غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 28-09-2010, 07:54 PM
صورة ساحرتهم بعيوني الرمزية
ساحرتهم بعيوني ساحرتهم بعيوني غير متصل
©؛°¨غرامي فعال ¨°؛©
 
الافتراضي رد: love to be loved by you / بقلمي




Part3



خائنة العهد
حرري قيدي من حبك
ياخائنة العهد




عند ابوراكان

ابوراكان:اقول ام راكان يوم كلمت طلال سألته عن حنان بنت اخوي قالي انها مومعهم

ام راكان :لايابوراكان اكيد البنيه معهم بس طلال ماشافها

ابوراكان:اقولك الولد قالي مومعهم....شورك نمر البنيه تلقينها المسكينه جالستن على نار

ام راكان:اللي تشوفه ..حبة عيني مالحقت تتهنى عسى انشاء الله النصيب بكرا يزين الحمدلله على كل حال

ابوراكان:ام راكان اجل دقي عليها ...صحيح اني عمها بس يمكن تمونين عليها اكثر

ام راكان تدق ..حنان الللي من شافت الرقم اختبصت :ياربي اكيد دروا بالسالفه وش السواة ياربي ...وبخوف:الووو


ام راكان :الوو ..هلا ياميمتي

حنان اللي ارتاحت من نبرتها الحنينه:هلا خالتي

ام راكان:معليه يابنيتي هذا قضاء وقدر مابيدنا شي

حنان بلهفه:خالتي شلونه الحين راكان؟؟

ام راكان: لاالحمدلله يقولون اشوه

حنان ارتاحت :الله يطمن قلبك عليه <<وبقلبها وقلبي

ام راكان :آمين يابنيتي...أقول حنان انتي بالبيت صح

حنان ارتبكت:لا ببيت امي <<طبعا ابوها متوفي من سنتين وعايشه مع امها مصرية الاصل

ام راكان استغرب:طيب يابنتي الحين انا وعمك بنمرك اكيد ودك تتطمنين على راكان خلك جاهزه

حنان اختبصت:آآ ...طيب خالتي اللي تشوفونه اذا قربتوا دقوا علي

ام راكان:بحفظ الله

حنان :مع السلامه<<سكرت وكانت تفكر بهالكارثه اللي حلت عليها

قطع عليها تفكيرها امها اللي كانت تشيش :من كنتي تكلمين؟؟

حنان :آآآ ...وحده من صديقاتي ...يما انا بطلع شوي وراده

ام حنان :نسيتي انك بالعده؟؟....عموما الله فكك من هالراكان ولد الفقر ...المهم كنت بسأل هذا اللي اسمه مازن قوليله يعجل تخلصين العده وخل اهله يجيون خلاص تعبنا من كلام هالناس..صدقيني لوما انه عندهم عز ماكان تحملت هالكلام


حنان اللي انقهرت لهالدرجه انا رخيصه بعين امي:انشاء الله يما

ام حنان :تدرين بعد راتب تقاعد ابوك يالله يكفيني والحين بتقاسمه وياك اووف

حنان:اسمعيني يما ترى هذا حلال ابوي وماله يعني حقي ومايحق لك تحاسبيني <<طلعت برا تنتظر قدوم عمها وخالتها


.................................................


ماجاني النوم
عًجزٌت أكٌابرٌ [ مُاتٌحُملٌتُ ] يٌومٌيٌن ُ,,
فُي غٌيبتكٌ حًـَـَـَـَـَـَسيُتٌ لي | ح‘ـُق مٌهضُوم ٌ
بـُالله جـٌاك الَنومِ واحَنـِا بَعيِدينٌ ..؟!!
اَنــُا قســٌـمٌ باللهٌ

..~{ مُــاجــٌانـيٌ النِــوم ٌ ,,~
..~{ مُــاجــٌانـيٌ النِــوم ٌ ,,~



اول يوم دوام

صحيت الصبح نشيطه ...قمت وفتحت ستارة غرفتي واستنشقت الهوا ..واخذت نفس عميق ...رحت لدورة المياه اكرمكم الله ابي اتوضا واصلي الا جتني بنت ابليس<<مرض الحريم J
...غالبا ماتجيني وقت مااكون متوتره اوخايفه من شي ....لبست بسرعه هدومي وتوجهت للصاله عند ست الحبايب

حلا:صباح الخير يما

ام عبدالعزيز:صباح النور والبنور

حلابتوتر:يما احس خايفه

ام عبدالعزيز:وشوله الخوف وانا امك دامك متكله على ربك كل امورك بتتيسر انشاء الله

حلا:يما تكفين ادعيلي الله يسرها علي

ام عبدالعزيز:الله يوفقك يابنيتي ويفتح ابواب رزقه

حلا:يما تصدقين من كثر ماانا خايفه ماجاني النوم <<وبقلبها والسبب واحد واللي تسبب بسهر العين مادرى عن حالي

ام عبدالعزيز :هونيها وانا امك


عبدالعزيز كالعاده طب عليهم:كني سمعت احد يقول انه خايف ...دام السالفه كذا خلك عند امي وانا بتعذر من الرجال

حلا:لالالالالا وربي موخايفه خلاص

عبدالعزيز:والله يعني لازم العين الزرقا عالصبح

حلا:ههههههههههههه ايه واضح

ام عبدالعزيز :الله يوفقكم ياعيالي ويعوضكم خير

الكل:آمين


.................................................. ...


اللي يحب
وش يذبـح الليـے يحب ..؟!
غير انه يشوف ..
آخسسس خلق الله
" .. ياخذ مــڪــانـــه .."





بالمستشفى

وصلو ام راكان وابو راكان ومعهم حنان وبسرعه توجهوا لعيالهم

ام راكاان :هاياولدي ياطلال وشلونه اخوك الحين؟!

طلال:لاالحمدلله بخير بس كسور بسيطه

ام راكان :آه ياولدي ليته فيني ولافيك

متعب يحب راس امه:وش هالكلام اللي تقولينه يالغاليه بعيد الشر عنك

لجين توشوش صبا:اقول صبا مو كنها ذيك حنان ...ليه جت ماكفاها اللي صار اليوم لاحول ولاقوة الابالله

صبا:يختي مدري احيانا تقطع قلبي واحيانا ودي اذبحها

لجين :مدري وش تحسين فيه انتي وهالمشاعر

ام راكان :يعني الحين مقدر ادخل على ولدي

ابوراكان:الحين انا رايح للدكتور اتطمن على راكان

ام راكان :عاد لاتنسى تطمنا

ابوراكان :أنشاء الله

لجين :اقول يما ذيك حنان ولا اناغلطانه

ام راكان :الا بنت عمك حنان

لجين :وش مجيبها؟؟

ام راكان :صدق ماتستحين مهيب مرت اخوك ..؟...بدل ماتروحين تقربين منها المسكينه جايه تقولين وش مجيبها

لجين :بس يايما

ام راكان تقاطعها :بلا بس بلاكلام فاضي.....وبصوت عالي :يما حنان تعالي اقربي وانا امك

عم السكوت لحظات اللي مااستمرت وقطعها عليهم ابوراكان :احم ..الحين الزياره مسموحه <<وصار يدور بعينه حتى طاحت عليها ..:اقول ياام راكان وش رايك نخلي مريته تدخل قبل المسكينه ماتهنت بشوفته

ام راكان تطبطب عليها:مايخالف يابوراكان خلها تدخل

هنا حنان لوقالولها روحي للموت تروحله ولاتروح لراكان ..اللي ظلمته كانت خايفه من نظراته ..خايفه من تأنيب الضمير اللي راح يلاحقها بعد ماتدخل..صارت تلف بعينها وتناظر صبا ولجين نظرات استنجاد ولكن تذكرت وقتها ان الظالم ماله اعوان هم خواته ومن سابع المستحيلات يوقفون معها

مثل الطفل التائه توجهت لغرفة راكان ولاتدري وش منتظرها
فتحت باب الغرفه وشافت منظر شنيع ...راكان اللي وجهه منور وكله ملح صار وجهه ممتلي بالجروح وايده ورجله مجبسه ..كان المنظر كفيل بانه يشغل ضمير جواها كان شبه ميت....وبقلبها ليتني قلت لعمي عن طلاقنا ليتهم خواته تكلمو ليتهم ..ناظرته نظرات وداعيه ...لاني ادري بأني اخر مره ممكن اشوفه فيها ..اشوف هالشخص اللي حبني اكثر من حياتي ..حتى انه حبني اكثر من مازن اللي بديته عليه ..بس قلبي عيا يحبه وحب غيره وهالشي ابد مو بيدي

بهاللحظات اثناء انشغالها بالتفكير فتح راكان عيونه وبصعوبه قدر يتكلم :ليييه ججييتتيي.!

حنان اللي كانت يدها بوجها وتصيح .:.........

راكان :قلتلك ليه جيتي .. ؟حق الشماته ولاشفقانه ؟؟..بدال ماتضيعين وقتك الثمين معي روحي لحبيب القلب بدل ماتضيعين هالدقايق بواحد عمرك مافكرتي فيه

حنان تبكي :والله ياراكان كنت بقولك من البدايه بس خفت ماتفهمني ولاينفضح امري

راكان :اهااا..تدرين في ناس عندهم الجرح عادي اهنيك صراحه اهديتيني جرح نزف وعمره ماراح يشفى اهنيك<<ولف وجهه عنها

حنان :والله ياراكان لو بيدي احبك كان حبيتك والله بس موبيدي هالشي والله موبيدي

راكان رفع يده :كافي لوسمحتي اللي جا منك كفايه بطلب منك طلب صغير ياليت تنسين راكان اللي بينساك وتبعدين عن حياتي اللي كنت شهدها وعسلها وللاسف صرتي سم بحياتي ..ابعدي عني واللي يرحم والديك

حنان :آآآ بس راكان

راكان يقاطعها:قلتلك اطلعي برآ خلاص ماعدت اقدر الوث عيني بشوفتك برآ وورقتك بتآصلك لاتخافين

حنان تبكي:راكان اترجاااك والله اخر طلب اطلبك اياه صدقني بطلع من حياتك بعده والله

راكان تنهد :اطلبي اخلصي

حنان:تكفى ياراكان استر علي انا بنت عمك من لحمك ودمك <<وصارت قريبه من رجوله <<ناظرها راكان نظره مافهمتها وبقلبه :الله واكبر زمان يوم كنت اترجى ضحكتها يوم كنت اذوب بكبريائها واترجى رضاها اشوفها الحين منذله الله واكبر يازمن <<وخرها عنه

راكان :انتي بنت عمي مايحتاج تقولين لي هالكلام وبعدين انا عندي خوات مانسيت هالشي

حنان تاملت شهامة هالشخص رغم كل اللي سوته فيه :راكان صدقني ماراح اقابل شخص مثلك الله يسعدك ويوفقك مع احسن مني

راكان ابتسم على جمب:اظن اللي بسويه معك ماسواه ابد انسان ..لكن هذا دستوري بحياتي اقدم للحثاله احسان <<قويه

اما حنان سحبت نفسها لبرا وهي كلها صياح...لفت قدامها ام راكان اللي معروفه بالحضن الدافي و حضنتها وصارت تبكي ندم ..تبكي فرح بان موضوعها محد راح يدري فيه

ام راكان :شفيك يابنتي ليه هالصياح

لجين تهمس لصبا :وش هالخمبقه خير وش بها تصيح

صبا :مدري عنها اكيد راكان سمعها موال يحبه قلبها

لجين :لاحول ولاقوة الا بالله ...انا خايفه من ردة فعل امي وابوي لادروا بالسالفه

حنان :مافيني شي ياخالتي صدقيني


وبعدها دخلت ام راكان لولدها....

ام راكان تحب راس ولدها :سلامتك يانظر عيني ماتشوف شر ليته فيني

راكان بصوت مرهق:لايما اسم الله عليك ماتشوفين شر

ام راكان بوله :ها ياولدي تحس بألم برجولك ....طيب يدك تحس فيها ؟؟ وين يعورك يما وين ؟؟<<حليل الامهات يسوون سكان

راكان خلف كومة الحزن ابتسم :لايما مااحس بشي بس شوية تعب

طلال:آآخ بس ويح قلبي خذا الدلع وحنا صرنا تكة احتياط

الكل .:ههههههههههههههههههه

ابوراكان :ماتشوف شر ياولدي


راكان :الشر مايجيك يبا ولايخطيك


ابوراكان يلف على طلال:اقول طليّل

طلال يمثل الدلع :توتي لوسمحت

ابوراكان تجاهله :الا ماعندك اليوم تقديم ب ال(........)

طلال اللي توه تذكر :اييييييييه صح عليك يارجل ..وباءبتسامه :ملفي بالسياره<<طالع الساعه

طلال:بقى تقريبا ساعتين على المقابله

ابوراكان :خلف الله عليك من صبيّ..لاولد امك اجل هالامور احد ينساها..آخ بس لوتترك عنك حركات المبزره والنص كم والديوانيه ولعب الورق كان انت بخير

طلال يتشكى :يما يرضيك ينهان ولدك قدامك

ام راكان :وي يابوراكان طلال رجال والنعم فيه

ابوراكان /:ايه تدري مقدر اقول للغاليه شي يعني لازم تدخلها بالسالفه يانمس

متعب يتدخل :اقول يبا اخرشه مابقا شي للتقديم

ابوراكان :صدقت طليّل وش مقعدك هنا هاا يللا قم تحرك الله يحرك مشاعرك بس

طلال:شقصدك يبا تبيني احب واطيح بشباك الحب تخبر ولدك كله مشاعر وشلون لوتحركت

ابوراكان يسوي نفسه بيرميه بشي

طلال يهرب:ههههههههههههه خلاص رايح <<وصار يتثاوب

ابوراكان :هااا وش تسوي واقف بمكانك

طلال :اتطمن على ركووني

راكان :وع ياشينها من حلقك

طلال تخصر ورفع حاجبه:ايه ياشينها مني حلاتها من حبيبة القلب <<هنا انطم طلال يوم تذكر كلام خواته بان راكان طلقها

راكان اللي قلب وجهه ميت لون

طلال:آآآ أنا استأذن

ام راكان :فحفظ الكريم

ابوراكان :لاتنسى ملفك هذاني اقولك

ام راكان :راكان الا وينها حنان تكسر الخاطر حبيبتي كله تصيح المسكينه

راكان وطى راسه :يما انا ...............................



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 28-09-2010, 08:03 PM
صورة ساحرتهم بعيوني الرمزية
ساحرتهم بعيوني ساحرتهم بعيوني غير متصل
©؛°¨غرامي فعال ¨°؛©
 
الافتراضي رد: love to be loved by you / بقلمي




ونسمه وهبت
عدني نسمهـ وهبت
بنت اخطت يوم "حبت"
عدني اي شي الإ ..
بنت [ سهله ] ما تربت !




برا الغرفه

حنان :لجين ابيك تسامحيني ..انتي اكثر انسانه عرفتها بحياتي وفت لي بس للاسف ماوفيت لك ...بنت عم والنعم فيك حتى انتي ياصبا ..يحق لكم تزعلون علي لاني صرت بعيده عنكم ولاني تغيرت..بس ابيكم تعرفون شي واحد والله ثم والله اني مااكن لكم بقلبي الا الموده والحب...ولانك يالجين تعرفين عن ماضيي ابيك تسترين علي اعتبريني اختك ...وتذكري اني بنت عمك كلنا نحمل اسم واحد

لجين:هذي مو اول مره اسمع منك هالكلام ..حنا بشر ياحنان واعرفي ان سرك ببير وانشاء الله ربي يسخر لاخوي اللي تقدره وتعرف قيمته...تظلين بنت عمي رضيت ولاابيت..كنتي صديقة دربي وعشنا مع بعض اجمل ايام وشلون تبيني انسى هذيك الايام الحلوه مهما كان حاضرك بذكرياتي اسود يظل عبير ذكريات الماضي له اثر على النفس والقلب

حنان ضمتها بقوه :سامحيني يالجين تكفين سامحيني

لجين :موانا اللي اسامح ربك اللي يسامح اطلبي منه يسامحك اولى

وضمت صبا:كلكم سامحوني لاني ماقدرت اكون خير زوجه لاخوكم

صبا :الله يسامحك

.........................................


ما أنسى صاحب مانساني
والله ما أنسى صاحب مانساني
لو طالت الغيبه وضاعت نواحيه
يبقى معي مابين قلبي وعيني
والنفس من بد المخاليق تغليه
وأنشد عن أحواله بعاصف سنيني
وأرتاح لازانت وطابت لياليه



بيت ابومشعل

كانت واقفه عند المرايا..تتأمل ملامحها الرجوليه التي لاتوحي بشيء من الانوثه ..وبصوت خشن :معقوله ياربي مافيني ذرة انوثه ..مقدر البس لبسهم الضيق ولاالوانهم اللي تقرف ..ياليتني خلقت رجال تعبت من هالعيشه <<احتجاج واضح عالقدر الذي لربما يخفي خلف قضبانه امواج من الاسرار

قطع فكرها رنين جوالها تن تن ترررم تن تن

رزان بصوت خشن :الوو ...هلا اسيل

اسيل :هلا رزان اخبارك

رزان :كم مره اقولك ناديني راشد تعبت ترى اعلمك

اسيل :بلاهبال روزي وش صار عالسالفه

رزان تقاطعها:ترى والله اسكر

اسيل :تقدرين ؟

رزان :موهذي البلشه <<طيب اعرفكم على اسيل ..هي صديقة رزان من ايام الطفوله بئر اسرارها ...هي الوحيد ه اللي واكبت التغيرات اللي طراأت على رزان طوال فترة نضوجها ...عنصر اساسي بحياتها صعب تتخلى عنه لانها الوحيده اللي متفهمه وضعها ..علاقتهم وطيده جدا صداقه بحته


اسيل :ههههههههه طيب ولايهمك رشوود

رزان :مااظن به شي يضحك

اسيل :طيب اممم متردده بقولك شي بس موعارفه من وين ابدا

رزان :افا تخبين علي ماهقيتها

اسيل بتردد :لاوالله موكذا بس كنت بسالك .....احم صدق انتي تحبين ساره ؟؟

رزان :هههههههههههههههههههههههههههههههههههه


اسيل :مافي شي يضحك سخيفه

رزان تمسك نفسها :اللي افهمه يعني انك تغارين علي مثلا

اسيل :لانك حماره تفهمين كذا ...السالفه اخاف تنسيني

رزان :لاااه بالله اعترفي انك تغارين

اسيل بعصيبيه :وربي انك نفسييييييه

رزان :آآ اسمعي بقولك شي بعد بس متردد

اسيل تحمست :قوووولي

رزان تظاهرت ان امها تناديها :آآآ اسيل اكلمك بعدين امي تناديني ..سلام

اسيل اللي تعودت على تهرباتها :براحتك مع السلامه

اما رزان :ياربي معقوله وضعي طبيعي ....معقوله فتره وبتمر بس مستحيل اتقمص شخصية بنت ....ياربي حلها بس <<وصارت تفكر بكلاام اسيل

رزان :ههههههه خبله اجل تغار علي هاا ههههههههههه

.................................................. .....





<<كآريكاتير اعجبني عن الوآسطه




بأحد المستشفيات

السكرتير :الاخ طلال

طلال:اي نعم

السكرتير وهو نافش الريش :آمر ياخوي

طلال:ابد جاي اقدم على وظيفه حالي حال الآلاف اللي ببيوتهم مدري به شاغر؟

السكرتير من غير نفس:من الآخر عند واسطه؟؟

طلال اللي استغرب من مصداقية سؤاله المفاجيء:ايه

السكرتير اعتدل بكلامه خوفه يكون من طرف معزبه ويروح وطي:حلوو ..من واسطتك ماعلمتنا جاي من طرف مين؟

طلال :واسطتي هي ربك وانا اخوك

السكرتير طاح وجهه:والنعم بالله...اسمع ياخوي دام كذا السالفه واضح انك ولد حلال بدخلك عالمدير واختلص وياه

طلال سحب ملفه :دامك كنت معي واضح من البدايه عطني اياها كاش توظفون ولا لازم اكون ولد ال.........

السكرتير :هذاك قلتها ...ياخوي اذا تعرف المدير داوم من بكرا لاوبالمكان اللي يناسبك بعد

طلال :مااقول غير الله كريم لاهنت

السكرتير:فمان الله

<<نجي لمفهوم الواسطه من الآخر مثل ماقال عندك هالفيتامين امورك سآلكه ..ماعندك اجلس ببيت امك خلها تسويلك قبل لاتنام حليب السعوديه يمكن تحلم بوظيفه عالطريق ...عجبآ لها كما ينعتوها بفيتامين ولكن للاسف ليست كذلك بل هي هروين ادمن البشر عليها وخلّدت خلفها الظلم الجائر وللاسف اصبح من الصعب التخلي عنها في زمن كثرت فيه والواوات <<ماتشوفون بنت وهبي تغني ليك الواوا <<تراها تقصد هاللي نحكي عنو <<اوت


.................................................. ...........







أبيـك
أيه أبيك لاهنت










In Canada

رادا تكلم بدر بالموبايل:هلا بدر

بدر :شكلك مشغوله حياتي ولا؟؟

رادا:امم الصراحه اي موقلتلك بيجون جيراننا فيك شي حبيبي؟؟

بدر خق:هااا ..هولوكان فيني بعد اللي قلتيه شفيت ..دقيت هزني الشوق قلت اسمع صوتك الحآني

رادا :امم بدر اليوم تغدى برآ بريحك مني

بدر يسوي حاله يكسر الخاطر :أهون عليك يعني اتغدى برآ

رادا:اذا تقدر

بدر بلعانه :لامقدر من قال اني اقدر احد يقدر يبعد عن حياته ...انا اصلا يومي بلياك شوكه بحلق الدهر لالا مقدر

رادا تدق بالوتر الحساس:واذا قلتلك عشان خاطري ؟


بدر :آخ بس حتى لو مقدر اقدر خاطرك مهوب اي خاطر عشان ما ألبي له
مشكلتك تعرفين نقطة ضعفي تدرين شآنك وش كبر قدره بخافقي

رادا :آآ بدر الجرس يدق اكلمك بعدين

بدر:آه ليتني ضيف وبآلك ينشغل فيني ...ليتني ضيف الامس اياديك وادفا بك ليتني ضيف وعيني بعينك ولسانك يرطب مسمعي

رادا :بدرر والله جد جو الضيوف خلني اروح اشوفهم

بدر :خلاص زعلت اجل هم اهم مني

رادا:لاوالله موكذا حبيبي ...بس لازم اروح اشوف الباب

بدر:ههههههههههه طيب خلاص روحي رحمتك فمان الله ياحبي

رادا :مع السلامه<<وراحت ركض فتحت الباب

.................................................. ..

بالمستشفى

عبدالعزيز:حلا

حلا مفهيه مو حوله

عبدالعزيز يهزها :حلا اكلمك ردي

حلا:هاا معليه كنت قاعده افكر وش اقول

عبدالعزيز :ارتباكك وخووفك كوني حريصه ان محد يلاحظه اتفقنا

حلا:والله موخايفه من الشغل كثر موخايفه ان ابوي يدري ويبهذل امي انت تعرفه زين ياعبدالعزيز

عبدالعزيز:لاتخافين هماك موكله ربك والكل موكل ربه انشاء الله بيكون لنا خير معين يللا انتي الحين تعوذي من ابليس وادخلي عالمدير عرفي بنفسك وانا بروح لقسمي <<عبدالعزيز قسم الشؤون الماليه بالمستشفى

حلا: طيب الله معك




مكتب المدير


الباب طوق طوق

المدير :تفضل

حلا:السلام عليكم

المدير :وعليكم السلام تفضلي

حلا باءرتباك :انا آآآ

المدير :انتي الموظفه الجديده اخت عبدالعزيز ال..... ولاانا غلطان

حلا:ايه نعم

المدير:بما انه اليوم اول يوم لك حابه تبدين ولا تتعرفين عالمكان ومن بكرا تبدين .؟

حلا:لا ابدى من اليوم

المدير :ماشاء الله انشاء الله تكون بدايه موفقه حماسك للعمل حبيته الله يوفقك...عموما دامها رغبتك خلاص تقدرين تروحين لمحمد راح يرشدك ويفيدك

حلا بقلبها ومن هذا محمد بعد اووف

المدير يكلم مشاعل :مشاعل ناديلي محمد

مشاعل :انشاء الله

المدير: عندك خبره مسبقه بمجال العمل؟؟

حلا:لا والله هذي اول مره اشتغل فيها بعد ماتخرجت

المدير:طيب نحن في انتظار وصول الاخ محمد وانا كوني المدير اتمنى لك بدايه موفقه وعطاء لامحدود

حلا:شكرا لاهنت

محمد :طلبتني طال عمرك ؟؟

المدير:طبعا بدايه اعرفك على زميلتكم الجديده حلا ال......

محمد بطفاقه :حلا ياهلا والله الا وين القهوه والشاي خخخخخخخ

المدير :لاتشيلين بخاطرك محمد من أكفأ الموظفين بالقسم يحب المزح بس شكله لازودها بينفصل <<وخزه

محمد :احم لاوالله وربي مومزودها...وبجديه :يللا حلا <<علمها وفهمها على الشغل حتى انه مسكها حاله من الحالات وعطاها نص ساعه تستعد وتدرس الحاله عشان تدخل عليها وتتاهب نفسيا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 28-09-2010, 08:10 PM
صورة ساحرتهم بعيوني الرمزية
ساحرتهم بعيوني ساحرتهم بعيوني غير متصل
©؛°¨غرامي فعال ¨°؛©
 
الافتراضي رد: love to be loved by you / بقلمي


وشلون طاوعك قلبك
وشلون طاوعك قلبك ؟
وقلت ماابيك ..
حتى لو انك صادق وماتبيني





عند راكان

ابوراكان مصدوم وبعصبيه:طلقتهااا!! ليه ياولدي ماتدري انها بنت عمك ولانسيت ..نسيت انها يتيمه

راكان :.....................<<ماكان في الرد

ام راكان تصيح :ليه ياولدي تخرب فرحتنا فيك ...ليه طلقتها ماتدري ان البنت يتيمه مالها بهالدنيا الا الله ثم احنا...تطلقها وانتوا توكم معرسين ليه ياراكان ليه ؟

ابوراكان بغضب :من هاللحظه لاانت ولدي ولانا اعرفك متى ماصرت رجال تقدر بنات الناس ومو اي بنات للاسف انها بنت عمك....يوم انك موراعي زواج ليه خليتنا نتعنى ونخطب لك ونزوجك ليتها كانت بنت غريب كان هانت لكنها بنت عمك ...انا ماودي اعرف السبب بس كل اللي ابيك تعرفه انك من اليوم ماعدت ولدي

راكان :بس يايبا انتوا فاهم....

ابوراكان :لابس ولاشي لاتكمل ...هذي امانه اخوي خلاها عندي وبالنهايه هذا الجزا ..الله يسامحك يوم انك وطيت راسي وخليتني اخذل اخوي بقبره <<وطلع


ام راكان :ابووراكان <<ماكان يسمعها لانه راح

ام راكان:ليه ياراكان سويت كذا البنت فيها شي ..؟

راكان :................<<بقلبه :وش تبيني اقول بنت عمي زوجتي خانتني مع صديقي وش اقولك يما

ام راكان بصراخ :البنت فيها شي؟؟

راكان وطى راسه :لامافيها شي يما بس مااتفقنا ماصار نصيب ...والحين يما اتركيني ماابي احد ماابي احد

ام راكان :حسبي الله ونعم الوكيل

<<طلعت ام راكان وخلّفت ورائها انسان لطالما الظلم نهش بعظامه اللينه....فقد جرب ظلم الحبيبه وها هو يتجرع ظلم الاهل ولاباليد حيله هي بنت عمه صعب يفصح بشي زي كذا

.........................................



مخنووووووقهْ~



عند اول مريض

مااخفيكم كان قلبي يرقع لدرجة ان احشائي صارت تتراقص من كثر ماكنت مخنوقه....ولكني بمجرد اني تذكرت ان حلمي على مشآرف التحقيق يوم مسكت اللاب كوت بيدي ولبسته نزلت دمعه يتيمه من عيني مسحتها وسميت بالله ودخلت عالمريض

حلا :السلام عليكم

المريض (عبدالرحمن ) :وعليكم السلام

حلا: شلونك اخوي حسب مااشوف بملفك كل يوم عن اللي قبله في تحسن

المريض :الاخت سعوديه ؟؟

حلا:ايه نعم ...عموما هالشي مايفرق ان كنت سعوديه او غيره ...انا جيت اتطمن على حالك واخذ ضغطك واشوف النبض

عبدالرحمن :اريحك من الحين .. البلا مو بالجسد ولا بالضغط البلا باءحساس قلبي اللي انجرح ..الحين الدكاتره بكل هالعالم مستانسين على الادويه اللي مخترعينها قوليلي وين دوا اوجاع القلب والهموم اذا عندكم له دوا عطوني

حلا:بالفعل اخوي جيت لنقطه حساسه ...يااخوي لو كل انسان بهالدنيا مبسوط ولاعنده هموم ماكان عرف قيمة الفرح... كل انسان بهالدنيا مبتلى والله يبليه يبي يعرف العبد الصبور والشكور من غيره بس الشاطر اللي يفهمها ..الظاهر انك يااخوي حدك بائس والدنيا بآليه بعينك ...وش مشكلتك <<صراحه ذبحني الفضول ابي اعرف وش مشكلته لاني ادري بمدى تأثير الضيق عالنفسيه والحاله الصحيه

عبدالرحمن :حبيبتي ....تخيلي 4 سنوات وانا كل يوم احبها اكثر عن اليوم اللي قبله ويوم جيت ابي اخطبها خذت ....خذت
غيري

حلا ابتسمت مشآكل هالمتهم الي هو الحب ماتخلص

حلا :اسمع وانا اختك
لوكان الحب انسان ماخلا هذا وذاك يلعبوا به ...للاسف يااخ عبدالرحمن الحب ماعرفت تهديه للشخص اللي يستحقه..فعشآن كذا انت مضطر تستحمل كل شي يجيك من ورا هالحب ..بس تدري وشلون تنسى؟هذا هو الحل ولا لك غيره

عبدالرحمن :ايه اصير انسان ثاني ...اعاملهم بالقسى مثل ماعاملوني واستخدم اسلوبهم اللي يجرح ولااهتم لااحد

حلا:لا انا ماقصدت كذا ..انت اذا صرت مثل ماتقول غيرك ترى مومهتم لك ..فكرلاصرت تحت التراب واعمل لذاك اليوم خلي حتى اللئيم اللي اكرمته وتمرد يذكرك بالخير...اناكان قصدي انك تجرب تكون اقرب لربك انا ياعبدالرحمن امر بمرحلتك تماما فقدت انسان عزيز على قلبي وانتظر عوض ربي ....الهم جبل مايكسر الا الابتسامه والامل هادم هالصروح..<<خذت الضغط والنبض

حلا:انا مضطره اطلع معافى يااخوي

عبدالرحمن :اا لوسمحتي <<وطاحت عينه على الكرت

عبدالرحمن :انسه حلا الف شكر لك ليت كل الناس بتفكيرك واخلاقياتك العاليه

حلا باءبتسامه:هذا الواجب ماسويت شي<<طلعت وانا مبسوطه فرحت قلب وعسى ربي يفرح قلبي ويقدرني اسعد قلوب وقلوب ويسعد قلب ضاعت افراحه


..............................................










لو ابي انثر الضيق


على من بنثره؟؟ْ~







بالممر الخارجي

ابرار:عهود اوف مقدر ادخل عليه معصب واقشر شيين حده

عهود :تدرين مالك الا تتميلحين عند محمد يحولها عالبنت الجديده

ابرار:صدق في بنت جديده ماشفتها

عهود:الا انا شفتها اليوم وانا جايه

ابرار تفكر :قوود جبتيهااا

<<الا محمد قدامهم مر

ابرار:محمد

محمد :عيونه سمي

ابرار:اششش لحد يسمع قصر حسك .....محمد طلبتك المريض اللي داخل اقشر شراني مقدر اتفاهم معه..يقولون في موظفه جديده

محمد :هههههههه مسرع مايآصلكم الخبر الا ماتعرفتوا عليها شكلها بزر خ خ خ

ابرار:هههههه صدق لاوالله باقي ماتعرفنا عليها

محمد :خلاص ابشري لك اللي تبينه ...صار شراني المريض هاا

ابرار:ايه اخاف ياكلها المسكينه

محمد بضحكه عاليه:هههههااي خل نفتك منه وهي المسكينه الله يكون بعونها ماتدري انه كذا اقشر هههههههه<<كثير من هالنفسيات يتلذذون برمي البلا على الغير الغافلين على امل الصعود للقمه بابخس الاثمان

.................................................. ......

عبدالعزيز بالشغل يفكر

ثامر :عزوز شفيك موعلى بعضك اليوم ؟؟

عبدالعزيز صحى :هاا لاابد بس الاهل اليوم مداومين <<أبشركم اخت وحده صارت الاهل عند العيال اجل اذا كنا اختين وش بنصير قوم

ثامر :ايه الله يكون بعونهم

عبدالعزيز اللي دقه جواله:امين ....الووو

طلال:هلا عزوز كيف الحال

عبدالعزيز :ايه شفته اول فلم سعودي

طلال:كاااااااك بايخه ...الزبده وش كنت بقول ترى عندي خبر شين

عبدالعزيز :وصوتك هذا مااسمعه الابالشينه ..قول وشو


طلال:اخوي راكان عندكم بالمستشفى

عبدالعزيز:تمزززح!!

طلال:واعرفك امزح انا

عبدالعزيز :خير وش به مايشوف شر

طلال:الشر مايجيك ابد حادث

عبدالعزيز :الحين مااظنه وقت زياره متى ماخلصت زرته قول لخالتي مايشوف شر انشاء الله ياخي لا ابوهم هالمعازيم عين ماصلت عالنبي ..الله يكون بعونه

طلال:ايه صدقت ياتنكه ...اجل طلعت اجودي ياولد مهيره

عبدالعزيز :ممكن تضب لسانك ياولد منى

طلال:لاتجيب طاري منى على لسانك

عبدالعزيز:اقول يالسملّق نسيت اني بدوام

طلال:ايه اكشخوا علينا حنا الله يرزقنا يللا فمان الله ياولد الخاله

عبدالعزيز :ههههه الله يرزقك ياملحم زين مع السلامه


.....................................







التقينآ صدفه وافترقنا صدفه~


ويوم التقينا شهقنا


ونادتنا من اللهفه يدينآ




عند حلا

محمد :حلا وشلون كانت اول حاله

حلا:الحمدلله زينه وفي تحسن يمر به المريض

محمد غمز لها:كويس طمنتينا ...بغيتك تروحين لغرفه رقم 114 اذا ماعندك مانع

حلا ضاق صدرها ماتدري ليش حست محمد من الذئا ب البشريه قطعت الشر واتجهت لغرفه رقم 114 وكان ضربات قلبي كل مالها تزداد اكثر واكثر كلما قربت من الغرفه وحسيت بدوخه بسيطه اللي غالبا ماتصاحب ربكتي وضغطت على مقبض الباب ...وطيت راسي لان المريض كان رجل وصعبه احط عيني بعينه رميت السلام :السلام عليكم

المريض:اوووف وعليكم السلام

هنا بالفعل حسيت بالخوف ماابي مشاكل وهذا اول يوم لي ...تجاهلت حركته السخيفه واستجمعت قواي :عفوا اخوي ممكن اقيس الضغط

المريض تافف :اخلصي

حلا مازالت تتجاهل وجوده وعصبيته اللي اربكتها :ارفع كمك لوسمحت

حلا فتحت جهاز الضغط لتقيس ضغطه ومع الربكه والخوف اللي تمالكني هالمره خصوصا من حركاته طاح الجهاز اللي اقيس فيه من يدي ونزلت اجيبه وهو نزل يجيبه حسيت بدفا ذيك الكفوف واستنكرت موقفي ...وهالمره رفعت راسي وغصب جت عيني بعينه .....يآآآآآه كم تتعمد الصدف تجريحنا احسنت يوم جمعتنا بالاحبه وقست يوم فرقتنا ...والحين تجمعنا وكانها ترش الملح على جرح سببته لنا

حلا :...............................................


خلـــــــــــص البـــــــــــــــــــآرت

ياترى من هو المريض؟؟<<عادر ممكن يطلع السواق <<تهقون؟؟

راكان وشلون ممكن يقنع ابوه ؟السر راح يدوم ولابيتفشّى؟؟



ابطآل روايتنا وش جديدهم




اكيد كل هالتطورات بالبارتات الجايه

وديــــــــــّ~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 28-09-2010, 08:36 PM
صورة سريــاف الرمزية
سريــاف سريــاف غير متصل
©؛°¨غرامي مشارك¨°؛©
 
الافتراضي رد: love to be loved by you / بقلمي


ياااااااالبيــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــه
وش ذا الروايه الخوقاقيه صراحه انا كنت من متابعين روايتك الاولى
وان شاء الله بكون متابعه لروايتك الثانيه


توقعاتي ان المريض راكان احساسي يقول كذا


ودي لك/سريــاف

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 28-09-2010, 09:22 PM
صورة ام سكينه الرمزية
ام سكينه ام سكينه غير متصل
©؛°¨غرامي جديد¨°؛©
 
الافتراضي رد : love to be loved by you / بقلمي


انا اقول المريض راكان توقعاتي :graaam (284) يعطيك الف عا فيه يا قلبوووووووووه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 28-09-2010, 09:40 PM
Just a heart felt Just a heart felt غير متصل
©؛°¨غرامي مشارك¨°؛©
 
الافتراضي رد: love to be loved by you / بقلمي


روااااااااااااااااااااااااااااايه خطيييييييييييييره


عندي سؤاال
هههههههههههههههههههههههههه
من وين جبتي اسم انطوان جورج


والي شافته حلا اتوقع راكااااان
واتوقع انو ابراااار وعهوووووود بني كلب


ووووووانااااااااااااااااااااا انتظر الباااارتااااااااااااااااااااااااااااااااااااااااا اااااااات
يا ملاميلو


اقصد سحووووووووور





جد جد جد ابدااااااااااااااااااااااااااااااااااااع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 28-09-2010, 10:02 PM
صورة دلوعه ومزيونه الرمزية
دلوعه ومزيونه دلوعه ومزيونه غير متصل
©؛°¨غرامي مجتهد¨°؛©
 
الافتراضي رد: love to be loved by you / بقلمي


واااااااااااااااااااو جناااااااااااان توقعااااااااتي ان المرررررريض راااااااااااكاااااااااااان امممممممممم واحس انا لوجين تتزود نايف مو خااالد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 29-09-2010, 02:42 PM
صورة ساحرتهم بعيوني الرمزية
ساحرتهم بعيوني ساحرتهم بعيوني غير متصل
©؛°¨غرامي فعال ¨°؛©
 
الافتراضي رد: love to be loved by you / بقلمي


اقتباس:
المشاركة الأساسية كتبها سريــاف مشاهدة المشاركة
ياااااااالبيــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــه
وش ذا الروايه الخوقاقيه صراحه انا كنت من متابعين روايتك الاولى
وان شاء الله بكون متابعه لروايتك الثانيه


توقعاتي ان المريض راكان احساسي يقول كذا


ودي لك/سريــاف


لبااااااااا سريآآآف

هلا بك يالغلا

انا سعيده بتواجدك يالغلا

وانشاء الله توقعك بمحله مايطلع شي ثاني

وديْ~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 29-09-2010, 02:43 PM
صورة ساحرتهم بعيوني الرمزية
ساحرتهم بعيوني ساحرتهم بعيوني غير متصل
©؛°¨غرامي فعال ¨°؛©
 
الافتراضي رد: رد : love to be loved by you / بقلمي


اقتباس:
المشاركة الأساسية كتبها ام سكينه مشاهدة المشاركة
انا اقول المريض راكان توقعاتي :graaam (284) يعطيك الف عا فيه يا قلبوووووووووه

ياهلااا بام سكينه مرتن ثانيه:)

وعوافي عالمرور القميييل


وديْ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 29-09-2010, 02:46 PM
صورة ساحرتهم بعيوني الرمزية
ساحرتهم بعيوني ساحرتهم بعيوني غير متصل
©؛°¨غرامي فعال ¨°؛©
 
الافتراضي رد: love to be loved by you / بقلمي


اقتباس:
المشاركة الأساسية كتبها just a heart felt مشاهدة المشاركة
روااااااااااااااااااااااااااااايه خطيييييييييييييره


عندي سؤاال
هههههههههههههههههههههههههه
من وين جبتي اسم انطوان جورج


والي شافته حلا اتوقع راكااااان
واتوقع انو ابراااار وعهوووووود بني كلب


ووووووانااااااااااااااااااااا انتظر الباااارتااااااااااااااااااااااااااااااااااااااااا اااااااات
يا ملاميلو


اقصد سحووووووووور





جد جد جد ابدااااااااااااااااااااااااااااااااااااع


ههههههههههههههههههههههههههههههههه


هلا بأهلي كلهم

انطوان جورج ماغيره زوج ام عصمآن

ماعلينا منوره ياحقه

وتوقعك خاطيء من الحين اقولك لجل ماتصكين روسنا

وبعدين كني لمحت شتيمه؟؟ ماعليه بس هالمره بسلك ولاكان لنا حكي ثاني


وشووكريآآآآآ يااارفيقه عالمرور الطلق

وديْ~

الرد باقتباس
إضافة رد

love to be loved by you / بقلمي ، كاملة

الوسوم
♥¤=- , -=¤♥ , احبك , اسمع , انفاسك , اضمك , تقول , حضنك , واشمك , قريب منك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
رواية ما دريت إن الليالي غيرت قلبك علينا ما خطر لحظة ببالي تنسى كل اللي عطينا / بقلمي ، كاملة •}.جُـgد الـζـزِنْ •° روايات كامله - يتم نقل الرواية هنا بعد اكتمالها 471 10-02-2018 09:14 AM
رواية ضحية زمن / بقلمي ، كاملة شاربه فليت و مضيعه البيت روايات كامله - يتم نقل الرواية هنا بعد اكتمالها 101 19-01-2016 09:37 AM
خاني و ذليته / بقلمي ، كاملة mesho-O-o روايات كامله - يتم نقل الرواية هنا بعد اكتمالها 590 28-06-2014 11:44 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 03:25 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1