اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 11-10-2010, 06:24 PM
صورة ملتفت صوبك لوعينك تهل دم الرمزية
ملتفت صوبك لوعينك تهل دم ملتفت صوبك لوعينك تهل دم غير متصل
━╃ je suis❤ desole ╄━
 
الافتراضي رد: روايه (حنيتك رااحت لوين وشفيك ماتشتااق لي)


اقتباس:
المشاركة الأساسية كتبها • Ņṩєэṫ aήśảқ « مشاهدة المشاركة
تســـــلمين حبيبتــــــي ..

ـأإلبأإرت مرهـ مرهـ خونفشـــأإري ..

يعطيك ـأإلعأإفيــــــه يأإرب ..

توقعأإتي ..

~~
جسار.نسرين .هل راح يحبون بعض ولا فتره نزوه وبتتغير ..؟!!

لأإ ـأإن شــأإء ـأإلله بيحبوو بعض دوووم مو فترة وتزول ..
عبدالرحمن .العنود. من لي يحاول يذبحها وهل العنود راح اتحبه ..؟!!

ـأإمممممم مدري . يب يب راح تحبوو ..
مراااام .اخوها ..؟!!

معرفش ..
شيخه .خالد.تلاحضون انه خالد بدى يميل لها..؟!!

موو يميل أإلأإ يموووت فيهأإ ..
المجهول .وعبد لله ..؟!!

برضوو معرفش ..
محمد هل راح يتزوج ..؟!!

يب يب
وشنو مصير نور في روايتي وشنو تغيراتها ..؟!!

يمكن تتشأإفىأإ . وحأإســــه كمأإنه ـأإنوو بيصير لهأإ موـوقف في مزرعت خأإلتهأإ يمكن تقأإبل حد تحبوو ـأإو يحبهأإ ـأإو شئ زي كذأإ .. <~ خيأإلي وأإسع مو ـأإنفع ـأإصير كأإتبــــه .. <~ برآآ هع

~~

مرهـ تأإنيـــــه تســـــلمي ..

ـأإنتظـــر ـأإلبأإرت ـأإلجأإي بـ كل شوـوق ..

دمتي بـ سعأإدهـ ..

اشكرج على مشاركتج حبي وانشاء الله توقعاتج في محلها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 11-10-2010, 06:34 PM
صورة ملتفت صوبك لوعينك تهل دم الرمزية
ملتفت صوبك لوعينك تهل دم ملتفت صوبك لوعينك تهل دم غير متصل
━╃ je suis❤ desole ╄━
 
رد: روايه (حنيتك رااحت لوين وشفيك ماتشتااق لي)



بسم الله الرحمن الرحيم

البارت الرابع

(لاتضن اني بردلك مهما كنت انا احبك..السبب جرحك احساسي تذكر له تقول ناسي؟؟)

في المستشفى

خالد:دكتور شخبارها انشااء الله احسن

الدكتور:انت زوجها وتدري انه أي شي يضاايقهاا يسبب لها الربو..الله ستر هل مره لكن مره ثانيه الله اعلم شنو بيصيرفيها

خالد الي كلمه زوجته للحين تمر في باله..والي اصدمه مرضها في الربو
:انشااااء الله راح اهتم فيها

مرام:خالد اشقال الدكتور عنها

خالد::هااااا..اي اانا باروح ايب ادويتها خلج عندها

عبداالله:الحمدالله على سلامتها

مرام وخالد:الله يسلمك
مرام:لازم اتصل حق ابوها ايي لها راح يزعل لو عرف انها في المستشفىى بدون ماتخبره

خالد:لا ..تخرعينه على بنته وهي مافيهاا شي ..

مرام:والله مادري

خالد:لاتقولين له شي

مرام:انشاء الله ..عن اذنكم باروح حق شيخه

خالد الي للحين ينزف خشمه دم من بعد الهوشه..

عبدالله: خالد خشمك ينزف رووح عند الدكتور

خالد:لا ابي اتطمن عليها قبل

عبدالله :ابراحتك

بعد دقايق قربوا من الغرفه اطلعت مرام من الغرفه

خالد:مرام شيخه فيها شي؟؟

مرام:لا مافيها شي ..ااهي ابخير واحين نايمه..لكني باروح ايب لها الملابس من الشقه وبارجع

خالد:عبدالله تقدر اتوصلها على طريجك ..اهي بنت او مو عدله تضهر هل حزه لانه
عبدالله وهو يقطعه :مابينا هل كلام وانه اخوك ..ولا ازعل منك

خالد:تسلم

مرام وهي مستحيه :ماله داعي سواق شيخه رااح يوصلني اانا كلمته

عبدالله:اافا تركبين مع ساايق وانه موجود يالله جدامي

مرام:بكل هدوء اتبعته لي السياره

خالد بس جافهم مشو دخل ععلى طول وجافها جنها ملاك نايمه على االسرير وشعرها مفتوح وجزء منه على ويها..قرب ليحد ماوصل عندها ..ومسح على شعرها بكل حنيه ..وهو من داخله يلوم نفسه على الي صار لها
بععد فتره صحت شيخه من النوم وحست ابيد تلمس شعرها ..فتحت اعيونهاا ببطئ وجافت ااخر شخص فيحياتتها توقعت ااجوفه بعدت عنه على طول وعدلت جلستتها

شيخه:وين انه وشتسوي انت اهني

خالد:الي مانصدم من رده فعلها وبكل هدوء:تعبتي ويبتج المستشفى

شيخه واحداث اليوم ادور في بالها وتوها مستوعبه الي صار وتجمعت الدموع في ععينها:ممكن تتركني

خالد االي فهم انها متاثره بالموقف وللحين ذاك الشخص في بالها انقهر و رد عليها بكل هدوء:لا مو ممكن

شيخه الي انقهرت منه..وهي تبيه يطلع عشان تتبجي وتوها منتبهه انه خشمه ينزف دم و اثار الخدوش واضحه في ويهه

شيخه :قامت من السرير على طول وخالد عباله انها تبي تطلع لانه موجود في الغرفه بس سكت يبي ايجوفها وين بتروح ..راحت عند الرف واخذت منه منشفه وغمستها في الماي وقربت منه ومسحت الدم الي ينزل
خالد..الي مو حاس ابشي ومو امصدق قربها له ابهل درجه لكنه كبريائه امنعه انه يطول وياها وبكل غروربعد يدها:محد طلب مساعدتج وبعد عنها ورااح قرب الباب لكن شيخه اسبقتته ومسكت يده

شيخه :انت غبي ماتفهم ..موب زين تتحرك وخشمك ينزف

خالد بكل جفاف:مايخصج

شيخه بكل اعناد:لا يخصني جوف اشلون تشيرتك كله دم ..وبكل الم وصوت مرتجف :الي صار لك ابسبتي

خالد:الي سارح في اعيونها ويبي يبعد ععنها لايسوي شي يندم عليه:بعدي عني

شيخه:افــــــــــــــــــــــــ غبي ..تدري هاك..وعطته المنشفه امسح الدم

خالد الي كتم ضحكته على تصرفها..جنها اتكلم لها بزر :انزين انتي روحي ارتاحي ومشى بيطلع لكن وقفه صوتها الناعم

شيخه:خالد اتمــــنى محد يدري اني اعاني من االربو لانه ماقلت لحد
خاالد :الي فاجئه كلامها بس مابين وطلع

.................................................. ...........................
عند الحلوين بالسياره

مرام:خلاص وصلنا

عبدالله :انتضرج لاتتاخرين

مرام وهي منحرجه ويها قالب الوان:انشاء الله

وبعد فتره اطلعت مرام وهي حامله الشنطه بيدها ..جافها عبدالله وقرب منها وحمل الشنطه عنها
اوتوجهو للمستشفى


مرام:مشكور اخوي عن اذنك

عبدالله االي مستانس من قربها حتى لو ماتكلم:العفوو ااختي حاضرين
خالد يوم طلع جاف عبدالله وراح له
ركب خالد السياره بجنب عبدالله بدون لايتكلم ...وعبدالله متعود على اسلوبه فماتكلم وتوجهه لشقتهم

مرام:ياالكريهه خوفتيني عليج

شيخه وهي تخفي حزنها:اابي اجوف غلاتي

مرام:جربي عيديها والله ياويلج ..وقفتي قلبي..واحين يالله ارتااحي واناا بااروح ايب لج اكل

شيخه بكل هدوء:لاماله داعي ماابي

مرام:واالله انا ماخذيت رايج..عشان اتامرين يالله باي

ابتسمت رغم حزنهاا على رفيجه عمرها الي حنونه عليها وايد
وحاولت تناام لكن مافي امل وهي اتذكر احدااث اليوم
.................................................. ................................

عند الحلوين النايمين
اقعدت نسرين من النوم وهي اتحس انها ابعيده عن السرير..افتحت عينها..وانصدمت من الي اهي نايمه عليه يمكن هذي اخر شي في حياتها توقعت اجوفه..بعدت عنه اابسرعه وراحت الحمام على طول ودقات قلبها مو اموقفه ..اخر شي كانت تذكره انه اهي في غرفه نور
وماتدري اشلون ياات هل غرفه .. توضت ورااحت اتصلي الي فاتها
وبعد ماكملت ..جافت جسار غاط في النوم وهو مو اامقطي(القطاء كاشف نص صدره) قربت منه وخدودها امورده مجرد فكرها انها نامت بين ااحضانه ..ارفعت الغطا وغطته بكل رقه وبتعدت عنه ونزلت الصاله..وهي مو مستوعبه انها في بيت ام جساار

................:حي الله بنتي نور المكان

نسرين:الله يحيج ..امنور ابنورج..وقربت منها وباست راسها

نسرين:خالتي افطرتي ولا اسوي لج بيدي

ام جسار:والله وانه امج للحين ما افطرت وبعدين ليش الرسميه اتناديني خالتي..قولي لي يمه ولا انا مو ابمثابه امج تراج بنتي الثانيه..قعدي يابنتي ابيج في موضوع..

نسرين الي استحت من طيبه ام جسار:على امرج يمه

ام جسار الي افرحت من كلمتها:عسى ربي يحفظج ..يمه انتتي وجسار بتعيشون عندنا على طول..وانه طرشت االخدم ايبون اقراضكم من البيت واليوم بتوصل

نسرين بكل بلاهه:يعني بنسكن اهنيه يمه؟؟
ام جسار:أي يابنتي
نسرين:بس جسار مااراح يرضه انتي قلتيله
ام جسار:أي قلت له ..بس اهو رد متاخر وراح ينام ماضن مداه يخبرج ..ونفس ماقلت لج ملابسكم كلها بتوصل اليوم

نسرين:تسلمين..عن اذنج باروح اسوي لنا الفطور

ام جسار:الخدم تارسين البيت وانه امج ..ماله داعي اتعبين روحج

نسرين:عاد انا ابي اضوقج طباخ يدي وعن اذنج باروح بعد حق نور
لازم نفطر مع بعض

ام جسار:وانه اامج ماضن ترضه

نسرين :انا مو نازله الا وهي وياي

ام جسار:ولو اني عارفه الاجابه بس جوفي حظج..
نسرين وهي رايحه:عن اذنج

ام جسار بكل مكر:بعد قعدي جسار لازم يفطر معانه

نسرين الي تلعثمت من طاريه:انـــــــشااااا الله

في غرفه نور

...................:تفضل

نسرين بكل حب:صباح الخير

نور الي تدري عن موضوعهم وانهم راح ينامون في البيت من اامها:
صباح النور

نسرين:كنت يايه اصحيج..بس ماشاء الله عليج صاحيه ابروحج

نور:أي انا متتعوده اقعد كل يوم من وكت

نسرين:نور حبيبتي طلبتج ولاترديني

نور:ودي اقولج اعيوني لج ..بس انتي ادرى بالحال امريني ولو ادري اني ماقدر انفذ طلبج

نسرين وهي تبي اتخلصها من عزلتها:لا تقدرين

نور؟؟؟؟؟؟؟اقدر

نسرين:أي انا اابي ااسوي الفطور وابيج اتتكونين ويانه
على السفره ..وراح اسوي الفطور واطلعه في الحديقه

نور:بس اناا

نسرين وهي تقاطعها:اانتي مافيج شي واليوم ااناا ودي ادلعج واكلج من ايدي ولابس جسار الي ياكلج

نور:.............لارد

نسرين: افااا انا حطيت في بالي انج عادتني اخت بس الضاهر مالي خاطر عندج

نور بكل طيبه:والله موقصدي بس انا انحرج من نفسي ومن امي واخوي اني عاجزه حتى عن شوف اكلي

نسرين بكل ايمان:نور حبيبتي الله مايبتلي أي انسان الا انه يحبه..وانتي مسلمه لازم اتصبرين وتنالين الاجر..وتحمدين الله صج انه الله اخذ بصرج لكن عوضج ابياض قلبج ..تدرين انج دخلتتي قلبي على طول
وانا حالي حالج لاصديقه ولا اخت..واانتي بصيرين اختي وصديقتي
ولا ععندج راي ثاني

نور:يععني اقدر اشكيلج همومي وكل شي في خاطري

نسرين :مو قلت لج انه انا ونتي خوات يعني مو بس انتي تشكين حتى انا اشكي لج ..ويالله تراج اخرتيني احين ااشلون ااسوي الفطور..وبعد عشان انفاجئ خالتي انتي تدرين انها بتستانس لو اتتجوف بنتها ..وتره خلاص مابينا اسرار ولنا قعده طويله مع بعض
نور بكل امل وفرح من كلام نسرين:انشاءالله

ويودت..نسرين نور ونزلتها تحتت في الصاله

...................:السلام عليكم

ام جساار وهي ترفع راسها ومو امصدقه انه بنتها نازله تفطر وياها من بعد عزلتها :عليكم السلام حي الله بناتي ربي لايحرمني منكم

نسرين وهي تغمز حق ام جسار واام جسار افهمت ععليها انهاا تقصد انها اقدرت ااتخلي نور تنزل من غرفتها

نسرين:خالتي االجو ماشاء الله حلو اشرايج نفطر في الحديقه

ام جسار :أي والله خوش راي..نسرين يابنتي ملاابسكم اوصلو وخليت الخدم يحطونهم عند الباب

نسرين: تسلمين خالتي عن اذنج

ام جسار:اذنج معاج(وقعدت ام جسار ااتسولف مع بنتها لين تجاوبت نور ويااها)

عند نسرين راحت المطبخ..وسوت كل اصناف الطبخ الي اتعرفهاا وسوت عصيرات طبيعيه بنكهه الفراوله
وراحت جناحهاا ودخلتت ابكل هدوء وجافت جسار نايم ..نفس ماهو وعاقد حاجبه ..ابتسمت على حركته ..ودخلت لشنط داخل الغرفه وضهرت لها فستان سكري ناعم وراحت اخذت لها شااور سريع
وقلبها يدق مو عارفه اشون اتصحي جسار من النوم
بعد الشاور..نشفت شعرها الطويل وسكره التكيف وفتحت الضوء والنوافذ ودخل الهواء حق الغرفه وحرك خصلات شعرها الحرير
قربت يمه اابكل هدوء ونحنت لي كتفه وبكل رقه :جسار...جسار

جسار الي نومه خفيف صحى من نومه على همسها له:اممممم

نسرين:جساار يالله قوم تاخرت باقي لك ساعه ونص على الدوام

جسار الي مو مستوعب اهو وين فيه فتح اعيونه ولتقت باحلى اعيون جافها في حياته وعقب ماستوعب نفسه:من قالج ادخلين غرفتي
طلعي بره

نسرين الي انجرحت من كلامه بعدت عنه وعلى طول راحت غرفه نور وبكت وهي مقهوره منه كل ماحاوله اتصلح الاامور بينهم يردون من البدايه بعد فتره من لصياح راحتت نسرين تغسل ويها وطلعت من الغرفه ونزلت حق نور وام جسار

عند بطلنا الي توه يستوعب المكان الي فيه:( او وين انا..او وقفت فيه الذاكره على احداث امس وشلون انه كان مهموم من كلام امه او تامرها عليه ..وانه مجرد ما جاافها ونام بحضنها نام احلى نومه في حياته..ونسىىى كل اهمومه حتى انه اول مره ينام ومايفكر في حب حياته منال...وقف على هل كلمه منــــال يا الله اشقد اشتاق لها ولطيبتها وحنيتها وكلامها قطع عليه محمر ذكرياته

...................:بابا ماما ايقول يالله ابسرعه

جسار(وين نسرين) اوووووو انا شقلت لها هل مسكينه والله اني اضلمها وياي ..كله من امي جان طلقتتها وفتكيت منها
(طلقهاااا)ويااخذها غيري لا مستحيل اهي لي انا ,,اف انا اشقاعد ااخربط بطقاق ياخذها الي ياخذها ..انا لازم اقنع اامي اني اطلقها اليوم قبل باجر..مابي اغلط ويصير بينا طفل وذيج الحزه اشبيفكني من حنه امي..اف لوماتزوجت من البدايه احسن لي..راسي بينفجر من التفكير
.................................................. ..................................
(كل هل اشياء في بال بطلنا جسار وهو مو عارف يميز بين الصح والغلط..ومو قادر ينسى حبه الاول ..ويبدىى ابحياه ثانيه)

خل اروح اخذ لي شور يهدي اعصابي ..بعد الشاور نزل جسار ودور على امه في غرفه الطعام وماحصلها:ياربي امي مو من عويدها تطلع وين راحت
..................:بابا ماما في الحديقه

جسار وهو متفاجئ:الحديقه؟؟

جسار:اوكي خلاص روحي

وراح جسار الحديقه وهو يسمح صوتت ضحك ومنبينهم صوت ناعم يضحك واول مانتبه الصوت لوجوده اامسحت الضحكه واالابتسامه وصار مكانها ضيق وهم(ماخفى على جسار زوال ابتسامتها لكن سوى روحه مو مهتم)
جسار في قلبه:نور اهني والله اني مو امصدق
جسار:السلام عليكم

الكل:عليكم السلام

جساار وهو يجوف الااكل:غريبه امي طالبه الفطور من المطعم خبري فيج اتحبين اكل البيت

اضحكتت ام جسار ونور على كلامه

وجسار:؟؟؟؟؟؟؟؟؟؟؟؟؟؟

نور:معني ماجوف ..بس من طعم الاكل امبين انه لذيذ وعلى فكره قول ماشاء الله لانه مو من مطعم

جسار وهو يقعد على طاوله الطعام وياكل من الي خاطره فيه وبعد ماكمل :االحمد الله

ام جسار:بالعافيه وعلى فكره تره زوجتك اهي الي امسويه االفطور ..ماشاء الله عليها فنانه

جساار الي كان يشرب عصير الفراوله قعد يكح

ام جسار:اسم الله عليك يمه شفيك ..عطوه ماي

نسرين الي ابتسمت وعرفت انه مصدوم:قامت اكل خفه وصبت له ماي:تفضل

جسار اكتفى بنظره لعيونها وسرح فيها وقاطعه صوتها الناعم الي فيه نبره حاده ممزوجه ببتسامه مقصوبه:تفضــــــــــــــل

نسرين خالتي عن ااذنج بنصعد انا ونور

ام جسار الي مستانسه على تتغير بنتها بفضل االله ثم نسرين:اخذي راحتج والبيت بيتج ..ماله داعي تستاذنين
قربت نسرين من نور واخذتها معاها وراحو عند المغاسل وسط مرااقبه جسار لهم ولي متفاجئ من تغير نور الملحوظ

وبعد ماغسلو اياديهم ونشفوها اصعدوا غرفت نور

نسرين :نور احس انه في كلام وايد لازم انعرفه عن بعض..اتحبين انتي تبتدين ولا انه
.................................................. ....................................

عند بطلنا محمد

محمد:يمه الله يهداج اجلي لي ساالفه الزواج جم شهر

ام محمد:وانه قلت لك حصلت بنت الحلال الي تناسبك

محمد:يايمه انتي تبين راحتي وانه مرتاح مو لازم اتزوج

ام محمد:لااااااا..جوف جم صار عمرك ونت ماتزوجت

محمد وهو يبي ينهي النقاش:او يمه اكووو عبدالرحمن يتصل حرام ااعطله يالله عن اذنج وباس راسها وطلع

.................................................. ........................

عند عبدالرحمن والعنود
عبدالرحمن:مو طالع الا لمه اسوين الفطور

العنود:مابــــــــــــــــــــــــي

عبدالرحمن ابعصبيه :العنود تراني طولت بالي عليج وايد مو بس اابي الفطور ..ابي الغدا والعشى من يدج..ومو يوم كل يوم

العنود :الي خايفه من عصبيته لانه اول مره اجوفه ابهل طريقه الوحشيه يكلمها تجمعت الدموعع في عينها :لاتصارخ علي وانه ماعرف اطبخ

عبد الرحمن الي ماخفت عله دموعها لكن مايبي يضعف جدامها:اتوقع كلامي واضح وانه مو متزوج لي بزر احين مابي فطور ابمزاجي لكن والله انرديت وماجفت شي ياويلج وطلع وصفق االباب وراه ابقوه

والعنود(اقعدت اتصيح من االخوف االي صادها اول مره اتجوفه ابهشكل تعودت على ععبد االرحمن الحنون الطيب الي يسمع كلامها)

.................................................. .......................

في العمل

...........:انت غبي اتعامل البنت جذي
.................:لازم تتتغير ابها ااتحس بالمساوليه
............:والله مادري شااقولك اثنيناكم غلطانين
................:محمد ترىى راسي عورني وطلب لي كوفي ولاتهذر
محمد:ياكرهك وانت مزاجك زفت
عبدالرحمن:اعصاب ماجنك ااخس مني
محمد :اف بس لا تذكرني بحنه الوالده..مادري عبالها بنت قااعده على جبدها تتبي ازوجني

عبدالرحمن:وهي الصااجه لازم تتزوج تره لاعت جبدي من كثر ماجوفك

محمد:اسكت لاقلب عليك
.................................................. ........
عند العنود االساعه 1

ياربي شاطبخ له ماعرف شي.......اي مافي الا اروح اقعد على االنت او ليش ماطلب من المطعم وسوي روحي انا الي طبخت
بعد نص ساععه
.............:جرس اكيد وصل المطعم
باروح البس عباتي

بعد خمس دقايق
العنود من خلف الباب :تفضل
..................:قصبن عليج باتفضل
صدمه شلت العنود ومن الخووووووف ماقدرت تنطق بحرف
.................................................. ...............
شيخه:خلاص صار لي يومين في المستشفى لاعت جبدي ابي اطلع

مرام يا االغبيه حق مصلحتج

شيخه:طيري زين قالت مصلحتج ااحين اقولين حق الدكتور يكتب لي خروج
مرام :انتي من مينونه
شيخه :روحي لاروح انا
مرام:انزين
بعد هدوئ خمس دقايق
................:الحمد الله على السلامه حبي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
توقعاــــــــــــــــــــتكم

من الي كان عند الباب البيت؟
شنو سبب قسوه عبدالرحمن عليها وهل من صالحها فعلن مثل ماقال؟؟وشنو راح يصير للعنود
.........
نسرين بتقدر تكسب جسار ؟؟؟؟؟
نوووووووور وتتغيرها المفاجئ ؟؟؟
جسار هل راح يتغير؟؟
شيخه وخالد هل راح يحبون بعض ولا بتتنتهي قصتهم من اخر موقف لهم بالمستشفى ..ومن المجهول
مرام وعبدالله ؟؟؟؟؟؟
اخوووووو مرام وينه في روايتي
محمد هل راح يتزوج

تابعوني في االبارت الخامس



توقعاتكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 12-10-2010, 03:09 PM
صورة ملتفت صوبك لوعينك تهل دم الرمزية
ملتفت صوبك لوعينك تهل دم ملتفت صوبك لوعينك تهل دم غير متصل
━╃ je suis❤ desole ╄━
 
رد: روايه (حنيتك رااحت لوين وشفيك ماتشتااق لي)


احب اشكر كل متابعين روايتي..واتمنى انها اتكون بالمستوى المطلوب..دمتم بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 12-10-2010, 03:53 PM
سموة المعالي سموة المعالي غير متصل
©؛°¨غرامي متألق ¨°؛©
 
الافتراضي رد: روايه (حنيتك رااحت لوين وشفيك ماتشتااق لي)


وااااااااااأاأااااو
البارتات جونان والرويه خيال
يعطيكي الف عافيه يالغلاء

امممممممم
وهذي توقعاتي
\
/
\
/
من الي كان عند الباب البيت؟

اتوقع انو واحد من قرايبها ولد عمها او خاله او عمتها او خالتها


شنو سبب قسوه عبدالرحمن عليها وهل من صالحها فعلن مثل ماقال؟؟وشنو راح يصير للعنود

اكيد من صالحها لان العنود راح تتعدل بعدد القسوه وراح تكون ربت بيت ناجحها
.........
نسرين بتقدر تكسب جسار ؟؟؟؟؟

اكييييييييد تقدر تكسبه بالطبيبه والحنيه والصبر


نوووووووور وتتغيرها المفاجئ ؟؟؟

تغيرها راح يبهر الاخرين بس فيه ناس راح تحقد ع نسرين لانها هي سبب التغير


جسار هل راح يتغير؟؟

يب كثير واكيد راح يبدا يحب نسرين ولا يقدر يفارقها ^_^


شيخه وخالد هل راح يحبون بعض ولا بتتنتهي قصتهم من اخر موقف لهم بالمستشفى ..ومن المجهول

شيخه وخالد راح تبتدي قصة حبهم
والمجهول هو الي حبته شيخه وغدر فيه وتزوج غيرها وعنده عيال والحين راجع وحابب يرجع ايام الي مضى


مرام وعبدالله ؟؟؟؟؟؟

وما ادراك ما مرام راح تكون حبيبت عبوود ويتزوجها ويعيشو بسعاده وهنااء


اخوووووو مرام وينه في روايتي

ان شاء الله بالبارتات القادم تظهر شخصيته



محمد هل راح يتزوج
يب راح يتزوج ويعيل بعد ^_^


يسلمو يالغلاء من جد روايه رائعه
تستحقين الشكر عليها
وان شاء الله اكون من المتابعين الدائمين للروايه

تستحقين التقييم
تقبلي مني جزيل الشكر ...~

اختكيـ : (( سموة المعالي ))

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 12-10-2010, 04:02 PM
صورة متكحله.k.s.r.e الرمزية
متكحله.k.s.r.e متكحله.k.s.r.e غير متصل
©؛°¨غرامي متألق ¨°؛©
 
الافتراضي رد: روايه (حنيتك رااحت لوين وشفيك ماتشتااق لي)


السلام عليكم

الله يعطيك العافيه ويخليك ..

حبيت الروايه وهي رووووووووووووعه بروعة كاتبتها ..

من الي كان عند الباب البيت؟
الظاهر ابوها او احد يعرفها

شنو سبب قسوه عبدالرحمن عليها وهل من صالحها فعلن مثل ماقال؟؟وشنو راح يصير للعنود ؟
ايه بصالحها لو خلاها كذا ماراح تسمع كلامه ابد..مدري احس الشخص اللي عند الباب بيسوي لها شي

نسرين بتقدر تكسب جسار ؟؟؟؟؟
يس يس بليز خليها قويه وخلي بينهم اكشن فديتهم وفديتك

نوووووووور وتتغيرها المفاجئ ؟؟؟
كانت تحس بعزله وماصدقت لقت صديقه واخت لها تسمع همومها

جسار هل راح يتغير؟؟
راح يكون عنده مد وجزر بس خلي اكشنات تصير بينهم

شيخه وخالد هل راح يحبون بعض ولا بتتنتهي قصتهم من اخر موقف لهم بالمستشفى ..ومن المجهول
مرام وعبدالله ؟؟؟؟؟؟
ايه يحبون بعض بس يكابرون .. هذا اللي كانت تحبه لا تخلينها ترجع لها ..
مرام وعبود راح يحبون بعض ..

اخوووووو مرام وينه في روايتي
راح يطلع البارت الجاي << واثقه ههههههههههه

محمد هل راح يتزوج
يمكن ماراح يتزوج اللي راح تختار ها امه

ننتظر البارت الجاي وياليت تقولين لي متى موعد البارتات ..

سلام ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 12-10-2010, 04:45 PM
صورة ملتفت صوبك لوعينك تهل دم الرمزية
ملتفت صوبك لوعينك تهل دم ملتفت صوبك لوعينك تهل دم غير متصل
━╃ je suis❤ desole ╄━
 
الافتراضي رد: روايه (حنيتك رااحت لوين وشفيك ماتشتااق لي)


تسلمـــــــــووووووووووون حباايبي على تفاعلكم وبنسبه لتنزيل البارتات راح يكون خميس والجمعه والسبت الساعه7 ..دمتــــــــــم بـــــــــــــــــــــــــــــــــود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 13-10-2010, 03:00 PM
صورة ملتفت صوبك لوعينك تهل دم الرمزية
ملتفت صوبك لوعينك تهل دم ملتفت صوبك لوعينك تهل دم غير متصل
━╃ je suis❤ desole ╄━
 
رد: روايه (حنيتك رااحت لوين وشفيك ماتشتااق لي)


بسم الله الرحمن الرحيم
البارت الخاامس
(ااشكي همومي لج وماتسمعيني)
في غرفه نور

نسرين:اتحبين انتي تبتدين او انا

نور:ماعندي مشكله..

نسرين :انا حابه اسمعج قبل

نور:طيب

نور:يوم كنا اصغار تعود ابوي يطلعنا في اجازه الاسبوع ,وهل مره اقترحينا انا او جسار او توامي نوف انه انزور خالتي لانه صار لنا مده مازرناهم..وافق ابوي على طلبنا ورحنا حق خالتي في مزرعتهم وزرناهم ..ونمنا عندهم جم يوم او جساار ااخوي رفض يرجع وخالتي نيمته عندها ..وبقصه(انا ونوف وامي رحنا مع ابوي وفي الرجعه في طريج البر اعترضت طريجنا شاحنه ,وتوفى ابوي ونوف اختي وامي ادخلت في غيبوبه واناا فقدت بصري)

اسكتت نور وضلت تبجي..مجرد ذكراها لهل حادثه ..يسكن فيها شعور الخوف من الوحده افقدت اغلى ااثنين عليها في هل دنياا بدون رجعه)

نسرين الي اتاثرث بحياتها ومعاناتهاا وهي حاسه ابشعورها سالت دموعها ومسحتها ابكل هدوئ:كملي حبيبتي

نور:وبفضل الله صحت امي من الغيبوبه بعد شهرين..لاكنها ماتكلمت
ويوم قالت لها خاالتي عن وفات ابوي ونوف ..بعد ماتكلمت
الكل توقع انها راح تصرخ او تسوي أي شي..لكنهاا ماتكلمت مجرد دموع تنزل من عينها بدون أي رده فعل ..وحاولنا فيها قد مانقدر انه اتكلمنا لكن للاسف ماكانت ترد علينا وهاي الشي الي دمر نفسيتنا انا وجسار..انه امي ماااتتكلم ..وانا ماكنت اجوف فما كنت اعرف رده فعل جساار..عرضنااها على دكتوره نفسيه وبعد فتره من العلااج الحمدالله تشافت وقالت الدكتوره انه هل شي طبيعي من الصدمه
والحمدالله اهي احين ابالف صحه وعافيه ردت لنا مثل قبل لكن انا حتى لو ما اجوفهاا احس انها مفتقده ابوي ونوف

نسرين:ماافكرتي اسافرين عشان عينج

نور الي مااتوقعت هل سؤال:اشفايده اني اجوف الدنيا ..وانه بدون روحي..اانتي ماتدرين ااشكثر انا مفتقدتها تخيلي قبل الحادث(ودمعتت عينها)قالت لي نور انا احبج تحملي ابروحج وايد
في ذاك اليوم ضحكت عليها لاني متعوده على ضحكها وغشمرتها
لكن كلش ماتوقعت انها اتمــــــــــوت قالت لي مابيفرقناا الا الموت
وانه كنت اضن انه هل يوم ابعيد ولا فكرت فيه وهو خذ مني اعز ما املك(ودخله في نوبه بكاء)

نسرين:هدي حبيبتي ..وانتي غلط الي اسوينه اانتي بنت وراج حياه ومستتقبل في ناس يتمنون يجوفون ..وانتي ابيدج انج اترجعين بصرج ..بس انتي ماتبين..كل الي في الحياه اختبار من الله يختبر فينا مدى صبرنا ولازم تحمدين الله ..ماشاء الله اانتي عندج ام ااو اخو
الكل يتمناهم..حمدي الله ولاتوقفين حياتج

نور:انـــشاء الله

بعد مده من السكوت ولدموع

نور:يالله دورج كلميني عن نفسج

نسرين:اممم

(توفت امي وهي تتولدني ومن ذاك اليوم ابوي كارهني
اكون جذاابه لو اقولج قصر علي..بالعكس ماكان يبخل علي بس انا ماكنت اجوفه الا من سنه لي سنه..من توفت امي وهو دايماا يسافر
وكل شهر يحط لي رصيد في الصراف ..ماكنت اختلط مع الناس
كنت داايماا ابروحي ماشتكي ولا اعبر عن مشاعري لحد بالعكس كنت اسمع لناس وحل مشاكلهم وانا اعجز عن حل مشاكلي
ويوم دخلت الجامعه بعد فتره(وبكل الم واخفته عن نور خطبني اخوج من اابوي ..واابوي وافق)وبس تزوجت جسار

نور بكل هدوء:نسرين انتي اتحبين جسار

نسرين بكل توتر:هاااا..جساار..ابصراحه اكون جذابه لو اقول اني ماتقبلته بس ااهو

نور وهي اقاطععها:اهو يبعدج عنه صح؟؟

نسرين بكل الم:مادري ااهو شكله مو متقبلني ...صدقيني لو اهو متقبلني جان حنكون احلا زوجين ..انا احس انه في سبب يخليه مايتقبلني ..وانا احس انه في احد في قلبه..لكن مدامه يحب ليش خطبني ؟؟وعقله وقلبه مو معاي ...............

نور الي تألمت من كلامها وحست انهاا فاهمه قصت جسار كلها..فضلت السكوت والاستماع لكلامها

نسرين:احس انه راح يطلقني قريب اهو مايحبني..وانا تتعودت اكون ابروحي من اول ماولدتني امي (ودمعت عينها)تععودت اني اادور الحنان ..لكن في كل مره اادوره ماحصله عند احد

نور االي انقهرت من اخوها لانه االبنت امبين عليها طيبه وتمنت لو اتعدل حياتهم:نسرين حبيبتتي انا حابه اقولج شي ولا ضنين اني ابي اخرب حياتج بالعكس انا بقول الي عندي ويمكن من كلامي افيدج وتكسبين جسار

نسرين:!!!!!!!!!!!!!!!!! (كل علامات التعجب على ويها لانه حست من كلام نور انه في سر اهي ماتعرفه)

نور:جسار بعد ماخلص الثانويه سافر وكمل دراسته في الخاارج ..وهناك حب وحده من الي معاه في الجامعه..وكلمنا عشان نخطبها له..وبعد جم سنه من دراسته في الخاارج اطلعت (منال)من الجامعه وهي من عادتها اهي وجسار انه يخلون التكسي يوصلهم لي االفندق
لكن هل مره راحت مشي..وفي اثناء ماهي اتمشى يات سياره مسرعه بسرعه جنونيه واضن انه الي كان يسوقها سكران ودعمهاا وماتت
ومن ذااك اليوم جسار مو متقبل سالفه االزواج

نسرين:الي ادموعها انزلت على خدها:يعني ااهو مجبور علي؟؟

نور بكل تبرير:لا والله مو مجبور..وامي كانت وايد اتكلمه عن سالفه الزواج وانه لازم يكمل نص دينه وشكله من ضغط امي فاتح ابوج
بسالفه االخطوبه ..او شنو السالفه بضبط انا مادري

نسرين ساكته ودموعها تسيل بصمت:انا قلت لج انه ابوي مايحبني
ااكيد اهو جاف جسار وعرضني عليه..ابوي يبي يفتك مني اباي طريقه

نور :الي من صدمه من كلامها:لا حبيتي ماعتقد ابوج يفكر ابهي الطريقه

نسرين اضحكت ضحكه استهزاء:نور اابوي مستعد يبيعني ابأ ي طريقه بس المهم يفتك مني ومن اسمي الي لازق باسمه

نسرين وهي اطالع الساعه:جنه نسينا روحنه وايد..انتي احين ارتاحي وانا باروح اقعد مع خالتي

نور:انشااء الله..اي نسرين نسيت اقولج هل اسبوع بنروح مزرعه خالتي ..وهناك بيتيمعون خالاتي وبنات خالاتي ويمكن نتم اهناك اسبوعين..وشي ثاني لااتشيلين في بالج هم جسار تراج والله تقدرين تكسبينه اابطريقتج بعطفج واهتمامج ..وربي جسااار طيب ولو حصل اهتمام منج صدقيني انه بيحبج وراح تقدرين تنسينه منال
ولو وحده مكاني ماضن انه قالت لج عن اخوها هل كلام ولاا ابقصه حبه لكني انا ابيج اتكسبينه وصدقيني اهو الي بيطلب رضاج بعدين
حاولي تكسبينه

نسرين بكل هدوء وهي ابداخلها جزء من الامل:انشاء الله ..تامريني على شي
نور:ادري اني ثقلت عليج..لكن ابيج اتين كل يوم غرفتي عشان اسالف وياج ونفضفض حق بعض

نسرين:انشاء الله
......................

عند جسار واام جسار

ام جسار:ياولدي البنت اامانه في ارقبتج وربك راح يحاسبك عليها

جسار االي كاره الموضوع:يمه الله يهداج انا مو مرتاح وياها ومن الافضل اني اطلقها

ام جسار وهي تبي تقهره:أي طلقها خل ياخذها ولد عمها

جساار الي ماكان يدري انه عندها اعيال عم وبكل تنرفزوبدون شعور:يخسون ياخذونها اهي لي ابروحي

ام جسار الي افرحت من دااخلها لكن مابينت:لاطلقها خل ياخذها ولد عمها ..ماشااء الله جمال ودلال وطيبه وخلااق لو تدور الدنيا ماتلاقي مثلها ..وربي الي يجوفها مايقدر يشيل عينه منها

جسار في قلبه أي الله ياخذها اناا من اجوف اعيونها ماعرف شيصير فيني :هااااا انزين انا تاخرت على شغلي مع السلامه

ام جسار :في حفظ الله

بعد مده
نسرين:السلام عليكم ..عساج مرتاحه ياخالتي

ام جسار بكل فرح و حب:حي الله بنتي

نسرين:الله يحيج

ام جسار الي طرت في بالها فكره:نسرين حبيبتتي قولي حق الخدامه تعطيج عباتي ويبي عباتج انا انططرج في السياره

نسرين :؟؟؟؟؟؟؟

ام جسار:سرعي يمه

نسرين:انــــــــــــــــشاء الله

وراحت نسرين اتيب عباتها وعباات خالتهاا وراحت السياره

ام جسار: كومار ودنا الفيصليه

كوماار:انشاء الله ماما

نسرين الي مثل لطرش في الزفه ماتدري ليش رايحين وفضلت السكوت
.................................................. ................
عند بطلتي العنود

صدمه شلت العنود ومن الخووووووف ماقدرت تنطق بحرف
العنود وهي تبتتعد وبكل خوف:انت اشتبي ليش يتت لي مره ثانيه انا ماسويت لك شي

................:انتتي ماسويتي شي انتي ابسبتج مات ولدي اتعرفين يعني شنو مات ولدي

العنود ودموععها انزلت من محجر اعيونها:انا ماسويتت شي انت اشتبي مني

...................:ابي اذبحج نفس ماذبحتي ولدي

العنود من الخوف اركضت على الدرج وراحت على طول جناح عبدالرحمن وقفلتت االباب وعيونهاا ادور على تلفون

عند عبدالرحمن(اف ياربي شتسوي احين ابروحهاا..ااخاف تحرق روحها ..او اسوي في روحهاا شي ااففففف متى يخلص الدوام)

................:هي راميوو ..بسك لاتفكر في جوليت

عبد الرحمن ابتنرفز:وهذه وكتك انت

محمد:اشرهه على الي ياي ايغير مزاجك ..والله انك ماتستاهل

عبدالرحمن:مادري اشلون بتغير مزاجي؟؟ اقول روح عن ويهي

محمد:هين ..وانه الي كنت اقول بخليه يروح حق جوليت وباشتغل مكانه لكنك ماتستاهل ياالله اروح حق شغلي ابرك لي

عبدالرحمن الي فز من مكانه :لا لا اسموحه يا الغالي ..تكفه سو معروف

محمد :ادري انك اضيع بدوني

عبدالرحمن:اخلص تراني مو ناقص حق هرج

محمد بكل نذاله وبنص عين:الي اعرفه انك انت الي محتاجني مو انا

عبدالرحمن:يانذل خلني اروح حق زوجتي

محمد:ساعتين ماصار لك من داومت وانت خايف عليهاا

عبدالرحمن االي عصب:تره والله باذبحك

محمد الي حس انه زودها خلاص يا االحبيب هد اعصابك:وروووح حق جوليت

عبدالرحمن طالعه ابطرف عينه ومشى عنه

في الطريج

.................:الوووو

.............:عبدالرحمن الـــــــحقني يبي يذبحني

عبدالحمن :حبيبتي هدي وقوليلي اشفيج

العنود:تعالي ابسرعه ياني هذاك الريال يبي يذبحني

عبدالرحمن..كل خوف دقايق وانه عندج

عند العنود

.................:اقولج فتحي لاوالله اذبحج

العنود:..........(بكاء)

..............:فتحي احسن لج

................:اذاا عندك كلام تكلم مع الريايل ..انت شمييبك بيتي

..........:انت اشتبي اانا باذبحها مثل ماذبحت ولدي

عبدالرحمن:والله ان ماطلعت من بيتي لا اتصل على الشرطه وياخذونك..تراني مابي اخرب سمعتك واطلع لا والله اجوف شي ماجفته

...................:االي عندك بنتي واقدر اخذها متى ما ابي

عبدالرحمن:توك مذكر انه عندك بنت وينك عنها كل هلسنين

اابــــــو العنود:مايخصك

عبدالرحمن:اختصر علي اشتبي

ابو العنود:باذبحها نفس ماذبحت ولدي

عبدالرحمن الي تنرفز منه:انت مينون ماتفهم أي ولد لك وانت في ذي العمر انت ماعندك غير هاي البنت من وين لك ولد

ابو العنود وهو يروح يمين ويسار ولسانه ثقيل في النطق من الشرب:اانا ادري انكم اجذبون ععلي عبالكم انا مينون مافهم
لكن اترجعون ولدي يععني اترجعون ولدي

عبد الرحمن الي اعصابه اتلفتت من االي جدامه:والله انماامشيت لا اوديك للشرطه ابنفسي

ابو العنود:بيني وبينك االمحاكم وبنتي باخذها يععني باخذها ..وباراويكم اشلون تذبحون ولدي

العنود مصدومه من الكلام االي سمعته (اهي من يوم كانتت ياهل قالو لها انه ابوج ميت)من وين طلع لها هذي الي يقول اانه ابوها؟؟
وشعرف عبد الرحمن فيه ؟؟ من الصدمه واالخوف ماقدرت اتحرك مجرد ادوع اسيل ععلى خدها ابغزاره بدون نطق

عبد الرحمن:العنود حبيبتي الريال رااح فتحي لي
تكفين ابي ااتطمن عليج

................:لارد

عبد الرحمن:حبيبتي فتحي

زاد خوف عبد الرحمن على العنود وووووووووو

.................................................. ...........
عند بطلتي شيخه

شيخه وهي ترفع راسها:وبكل عصبيه:انت شمييبك اهني ماقلتت لك مابي اجوفك

ماهتم لكلامها وقرب منها وحط بااقه الورد على الطاوله وقرب يبي يبوس خدها لكن فاجئته بصفعه منها:قلت لك لاتقرب لاوالله اصارخ ولم المستشفى عليك

.............بكل هدوء:مقبوله يااحلوه عسل على قلبي

شيخه:تدري اانك نذل ..اشتبي ياي؟؟؟؟

..............:اتحمد حق حبيبتي بل سلامه

شيخه بكل حقد:حبك برص ..اطلع بره

دخلتت مرام وهي مستانسه انه رخصو شيخه ..ومجرد ماجافته تلاشت ابتسامتتها

:جد ااوادم ماعندهم كرامه ..لك عين بد الي سويته اتيي اهني

.................:محد كلمج ..ولا طلب رايج انا اهني ياي اصلح غلطتي ..لاني كنت غلطان يوم فضلت بنت عمي عليج واليوم انا ياي وابي انرد حق بعض

شيخه:اضحكت لين سالت ادموعها على ععينها:هههه ههههههههههه انت عبالك بنات الناس لعبه عندك..اتخلص من وحده اتي حق غيرها
وتكلمت من ورى قلبها:لاضن اني كنت احبك انا كنت اتسلى يعني حالك من حالي..وربي لو اجوفك مره ثاانيه في طريجي لاتشوف شي ماجفته وانت اتعرف اني ماقول كلام عبث ..

..............:يعني انتي كنتي تعديني تسليه
شيخه من ورى قلبهاا:اكيد تسليه وبكل غرور:عيل انا شيخه ال( )تبيني انزل روحي لك

.............:وربي لاخليج اتندمين صبري علي بس ان ماخليتج اتحبين ريلي وترجيني ماكون ثامر

ومجرد ماطلع ثامر تلاشتت كل الاقنعه من وي شيخه وراحت اتصيح في حضن مرام..موقادره تستوعب انه الشخص الي فتتحت له قلبها خانها وكان يعدها تسليه ويبيها شي من ممتلكاته
.................................................. ...................
عند بطلتي نسرين

نسرين وهي منحرجه:خالتي هذي اللبس حده فااصخ ويفضح اكثر منمايستر
ام جسار:اف يابنتي الي يجوفج يقول بتلبسينه لي ماجنج بتتلبسينه حق زوجك

نسرين:خالتي مستحيل البسه

ام جساار وهي تبي ااتخرعها وتكحلها:تبينه يتتزوج عليج ..المره لازم تتكشخ حق زوجها وااحين بنروح االصالون الليله ليلتج اانتي وجساار

تعالووووووووو دورووو نسرين من لحراج اطلعت من المحل
واام جسار حاسبت ولحقتها وراحواااا الصالون(المزينه للمكياج)

ام جسار :يالله ابسرعه يابنتي قبل مايي جساار من االشغل
لبسي هل فستان الاحمر
نسرين:اشهقت وهي اطالع الفستان خالتي هاي متى خذتيه انا ماجفته

ام جسار :يوم طلعتي شريتته ويالله لاتعطليني بسرعه روحي لبسي الفستان

نسرين:الله يهداج هاي الفستان عاري وماقدر البسه

ام جسار الي ودها اتصفق روحها من القهر وبعصبيه مصطنعه:يالله نسرين

نسرين:انشاءءء الله خااااالتي

ام جسار:بعد قالت خالتتي باذبحها هل بنت

نسرين وهي تدخل غرفه التبديل :انشاء الله يمه

بعد فتره
ام جسار:ياويل حالي ععليك ياولدي ..ماشاء الله انتي بدون مكياج قمر ..اشبسوين في ولدي هل مره

نسرين ااخدودها الوان قزقزح من لحراج ومن الفستان العاري الي لابسته
ام جسار يالله يابنتي ابسرعه لانتاخر

.................................................. ..........

عند بطلنا جسار
الساعه 10 الليل

دخل بطلنا وهو تعبان من شغل الشركه الي خذ كل وكته
وصادف في طرقه امه

ام جسار:جسار يمه ماتبي عشا

جساار:لايمه ابي السرير بس ابي انام

اام جسار في قلبها وانه اشهد انها احلى نومه
قاطعها صوت جسار عن ااذنج يمه

.................................................. .....................

ام محمد :يالله ياولدي عطني كلمه خل ارد على الناس
محمد:يمه انا....................؟؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!

توقعاااااااااتكم
شنو راح يصير بين نسرين وجسار
العنود وعبد الرحمن
؟؟؟؟؟؟؟؟؟
خالد وشيخه

مرام وعبدالله

ابو االعنود؟؟

ثامر ؟؟

نور

محمد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 13-10-2010, 03:53 PM
سموة المعالي سموة المعالي غير متصل
©؛°¨غرامي متألق ¨°؛©
 
الافتراضي رد: حنيتك راحت لوين وشفيك ماتشتاق لي / بقلمي


يعطيج الف عافيه يالغلاء
البارتات مووره حلو

اممممممممممممم
توقعاااااااااتي
شنو راح يصير بين نسرين وجسار
امممم اتوقع انو راحي يخق ويستسلم لـ نسرين

العنود وعبد الرحمن
؟؟؟؟؟؟؟؟؟
العنود بعد ماعرفت انو ابوها عايش وناوي ينتقم منها ع ايش مدري واكيد راح تتعلق بـ عبد الرحمن وايد ولا تقدر تفج عنو ^_^


خالد وشيخه
امممممم شيخه بعد ماعرفت انو ثامر كان يتسلئ فيها راح تحقد عليه وراح تحب خالد هووووووووع

مرام وعبدالله
^_^ لا تعليق

ابو االعنود؟؟
رح يندم بالاخير لانه تخلا عن بنته وراح يحاول يطلب منها السماح

ثامر ؟؟
اممممم راح ينتقم من شيخه بس تفشل


نور
راح تتقبل الحيات بعد مايئست منها وراح تسوي العمليه لعيونها وتنجح

محمد

امممم محمد وما ادراك ما محمد اممم راح يزوج نور


ادري توقعاتي فاشله بس سلكي هههههه
يسلمو يالغلاء وبتظارك بكل شوق

تقبلي مني جزيل الشكر ...~
كانت هنا
(( سموة المع ـــالي ))

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 13-10-2010, 04:23 PM
صورة ملتفت صوبك لوعينك تهل دم الرمزية
ملتفت صوبك لوعينك تهل دم ملتفت صوبك لوعينك تهل دم غير متصل
━╃ je suis❤ desole ╄━
 
رد: حنيتك راحت لوين وشفيك ماتشتاق لي / بقلمي


اقتباس:
المشاركة الأساسية كتبها سموة المعالي مشاهدة المشاركة
يعطيج الف عافيه يالغلاء
البارتات مووره حلو

اممممممممممممم
توقعاااااااااتي
شنو راح يصير بين نسرين وجسار
امممم اتوقع انو راحي يخق ويستسلم لـ نسرين

العنود وعبد الرحمن
؟؟؟؟؟؟؟؟؟
العنود بعد ماعرفت انو ابوها عايش وناوي ينتقم منها ع ايش مدري واكيد راح تتعلق بـ عبد الرحمن وايد ولا تقدر تفج عنو ^_^


خالد وشيخه
امممممم شيخه بعد ماعرفت انو ثامر كان يتسلئ فيها راح تحقد عليه وراح تحب خالد هووووووووع

مرام وعبدالله
^_^ لا تعليق

ابو االعنود؟؟
رح يندم بالاخير لانه تخلا عن بنته وراح يحاول يطلب منها السماح

ثامر ؟؟
اممممم راح ينتقم من شيخه بس تفشل


نور
راح تتقبل الحيات بعد مايئست منها وراح تسوي العمليه لعيونها وتنجح

محمد

امممم محمد وما ادراك ما محمد اممم راح يزوج نور


ادري توقعاتي فاشله بس سلكي هههههه
يسلمو يالغلاء وبتظارك بكل شوق

تقبلي مني جزيل الشكر ...~
كانت هنا
(( سموة المع ـــالي ))
تسلمين حبي على تفاعلج ..واتمنى توقعاتج اتكووووووون في محلها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 13-10-2010, 06:06 PM
رَبَآه رَبَآه غير متصل
©؛°¨غرامي جديد¨°؛©
 
الافتراضي رد: حنيتك راحت لوين وشفيك ماتشتاق لي / بقلمي


واو
انتي مبدعه
نحتريج حبيبتي لاتتاخرين

الرد باقتباس
إضافة رد
الإشارات المرجعية

حنيتك راحت لوين وشفيك ما تشتاق لي / بقلمي ، كاملة

الوسوم
البارت الاخير صــ289 , البارت الاول ص2و3 , البارت الثالث ص5 , البارت الثامن ص10 , البارت التاسع 12 , البارت الثاني ص4 , البارت الثاني عشر ص20 , البارت الخامس ص7 , البارت الرابع ص6 , البارت السادس و السابع ص9 , البارت العاشر ص15 و16 البارت الحادي عشر ص16 , الروايه خقققققققققققققققققققه بالذآآت مع محمد وجوآآآهر لآتطولي علينا تحياتي سـآرونه , بقلمي , يلبـــــــــــــــــــــــى ـــــــــــآ قلــــــــــوبهم , جمعيييييع آلبآرتآت صْ134.. , يا لبى جساار و نسريين وهـ احبكووم (( وما انسى نوور وان شاء الله تسوي العمله ومنصوور يتزوجها )) , حنيتك راحت لوين وشفيك ماتشتاق لي , رواااااااايه تخخخخخقققققققققققق , رواية تحفه رووعه خوقاااق
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
غراميات مجنونة / بقلمي ، كاملة اميره الروح 18 روايات كامله - يتم نقل الرواية هنا بعد اكتمالها 789 01-07-2017 12:38 PM
روايتي الأولى : خايف ياقلبي خايف / كاملة ماعدت اقوى على الجروح.. روايات كامله - يتم نقل الرواية هنا بعد اكتمالها 882 25-11-2016 12:33 PM
خطاي إني وفيت و ما عرفت ألعب على الحبلين / بقلمي ، كاملة •غٌـمـوضٌ ـآٍْاْلٍْــورد• روايات كامله - يتم نقل الرواية هنا بعد اكتمالها 1305 13-10-2016 06:32 AM
رواية حبيبي مغرور و أعشقه لحد الجنون / بقلمي ، كاملة لفانتا روايات كامله - يتم نقل الرواية هنا بعد اكتمالها 190 17-08-2014 04:39 AM

الساعة الآن +3: 11:01 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1