غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1291
قديم(ـة) 28-05-2011, 02:13 AM
صورة s ί l ε ή τ ● الرمزية
s ί l ε ή τ ● s ί l ε ή τ ● غير متصل
©؛°¨غرامي متألق ¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


لا لا تقول , خل العيون عنك تقول
خل الفرح فيها يبين , والإبتسامهع الجبيين
ولفتة الطرف الخجول وأنت !
لا لا تقول ..
شذى:طيب خذي هذي
ريم:حسبي الله عليك من بنت بس بأنفجر فطرت و تقهويت و حليت و بس بس
شذى:هههههههه ريم حرام عليك أنا ما أكلك انا أكلم البيبي اللي جاي
ريم:على حسابي
شذى:بلييييييز بس هذي
ريم:لا لا بس
شذى بزعل:زين زين
ريم:عطيني التلفون بس أدق ع أروى
شذى:تفضلي
أستغربت ليه جهازها مقفل مو بالعاده دقت ع الثابت ماجاها رد :غريبه
شذى:شنو؟
ريم:أروى ما ترد الا شلون سعد وياك؟
شذى:طيب
ريم:غريبه مو عندك
شذى:امم مشغول تخيلي اليوم ما يفضى الا 11 بالليل
ريم:طيب عادي
شذى:يعني عادي راشد يكون مشغول عنك طول اليوم ما تشتاقي له
ريم:ما أدري دوم معاي
شذى:ما أدري أصلا شغله ما حبيته يسرقه مني حيييل
ريم:الحمدالله و الشكر أنا طالعه لجدتي وش رائك تجين؟
شذى:أنا ؟
ريم:ايه تعالي
شذى:مره ثانيه
ريم:ليه؟
شذى:يعني ما أحد عنده خبر أني راح أطلع الخبر و
ريم بملل:زين زين براحتك أنا ماشيه تأمري على شي
شذى:خليني أشوفك بعد
ريم:بيتي تدلينه و الا أمي مو راضيه تدخله بعد
مالقت رد على كلام أختها غير أنها تهز كتوفها
ركبت مع سواقها و طلبته يرجعها الخبر من جديد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1292
قديم(ـة) 28-05-2011, 02:13 AM
صورة s ί l ε ή τ ● الرمزية
s ί l ε ή τ ● s ί l ε ή τ ● غير متصل
©؛°¨غرامي متألق ¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


من خوفتي لا احترق جنبت ,
هربت من شمسك لظلك ,
أخشى عليكالهوى ..| لو طحت ,
ما تلني يمك يتلك .

أبي قليلك ولا حصلت ]
بعضكتركني مع , كلك
مَ ادري صواب او خطا , ما قلت
إنك حبيبي وانا خلك ,
الجوري:شلونها
شجون وهي تغطي أمها اللي نامت:وش أقول ؟ما تتكلم كل اللي تنطقه أسم حمد و من بعدها تظل تبكي
الجوري:زين الى متى؟
شجون:الله كريم تعالي خل ترتاح شوي
جلسوا بالصاله اللي مقابله غرفتها:وينه بابا ما ينشاف؟
شجون:ما أدري عنهم هو وسعود عمي يقولون مشغولين حيل
الجوري:أي شغل هذا وقته؟
شجون:يمكن يبي يلهي نفسه عن اللي صار؟
الجوري:و سعود بعد مثله؟
تنهدت بقهر:لا مو مثله و ماله أي مبرر بس خلي الاوضاع تهدى و نشوف حل لحياتنا هذي
الجوري:وش بتسوي يعني؟
شجون:ما عليك مني و شلون عيسى؟
الجوري:بخير بس يقول يومين و نطلع شقتنا
شجون:وش قلتي له؟
الجوري:ما قلت شي أبتسمت لسمر اللي جايه ركض لهم:جوري عمو يبغاك
شجون:الطيب عند ذكره روحي له
الجوري:زين خليك قريبه منها لحد ما أرجع
نزلت له مع سمر اللي كل شوي تعلق على شي كان تفكيرها عنده مشتاقه له حيل
أبتسمت بداخلها على شكله وهو يقلب بجواله كان لا بسه جينز أسود وتي شرت أسود مبين عضلات صدره ما تدري ليه تغيرت نظرتها له تشوفه غير عن كل مره كل يوم تشتاق له أكثر ما تتمنى تفارقه تبيه قدامها على طول قطع تفكيرها حركة سمر وضحك عيسى العالي كانت رافعه بلوزتها و تطالع ببطنها:حاالتو فين النونو حقك أنتي و عمو فينو
سحبت البلوزه بسرعه وبحده:سمر عيب تسوي كذا
سمر ببرأه :ليه النونو صحى؟
الجوري:اوووووف وانت ليه تضحك
عيسى:هههههههه سموره تعالي
سمر بعناد:لا لا أبي اسوف النونو
عيسى:هو مره صغيره ما تشوفيه
سمر:متى اسوفه
عيسى وهو يأشر حق الجوري تجلس جنبه:قريب حبيبي قريب
جلست عنده:أنت وش قلت لها؟
عيسى:و لا حاجه نمتي زين؟
الجوري:ايه
عيسى:بس شكلك ذبلان حيل
الجوري:لا مافي شي
عيسى:زين قومي لبسي عباتك خل نروح المستشفى أتطمن عليك و ع البيبي
الجوري:ماله داعي
عيسى:أنتي بأول الحمل ولازمك أهتمام
سمر:عمو عمو أنا أجيب عباتها و نطلع نلعب
عيسى:هههه روحي عند ماما خل تعطيك
قرب منها وباس خدها من بعد ما طلعت سمر:جوري مو لايق عليك هالحزن
ما كانت محتاجه دموعها أذن عشان تنزل ضمها لحضنه:بس جوري أدعي له هالدموع ما راح تغير شي
الجوري:كل شي بالبيت ميت ماله طعم على كثر مو متعودين ع سفرته بس ما كان حسه يغيب عنا
مو بيدي ما أغلط و أدق رقمه و لا بيدي ما أدخل غرفته و ما أقدر أغطي أذني عن بكاء أمي اللي يقطع قلبي كل اللي تنطقه أسمه أسمه وبس تعبانه حيل و خايفه عليها و اللي قاهرني بابااللي ملتهي عنها ما أدري في أيه
عيسى:هو أكيد تعبان مثلها بس يكابر و ما يقدر يبين حزنه عشان كذا يبعد عن البيت
الجوري:ما أعرف قلبي مو مرتاح حاسه ان الآيام الجايه صعبه حييل علينا ما أدري ليه بس كذا أحساسي يقوولي
عيسى:أذكري الله مافي الا كل خير حضنها وهو مرتاح من داخله أول مره الجوري تشاركه شي تكلمه عن شي داخلها و يكون قريب منها يعني الحواجز اللي أنبنت بشهور تنزاح بلحظات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1293
قديم(ـة) 28-05-2011, 02:14 AM
صورة s ί l ε ή τ ● الرمزية
s ί l ε ή τ ● s ί l ε ή τ ● غير متصل
©؛°¨غرامي متألق ¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


يطول غيابك.. ثم اخذ عليه
لو تخليت عني .. عنك قلبي تخلي
العذر والتعللوالحكي.. مانبيه
من تحرك فؤاده بالهوى.. ماتخلي
طبعي الصبر لكن وش عليهارتجيه
من طويل الصبر يعقوب وايوب ملا
دامني حي عطني وش بقى نحتريه
مابيدموعك.. اللي عقب موتي تهلا
مابفى بالعمر مقدر ما راح فيه
كل ما زل يوم(ن) .. يوم بالعمر ولى
مايعرف الجمر مثل الذي يكتبونه
احد يدفا بناره .. واحد فيهيتصــلى
يا من القلب حطيته براحته يديه
ما رضى له مكان له غير كفك محلا
كمتعذر وعيا عن هوى محتويه
لين طاح بيمينك بالغرام وتجلى
سعود:وش فيك؟
خالد:مافي شي بس ناد شيخه خل نمشي
سعود:بدري تو تغديت
خالد:أهلي لوحدهم بالبيت أبي أروح لهم
سعود:طيب عادي ما عليهم شر ان شاء الله
خالد بنرفزه:وش فيك اليوم يا سعود نادها و خلصني لازم لكل شي سبب
سعود:خالد وش فيك مو طايق نفسك حتى عسى ما شر
خالد:اوووووف بالي مشغول شوي
سعود:بشنو عسى ما شر
خالد:أروى
سعود بشك:وش فيها؟
خالد:تقدم لها واحد من برا الشرقيه بكبرها و خايف يوافق أبوي عليه
سعود:و شلووون أنخطبت
خالد:ايه
سعود:وافقت؟
خالد:اذا بتقول ايه ما اتوقع ابوي بيعارض هالشي لمن جاء قلنا له لا بس يمكن يرد و اروى تعرف
و لو قالت ايه ابوي مستحيل يرفض لها طلب
سعود بسرحان:أها
خالد:قوم ناد شيخه
سعود:زين قام عشان يناديها و هو يفكر بأروى فجأه كذا أنخطبت ما توقع هالشي حس ان الزمن مشى بسرعه فيه يعني عمي معقوله يزوجها لغيري ايه و الا خالد ليه متضايق كذا لانه ما يبي احد من برا اعرفه زين
أم سعود:على وين؟
سعود:وين شيخه؟
أم سعود:فوق ترتب كم شغله
سعود:أنا طالع لها خالد يبيها
أم سعود:زين و أنا أبي أجلس مع خالد شوي
سعود:طيب مشى لعندها :شيخه
شيخه:هلا
سعود:ليه ما قلتي لي ليه تعرفي ان روحي فيها لييه
شيخه:شنو؟
سعود:يعني لو راحت مني راح تنبسطي
شيخه:سعود وش فيك قولي كلام افهمه ايش هالهرج؟
سعود:أروى تنخطب و أنا بالصدفه أعرف
شيخه:تنخطب؟
سعود:يكون ما تعرفي؟
شيخه:أعرف شنو؟
سعود:شيخه ـأروى ـأنخطبت و أحتمال توافق و ما تعرفي
شيخه:ما أعرف
سعود:لا والله
شيخه:سعود وش فيك؟ع اساس أروى تحكي لي كل شي من تشوفني تقلب خلقتها و تتأفف و كاني قاتله أحد تعزوا
سعود:خالد ينتظرك
شيخه:يكون أحسن أطلع من هنا و بعدين تقدم لها ليه متردد عشانك عارف و متأكد أنها بترفضك خايف تنصدم بالشي هذا قرب منها شوف وش كثر هي مغروره مو نفس تصورك عنها
عن أذنك عمي راجع بعد بكره روح له تكلم خل ينحسب لك موقف
أخذت عباتها و مشت عند خالد:انا جاهزه
خالد:زين وليه معصبه
شيخه وهي تلبس عباتها و كملت بتطنيش له:تأمري على شي أمي
أم سعود:لا يمه أنتبهوا ع أنفسكم
شيخه:راح أنتظرك برا
سلم على عمته و استأذن منهاا وطلع لها كان واضح عليها القهر
ماله خلق نقاش فتح الباب و مشت وراه كانت طول الطريق تتأفف
خالد:خير؟
شيخه:متى أروى أنخطبت؟
خالد:من كم يوم
شيخه:و ليه ما قلت؟
خالد:موضوع و أنتهى و ما أحب أحكي بأشياء أنتهت
شيخه:قولي خلني أشاركك حياتك مو بالاخير أطلع مثل الهبلا
خالد:هذي حياة أروى تبيك تشاركينها تقولك و بعدين عدلي أسلوبك ما أحب تنسي حدودك معاي راح أطنش أسلوبك زين حبيبي؟
لفت وجها عنه:زين خالد زين راح أعرف حدودي معاك
مو ناقصها و ماله خلقها وقف عند بيتهم وهو يتمنى ان كل اللي صار كابوس و يدخل و يلقى كل شي طبيعي أمه تضحك و تسولف و أروى تدلع عليهم آه منك يا أروى آه و الله قويه منك قويه
:دخلي الشقه و أبي أجيك أبي أشوف وش ناقص الاهل
شيخه:أجي معاك
خالد:شيخه وش جاك اليوم؟
شيخه:زين زين يا كلمه ردي مكانك هاتي المفتاح بأدخل لوحدي
خالدبملل:زين شوي و أجي
دخل البيت و كان البيت كله هدوء شاف امه جالسه مع علي اللي يلعب بلاي ستيشن واضح أنها سرحانه و مو داريه عن شي طلع لغرفتها بسرعه كانت توها طالعه من الحمام شافته دخل من دون أذن جلست ع التسريحه:زين لبست قبل تدخل؟
خالد بأحتقار:ع أساس اللي مثلك يفرق معاه
قهرتها الكلمه بس طنشت:أبي جوالي
خالد:ليه في شي بخاطرك ما سويتيه
أروى:مو شغلك
خالد بأستخفاف:أروى لا تجيبي المشاكل لنفسك لا تنسي نفسك معاي أنتي مفروض تحطي راسك بالآرض ما ترفيعه مفروض ما يكون لك عين
أروى:ليه رفضتوه هو جاء ليه ترفضوه؟
خالد:لو يبيك بيرجع لك من جديد وقتها نفكر بس مطلوب يثبت لك أنك مجرد وحده لا راحت ولا جت بحياته مثل ما عرفك بيعرف غيرك و لمن يقرر يتزوج بيدور وحده تصون بيته و نفسها
طلع من عندها وهو يحاول يتذكر الشركه اللي يشتغل فيها هو قال أنه مهندس معماري في شركة شنو يا خالد شركة شنو اييه الناصر تذكرت اللحين نزل بسرعه مع الدرج
أم خالد:أـنت كنت هنا؟
خالد:اييه
أم خالد بخوف:أنت كنت عند أروى؟
خالد:ما تخافي عليها مو مسوي لها شي أنا أعرف وشلون أندمها من دون ما ألمس شعره منها عن أذنك وراي شغل مهم
تعب وهو يلف بسيارته عند بيتها أكيد أحد سمعها و عرف أكيد بس محتاج أتطمن عليها شاف خالد يطلع من بيتهم حمد ربه أنه مشى من الطريق الثاني و الا اكيد بيكون عرفه مالقى حل غير أنه يمشي من عند بيتها أكثر من مره و يزعجها بالبوري على أمل تحس عليه و يشوفها و لو لمحه من شباكها سوى حركته أكثر من مره كان الصوت مزعج له وقفت تشوف من هالفاضي بس من لمحت سيارته بدا بكاها ما توقعت يجي يعني هو خايف عليها رفعت الستاره عشان تبان له تبيه يتطمن وتبي تروي شوقها له أبتسم بقهر لها و أشر ع جواله
حاولت تفهمه بالاشاره أنها ما تقدر تكلمه
حاتم وهو يأشر بيده ويضم أصبعينه لبعض بقصد خالد
جاوبته ايه براسها و طلبت منه يروح ما كان ما تطمن عليها بس ما يبي يسوي لها مشاكل لازم يفكر بطريقه يتطمن عليها و يطمنها عليه بس كيف كيف أرجع أتقدم لها من جديد ايوا مافي أي سبب أنرفض عشانه أنا أحبها وهي تحبني ليه لا ليه نترك بعض ليه؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1294
قديم(ـة) 28-05-2011, 02:15 AM
صورة s ί l ε ή τ ● الرمزية
s ί l ε ή τ ● s ί l ε ή τ ● غير متصل
©؛°¨غرامي متألق ¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


كل حي في حياته له طلب؟
................. ذا تهياله وهذا في دبور ..!



لا تعجب ما على الدنياعجب؟
................. حكمة الرحمن خلاها تدور !
مشاعل:ليه تبكي اللحين؟
سهام:أقولك خاييفه حييل
مشاعل:يا انتي روووحي هناك يعني تاكلي و تشربي و تضحكي و تسوي كل شي و اللحين تخافي
سهام:ايه خاف اللحين بنصير لوحدنا مع بعض مقابلته و مقابلني طول الوقت
مشاعل:وش تبين مقابله أحلى فيس
سهام:وجع ما عاد أستحت تغازل زوجي
مشاعل:ههههههههه كلمة حق تنقال
سهام:يا ربي يعني انا الساعه 12 الصبح بأركب معاه الطائره و أسافر و أترك كل شي هنا
مشاعل:اييه
سهام:خلاص هونت ما أبي خل يطلقني
مشاعل:مع نفسك لعبه هي تتزوجي كم يوم و بعدين طلقني
سهام:يا ربي ساعدني
مشاعل:هههههههههههه حرب هي
سهام:أنتي لا تضحكي بجد بأموت خوف
مشاعل:أنا أروح بيتي أحسن جيت أودعك صدعتي راسي
سهام:مالت و الوداع
مشاعل وهي تضمها:تركي عنك الخوف و خليك متل عادتك عيشي جوك و لا تخلي شي يعكر عليك زين كل شي صعب ببدايته بس بكره تتعودي
سهام ببكاء:راح أشتاق لك وشلون أتحمل أعيش بدونك
مشاعل وهي تمسح دموعها:و لا يهمك راح ادور لي واحد و الحق عليك و أنتي بعد دوري من عندك لحد ما نجتمع مع بعض
سهام:هههههههههه مجنونه
مشاعل:ايييه ضحكي و لا تشيلي هم يلا خل أروح و أنتي كملي شغلك الوقت يمشي و أنتي مو حاسه و لو أحتجتي شي كلميني و بيننا أتصال
سهام:أكيييد باي حبيبتي
جلست تطالع بالخدم وهم يطلعون شنطها خذت نفس و أبتسمت لعمتها اللي دخلت:ها يمه سهام ناقصك شي؟
سهام بخجل:لا مافي شي ناقص
مريم:الله يوفقكم
سهام:أبي اشوف فجر قبل ما أسافر
مريم:زين طلعي مع سواقك وردي بسرعه قبل ما تعرف امك و الا اقولك روحي مع عيد عشان ما يخبر أمك باي شي
سهام:زين
مريم:أنا ابي أخلص شغلي أمك وينها
سهام:كانت هنا ما أعرف أذا طلعت لمكان انا باروح لفجر و أرد لبست عباتها و طلعت كلمت عيد عشان يجهز لها السياره وهي تنتظر كان خالد توه راجع:سهام؟
سهام:نعم
خالد:وين؟
سهام:أبي أشوف فجر
خالد:مع منو؟
سهام:مع عيد
خالد:بأذن منو تطلعين
سهام:عادي أبي أشوفها مو لازم أخذ أذن
خالد:و أنا؟
سهام :وش فيك؟
خالد:انا شنو هنا؟
سهام :شنو يعني ممكن جمل عربيه
خالد:منو عطاك الاذن تطلعي و تدخلي انا مو زوجك انا اللي مفروض أعرف بمشاويرك
سهام:شنو تعرف مشاويري
خالد:سهااااام مو بكيفك تدخلي و تطلعي أعملي حساب لي
سهام:المطلوب
خالد:لمن تطلعي مكان تقولي لي و أنا أعطيك الاذن
سهام:صدق طيب ممكن أروح أزور فجر
خالد:لا مو وراك سفر جلسي خلصي شغلك شوفي أنا شنو ناقصني شنو ـأحتاج
سهام:لا ؟مع نفسك لا قال ايه قال لا ابي اروح و شنو بتسوي
خالد:انتبه على وليد اللي طالع:بس يروح أخوك نتفاهم
سهام:عشتم ما أهتميت أصلا
وليد:مساء الخير
خالد:هلا
وليد:ليه هنا؟بتطلعون مكان؟
خالد:لا مو طالعين بس شكل عاجبتها العبايه قالت تلبسها
وليد:أها زين أنا وراي شغل ما راح أرد الا متأخر خالد ما أوصيك على سهام تراها مو بس أختي هذي بنتي أنا اللي ربيتها و كبرتها ما أبيها تنام بيوم زعلانه و خاطرها بشي خل بالك عليها و بعد تحملها أثنينكم ما تعودتم على بعض بس لآزم يكون بالك طويل عليها هذي دلوعة وليد
ما تبين تودعيني يا سهام؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1295
قديم(ـة) 28-05-2011, 02:19 AM
صورة s ί l ε ή τ ● الرمزية
s ί l ε ή τ ● s ί l ε ή τ ● غير متصل
©؛°¨غرامي متألق ¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


ولا ني بندمانٍ
على كل ما فـات
اخذت من حلو الزمـان و رديَّـه ..,’
هذيحياتي
عشتها كيف ما جات

آخذ مـن ايامـي و أرد العطيّـه ...!!



رمت نفسها بحضنه و بكت ما قدرت تعاند أكثر من كذا و تتصنع الصدود مو متخيله أنها بتبعد عن دلعه و اللحين أستوعبت كلامه أستوعبت أنها بتكون بعيده عن وليد رفعت راسها له و حست بالذنب لا مت نفسها على قسوتها الايام اللي راحت عليه ما عاد وليد اللي تعرفه متغير حيل نحفان و ذبلان في نظرته شي ما قدرت تفهمه بس حست بوجع قلبها من ركزت عيونها عليه


أبتسم لها:أنتبهي لنفسك زين و لا تعاندي زي عادتك ظل يطالعها فتره وقرب من أذنها وبهمس:قولي لفجر أني ميت بدونها قولي لها أني أعشقها أعشقها


أبتسم لها ومشى


خالد:سهام بس بكاء وش فيك؟


سهام:ما في شي


خالد وهو يرفع وجها: خبري طول الايام اللي راحت ما تكلميه وش تغير اليوم؟


سهام:يالله شلون سويت كذا و ما أهتميت فيه من كثر مقهرني ما أهتميت


خالد:خلاص سهام ما تشيلي هم


سهام:أبي أشوف فجر لازم أشوفها


خالد:زين بس قبل أهدي و بعدين روحي لها


سهام:زين أنا هديت خلاص نروح


خالد:مع منو تروحي؟


سهام بدلع :معاك


خالد:بس أنا مالي شغل


رفعت نفسها وقربت منه و باست خده:آسفه


خالد بتفهييه:شلون؟عيديها


سهام:شنو أعيد


مرر أصابعه على شفايفه:اللي سويتيه من شوي


سهام:خالد خل أشوفها الوقت راح


تنهد بقوه:الله يصبرني يلا خل نمشي أحسن لنا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1296
قديم(ـة) 28-05-2011, 02:20 AM
صورة كبريـ انثى ـــــاء الرمزية
كبريـ انثى ـــــاء كبريـ انثى ـــــاء غير متصل
©؛°¨غرامي جديد¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


برب اقرا وارد


تعديل كبريـ انثى ـــــاء; بتاريخ 28-05-2011 الساعة 02:30 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1297
قديم(ـة) 28-05-2011, 02:23 AM
صورة s ί l ε ή τ ● الرمزية
s ί l ε ή τ ● s ί l ε ή τ ● غير متصل
©؛°¨غرامي متألق ¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


خذاك الزمن مني ,


........ وترك لي , اشواقي ,‘



ليته خذا ذكراك ,


........ من كل أوراقي ../





تفاجأ محمد من وليد و زيارته:مساء الخير


محمد:هلا حياك


وليد:مستغرب صح


محمد:اممم شوي


وليد:جاي أتابع القضيه


محمد:بس لسى تحقيقاتنا ما صارت بشكل علني


وليد:لا تخاف بتكون بيننا نايف و اللي معاه مو واصلهم شي


محمد:زين راح أخليك بالصوره مو أنت بعد لك حق عند نايف




إذا مرتك نسمة شوق تسري


تراها داعي الأشواق ..| فينا



تلطف , ثم تلطف , ثمعود


ترى لو شافني صخر يلينا



ولو تسمع نجوم الليل شعري


مشت لك تطلبك ../ ترفق علينا




حست براحه من بعد كلامها مع علي أرتحت أنها لقت شخص تحكيه عن اللي داخلها أنها تقابل أختها صحى بداخلها أمل أنها تتغير عشانها بتتعب شوي بس دام النتيجه أنها تشوف مدى هذا شي حلو و يستحق التعب سمعت دق على الباب:تفضل


كانت متردده تدخل بس تشجعت بالاخير:مساء الخير


أبتسمت على ترددها و خوفها:تفضلي سهام


سهام بصدمه:ها عادي؟


عدلت جلستها:اييه عادي تعالي


توقعت ردة فعل اقوى و ما تلومها مو امها اللي حاولت تموتها و أخوها اللي صدمها فيه


حطت بوكيه الورد ع الطاوله:اممم قلت لازم أشوفك قبل ما أسافر


فجر:تسافري؟


سهام:ايه بعد كم ساعه


فجر:الله يوفقك جلسي ارتاحي


سهام وهي تحوس بأصابعها:مرتاحه


فجر:لا تفكري أني زعلانه منك و لا ما أخذه موقف منك أنتي مالك شغل و اللي عشته علمني وشلون أن الانتقام بغير محله أكبر ظلم


سهام وهي تمسح دموعها:اللي صار لك بسببنا شي يخليني أنزل راسي منك طول عمري و اللي كسرني طيبك ما في شي يجبرك انك تقولي هذا انتحار و تغطي الموضوع و لو صديتيني بعد


ما الومك و


فجر:سهام أنتي مالك ذنب لا تشيلي هم شي و أنا بأكون بخير


سهام:حبيبي أنتي


فجر:الله يوفقك خليك دوم قريبه من ربك و أنتبهي ع نفسك و ع خالد


ضمتها حييل:سامحيني يا فجر لآني كنت ضعيفه و ما قويت أدافع عنك


فجر:ما تشيلي هم حبيبي كل شي بأمر الله صار


سهام:مع السلامه حبيبتي قبل ما تطلع لفت عليها:فجر وليد حييييييل مشتاق لك كاره تصرفه معاك بس ما أنكر أنه يموت من غيرك ما أنكر ان أخوي اللي أعرفه ضايع منا


لفت وجها عن سهام ما تبي تضعف بس غصب عنها هذا وليد تحبه مهما كابرت رفضت تشوفه لانها تعرف راح ترمي نفسها بحضنه من دون ما تحس وهي لازم تبعد عنه كافي اللي صار لها منه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1298
قديم(ـة) 28-05-2011, 02:26 AM
صورة s ί l ε ή τ ● الرمزية
s ί l ε ή τ ● s ί l ε ή τ ● غير متصل
©؛°¨غرامي متألق ¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


أضداد .. وأقران وعدوان .. وأصحاب"

................................ "متناقضات الخلق .. ماغاب غايب


أسهر معا تهويم نجمات الأحباب
................................ حتي يصير النجم بالصبح غايب


أصبح على فجرٍ ضحوكٍ وعجاب

................................ وأمسي على همسات ستر العجايب



كانت تسمع كلام جدتها بصدمه:شلوووووون فجر فجر عند علي من فتره وش صاير عليها؟
:يمه أهدي وش فيك
ريم:وشلون أهدى يمه و شلون وين علي أبي أكلمه ما أنتظرت تسمع اعتراضات جدتها سحبت جوالها و طلعت رقمه أنتظرت صوته يجيها
:هلا يمه
ريم:انا مو أمك انا ريم فجر وش فيها وش صار عليها؟ وينها
علي:ريم؟
ريم:ااييه و اللي يسلمك فجر وش فيها؟
علي:ريم أهدي
ريم بصراخ:تكلم فجر وش فيها أنت دكتور نفسي وش بيكون فيها
حكى لها كل شي :حسبي الله عليك يا وليد حسبي الله عليك يا وليد
علي:ريم فجر مو ناقصه أحد ينهار عندها عشان كذا انا مو سامح بالزياره لها
قفلت بوجه و شالت أغراضها و طلعت بسرعه لعندها ما راح تنتظر اذن منهم فجر فجر ببراتها و طفولتها يسوون فيها كذا وليد اللي كان يقول انه يحبها لا مستحيل مستحيل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1299
قديم(ـة) 28-05-2011, 02:28 AM
صورة s ί l ε ή τ ● الرمزية
s ί l ε ή τ ● s ί l ε ή τ ● غير متصل
©؛°¨غرامي متألق ¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


كل هاجس ما يجيب الا خيالك


سلوتي بالعمر.. في صحوه وغفوه



اجمع احساسيواشواقي واجيلك


والبس ثياب الهوى والعشق كسوه



رشا:ههههههههههههه و أنا وش عرفني أن عمتك تصدق؟


مدى:مالت عليك الا مالت


رشا:هههههههه بسيطه بسيطه فريب تنفك عقدتك أنتي و محمد و تعبون لها البيت عيال و تردين تبكين و تتمنين ان اختك ظلت ضايعه من اللي بتشوفينه منه و بعدت السماعه عن أذنها تبي تستوعب هي قفلت و الا يتراوى لها رجعت دقت عليها:مدى خلص الشحن صح؟


مدى:غبيه أنا أكلمك من التلفون أي شحن يخلص


رشا:شنو صار؟


مدى:أنا قفلت في وجهك


رشا:شنو؟صدق وقحه ليه


مدى:لانك ما عاد أستحيتي وجع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1300
قديم(ـة) 28-05-2011, 02:30 AM
صورة s ί l ε ή τ ● الرمزية
s ί l ε ή τ ● s ί l ε ή τ ● غير متصل
©؛°¨غرامي متألق ¨°؛©
 
الافتراضي رد: لا تعتذر لي حبيبي خلني بجروحي أموت و لا تنحني لي / الكاتبة : آغلىآ نآسي ..~


ٱلحَزن فِي صـۆتگ ٱزعجسٱگنيْ .... لين صًٱر ٱلگـۆن من ْحـۆلي حزَين


غصَبعنّي حزَن صـۆتگ هٱجنيْ.... لينَ خلّـآ عٱٱٱصي ٱلمعنَىيليــنْ


ۆٱمتثْل حرفً ٱلقصيد ۆعٱدنيْ.... ۆٱنسَگبحزنگ على شَعريْ حًنين


شلتَ ٱنٱ صـۆتگ ۆحزنگْ شٱٱٱٱلنيَ .... ٱگتم ٱلصّرخهَ ۆينسَٱب ٱلٱنينْ


شفَت حزنگ گيْف حزنگ شٱفنيَ .... گيف دَٱهم خلـۆتي فيَلحظتيْن







كان واقف عند باب غرفتها و داخل بنقاش مع علي الا يشوفها


علي:وليد أبعد عنها خل علاجها يتقدم خطوه وحده أقل شي


وليد:أنا أبيها تطلع


علي:أنسى


وليد:مو كانك معطي نفسك حجم أكبر من اللي مفروض تكون فيه


علي:اقدر أهتمامك فيها بس صدمتها اللي عاشتها منك خلتها تخاف تقرب منك تحتاج تستعيد ثقتها بنفسها بحياتها أنت تعرف وش عاشت و أكيد تعرضت لمواقف خلتك تشوف بعينك وش كثر هي ضعيفه


أنصدم من ريم اللي ماشيه بسرعه ناحيتهم وصوت كعبها يهز المكان مو محتاج أحد يعرفه فيها هذي ريم صديقتها و أختها و أقرب أنسانه لها غصب عنه أبتسم لها حس بشوفتها أنها أنعادت عليه أجمل أيامه مع فجر و اللي كانت تشارك فجر فيها


ريم:يا جعلك الماحي أنت و أمك و طوايفك ياللي ما تخاف من ربك يا بلا أحساس أنت تسوي فيها كذا أنت صدق حقير ودون


علي:ريم أحترمي المكان اللي أنتي فيه


وليد:و وينك عنها؟


ريم:ويني؟ مسوي رجال حابسها عن هالعالم ارتاح ضميرك قلبك طفت ناره أنتقمت منها أبوك أخذت حقه يا غبي


وليد:أنتي أحترمي نفسك


ريم:صبرك علي أن ما أخليك تعض أصابعك ندم ما أكون ريم أن ما أخليك تدفع ثمن كل لحظه تألمت فيها فجر و كل كلمه أتهمتها فيها ما أكون ريم بعد بعد


علي:وين؟


ريم:مالك شغل أنت بعد فتحت الباب ودخلت عندها بسرعه قربت منها :فجر فجر حبيبي أصحي فجر غطت ع فمها تبي تكتم صوت شهقتها كانت فجر غير نحفانه الشعر الطويل صاير شبه محلق وجها خفت أثار الجروح بس واضح عليه التعب والارهاق


فتحت عيونها بأنزعاج و ظلت تطالع ريم :ريم؟


ريم:ايه يا عمري اييه


فجر عدلت جلستها و ببكاء:انا أشوفك و الا يتراوى لي


ريم:تعالي بحضني تعالي يا فجر تعالي


فجر ببكاء وهي تحضنها:وينك ما شفتي وش صار فيني وينك


ريم:حبيبي انتي ان شاء الله يموت و


فجر برجاء:لا تتدعي عليه لا يا ريم


ريم:شنو ؟


فجر:لا تدعي عليه


ريم:بعد كل اللي صار تدافعي عنه زين صبرك و الله لا أخليه يندم وقولي ريم ما قالت شوفي وش سوى فيك شوفي وجهك شعرك


فجر:هذا من أمه


ريم:منو وداك هناك؟


فجر وهي ترجع جسمها:حظي و نصيبي يمكن ما يهمني بس بعد ما أبي له الاذى


ريم:فجر


فجر:لا تخافي مو سلبيه واقعيه انا وحده تعبت من لعبة الحقد هذي خليه يبعد بخيره وشره انا عن نفسي ما أبي شي منهم سامحتهم و بكره بأنسى


ريم:لا يا فجر كافي اللي ضاع عليك من حقوق لازم تتغيري


فجر:ضاع علي وليد اللي حبيته و ما أعتقد قسوتي بترجعه


ريم:لالا أنتي أطلعي منها و أنسي أن لك دور هالمره


فجر:شلونك؟وحشتيني


ريم:قلبي بيتقطع عليك يا فجر


فجر:خلاص لازم تكسري خاطري


ريم:هههه


فجر:كيف أهلك؟


ريم:بخير و أنا تزوجت راشد و حامل اللحين


فجر بفرح:صدق الله يوفقك حبيبتي


ريم شهقت من شافت الساعه بتدخل على 10


فجر:وش فيك؟


ريم:شنو وش فيني؟بأنذبح راشد بيذبحني


فجر:ههههه والله ؟


ريم:انا من الصبح و أنا عندك عندي حكي من كثره ما راح ينتهي زين


فجر:ريمي حبيبي لا تتأخري علي زين


ريم :من عيوني


فجر:ريم أنتظرك


ضمتها بقوه:و الله من الصبح عندك زين حووبي


فجر:زين


طلعت بسرعه من بعد ما شافت جوالها اللي سايلنت وكم فيه اتصال من راشد:الله يستر بس


الرد باقتباس
إضافة رد

لا تعتذر لي حبيبي خلني بجروحي أموت / الكاتبة : أغلي ناسي , كاملة

الوسوم
آلبآرت آلثآني ص 7 , آغلىآ نآسي , الثامن والتاسع ص31 , البارت 10 و11 ص37 , البارت الثالث ص11 , البارت الخامس ص19 , البارت الرابع ص 15 , البارت السادس ص20 , تكملة البارت السادس والسابع ص25 , رواية لـ اغلىآ نآسي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جرح الكلام طعونه تبقى على مر السنين .. حبيبي علمت قلبي ع حبك علمه ع النسيان / بقلمي ، كاملة زهٍرٍة آلآوٍرٍكَيَدً روايات كامله - يتم نقل الرواية هنا بعد اكتمالها 561 19-03-2015 01:11 AM
رواية متلثمة بشماغك حبيبي / الكاتبة : ملح الحياة ، كاملة ليمونة الحلوة روايات كامله - يتم نقل الرواية هنا بعد اكتمالها 391 26-06-2011 12:28 PM
أأنساك أنا وأسلاك يا نبضي مغرومه بلا حد خواطر - نثر - عذب الكلام 92 26-09-2010 05:17 AM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM

الساعة الآن +3: 03:10 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1