كااافي لاقاالواا كوويتيه ©؛°¨غرامي فعال ¨°؛©

السلااااااااااااااام عليييييييييييكم




أنا نقلت ثلاث رواايات


:


* رواية رعب كويتيه (( قرين فجر ))

** رواية البنت الهااااربه

*** ياادنياا إرحميني

للكااتبه (( ReRez ))


والحييييييييييييين :::



الراااابعه ::: ~ تحديناآ بمحبتناآ شطاآرتكمـ ~ للكااااااااتبه (( toot
))




أحداث الرواية حقيقة 100% بس طبعا مع اضافة شوية من الخيال .. وتغير بعض الاسامي كنوع من التحفظ

البارت الاول
.........


دانه كانت نايمه قامت على صوت موبايلها يرن ....
دانه: (بصوت تعبان ) :الو
دلال : الووو دانو قومي بسج نوم
دانه : دلوول تكفين خليني اكمل نومتي والله تعبانه امس مونايمه عدل
دلال: هاااا شعندج مونايمه عدل ! اعترفي اعترفي
دانه : لووول ..والله كنت سهرانه على البحث لازم اخلصه واقدمه الاحد
دلال: اوكي انزين قومي يلا بسج نوم .. اليوم اليمعه حللي الويكند
دانه : لوووول انزين بقوم والله بقوم بسج حنه
دلال : دانو شرايج تين بيتنا ؟
دانه : امممم اوكي خلاص .. الحين الساعه جم ؟
دلال : الحين الساعه 1
دانه : اوكي خلاص عيل اقوم اسبح وابدل واتغدا على السريع وايلج .. اوكي؟
دلال : لالا لاتتغدين تعالي نتغدا مع بعض
دانه : اوكيك عيل .. يلا باي
دلال: لاتتأخرين .. بايات

--------------

قامت دانه غسلت وراحت حق امها عشان تستأذن منها قبل لا تروح عند رفيجتها دلال
دانه: يما يما ..
(حنان) ام دانه : هااا يما شفيج ؟
دانه : يما بروح بيت دلول
(حنان) ام دانه : اوكي ديري بالج ولاتتأخرين
دانه : انشالله ..

---------------

خل نتعرف شوي على دانه .. دانه اخر العنقود وكانت مدلله وايد من ناحية امها وابوها بس اكثر شي من ناحية ابوها لان امها شوي شديدة وعصبية , عندها3 اخوان , نوره عمرها29 ومتزوجه من طلال عندها 2 بنت وولد , احمد 26 , عبدالرحمن 24 , وبالاخير دانه عمرها 18 خل نتعرف على شكلها دانه حنطاويه جسمها متناسق شعرها لي جتفها كستنائي عيونها شوي وسيعه شفايفها صغار ملامحها حيل نعومه ...


---------------

دانه توها كانت طالعه من الغرفه ولا ادق عليها دلال ..
دلال : الو دانو ماصارت .. يلا وينج حدي يوعانه
دانه : وااي دلوول والله توني توني طالعه من الغرفه يلا كاني الحين بنزل وبس مسافه الطريج واكون عندج
دلال: اوكي ديري بالج ولاطولين ..
دانه : اوكييك يلا مع السلامه
دلال: مع السلامه


---------------

نروح عند دلال ونتعرف عليها شويه ..... دلال ودانه يعرفون بعض من ايام الثنويه واهم اكثر من خوات كل اسرارهم عند بعض .. دلال بيضه قصيره شويه شعرها اسود لي نص ظهرها ملامحها حيييل نعومه الي يشوفها يعطيها اصغر من عمرها
وراح نتعرف عليها اكثر مع الاحداث ...
دلال : عبود خلص عطني تلفوني بطلب بسرعه
عبدالله: اذا بتطلبيلي اعطيج ياه
دلال: يالمليق شتبي ماعندي فلوس بس بطلب حقي وحق رفيجتي
عبدالله : ياسلام حق رفيجتج عندج وحق اخوج ماعندج ها ؟
دلال: والله لو عندي جان طلبتلك .. يلا عبيد البنت يايه بالطريج عطني خل اطلب قبل لاتوصل لاتفشلني
عبدالله: امممممم يلا يلا مسامحج هالمره
دلال : لووووول (وجان تاخذ منه الفون) وتقوله :موبكيفك غصبن عليك تسامحني ونحاشت
عبدالله : قعد يضحك على اخته

-------------

بعد فتره وصلت دانه عند دلال ...
دخلت سلمت على ام دلال وصعدت تبي تروح عند دلال بغرفتها ..
واهي صاعده ولا تشوف عبدالله توه طالع من غرفته يبي يروح الحمام ( عزكم الله) كان لابس شورت من غير بلوزه وماسك فوطته طاحت عينه بعينها وقعد يطالعها عبدالله مده .. دانه استحت ونزلت راسها ودشت غرفة دلال بسرعه .. عبدالله انحرج وبنفس الوقت مايدري شلي خلاه جذي يطالعها !!
دلال ( اخترعت) : وااااي يمه خرعتيني شفيج اكو احد جذي يدش من غير احم ولا دستور!!!!!
دانه : واااي دلوول مووقتج امبي موووصج شفت اخوج عبدالله طالع من غرفته بس بشورت بدون بلوزه!
دلال: لوول ماتعرفين عبدالله كل جذي
دانه : امبي لابس فشله ماهقيته بيطلع جذي انا تنحت واهو تنح بعد ماتوقع انه احد بيصعد فوق
دلال: لوووووول عادي عادي جنه ماصار شي
دانه : امبي موصج .. وقعدو البنات يتغدون ويسولفون ويضحكون ...

----------------

بهالحظه عبدالله تذكر شكل رفيجة اخته دلال ..
عبدالله : ( بينه وبين نفسه ) هههه يحليلها استحت شكلها كان يونس شلون انحرجت .. بس مزيونه
خل نتعرف على عبدالله عبدالله عمره 24 مهندس طيران ابيض طويل ضعيف بس مواايد,, شوي معضل مخفف شعره عيونه عسلية فاتحه شفايفه صغار ومسوي ديرتي .. كانت ملامحه تجذب .. عبدالله كان شايل هموم ومسؤولية البيت على راسه ومومقصر مع خوانه بأي شي بسبب انه ابوه واخوه متوفين بحادث .. فه ماكان مقصر مع خوانه وامه بأي شي كان يحاول قد مايقدر انه يعوض عدم وجود ابوهم وياهم .. عايلتهم مكونه من .. رنا 29 متزوجه خالد وعندها عيال .. ريم 25 متزوجه فهد .. بعدها عبدالله 24 .. دلال 18 .. واخر شي اخوانه لصغار التوم فاطمه وعبدالرحمن 11 .. عبدالله كان يدرس بامريكا هندسه وبالفتره الي كان يدرس فيها حب بنت وياه كانت بالجامعه كانت اجنبيه عاش وياها احلى ايام بحياته كانت بالنسبه له كل شي وقف وياها وساعدها وماخلاها تستسلم بسهوله لكنها بالنهايه توفت بسبة المرض الخبيث الله يكافينا ويكافيكم شره انهار وكره كل شي من بعدها ماكان يفكر بالحب من بعدها لان كانت كل شي بالنسبه له ومو اي وحده راح تقدر تعوضه عنها ..

---------------

عقب ما خذا شاور عبدالله بدل وكشخ وطلع ..
نزل بالصاله وكانو قاعدين امه ودلال مع دانه وفطومه قاعده اطالع التلفزيون ..
عبدالله : السلاام
كلهم : وعليكم السلام .. ( عبدالله شاف دانه وابتسم)
دانه طالعته وانحرجت تذكرت الموقف الي صار ونزلت راسها قامت تلعب بموبايلها
ام عبدالله : ها يمه وين رايح؟
عبدالله : والله الديوانيه .. الربع متيمين بروح اشوفهم مادري عنهم من زمان
ام عبدالله : انزين يما دير بالك بالطريج
عبدالله: انشالله .. يلا تامروني على شي ؟
ام عبدالله : سلامتك
عبدالله : الله يسلمج .. مع السلامه .. وطلع من البيت ...

-----------------

عبدالله عند سيارته ( بي ام كوبيه سوده )
مريم : (بدلع ) قوووه عبدالله شلونك؟
عبدالله: هلا والله الله يقويج .. تمام انتي شلونج؟
مريم : بخير دامك بخير .. من زمان عنك ماتبين ؟
عبدالله: دوم يارب .. بعد تدرين الدوام وتعب ماكو وقت كلش
مريم : الله يعطيك العافيه ..
(مريم كان ودها بعد تسولف مع عبدالله بس عبدالله قاطعها ..)
عبدالله : يلا اخليج الحين خلينا نشوفج عاد
مريم : (استحت) انشالله
عبدالله : مع السلامه .. وركب سيارته
مريم : مع السلامه .. (بقلبها ) حافظك الله ...

-------------------

مريم بنت خالة عبدالله عمرها 21 توها متخرجه من كلية الحقوق بيضه متروسه شوي شعرها قصير صابغته ثلجي عيونها وساع وشفايفها شوي متروسه كانت مملوحه بس ستايلها جريئ .. من يوم كانو صغار كانو الاهل يقولون انه عبدالله حق مريم ومريم حق عبدالله ومن يومها مريم تعلقت بعبدالله وحبته وماكانت ترضا عليه وكانت تغار عليه حيييل بدرجه موطبيعيه لدرجة انه الكل ملاحظ هالشي ..و حيل صريحة يعني اكثر من مره صارحت عبدالله بحبها له .. وادز له مسجات واشعار وهدايا وورد .. طبعا محد يدري انه مريم تحب عبدالله غير عبدالله وخواته بس لان مريم كانت حيييل كلوز مع خواته .. عبدالله ماكان يبادلها الشعور كان عادها بحسبة وحده من خواته لا اكثر ولا اقل.. وانه الكلام الي كانو اهلهم يقولونه انه مريم لعبدالله وعبدالله لمريم مجرد كلام ولايودي ولا ايب وكل شي قسمة ونصيب.. واكثر من مره عبدالله صارحها بمشاعره اتجاها انه معزتها من معزة خواته مو اكثر من جذي .. بس اهي مو راضية تقتنع بهالفكره ..

-------------------

دشت مريم عليهم ...وسلمت على خالتها ام عبدالله وعلى البنات وقعدت مع البنات بالصالة الثانيه يسولفون
كان بيتهم عباره عن صالتين كبار البنات ( دلال ودانه قاعدين بالصالة الثانيه يسولفون على راحتهم)
وام عبدالله مع فطوم يشوفون التلفزيون ..
مريم : شلونج دانه ؟ وشلون الدراسه وياج؟
دانه : تمام الحمدالله انتي شمسويه؟
مريم : بخير دامج بخير .. ( التفتت مريم على دلال : دلوول توني شفت عبيد امبي يما صاير اينن )
دلال (بغرور ): اي حبيبتي اكيد بيصير حلو دام انا اخته
دانه : تكفون لاتيبون طاري عبدالله !!
مريم : لييش !!!
دلال: لوووول انا اقولج اليوم اول ماصعددت ولاتشوف عبدالله طالع من غرفته بس بشورت بدون بلوزه اهي شافته وتنحت انحرجت ويها صار اشارة مرور حتى دشت الدار علي خرعتني ..
مريم : واخوج شكو يطلع بشورت !!
دلال: وااي شتبين بعد قاعد بالبيت!
مريم : دلول قوليله لايطلع من غرفته بشورت الصراحه اغاار
دانه : ( طلعت علامة استفهام فوق راسها !!) بقلبها: شكو تغار شنو اهي تحبه ؟ بس دلوول ولا مره قالتلي شي !)
دلال : لوووووووووووول (تصفق)عاشت الي تغار
مريم : اي اكلمج من صجي لاتضحكين قوليله
دلال : لوووووول انزين
دانه : (اطالعهم ومو فاهمه شي بس تبتسم)
رن موبايل دانه كانت امها الي متصله
ام دانه (حنان) : الو
دانه: الو هلا يمه
ام دانه ( حنان ) : دوين متى بتردين البيت يلا لي متى قاعده عند الناس شوفي الساعه جم!
دانه : اوكي خلاص يما يلا كاه شوي واطلع
ام دانه ( حنان ) : ديري بالج بالطريج
دانه : انشالله .. يلا يما باي
ام دانه ( حنان): باي
دانه : يلا انا الحين ااستأذن لازم ارد البيت
دلال : لاااا دانو قعدي شوي عفيه
دانه : دلوول شفتي توه امي دقت تقول ردي البيت يلا .. خلاص مره ثانيه ايلج ماشبعتي مني؟ كل يوم اشوفج بالكليه وبين فتره وفتره ايلج وانتي اتيلي البيت
دلال: ( لمت دانه وباستها) وانا اقدر استغنى عنج ؟
دانه : لوول فديتج يلا عيل انشوفج مريم مع السلامه
مريم: مع السلامه
دلال راحت توصل دانه لي السياره
دانه : ( دانه كان عندها فضول تعرف) دلول شسفاله؟ شفيها مريم شنو تغار ولايلبس جذي بالبيت انا مافهمت شسالفه ! شنو اهي تحب عبود؟
دلال: لوووول اي تحبه
دانه : اها .. اوكي عيل يلا بااااي
دلال: بايات

--------------

وصلت دانه البيت واول مادشت لقت امها وابوها قاعدين بالصاله ..
دانه : السلام
امها وابوها : وعليكم السلام
ابو دانه : هلا هلا ببنيتي وينج اليوم ماشفتج على الغدا ؟
دانه : (راحت قعدت يم ابوها ) اي يبا اليوم اول ماقعدت من النوم دقت علي دلال رفيجتي وقالتلي تعالي بيتنا وستأذنت من امي ورحت لها
ابو دانه : وعسى استانستي يبا ؟
دانه : اي يبا ستانست
وقعدت دانه تسولف شوي مع امها وابوها .....
دانه يلا عيل اخليكم انا الحين بروح انام تصبحون على خير ..
ابو دانه : وين وين يبا تو الناس ماتبين عشا؟
دانه : لا يبا بالعافيه والله حدي دايخه بروح ارتاح
ابو دانه : نوم العوافي يبا
دانه : الله يعافيك يبا .. وصعدت غرفتها بدلت وغسلت وطفت اليتات وانسدحت تذكرت عبدالله اضحكت على الموقف وبنفس الوقت عجبها كان حييل جذاب ومملوح وجسمه حلو .. على العلاقه الي كانت تجمع بين دانه ودلال الا انا دانه ماكانت وايد تشوف عبدالله ناادر ماكنت تصادفه بس هالمره غير طاحت عينه بعينها واثنيناتهم سرحو بعض وشافته عن قرب غير عن كل مره ركزت بملامحه وشكله واهو همن نفس الشي .. وتذكرت شلون اول مانزل شافها وابتسم لها .. بس الي يه بالها كلام دلال انه مريم تحب عبدالله .. شالت هالفكره من راسها وحطت راسها ونامت ..

غٌـصون ـآٍْاْلٍْــورد ©؛°¨غرامي جديد¨°؛©



احيــــــــــم انا الاولـــــــــي ...

يعطـــيج العافيه خيـــتوو ..

بدايهـ موفقه ..

دندونـ : تجنن و يمكن هالموقف اللي صار لها يحببها بعبدالله ..

دلول : وناسهـ و فلهـ الصراحه ماعليها كلام ام الـ لـــووول ..

عبدالله : يمكن الموقف يخليه نسى حبه الجديم و يحب من يديد ..

مريم : غمضتني انه عبدالله مسوي لها طاف بس من حقه هي دلوعهـ..

نتريـا البارت الياي ..

فديت اللي في بـآأإلي ©؛°¨غرامي جديد¨°؛©

الروآيــة شكلهـآأإ فنتكـ .،

نتريـــــــــــآأإج قلبو ^^ .،,

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بسم الله
و عليكم السلام و رحمة الله



يعطيك العـــافية
موفقة إن شــاء الله بـ نقلك

http://forums.graaam.com/238622.html





,’

ful moon ©؛°¨غرامي نشيط¨°؛©

والله شكلها حلوه

اعجبتني البدايه

كملي يالغلا وابشري بي الردود << خخخخخخخخخ


نتظرررررك

مذهلتهم ©؛°¨غرامي مشارك¨°؛©

واااااااااااااااو
عجبتني الروايه من بدايتها شكلها روعه وخياااااال
تسلمين لنا يالغلا
ننتظر الباريت الجديد

أنوار. ©؛°¨غرامي مجتهد¨°؛©

يسلمو على الروايه مررع خطيره
بدليه موفقه ان شاء الله
وتقبلي مروي
تحياتي

fofo_san ©؛°¨غرامي جديد¨°؛©

هااااااااااااااااااااااااااي ... *.^

الروااااااااااااااااية رااااااااااااااااااااائعة ....

البارت الاول جناااااااااااااان ....

و نستنى البقية ....

لا تطولين .... اوك .. *.^

كااافي لاقاالواا كوويتيه ©؛°¨غرامي فعال ¨°؛©

المشاركة الأساسية كتبها غٌـصون ـآٍْاْلٍْــورد اقتباس :


احيــــــــــم انا الاولـــــــــي ...

يعطـــيج العافيه خيـــتوو ..

بدايهـ موفقه ..

دندونـ : تجنن و يمكن هالموقف اللي صار لها يحببها بعبدالله ..

دلول : وناسهـ و فلهـ الصراحه ماعليها كلام ام الـ لـــووول ..

عبدالله : يمكن الموقف يخليه نسى حبه الجديم و يحب من يديد ..

مريم : غمضتني انه عبدالله مسوي لها طاف بس من حقه هي دلوعهـ..

نتريـا البارت الياي ..


الله يعااافيج ..



كووني بالقرررررب *_*

كااافي لاقاالواا كوويتيه ©؛°¨غرامي فعال ¨°؛©

المشاركة الأساسية كتبها فديت اللي في بـآأإلي اقتباس :
الروآيــة شكلهـآأإ فنتكـ .،

نتريـــــــــــآأإج قلبو ^^ .،,



شكراا لج


كوووني بالقررررب *_*

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1