منتديات غرام روايات غرام أرشيف الروايات المغلقة - لعدم إكتمالها روايتي الأولى : للفراق آثار و للرجوع أسرار
عشقي إجرام ©؛°¨غرامي جديد¨°؛©

روايتي الاولى بقلمي: للفراق اثار وللرجوع اسرار
..
رواية سعوديه طويله رومانسيه
بسم الله الرحمن الرحيم..
اسطر لكم بين الضمة والشدة روايتي الاولى
مع تمنياتي ان تعجبكم فأنا أتقبل ارائكم
سواً مدحاً كان ام نقداً
ولـــكن ارجو من يريد نقل روايتي ان ينقل اسمي معها (( للامانة فقط ))
سوف انزل لكم روايتي بين حين واخر
على حسب ظروفي .. وشكـراً



البــــــــارت الاول

قراءه ممتعه
سبحان الله وبحمده سبحان الله العظيم
*
*
*

..........: مااماا مامي
ام فارس:بسم الله شفيك يابنتي
ليان: ياقلب بنتك انتي
ام فارس: نبرة الصوت مو غريبه علي
ليان: بسم الله على قلبك يا ام فارس تفهمينها على الطاير
ام فارس: خلصيني وراي شغل
ليان: اااممممم اليوم خميس يعني مافيه مدرسه
ام فارس: طبيعي
ليان بدلع مزدوج: ابي اطلع والله مليت من البيت يهون عليك
ام فارس: لا جيرانا بيجونا اليوم على الغداء
ليان عارفه امها اذا قالت كلمه خلاص ماتعيدها
ام فارس: روحي البسي وقولي للينا بعد
(ام فارس لها شخصيتها بالبيت صحيح انها طيبه وحبوبه وحنونه بس الكلمه عندها ماتعيدها مرتين وعمرها 35سنه كانت من قبل مديرة مدرسه.. عكس ابو فارس الحنون الي مايبي يزعل عياله نهائيا صحيح انه مشغول بالشركه والسفر وله هيبته بين الشركات الاخرى وبين الموظفين بس هذا مايمنع يكون غير في بيته فهو يحب ام فارس ولا يمكن في يوم يقدر يزعلها وعمره 40)
ليان واهي تطلع للدرج بتأفف : لينـــا لينوه
لينا: هاه شعندك من صباح الله خيرر
ليان: صباح هههههه الحين مساء يالفالحه باقي على الاذان نص ساعه
لينا: وجايه تقولين كذا
ليان: تخيلي لا جايه اقول ان امي تقول الجيران بيجون على الغداء جهزي روحك
لينا: ااوووف
فارس واهو يفتح باب غرفته او بالاحراء باب الجناح: وانتم ماتخلون الواحد ينام
ليان ولينا الي حضنوا بعض
(ليان ولينا اخوات وصديقات بنفس الوقت فهم يفضفضون لبض واسرارهم مع بعض صحيح ليان احلا العائله ولا واحد من اخوانها يشبه لها
ليان بثالث علمي ولينا بثاني ادبي طبعا بمدرسه وحده)
فارس: ياشين السرج على البقر
(فارس حلوو بس مو احلا من ليان بس كان وسيم و له شخصيه تعادل شخصية امه
واهو هامور في السوق ويشتغل بالبورصه وعمره 25 سنه )

الساعه 3:30 العصر بتوقيت الرياض
سيارة البورش كاين السوداء تتعدا البوابه الرئيسيه تقف اما القصر مباشره
المرافق العام: تفضل طال عمرك
.....: زاد فضلك
بخطوات ثقيله متجهه الى داخل القصر
.....: لؤي لنونه
لوؤ ولنا التوئم الي كانوا يتفرجون على mpc3:
بـاباا
ابو فارس ويحضن عياله: اشتقت لكم
لؤي: بنادي ماما
ابو فارس: يكون احسن
لنا: بابا ليش كل يوم تسافر
ابو فارس: لعيونكم وانا ابوكم

ام فارس: تومانور البيت
ابو فارس ويحضن زوجته: اشتقت لك يالغاليه
ليان ولينا الي نازلين من الدرج ..
لينا: اوووه ليان شوفي الفلم الهندي حصري
الموجودين: ههههههههههههههههه
ابو فارس: وانتي ماتخلين طباعك
لينا وتبوس خد ابوها: لاا ما اخليها
ليان وتبوس راس ابوها: حمدالله على السلامه
.................................................. ..

ولكن في جهه اخرى من ارجاء الرياض وبالتحديد في شارع الملك فهد الكل مجتمع هناك
لسبب واحد وهـــــــــــــــــــــو ؟؟!! ...



*


*

اتمـــنى تكون عجبتكم الروايه
لاتبخلوا بالردود .. وشكراا
تحياتي :


دفـــــا الايــــــامْْ » نـبـضـے المـﮙـــــان

أتـشرف انـي أول وحـدهـ أرد عــليكـ

روآيــــه بـــدايــتهــا رائــعــهـ

بــــــــــــــــــالتــوفــيق يــــالــغـــ’ــــلـــ’ــــآ

واعــتبــريني مــن مــتابــعــينكـ^_^

بـصـرآآآآآآآآآآآآآآآحـــه تحـمـسست






تـــــقــدـيري..


عشقي إجرام ©؛°¨غرامي جديد¨°؛©

البارت الثاني
استغفر الله
.لااله الا الله

.
.
.



فارس: ولا يهمكم انا ضبطت كل شي
رائد: كفوو يالذيب (رائد اصغر من فارس يدرس بالجامعه واخر سنه له ويتخرج طيوووب مره وروحه مرحه ويشبه للينا وعمره 22 سنه)
ليان: كم بنجلس في الشاليه
ابو فارس: اربعاء وخميس والجمعه بنرجع
لينا: لحالنا
ابو فارس: لاطبعاً بخلي ابتسام تظبط الموعد مع حريم عمانك وعماتك
(ابتسام اهي زوجته ام فارس)
لينا: وااااااو فله
...
في بيت ابو خالد (ابو خالد توفى قبل 3 سنوات والي اهتم بالبيت خالد الولد الكبيروعمره 26 سنه واخوانه 3عيال و4 بنات)
ام خالد: ياربيه غريبه اخوك مايرد
ربا: خالد
ام خالد: لا فيصل
ربا: عادي متعودين عليه
ام خالد:لالا احس فيه شي قلبي يقول
ربا والي عورها قلبها من سمعت كلام امها: يمه بسم الله عليه شفيك تتفاألين عليه
ام خالد: مدري ممدري
.........
في جناح ليان :
ليان واهي في البلكونه وبلكونتها تطل على الحديقه الكبيره التي لاتخلو من جميع انواع الورود والمسبح الكبير والشلاالات والجسر الذي يقطع البحيره الصغيره يعني الحديقه كانت قمه في الروعــــــــــــه .
كان الايبد على اذانها وتسمع اغنية راشد الماجد "انا ضايق"
لا شعورياً طاحت دمعه منها وتنهدت تنهيده طويـله
وقطع حبل افكارها دخول اخوها رائد:
ليونه
ليان: وانت ماتعرف تستأذن ابداً
رائد: والله طقيت الباب كثير بس مارديتي
ليان تنهدة تنهيده بسيطه: طيب شعندك
رائد: ابي شريط dvd فيلم جاكي شان
ليان: نعنبوا دارك كم مره تشوفه انت
رائد ويمد لسانه: في الاسبوع مره
ليان ابتسمت ابتسامه باهته ولفت جسمها للناحيه الثانيه
رائد: اكلم جدار
ليان: اشرايك ننزل للحديقه
رائد يبغى يستلطفها ويعرف سبب حزنها: يالله
نزلوا للحديقه وجلسوا على طرف البحيره
ليان كانت لابسه بنطلون برموداء اسود وتيشيرت عاري كروهات احمر واسود وشعرها البني يطير مع نسمات الهواء وعيونها العسليه الواسعه كانت تلمع بالدموع المتجمعه ورموشها الكثيفه وشفايفها الورديه المليانه ولون بشرتها البيضاء الشفافه متناسقه معاها .. وبجمبها رائد الي لابس شورت ابيض وتيشيرت نصف كم ازرق وبشرته الي بين البياض والسمار محليته ..
ليان تنهدت تنهيده طويـــــــله والي انتهبه لها رائد بس تجاهلها
دقيقتين المكان عام بالهدوء الاثنين غارقين في التفكير
رائد يفكر في اخته لها 2 اسبوعين على هذي الحاله
..............
في الدقيقتين داخل القصر
رن تليفون الصاله
ولينا تتفرج على التلفزيون على فيلم واهو life بطولة أيدي مورفي و مارتن لورنس طبعاً كوميدي
لينا: الووو
ربا والعبره خانقتها: هلا لينا
لينا: ربا صوتك مو عاجبني فيك شي
ربا: لا مافيني شي
لينا: اجل شعندك
ربا: حبيت اسئل رائد في البيت
لينا: ايه
ربا: ياليت تسئلينه اذا كلم فيصل اليوم او لا
لينا: اوكي

...............
نرجع للاثنين الي قطع الصمت صوت الموجه مع صوت رائد: ليونه حبيبتي شفيك
ليان وتبتسم نص ابتسامه الي بينت الغميزات:
لها الدرجه شايل همي وانا اختك"وشددت على الكلمه الاخيره"
رائد: انتي اختي وحبيبتي واكيد بشيل همك
ليان: لو قلت لك اني مو اختك بتصدقني
رائد: اكيد لا
ليان وتعض شفايفها من القهر والالم وتطيح دمعه من عيونها:رائد لو سمحت مو حابه احكي
رائد ويمسح دمعة اخته: ليونه انتي اغلى اخت حتى لدرجة اني اغليك اكثر من لين ولينا
ليان: ........
رائد: اوكيه براحتك بس توقعي اني موجود بأي وقت
ليان: .......
رائد: انا رايح مع اخوياي
ليان: ........

رائد طلع من عند ليان واهو ماله خلق لاحد دخل القصر علشان يجيب مفتاح سيارته وتعداء الصالات الاربع الي كانت وحده منهم فيها لينا وعلى الدرج
لينا: رائد
رائد: خير
لينا: ما كلمك اليوم فيصل
رائد: مالك شغل
لينا: ايه بس ربا كلمتني تسئل عن فيصل
رائد: متواعدين نطلع اليوم
لينا: غرريبه ليش مايرد على عمتي
رائد: بقوله فيه اوامر ثانيه
لينا: لا شكراا
..........
على البحيره نفس وضعيتها ولكن زادت دموعها وشهقاتها تعلى اكثر واكثر
..........
رائد طلع من القصر كله لكن رجع للحديقه بهدوء بيشوف اهي فيه ولا لكن وجدها على نفس وضعيتها خاف عليها من البرد لان الشتاء كان على الابواب
اخذ جكيته من السياره ورجع لها
بخطوات خفيفه قرب من عندها وحط الجوكيت على ايدينها وكان يسمع شهقاتها واهي تحاول تخفيها تقطع قلبه على اخته لكن مايقد يسوي شي
.........
لينا: وااي الفيلم رهيب
شافت ساعة يدها يوه الساعه 7:30 خليني اروح لليان
لينا الي تعبت واهي تدور ليان وفي الاخر
لينا واهي تركض: هيييييه ليونه
ليان سمعت صوت لينا وبسرعه مسحت دموعها
لينا وجلست جمبها: فيصل مايدرون وينه
ليان: من فيصل
لينا: ولد عمتي ساره
ليان: طيب زوجته انا شدخلني
لينا وتغمز لليان غمزه: قريباا
ليان وتطق كتف اختها: انقلعي
لينا: خلاص خلاص

..
انتهى البارت الثاني اتمنى يكون عجبكم
بانتظار الردود ياحلوين
تحياتي:
.
...

......................


دفـــــا الايــــــامْْ » نـبـضـے المـﮙـــــان

وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآو

ونـــــــــــــــــــــــــــــــــاســـه بـــــــــــــــــــــــارتـييييييييييييين

مـع

بــعــض

يـــــــــــــــــعطــيكـ الــــعافــيه يـــــــــــــالـــغلا..




تقــدـيـــــري..


●¦[ حڷۈْهِہ/بڪيفيεïз ©؛°¨غرامي جديد¨°؛©

وي وي بــــــــارتين

لبــى عنونك الروايــه خطنطريـــــــه

~~ جـــاري الانتظـــار ~~
وديــ..

عشقي إجرام ©؛°¨غرامي جديد¨°؛©

منورين روآيتي لبىـآ قلوبكم

عـلـى ـآ آلهـامش ©؛°¨غرامي مشارك¨°؛©

وآآآآآآآآآآآآآو جونـــــآآآآآن
كمليهـــآ تحمست آعرف وش فيهـآ ليان

ننتظر البارت الجـآي لاتطولين >>وربي تحمسسست


وتر حزين ©؛°¨غرامي جديد¨°؛©

يسلموو حبيبتي...
بس عندي ملاحظة كيف يكون عمر ام فارس 35 وعمر ولدها 25 يعني جابت ولدها وهي عمرها 10!!!!
وللاسف اغلب الكاتبات يطيحون بالخطا هذا
اتمنى ماتزعلين مجرد ملاحظة...

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بسم الله


يعطيك العـــافية
إطلعي على هـ الموضوع بـ يفيدك النقد
https://forums.graaam.com/342083.html

موفقة إن شــاء الله

https://forums.graaam.com/238622.html





,’


!ســــارا! ©؛°¨غرامي فعال ¨°؛©


اهلا غاليتي

يسعدني ان اقرأ روايتك

في الحقيقه هي رائعه و متكامله واسلوبك واضح فيها

ولكن لديه ملحوظه صغيره ارجو ان لا تغضبي من كيف يكون عمر ام فارس 35 عاما

وعمر ولدها فارس 25 سنه ؟!!!!!

انتظرك مع البارت الثالث ^-^

قلبي يقول انه ليان تحب >>>> بدينا التأليف خخخخخخخ


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1