غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 14-03-2012, 07:14 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



بيت بو علي
الاربعاء 10 فليل
العيـــــــن ..

ظبيه وامها ومريم كانوا قاعدات في الصاله ..
مريم : رحتي ظبيه ماذر كير مسوي تنزيلات ..
ظبيه : هيه رحت هاك اليوم مايايبين الاشياء الجديمه لانه تنزيلات يبون ايخلصون بضايعهم وخلاف بينزلون اليدبد ..
مريم : رحت جفت عيبتني بدله حق فطومه وحق فلاح وظهرت ماخذت شي وايد من عندهم ..
ظبيه : هيه ..
مريم : عمتيه شو بلاج .؟؟.
ام علي : ..............
ظبيه : امايه شو بلاج تعبانه ؟؟
ام علي : مادري يابنتيه احس بقلبيه يعورنيه ..
ظبيه : سلامات فديتج .. خذتي حبة الضغط ..
ام علي : هيه يامايه خذتها ..
وتموا ايسولفون شويه وام علي ردت تتويع ..
ظبيه : اماااايه شو فيييييييج ..
ام علي : اه يا قلبيه يابنتيه قلبيه يعرونيه زاد الويع وتمت تتويع ..
مريم : عمتيه بتصل في علي يوديج المستشفى ..
وراحت مريم تربع تتصل في علي ..
ام علي : احس انه قلبيه بيظهر منيه اه ياقلبيه ..
ظبيه متروعه على امها : امايه صبري بييب لج ماي ..
الجزء السادس عشــــــــر

يامن اخذت القلب والروح وياك ... لا تفتكر في يوم ابعد واخليك
ماذقت طعم الحب ياشوق لولاك ... كل الهنا شفته بنظرات عيني

المستشفــــــــى
الاربعاء 10 ونص فليل
العيــــــــــــن ..

علي توه كان واصل المستشفى ومعاه ظبيه ومن دخلوا المستشفى سيده حطوها على سرير متحرك والطوارىء على طول .. وحدرت ظبيه مع امها وتم علي واقف برع .. واتصل في ابوه وسعيد وخبرهم ..وشويه ظهرت ظبيه اتصيح من غرفة الطواريء ..
علي : بسم الله طمنييييني شو مستوي ؟؟؟ ليش اتصيحين ..؟؟.
ظبيه : امايه فيها انسداد في شرايين القلب ولازم ايسولها عمليه قصيريه..
علي : لاحول ولا قوة الا بالله ..
بو علي : وينها الغاليه وينها شو فيها ؟؟
سعيد : بشروا شو قالولكم ..؟؟
علي : انسداد في الشرايين ومحتايه عمليه قيصريه ولازم ابويه يوقع عسب يسولها اياها ..
بو علي : لا والله ماسوتها اهنيه من باجر هيه سايره لندن اتسويها اهناك .. ماتسويها اهنيه ايسيرون ايسولها شي بالغلط ولا شي لا لا انا ريال هب مستغني عن حرمتيه .. ودوني عندها اريد اشوفها ..
علي : ابويه وايد لين ماتظهر الفيز ..
سعيد : انا اقدر اظهرلكم الفيز في يومين وعلى طياره خاصه ..
علي : خلاص عيل لازم انسويها اياها في اسرع وقت ..
ودخلوا كلهم عليها .. واتكلموا مع الدكتور واتفقوا على انه باجر ينقلونها مستشفى ولكير اللي في دبي لين ماتتطلع الفيز مالهم .. وباتت عندها ظبيه .. وردوا كلهم البيت .. طبعا الكل ماياه رقاد هالليله من كثر المحاتاه ... ومريم شلت اعيال ظبيه وودتهم عندها الحجره ...

في فندق ابراج الامارات
الخميس 9 الصبح
دبـــــــي ..

احمد وشمه كانوا راقدين ووعاهم صوت تلفون احمد اللي رن اكثر عن مره ..
احمد شل تلفونه وتم يطالعه : اوه هاذا رقم سعود ..
شمه : انزين رد عليه يمكن يباك في شي ..
شل احمد تلفونه ورد اتصل في سعيد : الوو ..
سعيد : هلا ..
احمد : غريبه داق اليه الصبح ؟؟
سعيد : احمد نحن اهنيه في مستشفى ولكير امايه عندها انسداد في الشرايين ومحتايه عمليه قيصريه .. ولازم انسويها الها بس ابويه ماطاع اتسويها اهنيه .. وحجزنا تذاكر باجر حق لندن ..
احمد منصدم : انا الحينه ياينكم يله يله باي ..
شمه : احمد شو فيك ؟
احمد : ماعرف ماعرف امايه تعبانه .. وانا لازم اروح اشوفها الحينه ..
شمه : بسم الله شو فيها ؟؟..
احمد : مادري شوخربط عليه سعود بس اللي ابا اطمن عليه واشوفها الحينه هيه امايه ..
شمه : احمد ممكن اروح معاك ..
احمد : اوكيه يله بس الله يخليج لا تتاخرين ..
شمه : لا لا افا عليك الحينه بخلص ..
وبسرعه نشوا احمد وشمه واتلبسوا .. وركبوا السياره واتحركوا صوب مستشفى ولكير ومن وصلوا كلهم كانوا اهناك .. وراحوا وسلموا عليهم ووقفوا عندهم ..
احمد : ابا احدر على امايه اريد اشوفها ..
علي : احدر احمد تراهم مايخلون الا واحد واحد .. بس لا تتاخر عندها ..
وحدر احمد على امه وظهر ودشت وراه شمه شافت عمتها وظهرت ..
احمد : كيف انا اخر من يعلم ؟؟
سعيد : منوه قال انك اخر من يعلم . هالشي مااستوا الا البارحه .. فليل ..
احمد : وليش ماخبرتونيه من البارحه فليل ..
بو علي : الله يهديك ياولديه البارحه الله يعلم كيف كان حالنا ..
ام محمد : اهم شي انه امايه اتكون بخير ..
احمد : والحينه متى السفر ؟؟
علي : كل شي جاهز الفيز بتظهر باجر وبنوديها ع طياره خاصه ..
احمد : ومنوه اللي بيروح ؟؟
بو علي : انا وعلي والريم ختك وبنتها اليازيه ولطيفه ..
احمد : ماعليه نحن بعد بنلحقكم من عقب ماتظهر فيزنا ..
علي : ان شاء الله خير ..
بو علي : لا وين بتوون امك مافيها الا العافيه والدكتور قايل اسبوعين ولا ثلاثه وبالكثير بنرد .. انتوا تم انته واخوك جابلوا الحلال اهنيه ..
احمد : ان شاء الله ابويه ..
شمه : عمي شكلك تعبان من البارحه هب راقد ..؟؟
بو علي : هيه والله يابنتيه من البارحه هب راقد ..
شمه : انزين عمي بتروح الفندق تستريح اهناك لين العصر وخلاف بتي صوب عمتيه ..
بو علي : لا يابنتيه مابيسدنا الوقت .. سعيد نش يابوك انته وختك عسب انروح انحط الاغراض وبنيي نبات عند اخوك في الفندق ..
سعيد : ان شاء الله ابويه ..
وراحوا بو علي وسعيد وظبيه العين عسب ايرتبون الاغراض حق سفرهم باجر .. وراحت ام محمد بوظبي عسب هيه بعد اترتب اغراضها و اترد دبي باجر من الصبح لانه طيارتهم الساعه 10 الصبح .. ع مطار دبي ..

بيت بو محمد
الخميس 7 المغرب
بوظـــــــبي ..

بو محمد توه كان مسكر عن محمد ولده من عقب ماخبره انه قوم امه بييون باجر عسب محمد ايزهب الهم كل شي ..
ام محمد : ها شو قالك ؟؟
بو محمد : قال انه في شقه مجابلتنهم يدورون مأجر الها وهو بيأجرها الكم اياها اسبوعين ..
ام محمد : الحمد لله زين انها بتكون قريبه منهم ..
بو محمد : يله اهم شي سلامة خالتيه حليلها والله ماتستاهل ..
ام محمد : فديتها والله امايه ..
حصه : انزين الحينه انتي كيف بتروحين عني وبتخليييني وبتودين يزوي وياج ..
ام محمد : واذا انا رحت المستشفى منوه بيهتم في البيت اهناك ؟؟ لازم انساعد بعض منوه بيساعدنيه اهناك .؟؟
حصه : انزين وديني انا ..
اليازيه : انتي ليش جذيه خراب ..؟؟
ام محمد : انتي عندج مدرسه ودراسه وهي جامعه يعني غير عنج فهمتي .. وبعدين منوه بيتم عند منصور اهنيه يله عن هالدلع والبزا ..
حصه : اف ياربي غصه لازم اتروحون عني واتخلوني ..
ام محمد : وايه وين ابروحج ابوج وياكم ..
وراحت غرفتها وسكرت الباب ..ومن استوا االصبح ومن الساعه 6 ظهر بو محمد وشل ام محمد واليازيه ولطيفه عسب ايوديهم المطار .. وتمت حصه اتصيح ومارضت انها توعدهم .. ووصلوا المطار وحملوا اغراضهم وركبوا سيده الطياره الخاصه اللي كانت تترياهم وطاروا صوب لندن .. وردوا هل العين كلهم العين ..

بيت بو سيف
الجمعه 2 الظهر
الرمـــــــاح ..

سيف : امايه ..
ام سيف : لبيه فديتك ..
سيف : لبيتي حايه يعلني افداج .. خالتيه متى بيسولها العمليه ؟؟
ام سيف : اول مايوصلون بيحدرونها المستشفى وبيسون الها فحوصات وباجر ان شاء الله بيسون الها اياها . الله يقومها بالسلامه ان شاء الله ..
سيف : امين . والله حليلها خالتيه ماتستاهل ..
ام سيف : الله يشفيها ان شاء الله .. الا وينه ابوك انته ؟؟
سيف : ابويه راح العزبه عنده مركاض باجر ..
ام سيف : ياكثر مايجابلهن هالبعران ..
سيف : هههههههه . يجابل البعران اخير عن لا يجابل شي ثاني ..
ام سيف : مايروم ايجابل شي ثاني هالشيبه ماله في هالسوالف ..
سيف : ياعيييني ع الثقه ياعيييني ..
ام سيف : حليلها الحص يعلني افداها مخلينها اروحها اهنيه وساروا عنها ؟؟
سيف : منوه الحص ؟؟
ام سيف : بنت الريم بنت خالتك ؟؟
سيف : هيه صح امايه ماشاء الله عليهن كبرن بناتها انا انصدمت يوم شفتهن هذاك اليوم ..
ام سيف : هيه لازم كل الصغار يكبرون .. بس ماشاء الله عليهن الزين الا من عقبهن ..
سيف : هيه ماشاء الله عليهن ..
ام سيف : ها اخطب لك وحده منهن ؟؟
سيف : ههههههههه .. وانتي سيده نقزتي لا لا لتخطبيليه ولا الله قاله .. حليلهن هيله صغار تبليهن بواحد شيبه شراتي ..
ام سيف : وايه واشعنه شيبه .. ليكون صكيت الاربعين وانا مادري ..
سيف : لا يعني انا وين وهن وين حليلهن .. يوم تبين اتخطبينهن حق بطوي حق خلوود حق نصور ولدج ولا انا خلاص طافني القطار ..
ام سيف : وايه واشعنه ان شاء الله طافك بعدك توك 26 سنه .. ناس ايعرسون في الثلاثين . يابويه ابا افرح ابكم اجوف اعيالكم ..
سيف : ان شاء الله يامايه يستوي الخير ..يله امايه انا بسير برقد ..
ام سيف : هاذا اللي فالحين فيه ..
سيف : هههههههه .. فديتج انتي يالغاليه .. وحبها ع راسها وراح عنها ...
ظهر ناصر من غرفته وشاف امه قاعده ..
ناصر : ماشاء الله شيخة الزين اروحها قاعده ؟؟
ام سيف : شسوي الحينه لو عندي حرمة ولد جان قعدت معاها ..
ناصر : ايهيييييييه .. ردينا على طير يلي .. الحينه بتيوزين الصغار وبتخلين الكبار ..
ام سيف : لا الكبار نافعين ولا الصغار نافعيييين ..
ناصر : خلود وينه ..
ام سيف : ثره هو فاضي اربعه وعشرين ساعه حاط هالتلفون في ايديه ولا يرغد في الشوارع ..
ناصر : هههههههههه .. عارفتنه ولدج ..
ام سيف :عارفتنكم كلكم ..
ناصر : فديييييت قلبج انا .. وحبها ع خدها ..
ام سيف : هاذا للي فالحين فيه الحب وبس ..
ناصر : ياربي منج يالعيوز يوم تتحرطمين ..
ام سيف : عييز حيلك ياربي ..
وظهر ناصر وشاف وحده واقفه وفاتحه الجامه وخالد قاعد ع الكرسي اللي في الحوي يطالعها واول ماشافته ظاهر سكرت الجامه . وخالد سوا عمره يطالع السما ..وراح وقف عنده ..
ناصر : شوهالحركات ؟؟
خالد : شو اي حركات ؟؟
ناصر : لا والله واضحه وضوح الشمس يعني لو حتى ودوم ظاهره وشافت اللي انا شفته بتفهم ..
خالد : شو اللي بتفهمه عاده ؟؟
ناصر : بنت اليراااان ..
خالد : اي يران ..
ناصر : استهبل استهبل ..
خالد : اوكي انته شو يخصك ..؟؟
ناصر : ياخي الحينه قلن عليك البنات اللي في الدنيا كلهن مالقيت غير هاي ..
خالد : ليش شو فيها هاي ؟؟
ناصر : مايحتاي اتعرف ..
خالد : انزين انا اباها ..
ناصر : شو تباها ؟؟
خالد : هييه اباها ؟؟
ناصر : شو تباها هاي .. قلن عليك البنات .. تعال ابا افهم كيف تباها ؟؟
خالد : بعدين بتعرف كيف اباها ..
ناصر : من حلاتها ؟؟
خالد : ماعليه عادي ..
ناصر : والله طحت من عييييييني .. من عقب ملكات الجمال الحينه اخر شي على هاي ..
خالد : نصييييييييب ..
ناصر : لا لله هب نصيب الا اكبر غباء .. عن الفاضيح الله يخليك ..
خالد : ههههههههه .. ان شاء الله ..
وراح ناصر صوب سيارته وشغلها وظهر وتم خالد قاعد وخلاف حدر الميلس .. واتصلت فيه نوره ..
نوره : ها شو قالك ؟؟
خالد : عرف ..
نوره : ها يالفضايح كيف عرف ..؟؟
خالد : عاده ناصر هب غبي لهالدرجه .
نوره : يالفضييييييييييييييييييحه شسوي الحينه اخاف يخبر عليه خلفان .
خالد : لا مايسويها ..
نوره : ليش مايسويها ؟؟
خالد : بس لاني قتلج مايسويها اخويه اعرفه انه مايسويها ..
نوره : انته لازم اتصلح الموقف ..
خالد : كيف ؟؟
نوره : ماعرف ..
خالد : قتلج خلاص انسي الموضوع شو يعني .. وبعدين محد قالج من شفتيني قاعد مكان ظهرتي من الجامه انتي روحج تبين حق عمرج الفضايح ..
نوره : اففففففف يالقهههههررررررر ..
خالد : بس عاده سكتي عن الحشره احس اني طحت من عين اخويه ..
نوره : ليش ؟؟ طحت من عينه ؟؟
خالد : اني عرفت وحده شراتج ..
نوره : ليش ان شاء الله شو اللي ناقصني ليش انته ماتحبني ...
خالد : يله برايج باي بسكر عنج انا الحينه ..
وسكر عنها خالد وتمت هيه في حسرتها وقهرها ..

بيت بو علي
الجمعه 10 فليل ..
العيـــــــــن ..

احمد كان قاعد في الصاله اللي في قسمه وشمه كانت توها يايه من الصاله اللي برع وكانت قاعده مع قوم مريم وظبيه يتعشون واحمد اتعشا معاهم ودش قبلهم ..يت شمه وقعدت حذاال احمد ..
شمه : احمد شو فيك من سافرت عمتيه وانته متضايق وماتاكل عدل ليش ؟؟
احمد : والله ياشميم احاتي امايه .. محد ايعرف امايه كيف بالنسبه اليه ..
شمه : احمد نحن كلنا انحاتيها ونباها اترد بالسلامه .. والحمد لله هي بخير هاي عمليه بسيطه الا قيصريه ..
احمد : انا مااقهر فيها اي شي .. لو حتى جرح صغيروني في ايديها ..
شمه : ربي لا يحرمكم منها ويخليلكم اياها ..
احمد : اميين .. انا اسف شميم فديتج قطعت عليج شهر عسلج ..ويبتج اهنيه وتميت معاج وانا متضايق سامحيني ومسكها من ايديها وتم حاط ايديه على ايدها ..
شمه : لا يااحمد لا ااتقول جذيه حرام عليك .. بالعكس شرات ماهي امك تراها اميه .. وغلاتها من غلاة امايه ... بالعكس انا حتى تفكير مافكرت في هالشي حرام عليك ..
احمد : فديتج والله انج انتي شيخة الحريم كلهن وانا عارف ومتاكد لو درت هالعالم كله مابحصل وحده اخير عنج اتقدرني واتقدر ظروفي ..
شمه مستحيه : افا عليك ..لا اتقول جذيه ماريد اسمع منك هالرمسه ..
وشويه وسمعوا دق ع الباب ..
احمد : منوه ..
حمدان : انا ابا عموه شمه ..
شمه : ههههههه .. تعال حمدان ..
حمدان : تعالي بقولج شي ..
شمه : شو حبيبي ..؟؟
حمدان : وين سرتي تعالي قعدي معانا ..
شمه : انزين انته روح وانا شوي وبييكم ..
احمد : حمدانوه تعال ماحبيتنيه اليوم ..
حمدان يربع ولوى على خاله : خالي احممممد ..
احمد : فديت قلبك انا ...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 14-03-2012, 07:17 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي


في لندن
الجمعه 8 فليل ..

تلاقينا على الورد الشمالي *** مع ريم الفلا لي يذكرونه
نهبت العقل مني ياغزالي *** دخيل الله من حسنه ولونه

هالوقت ام محمد كانت مع ام علي وعلي وبو علي في المستشفى واليازيه كانت مع لطيفه ختها في الشقه.. وهزاع كان عندهم وطحنون كان توه ياي من عند ربعه .. وكان توه يركب الدري مال العماره عسب ايروح شقته .. واول ماوصل الطابق اللي في شقتهم شاف لطيفه فاتحه الباب وتوها بتظهر .. وطحنون ماكان يدري انه اليازيه بتي معاهم .. ولانه ماراح مع محمد المطار لانه هاليوم هو كان في حمى وزجام ..
طحنون : الااااه لطووف شحالج ؟؟
لطيفه : هاه طحنون .. بخيل انته شحالك ؟؟
طحنون : فديتج .. انا بخير يوم انتي بخير ..
اليازيه تمشي معصبه وظاهره من الشقه : لطوف ياربي من هالبنيه اف اف بترفع اليه الضغط ..لطوووووف .. واول ماظهرت هي كانت فاجه حلجها اتصارخ واول ماشافته اتيبست مكانها وتمت فاجه حلجها بس ماتتكلم وقفت وسكتت استوا ويها كل الالوان ..ردت ربعت ودشت الشقه مالتهم وانخشت ورا الباب ..
طحنون استانس مات من الوناسه : هههههههههههههه .. لطوف منوه هاي ..؟؟
لطيفه : هاي يزويه كل اتثوي حشره كله اتثارخ نفث حصوووووه ..اتعور لي لاسي وتمت اتاشر على راسها ..
طحنون : ههههههههه .. فديت قلبج انا . وتم لاوي عليها ..
لطيفه : تعال عندنا اهنيه انا بلوحي تعال بنشوف رسوم ..
طحنون : لا عيب كيف ايي عندكم انتوا بنات ..
لطيفه : عادي بنخلي يزوي اتلوح بيتكم وانته تعال بيتنا .. شو لايك ؟؟
طحنون : والله رايي من رايج ..هههههههه ..
اليازيه من ورا الباب : لطوف تعالي داخل عسب اعشيج ..
لطيفه : انا ماريد اتعثي لوحج ..
اليازيه : احم .. اه .. احم .. طحنون تعشيت ؟؟
طحنون : الحمد لله متعشي .. تسلمين يالغاليه ..
تمت اليازيه متيبسه مكانها واتفكر الغاليه الغاليه .......
طحنون : يله لطوف انتي شاطره وانا احبج واحب ..... واحبج وايد روحي اتعشي عسب تستوين قويه انزين ..
لطيفه : بعدين بتي عندنا ..
طحنون : ان شاء الله بيي عندكم يله روحي وسكري الباب ولا تظهرين لين ماتي ماماتج زين ..
لطيفه : انزيييييين ..
ودشت لطيفه وسكرت الباب اليازيه وطحنون دش الشقه وسيده .. حس انه مرتاح وانه المرض اللي كان فيه كله راح وحس انه فيه طاقه غير طبيعيه معقوله شوفج ياغناة روحي وقلبي جذي اتسوي صراحه ماستبعد انج ترفعيني لسابع سمى واترديييييني .. فديتها وفديت صوتها فديت هالجمال الملايكي اللي مايتغير فديت الحس تم طحنون يهاذيبها لين مادش عليه محمد ..
محمد : طحنووووووووونو وووه ..
طحنون :.......................
محمد : نوووووووني .. يدلعه اونه ..
طحنون : هلا هلا ..
محمد : اعنبوه هب مرض ايسوي بك جذيه ..
طحنون : ها ؟؟
محمد : شو ماقمت تسمع .؟؟؟
طحنون : لاامبلا اسمعك انته خبرنيه شحالها يدتك ؟؟
محمد : بخير الحمد لله كل الفحوصات اوكيه وباجرالصبح ان شاء الله العمليه ..
طحنون : الله يشفيها ان شاء الله ..
محمد : امين .. انته طلعت شو ؟؟
طحنون : هيه حسيت بعمريه ملان وظهرت ..
محمد : ان شاء الله الحينه اخير ؟؟
طحنون : لا الحمد لله اخير من ظهرت استويت اخير ..
محمد : اشوا الحمد لله ..
طحنون : وانا ياي شفت لطوف ختك واقفه عند الباب .
محمد : ههههههه هاي جنيه توها ختيه اتقولي واقعها كل تبا تظهر ..
طحنون : فديتها لازم ياهل اليهال ينحكرون ..
محمد : يله هانت مابيتمون وايد هم اسبوعين وبيردون ..
طحنون في خاطره : ليتهم يقعدون ويانا لين مانروح هب بس اسبوعين ..
محمد : الا انته بدوام باجر ؟؟
طحنون : صح انه مافيه شي بس مابدوام عطيني ثلاث ايام اجازه ..
محمد : ياحبك للدلع والراحه ..
طحنون : هههههههههه .. ليش تراك انته تحظرهن المحاضرات وتكتبليه اياهم ..
محمد : ماعليه بسامحك بس باجر لان اليوم خف عنك المرض ولا والله ورا باجر بنعال بروغك لين الجامعه ..
طحنون : هههههههه .. ان شاء الله يدوه ..
محمد : تبا عشا ..
طحنون : لا مابا متعشي توني ويا الربع ..
محمد : يالخاااااين ..
طحنون : شسوي انته كنت مع هلك اكيد تعشيت انا شسوي ؟؟ اتم بيوعي ..
محمد : والله انك سبال ماتستحي اعنبوه اصلا انا ماتعشيت والله اني قايل بتعشى معاك ..
طحنون : ياويييييلي على اللي ماتتعشا بدوني .. وغمز له ..
محمد: جفت عاد اني ميته في حبك ..
طحنون : هههههههههه .. انزين شو الحل الحينه .؟؟.
محمد : انا توني حدرت عند قوم يدي وختيه مسوي الهم هاك العشا وقتلهم يغرفون النا وبنسير نتعشا عندهم ..
طحنون : غايته ..
محمد : يله نش ..
وراحوا محمد وطحنون شقة قوم بو علي اللي كانت عباره عن حجرتين وصاله وكانوا اهناك علي وبو علي .. ولطوف اتالي في الشقه .. وطبعا اليازيه في حجرتها ماظهرت .. وابو علي استانس وايد ع طحنون ومحمد ..
بو علي : انتوا من يوم ورايح غداكم وعشاكم كله عندنا لين مانروح ..
طحنون : زين يابويه تكسبون فيه اجر بسنا من اكل المطاعم واكل الشبيخ محمد اللي يوم ناقص ملح وعشره زايدنه فلفل ..
محمد : خل عنك عاده لا تعيب ..
علي : من متى انتوا اهنيه لين الحينه ماعرفتوا تظبطون شي ..
طحنون : هههههههه .. لا عاده هب لين اهناك يعني ساعات جذيه وساعات جذيه ..

بيت بو علي
السبت 5 العصر
العيــــــــــن ..

لولاك ماحبــــيت لـــولاك ... ولاعشت في دنيا المحابيب
شفت الهنا والطيب وياك ... باحساس واقواله واساليـب

احمد وشمه ومريم وظبيه كانوا قاعدين في الصاله ياكلون فواكه ..
احمد : الحمد الله والله انه العمليه نجحت وامايه بخير اسميني مرتاح رااااحه ..
ظبيه : فديتها والله اهم شي سلامتها ..
مريم : متى بيردون ؟.؟؟
سعيد : مسرع ماتولهتي عليه ..
مريم : هههههههه .. حشا عليه .. لا لا بس اتخبر ..
احمد : اونها عاده حرمة اخوك ..
مريم : انتوا عرستوا ماعرستوا مابتيوزون عنيه .. اه منكم هههههه .. ماعليه شميم انا بخبرج عن سوالف ريلج قبل .
احمد : ههههههه .. ماسويت شي .. جان بتبلين عليه هاذا شي ثاني ..
ظبيه : وين هاي العنز خلها اتي اتشل الاغراض دام انك واقف ازقرها ..
سعيد : ليندا .. ليندااااااااااااا ..
ليندا : يس سير ..
ظبيه : تعالي يعلج العوق نزلي السمان من فوق بابا بيي الحينه ..
ليندا : اوكيه مدام ..
وراحت الخدامه اتييب الاغراض ..
حمدان : انا ماريد اروح بتم عند عموه شمه ..
ظبيه : هيه ترا هو ع كيفك انا اروحي هب طايقتنكم تفهمون بتتصفع بنعال ع ويهك وبتركب تفففففففهم ..
شمه : الحينه انتي شو تبينه خليه ..
مريم : لا هيه لازم اتصيحه قبل لا يروح بساعه كامله يوم بتين تركبين بيركب وياج ..
ظبيه : لا عسب يتعود ايودر عنه هالدلع والمنكر ..
حمدان : انزين انا ماريد اروح خليهاهيه اتي معانا ..
ظبيه : مايحتاي بتخلي ريلها وبتي عسب سواد اعيونك ..
شمه : هههههه حرام عليج ..
مريم : يله اكوه ريلها قوله بيخليها ولالا ؟؟
حمدان : هيه بتروح ويانا قومي حطي ثيابج ..
سعيد : هههههههه .. لاوالله حرمتك هيه لا بعد ماشي ع كيفه روحي حطي ثيابج ..
احمد : مابخليها اتروح ..
حمدان : ليش ؟؟
احمد : مالتي ..
حمدان : لا كانت مالتنا اول ..
شمه : استويت لعبه ثرني مالتي وكانت مالتنا اول .. هههههههه ..
ظبيه : هههههه .. ها خبله ولد خوج..
وشويه وان مطر عند الباب ..
مطر : هوووود ..
احمد : اهدااااا بو حمداان..
واتغشت مريم عنه .. ودش مطر وسلم عليهم وقعد ..
شمه : مطر حمدان بيدويني معاكم ..
مطر : لا مانباها شو تباها خلها عن ريلها ..
حمدان : لا انا اباها هيه اول كانت مالتنا ..
احمد : لا مالتيه منوه قال انته امك مالتكم ..
حمدان : انزين بنعطيكم ماما وانتوا عطونا عموه شما ..
مطر : انا اباها ماما ..
حمدان : انزين انته تم معاها اهنيه .
سعيد : اسميكم الا انتوا اليوم بتمشون ع خربطان حمدانوه ..
ظبيه : ياالدلع هاذا ..يله مطر عسب مانتاخر هبابنا انوصل وانعشيهم وانرتب الاغراض . .. ايسد انه ولدك اليوم غايب عن الروضه ..
مطر : يله انزين ..
مريم : اعنبوه ماشربت شي مطر ..
مطر : لا والله توني شارب ماي ومغفي ع جبديه مشكوره ماتقصرين ..
ونش مطر وخلا الخدامه اتحط الاغراض في سيارته وركبوا وطبعا حمدان ايصيح .. وحمده تلعب ..
سعيد : اخ عليك والله انك هب ريال ..طالع حمدوه تلعب ..
ظبيه : ايخسي اصلا ولا شم ريحتها المريله ..
احمد : خلاص بيبها الكم بيييبها بس صخ لا تصيح ..
حمدان : الحينه ..
احمد : لا باجر هيه ماحطت اغراضها ولا شي ..
شمه : حمداني حبيبي بييكم باجر وبتم عندك وايد مابرد عند خالي احمد انزيييين ..
حمدان : قولي والله ..
شمه صدت على احمد : توهقت .. هههههه ..
ظبيه : لا تسوله هاذا سالفه .. يله مع السلامه ..
مطر : يله مع السلااااامه ..
احمد : الله يسلمك النسيب ..
سعيد : ربي يسلمكم ..
وظهر مطر بسيارته وردت دشة سيارة دريول قوم مريم .. وكانن خواتها يايات ..
احمد : هاي سيارتكم مريم ..
مريم : هيه فخور ورويض يايات ..
شمه : حليلهن حياهن الله زين سون يوم ين ..
مريم : يايات يبن ايشلن الصغاريه يودونهم الالعاب..
ونزلت فاخره من السياره ..
فاخره : السلام عليكم ..
الكل : وعليكم السلام ..
وراحت فاخره وسلمت على شمه ومريم ووقفت معاهم وين ماكانوا واقفين في الحوي ..
فاخره : شحالج فديتج شمه ؟؟
شمه : بخير يعلني افداج انتي شحالج ؟؟ سمعت ياين اتشلون اليهال ماشي ماشي دشن اول شي قعدن معانا وخلاف روحن وين ماتبن ؟؟
فاخره : هههههه .. ان شاء الله يوم بني بننزل الحينه نبا انسير شوي من وقت عسب انرد من وقت ..
شمه : هيه ياحيكن ..
فاخره : شحالك احمد ؟؟
احمد : بخير وسهاله زين يوم قلتي شحالك شفتي حرمتيه ونسيتينيه ..
فاخره : ههههههه .. اونك انته عاد ..
سعيد : شو انا ماشي شحالك ..
فاخره : انزين صبر بالدور ..
سعيد : ظهري برع بيتنا ..
فاخره : اونه عاد الي يقول يايه حقك ..
شمه : ههههه الا وينها رويض؟؟
روضه نازله من السياره قافطه عشان سعيد : السلام عليكم .. وراحت سيده عند شمه وسلمت عليها ..
روضه : شحالكم ..
سعيد : بخير الحمد لله ربي يسلمج .. انتي شحالج ..
احمد : كفا ووفا ..
روضه : اه .. ها .. هي .. بخير ..
مريم : هههههههههه .. شوسويتوا بختيه عفستوها ..
روضه : ماعليه سمحيلنا شمه بنرد صوبكم اخلاف ..
شمه : لا فديتج مسموحه .. حياكم الله ..
وسمعوا احمد وسعيد الاذان ياذن واحمد حدر الصاله وسعيد لف صوب حمام الميالس عسب يتوضا ..
فاخره : الا وين عيالج ..؟؟
مريم : مابتحدرن اتصلن ..؟؟
روضه : بنصلي اهناك شي مسايد . زقريهم ..
ويت الخدامه وفلاح ومانع يربعون صوب السياره يركبون ..
فلاح : الاااااه بنسير فان سيتي ..
وفلاح جاف عمه سعيد ظاهر من الحمامات مالت الميالس ..
فلاح : منوه احلا واحد .. عمي ثعووووود ..
سعيد : ههههههههههه.. يعلني افدا ثرك ..
مانع : ماماه بنلوووح ..
مريم : هيه يله روحوا ..
شمه : فديتهم والله .. مريم مابتروحين معاهم ؟؟
مريم : لا فديتج مايستوي اروح واخليج وفطومه بعد منوه بيتم عندها و انا مالي نفس ع الظهرات وايد ..
شمه : ههههههه . لا لا خلج منيه روحي استانسي فطومه ابرايها خليها عنديه ..
مريم : لا لا اعنبوه .. برايه اللي يقول ولا مره رحتله ..
شمه : حليلج والله يامريم ..
مريم : يله سيرن ..
روضه : ليش اتروغينا ..
مريم : يالمنكر اللي فيج توه يوم هو اهنيه مستعيله تبين اتروحين الحينه ليش اتروغينا ..؟؟
فاخره : ماتعرفين هاي ختج حركات ..
مريم : ههههههه يله سيرن .. نبا انحدر انصلي نحن ..
روضه : اعنبوك يالرووووغ ..
شمه : ههههههههههه ..
وراحن خوات مريم .. ودشت مريم وشمه داخل البيت ..

بيت بو محمد
السبت 8 فليل
بوظـــــــبي ...

اشتاق لك شوق جموحي *** يامن على قلـبي توليت
ياحلم عـــمري وطموحي ***وياحبي وياكل ماتمنيت

حصه كانت قاعده في الصاله ويت في بالها اليازيه كيف كانت تقعد معاها وكل ماتقعد معاها قعدت اتضاربها والحينه هيه متولهه عليها وتباها اتكون عندها .. فديتج يايزوي والله اني اتولهت عليهم فديت امايه .. وتمت الدمعه في اعيونها ..بس طبعا ردها تفكيرها وقلبها صوب خالد .. خالد اه ياخالد .. ياله يارب انك اتقرب القلوب من بعضها البعض يارب ياربي .. يارب ايحس فيني يارب طلبتك يارب .. وشوي انه منصور ياينها ..
منصور : انا اريد امايه ..
حصه : لا اله الا الله محمد رسول الله . وانا شسوي يعني اطرشك عندها بصاروخ ؟؟
منصور : مالي خص اريد امايه ليش اتودي لطوف وماتودينيه معاها .
حصه : انته ماكلمتها اليوم؟؟
منصور : كلمتها ..
حصه : تبا اتكلمها مره ثانيه ؟؟
منصور : لاء انا يوم اكلمها اصيح ..
حصه : افففففف .. انزين خلاص ارقد عيل .. باجر عليك مدرسه ..
منصور : مابا ارقد حطيلي سبيس تون ..
حصه : يالقذا يالوعة الجبد .. ومسكت الجهاز وحطتله سبيس تون وراح طاح ع الكرسي تم يطالع وشويه رن التلفون ..وكان رقم خالتها ظبيه ..
حصه : هلا وغلا ..
ظبيه : اهلين هلا حصيص شحالج ؟؟
حصه : اف والله انيه من دونهم مااسوى شي ..
ظبيه : لازم جرب الفرقا وفارقني ..
حصه : هيه والله ..
ظبيه : شحالكم شو تسون ..؟؟
حصه : بخير الحمد لله القلب مستصيب من خالد والروح تبا امايه .. وانا مبتليه من الصوبين ..
ظبيه : ههههههههههه .. انتي بعدج يوزي عنه بسج من التفكير فيه .. يوم بتفكرين فكري ع الاقل في انسان هو يباج ..
حصه : الله يخليج انتي ترمسين عن قصه عمرها الحينه ست اسنين .. ومن ست اسنين وانا صابره مابصبر الحينه خليها على الله ..
ظبيه : صراحه الله يعينج حالتج وايد صعبه ..
حصه : سكتي سكتي لا تصيحيني ..
ظبيه : لا لله هب مصيحتنج ولا شي لا تصيحين عليه مافيني بصراحه انا ..
حصه : شحالهم اعيالي ..؟؟
ظبيه : حمدانوه مرقد وحمدوه هاذيه يالسه اتخرب عليه وتنبش السدات ..
حصه : هههههههه .. هاي دومها جذيه ..
ظبيه : شو نسوي ..
حصه : ظاهره عليج ..
ظبيه : ياويهج الحينه انا جذيه ..
حصه : لا مول مول هب جذيه انا اللي جذيه ..
ظبيه : وينه منصور عيل ؟؟ وابوج وينه ..
حصه : ابويه راح ايصلي العشا وبيي ومنصور هاذوه اونه حطيلي سبيس تون ورقد الحينه بيي ابويه بخليه ايوديه حجرتنا ..
ظبيه : انزين عيل برايكم بغيت اطمن عليكم .. بسير اتعشا ..
حصه : خلاص اوكيه عيل يله مع السلامه ..
ظبيه : مع السلامه ..

في السوبر ماركت
الاحد 10 الصبح
لنـــــدن ..

ودي اشرح لك عن اللي بي واقول ... انك اغلى من نصخ روحي علي
وانك اغلا وانك اغــــلا يا خـــجول ... يمكن اغلا من الغلا نفسـه شوي

اليازيه كانت في المستشفى عند امها ويدتها وخلاف طرشتها امها هيه مع اختها لطيفه عسب تنزل تتشرا اشوية اغراض حق يدتها فنزلت اليازيه تحت السوبر ماركت .. والشقه اللي كانوا ساكنين فيها كانت حذال المستشفى ومجابل المستشفى كان في سوبر ماركت ويوم دخلت شلت العربانه عسب اتحط فيها الاغراض ..اليازيه كانت بعباتها وشيلتها ومتحجبه وماكانت حاطه اي شي في ويهها غير انها مجحله اعيونها ..
لطيفه : انا ابا هاي الحلاوه اثتريلي اياها ..
اليازيه : ماتمت حلاوه اهنيه ماشتهرتيها بسج عاده ...
لطيفه : انزين انا عندي درهم ..
اليازيه : الوي عليه درهمج اللي عندج مايفنعج اهنيه .. صخي صخي ..
لطيفه : مابا ابا حلاوه ..
اليازيه : خذي خذي فكيييني ..
وتمت لطيفه اتحط الحلويات في القاري .. وقفت اليازيه القاري وكانت اتريد اتشل من الكورن فلكس اللي كان في الرف اللي فوق وهي ماكانت تقدر توصله لانه عالي فقعدت ترفع ريلها عسب اطاله وتوصله بس ماوصلت له .. ردت مره ثانيه رفعت ريلها من ورا ومسكت طرف الكرتون ويوم يت بتمطه ين بيطيحن الكراتين كلها عليها هيه شهقت ..
طحنون مسك الكراتين عن لا يطيحن : سلمتي بنت حميد ...
اليازيه انصدمت وهزت راسها سيده صوب الصوت اللي سمعته وشافت طحنون نزلت راسها وعيونها ع الارض وتمت تتطالع الارض وويهااحممممر ..
لطيفه : انتي ماتلعفين اتيودين ؟؟
طحنون : كم واحد تبين ؟؟
اليازيه صاخه اتحس روحها بتظهر وتمت ساكته عقب انتهبت انه هو يطالعها يترياها اتقول كم واحد هيه تبا وهي تتطالع الكراتين : بس واحد ..
طحنون رفع ايديه وتناول الكرتون وحطه في القاري ...
اليازيه مستحيه وقافطه منه : مشكور طحنون ماتقصر .. لطوف يله ..
لطيفه : مابا انا اارييد .. طحنون ..
طحنون يطالع اليازيه : حتى انا ابااااااااااج واحبج ..
سحبت اليازيه لطيفه من ايدها وراحت بسرعه خذت العصاير وظهرت من الجمعيه وهي حاسه عمرها بتموت من ها المواقف كلها هيه كانت تتمنى وهي في الطياره انها تتصادف وياه واتشوفه اتحس فيه وايحس فيها .. لكن سهل انه الانسان يحلم بااحلى الاوقات مع اللي يحبه .. لكن هالشي يستوي صعب وقت التنفيذ .. وهاذا شعور اليازيه كان ..تمت اترن الكلمه في بالها انا اباج انا احبج .. لين ماوصلوا عن باب الغرفه مالت يدتها في المستشفى .. ودشت اليازيه هيه ولطيفه وحطوا الاغراض ..
لطيفه : يدي انته متى ييت ؟؟
بو علي : انا توني ييت .. فديتج انتي وين رحتي ؟؟
لطيفه : انا لحت الجمعيه اشتريت حلاوه ..
بو علي : عطينا شو من حلاوتج ..
لطيفه : جو جوف هاي الحلاوه حلوه اطعم .. وحطت الحلاوه في حلج يدها ..
واليازيه صاخه وتفكيرها كله في طحنون ..
ام محمد : وين عصير البرتقال اللي قتلج هاتيه ..
اليازيه :..........................
ام محمد : يزوي ..
اليازيه : ها امايه ها ..
ام محمد : وينه عصير البرتقال شو بلاج؟؟
اليازيه : اوه نسيت يبت مال المانجا واليزر ها نسيته .
ام محمد : ماعليه بخلي خالج ايمر اييبه ..

بيت بو علي
الاحد 6 المغرب
العيـــــــــن ..

يضمى خفوقي وله عيوني تروي ... بسقيه نــبع الســـلسبيل الصفاوي
ويروق شـعري كل ماراق جــوي ... واجعل هجير الحب بردن شتاوي

احمد : شميم نشي اتلبسي ..
شمه : ان شاء الله احمد بس ليش ؟؟
احمد : نشي بوديج مكان حلو ؟؟
شمه : صدق ..
احمد : هيه صدق بوديج السينما في فلم يديد ايخبرونيه ربعيه انه حلو ..
شمه : اتصدق في حياتي ماحدرت السينما في خاطريه احدرها من كثر مااشوفها في التلفزيونات ..
احمد : افا عليج فديتج انا اللي براويج اياها يله نشي ..
شمه : ان شاء الله وانته مابتي تلبس ..
احمد : ليش هب حلو ؟ جذيه ..؟؟ ههههههه ..
شمه : حرام عليك ليش اتقول جذيه والله انك شيخ الكل .. لا بس اقصد يعني مابتبدل كندورتك ؟؟
احمد : انتي بتلبسيني ..؟؟
شمه ويهها استوا احمر : واييييه .. وراحت عنه .. وهيه تضحك من الحيا ..
احمد : فدييييييييييييييييتج ..
سعيد : منوه انا ..
احمد : عوذ بالله انته من وين ظهرت ..؟؟
سعيد : لا يعني يوم تبا تتفداها عندكم قسمكم اتفداها عكيف كيفك هب اهنيه في الصاله لا تنسى انه نحن رادرات الكلام الحلو ..
احمد : ههههههههههه .. مع ويهك .. رزه ياخي انته ..
سعيد : عوذ بالله انا شو يخصني انته اللي اتفديت ..
احمد : وانته اشعنه اتحدر عرض ..
سعيد : عرض ولا طول هههههههههه .. اههههااااي ..
احمد : سخيف ماعندي سالفه ارمسك ..وراح عنه احمد..

في بيت بو محمد
الاحد 10 فليل
بوظــــــــبي ..

ابكي عليك من كثر مااشتاقلك .. ابكي عليك من كثر مااحتاجلك
ابكيـــــك انا وقلــــبي اللــــذي .. مايبغــــــي هالـــــدنيا يبـــــيك

حصه كانت طايحه ع الشبريه .. تتذكر ايام اول يوم كانت اتروح مع امها عند قوم خالتها موزه يوم اتكون قاعده وقوم خالد اييون ويسلمون .. اتذكرت في هاللحظه انها عانت في هالحب وايد .. صبرت لهاذا الحب وايد .. ست سنين من عمرها حب لانسان مايدري عنها ولا عن هوى دراها ست اسنين من العذاب ست اسنينين هيه لا ليلها ليل ولا نهارها نهار مهما حاولت انها تكون غير او انها تتغير وانها تكون عاديه جدام الكل .. بس في الم ساكن هالقلب .. الم بانسان مايدري عنك انسان هب حاس فيك ..انك اتكون انته عايش الحب فيه .. وهو عايشنه بلياك ومن دونك شعور صعب .. على الانسان انه يعيشه لو حتى لفتره بسيطه هيه عمرها ماحاولت انها تبين انها تحبه عمر الحظ ماوقف معاها في انها اتشوفه قدرهم دوم كان نحس عمرها ماجتمعت معاه .. عمرها ماتلاقت معاه . مع انه فرص وايد كانت ممكم انها اتخلي هالشي يستوي بس للاسف هالشي ماستوى ولا صار .. لوت ع المخده وقعدت اتصيييح .. اتصيييح حالها اللي عايشتنه .. يمكن الصياح اللي تصيحه ايخفف من المها اللي في قلبها يمكن ايخليها تقسى عليه وماتفكر فيه بهاي الطريقه الجنونيه .. وخصوصا انها وحيده الحينه ومحد معاها . فبدال التفكير فيه الف بيوصل حد التفكير لمليار ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 14-03-2012, 07:18 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



بيت بو سيف
الاحد 10 ونص
الرمـــــــاح ..

خالد وسيف وبطي وسعيد وراشد وناصر كانوا كلهم قاعدين في الميلس مع ربعم الشباب .. يلعبون ورقه ..
خلفان : يابويه ها رشود غشاش ..
راشد : تخسي يالسبال وين غشيت .؟؟؟ متى شفتنيه ثرك انيه غشيت ..
سعيد : يابويه خلفان انته من اصبحت انته وعواس اتغشون وتلعبون من تحت لتحت ..
عيسى : خل عنك عاده وين هو ..
خالد : تعال انزين اشوف مخباك .. انا من الصبح شاك فيك ..
خلفان : شو تباه مخباه .؟؟.
ناصر : لا لا خله خله ايشوف مخباك ..
فيصل : ها غشاش ماعليكم منه فتشوه فتشوه ..
خالد يربع يقعد جدامه : والله انك اليوم ماتنش لين مافتشك ..
عيسى : ياريال خل عنك ..
خالد : لا اخلي عني ولا اخلي مني .. هات انزين بشوف انته ليش متروع مدام مخباك مافيه شي ..
بطي : الاوراق ينقصن منوه ياكلهن يعني .. فتش فتش ؟..؟؟
عيسى : انزين انا ماريد العب شرطي حرامي ..
سيف : هههههههههه .. لا هاي غير هاي لعبة المفتش ..
عيسى : يله ها انا بطلعلك اللي في مخبايه .. وتم عيسى يظهر .. بوكه .. تلفونه ..
خالد : احلف انه مافي شي .. باقي داخل .
عيسى : ياريال ماشي ..
خالد : اجوف انزين اجووووف ..
رفع عيسى ايديه وتم خالد يفتش ماحصل شي في المخبا اللي ع اليمين ..
سعيد : الثاني يله ..
عيسى : ماشي ..
راشد : انزين بنشوف خلود الثاني ..
وتم خالد يفتش المخبا الثاني .. وحصل ورقتيييين ..
خالد : يلعن ابووووووه .. الغش شو ها ..
عيسى : ههههههههههه .. ماعرف منوه اللي خشاهن ..
سيف : بروحهن انخشن ها ..
عيسى : يمكن في هالزمن كل شي جايز ..
خلفان : انا مالي خص ..
خالد : رح رح .. مالت عليك من الصبح متعبنا قول غشيت وبس مع هالويهه ..ههههههههه ..
وشويه ورن تلفون خالد .. خالد شاف رقم غريب ..ورد .. وكان في الميلس حشره فما قدر انه يسمع الصوت عدل ..
خالد : لحظه لحظه ..
سعيد : وين ساير ؟؟..
خالد : بييكم لحظه لا تلعبون ..سواف انته اخبص هالحراميه خلهم رافعين ايديهم ع فوق لين مارد ههههه ..
وظهر عنهم خالد ..
خالد : الوو ..
البنت : الوو ..
خالد : هلا .. منو ؟؟
البنت : اه .. اسمحلي اخويه غلطانه ..
خالد : لا الله هب غلطانه .. تعالي ..
البنت : ............. اسفه مغلطه وسكرت ..
تم خالد يتصل بس هيه ماردت ..
الجزء السابــــــع عشـــــر

من يحس بلوعتي ووجدي ودموعي ... ويدري حجم النار اللي تسكن ضلوعي
رغم هاذا انا معلن لك خضــــــوعي .... عذابـــــــي انت وسبـــــــة جــــروحي

بيت بو محمد
الاحد 11 فليل
بوظـــــــبي ..

حصه مسكت التلفون وسكرت .. ها ياربي انا ودين دقيت؟؟ .. راحت قعدت تقرا الاسم عدل واكتشفت ان الاسم كان مكتوب خالد بالانجليزي.. وهي كانت تبا تتصل في دريولهم اللي اسمه خليل واول الحروف كانت متشابهه بين الاسمين وهي من كثر الدموع اللي في اعيونها ماركزت وايد في باقي الحروف قعدت ادور اسم خليل في الاسماء المخزنه في التلفون وجافت اسم خالد واتحرته خليل ودقت عليه ورد عليها خالد وصار اللي صار .. ياربي ليكون خالد ولد خالتيه اللي انا دقيت عليه ؟؟ راحت ودخلت عرض الرقم وجافت انه رقم خالد .. لانه هيه حافظه رقم خالد من زماااااااان وصدق ظهر هو خالد نفسه .. معقووووله ؟؟.. لا لا انا مااصدق مستحيل .. ياويييييلي .. وتم التلفون ايرن في ايدها وخالد كان يتصل .. لاء ياربي انا كنت اتمنى انه نتصادف انا نتلاقى بس هب بهاي الطريقه ..شسوي الحينه ياويييييييلي .. ياوييييلي .. يارب استر يارب استر .. شسوي الحينه الله يسامحك ياهزاع جان مخزننه بالانجليزي اففففف .. وتم خالد يتصل . ياربي هالانسان ليش مصر ليكون عرفني ؟؟... ليكون عرف رقم هزاع .. لا بس مااظني .. هزاع يوم عطا يزوي البطاقه قالها انه محد ايعرف الرقم .. يالااااااه .. لاحوووول .. كله من يزوي اللي ماحولتهن عربي .. لاء هب من يزوي من الدموع اللي فيني اللي مااخلتني اركز عدل .. ياربي شو بلاه مصر .. افففف.. ياربي استر عليه ياربي استر عليه .. انا ماكنت اقصد .. وتمت ادموعها اتهل من كثر الروع اللي كانت عايشتنه ..وشويه ووصلها مسج يوم فتحته ..

" ماعليه... يستوي خير "

ياوييييييييلي شو يقصد .. ليكوووون ايعرف الرقم واتحرا اني متصله ابا شي ياربي شسوي كيف اتصرف .. تمت واعيه لييين الصبح بس اتفكر شو تسوي وكيف تتصرف ولو يزوي اهنييه كانت بتساعدني اااه .. يارب ساعدني مالي غيرك ... وع الساعه 7 يت الخدامه عسب اتوعيها ..
اليزا : هصه هبيبي قومي بيروه مدرسه قومي هبيبي ..
حصه : اليزا انا مابروح ؟؟؟
اليزا : ليش هبيبي مايريد روه ؟؟
حصه : بس ماريد اروح .. منصور راح ؟؟
اليزا : هيه فنش قووو ..
حصه : خلاص روحي برع وسكري الباب ..
اليزا : وااااي انتي في سيك ؟؟..
حصه : نو بت اي فيل تايرد اي كانت قو ..
اليزا : اوكي ..
حصه : سير قو ؟؟
اليزا : يس من سيكس اوكلوك ..
حصه : اوكي كلوز ذا دور ..
وظهرت الخدامه عنها وخلتها اروحها اتفكر في الشي اللي من البارحه حارمنها من النوم ماعرفت شو تسوي تمت بس طايحه ع الشبريه واتكفر شو اتسوي الحينه وكيف تتصرف ؟؟ حق منوه اتقول وكيف تتصرف ... وتمت اتفكر لين الساعه 9 دشت الحمام واتسبحت ونزلت تحت في الصاله تتريق .. والتلفون كان في مخباها .. عقب تم التلفون ايرن ..
حصه : ياربي ليش مصر.. لهاي الدرجه هو راعي بنات .. انا ليش ماارد واعرف هو شو يبا ..واحط لهاذا كله حد .. معقوله انا ضعيفه بهاي الطريقه .. وخذت نفس وردت ..
خالد : السلام عليكم ..
حصه : وعليكم السلام والرحمه نعم ؟؟
خالد : مايحتاي هالاسلوب ..
حصه : قتلك اسمحلي انا غلطانه . وخلاص ماله داعي لهاي الاتصالات وهاذا كله شو يعني محد ايغلط عندكم ..
خالد : لا غلطي..بس انك تتصل في انسان انته تعرفه وايكون قريب منك هاي صعبه شوي ..
حصه منصدمه : .....................
خالد : صح ؟؟
حصه : كيف يعني ..
خالد : انتي قريبه مني واتصلتي فينني .. افهمي شو يعني قريبه مني ..
حصه : لو سمحت اخويه انا محترمتنك احترمني وخلاص لا ترد تتصل مع السلامه ..
خالد : بقولج شي لحظه ..
حصه : نعم امر ..
خالد : انا البارحه يوم ياني الرقم يااااني فضول كبير اني اعرف صاحبته او صاحبه ليش ماعرف .. وخاطري افهم ليش .. ويوم اتصلت في ناس عسب اتظهرليه الرقم باسم منوه ظهروليه الرقم باسم منوه وانا هالرقم رقم ولد ولد خالتيه .. وولد بنت خالتيه .. يعني اريد اعرف حد بيتصل في هله وبيكون مغلط ؟؟ هالشي اللي محيرني ومن البارحه وانا افكر فيه ..
حصه منصدمه وتمت ادموعها تنزل دبل وتتنفس بصعووووبه ..
خالد : الووو ..
حصه : ...............
خالد : ارمسج انا .. انتي منوه ؟؟
حصه : ......................
خالد : شو بلاج عوذ بالله ليش جذيه تتنهدين لا تخافين شو بسويلج انا يعني .. بس ابا اعرف منوه متصلبيه وانتي متصله شو كنتي تبين ؟؟
حصه : انا ماكنت اريد شي وكنت صدق مغلطه وقسم بالله اني مغلطه ..
خالد : ليش حق منوه كنتي تبين ادقين ..؟؟
حصه : .................................... انته منوه ؟؟
خالد : قتلج راعي التلفون يستوي ولد ولد خالتيه .. وولد بنت خالتيه يعني من الصوبين .. وانا ابا اعرف انتي اللي منوه .؟؟
حصه : انا اخته .. وقتلك انا كنت اريد اتصل في الدريول والرقم كان مخزن في التلفون اللي عندي وانا مانتبهت للاسم عدل واتصلت بك ..واسم الدرويل مخزن بحرف واسمك مخزن بحرف وانا ماعرف منوه مخزن رقمك .. ؟؟ اكيد اخويه ..
خالد : اها.. صدق ؟؟
حصه : .....................................
خالد : ابا اعرف شي واحد وفي خاطري اعرفه انتي ليش اتصيحيييين ؟؟
حصه : انا مااصيح يله مع السلامه .. وقتلك انا كنت غلطانه ..
خالد : انزين انا ولد خالتج مابغازلج ليش هالاسلوب ؟؟
حصه : انزين خلاص خالد انا قتلك انا كنت مغلطه وخلاص ..
خالد : شحالها امج ويدتج في لندن بخير ؟؟
حصه : الحمد لله بخير ..
خالد : انتي اي وحده من بنات الريم .. انتي الحص ؟؟
حصه منصدمه وخلاف اهنيه ماقدرت انها تتحمل قعدت اتصيييييييح وسكرت .. ياربي شو هاذا اللي يستويلي شو هالمصايب اللي اتحل عليه ليش انا استوابي جذيه ماايسد العذاب اللي انا عايشتنه بعد ايي رعب ثاني ايهدد حياتي ليش ياربي ليش .. وتمت اتصيييييييح .. وربعت حجرتها وقفلت الباب وقعت اتصيح .. وتلعن اليوم اللي دقت فيه انا كيف اتصرفت هل اللي انا سويته صح ولا غلط .. اريد حد ايفهمني اريد حد ايعقلني .. انا اللي كنت دوم انصح واسوي .. لكن الحينه انا محتايه حد ينصحني وويوقف معايه منووووووه .. منووووه ياربي منووووووه .. وقعدت اتصيييييييح .. وسيده اتصلت في خالتها ظبيه . وقالتلها السالفه كلها وقعدت اتصيح هب عارفه شو تسوي ..
ظبيه : انزين انتي ليش اتصيحين انتي ماكنتي قاصده ؟؟
حصه : حرام ليش يستولي انا بالذات هاذا كله ليش ؟؟ليش مع خالد لييييييييش ؟؟
ظبيه : خلاص الله كتب هالشي بس انتي ليش مامسكتي عمرج ليش صحتي جدامه ؟ الحينه اكيد بيقول هيه في خاطرها شي ..
حصه : ظبيه انا ماقدرت امسك عمري مااعرف شو استوالي ينيت حسيت بلحظه اني مينونه اني هب قادره افكر في اي شي ولا في اي شي اسويه .. شسوي الحينه شوووووووو؟؟؟ وتمت اتصيح ..
ظبيه معصبه عليها : بسسسسسس .. عاده لا تمين اتصيحين جنج ياهل..خلاص قتلج خلاص اللي صار صار ونحن مافي ايدينا انسوي شي .. سكتي عن الموضوع وخلاص انتي مغلطه ومافي انسان معصوم عن الغلط .. بس صخخي ..
حصه : انزين اتخيلي ايروح ايقول حق خالتيه الحص بنت الريم اتصلت ومااعرف هو كيف عرفني وزقرني باسميه ماعرف ماعرف كيف ..
ظبيه : يمكن هو ايعرف انج انتي اللي تميتي في البلاد لانه اتعرفين خالتيه ترمس عن كل شي جدام عيالها ولا من وين بيعرف يعني ع العموم خلاص انتي سكري السالفه ولا تفكرين فيها وهو خلاص مابيرد يتصل دامج قلتيله السالفه الصدقيه ..
حصه : بس اكيد يبا ايعرف انا ليش صحت جدامه ؟
ظبيه : كل انسان بيكون فيه فضول انه يعرف بس ان شاء الله يفمها على انج زايغه انج غلطتي على حد ولا شي .. وانتي تعالي ليش مادومتي اليووووووم ؟؟
حصه : ماقدرت ادوام انا من البارحه هب راقده ..
ظبيه : خلاص حصوص فديتج لا ااتمين اتفكرين في السالفه وخلاص اللي صار صار.. وخلي كي شي عادي انتي ماسويتي شي غلط ..
حصه : ماعليه خلاص عيل .. برايج الحينه ابويه بيي بروح اغسل ويهي ..
ظبيه : ماعليه خلاص اوكيه يله مع االسلامه ..
حصه : ربي يسلمج ..
وسكرت حصه عن ظبيه .. وشوي ووصلها مسج من رقم خالد ..

" ادفع نص عمري .. واعرف السبب اللي خلاج اتصيحين .. مااعرف انا حاس ومتاكد انه في شي .. ايخليج اتصيحين جذيه .. حصه اريد افهم فهميييني .. "

تمت متروعه وماسكه التلفون تقراه مره ومرتين وثالثه واربعه .. وهب قادره اتصدق اللي جدام اعيونها ..

في بيت بو سيف
الاثنين 1 الظهر
الرمـــــاح ..

خالد كان موقف سيارته في الحوي وحاط ايديه ع راسه .. صدق كسرت خاطريه .. شو سالفتها ياربي اريد افهم شواللي صيحها .. مستحيل اتصيح لانها مغلطه ليش صاحت انا هاذا اللي اريد افهمه وليش كانت اتكلمني وهي متروعه كانها مسويه شي غلط .. انا ولد خالتها مافيها شي اذا قالتليه انته فلان اسمحلي انا كنت مغلطه وكلمتني عادي ليش اتعاملت معايه بهاذا الاسلوب ..انا حاس وعندي شك اميه بالميه انه في سر وفي سبب وفي خاطريه اعرف شو السبب وشو السر اللي في خاطر هالانسانه بس كيف اعرف منها كيف ؟ ولا ردت عليه بالمسج اللي طرشته الها .. معقوله .. اذا بفهم شي واحد بفهم ان هاي الانسانه اتحبني .. معقوله .. ليش انا استنتجت هالاستنتاج وكيف انا عرفت هالشي وليش حطيت هالشي في بالي .. معقوله ليش لا .. عيل شو السبب اللي بيخليها تتصييييييييييح .. شو ياربي راسي بينفجر من كثر ماافكر في هالسالفه ... طيبتي مع الغير ومابتكون طيبتيه مع هليه والله كاسره بخاطريه .. هالانسانه شو فيهااااا اريد افهم . .. واتصل ع الرقم وحصله مغلق .. معقوله كيف هاذا كله يستوي .. انا لازم افهم لازم لااااااازم .. وليش انا من الاساس اهميت البارحه اني اظهر الرقم باسم منوه مع انه مش اول مره وحده تتصل فيني واتكون مغلطه انا اللي يدقن يستبهلن ويقعدن ايلفن وايدورن مارحت اظهر رقمهن ليش الرقم هاذا انا اتعنيت له .. معقوله ايكون في سر وربي ايريد يكشف اليه هالسر .. لا انا اليوم راسي بينفجر من هالسالفه الغريبه .. ونزل من السياره ودش البيت .. حصل امه قاعده ادرس وديمه اخته ..وراح عندها وحبها ع راسها .. ..
خالد : السلام عليكم ..
ام سيف : وعليكم السلام والرحمه ..
خالد : اشحالج امايه اليوم ربج ابخير ؟؟
ام سيف : بخير يعلني افداك ..
وراح خالد غرفته عسب ايبدل وايرد يتغدى مع امه واخوانه اللي اييون في نفس وقته .. ويوم رد حصل امه تتكلم في التلفون ..
ام سيف : زين زقريها ..
حصه : الوو ..
ام سيف : مرحبا بالحص شحالج فديتج روحج ؟؟
هنيه بلع خالد اللقمه اللي في حلجه وتم يتسمع ..
حصه متروعه اكيد قالها شي لا بس هيه مش اول مره ادق من سافرت امايه وهيه كل يومين ادق تسال عنا : المرحب باجي خالتيه بخير ربي يسلمج شحالج انتي فديتج ؟؟
ام سيف : بخير ربي يسلمج وشحال اخوج وابوج كلكم ابخير ؟؟
حصه : بخير فديتج كلنا ابخير وسهاله شموس وودوم ؟؟ اشحالهن ابخير ؟؟
ام سيف : بخير الحمد .. هاذيه ودوم يالسه ادرسها ..
حصه : حليلها فديتها والله سلمي عليها خالتيه ..
ام سيف : ان شاء الله فديتج سلامن يبلغ .. ودووم امايه حصه اتسلم عليج ..
وديمه : حصوص امايه هاتيها انا اريد اكلمها ..امايه هاتيها هاتيها ..
ام سيف : ياربي يالوعة الجبد اصبري اشويه .. فديتج تغديتوا ؟؟
حصه : هيه خالتيه الحمد لله اتغدينا الا نتريا ابويه عسب احطله غداه اخلاف ..
ام سيف : قوم امج الاسبوع الياي بييون ان شاء الله ..
حصه : هيه رمستهم البارحه ماخبروني ..
ام سيف : لا انا توني اتصلت وخبرونيه ..
حصه : والله زين ايسووون البلاد اممممره بلاهم ولا شي .
ام سيف : يودي الحص امايه هاذيه القذا تبا اترمسج ..حشرتنيه ..
حصه : هههههههه .. فديتها ..
وخالد ساكت يطالع امه ويطالع وديمه اخته ويطالع االسماعه ..
وديمه : حصووصه شخبارج ؟؟
حصه : مرحبا الساع هلا وغلا بخير حبيبتي انتي شحالج ؟؟
وديمه : بخير وانتي بخير .. لطوف بخير؟؟
حصه : هههههه .. الحمد لله كلنا بخير ها يالشطوره شخبار المدرسه ..؟؟
وديمه : انا شاطره في المدرسه بس هاي شموس كسلانه ..
حصه : ههههههههه .. حليلها .. وهيه وينها الحينه ..
وديمه : هاي كله اتروح عند بيت هيله البقر ؟؟
حصه : ههههههه .. منوه البقر ؟؟؟
وديمه : هيله قوم نوروه واختها الغبيه سلاموووه ..
خالد انصدم صد على وديمه ..
ام سيف : طايحه في الخلق .. سكري عن البنت قذيتيها خليها اتروح يمكن ابوها بيي بتحطله غداه ولا شي ..
وديمه : انزيييين .. ها امايه تباني ابند اونه حشرتج ..
حصه : لا فديتج لا حشرتيني ولا شي ..
وديمه : اتقول ماحشرتها ..
ام سيف : ماعليه ريحيها ..
حصه : ههههههههه . خلاص ودومح حبيبتي برايكم انزين ..
ويمه : انزين يله باي ..
حصه : يله مع السلامه ..
خالد : امايه منوه ترمسووون ؟؟
ام سيف : هاي الحص يعلني افدا روحها بنت الريم ..
خالد : هيه اروحها في البيت ليش ماوداها معاهم ؟؟
ام سيف : تتدرس هيه مايرومون ايخلونها اتودر دراستها الريم ماشلت حد معاها الا اليازيه العوده عسب ااتعاونها اهناك وبنتها الصغيره .. واهنيه ابوهم عندهم ..
خالد : هييييه مسااكين . تتدرين امايه انا اتذكرهن يوم كانن صغار .. ع ست وسبع اسنين ..
ام سيف : هيه فديتهن بس ماشاء الله عليهن حريم .. راعيات بيت والله اشهد انه الريم عرفت اتربي عدل ..جمال ماشاء الله عليهن ينوصف ابه المثل ..
خالد : ................. هيه ... وتم خالد يتغدى ..
وعقب راح خالد غرفته عسب يرقد بس مااقدر انه يرقد من كثر مايفكر في الصاله ياربي انا بس اريد افهم شو سالفتها .. وقعد ايفكر ايفكر اكيد انها تكرهني او انها تحبني وتتعذب عيل ليش بتصيييح ... رد مره ثانيه اتصل وهالمره رن .. وتم ايرن ايرن .. وحصه كانت راقده .. وتوها كانت غافيه وسمعت التلفون ايرن نشت وردت بدون ماتشوف الرقم ..
حصه بتعب : الوو ..
خالد : مرحبا السلام عليج ..
حصه نشت وقعدت ع الشبريه تفرك اعيونها :........................
خالد : السلام عليج ..
حصه ياربي لازم اكون عاديه هاذا شو يبا ياربي شو يبا ليش جذيه لاصق ؟؟؟ : وعليك السلام والرحمه خير خالد امر ..
خالد : الخير في ويهج بس حصه بغيت اخبرج ..
حصه : نعم ..
خالد : يعلها في ذمتج وفي ذمة هلج ان ماجاوبتي عليه بصراحه ..
حصه : خالد اللي انته اتسويه غلط شو اللي تباه انته ؟؟
خالد : قتلج انا مابا شي بس شي محيرنيه وصدق هالشي بيخبلبيه .. وبيخلي راسي ينفجر الفضووول بيذبحني امووووت واعرف انتي ليش صحتي ؟؟
حصه : ...........................................
خالد : في ذمتج وفي ذمة هلج لين يوم الديييييين .. انتي تكرهيييني ؟؟
حصه : لاء .. انته ولد خالتيه ليش اكرهك ماجفت منك شي يخليني اكرهك ..
خالد : انتي اتحبييييييييييني ؟؟؟
حصه : .............................................
وسمعها تتنهد شكلها بتصيح .. وصدق صاحت لكن بصمت وطبعا هو حس فيها .. انها اتصيح بس مابغا انه يبينلها هالشي ..
خالد : خلاص برايج واسمحيلي ع الازعاج..
وسكرت سيده حصه بدون ماتقول اي شي ... وردت اتصيييييييح .. اليوم صدق كانت بالنسبه الها يوم عذاب الله يعينها ع اللي هيه فيه ... ويصبر هالقلب اللي حب بدون سابق انذار .. وبدون علم الطرف الثاااني ..وسبحان الله .. اللي يباه الله يستوي .. يعني كل هالسنين هالحب مستور عليه ومانفظح الا بهاي الطريقه ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 14-03-2012, 07:21 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي


في المستشفى
الاثنين 5 العصر
لــــندن ..

حياتي وموتي في ذيك الخدود ... ورمشه وعينه تساوي البلاد
انا له محــبٍ اداري العــــهود ... وحبه حبيــــبي يزيـــد ازدياد

ام محمد : الحمد لله ع سلامتج يامايه اهم شي انج بخير ..
ام علي : الحمد لله يابنتيه على كل حال ..
بوعلي : يويلي عليج ياام علي اسميني الا من يوم ورايح مااقهر شي فيج ..
ام علي : هههههههه يعلني افداك ..
اليازيه : يدي عاده يدتيه تستحي ..
بو علي : لا لا نحن راحت علينا سوالف المستحى..
ام محمد : جانك الا عليك انته راحت لكن على امايه ماتروح ..
ام علي : لا لله اللي يروح على ريلي ايروح عليه ..
ام محمد : افا يامايه هاذا وانا اظبطج..
اليازيه :هيله ارواحهم يظيبون عمارهم مايحتاي حد يظبطهم ..
بو علي : الله ااكبر ..
علي : ها امايه لج البشاره ..
ام علي : بشر فديتك ؟؟
علي : امايه اليوم الدكتور صرحلج بالخروج بس عندج موعدين بالاثنين الياي وبالاربعاء وان شاء الله بالخميس نحن بنرد البلاد ..
ام علي : الحمد لله .. ياله اسميها يلست المستشفى اروحها مرض ...
بو علي : تستاهليييين يافطيم .. يله افرحي من حدرتي المستفى وانتي تتحرطمين ..
ام علي : هيه اتعرفنيه انته انا مول الضيج مادانيه ..
ام محمد : فديييت قلبج انا يامايه ..
علي : خلاص عيل حطوا الاغراض وردوا البيت وانا بخلص الاجرائات وبييب البطاقه مالتها مات المواعيد وبلحقكم..
بو علي : خلاص ماعليه يله عيل ..
ونشن ام محمد واليازيه ايعدلن الاغراض .. عسب ايردون البيت .. وظهروا من المستشفى وراحوا يتمشون لين العماره مالتهم لانها وايد كانت قريبه .. ع قولة بو علي الا فرت حصاه ..وهم عند باب العماره كان طحنون ظاهر ..
بو علي : حيالله ولديه ..
طحنون : الله يحيك ابويه ..
بو علي : وين رايح .؟؟.
طحنون : كنت رايح الكوفي عند ربعيه ..مرحبا الساع ياحياج الله ياخالتيه تو مانورت العماره ..
ام علي : الله يحيك ياولديه .. مشكور يالغالي ماتقصر يعلني افداك ..
طحنون : شحالج خالتيه ؟؟
ام محمد : بخير الحمد لله ربي يسلمك ... انته شحالك ابويه ؟؟
طحنون: بخير ربي يسلمج ..
ام محمد : ربها لطوف مناازعجتكم ..
طحنون : ههههههه .. عند البيبي ستر محمد فوق ..
ام محمد : دواه خله ياكلها اخو ع الفاضي عيل ..
بو علي : اشعنه موقفين اهنيه يله انروح فوق ..
طحنون : يله عيل سموحليه ..
ام علي : وين ساير تعال ياولديه خالتك بتتطبخ هاك العشا الغاوي .. وبنتعشا ارباعه شو تباه انته الكوفي ثرك الا لحقته سعود ولديه ..
طحنون : افا عليج يالغاليه بطبه عشان خاطرج يله اتفضلوا حياكم الله ..
وراحوا كلهم فوق وحدروا الشقه ومحمد كان قاعد في الصاله ومحمد كان قاعد وحاط رسوم حق لطوف ..
محمد : مابغيتوا اتون حارمينا الظهره عسب الشيخه لطيفه انا ماصبرت الا عسب خاطر شيخة الشيوووخ .. هااااا .. هيه معاكم وربع صوب يدته وقعد ايححبها وبيلوي عليها ..
ام علي : يعلني افدا ثرك ياغنااتي ..
ودشت اليازيه غرفتها وتموا كلهم في الصاله .. ودشت ام محمد المطبخ وخلت لطيفه اتروح تزقر اليازيه من الغرفه عسب اتروح اتساعدها في المطبخ ..
لطيفه ظاهره من المطبخ اتصارخ : يزوووي يزووووي ..
وطحنون قاعد في الصاله يسمعها وكل ماتقول الاسم قلبه يقرقع تقرقيع ..
لطيفه : يزوووي ..
ظهرت اليازيه وهيه لافه الشيله مالت الصلاه ولابسه عليها هييج المخوره اللي لونها بني والشيله نفس اللون ..
اليازيه : خيير ؟؟ امري ؟؟
لطيفه : ماماتي تباج في المطبخ ..
اليازيه : انزين .
وطافت اليازيه في الصاله عسب اتروح المطبخ .. ودشت على امها وقعت اتساعدها .. وخلاف حطوا العشا واتعشوا الرياييل ارباعه والحريم اتعشن عند ام علي في الغرفه ..

بيت بو عبدالله
الثلاثاء 9 الصبح
بوظـــــــبي ..

يابعد عمري احبـــــك ... واتمـــنى بس قربك
والله احلف لك بربــك ... مابي محبوب غيرك

اسماء : امايه الحين منوه بيوديييييني ؟؟ كيف اطرشون الدريول المزرعه كيييييف ؟؟
ام عبدالله : وانا شدراني اتحراج سرحتي من الساعه 8 ..
اسماء : لا اله الا الله عليه امتحااااااااااان .. الحينه شسوي .. دقيله خليه يرد ..
ام عبدالله : قده الحينه وصل سويحان من متى وهو ظاهر انته يالمقوي اشعنه ماتقولين ..
اسماء : ليش هاي العنز ماخبرتج اني مارحت ..
ام عبدالله : محد قالليه ..
اسماء : انتف شعر راسي اماااااايه عليه امتحاااااان ..
ام عبدالله : ووووووه يالقذا ..
اسماء : انزين ابويه وينه ؟؟
ام عبدالله :ابوج سرح صوب الشركه ..
اسماء تناقز مكانها : ياربي ياااااااااربي ..
ام عبدالله : مسودة الويهه قري شعندج ..
اسماء : امتحااااااااان امتحاااااااااااااااان ..
ام عبدالله : شو تبينها الجامعه والامتحان اكوه حليله الولد يتريا ..
غانم : هووووود ..
ام عبدالله : يعلني افدا قلبه ولد حلال .. اهداا يابويه ..
اسماء : انا عليه امتحان وانتي متفيجه تتفدييينه ..
غانم : السلام عليكم ..
اسماء وام عبدالله : وعليكم السلام .
غانم يطالع اسماء مستغرب : اعنبوه شو فيييج ؟؟من صباح الله خير ؟؟
اسماء : عليه امتحااااااااان الساعه 10 والدريول راح سويحان بييب صفر في الامتحاااااااان ياربي يااااااربي ..
غانم : وووووووه .. لا تصارخين .. نشي نشي بنوصلج انا وخالتيه نشي خالتيه ولا بتم ماكله فؤادج ..
ام عبدالله : يزاك الله خير يابويه .. بس كلك شي ابويه كل من المحلى هاذا غاوي ..
اسماء : هو متريق مايريد يتريق مش و قته ياربي ..
ام عبدالله : مسودة الويهه اسكتي .. خلي الولد ياكله شي ..
غانم يمد ايديه ويعطي ام عبدالله اوراق : ههههههه .. مابا اكل جان كلته بطني بيعورنيه .. خالتيه هاي الاوراق عطيهن عمي ..
ام عبدالله : ان شاء الله ياولديه ..
اسماء : امايه اروح ااييب عباتج ..
غانم وهو يظهر : انا بروح اشغل سيارتيه وبترياكم ..
ام عبدالله : لا انا بروح انتوا روحوا اتريوني في السياره ..وراحت ام عبدالله تركب الدري .. وظهرت اسماء وغانم موقف سيارته في الحوي ومنزل الجامه واسماء واقفه ع الدجه تتريا امها اتي ..
غانم : انزين تعالي ركبي ليش مستويه ناطور ..؟؟
اسماء : اركب معاك ارواحنا .. في عييييييييينك ..
غانم : مايحتاي باكلج عاد انا ..
اسماء : مابا حشا عليه اخاف ...
غانم : ليش بتركبين مع اكل لحوم البشر ..؟؟
اسماء : لا جازورا ..
غانم : ياساخافتج ع الصبح ..
اسماء : شسوي ..
غانم : اسموه تراج محتايتني لاتخليني استوي نذل واخليج واروح عنج ..
اسماء : ههههههههههه .. لا لا حرام خلاص انا اسفه يا ....
غانم يحرك له حياته : يا شو ؟؟
اسماء : هههههههههه .. ياابن عميييييييي ..
غانم : مالت عليج .. وفتن عليها يلللله تعااااالي ركببببببي ..
اسماء متروعه : انزين اكيه امايه يت ..
وراحت ام عبدالله وركبت حذال غانم وركبت اسماء ورا غانم وهو حاط المنظره عليها ويطالعها وهي كانت مب منتبهه عقب انتبهت .. تمت تضحك واستوا ويهها احمر .. وهو يغمز الها .. ويظهر الها لسانه .. وياشر ع قلبه ..
اسماء مدت ايديها جدام صوب الباب وقرصته : ااحسن ..
غانم : اخ............ وسكت ..
ام عبدالله : شو بلاك ابويه ؟؟
غانم : لا فديتج ماشي بس يديه اتعورنيه ..
اسماء بخبث: سلامات ماتشوف شر ..
ام عبدالله : ربك راقد عليها البارحه ..
غانم : هيه يمكن ..
ووصلوا الجامعه ..
غانم : اتفضلي الشيخه اسماء ..
اسماء : مشكووور ماتقصر نخدمك في عرسك .. ونزلت عنه ..

بيت بو سيف
الثلاثاء 4 العصر
الرمــــــــاح ..

خالد كان توه واعي من الرقاد .. واتصلت فيه نوره ..
نوره : مابغيت اترد انته وين من البارحه ماكلمتني ؟؟
خالد : الناس يوم تتصل اتقول السلام عليكم ..
نوره : لا والله وليش البارحه ماترد عليه ..
خالد : بتقولين السلام عليكم ولا لا ..
نوره : اوكيه بقول ..
خالد : وعليج السلام .. اتصدقين نواري اتولهت عليج ..
نوره : باين .. عسب جذيه اجوفك اتصلت ودقييييت ..
خالد : كنت تعبان .. متضايق ولين الحينه متضايق ولا تخليني احط الحره فيج ..
نوره : ليش من شوه متضايق .؟؟.
خالد : ماشي متضايق من شي وخلاص ..
نوره : لا الا اتخبريني من شوه متضايق ..
خالد : ايهيييه ردينا ع الحنه انتي اتعرفيني اني انا مااحب الحنه اشعنه هاي الحنه ؟؟
نوره : انا مااحن بس اريد اعرف شو فيك ..
خالد : ماشي ..
نوره : عيل ليش متضايق
خالد : بس استوى شي وضايقني والحينه خلاص ..
نوره : خالد اذا انته تحبني لازم اتخليني اعرف كل شي في حياتك ..
خالد : لا مش مهم ..
نوره : كيف مش مهم ؟؟
خالد : يعني مش مهم وخلاص ..
نوره : انزين خلاص انا ماريد اضغط عليك ..
خالد : محلاتج يوم اتكونين جذيه ..
نوره : هيه هيه قص عليه ..
خالد : حرام عليج يعني الحينه انا جذاب ؟؟
نوره : لا انا ماقلت ..
خالد : لا قلتي قلتي قص عليه ..
نوره : شحالك ..؟؟
خالد : بخير وانتي ..
نوره : الحمد لله ..
ناصر : خلوووود خلوووود نش ابويه يباااااك ..
خالد : يله ياينكم بتسبح وبيكم..
ناصر : بسرعه لا ترقد ..
نوره : شو يعني نحنا مانترتاااح ..
خالد : شو هليه اتبرا منهم يعني .. يله برايج بدقلج عقب .. وسكر عنها وراح اتلبس ونزل عند ابوه اللي كان ايريدهم ايرحون معاه العزبه ..
خالد : ابويه وقته ..
بو سيف : هاعيل متى وقته .. حق المغازل ماتقول وقته ..
خالد : حليلي انا مااغازل ولا اادله درب المغازل ..
بو سيف : مايحتاااااي ... يله يله نشوا ..
ونش بو سيف ومعاه ناصر وراشد وخالد وراحوا صوب لعزبه ..

بيت بو محمد
الثلاثاء 9 فليل
بوظــــــــبي ..

اصعب على الظالم وانا .. حالي مثل ميــــــت وحي
يعني انا بكل اختصـــار .. عايش ولاكن روحي فيك

حصه كانت قاعده الصاله وابوها توه كان ظاهر عنهم من عقب مااتعشا معاهم راح الميلس يقعد مع ربعه وتمت حصه تتطالع نجوم ومنصور قاعد يلعب سوني في غرفته ..
حصه : اليزاا..
اليزا : يس ..
حصه : روحي قولي حق منصور تعال حصه تباك ..
اليز : اوكيه ..
وراحت اليزا وزقرت منصور ..
منصور : ها شو ؟؟
حصه : ماتريد اتكلم امايه ؟؟
منصور : امبلا اريد ..
حصه : انزين تعال بندقلهم ..
وراحت حصه صوب التلفون ويا منصور وقعد حذالها .. واتصلت فيهم ..وشلته اليازيه ..
حصه : الوووووووووه ..
اليازيه : فدييييييت هالصوووووووت ..
حصه : فديييت روحج يزوي اتولهت علييييييج ..
اليازيه : جذوب البارحه مكملتنج ..
حصه : لا يالغبيه يعني هب على صوتج على شيفتج ..
اليازيه : ههههههههه ... وانا اكثر شحالكم ؟؟
حصه : بخير ربي يسلمج وانتوا شحالكم يزوي عندي سوالف وايد اريد اقولج اياهن يله متى بتردون ..
اليازيه : بالخميس ان شاء الله ..
حصه : الااه هالخميس ..
اليازيه : لا الخميس الياااااااي ..
حصه : طبعا انتي مستانسه قرب ناس ..
اليازيه : هههههههههه .. اه صخي .. اكتشفت شي يوم بوصل البلاد بخبرج عنه ..
حصه : الااه متى بتوووون وايد الخميس اليااااااااي .. شحالها يدتيه ويدي كلهم ابخير ؟؟
اليازيه : بخير وسهاله كلهم ابخير ويدتيه في البيت ..
حصه : فديتها عطييييني اياها ..
وتمت حصه اتكلم يدتها وامها وعقب كلمت لطوف وعطت منصور يكلم امه وعقب سكرت عنهم وتم منصور ايصيح ..
منصور : اريد امايه ..
حصه تلوي عليه : حبيببي خلاص الخميس الياي بييون ..
منصور : انا الحينه اريدها ..
حصه : فديتك لا تصيح.. وتمت لاويه عليه ودمعت اعيونها .. قوم نش بوديك عسب ترقد .. وراحت معاه عسب يرقد ويوم رقد نزلت عنه تحت وقعدت في الصاله .. تمت اتفكر في خالد .. اكيد انه الله هو اللي راد النا هالشي انه يستوي من بينا .. اكيد هالشي خيره اليه وله .. والخيره في مااختاره الله .. انا لازم ارضى باللي انكتب معايه انا مااعرف هو شو فهم او هو شو حط في خاطره .. بس خلاص انا عرفت حياتي ونصيبي في هالدنيا هو نصيبي ومثل ماصبرت لازم اصبر في هالحب واعيش فيه نفس ماعشت وانا مستحيل انساه او اني استغنى عنه او اني انسى حبه هالحب انولد فيييني ويوم انا بموت بيموت هالحب معايه .. وهاي حياتي والله يقدرني على اني اتحمل اللي فيها ...

بيت بو علي
الاربعاء11 فليل
العيـــــــن ..
مشاعر تنسجم مابيني وبينك ... يمررها خـــفوقي فــي شراييني
تزين دنيتي يازين من زيــنك ... وهبك الله الحسن ياكامل الزيني

سعيد : هوووووووود ..
الكل : اهدااااااا ..
سعيد : عوذ بالله شو ميلسنكم اهنيه ..؟؟
ظبيه: انته اللي شو يايبنك من وقت ..
سعيد : انا ياي ابدل اثيابي وبظهر ..
مريم : على ويين ان شاء الله ؟؟
سعيد : امايه مريوم يوم برد بخبرج وين سرت .. تراها مستويه امنا من سارت امايه وماتهتم فيني الا انا واليهال ومدام شمه اتساعدها وكل يوم اكلونا شي وقصوا علينا وحليلنا انا وحمدوه مستوين هوش يرعون فينا ..
شمه : ههههههههه .. ها حرام عليك الله وكبر عليك ..
سعيد : حرام عليه لاني قلت عن ريلج هوش .. خلاص بعير ..
شمه : سعييييييييد ..
سعيد : اسف قصدي هو قمر الكون ..
شمه : هههههههههه الحينه توك ..
ظبيه : انته ماتيووووووز ؟؟
سعيد : يله برايكن انا ماعندي سالفه مجابلنكن ..وراح غرفته عنهن ..
حصه : شحالهن رويض وفخور ؟؟
مريم : بخير ايسرج حالهن يونا هاك اليوم وودن الصغاريه العين مول ..
حصه : حليلهن والله اتولهت عليهن ..
شمه : ههههههه .. ختج وايد تستحي ..
ظبيه : ههههههه هيه مايتهاا هالحاله الا من خطبها سعيد ..
مريم : هيه قبل عادي تتضارب معاهم واتلسانهم واوانها عاده الحينه هاديه ومالها خص ..
حصه : ههههه .. حليلها ..
وشويه ياي فلاح وشال فطومه ..
مريم : ياويييييييييلي ويلااااااااه .. وربعت عنه وشلتها .. ليش اتشلها ؟؟
فلاح : هيه ثاحت وانا ثلتيها ..
مريم : لا والله ومنوه موكلنك ..؟؟
ظبيه : لا حبيبي مايشلونها هاي صغيره .. بطيح ..
فلاح : ماتاحت ..
حصه : يترياها اطيح .. فديتها عطييني اياها ..وشلتها حصه ..
فلااح : انذين ليث حثوه اتثلها ؟؟
مريم : لانها كبيرررره .. وانته ان شليتها بخبر بابا عليك ..
شمه : منوه الحلووووووو ..؟؟
فلاح : فلاااااااااااه ..
شمه : هههههههههه .. فديت فلاح انا .. وين حمدانوه بيطر اليه راسي ..
ظبيه : هههههههههه.. مجابل السوني من ياجبلها ينسى كل شي ..
ظبيه : اونه حلمان في الريم اونه انا حلميت في خالوه ..
شمه : ههههههه .. فديته ..
حصه : حلمييييت ..
ظبيه : هيه حلميييت ..هههههههه ..
مريم : سمحولي انا بسير ارقدهم وبييكم .. اخلاف ..
شمه : مسموووووحه ..
ظبيه : بالحل ..
وراحت مريم وشلت اعيالها ودشت قسمها ..
ظبيه : انا يوعانه بموت من اليوع ماشبعت ..
حصه : وانا بعد ...
شمه : شو رايكم في ام الربيان من الشوكه الذهبيه ..
حصه : هههههههه .. اي بطني ...
ظبيه : الاااااااه . وين منوه اللي بيب ..؟؟
شمه : بدق حق احمد بخليه وهو ياي ايبلنا ..
ظبيه : ريلج يتاخر ؟؟
شمه : لا اذا بيطول 12 ولا 12 ونص ..
حصه : هههههههه .. توها عروس يديده مايروم يتاخر عليها يتولهه ..
ظبيه : هههههههههه ..
شمه : حرام عليكن . والله صدق تبن صراحه انا في خاطريه ..
ظبيه : ليكون تتوحمين عليه ؟؟
شمه : هههههههه .. لا تو الناس ..
ظبيه : لا لا انا شاكه فيج ..
شمه : هههههههه ..لا حرام عليج مااظني بس صدق احس في خاطريه ..
ظبيه : لا خلاص سويتيها ..
شمه : انزين بتصلبه وشلت تلفونها واتصلت فيه ..
احمد : الوو ..
شمه : مرحب احمد شحالك ؟؟
احمد :بخير وسهاله انتي شحالج ؟؟
شمه : الحمد لله بخير انته وين ؟؟
احمد : اهنيه في القهوه مع ربعيه ..
شمه : بتبطي ؟؟
احمد : لا شوي وبرد ..
شمه : انزين انا في خاطريه ام الربيان من الشوكه الذهبيه ..
احمد : افا علييييج ان شاء الله من اعيوووووني .. لوتبيني انا اسوتيلج بو الربيان وتاكليني حاظر..
ظبيه اتصارخ : احمد شميم حامل ..
احمد : حلفييييييي ..
شمه : هههههههههه . ختك اتظهر عليه اشاعات ..
ظبيه : تتوحم ..
احمد : هههههههه .. خلاص ماعليه ان شاء الله بييبلكم ..
شمه : ماعليه برايك عيل واتحمل على عمرك ..
احمد : ان شاء الله .. مع السلامه ..
شمه : ربي يحفظك ..
الجــــــزء الثامـــــن عشـــر
ودعتــــكم ياليت ما كان ... يوم الوداع و القلب ممحون
اتسالني وش الذي كان ... لمفارج احبـــابه وش يكون


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 14-03-2012, 07:25 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



في لندن
الخميس 5 العصر

هالوقت كانوا كلهم مرتبشين لانه طيارتهم كانت الساعه 7 بتوقيت لندن وبتوصل الامارات الساعه وحده ع مطار بوظبي...
ام محمد : كل شي حطيتيه خلاص ؟؟
اليازيه : هيه كل شي ..
ام محمد : والثياب اللي في غرفة الغسيل كلهن يبتيهن ؟؟
اليازيه : امممممممم .. هيه اظن اني ماخليت شي ..
ام محمد : لا ماشي اظني روحي روحي شوفي يمكن شي ناستنه ..
اليازيه : ان شاء الله ..
ونزلت اليازيه راحت غرفة الغسيل اللي تحت .. حدرت وماحصلت شي وتوها بتظهر شافت طحنون توه داخل العماره باب غرفة الغسيل كان مجابل باب العماره ..
طحنون : بنتولهه عليكم وايد لين مانشوفكم ومن ارد بوظبي .. وانا اباج .. واباج تتريني لاني من ارد البلاد انتي بتكونين لي .. اتعرفين شو يعني لي ..
نزلت اليازيه اعيونها وويها استوا احمممممر وراحت تربع ع الدري وحدرت الشقه ..
طحنون : اه ياقلبيه .. يارب روف بهالقلب وهون علينا هالعذاب وصبرنا يارب ..
ودش وراه محمد ..
محمد : شو اتسوي ؟؟
طحنون اتروع : بسم الله شو بلاك ..
محمد : ليش واقف ..؟؟
طحنون : حرام اوقف ..
محمد : هههههههه .. لا لله هب حرام تم واقف ليكون قرروا ايحطونك السكيورتي مال العماره ..
طحنون : ههههههههه .. هيه وبشغلك معايه ..
محمد : لا لا انا مابا ..
طحنون ايدزه : طوف طووووف ..
وركبوا محمد وطحنون الدري اللي في العماره .. وراح محمد ودش عند هله وراح طحنون الشقه ...ومن عقب ماخلصوا وحطوا اغراضهم راحوا المطار ..

بيت بو علي
الخميس 10 فليل
العيــــــــن ..

نار شوقي جنة اسنيني *** المتيم في الهوى راعه
اه ويلي يوم تجفــــيني *** انقتل من عقرب الساعه

ظبيه : فديييت امايه والله انيه متولهه عليها ..
سعيد : اسميها البلاد بتنور بام علي يعلني افدا روحها ..
ظبيه : ابوج وين حصوه ؟؟
حصه : راقد ..
ظبيه : مابيروح ايبهم من المطار .؟؟.
حصه : امبلا قالي وعييني يوم بيون خوالج ايروحون ..
ظبيه : هييه حليله ..
احمد : يله الساعه 11 ونص بنتحرك عسب انروح انيبهم .
سعيد : ماعليه خير .. بروح انا اقعد في الميلس توه متصلبيه بطي ايقول هو وراشد بيمرون ..
احمد : هيه ماعليه بييكم انا ..
سعيسد : وايد بتيينا انته من اتشوف حرمتك تنسى كل شي ايلس ايلس الصق حبيبي الصق ..
شمه مستحيييييه .
احمد صد ع شمه وشافها جذيه : ياخي انته مالك خص ليش محتر ؟؟ روح عرس ..
سعيد : ابلي عمري بحرمه ..
ظبيه : اقولك انقلع لانه صدق ماعندك سالفه ..
راح سعيد عندها عسب يقعد ع ريلها وهي ادزه وتضرب اخر شي قرصته في خاصرته ..
سعيد : اااااخ يالجلبه ..
شمه : هههههههههههههه ..
سعيد : ليش تضحكييين ..
شمه : كيفي بضحك ..
احمد : سعووود يوز عنها ولا والله اتشوف شي ماشفته ..
سعيد : لا لا ماريد بظهر عنكم اخيرلي ..
حصه : ههههههههههههه .. سعيد اتحمل عن لا ااطيح ..
سعيد : هووووب شو يطيحنيه بعد ؟؟
حصه : لا بعد يمكن انته بس اتحمل ..
سعيد : ليش حظرتج داعيه عليه ؟؟
حصه : لا حرام عليك اعنبوه حليلي ..
سعيد : هههههههههه ..
ظبيه : مالت ..
سعيد: انقلعي .. وظهر عنهم ..
ظبيه اتصاصر شمه : خبرتييه ؟؟
شمه : هههه لاء ..
ظبيه : شو تترين ؟؟
شمه : مااعرف استحي ..
ظبيه : سكتي هاي احسن لحظه خبريه انتهزيها وخبريه يوم بيحدر القسم ..
شمه : ان شاء الله ..
احمد : شو اتقولين حق حرمتيه ؟؟
ظبيه : سوالف حريم انته شو يخصك ..؟؟
حصه : انا سمعت ههههههه ..
مريم : السلام عليكم ..
الكل : وعليكم السلام ..
مريم : اف مابغوا يرقدون جنهم حاسين ببابوهم اليوم بيي ..
شمه : هههههه فديتهم ياربي ..
مريم : حمدان رقد ؟؟
ظبيه : من الصبح فكنا من الحشره ماتشوفيني مرتاحه ..
حصه : عندها فترة نقاهه ..
وشويه ورن تلفون احمد وكان سعيد متصل ايقوله روح اتلبس عسب مانتاخر لانه يمكن الطياره توصل قبل الموعد ..
احمد : يله برايكم بسير البس عسب نلحق ..
ظبيه : يله اتحملوا ربي يحفظكم ..نشي حصوه وعي ابوج ..
حصه : اوكي . وراحت حصه عسب اتوعي ابوها ..
ونش احمد حدر قسمه وحدرت شمه وراه ..
شمه : اي كندوره اظهرلك .؟؟.
احمد : البيج فديتتج ..
شمه : ان شاء الله يعلني افداك .. وراحت شمه صوب الكبت وقعدت اتظهر له كندورته وغترته ودش هو الحمام عسب يغسل ويهه ...ويوم ظهر شافها قاعده ع الارض اتعابل التلفزيون .. يا من وراها ونزل نفس مستواها وباسها على خدها .. اتروعت شمه ولفت عليه بسرعه ..
شمه : ههههههه .. احمد ..
احمد : عيوووونه ...
مدت ايديها وحط ايديه في ايدها وتم ماسكنها ..
شمه : فديت اعيوونه ..
احمد سرح للحظه .. صدقيني ياشمه بديت احبج واباج بديت اهتم لكل شي اتسوينه ... فديت اطيب قلب في ها الدنيا كلها .. فديتتتتتته .. وتم راص على ايديها وهي تتطالعه معقده حياتها ..
شمه : ليش ساكت ؟؟..
احمد : تبين الصدق ولا ولد عمه ؟؟
شمه : لا اكيد الصدق ..ههههههه ..
احمد : افكر فيج ..
شمه منزله راسها : ربي لا يحرمني منك ...
حط احمد ايديه تحت ويهها ورفعه بايديه وحط اعيونها في اعيونها : ولا منج ياربي ..
شمه : احمد انا .. انا ..وشلت ايديها اللي كانت في ايديه وحطتها على ويهها ..
احمد : هههههههههههههه .. انتي ماتيوزين عن المستحىىى .. ؟؟
شمه : انزين بخبرك ..
احمد : اول شي شلي ايديج من على ويهج وخلاف خبريييني ..
شمه : لا حرام مااقدر ..
احمد : امبلا تقدرين ..وحط ايديه وشل ايديها اللي كانت على ويهها ..يله الحينه قولي ..
شمه مغمضه اعيونها : انا ..
احمد : رديناااااااا ..
شمه : ههههه لاء ..
احمد : شو في خاطرج ؟؟
شمه : امممممم .. احمد انا حامل ..
احمد : قووووووووووولي واللللللللللله ؟؟؟؟؟؟؟؟؟؟؟؟؟
شمه : والله ..
احمد : يعني انا بكون ابووو .. فدييييتج فديت روحج فدييييت قلبج .. وحط ايديه وشلها وحطها ع الشبريه وهيه منصدمه منه من خذته ماسوا هالحركه ..
احمد : من يوم ورايح انتي ماتتحركين ولا تنشين ولا ااتيييينن تفهمييييين ..
شمه منصدمه :........................
احمد : انزييييييين ..
شمه اتهز راسها :ان شاء الله ..
وشويه ورد اتصلبه سعيد ..
احمد : نعم خير ياهادم اللذات ..
سعيد : بسك اشبع من اللذات يله اترياك انا شغلت سيارتيه و شغلت سيارتك وانته لين الحينه ماييت يله عاد ..
احمد :انزيييينن ياااااااي... سعود باركلي بستوي ابوو ..
سعيد : احللللللللللف ..؟؟
احمد : والله ..
سعيد : هههههههههههه .. بالبركه يله تعال عيل عازمنك على عصير انا بس هب جنكم استعيلتوا توكم 4 اسابيع من معرسين ..
احمد : الله وكبر عليييك .. شو بيدنا بيد ربك .. مع ويهك .. وسكر في ويهه ..
شمه : هههههههه .. يله روح لا تتاخر ..
احمد : ان شاء الله فديتج وانتي بعد لا تعبين عمرج ..
شمه : ان شاء الله تامرني امر والحمد لله ربي بيحفظه ان شاء الله عاده هاي لا تتحركين صعبه ..
احمد : لا هب جذيه بس شويشوي ..
شمه : ان شاء الله غناتي اتحمل علىعمرك وربي يحفظك ..
حبها احمد ع راسها وبين حياتها ظهر عنها .. تمت شمه في الغرفه اتفكر في حالها قبل وحالها الحينه قعدت اعيونها تتدمع و تحمد ربها على هاي اللحظات كلها ..وعقب ظهرت شمه وراحت تقعد معاهم في الصاله وقعدوا يتريون لين الساعه 2 ونص .. كانوا توهم واصلين .. واول من دشت ا الصاله اليازيه فتحت الباب وحصلتهم كلهم قاعدين ..
اليازيه : يزووووووي وصلت العيييييييييييين .. فديتكم اتولهت عليكم .. وراحت لوت عليهم كلهم ويوم وصلت عند حصه قعدت لااويه عليها وحصه صاحت ..
حصه : فدييييتج والله والله اتولهت عليييييييج ..
اليازيه تمسح ادموع حصه : فدييييييييييتج حبيبي .. خلاص عاد .. وتمت لاويه عليها وتضحك ..
حصه : هههههههههه .. جب مايضحك ..وراحت حصه تربع برع .. وين ماماااااااااتي وشافت امها عاده ياله يوم شافت امها شو سوت قعدت اتحببها واتلوي عليها ..
ام محمد : فدييت قلبيه ونصخ فوادي حياتي دونج ولا شي يعلني افدا قلبيه فديييييييييييتج وتمت لاويه عليها ..
حصه : جفتي انج اتولهتي عليييييييه .. هههههههه ..
وراحت حصه سلمت على يدها ويدتها وخالها ودشوا كلهم واتبادلوا مع بعض السلامات ..وتموا قاعدين لين الساعه 3ونص ..
ظبيه : يله نشوا بسكم سوالف باجر العزيمه منوه بينش الها ؟؟
ام علي : هيه والله يابنتيه صدقتي ..
بو علي : يله تصبحون على خيير ..
الكل : وانته من هله ..
علي : يله مريم ..
مريم : ان شاء الله ..
وراحوا كلهم غرفهم عسب يرقدون عسب عزيمة باجر ..

بيت بو علي
الجمعه 11 ونص الصبح
العيــــــــــن ..

والله انه عروق قلبـــــــي كلها ترتاحلك.. ليتك الا مثل ماخذت بيــــــدك خذت بيدي
من لمست ايدك وانا اتفداك واتفدا هلك .. مادريت انه الهوى والعشق باللمس يعدي

حصه كانت قاعده تتعدل في الغرفه والكل كانوا قاعدين برع في الصاله يتريون العرب اييونهم .. وكانت تلبس شيلتها كانت حصه لابسه مغربيه لونها عنابي ولها نفس الشيله وهاللون وايد حلو عاطنها شكل مميز ومبين جمالها بشكل غير طبيعي وكانت حاطه جحال في اعيونها وايشدوا خفيف مايل ع العنابي وقلوس .. ظهرت برع وشافت شمه اللي توها كانت بتظهر من غرفتها وكانت شويشوي اتسكر الباب ..
حصه : صباح الخير ..
شمه : هلا الحص صباح النور ..
حصه : احمد راقد .؟؟
شمه : هههههه .. هيه اتشوفيني اسكر الباب شويشوي مافيني ينش ..
حصه : هو راقد في الغرفه يوصله الصوت ؟؟
شمه : هيه يوصله تراه رخام ..
حصه : ياعييني ياعيني ياحرمة خالي شو هالحلاه ؟؟
شمه : ههههههههه .. ياويلي منج ياحصيص عيونج الحلوه فديتج .. وبعدين انتي ماخليتي شي ..
حصه : امحق صدق حلوه المغربيه ؟؟
شمه : ليييييييش ؟؟ انتي عندج شك انهاهب حلوه ..
حصه : هههههههه . ماعرف ..
ونزلن شمه وحصه وتمت شمه قاعده في الصاله مع مريم وظهرت حصه اتشوف امها واليازيه ويدتها وظبيه اللي كانوا عند الطبخ ايشوفون الخدامات شو سون توها بتظهر شافت بنثلي رصاصي واقف في الحوي ونازله منه حرمه ردت حصه على ورا واتحجبت وردت ظهرت .. وشافت خالتها ام سيف ..
حصه : مرحبا الساع بمن يانا ..
ام سيف : وايه فديت هالزين كله يالحص المرحب باجي فديتج ..
ونزلت حصه من ع الدري وراحت صوب خالتها وسلمت عليها وظهرن ظبيه وام محمد ..
ظبيه : حي الله هل الرماح تو مانورت العين ..
وراحن ظبيه وام محمد وسلمن على ام سيف وشويه ونزل خالد من سيارته ..
خالد : السلام عليكن حرماااات ..
ام محمد : وايه يعلني افدا هالشوف ..
خالد مستانس : هلا وغلا .. وراح سلم عليهن مد ايديه وسلم على ام محمد ورد مد ايديه وسلم ع ظبيه وشاف حصه عرفها لانه امه زقرتها الحص مد ايديه هيه اول مارضت اتمد ايديها لكن عقب مارضت انها تقفطه ومدت ايديها تم يطالعها ورص على ايدها وهي حست بالهشي انصدمت فجت ايديها من ايديه بسرعه عطته ظهرها وحدرت الصاله وقلبها ايدق روحها بتظهر منها بس هب عارفه كيف تمسكها شعور غريب شعور صعب انه ينوصف .. وطبعا محد انتبهه على الحركه لانهم كلهن ملتهيات بعلوم بعض .. وخالد ايقول في خاطره .... ماشاء الله عليها هب زين فيها ماخلت شي من الزين ماشلته يالاااه محلاتها ..
واقسم برب العظييييييم انها اتحبببني .. واتموت فييني بعد .. اعيونها فاضحتنها بشكل غير طبيعي .. عاده كله ولا خالد اللي كان يفهم الانسان اللي جدامه بنظرة عينه بس ..ويعرف كل اللي يدور في خاطره ..
ام محمد : حياكم الله قربوا قربوا ..
ام سيف : الله يحيج فديتج وينها ختيه ..؟؟
ام محمد : انتي تعرفينها ختج ياخالتيه من الصبح نحن قابضينها داخل . الا لزمت اتروح واتشوف ..
ام سيف : افا عليج انا بسير اييبها الكم ..
وراحوا كلهم صوب المطبخ وكانت اليازيه عاقه شيلتها في المطبخ واتكلم يدتها شافها خالد واول مارفعت عينها شافته وسيده حطت شيلتها ع راسها واتحجبت .. ودشت ام سيف وسلمت على ام علي وعلى اليازيه وسلم خالد على ام علي ..
خالد : شحالج خالتيييه فديتج ؟؟
ام علي : بخييييير الله يسلمك ياغناتي انا بخير دامك ابخير ..
خالد صد ع اليازيه : شحالج ؟؟
ام علي : اتعرفها عاده منيه هاي ؟؟
خالد : هههههههه .. لا والله سؤال صعب ..
ام سيف : طالعي المنكر اللي فيهم هاي بنت الريم اليازيه ..
خالد : سمحيلي الريم والله انيه بناتج من ست اسنين هب شايفنهن ..
ظبيه : من كثر مااتونا تراكم ..
خالد : هههههههههههه .. حرام عليج والله ظروف ودراسه ودوام وشركات وعزبه ماشي مول وقت ...
ام محمد : لا خالتيه عرسيهم بيصطلبون ..
ام سيف : ياريت والله ياريت ..
خالد : ايهييه امايه ..
سعيد : هووووووود .. السلام عليييييكم .. حيبه شيخ المزايين ثرك اهنيه ..
خالد : شو اسوي ياي اشوف غرشوبة العين ..
سعيد : ههههههههه ...خشمك خشمك ..
وسلم خالد على سعيد ..وراحوا الميلس وتموا قاعدين اهناك وتيمعوا الرياييل كاهم واذن اذان الظهر وراحوا كلهم عسب ايصلون صلاة الجمعه .. وتمن الحريم ايين خوات ام علي وخوات بو علي وانترست الصاله كلها حريم .. وحطوا الغدا وتغدوا ..
ظبيه : حصوه وين حمدووه ؟؟
حصه : عند خدامتج واليهال قاعدين في الحوي ...
ظبيه :ابروووده برع وهوا فديتج نشي هاتيلها جاكيت من فوق لبسيها اياه مافيني تمرض عليه ..
حصه : اوكيه ..
وراحت حصه فوق ويابت الجاكيت حق حمده وظهرت برع في الحوي وحمده اول ماشافتها رفعت الها ايديها بفرح وشلتها حصه وقعدتها ع الطوله اللي في الحوي وقعدت اتلبسها وهي اتلبسها قصتها كانت اطير على ويهها لانه الهوا وايد كان قوي ..
حصه : حياتي انتي يله خشي ايديج .... شطوووره .. وباستها ع خدها ..
وخالد كان هالوقت في السياره ايكلم نوره وهو يوم كان في السياره كان ايشوفها لانه المكان اللي واقف فيه كان مجابل الحوي وهي ماكانت اتعرف انه هو في السياره لانه سيارته كانت مخفي .. ونزل من السياره وحصه كانت تعطي حمده حق الخدامه ..
حصه : حمدووووتي يله حبيبي روحي انا بروح شوي وبيي ..
وعقب ماشلت الخدامه حمده يت بتلف ويهها الصوب الثاني عسب اتحدر الصاله شافته يمشي عسب يحدر الميلس .. وكان بينهم تقريبا اربع اشبار اول ماشفته اتحجبت وهو تم يطالعها عادي وحدر الميلس نظراته عنت شي بس شو هالشي هيه مافهمته ..حدرت الصاله وتموا قاعدين وعلى العصر راحن الحريم عنهم ..
ام محمد : يله وينكن متى ناويات اتسيرين ؟؟ ورانا درب وترتيب اغراض ..
حصه : خلاص امايه نحن مخلصين ..
ام محمد : يله عيل نشن زقرن الخدامه خلوها اتي واتشل ..
وراحت اليازيه عسب تزقر الخدامات ..
ام مطر : شميم تتخبر عنج ختج اونه من عرست ماشفتها الا مرتين دومها تتحرطم ..
شمه : هههههههههه .. البارحه مرمستنيه تتحرطم عليه قتلها يامايه بييكم بالاثنين الا هيه ماتسمع حنانه هالبنيه ..
ام علي : حليلها يابنتيه لا تلومينها انتي ختها مالها غيرج ..
ظبيه : الحمد لله انا معوضتنها ههههههه ..
ام مطر : يعلني افدا نصخج ياظبيه انتي نور البيت ..
ظبيه : افدااج ياعمتيه ..
ام محمد : يله سمحيلنا خالتيه فديتج ..
ام مطر : بالحل يعلني افدا نصخج ..
وسلموا عليهم ام محمد وحصه واليازيه وركبوا السياره مع بو محمد عسب ايردون بوظبي ...
بيت بو محمد
الجمعه 9 فليل
بوظــــــــبي ..
ابي اشــــوف العــيد في مقلتيني ... واركب لقلبي جناحين واطير
وابغي اعـيش العمر ماعاد فينـي ... اصادم الايـــام ولا المــــقادير
اليازيه كانت قاعده اترواي حصه البدل اللي خذتهن الها ..
اليازيه : حصوووه احس بج هب مستانسه البدل هب عايبتنج ؟؟؟
حصه : لا حلوات ..
اليازيه : عيل شوو ؟؟
حصه : ماشي ..
اليازيه : لا والله فيج شي .. تعالي ههههههههه هاذا كله بسبب شوفة خالد .. ياوييييلي استانستي يوم شفتيه حصوه ؟؟
حصه : تبين الصدق ..
اليازيه : طبعا اني اريد الصدق ..
حصه : لا ماستانست وماكنت اتمنى اني اشوووفه ...
اليازيه منصدمه ويت قعدت ماجبلتنها : ليييييييييش ؟؟ معقوله حصوه بتخبليييني انتي كنتي اتصيحين كنتي تتعذبين كنتي تتدعين ليل مع نهار انج اتشوفينه وايشوفج لو دقيقه وعقب كل هاذا ماتبيييييييين ليش شو اللي صار وغيرج ..؟؟ شو اللي استوا ؟؟ خبريييني اريد افهم انا بديت استخف .. وبدت اتعلي صوتها .. حصووووه شووووووو ؟؟؟؟... شوووو اللي صار في غياااابي ؟؟
حصه قاعده ع الشبريه حاطه ايديها على ويهها : يزووووووووووووي .. ونقزت في حظن اليازيه وقعدت اتصييييييييييح ..
اليازيه : شو حصوه فديتج بس خلاص شو فيج خبريني شو صار يوم انا رحت شو صار خبريني حصووووووه ؟؟
حصه وهي اتصيح : انا سويت شي المفروض ماكان اسويه بس والله انا ماكنت اقصد ولا كنت اعرف انه هالشي بيستوي ..
اليازيه اهنيه حست انه اللي مستوي شي كبير: شووووووووووووو ؟؟ قوووووووولي ؟؟
حصه اتصيح وتمسح دموعها وكل ماتمسح الدمعه اترد الدمعه الثانيه : هاك اليوم كنت اصيح عليه لاني صدق اتولهت عليه ومارمت اتحمل غيابه اكثر وكنت روحي وحيده .. قعدت اصيح عقب ييت بدق حق خليل دريولنا عسب اخبره انه باجر منصور بيروح الدوام الصبح الساعه 10 مابيروح من سبع وانا استخدمت بطاقتج اللي عطاج اياها محمد قبل لا يسافر قعدت ادور رقم خليل وكان مكتوب بالانجليزي ومن كثر الدموع اللي كانت في عيوني مانتبهت انا حق منوه متصله شفت اول حرف ودقيت واتصلت حق حق ..
اليازيه حاطه ايديها ع راسها : بمنوووووووووه ؟؟
حصه : بخالد ويوم رد عليه انا ماعرفت وين دقيت قتله اسمحلي انا غلطانه ويوم سكرت رحت شفت الرقم عرفت انه رقم خالد وعقب تم ايدق وايدق وانا مارد عليه .. عقب طرشلي مسج ماعليه ايصير خير وانا من الروع هاك اليوم مادومت الصبح والصبح رد اتصل ورديت عليه قتله انا كنت مغلطه قالي الواحد يوم بيغلط مابيغلط على حد من هله .. انا انصدمت كيف عرف مع انه محمد كان قايلج انه محد ايعرف هالرقم .. انا سويت عمري استهبل اوني مااعرف منوه بعدين قتله الصدق قتله اني انا كنت مغلطه وتم هو يسالني عن يدتج وعرف اني حصه قالي انتي الحص انا سكتت وبعدين انا .. انا ..
اليازيه منصدمه ومعصبه : انتي شوووووووووو ؟ حصوه بذبحج شو بعد من البلاوي سوييييتي شوووو ؟؟
حصه : شافني اكلمه بطريقه غريبه فقالي انتي تكرهيييني قتله لا انا ماكرهك انته ولد خالتيه ليش اكرهك .. قالي انتي تحبيييني .. وتمت اتصييييييييييح ... وسكت عنه وماقدرت اتكلم وسكرت عنه بس مااعرف اذا هو انتبهه اني انا صحت ولا لا .. بس انا متاكده انه هو عرف .. وردت مره ثانيه اتصييييح ..
اليازيه : ليش ؟؟ لييييييييش ؟؟
حصه : مااعرف مااعرف .. يزوي لا تساليييييني .. انا ماكنت ابا هالشي يستوي لكن هاذا اللي صار شو بيدي اغير فيه .. وتمت حاطه ايدها ع راسها واتصيح شسوي اموووووت ... انا مارتحت في قربه ولا ارتحت بعده .. انا مكتوب لي الشقا والحزن طول عمري مع هالانسان ومااظني اني في يوم انا برتاح ..
اليازيه : الله راد انه يكشفج بهاي الطريقه .. الله راد انه حبج ينفظح له بالهطريقه وخلاص الله راد هالشي ليتج ياحصوه مادقيتي ليتج ماغلطتي ياليت بس شو فايدة الكلام .. بس احسن خليه ايعرف انج تحبينه او انج تبينه يمكن ايحس ..
حصه : بس انا اخاف يفهمني غلط .. ومايصدق الكلام اللي انا قلتله اياه ..
اليازيه : لا هو واثق فيج عدل .. وعارف انتي منوه وبنت منوه وكيف انتي تربيتي وانج انتي مابتسوين هالشي .. لا تفكرين في هالشي الله كتب لج هالنصيب وانتي لازم انج اتكملينه ..
حصه : اليوم انا يوم مد ايديه مديت ايديه له وتم راص على ايديه ويطالعني ..
اليازيه : شووووووووووو ؟ تستهبلين انتي ماتعرفين انه هالشي حرام من متى نحن انمد ايدينا الهم ؟؟
حصه : لاني انا كنت واقفه مع قوم امايه هو مد ايديه وانا تميت عقب مديت ايدي ماريد اقفطه يزوي هاذا حبيبي ..
اليازيه : بس هالشي حرام ..وانا ماريدج اتكررين هالشي لو حتى هو مد ايديه حطي شيلتج على ايديج ومدي ايديج له تفهمين ..
حصه :انزين انا ماكنت ادري .. اني المفروض اسوي جذيه ..
اليازيه : تتدرين حصوه اتمنى من كل قلبي انج تتوفقين مع خلود لانه عمري وحياتي ماشفت حب بهاي الطريقه ولا بشوف والله انه حبج له تعدى حبي لطحنون والله ...
حصه : بس اليوم اطالعني بنظره غريبه كان خاطري افهم هو شو يقصد ..
اليازيه : هو فهم انج انتي تحبينه .. ويمكن لو شفت هالنظره كنت بقدر افسرها لكن مااعرف احيدج اتفسرين نظارات العيون ومايصعبن عليج شمعنى نظرته هو اللي صعبة عليج ؟؟
حصه : لانها كانت غريبه وايد واتحير ..
اليازيه : الله بيسوي اللي فيه الخير ..
طاحت حصه ع الشبريه : احبه فديته والله فديته اموت فيه يزوي هو كل شي في حياتي مااقدر اتخيل لحظه من حياتي من دونه ..
اليازيه : حبج انفضح وهو عرف انج اتحبينه والحينه عليه هو انه يتقرب .. بانه يتقرب ويطلبج اذا كان هو صدق شارنج واذا ماكان شارنج طبعا انه مابيسوي شي ..
حصه : لا شووو اصلا انا بتم طول عمري عانس اذا ماخذته ..
اليازيه : باجر بتكبرين وبتعقلين ..
حصه : هالحب انولد في قلبي ومابيموت الا اذا مات قلبي واندفن تحت التراب وبيتم هالحب معايه ولا بيتغير .. انزييييييين .. خبريني انتي شو سويتي مع طحنون ؟؟
اليازيه : اااااااه فديته سكتي ياربي ياحصوه تتدرين شو قالي اخر مره .. بخبرج شو قالي اخر مره وبخبرج بكل اللي صار ..
حصه : الاااااااه .. يله قولي ..
اليازيه : قالي انا اباج واول مارد البلاد انتي بتكونين لي ومابتكونين لغيري ..
حصه : الاااه يعني خلااااص ..
اليازيه : ههههههههههه .. اظني ..
حصه : وانتي شو قلتيله ..؟؟
اليازيه : انا اصلا كل ماكنت اتصادف معاه وايقولي شي كنت اشرد عنه ..
حصه : ههههههههههه .. توم جيري شو ؟؟ يله يله قولي شو استوا بعد ..
وتمن اليازيه ايسولفن لين 11 وامهم محتشره عليهن عسب ينزلن يتعشن وراحن واتعشن ورقدن لانهن تعبانات وناشات من وقت اليوم وخصوصا اليازيه اللي مارقدت البارحه من تعب السفر .. وكان باجر اول يوم دوام لليازيه في الجامعه من عقب اجازتها اللي خذتها ..

بيت بو عبدالله
السبت 5 ونص العصر
بوظـــــــبي ...

لو غبت عن عيني بك القلب مشغول ... ياواحـــــــد له الحـــــــب قـــاده
لك منزل بالقـــــــلب ماهوب مــنقول ... لا والذي زينك على الناس زاده

اسماء كانت قاعده في غرفتها .. ياربي شو ياه غنوم من ثلاث ايام ماشفته اتولهت عليه ... ياربي كيف اخليه ايي اف منه مع ويهه ياحبه للتغلي .. فديته وفديت عناده .. ياربي هالانسان بيذبحني من كثر غلاته .. فقته ياربي يقهرررررررررني ليش مايا اففففففف ..خلني اروح تحت يمكن ايي ..ونزلت اسماء تحت وحصلت ام فهد عندهم .. وسلمت عليهاوقعدت ..
ام فهد : حيالله عروستنا ..
اسماء : الله يحيج ياخالتيه .. شحالكم وشحالهن البنيات ؟؟
ام فهد : بخير ربي يسلمج يتخبرن عنج ويسلمن عليج ..
اسماء : ربي يسلمهن من الشر ان شاء الله ..
ودشن مهره والعنود وهن يايبات الفواله ..
ام فهد : ليش عاده هاذاالتعب كله منوه ياينكم ماحيد حد غريب حادر عليكم ؟؟
العنود : افا عليج ياخالتيه هاذا الواجب نحن ماسوينا شي ..
ام عبدالله : حياج قربي ياغايه قربي قربي ..
ام فهد : ربي يسلمكم ان شاء الله ..
وقربت ام فهد وقعدوا يتفالون .وتمت قاعده عنهم لين 7 وظهرت عنهم ..
ام عبدالله : تتدرين اليوم خالتج شو يايه تبا ؟؟
اسماء : لا شو ؟؟
ام عبدالله : يايه اتحدد موعد الملجه الخميس الياي ..
اسماء : هاااااااا شوووووو ؟؟
مهره : ها ها .. شو اللي شو فساتيين ومفصله حق العرس شلي واحد منهن ولبسيه حق الملجه شو ناقصنج حبيبتي ؟؟
اسماء : انا ماتهيأت ..
ام عبدالله : ماعليه انتي اخر شي بيمل منج الولد وبيطفش وانتي تمي اتهيـأي ولا تتهيأين ..
العنود : حليله امبونه زعلان من ثلاث ايام مايانا ..
اسماء : ههههههههه ظنكم زعلان ..؟؟؟
مهره : لازم بيزعل حليله من الطاف اللي حظرتج اتسويله اياه ..
اسماء : هههههههه دواه يتادب .. يعني الحين شوووووو ؟؟
ام عبدالله : بسج ادلعتي وايد ثرج وايد نحن سكتنا عنج خلاص مثل ماقالت خالتج الملجه بالخميس عني بالخميس ..
اسماء : انزيييييين .. ههههههههه ..
العنود : هيه شيطانه اونها ماتبا الا انتي بتموتين عسب هاليوم ..
اسماء : كاشفتني ياحرمة اخويه ..هههههههه ..
ام عبدالله : يالمقوي انتي ..
اسماء : حرام عليج حليييييلي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 14-03-2012, 07:27 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



بيت بو محمد
السبت 8 فليل
بوظـــــــبي ..

اسراب حبك جاتني سرب مع سرب ... واتسيدن كل الضميـر وسرنبي
لحظات بعدك في الحشا ولعت حرب ... نيرانها بين الحـــنايا تشــــــبي

ناصر كان رايح بوظبي وام محمد وكانت اتكلم خالتها ام سيف .. وقالتلها دام ان ناصر ياي بوظبي خلي ايمر عليها لانه عندها اغراض وتبا اطرشها حق ام سيف ..
ام محمد : ها ابويه دليته ؟؟
ناصر : لا والله الريم عدني بيتكم ايضيع .. شو لونه ؟؟
ام محمد : بيج ..
ناصر : بيج وبطيخي ؟؟
ام محمد : هيه بيج وبطيخي ؟؟
ناصر : اخيرا هههههه .. خلاص ماعليه بطرشيليه حد اييب الاغراض ..
ام محمد : منوه قال .. انزل انزل عنبوه توصلني لين الباب ولا تنزل لا يابويه انزل انزل ..
ناصر : بس والله اني هب متاخر باجر عليه دوام ..
ام محمد : ماعليه فديتك نحن هب ماخرينك ..
ناصر : ماعليه .. ونزل ناصر ودش البيت وكانت ام محمد تترياه عند المدخل مال الصاله ..
ام محمد : حيالله من يانا ..
ناصر : ههههههه .. الله يحيج .. شحالج ؟؟
ام محمد : بخير ربي يسلمك الحمد لله ..حياك اقرب اقرب ..
ناصر : قريب .. الا وينه حميد ماشوف موتره ؟؟
وحدر ناصر وقعد ع الكرسي المجابل اللي الباب الي يدشون منه الصاله ..
ام محمد : انته تحيده ولد خالتك مجابل مزارعه ودومه في الميلس عند ربعه ..
ناصر : شو يسوي مسكين يلسة البيت ضيج ..
ام محمد : ماعليه اترياني شوي بروح بخليهم ايبلوك شي ..
ناصر : تعالي الريم و...
ام محمد تقاطعه : والله ماحلفت ليش عاده اعنبوه لو كاس عصير ياربي منك عاد انته استريح استريح ..
وظهرت ام محمد وتم ناصر قاعد روحه في الصاله .. وشويه الا اليازيه وحصه يصارخن ع الدري .. واليازيه رايحه صوب الصاله تربع وحصه تركض وراها بالواير مال الجراجه (الشاحن ) مال التلفون ..
اليازيه : امااااايه امااااايه .. وتربع ودشت الصاله وحصه وراها ..
حصه : يالسباله والله تنضربيييييييين ..
اليازيه دشت انصدمت وتمت واقفه فاجه حلجها اتريد تستوعب حلم ولا علم .. ويت حصه وراها وانصدمت هيه بعد ..ردت اليازيه ع ورا واداعمن هيه وحصه وراحن يترابعن .. وناصر من شافهن انصدم وقعد يستوعب اللي جدامه ويوم استوعب نزل عينه في الارض .. وهالوقت هن شردن .. تم يضحك من خاطره .. والله من اشوفها احس ان عروق قلبي كلها تتفتح معقوله هالبنت .. ماعرف شو الشي اللي يخليني من اشوفها اعتفس ..
ام محمد : حيالله من يانا ..
ناصر :الله يحيج ..
ام محمد : اتفضل ..
منصور : السلام عليكم ..
ناصر : هلا والله وعليك السلام ..
وراح منصور وسلم على ناصر وقعد حذاله ..
ام محمد : هاذا ريال البيت الحينه ..
ناصر : هههههه .. فديته ريال امبونه منصور ..
وقعد عندهم شويه ناصر واستاذن عسب يظهر وشل الاغراض وراح ..
ام محمد : حصوووووووه ..
حصه : هاا ياوييييلي امي تزقرني ليكون خبرها ولا شافتنا ؟؟
اليازيه : يالفضيحه الحين شو بيقول ..؟؟؟
حصه : بيقول حق خالد لا تخطبها هاي مينونه ..
اليازيه : جـــــــب متفيجه انتي ويا خالد مالج .. ياويلي لو امايه درت ياويييييلي ..
حصه : بروح اخبرها ..
اليازيه :بتغتاض ..
حصه : شو انسوي عيل ..
ام محمد : يزوووووي ..
حصه اتناقزمكانها : ياويييلي .. ياوييييلي ..
اليازيه اتاشر ع الارض : هههههههههه .. شو ها ؟؟ هههههههه .. اعنبوه هب روع ..
حصه : خلنا انروح عن لا تقرعنا ..
اليازيه : هههههههههه .. مافيني حتى انا بروح ..
ونزلن اليازيه وحصه ..
ام محمد : وينكن انتن ؟؟
حصه : الاااااه فواله منوه كان عندكم ؟؟
ام محمد : ناصر فديته ياي ياخذ اغراض خالتج ..
حصه : هييييييييييه حليلللللله ..
اليازيه : ههههههههههههههههههههههههههاااااي ..
ام محمد : بسم الله شو ياج تضحكين اروحج ؟؟؟
اليازيه : هااا .. لا ماشي ..
حصه : عادي شوي مينونه .. وقعدت حصه اتحرك ايديها حق امها اونه اليازيه مينونه ..
ام محمد : عافان الله .. الله لا تبلينا ..
حصه اتحب ايدها ورا وجدام : الحمد لله والشكر .. الله لا يبليتنا ..
اليازيه : شو حادره مستشفى الامراض النفسيه ؟؟
حصه : روحي انقلعي .. وراحت عنهم فوق ..

في وزاره من الوازات الحكوميه
الاحد 9 الصبــــح
بوظـــــــــبي ..

سيف كان يشتغل مدير قسم في هاي الوزاره وكان رايح ايودي ملف ضروري حق وحده تشتغل نفس شغلته بس هيه مديرة القسم مال الحريم .. راح وحط الملف ع طاولتها ..
سيف : السلام عليكم ..
ريم وخوله : وعليك السلام والرحمه ..
سيف : ريم ها الملف خلصيه عسب اشله عنج اخلاف .. وظهر عنهم ..
ريم : اف ياكرهي له ..
خوله : حرام عليج ريموه انتي الوحيده اللي حاطه عليه ولا كلهن بنات الوزاره ميتات عليه ودومهن ايطرنشله مسجات واوراق وورود وهو لا بس كل حد ..
ريم : زام حلجه على كل حد مااعرف شو يتحرا عمره ..
خوله : لا هو من مسكتي انتي المنصب هو اللي قام اييب الملفات لكن قبل حق اللي قبلج دوم ايطرش الفراش ويكتب الل يباه في ورقه ..
ريم : امحق مااعرف منوه بيطريله ..
خوله : حرام عليج ..
ريم : خوالي شحالها بدور ؟؟
خوله : ابخير ملعوزتني اونه البارحه لازم تبا اتسير بيت قوم امايه عاد اتعرفين انا اروح الدوام وارد هلكانه لا ااطلع ولا اروح الا بالاجازات ..
ريم : فديتها ياربي ..
وشويه ودش سيف عليهم ..حطت ريم ايدها ع خدها وقعدت تطالعه من تحت النقاب ..
ريم : ماخلصته ؟؟
سيف : اعنبوه الا شخطه بتشخطينها ..
ريم : منوه قالك لازم اقره .. لو سمحت من اخلصه بطرشه مع الفراش .. ممكن ..
سيف : يزااتي انا ياي اشل شي مهم وضروري هب ياي اتشحت منج.. وظهر عنهم ..
ريم اتسويله مالت : يقههر ..
خوله : هههههههههههه .. حرام عليج ..تتدرين سيف من اي نوع ..؟؟
ريم : وايد خقاق .. كل يوم ويا بسياره وبنات الوزاره كلهن يرمسن عن هالسالفه اف ياربي شو يتحرا عمره ..
خوله : حرام عليج احليله انزين شو يسوي يمكن ايبادل مع حد سيارته .. ليش اللي كل يوم في سياره خقاق ..
ريم : هيه عسب البنات اونه يشوفنه .. روحهن هب ناقصات وهو يزيدهن ..
خوله : والله انه هو مستصيب منج والله والله .. تتدرين من متى من هاك اليوم يوم يت سهيله من هاك القسم وقالتلج خاطري اشوف ويهج ورفعتي النقاب وهو حدر بالغلط والله انه هو من هاك اليوم مستصيب ..
ريم : مالت عليه مادري شو شاف من الخير .. اف خولوه صخي عني خليني اخلص مافيني ياكلني ..
خوله : هههههههههههههه ..
حبـــــــك يسوى كل العمــــــر ... والعمــــر من دونك زهيـــــد
عالــــي مقامـــــــك والقـــــدر ... وا عتز بك خلــــــي اكيـــــــد

اسماء والعنود كانوا فارشين الزوليه وقاعدين في الحوي .. وشويه الا سيارة غانم داشه الحوي ..
اسماء : ياوييييلي .. غنووووووم .. وربعت داخل .. ومن شافها اتنش ضرب الها هرن ..وراحت اسماء طبعا عند المنظره عسب اتشوف شكلها وعقب ردت ..
غانم : بتموتين اذا ماطالعتي شكلج ؟؟.. انا مابحط ولا منظره في القسم ..
اسماء : شحالك ؟؟ وينك عاش من شافك ؟؟
غانم : موجود انا .. الا ناس مايتخبرون عنيه ..
العنود : مايستحون هالعرب ..
غانم : مايستحون وبس مول مايستحوووووون .. هههههههههه ..
اسماء : حرام عليكم ..
غانم : ها العروس الملجه الخميس اليااااااي .. وسوالها حره ..
اسماء : عادي انا رضييت ..
غانم : اووه اووه غريبه صراحه في تطورات ..
اسماء : شفت عاد كيف ..
وشويه وظهر هادف ..
هادف : اوووووه غنووووووم شحالك ؟؟
غانم : روح البارحه شايفنك ماتشبع من كثر ماتحببنيه ..
هادف : مادري منوه اللي يحبب منوه انا عندي الدور والباقي على اللي يتشمم الريحه فيييني .
اسماء : هههههههههههههههههه ..
غانم : يالخام فقت ويهك ..
هادف : جب انتي مالج خص ..
غانم : وووووه وووووه لقطي ويهج ..
اسماء : جب انتوا الاثنينه جب يجبك ويجبه ..
هادف : تعالي تعالي .. ومسكها من ايدها وقعد يعوي ايديها ..
اسماء تضربه ع جتفه : ااااااااي اااااااااااي غنوم الحق عليه .. اي ..
غانم : ايييييييه .. شو ها فجها لا انش اثور فيك فجها ..ومسكه من ايديه وشل ايديه عنها ..
هادف : هاذا وانا اخذلك حقك منها ..
غانم : ماعليه انا اسجله عليها الحينه عقب باخذ حقي منها ..
اسماء : ههههههههه .. ماتروم ..
غانم : ماعليه بتشوفييييييين ...
اسماء : يحتااااااي ؟؟
غانم : الا يحتتتاي وبس ..
وظهرت مهره بشيلتها وعباتها ..
مهره : السلام عليكم
الكل : وعليكم السلام ..
مهره : ياعيني ياعيني غانم عندنا اليوم شحالك ؟؟
غانم :شسوي اتولهت عليكم وويت .. بخير ربي يسلمج انتي شحالج ..
مهره : الحمد لله بخير وسهاله ...
هادف : ها ها لا تقعدين يله نشي ..
مهره : هههههههه عوذ بالله روعتني ..
هادف : غنوم هب متاخر بمر عليكم القهوه ع الساعه 8 بخلص .
غانم : ماعليه خلاص اترياك وانا بعد بروح ..
وصد على اسماء اللي تمت فاجه اعيونها بعصبيه ...
غانم : ههههههههههه ..
ونشوا مهره وهادف وركبوا السياره وراحوا .. وتم غانم معاهم خمس دقايق واستاذن ..
اسماء : ماعليه بتشوف مابتشوفني لين يوم الملجه ..
غانم : ماترومييييين ..
اسماء : اوكيه بتشوف انته ..
غانم : انزين ماعليه ..
وظهر غانم عنهم .. وتموا اسماء والعنود قاعدين لين اذان المغرب ودشوا البيت ..

بيت بو علي
الاحد 11 فليل
العيــــــــن ..

انته من تستاهل اشواقي ... والخفوق وناظر عيوني
ساكنن في داخل اعماقي ... راسخ ومشــــيد اركوني

شمه كانت قاعده مع مريم في قسمها اتسولف معاها ووصل احمد قعد ايدورها ماحصلها اتصل فيها تلفون ..
احمد : انتي وين ؟؟
شمه : شو رايك انته وين بروح انا اهنيه عند مريم ..
احمد : هيه روعتيييني ..
شمه : هههههههه ..انته في البيت ؟؟
احمد: هيه تعالي اباج ..
شمه : هههههههه .. ان شاء الله الحين يايه ..
احمد : يله مع السلامه ..
شمه : ربي يسلمك ...
وسكرت شمه عن احمد ..
مريم : احمد اهنييييه ؟؟
شمه : هييييه اونه انتي وين سرتي ؟؟
مريم : حليله خلاص برايج بكملج السالفه عقب ..
شمه : ماعليه سمحيلي فديتج ..
مريم : لا غناتي مسمووووحه ..
وظهرت مريم عن شمه وراحت قسمها وحصلت احمد قافل الباب استغربت ..
شمه ادق الباب : احمد .. افتح ..
احمد : مابا افتح ..
شمه : ههههههههههه . ليش عاده ؟؟
احمد : اتولهتي عليه ؟؟
شمه : عن الحركات افتح تراني بروح وهب يايتنك ..
احمد : اهون عليج ؟؟
شمه : اممممممم طبعا لا ماتهون عليه افتح عن لايي سعيد ويفضحنيه ..
احمد : ههههههههه .. وفتح الباب ..
شمه : ليش تقفل عني حجرتيه المفروض انا اللي اقفل عنك الباب ..
احمد : ليش اتنشين من مكانج انا هب قايللج ترتاحين ..
شمه : حرام عليك .. انزين ان شاء الله .. بس انا ماروح مكان ..
احمد : انزين اتحملي شويشوي ..
شمه : حبيبي ..
احمد : اعيون حبيبج ..
شمه : بشاورك في شي باجر اريد اروح عند هليه وببات عندهم بس يوم واحد يوم يوم .. قبل لا تبدا انته دوامك انزين ..
احمد : هااااااا .. اتخلييييني اروحييييه ؟؟
شمه : يوم واحد ..
احمد : فدييييتت قلبج انا صح اني مابصبر لكن ماعليه بعد انا اعرف انج تبين اتروحين عند هلج افا عليج اعيوني لج ..
شمه : تسلم اليه اعيونك ..

بيت بو سيف
الاحد 12 فليل
الرمـــــــاح ..

دش ناصر على خالد الغرفه كان طايح ع الشبريه ويتكلم في التلفون ..
خالد : انته ماتعرف ادق الباب ؟؟
ناصر : كييييفي شواتسوي ؟؟
خالد : شو اتشوفني اسوي ؟؟
ناصر : منوه اتكلم نوره ؟؟
نوره : يالفضيييحه خالد ابرايك ابرايك ..
خالد : صبري .. ياخي انته ليش جذيه غلس شوتبا تباني اعرفك بعرفك..
ناصر : مايحتاي عاد انا يوم ابا حد باخذه من وراك اتعرف انته لوانا ابا اقدر اروح اييب .. هب عيزان ولا قاصر بس انا مش متفيج ومابا اضيع وقتيه ع الفاضي ..
خالد : ياي تعطيني محاضره ؟؟
ناصر : لا بس سكر من زمان خاطري اسالك سؤال واباك اجاوبني عليه ..
خالد :اسال عادي ..
ناصر : شو اسرار بيتنا كلها عندها ؟؟
خالد : خلاص برايج برد ادقلج عب ..
نوره : اوكيه باي ..
خالد : نعم خير شوعندك ؟؟
ناصر : انته هاي شوتبابها انته قارهني مالقيت الا هاي .. خلود انته تحبها ..
خالد : ليش انته شو جايف عليها ..؟؟
ناصر : الله يستر عليها انا هب جايف عليها شي .. بس انا ابا افهم انته تحبها وشو كان قصدك هاك اليوم يوم قلتليه انا اباها وبتعرف عقب انا كيف اباها ..
خالد : اذا تباني بجاوبك على سؤال واحد واختار جوابه والاجابه الثانيه احب اني احتفظ ابها لنفسي ..
ناصر : اوكيه انته تحبها ..

الجــــزء التاسع عـــــشر

لاني بعطشان ولاني بشارب الماي ** ولاني انا ماخذ ولاني بمعـــــــطيه
لاني انا المذكور ولاني بمنــــساي ** مدري انا اللي غالي او اني اغليه

بيت بو سيف
الاحد 12 وربع فليل
الرمــــــــــاح ..

ناصر : انته تحبها ؟؟؟
خالد : هيه احبهااا ..
ناصر منصدم : جذاااااب .. انته اللي كانن في ايديك ملكات جمال العالم ماحبيتهن حبيت هااااي ؟؟؟ ليش شو السبب ؟؟
خالد : ماعرف بس اللي اعرفه اني حبيتها ..
ناصر : اوكيه حبيتها وعقب ؟؟
خالد : وبس ..
ناصر : يعني انته اتحبها وبعديييييين ؟؟؟
خالد : وبس .. شو هو بعدين ؟؟
ناصر: يعني اتفكر انك اتخطبها ..؟؟
خالد : والله شي راجعلي هالشي .. اني اخطبها مااخطبها .. وهب شرط احبها اخطبها ..
ناصر : تتدري انك انته ماعندك سالفه يوم اطيح على هاي الاشكال الخايسه ..
خالد : اظهر الله يخليك اظهر لا تقعد تتفلسف واتسب الخلق ..
وعطاه ناصر نظره قويه وظهر عنه وسكر الباب ....
خالد : لا حول الله .. وشل التلفون واتصل في نوره ..
نوره : ها شو يباك ؟؟؟
خالد : ماشي كان يرمسني عن شي ..
نوره : هييييه ..
خالد : انزين حبيبي بخليج انا الحينه عسب ارقد وبدقلج باجر لانه عليه دوام ..
نوره : انزين وانا بعد وعاد هله هله في البنات اللي وياك في الدوام لا تقعد تتطالعهن ويستهبلن عليك وتستهبل عليهن ..
خالد : ههههههههه .. لا افا عليج انا جنتل ..
نوره : هههههه .. هيه زين خلاص اوكي ..
خالد : اوكي يله مع السلامه ..
نوره : ربي يسلمك ..
وسكر خالد ..

سيارة احمد
الاثنين 5 العصر
العيـــــــن ..

انته دفا كل الـــــعواطف اذا هـــب...نسناس برق الشوق لا صرت قربي
شعور ويلبيك في الشرق والغرب ..من ويـــــن مانديت خلــــي تلــــــبي

احمد كان مودي شمه سويحان عند هلها ..
شمه : وايه ليش تمشي شويشوي ..؟؟
قعد احمد يطالعها ومد ايديه وحطاها ع بطنها : اخاف عليييييج ..
شمه قفطت : انزين ..
احمد : هههههههه .. ليش اتغيرين الموضوع ؟؟
شمه : لا مااغيره منوه قال ااني اغيره افا افااا ..
احمد : فدييييييت هالعيون انا ..وطول ع المسجل وكان حاط حربي شلني ويالس ايحرك ايده ع فوق ويبس برقبته ..
شمه : ههههههه ..انزييين وبعد .؟؟ بعد ..
احمد : هههههههه ايووووول ..
شمه : لا والله وين ان شاء الله .. هيييه ماعليه مستانس لاني بروح عنك وببات عنك عند هليه هيه مستانس بتم روحك وبتفتك منيه اعنبوه يااحمد انا لها الدرجه هم ثقيل ع صدرك ماعليه ماعلييييييييه .. خلاص زعلت انا ..
واحمد ساكت ومعقد حياته ويبتسم ع كلامها شويه ونقع من الضحك .. ولف المنظره عليها : شوفي كيف شكلج ..ههههههههههه .. فديييتج ياربي حرام عليج شميم الحينه انا غديت جذيه امبوني اصلا انا اللي كنت اقولج لا ااتروحين واتباتين واتخلينيه اروحي ..مستانس لاني معاج مستانس فيج مستانس لانج بتكونين ام ولدي ..
شمه مستحيه وقاعده تلعب في الدبله اللي في ايديها : ههههههههه .. لا لا انا جذيه مااتحمل .. خلاص مدام جذبه افا عليك عبر عن رايك .. واستانس وعليه انا اصفق لك ..
احمد : هههههههههه صدق ..
شمه : هيييييييه صدق ..
ومد ايديه احمد ع ورا ومط العصاه اللي في سيارته وشلها وقعد ايسوق وايول بالايد الثانيه وشمه لاصقه في الجامه اخر شي اتخاف العصاه اتيها في ويهها ..
شمه : احمممممممد اعيووووني .. شويشوي ..
احمد : هههههههه روحي انخشي انخشي بعيد ..
شمه : انزييين ههههههههه بس بس .. خلاص والله انك اخير يويل واحلا يويل شو تبا بعد بس بس ..
احمد : ههههههههه .. فدييييت قلبج انا وفؤادج فديته ..
شمه مدت ايديها وحطتها ع ايديه : ولا منك ياربي ..
وبعد ساعه كامله وصلوا سويحان ونزلت شمه عسب اتسوي حق احمد درب ..وكانت لابسه جلابيه مخوره لونها بطيخي وشيله صلاه من نفس اللون وحاطه ميك اب خفيف ..
شمه : السلام عليكم .. وراحت سلمت على امها ... امايه احمد خاري بيحدر ..
ام مطر : فديييته اعنبوه حياه الله البيت بيته . وظهرت له ام مطر وسلمت شمه على ظبيه وعزه ..
ظبيه : ها العروس شحالج ؟؟
شمه : هههههه .. استويت جديمه ..
عزه : اف عليج غبار بعد ..
احمد : السلام عليكم ..
عزه وشمه وظبيه : وعليكم السلام .. وراح احمد وايهه ظبيه..
احمد : شحالج عزه ..؟؟
عزه : بخير ربي يسلمك انته شحالك ؟؟
احمد : بخير وسهاله ..
حمدان : عمووووتي ثمممممممممه .. وربع صوبها ولوا عليها ...
شمه بتشله : فديييتك ..
ظبيه : هاااااا هااااااا اتحملي ..
شمه : ههههههههه نسييييييييييت .. وايييه فديت شيخ سويحان انا ... وتمت اتحبه ..
احمد : بس حق عموه شمه وحق خالي احمد ماشي ..
حمدان اونه عاد مستحي ويغير السالفه : ايييييهييهيههههههههييييي ..
احمد : ماعليه ماشي فان سيتي ولا شي سيرة دبي ..
حمدان : عند هييج البنيه ..
شمه سيده صدت عليه ..
احمد اهنييييه قفط : هييييه عند هييج البنت الصغيره ..
ظبيه تغطي ع اخوها : هاك اليوم مودنه وياه في دبي واتعلقله في بنيه كبره وماطاع الا يلعب معاها ..
احمد : قذانا فيها كل مانطريله سيرة دبي طراها خلاص من وين انيبها لك ..
شمه : هههههههههه .. حمدانوه من الحينه اتقنص ع البنات ..
عزه : مابيظهر اخير عن ابوووه ..
ام مطر : مسودة الويهه . شيخج ابوه ..
ظبيه : شووووووه ؟؟؟..
عزه : هههههههههه .. سابقا سابقا ..
ظبيه : هيه اتحرا بعد ..
شمه : عادي الحرمه ماتحاسب ريلها على اللي سواه في ماضيه اتحاسبه من اليوم اللي خذته فيه .. وتمت تطالع احمد .. اطالعها احمد بنظره وكانت هالنظره اتقول انج كبيره بعقلج وابتسملها وهز راسه ..
احمد : يله عيل انا استاذن عنكم والسموحه ..
ام مطر : وين يابويه ايلس معانا يعلني افداك الحينه بيي مطر وبنقعد وبنتعشى ارباعه ..
احمد : لا فديتج مشكوره سمحيليه مواعد اعيال خالتيه وبروحلهم ..
ام مطر : مدام جذيه برايك عيل ربي يحفظك فديتك ..
احمد : يعلني افداج .. ونش حبها ع راسها .. يله مع السلامه ..وتوه بيظهر ظهرت وراه شمه وحمدان كان ظاهر معاهم ويوم وصلوا عند باب الصاله ..
احمد : انته وين ياي .. ؟؟
حمدان : بنرووح دبي ..
احمد : هههههههههه .. لالله هب رايحين دبي ولا الله قاله بسير انا العين ..
حمدان : انزين بروح عند يدوه .. صبر بروح اييب ثيابي ..
ظبيه : ماشاء الله عليك تعال تعال .. الحينه بينش ابوك وين بتسير .؟؟.
حمدان واقف و حاط ايديه ع خواصره : بسير دبي مع خالي ماتفهمييييين ..
ظبيه : لا الغالي ماافهم تعال اطالع هاذوه حطوه انا واخي ..
احمد : يوم الاربعاء بيي اشلك انزين ..
حمدان ايصيح ..
احمد : خلاص مول انته هب طابنها العين جانك الا بتصيح اخ عليك اعنبوه من متى الرياييل يصيحون ..
حمدان : انزين مابصيح .. بتوديني الاربعاء ..
احمد : هيه اننتوا بتونا بالاربعاء انزين ..
حمدان : انزيين ..
شمه : يله عيل احدر داخل وانا بتم معاك اهنيه انا هب مروحه وبيي العب معاك ..
ظبيه : قبل عادي تلعبين معاه الحينه شو خانج تلعبين معاه ..
احمد : ها ... ها .. هلله هلله في حرمتيه تراني بشلها ..
ظبيه : هههههههههه ..
ام مطر : ربي يخليكم لبعض ياربي ..
الكل : امييييين ..
عزه : تعال لا تخرب الجو .. تعال انا بخبرك شي ..
احمد : هههههههههه .. يله مع السلامه ..
الكل : ربي يسلمك ...
وراح حمدان عندها .. وظهر احمد وظهرت وراه شمه عسب اتوصله لين باب السياره .. وراح وبطل الباب وركب ووقفت هيه حذاله وهو منزل الجامه ..
احمد : بتولهه عليج ..
شمه : ياربي انا اللي بتخبل من الولهه عليك ..
احمد : هههههه .. فديتج .. تعالي بقولج شي ..
دخلت شمه راسها من الجامه وحطت اذنيها عند حلجه وباسها هو على خدها بوسه طويله ..
شمه : ههههههههههه .. اااااااه ..هههههه .. طلعت روحي ..
احمد : فديييييييت روحج انا ..
وان الخدامه شاله الصينيه مالت الفواله وشافتهم ..
لينا : سلام اليكم ماما شمه ..
شمه مستحيييييه : ههههههههههه وعليج السلام لينا شخبارج ؟؟
لينا : الهمد لله تمام .. ودشت بالصينيه في الصاله ..
احمد : ياربي انتي من الكل بتستحين .. يله خلاص عيل برايج فديتج وانا باجر ياي اشلج ..
شمه : ههههههه .. ان شاء الله .. اتحمل على عمرك شويشوي انزين ...
احمد : ان شاء الله فديتج ..
شمه : ربي يحفظك وتوصل بالسلامه .. اول ماتوصل دقليه ..
احمد : انتي كل ربع ساعه بدقين ؟؟
شمه : هههههههههه .. خلاص اوكيه ..
احمد : خلاص ان شاء الله خير .. وظهر احمد ودشت شمه الصاله عند هلها ..
عزه : ها روح قيس ..؟؟
شمه : هههههههه فديته ..
عزه : ياويييييييييلي ويلااااااه .. اخوج عذب ختيه ..
ظبيه : جفتي عاد ..
شمه : هههههه شحالج امايه ؟؟
ام مطر : بخير فديتج ربي يسلمج انتي شو وحامج ؟؟
شمه : يعني زين ومش زيييين ..
ام مطر : الله يقومج بالسلامه ياربي ..
الكل : امييين ..
وتمت قاعده معاهم اتسولف ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 14-03-2012, 07:32 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي


بيت بو محمد
الاثنين 7 المغرب
بوظــــــــبي ..

ليش ما تنشد عن احوالي .. دامني انشد عن احوالك
و يوم انـت يالغــــلا غالي ..لا تخلــــي مغرم ٍ هـــالك

حصه كانت قاعده مع امها واليازيه في الصاله ..
اليازيه : متى بتخلص البدل العزيمه بالخميس ؟؟
حصه : ماعرف الفاتوره ظاعت عني..
اليازيه : ماشاء الله ليش ان شاء الله ضاعت..؟؟
حصه : انزييين شو اسوي ظاااااعت احطها في تجوري واقفل عليها يعني ..
ام محمد : انزين دورنها ..
حصه : انا دورتها ودار راسي من كثر ما ادورها ماقدر ادور بعد ..
اليازيه : اتفضلي اتصلي في البداله وخذي الرقم وكلميها ..
حصه : انزين شواسمه ؟؟ نسيته ..
اليازيه : افففففففففف .. الحينه لو قايليج اذكري شي عن بعض الناس جان مانسيتيه اسمه الاسطوره اتصلي فقتج ..
حصه : ههههههههههه .. واااااااايه .. وانسدحت ع الارض ..
اليازيه : بدوس في بطنج ..
حصه : ههههاااااااي ...
اليازيه : غبيه هالبنت ..
ام محمد : شو نسوي الله يهداها ..
وراحت حصه صوب التلفون واتصلت في البداله وطلبت الرقم واتصلت وكلمت الحرمه اللي اهناك وقالتلها انهن بيخلصن بالخميس الصبح ..
حصه : قالت بالخميس الصبح ..
اليازيه : شو بالخميس نحن بنسير العين بالاربعاء ..
ام محمد : ليش مستعيلات بنشل بدلكن وبنروح العين .. عادي الخميس الاربعاء كله تراه نفس الشي يعني انتوا متى توصلون العين الا فليل جنكم بتوا ..
حصه : شو نسوي محتايين لازم نتريا .. بتصل في ظبايه بخبرها ..
حصه : ماترد ..
ام محمد : يمكن قاعده مع قوم عمتها تحت دقيلها ع موبايلها ..
واتصلت حصه ابها ع الموبايل ..
ظبيه : هلا وغلا ..
حصه : اهلييييييين وسهلييييييين ومرحبتين وبوستين ع الخدييييييين ..
ظبيه : ههههههههه .. شحالكن ؟؟
حصه : بخير ربي يسلمج وانتوا شحالكم ..
ظبيه : الحمد لله ..
حصه : انتي وين في البيت ..؟؟
ظبيه : هيه قاعدين في الحوي انا وعزوه وشميم ..
حصه : شميم عندكم ؟؟
ظبيه :هيه اليوم يايتنا وعاده باجر بتروح ..
حصه : هيييه حليلها سلمي عليهم ..
ظبيه : ماعليه سلامن يبلغ .. انزين بدلتيه خلصت ولا ؟
حصه : لا بالخميس الصبح بيخلصن وعسب جذيه داقه انا عسب اخبرج ..
ظبيه : شو بالخميس .. منوه بيبهن ؟؟
حصه : شو نسوي بنتم نحن وبني العين عقب ماناخذ البدل..
ظبيه : ماعليه عيل يوم انكم بتون بيتبونها معاكم ..
حصه : ماعليه انزين عيل برايج ..
ظبيه : اوكي بدقلكم انا خلاف يوم بروح فوق ..
حصه : اوكي يله مع السلامه ..
ظبيه : ربي يسلمج مع السلامه ..
وسكرت حصه عن ظبيه ..
اليازيه : ها شو قالت ؟؟
حصه : عادي ماقالت شي قالت اوكي ..
ام محمد : وانتي واقفه زقري الخدامه خليها اتحط العشا ..
حصه : شو دياي ؟؟
ام محمد : عيل اخوانج عليهم مدارس باجر ..
حصه : يزوي تعالي بنسير نتمشى في الحوي ..
اليازيه طاحت ع الكرسي : متفيجه انتي انا تعبانه ..
حصه : ياربي انتي ليش جذيه عيووووووز ؟؟
اليازيه : ماعرف بعد ربج انا جذيه عيوز مع ويهج ..
وراحت حصه ومسكتها من رقبتها وقعدت تزغدها .. واليازيه اتصارخ ..
ام محمد : يالسباله ياللي ماتستحيين خلي ختج اعنبوج مجرمه ..
اليازيه : والله تنظربين يالسباله ..
حصه : اف ملللللللللل .. امايه قومي بنظهر بنروح المارينا ..
ام محمد : انتي شو قاصين سرج اهناااااك ؟؟
حصه : اففف الحينه لو انا معرسه وماخذه خالد جان كل احد وخميس بظهر .. وبستانس يوم المطعم ويوم السينما اف اف الاه وناسه ..
ام محمد : مايحتاي عاده ..
اليازيه : ههههههههههه .. تحلم الحلم واتسويه بيديها علم عيشي عيشي العلم ونشت اليازيه ودزتها صوب راسها وراحت عنها فوق ..
حصه : جوفي بنتج واتقولين بعد ..
ام محمد : انتي اللي عايله عليها ..
حصه : المفروض اتكونين متولهه عليه انا اكثر مايسد انج سافرتي عنيه وخليتي اروحي المفروض اتحبييييييييييييني .. يارييييييييمي
ام محمد : انتي ماتسمعينها رمستيه ..
حصه : افا عليج اللي تبينه انا بسويه امري تبين اعيوني .. وحطت ايديها على عيونها .. ها بجلعهن وبحطهن لج ..
ام محمد : ههههههههههه .. هبله ..
حصه : الله يسامحج خلاص انا بروح عنج فوق وبخليج اروحج ..
ام محمد : ربي يحفظج اممره انا للي برتاح وبفتك من هاي الصدعه ..
حصه : ههههههههههه .. انزين ماعليه ماعليه ..
وراحت حصه فوق عن اليازيه اللي كانت فاتحه المسن وقاعده ..
حصه : الااااااااه شو تسوييييييين ..
اليازيه : ماشي اترياه ايحدر ..
حصه : ههههههههه .. انتي ماتتدرين انا مسولج ابلوك ودليت ..
اليازيه : حلفي ..
حصه : والله .. جوفي حتى في الخصايص ..ودشت حصه وراوتها ..
اليازيه : هيييييه والله سخيف ..
حصه : هههههههههه لالله بالعكس فنان امره ماعليه كلام يوم انه مايخون ..نشي نشي بجوف منوه من الشله اون لاين .. ونشت اليازيه وقعدت تتدرس وحصه قاعده ع النت تقرقر مع ربيعاتها ..


بيت بو عبدالله
الثلاثاء 2 الظهر
بوظـــــــــبي ..

انته والله بحياتي واقعي والمراد *** لك عهود المــــحبه ياحبـــيبي اكيد
حبك اللي تمكن في حشايه وساد *** واستحل الفؤاد وجارين في الوريد

اسماء : امايه البارحه رمستي طحنون قال بيي ..
ام عبدالله : لا فديته ايقول مايروم ايي وايد هو ماخذ اجازات ونازل البلاد ..
اسماء : فديييييت روحه انا اباه ..
ام عبالله : يوم هو اهنيه اتضاربينه ...
اسماء : من غلاااااااااته .. بتصلبه بدلع عليه ..
ام عبدالله : خلاف عاده لانه هو الحينه في الجامعه ..
اسماء : هيه بدقله عقب .. افففففف شو هالحاله هاي مالت الكوشه متى بتي ؟؟؟
ام عبدالله : انتي يالقويه شو تبين كوشه ومادري شو وحالتج لله اعنبوه الا هيه ملجه هب عرس ..
اسماء : امايه تتدرين عاده انتي ملجة منوه هاي ؟؟؟.. هاي ملجة اسماء بنت مايد لازم اتكون ع المستوى المطلوب ..
ام عبدالله : انا هب قاهرني شي كثر ام فهد مطاوعتنج في كل شي ..
اسماء : ههههههههه ... فديتها خالتيه مطاوعتنيه في كل شي حرمة ولدها لازم ..
مهره : ماعليه انتي تمي جذيه نحن بنادبج وبنخلي غانم يحدر عليج ..
اسماء : ههههههههههههه .. نو امباسيبووووول .. مستحيييييين نو وييييييه .. حق هالشي والله لا اروغه ..
العنود : ياويييييلي بتروغينه عيل كيف اتحبينه ؟؟
اسماء ويها استوا احمر : ام نهياااااااان ..
العنود : ههههههههههههه .. من اصبحتي طايحتبنا ..
اسماء : حرام عليكم حليلي ادلع عليكم عقب 5 شهور محد عندكم بيدلع عليكم ولا حد بيضحكم ..
ام عبدالله : ياله اسمينا بنفتك من الخبال بنرتاااااح .. اف حشاااااا ..
اسماء : هههههههههه . اعنبوه ياامايه ..
مهره : من الخااااااطر ظاهره ..
اسماء : ههههههههههههه .. حليلي ثرني حمل ثقيييييل ..
ام عبدالله : انتي بدال هالخبال اللي انتي قاعده فيه اشعنه ماتروحين الصالون تتحنين ..
مهره : عمتيه اتصلنباها المحنايه بتي الساعه اربع ..
اسماء : امممممممم اليوم شو عندي شو عندي ؟؟ قالوا معايه شو ؟؟
مهره : منوه اللي بيملج نحن ولا انتي ؟؟
اسماء : ههههههههه ... انا بس والله وايد اشياء في بالي ..
العنود : وغانم شي من هاي الاشياء ؟؟
اسماء : تقريبا اخر شي ..
ام عبدالله : حليله هالولد انا لازم امسكه وانصحه عسب مايقول عقوني في حلج بنتهم اللي ماتخيل ولا تستحي ..
اسماء : هههههههههههههه .. ماعليه عقب بتصيحين عليه .. شرات ماصحتي على سلااااامي ..
ام عبدالله : فديتها سلامه امبونها كل حد ايحن عليها ويباها لكن عمرها ماسوتبيه اللي انتي اتسوينه ..
العنود : ماعليه هيله قوم الطعش غير ..
اسماء : لا واللللللللله هيييييه نحن قوم الطعش غير بنتج عرست بغله واحد وعشرين عادي عندها ..
ام عبدالله : والله انه محد بغله في الدنيا هاي بكبرها الا انتي .. فكينا الساعه كم بتي هاللبنانيه اللي بتسويلج الكوشه ..
اسماء : اظني خمس واصلا انا سبع بظهر بروح اسوي البروفه مالت الفستان ..
العنود : اي فستان بتلبسين اللي عند منوه ..؟؟
اسماء : تراني مفصله معاكم ثلاث فساتين وبكمل عقب الباقي بلبس الفستان اللي فصلته عند شانيلا مهاري اتقول هواحلا ..
مهره : هيه هو منفوخ من تحت يعني يبين انه فستان ملجه بعدين حلو اللون الفوشي عليها لانها بيضا وبتحطلها دولا الميك اب الفوشي وايد تضبطه ..
العنود : هيه صح ..
اسماء : فديتني كبرت .. هههههههه ..
ام عبدالله : يله وينهم ريايلكم بنتغدى ؟؟
اسماء : مادري والله ..
العنود : هههههههههه لا والله ؟؟.
ام عبدالله : وانتي شو يخصج ..؟؟
اسماء : اخ يالقفطه شوووووو انا اصلا اهنيه مشارك فعال ..
مهره : بنش بجوف هادف .. ونشت راحت عند التلفون اللي في الصاله واتصلتبه وعقب يوا كلهم وحطوا غداهم واتغدوا ..

بيت بو علي
الثلاثاء 10 فليل
العيـــــــن

والله مدري من الغلا وين اوديك... تسوى عيوني ولا بعد يمكن اغلا
روحـــي تناديلك وروحــي تناديك... علــــيك مافي دنيــــــتي شي يغلا

مريم : عمتيه شمه مابتي اليوم ؟؟
ام علي : لا بييون احمد من المغرب راح عسب ايبها يمكن اتعشا عندهم وبييون اخلاف ..
مريم : هييه حليلهم ..منوووع متولهه عليها اونه وينها خالوه شمه يدورها البارحه نش من الرقاد يدورها عنديه في الصاله متعود كل ماينش ايشوفها قاعده معايه عاد البارحه نش وقعد يدورها ..
ام علي : يعلني افدا قلبه انا رقود ثرهم ..
مريم : هيه فديج ارقود ..
ام علي : وسميتيه وينها ؟؟
مريم : شلها ابوها رايح اييب عشا ..
ام علي : الله ينطبها مالقت الا اليوم تحرق الاكل واتخلينا بيوعنا .. عاده انا كلت خبز ولبن وعمج متعشي في المزرعه بس انتوا فديتكم ماتعشيتوا ..
مريم : ماعليه يعلني افداج بنغير اليوم بناكل من المطعم..
ام علي : جان جفتي صخله شراتها اونه نسيت المعكرونه في الفرن ..
مريم : هههههههههه .. عمتيه هالسيلانيات شلهن بالباشمل يوم تبون خبروني انا بسويلكم ..
ام علي : لا فديتج انتي مسويه جدامها الا هيه اللي ماتقبض ..
سعيد : هوووووود ..
ام علي : اهداااااا ..
سعيد : السلام عليكم ..
مريم و ام علي : وعليكم السلام ..
سعيد : حييييييه شحالكم ..؟؟
ام علي : بخير ربي يسلمك ..
مريم : انته وين ماشفتك من البارحه .؟؟.
سعيد : اونج عاده اتولهتي عليه ؟؟
مريم : ههههههههه .. شفت عاد ..
سعيد : هيييييهيهيهييهي هيه شفتي عاد ..
مريم : ياحبك للمغايض ..
سعيد : اه يجنن اتصدقين عاده انا ابو المغايض ..
مريم : عادي انا مااغتاض عادي ..
سعيد : وينها امايه ؟؟
مريم : راحت كوخ الدياي ..
سعيد : هههههههه .. بتتطبخون بنتكم شو ؟؟ الدياااااي اونه ..
مريم : ها عيل الدجاااااااج .. شو في المدرسه ..
ام علي : يالقوووووووم .. يلي ماتخيل فديتها شو بيطبخون فيها بعد فديتها رايحه مع ابوها ايبون عشا ..
سعيد : ليش ماشي عشا في البيت ؟؟
مريم :هههههههه .. راحت الحلوه ميري عسب اتسوي المعكرونه بالباشميل وحرقتها ..
سعيد: الاااااااه .. عاااده .. انا ياي يوعان شو اكل ..
ام علي : غريبه دومكم انتوا تتعشون برع شو ياينكم يعني يوم ماشي عشا في البيت قلتوا بنتعشا في البيت وظويتوا البيت من وقت ...
سعيد : شو نسوي بعد حظ ..
مريم : انزين يوعان اتريا الحينه علي بييب العشا وبنحطه وبناكل ارباعه ..
سعيد : كوخ الدجاج ؟؟
مريم : هييييييه ..
سعيد : لالا مافيني انا البارحه ماكل منه وامس ماكل منه هلكت من يومين وانا اكل منه شبعت .. ببيض ديييياي عقب ..
ام علي : لا عاده ابويه لا تتشرط .. كل اللي جدامك ولا روح اتعشى من برع وتعال ..
سعيد : مافيني اظهر من البيت انا خليها هاي الغبيه اتسويلي اي شي .. اريد اكل ..
ام علي : شو تباها مريضه يوم هيه مريضه ماتعرف اتسوي شي حرقته الاكل ..
سعيد : مريييضه ؟؟
ام علي : هيه حليلها فيها حمى ..
سعيد : لا لا عيل لا اتسويلي شي اتروح تعاديني بعد انا هب ناقص ..
وفتحت شمه باب الصاله وحدرت : السلام علييييييكم ..
الكل : وعليييييكم السلام ...
وراحت شمه ووايهت ام علي وحبتها ع راسها ووايهت مريم ..
ام علي : شحالج فديتج وشحال هلج ؟؟
شمه : بخير ربي يسلمج اييسلمون عليكم ..
ام علي : ربي يسلمهم ويسلمج من الشر ..
شمه : شحالك سعيد ؟؟؟
سعيد : بخير وسهاله ربي يسلمج .. انتي شحالج ؟؟
شمه : بخير ربي يسلمك ..
احمد : هووود ..
شمه : اهداااااا ..
ودش احمد ..
احمد : السلام عليكم ..
الكل : وعليكم السلام ..
سعيد : بو شهاب نش معايه بنروح نتعشى من الشوكه ..
احمد : ههههههههه احلف انته انا متعشي الحمد لله ماشي مكان ..
سعيد : ياربي .. يوعان انا شو اكل ..
ام علي : صخ انته دلاع وخقاق شو بعد شوتتعشى مسود الويهه اقوله اخوك راح اييب من كوخ الدياي وكل معاهم قالي لا انا من يومين ماكل عقب ببيض دياي ..
سعيد : ههههههههههه .. حتى انتي الدياي .. هن مايعلمنج الا الغلط وانتي ماتقبضين منهن الا مطالع التلفزيونات واتقولين الرمسه الغلط ..
ام علي : اتهبي مسود الويهه امبونها رمستيه اخير عن رمستك مسود الويهه .. ثرك انته من وين متعلمنها الرمسه الا منيه ومن ابوك ..
سعيد : هههههههههههههه ..
احمد : هييه هيييه هههههههه وانا اشهد ..
مريم : دواااااك ..
شمه : لازم اتفج حلجك ؟؟
سعيد : شسوي كلتنيه ماينرام عليها ..
ام علي : يالقووووووووم . هب هباك ربك ..
سعيد : عوذ بالله ..
ام علي : من ويهك ..
علي : السلام عليكم ..
الكل : وعليكم السلام ..
وقعد علي معاهم وراحت مريم اتييب الصينيه والصحون من المطبخ وقعدت تاكل هيه مع ريلها .. وشلت شمه فطومه اللي اول ماشافتها فرفشت الها مستانسه وقعدت ع الكرسي وقعد حذالها احمد ..
علي : قربوا ..
احمد : لا مشكور نحن ياين متعشيين ..
مريم : سعيد تعال من اصبحت اتحن ع الاكل ..
سعيد : لا ماباها هالوجبه عفتها كل يوم اكل شراتها ..ماباها ..
علي : ابرايك انته خسران ..
وقعدوا ياكلون علي وحرمته وشلة مريم الصينيه وودتها المطبخ ..
شمه : مريم تبا ترقد فديتها ضايجه ..
مريم تتطالع ساعتها : اويييييه نسيت بنتي هههههه .. هييييه لازم اتكون راقده من نص ساعه ..
ام علي : يعلني افداها نشوا نشوا رقدوها لا تصيحونها ...
مريم : يله سمحوليه تصبحون على خير ..
الكل : وانتي من هله ..
ونشت مريم وشلت بنتها ودشت قسمها ودش وراها علي ..
سعيد : ياامايه يوعااااان ..
ام علي : جابل المطعم ..
احمد : اسمع شور امك .. بس ياخي صخ خلنا نطالع شو ايقولون الشباب ..
شمه : سعيد يوعان شو في خاطرك تاكل كسرت ابخاطريه ..
سعيد : ههههههههههههههه ..
شمه : صدق والله ..
سعيد : لا ماشي ماباه انا اكل المطاعم ..
شمه : لا والله هب اكل مطاعم ولا شي والله ياسعيد انك اتقولي اللي تباه وانا بروح المطبخ بسويلك اياه
..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 14-03-2012, 08:22 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي


ام علي : لا شو تبين اتسويله هاذا يدلع خليه خليه ابرايه والله ماحدرتي المطبخ عسبه ..
سعيد : لا لا اعنبوه لا قعدي برايج ..
شمه : اعنبوه ياعمتيه والله اني حلفت قبل لا تحلفين عن حلفتيه حرام عليكم ..
ام علي : يعلني افداج والله ..يله ابرايكم انا بسير عند شيبتيه من اصبح وهو اروحه .. تصبحون على خير ..
الكل : وانتي من هله ..
احمد : الااااااه حتى انا يعت دامج بتروحين المطبخ ..
سعيد : لا لا .. خلاص والله لا تعبين عمرج ..
شمه : هب كيفك بسويلك اعنبوه اعتبرني ختك العوده وبتسويلك شي .. حرام عليك لا تردنيه ..يله قولليه شو في خاطرك خبرنيه عاده شو تبا بسويلك .. احمد قوله ..
احمد : ياخي اونك عاده حركات قول شو تبا فكنا احمد ربك بعد يوم بتاكل من يد حرمتيه ..
سعيد : ههههههههه الله يفضحك ياربي .. ماعرف اللي بتسوينه سوي بعد اقصوريه طرار ويتشرط ..
شمه : ههههههههه ... افا عليك .. ان شاء الله .. ونشت شمه عسب اتروح ..
احمد : تعالي وين بتروحين المطبخ اروحج ..
شمه : عيل بتي معايه ؟؟
احمد : هييييييه ..
شمه : لا ابرايك اقعد ادل المطبخ ريال بتي معايه المطبخ شو تسوي ؟؟
احمد : بوقف عندج ..
شمه : ههههههه . لا مايحتاي ..
وظهرت عنهم شمه ..
سعيد : حليلها والله ..
احمد : صخ سعيد انا من طيبتها هب عارف وين اوديها او شو اسويبها .. حتى تتدري مااقدر اقارن بينها وبين دانوه لانه مافي مجال للمقارنه هيه وين ودانوه وين اقفط والله حتى يوم افكر مجرد تفكير اني اقارنها..
سعيد : بعدك تذكرها ..؟؟
احمد : اللي يحب عمره ماينسى ..
سعيد : صح بس اللي يحب يقدر ايبدل حب ثاني وايكون اكبر عن الحب اللي قبله صح ..
احمد : صح وهالشي اللي انا احس عمري احس فيه ..
سعيد : الله يوفقكم ان شاء الله .. والحين بتستوي ابو يعني عايلتكم بتكبر وانته عاقل مايحتاي حد ينصحك واتعرف اتفرق من بين الصح والغلط ..
احمد : ان شاء الله خير ..
وقعدوا احمد وسعيد يطالعون الجماهير ع قناة دبي الرياضيه .. وبعد ساعه الا ربع دشت شمه عليهم شاله الصينيه ..
شمه : سمحليه هاي سويتلها لك ع السريع ..
سعيد : الاه معكرونه اتصدقين في خاطريه من متى من زمان ..مشكوره ..
شمه : صدق زين عيل يوم سويتلك اللي في خاطرك ..العفووو ..
احمد : حتى انا ابا اكل وراح قعد ع الصينيه ..
شمه : ماعليه عيل سمحوليه انا ..
سعيد : مشكوره شمه نتعب في عرس اعيالج ان شاء الله ..تعبناج والله ..
شمه :هههه امين ان شاء الله . افا عليك لا تعب ولا شي .. بتي ..
احمد : صبر لقمه وحده وبييج ..
شمه : خلاص ماعليه… وراحت شمه وحدرت قسمها ..
احمد يدز الصحن صوبه : يود ازحر مره ثانيه لا تم تتشرط مع ويهك ..
سعيد : ههههههههههااااااااي ..
وراح احمد عنه وحدر قسمه .. وكانت شمه في الحمام تتسبح راح وقعد في الصاله وشغل التلفزيون وقعد يطالع ..
في شقة محمد وطحنون
الثلاثاء 10 فليل ..
لنــــــــــدن ..

اسراب حبك جاتني سرب مع سرب ... واتسيدن كل الضمير وسرنبي
لحظات بعدك في الحشا ولعت حرب… نيرانها بيــن الحــــنايا تشـــبي
ماتنطفي لو كانت انهراها اتصــــب ... النــــيل او دجله مع المسسـببي

محمد كان طايح ع شبريته عسب ينام وطحنون كان ايبند الليتات اللي في الشقه عسب ينامون ..
محمد : انته الحينه من صدقك ملجةاختك وولد عمك مابتروحها ؟؟
طحنون : شسوي حموود انا وانته وايد خذنا اجازات في كل عيد ننزل في كل مناسبه ننزل اظني الاجازات مالتنا خلصت ..
محمد : هيه خلصت بس انته لازم تتطلب واتقولهم ظروفك عسب اتروح ..
طحنون : ياريال خلها على الله ماعليه بنحظر العرس كم بقالنا نحن الحينه شهر ونص وبنتخرج وبنرد البلاد..
محمد : انزين شو رايك نطلب الايستر هوليدي ..
طحنون : هييه صح انا سمعت الشباب يرمسون عنها صدق ..
محمد : هيه صدق انا سالت المس وقالتلي هيه ..
طحنون : زين عيل خلاص بنروح ..
محمد : بنسير باجر بنشوف حجر عسب انروح ..
طحنون : الحمد لله يوم حصلنا النا اجازه .. بس نحن ع فكره اناخرعلى عمارنا ..
محمد : ماعليه ما بيظر الا هو اسبوع وبنرد مابناخذها كلها ..
طحنون : خلاص عيل باجر ان شاء الله قبل لا انروح الجامعه بنمر نحجز ..
محمد : عاده ان شاء الله انحصل حجز حق باجر فليل ..
طحنون : ان شاء الله .. تعال هاي الخبله ليش صاحت في الجامعه اليوم ؟؟
محمد : هو انا داري ..
طحنون : شو الحب بالغصب ؟؟
محمد : عندها هيه هيه واذا ماحبيتها بتموت وبتصيح ..
طحنون :عاده يوم بحب قولها بحب وحده زينه هب شراتج ….
محمد : اقلعها خلها تنقلع ..
طحنون : انزين انته ارحمها لين مانروح عطها ويهه ويوم بنروح بتنساك..
محمد : لا شو اتعلق عليه امال يعني انا ماحب جذيه انته تعرف انا ماحب هالحركات اذا بستهبل اوكيه لاكني علاقه نو ويييييه ..
طحنون : ههههههههههههههه ..
محمد : اقولج .. يله .. يله ارقدي عسب ارقد ..
طحنون : ههههههههه . فقتك .. انقلع انقلع ارقد لا ارقد عليك بهاي العصا ..
محمد : افاااااااااا اهون عليج وغمز له ورقد ..
طحنون : يالكبببببببش ..

بيت بو محمد
الاربعاء 5 العصر
بوظـــــــبي ..

تركض بحبك في وجداني جياد .. في وجودي انته لي كل الوجود
خذت قلـــبي قبل عيني يالوداد .. وان بغيت الزود لك ينقــــاد قود

حصه : يزوي فديتج قولي حق امايه اتودينا المعرض مال الاعراس ربيعاتي راحن ايقولن ايجنن حرام ..
اليازيه : ليش انتي ماتروحين اتقوليلها ..
حصه : اف ياربي انتي اتعرفين امج اتعرفني اني اموت في الظهره عسب جذيه مابطيع ..
اليازيه : هيه قايله يوم بتشوفوني مع ابوكم لا تون اترزون بويهوكم وانا صراحه ماريد اكون تيس ..
حصه : يحتاااااي تيس .. ع قولة ربيعتيه شمـــــوه ..
اليازيه : هيه يحتاي ليش مايحتاي ..
حصه : انزين عاد يله بليز يزوي فديتج والله انا بنظف لج الحجره وبعطيج شيلتيه اللي تبين تلبسينها .. وبعطيج هاك القميص حقج ماباه بس حرام عليج ..
اليازيه : الله واكبر هاذا كله عسب المعرض عيل لو انروح بيتكم خالتيه موزه شو بتعطيييني ؟؟
حصه : هههههههههه .. بجلع لج اعيوني وبحطهن لج في ايديج ..بعطيج كل اللي تبينه ..
اليازيه : ههههههههههه .. وايه وايه ..
حصه : فديييييييته ..
اليازيه : ياويل حالي ..
حصه : انزين رمسيها ... بليز يزوي ..
اليازيه : انتي يالقويه الحين تتمسكنين لكن يوم حايتج هب عندي تتفرعنين ..
حصه : الحينه انتي ليش رابطه راسج بليا ويع خلاص بتكلمينها ولا بتذلييني ..
اليازيه : مايحتاي انا اللي رباطتنه مادري منوه اللي يحن من الصبح خلاص بكلمها بس هااااا .. ع شرط ..
حصه : بعد شرووووط ..
اليازيه :ها بلاش عيل ؟..
حصه : انزيين يله خلصينا قولي ..
اليازيه : اول شي اتحبين ريلي ..
حصه : اتخسييين انقلعي .. وتوها بتروح عنها ..
اليازيه تسبحها من عقصها : تعالي تعاااالي ..
حصه : اااااخ اروحهن شعرتيييين .. بعد اتيرينهن .. شو ؟؟
اليازيه : بكلمها بس تعطيني اللي قلتي بتعطيني اياه وثاني شي اتين معايه ...
حصه : انزين..
اليازيه : وينها هيه ؟؟
حصه : قاعده مع حميد برع ..
اليازيه : اوكيييييه ..
وراحن يترابعن برع ..
بومحمد : ها ها شو يشوي اعنبوه جبودكن بطيح ..
حصه : ههههههه . لا لا عادي افا عليك ملصقه بسوبر قلو ..
بو محمد راح وشغل سيارته عسب يظهر ..
اليازيه : شو اذا حظرت الشياطين ذهبت الملائكه ؟؟
حصه : ها راعي الاكس فايف وين رايح ؟؟
بو محمد : شو تبن ؟؟
اليازيه : نباك ابونا انحبك .. شو بعد في شو نباك ...
بو محمد : فديتكن انا ياينكم ماعليه .. وركب السياره ..
حصه : مايحتاي مابنجوفك الا فليل هاذا اذا ييت من وقت ..
ام محمد : لازم ترى هو مسونه فندق .. ايي يتغدى ويرقد ويظهر ..
حصه : هههههههههههههه .. وايه واايه منوه اللي نطق ؟...
اليازيه منصدمه : معقوله الريم يظهر منج كل ها ..
حصه : الظاهر الكيل طفح ..
ام محمد : شو تبن يايات انتن ..؟؟
اليازيه : امايه فديتج خلينا انروح المعرض مال الاعراس اليوم اخر يوم دخيلج امايه دخيلج ..
ام محمد : ليش منوه بيعرس ؟؟ عندكم هالسنه ..؟؟
حصه : يزووووي ..
ام محمد : ياله يعلني افداها يسمع منج الله ..
حصوه : يوووووووه لها الدرجه تبين الفكه منا ..
اليازيه : ههههههههه .. استحييييييييت والله .. لا امايه بنروح نطالع .. حرام ..
ام محمد : انزين يله نشن انا ماعندي اخلاف لاني اليوم ارمس خالتكم ميره وقالتلي غاوي المعرض نشن بنسير ..
حصه : ييييييييييس ييييييييييس .. ونشت تناقز ..
ام محمد : عوذ بالله من الشيطان الرجيم . هيه اللي تبا اتروح صح ..
هزت اليازيه راسها ..
ام محمد : مقووي مقوووي ..
وراحن اليازيه وحصه وبدلن اثيابهن ولبسن عبيهن ويابن عباة امهم وشيلتها وركبوا السياره مع الدريول وراحوا المعرض وتموا فيه لين الساعه عشر فليل وردوا البيت .. محمد كان قاعد في الصاله وشاف السياره يوم اتحدر وراح وانخش ورا الباب وطبعا اول وحده دشت البيت حصه وتوها بتعق شيلتها ظهر الها في ويها صرخت صرخه ..
محمد : هههههههههههههههههههههاااااااااااي ..
حصه : ههههههههههههههه فديييييييتك .. ولوت عليه وقعدت اتحبه وهو مستانس لاوي عليها .. فدييييتك والله اني اتولهت عليك ليش ماخبرتنا ..؟؟
محمد : حلوه المفاجاه ..
اليازيه : هههههههههههه الا اتجنن .. وسلم على امه ولوى عليها وحبها ع راسها ..
ام محمد : وايه يعلني ماخلا من هالشوووووف .. وتمت اتحببه ..
اليازيه : دوري دوري ..
محمد : فديتج انا ..
ولوت عليه اليازيه وسلمت عليه وراحوا يقعدون في الصاله ..
ام محمد : ليش يابويه ماخبرتنا انك بتي ؟؟
محمد : امايه بغيت اسويها الكم مفاجاه ..وانا مبوني مادريت اني بيي الا البارحه .
حصه : يعلني افدا قلبك .. انا ياولديه والله انا نحن اتولهنا عليك ..
اليازيه :ههههههههههههه خذت الدور عنها ..
محمد : اشوفها ..
ام محمد : مقوي ..
حصه : ياربي عاد خلوني مستانسه في شوفته فديته والله وقعدت تتطالعه ..
محمد : خير اول مره اتشوفيييينيه ؟؟
حصه : تتدري انك حلو .. لو انته هب اخويه جان خذتك فديت هالحيات المقرونه وفديت هالخشم اللي شرات حد السيف وفديت هالعيون اسمييييك مزيووووووون ..
ام محمد : الله واكبر عليج الله واكبر علييييييج .. كبري ع الولد ..
حصه : اخ تفووووووو .. اخ تفووووووو .. عن الحسد ..
محمد : حوووووووه .. حوووووووه .. ها ها .. شو اتخبلتي ..
اليازيه : من بونها ..
حصه : صخي صخي انتي ..
ام محمد : ابويه شقايل عطوكم اجازه ؟؟
محمد : ماشي امايه ترا ملجة خت طحنون يوم الخميس وهو مسكين يبا يرد بس انا هو الاجازات مالنا كلها ماخذينهن .. ومايستوي ناخذهن الا بعذر طبي .. عاده عقب سمعت من ربعيه انه عندهم الايستر هوليدي ونحن ماصدقنا خذناها ..
ام محمد : هيييه يعلني افداكم انا ..
حصه : كحححححح كححححححح .. وتمت اونها تكح ..
اليازيه ادحها بغيض : حلووووو .. حلوووووووو .. وتنفخ في ويهها ..
ام محمد : شو ثرج شربتي عسب تشرقين به ؟؟
حصه : لا ماشي شرقت بريجي ..
اليازيه اترد ادحها : حلوووووووووو ..
حصه : ااااخ ظهرتي روحي شويشوي ..
وتموا قاعدين ايسولفون لين 12 وخلاف ياهم ابو محمد وقعد معاهم لين 1 وراحوا كلهم غرفهم عسب ينامون .. لانه بيرحون العين باجر الظهر ..
بيت بو محمد
الخميس 10 الصبح
بوظــــــــبي ...

اذا ابتسمتي يذوب الســــكر بلونــــك ** ويزور شهــــد الحياة اقلــوب خلانك
والليل يغفي ويصحى بس في عيونك ** والصبح خدك ونور الشمس عنوانك

اليازيه ومحمد وام محمد وبو محمد كانوا قاعدين في الصاله وحاطين الريوق يتريقون ..
بو محمد : ختج وينها يزويه ؟؟
اليازيه : ابويه مرقده يوم نشيت وعيتها ماطاعت اتنش اتقولليه انقلعي ..
محمد : وحتى وهي راقده السانها طويل ..
اليازيه : عيل شوتتحراها هاي ام اربعه واربعين ..
بو محمد : ها ها كله ولا الحص فديتها ..
وشويه الا حصه اتصارخ ..
حصه : اماااااايه .. امااااايه ..
ويت تربع ع الدري لابسه بجامه لونها وردي وعليها دباديب وشعرها كشه ولابسه نعال في ريلها ع شكل دبدوب ..
حصه اتقلد صوت النعال اللي يدق ع الدري : تك تك تك تك .. امااااايه ..
محمد : شويشووووي شو ها الخبال من صباح الله خير ..
بو محمد : شونسوي نحن خلاص اتعودنا ..
ام محمد : خييير خيييييير ..
حصه : امايه بدلنا بيخلصن الساعه 11 وانا اريد اروح مونسون اخذليه ورود حق البدله امايه حرام وراحت قعدت عند محمد .. حمووودي فديتك انا قوم ودنا ..
محمد : ليش وينه الدريول ..
ام محمد : لا لله انا هب مودتنكم انقلعي روحي اروحج ..
حصه : كيف اروح اروحي منوه بيودييييني ؟؟..
اليازيه : فديتك حمود نش ودنا ..
محمد: انزين بس يله بعد من واحد لين 20 وان ماخلصتن بخليكن وبظهر عنكم .. وراح يربع ع الدري عسب يلبس .. وربعت وراه حصه عسب تلبس بسرعه وراهم اليازيه ..
بو محمد : هههههههه . فديتكم يارب .. ربي يحفظكم ..
ام محمد : امين ياربي ..
بو محمد : ويحفظج اليه على راس الكل ..
ام محمد : يعلني مخلا منك ...
وبعد ربع ساعه نزل محمد وراح شغل سيارته وقعد يحرها شويه وتم ايضربهلن هرنات وين يترابعن ركبت اليازيه جدام وحصه ورا .. واتحرك محمد اول شي مرن الاسطوره ونزلن حصه واليازيه ويابن بدلهن وخلاف ركبن وراحن المارينا واول ماوصلن دشن برمود يطالعن البدل ..
محمد : تعالن ماقلتن محل واحد يله ورانا روحة العين ..
اليازيه : فديتك والله بس هالمحل ..
محمد : ماعليه براويكن انا ..
وتمن اليازيه وحصه واقفات يطالعن بدله وعقب يت وحده وقفت عدالهن وايديها محنايه ورافعه غشوتها ومتحجبه ومتلثمه فيها ..
حصه اتصاصر اليازيه : ماشاء الله طالعي محلاتها ومحلات الحنا اللي في ايديها ..
اليازيه : اشششش .. تعالي ..
وسحبتها وابتسمت اليازيه ولفت ويها الصوب الثاني ومن رفعت عينها طاحت عينها في عين واحد كانو اقف برع ..
اليازيه : حصوووووه لحقي ..
حصه : هااا ...؟؟
الــــــجزء العشــــرون

من تحبه عنك مايقوى البعاد … لو يهـاجر شوف باجر لك يعود
مرجعه ذاتك وشـوقه زاد زاد … كيف تعلى العين حاجبها وترود

المارينا مول
الخميس 12 الظهر
بوظــــــــبي ..

اليازيه : حصوووه .. لحقي ..
حصه : هااا ...؟؟..
اليازيه : اطالعي منوه واقف مع محمد .. مسكتها اليازيه من ايديها .. صبري صبري لا تصدين صدي فجاه اونج بتخطفين وبتحركين اعيونج عادي ..
حصه : انجبي عاد انا ما فيني صبر
ومشت عنها حصه وحركت اعيونها صوب الباب شافت طحنون .. صدت ع اليازيه اللي منزله اعيونها في الارض ..
حصه : ذبتي ..؟؟..
اليازيه : انطمي تعالي انروح انحاسب ..
وراحن اليازيه وحصه ايحاسبن وكانن واقفات عند الكاشير متغشيات .. ويوم ظهرن شافن محمد ..
محمد : خلاص عيل بينا كول ..
طحنون :خير ان شاء الله .. وراحوا محمد وخواته مونسون وتم طحنون واقف حذال برمود يتريا اسماء تظهر..فديت هالعيون فديتها ياويل حالي اسميني اشتقت لج شوق يعلني افداج .. يارب انك تجمعنا يارب .. يارب ... يالاااه انا متى بخلص وبفتك وبروح اتقدم الها متى .. ياربي كم باقي ويلس يحسب على ايديه الكلاسات اللي بقت له هو محمد ... وحصه واليازيه في مونسون يتشرن ومحمد واقف برع ..
حصه : شفتيه جحلتي اعيونج ..؟؟
اليازيه : فديت روحه ماشفته عدل .. خفت ..
حصه : اصلا انتي دوم ماتشوفينه ..دومج زايغه اطالعيه عادي ..
اليازيه : اتعرفين انه البنت اللي قلتي عنها حلوه اخته ؟؟؟
حصه : قولي والله شعرفج ..؟؟
اليازيه : تشبهه نفس الملامح تقريبا .. وبعدين جذيه احساس هيه من وقفت حذالنا انا قلبي قعد يقرقع جني الا حاسه ..
حصه : حاسه شو انها من ريحته يعني ؟؟
اليازيه : ههههههه ... يالهبله شو قطوة مطابخ ..
حصه : انا ادري ؟؟..
وظهرت اسماء ووقفت حذال طحنون ....
اسماء : يله ..
طحنون يحسب ..
اسماء : حوه شو تحسب يله ..
طحنون : ها ها .. خلصتي ؟؟
اسماء : صباح الخير وين وصلت ليكون شفت حد وشل عقلك ..
طحنون ثرج فاهتمني : يله خلصتي نظهر ..
اسماء : لا حرام بس بروح باريس غاليري وبنظهر ..
طحنون : لا تقعدين تتدلعين عليه وايد يله فكينا ..
اسماء : انزين عشان خاطري بليز.. بليز ..
طحنون : طوفي ...
راحوا صوب باريس جاليري وتوهم بيحدرون شافوا قوم محمد اللي كانوا توهم ظاهرين من مونسون واللي يظهر من مونسون ايجابل تقريبا اللي توه بيدخل باريس غاليري .. فأشر طحنون حق محمد وردله محمد الحركه ..
حصه : ماشاء الله وين انتوا في بومباي ؟؟ يحتاي هالحركاااااات ... امش اللي يخسك فضحتنا ..
محمد : ههههههههههههههه .. وطاحت عينه على مقفا اسماء لانهم حدروا باريس غاليري .. وهو يمشي قاعد يطالع داخل المحل ..
اليازيه تسحبه من ايديه : حموود اطالع جدامك بتدعم الخلق ..
حصه : اوووووه اوووه اخويه شو بلاك استصبت يعلني افدا ثرك .. اشعنه تتطالع اخته .؟؟
محمد : ...................
حصه : اووووه شكلها صدق السالفه .. انته شفت مقفاها جذيه سويت .. لو شفت ويهها شو بتسوي ؟؟.
اليازيه : انزين خلاص راحت ..
حصه : لا يطالع الهامها ...
محمد توه يستوعب : ها .. ها ..
حصه : ها اخويه شو السالفه ؟؟
محمد : انقلعي اطالع طحنون انا ..
حصه : علينا علينا انا بس سالتك شو السالفه المفروض اتي في بالك الف سالفه مااتي في بالك هالسالفه وبس الا اذا كنت اتفكر فيها .. يابويه انا ذكيه انا افهم نظرات العيون ..
اليازيه : انا اشهد انها ساحره واتعرف اتفسر كل شي ..
محمد : هيه انتن اجذبن الجذبه وصدقنها ..
حصه : هيه صح اشدراك .. الله يخليك انته بس اذكر وين موقف سيارتك عن لا تقعد اتحوطنا في الشوارع ..
وراحوا صوب السياره وركبوا ووصلوا البيت وسيده ركبوا اغراضهم وراحوا العين ..

بيت بو علي
الخميس 3 الظهر
العيــــــــن ..

ماوقف قلـــبن يحبــــك فانحياد .. ويفرق اللي لك يجود ولك يجود
والظنون اللي هواجيس اعتقاد .. ردها في عين كل عاذل حســـود

سعيد حدر الصاله وتوه كان ياي من برع ويوم حدر شافهم كلهم قاعدين يتغدون ..
سعيد : ماشاء الله داش مجاعه انا ..؟؟..عوذ بالله .. السلام عليكم .. وراح عند محمد وسلم عليه ..
بو علي : من ويهك مسود الويهه ..
ام علي : يله تعال تعال اتغدا ..
ام محمد : لا سلام على الطعام يوم بنخلص بنسلم ..
حصه في حلجها الاكل وهب رايمه ترمس : هيه صدقها امايه يوم بنخلص بنسلم ..
سعيد نافخ حلجه ويهز راسه : هوهو هيه صدقها امووويه يوم بنخلص بنسلم ..
ام علي : يله تعال اقعد حذالي .. فديتج ظبايه غرفي حق اخوج ..
سعيد : فديت قلبج انا .. يعلني افداج .. انتي يلي تحاتينيه ..
ظبيه : انتي ادلعين انا شو يخصني ازيده دلع خليه ينقلع .. تعال اغرف حق عمرك ..هيلب يور سيلف ..
محمد : احلا اهناااااااك عاش الانجليييييزي ..المخبص ..
ظبيه : هههههههههه .. فديتني بنت تقنيه لازم ..مع ويهك ..
احمد : ياله عاده انتي امحق تقنيه درستي فيها الا سنه اظني حتى كلاس واحد ماعديتي ..
ظبيه : جب جب مع ويهك ..
ام محمد :هات فديتك انا بغرفلك ..
علي : ياشينهم يوم يتفدونك .. تظهر الكلمه غلجه ..
اليازيه : هههههههههههه ..
بو علي : انته مسود الويهه ماتي البيت الا جانك بترقد ولابتاكل فندق ابوك هو ؟؟
وتموا كلهم يضحكون ..
سعيد : لا حول .. شو بلاكم عليه اليوم منوه مجرجنكم عليه ؟؟..
احمد : هيه صدق وين ترغد .. ماتقر في البيت .. وبعدين البطاريه مشحونه مايحتاي حد ايجرجنا ..
سعيد : الله يخليك اسكت اسكت انته فاشل في النكت .. نسينا ماكليناااااااا ..
شمه : صـــدق ؟؟
احمد : اتصدقين فيه ..
شمه : هههههههههه ..لا ...
سعيد : خلج منه خذي شوري سمعي رمستيه مابتخسرين ..
ام علي : صخ صخ عن اخوك حليله ..
سعيد : توج في فريقي ..
حصه : شو نادي ؟؟
بو علي : اصطلب وغد ريال وانثبر في البيت سو حساب للبيت اللي انته قاعد فيه ..
سعيد يحط صبعه ع خشمه : ان شاء الله اافاعليك على هالخشم اممممره تم ..
ام علي : اتغدا ابويه اتغدا ..
احمد : ازحر ازحر ..
سعيد : عنبوكم حاطين عليه من حدرت عليكم ؟؟
بو علي : هوووووووب .. شو عنبوهم انا كم مره قايللك ؟؟ قول عنبو امكم ..
ام علي : ها ها مانع هيد عليه ..
بو علي : ان شاء الله الغاليه افا عليج امره ..
سعيد : شفت كيييييف . السلطه عندها ..
ام محمد : هههههههه .. فديتكم والله تغدا تغدا ..
وقعدوا يتغدون وبعد ماخلصوا ين اليازيه وحصه وقعدن ع الكرسي من عقب ماغسلن ايديهن .. وخلاف يت ظبيه وقعدت وشمه كانت رايحه تغسل ايديها في قسمها ومريم قاعده اتغدي اعيالها بعدها مانشت .. وسعيد واحمد ومحمد يلعبون سوني .. وام محمد وام علي قاعدات ايمصصن العظام مال السمج ..وعلي يقرا الجريده ..
بو علي : ماتقول الا قاعد مع قطاو بسكن من هالعظام ..
ام محمد : ههههههههه .. ياله يابويه محلاته فريش فنان ..
ام علي : ابوج ماياكل غير المخ .. وايه انتن اشعنه قعدتن ؟؟
اليازيه : ليش يدتيه ؟؟
ام علي : يله يله نشن الساعه اربع الحينه ماعرف خمس نشن يله المطبخ بسرعه بسرعه ماريد اشوف طيف وحده اهنيه ..
مريم : ان شاء الله عمتيه بغسلهم وبرقدهم وبييكم .. سبقونيه انتوا ..
ام علي : يعلني افداج .. وراحت مريم وشلت اعيالها ..
حصه : انا انسانه فاشله في المطبخ ..
ام محمد : انتي افشل وحده في هالدنيا بس البسبوسه والورق العنب اللي اتسوينه غاوي نشي سويه ..
ام علي :نشن ماريد اشوف حد منكم يله ظبايه فديتج نشي ..
ظبيه : انا اقول بيي عند قوم امايه برتاح .. الخدامات عيل اربع شو يسون ؟؟ والطباخ معاهن ..
ام علي : الطباخ بيسوي الذبايح والهريس وانتوا كملن عنه الباقي هو مايعرف الا هالشياء نشي عاده عن العيازه ..
شمه : وين تبن ؟؟
اليازيه : الذهاب في رحله الي المطبخ ..
شمه : هههههههه .. هيه صح صدقها عمتيه شو بعد يله عسب انخلص ..
ام محمد : ها ها .. وين تبين انتي وياهن انتي توج في حمالج المفروض تتحملين ..
ام علي : لا لا انا هب مضحيه بج انتي قعدي معانا وهن ثلاث وبتي مريم فديتها وبيسدنه المطبخ اربع ..
حصه : سيلانيات ايداد ها ؟؟ افا عليج يدتيه لو تبين اعيوني بعطيج اياهن يله يله نشن نشن .. هاي بنتج الدبه ام كرشه ماتروم اتنش ..
ظبيه اتصارخ : ياربييييييييه حرام عليج خافي الله الحينه انا دبه وام كرشه ومطر ايضاربني اونه امتني وانتي اتقولين جذييييييه ..
وتموا كلهم يضحكون ع ظبيه وشكلها لانه ظبيه ماتحب يستويلها شي او حد ايقولها انتي متينه لوانها ظعيفه
سعيد : صدقها ماقالت شي مع هالشعر الحلياااان .. مايفج الحلا عنه لاصق فيه ..
شمه : ههههههه .. كيف هاي حليان ..؟؟
سعيد : ماتشوفينه لون الحلا ..
شمه : همممم ... لا مايخصه ..
احمد : امبلا هاذا احمر والحلا لونه احمر ..
ظبيه : باباااااتي ..
بو علي : اعيونه فديتج لبيه ياغناتيه انتي ..
سعيد : يالاااااااااااااااهوييييييييييي .. ايه ؟؟ ايه ؟؟ في ايه ؟؟
محمد : ههههههههههه شعندك جلبت اعنبوها غيره جانها تجلب جذيه ..
ظبيه اتسويلهم حره : باباتي شوفهم ..
بو علي يحرك عصاته : يله يله هبوا هباكم ربكم يوزا عن بنتيه ..
ام محمد : يالبزاااااااا ..
ظبيه : ههههههههههه ..
احمد : اعنبوج ابقره تحتج اثنينه وبعد باباتي ..
ظبيه اتير شعرها : ابوووووويه ..
بو علي اونه يصاصر ظبيه وطبعا الكل يسمع : يابويه حرمته اهنيه مانروم انواقعه جدامها ايطيح اخلاف من عينها ..
وتموا كلهم يضحكوووووون ..
احمد : عاده انت جذيه الله يهداك فضحتنيه .. الا سمعت وبس ..
شمه : هههههههه .. لا عادي افا عليك مااتاثر ..
صد عليه احمد وغمز الها هيه سيده ويهها احمر ..
حصه : هههههههههه .. احلا احلا ..
سعيد : عاشوا الغزل النبطي ... وحط ايديه على اعيون احمد .. بسك بسك ..
احمد : ياخي عن الخبال خلني العب مع ويهك .. وشل ايد سعيد من على اعيونه ..
ام علي : يله عاده نشن السوالف غاويه ماتخلص نشن ..
اليازيه : ان شاء ان شاء الله يدتيه ..
بو علي : فديتج يالعاقل ..
ام علي : يعلني افداها من بونها شيخة الزين هيه ..
اليازيه : ههههههههه .. فديت روحكم انا وقلبكم ..
حصه : وانا بنت البطه السوده ؟؟
ام محمد : كم مره اقولج لا اتقولين بطه سوده ..
محمد : يوزن عن شيخة بوظبي ..
ظبيه : نشن نشن ..
شمه : يله روحنا ..
ام علي : قعدي يامايه ..
شمه : ماعليه عمتيه انا هب مسويه شي بس بطالعهن .. وبسوي شي صغيروني مايتعبنيه ..
ام علي : ماروم اقولج شي يوم انه في خاطرج ..
ظبيه : لا ماعليج بنقعدها ..
سعيد : تعالي انتي يالعنز السارحه وين رايحه برع يمكن حد يخطف بسيارته وانتي جذيه بليا شيله ..
ام محمد : احسن دواها عندك اياها ..
حصه : هههههههههه .. عادي اخواني بالاسلاااام ..
ام علي : يامسودة الويهه ..
سعيد : حلفي انتي بس روحي روحي حطي شيله ع راسج وظهري ..الطباخ برع ..
حصه : ويه الطباخ في المطبخ العود انا بروح المطبخ الصغير ..
محمد : تسمعين انتي الرمسه ولالا ..
حصه : اف لا اللي عندها ريل متهنيه ولا اللي ماعندها ريل متهنيه ...
سعيد : نعم خيييير ؟ شو بغييتي .؟؟
حصه : ماشي اقول ان شاء الله ..
ام محمد : دواج انا الا ابا بس حد يصلبج ..
حصه : هههههههههههه . انزين ماعليه الله يسامحج ..
وراحن اليازيه وحصه وظبيه وشمه المطبخ ايعابلن عسب العزيمه اللي كانوا مسوينها حق ام علي عسب ييتها من السفر .. ولا نهم وهالمره عازمين الحريم كلهن غير عن المره اللي طافت ...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 14-03-2012, 08:28 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



بيت بو عبدالله
الخميس 5 العصر
بوظـــــــبي ..

يحقلك في جوي اتســــيطر *** وتتخذ فيه اية اجرائـــــــــي
ماعتقد في دنيتي اخـــــطر *** من حضورك بين الاسمائي

اسماء هالوقت قاعده تربع من الصاله لين غرفتها بعابتها وشيلتها ..
سلامه : شو ها خبال ولا شو ؟؟..
ام عبدالله : اشدراني ابها .. شو عندج ؟؟
اسماء : خبروني قبل لا اخلص وينه مفتاح الميلس اريد اشوف كوشتيييييييه ؟؟
ام عبدالله : هب عاطتنج اياه اعنبوه انتي هب جايفتنه الخير توج الظهر شايفتنها ..بسج .. ماعليه الا اخبر عليج غانم ..
اسماء : هههههه لا لا تقولون اسمه قلبي يعورنيه ..
سلامه : اونج عاده يالجذوب .. انتي تتروعين انتي اتروعين بلد ..
اسماء : لا امايه حرام .. اريد اجيك قبل لاا اروح عسب اكون مرتاحه ..
ام عبدالله : روحي روحي قبل لا تروغج راعية الصالون روحي يامايه عن الخبال خليني اروح اجابل المطبخ اشويه ..
العنود : بس عاده ياعمتيه كل شي بيكون موجود في البوفيه بيبونه من المطعم والذبايح خلصهن الطباخ قعدي انتي شوي ارتاحي ..
ام عبدالله : هيه والله اني تعبت اليوم يابتيه اتصدقين ..
العنود : شفتي ..
اسماء : يامايه عطيني المفتاح قبل لا اروح ..
سلامه : لا تعطينها امايه خليها تنقلع شو تبينه يله نشي بنتاخر ..
اسماء : سلامي والله دقيقه ..
سلامه : لاااااء ..يله ..
ام عبدالله : الله يخليكن شلنها عنيه فكنيه منها ..علج العوق جانج ماتشبعين وفرت عليها المفتاح مال الميلس ...
اسماء : هههههههههه .. وراحت اسماء تربع القت نظره ع الميلس وخلاف ظهرت ..
ام عبدالله :ها طاحت الدوده .؟؟
اسماء : ههههههه . هيه خلاص ..
ويت مهره وهي حاطه ايديها ع بطنها : انا اخاف اربي عليكم اليوم ..
اسماء : ههههههههه . لا الله يخليج قوليله يتريا شويه ..
العنود : هيه بشورنا هو خلاص من الله يكتب له ينزل بينزل مايشاور حد هو ..
ام عبدالله : الله يقومج بالسلامه وتفتكين ..
مهره : اه صدقج والله ياعمتيه اسميه هم ..
اسماء : يله نروح قبل لا نتاخر ..
العنود : يله انزين يله ...
سلامه : امايه الله يخليج عينج على مي ..
ام عبدالله : ماعليه ان شاء الله جني اول مره ايودها نحنا ربيناكم والحينه انربي اعيالكم ..
سلامه : ههههههههه .. شونسوي ..
وظهرن كلهن وركبن السياره وراحن صالون بيانكا عسب يتعدلن ..

بيت بو سيف
الخميس 6 المغرب
الرمـــــــاح ..

سيف حدر على امها غرفتها شافها قاعده تتلبس ..
سيف : ماشاء الله شو هالزين كله امايه اتجنين ثرج يعلني افداج والله .. على وين بهالزين كله ؟؟
ام سيف : هههههههه .. انتوا ماتيوزون .. الحينه انا العيوز لي هالرمسه شو خليت للبنيات ..
سيف : افا عليج مايسونج البنيات ..
ام سيف : والله زين ياليت هالمديح تمدحونيه به جدام ابوكم ..
سيف : افا عليج ومنوه قااااااااااال ؟؟؟ اصلا هو عارف انه احلا عنج هو هب محصل .. طالعي ماشاء الله عليج البياض والخشم الرفيع اللي يوقف عليه البرقع ..والعيون الوساع ماشاء الله عليج ماشاء الله ماشاء الله .. عن لا احسدج .. عيل انا وخلود وشموس من وين يايبين هالجمال كله ..
ام سيف : هههههههههههه .. ثرك بياع رمسه ؟؟؟
سيف : افا انا حرام عليج .. انزين ماخبرتينيه ع وين ؟؟؟
ام سيف : اليوم خالتك فطيم مسويه عزيمه وبروحلها .. وعزيمه الرياييل بعد انتوا مابتون ؟؟
سيف : لا بني بس بسير انا ادفع عن تلفونيه وخلاف بودي اوراق حق ابويه في العزبه وخلاف بيكم ان شاء الله ..
ام سيف : ماعليه فديتك ..
سيف : تامريني بشي فديتج ..
ام سيف : لا غناتي سلامتك .. وراح سيف وحب امه ع راسها وظهر عنها .. ورد دش عليها خالد ..
خالد : موزززززه .. الموووووز .. مويييييز ..
ام سيف : وااايه شو هاذا بعد ؟؟
خالد : ادلعج شو ؟؟ شحالج ... ها يويييييلي ويلااااااااه شو هالزين شو هالجمال ياربي اسميني استصبت ..
ام سيف : تعال تعال بخبرك شي . . وراح عندها خالد وحبها ع خدها وضربته ع جتفه ..
خالد : اااااخ .. اخخخ .. ههههههه ..
ام سيف : ماتيوز من ها التقردين .
خالد : وينه ايشوووووف ريلج وينه ؟؟
ام سيف : مجابل البعران جنهن اخير عنيه ..
خالد : اممممف . ايخسن امنوه قال ؟؟ انتي غروشبة الرماح .. منوه يقدر ايغير هالرمسه عسب اثور في راسه ..
ام سيف : نش نش خلنا انروح صوبهم بدال هالرمسه المخبقه ..
خالد : حرام عليج ليش انا ؟؟
ام سيف : اليوم بتنضرب ضرب واخليك اتودينيه غصبن عنك رضيت ولامارضيت ..
خالد يمسح ع لحيته : اعنبوه يامايه ريال بلحيتيه بتضربينيه ..
ام سيف : غد ريال عيل ويله ودنيه ثرك مول ماتنفعنيه في حايه ..
خالد : افا عليج لو تبيني اوديج القمر بوديج ..
ناصر : هوووووود ..
ام سيف : منوه اللي ياينا نش اطالع ..
ودش ناصر الغرفه ..
خالد ياضر ع ناصر : عزج الله ها ناصر ..
ام سيف : مسود الويهه ..
ناصر : يالسبال شو جدامك انا جلب ؟؟..
خالد : ههههههههههه .. افا عليك تاج راسي ..
ناصر : هيه اتحراك بعد .. اوه اووه ياعيني شو ها كله ..شو خليتي حق اليسا ونانسي ؟؟
ام سيف معصبه وماسكتلهم غرشة العطر واتروغهم ابها وظهروا يترابعون ..
خالد :هههههههههه .. ربيعاتي بيوقلن اشعنده خالد ال.... مطرور راسه بيودرنيه اخلاف والسبه انتي يامايه ..
ام سيف : انقلعوا يله وانته عشر دقايق واتشغل السياره تفهم . وسكرت الباب ..
خالد يهز راسه : اوكيه مداااااام ..
ناصر : ههههههههه شعندها عصبت ؟؟
خالد : اول شي طاح فيها سواف وخلاف يتيها انا وخلاف زدتها انته وحطت الحره ..
ناصر : ههههههههه .. مسكينه ..
خالد : انته هب ياي العزيمه اليوم ..
ناصر : لا ان شاء الله بيي بس بروح الحينه البليارد مواعد ربعيه وخلاف بييكم ..
خالد : اف ياحيك ليتها اتعلقت بك شرات ماتعلقت ابيه ..
ناصر :ههههه حظك .. خلاص عيل يله ابرايك ..
خالد : ترتوب .. يله مع السلامه وراح خالد يربع ع الدري فوق عسب يلبس وظهر ناصر وشغل سيارته وظهر من البيت ...

بيت بو علي
الخميس 7
العيـــــــــن ..

عرش قلبي عرشك انته فانــفراد .. ياصخي النفس ياترف الخدود
انته ليل الشوق في عيوني سهاد .. والعيون اللي تنظارها شــهود

ظبيه وحصه واليازيه كانن قاعدات مع شمه في قسمها ..
حصه : عطوني الشنطه عاده بس بختار شو ابا من الالوان وعقب بدزها صوبكم ..
اليازيه : انتي حطيتي البودره اول شي بتبدين في عيونج ؟؟
حصه : مايحتاي لوني حلو .. حطيت بودره بس خفيفه ..
ظبيه : ليش وينها شنطتكم مالت الميك اب ..
حصه : في بوظبي امايه ماتخلينا انركبها معانا لانها كبيره واتشل مكان اونه .. احط اللي اباه في شنطه صغيرونه والباقي اعرف انه عندج وانج دوم بشنطتج ..
شمه : انزين بنش ايبلكم شنطتيه عن الضرايب كنت بسير اييبها بس من جفتكم يايبات شنطة ظبيه اتعايزت ..ههههههه ..
اليازيه : لا لا تنشين انتي انا بنش اييبها وانا وانتي في شنطه وهن في شنطه ..
شمه : مشكوره فديتج .. فجي ثاني كبت بتحلصينها من تحت وين البدل ..
اليازيه : اوكي .. العفوافا عليج ..
روضه : السلام عليكم ..
شمه : هلا وغلا حيا الله من يانا ..
حصه : فديييت هالشوف وربعت الها حصه ..ودشن فاخره وروضه وسلمن عليهم وقعدن عندهن ..
روضه : شوفي حصوه انا هب حاطه اي شي يايتنج اتحطيليه ..
حصه : ههههههه ... حلفي انا حق عمريه ماحطيت بس افا عليج حرمة خالي اول شي بحطلج وعقب انا ..
فاخره :ههههههههه .. انا تراني جاهزه بروح اقعد معاهن في الصاله حد بيي معايه ..
اليازيه : انا اخر لمسه وخلاف بروح البس وبلحقج ..
روضه : وانا اقول ليش جذيه قاعدات اتحراكن بتنزلن بجلابياتكن مالات النوم ..
ظبيه : هههههههه . لا عاده هب جذيه ..
فاخره : خلاص اترياكن .. وظهرت عنهن ..
شمه : رويض يعلني افداج ايبلج شي تشربينه اعنبوه يالفضيحه اول مره اتحدرين عليه قسميه ولا اظيفج شي ..
روضه : هههههههه .. حليلج ياشميم لا فديتج مشكوره مابا شي بنسرط اخلاف تحت .. اهم شي شوفتكم ..انا هب غريبه وماشاء الله شمه قسمكم وايد حلو ماشاء الله ..
ظبيه : احم احم ..هههههههه ..
شمه : ههههههههه . تسلمين غناتي من ذوقج .. وها كله ذوق ريلي وظبايه ومريم حليلها ..
حصه : لازم اتزيدين ريلج عاده ريلج شو اختار ..الا الحمام عزكم الله ..
شمه : هههههههه .. حرام عليج حصوه انزين وشو بلاه هب غاوي الحمام ..
حصه : لازم لازم هب ريلج ..
شمه : ماعليه باجر بتعرسين وبتقولييييين ..
حصه : امييييييييين ..
ظبيه : يالدود اللي ينغش فيج ع العرس بتقولين ليتني ماعرست .. بتعيشين السجن المؤبد ريل بيت عيال مجابل سهر تعديل ..
حصه : ههههههههه .. بس بس اتعقدنا .. عاده رويض روحها ماتنزاد ..
اليازيه : اجوفها كيف بلقت عيونها حرام ظبايه رحميها ..
روضه : ههههههه .. امايه روعتونيه ..
شمه : ماعليج منهم هاي سنة الحياه ..
ظبيه : السوالف حلوه يله يله انقشعن واشتغلن ..
حصه : ههههههه .... اوكيك .. وتمت حصه اتحط حق روضه واتعدلن كلهن وخلصن وتوها بتحط حق عمرها ..
اليازيه : روايني رويض شو لا بسه ..؟؟
روضه اتبطل عباتها : هاي ماخذتنها من زارا ..
حصه : ماشاء الله حلوه ..
شمه : غاويه ماشاء الله .. يله سمحوليه انا بروح ابدل اثيابي وبييكم ..
ظبيه : شو بتلبسين ؟؟
شمه : كنت متفقه معاج البس هييج البدله مالت البنطلون اللي مسوتنها عند الاسطوره احمد ماطاع ..
ظبيه : ليش ان شاء الله عادي هيه تنوره وعقب تحتها بنطلون ومش اي بنطلون ..
شمه : روايته اياها ماطاع اونه انتي حرمه معرسه وحامل شو تبينه ها .. قلت زين اني سويت هنتين منهن ماسويت اكثر .. ماشي قالي فريهن ماباهن في كبتج قتله حرام عليك مسوتهن بسبع تلاف قالي خلاص عيل ماتلبسينهن الا حقيه شو نسوي ..امرنا لله .. عندي هييج العنابيه مالت اوراق الشير اللي مسوتنها معاج عند روايع بوظبي بلبسها ..


ظبيه : هيله البدو مشاكل ..
حصه : هههههههههه .. كلكن ابتليتن مافي مفر الحمد لله لين الحينه ماعنا حد يتامر علينا بنلبس وبنشبع عقب بنعرس ..
اليازيه : هب جنج مدوده ع العرس ..
شمه : هههههههه .. ثرها الا حالات ..
حصه : هيييييييه .. وراحت عنهم شمه ..
ظبيه : وانا بروح حجرتيه البس عسب انزل ..دشت الخدامه وكانت يايبه حمده من عقب مالبستها ..
روضه : ياعيني ياعيني شو هالزين كله شو ها كله .. الله الله .. وشلتها ..
حصه : شفتوا جمالنا كيف غير ؟؟؟
ظبيه : ليندا حمدان وين ..
ليندا : ويذ سوزي اوت ..
ظبيه : انزين ماعليه منوه تحت ؟؟..
ليندا : مدام موزه مع هيز سان دوان ستير ويذ مدام ..
ظبيه : وماي دريس وين ؟؟
ليندا : دوان ان ماما فاتمه روم ..
ظبيه : ماشاء الله عليج الحينه كيف نحن ننزل ..؟؟ جذيه ..
حصه منصدمه وفاجه حلجها قاعده توها اتحط الجحال في اعيونها وموقفتنه مكان واحد ..
اليازيه ادزها : حوووووو ..
روضه : امايه بسم الله شو فيها ..
حصه : ليندا ويذ هو ؟؟..ويذ هو ؟؟
ليندا : اي دوت نو ميبي ويذ كالد اور ناسير ..
حصه : ااه قلبي قلبي يله ننزل الحينه كيف بننزل اف ياربي شو هالنحاسه اعق عمريه من فوق لين تحت ..بس كيف انا ماخلصت ولا لبست .
ظبيه : هههههههه خلاص لندا تيك حمدا اند قو .. سيري يله عقي بعمرج قضاء قدر ..ههههههه ..
حصه : لا اول شي بروح اتاكد ..وظهرت حصه وتمت واقفه عند الدري تتسمع وعقب سمعت صوته وعرفت حسه يت تربع وتتحرقص ..
اليازيه : ههههههههههههه .. يالااااه هاي الانسانه كيف منحوسه ..
حصه : كيف ننزل بقميص نوم وثيابنا تحت كييييف .. ولو حتى هاي بتيبهم كيف بتيبهم بيشوفهن ..
اليازيه : يازينج ليكون بتظهرين جدامه ببدلتج ام بنطلون اسميه سيده بيحط عليه اشارة اكس ..وحلاتج اصلا بعد نازلتله ببدله استحي وخيلي ..
روضه : ها ها بتصيح ..
حصه : والله هييييه ..
ظبيه : لا الله يخليج لا تسويلنا مناحه تعالي بنروح الغرفه بنلبس كنادير وشيل بيض وبنروح انسلم وقبل لاين الحريم بنحدر حجرة امايه وبنلبس بدلنا اهناك ..
حصه : ههههههههههههه الاه فديتج فديتج .. بس انا ماخلصت ميك ابيه ..وتمت اتحط بسرعه ..
ظبيه : انزين يله بسرعه خلصي ..
روضه : اف اشوا انها خلصت حطتليه اللي اباه ولا جان خربطت ويهي تخربيط ..
وظهرت شمه من غرفتها ..
اليازيه : ياعييبني ياعييييني ..
شمه : ههههههههه ..
حصه : ياويلي شو هالجمال ..
روضه : شو هالزين كله وينك يااحمد ..
شمه : ههههههههه ... بسكن بسكن .. خليتني استحي ..
ظبيه : امبونها خت ريلي من زمان غاويه ..
شمه : هههههه . والله انكن انتن .. يله انزين نزلنا ..
ظبيه : خالد تحت بس الحينه بيظهرون لانه الحريم بين ..
حصه : ها خلصت ..
روضه : ايجنن البطيخي .. هادي ..
حصه : ههههههه مالت عيله سكتي ماعرف كيف مخبص يله يمشي .. يله ظبايه ..
وظهرن ظبيه وحصه وراحن غرفة ظبيه ع اساس انهن يلبسن كنادريهن وينزلن ايسلمن .. وعقب ماخلصن نزلن ويوم نزلن شافن خالتهن موزه مع ام علي ومريم وام محمد وفاخره وام مريم ..
ام سيف : حيالله البنيات ..
ظبيه : ههههههه زين ياخالتيه يوم ظفتيني في صفهم ..
ام سيف : هههههههه .. يعلني افداج انتي بعدج صغيره 22 منوه يطريهن ..
ظبيه : يعلني افداج انا .. وراحت واتوايهت معاها وخلاف سلمت عليها حصه ..
ام سيف : يعلني افدا الحص .. شحالج فديتج ؟؟
حصه : بخير ربي يسلمج انتي شحالج وينهن البنات .؟؟.
ام سيف : من شافن ختج برع اتلقنها وقعدن يلعبن معاها ..
حصه : فديييتهن ..
وقعدن شويه وحصه ميته من القهر انه راح .. وحست فيها ظبيه ..
ظبيه : خالتيه منوه يايبنج ؟؟
ام سيف : خالد يايبني واخلاف بييون اخوانه ...
حصه : بسير اجوف البنيات خاري فديتهن من زمان ماجفتهن ..
ام سيف : بيموتن عليج سيريلهن ..
حصه : فديتهن انا .. وظهرت حصه ..
ظبيه : هيه حليله ماجفناه عسب نسلم عليه ..
ام سيف : سيري سلمي عليه ماظنتيه حد عندهم ..
ظبيه : هيه حليله من زمان ماشفته .. وظهرت ظبيه و شافت حصه واقفه اتكلم قوم شمسه ووديمه ولطيفه .. وسلمت عليهن ظبيه ..
حصه : وين بتروحبين .؟؟.
ظبيه : ههههههه .. تعالي شوي ..
وتمن يتمشن في الحوي لين ماوصلن جدام باب المطبخ اللي كان مجابل باب الميلس .بس هالمطبخ كان المطبخ التحضيري غير عن المطبخ اللي العود اللي كان شوي بعيد عند باب الفله .
ظبيه : جوفي انتي دشي المطبخ وتمي فيه وانا اوني بزقره وبوقف معاه خاري وبسولف معاه وانتي ظهري فجاه اونج عاده كنتي في المطبخ ... وبتظهرين منه فبتاجبلينه فهمتي ..
حصه تشهق : هاااااااااااا .. الااه فديييييييييتج .. اسميج انتي صدق اتحسين فييني .. فديتج .. وتمت مستانسه ودشت تربع المطبخ ..
راحت ظبيه ودقت باب الميلس ظهرالها سعيد ..
سعيد : عوذ بالله ورد دخل داخل وسكر الباب ..
ظبيه : سبااااااااال ..
سعيد فج الباب ورد ظهر : ههههههههه .. تم ميك اب ماحطيتيه ..
ظبيه : الحينه هاذا اونه ميك اب وايد هاذا خفيف ..
سعيد : انزين نعم خير شو تبين ماحيد ريلج اهنيه وبعدين بعده مايا ..
ظبيه : منوه عندكم ..؟؟
سعيد : خالد وبطي .. وولد عمتهم .. تعالي تعالي انتي شلج ..
ظبيه : اعنبوه اعيال خالتيه بسلم عليهم ....
سعيد : انزين صبري مع هالويهه بيتروعون حليلهم يايبلهم ساحره ..
ظبيه ادزه : روح روح فكنا من ويهك .. ودش سعيد الميلس وسكر الباب ..
سعيد : خلود وبطوي ع البوابه بسرعه ..
خالد : ههههههههه .. شو حديقه عامه ..
احمد : ساقط في النكت مع ويهه ..
بطي : ههههههههه .. منوه يبانا .؟؟.
سعيد : انتوا ظهروا وبتشوفون ..
خالد نش عسب يظهر : وايروغ بعد المهروم ..
سعيد : مع ويهك ..
خالد : هههههههههههه ..
وظهروا خالد وبطي ..وشافوا ظبيه واقفه وشاله بنتها حمده ..
خالد : هلا هلا ..
بطي : حياهم الله هل سويحان ..
ظبيه : ههههههه ... وسلمت عليهم .. شحالكم ..؟؟
بطي : بخير انتي شحالج ....؟؟
ظبيه : بخير وسهاله .. شحالك خالد ..؟؟
خالد : بخير الحمد لله انتي شحالج وشحال ريلج واعيالج ..؟؟
ظبيه : بخير وسهاله .. قالولي كنتوا قاعدين وظهرتوا قلت الا اراويكم يدتكم خالد هييج المره ماشافها ..
خالد : يدتيه حمده ..
ظبيه اتهز راسها : هيييييييه .. عيل .. شو تتحرا انته ..
خالد ايمد ايديه : هههههههههه .. فديتها ياربي وشلها وحمده مستانسه ..
بطي : انا يوم العيد اخر مره شايفنها فديتها والله ..
ظبيه : هيه لانكم انتوا ماتوونا؟؟ ..
بطي : شو نسوي ظروف ..
ظبيه : هيه عاده مادري ظروف شو ..
وشويه واتبطل باب المطبخ التحضيري و حصه ظاهره منه واونه اتكلم الخدامه وصدق يوم شافتهم انصدمت واتروعت انها تكون بها القرب منه .. وايكون مجابلنها ردت ع ورا ودشت المطبخ .. وتمت واقفه شوي وعقب ردت ظهرت ..
حصه : السلام عليكم ..
خالد وبطي : وعليكم السلام ..
بطي : شحالج ؟؟
حصه : بخير الحمد لله ربي يسلمك ..
خالد يطالعها واونه يذكر : شحالج .. حصه صح ولا غلطان ..
حصه اتهز راسها وتبلع ريجها : هيه حصه ..بخير ربي يسلمك ... وراحت حصه عنهم صوب الصاله ودشت الصاله .. واعيون بطي تلحقها لين مادشت الصاله بس خالد عادي كان ايسولف مع ظبيه مااهتم هاك الزود ..
ظبيه : خلاص عيل مااطول عليكم ابرايكم دشوا عند ربعكم ..
خالد : خلاص ماعليه يله مع السلامه ..
ظبيه : ربي يسلمكم ...وحدروا خالد وبطي .. وراحت ظبيه وعطت بنتها الخدامه .. ودشت الصاله وراحت غرفة امها عسب اتبدل اثيابها وكانت حصه اهناك قاعده تلبس ..
ظبيه : يالعنز ليش اتاخرتي في المطبخ ماعرفت شو اقول كل ساعه اظهر سالفه
حصه : اه قلبي تعالي سمعي قلبي كيف يدق مارمت والله كل مااقول بظهر اتروع وارد اوقف عند الباب حتى الخدامات يضحكن عليه ..
ظبيه : بس طاحت الدوده ..ارتحتي ؟؟
حصه : ماتحسين انه مول مش مهتم ..
ظبيه : انا حسيت انه عادي . كيف تبينه يهتم شو تبينه ايقولج ..
حصه : فديت اعيونه ماشاء الله عليه صق صدق جميل .. بس صدقيني حتى على جماله ها كله عمري في يوم ماحبيته عسب جماله حبيته عسب اني حبيته هو لشخصه ..
ظبيه : الله يجعله من نصيبج ان شاء الله ..
حصه : امين يارب ..
ظبيه : اوه الساعه 8 ونص الحينه بين الحريم يله يله ...
وقعدن يتلبسن حصه وظبيه لبست حصه بدله اتجنن لونها بطيخي مع الذهبي بنطلون وعليه تنوره لين تحت الركب وع كل طرف كانت خيوط وفي نهاية هالخيوط اللي فيهن خرز قطعة نحاس مربعه .. وظبيه كانت لابسه نفس ديزاين حصه بس هيه بدال النحاس كان اوراق البته ( ماعرف شو يسمونها نحن نسميها بته او الورقه اللي يلعبون فيها كريزي ) ... واليازيه نفس بدلة حصه .. وظهرن عقب عند الحريم وسلمن وقعدن البنات في الصاله الصغيره والحريم في الصاله العوده ..

بيت بو عبدالله
الخميس 9 فليل
بوظبــــي ..

ماكتفيت بزينة المــــــظهر *** فايز باشيــاء واشيائـــــــي
بين بوظبي وجوها المبهر *** استلم شعري وامــــــضائي

مهره واسماء كانن قاعدات في غرفة اسماء ..
اسماء : ياربي مااصدق انه اليوم ملجتيه ؟؟
مهره : ربيعاتج كلهن يترينج تحت ..
اسماء : فديتهن والله .. ياربي طالعي قلبي كيف ايدق ...
مهره : الله يوفقج يارب ويسعدج ..
اسماء :اه .. امين يارب .. ووينه ريلي ..؟؟ اتصدقين اني اتولهت عليه هههههه ..
مهره : ياعيييني ياعييني .. اسميه لو يسمع هالرمسه بيطيح ساكت ..
اسماء : ههههههههه .. ياويلي ..
ام عبدالله : فديت بنتيه انا .انا يايه متعنيه بس عسب اقرا عليها ..الناس ماتقول خير هالايام
مهره : هيه والله صدقج ياعمتيه ..
ساره اخت غانم : ماشاء الله عليج يااسامي اسميه غنوم اليوم بيتعذب..وهاذوه الدفتر ..
اسماء : شسوي فيه ..
مهره : تعالي بنصورج حذاله وقعي عليه بعد شو تسوين فيه ان شاء الله ؟؟؟
اسماء : ههههههههه .. لا لا انا هب موافقه ماابا وقع ..
ام عبدالله : مسودة الويهه ..
اسماء : هههههههههه ... توها تتفداني الحينه طاحت ابيه بوقع خلاص بوقع .. وين ..؟؟
مهره : اهنيه على مااظن هيه اهنيه توقيع العروس يله ..
مسكت اسماء القلم وايدها ترتجف ووقعت .. وتمن ساره ومهره ايبيبن ..
اسماء مستحيه : بس بس حرام عليكم ...
وحبتها ام عبدالله وتمت تقرا عليها وعقب ماخلصت : يله الحينه قومي عسب تنزلين عند الحريم ..
اسماء : لا امايه هب نازله اتروع لا حرام خلوني .. هب لازم ايجوفوني ..
ام عبدالله : جفتي يابنتيه المناكر ..
ساره : ههههههههه .. ها كله روع عيل في العرس شو بتسوين ..
مهره : وين اللسان ووين هيج القوه كله ظهر خرنق .؟؟
اسماء : هههههههه .. جنه الا جذيه ..
ام عبد الله : يله عاده هاذا هب عرس هاي الا ملجه والعروس اينزلونها من وقت ..
اسماء : بسم الله الرحمن الرحيم صبروا باخذ نفس ..
ونزلن مهره وساره ويت ام غانم عسب تنزلها مع ام عبدالله .. واسماء تتنفس بقوو جنه اليوم زفتها ووايد كانت متروعه ..ووصلن عند الدري ونزلن معاها امها وعمتها وتمت تمشي في نصهن ..واسماء صدق كانت ايه من الجمال كانت لابسه فستان فوشي منتفخ شوي وحركته وايد حلوه ولانه هيه بيضا فظاهر عليها جنان هاللون وجمالها طبعا زاده زود ومسوي تسريحه ورافعه شعرها بكبره ع فوق ومنزله خصل من كل صوب .. وتمن الحريم الا يسمن عليها..ودخلت الميلس ..وقعدت تمشي لين كوشتها اللي كانت في ميلسهم ..

اقبلت ياقبلت الله فــــي حـــلاها *** شمعة الدنيا ضــــــــوت ليل العمر
اقبلت والكل يمـــشي من وراها ***واغتنا من زيــــــــــنها ليل الســــهر
هي صبا شمساً تعلت في سماها *** هي ملاذ الارض في وقت السحر
من شذاها تاخذ الدنيـــــــا شذاها *** لا دخون ولا عـــــبير ولا عطــر
ياهــــــنيك فزت والله بـــــغلاها *** فزت باللي نورها شــــمس وقــمر
الـــــــخزاما والنفل ريح لهواها *** لامشت ريــــح البسيــــــطه ينتثر
رب هو اللي وهبـــــها ثم عطاها*** في حلاها وزانها باحـــــلى الصور
عاديه في زينها وفي مســـــتواها*** ماتشوف في زيـــنها بـــــــين البشر ..

كانوا حاطين الكوشه في اخر الميلس وميلسهم كان كبير ميلسين مفتوحين على بعض وكانت الكوشه هب كبيره وايد يعني ماخذه مساحه شوي صغيره بس صدق كانت مرتبه ترتيب مع اثاث الميلس .. وراحت وقعدت وينها ربيعاتها والتمن عليها وقعدن ايسولفن معاها وهي متروعه ..
شيخه : صيحي صيحي اباج اتصيحين ..
اسماء : لا هب صايحه ... حرام عليكم لا اتقولون جذيه ..
ميثه : اسامي انا اعرف انج اتجنين لكن جذيه ماشاء الله عليج ..
اسماء : ياويلي يا ميثوه يالجذوب .. تعالن انتن اللي محلوات ياعيني ياعيني ..
عذابه : سكتي يايين اندور حد ايخطبنا ..
اسماء : يالخاينات ثركن هب متعدلات ويايات اليه ماعليه ماعليه ..
شيخه : اخبرج ريلج ماعنده اخو ..
اسماء : عنده بس واحد وماخذ ختيه ..
شيخه : افا فاتنا ..
اسماء : ليش اتلفن بعيد انا عندي اخو ع ويهه عرس ..
عذابه : طحنون ..
اسماء : ههههههههه .. هيه والله انتن اسميكن مدودات ع العرس ..
عذابه : حرام عليج نحن الا انسولف نبا انخوز هالتوتر ليش نبتلي في العرس خلينا عند هلنا اخيرلنا ..
شيخه : انا ابا اعرس شو كيفكن ..
اسماء : ههههههههههه ..
ميثه : انتي مقووووي ..
وتمن ايسولفن معاها وبعد ساعتين تمن الحريم يظهرن ويردن ابيوتهم وفي الميلس كان غانم مع اخوه فهد وابوه وابو عبدالله وطحنون وهادف وعبدالله قاعدين مع عيال عمهم وعيال خالتهم ..وعقب ربع ساعه استاذنوا الكل وظهروا عنهم . وماتموا غير هادف وطحنون وغانم ..
غانم ايدق بكوعه ايد هادف : اريد اشوف حرمتيه انا يله عاد ..
هادف يضحك: هههههههههههه .. احلف ؟؟؟ ... طحنون اسمع غنوم شو يقول ؟؟
طحنون اونه معصب : شوووووو ؟؟
غانم : ماطلبت غير حقي شو تبا انته وياه مايسد انها حرمتني الشوفه من اسبوعين انقلعوا جنه البيت بيتكم الحينه انا ساير عند عمي ..
طحنون : روح عند عمك نحن اخوانها ماشي اتشوفها شو اتشوف فيها خلاص انته ملجت مايستوي اتشوف مافي شوفه غير العرس ..
غانم معصب : هييييييه ماعليه ان شاء الله والله لا اتشووووف . هادف ارمس ..
هادف : شو اقول صدق ليش اتشوفها انا حرمتيه ماشفتها الا يوم العرس ..
غانم : عاده انتوا غير ونحن غير نحن من متى مع بعض انته ماكنت دوم عندهم ..
هادف : اسف غانم خل مخوتنا ع صوب وهالشي ع صوب ..
اهنيه غانم مات من القهر : في عينك انته وياه بنشوف كلام منوه اللي بيمشي ونش عسب يظهر عنهم .. وراح صوب سيارته ..ولحقوه هادف وطحنون ..
هادف : هههههههههه .. خلنا اليوم الا انطفربه ..
طحنون : ههههههههه ياريال شوف شو استوابه اسميه اذا دش عليها الحينه اسميه بيلعن خيرها بيحط الحره فيها ..
هادف : هههههههههههاي ياريال اول مره اجوف غنوم جذيه بيصفعنا وين ساير هو ..صدق هو يعصب محد يعرفه ابليس لو اخو تبرا منه ..
طحنون : تعال بنلحقه ..
غانم : ياالسبلان شو تبون تحلقونيه شو مضيعين عنديه يامضيعين المذهب ..
طحنون : شو اختنا ...؟؟
غانم : انقلع حرمتيه ...
هادف : شويشوي علينا راعي البي ام الكوبي صوبنا ياحلو .. حرام عليك .. عطنا ويهه ..
وراح غانم صوب باب سيارته اللي جدام وفتح الباب وظهر كيسه وسكر الباب وراح صوب الصاله ويوم وصل عند باب الصاله ..وطحنون وهادف يضحكون ..
غانم : هووووود ..
بو عبدالله : اهدا يابويه ..
ودش غانم شاف ام عبدالله مع ابو عبدالله ..
غانم : السلام عليكم ..
بو عبدالله وام عبدالله : وعليكم السلام ..
وراح غانم سلم على ام عبدالله ..
ام عبدالله : بالبركه عليك الغالي ..
غانم : الله يبارك في حياتج ..
بو عبدالله : شو بلاك غانم شكلك متضايق ..؟؟
غانم : ياعمي هيله اعيالك لسبلان ..
ام عبدالله : ملاعين الصير ..
طحنون : ههههههههه .. والله ماسوينا شي ..
بو عبدالله : شو من سواد الويهه مسودينه مزعلين ولد عمكم في يوم ملجته ..
هادف : افا والله افا عليك .. نحن الا نتمصخر ..
غانم : مع هالويووه ..
طحنون : هههههههههههههه ياربي ياربي .. وطاح ع الكرسي من كثر الضحك ..
غانم : اسميني لين مااخذها بتخبل منكم ..
بو عبدالله : افا عليك انته بس تعال خبرني عليهم ..
غانم : لا عمي انا اروحي بطيحبهم براويهم غانم يوم يحرج ..
هادف : اصلا نحن بنكمل بس انعرفك انته يو تعصب شو تسوي خفت ماتشوف شي جدامك وترتكب فينا جريمه ..
طحنون : دخيل والديك .. سبنا سبنا .. ماتموتناش ..
غانم : هههههههههه .. يالمصيروي ..
هادف : حلاتك يوم تضحك ..
ام عبدالله : طحنون روح ازقر ختك ..
طحنون : والله ليكون انا الخدامه اليديده ..
هادف : هيه الاثيوبيه اللي بيبها حق مهره انته هيه ..
طحنون : هيييه ماعليه ان شاء الله انته اتريا بس .. مع ويهك ..
ام عبدالله : مافيكم خير .. اساااامي .. اسااامي ..
هادف : انا بسير بزقرها ..
بو عبدالله : غانم ابويه احدر الميلس بنزقرها لك .. روح طحنون معاه ..
طحنون : انته اخدمك بعييني ..
ام عبدالله : ماعليه مسود الويهه ..
طحنون : هههههههههه ..
وراحوا غانم وطحنون الميلس وقعدوا يتريون اسماء ..وراح هادف فوق وحصل اسماء قاعده مع مهره .. وراح هادف ولوى عليها وقعد يحببها ..
اسماء : يعلني افداك انا .. بس والله بتصيحوني اتحسسوني اني بروح عنكم ..
دزها هادف : انقلعي عيل يوم بتصيحين.. اففف شو سوينا في ريلج .. طفرنا به كرهناه حياته عاده انا وطحنون طحنا فيه مابتشوفها مابتشوفها ..
اسماء : هههههههههههههه ..
مهره : حليله والله انه بيحدر الجنه من فعايلكم مسكين ..
هادف : يله نزلي يباج هو ..
اسماء : ببدل وخلاف بروح له ..
مهره : نعععععععم نعععععععم ليش ان شاء الله خلاص ريلج شو بعد تبدلين وماتبدلين روحي خليه ايجوفج بكشختج ..
اسماء : لا استحي حرام عليكم ..
هادف : لا خليها تصطلب اصطلبي لبسي لبسي عايبنج جذيه مفصخه ..
اسماء : ههههههههه .. احييك انا بصراحه ..
مهره : هالرياييل خراب .. تعال تعال بنروح قسمنا .. وسحبته .. انا عارفه ان تميت انته اهنيه حليله ولد عمي بيخيس .. احسن اشله عنج .. وراحت مهره تمشي بسرعه وهادف يربع وراها ..وقعدت اسماء وبدلت اثيابها ولبست بدله تنوره وقميص وحطت ع راسها شيله وماخوزت لا المكياج ولا بطلت التسريحه ونزلت ويوم حدرت الميلس شافت طحنون ونقز طحنون صوبها ويتم حبها يلوي عليها..
غانم ميت من القهر : حوه بسك شو ؟؟
طحنون : هههههههههه ..
غانم نش ومسك طحنون من رقبته وراغه برع واسماء واقفه تضحك..وتم غانم يطالعها اول مره ايشوفها جذيه تم فاج حلجه ويطالعها ..
اسماء : لا تتقرب منيه ببغم ..
غانم : مع ويهج شو اباج اتقرب منج تعالي قعدي جدامي بقولج شي ..
اسماء : هههههههههه .. في يوم عرسي مع ويهي ..؟؟
غانم : انتي واخوانج خليتوا فيه حاله ..
اسماء : ههههههههه . حرام عليكم ايسولنا جو ..
غانم : مالت عليه من جوو . وتنهد تنهيده ..
اسماء : وايه ليش كل هاذا ؟؟..
غانم : اسوي ريفرش ..
اسماء : هههههههههه ..
غانم : فديت هالضحكه ..
اسماء مستحيه وتتطالع الارض .. وهو مستانس عليها مسك الكيسه وحطاها احذالها
غانم : ها لج ؟؟
اسماء : شو هاذا ؟؟
غانم : عقب فتحيه وبتعرفين شو هاذا ؟؟...اسامي ..
اسماء رفعت راسها اطالعه جان ايقوم ويطرشلها بوسه .. انصدمت استوا ويهها احمر نشت وحطت ايدها ع ويها ..
غانم : ها من بعيد وجذيه لو من قريب ..
اسماء : اماااايه .. طحننوووون ..
طحنون : ها ها ياي ..ودش الميلس لانه الباب كان مبطل ..
غانم : شو اسعاااااااف ؟؟..
طحنون : ههههههههه لا النجده ..
وتم طحنون قاعد معاهم وخلاف ظهر عنهم غانم وهو مستانس ومرتاح انه خلاص حصل اللي يباها والله يسعدهم ..
الــــجزء الواحــــد والعـــشرون

احبك عد مادق الخفوق ومارمشت لي عين .. احبك عد مانور غرامك عمــــــري الدامس
غلاك يخافقي يكبر مع مرور الزمن ويزيـن .. ويزهر بوسط قلبي غصن قبل اعرفك يابس



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 14-03-2012, 08:51 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي




بيت بو عبدالله
الخميس 1 فليل
بوظــــــبي..

بعد مادشت اسماء غرفتها واتسبحت وفججت الترسيحه وخوزت المكياج و قعدت ع الشبريه وحطت الكيسه جدامها .. وكان فيها ثلاث كراتين مزينات ومرتبات.. اول كرتون كان فيه تلفون .. وفيه ورقه مكتوب فيها ( فجيه بسرعه عسب ارمسج ورقمي اتعرفينه مايحتاي .. احبج ) ثاني كرتون كان فيه قرءان وفيه ورقه مكتوب فيها ..( عسب ربي يحفظج ويحفظني وينور النا حياتنا .. الله يحفظج لي ويصونج ياام هزاع )..تمت اسمه تضحك على ام هزاع .. وثالث كرتون فيه صور والصور كانت صورهم وهم صغار وهي شكلها كشه لابسه كندوره حمرا اقصيره وتحتها الصروال وشكلها امبهدل وهالصوره كانت تركض ماتبا حد ايصورها اياها بس اخته ساره صورتهم يوم كانوا في العزبه والصوره الثانيه كانت قاعده وهو واقف معاها ويضربها وهي اتصيح وكاتب في الورقه ..( احبج من صغريه و حبيتج لسببين اول شي الكندوره الحمرا وكشتج الطايره .. وثاني شي لاني كنت اضربج ومابعد عدواه الا محبه .. بس اللي فيه انا لحينه هب محبه وبس انا اموت فيج واشرق في حبج من كثره والخاتم نفس اللون اللي حبيتج بسبته ) .. وتحت الصور قوطي كان فيه خاتم كارتير ابيض في دوائر حمر ...طاحت اسماء ع الشبريه وقعدت تضحك .. ومنقهره انه هالصوره عنده كيف شكلها غلط .. فتحت التلفون عسب تتضارب معاه ويوم فتحته حاطلها صورته خلفية وعليها تتدري اني موت احبك ..
اسماء : ياربي هالانسااااااااان كيييييييييف .. احبه والله احبه .. فديته ..فديت هالويهه ..
شوي واطالعت التلفون رسائل وارده = 1 توها يت بتفتحها الا هو اتصل ..
غانم : تو الناس مابغييييتي ..
اسماء : ههههههههههه مع ويهك انزين لحظه اتريا عليه حتى الرساله ماوحالي افتحها ..
غانم : انزين فتحيها ..
فتحت اسماء الرساله وحصلت مكتوب فيها
" يامنتهى الغايه وذوق المشاعر ..واروع شعور في حياتي قريته .. لي قلب مجنون ولي روح شاعر .. وفيني عقل وانته مني خذيته .. ياشيخ احبـــــك لعنبوها الرسايل ماتوصف اللي بالحنايا خفيته .. احبــــج اســـامـــي "

اسماء : ...................................
غانم : قرييييييتي ؟؟
اسماء : ....................................... وتنهدت تنهيده بصوت واطي بس فيها كل معنى للحب والشوق
غانم : ياوييييييييل قلبي شويشوي عليه عن لااطب من فوق وانا هب حاس بعمريه ..احبج احبج وقعد يهمس بصوت واطي احبج احبـــــــــــــج ..
اسماء : يله تصبح على خير .. وسكرت في ويهه ..
وتم هو يتصل كم مره بس هيه ماردت عليه وتمت لاويه ع المخده ..
اسماء : والله اني احبه اعشقه ياربي هالانسان كيف انا مينونه فيه و كيف عاشقتنه عشق هب طبيعي .. ياربي ..احبببببببببه يخبل ابيه ..شافت التلفون في رساله وارده
"اعرف انج ميته من الحيا .. تصبحين على اخير ياام هزاع .. واسميني بتولهه عليج لين باجر .. (حرمتيه) تراني احبج .. اتمنى في هاللحظه اتكونين عندي بس هانت الا هن شهرين وبراويج منوه ريلج بو هزاع .. اسامي اموت فيج "
اسماء مسكت التلفون واتحس ببروده تسري في جسمها وقعدت تضحك على عمرها .. وخلاف حطت التلفون واتحلفت ورقدت ..

بيت بو محمد
الجمعه 6 المغرب
بوظــــــبي ..

من هويت من العلالي لك هويت ... مثل طيرن صابته نيران حربــــك
لا تعذبنــــي من الـــود اكتويــــت... ومااريد الا اعيش العمر جنبــــك

محمد كان راقد في غرفته لانه طيارتهم الساعه 10 فليل..
حصه: ..حموووووود .. نش فديتك ..
محمد : ........ همممممم ..
حصه : حموووووود بسك عاد نش المغرب اللحين ..
محمد : افففففففففففففففففففففف .. شعندج انتي ..؟؟؟.
حصه : نش اباااااااك ..
محمد : بعدين .. جان ايرد و يتلحف و يغطي راسه باللحاف ..
حصه : لا اللحييييييييييييين ...و راحت ع الطرف الثاني مال الشبريه و يلست عداله .. يله الغالي نش .. نش فديتك ..
ما عطاها ويه و تم راقد ..
حصه تسحب المخده من تحت راس محمد و يالسه تظربه بالمخده ..
حصه : اييييييه نش ..
جان يعصب محمد و من شافته يفر اللحاف نشت بتشرد و عطته ظهرها و توها نازله من الشبريه .. مستانسه على عمرها .. ظربته و بتشرد .. و ان محمد يمطها من شعرها.
حصه : ااااااااااااااااااااااااااااخخخخخخخ ...
محمد: وين وين بتشردين ..
حصه و هي اتقرب من محمد عقب ما عورها وهو يمط شعرها : اوكي اوكي .. بس لا تمط و الله يعور والله انه يعور حرام عليك فج ذيلي حرام والله اخر مره ها توبه توبه واونها تايبه اتحط صبعها عند ثمها.
محمد : اللحين يعور .. ؟؟.. تعالي تعالي ..مسك المخده بأيده الثانيه و تم يظربها .. و عقب ما فجج راسه منها فجها ..
محمد : و اللحين فارجي خليني انام ..
حصه : حشىىىىى منك كيف متوحش وعووف عوذ بالله منك .. و نزلت من الشبريه و هي شاله المخده في ايدها و يوم توها بتوصل عند الباب بعيد شوي عنه فرته بالمخده و ظهرت تربع من حجرته.. ونزلت ع الدري وهي اتناهي ..
حصه : اه اههه .. اه والله اني تعبت واول ماوصلت طاحت ع ريلها وهي قاعده ..
ام محمد : وين يايه من المارثون ؟؟
حصه نقعت من الضحك وانسدحت في الصاله تضحك ..
اليازيه : احلىىىى اهناك احلىىىى احلىىىى .. امايه قامت اتعق نكت اوه منوه يروم ..
ام محمد : حتى انتي ؟؟
اليازيه : هههههههههه ..
حصه : عشان اتعرفين اني هب بس انا اللي شويه عقليه مفتر .. حتى هييييييه..
اليازيه : والله عاد الاعتراف بالحق فضيله وحظرتج تعترفين انج جذيه .. لكن انا الحمد لله حرمه عاقل ورزين بس عاده اتعرفين انتي من عاشر القوم اربعين يوما صار منهم وانا حليلي معاشرتنج من اسنين ..
حصه : اونج اونج عاده .. يله الحينه عاده اتفلسفت مس علم النفس ..
ام محمد : يالمقوووووي ..
حصه : اعرف والله ... هههههههه ...
وشوي ونزل محمد الصاله تحت وشاف حصه طايحه ع الارض يا ووقف جدامها وشل ريله عسب اونها يدوسها ..
محمد : هاي شو مطيحنها اهنيه .. ادوووسج .. يالحشره ..
ام محمد : زين اتسوي اكسر بس ريلها عن لاتتحرك .. واتقول بظهر وعن لا تراكض جنها خيل ..
اليازيه : حمود دخيلك السانها السانها بعد ..
احصه : هههههههههه . حليلي حرام عليكم ثرني بنت البطه السوده اللي بيدوسني والله بيقص الساني واللي بيكسر ريلي حرام عليكم ثرني اهون عليكم والله انكم اكثر اجرام عن سفاح صنعاء ..
محمد : هههههههههه .. مع هالويهه ..
حصه : لا و الله لا تضحك مايضحك..؟؟.. و ليش ان شاء الله متعب عمرك و ناش جان كملت رقادك ..
محمد يصبله كوب حليب : ههههههههههههههههههه .. انتي شعندج ؟؟..
حصه : عندي الله يسلمك يونية بصل..لا تستهبل بعد شو ابا اباك اطلعني لا تنسى انك اليووم بتسافر بس الحينه غيرت رايي ماريد .. ..
محمد : و تراني مره بشورج .. متى ما بغيتي بتلقيني تحت امرج الشيخه ..
حصه : اصلا انا ادري مافي داعي اتقول ..
محمد : هيه ان شاء الله ..
ام محمد : اقعد ابويه اقعد يعلني افداك هاي متفيجه ماعندها سالفه ..
محمد : ياربي والله عيزان اسافر ماريد اسافر خلاص ملينا ..
اليازيه : يله هانت ماعليه الا هن اربع اسابيع وبتتخرجون وبتردون ..
حصه تنغز في الرمسه : هو واحد بيردلنا ليش تجمعييييين .؟؟؟
اليازيه : لا تستهبلين انا اطريه وكل اللي مسافرين معاه عن السخافه ..
حصه : اااااه يس ذاتس اي نو .. اوكي اوكي ..
محمد : هيه والله هانت الا اسبوعين وبنفتك ..
ام محمد : يله عاده الحينه سيروا شدوا حيلكم ودرسوا عدل بيضوا ويوهنا ..
محمد : ان شاء الله افا عليج يامايه ولا يهمج امره ..
ام محمد : فديت قلبك ياولديه ... ياله يارب انك توفقه وتعطيه مافي خاطره ياله ياكريم .. وتحفظه من كل شي في هالدنيا ..
حصه : اششش اشششش ياعيييييييني ياعيييني هاالريم من وين اتظهرين هالدعاوي الحلوه ولا هالدعاوي ماتظهر الا حق صرصور وحمود ..
ام محمد : صخي انتي صخي ..
حصه : ياربي كيف هالانسانه تكرهني .. ماعرف سارقه حلال ابوها انا ..
اليازيه : انتي شكلج اليوم تبين تتصفعين ..
حصه : نو .. نو .. خليني سليمه اخير ..
محمد : بنش اتصل في طحنون بنروح ستار بكس قبل لا انروح بنشرب لنا كوفي بنطالع االشباب ..
حصه : بتسيرون ستار صندوق ؟؟
محمد : شو ها ان شاء الله ...
حصه : ها بكس يعني صندوق نحنا هل بوظبي مب مطورين نزقره صندوق ..
محمد : ههههههههههههه ... مع ويهج .. اجلبي ويهج ..
حصه اتفر بويها الصوب الثاني : جلبته بس هعهعهعععع على اي صفحه ؟؟
محمد : سخيييييفه ..
اليازيه : طاف ترا الحقران يقطع المصران . وعاده كله ولا هاي يوم حد ايسولها طاف تحترق ..
محمد : هههههههههههه .. يله بشوفكن ع الثمان ..
ام محمد : يابويه ايلس وين بتسير ساعه وبترد ..
محمد : ماعليه ماعندنا اغراض ولا بنرتب شي .. بنمر انسلم وخلاف بنروح المطار ..
ام محمد : ع راحتك ياولديه اللي يريحك ..

بيت بو سيف
الجمعه 10 فليل
الرمــــــاح ..
خالد وسعيد وراشد وبطي كانوا قاعدين ع الرمله اللي جدام باب البيت..
سعيد : اليوم لا مول ولا ستار بكس يلسة برا ..
خالد : حلاته والتراب الحمر على يمنيك ويسار بس ناقص نشوي شي ..
سعيد : هههههههههه .. في خاطريه ام الربيان وربيان وذره اووووف حلاته .. ياسلاااااااام .. صراحه ..
راشد : سعووود عشت الدور توك متعشي ؟؟
سعيد : لا خله هالعشا عصوب نبا شي ثاني ..
بطي : ع الاكل اللي تاكله ياخي ولا يبين فيك شي وين ايروح ؟؟ دود في بطنك دود ..
سعيد : ههههههههههه .. ياريال احسلي جذيه .. ونفخ جتفه .. شوف شوف انعق فلانه وانطير علانه ..
خالد : مانرووووووم عليك ياقووووي انته ..
سعيد : ها عيل ثره ولد خالتك هين ..
وشويه ووقف نيسان اسود جدام باب بيتهم مزوده وحشره ومن الصبح هالسياره اتحوط واتصيح ويلات .. نزل منها زايد وراح صوبهم وراحت السياره ..
بطي : انته معاه في السياره ؟؟
زايد : هيه هاذا صبوووح ولد مبارك ..
خالد : يالسبال انتوا ماتخافون على عماركم نحن الا انقول منو هيله اللي في السياره اللي يسون جذيه بالسياره ..
راشد : واونه شو خذولي سياره يوم بنحيدك بتستوي ريال هييج الساعه بتحصلها السياره السياره حق الرياييل اللي يحافظون على عمارهم هب حقك انته الياهل .. اللي ماتعرف شو اتسوي .. ليش تركب معاه
كم مره قاييلك سواف لا تركب معاه ..
خالد : لا هو مايسمع الرمسه الا يوم بيحن العقال ع ظهره هييج الساعه الرمسه بتدش في اذنه .. استو ريال واعقل اخيرلك ولا والله ثم والله يازايد لا اتشوف شي في عمرك ماشفته منيه ..
زايد : الحينه انتوا شو بلاكم عليه شو مسوي انا ..
بطي : دش دش الله يخليك نرطن هندي نحن من ربع ساعه ..
زايد : شو يعني ماعندي سياره ولا اروح مع ربعيه مكان اقعد في البيت شسوي ..؟؟. حرمه انا ..
سعيد : محد قالك لا اتروح مع ربعك بس روح بعقل اتخيلوا انتوا اتسون جذيه وبسم الله عليكم تنجلب ابكم السياره ولا شي شو فايدتها اخلاف الرمسه نحن مانقولك ماكنا شراتكم نحن كنا شراتكم انسوي ونتحرا هاي لعبه ومستانسين عليها بس هاي اللعبه روحت وايد شباب وماتمنى الغلط اللي نحن سويناه يوم نحن اصغار ومتهورين اتردون انتوا تسونه .. زايد اخوانك ايخافون عليك ويبون مصلحتك ..
زايد : انزين ماعليه .. وراح عنهم ..
خالد : والله انه سباااااال .. عادي عنده مش مهتم ..
سعيد : انتوا يوم بتون معاه اتكلموا معاه بهدوء طالعوا كيف من يا هديتوا عليه كلكم .. شويشوي عليه عسب يسمع رمستكم ..
خالد : ماتفيد معاه الرمسه سواف كم مره زاخنه ومرمسنه اخر شي هدده وطالع الحينه رد مره ثانيه ..
سعيد : ماعليه كثر الدق يفج اللحام ..
وشوي ودخل سيف بسيارته البيت ..
بطي : هههههههههه .. ياكم راعي الاس ال ار ..
سعيد : بربع صوبه بصور فيديو كليب يوم بابه يتبطل ع فوق ..خخخخخخخ ..
خالد : ههههههههههه .. تعال بنتمصخر عليه ..
ودشوا سعيد وخالد الحوي وتوه الباب كان يتبطل وسيف بينزل ..
سعيد ماسك تلفونه : ادلع ياكايدهم خليهم يشوفونك خليهم يشوفونك ..
سيف حاط ايديه جدام الكيمره : ياخي لا تستهبل ايسيرون صدق ايوزعون صوريه بالبلوتوث ..
خالد : مايحتاي مادري منوه عاده الليدي ديانا نازله من السياره ..
سيف : هههههخهخخهخه .. مع ويهك لا تنكت .. لا تشبهنيه بااموات ..
خالد : اونك عاده الحينه انته لازم ايكون لك الشرف يوم انه نحن بنشبهك ابها ..
سيف : هيييييه صح نسيت هههههههه ..
سعيد : اف صراحه ترتوب فنانه جان مااروح واخذليه شراتها .. بس انا مالي غنى عن البييضاء مالتيه ..
سيف : شوتباها والله انها عباله هاي بس حق كشخه ولا حق استعمال مول ما تنفع ..
سعيد : مادري والله ... تعالوا يله بنسير نقعد ع عالرقوب ..
سيف : اي عرقوب ؟؟
سعيد : اللي جدام باب بيتكم ..
سيف : ههههههههه .. هيه عرقوبنا وانته بلاك رافع رقبتك فوق شو ادور ..
خالد : ماشي اعد النجوم ..
سعيد : كم وحده ؟؟
خالد : ثلاث .. ههههههههه ..
وراحوا سعيد وسيف وخالد عند قوم راشد وبطي ..
سيف : الا شحاله احمد مايبين .؟؟.
راشد : البارحه كان ويانا في المول ..
سيف : صدق اللي يعرس يلتزم ..
سعيد : يله الفال الكم بس بدووووووني ..هههههههههه ..
خالد : لا ادخيلك لا اتفااااااااول ..
راشد : الفال الكم اونه احس اني يالس مع عوانس ولا مع بنيات شو رياييل الفال الكم
بطي : ههههههههههههه .. ابويه نحن رياييل مايعيبنا شي من اناشر ع العرس يانا ..
سيف : هيه مايحتاي عاده انتوا يالخقه اللي فيكم مافي حد في هالدنيا ..
شويه ووصل مسج ع تلفون خالد من عند نوره ..
" نحن نتمشى في الفريج ... والحينه بنخطف عند باب بيتكم اللي من ورى"
سعيد : اذا شي غاوي طرشه صوبي..
خالد : لا لا هب شي غاوي ..
سعيد : صادوووووه شو ..
خالد : لا لا اقعد مكانك خلاص مسحته ..
سيف : اونه عاده عندك اسرار ..
خالد : خصوصيات ياريال ..
وطافن جدامهم نوره واختها علياء مع امها وكانن يتمشن في الشارع ..واشرت الهم ام نوره من بعيد اونها عاد اتسلم .. ..
سعيد : حوه هاي وين تبا ؟؟
سيف : مااشوف صراحه انا عدل فليل الشارع مظلم وهن مابيبنن عدل ..
خالد : هاي ام خلفووون ..
بطي : هيه وانا اقول منوه هاي .؟؟.
راشد : ياريال شو هي الهبله انزين لو حد من الشباب قاعد معانا استغفر الله ناس غجر ماعندهم مذهب ..
سعيد : ههههههههههه ..
وشويه ورن تلفون راشد ..
راشد : الوو ..
: مرحبا .. السلام عليكم
راشد : وعليكم السلام .. هلا ..
: انته راشد ؟؟
راشد : هيه نعم لحظه شوي وراح عنهم وطاحوا فيه تعليق ..
خالد :ياريال مانروم عاد نحن حركات ..
سعيد : اونه عاد واحد مهم هيه نعم لحظه ..
سيف : هههههههههههه .. شو بيستوي عليك جان رمست جدامنا ..
ووصل راشد سيارته وركبها وسكر الباب راحوا عنده خالد وسعيد يبون ايبطلون عليه الباب قفل عنهم الباب .. وردوا مره ثانيه وكملوا قعدتهم ..

في وزاره من الوزارات الحكوميه
السبت 12 ونص الظهر
بوظبــــــــي ..

تولعت ابهـــــوا مدعوج لعيــاني ... لي صاب الحشا وبسهمه ارماني
أسرني من لواحظ عيونه النجلا ...وخلاني متيــــــم فــيــه خلانـــي!!

ريم : فديتج خوالي جوفي هالملف صح ولا فيه اغلاط املائيه بس راجعيه بروح اصلي ..
خوله : ماعليه هاتي اجوفه ..
ريم : مشكوره ياام بدور نتعب في عرسها ان شاء الله ..
خوله : ههههههههه .. وايد باقي ..
ريم : هههه يالله . الله كريم .. خوالي فديتج ثواني ويايتنج وهي اتقولها هالكلام كانت صاده راسها عليها اتكلمها وتمشي سيده بتظهر من قسمهم وشوي انه سيف يمشي سيده وظهرت في ويهه .. شويه وبيداعمون ..
سيف : هوووووووب . ورد ع ورا .. هههههههههه ..
ريم منصدمه منه وتتطالعه بغباء من تحت النقاب: سوري ..
سيف : لا افا عليج اممره انتي اللي سمحيليه ..
وتوها ريم بتروح ..
سيف : اه .. ري..
صدت ريم ع ورا : نعم في شي .؟؟.
سيف : لا ابدا ماشي سلامتج ..
اطالعته باستغراب وراحت عنه صوب اللفت ودقت اللفت تترياه يوصل واصلا بعد سيف كان ايريد انه ينزل الطابق الاول عسب ايصلي في االمسيد اللي تحت .. فتمت هيه واقفه وهو واقف وراها .. صدت ورا وشافته واقف سوتله طاف ووصل اللفت وكان فيه الفراش شال صينيه ..
الفراش : مدام ريم ذس كوفي فور يو ..
ريم : مشكور راجو بس انا مستعيله بروح اصلي وده المكتب بيي عقب ..
الفراش : اوكيه مدام ..
سيف في خاطره : فقتك من الحينه اتقاشر عليها مدام .. وكان بيدش معاها اللفت يوم شافته بيدش معاها اللفت ظهرت من اللفت وقعدت تنزل من ع الدري ..
سيف : ياربي هاي الانسانه كيف غريبه حتى اللفت ماتركبه معايه باكلها يعني انا .. ليش انا متعلق فيها جذيه شو اللي فيها بد عن البنات .. صح انها حلوه بس مااعرف شو اللي يجذبني الها .. انا اللي عمري مافكرت في حد افكر في وحده تشتغل معايه ؟؟.. ليش شو فيها اللي تشتغل معايه .. يالاه نحن لين متى بنتم انفكر بتفكير هلنا .. لازم نغير وجهة نظرنا عن البنت اللي تشتغل زمانا غير عن زمانهم .. الرحمه يارب ..وعقب ماخلصوا صلاه خلصت قبله وراحت فوق القسم مالهم ..
ريم : اففففففف مع ويهه .. لزقه ..
خوله : منوه روميو ..؟؟
ريم : هههههههههههه . روميو سميتيه ماشاء الله ..
خوله : شو سوى مسكين حليله هالريال مشقاي في حياته ..
ريم : ظهرت يوم كنت اكلمج وكنت بداعم معاه ..
خوله : هههههههههه ادري شفتج هلكت من الضحك عليج .. ههههههههههه .
ريم : خووووالي عاده ..
خوله :انزين هاه خلاص صخينا .. صخينا ..
ريم : بس صدق ادبته يتحراني بخليه يركب معايه اللفت ويتسكر علينا .. دش ورايه بعد ماعنده مذهب ..
خوله : الريال مسكين حليله مستعيل ايريد ايروح ايصلي شو يسوي يعني ..
ريم : مايحتاي مع ويهه ..
خوله : لا حرام عليج هو في موضوع الصلاه اخير عن الشباب الباقيين اللي عنا .. اول واحد ايروح ايصلي هو ..وهو الوحيد اللي ماعنده حركات معا لبنات مع انه يقدر الف وحده تتمناه اهنيه في الدوام بس هو مايعطيهن ويهه .. مستصيب من الريم اليفالي ..
ريم : زين فالح بس في هالشي .. خلاص استانستي .. اصفق ولا مايحتاي ..
خوله : هههههههه ... لا مايحتاي بس حني عليه ..
ريم : خوالي بذبحج شو احن عليه انا يايه اشتغل ولا يايه احن على فلان وعلى علان اسميه لو يدروبي اخواني جان صدق ذبحوني وذبحوه لو دروا انه يسولي هالسخافه ..
خوله : مسكيييييييييين شو سوى حليله حرام عليج والله انه ولا سوى ولا شي ..
ريم : يارببييييييي هاتي هاتي الملف .. وشلت عنها الملف ..
خوله : هههههههههههه .. زين شربي قهوتج بردت ..
ريم : عادي اصلا كل شي ماصخ في هالدوام يت ع القهوه يعني ..
خوله : انزين انتي الحينه ليش معصبه ليش ؟؟
ريم : يقهر ..
خوله : وايد اتكبرين الامور .. خلاص خلاص صخي .. اشتغلي اشتغلي ..
ريم : هههههههههههه .. ان شاء الله ياقلبي ..
خوله : ماشاء الله عليج ..

بيت بو علي
السبت 5 العصر
العيــــــــن ...

قبل احبك واشوفك كل شي كان عادي *** كل شي بعيني كنت مرخـص بـشانه
بك عرفت المحبه وصار قلبك بلادي *** ومن سكن في خفوقك به يلاقي كيانه

ام علي وابو علي ومريم وشمه كانوا فارشين زوليه في الحوي وقاعدين عليها ..
سعيد : السلااااام علييييهم ..
الكل : وعليك السلام ..
سعيد : ماشاء الله قاعدين ..
ام علي : شو نسوي نستانس بهالجو الغاوي ..
سعيد : وينها امايه ؟؟
مريم : عند الخدامه ادزها في القاري خاري ماشفتها وانته ياي ؟؟؟
سعيد : مادري والله يمكن مانتبهت .. بروح اشوفها .. ونش سعيد ظهر برع جدام باب البيت وشاف الخدامه ادز فطومه في القاري راح عندها وشلها وتم ايحوط فيها في الحوي وعقب وداها برع ..
مريم : زين مستولها بيبي ستر ..
شمه : هههههههههه .. حليله بيببي ستر مره وحده ..
ام علي : شو هاي بيبي ستر ..
بو علي : هيه اللي تيود اليهال ... صح ولا هب صح ..
مريم : هههههههههههه افا عليك عمي اي شي اتقوله انته صح هيه نعم صح ..
ام علي : وانته من وين اتعرف هالسوالف بعد ؟؟
بو علي : من الربع ..
ام علي : هيه من الربع امممره مول من الربع ..
بو علي : هههههههههه .. صبيلي صبيلي ياغناتي فنيان اقهوه ..
ام علي تناوله الفنيان : ها اتفضل .
بو علي : دام فضلج يالغاليه وعسى لا عدمناج ياربيه ..
شمه ومريم :ههههههههه امييييييين ..
ام علي : هاذا عمكن يتحرا عمره بو خمسه وعشرين سنه يقعد يتغزل ..
شمه : ههههههههه . عمتيه توكم اعنبوه شباب اللي اكبر عنكم ايقولون اخس عن هالرمسه ..
بو علي : قوليلها عمتج كل ماقلتلها شي هبت في ويهيه ..
ام علي : عاده جذيه حرام عليك ..
فلاح : مامااااااه ..
مريم : تعال انا اهنيييييييه ..
فلاح : ماماه ماماااااه تعود وااااي انتااااي تال فتومه بيوديها حديكه فلاح نووو ..
بو علي : ههههههههههه .. فديت قلبك انا تعال حبيبي تعال وشله يده وقعده ع ريله ..
مريم : منوه قال .. ماماه مابيوديها الحديقه بس شالنها يمشي معاها ..
فلاح : نووو حديكه ..
ام علي اتشل ايديه واتحبه على ايديه : فديت هالمنطوق محلاه .. يعلني ماخلا منه ..
بو علي : صبر الحينه بنواقعه وبنضربه .. سعوووود سعوووووووود ..
سعيد : يالبيييييييييييه ..
بو علي : تعال اربع ..
سعيد : افا عليك اممره تم بشترك في سباق الخيول العربيه الاصليه عشان اعيونك الحلوه ..
شمه : عمي تراه كله تقردين .. ودهان سير ..
بو علي : ادريبه انا هاذا مايخلى ؟؟
شمه : ههههههههههههه ..
سعيد : لبيييييه امر عيوني قلبيه زقرتنيه ؟؟
بو علي : خل عنك هالسوالف نش ود الشيخ فلاح الحديقه ..
سعيد : اي شيخ قول الامير فلاح قاعد ع العرش ماشاء الله ..
فلاح : يدي دال حديكه ..
سعيد : هيه ان شاء الله دريول ابوك انا ..
ام علي : هب هباااك ربك شو تباه ابوه حليله راقد ...
سعيد : ابوه راقد وانا اوديه الحديقه هيه ان شاء الله ..
بو علي : نش نش وده الحديقه يله ..
سعيد : شو نسوي حكم القوي ع الضعيف ... وعطا فطومه شمه .. وشل فلاح .. وفلاح مستانس يغني ..
مريم : هههههههههههه .. والله انه اعيالي مستقطعين ع الحديقه ..
شمه : هههههههه حليلهم يهال يبون يستانسون ..
مريم : سعيد ..
سعيد : هلا ..
مريم : شلوا مانع معاكم مافيه ع الحشره لا تتاخرون برقدهم عليهم دوامات باجر ..
سعيد : امبوني بوديهم نص ساعه وبردهم ..
مريم : ههههههههه .. احسن زين اتسوي ..
مانع : لا نحنا انريد وايد ..
مريم : هيه ان شاء الله ماعليه يله روحوا ..
ام علي : اتحمل ع اليهاااااال ..
بو علي : امسك كل واحد من ايده ..
سعيد : لا تخلونيه احلف ماوديهم .. شوووووو سيلانيه ؟؟
شمه : هههههههههههههههه ..
سعيد : سكتي انتي لا تضحكين ..
مريم : اونه عاد معصب ..
شمه : ههههههههههههه .. كيفك بضحك ..
وحدر احمد بسيارته وظهر سعيد بسيارته مودي مانع وفلاح الحديقه ..
احمد : السلام عليكم ..
الكل : وعليكم السلام .. وقعد حذال شمه ..
شمه : نعيماً ..
احمد : الله ينعم عليج يالغلا ..
بو علي : نعيماً بو شهاب ..
احمد : الله ينعم عليك بو علي .. سعود وين راح ؟؟
مريم : ساير يودي مانع وفلاح الحديقه اونه سيلانيتهم انا وظاهر معصب ههههه ..
احمد : احسن دواه ادبوه خلوه كل يوم ايودي حد شو بيستوي عليه عاده .. ها القمر شوتسوي اهنيه ..
شمه : قوليله انا زعلانه بعد اريد اظهر خواني كلهم ظهروا ..
مريم : وووايه وايه طالعي البرطم كيف طايح ع صوب..
احمد : اتعرفييين بعد ..
ام علي : ها شقايل عيل ماتعرف .. خلاص قوم بو ست شهور يفطنون ..
بو علي : يله احمد نش ودها ..
احمد: هههههههه ..فديت قلبج انا تعالي وشلها .. تم ايحببها وايحط ثمه على بطنها وهي تكركر ..وتمطه من شعره اللي يوصل لين حياته ..
احمد :اخخ .. فطووم ..
شمه :هههههههههه .. نش احمد بنحطوها في السياره ..
احمد : انتي تامرين امر .. يله بنرسقها بنتكم ..
مريم : زين ريحونيه منهم شويه ..هههههههه ..ع قولة ظبيه اخذ باور عسب استحملهم عقب ..
شمه : حتى يرتاح من هالغزال .. ونشوا شمه واحمد وركبوا السياره وشلت شمه فطومه وحطتها ع ريلها وقعدوا يتحوطون في الفريج..
احمد : طالعي شقايل مستانسه على الاغنيه ..
شمه : ههههههه .. بنتنا هووايه فديتها .. ياربي ..
وفطومه تنقز على ريل شمه وادق على المسند اللي بين شمه واحمد .. نش احمد وطول .. ويبس الها برقبته وهي اطالع تبا اتسوي شراته تقعد اتهز راسها .. شلتها شمه ولوت عليها ..
شمه : ياربي هالبنيه بتذبحني من غلاتها .. لو اييب بنيه مابتعادلها في الغلا لو حتى ظنايه ..
احمد : ههههههههههههه .. لا عاد ها الظنا من احمد مابتحبينه عادي هو ايحبج لانج امه ولانج قلب احمد ..
شمه انصدمت اول مره احمد ايقولها هالرمسه ايقولها غناتي حبيبتي لكن احبج و قلب احمد استغربت قعدت اطالعه معقده حياتها وتمت ساكته مستحيه .. وغيرت الموضوع ..
شمه : شوف شباصتها محلاتها هالبنت اتجنن ..
احمد : ههههههههه .. ياحبج لتغير الموضوع ..
شمه : ههههههههه حرام عليك ..

بيت بو محمد
السبت 8 المغرب
بوظــــــــبي ..

بس من التــــعذيب يامحبي ... خل قلبي وقلبك ارباعه
طف نارٍ في الحشى اتشبي ... ماتهــــون دوم ولاعـــه

حصه : يزوي شو اتسوين .؟؟؟؟.
اليازيه : ارقصصصصص ... انتي شو تشوفيني اسوي .؟؟.
حصه : ههههههههه .. شو تتدرسين ؟؟
اليازيه : حصوه يوزي عنيه وفكيني والله باجر عليه امتحان صعب فففف ويهج احبااااااط .. فالبزين انقلعي لو سمحتي يعني ..
حصه : انزين بس بسالج سؤال واحد والله بس سؤال واحد ..
اليازيه : افففففففف شوووو ... بسرعه ثانيه ماباج تكملين خلصي ..
حصه : الاثنين عندج امتحان ؟؟..
اليازيه : لا ليش ؟؟
حصه :اللللللاااااااه شو رايج اتواعدين اربيعاتج وانا اواعد اربيعاتي وانروح الحديقه ..
اليازيه : شو نسوي ؟؟
حصه : يعني حديقه كلها بنات واللي يشغلن الالعاب فيها حريم ... بنروح نلعب وبنتمشى وبنستانس مع ربيعاتنا وبنرد والله قعدت البيت ملل ..
اليازيه : ماعليه يستوي خير ..
حصه : قولي عسب اروح اكلم امايه ..
اليازيه : بجوف ربيعاتي اول وعقب برد عليج برمسهن باجر ..
حصه :اف ياربي اتريا لين باااجر وووووول خيييييبه ..
اليازيه : اتخيبج يالسباله قومي قومي انقلعي برع .. انتي مول ماعندج الفاظ احسن عن هالالفاظ ..
حصه : بروح اكلم امايه انا انتي انقلعي ادرسي مع ويهج .. دودة الكتب ..
وظهرت حصه عن اليازيه وراحت عند امها في الصاله .. وامها كانت ادرس منصور اخوها ..
حصه : اماااايه ..
ام محمد : انا جدامج اشعنه الحشره ؟؟ هوايه ؟؟ ..وازعاج بس صح ..
حصه : افا عليج يام حمود ماعاش اللي يزعجج ولا يفكر انه يغيض بج افا عليج .. اقول الغاليه ..
ام محمد : نعم خير ..
حصه :فديتج طلبتج طلبه قولي تم ..
ام محمد : اسفه ظهره مابتظهرين ومن البدايه انا رادتنج ..
حصه : امايه حرام ..
ام محمد : لا لله لا تحرمينه شي ماحرمه الله لا تحرمينه انتي ..
حصه : انزين سمعي انتي باجر اربيعاتي كلهن بيروحن الحديقه ويزوي بترمس اربيعاتها وكلنا بنروح ..امايه والله حرام من زمان ما رحنا هالحديقه من اربع سنين .. وايقولون وايد غيروا فيها حتى خلن حريم ايشغلن الالعاب ..
ام محمد : انزين ماعليه برمس ابودج ويستوي خير لين باجر ماتتدرين منوه ميت ومنوه حي ..
حصه : اصلا ابويه فديته عادي هب قايل شي لو انتي وافقتي ..
ام محمد : خلاص انقلعي عنيه عن الحشره .. قتلج يستوي الخير ..
وتمت حصه اتحبب امها وتلوي عليها وعقب انسدحت ع الارض ..
حصه :امايه همزيني اهنيه والله ظهريه ايعروني ..
ام محمد : انا اروحي ابا حد ايهمزنيه ..
حصه : انزين همزيني انتي الحينه وعقب انا بهمزج ..
منصور : امايه يله عاد انا اريد ادرس ..
ام محمد : نشي نشي خليني ادرس الولد انا هب متفيجه حق دلعج ..
حصه : اففففففف بروح اشوف ربيعاتي اخيرلي ..
وراحت فوق وشغلت النت وقعدت اتسولف مع ربيعاتها ..



الرد باقتباس
إضافة رد

ليت جنح الليل يحملك أساي / الكاتبة : ظبيانية دار الظبي ، كاملة

الوسوم
للكاتبه , مساج , الليل , العبد , يحمل , ظبيانية , •]¦• , •¦[•
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
قصة العبد مع عمته آلعشق قصص - قصيرة 27 25-06-2013 07:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
قيام الليل لحن الروند ارشيف غرام 4 13-12-2009 05:45 AM
أكثر من 100 طريقة تحمسك لقيام الليل BOB الرومنسى مواضيع إسلامية - فقه - عقيدة 8 19-04-2006 07:00 AM

الساعة الآن +3: 04:11 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1