راحت تدور عليها
لجين اللي انهارت احلامها بعد اعتراف شهد لمصعب اللي سكت وهو راضي بنظر لجين
لجين تكلم نفسها وهي تجاهد الدموع اللي رافضة الا تنزل على خدودها:
خلاص هم اثنين بحبون بعض ليه ادخل نفسي بينهم ليييه هو يحبها هي
( ابـــــــــــــو العـــــيـــــــون الســـــــــــــود ) لشهد مو لي مصعب لها
وما استحملت انهارت بالبكي ما قدرت تثبت لنفسها انها ما تحبه عجزت
سمعت نورة شهقتها ورى الشجر وجات لها وجلست جنبها
نورة : ليه تصيحين ؟؟؟ انتي ماشفتي وش سوا لها؟؟؟
لجين : ماشفت ولا ابغى اشوف ما ابغى ولاشي ولاشي يذلف هو ويّاها الله يهنيهم
نورة : يالعبيطة وش الله يهنيهم اسمعي
لجين : قلت مااااااابي ماااابي اصلا انا ما احبه بكيفه بكيفه انقلعي عني خلاااااص
راحت تركض واتصلت باللي دايم يفهمها ويحتويها
عند الرجال مصعب بطّل يتسبح كره نفسه .. وجلس مع دحوم وفيصل وفهد وماجد
رن جوال ماجد : هلا والله باحلى بنت بالسعووودية فديت الصوووت وراعيته انا
فهد : حركــــــــــاااااااات عمي مخاوي وحدة
فيصل : وش يدري امك انت هذي حركات كباااااار
مصعب وعبدالرحمن : ههههههههههه
ماجد بعصبية : بس خلاص ابغى اسمع .. لولو حياتي شوي شوي عشان افهم وش فيييك؟
لجين : عمي طلبتك بتوديني ولا لا؟؟
ماجد : جايك جايك الحيين ولا يهمك.. سكر الجوال وقام وسط استهبالات العيال
مصعب : يالعاشق معقولة تترك الاستراحة عشان بنت ههههههه شكلها لاعبتبك لعب
قعدوا يضحكون عليه كلهم
راح ماجد لباب الحريم ينتظر لجون ....
وهي تلبس عبايتها جتها فطوم : خير ع وييين رايحة؟؟؟
لجين : البيت انا تعبانة وودي ارتاح
فطوم : وش فيه وجهك احمر كأنك صايحة ؟؟؟
لجين : اقول لك تعبانة وخري عني فطوووم
طلعت لجين ركض من الاستراحة لسيارة ماجد على طووووول


اوكي ياحبااايب انا مخي فصل نكمل بكرة باذن الله





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 24-09-2010, 06:01 PM
صورة LASA الرمزية
LASA LASA غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


تــــــكـــــــــــمــــــــلـة البارت الثاني


ماجد : هلا بعيوووون ماجد
لجين : هلا فيك عمي تكفى بسرعة امشي
ماجد : طيب ,,وهو يحرك السيارة ,, بس قولي لي اول وش فيك؟؟
لجين : تضايقت من وحدة وما قدرت ارد عليها
ماجد : اوووف هذي قوية .. الظاهر انها ضايقتك مرة صح؟
لجين : ايه جرحتني ياعمي جرحتني وما قدرت استحمل عجزت
ماجد : طيب هل هي تستاهل تتركي المكان لها يا لولو؟؟
لجين : صدقني انسحابي اهون من مواجهتها والأذية اللي بكسبها اذا واجهتها
ماجد : لا السالفة قوية ... مين هذي اللي ما تستحي ميين (قال كذا يطيّب خاطرها)
لجين : خليها حسابها عند ربي
ماجد : اوكي براحتك ... لجون؟؟
لجين : هلا
ماجد : انا حاسس انك مخبية عني شي بس ليش مدري ؟؟ احنا عمرنا ما خبينا شي عن بعض لولو صح؟؟
لجين : غلطان انا مو مخبية شي
ماجد : انتي شكلك ناسية اني اعرفك اكثر من نفسك ؟؟
لجين : لا مو ناسية وبعدين ربي يشهد على معزتك في قلبي يا ماجد
ماجد : طيب ليه ما تقولين لي ايش فيك ؟؟
لجين : لا تشغل بالك ما فيني شي
ماجد : بتقولين ولاّ ازعل؟؟
لجين : طيب شوف انا اذا جاء الوقت المناسب اخبرك اوكي؟؟
ماجد : شفتي انك مخبية شي ؟؟؟ ومتى هالوقت ان شاء الله
لجين : اذا جاء اجيك بنفسي واقول لك اوكي؟؟ ,, ليش وقفت هنا؟
ماجد : باسكن روبنز يعدّل مزاجك ومزاجي هعهع
لجين : ههههههههههه
ماجد : دوووووم هالضحكة يارب
اول ما جاب الايسكريم
لجين : الله يعوّض عليك عمو
ماجد : لحظة لحظة انتي من يوم جيت من امريكا وانتي معلقة عمي وعمي .. ما تقولين لي من متى وانتي تناديني عمي؟؟؟
لجين : ههههه ليش انت مو عمي؟؟
ماجد : عندك الشيبان فارس وناصر هذولي ناديهم عمي اما انا لا فاهمة؟؟
لجين : اوكي ... ماجد
ماجد : هلا
لجين : البنت اللي جرحتني هي شهد بنت خال فطوم تذكرها؟
ماجد بقررف : ايه اذكرها الدلوعة اللي مو لايق عليها الدلع وععع وهذي النتفة ما تقدرين تردين عليها؟؟؟ ما هقيتك ضعيفة يا بنت ال..........
لجين :انا مو ضعيفة بس هي قهرتني
ماجد : وانتي كذا توضحين لها انها فازت عليك يالخبلة
لجين : والحل؟؟
ماجد : ارجعك وربيها عشان خاطري ... وش قلتي؟؟
لجين : اوكي اذا انت شايف كذا رجعني يللا
ماجد : حاااااضر مدام هع
لجين : ههههههههه... آسفة تعبتك معاي
ماجد : انتي الا مصرة تسوين رسميات يا بنت الحلال فداك لو تقوميني من نووومي وانا مواصل 3 ايااااام هع
لجين : هههههههه
اول ما دخلت لجين الاستراحة شافت شهد قدامها طالعتها من فوووق لتحت ومشت عنها
نورة اول ما لمحت لجين جات تركض
نورة : هلا واللللله تو ما نور المكان
لجين : النور نورك
نورة : مشاء الله بهالسرعة غير رايك عمك؟؟
لجين : وش دراااك بعمايل بماجد انتي ...هههه
نورة : هههه خلاص كل يوم اناديه اذا زعلتي
لجين : يكون احسن لانك ما تعرفين تراضين الواحد لا زعل
جلست لجين مع نورة بعيد عن البقية شوي
نورة : وش رايك الحين بما انك روقتي اقول لك اللي صار؟؟
لجين : اللي صار بايش؟؟
نورة : اللي صار بمصعب وشهد بعد ما رحتي
لجين بضيق وشوي وتصيح :لا تجيبين لي سيرته يرحم امك يا نورة
نورة : ليه معقولة بطّلتي كرهتيه عشان ساعدها؟؟؟
لجين : اصلا مين قال اني حبيته عشان اكرهه
نورة : ردة فعلك ع اللي حصل هي اللي قالت
لجين : نوورة لو سمحتي سكري هالموضوع اذا تبغيننا نبقى اصحاب
نورة : طيب براحتك .. خلينا نتمشى ممكن؟؟
لجين : يللا
المهم ,,,,,,,, بعد ما رجع الكل بيته
الساعة 1 الليل .... في بيت ابو مصعب فطوم بغرفتها تفكر باللي صار
تذكرت فطوم لما شرقت لجين بالبيبسي لما طرو اخوها وعرفت ليش عصبت وبان عليها لما تكلمت شهد ان مصعب يحبها آخر شي وضح لها ان لجين تحب اخوها
بس هالتنكة اخوها مين يفهمه؟؟؟؟
مصعب : الوووووو وين وصلتي ؟؟
فطوم : هاه ؟؟ ,,, لا معك معك
مصعب بحزم : بنت لا يكوون تحبين واحد ؟؟
فطوم : ههههههههههههههههه انا احب واحد هههههههههههههههه انا اكره الجنس الذكري كللله واتمنى اسوي له اباااااادة بنووي بعد هههههههه يلعن ابليسك ضحكتني
مصعب : طيب يالنووي تصبحين ع خيير
فطوم : مصعب وقف شوي بسألك
مصعب : وش عندك؟؟؟
فطوم : وش اللي سويته اليوم مع شهد بالمسبح؟؟؟
مصعب بنرفزة : وش سويت ما سويت شي الكلبة ال ....... ال........
حيوانة وقحة بغيت اذبحها بنت ال.......
فطوم : انا ولجين قلنا لك انها كذابة
مصعب : وانا لما اشوف احد يغرق بنتظر حضرتكم تقولون لي هو كذاب او لا؟؟
فطوم : مسكينة لجين
مصعب : وش فيها خوية راشد ؟؟؟
فطوم : انقهرت وتضايقت من اللي صار تصدق احس انها .... انها ......
مصعب : انها وشوووو اخلصي
فطوم : هي ما قالت لي شي بس احس انها تحبك مصعب
مصعب بعصبية غريبة : تاكل .... وانتي بعد تاكلين تراب ... صدق قلة حياء هذا اللي ناقصني والله ... وطلع من الغرفة
فطوم : وش قلنا لك وجع ...
فطوم تدري ان اخوها تضايق الحين ولا راح يهدا لكن هو لازم كان يدري وعلى ايدها كمان




نهاية البارت الثاني اشوفكم بالبارت الثااالث
باذن الواحد الأحد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 24-09-2010, 08:33 PM
صورة مجنونة توتي الرمزية
مجنونة توتي مجنونة توتي غير متصل
©؛°¨غرامي مشارك¨°؛©
 
الافتراضي رد: روايتي الاولى / واخيرا حسيت يا مغرور


بصراااحه رواايتك خووقاااق كملي انا انتظررك
شهد من جد تقهر
ولجوون اتوقع مصعب يميل له عن قريب
وفطووم اكييد تحب ماجد هع
يلا اي ام ويييدنق


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 24-09-2010, 10:17 PM
صورة LASA الرمزية
LASA LASA غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


مجنونة يالبى عيووونك واخيرا حسيت ان فيه احد متحمس معي ومعطيني وجه
ياعسل ماجد يصير عم فطوم شلون تحبه يعني؟؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 24-09-2010, 10:44 PM
صورة mimi_dortmund الرمزية
mimi_dortmund mimi_dortmund غير متصل
©؛°¨غرامي مشارك¨°؛©
 
الافتراضي رد: روايتي الاولى / واخيرا حسيت يا مغرور


رواية جناااااااااااااااان روعة
اريد ان اعرف لماذا مصعب يكره لجين
بليز كملي حبيبتي نحن ننتظرك متى بتنزلي البارت الجاي و انا ان شاء الله اكون من متابعينك لاخر الرواية و ان شاء الله تكمليها للاخر و ماتخلينا متشوقين
تحياتي لكي --انتظركي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 25-09-2010, 12:22 AM
صورة LASA الرمزية
LASA LASA غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


البــــــــارت الثــــــالـــــــــث

في بيت ابو مهند ... الساعة 2 بالليل
لجين جالسة بغرفتها عجزت تنام لسة تفكر باللي صار حست ان الدنيا ضاقت بها طلعت من غرفتها ومشت للمجلس تبي تسولف مع ماجد اللي دايم تلاقيه قدامها اذا احتاجته...
شافت البيت كله ظلام الكل نااااايم بس لمحت نور لمبة المجلس من الشباك
راحت طيران له ,,, سمعت صوت التلفزيون شغّال يعني ماجد صاحي
دخلت المجلس شافته نايم عالارض جنب الكنبة تنهدت بضيق وجلست عالكنبة اللي نايم جنبها ماجد
فتح ماجد عيونه وسحب رجل لجين بقووة
خافت لجين وبغت تصرخ طلت على ماجد لقته يضحك بشكل هستيري
لجين : دايم هذي عاداتك البايخة .. متى تبطلها متى؟؟؟حركاتك ذي من يوم ما عرفتك
ماجد : هههههه فاتك وجهك وانتي خايفة (وقعد يقلدها ) هههههه
تصدقين شي حلو اني زي ما انا ما تغيرت ...
لجين : ايش قصدك ؟؟؟؟
ماجد :قصدي انك تغيرتي كثييير منتي لجين اللي اعرفها
لجين : تتوقع احد غيرني يعني ؟؟
ماجد : ايه بس هذا مو اي احد
لجين : كيف يعني ؟؟؟
ماجد : يعني اللي ممكن يكون غيرك مبين عليه قوي ولاّ شلوون يقدر يغيرك؟
لجين : ارتاح مجودي مافي احد يقدر يغيرني غيرك انا زي ما انا
ماجد : صدقيني لا .. وين لولو اول اللي تسوولف واجد واللي تضحك كثيير الحين كله مادة البووز وساكتة
لجين وهي تضحك على تعابير وجه ماجد : لجين تعلمت يا ماجد ان الكلام الكثير مامنه فايدة والضحك بدون سبب ما لأمه داعي
ماجد وهو مستغرب : وش هالحكمة اللي نزلت عليك فجأة؟؟
لجين : هههههه شفت شلون ... الحين بس عاد عن الحركات الماصخة
ماجد : قصدك سالفة انك تغيرتي؟؟
لجين : ايوة .. ماجد خلاص عير الموضوع
ماجد : اوكي .. ,لولو
لجين : عيونها؟؟
ماجد : لسة ما جاء الوقت عشان تقولين السالفة؟؟
لجين : يوووه ياشينك انا قلت لك لاجاء الوقت انا اجيك واقول لك
ماجد : لقافتي ما تسمح لجوووني
لجين باستهبال : اوكي بسامحك هالمرة
ماجد بمعالم الصدمة ع وجهه : لااحسن تعالي اعطيني كف؟؟؟
لجين : ههههه مزح مزح ,, عمي قول لي
ماجد : اقول لك ايش؟؟
لجين : ايش هي المواقف الذكية اللي حطيت نفسك فيها بامريكا؟؟؟
لاحظت لجين وجه عمها اللي تغير لونه وتكدّر
ابتسم ماجد ابتسامته الغريبة القديمة نفسها اللي ما غابت عن بال لجين لحظة
هي تعرف هالابتسامة كويس ولا راح تنساها ابدا,,,,
بدت الذكريات تسيطر ع الجو اثنينهم قاموا يتذكرون بصمت
لجين تذكرت المرة اللي راحت يوم جاء ماجد من امريكا لما حب وحدة من بنات الجيران وكان اسمها (قمر) البنت اللي سحرت ماجد في حديقة الحي اللي هم ساكنين فيه ... تطورت الاحوال على ماجد العاشق اللي وقفوا اخوانه في وجه حبه وزواجه بسبب انه قمر نسبها مو زي نسب ماجد
اي اقل منه ,, ماجد ما خلى كلمة الا وقالها ولا طريقة ولا اسلوب الا استعمله وبعد عذاااب وطلعة الروح رضيوا انه يتزوج على مسئوليته
ولسة اخوه ناصر كان مو راضي ع الزواج بعد
زبدة الموضوع ان صباحية العرس كان اسوء يوم مر ع العايلة لأن العروس توفت كذا قضاء وقدر قام ماجد يصحي عروسته عشان طيارتهم وما ردت عليه ,,, اللي بعد هذا معروف ماجد انهار وجاته حالة اكتئاب فضيعة
ضعف جسمه وبهت لونه ويوم جاء الكل يعزيه كان يبتسم نفس هالابتسامة الغريبة اللي ما يبتسمها الا في مصيبة
طالعت لجين عنها وهي تتذكر يوم العزاء وقطعت حبل ذكرياته: عمي عسى ماشر وش فيك؟؟
ماجد : ولا شي بس تذكرت شي ضايقني
لجين : لالالالا الحين عرفت ان حتى انت تخبي علي بعد
ماجد : لجين ليه تذكريني كل ما احاول انسى يجي احد يضايقني ويذكرني
لجين : اذكرك بايش ماجد ؟؟ انا قلت سولف لي عن امريكا
ماجد : وهذا اللي انا مابي اتذكره .. تذكرين سفرتي لامريكا بعد اللي صار؟
لجين : ايه اذكر
ماجد : لما رحت امريكا جلست سنتين ع حالتي نفسها اللي سافرت فيها
هناك قابلت مجموعة شباب خليجيين كانوا ستة 3 اولاد و3 بنات
وحدة من هالبنات سالتني عن حالتي اللي ما تسر احد
حكيت لها سالفتي ونزلت دموعها مع انها بنت قوية
خبرتني ان خطيبها مات بحادث قبل سنة وقد ايش كانت متعلقة فيه وانه مات زعلان عليها مدري من ايش... ,,, انا حنيت عليها قطعت قلبي
وتقولين كانت فيها كثير ملامح من قمر وتصرفاتها بدت تعلقني فيها الى ان اقنعتني اننا مناسبين لبعض كانت تفهم علي زيك يالولو
لجين : وبعدين ؟؟
ماجد : بعديييين يا طويلة العمر ,,, سوينا خطوبة غير مؤكدة يعني لسة باخذ شور ابوك وناصر بعد اسبوع رحت لها الشقة لقيت الباب مردود
لجين : ليه رحت شقتها؟؟
ماجد : نست جاكيتها بسيارتي وطلبت مني اجيها الساعة 9 وانا جيتها 7
لجين : وبعدين ؟
ماجد :رحت وانا عند باب بيتها سمعت صوت رجّال وصوت ضحكاتها
دخلت يالجين والقاها بحضنه تخيلي لقيتها بحضنه
لجين ودموعها بعيونها : يعني خيانة؟؟؟؟
ماجد : استغفال مو خيانة ,,, كانت تلعب علي بما انها تدري ان اخوي عنده شركات كبيرة ويبغاني اشتغل معه وانا اللي رفضت
لجين : ايش سوت يوم شافتك؟؟
ماجد : هه قامت تكلمني وسطرتها ذااك الكف ورميت جاكيتها ودبلتي ع الارض
لجين : وما جات تعتذر؟؟
ماجد :هههههههه تعتذر؟؟ ياعيوني راحت تشوه صورتي بالجامعة وقالت للشباب اني خنتها مع امريكية وش رااايك ؟؟؟
لجين : صدق حقييييرة ... ياحياتي يا ماجد
ماجد : ماعلينا
لجين : اسفة اني ذكرتك ماجد
ماجد : عااااادي .. المهم هذا انا حكيت قصتي وانا الحين مصر اسمع قصتك
لجين : ادري فيك عنيييييد وانا طالعتلك بس امري لله بقول
ماجد : وانا اسمع؟؟؟
لجين : والله ..... ,,, دخل ابومهند المجلس : لجين ؟؟ صاحية
لجين : ايه والله ما جاني نوم يابوي قلت اجي اجلس مع ماجد شوي
ابو مهند بعصبية : ماجد ؟؟؟ كذا ماجد حااف بدون احترام ولا تقدير ولا كلفتي نفسك تقولين عمي؟؟؟
ماجد : عبدالله هدي اعصابك انا طلبت منها تناديني ماجد بدون اي شي
ابو مهند : يللا بس بلا قلة ادب
ماجد : انا راضي انت لا تتدخل وبعدين انت ناسي انك ربيتني وياها كأننا اخوان ؟؟؟
ابو مهند : لجين ,, يللا ع غرفتك روحي نامي تأخر الوقت
لجين : حاضر يابوي,,,,, راحت لجين غرفتها وماااجد محترررق
يبي يعرف السالفة بس خرب عليه اخوه
بعد اسبوع تجمعوا الشباب بشاليه عبدالرحمن وفيصل
ماجد ماشاف لجين من اربعة ايام وما امداه يسالها عن سالفتها
ماجد اتصل ع مصعب : الوووو وينكم بتجون الشاليه انت واخوانك؟؟
مصعب : ايه جايين بالطريق الحين , عمي عبدالله جاء
ماجد : ايييه لايفوتك شكله بالبنطلون ههههه
مصعب : يقطع ابليسك يا شيخ يللا جايين باي
في الشاليه كل شلة جالسة بمكان اللي يسبح واللي يسولف واللي سرحان وووووو ,,,, يزيد وعبدالملك جالسين سوا بعيد عن الكل
يزيد : ملووووك وين وصلت؟؟
عبدالملك : لا ابدا ... بس وصلت بيتنا خخخخ
يزيد : بيتكم ولا بيت .......
عبدالملك : يزيد عن ثقالة الدم يرحم والديك
يزيد : نمزح نمزح ... وجع دلوووع
عبدالملك : ودي اقول لك شي بما انك اعز اصحابي
يزيد : انا قايل ما ورى هالسكوت خير
عبدالملك : خلاص خلاص أسكت احسن لي
يزيد : قول قول ما عليك استهبل
عبدالملك : انا احب وحدة
يزيد بحماس : انا اعرفها؟؟؟
عبدالملك : تصير حمار لو ما عرفتها
يزيد بثقة : اختي؟؟
عبد الملك : لالالا بسم الله عليها
يزيد : اقوول كل تبن بس اختي اصلا بعيدة عن خشمك
عبدالملك : خلاص انا اقولك من هي... اخت فهد بنت خالي فارس
يزيد : فجر المكدشة ما غيييرها؟؟؟؟(فجر يوم كانت صغيرة كانت تكدش شعرها )
عبدالملك : على ترااب ايه فجر فديييتها
يزيد : انت شكلك شارب شي ؟؟؟ وهي تحبك
عبدالملك : يالبى عيووونها اصلا ما تدري
يزيد : قول لها طيب
عبدالملك : انت مجـــــــــنوووووون؟؟؟
يزيد : وش فيها عاااادي
عبدالملك : بمخك الفاصل عاادي خلاص بما انك دريت انطم لا تفضحنا
يزيد : هههههه ما عليك سرك انتشر ...هههههه امزح امزح
فهد ومصعب وعبدالله جالسين عالطاولة قرب المسبح يسولفون
فهد : يوووه والله الايام تعدي بسرعة شوف كم اعمارنا الحين
عبدالله : ههههه اتذكر لسة لما نلعب مع البنات في المناسبات والعزايم
مصعب : ههههه قديمة ذي الايام من زماااان والله
فهد : تذكر يا مصعب يوم العيد لما نتفت لولو بنت عمي عبدالله ببلونة موية خليتها تطيح بالدرج هههههه وقعدت تضحك عليها
مصعب بحماس : يلعن شكلك شلون جات على بالك هههههه ايه اذكر وطحت بعدها على طوووول
عبدالله : وش هاللعانة فيك تستاهل ذيك الطيحة هههههههه
مصعب : ههههه هي كانت بتبكي مسكينة عورتها طاحت بقووة ولما طحت انا جلست تضحك علي وساعدتني عشان اقوم ههههههه ايــــــــــــام
عبدالله : بيننا شي مشترك مين الذكي اللي يعرفه؟؟
فهد : انك تقربلنا من طرف عمي عبدالله واحنا بعد صح؟؟
عبدالله :ايه صح,,, وكلنا تربينا سوا,, لسة اتذكر فهد وهو ينطق من فيصل ودحوم هههههههه
فهد : ههههههههههههههههههه عليك مخ مشاء الله هههههه
عبدالله : والله مشتاق العب بالحوش زي اول
فهد : ما دريت انك بزر لسة ..هع انا منقهر عشاني ما شفت اشكال البنات الحين اكيد تغيروا يلعن ابو القهر
عبدالله : يالخربان حتى احنا تغيرنا
فهد : ايه بس هم شافونا واحنا ما شفناهم
عبدالله : والله مدري من البزر انا ولا انت .. مصعب ويييييين يابو الشباب؟؟
مصعب : معكم معكم بس تذكرت شي
فهد : وشو؟؟ ,,,,, مصعب : مالك دخل
عبدالله : تذكرون المطاقة اللي صارت بالمول ؟؟
مصعب : آخر وحدة ؟؟ ايه اذكرها
فهد : اقول لك شي مصعب ؟؟
مصعب : قول ؟؟؟
فهد : نظرات لجين لك كانت غير
عبدالله : انا بعد لاحظت,,,,, مصعب تذكر كلام فطوم عنها وانقهر وعبس وجهه
مصعب : يتهيأ لك انت ويّاه
عبدالله : انت عمرك ما تعترف بالشي الي ما يدخل مزاجك
فهد : وش فيها لجين ؟؟؟
مصعب : ما فيها شي يوووه سكروا الموضوع..
عند خالد وتركي .... خالد ترك تركي لحاله وطلع برة الشاليه وركب سيارته
نهى ونورة كانوا جالسين بغرفتهم نورة منسدحة ومغمضة عيونها كأنها نايمة من ساعة ونهى جالسة ع السرير بملل
رن جوالها وكالعادة نطّت من السرير ركض للجوال
شافت رقم خالد منور الشاشة ابتسمت طالعت نورة لقتها نايمة خذت راحتها وكلمت
نهى : الو .....,,,,, خالد :ليه ماتردين بسرعة لازم اشتاق زيادة يعني؟؟
نهى : ايه تستاااااهل
خالد : كذا ..... طيب
نهى : زعلت ؟؟؟,,,,, خالد : ايش رايك؟؟
نهى : ابغاك تحس فيني وتذوق احساسي توك تتذكرني من 3 ايام؟؟
خالد : حياتي والله اااااسف غصب عني
نهى : لامو غصب عنك لواني حياتك كان سالت عني
خالد : خلاص عيوني اوعدك اكلمك كل يوم اذا قدرت عاد انتي راعي ظروفي بعد ؟؟ اوكي
نهى : اوكي تراك وعدتني وانا واثقة فيك
خالد : ياحلوهم اللي ما يقدرووون ع الزعل وحشتيني حياتي
نهى : وفر هالكلام بعد الزواج
خالد : الحين وبعد الزواج ايش رايك ؟؟
تحركت نورة عالسرير
نهى : باي باي طولنا
خالد : عندك احد؟؟
نهى : ايه نورة اختي
خالد : اوكي باي حبي... سكرت نهى الجوال وتنهدت براحة وجلست ع سريرها
قامت نورة وتعدلت بجلستها .....
نورة : مين الأخ اللي كنتي تكلمينه قبل شوي؟؟
نهى وهي مصدومة :ولا احد
نورة : شوفي بلا لف ودوران انا كنت صاحية وسمعت كل حرف تكلمي اصرف لك
نهى : نورة حبيبتي تكفييين لا تعلميين احد تكفييين لا تعلمين عبدالله
نورة : خااايفة؟؟؟
نهى : ايه نورة خايفة تكفين لا تذليني يرحم امك
نورة : لو انك خايفة ما كلمتيه
نهى : احبه ياناس احبه غصب عني مو بيدي
نورة : تعرفينه عشان تحبينه ؟؟
نهى : ايه اعرفه
نورة : تعرفين اسمه اللي ممكن يكون كذبة بعد
نهى : لا يانورة هو يعرفني ويعرف عبدالله وتركي وابوي وانا اعرف اهله
نورة : مين هو ؟؟
نهى : خالد اخو رغد وفاطمة
نورة بصدمة : اخو مصعب ؟؟؟؟ولد عم لجين
نهى : ايه ويزيد بعد اخوه
نورة : ياهبلة ايش سويتي ؟؟؟ انتي ناوية تفضحين نفسك ؟؟؟
نهى : ليه؟؟
نورة : يمكنه بيفضحك وعنده تسجيلات مكالماتك ياعبيطة
نهى : هو اللي اتصل علي وانا كنت معجبة فيه من اول ولما قال لي من هو عشقته واستسلمت له
نورة : تدرين انك حيواااااانة؟؟؟
نهى ارتبكت وصاحت
نورة : تصيحين ؟؟ تصيحين .. لازم تصيحين ع خبالتك يا خبلة
نهى : وايش اسوي الحين ؟؟
نورة : لاتردين عليه فااااهمة؟
نهى : طلبتك نورة ساعديني تكفييييين
نورة : بحاول ادبر لك حل .. يللا نامي انخمدي يا اغبى مخلوووق على وجه الارض
بلعت نهى السبة ونامت على امل انها تطلع من هالورطة

نهاية البارت الثالث

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 25-09-2010, 12:26 AM
صورة LASA الرمزية
LASA LASA غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


ايناس حبيبتي توننا باول الرواية بس عشان اريح بالك مصعب هو كذا شخصيته

مايداني حركات الحب والوله يعني السبب مو لجين العلة فيه هو

واخيرا انا انزل البارتات كل يوم الا اذا صار شي عندي والى الان نزلت 3 بارتات في 3 ايام مشكووورين عالردود الحلوووة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 25-09-2010, 01:28 AM
صورة mimi_dortmund الرمزية
mimi_dortmund mimi_dortmund غير متصل
©؛°¨غرامي مشارك¨°؛©
 
الافتراضي رد: روايتي الاولى / واخيرا حسيت يا مغرور


شكرا اختي على هذا البارت الروعة ننتظركي غدا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 25-09-2010, 01:47 AM
صورة LASA الرمزية
LASA LASA غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


لاشكر على واجب انتوا المشكوووريين فديتكم
طيب ممكن اشوف توقعاتكم ولا ما ودكم؟؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 25-09-2010, 10:58 AM
صورة مجنونة توتي الرمزية
مجنونة توتي مجنونة توتي غير متصل
©؛°¨غرامي مشارك¨°؛©
 
الافتراضي رد: روايتي الاولى / واخيرا حسيت يا مغرور


مشكووره ياقلبي ع الباررت حماااس
وتوقعاتي ان يزيد يحاول يوصل لفجر ان عبدالملك يحبه او يقنع عبدالملك انه يعلم فجر بنفسه
وماجد رحمته بصراحه الله ياخذه الحقيره خيانه عيني عيينك هي وخشته
وياليت لو تخلين مصعب يحب لجيين عن قريب
نهى ونوره وما ادراك ماهن
اتووقع ان نهى تكلم خالد من ورا نوره وتقوله ان نوره عرفت
واذا كان يحبه صدق فهو بيخطبه والله اعلم
هذي توقعاااتي يااعيووني ننتظر البارت الجااي
اي ترا يووم اقول يمكن فطوم تحب ماجد كان حسبالي ان ماجد خال لجين لاني انسى سوري
يلا تراااي متحمممممممممممسه


الرد باقتباس
إضافة رد

روايتي الأولى : و أخيراً حسيت يا مغرور / كاملة

الوسوم
اتمنى لكم قراءه ممتعه.... , اتمنى القا التشجيع منكم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أربعة عشر اخوه يعيشون في صراع مع الزمن / كاملة قاتلني ويموت فيني روايات كامله - يتم نقل الرواية هنا بعد اكتمالها 1764 07-11-2019 05:27 PM
روايتي الأولى : و إنت يا الفجر البعيد نامت عيونك / كاملة الووو__بتول__وورد روايات كامله - يتم نقل الرواية هنا بعد اكتمالها 112 26-03-2019 05:42 AM
روايتي الأولى : معاناة الشباب / كاملة حمودالشمري روايات كامله - يتم نقل الرواية هنا بعد اكتمالها 942 11-02-2015 05:02 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 08:31 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1