منتديات غرام روايات غرام أرشيف الروايات المغلقة - لعدم إكتمالها سمّ اللقا صدفة , و أسمّيه ميعاد أنا أنتظرتك , و إنت مريت صدفه ! / بقلمي
مُخملِيةْ الـحـِــس .~| ©؛°¨غرامي جديد¨°؛©

مسآئكم / صبآحكم ورد جوري


هآ انآ اضع بين ايدكم اولى رووآياتي (سمّ اللقا صدفة , وأسمّيه ميعاد
........................أنا أنتظرتك , وأنت مريت صدفه ..!)



قصتي تتكلم عن الرومنسيه والجرآه وزواج الـآجباري والحب والكره والـآنتقام بطريقه خياليييه وووالخ
ورآح يكون البارتات يومين باـآسبووع او بارت واحد واحيآنا فيه هدايا 3 بارتات

واهم ششي ....اتمنى ان تنآل عل رضآكم ..~
ببدايه قصتي بتكلم عن محور الشخصيات ...

بيت ابو تركي
محمد..ابو تركي عمره 60
وحصه..ام تركي 54
تركي ولدهم البكر مطلق34 ضآبط شخصيه قويه جدآآ وعصبي وفيه حب تملك وان حط في باله ششي جابه يحب ششغله كثير وحنون لدرجه جنونيه بس مايبين عن حبه لو سويتو فيه وشوو
من ناحيه شكله مواصفاته تعتبر مواصفات اي وحده تتناها بفارس احلـآمهآ طويل وعريض يعني نقول جسمه رياضي وحنطي بدرجه السمآر وعليه صدر واكتآف تذبح بس عيبه يدخن ولـآيعرف نفسيه لين مسك الزقاره
خالد 30سنه دكتور نساء وولـآده .. عاد خالد وش اقول عنه طيب بمعنى الكلمه يحب يهبل بخواته ويجننهم يعني نقدر نقول داخل فيهم كثير
ششكله طويل نفس طول اخوه وجسمه ححلوه مره ويكره الدخان بحسب انه دكتور ويخاف على صحه المرضىى
ريناد26 سنه تدرس ماجاستير اداره اعمال بنت نعومه ومآخذه من ملـآمح اخوانهآ وجسمهآ ححلو بس قصيره ششوي
امل 22 سنه اخر سنه ادب انجليزي شخصيه مرحه ودايم تناقر مع اخوها خالد طويله تحب تهتم بششكلهآ كثير ودلوعه
اخر العنقود صالح 20 سنه كليه الهندسه اللي يشوفه يقول شايب من تصرفاته وشكله

بيت ابو سلطان( اخو ابو تركي )
صالح..ابو سلطان عمره 66
ومنيره..ام سلطان 55

عليا 38 سنه متزوجه سالم ولد عمهآ عمره 40 وعندهم (رغد 15 سنه - احمد 12 سنه - اسيل 3 سنوات )
سلطان 35 سنه الروح بالروح مع ولد عمه تركي وتقريبا نفس الشخصيه طويل مررره وجسمه حلو بس متعقد من كرششه
وشخصيته خيال ويقدر الواحد يتفاهم معه يعني نقدر نقول متفتح ويشتغل بشركه ابوه ويعتبر مدير الشركه عقب ماسلم له ابوه الخيط والمخيط
حمد 29 يحب يلعب بالبنات لعب بس بنفس الوقت ماآيتجاوز حدوده بالعميق ويعرف مصلحه نفسه ويشتغل مع ابوه بنفس الشركه
هيآ22 مع امل بنفس الجامعه وتحب خالد وخالد بعد يحبه حب جنوني بس لين اللحين ماصار شي رسمي
مدى16 سنه باول ثانوي دلوعه بشكل ولسانهآ طويل وصالح ولد عمهآ دايم ينقهر منهآآآ وهو مسوي مستقوي عليهآ

ثالث عايله هي بيت ابو سالم اخوهم الثالث
ابو سالم متوفي من 3 سنوات
وام سالم تحب عيالهآآ بقووه واكثرهم ولدهآ سالم لـآنه اخذ مكآن ابوه
سالم 40 زوج عليآ شخصيه مسالمه وبالنسسبه لهم الـآب اللي انحرمو منه وهم صغآر
فتون عمرهآ 36 ارمله ولـآفكرت بالزواج وعندهآ بنتين توأم في وضي اعمارهم 10 سنوات
سامي 32 دكتور جرآحه مع خالد بنفس المستشفى
اخر العنقود لين 26 سنه ماجستير اداره مع ريناد شخصيتهآآ المدلله اللي لـآيمكن ينرفض لهآ طلب
ومغوروه نقدر نقول بس قلبهآ طيب بس ماتبين حنيتهآ لـآي كان .. واللي يدوس لهآ على طرف تلعن ابو خامسه < -- خربتهآآآ بالـآخير
طويله وسمره بس سمآرهآ خيااااااااال والكل ينبهر بجمالهآ وسمارهآ ونحيفه بس نحافتهآآ بالشكل المطلوب اللي يخلي جشمهآ كل مايشوفه ينبهر
طبعآ مآننسى انهآ تحب تغير بشكلهآآ وتحب الزين وتحب تكشششخ ووووو .....
ولـآ نتفهمون باقي ششخصيتهآآ بالقصه نفسهآآ

اخر عايله جيران ابو تركي ( ابو ياسر )
ابو ياسردآيم عن ابو تركي بالديوانيه عمره 62
ام تياسر شخصيه مغلوب على امرهآ بس تحب زوجآ ومآخذته عن حب عمرهآ 60
ياسرمسافر يكمل دراسته العليآ ببريطانيآآ عمره 30 نشوف شخصيته بالقصه
ندى 26 سنه تحب ولد جيرانهم تركي دارسه ثانوي اخذت دبلوم حاسب وقعدت بالبيت وتحب شغل المطبخ بقوه < -- هذي لهآ قصه بعدين انتظروني
ساره 22 مع امل وهيا دلوعه و ححلوه واجمل من اختهآآ
ويسمونها الماصله من برودهآ هههههههههه


هذولـآ ابزر الشخصيآت بالقصه
وباقي الـشخصيآت نسسردهآآ اثناء الروايه ...
اشوفكم مع البارت الـآأول..~






الشوق ماله عمر , يفنى وينعاد
........................له في الضلوع أن عاد وأن غاب رجفه



مع كل فرقا , له ورى الجفن ميلاد
........................وأن ماتت الفرقا لقى الشوق حتفه



جيت أقتل الفرقا من بلاد لــ بلاد
........................ملّ الطريق يشيلني فوق كتفه



وأنا بعد مليت من كثر ما أرتاد
........................هالشارع اللي كان لك فيه شرفه



تظمأ عيوني شوفك , وتشبع سهاد
........................عيّا الزمن يقطع ظماها بــ رشفه




لاوجهك أسقاها , ولا ذاقت رقاد
........................ماغير طيفك , طيفك اللي أعرفه



كنّه ظبي , وعيوني ظلال صيـاد
........................يجفل قبل يرتد للجفن طرفه



مشكلته أنه كل ما أشتقت يزداد
........................حتى ملا جدران وقتي وسقفه



وأصبحت أشوفه فــ أول الغيم لاجاد
........................وفــ أقصى الشفق لاطاحت الشمس خلفه



وفـي الأرض لانامت عقب صوت رعاد
........................وفي كل شباك ٍ صحت منه درفه


أتعبت طيفك لوم , واللوم مافاد
........................ويوم الأمل في شوفتك مات نصفه


نويت أسافر عنك بجروح ٍ جداد
........................وعمر ٍ من أوراق الزمن حان قطفه


نويت , لكن جابني الشوق منقاد
........................وجابك حنينك , والزمن سال عطفه


شفتك تبسّم لي خجل مدري عناد
........................وفي نظرتك شوق ٍ من الظلم وصفه


حسيت كني طفل , وعيونك أعياد
........................ياعيدي اللي له ورى الصدر رجفه


سمّ اللقا صدفة , وأسمّيه ميعاد
........................أنا أنتظرتك , وأنت مريت صدفه ..!






بارت ..1
ببيت ابو تركي الصبآح ..
على طاوله الفطور كان قاعد ابو تركي وا تركي
نزل تركي وباين وجهه انه متظايق باس راس امه وابوه : صبحكم الله بالخير
ابوه وامه مع بعض : صبحك الله بالخير والسرور
ابو تركي : ورآ وجهك لونه باهت عسا ماشر
تركي : ابد يبآ ضغط الدوام واليوم عندي استلـآم
ام تركي: الله يحفظ ياوليدي ويرزقك بالزوجه اللي تقدرك وتشيل عندك الضغوطات
تركي ناظر امه وابتسسسم : طفشتي مني يمه
ام تركي : فيه ام تطفش من عيلـأنهآ ابي اشوفك متنهني ياولدي ولـآ ماتبي تشوف بزرانك حولك
تركي : يمه انا تزوجت مره ومالله ارآد اكمل
ام تركي : انت خلني ادور لك ابي اشوف عيالك يمه
تركي: ابتسسم وقال ان شاء الله يمه ان شاء الله
وطلع وخلـآهم
امه تناظره لين ماطلع من باب البيت : شف الولد عطان هالـأبتسامه يقاله سسكتن ومشى
ابو تركي : خلـآص رجال يام تركي يعني يعرف مصلحه نفسسه
وصدقيني لين حط بباله العرس بيطق له ذيك الحرمه وبيجي يزر طوله ههههههههههههههههه
ام تركي : بشوف عياله شف كم عمره انا خايفه يكون تعقد من طلـآقه
ابو تركي: لـآ تركي ماهقيته يتعقد بس ابي اعرف سبب طلـآقه وهذا اللي مجنني
ام تركي : لـأيكون هند ماتجيب عيال < -- هند زوجته الـآولى
الـآ ويجيهم صوت امل :ياعيني ياعيني على اللي قاعدين الصبح وش تقولون علموني
ضحكت عقب وجلست على الطاوله عقب ماسلمت على روس ابوهآ وامهآ
ابوهآ: امل
امل : سم
ابوهآ: وراتس ناحفتن كذا ماهقيتس العام نفس هالجسسم تنسنس قلم مرسم
ام تركي : وانت صآدز يابو تركي هههههههههههههههههههههههه
ابي اعرف ذي لين تعرس وشلون بتتحمل الحمال والولـآده وتناظر بنتهآ
امل : من قالكم اني بعرس بقعد على تسبودكم
خالد وريناد بصوت واحد : اي هين
امل:اي وانا صادقه زوجو ساره همين ابدو بي
ريناد: كلي بس وانتي سآآكته
وين تركي لـآ يكون راقد لين اللحين
ام تركي : لـآ نظر عين امه طلع من بدري الله يعظم اجره
امل : ابي اعرف تركي وش مسويلك لـآيكون ساحرك يمه
الـآ وتجيهآ علبه مناديل على خششتهآ اييييييييييييييييييي
ام تركي : شب بسس اهرجي زين ولـآ لـآ اسمع حستس جعلتس اللي منيب قايله
ريناد ماسكه نفسهآآ لـآ تظحك بصوت عالي وبيجيهآ الهواش هي بعد
خالد : يالله اشوفكم على خير بطلع دوامي وباس راسهم وطلع
ريناد وامل ناظرو ببعض ويغمزون لـبعض
امهم انتبهت لهم وشفيكم انتم تتهامسون
امل : يمه متى بنروح المزرعه
ام تركي : اتوقع دويتنآ هالـأسبوع والـأسبوع اللي بعده مزرعه ليش وش عندتس
امل : لـآ عشان بنات عمي يسالوني
ام تركي : الـآ ذكرتيني بكلم مره عمتس مدري وش صار على المووضوع اللي علمتهآ عنه
امل : اي مووضوع يمه
ام تركي : شكلي بهفتس كف وراحت تكلم بالتلفون
امل وريناد فقعو من الضحك خخخخخخخخخخخخخخخخخخخخخخخخخخخخ



تركي وصل دوامه وسسلم على صديقه ويعتبر من اعز اصدقاه سعود
سعود: ارحب يابومحمد هاه عسى اشتقت لي
تركي : ياشينك لين صرت رايق
سعود : ههههههههههههههههه ياخي شفتك مكتم قلت افك كشرتك شوي واكسب فيك اجر
تركي طالع فيه بنص عين وسسكت
سعود:هو وراك تطالع فيني كذا كنتي ماكلن حلـآل ابوك
تركي : ترك لجيتنآآ انت بهذرتك
سعود:ههههههههههههههههه طيب قلي وشفيك
تركي :ابد ياخيي الضغوط وانت ادري واحد بالحال
سعود: الله يعينآ وياك الـآ ماقلت لي اليوم بتستلم صح
تركي : ايه
سعود: استلم مكانك لبى قلبك ههههههههههههههههه
تركي : هههههههههههههههههه مسوي زوجتي انت وخشتك
سعود: يالله عسى يجي اليوم اللي اشوك فيه معرس ويدك بيد حرمتك
تركي : تدري ان امي فتحت معي نفس السالفه
سعود:طيب ياتركي لـآزم تواجه نفسسك مو بكل زواج يصير زي ماصار لك بزواجك الـأول
تركي: سعود انت تعرف مشكلتي بالـآول وسبب طلـآقي والسبب الثاني ماهقيته نظآم شغلي وشخصيتي مو اي بنت تأسبهآ
وقعد يفكر بينه وبين نفسسه مين اللي بتستحمل واحد مثلي بعنفه وززود على كذا حب التملك اللي ذابحه
تركي : بتلـآقيهآ بأذن ربك بتلـآقيهآ

مُخملِيةْ الـحـِــس .~| ©؛°¨غرامي جديد¨°؛©

البارت ..2

بالجامعه
وصلت امل وهيا وساره للقاعه وهم يركضون يخافون الدكتوره وصلت ويبتلشششون
هيا : يلعن شكلكم من بنات اللحين بنجيب حرمان بهالماده والسبه فطوركم خل فطوركم ينفعكم
امل :اللحين وراك هايجه تقل ثور الله واكير اللحين اللي ماافطرتي معنآ اسكتي الله يخليك بسس
ساره تضحك عليهم هههههههههههههههههههههههههه
امل : صدق لين قالو عنك ماصله امششو ومدو خطاوينكم
ودخلو القاعه وقلوبهم ببطنوهم


جى يوم الـآربعآء اجتمآع الـأهل
تجمعو عايله ابو سلطان وابو سالم وابو ياسر ببيت ابو راكان
تجمعو البنات امل وريناد ولين وساره وهيا وندى

ندى : الـآ وين تركي ماشفته
ريناد:توه راقي لـِ غرفته وواصله معه لي خششمه
ندى: ليش وشفيه
ريناد: يعني كنك ماتعرفين تركي يضيق من نفسه الله يعين زوجته على مزاجه
ندى ابتسسمت
لين شافت ندى ولـآ فاتتهآ| وتقول بنفسسه اجل شكله خاقتن على ولد امه
هههههههههههههههههههههههههههههه
لين: الـآ ندى بسالك ليش ماكلملتي دراسه
ندى: اكره الدراسه تحوم كبدي يكفي الثانوي طلعت والدوره دخلته بس عشان اخوي ياسر خللاني ادخل غصب قال بتفيدك
وماصدقت خلصت هالتلاث ششهور عشان اقعد بالبيت
لين : طيب وعقب قعده البيت عاجبك الروتين
ندى: عادي انا احب اصير ربه بيت ههههههههههههههههه


عند الحريم
ام تركي : وش قلتي يام سالم
ام سالم:والله يام تركي تركي ولدي بس مدري عن لين انتي تعرفين بنتي لين عنيده وراسه يابسسس
ام تركي : شوفي اهم شي انتم ولـآ لين بالعكس تحبني ولـآ راح ترد لي طلب
ام سالم: طيب بشوفهآ وبرد لتس
ام تركي: طيب انا بروح اكلم ولدي تركي لين منتي تكلمين لين وادعي لي يقتنع ولـآ يطلع براسي نخل
ام سالم :عندي وعندتس خير يأختسس هههههههههههههههههههه


طلعت ام تركي فوق للدرج ورآحت جناح تركي وطقت الباب
ام تركي: يمه تركي
تركي : تفضلي يمه
ام تركي :وش قاعد تسوي يمك لحالك ليش مارحت عندك الرجاجيل
تركي: رحت اغير ملـآبسي بعد الدوام واخذ شور وانزلهم
ام تركي: اسمع يمك كلـآمي ولـآبيك تقاطعني
تركي: يناظرهآ بعلامه وش عندك بس بدون مايحكي
ام تركي: وش رايك بلين بنت عمك
تركي: بنت عمي لين يعني بنت عمي
فيه زياده عن كذا
ام تركي :شوف ياولدي انا ما احب المقدمات تراني خطبتها لك




عند ام سالم ولين
لين: نعم يمه بغيتيني
ام سالم: انتي يمه صرتي عمرك 26 واللي مثلتس لهم عيال
لين: طيب واللي عقبه
ام سالم : شوفي يمه ترا انا مابي لتس الا الزين وياما وياما ماسمعتي كلامي بس هالمره شوري بيمششي
لين : يمه الله يهداك ادري انه خطيب جديد بس من تعيس الحظ
ام ساام: تركي ولد عمتس
لين: وللللللللللللد امممممممممممممممممه



عند تركي
ام تركي: هاه ياولدي
تركي : لـآ يمه ماتنفع لي
ام تركي : ليش ماتنفع بالعكس البنت تقول الزين قم واقعد محلك ومرت عمك تبيها من الله بنتها تصير زوجتك
وعمك وابوك لو دور بيطيورن من الفرحه
تركي : يمه تكفين قلت لك البنت ماتنفع لي دلوعه وانتي عارفتني عصبي واشياء غيرها كثير
ام تركي : يمه انت فكر ورد لي لاتستعجل بس حط في بالك اني بشوف عيالك
وطلعت قبل لاتشوف رده


عند لين: لـآ يمه تركي ماتعرفينه كل شي عنده بالقوه هذا اولا
ثانيا فيه بنت تبيه مابي اكسسر بخاطرها < -- [تكلم نفسهآ جت بمحلها سالفه ندى
ام سالم :ماعلينا من احد مرت عمتس تبيتس لولدها لو تبي بنت الناس راحت خطبتهآ
لين:يمه ترا مو وقته تكفين ترانا ببيت عمي لين رحنا بيتنا لها الف حلـآل فكينا من ولد امه
ورقت فوق لغرفه احد البنات تظبط نفسسها مره من غرفه ترركي وسمعت الشي اللي ماكان على البال



تركي يكلم سعود صديقه : سعود لو تشوف نظرت امي لي وقسسسم مدري وش اسوي
سعود: انت هدي اللحين ولا راح يصير الا كل خير
تركي: اقولك البنت ماتصصلح دلوعه وشابفتن عمرهآ وثاني ششي وشلون اتزوج وانا بهالحاله
سعود:مافيك الا العافيه السالفه ذيك مره وانتهت ليش انت تبي تذكر نفسك فيها ياخيانساها وارم نفسسك واهلك
تركي: وشلون انسسسى ياسعود قلي وانا مدري عن نفسسي كل ما اتذكر الحاله اللي تجيني مع هند وكيف اسلووبي معها تدري ان اللي يسوي سواتي وبهمجيتي
وش ينقاله ....
ينقاله اغتصاااب اغتصااااااب ياسعود والبنت كرهتني واتوقع كرهت كل الرجال عقبي
تدري البنت اليوم اللي اجيهآآ تصير بالمسستشفى
ترا انا تعبت وانا اخاف اتزوج ويصير لي نفس الحاله وانا مدري عن نففسسسي
وفجآه سسسمع صووت
تركي : سعود اكلمك بعدين

مُخملِيةْ الـحـِــس .~| ©؛°¨غرامي جديد¨°؛©

اللحين اتضحت لنا خلفيه عن مشكله تركي ياتري احد بيدري غير سعود عن هالسالفه ؟؟
وش هالصورت اللي سسمعه؟؟
وش بيصير مع تركي ولين وهل بيرضون ببعض..؟






ادري البارت قصير بس بششوف التفاعل ..!
اذا جازت لكم كملت


ودي لكم:)

أوتــــــار الغـــــلا » طـاريڱ ٱربكني وحرڱ سڱوني »

بدايهـ موفقهـ يالغلاى
اتوقع ان لين اسمعت كلام تركي
وننتظر ابداعكـ

على شاطئ النسيان ༻حِـﮘآيَةِ عِشَقْ مَبَتُوَرهَـْ ༺





بسم الله الرحمن الرحيم

موفقه في بدآياتك

أطلعي على هذي الموآضيع راح تفيدك


وهنـا قوآنين القسم






~


أنثى سموها شامخ ©؛°¨غرامي مشارك¨°؛©

يسلموووووووووووو
بداااايه مووووووفقه وشكل الرووووووووايه رووووووووووعه
اممممممممم اكيد الصوت اللي سمعه تركي لين الملقوفه
ويعطيك العااااافيه

الزعيـ A.8K ـمه ©؛°¨غرامي ماسي ¨°؛©

,’



بسم الله





يعطيك العـــافية
أكيد عارفة حدود الجُرأة
يا ليت تراجعين الأخطـــاء الإملائية قبل النشر
موفقة إن شــاء الله

https://forums.graaam.com/238622.html





,’


mnoori ©؛°¨غرامي جديد¨°؛©

ويننننننك تــــأخرتي كثيرررر

dazy ©؛°¨غرامي مشارك¨°؛©

بااااارت راااااااائع
يسلمو الايااااااادي
ننتظرك بفاااااااااارغ الصبر


همسات وردة ©؛°¨غرامي فضي¨°؛©

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك
تغلق الروايه


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1