غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 05-01-2012, 11:16 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



بيت بو محمد
الاثنين 5 العصر
بوظــــــــبي ..


اهواك وبحبي ابوحــي *** واعشق دلالك لوتماديت
وانا لك محب نصوحي *** مهما تباعدت وتخــــليت


حصه دخلت الغرفه ع اليازيه اللي كانت تدرس لانه عليها امتحان باجر واليازيه كان قاعده ع الشبريه وفارشه الاوراق على كبر الشبريه . ويت حصه وقعدت ع الشبريه ..
اليازيه تصارخ : هاااا .. هااا .. حووووووووو .. لا يالغبيه تحتج اوراق ..
حصه : ههههههههههه .. انزين شو مابقعد عليهن ها يابوج حشا صرتطييييني ..
اليازيه : مع هالويهه ..
حصه :يالسه ادور في معتدج وانطحن ..
اليازيه : عن السخافه الحينه انتي شو تبين ؟؟ ماعندج سالفه والله عندي امتحان 400 ورقه انقلعي ..
حصه : خييييييييييبه 400 .. متى بتخلصين ..؟؟
اليازيه : اذا بتم مجابله ويهج مااظن اني لين باجر اخلص ..
حصه : انزين بقولج شي ..
اليازيه : بسرعه بسرعه قولي ..
حصه تتميع : انزيييييين..
اليازيه اتفرها بالقلم : ايييييييه ..
حصه : هههههههههههههه .. انزين انزييييييين .. بقول انزين ..
اليازيه : بسرعه ..
حصه : يوم الاربعاء بيروحون يخطبون شمه اخت مطر حق احمد .. وامايه بتروح معاهم ونحن بنروح العين يوم الاربعاااااااااء .. واول شي احمد ماكان موافق كان يبا وحده ثانيه وخلاف يدتيه واقعته وجذيه وطبعا اتعرفين انه احمد موته وحياته يدتيه مازعلها ووافق على اللي هيه تباها ..
اليازيه : خيبه نشره تفصيليه ..
حصه : الله وكبر عليج لا منوه قالج هاي بس الاحداث .. قولي ماشاء الله ..
اليازيه : تف تف ماشاء الله .. انزين حرام حليله جوفي هو كان يبا وحده وامه تخطبله وحده ثانيه والله حرام ..
حصه : ااااه االله يعينه ان شاء الله ..
اليازيه : بس اذا كان بدايته معاها غلط فهم يستاهلون ..
حصه : ايوه عاده بليز يعني لو سمحتي لا تقعدين تتفلسفين عليه الحينه صخي .. وادري .. وحطت الورقه في ويهها وراحت تربع عنها تحت واليازيه قاعده تتحرطم واتسب ..





بيت بو مطر
الثلاثاء 10 فليل ..
سويحــــــــان ..



ظبيه وام مطر وشمه وعزه كانوا قاعدين في الصاله وظبيه حاطه حمدان على ريلها عسب اترقده .. وعزه قاعد اتلعوز حمدان وهو طايح على ريل امه ..
حمدان : انتي مووو حلوه .. كبيره فيج عيون كبيره نفث الوحوش.. وتم يحج شعره ويدلع .. ماما منوه هاي ..؟؟ وياشر على عزه ..
ظبيه : ادلع انته ادلع ..
عزه : شومنوه هاي.. هاي عمتك قول عمتيه عزه..
حمدان : لا بس عموه شمه ..
شمه : فدييييييييت شيخ سويحان انا ...
حمدان مستانس شكله عيبته الكلمه : شيخ ثويحان ...
ام مطر : يعلني افداه الغالي ولد الغاليه والغالي ..
ظبيه : محد مبطرنه الا انتي ياعمتيه ..
ام مطر : برايه فديته من عندنا غيره وناسة البيت يعلني افداه .. ووخت عليه وحبته ...
عزه : وع هاذا يحبونه هاذا لازم يضربونه الشيطاااااان .. ماعليه هب مودتنك مدرستيه ..
حمدان : ماما ..
ظبيه : مالي خص فيك انا .. هههههههه .. متبريه ..
حمدان : ماما عوثه ..
ام مطر : فدييييييييت عيونك انا لبيه ياغناتي لبيه .. مسودة الويهه عزوه صخي عن الولد شو تبينه مناشبتنه مناشب ..
عزه : الحينه انتي اتواقيعيني عسب هالزعطوط ..
حمدان : بخبر ابوووووووويه عليج ..
شمه : ههههههههههه .. قولها بخليه يضربج ضرب ..
حمدان يطالعها ويحج رقبته ويرفع صبعه : ضرب .. ضرب ..
شمه : اي حد يقولك اي شي انته شو تقوله ..؟؟
حمدان يغايض عزه ويظهر الها السانه : شيخ ثويحان ..
عزه : مايحتاي عاده طالع انته هاي ضروسك منوه كلها اللي جدام منكسرات ..
ظبيه : هههههههه لا تعلقون على قراجنا خلوه مسكر ..
حمدان : كلاهم الفار وانا راقد تعرفين ليش ؟؟
عزه : ليش ..
حمدان : ههههههههههههه لانج حماره في الجيش ..
عزه :انته كم عمرك ؟؟؟ اعنبوك لسان هالطول .. انته الحينه 3 سنين جذيه انته اللي كبرك مايعرفون يرمسون ..
ام مطر تضربها بقوطي الكلينس : مسودة الويهه بتضربينه بعيين عوذ بالله من شرج سمي عليه بالرحمن ..
ظبيه : هههههههههه هاذا خيل مايصيبه شي ..
ام مطر : الله وااكبر علييييكن الله وااكبر ...
حمدان : اصلا انا مابوديها معايه باجر خالي احمد قال بيي بيوديني فان سيتي مابنوديج ثيحي في البيت ..
عزه : الله يخليك انته بس لا ارجوك ودني .. انا بركب مع خالك وبنخليك انته تصيح ..
حمدان : عييييييب .. خالي ريال انتي حرمه ..
ام مطر : فدييييييت هالمنطوووووق انا فديييت عمرك ..
وتموا كلهم يضحكون على رمسته ..
شمه : ماشاء الله عليك ماشاء الله عليك الله واكبر من الحسد الله واكبر ..
ظبيه وهي تتطالع شمه : هيه عمتيه ترا باجر قوم امايه بييون صوبنا ..
ام مطر : حيااهم الله والله انا من زمان ودنا انشوفهم ماشفناهم من يوم العيد اللي طاف حليلها بينور البيت بوجودهم ..
حمدان : انذين قولي قولي خالي احمد بيبهم ..
ظبيه : هييييييه فكنا خلاص ..
هنيه تم قلب شمه يرقص رقييييييص .. وعزه تتطالعها بمكر وعين خبيثه ..
حمدان :بث بنودي عموه شمه انتي مابنوديج .
ظبيه : هههههههههههههه .. بس بتودي شمه ؟؟
حمدان : هيه ..
ظبيه : انزين انته الحينه بترقد ولا شوه يله ارقد ..
عزه :وووووه ...واقعووه... ووووووه ..
ام مطر : انتي اشعنه مناشبه الولد كلتيله فواده هو اصلا ريال بيرقد ..
حمدان اونه عاد يغمض اعيونه بالغصب ويرص عليهم بقوووو: ريال .. برقد..
ظبيه تكفخه ع جتفه : صك اعيونك عدل ..لعوزتنيه فوق ماتبا ترقد رقديني تحت يايبتنك تحت اتسولف ..
ام مطر : فديته هو مايبا يسولف بيرقد الا هيله الهنتين من حشرتهن مابيرقد صخن عن الولد خلنه يرقد ..
عزه اتصار امها : شو نحن بنتم صاخين لين مايرقد؟؟ ..
ام مطر : غصبن عنج صخي ..
ظبيه : هههههههه .. لا عادي رمسن اعنبوه هاذا اصلا مدوخ الرقاد واصل حده عنده طالعنه اكوه دوخ ..
شمه :فديته والله .. هاتيه بشله بوديه فوق ..
ظبيه : هههههههههههه لا لا ماريد اتقاشر عليج اعنبوه ... شو ؟؟ هاذا متين شوخانتج جان شليتيه ..
شمه : حرام عليج ظبايه حليله هاتيه هاتيه ...
ظبيه : لا والله ماشليتيه .. خليه ابوه بيي الحينه بيشله ... جان بتشلينه اشاطحنه انتي وعزه وحطوه ع الكرسي بس ...
حمدان يفج اعيونه : انا عنزه ؟؟ ..ليش ليش يشاطحون العنز مايشاطحون حمدان ..
وتموا كلهم يضحكون عليه ..
ظبيه اتواقعه : انته مارقدت .. ماعليه رووووووح فوق ارقد اروحك ..يللله
حمدان : لا لا والله والله برقد .. وهالمره صدق رقد .. لانه حصل قرصه ..
ام مطر : حرام عليكم والله حرام..
ودش عليهم مطر ..
مطر : السلام عليكم ..
الكل : وعليكم السلام ..
ظبيه : زين يوم ييت عقب مايرقد ولا مابيرقد ..
مطر : راقد اليوم في الصاله .. وراح صوب حمدان اللي طايح ع ريل امه وحبه على خده .. ويوم يا بيرفع ويهه جابل ويهه في ويهه ظبيه وحبها بين حياتها .. تمت ظبيه مستحيه ومنزله اعيونها تتطالع حمدان واستوا ويهها احممممر وتمت تلعب في شعر حمدان وهو راقد .. وخلاف رفعت عيونها شافته يطالعها .. وعزه وشمه يطالعون بعض ويضحكون بخبث .. وام مطر تتطالع التلفزيون ..
مطر : ها امايه شو الاخبار ..؟؟
ام مطر : حليلهم هيله اللي ماتوا من الزلزال .. الله يجيرنا من شره الزلزالات والبراكين ..
وعزه تضحك من تحت لين تحت .. شمه سكتت عادي لكن عزه .. تمت ظبيه تطالعها وخلاف صدت عليها
ظبيه تضرب عزه على ايديها بمصخره : بسج عاااااده ..
عزه اتهز راسها : ههههههههههه .. ان شاء الله ان شاء الله ..
وتموا ايسولفون مع بعض كلهم وراحت ظبيه وحطت العشا حق مطر واتعشا وراحت ام مطر ترقد عند بو مطر اللي راقد من الساعه 9 وخلاف شل مطر حمدان من ع الكرسي ونش عسب يروح قسمه وراحت ظبيه تركب الدري وراه وهي شاله غترته وعقاله ..
شمه : الله يهنيهم مع بعض ..
عزه : امين والله ظبيه تستاهل كل خير حليلها ..
شمه : يقولج الطيبون للطيبات ..
عزه : الله يسعدهم دوم ان شاء الله ..
شمه : امييييييييين ..
عزه : هيه تعالي ليش هل ظبيه بيونا باجر وليش احمد اللي بيبهم .. اها شوالسالفه ..
شمه : ماعرف بس عادي هم دوم ايون يسلمون وساعات امايه اتروح اتسلم عليهم عادي ...
عزه : لا بس ليش احمد اللي بيبهم ..؟؟
شمه : فديتج احمد ماشاء الله عليه دومه نفيع ..
عزه : ياويييييلي .. بس انا حاسه انه في شي ..
شمه : شي مثل شو ؟؟
عزه : ماعرف .. بس يمكن ..
شمه : لا لاتفكرين هالشي بالنسبه اليه حلم ومستحيل انه يتحقق في يوم ..
عزه : هب بكيفج كل شي في هالدنيا نصيب ..
شمه : هاذا اللي في بالي وبس ان كل شي نصيب .. بس صدقيني ياعزه مااتمنى لنفسي حد الا احمد .. لاني بصدق حبيته ..وشليت هالحب في قلبي مايهمني انه مايعرف اهم شي اني انا احبه .. وبس ..
عزه : ياليت كل البشر شراتج انتي عاقله ياشمه ..
شمه : الحمد لله.
وقعدن ايسولفن وخلاف راحن يرقدن ..



بيت بوعلي
الاربعاء 5 العصر
العيـــــــــــن ..


بو محمد وام محمد وحصه واليازيه ومنصور ولطيفه كانوا توهم واصلين العين ..واول وحده طبعا تنزل من السياره هيه حصه وراحت بسرعه داخل وفتحت باب الصاله وحصلت يدها ويدتها واحمد وعلي وسعيد ومريم وفلاح ومانع يلعبون سوني ..
حصه : السلاااام عليكم ..
الكل : وعلييييكم السلام ...
وراحت حصه ووايهت خوالها وحرمة خالها وحبت يدها ويدتها ع راسهم .. وخلاف دشوا كلهم وسلموا على بعض وتمت مريم بغشوتها عن بومحمد ... وخذوا علوم بعض .. واخبار بعض ..
بو علي : والله منور العين ياحميد ..
بو محمد : امبونها العين منوره بوجودك ياعميه ..
بوعلي : تسلم يالغالي ...
بو محمد : مبروك ماياج يامريم ..
مريم : الله يبارك فيك ياحميد ..
بو محمد : وينها الكتكوته نبا انشوفها ..؟؟
مريم : مرقده ..
ونشت مريم .. ونشن وراها حصه واليازيه ولطيفه .. عسب يرحون يشوفونها .. حصه ماتت تمت منصدمه ..وواقفه عند المنز ..
حصه : وااايه ياربيييييي ياوييييييييييييلي .. فدييييييييييتها هاتيها هاتيها وشلتها تمت تحظنها واتبسوها وايه ثرن البنيات جذيه رحيمااااااااات فديت قلبها ..
اليازيه : عوذ بالله منج روعتي البنت .. خوزي عنها ..وشلتها عنها ..
مريم : ههههههههههه .. والله انتن .. جوفوا كشختنا وفتحت قماطها تراويهم كشختها كانت لابسه فستان جنز فيه ورود صغار بالوردي وقطع بيض عليهن كرهوات باللون الوردي ...
حصه : يارببيييييي يارررررربي .. وتمت اتحط ايديها ع راسها ..
مريم : ههههههههههههه ..
اليازيه : من وين حصلتي شي على قدها ؟؟
مريم : ههههههههه .. قبل لااربي سرت بوظبي وخذتلها كمن واحد من مونسون براويكن اياهن خلاف .. يله ودوها حق ابوكم وامكم خليهم يشوفونها ..
لطيفه : اتوفها ..
مريم : يلي ماتخيلن ليش ماترونها اياها يله راوها اياها ..
اليازيه : ها الشيخه لطيفه جوفيها ..
لطيفه : تتتوووته ..
مريم : فدييتج انتي وشلت مريم لطيفه .. وراحن الصاله اليازيه شاله فاطمه الصغيره وحصه تمشي وراها وتتطالعها اليازيه بغيض ....
علي : منوه مزعل الحص ؟؟ هههههههه ...
سعيد : هههههه بروحها ..
حصه : لا هب بروحي هاي يزوي شلتها ماخلتني اشلها ..هههههههه ..
بو علي : هيهاااااء كله ولا الحص فديتها عطوها اياها ..
وتمت حصه لاصقه في يدها ..
ام محمد : يالبزااايه انتي ..
ام علي : هب من برع يايبتنه يايبتنه من خالها سعود ..
احمد : ههههههههههه .. هيه والله صدقج يامايه ..
بو محمد يشل فطومه الصغيره : فدييييييت الغلا كله .. ماشاء الله بسم الله .. ولصقت ام محمد اتشوفها واتخبلوا عليها لانها كانت ماشاء الله عليها بيضه وعيونها صغار وخشمها صغير وشافيفها حمر .. جنها صوره ماشاء الله عليها من جمالها .. وتموا ايسولفون لين الساعه 6 وخلاف راحن ام محمد وام علي يتلبسن عسب ايرحون صوب بيت ام مطر يخطبون شمه حق احمد ..


في بيت بو مطر
الاربعاء 7 المغرب
سويحـــــــــان ..


احلى سنين العمر بلقاك تتـــــعطر *** يادنيتي وابرك الساعات ساعاتك
يمر طيفك واضمك وارجع استغفر *** وارد اشوفك واقول الله محــلاتك


هالوقت احمد وام محمد وام علي وخالته ام سيف كانوا توهم واصلين بيت قوم بو مطر .. ومطر كان واقف عند الباب عسب يدخل احمد الميلس عند عيال عمه وخاله وواقفه وياه ظبيه وام مطر .. وطبعا شمه وعزه واقفات فوق في حجرة شمه مبندات الليتات واقعدات يطالعن من الجامه ..
شمه : ياربي ياربي محلاته ماشاء الله عليه ..
عزه : ياويييييلي يارب يارب يايين يخطبون اليوم يااااااااارب ...
شمه : انتي شدراج .؟؟..
عزه : انتي شوفي تلميحات ظبيه كيف وبتفهمين ..
شمه : الله يستر ان شاء الله .. ومطت عزه .. حوه بسج مطالع ...
عزه : انزين ..
وراحن يتسبحن ويتلبسن لانهن توهن كانن يايات من المطبخ يساعدن امها وظبيه .. وخلصن ولبست شمه كندوره لونها تركوزاي وشيله سوده فيها خط تركوازي على عرض الشيله وجحلت اعيونها وعزه لبست كندوره صفرا وشيله نفس التشكيله سوده وفيها خط عريض بالعرض بالبيج ... ونزلن تحت يسلمن وسلمن وقعدن شويه وخلاف استسمحن منهم وردوا فوق .. فتحت ام علي موضوع الخطبه حق ام مطر وام مطر رحبت بالهشي وقالتلهم انهم مابيحصلون اخير عن احمد حق شمه و بيشارون ابوها واخوانها وبيخلون البنت اتصلي صلاة الاستخاره وعلى الاسبوع الياي بيردون عليهم خبر .. وتمموا واتعشوا عندهم وخذوا اعلومهم وام مطر وايد استاتست ابهم وهم بعد وايد استانسوا ابها وخلاف ع الساعه 10 ركبوا ويااحمد في سيارته ووصلوا ام سيف الرماح وقبضوا خط العين رايحين صوب العين ..


في سيارة احمد
الاربعاء 11 الا ربع


روح انا راضي بغيابك ياحيــــاتي .... وهذا قسمه لي وهذا لي نصيب ....
كنت شمعه تضوي وتشرق حياتي ... انطفيت ورحت في وقت المغيب .....


ام علي : والله انهم اخير الناس وماشاء الله عليها البنيه حشيم وحبوبه ..
ام محمد : الله يهنيك فيها يااحمد ...
احمد : ان شاء الله .. عاده اهم شي ام علي اتكون راضيه عليه ...
ام علي : راضيه عليك ياولديه في الدنيا والاخره وانا مابا شي غير مصلحتك ..
احمد : يعلني افداج والله ..
وتمت هالمسجات توصل حق احمد من تلفون دانه ...

" لو مانساك قلبي شلته من قفى صدري ... خل التجارب تفيدك ولا تكلمني ... والعب ع غيري لعبة حبك العذري ...في ذمتي شي لا يمكن يرجعني ... الا اذا الرب غير فكري وعقلي ... ولا بد في يوم تندم وتذكرني .. هاذي النهايه خلاص حبك رميته "


"لا تظن إني بصدك محتسب
لا وربي الكون ما اتبع ثراك
لا تحرا عاد به رد وعتب
إنتهى كل شي وانهيته معااااك "


" صاحبي قررت انا منك انسحب
لا ولا ابين واطلع في سماك
من بعد ما صار حبك لي لعب
في الخطا تمشي وانا امشي وراك "


تم احمد منقهر من هالمسجات وطرشلها مسج ..

" لو سمحتي مهما كان في خاطرج انسي انج اتردين وتكلميني واطرشين اليه مسجات.. انسيييييني مثل مانا بنسااااااج "


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 11-01-2012, 10:15 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي


الـــجزء الثــــاني عشـــر


يا كل عمري ياحياتي انا ابيك ... ياعالمي ياحلمـــي اللي طواني
والله ماحلفتــني اني اغلــــيك ... وانت الامل والحب وكل الاماني


بيت بو مطر
سويحـــــان
الخميس 12 فليل ...


عزه وشمه كانوا قاعدات في غرفتهن ...
شمه : والله انيه لين الحينه هب مصدقه معقوله .. انه الخميس اللي طاف خطبونيه وهالخميس استوا كل شي رسمي وبرمسة ريياييل ..
عزه :ههههههههه هيييييه وبعد فوق كل هاذا وهاذا الملجه عقب العيد بشهر وقبل العرس بيومين ..
نشت شمه من ع الشبريه : لااااااء لاااااااء ماصدق ماصدق ...
عزه : انتي قلتي انه كل شي في هالدنيا نصيب وسبحان الله احمد نصيبج احمد الانسان اللي صليييتي عسبه مرتين استخاره بس لانج هب مصدقه وفي كل الحالات مايلازمج شي غير الرااااحه .. وطلعت الها السانها ..تمت شمه ساااااكته تمت اعيونها ادمع ..
عزه : ايهيييييييه بسنا عاده نحن من الافلام الهنديه شو يصيحج .؟؟.
شمه : ههههههه جب هب دموع زعل دموع فرح ..
عزه : اف كله من امايه اليوم ماخلتنا انشوفه وهو ياي لازم ادخلنا المطبخ ..
شمه : احسسن اعنبوج ناطور كل مايي ويروح واقفتله وقفه تتبصبصين عليه مسكييين ..
عزه : انااااااا ...؟؟؟؟!!!! .. اناااااااا .. الحينه استويت انا اللي اتبصص اسكنت حليلي .. حليلااااااه ..
شمه : انتي حليلج انتي السواهي والدواهي كلها منج ..
عزه : شوفي كيف ظبيه بدت تهتم فيج عاد اونه حرمة اخوها ..
شمه : جب انزين لاتقولين عنها جذيه انتي اتعرفين انها اتعدنا شرات خواتها واتحبنا ربااااعه .. عن العبط ..
عزه : لا والله شووو ماعليها اقصووور ام حمدان ماعاش امممممره اللي يقول عنها جذيه لابس شوي طشوووونه الاهتمام زاد في عرب .. انتي ليش واقفه عن الباب مابيي الحينه روح ..
شمه تنتبهه حق عمرها : هههههههه اوييه والله ماعرف شو يابني اهنيه ...
عزه : هب توتر حتى يوم ظهرت نسبتج مالت الثنويه ماسوييتي جذيه ..
شمه : روحي انقلعي بلا نسبه بلا خرابيط ..
عزه : هيه والله بلا احمد بلا بوشهاب بلا خربطان ..
شمه : عزوووووووه ..
عزه : ها انزين صخينا .. وحطت ايديها ع حلجها ..


بيت بو محمد
بوظــــــبي
الخميس 1 فليل


ياحـــي من بــــــينلي الشوق ... وانا شراته صـــرت مشـــتاق
وانته الشراب وطعمي الذوق ... ولو في منامي صوبه اشتاق


حصه واليازيه كانن يطالعن الفلم الهندي في قناة One
اليازيه : اف ماعرف شو بلاه تلفون حمود مسكر ..
حصه مندمجه في الفلم : ...................................
اليازيه : ايييييييييييييه ...
حصه : يمكن راقد ..
اليازيه : اعنبوه شو يرقده .. الحينه ..؟؟
حصه : مااعرف ردي دقي ..
اليازيه : اريد اعرف متى بيي ..
حصه : دقي انزين منوه قابضنج من ايديج ..
اليازيه : هاذا ويهه ولا صحن مجلوب ...
حصه : ههعععهع وايد ضحكتينيه لا بقره محلوووبه ..
اليازيه : جب جب .. وشلت اليازيه السماعه وردت اتصلت بعد بس بعده مسكر ...
حصه اتصد عليها : اتصلي ع الشقه ..
اليازيه : عندج الرقم ؟؟
حصه : هيه هاذوه اهنيه في المكتبه ...
شلت اليازيه التلفون وتمت تتصل تتصل بس محد ايرد ع تلفون الشقه وتموا متروعين خواته عليه ..
حصه : انزين جربي اخر مره وعقب بنخلي حد من اخواليه يتصل ع تلفون طحنون ايشوفونه ..
اليازيه : اوووويه لا ااتروعييييييينيه ..
حصه :انزين يله دقي ..
وشلت اليازيه السماعه واتصلت رن رنتين وشلووه ..
طحنون : الوو ..
اليازيه : اييييييييه يالغبي انته وييييييين نحن من الصبح انحاتيك شو هالسخافه وليش غالق تلفونك فلختنا ..
طحنون : ...................................
اليازيه :ههههههههه .. عادي استلمت انا نشرت الاخبار من عند حصيص .. ههههههههه شحالك فديتك ..؟؟
طحنون : اليازيه .. انا هب .. محمد .. انا .. قاطعته اليازيه بشهقققققققه .. وتمت صاخه ..
حصه : شو بلاج يالعنز السارحه مابترمسينه هاتي انا برمسه ولا ليكون سمعتي صوت ..
اليازيه اتاشرلها انا هاذا هب محمد ...
طحنون : الوو ..
اليازيه : هلا .. السلام عليكم ..
طحنون : وعليييييييييييييييييييييييييج السلام ..
اليازيه هنيه ذابت تمت صاخه وحصه قاعده تتطالعها فاجه حجلها واعيونها..
اليازيه : محمد موجود ؟؟
طحنون : لا اليازيه هو محد نزل صوب الجمعيه وبيرد وانا بعد اتصلبه كله مغلق لانه وهو ظاهر مفضي فاكيد فضى عليه في الطريق ليش انتي دقيتي وحصلتيه مغلق ؟؟...
اليازيه : هيه .. ماعليه قوله هلك اتصلوا فيك .. مع السلامه .. وسكرت ..
حصه فاجه حلجها بكبره : كلمتيييييييييييييييييييييه ؟؟؟؟؟؟؟؟؟؟!!؟؟؟
اليازيه اتهز راسها :........... بس هب قادره اصدق اني سمعت صوته ..
حصه : اونه شو قالج ..قالج اتولهت عليج اشتقتلج ماقالج شي ..؟؟
اليازيه تضربها على ويهها : انتي خبله شووو ؟؟
حصه : اااااخ ..ههههههههههههه احيده سيده كاش في الويهه ومايخبي شوقه ..
اليازيه : انطمي انطمي .. الحينه شو اسوي ياويلي شو اقول حق محمد اكيد بيتهندق عليه ..
حصه : هههههههههههاااااي دوااااااج .. ويسلت اتاشرلها بيديها حرره .. صخي صخي نبا نشوف الفلم طافنى الفلم الهندي اللي في الهند وحظرنا الفلم الهندي اللي في بين روميو في لندن وجوليت في بوظبي ..
اليازيه مسكتها من فجها وجدمت راسها وحطته ع التلفزيون : يله فجي حلجج يالهنديه ... نشت حصه وعضتها في ايديها ..
اليازيه اتصارخ : ااااااااااااي يالاسد فجييييينيه يالسباله يديه بتحمر ااااااااي .. وشويه ورن التلفون ..
شلت حصه السماعه وحطتها ع اذنيها ..
حصه : مرحبا السلام عليكم بيت حميد المهيري .. نعم من يتكلم ؟؟..
محمد : ههههههههههههه .. عليج السلام يالسيلانيه شحالج .؟؟.
حصه : اوووووه هاذا ارباب محمد كيف حالك ارباب .؟؟.
اليازيه : ااااااااي ااااااااااااي .. ويلست اتصارخ ..
محمد : اكيييد تتضارربن ..
حصه : اتعرفني انا ختك حبيبتك مااعييل على حد هيه اللي عالت عليه ..
محمد : انتي اااه منج انتي .. انتي كل البلاوي منج ..
حصه : حليييييييييلي ..
اليازيه اتمط عنها السماعه : حلج حلول في بطنج .. هاتي هاتي .. مرحبا السااااااع ..
محمد : مرحبا ملاين ولا يسدن .. شحالكم ..؟؟
اليازيه : ابخير وسهاله .. انته شحالك؟؟..
محمد : والله الحمد لله .. ايسرج الحال اشحالهم قوم امايه وابويه ويداتيه كلهم ابخير ..
اليازيه : بخير يسرك حالهم كلهم بخير حتى ميرررره بخير ..
محمد : من درابها ؟؟
اليازيه : محـــــــمد بن حميـــــد ..
محمد : امحق ليل .. اتهبين الا انتي وهي ماباها انا ..
اليازيه : ههههههههههههه .. تعال اخبرك فضحتنا رد عليه طحنون..
محمد : هي اعرف خبرنيه انا سرت اخذ اغراض من الجمعيه دوري هالاسبوع حق الجمعيه ..
اليازيه : هيييييييه ..
محمد : انزييين وعلومكم بعد ؟؟
اليازيه : علووم الخير ..
محمد : غريبه شيااها حصيص صاخه ماحيدها ..
اليازيه : اسكت مندمجه في الفلم الهندي ..
محمد : هههههههههههه .. ضارب العرق عندها ثره زاد انها .. هب منها عيل ....
اليازيه : هييييييه هههههههه .. اليوم راحوا ايخطبون الرياييل حق خالي احمد ..
محمد : اعرف هههههه خبر جديم ..
اليازيه : ومنوه خبرك ؟؟؟
محمد : اليوم مرمس سعيد ..
اليازيه : هيييييييه.. بس ماتعرف متى حددوا موعد الملجه والعرس صح ...
محمد : لا هاي ماعرفتها ابا ااعرفها منج .
اليازيه : اشوا ماقفطتنيه ..
محمد : افا علييييييييج .. هههههه ..
اليازيه : الله يسلمك حددوا الملجه عقب العيد بشهر و عقبها العرس بيومين ..
محمد : يستاهل بو شهاب ربي يهنيه ..
اليازيه : اميين .. الا انتوا متى بتوون ..؟؟
محمد : نحن اجازتنا اسبوعين بنييكم بالاثنين ان شاء الله ..
اليازيه : توصلون بالسلامه ان شاء الله ..
محمد : اميين ..
اليازيه : خلاص عيل برايك خسرتنا يله باي ..
محمد : مع ويهج اللي يقول انتي ولا ريلج بتدفعونها الفاتوره اخر الشهر ..
اليازيه : هههههههههه يمكن شدراك ..
محمد : اقولج ..
اليازيه : هلا ..
وسكر الخط في ويهها ..
اليازيه : هااااااااه ..... والله هاذا اخوج سخيييييييف ..
حصه : ....................
اليازيه : ولله حتى الهنود مايندمجون جذيه ..
حصه : سكتي شعندج حشره ظهري برع خلصي رمستج وخلاف تعالي ..
اليازيه : بروح ارقد اخير اليه ..
حصه متروعه : هااااااااااا .. لا لا تعالي شو وين اتروحين واتخليني روحي اخااااااف ..
اليازيه : توج تتدرين انج في حايتيه ..
وخلص الفلم .. ونشت حصه وبندت الليتات وربعت ع الدري : اتهبييين يالعنز انا في حايتج ماحط حايتيه كرمني الله عن العنز شراتج ..
اليازيه تصارخ : سباااااااله ..
وخلاف دشن غرفتهن وحطن اثيابهن وثياب العيد لانهم باجر فليل بيرحون العين ...


عزبة بو سيف
ليــــــوا
الجمعه 4 العصر ..


هالوقت الشباب كلهم كانوا قاعدين في العزبه احمد وسعيد وسيف وراشد وبطي وخالد وناصر..سيف واحمد وراشد كانوا مورين ظو وقاعدين حواليها ويسولفون ...
خالد يكلم الناقه : اشعندج انتي ليش جذيه قاعده تتطالعينيه من حدرت العزبه ماحيد انج اول مره اتشوفييييني ؟؟
ناصر : ههههههههههه .. شو بلاها هاي ؟؟
خالد : انا ادري طالع كيف بالله عليك قاعده وتتطالعنيه شو الشيخه اتعدين فينيه قصيد ....؟؟؟
سعيد : هههههههههه اعنبوك حتى البعران هب طايفات من تحت ايديك ..
خالد : انا شليه طالعها هيه.. شو تبين ؟؟ وياشرلها .. شو تبين ؟؟؟
بطي : يمكن تبا الرقم ..
ناصر : ههههههههه .. هيه صدق هيه هب اخير عن غيرها اللي في الشوارع اللي يبن رقمك ..شو حلال عليهن حرام عليها ثرها وحده من الاناث ..
سعيد : حليلها جواهر ..
بطي : هااااا .. هاااااا . منيه هاي جواهر ..؟؟؟
سعيد ياشر ع الناقه : هااااي ..
وتموا كلهم يضحكون عليييييييه ..
خالد : غربلات ابليسك سميتها جواهر .. هههههههههه .. خس الله عدوك ..اشعندج شو تبين .. اكوه ريلج والله يااخبره عليج . اخليه يملحج ..
سعيد : هههههههههههه .. اصلا هو هب داري عن هوى دارها ..
بطي : عيل هب منها يوم تتطالع ..
خالد : يعني بالله عليج هيله من طايفتج ماعيبوج عيبتج انا شيخج ..؟؟؟ سؤال ردي عليه بصراحه .
سعيد : هههههههههه يالسبال الحينه نحن من طايفتها .. ههههههههههه ..
ناصر : شو بلاك خلود استخفيييييييت ..
خالد : انا ولا هيه ..
بطي : وقمت اتقارن نفسك فيها اقولك روح هات جنسية ابويه ..
خالد : لييييييش ؟؟
بطي : بس ياخي مانتنزل اتكون اخونا بنمسحك بنطر الصفحه اللي فيها اسمك ..
ناصر : ههههههههههه .. لا يالجبش اسميه ورا اسمه في الجلبه الثانيه ..
سعيد : اشطبوووه عيل ..
ناصر : بنسويله جنسيه اروحه ايكون فيها هو وحرمته جواهر وبنشطبه وبنكتب شطب بموجب زواج .. خخخخخخ ..
خالد : يالبعارين انتوا ليش واقفين ورا السور احدروا داخل رابعوا معاهم ..
سعيد : هههههههههههههههه .. افا عليك ماتخلا عنك بو وليد انته الحب ..
نشت الناقه من مكانها ويت صوب خالد وين ماكان واقف ورا السور ويت صوبه وقفت مجابلتنه تتطالعه ..
خالد : ها ها.. عيني من الله خير شو تبين ليش يايه ..؟؟
بطي : لازم يبتولها طاري العرس لازم بتييكم ..
خالد : لا لا مافي انا شادي ..هاذا هاذا بيسويلج شادي وياشر على ناصر ..
ناصر : لا لا استريح ماتباني تباك ..
سعيد : هب جنا خفت اعقولنا اليوم بزياده قمنا انرمس بهااااايم ؟؟ ههههههههههه .
خالد : هههههههههههههههااااااي ..
بطي : ياخي عطها الرقم اكيد عيل تبا الرقم ياخي لاتعذبها ..فكنا
خالد : الشيخه ..999... اتصلي يوم بيرد ريلج ..
سعيد : ههههههههههه .. خيانه زوجيه ..
سيف يصارخ عليهم : تعالوا شعندكم من يتوا جابلتوا البعران ليكون يايين حديقة حيوان ...
سعيد : ههههههههه .. لا خالد يبا يرقم جواهر ..
سيف : منيييه جواهر .. وين حصلتوها ؟؟
بطي ياشر ع الناقه : هااااااي ..
احمد: هههههههههههههه .. هاي اخرتكم اترقمون ناقه ؟؟
خالد : ياخي هاي من الصبح منعجبه فيه تتطالعنيه ونشت من مكانها ويت صوبيه .. تبا الرقم . فديتج محلاج اتجنييييييين .. وتم اونه يستهبل قعد ع الرمله وحط ايديه ع خده وقعد يطالعها ..
راشد : افااااااا عليك امممممره مافيك حيله .. ههههههههههههه .. نهبت العقل مني ياغزالي ...
سيف : خله ياريال لا تخرب عليه شكله امره متخشع من حبها تخشييييييييع ..
ناصر : يالبيييييييييه دخيل الله من حسنك ولونك ..
خالد : حوه انتوا ليش اتغازلونها بس انا انتوا ليش رزه ..؟؟
سعيد : هههههههههه نشاركك ..
خالد :اعنبوكم في كل شي ..
احمد : ههههههههههه .. في كل شي ما عندنا شي مانشاركك فيه ..
خالد : خلك ع صوب انته معرس بتستوي جريب هاي شوتبابها خلها حق العزابيه اللي شرات هيله ..فدييييتج محلاااااج ..
عطتهم الناقه ظهرها وراحت عنهم ..
سيف : افااااااااا زعلت منوه بيراضيها ..
خالد : افا عليك انا اراضيها ..
راشد : وكيف ان شاء الله بتراضيها .؟؟.
خالد : هيله يارمانه الحلوه زعلانه مين ياراضيها انا اصفعها وارا بيها ..
احمد : يلعن ابو الحب شو بيزل ..
سعيد : هههههههههه .. والله استخفينا .. وروح عنهم صوب قوم احمد وخلاف الكل لحقوه وتموا قاعدين في العزبه لين اذان المغرب صلوا المغرب اهناك وردوا بيووتهم ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 11-01-2012, 10:17 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



بيت بو علي
العيـــــــــــــن
السبت 10 الصبح


شوقي عليكم دوم ماينقص ايزيد *** ومازال قلبي وافي العهد والود
ادري لقاكم يالغــــلا كانه العـــيد *** ماخذك يالغالي على محمل الجد


حصه كانت قاعده في الصاله مع يدتها ويدها ومريم ومانع ..
ام علي : يامانع تعال انزين اشرب لك هاذا الكوب الحليب غااوي تعال اطعمه في زنجبيل ..
بو علي : يافطيم انا اروحي متاخر مابيواحيليه لين اشرب حليبج بسرح صوب العزبه ويوم بيي بشرب حليبج يله برايكم ..
ام علي : شو بعد يوم بتي ثرك انته متى تظوي الا ع المغرب ..
حصه : يدي وغلات يدتيه ماتظهر الا وانته شارب الحليييييب .. وغمزت حق يدتها ..
ام علي : حسبي الله ع بليسج ياحصيص ...
بو علي : عليه رفجه لا اشربه واشرب ابوه ..ورفع بالكووووووب
مريم : ياعييني ياعيييييني ..
ام علي : هيه اشرب اشرب عن الرمسه الزايده ...
حصه : ههههههههههههههه .. عليه رفجه يايدي لو احصل ريل شراتك جان خذته ..
ام محمد ادش الصاله : يالمقووووي انتي .. صباح الخير ..
الكل : صباح النور ...
وراحت ام محمد وحبت امها وابوها ع راسهم ..
مريم : ههههههههه .. حليلها حصيص ..
حصه :جفتي عاده ياحرمة خالي اوني انا مقوي حليلي ولا شفتها القوه ولا ادل دربها ..
ام محمد : اه منج ..
بو علي : يله برايكم .. وتوه بيظهر ..
ام علي : لا تنسى الخرفان بنضحيبهن ..
بو علي : اعنبوه حد ينسى ذبيحته ..
ام علي : اشووا ...لا اذكرك بس ..
بو علي : عاده هب الحين االعيد بالخميس انا بيبهن بالثلاثاء ..
ام علي : ماعليه اتحمل ع الدرب ..
بو علي : اشعنه انا شيبه ؟؟؟
ام محمد : افا عليك وين ياك شيبه انته شيخ الشباب ..
حصه : واحلاااااااااهم ..
مريم :واغلااااااااهم ..
بو علي : بياعات رمسه برايكن وظهر عنهم ..
حصه : والله انه يدي سوالف فديته ..
اليازيه : صباااااح الخير ..
حصه : نشييييييتي ؟؟ اعنبوج عبرتي الرقاد ..
مريم : حليلها شو تبينها اجازه برايها خليها ترقد ..
ام محمد : انتي ماتعرفينه لسان حصيص ؟؟
اليازيه : حصوووووه يالسوده.. ظبايه متى قالت بتي ؟؟
حصه : مااعرف يمكن العصر ..
مانع : عموه شفتي نعالي ..
ام محمد : لا فديتك ماشفته خذت نعال ..؟؟
مانع : هيه رحنا انا وبابا وخذنا نعول حقي وحق فلاح وماما خذت حق فطومه ..
ام محمد : راونيه اياه ..
حصه : لا تروايها خله مفاجاه ..
مانع : انتي ام لسان ماريد روحي .. براويها ..
مريم : عييييييييب ..
اليازيه : ووووووووه احسن ..
حصه : ماعليه يالياهل ..
مانع : هبي انا ريال يقولي عمي سعيد ..
ام علي : فدييييييتك يالغالي ..
وراح مانع يربع ييب نعاله ..
مريم : الحينه بيوعي اخوانه تعال انا بيبيه لك .. وراحت مريم وراه ..
وشويه بحمدان فاج عليهم الباب وحادر الصاله ...
حمدان : انااااااااا حمداااااااان يييييييت ...
ام محمد : مرحبا مرحبا الساااااااع ..
ام علي : فديييييييت حمدااااان انا ...
حصه : هلا بالشيوووووخ .
اليازيه : توه مانور البيت ..
حمدان مستااانس وهب عارف وين يصد من فرحته ..ودشت ظبيه وهي شاله حمده وفرتها ع اليازيه وحصه اللي تخبلن عليها وتمت يحببنها ولتمن عليها وهي مبرطمممممه .. ووايهتهم كلهم وقعدت ..
ظبيه :مطر بيحدر ايسلم عليكم ..
اتحجبوا كلهم وقعدوا في الصاله ..
مطر : هووووود ..
ام علي : اهداا فديتك محد غريب .
مطر : السلام عليكم ..
الكل : وعليكم السلام ..
وراح مطر وحب عمته ام علي ع راسها .. وقعد عندهم وخذ علومهم ..
حصه : ليش ماييتي البارحه ؟؟..
ظبيه تتطالع مطر : عرب ماطاعوا يرخصووني ..
حصه : هههههههه ..
مطر : اتشوفينها عمتيه ايوااه انتي ردي عليه الا هي اتقول بتولهه عليك مابروح الحينه بروح باجر وبرد عندك ورا باجر مااقدر ابعد عنك وايد .. الا انا غصبت عليها انها اتعيد عندكم ..
ظبيه : الله واكببببببببر ..
ام علي : ادريبك ياولديه صادق امبونها ماتصبر عنك ..
ظبيه : هييه زيديه زيديه يامايه ثره هو زايد خقه ..
ام محمد : صدق بعد منوه هالحرمه اللي ماتتولهه ع ريلها ..
ظبيه : شفتي عاد ... زاد انج خليتي حميد اروحه وييتي عنه ..
ام محمد:حميد ماعليه شر عند هله .. وفي العزبه .. ومن هو يروح عنا شونسوي نيلس في البيت اروحنا اني ترانا العين ..
مطر : هههههه .. الا هو شحاله ربه بخير وشحاله محمد ؟؟
ام محمد: بخير وسهاله كلهم ابخير ..
وقعد شويه مطر عندهم وخلاف استاذن وظهر عنهم ..
ام محمد : ها شحالها العروس ؟؟
ظبيه : بخير يسرج حالها كل يوم اشلها اوديها مكان عاده هالايام اللي انا فيها بقعد اهنيه بتروح وياخالاتها واختها ..
ام محمد : هيه حليلها زين .. منها والله لو وحده غيرها مابتطيع تتزهب في شهر واسبوعين ..
ام علي : حليلها والله يوم اقولكم حشيم هالبنت اللي بتصووووونه ..
ظبيه : الله يهنيهم ان شاء الله ..
ام علي : اميييييين .. ويرزقهم بالذريه الصالحه ..
ام محمد : امييين
مانع : عموه نعالي نعالي .. وقعد مانع يراويهم النعال ..
مريم : اتقولين اول مره يلبس نعال وطول عمره ايتالي بزنوبه ..
ام محمد: ههههههه حرام عليج مريم حليله فديتك وايد حلو ..
ظبيه : ايجنن بناخذ حق حمدان واحد شراتك انزين ..
مانع : في قياس قده ..
حمدان : ماما انا ابا ..
ظبيه : ان شاء الله ..
حصه : اه ياربي متى بعرس وبتزهب حق عرسيه الاااه اجناااااان ..
ام علي تقرصها : مسودة الويهه ...
حصه : ااااي هههههههه اااي يدتيه خلاص خلاص ..
ام محمد : اعنبوج من بنيه ماشفت بنيه مدوده ع العرس شراتج ..
ظبيه : هههههههه .. عادي ظاهره عليه انا كنت شارتها ..
ام علي : انتي اقوا عنج محد وعقيتج في جبد هالريال المسكين حليله .
ام محمد : بيدخل الجنه من وراها ..
اليازيه : حليلها خالتيه عاده هب شريه جذيه ..
حصه : مريم بييونا قوم روضه هالعيد ..؟؟
مريم : مادري الحص فديتج بس جني سمعتهن ايرمسن امايه عسب ايين ايباتن اهنيه ..وامايه هب طايعه اونه بيتكم في العين وتسيرن ترقدون عندهم سيرن الصبح اتقولهن ولا تردن الا فليل ..
ام علي : فديتهن صدق خلهنا ين يباتن اعنبوه البيت بيتهن ..
اليازيه : لا حرام اصلا حلاتها سهرة الليل ..
وراحت حصه صوب التلفون واتصلت ابهم ..
حصه : هلا رويييييض ..
روضه : هلا بالحص هلا بالغلا كللللللله ..
حصه : انا زعلانه .. شحالج ..؟؟
روضه : هههههههه .. ليش ..انا الحمد لله بخير وانتي ..؟؟ ويزوي ..
حصه : بخير اقولج انا زعلانه .
روضه :هههههههه . قتلج ليش انزين ؟؟
حصه : سمعت انكم مابتون اتباتون
روضه : هيه صدق بنييكم الصبح وبروح عنكم فليل ..
حصه : لييييييييش ؟؟
روضه : مااعرف اتخبري فخور هكيه تباااااااج ..
حصه : هلا فخور ليش مابتوووووون ؟؟
فاخره : قوليلي شحالج .. ههههههه
حصه :البارحه مرمستنج .. ليش مابتووووووون ؟؟
فاخره : اونه عسب خالج سعيد .
حصه : انزين مابنزفها عليه نحن .. لازم اول شي عرس ودق وعقب ..
فاخره : ههههههه انتي تعرفين عاد هلنا كيف لازم اذا الواحد خطب وحده ماتروح بيتهم لو حتى كانت بنت عمه ..
حصه : ياله عاده انتوا اهل الحينه مالكم بد من بعض .. لا تستهبلن والله اصييييييييح .
فاخره : يووووووه .. هههههههههه .. لا ليش اتصييحين لالا .. رويض بتصيح حصوووه ..
روضه : اووووييييه ..
حصه : صدق انا اباكم شووو ؟؟
فاخره : صبري برمس امايه بقنعها ..
حصه : قوليلها حصه اتصيييح .
فاخره : صيحي اول عسب مااجذب ..
حصه :اههههيييااااااههيييي ..
فاخره : هههههههههه .. انزين .. وراحن روضه وفاخره قعدن يشاورن امهم بس تمت امها مصممه ع رايها عقب قالتلها انه حصه اتصيح .. وعقب ماهانت عليها حصه ووافقت انهم ايباتون عندهم بس يوم واحد ..وردت فاخره وخبرت حصه بالخبر..
حصه : الاااااااااااه وناااااسه يس يس استااانست الاااااااه ..
روضه : هههههههههه .. قوليلها استاااانسي ..
فاخره : يلي استانسي ..
حصه : والله مستانسه مستانسه ههههههههه ..انزين يله بخليكم الحينه نحن بنروح بناخذ قطع من دبي وبنوديهم حق المصمم حق عرس احمد هبابه يخلصهن وياويلكن ان نسيتوا اثيابكن قبل لا اجوف رقعت ويوهكن اريد اشوف رقعة ويهه شنطتكم ..
فاخره : هههههههههه .. انزين حبيبتي تامرينا بشي ..
حصه : انتن فصلتن ..
فاخره : هههههههه ..نحن من الدوده اللي فينا ماقدرنا نتحمل اول ماخبرونا رحنا البارحه وفصلنا ..
حصه :عند منوه ..
فاخره : رحنا بوظبي ويا مريم بالاربعاء وفصلنا عند علي فواز ..
حصه : هييييييه .. خلاص فديتج يله مع السلامه .. انشوفكم يوم العيد ..
فاخره : ان شاء الله ..
وسكرت حصه عن فاخره وعقب راحوا لبسن عبيهم وركبوا السياره ..ظبيه وام محمد وحصه واليازيه وراحن دبي عسب ياخذن القطع ويفصلونهم اول ماوصلوا راحوا عند المصمم هزار اللي في جميرا وشافن الموديلات وعيبنهن كم فستان وراحن خذن الهن القطع من مركز الغرير وخلاف ردن عنده وفصلن الهم فساتين وخلاف راحن برجمان خذوا الهم فساتين خفيفه حق العيد على شكل تنوره وقميص وع المغرب ردوا العين ..


بعد يوميــــــــــــــن


بيت بو عبدالله
بوظـــــــبي
الاثنين 4 العصر ..


انساك كلمه مالها اية وجود بمرجعي *** والقلب لا منه نوى غيرك حبيبي بمنعه
تنتابني ذكراك بين الوعي ولا وعي *** ماكنك الا بحر حلمي والمشاعر الاشرعه


طحنون توه كان واصل البلاد هو مع محمد .... كان ياي مع سعيد خال محمد .. لانه سعيد هو كان رايح اييبهم من المطار وصلوا طحنون البيت وخلاف راحوا بيت قوم محمد يشلون اغراض محمد وبيرحون العين ... حدر طحنون البيت وحصل هله كلهم قاعدين في الحوي ..
طحنون : السلام علييييييييييييكم ..
الكل : وعلييييك السلام ..
وراح صوب امه ولوى عليها وحبها ع راسها وسلم على ابوه واخوانه واخواته .. واتخبر عن حالهم واتخبروا عن حاله .
ام عبدالله : تو مانورت بك البلاد يالغالي ..
طحنون : منوره بج وبهلها يعلني افداج ..
بو عبدالله : ها بشر متى بتخلصون خلاص الشركه تترياك ..
طحنون : ان شاء الله قريب يابويه ..
هادف :هيه الحينه لو انا جان ماسويتوليه هالفلم الغاوي ..
ام عبدالله : ياويلي ع الغيره .. ثرها تحرق اليوف ..
طحنون : انتي ماتعرفين هادف واسموه يموتون من الغيره ..
اسماء : اخويه حبيبي توك ياي من برع هد اعصابك لاحق ع الضرايب معايه ..
طحنون : هههههههههه .. سباله ..
اسماء : وينها هديتيه ..؟؟
طحنون : يبت حق الكل الا انتي ماحصلت شي حقج ..
اسماء : والله لا ااردك لندن مره ثااانيه ..
عبدالله : ها ها هيدي ع الريال حليله شتبينه توه ياي اتردينه .. انتي ماتشبعين تبين اللي ظاهر واللي راد ايبلج شي الله يعينه غانم ..
بو عبدالله : وانا اشهد الله عينه ..
طحنون : ع طاري غانم شحاله ؟؟
هادف : بخير يسرك حاله يشقح وينطح عرسه عقب 5 شهور ..
طحنون : ههههههههههه .. سووها فيج ..
اسماء : للاسف هيييييه ..
مهره : ختك بزي ..
طحنون : هاه اخيرا سمعنا حسج ..
مهره : قتلك شحالك ..؟؟
طحنون : وايد عليج ..
هادف : شو فيك انته ؟؟
طحنون : نسييييييت نسيييييييت هههههههه ..
وتم طحنون قاعد معاهم شويه وخلاف استاذن منهم وراح عسب يرقد شوي ويرتاح وطبعا هو مرتاح نفسيا انه رد البلاد هو يدري انها هب في بوظبي بس يسد انها معاه في نفس البلاد ومايفرق بينهم غير دقايق وهب في غربه .. وايد استانس على اخر حركه صارت من بينهم واتمنى انه يشوفها قريييييييييييب وهالامنيه كانت من قلبه .. ويمكن تتحقق له ..


في العين مول
العيـــــــن
الثلاثاء 7 المغرب ..



هالوقت بطي وسعيد ومحمد واخوه الصغير منصور وحمدان ولد ظبيه كانوا في العين مول في محل النعول يالسين ياخذون الهم نعول وحق اليهال بعد ..
سعيد : بيسافر عيل خلووود البحرين ها ..
بطي : اسكت امايه حاشره عليه الدنيا كيف يسافر في العيد عاده انته تعرف دوامه مايعطونهم اجازه .. الا في الاعياد والمناسبات ... وهو مسكين يبا يسير ويا ربعه يستانس ..
سعيد : ههههههههه ... والله خالتيه وامايه سوالف يضحكن ...
محمد : وامايه قامت تتعلم منهن الله يعيني ..
بطي : ههههههه .. هب مره وحده الله يعينك الله يعينك عيناااااه ..
محمد : انزين وخلته يسافر ولاا؟؟ ..
بطي : البارحه طول الليل قاعد معاها يقنعها .. واخر شي اقتنعت اتعرفونها موزه اول شي لا لا عقب برايكم سوو اللي تبونه انتوا عيال هالزمن مااطيعون الشور .. دوم هاي رمستها ..
سعيد : وابوووووووك ..؟؟
بطي : لا ابويه عادي ..روح وين ماتبا ..
محمد : يالفضيييحه طالعوا حمدان شو يسوي ..
يوم صدوا على حمدان .. الحبيب شال نعاله الجديم اللي كان لابسنه وحاطنه الهم مكان النعال اليديد ولا بس النعال اليديد في ريله يبا يظهر من المحل ..
سعيد : اااااخ ويهيه شو هالمقلوووووع .. وراح عنده سعيد .. تعال تعال وين ساير ..
حمدان : خلاص بنسير عند ماما .. ماما قالت هاتوا النعال وتعالوا ..
سعيد : تعال ليكون المحل مال امك لبست وظهرت تعال تعال افصخ ..
حمدان : نعال مابا ..
راح بطي وشل نعال حمدان الجديم وراح عند حمدان ..
بطي : حمدان افصخه هاته ..
حمدان يعقه : ابا.. ها ..ابا.. ها ..
سعيد : انزين بنحاسب بنحطه في كرتون نفس منصور لا تسوي حركات الجنقل هاي ..
حمدان : انزين نفش منصور ..
سعيد : هيييه نفشه نفشه ..
وخذوا الهم كلهم نعله وخلاف نزلوا اليهال في البيت وراحوا ايكملون اغراضهم ..


في بيت بو سيف
الرمـــــــاح
الثلاثاء 9 فليل


هالوقت كان خالد متلبس عسب يروح المطار يسافر هو وربعه البحرين وامه طبعا مشتطه وكان توه نازل من الدري وجدامه يمشي الطباخ شال له شنطته ..
خالد : بدال ماتدعين اني اوصل بالسلامه مشتطه عليه جان ماوافقتي عيل من البدايه ..
ام سيف : كيف ياولديه اتسافر وبعد باجر العرب عندهم عيد ..
خالد : ياله يامايه عاد اللي يقول ساير اروحيه تراني رايح مع ربعيه وربعيه كلهم عندهم اهل وراحوا عنهم خليني استانس دامنيه اعزوبي ..
ام سيف : يله ماعليه شو بقول بعد تروح وتوصل بالسلامه بس اول ماتوصل تتصل ابيه اطمننيه عليك انزيييييين ..
خالد : افا عليج ياشيخة الرماح انتي ما تتطلبين انتي تامريني امر امرج على عيني وراسي ..
ومسك ايديها وحبها ع ايديها وحبها ع راسها ..
ام سيف : الله يرضى عليك ياولديه ..
خالد : اذا هب راضيه الحينه برد ثيابيه وهب مسافر ..
ام سيف : لا فديتك دامه السفر في خاطرك ماعليه فديت قلبك انا روح غناتي واترد بالسلامه ان شاء الله ..
خالد : يعلني افدا قلبج انا .. وشويه ورن تلفونه ربعه متصلين فيه يتريونه برع .. وسلم على امه مره ثانيه وراح وهو رايح رفع راسه صوب جامة قوم نوره وحصلها واقفه وتسويله بيباي .. اطالعها وظحك والطباخ كان شال الشنطه وركبها في سيارة ربيعه وركب خالد وراحوا المطار ..
نوره : اااااااه بموت ماباه يسافر ..
علياء : يالغبيه لا تمين تتحكمين فيه من الحينه خالد هب من النوع اللي يحب حد يتحكم فيه ..
نوره : اعرف من علاقتي وياه هالاسبوعين عرفت هالشي ..
علياء : انزين بس شو مش وياج اوكيه الحيه اخير عن قبل ..
نوره : ماعرف احسبه ساعات جذيه وساعات جذيه ماعرف كيف ..
علياء : لازم يعني واحد احلا عنج شو تتوقعين منه .. والف وحده تتمناه ..
نوره : سكتي ابا اسوي عملية تجميييل ..
علياء : هههههههه يوم بتاخذينه وبفلوسه وبفلوس ابوه بتسوين اللي تبينه ...
نوره :ادري هم ماعليهم اقصور عندهم خييير ..
علياء : عسب جذيه نحن نباهم اول شي جماله وعقب مخباه وعقب سيارته وكشخته ..
نوره : طبعا طبعا بدوووون شك .. وهي بعدها موقفه جدام الدريشه واترمس ختها وطبعا الليت مفتوح واي حد ايكون في حوي بيت قوم ام سيف يقدر ايشوف اللي في الغرفه وشويه ودخل راشد بسيارته وكان ايلكم ابوه في التلفون ..
راشد : ها ابويه انته وين ؟؟
بوسيف : انا اهنيه قاعد في بيت عمك .. مابتيينا ؟؟
راشد : والله يوعان بتعشى وخلاف بييكم ..
بوسيف : وديت امك العين احيدها تبا اتروح تشتري غريضات حق العيد ..
راشد : انا قتلها جان تبيني اوديج بوديج اليوم لاني اليوم كنت في بوظبي وهي تبا تروح باجر ... ابويه ودها ..
بو سيف : وين ادربحهااااا؟؟.
راشد : ههههههههههه .. ماعليه بخبرها ..
بوسيف : والله ياقص لك السااانك ..
راشد : ابويه ثرك سوالف خلاص انا بتعشى وبييكم ..
بوسيف : خلاص ماعليه افا عليها ام سيف انا بوديها باجر .. يله اتتعشى وتعال ..
راشد : غايته مع السلامه ..
وسكر راشد ونزل من سيارته وهو نازل شافها واقفه عند الدريشه تم يطالعها منصدم من قوتها وعقب يوم شافته سكرت اونها الستاره وهو دش البيت ..
راشد : السلاام عليج الغلا ..
ام سيف : وعليك السلام ..
راشد : امايه هالخبايل بنات يرانا اشعندهم موقفات عند الدريشه .؟؟
ام سيف : وايه وانته شو تباهم برايهن دريشتهن يمكن حليلهن مايدرن انهن يبينن .
راشد : ماشاء الله يهال هن ها ؟؟
ام سيف : مايدرن حليلهن ..
راشد : والله انتي اللي حليلج طيبه تتحريم كل الخلق شراتج ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 11-01-2012, 10:21 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



الجزء الثاني عشر
( الفصل الثاني )


حبك حبيبي في الظماير كواني ... كل الجوارح تشتكي من طعونك
لو بخـــــتياري مافترقنا ثواني ... ولا عشت لحظه ياحياتي بدونك


بيت بو علي
العيـــن ..اول ايام العيد
الخميس 7 ونص الصبح ..


ام علي دخلت غرفة ظبيه وين ماكانن ظبيه وحصه راقدات مع عيال ظبيه ولانهن رقدن مع اليازيه ومريم البارحه متاخرات الا هاي تستشور شعر هاي وهاي اتلف شعر هاي اتعرفون انتوا سوالف العيد وربشته ....
ام علي : يله بسكن ارقاد اعنبوكن عبرتن الرقاد ..ظبيووووووه ... حصوووووه ...
ظبيه : ها امايه اعيالي رقود شويشوي ..
ام علي : اعنبوه بسكن الساعه سبع ونص عيد هاذا العيد العرب فيه اتقوم من الغبشه هب تعبره ارقاد لين الساعه 10 و11... ماتسمى عيل عيد دامه جذيه ..
حصه تتميع : يدتيييييه ..
ام علي : ها .. ها .. عن الخفه ..
حصه : ههههههههههههههه .. اي خفه يعني الحينه انا خفيفه ..؟؟
وشويه ونشت حمده اتصيح ..
ظبيه : امايه اخلي حمدوه اتروح مع الخدامه اتعيد ..
ام علي : حليلها اسكنت صغيرونه هاي وين بتودينها خليها خليها طرشي حمدان ..
ظبيه : حمداااانوووووه .. نش ..
ام علي : يله البسن بسرعه وظهرن قبل لا العرب اتي اتسلم هب اتسونليه شرات هاك العيد ..وظهرت عنهم ..
ظبيه : ان شاء الله ان شاء الله ..
حصه : انا بوعيه ..
ونزلت حصه من ع الشبريه وين ماكانت راقده هيه مع ظبيه ع الشبريه وراحت طاحت حذال حمدان ع شبريته اللي كانت في غرفة ظبيه..وتمت حصه اتلعوزه واتحببه وهو يتجلب متضايق يبا يرقد ..
حمدان : ماما ماريد اروح المدرسه ..
حصه : ههههههههه .. شو يعني انا رحت بيتكم ولا انته في كل مكان عندك مدرسه ..
حمدان : اسكتي يالدبه ..
حصه : هب شرااااتك .. وتمت تنغزه في خواصره وهو يضحك..
ظبيه :ايييه اييه نش نش عن الشطانه ... نش يله عسب اتروح اتعيد مع منصور وفلاح ومانع يله ..
حمدان : انزييين .. وراح يربع الحمام وراحت وراه حصه عسب اتخليه يغسل ويهه و ظبيه قعدت اتظهرله اثياب ودخلت ظبيه عسب اتسبحه ..وظهرته ولبسته .. وخلاف نشت حمده ..
ظبيه : زخيها لبسيها عسب نعقها ع امايه ونتلبس ع راحتنا .. تعال كلم باباه ..
حمدان : بروح بيرحون عنيه ..
ظبيه : تعال يالسبااال ابوك هاذا ..
وتم حمدان ايكلم ابوه وشلت عنه السماعه ظبيه ..وراح يربع تحت ..
مطر : شعنده مستعيل ؟؟؟
ظبيه : يبا يسير يعيد مع الصغاريه ..
مطر : خلي الخدامه اتروح وياهم عن الشارع والسيايير ..
ظبيه : لازم انزيييين .. انته ماتعرف ماتعطي ملاحظات ..؟؟
مطر : ها عيل شو ولي امركم ع الفاضي .. غناتي ..
ظبيه : هلا ..
مطر : عيدج مبارك ياغلى انسانه في هالدنيا ياقلبيه وحياتي وحرمتيه وختيه وربيعتيه وكل شي في هالدنيا ..
ظبيه قافطه ومستحيه من الخاطر : علينا وعليك .. وكل سنه وانته طيب ..
مطر : وانتي طيبه .. حد حذالج .؟؟.
ظبيه : همممم .. هيه ..
حصه : اظهر برع .؟؟.
ظبيه : انجبي لبسيها وقعدي ..
مطر : هههههههههههههه .. حصوه هاي ؟؟؟
ظبيه : في عظم ينشب في البلعوم غيرها ؟؟
حصه : قتلج بطلع ..
ظبيه : قتلج قري مكانج ..
مطر : هههههه ..انزين غناتي خلاص انا بنش اتسبح وجذيه وبسير الميلس وع الظهر ببييكم اسلم عليكم تامرين بشي فديت روحج ..؟
ظبيه : لا فديتك سلامتك .. اتحمل على عمرك وانته ياي ..
مطر : ان شاء الله ياام حمدان تامرين امر .. يله مع السلامه ..
ظبيه : ربي يسلمك مع السلامه ..
حصه : ياعيييييييني ياعيييييييني ياربي متى باخذ خالد وبيقولي هالكلام وبتصل اعيد عليه ..
ظبيه : حصووووووه انتي بعدج على هالموال .. كم مره اقولج فكري فانسان يفكر فيج هب في انسان هب داري عنج ..
حصه : وقلبي ..
ظبيه : عذبتينا انتي وهالقلب خلاص صخي تقهريني يوم ترمسين عنه اف ..
حصه : اففف من هالحاله اللي انا فيها ..
ظبيه : لبسي بنتي عدل شويشوي عليها .. لا تحطين حرة خلود فيها ..
حصه : اذا بحط الحره بحط حرته فيه هو مابحمل اي حد الذنب ..
ظبيه : بتجتلينه مثلا ..
حصه : اتمنى ايي اليووووووم ..
ظبيه : الله يعطيج على قد نيتج ويتحقق حلمج واييج اليوم واتشوفينه ..
حصه من الخاطر : اميييييييييييييييين .. يارب .. لا ترد دعوتها ..
ظبيه اتهز راسها : هههههههه .. الله يعينا ... وراحت تزقر الخدامه عسب اتي اتشل حمده اتنزلها تحت عند امها في الصاله .. ويت الخدامه شلت حمده .. وقعدن حصه وظبيه يتعدلن وخلاف يتهن اليازيه شاله بدلتهاا في ايديها وعباتها وشيلتها ... وقعدن كلهن يتعدلن ويسولفن ونزلن تحت .. وكلهن كانن رافعات شعورهن على فوق ومخلينه نازل شويه وع الطرف كانن حاطات فراشات وكل وحده فراشتها على لون بدلتها.. ظبيه بدلتها سوده شيفون وفيها فراشات بالتركوزاي والاصفر .. وحصه نفس البدله بس لون وردي والفراشات اللي كانن في بدلتها باالوردي والعنابي .. واليازيه نفس البدله بس لونها اخضر والفراشات اللي فيها عاللون الاخضر واللون العسلي .. ونزلن وحصلن حريم عندهن وسلمن وقعدن ... وطبعا حطن عبيهم وشيلهن في الصاله ع الكراسي عسب اذا حد من الرياييل يدخل لانه قمصانهم كانت نص كم والطرف الثاني ربع كم .. وعقب ماظهرن الحريم دشوا احمد وسعيد ومحمد اللي كانوا توهم يايين من بيت قوم عمومتهم وهلهم ودخلوا وسلموا عليهم وقعدوا ياكلون فواكه ..
سعيد : ياعيييني شو هالاثيبوبياات اللي عندنا ..
احمد اشووووف اشووووف .. هههههههههههههه .. شو ها ؟؟
ظبيه : انتوا شلكم في الذوق والموضه ..
سعيد : ليش انا هب عالذوق والموضه ..
اليازيه : ولا شفتها بعيينك ..
سعيد : هاي الفراشه ميبستنها وحاطتنها على شعرج ..؟؟
اليازيه : هههههههههه .. هيه شدراك .؟؟.
سعيد : اكتشفت هالشي ..
احمد : مايحتاي مكتشف الذره ..
محمد : هيله اصلا ماشافنها الكشخه بعينهن ..
حصه : صخ انته ياللندني ..
ام محمد : هبي هباج ربج لا اتقولين حق اخوج جذيه ..
حصه : ياربي ..
محمد : ههههههههه دواج تستاهلييييين ..
ام علي : هاتي التلفون بنتصل انسلم على عمتج ام مطر وبناتها ..
سعيد : وعطوا احمد يبارك حق حرمته ..
احمد : هههههههههههه تستهبل شو ؟؟؟
سعيد : صدق ماتبا ؟؟
احمد : لا مابا ..
ام علي : فديته احمد حشيم هب شرات بعض الناس ...
ام محمد: امايه تراها تقصدك ..
سعيد : اعرفها امج عدل انا ..
ام محمد : هيه والله ..
سعيد : امايه وين عيدتيه ؟؟
ام علي اتناوله حبة التفاحه : يود هاي عيديتك ..؟؟ انته مسود الويهه وينه ابوك ..؟؟
سعيد : ههههههه هاي عيدتيه .. الله يسلمج ابويه راح يسلم على ربيعته ..
ام علي : ربعبك حمار مسود الويهه .. انطم انطم ..
ظبيه : بس صخوا بيقولون شو بلاهم هيله يوم العيد يتناقرون ..
واتصلت ظبيه وشلت التلفون شمه ..
ظبيه : مرحبا بالعرووووووووس شحالج .. وتعمدت اتير الرمسه وقعدت اتحرك حياتها حق احمد ..
شمه : .................... بخير وسهاله ..
سعيد : ها . .. هاا ..
ظبيه : صخيتي يوم قتلج عروس ياويلي فديت اللي يستحي ..
واحمد كان يطالع ظبيه باهتمام لانه من خطبها مافكر يسال عنها هيه كيف شخصيتها او كيف شكلها او انه يعرف اي شي عنها فحب انه يلقط اي من هالمكالمه البسيطه ..
شمه : عيدج مبارك حرمة اخويه ..
ظبيه : علينا وعليج ياحرمة اخويه ..
سعيد يزاعق : عيدج مباررك يالعرووس من عند المعرس ..
شمه مستحييييه : انتي متصله اتغلسيبيه .. يودي عزه تباج ..
ظبيه : ههههههههه .. خلاص خلاص تعالي انزين بقولج شي ..
شمه : هلا ..
ظبيه : يتج اللبنانيه عسب تاخذ قياسج ..
شمه : هيه يتني يوم الاثنين ماطاعت ترقد عندنا حجزتلها بنت خالتيه في الفندق وخذتا القياسات وسافرت بالثلاثاء لبنان ..
ظبيه : هيه اشوا هبابه لين مايخلصونه الفستان .. خلاص عيل عطيني عزه اسلم عليها ...
وتمت ظبيه اتسولف مع عزه وخلاف عطتها ام مطر وعايدت ظبيه على عمتها وخلاف عطت امها وعايدت ام علي على ام مطر وخلاف عطت السماعه ام محمد وعايدت عليها وخلاف سكرت عنها ...
احمد : انته اشعنه ماتخيل اعنبووووك قرصك نيي .. شلك اتقول من عند المعرس ..؟؟
سعيد : ياخي خلها شوي اتحس بالاهتمام ..
ام علي : مايستحي مسود الويهه ..
سعيد : انا اول مره اشوف ام اتسب ولدها يوم العيد ..
ام علي : صخ .. صخ الله يخليك ..
اليازيه : فستناها بيسونه في لبنان ؟؟
ظبيه : هيه فستان العرس هناك اتقول يوم الاثنين يتها هاي المساعده مالت المصمم وخذت قياساتها وسافرت بالثلاثاء ..
حصه : عند منوه مسوينه ؟؟
ظبيه : روبير ابي نادر ..
حصه : هييييه صح وايد يمدوحونه اكيد فستاها بيطلع ايجنن .. انا عرس حمود ولا يزوي بسوي عنده ..
محمد : ماعليه بتترين وايد .. جانه الا عرسي ..
ودخلت عليهم مريم شاله بنتها فطومه ..
احمد : حيييبه حييييييبه الشيووووخ ياربي محلات الوردي يجنن ..
سعيد : حمووود يله يله انرقمها ..
محمد : ههههههههههه ...
مريم : منوه انا ولا هيه .؟؟
سعيد : انتي دقي حق علي شوفيه وين شو نباج نبا الغزال اللي في ايديج هاتيها هاتيها ..
ام محمد: لا لا استريحوا ماتباكم تبا عمتها العوده ..
مريم : هييه تبا عمتها ...
احمد : لا عاد جانها تبا الريم مالومها منوه مايباها الريم فديتها ..
ام محمد : افدااك يالغالي ..
محمد : ااتشققت امايه ..
حصه : لازم منوه بيمدحونها الا اخوانها ولا مالت على اللي عندنا ..
اليازيه : هب عايبنج دقي راسج في الايدار انا اخويه عايبني فديته ..
ام علي : ياويييلي يانقيركم ها اللي مايخلص ..
وقعد سعيد يلعوز حمده واحمد ومحمد يلعوزون فطومه وام علي تتحرطم عليهم .. ودشوا عليهم اليهال يترابعون منصور ومانع وفلاح وحمدان ..
حمدان : يدووه يدوووه لحقي ذبحوا الجلب مالكم ..
سعيد : حووووه اي جلب ؟؟
ام علي : وايه بالستر ماحيد عندنا اجلاب ؟؟
منصور : لا الخروووووف ..اسمه خروف مش جلب ..
وتموا كلهم يضحكون على حمداااااااان ..
بطي : هوووووووود ..
حصه : ياويلي وين عبينا ..؟؟؟
واترابعن يلبسن عبيهن .. وظهرله سعيد ووقف معاه شويه ..ودشت مريم قسمها عسب اتروح بيت هلها ..
ام علي : اهدا يابويه اهدااا ..
ودشوا بطي راشد وسيف وناصر وزايد .. وسلموا على خالتهم وبنات خالتهم الريم وظبيه وسلموا على حصه واليازيه من بعيد .. ناصر من شاف اليازيه قعد يطالعها ويبتسم وهو يسلم عليها ..
ام علي : ياحيالله من يانا ..
سيف : الله يحييج ويبجيج ياخالتيه ...
حصه تصاصر ظبيه : هاذا الحبيب الاولي ..
ظبيه ادقها بكوعها : صخي يالسباله ..
ام محمد : شحالك سيف من زمان ماشفناك ..؟؟
سيف : والله موجودين اتعرفين انتي الدوام ..
ام محمد: الله يعينكم ان شاء الله ..
بطي : اميين ..
ظبيه : وينه خالد ماشوفه وياكم ؟؟
راشد : خالد مسافر البحرين ويا ربعه ..
ظبيه : هيه ماشاء الله ..
ماتت حصه من الغصه والقهر واضح على ويهها وماقدرت انها اتسوي اي شي غير انها قعدت تتطالع الارض بغييض واضح وبطي طبعا انتبهه لهاذا الشي لانه من قعد كانت تبتسم وتضحك فجاه تغيرت بس هو ماعرف شو السبب حس انه نظراته هي السبب ..لكن هي هب داريه عن هوى داره ولا عن نظراته ولا انتبهت الهن اصلا ...
ام علي : امايه اليازيه نشي فديتج خليها اتيب صحون نظاف ...
اليازيه : ان شاء الله يدتيه انا بروح اييبهن ..
وطلعت اليازيه من الصاله ودخلت المطبخ ..

غرشوب...رعبوب... والخصر منهوب *** والعــود ميال نهـاب القلوب من شوفه اتذوب
بــــــــــو شــــــــــــــعـــــــــر نشــــــال *** الله محـــــــلاه الزيـــــن غــــطاه والحق ينقال


ويوم توها بتظهر والصحون في ايدها.. كانت قصتها على ويهها وكانت اتحاول انها اتعدل شيلتها بايد وحده وهي مندمجه اتعدل قصتها ويوم يت صوب الدري اللي عند المطبخ عسب تنزل شافت واحد ماجبلنها لابس نظاره شمسيه ويوم رفعت اعيونها شافت طحنون .. تمت فاجه اعيونها وصااااااخه وهو طبعا من شافها بهت ماعرف هو وين ياي او هو شو يبا الحينه وهي نفس الحاله تمت تتنافض بكبرها والصحون يتنافضن في ايديها .. انتبهه عليها وتم يطالع الصحن ويطالعها ..
طحنون : بينكسرن الصحون .. وتم يبتسم وشل النظاره ..
اليازيه ساكته وتمت تتنافض اكثر عن قبل ..
طحنون : عيدج مبارك اليازيه ..
اليازيه تصرط ريقها وساكته .. ولفت الصوب الثاني عسب اتروح عنه .. تم يضحك عليها ودش الميلس وهي دشت بسرعه الصاله .. وحطت الصحون وكانت امها قاعده اتقص الفواكه .. وحطتهن حذال امها وقعدت حذال ظبيه وحصه وشويه ورن تلفون محمد .. هنيه ماتت هيه .. وتم محمد يرمس في التلفون ويوم سكر ..
محمد : ربيعي طحنون في الميلس بييكم ..
بطي : لا ماعليه الغالي خذ راحتك ..
محمد : السموحه منكم ...
سيف : بالحل ..
ام محمد : ياحليله طحنون ياينك لين العين ... ماشاء الله عليه هاي الرباعه ولا بلاها .. الله يخليكم حق بعض سلم عليه ابويه ..
محمد : ان شاء الله امايه ..
سعيد : بني نحن صوبكم بنخليهم يقربون وبنيكم ..
محمد : خلاص غايته ..
وظهر محمد وتموا الشباب يتفالون وخلاف راحوا الميلس وتمت حصه تستجوب اليازيه ..
اليازيه : جب يالسباله طالعي ظبيه كيف تتطالعنا لا تثيرين الشكوك انطمي ..
حصه اتصاصرها : اف انزييييييين.. بس بتخبريني بالتفصيل والله ياحييج .. اه يالقهراحس اني بموووووت من الغصه احس ويهيه حار من القهر اف شو يسفره شوه يعني انا ماجوفه الا من عيد لين عيد ليش يسافر ..
اليازيه : انطمي ماتفهمين عقب بنتفاهم ..
حصه : اففففففف ..


في بيت بو عبدالله
بوظــــبي
الخميس 1 الظهر ..


غار الغصن من قد لــينك *** يحقــــلك رقـــــة دلالــك
اموت انا في رمش عينك *** ومن ناظرك لا شد هالك ..

اسماء كانت قاعده روحها في البيت ..حريم اخوانها راحن يسلمن على هلهن .. وامها راحت اتسلم على حرمه عيوز حذال بيتهم .. وهي مشغله ستار اكاديمي وقاعده تتطالع .. وكانت كاشخه كانت لابسه بدله لونها وتنورتها كلها كانت عباره عن طبقات باللون التركوزاي وحاطه ميك اب خفيف نفس اللون ...
غانم : هوووووود ..
اسماء هنيه ماعرفت شو تسوي : اهداااا ..
ودش غانم وتم واقف ع الباب ..
غانم : عيدج مبارك العيووز ...
اسماء : وين وين لا تدخل ..
غانم : اعنبوج انتي ماتستحين على الاقل قوليلي حياك اقعد عيدك مبارك ...
اسماء متروعه : شو محد في البيت ..
غانم تم يطالعها ويضحك : هههههههههه .. بيت عمي عادي ..
اسماء : كيف تقعد معايه روح اقعد في الميلس لين حد اييك ...
غانم : انا توني متصل في هادف قالليه اقعد في البيت الحينه انا بييك .. ماتبين تقعدين كيفج روحي .. انا بقعد وراح وقعد ع الكرسي ..
اسماء : ادري انزين بروح .. وتوها بتروح ..
غانم :اي قلبي اااااااي قلبي ..
اسماء صدت متروعه : شوووووو فيك ؟؟؟
غانم : ااااي بموووووووت ماقدر ماقدر لحقي عليه سوي اي شي ..
اسماء : شوووووو .. وشويه وبتصيح .. لا لا غانم شو ها .. شو فيك .. وين يعورك خبرني ايبلك ماي وراحت تربع اتصب له ماي ..
غانم : ههههههههههههههاااااااااااااي ..
صدت اسماء عليه وحاطه ايديهاع خصرها : لا والللللللله ؟؟ سخييييييف والله انك سخيييييييف انزين جب جب .. وراحت عنه ..
غانم : ههههههههههههه ... اساااامي ..
صدت عليه وهي معقده حياتها : خير ..؟؟
غانم : امووووت فييييييج ..
تمت اسماء قافطه ويهها استوا احمر ودشت الغرفه اللي فيها الدري وهو ميت عليها من الضحك..


بيت بوعلي
العيــــن
الخميس 4 العصر ..


وانحيتله من القبله شروق ... قلبي تنحر شمس الاشراق
جدواك يداعبني الشوق ... ولك في الخوافي تطبع اوراق


حصه كانت قاعده تتكلم في التلفون مع روضه ..
حصه : يله ويييييينكم ؟؟؟...
روضه : محد عندنا اييبنا الدريول من الصبح محد ومريم يوم ردت البيت كنا بنرد معاها بس ربيعة فخور كانت عندنا والحينه هب عارفين منوه بيبنا قههههر ..
حصه : اففففف شو هالحاله شو اسوي الحينه نحن نترياكم .. وتمت اتحن .. اف اف ..
روضه : انزين شو بيدينا .. طرشيلنا ريلج ..
حصه :والله لو كان عندي ريل جان طرشته ايبكم اف قهر .. يدتيه ..
ام علي : ها فديتج ..
حصه : اقولج سكري سكري بشوف حد ايبكم برد ادقلج ..
روضه : اوكيه باي ..
وسكرت حصه عن روضه ..
حصه : يدتيه قوم فخور وريض يبون اييونا بس محد عندهم اييبهم ؟؟
ام علي : بنطرش الهن الدريول خلهن اين مع خدامتهن ..
سعيد : الدريول محد راح ايودي ابويه بوظبي ..
حصه : اف ياربي يالققققققهر .. سعيد روح هاتهن ..
سعيد : كيف اييبهن بيركبن ويايه رواحهن يعني ؟؟
ام علي : نش نش انا بروح وياك مع انيه رحت الصبح سلمت على حرمة عمك بس نش حليلهن بنسير انيبهن بيستانسن ..
سعيد : يله انزين انسير بلبس وبييج ..
حصه : ياربي محد بيصورك هناك .. لا تكشخ هن يترين مجهزات شنتطتهن
سعيد : يله انزيييين ..
ام علي : حصيص روحي هاتي عباتيه ..
وراحت حصه تربع اتييب عبات يدتها وركبت ام علي مع سعيد وراحوا عسب اييبون روضه وفاخره واتصلت حصه بسرعه اتخبرهن ..
روضه : لا لاااااا مابركب معاه ..
حصه : لا والله انتي احمدي ربج حد يا يشلج طرار ويتشرط ..
روضه : لا لا ماقدر قلبي يعورني ..
حصه : بلا عبط نحن المحتايين ..
روضه : اففف الله يعيييني ...
وسكرت حصه عن روضه وراحت اتخبرهم اللي في البيت انهم الحينه بييون ...ويت اليازيه وقعدت معاها في الصاله وخلاف يت ظبيه هي ومريم وقعدن معاهم وام محمد كانت توها مصليه العصر ونازله .. وقعدن كلهن في الصاله .. وزخت حصه التلفون واتصلت على تلفون روضه .. واحمد ومحمد كانوا يلعبون سوني مسوين دوري كرة قدم ..
حصه : الوو ...
فاخره : هلا بالحشره ..
حصه : انتي وييييين ؟؟
فاخره : في البيت ..
حصه : شوو لين الحينه ماطلعتوا ماوصلوكم قوم يدتيه وسعيد ؟؟
فاخره : لا ..
حصه : معقوووووووله ؟؟؟؟؟
فاخره : ههههههههه لا اقص عليج نحن في السياره الحينه بني ..
حصه : هههههههههههه شو حال رويض ..
فاخره : سكتي .. نعرفين التمثال .. تمثال ..
حصه : هههههههههههههههه ... حليلها خلاص برايكم يله باي ..
وتموا خمس دقايق ووصلوا قوم روضه وفاخره ودخلوا وسلموا عليهم وتموا قاعدين في الصاله لين اذان المغرب وعلى اذان المغرب راحوا الرياييل يصلون في المسيد والحريم دشن حجرهن يصلن واول اربع ظهرن من الحجره وقعدن في الصاله هن روضه وفاخره واليازيه وحصه ..وتمن قاعدات يسولفن ويضحكن واصواتهن عاليه ...
احمد : هووووود ..
اليازيه : اهداااااا ..
هالوقت الشباب كانوا توهم يايين من المسيد ... وسيده صوب السوني ..
فاخره : انا ابا افهم انتوا يهال ..
احمد : ماخذينها حق عمارنا .. هههههه ..
سعيد : يطولي بعمرج ليش محد يلعب غير اليهال ...
حصه : اصلا هيه من الصبح حاشرتنا تبا تلعب كراش اونها ..
سعيد : ههههههههه ها منوه الياهل الحينه ..؟؟
فاخره : اسكت اسكت انته مع ويهك ..
سعيد : احسن عن ويهج ياصخلة الفريج ..
وقعدوا احمد وسعيد ومحمد وعطوهن ظهرهم وقعدوا يلعبون .. وحصه كل ساعه اتفر سعيد بورده .. والبنات يتضاحكن الا روضه ساكته تتطالعها بغيض ..وسعيد يصد عليهن ايتم يضحك ويرد يطالع التلفزيون ..ومن يصد تمت روضه اتم تتطالع الارض .. و كانت قاعده تاكل حلوى وحاطه صبعها في ثمها وقعدت تمش ايديها في شيلة حصه ..
حصه : اععععععع ..
وفصخت حصه شيلتها وفرتها على سعيد ..
حصه : هههههههه ليش انا اتحمل روانج خليه هو اللي يتحمل ..
عصبت روضه ودشت عنهم الحجره ...
اليازيه : حرام عليج تستهبلين حصوووووووه .. وراحت اليازيه ورا روضه .. وتمن فاخره وحصه يتضاحكن في الصاله .. وخلاف راحت حصه عندها وقعدت تراضيها وعالمغرب راحت تبا اترمس امها وحصلت امها قاعده هيه مع ظبيه في غرفة سعيد مع سعيد ..
حصه : اووه انتوا اهنيه ..
ظبيه : هيه ..
دشت حصه وجافتهن يطالعن البوم صور سعيد يوم كان في سوريا ع اليبال ..
حصه : الااااه ليش مارويتني اياه ..؟؟
سعيد : مادري اصلا انا من بوني ناسنه .. توها ظبايه النباشه نبشت وحصلت ..
ام محمد : ههههههه وبنتها حمدووه ظاهره عليها دومها عند الكبتات ولا فاتحه السدات اتنبش ..
ظبيه : ههههههههه ...
حصه : خلصتوا الالبوم هاتوا بروح اراويه رويض ..
ام محمد : انتي يالسباله ..
سعيد : حرام عليج يوزي عنها ..
حصه : اسكت اسكت بشوفها شو بتسوي وشلت الالبوم وجلبته وودته حق روضه اللي كانت طايحه ع الشبريه هيه مع فاخره واليازيه ايسولفن وعطتها اياه مجلوب ..
حصه : هديه ..
روضه جلبت الالبوم عسب تتطالعه من اول وشافت صورة سعيد بشعره ولابس بنطلون وقميص ردت جلبت الاالبوم وحطته ع الشبريه ...
اليازيه : ههههههههه .. انزين اطالعي حشى مايسوى عليج ...
شلت روضه الالبوم وقعدت تتطالعه بالجلب وهن يضحكن عليها .. وخلاف شافت صورة يبل كبير وشكله حلوو .. جان اتقولهن ..
روضه : الااااه حلو ..
حصه : ادري انه حلو ووايد حلو خالي ظاهر عليه ..
روضه : جب يالغبيه هب هو المنظر هو الحلو ..
حصه : اها اتحرييييييييت ..
روضه : تستهبلين خلاص ماريد اشوف وفرت الالبوم ..






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 11-01-2012, 10:26 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي


الـــجزء الثالـــث عشــر


هو حيات الروح هو شمسي وظلي *** هو منات النفس هو مطـلب ظنينه
صورته مابـــين ترحــالي وحلــــي *** وهاج بحر الشوق يسال عنه وينه


في بيت بو مطر
الاثنين 2 الظهر
سويحــــــان ..


ظبيه وفاخره وعزه وام مطر وابو مطر كانوا قاعديين في الصاله ومطر راح اييب اخوه سهيل من المطار ..
عزه : ظبايه تتدرين شميم هب طايعه تلبس الفستان اونه ثقيل وماروم البسه اونه بس من شكله اوكيه ..
ظبيه : صدق مالبستييييه .؟؟
شمه : لا والله شو مافيني والله وايد ثقيل وبعدين يوم اجوفه اتروع ..
ظبيه : ههههههههه ذكرتينيه يوم عرسيه ..
ام مطر : صخي شو سوتبنا هاك اليوم يوم رحتي قعدت اتصيح اونه الحينه انا بروح وبخليكم ..
ظبيه تتطالعها وتضحك : هههههههههه .. ليييش عاده ؟؟ عادي حتى انا خليت هليه وييتكم اهنيه شو استوا عليه ؟؟
شمه : انتي ماصحتي ؟؟؟
ظبيه : ههههههههه .. لا امبلا صحت عاد انا كنت دلوعة هليه البنيه الوحيده اللي عندهم في البيت ..
بو مطر : وعندنا نحن بعد ..
ظبيه : فديييييييتك يابويه ..تسلم ماتقصر يعلني افداك ..
بو مطر : افداج يابنتيه .. يله عاده وينه غدانا هيله عيالج وينهم لين الحينه ماظووا ؟؟ وين سرحوا ؟؟
ظبيه : ماعليه ابويه انا بتصل في مطر بشوفه وين ؟؟
ونشت ظبيه بتروح صوب التلفون عسب تتصل بمطر والا بدشة سهيل عليهم ..
سهيل : السلاااااااااام عليييييييكم هل سويحااااااان ..اعلوووومكم ؟؟
وراح عند امه وابوه وسلم عليهم وحبهم ووايهه خواته وسلم من بعيد ع حرمة اخوه ..
سهيل : ها العروس شو الهبات ..؟؟
تمت شمه مستحيه وويها محمر وساكته ..
مطر : ههههههه .. عندي انا علومها ..
سهيل :ياعيني علىاللي يستحون ..
وشويه ورفع بو مطر عصاته وضرب سهيل على ريوله ..
بو مطر : حي .. مسود الويهه شو ها الطبش اللي لابسنه ..؟؟
سهيل : ااااااخ .. ههههههههه ..
وتموا كلهم يضحكون عليه ..
مطر : هييييييه عشان اتشوف ولدك شو يلبس شوف انته بس شوف ..
سهيل : يعلني افداك انته يالشيبه والله شو نسوي وين ابا برع بكندورتيه افا عليك امممممره على هالخشم من الحينه بسير اعقه هههههه ..
ام مطر :اعنبوه هييد ع الصبي خله ييلس يتغدى ربه من الصبح على لحم بطنه ..
بو مطر : من تخلص غداك تربع تعقليه اياه هاذا ..
سهيل : حشا يابويه متى بتتطور ..؟؟
عزه : ابويه مايتطور ..
بو مطر : لعنبووه من طور جانه جذيه ..
سهيل :هههههه ان شاء الله ان شاء الله .. شيخ سويحان وينه ؟؟
ظبيه : ياي من الروضه تعبان ايهددنيه قبل لا يرقد من ايي عميه اتوعينيه ولا بصيح ..
سهيل : هههههههه .. يعلني افدا خشمه انا ..
وشويه ونزلت الخدامه وشاله حمده .. وشلها سهيل يحببها وهي تتطالعه متروعه مستنكره الويهه ..
ظبيه : لا ماما .. لا .. هاذا عمي ..
عزه : روعت بنتنا .. هاتها هاتها ..
سهيل : قعدي قعدي مكانج خليها اعنبوه انا الا توني ياي انتوا عندكم اربعه وعشرين ساعه ..
شمه : ثرها عزوه تشبع من كثر ماتلعوزهم اصلا حمده مادانيها من شلتها قعدت اتصيح واتير الها شعرها ..
ام مطر : هب منها يعلني افداها من الحب اللي اتحصله اعنبوه حد ايحب حد ايتم ملصق ثمه على خد الياهل ساااعه ؟؟حشا اتلوووع جبدها مسكينه ..
بو مطر : مسودة الويهه .. يلي ماتخيلين ..
مطر : هههههههه .. ماعليه باجر بتعرس بنضرب اعيالها ..
عزه : مايحتاي هب يايتنكم اصلا ..
بو مطر : هب .. هـــــب .. يله ..قصورج بعد ..
عزه :هههههههه .. ان شاء الله ان شاء الله ولا يهمك بييكم كل يوم عندكم ...
سهيل : هيه عاده الله يخليج لا تثقليين بيياتج ..

في بيت بو سيف
الاثنين 5 العصر
الرمـــــاح ..


خالد كانت قاعد في الحوي ع الكراسي والحبيبه نوره موقفه عند الجامه اللي ماجبلتنه وقاعده تتطالعه واتكلمه في التلفون ..
نوره : انته شو تسوي يالس هنيه .؟؟.
خالد : شسوي اشم ريحتج شسوي يعني .؟؟.
نوره : اونك عاده ..
خالد : صدق شو بعد اوني عاده ..؟؟ .. ايه اييه انقلعي سيف ياي ..
وسكرت نوره الستاره الشفافه ووقفت وراها عسب ما تبين لانه العصر اللي يوقف عند الجامه يبين وفليل يعكس ..
خالد : حييييبه بو هناااااد ..
سيف : الله يحييييك انته ماتشبع من كثر ماترمس في التلفون انا احطه ربع ساعه اذنيه اتعورنيه ..
خالد : هههههههه .؟. الله وكبر سم عليه انا هب ناقص بعد ..
سيف : ااااخ تفوووووو .. عليييييك .. ههههههه ..
خالد : عليك وع ويهك .. روح روح توني اكتشف انه ماعندك سالفه .
سيف : انزين اقولك عطني سيارتك اليوم ..
خالد : اششش اشششش .. منوه قدك شو تباها سيارتيه ؟؟ ها ها ؟؟ اللي عنده المرسدس اللي من توقف حذالها وبابها امره يفتحلك اروحه ويفتح عفوق شتباها سيارتيه حليلي سيارة واحد فقير ولا تي صوب سيارتك ..
سيف : الله وكبببببببر يالحسسسسسسسسسسد اعنبوه انا اخوك .. ويوم انها في خاطرك ليش ماخذت شراتها ..
نوره : ايييييه انا ارمسك متفيج انته ترمسه ..
خالد : انجبي ..
سيف : هههههههههه .. اقولك يوم بتفضى تعال بنتفاهم ..
خالد : افا عليك الغالي انا اممره فاضي وقتي امبووونه كله لك ..
سيف : مايحتتتتتاي .. وراح عنه سيف وخلاه اروحه ..
خالد : شو بلاج انتي مستقطعه ؟؟؟
نوره : خالد كم مره اقولك لا ترمسني جذيه شو فيك انته ..؟؟..هيييييه هو اخوك اترمسه اوكيه وانا حبيبتك ماترمسني اوكيه شو هالحاله ..؟؟
خالد : منوه قال انج حبيبتي ؟؟؟
نوره منصدمه : شووو .. عيل شو انا ؟؟
خالد : انا قتلج احبج ؟؟؟..
نوره : لاء بس .. وتمت اتصيييييييييح ..
خالد : ايهييييييييه .. اتمصخر اتمصخر ياربي ايهيييييه بس والله اسكر في ويهج ان صحتي بس خلاص صخي ..
وسكتت نوره ..
خالد : ياوييييلي على اللي مايتحملون خلاص انزين اتمصخخخخخر ..
نوره : انزييييين .. عيل عرس ولد خالتك يوم الخميس ..
خالد : هيه عرس احمد ولد خالتيه ..
نوره : اي واحد ؟؟
خالد : لا والله انتي شعرفج فيهم عسب تتخبرين اي واحد ؟؟
نوره : ماعرف انته قولي شو عنده من السايير وانا بعرفه ..
خالد : لا والله وانتي تحظفين سيايير الخلق شلج فيهن ؟؟؟
نوره : اففف ياربي لا تفهمني غلط انا بس اتخبر وانته تعرف اني انا مابا حد غيرك ..
خالد : ولد خالتيه اللي عنده البورش الاسموك ..
نوره :هيييييييه .. هذاك ولد خالتك ...؟؟؟
خالد : هيييييه .. لييييييش .. ؟؟
نوره : يشبهك شوي ..
خالد : وانتي شلج تبصبين ..
نوره : بس لانه يشبهك ..
خالد : لاني انا اشبهه امايه وهو يشبهه امه فناخذ شوي من بعض ..
نوره :هيه صح .. تتدري انه امايه بتروح العرس ..
خالد : حياها الله ..
نوره : وانا وختيه بني معاهم ..
خالد : انتوا عادي بنات هب معرسات اتروحون اعراس الغرب ؟؟
نوره : هيه عادي شو فيها ؟....ليش شو اللي يمنع .؟؟.
خالد : لا ماشي بس احيد قبل يوم كنا نحن انروح بيتكم خالتيه بنات خالتيه لو حتى عرس انسابهم مايخلونهن ايروحن ..
نوره : لا نحن عادي هاذا انتوا ..
خالد : مي بي .. انزين نواري خلاص بدقلج اخلاف انا ..
نوره : شو ليش مليت مني ..
خالد : انجبي يله باي .. وسكر في ويهها ..وتمت نوره ميته من الغصه .. خالد باسلووبه دفش لكن بعد ع نياته وقلبه طيب .. وبسرعه ينقص عليه مع انه له خبره وايده مع البنات واللي ماكانت اتعيبه يخليها اربيعته واللي يحس انها تحبها يوقفها عند حدها بس نوره حن عليها لسبب واحد انها بنت يرانهم وحس انها متعلقه فيه ...


في بيت بو علي
الاثنين 10 فليل
العيـــــــن


اضحك واجامل بس وين الحقيقه *** قامت حذر شمس الليالي تلوعي
محدن درى بالحال وش اللي يعيقه *** اسري ظلام الليل وانور شموعي


احمد كان هالوقت قاعد روحه في الصاله وكان ايفكر انه هو صح اتغير مع الكل بس في شي في قلبه يرده لحبه الجديم للحب اللي عمره مابدل بغيره حب.. الحب اللي اترياه طول عمره لكن للاسف الله ماكتب له نصيب في هاذا الحب .. والحبيبه اللي حبها وعطاها كل حياته ..في النهايه اتخلت عنه وانسحبت من حياته وكانه ولا صار اي شي من بينهم فكر انه هالشي يمكن ايكون خيره له .. وشويه الا ام علي وسعيد حادرين .. عليه وسعيد حادر وهو يتحرطم ..
سعيد : لالا بسج بسج انا تعبت شووووو ؟؟ والله انيه هلكان الا اتقولين انا اللي بعرس ..
ام علي : اعنبوه اذا ماعاونت اخوك في عرسه متى بتعاونه ؟؟..
احمد : ههههههههه .. شو بلاك محتشر ؟؟
سعيد وهو يطالع احمد بنص عين : لا والله وحظرتك مستانس وقاعد ...ولا وبعد تضحك مستانس وايد وايد مستااانس .. اكوووه المعرس ماتعنا شرات ماانا متعني .. وقاعد وانا شلج فيه تبلينيه ؟؟
ام علي : وااااااايه بلاك الله بسباله شراتك يالسبال ..
سعيد : عوذ بالله منه من فال ..
ام علي : هاه عيل شو بيستوي عليك جان الا وديتنيه اقضي مشاويريه حق عرس اخوك حليله خوك جاد من اصبح وهو مجابل الخيم ويضرب اخطوط لين سويحان وانته من الصبح راقد ولا داري بعمرك ..
احمد : هههههههه .. ليش شو مسوتبه امايه طالعي كيف شكله ..؟؟
ام علي : يعله في ذمته جان الا مسوتبه شي .. شو سويتبه الا سرنا طلبنا الحلوى في البريمي وخطفنا صوب هاذا مال ساتشي مادري كاتشي ..
سعيد قاعد يتعشى : خبصته الاسم فوق تحت .. باتشي امايه باتشي ..
ام علي : مامات الا بلق عينه هو هاذا بانشي ..
احمد :ههههههههههه .. استوت دراجه ..
ام علي : يالبعران على قولة مانع فديتخ ماتخيلون اتعيبون عليه ..
احمد : افا عليج يعلني افداج انتي يالغلا انا امره حليلي ماقلت شي الا ها ولدج اللي يقول ويقاول ..
سعيد : انته اه منك . انته موووووول .. موول ماتسوي شي .. امايه ..
ام علي : خيييير ..
سعيد : في ويهج يالغاليه . ..
ام علي : اتعشيتوا احمد ابويه ؟؟
سعيد : طالع انا ارمسها وهيه اتقوله اتعشيتوا .؟؟.
احمد : هيه امايه تعشينا الا انتوا ماتعشيتوا هاذيه الصينيه مريم قالتلهم لا يشلونها عسب اتوون تتعشون ..
ونزلت ام علي من ع الكرسي وقعدت حذال سعيد اللي من اول مادخل قعد يتعشى ..
سعيد : امايه ..
ام علي : ياااااهي حاله .. اشوووووه كلتليه فؤاديه ..
سعيد :فديييت فؤادج .. الا امايه ليش احمد ماحدر على حرمته وشافها يوم ملجتوا عليهم .. خلاص حرمته شو ؟؟
ام علي : ويييييييه يشوفها .. عييب ياولديه شو يشوف في بنت الناس عيييب ..
سعيد : ليش تحرمون شي الرسول قبلكم محللنه شو هو بيعيش معاها لازم يشوفها كيف ياخذ وحده هو هب شايفنها .. شو قبل الخطبوه ماشافها حتى عقب ماملج عليها بعد مايشوفها ؟؟ ليش شو بياكلها ؟؟ والله بيسوي شرات واحد سمعنا به ايقولج دخل على حرمته ومن شافها وماعيبته سيده طلقها وكله ذنب منوه كله من ذنب الاهل اللي هم طبعا انتوا ..
ام علي وهي تضربه ع جتفه : وانته شعليييييييك ؟؟ عوذ بالله من فال .. منوه قال البنت مافي شي يقصرها عسب حد ينقد عليها يعلني افداها شميم ادب واخلاق ولا حد شراتها ..
سعيد : انزيين .. انزييين .. ليش ليش مايشوفها ..؟؟
ام علي : ايييه انجب انجب ... انته اشعنه راز بويهك هو هب حارنه هالشي انته اشعنه مشتط ..؟؟
سعيد : حوه انته نحن من الصبح عن منوه نرمس ليكون عن راجوا اللي بياخذ ميري ياخي عطنا رايك ماتبا تشوف حرمتك ..؟؟
احمد : والله اللي تباه امايه انا بسويييييه ..
ام علي : وااايه يعلني افدا نصخك وفوداك انته يالغالي ..
سعيد : وااااايه تراااااب في ذمتيه عفت الاكل ..
احمد : هههههههه .. فكه .. لا تاكل ..
ام علي : اشعندك من الصبح تتحرطم ماتقول الا وعيوز سارقين منها عشاها ..
احمد : لا امايه عشاها بتتعشا عشا غيره سارقين عنها برقعها هههههههههه ..
سعيد : جب جب وياويهك .. اونه معرس ..
احمد : ياخي انته ليش محتر .؟؟.
سعيد وهو ياكل ويحرك ايديه : ماعندي سالفه ارمسك ..


في بيت بو محمد
الاثنين 12 فليل
بوظـــــــبي
لو ذقت منك هجر بعطيك حب و غلا و احلى شجوني
لا تظن يالمحــــــبوب ناسيك ولا تظن حبك لي يهوني


كانن حصه واليايه توهن يايات من المطبخ وداشات الصاله ومسويات الهن اندومي وحطت اليازيه الصينيه وراحت حصه اتيب الهن ماي من الثلاجه اللي في المطبخ التحضيري ..
حصه : حمووود ايلين الحينه مايا البيت ؟ يصيع ويا حبيب قلبج ..
اليازيه : جب مالج خص فيه ..خليه اشعليج حليله جان انه مايي البلاد الا في السنه اسبوع ولا اسبوعين ..
حصه : مع هالويهه صدق بارده اففففف ..
اليازيه : ههههههه .. حصوه والله انتي مينونه .. شوتبيني اسوي خليه ريال ياخذ حريته ..
حصه : مايحتاي امحق حريه . تسده اكبر حريه في لندن ..
اليازيه : اجوفج وايد عاده انتي الا رمسه قبظي خلود عيل ..
حصه : ااااي اااااي . لا تين ع العوق شو بلاج عنز .؟؟.
اليازيه : ههههههه .. انزين انزين خزت عن عوقج .. بس شويشوي عن لا تربين ..
حصه : جب بتصل في حمود بشوفه وين ..
اليازيه : يااااالااه كيف هالبنت رزه ..
واتصلت وكان هو برع جدام الباب وقالها تعالي فجي باب الصاله وراحن يترابعن ايفجن الباب مال الصاله ..
محمد : عوذ بالله من سكنيات الليل ..
حصه : ودك تتمسى في ويهيه ..
محمد : امحق ليل .. وامحق مسى ..
اليازيه : تو مانور البيت ..
محمد : اهنيه الغلا والرقه كلها .. انتي ع منوه جذيه دفشه .؟؟.
حصه وهي تعطيه ظهرها عسب ادش الصاله : عليك يالدفششش ..
محمد : الااااه شو مسوين ..؟؟
حصه : اندوومي ..
محمد : لا يالغبيه نشن والله ماكلتنه ..
اليازيه : ليش ؟؟
محمد : شو تاكلن فيه انتن تتدرن هاذا شو مكوناته ؟؟ هاذا فيه ملح وهالملح بسم الله عليكن ايسبب سرطان في المخ ميانين انتن الهنتين انتن بتخبركن شو يدرسونكم في المدرسه ؟؟
حصه : عادي نحن دوم ناكل ماستوابنا شي ..
اليازيه : صدق حمووود ..؟؟
محمد : وقسم بالله شو تتحروني اقص عليكن ... وراح صوب الصحن وشله عسب ايروح يجبه في الزباله اللي في الحوي ..
حصه : انزييين انا يوعااااانه ..
محمد : يووع البقر يالهبله ..
اليازيه : يالغبيه حتى اللي بيبلج المرض بتاكلينه ..
حصه : انزين شوناكل ..؟؟
محمد : كلن نودلز .. هاذا غير عن الاندومي هاذا مافيه شي ..
حصه : هيه صح يزوي قومي بنروح انسوي نودلز شي نودلز بس والله الاندومي احلا ..
محمد : لازم .. احلا يالاندونيسيه انتي ..
اليازيه : اف لا خلاص مابا اخاف هاذا بعد في شي ..
محمد : لا لا خذيها كلمه منيه مافيه شي لا تتروعين وسيرن سونه وانا باكله معاكن يله سيرن ..
اليازيه : يله نشي ..
ونشن اليازيه وحصه وراحن سون الندوز وحطنه وكل معاهم محمد وخلاف ساروا يرقدون ويحطون اثيابهم لانهم باجر من عقب ماييون من دوامتهم بيرحون العين .. ومابيدوامون يوم الاربعاء ..


بيت بو علي
الثلاثاء 5 العصر
العيــــــــن
هالوقت قوم ام محمد توهم كانوا واصلين العين وكانوا يايين مع محمد في سيارته وطبعا محمد معزر عليهن كلهن في السياره يتغشن لين ماوصلوا لانه الرنج مالته ماكان عليها مخفي ولين ماوصلوا وحصه تتحرطم ..
حصه وهي تنزل غشوتها وتنزل من السياره : اف حشاااااا سكرنا ..
اليازيه : اخر مره اني معاك ..
محمد : دواكن تستاهلن ..
ام محمد : خله يادبكن فديته ولديه حشيم ويابكن شراته ..
ودشت حصه الصاله شافت ظبيه ومريم قاعدات ..
حصه واقفه عند الباب وحاطه ايديها ع خصرها : لا والله اتقولين مابتين شو اللي يابج ...؟؟
ظبيه : هههههههه .. انزين تعالي سلمي .. ابا اسويلكن اياها مفاجاه ..
مريم : توها اتقولي حصوه بتحتشر الحينه .. .. ههههههه ..
وراحت حصه وسلمت عليهن ودشوا الباقين وسلموا وقعدوا .. وراحن اليازيه وحصه ايعقن عبيهن وشلوا عباة امهم معاهم ..
محمد : ها وين المعرس ؟؟
ظبيه : راحوا هو وامايه وابويه وسعيد وحمدان العزبه ايبوون الذبايح عسب يودونهم سويحان ويحطونهم في الزريبه اللي مسوينها جدام باب البيت وبالاربعاء يذبحونهن ..
ام محمد : هيه ماشاء الله زين سووا احسلهم ايخلصون اشغالهم ..
وشويه ونزلن حصه واليازيه .. واليازيه شاله حمده بنت ظبيه ..
ظبيه : ماشاء الله عليكن اشعنه اتوعن بنتيه ؟؟ ..
اليازيه : ماوعيناها اروحها في المنز اتصييح ..
حصه : تعالي يالجمااااال المثيييير .. وشلت حمده وطاحت في الصاله وعقت حمده عليها وقعددت اتحببها .. وحمده مستانسه تضحك ..
محمد : زين عيل برايكم انا بروح صوبهم العزبه ..
ام محمد : هلله هلله في الدرب ..
محمد : ان شاء الله ..
وظهر عنهم محمد ..
مريم : نشوا بنراويكم قسم احمد ..
اليازيه : هيه صح نحن ماشفنا اخر الترتيبات ..
وراحوا كلهم صوب قسم احمد ودشوا والقسم صدق كانن ايجنن ... كان عباره عن حجره وصاله والصاله كانن باللونين العنابي والبيج وكانت ماثثه باثاث ايطالي جديم والغرفه بعد كانت كبيره وحلوه وفيها اللون العشبي مع اللون الرصاصي ..
حصه وهي شاله حمده : ماشااااااااء الله اجنن حجرتهم وصالتهم اخبببببال ....
ظبيه : هاذا كله من ذوقي وذوق مريم ..
مريم : ههههههه زين يوم طريتيني ومانسيتيني ..
ظبيه : لا لا افا عليج ..
ام محمد : لا ماشاء الله غاوي الله يكمل عليهم فرحتهم ..
الكل : اميييييين ..
ظبيه : يله نشن الدريول موقف برع .. بنسير انيب الفساتين ..
ام محمد : هب جنكم مستعيلات عليهن ..
حصه : انا اتصلتبه وقالي انهن البارحه مخلصات ..
ظبيه : انسير انيبهن من الحينه اخير اسمينا ياباجر انا مابنتفيج .. باجر المكسار الصبح ونحنا مابنكون فاضيين ..
ام محمد : هيه والله صدقج ..
ونشن ولبسن عبيهن وشيلهن وراحوا دبي عسب اييبون الفساتين من عند هزار..



في سيارة احمد
الثلاثاء 9 فليل
العيــــــــن

عفتي حياتي له وزدتنــي بلاوي *** اشكي همومي لج وماتسمعني
واليوم لي راي بحياتي ولج راي *** عن دنيتج برحل وربي يعيني


احمد كان رايح هو مع سعيد عسب ايودون زهبة شمه اللي كانت ماخذتنهن الها ام علي عسب هلها ايرتبونهن مع باقي الاغراض اللي هيه اشترتهن في الخيمه ..عسب العرب اتشوف زهبتها باجر .. وهم في الطريق حق سويحان احمد وسعيد كانوا قاعدين ايسولفون وشوي ورن تلفون احمد وكان رقم غريب ..
احمد : الوو ..
:.................
احمد : الووووو ..
: ...... هلا احمد شحالك ؟؟
احمد ساااكت للحظه وعقب رد :اأأأ .. بخير الحمد لله ربي يسلمج ..
دانه : بغيت اباركلك على عرسك عرست ولا بعدك ..
احمد : ..................................
دانه : ارمسك ليش ساكت ..
احمد : هيه عرست ..
تمت دانه ساكته للحظه وتمت اتصيييييح : الله يلعنها الله يلعنها الله يلعنكم الله لا يوفقكم ان شاء الله يارب يستويبها شي الله لا يفرحكم مع بعض يارب العالمين يعل العله اتصيبها واحمد ساااااااكت ومنصددددم سكر التلفون في ويهها وهي ماردت اتصلت .. تم ساااكت يطالع الطريق جدامه .. وسعيد يطالعه يريد يعرف شو فيه بس ماتجرأ انه يساله لانه احمد كان شكله انه تعباااان .. تم سعيد يطالعه واحمد يطالع الطريق ومرصص اعيونه فيه ومهوس بقوو ع السكان .. شويه وطاحت دمعه من كثر القهر الله كان فيه دمعه وحده بس من عينه اليميييين .. هنيه سعيد عرف ان السالفه سالفة دانه ..
سعيد : احمد انته ع ذمتك حرمه ثانيه .. وهيه مالها ذنب باللي صار في حياتك قبل لا تعرفك حرام تظلمها صح انك انته انظلمت بس الله هب كاتبلك هالنصيب وحرام تظلم هالانسانه اللي كتبلها النصيب معاك ..
احمد : ...................................
سعيد : لا تفكر فيها انساها ..
احمد: سعوود قعدت تلعنها وتلعننيه .. وقعدت تتدعي علينا ..
سعيد : صدقني لو كانت اتحبك ماسوت كل هاذا .. والله انها حيه ..
احمد : انا لازم اغير رقميه عسب ارتاح ..
سعيد : بسالك سؤال اجاوبنيه بصراحه ..
صد احمد على سعيد وهز راسه بمعنى الموافقه ..
سعيد: انته بعدك اتحبها ..؟؟
احمد : ماقدر اني اقولك نسيتها هيه بعدها في بالي لكن هب الحب هذااك القبلي لانه هيه هدمته بيديها وكلامها اللي شرات السم ... لاني للحظه فكرت اذا انا كنت غالي عندها ماكانت بتسوي هاذا كله .. بس ساعات اقعد روحي واقول مالومها اكيد انها تغار بس عمر الغيره ماتحق حق اي حبيب انه يدعي على حبيبته .. او العكس ..
سعيد : الله يكملك بعقلك ان شاء الله ..
احمد : هههههههه .. اونك عاده مع هالويهه ..
وتموا ايسولفون لين وصلوا جدام باب بيتهم وتموا ايصيحون هرنات ظهر لهم مطر مع سهيل اللي كانوا قاعدين في الميلس وقربوبهم ودشوا وقعدوا معاهم في الميلس وظهرن الخدامات من الخيمه وشلن الشنط وودنها الخيمه عند ام مطر واخواتها وبنات خواتها وعزه اللي كانن يتعدلن ويرتبن الخيمه االصغيره اللي مسوينها مخصوص حق المكسار و هالوقت شمه مع خالتها اللي من سنها في الصالون واليوم اخر جلسه الها في الصالوون لانها باجر بتتحنى واللي عقبه ليلة زفتها فبتروح الصالون بس عقب تتمكيج ...


في الخيمه مالت المكسار
الاربعاء 10 الصبح
سويحــــــان


ام علي وام محمد وظبيه وام سيف كانوا توهم واصلين من العين وكانوا ياين شوي من وقت قبل لا يبتدي المكسار بساعه عسب يساعدونهم بس من ساروا حصلوهم مخلصين كل شي وكل شي كان مرتب وغااوي .. فحدروا داخل الخيمه وقعدن يطالعن الزهاب قبل لااين الحريم وراحت ظبيه قسمها فوق عسب اتوعي ريلها واتغلس عليه ..اول مادشت حصلت الحجره لايثه وهاي حالته كل مايخلونه يوم ولا يومين ويروحون عنه يعفس القسم بكبره .. وقسم ظبيه كان غرفتين وصاله ومطبخ تحضيري دشت اول شي المطبخ شلت قلاص ماي وراحت صوبه حصلته راقد وحاظن المخده ..
ظبيه معصبه : لا والله ..
وهو رااااقد ..
ظبيه ادقه بصبوعها : اييييييييييه ..
نش وهو يتجلب فتح عين وحده ورد صكها ..
ظبيه اتعلي صوتها : مششش حلم علللللللللللم ...
مطر وهو يبطل اعيونه وتم يضحك : فدييييييت هالصببااااح ياحياتي شو هالزين ..؟؟
ظبيه حاطه ايديها ع خصوها وقاعده اتهز ريلها بعصبيه : لا والله ؟؟...
مطر : شوووووو ..؟؟
ظبيه : يعني يوم ماتحصلني تحظن وحده غيييييييري ..
مطر ينقز : هب .. هبي .. منييييه هاي ؟؟
ظبيه : لا والله وهاي المخده شوووووووو ؟؟
مطر : ههههههههههههههههااااااااااااي .. وتم يضحك ويضحك وهي تتطالعه معصبه وهو يضحك ..
ظبيه : حد قالك انك سخيف ..؟؟
مطر : هههههههههههه .. لاء .. للاسف محد قالي الكل ايقولي انته حلو و ومزيون ..
ظبيه عطته ظهرها وتوها بتروح مسكها من ايديها وردها ع ورا : احببببببببج يالخيليه .. اموووووت في التراب اللي ادوسين عليه وحبها ع خدها ..
ظبيه مغمضه عيونها : انزين هدني ..
مطر : مابا ..
ظبيه : لا صدق براويك شي ..
مطر : حلفي .. بتردين بتيين حذالي عقب ..
ظبيه : صدق .. وفجها ..
وهي تمشي صوب الباب عسب تشرد وهي تمشي جان اتقوله : مايحتاي باي عندك عسب اتخرب عدلتييه .. وشردت عنه .. تم يضحك عليها ويتحلفلها وظهر برع حصلها توها بتنزل من الدري وقف عند باب القسم ماله جان ايقولها ..
مطر : ماعلييييييييه بتلقييييينه يابنت مانع ..
ظبيه : هههههههههه .. ونزلت ع الدري ..وراحت الخيمه كانن خالات شمه وبنات خالتها المعرسات يعني كله حريم و ماشي بنات وع الساعه 11 تمن الحريم اييونهم وكانت الخيمه وايد مرتبه الفرش في صوب والفساتين في صوب وكنادريها في صوب وكل شي كان مرتب وبورد جوري احمر وفي كل صندوق مندوس صافين فيه شي وحاطين ع طرف كل صندوق ورده حمرا جوريه وكان صدق صدق مرتب .. وقعدن الحريم وشافن زهبة شمه وذهبها.. وعقب ماشافن وقعدن في الخيمه حوالي ساعتين حطلوهن الغدا واتغدن وعقب راحوا عنهم .. وع الساعه 3 ردوا هل العين لدراهم واول ماوصلوا كانن الحنايات عندهم ياينهم من الصالون ..وقعدن كلهن يتحنن لين الساعه 5 خلصت ظبيه وقشت حناها وراحت صوب احمد اللي كان قاعد في الميلس .. وزقرته عسب ايروحون يطالعون اخر تجهيزات خيمة الحريم والرياييل واحمد كان ايريد ايروح يطالع المكان اللي رتبوه حق الحربيه .. وظهروا احمد وظبيه وراحوا سويحان .. ومن وصلوا دشت ظبيه البيت وراح احمد عند عمه بو مطر ومطر وسهيل اللي كانوا واقفين يطالعون العمال وهم يركبون الليتات على الحوطه مالت الحربيه .. دشت ظبييه الصاله وشافت شمه قاعده وعندهم عوضيه اتحنيها وعزه من الصبح متحنيه وقاشه حناها الا بس قاعده تونس شمه ...
ظبيه : السلااااام عليييكم ..
الكل : وعليكم السلام ..
ظبيه : ياعييييييني ياعييييني شو هالحنا الحلوووو .. ياربي جنااااااان ..
شمه : هههههههه ..
عزه : من الصبح قاعدين وياها عن لا تتخبل علينا ..
ظبيه : لا لا زين سويتي ... والله انا من يومين مستويه جني ابن بطوطه .. مول مااقر مكان واحد ...
عزه : ههههههه .. هيه والله ..
شمه : سامحيني ظبيه وايد تعبتج في عرسيه ..
ظبيه تتطالعها بنص عين : اونه حلفي .. هيه صح وايد تعبتيني .. بس بس شو هالرمسه بعد اعنبوه انتي ختيه وهو خويه اذا انا ماشليتكم في هاليوم منوه بيشلكم .؟؟.
شمه : مشكوره فديتج ..
ظبيه : العفوو ..
عزه : الا حناكم حلوو .. اتحنن قوم حصه واليازيه .؟؟.
ظبيه : هيه من اول مادشيت عنهن توها كانت حصوه بتتحنى قتلها لالا حنيني انا قبل عسب اني بسير سويحان وحصوه الا بتقر مكانها ونشيت اتحنيت واترييت لين مانشف وقشيته وييتكم .. اقولج قومي بنسير الخيمه هاذا اللبناني من الصبح هناك اروحه محد شافه شو سوا ..
عزه : هيه والله ..
نشن عزه وظبيه ..واتصلت ظبيه بمطر عسب يكون معاهن وهن يكلمن المصمم الببناني اللي كانوا يايبينه عسب يشرف على ترتيب الكوشه والخيمه بكبرها .... وراحن عزه وظبيه وقعدن يطالعن شو اللي خلصه واللي ماخلصه .. وماكان باقي شي الا الورد اللي كانوا بيبونه وبيحطونه باجر الظهر ... وعقب دشت ظبيه قسمها وشلت الاغراض اللي محتايتنهن وخلت فستانها هيه واليازيه وحصه في الكبت لانهن بيروحن الصالون وبين يلبسونهن في بيتهم وع الساعه 9 ظهرت مع احمد وراحوا العين من عقب مااطمنوا انه كل شي اوكيه....




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 11-01-2012, 10:31 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



بيت بو عبد الله
الاربعاء 10 فليل
بوظــــــبي ..


ياشـوق خبرني عن اللي انا اغليه ... عن واحد روحي بحبه شغوفه
اغليــه من بد المخاليـــق وافديـــه ... احس للفرحـه طعم يوم اشوفه
يطلب عيوني يطلب القلـب واعطيه... ارحن حياتي بين ضمة كفوفـه


طحنون كان توه ياي من برع ومن حدر الصاله شاف امه والعنود ومهره واسماء قاعدات يطالعن الالخبار ..
طحنون : السلام علييكن العياييز ..
الكل : وعليكم السلام والرحمه ..
طحنون : ثركن عياييز راعيات اخبار ..
مهره : براينا عيايز يارنا الله انته شو حارنك ؟؟
طحنون : حارني بانه عيوز مخرفه شراتج قاعده تتطالع شوتفهمين انتي ؟؟
مهره : واعليييييه عنك ثرني يدتك ..
ام عبدالله : بسم الله ياولديه شو بلاك على حرمة اخوك ..؟؟
طحنون : اعنبوه اتمصخر معاهن ..
اسماء : غريبه ياي البيت اليوم من وقت ..
طحنون : الدار هب بمرغوبه بليا حموووود ..
العنود : ههههههههه وانا اقول ..
ام عبدالله : شو هاذا اللي في ايديك .؟؟.
طحنون : هيه صح هاي البطاقه عاطني اياها محمد البارحه ونسيتها في سيارتيه عاده تونا بنزل شفتها ونزلتها عرس خاله في سويحان وعطاني اياها الكم ..
ام عبدالله : حليلهم مايقصرون .. بس عاد وين نحن انسير لين سويحان ولو بنسير وياك هو عرس خاله لو عرسه هو جان سرناله ...
طحنون : والله كيفكم المهم انه الدعوه وصلتكم ..
ام عبدالله : بنحظر في عرسه ان شاء الله ..
طحنون : وايد بتتريوون عيل ..
اسماء : اقولك اليوم محلو شو السالفه .؟؟.
طحنون : مع ويهج امبوني انا دومي حلو ..
اسماء : ههههههههه اونه عااااد مشكله خقة المزاريع ...
مهره : متحلق باين عليه من ويهه ..
طحنون : الله واكير الله واكبر انتي كل شي اتعرفين ..
مهره : الله واكبر علييييك ...
وتموا ايسولفون في الصاله وعقب يوهم هادف وعبدالله وكملوا معاهم السوالف ..
بيت بو علي
الخميس 2 الظهر
العيـــــــــن


ظبيه : يله بسكن من الاكل نشن حظرتكن متى بتوصلن ؟؟..
حصه : انا مخلصه هاي يزوي اللي ماتشبع ..
اليازيه : صبروا اعنبوه توني حاطه ايديه وانا عارفه انا نحن مابناكل الا فليل يوم بنرد ..
ظبيه : يله نشن .. سعوووود شغل سيارتك يله ..
سعيد : لا والله سسعووود دريول ابوج وانا ماردي ؟؟
بو علي : هب هب منوه ها اللي يطري ابوها ..
سعيد : سلامتك اممره محد انا اقولها يعلني افدا ابوج ..
بوعلي : غصبن عنك يامسود الويهه ... انته امك وينها ؟؟
سعيد : شعرفنيه ثرها حرمتيه ولا حرمتك ..
بو علي : صاء صاااء ..
حصه : امايه بتروحين ويا قوم مريم .؟؟.
ام محمد : هيه شو يوديني عيل بوظبي وارد اصك سويحان الله يعلمبكن متى اتن انا بوقف مع امايه في الاستقبال ..
اليازيه : وين حجزتوا مريم ؟؟
مريم : رويض حاجزتلنا عند حنان شقير ..
ظبيه محتشره : يله بسكن قومن ..
اليازيه : والله لوعت جبديه بنش بنش .. ونشت اليازيه وغسلت ايديها ... ونش سعيد عسب ايوصلهم بوظبي عند دولا ولانه الدريوله الثنينه كانوا مشغولين ومحد عندهم الا سعيد طبعا ومن عقب مذله .. ركب سعيد وركبت حذاله ظبيه وركبن اليازيه وحصه ورا واتحرك ابهن سعيد صوب بوظبي .. ووصلوا صالون دولا اللي في بوظبي ومن عقب روح عنهم سعيد لانه الدريول بيمر عليهم عقب لانه الدريول كان في بوظبي ... ونزلن وحصلن شمه وعزه وخالتهن صفيه وقعدن معاهن ايسولفن وتعدلن ودولا عدلت شمه وبس وكاتيا عدلت البنات كلهن .. وع الساعه 8 خلصوا كلهم وردوا سويحان ومن وصلوا دخل الدريول السياره في الحوي ونزلن البنات ودشت شمه غرفتها هيه مع خالتها لانه المساعده مالت المصمم اللي في لبنان اللي كانت اهناك عسب اتساعدها في لبس الفستان .. ودشن عزه وحصه واليازيه وظبيه قسم ظبيه وقعدن يلبسن فستانينهن ويتعدلن .. صدق البنات في هاليوم كانن يخبلن من جمالهن وكل وحده كانت احلا عن الثانيه وشي يميزها عن غيرها .. اليازيه كانت لابسه فستان قطعته تور من الوان الطاووس ونفس الميك اب ولانها كانت بيضا فاللون كان وايد حلو عليها ... وظبيه كانت لابسه فستان قطعته شيفون لونه بيج ومرسوم على قطعته ورود عباد الشمس كبار وكان هاي نك وصوب رقبتها في ورده بارزه من نفس القطعه وصوب خصرها وحده ولونهن برتقالي وكانت حاطه ميك اب برتقالي ... وعزه قطعة فستانها شيفون باللون العنابي وكله كان اكسسورات نازله من كل صوب وقطعتها كانت حروف الابجديه الالف داخل فيها الباء روعه كان فستانها .. وحصه لابسه فستان لونه ذهبي وفيه اكسسوارات وحلقات لونهن فيروزي وكان رافعه قصتها على فوق ومنزله الاكسسوري اللي في فستانها من نص شعرها لين بين حياتها وكانت هالحركه وايد حلوه عليها لانه حياتها مقرونه .. وهن في قسم ظبيه ..
حصه : ماشاء الله الخيمه وايد عوده عن ثلاث خياااام ..
عزه : هيييه لانه الكوشه وايد كبيره ..
ظبيه : انا اتاخرت بمر على شمه في دربيه وبننزل انا وصفيه الخيمه اعنبوه جان الساعه 9 ونحن مارحنا ... يله نشن شو تترين بعد..
حصه : شو اتريا شيلتيه عطيتها خدامتج تكويها رقدت ..
ظبيه : الحينه انتي شوتبينها الشيله والعباه تراج الا بتفرينها ..
حصه : لا والله ويوم بيدش ريلج عقب اتم بشيله وعباه مجسفه جدام الخلق سيري بنلحقج ..
عزه : تعالي يزوي بنتعطر من عطورة ظبيه بنخلصهن كلهن ..
اليازيه : بنتسبح فيييهن ..
ودشن اليازيه وعزه غرفة ظبيه وقعدن يتعطرن ويدخنن ..
حصه : حد عندكم من الشباب في البيت ؟؟؟؟..
ظبيه : لا اعنبوه الشباب كلهم في خيمتهم تحت عند الحربيه ..ليش ؟؟
حصه : مش خدامتج اهنيه تكوي حذال قسمج ..
ظبيه : هيه صح مري عليها وشلي عنها شيلتج .. وانا بسير اجوف شمه وبننزل انا وصفيه .. وظهرت ظبيه عن حصه وحصه دشت اتعطرت عندهم وادخنت وعقب ظهرت حصه ودشت غرفة الخدامات وهي داخله ماحصلت الخدامه بس حصلت شيلتها مكوايه ومعلقه ..
حصه : اف الله ينطبها نست شيلتيه ..
وتوها بتظهر وحاطه شيلتها على راسها شافت واحد جدامها كان مستعيل ويريد يدخل الغرفه مالت الكواي ماعرفت شو تسوي ومن رفعت عينها الا عينها في عينه سيده اتغشت بالشيله اللي في ايديها بس الشيله خفيفه وويها يبين سهيل من شافها اتصنم من جمالها تم واقف وهي ظهرت تربع دشت قسم ظبيه وسكرت الباب ...
اليازيه : شو بلاج ؟؟
حصه : شافني شافني ..
عزه : امنووه ؟؟
حصه : ماعرف منوه في بيتكم ؟؟.. ياويييييييلي ..
عزه : محد في بيتنا ..
حصه : ماعرف واحد كان لابس وزار وفانيله ياوييييلي يالفضيييييييحه ..
عزه : بروح اشوف ..
وظهرت عزه وشافت اخوها سهيل شال كندورته في ايديه وشكله رايح غرفته عسب يلبسها ..
عزه : سهيييل ..
سهيل : عوذ بالله شو هالسكنيه .؟؟.
عزه : حرام عليك والله انيه حلوه ..
سهيل : بسم الله عوذ بالله .. ولا ادلينها الحلاه ...
عزه : جب جب انزييييين ..
سهيل : منوه هاي البنيه اللي كانت لابسه فستان ذهبي ؟؟
عزه : انته ليش تتطالع الحريم ؟؟
سهيل : والله انا شعرفنيه انا انجب العصير على كندورتيه ييت ابدل ماحصلت كندوره من اليداد في كبتيه ييت اهنيه و شفتها .. واتغشت وربعت عنيه ..
عزه : لا والله و تتحرا انها بتوقف جدامك ..
سهيل : انزيين منوه هاي الغرشووبه ؟؟
عزه : بس جب استح على ويهك هاي بنت خت ظبيه ؟؟
سهيل : ماشاء الله عليها قمر في السما .. ماشاء الله عليها انا شو بيبتني الليل من عقب ماشفتها ..
عزه : ايييييه عيييييييب شو هالرمسه ؟؟ ماتستحي صدق انه استراليا غسلت عنك المذهب ..
سهيل : انطمي الله يخليج ... اخرتينا الحينه الشباب بيولوون ..
وراح عنها سهيل ودشت هيه عند قوم حصه وظهرن من قسم ظبيه متغشيات لين ماوصلن الممر اللي كانوا مسوينه من باب البيت اللي ورا لين داخل الخيمه ويدخلهن على مكان صغير كانوا مسوينه في الخيمه ودشن فيه وعقن عبيهن وشيلهن وظهرن وهالمكان كان من ورا الكوشه وظهرن من ورا الكوشه والحريم كلهن يطالعنهن .. وراح سلمن على الحريم اللي يعرفنهن وراحن صوب روضه وفاخره اللي كانن واقفات ..ويت عزه وسلمت عليهن وعقب سارت عند بنات خالتها وعماتها ..
روضه : حشىى مابغيتن اتن ..
حصه : هههههههه شو نسوي .. ياختيه لازم نتعدل ..
فاخره : ياعيني ياعييني .. شو هالزين ..
اليازيه : ياعيني علينا ولا على الوردي ..
فاخره : ههههههههه ....
روضه : تعالي حصوه براويج شوقج .. وسحبتها ..
ومشن شويه وراحن صوب الشاشه اللي كانوا ناقلين عليها عرس الرياييل ..وراحن قعدن على طاوله كانت قريبه من الشاشه وقعدن يطالعن حصه من شافت خالد اييول ماااااااااتت تمت ساكته تتطالعه ..ومتيبسه مكانها
روضه : ايييييييه ..
حصه : ....................
فاخره : شو بلاج .. حصوووووووه .؟؟.
اليازيه : على الدنيا السلام ..
حصه : اااااه ااااه فدييييته محلاااااه ا يجنن ..
فاخره : هههههههههه لا الحمد لله فيها روح عدها ..
روضه : من الصبح اريد اراويج ..
حصه : قومي انسير عرس الرياييل ..
روضه : هههههههه .. هيه عسب يسولنا قبر في الرمله اللي اهناك ويدفنونا فيها..
حصه : اااه يزووي طالعي محلاه ايجنن ..
اليازيه : هههه ربي يعينا اليوم اسميها مابتبات اليوم وهي قاعده اتعلق انتبهت على واحد قاعد مع احمد خالها ع الكرسي وكان طحنون ..
حصه ادز اليازيه : يزووي طحنوووون ..
اليازيه : الله يفظحج ..
فاخره : حتى هاي تتدري ؟؟
اليازيه : ههههههههههه .. هاي ماتبينها تتدري .. هاي كل شي تعرف ..
فاخره : ههههههههههه ..
حصه : حط عينك يالغلا بعيني خلني اعيش لو ساعه .. اااااه .. لك عيونن تسحر العيني حلوتن للروح نزاعه ..
روضه : اعنبوووج مستقطعه ..
حصه : والله ان بس عليه هو انا استقطع ..
اليازيه : اييه نششن شو بيقولن الحريم مجابلات الشباب نطالعهم .. فقتكن ..
حصه : يله يله انا ماصدقت اشووفه بعد اتقوليلي نشن والله مانشيت اليوم .. انا دومي منحوسه وياه ماصدقت هالنحاسه اتفج لا وبعد من بعيد ..
فاخره : نحن شلنا انيبها هاي هنيه ..
روضه : ههههههههه .. مايحتاي قلبها بيبها صوبه ..
حصه ساكته حصه كانت في عالم ماينوصف عالم فيه خالد وبس ... كم تمنيت اني اشوفك كم تمنيييييييتك ..
اليازيه : نشي بيقولون الحريم طالعن هيله قليلات ادب ...
حصه : هيه مايحتاي لحيه وشنب ..
فاخره : ههههههههه .. هيله اييبن الشبهه تعالي انروح عنهن وروحن اليازيه وفاخره .. وتمت حصه قاعده وروضه حاسه بمعانتها .. وتموا الشباب ايولون و كانوا يايبن فرقة دبي الحربيه وكلهم ايولون وفي نصهم خالد وسعيد اللي كانوا مغطين على الكل وعقب يا واحد كمان شال مسجبه في ايديه ودش وياهم وكان صدق ايووووول من الخاطر وايفر المسجبه فوق وايرط يلقطها مره ثانيه .. وخالد قاعد ع ركبه ايبس ويحرك ايديه حق سعيد اهنيه حصه ماتت ماقدرت انها تستحمل وسحبت روضه ونشت ..
حصه : بس بس والله بصيح ماقدر اشوفه جذييييييه ... خنقتنيه العبره ..
روضه : لا لا يابوج لا تصيحين علينا ولا شي نشي نشي ...
وراحن عند امها وظبيه وين ماكانن واقفات عند الاستقبال والعرس كان ربشه من الخااااطر وماتم حد مارتبش معاهم وع الساعه 10 ونص من بعد ماتعشن الحريم بندوا الليتات وشغلوا الكشافات اللي كانن على اطراف الخيمه اللي كان نورهن كله يضرب على الكوشه وولعوا الشموع اللي كانن ع الطاولات.. وقالت المغنيه نوف حق الحريم اللي يبن يتغطن لانه مطر كان بيزف شمه ... دخلت مرسدس سهيل في الممر اللي كان جدام باب الخيمه وسكروا ستارة الممر ونزل مطر واتبطل باب المرسدس مالت سهيل على فوق ومسكتها ظبيه من ايديها ونزلت .. الخيمه كان تصميمها واااايد حلوو وكان باللونين البطيخي والذهبي وعلى كل طاوله زجاجه كبيره وفيها ورد من اللون البطيخي الجوري وفي النص شمعه كبيره لونها ذهبي ... وقفت شمه عند المدخل مال باب الخيمه وتوها كانت بتتدخل الخيمه وعدالها مطر وظبيه اتعدل طرحتها اللي كانت طويله .. دخلت شمه احلى عروس.. عروس كانت هاديه في جمالها اللي كان وايد وناعم ويجذب بسرعه .. وتمت تمشي ومنزله اعيونها في الارض ومستحيه من الخاطر .. على انغام سعيد السالم ..

الله الله ياسلام سبحان رب العالمين هاذا هو بدر التمام هللوا يالحاظرين
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
اشرق بنور القمر نظرة اعيونه هلاك هو بشر ولا سحب اقبل بصورة ملاك
اقبل بروعه وجمال مثل نسناس الربيع عليه لايق الدلال بشهادته الجميع
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
افرشوا دربه حرير وانثروا فوق الورود اقبل بحسنه المثير ممتزج عطره بعود
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
ياحلاته لي مشى بالهدا يمشي بسكون مثل ظبي او رشا كامل بزينه فتون
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
يالله توفق خطاه بالسعاده والسرور وبالفرح تمم هناه طول عمره والدهور
قولوا ماشاء الله عليه الحلا منه وفيه قولوا ماشاء الله عليه الحلا منه وفيه


ويوم يت بتوصل على الكوشه وقفت وخلاها مطر وظهر عنها ويت خالتها صفيه هيه مع ظبيه ورفعن فستانها شويه عسب تقدر انها تركب الدري وخلوها روحها وردن وقفن ع طرف الكوشه من تحت ..واول ماوصلت عند بدايه الكوشه اشتغلن المدافع مالت الورد اللي كانن فوق الكوشه وتم الورد يتانثر عليها من فوق وهي تمشي على الكوشه االرهيبه والكبيره وتمت تمشي بهدوء لين ماوصلت ع الكرسي وتمت واقفه شويه وخلاف يتها صفيه خالتها وساعدتها على انها تقعد وقعدت وطول الوقت منزله اعيونها ولا قدرت انها ترفعها ولا تتطالع اي حد وكل ساعه حد ايروحلها ايقولوها اطالعي الناس .. وع الطاوله اللي كانن قاعدات عليها قوم حصه ..
حصه : ماشاء الله شو هالترتيب والذوق .. جناااان انا يوم بعرس جذيه بسوي عرسي ..
عزه : هههههههه . ها كله ذوق خالتج وشمه ..
حصه : خالتيه اعرفها انا خالتيه راعية الزين كله ..
فاخره : تعالي منوه مصمم الهم اياه ..
اليازيه : واحد لبناني صح ؟؟
عزه : هيه .. والله ماقدر اطالعها احس عمري بصيح ..
اليازيه اتصارخ : لاء لااااء .. بعدين ..
عزه متروعه : ههههههههه . هب بيدي والله ..
فاخره : بسم الله يزوي روعتينا شويشوي ..
اليازيه : هيه عسب ماتصيح ..
حصه : شو اختها ؟؟ بس ماشاء الله عليها ثرها قمر حرمة خالي ..
عزه : مب انا اختها لازم ..
روضه : ياعييييني .. ياعيييني ..
عزه : ايه طالعوها والله شويه وبتصيح ..
حصه : لازم عروس رهبه رهبببببه ..
وبعد ساعه كامله وع الساعه 11 ونص قالت المغنيه انهم بيزفون احمد واترابعن البنات كلهن يلبسن عبيهن وين وقعدن كلهن ع الطاوله بس عزه راحت عنهم عن بنات خالتها وعماتها اللي كانوا قاعدات في الطرف الثاني .. دخل احمد ومعاه ابوه وابو مطر..احمد ماشاء الله عليه وايد حلو ومزيون .. نشت شمه من مكانها وعيونها في الارض .. ويا احمد وقف جدامها ماعرف شو يسوي هو يحيد انه لازم يرفع الطرحه ويحبها ع راسها بس ماكان طرحه على ويهها .. الريال جديييم .. ههههه .. صد على عمه وخلاف رد صد على ابوه .. وهو بعده واقف جدامها .. وهي منزله اعيونها تترياه ينش من جدامها ويوقف حذالها ..
بو علي : حبها حبها ع راسها ..
ابتسم احمد ابتسامة نجاه وحبها ع راسها ووقف حذالها .. وسلم عليها ابوها وسلم عليها عمها ووقفوا معاهم شويه .. واصوروا وخلاف راحوا تم احمد واقف وشمه واقفه يتهم ظبيه وقالتلهم يقعدون ....وقعدوا .. وع طاولة قوم حصه اللي كانن قاعدات معاهم بنات عمهم فاخره وميره ..
ميره : المعرس احلا ..
فاخره بنت عم حصه : والله انه احلا عنهاااااا بوايد شيااب اللي ياب .. والله من جمال احمد كنت اتوقع انه بياخذ وحده ملكة جمال بس عسب اتي صوب جماله بس شمه عاديه ..
حصه : حرام عليج لا تقولين جذيه .. والله انها حليوه .. وطيبه بعد اتسد طيبتها ..
اليازيه : مستويات شرات العياييز الا العروس احلا والا المعرس احلى سكتن سكتن .. ونشت ظبيه وام علي وام محمد وحصه واليازيه وقوم روضه ومريم عسب يسلمون عليهم .. ومريم كانت شاله فطومه بنتها واحمد من شافها ين عليها سيده نش وشلها وهي مستغربه تتطالعم .. استانست عليها شمه يوم شافتها .. وتموا كلهم معاهم ايصورون وعزه مسويه مناحه على الطرف عسب ختها ماتشوفها .. وعقب دشوا مطر وسهيل وقعدوا ايولون وراتبشوا الحريم كلهم وياهم .. وسحبوا احمد وقعد احمد بس يرزف وهم ايولون .. وتم مطر ايوول واحمد يرزف وسهيل ظهر عنهم لانه الربشه اللي برع كانت غير .. وتم مطر اييول وخلاف يته ظبيه وقعدت تترقص حذاله ارتبشت المغنيه نوف فيهم و قعدت اتغني .. ومطر بيموت ع ظبيه من عقب ماخلصت الاغنيه مسكها من ايديها ونزل ونزلت معاه ..
حصه : ههههههههه .. والله مطر سوالف يضحك..
روضه : هههههههههه .. عاد اونه ظبايه انا رقيقه ماتحمل دفاشته ..
اليازيه : ماعليج منها هاي خريطه هيه بتموووت فيه ..
وظهر مطر ووقف مع ظبيه عند باب الاستقبال ايرمسها وهي تضحك ..
حصه : هههههههههه .. الحين ايقولها احبج ..
فاخره : ههههههههه خيبه شدراج .؟؟.
حصه : شوفي كيف قفطت شو بيقولها يعني ..؟
اليازيه : انتوا خلوا هيله مال اول طالعوا اليداد كيف مستحيييين ..
وصدوا كلهم عليهم قاعدين يطالعون احمد وشمه اللي كانوا قاعدين وشمه منزله اعيونها تتطالع ايديها واحمد قاعد يطالع الارض ويرفع عيونه يطالعها ويرد يطالع الارض .. ومن عقب يتهم ام محمد عسب ايقصون الكيكه وهالوقت حصه كان مزهبتلهم شله بصوتها فراحت هيه مع روضه عند المغنيه وقالتلها فعطتها نوف المكرفون وراحت شغلتلها موسيقى هاديه عسب اتشل عليها وبحيث انها تناسب الجو وهم يقصون الكيكه وحطت شمه باقتها على الكرسي وراحت تمشي مع احمد صوب الكيكه وشل احمد السيف الكبير اللي كانت ماسكتنه الفلبينيه وبدت حصه اتشل .. حصه صوتها ايجنن يوم تشل وكل الناس صدوا يدورون هالصوت الحلو من وين ياي .. وشلتلهم هالشله ..وردوا شغلوا المدافع مالت الورد مره ثانيه من حطوا السيف على الكيكه ...

الف ورده يا أحمد بالف شكــــــل والف لون *** شي طبيعي في زفافك لو تجيك وتحتفل
عادي حتى لو ورود الكون كلــهم يحضرون *** لجل شـــــمه ولجلك يحضر الورد ويهل
هاذي ليله والاماني كحـــلت كل العـــــــيون *** هاذي ليله ومن حلاها ينضرب فيها المثل
واجــــمل العرسان انتوا والخلايق يشهدون *** انـــــكم اثبـــــتوا ان الزين يكــمل واكتمل
لك ابدعي يااحمد ربي يحفــــــظك ويصون *** والله يحفظ هالعروسه ويجعل ايامك عسل
ربي يمطر بيت الخيــــلي من افراحـه مزون *** والله يجعل في ســـماهم دايم افراح وامـل
ربي يمطر بيت الرميثي من افراحه مزون *** والله يجعل في سمــــاهم دايم افراح وامل


ومن عقب ردو قعدوا معاهم وخلاف ياب مطر الاودي مالت سعيد وربكت ظبيه حذال مطر واحمد وشمه ركبوا ورا ودشوا الفله مالت قوم بو مطر ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 14-03-2012, 07:01 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



الجــــزء الرابع عشـــر

لو بغيت الروح ماتغلى عليك .. كل عمري لك ولو تامر عليه
ولو بغيت القلب في مدت ايديك .. كيف أنا بعطيك قلبٍ إنت فيه ؟

بيت بو مطر
الجمعه 11 الصبح
سويحــــــان ..

شمه كانت واعيه من الرقاد من الساعه 10 ونشت واتلبست واتعدلت ونزلت عند هلها وقعدت معاهم شوي وهي توها بترد بتدخل الغرفه شافت عزه ختها ظاهره من غرفتها اول ماشافتها جان تبتسم الها تمت عزه تبتسم الها بخبث .. ولبستها شمه وراحت عنها عسب تتدخل الحجره ..
عزه : اييييه اييه تعالي تعالي ..
صدت شمه عليها : شو تبين ..
عزه اتحرك الها حياتها : احلويييتي ؟؟
شمه : ههههههه من بوني حلوه ..
عزه : شو العرس غاوي ؟؟ههههههههه ..
شمه : جب جب مارمس يهال انقلعي انا حرمه معرسه ..
عزه : هههههههه اوووووو مانروم عليها المعرسه قوموا عنها .. شحاله ريلج وينه ماشوفه ؟؟
شمه : راقد شو تبينه ؟؟ ..
عزه : يوزيني اياه ..
شمه : ههههههه .. ماعليه يوم بنكمل شهر بيوزج اياه .. يله فارجي الحينه ..
عزه : لها الدرجه متعذبه ماترومين تتحملين شو تبينه راقد خليه يرقد لازم اتروحيله وتلوين عليه و.و ...و...
شمه : جب ياحماره .. ودشت عنها الحجره وسكرت الباب شويشوي عسب ماتوعيه ..
وتمت واقفه ع راسه ومستحيه منه تريد توعيه بس هب عارفه كيف : ا.. ا .. احم .. اووووه .. شو فيني .. احمد .. احمد ..
واحمد راقد ..
شمه :احمد ..
فتح احمد اعيونه واطالعها وابتسم ردتله هيه نفس الابتسامه ونزلت اعيونها ع الارض .. وتمت ساكته ..
احمد : صباح الخير يالعروس ..
شمه بعدها منزله اعيونها : صباح النور .. احمد نش اتريق عسب تلحق تتسبح وتروح المسيد ..
احمد : ان شاء الله من اعيوني الهنتين ..
شمه ابتسمتله ابتسامه حلوه .. وهالابتسامه ذبحت احمد .. صح انه شمه هب حلوه وايد .. بس هيه حليوه فيها اشياء وايد تجذب وجمالها ناعم .. واحلى مافيها لونها سمارتها وايد كانت حلوه سمارة بدو .. وابتسامتها كانت تذبح ووايد تجذب ..
احمد : شميم ..
شمه : لبيه ..
احمد : لبيه قلبج ... تتدرين هالابتسامه الحلوه تذوب اقلوب وحتى اتخلي الحصاه اتذوب من كثر حلاتها ..
تمت شمه تتطالعه منصدمه منه تريد تستوعب هالكلام خلاف عظت ع شافيها اللي تحت ونزلت اعيونها تمت ساكته وهو ساكت يطالعها ونش عسب يحدر الحمام الله يعزكم ..وخطف حذالها ويوم خطف حذالها هيه ردت ع ورا عسب يخطف صد عليها حصلها مغمضه اعيونها وويها احممممممر .. ماحب انه يحرجها اكثر دش الحمام واتسبح .. ومن ظهر حصل كل شي مرتب وزراه وفانيلته مظهرتنهن من شطنته وحاطتنهن على الشبريه وكندورته اللي كانت مربعه في الشنطه حصلها مكوايه وكل شي كان مرتب وهي كانت واقفه جدام التواليت وماسكه في ايدها المدخن وقاعد تنفخ فيه وخصله من شعرها طايحه على عيونها ..
احمد معقد حياته يطالعها وباهتمام : شو تسوين ؟؟
شمه : الفحم هب لابق كله ..
احمد : اتحملي عن لايطير الشرار عليج ..
شمه : ان شاء الله ..
احمد : في خاطرج اتسافرين مكان ؟؟
شمه : ماعرف ع راحتك .. بس احس انه نقعد في البلاد اخير ..
احمد : امري بلي تبينه ..
شمه : تسلم ..
احمد : يسلم اليه غاليج ومغليج ..
وراح احمد وقف وراها وقعد يلبس هيه رفعت عينها تتطالع المنظره مالت التواليت شافته واقف ويطالعها ويبتسم حست باحراج انها تشوفه وهو يلبس راحت ودشت في غرفة الملابس .. واحمد يطالعها وميت من الضحك عليها وعسب يغلس عليها شويه ..
احمد : شميم وين رحتي ..
شمه متخربطه : ها .. ها .. لا يايه بييب شي وبييك البس انته خلص ..
احمد : ههههههههههههه .. انزين ريلج انا ..
شمه منحرجه : ان شاء الله يايه ..
ومرت دقيقه وظهرت حصلته واقف توه يريد يتسفر ...
شمه : لا لحظه احمد بدخن سفرتك خلاف اتسفر ..
احمد : انزين ..
حطت العوده في في المدخن وعطته المدخن وقعد يدخن سفرته .. وعقب قعد يتسفر هيه شلت العوده اللي دخنت ابها سفرته وردت حطت بدالها عوده يديده عسب ادخن كندورته ..ونزلت على الارض عسب اتحط المدخن تحته وهو وقف عدل عسب ادخنه احمد هنيه حس بحنان وباهتمام غير طبيعي اول مره في حياته حد يهتم فيه بهاي الطريقه ويلبيله كل اللي يباه من دون لا يطلبه او قبل حتى لا يفكر انه يسويه حمد ربه على شمه واتمنى انه الله يعوضه خير .. ويقدر معاها انه ينسى اللي كانت في حياته .. وشلت شمه المدخن وحطته ع الطاوله وقعدت اتعدل شعرها واتلفه لانه ماشاء الله وايد كان نعيم وبسرعه يتبطل وهو كان يتعطر رد احمد ع ورا عسب يظهر شاف شعرها تم واقف وراها يطالع شعرها اول مره ايشوف شعرها وشعرها ماشاء الله وايد كان طويل لين تحت ركبها بشوي .. صح انه هو شايف شعور طويله بس كلهن ماكنن يتعدن الركب .. تم يسمي على شعرها ..
احمد يمسح ايديه ع شعر شمه : ماشاء الله .. ماشاء الله .. الله وكبر عليه .. وشل ايديه
تمت شمه تتطالعه منصدمه ومستحيه من الخاطر ولفته ونزلت معاه تحت ومن وصلوا حدروا الصاله وكان هناك سهيل وام مطر وبو مطر وعزه قاعدين .. عزه اتحجبت وقعدت حذال اخوانها . ونزلوا وسلموا عليهم كلهم ..
سهيل يعلق عليهم اونه يرمس مصري : صباحيه مباركه ياعرسان ..
احمد : الله يبارك فيه الفال لك ..
سهيل : عوذ بالله منه من فال .. لا لا بخلص وعقب ..
وتموا قاعدين كلهم ايسولفون وعزه كل ساعه تتطالع شمه واترد تتطالع احمد ويوم اتشوفه ايسولف ومندمج تقعد تتطالع شمه واتحرك لها حياتها وتتطالعها بخبث .. وشمه ودها تذبحها .. وعقب شوي راحوا الرياييل المسيد عسب ايصلون ومن عقب الصلاه قعدوا يتغدون ومن عقب راحت شمه اتحط اغراضها لانهم بيرحون العين العصر ..وتم احمد قاعد مع الشباب في الميلس ..

في بيت بو علي
الجمعه 4 العصر
العيـــــــــن ..
انا طيفي عساه يمر في عينــــك ... من غيافك طيوفك ترقد فعــــــيني
حرام البعد دامه قلبي في ايدينك ... احــــــبك والمحبه خالده فينــــــي

بو علي وام علي وعلي ومريم وظبيه وام محمد كانوا كلهم قاعدين في الصاله ..
مانع : بابا يله بنسير حديقة الحيوان ..
علي : ان شاء الله بنوديك خلها تستوي خمس .. وبنسير ..
مانع : واحد .. اثنين .. ثلاث .. اربع .. خمس .. يله بابا استوت خمس ..
علي : هههههههههه . لا ماستوت هب انته اللي اتعد لين خمس لين ماتستوي الساعه خمس ..
حصه : فديت الشيخ مانع انا ..
ام محمد : امايه المعاريس متى بييون ؟؟
ام علي : مادري يابنتيه بس على ماظنيه بيصلون العصر وبيظهرون ..
بو علي : ظبايه ..
ظبيه : امر فديتك ..
بو علي : مايامر عليج عدو فديتج صبيليه قهوه ..
ظبيه : ان شاء الله ..
وشويه وسمعوا اليازيه يايه تمشي ووراها حصه تربع ..
ام محمد : شعندها البقره تربع ..؟؟
بو علي : ربها اتخض اللبن ..
وتموا كلهم يضحكون عليه ...ووصلت حصه تربع ويت قعدت حذال يدها ..
ام محمد : وايه بالستر شو هالمنكر بعد اشعندج ترابعين .. صبي انتي ..
ام علي : خليها يابنتيه شو تبينها حليلها ..
حصه : هيه والله حليلي شو تبيني خليني اربع ..
ام محمد : اشك انج ولد ..
علي : ع شوه مستعيله ؟؟
حصه : هههههههه .. عليك ياخالي الحلوو ..
علي : ياله من تقردينج انتي ..
وعقب دش حمدان وفلاح وثنيتهن خايسين رمل من ريولهم لين راسهم ..
ظبيه : هاااااااااا ؟؟؟ شو هاااااااا ؟؟
مريم : وايه يعلني ابلاك اتسبحت به ؟؟
فلاح اونه يضحك ايصلح الموقف : هيهيهي ..
مريم : نش نش ويايه ..
علي : خلاص فلاح وحمدان مايسيرون الحديقه ماشي ..
فلاح : لا بابا لا لا ..
ونشت مريم وسحبته وراها ..
ظبيه اتصارخ على حمدان : ليش جذيييييييه ؟؟ انا شو قايله انا هب قايلتلك ماتلعب به شو هاااااااا ؟؟
بو علي : هرررر .. خليه اشعنه اتواقعين الولد ابرايه بيتسبح بيروح ..
ظبيه : يابويه انا تعبت من كثر مالبس واسوي ...
حمدان : انزين هو بروحه خيسني ..
حصه : مايحتاي الرمل يطير في الهوى ...
ظبيه نشت وسحبته من فانيلته وراها جنه عنزه ويالسه تتحرطم ..
ام علي : يامايه شويشوي .. لا اله الا الله من هالبنت معذبتنه مسكين هالولد ..
اليازيه : هههههههههه .. الله يعينها ..
ام محمد : هالعيال بلوه ..
وقعدت ظبيه اتصارخ على حمدان لانه دخلته غرفت امها وابوها اللي تحت وقعدت اتسبحه.. وقالت حق حصه اتروح اتييب له اثياب وراحت حصه ويابت اثيابه وعطتهن ظبيه .. وحمدان خلص ويبا يظهر ايروح الصاله وهي في الحجره معاه ..
ظبيه : تعال اقولك بسحي شعرك تعاااااال ..
حمدان : اف اتسبحيني اتسحيني اتحطيلي صابون وثامبو انا تعبت ..
ظبيه تصارخ عليه وتضربه ع جتفه : يله .. ومسكته وقعدت اتسحي شعره ..
حمدان يصيح : مابا مابا ليش تضربيني بسير اضرب حصووه .. وراح مسح دموعه بالكلينكسه وفر الكلينكسه في الصاله وقعدت ظبيه اتلم اثيابه من الغرفه وراح هو سيده صوب حصه اللي قاعده اتسولف مع يدها وظربها على ريلها ..
حمدان يطالعها : احسنن ليش ماما تضربني ..
اليازيه :ههههههههههههههههه ..
حصه : لا والللللللله وامك تضربك انا شو يخصني ان شاء الله ؟؟
ام محمد : احسن دواج ادبج ..
وظهرت ظبيه ..
حصه : بلاه ولدج مينون ؟؟.
ظبيه : من زمان توج تتدرين ..
وحمدان يريد يظهر برع .. سحبته ظبيه من فانيلته وقعدته جدام التلفزيون ..
ظبيه : اهنيه اتقر اتعرف اهنيه .. ماريدك تتحرك منه ..
حمدان : يديييييي ..
بو علي : خلي يسرح الولد شو تبينه ؟؟
ظبيه : لا يابويه خله يتادب .. اعنبوه جاني انا الا من وراه بحدر الجنه ..
بو علي : تعال فديتك الشيخ حمدان تعال يعلني افدا ثرك انته الشيخ العرب كلها تعال ..
وراح حمدان عند يده وتم قاعد ..
حصه : ياوييييييلي ع الدلوع انا شو هالدلع شو هالدلع ؟؟ خل عنك وين خشيتها الدفاشه؟؟
ام محمد : صخي عنه فديته هو ريال ..
حمدان يهز راسه حق حصه : جب .. جب .. جب ..
وشويه وسمعوا هرن ونش علي وقف عند الباب .. وشاف البورش مالت احمد ..
علي : امايه احمد وحرمته ياين ..وراح علي قسمه ..
ام علي : حياهم ا لله المعاريس وظهرت ام علي وام محمد عند الباب .. ووقفت جدام باب الصاله .. نزلت شمه ونزل وراها احمد ..
ام محمد : مرحبا مرحبا بالمعاريس ..
وراح احمد وسلم على امه وشمه سلمت على ام محمد وخلاف سلمت على ام علي .. واحمد تم لاوي على ام محمد ...
ام محمد: هههههههه .. وايه يعلني افدا هالعرضه ..
احمد : افداااج بكبريه ..
ام محمد : فديت قلبك انا ..
ام علي : حياكم قربوا قربوا قربي بنتيه حياج الله البيت بيتج ..
شمه : الله يحيج ياعمتيه ودشت و راحت وسلمت على عمها وقوم ظبيه وحصه واليازيه .. وسلم احمد عليهم وقعدوا .. قعدت شمه حذال ظبيه وقعد احمد عند امه وابوه ..
بو علي : شحالج بنتيه ربج بخير ...؟؟
شمه : بخير ياعمي ربي يسلمك ..
حمدان يطالع شمه منصدم : منوه يابج هنيه ؟؟ بابا .؟؟؟
احمد : هههههههههه .. لا انا يبتها ..
حمدان : ليش تركبين معاه ؟؟عييييب ..
شمه : هههههههههه ..
ام علي : وايه بالستر ..
ظبيه : يالخبله استوا ابوها عادي تركب معاه خلاص هيه بتم كله معاه بتم اهنيه مابتسير سويحان .. هنيه بترقد ..
ام محمد : كيف استوا ابوها .؟؟.
ظبيه : هو عنده انه ابوها يعني ريلها ..
احمد : هيه استويت ابوها ..
شمه : هههههه .. ليش حمدان انته تباني .؟؟..
حمدان شويه وبيصيح والدمعه ع خده : هيه انا اباج انا احبج انتي كله تلعبيني عزوه كله تضربني انا ماباها انا اباج وراح عند امه قوليله هاي مالتنا ليش يشلها ..ليش ماشليت عزوه شلها نحنا مانباها ..
شمه وحمدان معور قلبها : فدييييت قلبك لا ااتقول جذيه ..
ظبيه : جب جب .. شو هالخبله ؟؟
بو علي : شو مخبلبه حليله عمته متعود عليها ايجوفها دوم ..
احمد : لا لا خلاص حمدان شمه استوت مالتيه ...
حصه : اسميييه بيشل البغض عليكم ..
شمه : فديته ... تعال حبيبي تعال .. وشلته شمه وقعدته ع ريلها ويلست اتصاصره وهو يسمع عقب ضحك ..
اليازيه : عوذ بالله شو بلاه يضحك ويصيح ..
شمه : لا فديته هو شيخ كله بيضحك صح ..
حمدان : هييييه انا شيخ سويحان ..
ام علي : واييييه يعلني افدا شيخ سويحااااااان ..
احمد : تعال تعال خشمك خشمك .. وراح يربع حمدان صوب احمد واتخاشم معاه ...
ظبيه : مابتروحون تتمشون ؟؟
احمد : لاء مالنا بارض للسفر في هالشتاء .. بنتمشى هنيه في البلاد بنسير دبي والمناطق الشرقيه ..
بو علي : اخيرلكم عن رضة الطيايير ..
وشويه وظهر علي وهو شال فلاح وولده ومانع يمشي حذاله وظهرت وراه مريم شال فطومه ..وراح علي وسلم على احمد وسلمت مريم على شمه ...وبارك علي حق احمد وشمه .. وباركت بعد مريم الهم .. وقعدوا ..
علي : يله منوه بيروح الحديقه .؟؟.
مانع : اناااااا ..
فلاح : اناااااا ..
حمدان : ماما وانا بعد ..
ظبيه : سير انزين فكنيه ..
ام محمد : فديتك لا تتطري هالمرسه جدام منصور ولطوف اسميهم بيحشرونيه وانا برد بوظبي ورايه طريق ..
علي : انتوا متى بتظهرون ؟؟
ام محمد : بنصلي المغرب وبنظهر ..
علي : انزين ماعليه الحينه توها خمس وربع لين 6 ونص بنكون نحن اهنيه مابنبطي ..
ام محمد : ماعليه خلاص برايك شلهم وياك ..
وظهر علي وشل الصغاريه معاه عسب يوديهم الحديقه ومريم ماقدرت انها اتروح معاه لانه شمه عندهم فطرشتهم كلهم معاه وظهرت وصلت اليهال لين السياره وردت الهم مره ثانيه ..
ظبيه اتصاصر شمه : ها شو العرس ..؟؟
تمت شمه تتطالعها مستحيه : ههههه الحمد لله .. وصدت على احمد اللي كان يطالعها ..
احمد : شو تبينها ليش تصاصرين حرمتيه ؟؟؟
ظبيه : ياخي انته شلك خت ريلي .
احمد : حرمتيه ..
ظبيه : اوووووه فارج .. شمه قومي بسير اراويج قسمج ..
احمد : وغلاااتي ماتعطينها اللي تباه ..وانا اعرف شو اللي تباه ..
تمت شمه قافطه ومستحيه وويها احمر ..
ام علي : شو تبينها فديتها خليها ..
ظبيه : امايه شو فيج انتي بعد .. البنيه تبا اتبدل وتبا اتشوف قسمها مزبنينها اهنيه بعباتها وشيلتها ..
ام محمد : انا اعرفها شو تبا مابترتاح ..
بو علي : يله سمحوليه انا بسرح صوب العزبه ..
ام علي : ربي يحفظك ..
وظهر عنهم بو علي ..
شمه : فدييييت فطيم انا محلاتها ؟؟ كتوكته . وتمت اتبوسها وشالتنها وفطومه لاصقه فيها وتبتسم الها .
احمد : حصوه سيري زقري الخدامه خليها تنزل الشنطه من السياره .
حصه ماده ايديها : عطني سويج البورش خلني اسوقها ..
احمد : هاج يودي وفر السويج عليها ..
ام محمد : تعالي يالمقوي وين سايره ؟؟؟
حصه : شو بسوق البورش بنيه كبريه عندها بورس ياسلاااااام ..
ام محمد : وانته الله يهديك مالقيت الا تعطي الخبايل ..
حصه : ريمي اني كل شي بتصدقين بسير ببطللها السياره عسب تنزل شنطتها ياربيه من هالام ..
ام محمد : منج من ويهج ياام لسان لو السانج ينقص جان انا مرتاحه ومفتكه منه ..
مريم : هههههههه .. والله حصوصه سوالف .. شميم فديتج هاتيها عنج ربها تعبتج ..
شمه : لا افا عليج .. بس هيه من الصبح تتثاوب وقت رقادها الحينه ؟؟
مريم : هيه من قبل ربع ساعه هيه النفروض اتكون راقده ...
شمه : فديتها ياربي ..
ومدت مريم ايدها عسب اتشل فاطمه بس فاطمه ماطاعت تمت لاصقه في شمه ..
ظبيه : ماشاء الله عليها شمه كل اليهال اللي يجوفونها يحبونها ..
ام علي : من طيبة قلبها يعلني افداها ..
شمه : افداج ياعمتيه ..
وخلاف شلت مريم بنتها وودتها عسب اترقدها ..
وراحت حصه وخلت الخدامه اتشل الشنطه وشلت الخدامه الشنطه ويابتها داخل ..ودخلت حصه وشافت شمه واقفه ووياها ظبيه شكلهن بيروحن قسم شمه ..
كوماري : سلام اليكم بابا اهمد مبروك ارووس ..
احمد : عليج السلام كوماري .. الله يبارك فيج يدتيه ..
كوماري : ايووه ماشاء الله هدا في زوج مال انته .؟؟.
احمد : هيه ..
كوماري : ماشاء الله ماشاء الله هلوه .. سيم سيم ماما مريم .
ام علي : هبي هباج ربج كبري عليهن..
شمه : ههههههه .. حليلها شحالج كوماري ..؟؟
كوماري : زين ماماه .. انتي في زين انا في زين ..
شمه : الحمد لله انا فيه زين ..
ظبيه : كوماري شلي الشنطه وديها روم مال باب احمد ..
وشلت الخدامه الشنطه وودتها فوق وهاي الخدامه عندهم من زمان من 15 سنه الحينه .. وكلهم متعودين عليها وهيه متعوده عليهم ... وراحن ظبيه وشمه قسم شمه وواليازيه وحصه راحن معاهن عسب يساعدنها اترتب اغراضها ..
ام علي : ها احمد ابويه شو العرس ؟؟
احمد : والله الحمد لله يامايه اي شي قبل لا ااطلبه احصله متنفذ وحتى قبل لا افكر فيه ماشاء الله عليها مااسمع منها الا كلمة ان شاء الله والله لو وحده غيرها جان لزمت انا نحن سافر وبتقول لا لازم انسافر عسب اتقول حق ربيعاتها انها سافرت وجذيه بس هيه حليلها قالتلي وين ماتبا اتوديني بروح معاك ..
ام علي : الحمد لله .. والنعم فيها والله بنت بو مطر .. ماعليها اقصور ..
ام محمد : لا ماشاء الله شمه حرمه ..الله يهنيكم ويسعدكم ان شاء الله ..
ام علي و احمد : امييييين ..
وشويه وسمعوا سعيد ..
سعيد : هووووود ..
ام محمد : اهداااااا ..
وحدروا سعيد ومحمد الصاله ..
سعيد : حيببببببه المعرس ..
احمد : الله يحيك ويبجييييييك ..
وسلمو محمد وسعيد على احمد وقعدوا ..
سعيد : ها بشر شوالعرس ..؟؟
احمد : افففففف العرس لا تتخبر .. ونااسه .. اتحصل حد ايدلعك ويهتم فيك انا البارحه حسيت انيه ملك ملك .. دشيت الغرفه وهاك الفراش الحرير المنثور عليه الورد وشموع ع الطاولات والفراش كله ريحته دهن عووووود .. اف دلع دلع ..
سعيد حاط ايده ع قلبه : الااااااه .. عيوزي ...
ام علي : ...........................
محمد : هههههههههههه .. اكبر طاف ..
سعيد : عيوزيه ..
ام علي : عييز حيلك ياربيه ..
سعيد : ههههههههههه انا روحي مافيني حيل ..
ام محمد : والله انك شيبه انته ..
محمد : امايه متى بتسيرون ؟؟
ام محمد : بنصلي المغرب وبنظر ..
سعيد : ياامايه ..
ام علي : خييييير ..
سعيد : ياامايه ابا اعرس انا ..
ام علي : السنه الياه ..
سعيد : لا اليووووووم ..
ام علي : انقلع ..
سعيد : دخيلج فطيم ..
ام علي : ...........
سعيد : دخيلج ..
احمد : هههههههههههااااااااي .. انته والله سوالف طالع شكلك اتقول شحات يشحت من عند باب المسيد ..
سعيد : والله يمكن هو اتكون حالته اخير عن حالي ..

في بيت بو محمد
الجمعه 11 فليل
بوظــــــــبي ..

انحيتله من القبله شروق ... قلبي تنحر شمس الاشراق
جدواك يداعبني الشوق ... ولك في الخوافي تطبع اوراق

محمد كان يالس في الصاله ع الارض جدام التلفزيون يطالع برنامج الجماهير في قناة دبي الرياضيه .. ونزلت حصه وحصلته قاعد وييت وقعدت حذاله ..
حصه : ياويلي المزيون شو قاعد يسوي ..؟؟
محمد يصد حواليه : مافي حد غيري يعني اكيد انا ..
حصه : هيييييه عيل شو وهل يخفى القمر ..
محمد : سبحانه مغير الاحوال توج في السياره تتحرطمين عليه لانيه مغشنكن . والحينه القمر ومادري شوه ..
حصه : افا عليك انته اخويه باجر بتسافر اتعرف انك ماتهون عليه واني اموت فيك ..
محمد : والله زين ..
ويلست عداله وشلت ايديه ويلست اتهمز ايديه وهو اول ماشلت ايديه تهمزها عرف هيه شو تبا .. تم ساكت ويلست اتهمز واتهز وعقب سارت يابت الكريم وحطت في ايدها وعقب حطتها ع ايديه ويلست اتسوي حق ايديه مساج وعقب راحت عند ريله وقعدت اتهمز واتهمز .. واتهمز اركبه وهو ساكت وعقب ماخلصت وقفت ..
حصه : حموووود ..
محمد : هممممممم ..
حصه : اتعرف انته انا همزت ايديك وريلك وجذيه وتعبت عمريه ورحت فوق ويبت لك الكريم ويسلت اسويلك مساج حق ريلك وايديك ..
محمد : انا قتلج ؟؟
حصه : لا بس انته اخويه حبيبي ..
محمد : كيفج انا ماقتلج انتي روحج ييتي وانا انسان ماقول لا ..
حصه : انزين يعني ابا اجار التهميز والمساج والكريم ..
محمد : انا اعرف انه هالتهميز هب لله .. لازم اي شي اتسوينه لازم تبين له اجار ..
حصه : اتعرف انته يعلني افداك عاد هالزمن مافي شي ببلاش ..
محمد : كم يعني تبين ؟؟؟
حصه : عاد انته يعلني افداك كريم وانا ختك حليلي استاهل ...
محمد : خلصيييني كم يعني ..؟؟
حصه : عاد انته شوف كم بتعطيني اجار المساج واجار التهميز واجار الكريم .. يعني اجمعهم واللي بيطلع حياه الله ..
محمد : 200 ..
حصه : لاااااا .. شو .. جوف التهميز 200 والمساج 150 .. والكريم ... 50 هاي كم ..؟؟ ومسوتنلك تراني عليهن تنزيلات بعد
محمد : 400 هيله كلهن ...
حصه : انزين يله ..
محمد : لو ساير ومسوي هالمساج في لندن مابيكلفني هاذا كله .. انتي ليش جذيه حراميه ؟؟
حصه : همممممم انزين بسويلك تخفيضات 395.
محمد : شووو شووو يله يله ماشي بسج 350
حصه : لا حرام ..
محمد : لا هب حرام .. 350 تبين تبين .. ماتبين برايج ..
حصه : لا حرا80 ..
محمد : اقولج تتدرين .. انقلعي ..
حصه : لا حراام حموود حرام عليك ..خلاص خلاص هاتهن ..
محمد يفتح بوكه : ماعندي .. عندي بس ثلاثميه ماعندي خرده ..
حصه : افا عليك الحينه بتصل في الدكان بخليه ايبيب لك الخرده انته هات 400 ..
محمد : لا .. تبينهن شليهن ماتبينهن برايج ..
حصه : افففف خلاص هاتهن ..وشلت الفلوس وربعت ع الدري ...مالت عليك يالززززززطي ..
وراحت عنه حصه .. وتم محمد قاعد عقب حدر غرفته وحصل امه مزهبتله كل شي لانه طيارتهم حق لندن باجر الصبح الساعه 10 ..
..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 14-03-2012, 07:03 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي




بيت بو عبدالله
السبت 5 العصر
بوظـــــــبي ...

غار الغصن من قد ليــنك *** يحقلك رقــــــة دلالـــــك
اموت انا في رمش عينك *** ومن ناظرك لا شد هالك ..

سلامه والعنود ومهره كانن فارشين الحصير وقاعدات عليه برع وام عبدالله رايحه عند حرمه وابو عبدالله في الشركه هو وعبدالله لين الحينه .. واسماء قاعده اتلعب عيال عبدالله هند ونهيان في الحوطه اللي كانت في الحوي وحاطين فيها الالعاب ..
اسماء : ههههههههههه .. لا نهيان شويشوي بطيح ..
نهيان : هاي صغيره ماتعرف تلعب ..
اسماء : ادريبها بس شويشوي حليلها طالع طالع ..كيف تضحك ..
وهند مستانسه انها تتمريح في المريحانه ..
سلامه : والله ايام المريحانه في خاطريه اسير العب ...
مهره : والله لو مافيني شي جان سرت العب ..
العنود : اتعيدن ايام الطفوله ؟؟
سلامه : وايه محلاتها من ايام ..
وراحت سلامه صوبهم ..
سلامه : اسموه تعالي بنتمريح ..
اسماء : ههههههههه .. قولي والله ..
سلامه : صدق بعد شو ...؟؟
اسماء : لا العييايز مايتمريحن ..
سلامه : يدتج ثرني انا ؟؟
اسماء : ههههههههه .. يله انزين صبري بعطي هنوده الخدامه .. وراحت اسماء عطت هند الخدامه وردت وركبت .. وتمن يتمريحن شويشوي ويرفعن ريولهن ع فوق عسب اتسير بسرعه .. وتمن جذيه لين ماقامت المريحانه اطير فيهن .. وسلامه اتزاعق .. واسماء تضحك ..
سلامه : وابوكم طرت لو يجوفني فهد اسميه بيعيب عليه ..
مهره : ماعليه الحينه بصروكن ..
سلامه : ههههههههههه .. لا لا ..
اسما : يله عاده سباق لا تخافين ..
سلامه : لا يامج انا ماروم عليج انتي اطيرين ..وتمت سلامه اتخف واسماء تتمريح بقو واطير فوق واترد مره ثانيه ومستانسه .. وشويه ونزلت سلامه وركب في المريحانه اللي كانت راكبتنها نهيان..
نهيان : عموه يله سباق ..
اسماء : يله ..
ودخلت الرنج مالت هادف وطبعا ماعليها مخفي وكان هادف يسوق وحذاله غانم .. واول مادوشواهادف يطالع صوب قوم حرمته ولف غانم على اليسار وشاف في هالحوطه وحده تتمريح وتضحك وشيلتها طايحه وقصتها اطير ..
غانم ياشر حق هادف منصدم : هدووف شو ها ؟؟
هادف : هههههههههههههههه .. وضربلها هرن .. ويوم صدت شافتهم سيده لبست شيلتها وتمت اتحاول انها اتوقف المريحانه بس المريحانه هب طايعه توقف وتمت فيها لين ماوقفت وغانم نزل ووقف صوب هييج الحوطه من برع وحاط ايديه ع خصره ..
غانم : لا والله ؟؟؟؟ .. حلفي انتي بس ..
اسما ء : شو حرام العب .؟؟.
هادف : كم عمرج انتي ؟؟
اسماء : سنه وتسع شهور ..
هادف : هيه يعني كبر هنودي بس ماشوف هنودي تلعب ..
اسماء :اف اللي يقول الحينه انا قاعده اتميرح على راسهم ..
وظهرت من الحوطه وراحت قعدت عندهن وهن كلهن يتضحكن عليها ..
سلامه : ههههههه .. ليش مانزلتي يوم انا نزلت ..
ويو غانم وهادف وقعدوا معاهم ..
اسماء : ليش تلحقونيه ..؟؟
غانم : نبا زكاه .. كم بتعطينا ..؟؟
اسماء : حريمتكم ولا ربع ..
غانم : زطييييه ..
وراح هادف وقعد حذال مهره ويصاصرها ..
هادف : اتولهتي عليه ؟؟
مهره : هههههههه .. لا شو ماشي شغل ؟
هادف : انزيييين ماعليه .. غنوم قوم بنسير انغازل ..
اسماء : يله روح .. زييين اتسوي اسميك بتفكنيه قوم وده ..
غانم : هههههههههه .. لا لا انا مااخون ..
سلامه : هيه اللي ايقول ماخون هو اللي يخون ..
غانم : افااااااا افااا ياحرمة خويه .. تظنين هالظن فيييني ..
سلامه : هههههههه .. بصراحه لا اشك في ريلي ولا اشك فيك ..
اسماء : هيه ناقص هو خقه عسب اتزيدونه انتوا ..
هادف : يله بروح ابدل وبييك ..
غانم : لا تبطي ...
هادف : انزين ..
وراح هادف وراحت وراه مهره ..
غانم : ليش لاحقتنه ؟؟
مهره : ياخي كيفي ريلي ..؟؟ يااااه ؟؟.. ههههههه ..
وراحت مهره وراه ..
غانم ياشر عليهم : جوفي جذيه ايدلعون ويهتمون هب قاعده تتمريحين ..
اسماء : ياربي اللي يقول الحينه انا كفرت ..
العنود : ياله ياغانم اسميك الا على كل شي يسونه فيك انته لك اجر فيه ..
غانم : هههههههه . وهاذا هو اللي مخلني اتحمل ..
اسماء : افففففف .. انا بنتكم ولا هو ولدكم ؟؟
غانم : كيفهم ..
نهيان : مامااااااه تعالي دزييييني ..
العنود: يله يايتنك ..ونشت العنود ...
غانم : وينها ميوووووه ؟؟
سلامه : راقده ..
ونشت اسماء بتروح المطبخ ..
غانم : تعالي وين بتروحين ...؟؟
اسماء :ياربي شعليك انته رحت ولا ييت اففففف ..
غانم : انتي تمي بهالاسلوووب و الله لا تلقينه يالعنز ..
اسماء منصدمه : انا عنز ..
غانم : هييييييه ..
اسماء : ماعليه انزين ...ودشت المطبخ .. وظهرت وهي شاله صينيه وفيها قلاصات فيهن عصير ..
سلامه : اف زين سويتي من الصبح عطشانه ..
اسماء من دون نفس اونها زعلانه : تفظل ...
غانم : مابا ..
اسماء : كيفك .. هب حالفه عليك ..
وشلت سلامه عصير وشربت وشلت اسماء العصير وقعدت تشرب بس عقب شبعت وخلته وكان في نص . شل غانم القلاص اللي حطته في الصينيه وشرب منه وهيه تتطالعه منصدمه وسلامه تتطالعه وتضحك .. واسماء ميته من المستحى ومنزله اعيونها على الارض وتتحرطم ..
اسماء بصوت واطي وشكلها تتحرطم : والله انه مايستحي يارببي ياربي .
غانم : اتحرطمي من اليوم لين باجر .. كيفي انا بشرب الشي اللي انا اباه ..
وشوي ويا نهيان وهو شال ورده في ايديه .. وشافه غانم ..
غانم : اوه نهيان شحالك ماييت تسلم عليه ؟؟
نهيان : ههههههه .. كنت العب ..
غانم : الا حق منوه هالورده ؟؟
نهيان : حقك يبتها ..
غانم : فديييييييت قلبك انا عرب تهديني وعرب اتواقعني واتسبني ..
نهيان : اصلا انا احبك ..
غانم : والللله يامرحبا الساع وانا اموت فيييييك ..عادي اقطعها ..
نهيان : عادي قطعها .. بييب وحده غيرها فيه عنا وايد ورا .. يدوه سوتهن ..
العنود : ههههههه .. قول يدوه زرعتهن شو يدوه سوتهن ..
اسماء : ماعليه يوم بتي امايه بقولها غانم ونهيان يقطعون الورد ماعليه انزين ..
غانم : ياله جان على عمتيه ياريتج في نص طيبة عمتيه بتقول يعلني افداهم غانم ونهيان لو بيشلون الشيره مالت الورد من عروقها تفداهم .. ياويهج ..وشل غانم الورده وقعد ايقطع تحبني ماتحبني ... اتحبني .. ماتحبني .. اتحبني .. ماتحبني .. سلامه والعنود يسولفن واسماء تتطالعه باهتمام ... واخر شي ظهر اتحبني جان يصارخ ..
غانم : ههههههههههههههههاااااي تحبيييييني ؟؟
سلامه : بسم الله شواستوا ؟؟
اسماء : هالورده جذابه ..
غانم: ادري لانج تموتين فيني ..
اسماء : ياحبك للمغااااااااااايض افففففففففف ....
سلامه : مال اول هالحركه مال االافلام المصريه ..
غانم : شونسوي باختج بنسويلها افلام هنديه جانها تبا ..
اسماء : اففففففففففففففففففف .. وفرته بالمخده ..ومسك المخده ورد فرها فيها ..
العنود : انتوا الحينه جذيه اتغايضون بعض باجر يوم بتعرسون شو بتسون ؟؟
غانم : الله يعيني الله يعلم شو بتسويييييبي ..بس اكيد حناني بيتغلب على كل شي ..
واسماء مستحيييييه وسااااااكته ..

بيت بو علي
السبت 8 فليل
العيــــــــن

ام علي ومريم وشمه كانوا قاعدين في الصاله ..
مريم : شمه متى بترحون دبي ؟؟
شمه : باجر الصبح ان شاء الله ..
مريم : هيه زين والله دبي يمدحونها بمهرجانها هالسنه ..
شمه : تتدرين بتكون اول مره في حياتي اسير دبي ..
مريم : صدق ؟؟
شمه : هههههههه .. هيه والله نحن يالله يالله كنا انسير بوظبي ..
مريم : زين عيل اللي يسيرها اول مره بيستانس فيها ..
شمه : ان شاء الله ..
فلاح ياي عند امه واونه مستحي من شمه ..
فلاح : ماماه ..
شمه : فديتك ..
تم ساكت فلاح يطالعها ومستحي ..
ام علي : ههههههه .. ولدنا يستحي ..
مريم : فلاح هاي العروسه تستحي منها ..
غمض اعيونه فلاح وعقب رد يفتح ويغمض اعيونه ويطالعها ..
شمه : ههههههههه .. فديت قلبك والله فديتك وشلته وقعدته على ريلها .. شواسمك .؟؟؟
فلاح : فلاه ..
شمه : الااااه اسمك وايد حلو .. بتعطيني اسمك واعطيك اسمي ..؟؟
فلاح : نو .. نو .. .نو ..وتم يهز راسه ..
شمه : ههههه حرام ليش بصيح انا ؟؟
فلاح : نو .. نو .. نو ..
مريم : هاي البصمه مالتنا نو .. نو .. هاك اليوم احمد يغايضه ايقوله عطنيه فانيلتك وايد حلوه قعد يطالعه وايقوله نونو عاده اونه الفانيله هب كبرك ..
شمه : مايضرب فطومه ؟؟
مريم : ههههههههه سكتي هب مقصر فيها اونه عطيني انا بشلها يوم اشربها الحليب عطيني انا بشربها ..
شمه : هههههههه .. فديته ريال هو يريد يساعد امه صح فلاح .. بس هاي صغيره مايشلونها يوم بتستوي كبيره بنشلها انا اوانته وبنسير العين مول زين ؟؟
فلاح : فان سيتييييي ؟؟؟
شمه : ماعرف بس جنه هو ... عمتيه اصبلج قهوه ..
ام علي : فديتج توني شاربه .. بس مابردج صبي ..
وصبت شمه حق عمتها .. وصبت حق مريم وعطتها اياه ..وصبت الها وتم يشربن قهوه ..
شمه : اتصلت اليوم في امايه اتقولليه البارحه حمدان طول الليل في حجرتيه وينها ووينها يقولهم انا مابتحرك منها لين ماهي اتي ..
ام علي : فديته والله ..
مريم : شكله وايد متعلق فيج ..
شمه : هيه اكثر عن عزوه ختيه لانه هو مول مايستوي معاها ودوم ايحدر عليه ايسولف عنديه ..فديت قلبه انا ..
سعيد : هووووووود ..
عدلن مريم وشمه شيلهن واتحجبن بشيلهن البيض مالات الصلاه ..
ام علي : اهداااا ..
سعيد : السلااام عليييهم ..
الكل : وعليك السلام ..
سعيد : سمحيليه العروس ماباركتلج كل ماكنت احدر الصاله اريد اباركلج مااشوفج مبروك ..
شمه : لا افا عليك .. الله يبارك في حياتك ياربي الفال لك ..
سعيد : قولي حق عمتج ..
شمه كانت مستحيه يعني لانها اول مره اتشوفه ويبالها فتره لين ماتتعود عليهم فابتسمت بس ..
ام علي : انا قايلتنله جانك تباه العرس السنه اليايه ..
سعيد : انا الحينه اباه فيني غيره السنه اليايه ماباه ..
ام علي : احسن ..
مريم : شلك في البلا ..
سعيد : عوذ بالله منه من بلا حشا عليه لا لا ماباه خليني اعزوبي اعيش حياتيه ..وراح عند فلاح ومانع اللي كانوا طايحين يطالعون سبيس تون .. وراح طاح في نصهم .. واستانس فلاح وقعد ايره من شعره ..
سعيد : فلاح شو يقول هنوووي ؟؟
فلاح يهز راسه : وااااااي انتااي ..
شمه : ياربي فديته .. كتكوت ..ماشاء الله عليه ..
ام علي : عاده ملوعين اله جبده احمد وسعيد حاشرينه مسكين ..
سعيد : منوه احلا واحد ..؟؟
فلاح : فلااااااااااه ..
سعيد : لاااااااء .. قول منوه احلا واحد ..
فلاح : فلااااااه .. وعمي تعووود ..
سعيد : شو تعووووود لاعب وياك انا كوره ..
فلاح : عمي تعوووووود .. تعوووود ..
سعيد : افا عليك ان شاء الله انته تامر امر ..
وقعد ايعلوزهم .. وام علي تباغم عليه ..
سعيد : ماكلتهم انا ؟؟
ام علي : وابووويه اقصورك بعد ؟؟؟
شمه : هههههههه ..
مانع : يله يله ..
سعيد : طالعي هم يبون ..
وشوي ورن تلفون شمه اللي كان في مخباها ..وكان المتصل احمد ...
شمه : مرحبا ...
احمد : هلا شحالج ؟؟
شمه : بخير ربي يسلمك انته شحالك ؟؟
احمد : بخير وسهاله .. انتي وين ..؟؟
شمه : انا هنيه في الصاله ليش الغالي تبا شي ؟؟
احمد : هيه تعالي الميلس اخوج سهيل اهنيه يبا ايسلم عليج ...
شمه : ماعليه ان شاء الله ..وسكرت عنه .. ونشت هيه وام علي وراحوا صوب الميلس ودشوا فيه ماكان حد فيه الا سهيل واحمد سلمت ام علي على سهيل وقعدت عندهم شوي وخلاف ظهرت عنهم .. وظهر احمد شويه ..
سهيل : شموه يوم بييكم حد غريب عيال عم احمد ولا عيال خالته اتغشي عنهم..
شمه : ههههههه شو جب جب اتعلم ياهل انته شو طبعا بتغشى عنهم ..
سهيل : لا بس اقولج يعني . وخلج حرمه وسمعي رمسته ترا احمد ريال ينشرى بملايين الدنيا ..
شمه : ان شاء الله ..
وشويه ودش عليهم احمد ..
سهيل يغمز حق شمه اونه يبا يغايض احمد : لا تنسين انزين مثل ماقتلج ..
شمه تبتسم : افا عليك ان شاء الله ..
احمد : شوهو اللي تباه منها ؟؟؟
سهيل : سر بيني وبينها مابنخبرك ..
احمد : لا عاده شميم ماادس عنيه شي .. بتخبرنيه عقب ..
سهيل : ياويلج وغلاتي ماتقوليله ..
شمه : ان شاء الله هب قايلتله .. وتمت تضحك عليهم ..
سهيل : هيه حرمه مابتقول ..
احمد : انزين ماعليه .. وتم سهيل قاعد عندهم ربع ساعه وعقب يا سعيد وقعد معاهم وعقب ظهر عنهم لانه بيسافر باجر وحلفوا عليه انه يتعشى بس هو ماطاع وراح عنهم .. وفي قسم شمه واحمد .. كانوا قاعدين يطالعون نجوم ..
احمد : شو قالج سهيل ..؟؟
شمه : ههههههه..
احمد : مابتقولين تضحكين ها ؟؟ ..
شمه : هههههههههه ..
وشويه واتصل سهيل ع تلفو ن احمد ..
احمد : ولد حلال اخوج ..
سهيل : حيبه بو شهاب ..
احمد : الله يحيك ويبجيك هلا ..
سهيل : اخبركم انتوا باجربتسيرون دبي صح ؟؟
احمد : هيه ..
سهيل : انزين وانتوا رايحين بعطيكم رقم بطاقه واهناك بيسولكم خصم 50 بالميه في ابراج الامارات ..
احمد :والله زين خلاص غايته
وشل احمد الرقم عن سهيل ..
احمد : يله عاده قولليه شو قلت حق شميم ..
سهيل : ماقالتلك ...؟؟
احمد : لا ..
سهيل : هههههههه .. خلاص هب قايل انا .. يله برايكم ماطول عليكم ..
احمد : خلاص يله توصل بالسلامه ..
سهيل : امين ..
وسكر سهيل عن احمد .. وراحت شمه اتزهب الاغراض حق باجر لانهن بيرحون دبي .. ومن عقب بيرحون صوب خورفكان وهالاماكن ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 14-03-2012, 07:11 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي




في بيت بو محمد
السبت 10 فليل
بوظــــــــبي

الحال عقبك صار ناحل وداني ... لو شفتني بتسيل دمعة عيونك
في غيبتك اشرب مرارة زماني ... وقلبي وعقلي من العنا يشتكونك

حصه كانت قاعده في غرفتها هيه واليازيه على الكمبيوتر .. وقاعده تسمع اغاني وراده براسها على الكرسي ومغمضه اعيونها ..وشويه ودشت عليها اليازيه وهي تربع ..
اليازيه اتصارخ : حصووووووه حصووووووه . لحقي لحقي ..
حصه متروعه : عله ياربي شووووووووو??
الجـــــــزء الخامس عشــــــــر

اشغلـــتني من بد ذولا وذولاك ... دايم مــــولع بك وفكـــــري يحاتيك
ظالم ترى محدن حبيبي سواك ... قلبن رخص غيرك وبالحيل شاريك

بيت بو محمد
السبت 10 فليل
بوظـــــــبي ..

اليازيه : لحقيييييييي ..
حصه منصدمه : شوووووووووو؟؟؟؟ استوااااااا ؟؟
اليازيه لاويه على الالبوم : فدييييييته .. جوفي جوفي ..
وحصه تتطالعها وميته من القهر ومحتره بتموووووووت وتتطالعها بغيض وحاطه ايدها ع خصرها : لا والله ؟؟؟.. حلفي انتي بس .. يايه من برع تربعين جنه حد ميت عوذ بالله ..وظهرتينيه من الجو الحلو اللي انا كنت فيه .. بس عسب صور الشيخ طحنون ؟؟؟؟؟؟ ..
اليازيه : ليش في شي اخير عن هالشووووووف ؟؟
حصه تنزل ع الارض وتشل النعال مال البيت اللي كان في ريلها وتضرب اليازيه ع راسها : سخييييفه ..
اليازيه : وووووع .. شو هالزباله ؟؟ ااااخخخ ..
حصه : تتادبين عسب اتودرين هالغباء يزوي شو هالخبال اللي انتي عايشه فيه ..
اليازيه : دخيلج طالعي منوه يعاتب منوه ..
حصه : والله اف خربتي عليه احلا خيال ..
اليازيه : ليش شو كنتي تتخيلين ؟؟
حصه : كنت اتخيل خلود وهو ايول وانا اكون جدامه .. اف انا وايد مستانسه اني شفته فديته ياربي يزوي استوا ايجنن انا عمري ماشفت واحد احلا عنه ولا بشوف ..
اليازيه : انا شفت ..
حصه : لا مافي لا تحاولين ..
اليازيه : فيه فديته طحنون ..
حصه : انقلعي انتي وياه ..
اليازيه : ظنج وصلوا ..؟؟
حصه : هيه طبعا الا 6 ساعات هن .. مع هالويهه ..
اليازيه : الااااااه بسير عند امايه بقولها دقي اطمني عليهم ..
حصه : متفيجه انا يوعانه وهي مفتكره وصلوا ولالا ؟؟
اليازيه : ياعييييني .. وانا شو يخصني ....
حصه : اريد ااااااااكل ..
اليازيه : كلج الدود .. ان شاء الله انتي ماتشبعين من الاكل .. ياكثر ماتاكلين ولا يبين فيج شو دود في بطنج ..
حصه ادز اليازيه : اقولج اقولج سيري عن لا يرقد شوقج عنج هو واخوج واتمين اتنتفين الشعرتين الللي في راسج اروحهن هنتين ... وتمت ادزها لين ماوصلتها عند الباب .. اقولج وانا برقد ويوم بتين اشش ولا تتكلمين ولا تتنفسين اتين وتنخمدين .. يله روحي ..
اليازيه : ان شاء الله مدام خالد اوامر ثانيه ؟؟ سباله وحده ..
حصه سرحانه : هممممممممم .. ها .. فديته والله ..
اليازيه : هههههههههه مينونه انتي ..
وراحت عنها تحت عند امها واتصلوا في قوم محمد واطمنوا عليهم بانهم وصلوا بالسلامه وكانوا ايرتبون اغراضهم .. وتمت االيازيه قاعده مع امها وخلاف راحت ترقد .. وهي في الحجره كانت توها ظاهره من الحمام الله يعزكم وماسكه المزهريه الزجاج مالت الورد اللي كانت فحجرتهن في ايدها وحجرتهن كانت كلها ورد جوري لونه احمر.. لديكور والفراش والستاير وحتى الاكسسوري اللي في الحجره كلهن كانت جوري احمر ومحمد دوم كان ايعلق على غرفتهن ايقولهن من ادش غرفتكن اتذكر عيد الحب .. و طاحت المزهريه ع الارض ..
حصه اتصارخ ومتروعه فاتحه عين ومسكره عين : هااااااااااااااااااا ..
اليازيه : اففففففف رقدي المزهريه طاحت ..
حصه : عله ان شاء الله انا ماقتلج لا تسوين حشره ..
اليازيه : تعلج يالسباله انقلعي ارقدي .... يله ..
حصه : يزوي تعالي .. غمضي عيونج بتشوفين خالد جدامج .. وغمضت حصه اعيونها وتمت تبتسم ..
اليازيه يتها وصفعتها على ويهها : اييييييه عن الخبال اف ياله يارب انك اتعق حبه في قلبها ونفتك من الخبال اللي نحن فيه ..
حصه منصدمه من الصفعه : اااخ يالغبيه ايعور ..
اليازيه : رقدي رقدي ..
وصدق طاحت حصه ولوت على المخده اللي ع شكل قلب ورقدت ..

بيت بو خلفان
الاحد 2 الظهر
الرمــــــــاح ..

نوره : اففففف عليوه شفتيهن محلاتهن يوم العرس والله كل وحده احلا عن الثانيه وخصوصا هييج ام فستان ذهبي وفيروزي.. شفتي عرسهم محلاته اتقولييييين عرس ملوك من حلاته .. ياربي متى باخذ خلود وبيسولي شرات هالعرس ...؟؟ متى ..؟؟
علياء : هيه والله اف ياربي قهر من الخاطر والله انه جنان انتي خلج وراه وصدقيني كل اللي تبينه بيستوي سوي كل اللي هو يباه الحينه انتي ماتعرفين اللي هو يباه واللي هو مايباه .. سويله كل اللي يباه وبتشوفين ..
نوره : وانا مااسوي غير اللي هو يباه .. بس والله انه لو دش العرس وشاف البنات اللي من هله اكيد بيودرني ..
علياء : انتي باسوبلج اتخلينه مايروح الهم .. اففف نوروه فكري شوي بعقل ..
نوره : انزين ولو شاف هييج الحلوه اكيد ما بيقاوم ..
علياء : ياربي منج انا قتلج لا تخلينه ايروح صوبهم وبس ..
نوره : ماقدر امنعه عن هله ..
علياء : تقدرييييين بغلاتج وحبج تقدرين ..
نوره : ظنج ..
علياء : هيه .هو وين الحينه .؟؟.
نوره : مادري من ييت من المدرسه مارمسته اكيد توه واصل من الدوام ..
علياء : اف هيله الفلوس مطفحه على جبدهم بعد يشتغلون حق شوه ..
نوره : زيادة خير ..هههههههه ..
علياء : ايه عاد نوروه انا اختج لا تنسيني من تاخذينه يوزيني هذاكي راعي الاودي البيضاء اللي شفناه في الشارجه واللي كان اييول مع خالد واللي دوم اييهم هنيه عرفتيه ..
نوره : هيه عرفته ومره كنت ارمس خالد وسمعته يزقره بو عسكور يعني سعيد قتله منوه هاذا جان ايقولي هاذا ولد خالتيه اخو المعرس ..
علياء : الااااااااه سعيد يامحلات هالاسم والشكل اف ياربي والله انه جماله غير طبيعي .. اه والخشم الطويل وهاك البياض والحياة المقرونه والله خبال افففففف .. ياربي ..
نوره : هههههههه لا تتخبلين عليه خلاص ولا يهمج من اخذ خالد او من يملج عليه بسويلج الواسطه انتي ..
علياء : هيه استاهل تراني دوم افكر لج ..
نوره : انزيين خلاص لا تذليني خليني اشوف هاذا وين .. وشلت نوره تلفونها هيه مع عليا كان تلفون واحد مشترك من بينهن هن الهنتين واتصلت حق خالد بس خالد مارد عليها وردت دقت مره ثانيه بعد مارد عليها ..
نوره : مايرد ..
علياء : تلقينه قاعد مع هله لا تضغطين عليه .
نوره : انزين انا اتولهت عليه شسوي يعني ..
علياء : والله انج انتي حركات انا بسير اتغدى احسن لي ..
ونزلت عنها علياء وتمت هيه تتطالع حوي بيت قوم خالد .. بس محد كان فيه وكلهم سياييرهم موجوده في البيت .. وعقب نزلت تحت ورا ختها ..

بيت بو سيف
الاحد 2 ونص الظهر
الرمـــــــاح

بو سيف وام سيف وسيف وبطي وراشد وخالد وزايد وبطي ووشمسه كلهم كانوا قاعدين في الصاله ايسولفون من عقب مااتغدوا ..وخالد قاعد ايجلب القنوات ..
بو سيف : صبررر .. صبررر .. شو هاذا ؟؟
ام سيف : واايه يعلني افارج هالويهه ..
خالد : ههههههههههههه .. اغنيه هاي ..
بو سيف : ادريبها انها اغنيه الا من هاي اللي تغنيها اللي تترقص جنها مشوطه بالكهرباء ..
وتموا كلهم يضحكووووووون ..
سيف : ابويه لازم جذيه يتهززن عسب يخلن اللي يطالعون يندمجون الهن ..
بو سيف : من حلاتها عادي والله انها عبرره ..( خسفه ) .. وتم بو سيف يطالع ..وخالد بيفر ..خله خله نطالعها . شو تبا كل ساعه وفريت فريت النا روسنا ..
زايد : ياله مزينها امايه اباها خطبيليه اياها ثرها كبريه ..
ام سيف : وايه فر عنها وانته شو تباهن تتطالعهن .. ثرك الا لحقت اعيالك ..
بو سيف : هررررر .. والله يانيه ماباهن ابلياج انتي شيختهن .. فره فره ... وتم يغمز حق خالد عسب مايفر ..
خالد : امايه انا اريد اطالع .. هههههههههههه ....
بطي : يابويه فر عن لا تخرب هالشياب ..
بو سيف : شابوك ان شاء الله .. رح رح والله انيه اصبى عنك قال شايب ..
بطي : ههههههههههه .. ادري مايحتاي اتخبرنيه يوم هاك اليوم الشباب اتحروك سيف اخويه ..
سيف : ههههههههه .. يابويه ثرك مزيوون ..
بو سيف : هيهااء لا تتخبر .. انا يوم اني كبركم بنات فريجنا كلهن يبني حتى المعرسات الا انا ماظوت راسي الا بنت خالتيه وخذتها ..
راشد : لا لا ابويه خل عنك ماكنت تباها الا يدتيه الله يرحمها يوزتك اياها ..
ام سيف : امممممره عاده هو وده يظوي ع وحده شراتي ..
بو سيف : افداج وافدا برقعج .. وايه فديييتج انا ..
ام سيف تتغلا : خل عنك .. ثرهن ميتات عليك ..
نش خالد وقف من بينهم : ستوب مام .. ستوب باب ..
بطي : مانبا اصابات ويويويووبوي .. اونه يقلد صوت سيارة الاسعاف ..
راشد : يامايه افا عليج وانا رشود ولدج هدي هدددي ..
ام سيف : الا غصب تبونا نتضارب ؟؟ فديته ريلي مابا اضاربه ..
بو سيف يرفع ايديه : الله حييييييييييه .. يوم اقولكم هاي شيخة الزييييييين .. وياشر عليها .. مااتصدقونيه ..
وشويه ورن تلفونه وكان ريال متصلبه وقاله انه هو عندهم في الميلس وسكر عنه وقاله انه هو الحينه بييه ..
بو سيف : نشوا نشوا ثاني بن خميس عندنا في الميلس ..
خالد: حياه الله ..
ونشوا سيف وخالد ..
بو سيف : وانتوا يالحريم بتمون قاعدين ..
بطي : ابويه انا بسير ارقد تعبان سلموا عليه .. وصد بو سيف على راشد ..
راشد : وانا بعد .. وصد بو سيف على زايد ..
زايد : انا بلعب سوني ..
بو سيف : اخ عليكم ..
سيف : هههههههههه .. وراحوا سيف وابوه وخالد صوب الريال وقعدوا عنده في الميلس وطرشت ام سيف فوالتها عندهم ..
ثاني : خالد ولديه ..
خالد : لبيه فديتك ..
ثاني : الا عرفنيه ع مزيونه من عندك وعاده لا تخبرها انيه عود قولها توه داخل الاربعين ..
بو سيف : وايه وانته شو تباهن البنيات اللي عنده اصلا هو ماعنده بنيات ... يوم تبا الزين كله تعال عندي انا الراس العوود ..
ثاني : ايييييهيه .. اسميهن خربن وشو باخذ منك ثرني انا ماباخذ منك الا العوراء والمنجسحا ..واللي يلودتهن متجسفات حول ايدايهن .. اييه مانباهن هيله نبا صبيه صبيه ..
سيف : صبيه مره وحده ..
ثاني : عيل شو بعد ..
بو سيف : وثرك اتشوفنيه ماعنديه نظر اطالع هيله لا يابويه انا ماصد صوبهن هيله مانبا الا اللي تحت 30 هاي الغاويه ..
سيف : انا بسجل صوتك بوديه حق قسم الشرطه اللي داخل البيت وانته اتقول هالرمسه ..
خالد : هيه يباله من اصبح وهو يطري البنيات ..
بو سيف : صاء صاء .. صخوا انتوا .. الا ثاني ماشفتها هاي تترقص في التلفزيون يخرب بيتها من رقص في حياتيه ماقد شفت رقص شراته ..حطوها حطوها ..
خالد : ياربي هيه مايحطونها اربعه وعشرين ساعه ..
بو سيف : ماعليه انتوا حطوها .. ونش خالد وفر على قناة مزيكا ..
ثاني : الا شو اسمها لا تكون نانسي ..
بو سيف : لا لا نانسي جديمه شو نباها شو اسمها سوووواف ..
سيف : رنين ..
ثاني : ييه ييه يازينه زيناه من اسم ..
خالد يصاصر سيف : هاذا ابوك خربان ..
سيف : لازم عيل انتوا واخوانك على منوه بتظهرون ..
خالد : هيه عاده نحن غير عنهم .. صدقه المثل يوم قال من عقب ماشابوا الشواب علموهم الكتاب ..
سيف : ههههههههه .. يخرب بيتك ..
خالد : انا بظهر عنهم عن لا يخبلوبيه ....
ونش خالد استاذن منهم وظهر وهو توه ظاهر من الميلس يمشي في الحوي عسب ايدش البيت اتصلت فيه نوره ..
خالد : مرحبا الساع ..
نوره :لا والله انا زعلانه من متى اتصلبك ماترد ..
خالد : انزين انشغلت عاده انا ..شو اتولهتي عليه ..؟؟
نوره : طبعا هيه مايبالها رمسه اكيد انيه بتولهه عليك ..
خالد : فديت من اتولهه عليه انا فديته يعلني ماخلا ..
نوره : انا اللي يعلني ماخلا منك .. ولا من اي شي فيك ..
خالد : هرررر .. على قولة ابويه .. ياالااه يازينج زيناه ..
نوره : ههههههههه استحيت انا .. هههههههه . بس بس ..
خالد : اونج عاد ويا ويهج ..
نوره : خالد شوهااااااااا ؟؟
خالد : اصصص جب كيفي...
نوره : خالد ثركم عندكم بنات حلوات من هلكم ..
خالد : خيليات ماينلامن ..
نوره : عاده هب لين اهناك بس وايد يتلصقن في الرياييل وهلك عادي يمشون جدام الراييل بدون شيل ولا عبي وفساتينهن عريانه ..
خالد منصدم : شوووووو ؟؟ منوه هاي ...؟؟
نوره : ماعرفهن .. بس سالت امايه قالتليه هاي وحده من بنات خالتك اخت المعرس كانت تمشي جدام اخو العروس بليا شيله ولا عباه ..
خالد : لا تستهبلين وايد .. انتي تعرفين ان هليه حشام ... وبعدين يالغبيه هاذا ريلها.. ومستحيل وحده منهم تمشي جذيه .. انا شفتهن يوم ظهرن من الخيمه كلهن كانن متغشيات ... تستهبلين انتي شو ؟؟
نوره : انزين شو فيك عصبت انا شدراني .؟؟.
خالد : لازم بعصب على غبائج عيل على شو بعصب ..
نوره : انزين عوذ بالله كلتني ..
خالد : لا بس حطي في بالج انه هليه اخير عن بناات الدنيا هاي بكبرها ..
نوره : لازم لانهن هلك ..
خالد : لا الله ... هب لانهن هليه لاني في حياتي ماسمعت عن وحده رمسه شينه ولا بسمع وانا عارف هن وين متربيات ..
نوره : انزين انا ماقلت عنهن شي الحينه شو فيك كلتني ..
خالد : اصلا اتخسين اتفكرين مجرد تفكير انج اتقولين عنهن اي شي .
نوره : اف عاده حشرتني انزين اقولك ..
خالد : خير ..
نوره : اريد اشوفك ..
خالد : وين ..
نوره : بروح الجمعيه مع امايه واريد اشوفك ..
خالد : متى بتروحون ..؟؟
نوره : عقب المغرب ..
خالد : بشوف اذا ماكان عندي شغل بييج ..
نوره : انزين ..
وعقب سكر عنها خالد .. وتمت هيه ميته من الغصه ..

في فندق ابراج الامارات
الاحد 7 المغرب
دبــــــــي ..

اشوف الناس في عيوني ومن بدهم اشوفك غير...واحـــــس مثلك في هالدنــــيا ابد مايصـــــير
فـــــــي عيــــــــنك سحــــــــر ياخــــــــذنــــــــي...ويخلينـــــــــــــي معــــــــــــاك اسيـــــــــــــــر

شمه كانت قاعده تتلبس لانهم كانوا بيظرون وبيروحون القريه العالميه ..واحمد كان قاعد في الصاله اللي في السويت .. وشويه ورن تلفون شمه وهي توها كانت اتلف شعرها فخلت الشباصه على التواليت وراحت صوب شنطتها عسب اتظهر منها التلفون ..
شمه : مرحبا ملاييين ..
عزه : هههههههه .. المرحب باجي .. شحالج ؟؟
شمه : بخير ربي يسلمج انتي اعلومج ؟؟ واعلوم الدراسه ..
عزه : والله الحمد لله بخير يله هانت وبنفتك جريب ..
شمه : شحالهم قوم امايه وابويه وشحاله حمدانووووه ..
عزه : سكتي قام ايحبني الحينه ..
شمه : هههههههه فديته يعوض فيني ..
عزه : اول شي ريلج وينه ؟؟ ليكون ازعجناكم ..
شمه : لا في الصاله هو قاعد انا يالسه البس ..
عزه : حلوه دبي ؟؟
شمه : وايد حلوه البارحه رحنا مركز جميرا مال التسوق اللي عند برج العرب .. اففففف ياعزوه والله خبال جيه كل جديم ونزلنا صوب البحيره اتجنن .. اتحسين عمرج صدق في بلاد برع ..
عزه : الاااااااااه . انزين واليوم وين بترحون ؟؟
شمه : اتوقعي وين مكان انتي ودج اتروحينه من 7 سنين ؟؟
عزه : هههههههههه ... القريه العالميه اففففف ياربي شموه لا تقهرييييني خلاص خلاص ماريد اسمع ..
شمه : هههههههههه .. والله انج انتي راعية حركات ..
عزه : تعالي .. تعالي .. انتي لا تغيرين السالفه ..
شمه : ها شو اي سالفه ؟؟
عزه : وين الوعد ؟؟
شمه : اي وعد ؟؟ ماحيد عمري وعدج ..
عزه : قلتي بتعطيني ريلج بتاخذينه شهر وبتعطيني اياه ..
شمه : ههههههههههه .. غربلات ابليسج .. هب معطتنج اياه روحي دوري حد غيره ..
عزه : اوه اوه ماقمتي تتحملين بعده .. اكيد جربتي حنانه وحبه وشوقه .
شمه : وايه وايه عوذ بالله منج .. سكتي انتي يالياهل .. وراحت شمه ووقفت عند الدريشه وعطت الباب ظهرها ..
عزه : شموه هو اوكيه معاج ..؟؟
شمه : الحمد لله فوق ماتتصورين .. سكتي ياعزوه والله اني احبه انسى نفسي يوم اكون معاه ايدي في ايديه عمري ماتوقعت اني حلمي وامنيتي والحب اللي كانت شالتنه له كل هييج المده اللي فاتت انه يتحقق لو واحد بالميه .. والله احبه احبه احبه ..
واحمد اهنيه توه كان بيدخل الغرفه وسمعها من هيه اتقولها سكتي لين اخر الكلام تم واقف يسمع .. انصدم من كلامها عرف انه هيه اتحبه من قبل لا تاخذه معقوله نصيبه قاده الها .. سبحان الله ..وسوا عمره توه داخل الغرفه ..
احمد : خلصتي شميم ..؟؟
صدت شمه عليه : ان شاء الله االحينه .. يله عزوه برايج الحينه وسلمي على قوم امايه ...
عزه : هههههههه سلامن يبلغ وانتي بعد سلمي ع ريلي ..
شمه : ههههههه ان شاء الله يله مع السلامه ..
وسكرت شمه عن عزه ..
شمه : سامحني اتاخرت عليك .. ماعليه ثواني وبكون جاهزه ..
احمد : لا فديتج خذي وقتي كله جان تبين ..
تمت شمه مستحيه وقافطه ..
شمه : لا لا ثواني وبخلص .. وتمت تتحرك بسرعه عسب اتخلص ..
وتمت شمه اتلف شعرها واحمد يطالعها وهيه اتلفه حس انها اجمل انسانه في هالوجود وانه منجذب الها بشكل غير طبيعي استغرب من هالشي لكن في النهايه اكتشف انه طيبتها وحنيتها هي السبب في كل هاذا ..
شمه : احمد انا خلصت ..
احمد :....................
شمه : احمد ...
احمد : هلا .. وايه فديت هالعيون الحلوه ..
شمه مستحيه : ................ اخير اليه بالنقاب عسب اخذ راحتي اشوف الاشياء ..
احمد : انزين يله مدام احمد انروح ..
شمه : ههههههه انروح ..
مد احمد ايديه عسب اتحط ايدييدها في ايديه نزلت هيه اعيونها وحطت ايديها في ايديه وظهروا من الفندق وراحوا القريه العالميه وهاليوم ماكان في زحمه وايد لانه الناس كان عليهم دوامات باجر وفالبتالي بس خذولهم نص ساعه ووصلوا .. ولانه احمد كانت عنده بطاقه الفي اي بيه ..ومن دخلوا تموا اول شي يتحوطون بين القرى واستانست شمه وايد ..
شمه : تتدري احمد انا من زمان في خاطريه اييها بس صدق والله انها فنانه ..
احمد : اهم شي اتكونين مستانسه وفرحانه ..
شمه : صدقني مستاانسه وفرحانه وماظن انه حد ممكن انه يوصل في سعادتيه ولا وناستيه ..
تم احمد يطالعها ويبتسم ..
دخلوا القريه المصريه وقعدت شمه تتطالع الجلابيات .. واختارت جلابيتين وخذت راي احمد فيهن ..
احمد : والله ياشميم انا ماعرف في هالسوالف بس اي شي انتي تلبسينه يظهر عليج حلو ..
شمه وهي مفتشله : خلاص اوكي حطهن الهنتين ..
وحط الريال حق شمه الجلابيتين في كيسه وشلها احمد وتموا يتشمون شويه ووصل مسج حق احمد .. من رقم دانه ..
" اطالع وراك " ..

تم احمد منصدم وماصد ورا وعقب صد وراه وشاف دانه مع وحده من خواتها ومعاهم اليهال ..اطالعها بنظره عاديه ورد مره ثانيه ..
احمد : شمه تعالي انغير القريه ..
شمه : ان شاء الله ..
ودشوا القريه الكويتيه ..وهي بعدها وراهم بس هو ماكان ايصد .. دشوا محل في الوسط ايبيع بدل حريم .. دشت شمه ووقف احمد برع .. وتمت تتطالع البدل وعيبتها بدله تمت ادور احمد عسب اتراويه اياها بس ماحصلته .. لفت بويهها الطرف الثاني شافته يطالع الارض ووحده كانت واقفه مجابلتنه تتطالعه شويه وبتاكله بعيونها انقرهت شمه .. شو هالوقاحه ..
شمه تزقره : احمد ..
احمد : هلا ..
شمه : تعال اشعنه ماحدرت .؟؟.
وراح احمد صوبها ووقف حذالها ..
احمد : شفت حريم داخل وماحدرت ..
وخلصت شمه وخذت البدله وردوا يتمشون شويه وراحوا عقب مطعم تشيليز اللي في جميرا واتعشوا اهناك وعقب ردوا الفندق .. واول مادخل احمد كان في تلفونه 10 مكالمات لم يرد عليها كلهن من دانه .. بدل احمد البطاقه مالته بالبطاقه الثانيه اللي ظهرها له سعيد ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 14-03-2012, 07:12 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي




بيت بو محمد
الاحد 11 فليل
بوظــــــــبي ..

توني اسولف عن هــــواك*** واسال فؤادي لي معاك
وين ارضك انته او سمـاك *** والقــــاك فعلا مو قليل

حصه واليازيه كانن قاعدات في الغرفه حصه اتظهر اثيابها باجر حق الجامعه وحصه اونها قاعده اتسوي رياضه في الغرفه وتناقز ..
اليازيه ماده ايدها اتاشر ع الارض : بسج بسج هزييييييتي الارض شو زلزال ..
حصه :اصصصصص .. مالج خص التهيي في اللي اتسوينه ..
اليازيه : تتدرين حصوه اتذكرج ههههههههه وانتي تنقزين اتذكرت يوم كنا صغار يوم كانوا محمد وطحنون في لندن دوم جذيه كنا نوقف عدال بعض في الهايد بارك ونقعد اناقز اونه منوه بينقز اعلى .
حصه : انزين انا ليش مااتذكر ؟؟
اليازيه : هههههههههه ... انتي كنتي نونو ..
حصه : اونه كم كان عمريه انا الا اصغر عنج بسنه ..
اليازيه : انزين انا كنت 13 وانتي 12 وقوم محمد وطحنون 16 سنه هههههههه ..
حصه : خيبه 16 ويناقزون .. خبايل شو ..
اليازيه : عاد ايامنا نحن قبل غير عن ايامكم انتوا من كل شي عيب وتستحون ..
حصه : اللي ايقول مايحتاي عاده ايام الخوالي ولا ايام يدي ويدتيه انقلعي انقلعي ...
واليازيه كانت فاتحه المسن مالها وسمعت انه حد يدخل وايميلها هاذا ماكان حد فيه الا طحنون ومن سمعت راحت تربع ...
اليازيه : اكووووووووووه اون لااااااين ..
حصه : حلفي ..
اليازيه : والله ..
وراحت حصه ووقفت وراها ..
وتمت طحنون ساكت .. ساكت ..
++:++ غنيــــــت بك من كثر شوقـــــي ++:++ : منوه انتي فاتح عنج البلوووووك ؟؟ وحط الصوره المعصبه ..
حصه : اونه يستهبل ..
اليازيه : جب مالج خص ..
حصه : امبونه اصلا ها مزروعي جذاب .. اونه منوه فاتحنه ايميلك يعني منوه بيفتحه حركات طحنونوه ..
اليازيه : رووحي انخمدي ..
@//@ دونـــــك دنيـــــاي عتــــــــمه @//@ : حركاااااااات .. انته منوه يعني بيفجه عنيه محد اكيد انته ..
++:++ غنيــــــت بك من كثر شوقـــــي ++:++ : فقتج يالسباله انا هب ميت عليج .. اكيد ها ربيعيه اللي فجه عنج .. انقلعي .. وظهر اوف لاين ..
اليازيه : اففففففففف يالقهرررررررر ..
حصه : ههههههههههه .. الحينه عيبني استوى ريال ..
اليازيه : قهر بمووووووت ..
حصه : ليش يالعنز بالعكس لازم تستانسين فقتج يالخبله ..
اليازيه : افف برقد انا وبندت الكمبيوتر طاحت ع الشبريه وغطت ويهها ..
حصه : افففففف انتي جذيه واتقولين جذيه وهب عايبنج انا شو اقول عيل ؟... يزوي انتي جذيه اتعورين اليه قلبيه انتي مرتاحه انه هو يباج ومايبا غيرج .. وفي يوم بيي يدق بابج .. لكن انا شووو ؟؟؟
اليازيه : ..........................................
وطاحت حصه الصوب الثاني وغطت ويهها ورقدت .. وعطت اليازيه ظهرها ..

لنـــــدن – الجامعه
الاثنين 8 الصبح

طحنون ومحمد كانوا توهم حادرين الكلاس وكانوا متاخرين دخلوا وقعدوا والقاعه كانت زحمه وقالهم السير مالهم يقعدون في المكان الفاضي اللي كان عدال منال وربيعتها ..
محمد : خله ينقلع هب قاعد انا حذال هالخبله ..
طحنون : هههههههه نحن المحتاايين اتفضل ..
ومنال مستاااانسه ..
محمد واقف حذال الكرسي يعزم ع طحنون : اتفضل اقعد انته عدالها وانا بقعد حذالك ..
طحنون : لا والله احلف ليكون انا المزهريه مالت الورد اللي بين العروسين ..
محمد فاج عيونه : يخرب بيتك ..اتخسي عاده هيه ..
وقالهم السير انهم ييلسون عسب يبتدي في المحاضره ..
طحنون : يله بيقرعنا تراه .. يغار من شعريه وشعرك ..
محمد : مايحتااااااي ..
ودخل محمد وقعد حذال منال بس هب حذالها وايد لا في مسافه ودخل طحنون وقعد حذاله .. ومنال مستانسه قاعد ترسم على ورقتها حرف الام وقلوب ومحمد يطالع السير مالهم وهو يشرح ويصد على كتابها يطالعها ويتم يحيس حلجه وهي بالغلط كانت اتحرك ريلها ومحمد منتبهه حق الشرح دقت ريلها بريله هز هو راسه وصد ع طحنون ..
طحنون يصاصره: شو بلاك؟
محمد : دقت ريوليه ..
تم طحنون يضحك يضحك يضحك . مات عليه من الضحك كيف شكله وهو يقولها حط راسه ع الطاوله اللي جدامه وقعد يضحك صدق على محمد ..
محمد : مسكي ريولج دقييييتيييني ..
وعصب عليهم السير وقالهم يسكتون .. وسكت محمد وسكت طحنون لين ماخلصت المحاضره .. ظهروا من القاعه وراحوا في الكفايريا ..
طحنون : انته منوه يروم عليك اليوم لابس قميص قوتجي ..
محمد : هههههههههه .. اوني راعي ماركات ..
طحنون : والله حمود زين مامت والله كان خاطريه اصورك وانته صاد عليه منصدم اونه دقت اريوليه شو يعني ههههههههههه اكيد بالغلط ..
محمد : هقققققققهقهقققق لا تستعبط هاي اصلا تباها من الله ..
وشوي ويوا ربعهم وتموا كلهم قاعدين يسولفون ويت منال مع ربيعتها وقعدت ع الطاوله اللي ماجبلتنهم.. محمد اول ماشافها عطاها طرف ويهه وقعد يحج اذنيه ..
طحنون : شو الاخ فيه يرب ؟؟
سلطان : ههههههه .. حمود شو بلاك ؟؟
محمد : شو ابلاكم اذنيه اتحجنيه عنبوه ..
فيصل : اعنبوكم خلوه اذنيه اتحجه خله يحجها ..
محمد : انا ادري عن هيله ربعك .. انزين منوه بيروح معايه الهارودز ..
طحنون : شوتباه الهارودز قاصين سرك فيه ؟؟
محمد : ههههههه .. بروح باخذليه قمصان ..
طحنون : اعنبوك انته يالخقاق جانا يايين من بوظبي ماخلينا شي ماخذناه توك ياي وبعدك تبا تلبس ..
سلطان: ياريال هاذا خقاق يموت في الكشخه ..
طحنون : ليكون انته تتعدل حق بعض الناس .
محمد : وع وع ماتنزل ..
فيصل : هههههههههههههه . حرقانتنها النار من عذابك .. وانته هب مستهم منها ..
محمد : هيه ان شاء الله .. بن عروه بيستهم منها..
سلطان : ههههههههههه ..

بيت بو عبدالله
الاثنين 6 المغرب
بوظـــــــــبي ..

اتغير عليك ولا اسال واجيك ... واقولك بحبك وانا بموت فيك
ياكل الحياه ماخبي عليك ... ترى كل هاذا ياروحي دلع بنات

ام عبدالله واسماء والعنود كانوا قاعدين في الحوي .. وشويه ورن تلفون بيتهم وراحت اسماء تربع ... وشافت رقم غانم على الكاشف ...
اسماء : ماشاء الله داق على بيتنا خييييييييير ؟؟
غانم : عوذ بالله منه من ويهه محد فيبيتكم ايشل التلفون الا انتي ..
اسماء : غنوووووووووم ..
غانم : لبيه .. عيونه .. امري .. تبين اعيوني صبري بجلعهن وبعطيج اياهن ..
اسماء : ههههههههههههههه انته هب صاحي .. شحالك ؟؟
غانم : انتي شحالج ؟؟
اسماء : انا اللي سالتك رد عليه ..
غانم : لا هب راد لين انتي اتردييييين ..
اسماء : ليش ان شاء الله ؟؟
غانم : ردي انتي وعقب بخبرج ..
اسماء : انا بخييييييير ..وانته ..
غانم : انتي دامج بخير انا بخير .. اففف انتي ايه خساره بنموت وماعرسنا يله عاده اتلحلحي .. قسمج زاهب بس يترياج اتاثثينه يله ..
اسماء : ههههههههه .. غنوم منوه تبا داق بيتنا ؟؟
غانم : ابا هادف وينه ؟؟
اسماء : ليش ان شاء الله هادف ماعنده تلفون ..
غانم : ادقله كله مافي ارسال ..
اسماء : ربه في بقعه مافيها ارسال ..
غانم : ليش هو وين رايح ؟؟
اسماء : راح يودي مهره بيت هلها ..
غانم : راح العين ..
اسماء : يس ..
غانم : انزين انا جدام الباب يله باي ..
اسماء : اي بااااااب ؟؟
غانم : بيتكم ...
اسماء لا ارادي : وايه شو انا ماتعدلت ..
غانم منصدم ويباها تتنبهه حق اللي قالته عرف انه لا ارادي : شووو شووووو ..؟؟
اسماء : اويييييييييه .. وسكرت التلفون في ويهه ..
ووقفت عدلت شيلتها واتحجبت عدل ويلست اتمسح ويهها .. امبونه وويهها مافي شي بس اونه عاد رفريش .. وظهرت برع شافته قاعد مكانها ..
اسماء : السلام عليكم ..
الكل : وعليكم السلام ..
وغانم يطالعها من فوق لين تحت ..
قعدت اسماء حال العنود ..
ام عبدالله : شحالك فديتك وشحال امك ربها بخير ؟؟
غانم : كلنا بخير يعلني افداج اتسلم عليكم ..
ام عبدالله : حيا الله من يانا ..
غانم : الله يحيج ..
ام عبدالله : وين ياولديه من يومين مامريت صوبنا ..
غانم : زعلان عمتيه ..
ام عبدالله : افا ياولديه تزعل علينا منوه اللي مزعلنك ؟؟..
غانم : بنتج ياعمتيه اتقولليه انته كل يوم اتي بيتنا ..
اسماء فاجه حلجها واعيونها : هااااااء .؟؟؟ اننااااااا ؟؟ اناااا ؟؟؟ حرام يعلها في ذمتك لا اتقولنيه شي ماقلته ..
ام عبدالله : صخي صخي انتي اتقولين محد يعاشي عنج كل شي انتي اتقولين مقوي ..
اسماء : حليييييييييلي امايه ..
غانم : وينه عبدالله؟؟
العنود : الحينه بيظهر حدر يتسبح ..
وشويه وخطف هندي لاف ثلاث عمامات على راسه وكل وحده لون وحده حمرا وحده رصاصيه الثالثه بيضا .. وشكله يضحك جنه حاط دبة ماي على راسه ومن شافته اسماء قعدت تضحك تضحك وامها تتطالعها وهيه ميته من الضحك حتى دموعها تمن يطيحن من كثر ماكانت تضحك وكل ساعه اتغمض اعيونها واترد مره ثانيه تضحك ع شكله وغانم منصدم .....
غانم معصب : ايييييييييييه بسسسسسس ..
واسماء تضححححححححححك ..
ام عبدالله : هبي هبي هباااااج الرب .. انطمي انطمي ..
وتمت تضحك واعيونها ادمع وعقب تمت اتكح واتكح واتككككككح .. وتمسح ادموعها من كثر ماتضحك.. وهو يطالعها ..
غانم : ثرج خبله وانا ماادري ..
العنود : بسج بسج ..
وتموا قاعدين ايسولفون وخلاف يا عبدالله وقعد عنهم واذن المغرب وراحوا ايصلون في المسيد ..

بيت بو محمد
الاثنين 9 فليل
بوظــــــبي ..

ياصاحبي وان نشدني طيفك شلوني *** اقول طــــيب وطيــــفك بيه ماريه
مارية يــــوم تقبل تـــــجذب لحـوني *** واجره له من لحون الشوق قافيه

حصه وامها ولطيفه ومنصور كانوا قاعدين في الصاله وحصه قاعده تتطالع اللي يغنوون في قناة نجوم الخليج ..
حصه : امايه ليش ماخليتيني اشترك معاهم . والله انيه بفوز عليهم ..
ام محمد : ما يحتاي عاده ماعرف منوه اللي بيخليج تظهرين في التلفزيون ولا اتسمعين صوتج حق الناس ..
حصه : ياربي انتوا ليش جذيه متعقدين متى حياتكم بتتفتح ..
ام محمد : والله عاده نحن جذيه وبنتم جذيه البنيه مالها الا انها اتخلص دراستها الثانويه وخلاف تنفد بيت ريلها ..
حصه : انزين يزوي ماسارت ..
ام محمد :يوم بييها نصيبها بتسير ..
حصه : انزين امايه انا اصلا مابخلي اعيالي يدرسون ..
ام محمد : عادي بنتي لا تخلينهم يدرسون خليهم يخمون الحوي ..
حصه : هههههههههههه ..فديتج والله اتعيبيني يوم تستهبلين اموت فيج وفستهبالج يالقمر انتي . وراحت عند امها وتمت اتحببها ام وامحمد ادزها .. وهي اتحببها واتحب راسها ولاويه عليها وهي ادزها ..
ام محمد : غربل الله بليسج ياحصيص قري قررررري .. هههههه .. وووووه منج نشي ..
حصه : اول شي قولي اتحبيييييني ؟؟
ام محمد: هيه نشي احبج نشي يالدبه ..
حصه : امايه شو دبه والله 50 ودبه انا اريد استوي 55 شو هاذا خلاص ماريدكم ماحبكم ..
ام محمد : ووووووه .. ياله نشي ..
حصه : ها ريموه نشينا نشينا كلتينا .. اعنبوووووووه ..
ام محمد : يالسباله ..
حصه : ههههههههههه .. احبج امووووووووووت فيج .. امي كم اهواها .. اشتاق لرؤيها . واحن لملقاها واقبل يمناها .. وتمت اتير ايد امها واتحبها ...
وام محمد ادزها واخر شي قرصتها في جتفها ...
حصه : اااااااااخ اااي والله والله يعور اي امايه شو ها ؟؟
ام محمد : دواج عسب الديدان اللي فيج يظهرن .. شو جاسج اليوم جنون البقر ؟؟
حصه : همممممممم . لا ..
ام محمد : سيري سيري عن ختج جوفيها .. الله يهديييييييييج ...
حصه : الحمد لله انا الله هادنيه انزين امايه اقولج .. شو رايج انسير بيت قوم خالتيه موزه ..
ام محمد : زين بنسير بس لو بسير مابوديج معايه ..
حصه : لا والله ليش ان شاء الله ماتودييييني وياااااج ؟؟
ام محمد : بس بيتهم كله شباب اوديج عندهم بيقولون يايبه بنتها عسب اعيال خالتها ايشوفونها ..
حصه : انتوا ليش جذيه معقديييييييييين ؟ اريد افهم ؟؟ يعني خالتج بتقول جذيه عنج ..
ام محمد : لا خالتيه ماتقول جذيه عنيه .. بس يمكن ايكون حد عندها وايقول جذيه ..
حصه : ينقلعووووون ..
ام محمد : لاء يعني لاء .. وهب بكيفج اخر زمن منوه ام الثاني اريد افهم ..
حصه : انا امج ..
ام محمد : تعالي حصوه فديتج تعالي شويه ..
حصه : هههههههههه ضحكتينيه انتي خيليه ينخاف منج ..
بو محمد : السلاااااااام عليييييكم ..
حصه : هااااا .. ابويه يا .. وسكتت ..
ام محمد : هيه تراهن مناكرج مايظهرن الا عليه انا ولا هو ماترومين عليه ..
حصه : هههههههههههههه ..
ودش بو محمد وتم ايحبب لطوف ولطوف تتدلع ..
حصه : فقتج يالمايعه ..
لطيفه : انتي ..
بو محمد : ليش اتغارون منها هاي ياهل حليلها اصغر وحده فيكم لازم اتحبونها ..
حصه : هيه مايحتاي هاي ياهل هاي بتعلمنا وبتعلمكم ..
لطيفه : انتي ..
حصه : بسير ارقد احسليه ..
ام محمد : اتسوين خير من اصبحتي ماكلتليه فوادي ..
حصه : ادلعي جدام حميد .
بو محمد : تعالي انتي ام لسان وين رايحه ..؟؟
حصه : برقد ..
وراحت حصه عنهم وتموا قاعدييييييين..
فندق ابراج الامارات
الاثنين 11 فليل
دبـــــــي

شمه واحمد كانوا قاعدين يطالعون التلفزيون ..
شمه : احمد ..
احمد : لبيه ..
شمه : اريد اسالك سؤال بتجاوبنيه بصراحه ؟؟
احمد : اكيد اعنبوه ..
شمه : انا عايبتنك ؟؟
احمد : اعنبووووووه شميم شو هالرمسه .. شو بعد عايبتني انتي حرمتيه اتعرفين شو يعني حرمتيه .. يعني عايبتني واباج ومافيج شي ناقص كامله والكامل الله .. الله لا يحرمني منج لا اتقولين هالرمسه مره ثانيه ..
شمه : ان شاء الله .. انزين احمد اذا انته متضايق اهنيه روحك خلنا انرد العين ..
احمد حط ايديه ع ايديها : ومنوه قال اني روحيه .. ايسد انج انتي عندي .. وانا مابا اي حد ايكون عندي غيرج ....
شمه مستحيه وتتطالع ايديه اللي ع ايديها : ربي لا يحرمني منك ..
رص احمد على ايديها : ولا منج ياربي ..
وشويه ورن تلفون احمد ..
احمد : هلا وغلا ..
سعيد : حييييييييييييه المعرس ..
احمد : ههههههههه .. الله يحيك ويبجيك شحالك ؟؟
سعيد : بخير ربي يسلمك انتوا اعلومكم ربكم مستانسين ..؟؟
احمد : الحمد لله ..
سعيد : وين في دبي ولا رحتوا المناطق الشرقيه ؟؟
احمد : لا بعدنا في دبي بعد باجر ان شاء الله بنسير ..
سعيد: لاااا زين زين .. ها غريبه ركبت هالبطاقه .؟؟.
احمد : هيه غيرت رقميه مابرد افتحها هييج ها الرقم عايبنيه وبستعمله ..
سعيد : ليكون اتصلت ..؟؟
احمد : هيه ياريال وشافني بعد ..
سعيد منصدم : احلف .. ويييييييين ؟؟
احمد : هيييييييه وانتوا وين ماشاء الله ..
سعيد : هيه ماتروم ترمس انزين قول شو سوتلك ..
احمد : لا لا ابدا ماشي ..
سعيد : اشوا الحمد لله .. والله نحن اهنيه في المبزره انا وبطي وراشد ..
راشد : ياريال بسك من العسل رد نباك نحن ...
احمد : هههههههههه .. قوله بايعنها مخوتكم ..
سعيد : مامنه فايده بايع مخوتنا ..
بطي : اممره مافيه حيله اسميه انه متخشع تخشيع من العرس ..
احمد : ااااااه الا وااااايد ..
سعيد : ههههههههه . غربل الله بليسك ..
احمد : هيه عيل خلود وينه ؟؟
سعيد : هاذا خلود ماينحصل اربعه وعشرين ساعه مشغول .. مايشبع يسكر عن وحده يرد للثانيه ..
احمد : هههههههههه .. امممره الريال موووووول رايح فيها ..
سعيد : ههههههههه يعش حياته خلنا انعيش حياتنا ..
احمد : امحق حياه ..
سعيد : شونسوي الدنيا تبا جذيه ..
احمد : ههههههههه ..يله برايك وايد رمست ادريبك بتغدي اليه سيلانيه ومابتسكر لين ماسكر في ويهك لازم متعود ..
سعيد : هههههههه يالسبال .. لازم من لقا احبابه نسى اصحابه ..
احمد : ها عيل شو تتحرا انته .. سعووود ..
سعيد : عونك ..
وسكر احمد في ويهه وتم يضحك ..
شمه : شو فيك ؟؟
احمد : قتله اقولك قالي عونك سكرت في ويهه ..
شمه : هههههههه . حرام عليك احمد ... حليله ..
وشويه واتصل سعيييد بس احمد مارد عليه وردوا اتصلووبه من تلفون راشد بس بعد مارد عليهم ..
شمه : شكله يبا يرد الحركه ..
احمد : هيه عسب جذيه يتصل فيه في حره ..
وتمدد احمد ع الكرسي وطاح على ريل شمه .. تمت شمه تتطالعه منصدمه وقافطه في نفس الوقت .. تم يطالعها وهي مستحيه نشت وغمضت اعيونها ..
احمد : هههههههههههه .. وايه وايه شو ها كله ..
شمه : احمد عن الحركاااااااات ..
احمد : كييييييييفي ... ورفع ايديه شل ايديها وحطها في شعره ..
شمه : ياربيه مدلععععععععك ..
احمد : مابدلعينيه ؟؟
شمه : افا علييييييك .. ولديه انته ..
احمد : هههههههه .. فديتج ..

بيت بو محمد
الثلاثاء 6 المغرب
بوظــــــــــبي ..

قلب الفراق اللي غدى له حنيني ... ظميان والقصه ماهي جمت البير
لكنها شوقـــــن يدفه ظنـــــــيني ... ياله عساها ماتطــــول المشـاوير

حصه : امايه نحن باجر بنسير العين ؟؟
ام محمد : لا طبعا ليش ان شاء الله ؟؟
حصه : امايه حرام وايد ناس ايروحون عند هلهم كل اسبوع ونحن شو اسبوع هيه واسبوع لا شو حبة مضاد حيوي ؟؟
ام محمد : اعنبوج انتي ماتخيلين ولا تستحين مايسدكم اني اوديكم واخلي ابوكم اروحه اهنيه ..
حصه : هيه عاده ترا مايحتاي ابويه يقعد في البيت ولا يبات اهنيه في الاجازات ترا دومه ويا مزراعه ومادري شو ..
ام محمد : ماعليه يوم ايحيدنا نحن اهنيه مايروح فديته ..
حصه : ياربي ع الحب انزين خلاص انا بطالع المزايين اللي في التلفزيون ..
ام محمد : شبعي منهم ..
حصه : هههههههه .. غريبه ماواقعتينيه ..
ام محمد : لاعت جبديه ..
حصه : ههههههههه .. اوكيه عيل زين زين ..
وشغلت حصه وقعدات تتطالع نجوووم وحطوا فرقة كلباء الحربيه ..وتمت تطالع اللي ايلوون فجاه انتبهت انه واحد كوبي من خالد ..
حصه اتصارخ : اماااااااااااااااااااااااايه ..
ام محمد : ياربي يالقذا ماتشوفيني ادرس اخوج ..
حصه : والله امايه امايه طالعي يشبهه خالد ولد خالتيه موزه ..كوبي كوبي ..
ام محمد : هب وايد طشوونه ..
حصه : طبعا لانه ولد خالتج احلا ..
ام محمد : يامنكرج انتي ياام المنااااااكر .. يالمقوي انتي قويه انا ماروم عليج حشا عليه ..
حصه : هههههههه .. وتمت تصارخ يزوووووووووووي يزووووووووي ..
ووقفت اليازيه ع الدري من فوق ..
اليازيه : شو تبــــــين ؟؟
حصه : نزلي بسرعه براويج شي
اليازيه : جب انتي اللي تبيني انتي تعاليلي .. انتي اللي محتايه ..
حصه : انقلعي انا في شو بحتايج وايه تراب بس كنت اريد اراويج شي ..
اليازيه تتنزل ع الدري ودشت الصاله : ها شووووووو ؟؟
حصه : طالعي يشبهه خالد ..
وشويه بدبة الماي الصغيره وكان فيها ماي شويه يت على راس حصه ..
حصه : اااااااخ ..
اليازيه : هههههههههههههههههه .. دواااااااااج ..
ام محمد : يلي ماتخيلين ولا تستحييييييييين .. يالسباله انقلعي مادانيها رقعة ويهج يالقويه ..
حصه : ههههههه .. انزين ليش تضربييينيه يعور شو بتسويلي عاهات عقب مابعرس ..
ام محمد : احسن علج ماتعرسين ... منوه يباج الريال يبا وحده صاحيه رزينه مايبا وحده خبله اتخبلبه ..
حصه : هييييه مايحتاي وده عاد هو الا يوم بياخذ حصه بنت حميد بسه مايبا شي بعد .
اليازيه : مايحتاي الاميره ديانا وانا مادري ... ياويهج منزلتنيه من فوق ع الفاضي مالت عليج .. وراحت اليازيه فوق وتمت حصه اتحن على امها عسب اتظهرهم من البيت اخر شي اقتنعت انها اتوديهم الكورنيش اليديد .. وراحت حصه تربع تلبس واتخبر اليازيه .. وراحوا خذولهم سنوديجات وقعدوا ياكلون .. هناك وخلاف ردوا البيت ..

بيت بو عبدالله
الثلاثاء 10 فليل
بوظــــــــبي ..

تميز في جمــــــالن ميزه ربي.... و خذ منه الحلا أشكال والواني!
اهو راحت هناي و بلسم جروحي .. يهلـيـبه فوادن فيه شفجاني!

اسماء ومهره كانن قاعدات في الصاله يطالعن التلفزيون ..ورن تلفون مهره ..
مهره : الوو ..
هادف : اه قلبيه ..
غانم : اسميك مستصيب ..
مهره : هههههههه .. سلامت قلبك ..
هادف : ربي يسلمج .. شحالج ..؟؟
مهره : بخير ربي يسلمك اعلومك ..
هادف : بخير يعلج الخير ..
مهره : انته وين ؟؟
هادف : ياييين انا وغانم بنتعشى شي عشى ولا اانيب من برع ..
مهره : لا ااعنبوه شي عشى وبعد اسامي هي اللي مسويه العشى ..
هادف : اف مدام اسموه هيه اللي مسويه العشا اسمينا بنتسمم خلاص بنطلب من المطعم اخير ..
مهره : ههههههههه .. حرام عليك .. تسمعينه اسامي شو يقول اونه بيتسمم ان كل من اكلج ..
اسماء : اصلا اكليه هو اللي مايتنزل انه ياكله .. وده هو اصلا ؟..
غانم : احلف في ذمتك .. اسموه طابخه ياويل حالي بطني قام يصوصو يله يله انرد البيت بسرعه ..
هادف : خلاص غناتي نحن الحينه ياين ..
مهره : يله اتحمل ها ..
هادف : ان شاء الله ..
وسكرت مهره عن هادف .. وشويه بدخلة هادف عليهم .. وقالهم انه غانم بيدش فتحجبن ..
غانم : سللللللللللامن عليييييييهم ..
مهره : وعليك السلام والرحمه ..
اسماء بدون نفس : وعليكم السلام .. وتمت اتحيس حلجها وتتطالع التلفزيون..
غانم : بسم الله .. شو ها الطبل اللي قاعد .؟؟.
هادف : هههههههه ها ها اتحمل تراه شويه وبينفجر ..
غانم : الله يعيني ..
وقعدوا هادف وغانم وغرفت الهم مهره من المعكرونه مالت البشاميل اللي كانت مسوتنها اسماء ...
هاف : حلووه .؟؟. استفغر الله مش حلوه الحينه لو مهاري هيه اللي طابخه جان كلت الصحن ..
غانم : يله يله انته ودك اصلا اتذووق اكل شرات هالاكل الغاوي في حياتك ماقد ذقته . وامبونك الا شويه وبتخلص الصحن ..
هادف : مايحتاي انا اصلا يوعان عسب جذيه اكل ..
مهره : حرام عليك والله انه اسامي ماتسوي الا الشي الغاوي .. والله صدق اليوم كلت من خاطريه ..
اسماء : الااااااه .. جان استانس مدحوووووني .. وصدت صوب هادف صخ انته محد يبا رايك ..
هادف : هههههههههههه ..
غانم يطالع اسماء ويغمز الها : في حياتي ماذقت اكل في حلاته ..
هادف يدقه على جتفه : حوه في بيتنا واتغامز .. نش نش اظهر برع ..
غانم : اتهبي الا انته خطبيبتيه كيفي اغمز اسوي اللي اباه ادلها حرمتك روح روح عندها .. بيت عمي هاذا تعرف شو يعني بيت عمي ..
هادف : لا والله وانتي مستانسه ؟؟..
اسماء : ههههههههه . هيه ليش مااستانس ؟؟
غانم : وايه يعلني ماخلا.. وايه يعلني ماخلا ..
هادف : حوووووووووه .. ههههههههههب .. ثرني هب ريال يالس .. اخبرج انقلعي حجرتج ..
اسماء : ليش ؟؟
غانم : قعدي ..
هادف : روحي ..
غانم : هب رايحه شو بتسوي ..؟؟
مهره : ياربي يالمعاند كيف .. هادف حرام عليك .
هادف : لا لا ماشي انا قلت اتروح يعني اتروح .. بعلمك عدل كيف تتفدا وتغمز الها ..
غانم : ياخي والله انك سبال .. قعدي اقولج ..
ردت قعدت اسماء ..
هادف : روووحي ..
نشت اسماء عسب اتروح ..
غانم : قعدي ..
وقعدت اسماء ..
هادف : يله يله لا انش لج الحينه ..
اسماء : اففففففففف .. شوو وقووف جلووووووووس ؟؟؟ وراحت عنهم اسماء ..
غانم : والله ياخي سبال انته ..
هادف : ههههههههههههههههههههههههااااااي دواااااااااااك ....
غانم : ياخي ياحبك للاستهبال .. ونش غانم راح صوب المغاسل وغسل ايديه ..
هادف : تعال وين ساير ..
غانم : فقتك ياخراب الدار لا ترمسنيه اتموووووت يوم اتشوفنا مستانسين مالت عليك ياهادم اللذات .. وظهر عنهم ..
مهره : هههههههه . غانم تعال ..
غانم : ها ريلج بذبحه بس خليني اشوفه برع البيت .. وسكر الباب ..
مهره : ههههههههه حرام عليك هادف ..
هادف : هههههههههه . والله هيله الاثنينه سوالف .. خليه عسب يتحرقص ههههههه .. استانس يوم اشوفه جذيه ..
مهره : ثر ك مجرم ..
وشويه وظهرت اسماء من الحجره ..
هادف : تعالي وين رايحه ..
اسماء : بروح اييب اليه ماي برقد ...
هادف : هههههههههههههههههه .. طالعي شكلج كيف ..
اسماء : مسخفك ..
وراحت اسماء يابت الها ماي وخلاف يت وقعدت عندهم في الصاله ويتهم العنود ..
العنود : السلام عليكم ..
الكل : وعليكم السلام ..
هادف : وين غزالة البيت ..
العنود : اف ماصدقت ترقد ملعوزتنيه هب طايعه ترقد ..
مهره : فديتها من الصبح تلعب ..
العنود : هيه ماشاء الله عليها كل اللي يسويه اخوها اتسوي شراته ..
اسماء : هاي هنوده لا اتقولون عنها شي ..
ونش عنهم هادف وراح غرفته قعد يتريا مهره بس هيه وايد طولت .. وقف عند الباب يزقرها ..
هادف : مهاري ..
مهره : هلا ..
هادف : تعالي ..
مهره : برايك هادف ارقد بيي خلاف انا بسولف وباي انته عليك دوام من اتحط راسك بترقد شسوي اقعد انا ماعنديه شغله ..
هادف : انزين ماعليه براويج انا ..
مهره : هههههههههه ..
ودش هادف القسم ماله وسكر الباب وقعد ايفكر في طريقه انه اييبها عنده الغرفه لانه هو متعود لازم هي تكون حذاله قبل لايرقد ياخذ علومها كامله وخلاف يرقد ..
العنود : خس الله عدوج سيري ريلج يزقرج ..
مهره : مللللل الغرفه انا هب متوعده عالحكره ابا اسولف ابا اضحك . ..
العنود : ها .. ريلج قومي .. ماتشبعين من السوالف ..تيك ريست يله من السوالف .. ههههههه
العنود :هههههه ظنج ..
اسماء : لا لا قعدي قعدي خليه يتادب ..
العنود: هههههه انتي خراب الدار روحي روحي مهره ..ريلج سولفي وياه ..
مهره : بيرقد ..
ورد مره ثانيه ووقف عند الباب ..
هادف : اوكيه يله رقدي في الصاله .. وسكر الباب وقفله .
مهره : ههههههههه لا لا لا يايه يايه افتح .. يله سمحوليه ..
وتمت ادق الباب وخلاف فتح عنها ..
هادف : جان رقدتي خاري احسن ..
مهره : هههههههههههه غناتي عاده .
هادف : يله ولي العهد متى ناوي يشرف ؟؟
العنود : ههههههههه ..شوتباه خله يتهنى توه في سادس شهر له .. ..
شل هادف ايديه وحطها على بطن مهره ..
هادف : يله باباتي اطلع عاده ابا اشوفك انا ابا العب وياااااااك ..
مهره تطالعه بكل حناااااان وتبتسم ..
العنود : عمري مابكون في فرحه اكبر عن هاي ..
مسك هادف ايدها وحط اعيونه في اعيونها : وانا عمري ماسكني الفرح شرات مانا مستانس معاااااااج . تتدرين ..
مهره : امممممم لا شوووووو؟؟
هادف وهو ياشر على نفسه : تتدري اني موت احبك وان مالي غير حبك .. وخلاف شل ايديها وحطها صوب قلبه ..واللي ينبض في ضلووعي ماهو قلبي هاذا قلبك ..
مهره : تتدري يافرحي وهمي من كثر مانته بدمي ... كل مانتظرك عييييني عيني من عينك تسمي .
هادف : احببببببببببببببج احببببببببببببج..

بيت بو محمد
الاربعاء 6 المغرب
بوظـــــــبي ..
اشتاق لك شوق جموحي *** يامن على قلبي توليت
ياحلم عـــمري وطموحي ***وياحبي وياكل ماتمنيت

حصه : اف ملل بوظبي يوم الاربعاء انا تعودت اني اكون في العين ليش تحرمونيه .. وطالعي امج ظهرت وخلتنا ..
اليازيه : وين تبين يعني ..؟؟
حصه : ياربي انتي ليش جذيه بارده ..
اليازيه : شو تبيني اسوي يعني ؟؟
حصه : اففففففف ارقصي .. وراحت عنها صوب التلفون واتصلت على تلفون ظبيه .. بس ظبيه ماردت ودقت الها على تلفون الصاله مال بيت قوم يدتها لانه ظبيه كانت بيت ابوها ..
حصه : الوو ..
ام علي : مرحبا الساع ..
حصه : مرحبا يدتيه شحالج فديتج ..
ام علي : بخير ربي يسلمج انتي شحالج وشحال قوم امج ؟؟
حصه : بخير وسهاله امايه محد سارت صوب حرمة عمي ..
ام علي : هيييه حليلها ..
حصه : يدتيه ظبايه حذالج ؟؟
ام علي : هيه هاذيه اهنيه .. لحظه امايه ..
حصه : ان شاء الله ..
ام علي : ظبيه امايه تعالي فديتج الحص تباج ..
ظبيه : هههههه ...انزين ..
وراحت ظبيه وقعدت ع الكرسي وشلت السماعه ..
حصه : مرحبا ..
ظبيه : هلا وغلا ..
حصه : منوه عندكم اسمع حس غريب ؟؟
ظبيه : هههههههههههه .. خالد ..
حصه منصدمه : شووووووووووووو .. حلفي .. ياربي ليش ليش حلفي حلفي ..
ظبيه : وقسم بالله ..
حصه : ليش يعني يووووم انا اكون اهناك مايي عسب يشوفونيه ليش دوم انا اللي اشوفه واتعذب ياربي لييييييييييييش .. اريد ارووح العين ..اريد اروووووووووووح ..
ظبيه : حصوه عن الحشره ... برايج بدقلكم اخلاف ..
حصه : باي وسكرت ..
وتمت حصه اتصارخ : ابا اروح العييين يزوي خلوود بيت قوم يدتيه راح الهم كله من امايه ماودتنا كله منها اريد ارووووووووح ..
اليازيه : يلعن ابوه من حظ ..
حصه : شفتي كيييف شفتي وتمت تتحرقص ومعصبه وتتحرطم ..
اليازيه : اففففففف .. بس عاده قذيتيني تراج .. شو يعني بطيرين لين العين .. شو اتسوين خلاص المرات اليايه ان شاء الله ..
وتمت حصه مفوله ومعصبه واخر شي صاحت من القققققهر اللي فيها ..


الرد باقتباس
إضافة رد

ليت جنح الليل يحملك أساي / الكاتبة : ظبيانية دار الظبي ، كاملة

الوسوم
للكاتبه , مساج , الليل , العبد , يحمل , ظبيانية , •]¦• , •¦[•
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
قصة العبد مع عمته آلعشق قصص - قصيرة 27 25-06-2013 07:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
قيام الليل لحن الروند ارشيف غرام 4 13-12-2009 05:45 AM
أكثر من 100 طريقة تحمسك لقيام الليل BOB الرومنسى مواضيع إسلامية - فقه - عقيدة 8 19-04-2006 07:00 AM

الساعة الآن +3: 11:23 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1