غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-10-2010, 04:05 AM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
B10 جرح الكلام طعونه تبقى على مر السنين .. حبيبي علمت قلبي ع حبك علمه ع النسيان / بقلمي ، كاملة




السلام عليكم ورحمة الله وبركاته

جيتكم اليوم بروايتي الجديده وهي مو اول روايه لي ....مممم تعتبر الثالثه بالنسبه لي

وحبيت ابين بالروايه شئ تعلمته من هالدنيا وحابه انك تستفيدون منه مثلي وماراح اطول عليكم مع احداث

الوايه راح تعرفون وش اقصد ..... واتمنى تنال اعجابكم ولاتحرموني من ردودكم الاكثر من رائعه والي تعودنا


عليه من اعضاء المنتدى الاكثر من رائع


اخليكم مع الجزء الاول من الروايه:...............


الجزء الاول


اففف وش هالغثا ياربي حر وغبار وكشتي ماتاهل للدوام بعد "حطيت

المشط على التسريح هوانا احاول اظبط شعري بالجل "

وسن: وسام للحين ماخلصتي تاخرنا على الدوام
وسام"وانا الف عليها وعاقده حواجبي": وانتي ووجهك شايفه شعري
خلصت منه ولا شايفتني لبست عشان تسالين سؤالك الغبي هذا...
وسن"مفرصعه عيونها":ول ول مايسوى على سؤال سالتك اياها يمه
كلتيني بقشوري يهب عليك صدق راكان انك ولد مو بنت
وسام "قهرتني خير ان شاءالله هي وراكانو هذا يعني عشان اتصرف
بحريتي من غير قيود ولا اهتم براي حد صرت ولد ":اقول
مالت عليك وعليه اخر همي رايه "وقمت للدولاب ":وخري خليني
ادور شئ البسه لليوم النحس هذا افففف..

(وسام بنت بثاني جامعه تخصص ادارة اعمال حلوة ونعومه حيل بشرتها
بين اللونين حنطي وابيض ومايل للصفار شعهرها قصير لحد اذونها ومصبوغ بلون بني غامق ومخصل بعسلي وطالع عليها جنان ماتهتم
بشكلها ومايهما راي أي احد اهم شئ تكون مرتاحه ومتقبله اختيارها
عربجيه وخبله واهم شئ تنبسط )
وسن: عجلي لاتجينا تهزيئه من حضرة الوالد بسبتك
وسام: طيب طيب حتى شعري ماراح اكمل تظبيطه ببله بمويه بس
(وسن تؤام وسام عكسها تماما حلوة تشبها بس وسام احلى منها وانعم
ملامح عنها تختلف كليا بالشكل والاسلوب عن وسام هي تهتم براي
الناس ولاتسوي شئ يجيب لها الكلام تهتم بالموضه وبشكلها كثير
ودلعوه شوي وهذا الي يرفع ظغط اختها شعرها مصبوغ بلون احمر
خمري وطويل لحد نص ظهرها بشرتها ابيض من اختها )
وسام "اخذت شنطتي وعبايتي والقيت نظره اخيره على شكلي عجبني "
:يلا مشينا
وسن :واخيرااااا..

ابو فيصل "على طاوله الاكل :يعني كل يوم هالتاخير مدري متى تصحون
بدري وتداومون مثل خلق الله
وسام "وهي تاخذ الكوفي ":يبه وش نسوي ماصدقن نرتاح من المدرسه
وتقييدها بالنوم بدري والخ الخ.. تجي علينا وحنا بالجامعه
ام فيصل"وهي تعطيني سندويشه": خذي كلي اصرف لك من هالي
طايحه لنا فيه شوفي وجهك وشلون صاير اصفر من قل التغذيه
وسن"وهي تفطر "(وسن تهتم بصحتها وبنفس الوقت بجسمها): يمه
بتعبيني نفسك معها هذي مطيورة يوم ياخذ تفكيرها شئ تنسى الدنيا
كلها وعادي مااستغرب اذا مر عليها اسبوع مايطب بطنها شئ
وسام "عطيتها كفخه على كتفها":جب جب انتي بس مسويه فيها
يلا لاتاخرينا على الدوام وانتي تعبين بالكرش حقك يلا..
وسن :الله يالدنيا الحين انا الي مسببه التاخير
وسام:بلا كلام زايد وقومي لابالكتاب على راسك
ابو فيصل:وساام يابنت اهجدي متى بتعقلين منتي بزر على التصرفات
هذي انتي كبرتي الحين والي كبرك عندهم صفة عيال وانتي للحين ما
تغيرتي
وسام "افف ياربي متى يتركوني بحالي هذا انا وماراح اتغير":يصير
خير يبه "ولفيت على وسن"يلا مشينا
وسن :يلا امي الا وين فيصل
ام فيصل:طلع بدري عنده اجتماع
وسام:وانا اقول وش ناقص اليوم ماجتني تهزيئه من اخونا الفاضل
وسن:هههههههههههههه أي صح انتي ماتقدرين تبدين يومك الا
بتهزيئه من الكل
وسام"وانا مبتسمه ابتسامه كرست ":طبعا طبعا يااختي العزيزة لابد من
ذالك لابدء يومي بكل اريحه
وسن :ههههههههههههههه الله يرجك بس
وسام "وانا شايله شنطيتي":سرينا يااخت العرب

ام فيصل "تعطي ابو فيصل قهوته": الله يحفظهم يارب
ابو فيصل:امين ويعقل ويركز بنتك هالمهبوله
ام فيصل :هههههههههههه هذي ماضنيت الله يهداها مصرقعه
ابو فيصل :ومرجوجه بعد الله يستر يوم تتزوج مايقطها لنا زوجها
من اول يوم يقول خذو بنتكم ماابيها
ام فيصل: ههههههههههه فال الله ولا فالك هو يطول ياخذها اصلا
بنتي وش ناقصها الزين كله فيها
ابو فيصل: وانا اشهد دام انك امها بس الزين والحلا مو كل شئ
ياام فيصل حلاة البنت راكدة وثقل مثل وسن الله يحفظها مو
مرجوجه ومصرقعه تحسينها هي واخواها نواف واحد على رجتها
ام فيصل: بكرا تعقل ويوم تعرس تصير كلها ثقل هههههههه
ابو فيصل: الله يبلغنا هاليوم
ام فيصل: اللهم امين

بالجامعه وسام ووسن وصلو وتجمعوا مع ربعهم طبعا كل وحده مع قروبها
وسن قروبها مثلها واهتماماتهم مثلها وهذا اليم حببها فيهم
اما وسام قروب عربجيات ومراجيج صحيح يحبون يتصرفون بحريتهم
بس بحدود يعني الي يشوفهم بيحكم انهم بويات على عربجيتهم بس هم
اكثر ناس يحتقرون هالنوعيه من الناس وكل مافي الموضوع انهم يحبون
يكونون على طبيعتهم .......
سارة: سوسو
وسام :عنونها
سارة :وش في شعرك اليوم حالته حاله لايكون قطو متهاوش فيه
البنات:هههههههههههههه الله يقطع شكلك ياسوير
وسام"سويت حالي معصبه":ها ها مسوي ظريفه انتي ووجهك الحين الي
يبي له فقع شسوي بعد صحيت متاخره ومع جونا العذاب ماصار عندي و
قت اصلحه
الهنوف: ماعليك منها شكله حلو بس هي تبي ترفع ضغطك
وسام:هههههههههه ماهمتني وربي بس عادي تمون وحبيت ابرر لها"
لفيت عليها وبرفعه حاجب":وبعدين ياشاطرة لاتعودينها اووك
سارة:ههههههههه لا خفت ياشيخه طيري بس

احلام"وهي ماتحب احد يناديها بالاسم هذا وصارو ينادونها بحلا:وسن
وسن :هلا
احلام:اختك مرجوجه على تصرفاتها هذي مراا سوباج
وسن: هههههه لايطيح حلقك وانتي تقولين كذا بالعكس يافديت
اختي ورجتها وهي حره بتصرفاتها
رنا:حلا انتي ووجهك ماعندك موضوع الا وسام ماعليك منها
هند: اقول وسن سويتي البحث الي طلبته الدكتورة
وسن :افف ياشيخه سكتي طلع عيوني بديت فيه والله يعيني واقدر اخلصه
هند:والله صعب انا وش ضربني على راسي وخلاني اتخصص بالقسم ذا
وسن :ههههههههههههه شئ خلص وانتهى وتخصصتي يلا لانتاخر على
المحاضرة
البنات :يلا ............



نواف: يمه يلا تاخرت على ربعي خلصي انتي وبناتك
ام فيصل"بعبايتها" : ماتشوفني بوجهك خالصه ماباقي الا خواتك
نواف: الي رافع ضغطي ام كشه هذي وسيم هي الي تتاخر وعلى
ايش .. يعني لو انها تتمكيج تلبس مثل بنات خلق الله ممكن اعذرها
بس ماعندها ماعند جدتي حتى جدتي احسن منها يتهئ لي بالكشخه
ام فيصل: هههههههههه الله يقطع بليسك
نواف : والله اني صادق يمه
فيصل" يجلس جنب امه": اكيد وسيم
نواف: في غيرها والله احسها غضب من ربي علينا يااخوي راجع نفسك
شف وش سويت بدنيتك عشان ربي يسلطها علينا
فيصل: هههههههههههههههههههههه تعبت وانا اراجع يااخوك مالقيت
سبب لهل البلوى
ام فيصل" تضربهم على كتوفهم": اها يلا انت وياها استحو على وجيهكم
هذي اختكم
فيصل: والله يمه هي اختنا على العين والراس بس مايصير كذا عقليها
نواف : أي والله
ام فيصل: ليه وش مسويه على الاحتجاج هذا
نواف" يتربع على الارض ويقابل امه": قولي وش مو مسويه
ام فيصل: الله يستر من هالجلسه هات هات يولدي
نواف:يمه لانظارات لا تيشرتات لا فلوس ولا شئ بغرفتنا مايصير مفقود
الا ونلاقيه عند هالبنت والمشكله عيني عينك تجي تقول ترا هذي صارت
ملكيتي من اليوم ورايح
ام فيصل: ههههههههههههههههههههه
فيصل: الله رحمنا جينزاتنا ماتقدر تلبسهم مو مقاسها ياشيخ
نواف: شوف بس هذا اقول لك حتى هم انقضت عليهم هذاك اليوم
لاقيها لابسه الجينز حقى وصاير خيمها عليها ولا الشيخه مسويه فيه
شخابيط ومنتفته واقولها وش هالذوق الي عليك وش شاريه انتي
تقولي بقوة عين والله هذا ذوقك الخايس يعني لولا لمساتي كان صار
مصيره الزباله من رداه
ام فيصل وفيصل:هههههههههههههههههههههه
وسام"وانا نازله بالدرج واسمعهم ":ياربيي ياررربي يعني مايمر يوم
الا وتتشكون مني
نواف"يهفني بمخده": والله من فعايلك ياسحيله
وسام"رديت المخده على وجهه": اقول طير بس الي يسمع ذابحه لك
واحد
فيصل:انتي ووجهك على التاخير هذا وهذا الي نازله فيه

وسام" كنت لابسه برمواد جينز رصاصي ومعه تيشرت بني وفيه
رسومات بالاصفر وما كنت حاطه مي كاب غير الكحل وغلوس
وشعري ماسويت فيه شئ": ليه وش فيه سبورت ومريح
فيصل: تدرين وش امنيتي
وسام" وانا اجلس عند امي" وشو ياحضرة جنابك
فيصل: خاطري بيوم تغلطين وتحسسينا انك انثى بتصرفاتك ولبسك ياشيخه
وسام" وقفت وتخصرت له": ياسلاااام وش شايفني ولد بوجهك
فيصل: لا ابد سلامتك وجهك وجسمك يدل على انك انثى والي مايعرفك
ويشوفك من بعيد بينخدع فيك
نواف: بقووة بينخدع بيقول وش هالملاك ويوم تكشرين عن انيابك
نعد عليه السلام
وسام"قمت وخبطته على راسه": وش انياب انت وخشمك وش شايفني
حسستني اني مستذئبه على كلامك ولا وحش قدامك
فيصل:ههههههههههههههههههههههههه مو كذا يافالحه
وسام" تو بقوله وشو يافالح بس مسكت لساني لانه اخوي الكبير":اجل وش
فيصل: يعني انتي الحين كبرتي مو وسام الصغيرة الي قبل يعني صرتي
حرمه الحين ولو مزوجينك كان لك 3 او 4 من عيال
وسام : للحين مافهمت وش قصدك
فيصل: يعني اهجدي اعقلي لعنبو وجهك فشلتينا عند العربان عربجيه
دفشه مطيورة ومرجوجه بس خلك مثل وسن شوفيها
وسن"وهي نازله من الدرج": احم احم
نواف: يالبى هالاخت ياناس شوفي النعومه والدلع مو انتي يابو عذاب
وسام" طلعت له لساني وقلدت صوته: بوعذاب قال طيررر بس هذي انا
ماراح اغير شخصيتي على حساب ارضي الناس وبعدين شفتوا مني غلط
فيصل ونواف: لا
وسام: اجل مالكم حق تنتقدوني وتطلبون مني اني اغير نفسي
فيصل: ماطلبنا انك تغيرين نبي منك تحسنين من تصرفاتك وتتركين
حركات الطفوله عنك
وسام "لفيت على امي اقهروني وهم متحدين على": يممممه
ام فيصل: يلا بس مشينا وماعليكم من البنت خلوها براحتها

بيت اهل ام فيصل كانوا يتجمعون كل خميس عند جدتهم وكان الكل يحضر
لانهم ينبسطوون بالجمعه
وسام: جده
الجده: هلا يمه
وسام : وين جدي عنك مااشوفك ماسكته
الجده بعصاها: ياقليله الحيا وش امسك فيه
وسام " وانا ابعد عنها لاني عارفه هالعصا مصيرها على بدني": ايه وانا
صادقه مسيكين جدي ماسكته كانه بزر عندك لايفر لايمين ولا يسار
الجده "بعصبيه" : سمررر

ام فيصل: هلا يمه وش فيك
الجده : غضبي بنت الملسونه لا مسطها بالعصا
ام فيصل" عرفت اني بديت بحركاتي مع جدتي":ههههههههه يمه هي بنتك
وسوي الي تبين فيها
الجده: لاتجيني بعدين ليه كوفختها
ام فيصل: ههههههههههههههههههه حلالك يمه سوي الي تبين
جمانه: وسيم يلا كملي ههههههههه
وسام: صبري صبري جدي جا بدت الفله ههههههههههههههههه
جمانه: طيب حطي عنوة خلينا نفطسسس هههههههه
وسام" طمرت واخذت الجهاز وحطيت القناة وجلست عند جدي": ها جدي
تبي القناة
جدي: خليها " وصار يتفرج عليها وطنشش الجده "\
جدتي"تناظر فيني ومعصبه وودها تتوطى ببطني": وش حاطه انتي
يالسوسه وخري هالخرا
وسام " وانا فاااطسسه ضحك بس ماسكه نفسي": وش خرى جده خلينا
ننبسط ونرقص"وغمزت" وخلي جدي يشوف حياته
الجده: أي قليله الحيا
وسام:ههههههههههههه جده ايه وانا صادقه لا تتكشخين ولا تلبسين له
ماغير هالدراعه والديرم غيري ترا عندك شيخ الشباب
الجد" وعاجبه الموضوع":ههههههههههههه
الجده " بعصبيه": ايه اضحك لها قو شوكتها بدال ماتهفها على وجهها
وسام" طولت على الصوت " :شوف شوف جدي هذي الي لابسه احمر
الجده: مافيهم زين ولا حلا وش يشوف فيها كله كذب بكذب وجيه مالينها
طحين وبروكه وش يشوف فيهم
البنات:هههههههههههههههههههههههههه
الجد"مايهون عليه يشوف الغاليه معصبه":ياوسام غيري
وسام: ان شاءالله ههههههههههههههههه
رحت وجلست جنبها وحبيت راسها صدق احب اجننها بس اموت عليها
وهي تعرف: اسفه يمه
الجده "مسويه معصبه": ان قربتي العصا فوق راسك
وسام" ياحبي لك ماتقدرين": وهذي حبه على الراس يمه
الجده: مدري متى بتقلين ياملعونه الرقبه
وسام: وش اسوي هذا جزاي ماابي جدي بكرا يجيك بسوريه ويقول هذي
زوجتي ابي لك الخير البسي اكشخي لجدي
الجده: هذي الي تبي تتكوفن الحين
وسام: ههههههههههههههههههه

صوت العيال شرفوا: في احد بندخل .. وبسرعه اخذنا الجلال وتغطينا كلنا
فيصل : السلام عليكم
الكل: وعليكم السلام
الجده: ياهلا والله يعيالي شيوخ الشباب بسم الله عليكم عسى ربي يحفظكم
من العين
ام راكان: أي والله يمه ماشاءالله عليهم مزايين عيالنا
راكان "بغرور": اكيد مزايين دامنا احفاد الجده
وسام" وبصوت واطي": ماالت مصدق نفسه هو وخشمه
جمانه: ههههههههه ياخبله لايسمع
وسام: يسمع مايهمني
راكان: فيصل مو كانه حس السوسه اختك احس بمؤامرة
فيصل: هههههههههههههه الله يرجك فكنا من شرها
عادل: ها بيدء فصل جديد من مسلسلنا المفضل ههههههه
نواف: وانت الصادق حلقه جديده من توم وجيري ههههههه
راكان: جب جب انت وياه
اسامه: اعترف يابو الشباب انك تحبها وتزوجها وفكنا هههههه
راكان" بغرور" ماابي من العيله وبعدين انا شيخ الشباب اخذ الهبله
انا يوم اتزوج اباخذ بنت كلها دلال وحلا ودلع مو اخذ واحد من الشباب
"راكان وفيصل بعمر بعض 30 سنه ويشتغلون بشركه وحده وهم ربع
بالحيل راكان يتميز بجماله العربي هو وفيصل يتميزون بالطول والجسم
والرزة وراكان يختلف عن فيصل انه مغرور شوي"
فيصل: اقول وانت تطول تاخذ اختي بس روح مناك ولا تسمعك تنجلط بعدين
راكان: اكيد بتنجلط ولا هي يحصل لها اني افكر اخذها
نواف: والله بتنجلط لانها ماتطيقك يابو الشباب ولاتشتهي طاريك فما
بالك تكون زوجها ههههههههههههههههههههه
قمر" عمرها 4 سنوات تجنن بالحيل كانها بنت سوريه ببياضها وشقورة
شعرها وملسوونه حييل نسخه مصغرة من وسام وهي تصير بنت اخوها
فيصل": بابا متى نروح الحديقه
فيصل" يحطها بحضنه": بكرا بابا الحين احنا بيت جديده
قمر: لا بيت ززنه
فيصل: عيب قولي بيت جده بيت ماما
قمر " باصرار طفولي: لا بيت ززنه
راكان: يااخي مدري شلون صارت هالمزيونه بنتك هههههههههه
فيصل: وليه ماتصير
راكان ياخذها منه: يااخي تاكد يمكن صار تبديل ولا شئ يعني القمر ذا بنتك
فيصل: ههههههههههههههههه طير بس
راكان بهبل: فصول
فيصل" حس انه بدايه فصلاته": خير
راكان: وش رايك تامن مستقبل بنتك وتعرسني اياها
فيصل: امن مستقبلها مو ادفنها بالحيا مع شايب مثلك
راكان " بقهر" : انا شايب يعني انت ناسي اني بعمرك
فيصل: انا ماقلت اني اصغر منك بس الي بيتزج بنتي واحد
بعمرها مو ابو ثاني لها هههههههه روح احلم على قدك يارجال
راكان: تضحك حليا هالسنون بيجي اليوم الي تترجاني وتقول خذها
وانا اقول اسف شوف غيري
فيصل: ههههههههههههههههههههههههههههههههههههههههههههههه
: يلا العشا ياشباااااااااب
وسام" كنت مقهورة منه انه مو مهتم ولا معبرني وش فيني وش ناقصني
ليه يقول عني ابو الشباب انا بنت مو ولد مالت عليه ياربي ليه حبيته
ليه ماني قادرة اكرهه "جلست اصلح شعري عند مرايه المغاسل وماني
حاسه بحد كل فكري براكان ومتى يحس فيني
: لاتحاولين ولا تتعبين نفسك ولد وش بيتغير فيك وانتي مقابله المرايا
وسام " انفجعت منه ومن صوته وحسيتا ني ببكي بس مسكت نفسي":انت
ياقليل الحيا وش تسوي تقزقز ليه ماتغض بصرك ولا تحمحم مو تجلس
تناظر
راكان"من ورى الباب": وش اشوف عادي واحد من الشباب ماخذه مقلب
بنفسك وتظنين انك بنت اقول طسي بس قال غض النظر من قال بناظرك
ولا بتحركين براسي شعره على انك انثى بس لاتصدقين نفسك
وسام" حررررام عليك ذبحتني.. لا ماراح ابين له انه جرحني ولا انه رايه
يهمني": اقو لانت ماخذ مقلب بنفسك ومصدق حالك ومن تكون عشان اهتم
فيك ولا برايك اهم شئ انا مقتنعه بنفسي وعاجبني شكلي واسلوبي وبعدين
لا انت ولا غيرك يهموني ههههههههه والله حاله
راكان: واثقه من حالك اشوف
وسام" بغرور يساوي غروره": اكيد واثقه يكف بعيوني بس اخلي
الخرفان يسون لي الي ابي
راكان " بعصبيه": نعم نعم
وسام" خفت من نظراته انا وش قلت ياربي من لساني اليم وديني
بداهيه": مااقصد شئ بس حابه ابين لك مو انت الي تنقص مني ولا
تحسسني بنقص انا عارفه حالي وعارفه ان مليون من يتمناني
على حالي هذا لانه ببساطه ماعلى قصور لا بالزين ولا بالحلا
راكان: هههههههههههههههه مصدقه نفسك وبقووة ياشيخه
وسام " وانا رافعه حاجبي وبثقه وغرور": اكيد اصدق نفسي
انا وسام ولا انت ولا عشرة مثلك يهز ثقتي بحالي وبعدين من تكون
عشان تسمح لنفسك تكلمني بالطريقه هذي ها.....
راكان " بغروروثقه وابتسامه خبيثه": انا راكان الي بيكون زوجك يعني راي انا وبس الي يهمك
سامعه "وجا لعندي بسرعه ومسك يدي"سامعه زوجك
وسام" انربط لساني ": ...........
راكان: اسمعي "وبصوت هامس" : شكل اهلك ماعرفوا يمشونك على
الصراط المستقيم ويسنعونك ويخلونك سنعه بس انا باخذ هالشئ على
عاتقي واسنعك يابو عذاب
وسام" وش يقول ذا مو فاهمه مو موستوعبه":هي انت تخسى تكون زوجي
" وشلون نطقت بالكلام ذا وش احس فيه.. ياويلي عيونه تخوف"
راكان" والشرار يتطاير من عيونه": اسمعيني عطيتك وجه ونزلت مستوى
تفكيري بعقلك يالبزر بس الوعد مو الحين الوعد يوم تصيرين ببيتي
"ترك يدي وراح وانا حاسه الدنيا سوداء بوجهي وش يقول ووش يخربط
وبعدين ليه يعاملني كذا ووش جاب طاري الزواج وش جد عشان يسوي
كذا ........ وبعدين ياهبله هي الدنيا على كيفه يعني قال بيتزوجني خلاص
صار الموضوع نسيتي انه لك راي ...... بس انا ابيه ابي اصير زوجته
احبه .... بس هو مايحبني مو معقوله عشان الي صار بينا قال بيتزوجني
مو اول مره اطول لساني عليه ..... ليه وش ناوي عليه؟...........


مر اسبوع والوضع هادي ونسيت موضوع راكان وحطيت ببالي انه مزح
ومقلب من مقالبه المعتدى وثقالة دمه...........
وسن: يلا سوسو قومي دورك
وسام" وانا احس اني متضايقه ": حبيبتي مالي مزاج
وسن: سوسو قلبي وش فيك متاكده انه في شئ مضايقك من يوم ماطلعنا
من بيت الجده
وسام" ماقدرت اناظر عيونها اختي تعرفني من عيوني وتعرف وش احس
فيه": ولا شئ سن سن بس مدري حاسه بضيقه
وسن: من وش طيب
وسام: مدري
وسن: طيب قومي دورك الحين ومع الفله اليوم والرقص بترو حان شاءالله
وسام : يعني لو انه مو زواج خالتي كان ماحضرته
وسن: لا ياشيخه صدقتك ههههههههههههه يلا بس قومي
وسام"كافشتني وبابتسامه": تعرفين حبي للاعراس يعني
وسن: هههههههههههههه اكيد

راكان" وش فيني تهورت كذا ليه حطيت عقلي بعقلها وليه من الاساس
احارشها....ليه لما شفتها مارحت عنها ... يمكن وصلت الخبر لخالتي
ولا اخوها الحين بغبائي لازم اخطبها ...وش اقول وش الهبل ياراكان
وش تخطب وش تتزوج ولا مين وسام العربجيه...اااااااااه.. وبعدين
هي السبب خلتني اتهور وانطق هالكلمه ... هي عصبتني باسلوبها وثقتها
بنفسه ودي كسرت خشمها .. مو مصدق نفسي اصحى ياراكان هذي بنت
خالتك وش تحس فيه ......... يالله ارحمني

وسام" جالست اناظر نفسي بعد ماحطت الكوافيرا اخر لمساتها كنت لابسه
فستان لاول مره من بعد طفولتي البس فستان كنت دايم بالاعراس البس
بنطلونات اصممها واديها للخياط اليوم لاول مره راح افاجائهم بشكلي
الجديد .... بس ليه ؟......... ناظرت نفسي وماعرفتها كنت متغيرة حيل
شكلي غريب وكان يالي بالمرايا مش انا معقوله هذي انا ... فستاني
كان احمر بحبال عليها كريستال مربوطه ع رقبتي وقصه عند الصدر
ع شكلv وكان بالكرستال وبعدها يكون نازل ع الخصر وكان مخصر
وبارز شكل جسمي وخصري ومن تحت كان قصير لحد تحت الركبه
ومن ورى طويل وبذيل طويل وفيه تطريز بالكرستالات مت تحت
عند الذيل ............... وكان مكياجي غير عن كل مره ميك اب لبناني
بارز عيوني وبنفس الوقت ناعم وبين حدتهم بنفس الوقت
والروج كان احمر خمري وشعري طال عن قبل وصار يوصل لاخر
رقبتي وقصيته طبقات ومع الفيونكه يالي ع الجنب صار شكله غير
معقوله ياوسام انجنيتي وسويتي كذا ناويه تخلين الناس تضحك
عليك يلا بسرعه امسحي هالهبل ومن حظي اني جبت معي
بدلتي.........
الباب قطع افكاري:يلا ياسوسو متشوقين نشوف المفاجاة الي قلتي عنها
وسام" حسيت بخوف وش خلاني اتهور واغير من شكلي ":...
ام فيصل: وسام يلا ياقلبي افتحي وش فيك ماتردين
وسن"بخوف وكانت حاسه انه فيني شئ": وسام تسمعيني افتحي
وسام"لا مااقدر اخليهم يشوفوني كذا لا انا انجنيت يوم فكرت اسوي كذا":..
وسن " ياربي لايكون صار فيها شئ": سونا مافي مفتاح لباب
سونا "عامله بالمشغل": ايه في لهزة يجيب
ام فيصل"بخوف وعصبيه": بسررررعه
وثواني الا جات وبالمفتاح ومن حظنا انه الباب قفله داخلي يعني نقدر نفتحه

وسام" كنت بفسخ الفستان واخرب شعري بس":...........
وسن" بصدمه": وسااااام!!!!!!!
الكل:سوسو.. وسام!!!!!
وسام" حسيت ببكي كل هذا شكلي غلط انا الغبيه يوم سويتها ":.....
ام فيصل متفاجاة وبدمعه بعينها": وسام يايمه انتي تعالي
وسام" قربت امي لي وحضنتني ": ياقلبي ع بنيتي وش زينك وش حلاتك
ليه مخبيه هالزين ليه يمه...
وسن" بضحكه": ياعيني ياعيني والله وجا اليوم الي الشيخه سوسو تخطف
الانظار عني ايه القمال ده يابت
وسام " وانا مو مصدقه وحاسه انهم يجاملوني": ...............
وسن: يالبى اختي شايفه حالك بالمرايا خطييييرة
ام فيصل: يمه وش فيك
وسام" ليه حطيت نفسي بالموقف هذا ليه انا انجنيت يوم فكرت اساوي
حالي بااختي الحين الكل بيضحك على ...................
و انامتاكده اني مو مثل اختي واني مااقارب لزينها وعارفه انها مجامله

ماعطوني مجال اغير ولا اتكلم تمنيت الارض تنشق وتبلعني وماا
خليتهم يشوفوني كذا ... انا لازم اول مااوصل القاعه اغير بسرعه
كنت حاسه بتوتر كبيررر وكنت ارجف من الخوف خوف انه حد
يشوفني ويعلق على انا صحيح ادعي القوة بس اقل كلمه تجرحني

وصلنا القاعه وكنت بنزل بسررعه بس عبايتي علقت وبعد معاناه فكيتها
ومن حظي النحس امي صارت معي ومرافقه لي يعني مااقدر اروح اغير
دخلنا القاعه وبدوا يفسخون عباياتهم وانا ماابي اوصل للمرحله هذي..
امي" : وسام يمه وش فيك بعابياتك افسخهيا وماحسيت الا بامي شالت
العبايه "لا لااااااا يمه وش سويتي كان ودي اصرخ لااااا":....
وسن " بفرررح": بناااااات تعالو بسررعه عندي مفاجاه لكم
وسام " لا وش تسوين انتي الثانيه ماابي حد يشوفني ماابي حد يجرحني
لا ":..............
البنات : وش فيه
وسن: يسعدني يابنات خالاتي وخوالي ان اقدم لكم مافجاءة الموسم تاتاتا..
وسام" غمضت عيوني ماابي اشوف ضحكه الاستهزاء ماابي اشو فوجيهم
راح ابكي خلاص":::.........
الكل: واوووووووو ... سوسو هذي انتي مو معقول.......... ياملعونه الرقبه
ع قول جديده هذي انتي....
فتحت عيوني بصعوبه وانا مستغربه كل هالكلام لي ولا احلم:..
وسن" تحضني": اقول قولو مشاءالله لاتعطون اختي عين يالبى قلبها
تجنن مو
جمانه: تجنن بس ماشاءالله قمر وربي ماتوقعت كل هالزين عندك
يابنت
وسام" مو مصدقه انا حلوة ماني شينه الكل منبهر بحلاتي.. ابتسمت بخجل"
ام فيصل : يلا بتجلسون طول وقتكم تتغزلون ببنتي يلا روحو انبسط ويلا

وسام" حسيت بثقه بنفسي من بعد هالكلام وقويت قلبي ودخلت .. حسيت
باحراج من نظرات الحريم .. كنت اتمنى هالنظرات من زمان لما كنت
اشوفهم يناظرون اختي والحين جا دوري احساس حلو .. ضحكت بداخلي
عشان كذا سن سن تتكشخ بالاعراس والحفلات ....
مر الليل بسرعه وانا والبنات رقص وضحك ووناسه ...... وجا وقت زفة
العروس وبيدخلون خوالي واخواني مع خالاتي يعني لازم نتغطى .. افف
رحت لعند دورة المياه اصلح برقعي وتاخرت لانه عصير انكب على
وجلست اغسله من حظي انه باخر الفستان بالذيل يعني ماراح يبان ..
على ماخلصت انزفت خالتي وانقهرت طلعت اتفرج وماتغطيت قلت
الرجال دخلو على المسرح ماله لزوم اتغطى دامني بتفرج من بعيد
قربت عند بوابه الدخول الي تفصل المسرح عن دوراتا المياه ووقفت
اتفرج على اخوي فيصل وهو مرتبك كان يضحك شكله مايحب يدخل
عند الحريم حتى بزواجه مادخل شلونا قنعوه مدري ونواف وهو كاشخ
ومبسوط من حاله ورزته ههههههه..... دورته مالقيته ياربي وش فيه
مادخل توقعت بكحل عيوني بشوفته افف يالقهر .... لفيت برجع لدورة
المياه لانه الي كنت انتظره مادخل قلت وش يوقفني خلاص لفيت
وليتني مالفيت ......

راكان" منصدم ... وش هالزين معقوله هذي.. أي هي..":وسااام
وسام"ماقدرت اتحرك حسيت ان رجولي مو حملتني":......
راكان"بضحكه رنت باذوني وحسيتها ملت القاعه":ههههههههههههههه
هههههههههههههههههههههههههههههههههههههههههههههههههه هههههه
ههههههههههههههههههههههههههههههههههههههههههههههه
وش مسويه بحالك ياهبله ههههههههههههههههههههههههههههه
وسام"الدموع تجمعت بعيني بس مستحيل انزلها قدامه مستحيل ابين له
ضعفي مستحيييل": ممكن اعرف على ايش تضحك لايكون شايف قدامك
مهرج وانا مدري
راكان "مو قادر يمسك نفسه عن الضحك":ايه الصراحه هههه واحسن من
المهرج هههههههههههه ياحليلك مفكرة نفسك انثى على الزينه هذي هههه
وسام"ماقدرت اوقف لانه شوي وبصيح": ايه انثى وغصب عنك ياثور
راكان"بعصبيه": امسكي لسانك لا بكف الحين عطيتك وجه ياوجه العنز
وسام" وانا داخله لغرفه العروس": مو على كيفك وماراح امسكه
دخلت بسرررعه قبل لااسمع رده ..ليه يسوي فيني كذا حرااااام عليك
ذبحتني ....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-10-2010, 04:15 AM
صورة سيدة سن توب . الرمزية
سيدة سن توب . سيدة سن توب . غير متصل
©؛°¨غرامي مشارك¨°؛©
 
الافتراضي رد: جًرٍحٍّ آلكَلآآآمً طُعًوٍنْهٍ تّْبٌقٌى عًلى مًرٍ آلسٌّنْين ,حٍّبٌيَبٌيَ عًلمًتْ ّقٌلبٌيَ عً حٍّبٌكَ عًلمًهٍ عً آلنْسٌّيَآنْ


السلام عليكم انتي الكاتبة المشهوره جلاديوس ولا تشابه اسماء؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-10-2010, 04:39 AM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: جًرٍحٍّ آلكَلآآآمً طُعًوٍنْهٍ تّْبٌقٌى عًلى مًرٍ آلسٌّنْين ,حٍّبٌيَبٌيَ عًلمًتْ ّقٌلبٌيَ عً حٍّبٌكَ عًلمًهٍ عً آلنْسٌّيَآنْ


وعليكم السلام لا يالغلا مجرد تشابه اسامي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-10-2010, 05:11 AM
سموة المعالي سموة المعالي غير متصل
©؛°¨غرامي متألق ¨°؛©
 
الافتراضي رد: جًرٍحٍّ آلكَلآآآمً طُعًوٍنْهٍ تّْبٌقٌى عًلى مًرٍ آلسٌّنْين ,حٍّبٌيَبٌيَ عًلمًتْ ّقٌلبٌيَ عً حٍّبٌكَ عًلمًهٍ عً آلنْسٌّيَآنْ


السلام عليكم

الروايه واااااااااااااااااو خيال في خيال
يعطيكي الف عافيه يالغلاء
وبدايه موفقه ان شاء الله

بنتظارك لا تطولي علينا
^_^

تقبلي مني جزيل الشكر ...~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-10-2010, 05:32 AM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: جًرٍحٍّ آلكَلآآآمً طُعًوٍنْهٍ تّْبٌقٌى عًلى مًرٍ آلسٌّنْين ,حٍّبٌيَبٌيَ عًلمًتْ ّقٌلبٌيَ عً حٍّبٌكَ عًلمًهٍ عً آلنْسٌّيَآنْ


هلا فيك تسلمين يالبى ئلبك
من ذووقك ونورتي الروايه بمرورك سموة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-10-2010, 10:55 AM
صورة ( كليــ حلاآ ) الرمزية
( كليــ حلاآ ) ( كليــ حلاآ ) غير متصل
©؛°¨غرامي مشارك¨°؛©
 
الافتراضي رد: جًرٍحٍّ آلكَلآآآمً طُعًوٍنْهٍ تّْبٌقٌى عًلى مًرٍ آلسٌّنْين ,حٍّبٌيَبٌيَ عًلمًتْ ّقٌلبٌيَ عً حٍّبٌكَ عًلمًهٍ عً آلنْسٌّيَآنْ


بـدآيـه حلـوهـ حبيبتيــ

بليـز كمليـهـآ

وديــ لكــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-10-2010, 01:49 PM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: جًرٍحٍّ آلكَلآآآمً طُعًوٍنْهٍ تّْبٌقٌى عًلى مًرٍ آلسٌّنْين ,حٍّبٌيَبٌيَ عًلمًتْ ّقٌلبٌيَ عً حٍّبٌكَ عًلمًهٍ عً آلنْسٌّيَآنْ


تسلمين ياقلبي ان شاءالله بكملها وبيكون كل سبت بارت جديد نورتيني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 09-10-2010, 08:32 PM
صورة Ellgance_AH_ girl الرمزية
Ellgance_AH_ girl Ellgance_AH_ girl غير متصل
©؛°¨غرامي ماسي ¨°؛©
 
الافتراضي رد: جرح الكلام طعونه تبقى على مر السنين .. حبيبي علمت قلبي ع حبك علمه ع النسيان / بقلمي


روووووووووعه مووت يا عسل
وانتي تعرفي من قبل انا معك بكل الحالات

روايتك هالمره غير شكل
فيها نوع من الغموووض والحيره لينا نحنا كـ قراء

لكن معك للنهاااااايه


راكان ووسيم ع قوله فيصل ونواف
احلى كوبل وواضح انهم الابطاااال

لسا ما شفنا منهم كثير من الاحداث
بس اتصور زواجهم كارثه حقيقه
مع اخفاء مشاعرهم القويه لبعض

ننتظرك يا عسل

~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 10-10-2010, 01:51 AM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: جرح الكلام طعونه تبقى على مر السنين .. حبيبي علمت قلبي ع حبك علمه ع النسيان / بقلمي


اهلين بالعسسسل كله ولو وانا اقدر استغني عنك وتنويرك صفحاتي مثل ماعودتيني

وان شاءلله تكون الروايه عند حسن ضنكم وتعجبكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 10-10-2010, 02:37 AM
صورة سيدة سن توب . الرمزية
سيدة سن توب . سيدة سن توب . غير متصل
©؛°¨غرامي مشارك¨°؛©
 
الافتراضي رد: جرح الكلام طعونه تبقى على مر السنين .. حبيبي علمت قلبي ع حبك علمه ع النسيان / بقلمي


اهلين حبيبتي جلاديوس مارديتي علي؟؟؟؟؟؟؟؟؟؟؟؟؟؟؟؟

الرد باقتباس
إضافة رد

جرح الكلام طعونه تبقى على مر السنين .. حبيبي علمت قلبي ع حبك علمه ع النسيان / بقلمي ، كاملة

الوسوم
آلسٌّنْين , آلكَلآمً , تّْبٌقٌى , جًرٍحٍّ , حٍّبٌيَبٌيَ , حٍّبٌكَ , عًلمًتْ , عًلى مًرٍ , طُعًوٍنْهٍ , قٌلبٌيَ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قمر خالد / الكاتبة : حمران النواظر ، كاملة غرام زوجها روايات كامله - يتم نقل الرواية هنا بعد اكتمالها 90 29-05-2019 01:13 PM
هل تملكين حبيب مثل حبيبي زوجي اغلا مااملك خواطر - نثر - عذب الكلام 8 20-01-2013 02:37 PM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM
قمر و خالد المسافر511 ارشيف غرام 1 18-08-2007 05:29 AM
قمر خالد / كاملة samt_alskooon روايات كامله - يتم نقل الرواية هنا بعد اكتمالها 149 04-11-2006 08:46 PM

الساعة الآن +3: 10:43 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1