غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 02-12-2012, 01:47 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي




بيت بو محمد
الخميس 2 الظهر
بوظـــــــــبي ..

تذبحني النظره من عيونك السود ... ويلي على ذيك العيون الجميله
اشوف فيها سحر ماهو بموجود ... تشفي الجروح المدميات العليله
هالوقت في بيت بو محمد الكل كان مرتبش لانه غدا الرياييل وغدا الحريم كان عندهم .. والميلس ماشاء الله انترس رياييل والصاله كلها حريم .. وظبيه وحصه وروضه وفاخره كانن يعابلن في المطبخ ..
ظبيه : ياربي الحينه كيف بنحدر .؟.؟؟ والحريم ين ..
روضه : هههههههه .. انا يبت السمان كله في غرفة الضيوف .. كل شي .. كنت مسويه حساب لاني كم مره مقروصه من هالحركه..
حصه : واي لبس يبتيلي ..
روضه : الجلابيه الفوشيه بعد شو ؟؟..
حصه : هيه اشوا ..
فاخره : ههههههههههه رويض جفتي سعود؟؟
روضه :جب جب متفيجه انتي بعد
وشويه ان سعيد واقف عند باب المطبخ ..
سعيد : هوووووووود..
وتمن كلهن يضحكن ..
ظبيه : هههههه اهدا ..
سعيد وهو لابس نظراته ومتسفر وطاوي سفرته ع ينب : اشعندكن تتضحكن ..
فاخره : ههههههههههه والله انه عمرك طويل ولد حلال ماشاء الله عليك ..
سعيد: شحقه كنتن تسبني ؟؟..
ظبيه حست باحراج روضه : لافكنا شو تبا ..؟؟
سعيد: يايين انا وخالد انودي الاكل ..
ظبيه : انزين يله تعالوا حياكم الله زين بعد يوم فيكم الخير من اصبحنا اندور حد يشل حليله الدريول والمزارع مايرمون عليه ها كله ..
سعيد: امبونا مانقصر .. خلووود تعال ... ودش خالد ..
خالد: السلام عليكم ..
الكل : وعليكم السلام ..
ظبيه : شحقه واقف في الحر ..؟؟
خالد: لا كنت ارمس في التلفون شحالكم ؟؟؟
ظبيه وفاخره : بخير وسهاله ..
وحصه مسويه عمرها ملتهيه في السلطه .. يالسه اتلفها باللف الشفاف .. وهو اصلا عينه عليها من دش بس محد يقدر ايشوف اعيونه لانه لابس نظاره شمسيه .. ومسوي نفس حركة سعيد في السفره طاونها ع ينب ..
فاخره : شحقه جذي لافين سفركم وين تبون البدع ؟؟
خالد: اونه عاده خقاقين .. ههههههههههه ..
ظبيه : ماتنلامون يابوك الخقه الا من عقبكم..
خالد: ليش انتي سحبتي القبيله من جوازج...؟؟
سعيد: ياريال شو تباها هاي لحقت هل سويحان ..
ظبيه : ع طاري هل يسويحان ... راعي سويحان يا ولابعده ؟؟
سعيد: لا مايا ..
خالد: ههههههههه يقص عليج استريحي وصل وقاعد ..
ظبيه وهي اتعدل شيلتها وتبتسم : ياويلي ..
سعيد: اسميج ماتستحيييييييييين ..
فاخره : ريلها كيفها ..
وشوي وانه الخدامه يايه .. ويايبه شيلة حصه ومتروعه ..
ظبيه : شعندها هاي ..
وراحت الخدامه جدام حصه ..
لين : سوري مدام اي دو ات فاير ليتل بت ..
حصه : شو الشيله ؟؟
خالد: ماعليه فدوه ..
حصه : اوكي نو بروبلم ..
لين : اووه سوري مدام ..
خالد يرمس سعيد : متى استوت مدام؟؟... وانا مادري ..
سعيد: هههههههههههههه شدراني ...؟؟
وتموا كلهم ناقعين من الضحك .. وحصه محترق ويها ..
فاخره : ها احترامهم اونه ..
خالد : ماتروم اتقول مس ..
فاخره : خلك ياراعي استراليا مانروم ع المس ..
خالد: ههههههههههه ..
محمد ياي معصب : لا والله مطرشينكم اتيبون الاكل دقيتوا سوالف ؟؟؟ ماتبون جاي وقهوه ...عادي ترى عادي ثانيه وبيوصلكم ..
خالد: هههههههههه انا مايخصنيه .. اقولهم عطوني مايعطوني ..
سعيد: جب جب يله ياي اتواقع روح لافلعك بنعالي ... لا لا انطونيو اخاف عليه قصدي بشيلة ظبيوه ..
ظبيه : ههههههه سبال .. شلوا يله شلوا .. وتموا يتناقلون واول ماطلعوا ..
حصه : بيجلطني هالانساااااااان افففففففف .. وراحت غرفة الضيوف تتعدل وعقب ظهرن كلهن وسلمن ع الحريم وبعد نص ساعه وصوا العرسااااااااان .. واللي كانوا بيسافرون اليوم الساعه 10 فليل ... ودشت اليازيه اللي كانت لابسه مغربي عنابي وحاطه ميك اب عنابي صق كانت جميله .. وسلمت ع الحريم وعلى عمتها ام عبدالله ويدتها وقعدت عندهم ... واتحاوطوبها ظبيه وحصه ..
ظبيه : ههههههه ها اجوف الحلا ظاهر اليوم ..
حصه : الااااااه اختي استويتي فتاة جميله ..
اليازيه : مابا مديحكم مدحوني عرب قبلكم ... وخذت حقي وزياده ههههههههه ..
روضه : اظني الا طول الطريج يمدحونج ..
اليازيه مستحيه :هههههه انا بسير بعق عباتي وبيي .. وراحت اليازيه ويت قعدت عندهم وتموا يتغدون .. وبعد الغدا راحن الحريم .. وتموا بس اهل طحنون واهله ..
ام عبدالله : ها بنتي رب مالعوزج تراني بقص لج لسانه ..ربج الا مرتاحه ..
اليازيه مستحيه : ههههههههه .. لا عمتيه .. الحمد لله ..
ام علي : مايهون علينا تراه بعد طحنون ولدنا ومابتظهر منه الشينه ياام عبدالله دامه ولدج ..
ام عبدالله : تسلمين يعلني ماذوق حزنج يالغاليه ..
وتموا معاهم لين الساعه خمس وعقب راحوا عنهم وراح طحنون بعد ايحط اثيابه وهل العين كلهم ردوا ماعدا ظبيه اللي بتروح باجر لانه ريلها يبا يبات في بوظبي ..ع قولته يبا يغير جو .. ونشت اليازيه اتحط اثيابها حق السفر ولحقوها ظبيه وحصه وطبعا تموا ايلعوزونها وهي يوم ماتعرف اترد تضربهم ...
اليازيه : ايييه حصوه يوزي بعدج ماعرستي ..
ظبيه : هاي بتعلمج وبتعلمني ..
حصه : هههههههههههه لا عاد مب جي حليلي مؤدبه انا .. اصلا بروح عنكم اعرف في نصايح تبين تعطينها ادري ادري بجلب ويهي عنكم .. وراحت عنهم .. واستلمت ظبيه اليازيه بالنصايح المفيده لكل عروس ..وع الساعه 7 راحت مع ريلها ووداهم محمد المطار .. وكانوا بيرحون فرنسا .. يقضون شهر العسل اهناك ..
بيت بو علي
السبت 5 العصر
العيــــــــــن ..

تركت غيره واصطــــــفيتــه .. غالي معي محـــــد يسواه
في عيونه كل السحر ريته .. والموت في بسمة شفاياه
سعيد وشمه ومريم واحمد وام علي كانوا يالسين في الحوي ..
سعيد حاط ع ريله سلامه ويرمسها : ايه انتوا يله يله سيروا متى بتسيرورون . شلي قشكم يله يله سيري بيتج اهناك في لندن هب اهنيه يله انقلعي ..
وام علي اطالعه من تحت البرقع بنص عين ..
سعيد: ههههههه .. بسم الله شعندج ..؟..
شمه : ههههههههه .. ماترضى فيها .. دواك اي شي بيييك ..
ام علي : بسم الله من ويهك..
جان اتنش سلامي اونها تبا اتروح عند ابوها وردت قعدت وكفخت سعيد ع ويهه ونشت لوت على ابوها ..
احمد: هههههههههههههههههه .. والله بنت ابوها .. زين سويتي فيه ..
سعيد: اييييييييه اللندنيه يوزي يالقويه دومج الا تكفخين .. هاي ع منوه ظاهره جذيه متوحشه ..
مريم : حرام عليك والله فديتها بيرحون عنا اليوم ..
ام علي : زين اتسوي فيك .. دواك ..
شمه : عيب ماما عيييب .. عمي هاذا ..
احمد: لا عمها ولا شي دواه امممره عيل ايروغها من بيت ابوها ..
ام علي : ابويه متى طيارتكم .؟؟.
احمد: ع العشر فليل .. ان شاء الله ..
ام علي : فديت قلبكم اتروحون واتردون بالسلامه ياربيه ..
شمه : امين فديتج ..
سعيد: ام سلامه شو بتيبيليه هالمره ؟؟..
شمه : ههههههه شو كل مره حلاوه هيه بس اول مرتين ..
احمد: هاه عاده لاتستانس انته وايد وتاخذ علينا ويه وايد هب يايبيلك شي ..
سعيد: افا والله افا ياام سلامي ماهقيتها منج ..
شمه : افا عليك يابوعسكور اممممره لك اللي تباه بس خلنيه اسير واطالع وامممره فالك طيب ..
احمد: لا لا خليه هب يايبليه شي صح سلااامي ..؟؟..
وسلامي تناقز على ريل ابوها شافت فطومه تلعب تبا اتروح عندها ..
سلامي : دادا دادا ..
مريم : فديت هالويه انا .. فديتها شافت فطومه .. الس ... ياالسس تعالي هاتي فطومه اهنيه .. ويابتها الخدامه ... وحطتها حذال سلامي ..
فطومه : نووونوو .. ماما .. نووونو .. وفطومه بنت علي كان الها سنه وثممان شهور اكبر عن سلامه بسنه ..
سعيد: تووومه ..
وصدت فدومه عليه .
احمد: قوليله حمااار ..
فطومه : همااد ..
احمد: ههههههه قوليله خايس ..
فطومه : تااااايس ..
سعيد: هههههههه .. اييه عيب .. ابوج ..
فطومه : امممج ..
وتموا كلهم يضحكوووووون عليها ..
شمه : ههههههههههه . فديت البنات ياربي وشلتها تمت اتبوسها ..
احمد: ياخي انا لو منك بنتحر كل اليهال مهزئينك ..
سعيد: هههييييييييييي .. روح روح غسل سيارتي ..
احمد: اتهبي يالخايس ..
ام علي : معلمينها المسبه .. ولا حليلها وينها ووين هالسب ..
سعيد: مايخصني كله بتردونه عليه وحده هداده ولسانها طويل والثانيه عضاضه وكله تضرب .. انا شليه انتوا اتيبونهم واتردونه عليه .. هيهاااااااء ياامايه والله ..
ام علي : هب هبك الله بتعينهم عوذ بالله من عيونك ..
سعيد: تتدرين عطلتوني انا مواعد وحده بروح اشوفها .. يغايض امه وامه اطالعه بنص عين ..
ام علي : السبال لاخيال ولا مسستحى ..
سعيد: ع الاقل هيه ماتهزئنيه ياله تموت يوم اتشوفنيه تقولي تعال تعال فديتك حتى نعاليه اتحبه ..
ام علي : امحق ليل ..
مريم : هههههههه حشا .. جوف تراني اخبر ..
سعيد: افا .. والله افا ..وراح سعيد صوب سيارته بيروح .. وفطومه اتصيح تباه ..
فطومه : ناان .. نااان ..
ام علي : تعال شلها لا تصيحها ..
سعيد : انتي حاطينج اهنيه مدافع عنهن هالغلامتين .. وانتن مستانسات مول ماترمسن عن بناتكن عندكن دفاع عام ...
شمه : فديييييييييت عمتيه ياربي يعلنا مانخلا منها ..
ام علي : فديت روحكم ياربي .. يابناتي الا هاذا مسود ويهه لا تخاذون برمسته ..
سعيد : عادي عادي فطيم قوليها اهببلل وسخيف وسفيه ..
احمد: شعندك انته مسوي حشره روح روح الله يخليك ..
سعيد: ماعليه بتي تتمصلح فليل ودونيه المطار ..
احمد: هب بكيفك غصبن عنك ..
سعيد: يله برايكم . تعالي انتي لين الباب وبردج .. وشل سعيد فطومه وسلامي .. وركبهن سيارته وحاط ابهن حوطه في الفريج وردهن و خداماتهن كانن واقفات برع يترينهن وشلنهن ..

ساحة برج ايفل
الاحد 5 العصر بتوقيت باريس
باريـــــــــــــــس ..

هاذا المحب اللي هويته ... الله عـــطاني اياه واهداه
ياويل من عمر قــضيته ... من دون نظره في محياه
طحنون واليازيه كانوا يتمشون في ساحة برج ايفل .. وكان ماسك ايديها .. ويت حرمه عيوز اطالع اليازيه بفضول .. وفجاه ابتسمت حق اليازيه .. واليازيه ابتسمتلها ..واتقربت منها اتشوف حناها ومسكت ايديها اطالع حناها .. وعيبها الانجليزيه ..
الحرمه : وااو فيري نايس ..
اليازيه تبتسم واطالع طحنون وردت اطالع الحرمه : ثانكس ..
الحرمه اطالع طحنون : يور قيرل فريند ؟...
طحنون : هههههه .. نو ماي وايف ..
الحرمه : اوبس اتس فيري نايس ليدي ... بيبيز فيس ..
طحنون : ثانكس ..
اليازيه : الله واكبر عليها بتعيني ...ههه ثانكس ..
الحرمه تضحك مستانسنه وخلاف راحت عنهم : باي ..
اليازيه : باي ..
طحنون : فديتج ياربي .
اليازيه مستحيه : هههههه .
طحنون : .الله واكبر عليهن يعينونج تعالي بنسير البيت وبدخنج بشبه ..
اليازيه : هههههههههه .. يالشيبه ..
طحنون : فديتتج يالشابه ..
اليازيه نشت ومسكته من ايديه : نش نش خلنا انروح تمنشى هاك الصوب ..
طحنون يطالعها بعبط وسرحان ويعض شفايفه ويغمز الها ..ويطالعها بنظرات مكر
اليازيه مستحيه : شوو ؟..
طحنون بعده ايطالعها بنفس النظره ..
اليازيه : شوو ..؟؟ شو فيك ..
طحنون : اممممممممواه . في الهوى طبعا ..
اليازيه : ياربي .. وغطت ويها بيدها واتجدمت عنه ربع وراها ومسكها من ايدها ..
طحنون : هههههههههههه .. دلوعه ..
اليازيه منصدمه : انا ..؟؟ حرام عليك .. ولايخصه ..
طحنون : ههييه صح اممره مول مايخصه ..
اليازيه : حرام عليك ..
طحنون : عقب اسبوع بنسير لندن شو رايج ؟؟؟
اليازيه : ليش ..
طحنون : نتذكر الاماكن اللي كنا فيها مع بعض بس ماكنت اقدر اجرب منج او اكلمج او اوقف حذالج ..
اليازيه : هههههههه .. ناوي اتعوضهن يعني ؟؟
طحنون : هييييييييه عيل شوووو .. واكثر مكان ابا اوديج اياه تتدرين وين ؟؟؟
اليازيه : وين ؟؟
طحنون : السنسبريز .. ( سوبر ماركت )
اليازيه : هههههههههههههه شمعنى ؟؟..
طحنون : لانه هاك اليوم كان خاطريه وانتي ادزين العربه امشي انا حذاج واحط ايديه عيدج وادزها معاج ...
اليازيه مستحيه : ههههههههه ...انته وايد رومانسي
طحنون : خخخخخخخخخخ هب مني من اللي اشوفه واييني ..
اليازيه مستحيييه : طحنون ..
طحنون : هههههههههه خلاص ان شاء لله وحط ايده على حلجه هاه سكتنا ..

بيت بو محمد
الخميس 9 فليل ..
بوظـــــــــــبي..

عمري مافكرت فيك.. وما خطر في البال حبك
لين قلــــــــــبي قال ابيك .. وقالت عيوني احبك
صرت عن،دي كل شي .. واغلى من نفسي علي
مالك بقلـــــــــــــــــبي شريك.. بعد مافكرت فيك
حصه كانت قاعده مع اختها لطيفه في الصاله لطيفه اتلون في دفتر باربي .. وحصه حاطه المخده وطايحه ع الارض مجابل التلفزيون اطالع المسلسل اللي دوم اتابعه هالوقت .. ونزلت امها من فوق ..
ام محمد: ها حصوه شو اتسوون..؟؟
حصه : ماشي اطالع المسلسل ..
ام محمد: هيه انزين لبسي شيلتج ترى توه داق خالد ولد خالتيه ايقول هو اهنيه في منتطقتنا مار على واحد من الشباب وبيمر ايسلم .
حصه منصدمه : شوو وين يقعد محد لا ابويه ولا حمووود ؟؟
ام محمد: شو يعني ولد خالتيه اروغه برايه هب مشكله حياه البيت بيته ..
حصه : هيله عيال خالتج لا يعرفون العيب ولا المذهب سمحيليه بس ..
ام محمد اطالعها بنص عين : لمي ثمج اخيرلج ..
حصه اتحط ايدها على حلجها : ها لميناه .. انا بروح اطالع فوق احسلي .. وتوها بتروح . اتذكرت انه التلفزيون اللي فوق الدش خربان ومودينه ايصلحونه .. وردت .. ايهييي شو هالحاله .. الحينه الدش فوق خربان . برايه مشكلته ولد خالتج انا بطالع مسلسليه هب مفوتنه عسبه ..
ام محمد: واصلا انتي ليش تروحين فوق ... وانا منوه بيعاوني ..
حصه : لا لا انا هب متحركه تراني .. ولبست شيلتها واتحجبت فيها .. وقعدت ع الكرسي .. كان في خاطرها اتروح تتعدل عقب قالت فخاطرها شو بعد اتعدل وماتعدل جي ريلي .. ينقلع ..وشوي ويسمعون صوته ...
خالد: هوود يهل البيت ..
وقلب حصه طاح في بطنها من كثر مايزدادن دقاته ..
ام محمد: اهداا ابويه محد غريب .. ودش خالد ..
خالد اول مادش طاحت عينه على حصه وارتاح نفسيا يوم شافها : السلام عليكم ..
الكل : وعليكم السلام ..
وربعت توته عنده ..
توته : انته ييت .. انته من زمان ماييت انا كله اقول حق ماما .. انا بيي عندك ..
خالد: هههههههههه فديت روحج وحبها على راسها ..
ام محمد: شحالك وشحال قوم خالوه ..؟؟
خالد: بخير وسهاله ربي يسلمج.. شحالج الحص ربج بخير ..
حصه منصدمه : هممم .. امم.. الحمد لله بخير .. وانته ؟؟
خالد: بخير .. وتعمد يقولها .. دامج بخير..
انصدمت حصه منه وصدت صوب التلفزيون اونها اطالع ..
خالد: عيل وينه حموود ماجوفه ؟؟..
ام محمد: مادريبه والله اونه ربيعه معرس في دبي وراحله ..
خالد: هيه ياحيهم .. وحميد وينه ..
ام محمد: مسافرين مع الشيووخ ..
خالد: هيه حليله الله يعينه ياربي ويرد بالسلامه ..
ام محمد: اميين ان شاء الله ..
ونشت حصه راحت اونها اتيب له عصير يوم يا الاعلان طبعا .. ويابت وقدمته له ..
خالد: مشكوره ..
حصه : العفوو ..
وعطت امها وراحت قعدت ع الكرسي اللي كان قريب من التلفزيون .. ويلست اطالع المسلسل .. وخالد بغا يستهبل عليها شوي ..
خالد: هالمسلسل كم مره عايدينه ؟؟.
ام محمد: والله مادري انا ماشوفه حصووه دومها الا اتابعه ..
وحصه سكاته ..
خالد: ها حصه كم مره عايدينه ؟؟
حصه : مادري ثاني او ثالث ..
خالد: اشك الصراحه .. شكله عاشر مره .. انا صراحه لو يعطوني مليون هب مطالع شي شايفنه مره ..
ام محمد: وانا شراتك ماداني اشوف شي اكثر عن مره ..
حصه فخاطرها : ياخي كيفك عاده مشكلتك .. ياربي امحق ..
ام محمد: حيالله من يانا والله زين سويت يوم ييتنا ..
خالد: افا عليج اممره من اكون في بوظبي وماتكون عنديه شغله انا عندكم ..
ام محمد: حياك الله ياربي ..
لطيفه : ليش مايبت ودومه ؟؟
خالد: فديت روحج انا هب ياي سيده من البيت لو ياي جان يبتهم بس ان شاء الله المره اليايه ..
وحصه وهي تسمع صوته حست بشي قوي في خاطرها ماعرفت شو اتفسره ماعرفت مشاعرها كيف او هيه شو تكن له او شو في خاطرها عليه هيه صحب اتحبه واتموت فيه واتموت ع التراب اللي يدوس عليه بس حصه من النوع اللي وايد ايكابر نفسه قبل لا يكابر غيره .. ماتقدر اتسامح انها هو بدا عليها وحده غريبه ورفض حبها واشترى حب هييج .. ومن اتذكرت هالشي سيده ويها اتغير وكان ايبين انها سرحانه واتضايقت من شي اتذكرته لانها عقدت حياتها انتبه عليها خالد .. وهيه كانت بتلف اعيونها شافته ايطالعها باهتمام ... اول ماطلحت اعيونها في اعيونه لفت اعيونها صوب التلفزيون وماشلتهن ..
ام محمد : اكيد يوعان..
خالد : لا هب لين اهناك عادي امبوني ماتعشى هالوقت من 12 وطالع ..
ام محمد: لا عاده نحن اليوم هب مخلينك تظهر بليا عشا اعنبوه..
خالد : يالريم ماشتهي صدقيني انا امبوني الا مار اسلم وبروح ..
ام محمد: ماعليه استريح واتعشا وجان الا ع الرماح امبونك لاحج عليها ..
خالد: هههههه .. شسوي ماروملكن هاي مشكلتيه ..
ام محمد: ههههههه . هالزين اممره تم طول عمرك لا تروم .. اعنبوه ياخالد حزة عشا تظهر عنا وانته هب متعشي مايصير بعد .. حصه فديتج نشي ..
حصه وهي اطالع المسلسل .. وتوها بتنش ..
خالد: برايها خلها اطالع مسلسلها من ايخلص روحي برايج قعدي ..
وشوي انه خلص المسلسل ..
ام محمد: لا ابرايه هاذوه خلص ..
وراحت حصه المطبخ وقالت حق الخدمات شو يحطن وشو يسون .. ودشت البيت ... وقعدت اونه ثانيه وحده ونشت بتروح صوب الدري ..
ام محمد: تعالي وين سايره ..
حصه : بسير امايه ..
ام محمد: وايه بالستر تعالي اتعشي امبونه العشا مابينحط كم مره دامه محطوط تعالي اتعشي مره وحده حليلهن بيسيرن يرقدن من اصبحن وهن يكرفن ..
حصه : ان شاء الله وقعدت .. وفي خاطرها .. لازم اقعد عنده يعني ..
وحطوا العشا وتموا يتعشون وحصه قاعده اونها بس تشرب شوربه وماكلت شي ثاني .. ونشت غسلت ايديها وقعدت ع القنفه . وهو قاعد يتعشى مع امها ... ونشت لطيفه وراحت تغسل يدها..
لطيفه ويايه صوبهم : ماماتي تعالي غسلي ايديه ..
ام محمد: حصوه نشي غسلي ايديها ..
لطيفه : لا اماباها اباج انتي ..
وحصه اطالعها بغيض شوي وبتصفعها ..
ام محمد وهي ناشه : ماعليه فديتك انته هب غريب خذ راحتك . دلوعتيه شسويبها ..
خالد: هههههههه .. هنيه لطوف وهناك ودوم .. عادي متعودين خذي راحتج .. البيت بيتيه ..وراحت امها .. وتمت حصه معاه .. وتمت متروعه وتسرط ريجها .. خلاص بتموت .. رفع اعيونه صوبها وهي منزله اعيونها اطالع تحت تبا اتنش تشرد هب عارفه شو تسوي ..
خالد: اممم ... اقول اذا ماعليج اماره ممكن قلاص ماي ..
حصه يستهبل الاهبل يعني الماي حذاك لازم انا اصب : ان شاء الله .. ونشت صبت الماي وحطته حذاله وردت ع ورا تبا تقعد هيه اصلا ماتعرف شو ياها تبا تقعد تبا تشرد مش عارفه شو تسوي ..وقعدت ..
خالد: اقول تراني ببات انا اهنيه عندكم . وضحك ..
حصه : وشو المشكله ..
ونشت وراحت عنه فوق وهيه قلبها يدق دق .. بالقو . هب عارفه شو استوا وهب عارفه شو السالفه ..وتمت في حجرتها تفكر وعقب دمعة عينها اتصيح انه ليش كلها هاذا صار الحينه ماصار قبل لايرفض حبها ويهينها ليش ليش ...؟؟. هو صح ماهانها بمعنى الاهانه بس هان حبها اللي كنته له طول هالسنين وتم خالد قاعد تحت نص ساعه وخلاف ظهر عنهم.. وهو باله في حصه وماراحت دقيقه عن باله .. صدق هالانسانه انا احبها ومن خاطريه ومالي غنا عنها ولابد منها ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 02-12-2012, 01:50 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي





بيت بو سيف
الخميس 11 فليل
الرماح

كنت اشوفك من قريب .. مع جميع الناس عادي
ماتخــــــــــــيلتك حبيب .. رايح بقـــــــلبي وبادي
كنــــــــــت افز لشوفتك .. واتــــــــــــــحرا جيتك
انتـــــــــظر حبي الجديد.. بعد مافكـــــــــرت فيك
دش خالد البيت وكان تعبان وواصل حده من الرقاد ..وشاف امه طايحه اطالع التلفزيون في الصاله ..
خالد: السلام عليج موزانه..
ام سيف : وعليك السلام ها شرفت .
خالد: تو الناس توها 11 ..
ام سيف : هيه صح توها تراك متعود اتكملها ..
خالد: انتي شو تسوين لين الحينه واعيه ..
ام سيف : اتريا اخوك بطي اللي لين ااحينه ماظوى .
خالد: امايه نحن رياييل لين متى بتمين شاله همنا ؟؟
ام سيف : لين ماتتعرسون وتقبضكم بنت الحلال .. بتخبركم انتوا عاده لين متى بتمون جذيه اكوه اخوكم عرس .. شو قاصرنكم عاده انتوا ..
خالد: انزين انا بعرس ..خلاص بريحج من هالهم ..
ام سيف : ياله عساه مبارك وسعيد يله انا من باجر بدورلك ع بنت الحلال ..
خالد: مايحتاي ادورين اخير عن حصه بنت حميد نحن هب محصلين ..
ام سيف : وهاي اللي كانت في بالي اني اخطبلك اياها .. زين ماخترت ياولديه .. منا وفينا ونعرفلهم ويعرفلونا مالنا على مغثة الغرب ..
خالد مستااااااااانس طاير من الوناسه : انزين يله عيل امايه اتصلي ابهم الحينه .؟؟
ام سيف : اعنبوه اتصل ابهم من الحينه حق شو .. لا لا عين من الله خير باجر ان شاء الله ..
خالد: ياامايه عاده اتصلي تو الناس ..
ام سيف : وايه شو عندك اعنبوه البنت من متى جدامك ماحنيت جذي والحينه هب رايم تصبر لين باجر ؟؟
خالد: اف الله يصبرنا ... يله انزين انا بروح عند الشباب فالخيمه ..
ام سيف : اخوانك كلهم فالبيت ..
خالد: هيه كلهم ..
ام سيف : يله عيل برايكم انا بسير ارقد عيل .. تصبح على خير ..
خالد: وانتي من هله .. وتم خالد فرحان ومستانس ويغني .. طاير من الفرحه طاير قلبي على نار ناطر.. وهو رايح صوب الميلس والكل لاحظ اليوم من قعدته انه هو مستانس ومتغير ..
ناصر : رب ماشر اشوف الويه منور ..
خالد: بعد الحمد لله وان شاء الله انه باجر بينور اكثر ..
ناصر : يله عساه دوم ان شاء الله ..
خالد: هههههههههه .. امين ..
ناصر : اموت واعرف شو اللي جلب مزاجك جذي ؟؟
خالد: بعد سبحان الله ربك .. لا تستعيل باجر تعرف ان شاء الله ..
ناصر : يله ان شاء الله عساه خير ..
خالد: لا افا عليك خير وبركه .. وتوفيق من الله باذن الله ..
ناصر : بتترقى شو .؟؟
خالد: ياخي خل عنك لا تستوي عيوز لا تاكل قرصك هو ني ..
ناصر : انزين انزين ..ههههههه ..


الـــــــــــجزء الثلاثـــــــــــون (الاخير )



الفصل الثاني

بيت بو محمد
الجمعه 10 الصبح..
بوظـــــــــــبي ..
انا المجروح واشقاني غرامي..عذابي حب ناس لــــــوعوني
راح حالي هواهم والعـــظامي..وانا اشكي وهم ومايسمعوني
حصه كانت توها ناشه من الرقاد ويت قعدت حذا امها اللي كانت اترمس خالتها ام سيف ..
ام محمد: ماعليه ياخالتيه ان شاء الله خير .. اعنبو .. هو ولدنا ولو يباها بعباتها ايي يشلها من الحينه .. ماتغلى عليه ..
ام سيف : يعلني افداج . والله ياانه البارحه مابات .. اقوله اصبر ياولديه اصبر .. هب طايع .. اقوله الصبح بيي الصبح وبنتصل ..
ام محمد: هههههههه ياحييه . ماعليه ان شاء الله بنشاور البنت وبنرد عليكم خبر .. وامبونها مابتحصل اخير عنه ..
وحصه منصدمه اطالع امها وتفكر شو السالفه مش قادره تستوعب اتحس انه تفكيرها وصل عند حد معين ومش قادره ابدا انها تتخطاه .. وسكرت امها وصدت صوبها ..
ام محمد بابتسامه : هاي خالتيه . تتدرين شو تبا .. اخيرا ياحصوه حلم حياتج اتحقق ..
اول شي حصه انصدمت من رمسة امها وثاني شي شو حلم حياتها شو السالفه ..
ام محمد: تستاهلون بعض والله .. اخيره عنه ماتحصلين ..
حصه بصدمه وعيون مفتوحه : امايه انتي شو اتقوليين ؟؟..
ام محمد: خالد خطبج وباجر ان شاء الله بييون يخطبون رسمي ... وبييون الريياييل ..
حصه منصدمه : منوه انا .. خطبني انا ؟؟ ليش انزين ؟؟ شو يبا ؟؟
ام محمد: وايه حصوه شو هالرمسه بعد؟؟ شو ياج ..
حصه اتحس باحساس غريب احساس ماقدرت كيف اتفسره انا اخذ خالد عقب ماراح وخطب هييج انا اخذه عقب مافضلها عليه.. مستحيل شو .. لهالدرجه انا رخيصه ليش ارخص بعمري عشان كنت احبه والله يتم حبه فقلبي طول عمري بس ماارضى بالذل والاهانه انا ادري انه بيهيني عقب .. مابا ايخسي ولا بيحط في باله اني هاك اليوم يوم كنت مغلطه وداقه عليه بالغلط اني كنت اباه وبيقول دقتلي ..
حصه بشجاعه وخوف فنفس الوقت : امايه لو قلت ماباه شو بيستوي .؟؟؟
ام محمد منصدمه : ليش ماتبينه وايه بالستر شحقه ولد خالتج مابتحصلين اخير عنه ؟؟
حصه : يعني بتغصبوني عليه ؟؟
ام محمد: لا مابنغصبج عليه .. حصوه امايه شو فيج .. انا امج احس بج مب هاذا كان حلمج هب انتي كنتي تبينه وكان في خاطرج شو ياج ياامايه شو ؟؟ رمسي لا تخشين عنيه شي ..
حصه : كنت .. بس الحينه لا ماريده .. وقولي حق خالتيه يسمحوليه ماباه .. ولا تغصبوووووني دخيلكم لا تغصبوني عليه .. وتمت تصيح .. وامها اطالعها هب عارفه شو سالفتها ..وشو ياها .. ؟ وعقب خلت امها وراحت تربع غرفتها وتمت امها محتاره شو اتسوي وشو اترد عليهم . واتصلت حق ظبيه وقالت الها كل السالفه ..
ظبيه : شو ياها ؟؟انا مصدومه معقوله ؟؟..
ام محمد: مادريبها تمت اتصيح واتقول امره ماباه ..
ظبيه : خلاص الريم لا تغصبينها دامها قالت ماتباه ماتباه .. هاي حياتها ..
ام محمد: هاي ياهل ماتعرف مصلحتها وين ..
ظبيه : حصوه هب ياهل واتعرف .. وخليها هاي حياتها واختيارها واذا تندمت عليه عقب تتحمل مسؤولية اختيارها هيه اختارت تلوم نفسها ولا تيلس اتلومج عقب ..
ام محمد: ظنج .؟؟
ظبيه : هيه نعم ..
ام محمد: وخالتيه شو اقولها ..؟؟
ظبيه : رمسيها عادي قوليلها نحن نبيغيكم ونحن خالد هب محصلين اخير عنه .. بس البنت اتقول انها ماتبا اتعرس الحينه .. وماتفكر بالعرس لين اتخلص جامعتها ..
ام محمد : ماعليه ان شاء الله .. والله يعيني من القفطه ...
ظبيه : لا ماعليج خالتيه ماعندها هالسوالف .. دقي وخبريها ..
ام محمد: انزين انتي ليش ماترمسينها ولا عقب نتريا ختها اترمسها .
ظبيه : الريم انا قتلج اذا رمسناها وصار اي شي عقب بتقول انتوا السبب ليش ندخل .. خليها ع مسؤوليتها وهاذا عرسها هيه اللي بتعيشه لو شي ثاني بنقول ..
ام محمد: ماعليه خلاص عيل برايج .. والله يعينا ع لسان امايه وابوها شو بيستوي ابنا ..
ظبيه : الله يعينا الله يعينا شو نسوي بعد ماشي نصيب ..
ام محمد: يله عيل مع السلامه ..
ظبيه : الله يسلمج ..وسكرت عنها واتصلت ام محمد في خالتها ام سيف وقالتلها .. وتمت حصه في حجرتها حابسه نفسها شو السبب ماتعرف وليش هالمره ترفض حب حياتها وحلم حياتها ليش ماتباه هاذا كله بسبب غرورها ليش ؟؟ خله يحاول ويحاول ويحاول عشان ايعرف حصه والحب اللي شليته له في قلبيه واللي لا اعتبر منه ولا شي .. برايه وردت مره ثانيه اتصيح حبها وكبريائها ..

بيت بو سيف
الجمعه 1 الظهر
الرمــــــــــــاح ..

الحب حاكم طغى ظلمه على شعبه ... والنفس تشكي على ظلمه ولااحتالت
يابنت انا صعب ودموعي بعد صــــعبه ... من قوي عزمـــي لياذا الحين ماسالت

ام سيف كانت قاعده في الصاله ومويمه وهب عارفه كيف اتقول حق خالد السالفه .. دشوا عليها بطي وناصر وشافوها قاعده حبوها ع راسها وقعدوا عندها ..
ناصر : ها امايه شو الغدا ؟؟
ام سيف سرحانه :..............
بطي : لا الوالده مول هب معانا اليوم .. امايه ..
ام سيف : ها يابويه ..
ناصر : وين وصلتي موزه من اصبحنا ونحن نزقرج ..
ام سيف : شو تبون ؟؟
بطي : لا لا اول شي خبرينا شو اللي مخلنج تسرحين ..؟؟؟.
ام سيف : خالد اخوكم وينه ؟؟
ناصر : مع ربيعه واقف خاري بيي الحينه ليش شو تبينه ؟؟
ام سيف : يوم بيي خلوه يحدر عليه حجرتيه ..
بطي : ان شاء الله ..
ونشت عنهم ام سيف ودشت حجرتها ..
بطي : شو فيها ؟؟
ناصر : مادري والله .؟؟ شو مسوي خلوود مخلنها جذي ضايقه ؟؟
ودش عليهم خالد ..
خالد: السلام عليكم ..
ناصر وبطي : وعليك السلام ورحمة الله ..
بطي : شو مسوي انته باامايه ؟؟..
خالد: انا .؟؟ امايه ؟؟.. شو مسوبها ..
بطي : ماشي ماشي احدر امايه تباك في حجرتها ..
خالد: يااااااااي يالوناسه اكيد ردت عليها ياله .. وراح وهو مستااانس وطاير من الفرحه ومااظن انه في فرحه سكنت في هالدنيا شرات الفرحه اللي الحينه ساكنه في قلب خالد ..ودش عليها حصلها قاعده تقرا قرأن .. واشرته بانه يدش .. ودش وقعد مجابلنها وين كانت قاعده ع الارض .. وخلصت وصدت عليه ..وتمت اطالعه مش قادره اتكلمه باي كلمه ..
خالد: ها امايه ردوا عليج بشري .؟؟
ام سيف : ابويه انته اتعرف انه الزواج قسمه ونصيب ..
خالد مش قادر يستوعب : انزين امايه شو يعني هالرمسه ؟؟ يعني وافقت ولا لا .؟؟؟
ام سيف : امها رمستها والبنت اتقول ماتبا العرس الحينه وماتفكر فيه لانها تبا اتكمل دراستها في الجامعه .
خالد منصدم : شووووووووو ؟؟..
ام سيف : ياولديه ماعليه ان شاء الله اني بدورلك .. وبتحصل شيخة الزين ..
خالد : اممممممممايه دخيلج رحمييييني .. قولي انج تمزحييييين.. قولي انها وافقت بس تبين تمزحين معايه .. بس لا تقولين ماوفقت ..
ام سيف : يابويه والله انيه ماامزح هالرمسه اللي قالت اليه اياها امها . وماعليه هيه تبا تتدرس وماتبا العرس ابرايها غيرها وايد بنات يبن الستر .. اكن بنات عمتك مهره ..
خالد: منوووووووووووه قال اصلا انا ان ماخذتها مابعرس مووووووووول ولا اباه العرس انا غلطاااااااااااان اصلا يوم فكرت بالعرس انا مب ويهه عرس .. وظهر عن امه وهو معصب وواصل حده وميت من الضيقه .. شافوه اخوانه وانصدموا منه وامه ظهرت وراه وهو ظهر ورقع بالباب وراه وشغل سيارته وظهر .. بطي وناصر نشوا من مكانهم منصدمين ..
ناصر : شو بلاه .؟؟
ام سيف : لا اله الا الله هالولد مادري شو ياه ين مره وحده
بطي : شو ابلااااااااه انزييييييييين ؟؟
ام سيف : خطبتله حصه بنت حميد وماطاعت تبا اتكمل دراستها وهو ملزم الا ياخذها يايخذها ياماياخذ غيرها .. انا منوه داعي عليه بعيال جذي .. لا اله الا الله استغفر الله ياربي ارحمنيه شو هالحاله .. اتصلببببببببه جوفه وييييييييييين .؟؟؟؟؟...
ناصر : ان شاء ان شاء الله ..
واتصل ناصر على خالد ورن تلفون خالد رنه وبعدين سكر في ويهه وغلقه ..
ناصر : سكر في ويهيه .. ماعليه امايه بيعقل وبيرد ..
ام سيف : انا هب فاهمه شو سالفة هالولد يحبها ؟؟.. ولا شو سالفته ..
ناصر : عادي لو حتى حبها شو المشكله بنت خاله ..
ام سيف : من متى ؟؟.. من متى هيه جدام اعيونه مارمس .. شو ياه مره وحده ..
بطي : ماعليج ان شاء الله بيرد لعقله .. بطي تم ساكت ومنصدم من خاطره حصه كانت فخاطره وكان ناوي يخطبها .. بس الحينه كيف اخذها وهيه ردت اخويه وخالد . اللي يكنلها هالحب كله من وين يابه ومتى عاش فيه .؟؟ متى اصلا .؟.. وهيه شو السالفه ياربي نحن مش قادرين نفهم الموضوع ؟...
بطي : برايكم انا بروح ارقد ...
وراح عنهم بطي وتمت ام سيف في الصاله اتحاتي ..
ناصر : امايه خلاص لا تحاتين انا بسير ادوره وين يعني شو بيسوي بعمره تلقينه بس يبا يقعد بروحه وعقب بيرد ..
ام سيف : الله يهديه .. ياله ياربي انك اتهديه ..
وظهر ناصر عن امه وشغل سيارته يدور .. سيارة خالد .. وماحصلها وبعدين حصلها واقفه ع طرف الشارع صوب العرقوب وهو قاعد فيها وموخي حاط راسه ع السكان .. نزل من سيارته ويا ركب حذاله ..
ناصر : خالد شو ياك ..؟؟؟
وخالد تم منزل راسه ع السكان وماطاع يرفعه ..
ناصر : لا تم جذيه خبرني شو ياك شو يعني لو ماتباك .. مافيها شي هيه بنت وغيرها الف بنت .. انا حالي كان من حالك بس نحن نستاهل انا كانت في خاطريه يزوي وكنت اباها ونفس اليوم اللي برمس فيه امايه رمستني انها بتملج وانخطبت .. ماخربت عليها ولا سويت اللي سويته .. كل شي في هالدنيا نصيب بتيلس اتصيح النصيب ولا بتعترض عليه ...؟؟
خالد : بس نحنا غير غييييييييير ؟
ناصر : شو اللي غير ليش شو بينك وبينها ..
خالد: مابيني وبينها شي ماشي خلاص انته ليش لحقتني انا كنت اريد اقعد بروحي .. ارجوك ناصر .. دخييييييييييييل الله .. دخيييييييييييييل الله انك اتخليني ابروحي .. روح وبردلكم عقب دخيل الله ..
ناصر : ماعليه خلاص بخليك بروحك ... ونزل عنه ناصر . وتم خالد بروحه ..
ليش جذيه هيه تبا اتسويه فيه انا في شو غلط عليها ليش عقب ماتمنيتها ردتني ورفضتني .. معقوله هيه ماكانت اتحبني .. وانا فهمت عمري السالفه غلط .. لا انا جذي عايش ومش عايش .. ياربي ليش هيه جذي انا لازم افهم انا بالضبط في شوه عيشت عمري ...!! ووين بالضبط انا طحت .. وعند اي مكان ليش الحينه بالذات عقب مادخلتها في بالي مابغتني .. ليش ..!!؟؟!..لا انا لازم افهم .. وشل تلفونه وتم ايطالع الارقام .. وهو اصلا من قبل كم يوم كان شال رقم حصه من تلفون امه .. ومخزننه في تلفونه (( غلا الدنيا )) .. واتصل وفي هالوقت بالذات ماكان مهتم في اي شي الا انه يفهم ... هو شو كان .. وحياته شو كانت بالضبط وليش معاها هيه بالذات اللي صدق حس بالحب وحس انه عاش الحب الصدقي في حبها وهواها .. تم يرن ين التلفون .. وعقب ردت ..وكانت اصلا حصه تعبانه وكانت في نفس لوقت اتصيح لانها ردته ..وشو ممكن ايصير عقب ماردته كيف بطالع في عين امها وابوها .. كيف ..وتم خالد يتصل مره مرتين ثلاث محد ايرد جرب رابع مره وردت وتمت ساكته ..
خالد: الوو ..حصه دقايق دخيلج ..
حصه منصدمه : منووه ..؟؟
خالد: انا خالد دخييييييييييلج دقيقه بس ابا افهم ومن حقي اعرف انا وين عقيت عمري ..
حصه : خالد من ويبت رقميه ...وشو وين عقيت عمرك انته عن شو ترمس ؟؟
خالد: يبته من وين مايبته .. عقيت عمريه في هواج وحبج وعشقج واخر شي بكل سهوله وبكل برود قلتي ماباك ليش حصووه ليش .. شو ذنبي ..
حصه منصدمه واتحس بقلبها يتقطع : وانا .. بعد .. شو ذنبي .؟؟
خالد: ليش صديتيني ليش مابغيتيني .. انتي شو سالفتج انتي حبيتيني ولا انا عيشت عمري هالشي وصدقته ..؟؟ وللي خلالج هلج اتجاوبين دخيلج انا ضايع ومش عارف انا شو .. ع الاقل فهميني عسب اعرف ان وين مكاني او انا شوه مشكلتيه وارضى ابها وارضى بلي الله كتبه اليه بس انا جذي عايش وهب عايش هب عارف حياتي كيف .. دخيييييييل الله ياحصصوه دخيييل الله فهميييييييييني .. انتي حبيبتيني .. .؟؟؟ وليش رفضتيييييني .؟؟..
حصه فلحظة ضعف واحساس بهزيمه وخوف من شي مش موجود : كنت كنت ياخالد كنت بالنسبه اليه الهوى والماي عمري كله ضاع بسبة حبك .. ثمان سنين من حياتي مااشوف ولا ااسمع ولااعترف بوجود اي شي في دنيايه غير حبك اللي شليته ابرووووووحي ومحد يدريبي ولا حد عاشه معايه عشت الحب فيييك وبدووووووونك .. وانا احبك .. وانته في بالي .. لكن عقب ماتحس واتعرف اني اباك بكل برود واستهزاء بمشاعريه بكل صبري اللي صبرته تستهزء ابيه واتروح لوحده غيري وتهواها واتعق حبي ورا ظهرك .. وتخطبها ويوم مابغتك وردت ييت ادور الحب اللي كان يباك ..؟ظنك انا شو بكون هييج الساعه وكيف تباني ارضى واعيش .. ؟؟ كيييييييييف ..؟؟ ترضاها عليه اذا انته مثل ماتقول صدق الحينه اتحبنيه ترضاها عليه ..؟؟..
خالد انصدم صدمة حياته طول عمره هو ماسمع عن هالشي ولا يعرفه ولاشي .. اول مره يسمع عن هالشي ويعرفه معقوله حصه وانا .. وكانت وانا مااعرف حس بغيمه سوده جدام اعيونه ..
خالد بصوت متقطع : انا ماكنت اعرف بهاذا كله انا ماتوقعت هالحب كله اتوقعته حب من نظره وحده حب ماتعدى اسبوع حتى .. مالي ذنب .. كيف اتحاسبيني بشي انا مااذنبت به .. ليش هالظلم ..؟؟
حصه وهي اتصيح : بس خالد ارجوك خلاص .. ماقدر مااقدر ارحمني .. وسكرت الخط وبندت تلفونها وتمت اتصيح من كل قلبها .. صياح بونات والام وجروح .. وحب جدام عينها ايضيع من ايدها وهيه السبب ..وتم خالد يفكر وميت من القهر قبل كان مقهور لانه مايعرف والحينه مااااااات من القهر لانه عرف اللي عرفه .. وشغل سيارته كان ايريد يروح بوظبي صوب البحر .. وكان يسوق بسرعه ... وهو مب حاس بعمره وعند الدوار لف لفه كبيره جلبته وتمت السياره تجلب به .. لين الرمله وع الرمله انخشت ريله في المكينه مالت السياره .. وشافوا الحادث الشباب واترابعوا له .. ويت سيارة الاسعاف وشلته بسرعه ونقوله المستشفى .. واتصلوا بهله بعد ماجافوا بطاقته ... ورد عليهم ابوه ..
الريال : السلام عليك ..
بو سيف : وعليك السلام ..
الريال : بو خالد ال....
بو سيف : هيه نعم امر ولديه ..
الريال : الوالد ولدك خالد مسوي حادث والحينه هو في مستشفى ال..... ..
بو سيف منصدم : خاااااااااااااااالد ؟؟.. يايين يايين الحينه ..
وسكر بو سيف وزقر على ناصر وبطي ...وام سيف ظهرت وراه ..
ام سيف : شو بلاااااااه .؟؟ خالد ؟؟
بو سيف : ايقول الريال مسوي حادث ..
ام سيف يالقعتييييييييييييييه ؟. يالقعتييييييييييه . ياويييييييييييييل قلبي عليك يالولديه .. ودنيه له ودنيييه له ..
ونشوا بو سيف وام سيف ولحقوهم ناصر وبطي وراشد وزايد كلهم ع المستشفى .. واول مادخلوا المستشفى قالولهم انه دخلوه العنايه وتمت ام سيف اتصيح على ولدها ..
بو سيف : ياموزه لاتسوين جذي هب زين عليج .. ياموزه ادعيله ..
راشد: امايه نشي بوديج البيت ومن نطمن عليه بطمنج نشي يامايه نشي ..
ام سيف وهي اتصيح : لالله انا هب متحركه من مكانيه الا يوم ايخبروني ولديه شو ياه ..
وخوانه كلهم هب مصدقين اللي استوا في اخوهم وراح راشد حق الريال .. اللي نقله المستشفى وقاله كيف صار الحادث وهو اصلا شو شاف .
راشد: يزاك الله ال خير ..
الريال : افا عليك .. بس الحينه نحن نبا نطمن عليه وعن حالته ..
راشد: الدكتور عنده والحينه نحن نتريا يظهر نبا انشوف شو حالته ..؟؟.
الريال : الله يقومه بالسلامه ياربي .
راشد: اميين يارب ..
وتموا نص ساعه يتريون الدكتور لين يظهر وظهر الدكتور وزقر ابوه وراح معاه راشد ...
الدكتور : الحمد لله يابويه يت الضربه سليمه لانه طاح ع التراب . فما ظرر وايد .. بس شي واحد .. والله يعينكم .. ريله خلاص مامنها فايده .. وماظن ان بيروم يمشي عليها لانه الانسجه ماعادت تنفع انها ترجع مره ثانيه مع بعض .. الله يصبركم .. بس الحمد لله لا كسور ولا رضوض بس شوية شموخ بسيطه .. بس ريله .. والله نحن حاولنا بس مابيدنا شي وكله بيد الله ..
راشد منصدم : شووووو دكتور يعني خالد مابيروم يمشي من ريله ..
دكتور : بيمشي بس بريل وعكاز ..وفي امكان انكم تسفرونه برع ويركبوله ريل صناعيه .. طبعا مش كلها بس من الركبه ..
راشد وهو يصييييح اخوه : مستحيييييييل شو اتقول هاذا خالد هاذا الصقرر .. جذي يستويبه يادكتور دخيل الله قول غير هالرمسه ..
دكتور : قول الحمد لله .. الله كاتبله مالكم اعتراض ..
وطول هالوقت ابو سيف ساكت وعيونه تتدمع على ولده اللي استوابه كل هذا بغمضة عين ..
بو سيف : خالد .. مابيلس دقيقه في هالبلاد.. اليوم يسافر ..
دكتور : ابويه يباله يرتاح ع الاقل يومين ..
بوسيف : ماعليه يوم وبتخلص اجراءاته اذا نش وعرف بلي صارله مابيرحم حد هاذا ولديه وانا اعرفه .. وامه شو اقولها ؟؟ وتم ياشر على المكان اللي كانت قاعده فيه ام سيف .. وامه .. شو اقولها .. شو اخبرها عن ولدها ..
راشد: خلاص ابويه انا الحينه بتصل في احمد وبشوفه ..
وراح راشد بعيد عنهم واتصل في احمد .. وراح بو سيف وخبرهم بالموضوع وتمت ام سيف اتصيح بحسره على ولدها واتصيح من خاطرها .. وعيالها يحاولون يهدونها وهم بروحهم منصدمين .. بس شو يقدرون يقولون غير لا حول ولاقوة الاه بالله .. الله يصبركم ..

شقة احمــــد
الجمعه 4العصر
لنـــــــدن ..

احمد كان توه واصل الشقه وراجع من الدوام تعبان .. شمه كانت منسدحه اطالع التلفزيون .. سلامي حاطيلها العاب وتلعب واتفرفر العابها في كل مكان ..
احمد: السلام عليكم ..
شمه بابتسامه : وعليك السلام والرحمه .. تو مانور ابيت ..
احمد: منور بوجودج يانور البيت .. وراح صوبها وباسها ع راسها .. وعقب سار صوب سلامي اللي ماسكه اللعبه ومعصبه .. شوو ؟؟ بلاج العيووز .؟.؟؟
سلامي : دادا .. دادا ..
احمد: هيه دادا شو بلاه ليش معصبه ..
شمه : معصبه ع اللعبه .. ليش ماتتحرك كيف دادا وماتتحرك ..
احمد: ههههههههههه .. اكووه دادا عند ماما ..
سلامي : ماما .. دادا ..
احمد : فديييييييت روحج ياربي وشلها وتم يلاعبها ..
ونشت شمه راحت اتحطله الغدا .. وبتتغدا معاه لانها دوم تترياه هالوقت ودوامه يخلص 3 ونص .. ورن تلفون احمد والمتصل كان راشد .. شل سلامي وحطها على ريوله .. وقعد ع الكرسي ..
احمد: حيالله بو سنيده حيالله القاطع اللي مايفتكر فينا الا فالسنه حسنه ..
راشد وهو مهموم وصوته متغير : مرحبا بو سلامي شحالك ؟؟
احمد: شو بلاك ياريال شو بلاه صوتك ؟؟..
راشد: والله شو اقولك ..
حط احمد سلامي ع الارض وعطاها لعبتها ..
احمد: رب ماشر لاتروعني فيكم شي حد فيكم ياه شي .. ارمس ياريال لاتخليني جذي على اعصابي ..
ودشت شمه وهيه تسمع هالرمسه تمت متروعه ووقفت جدام احمد تبا اتعرف شو السالفه ..
راشد: خالد يااحمد خالد سوا حادث ومحتاجين انسفره برع بااقرب وقت .. لا تخاف الحمد لله هو بخير بس شي واحد خسره ..
احمد منصدم خالد .. خالد مستحيل .. هاذا توأم روح احمد شو استوابه وهو امس مرمسنه : شووووووو اتقووووووووووول انته شوووووووو ياااااااه ؟؟؟...
راشد: احمد استهدا بالله .. قول لااله الا الله .. قدره من الله مانروم نعترض عليه هو بخير وصحه وسلامه بس الدكتور يقول انه ريل وحده من ريوله خلاص مامنها فايده ..
احمد منصدم وواصل حده وايحس انه عيونه تحرقه : ياراشد امززززح غير هالمزحه دخيل الله .. شووو اتقول انته ليش وشو صار وكيف ..؟؟؟
وتم راشد يشرح حق احمد كل السالفه .. ويلس يحايله انه يستهدي بالله ..
احمد وعيونه مليانه دموع وفقلبه قهر : لا اله الا الله .. ياريال هاذا الصقر .. كيف جي يستويبه كيف .. لاحول ولاقوة الا بالله العلي العظيم .. متى بتيبونه ..؟؟؟
راشد: اليوم بنرسل تقريره . وانته وده المستشفى ..
احمد: راشد على اقرب طياره خالد يوصلني وباقرب وقت خلاص كل شي جاهز اعتبر كل شي من الحينه جاهز .. هاتوا دخيل الله ..
راشد: ماعليه يااحمد ان شاء لله .. والله يشافيه ويصبر قلبه ونحصله علاج ..
احمد: ان شاء الله يارب يارب طمنوني دخيلك طمني اول مايوعى من البنج ..
راشد: ان شاء الله ان شاء الله .. يله مع السلامه .. طلبتك حمد لا تكدر بعمرك .. مابيدنا شي غير ندعيله ..
احمد: الله يشفيه ان شاء الله .. مع السلامه .. وسكر احمد عن راشد وهو ضايق معقوله ياخالد معقوله ..
شمه : خير احمد شو مستوي ..
احمد بحزن : خالد..
شمه : خير شو فيه ؟؟
احمد: سوا حادث اليوم الصبح وريله ماعاد منها فايده ايقولون انه هو بخير بس انا مابرتاح لين اشوفه جدامي .. وتم احمد ساكت ومويم وعيونه يتحارقن ..
شمه حطت ايدها على جتفه وتمت تمسح على جتفه : ان شاء الله بااذن الله انه بيغدي بخير .. لا حول ولاقوة الا بالله . الله بيشفيه ان شاء الله . وبيرد احسن عن قبل .. وتم احمد قاعد مكان وسرحان معقوله خالد جذي يستويبه .. ليش ليش ... استغفر الله اللهم لا ااعتراض .. يارب خفف علينا وعليه يارب صبرنا وصبر قلبه ..
احمد نش من مكانه : برايج انا بروح المستشفى بخبرهم وبروح السفاره ..
شمه : ماعليه ياغناتي اتحمل على عمرك .. ربي يحفظك ..
احمد: ان شاء الله ..
وظهر احمد وهو ضايق وشال هم الدنيا بكبرها ع راسه ..

سيارة طحنون
الجمعه 6 المغرب
بوظـــــــــــبي ...
على باب الغلا بكتب وصوفج ... عشان الكل ياعــــــــمري يشوفج
ابي كل البـــشر تعرف غلاتج ... ابي يدورون عن صادق وصوفج

اليازيه وطحنون كانوا توهم رادين من شهر العسل وكل واحد منهم شال في قلبه احلا ذكريات واحلا حب عاشوا مع بعض لحظه بلحظه ..
اليازيه حطت ايدها على ايد طحنون : صدقني اول مره فحياتي استانس على سفره جذي ..
طحنون : فديت قلبج ياروحي اوعدج اني ماازعلج في يوم وكل يوم ايكون احلا عن اليوم اللي قبله ..
اليازيه : ربي يخليك اليه ياربي .. والله لايغير علينا ان شاء الله .
طحنون : امين ياربي .. عيوني ..
اليازيه : لبيه ياروحي ..
طحنون : لباج قلبيه ولبتج روحي .. ولباج طحنون بكبره من ساسه لين راسه ..
اليازيه : ههههههههههه .. مانروم نحن على هالغزل الفصيح ..
طحنون : فصيح بس ..
اليازيه : ههههههه فصيح وجريء ..
طحنون : حلاته انزين ..
اليازيه : ياويل حالي .. الحينه قوم امايه صدق بيصفعوني اذا دروا انيه ييت ولاخبرتهم ..
طحنون : تلقين امايه وصلتلهم الخبر ..
اليازيه : ههههههههه .. لا حليلها توك مخبرنها مسرع ..
طحنون : اممايه لا تتخبرين اسرع عن رويتر ..
اليازه : حرام عليك كله ولا عمتيه لا تخليني اجلب عليك ...
طحنون : واهون عليج اعيش جي بدون جو رومانسي وبدون حب وحنون ..
اليازيه : تراك طماع ..
طحنون : تراج بخيله ..
اليازيه : ماعليه لا تكلمني ربع ساعه .. ها جوب جوب .. وشلت صبعها الصغير ودقتبه .. ع صبع طحنون الصغير اخر صبع ..
طحنون يشل ايده : هههههههههههه لا لا هب كيفج .. لا انا بتصالح .. خلينا نتصالح يزوي يزوي ..
اليازيه : هههههههههههههههه مال اول احس عمري ياهل ..
طحنون : ياهل الا انتي .. بس نونوتي انا بس ..
اليازيه : ياويل حالي .. سوق وطالع دربك يوم بنوصل البيت بنتفاهم ..
طحنون : يصير خير .. بتفاهم معاج تفاهم .. براويج عقب اتريي علي شوي ان ماربطتج اليوم .. هههه .. وتم يضحك عليها .. يستانس يوم يغايضها لانها بسرعه تصدق .. وشوي رن تلفون اليازيه مع انها توها فتحته ..
اليازيه : غريبه تلفوني ايرن ..ووخت تحت وشلت شنطتها وظهرت تلفونها .. ويييه حصوه فديتها ..هلا والله هلا وغلاااااااااااااا فديت اللي يحسون فيني ياربي .. ادري اتولهتي عليه وايد وايد وايد ..
حصه وهي تصيح وميته من الصياح : لحقي يزوووووووي لحقي عليه خالد ذبحت خالد بيديه اجنيت عليه .. انا السبب فلي هو فيه انا السبب وتمت حصه اتصيح بطريقه هستيريه .. واتروعت اليازيه ..
اليازيه منصدمه : حصوووووووه شو اتقوليييييييييين .. ليش شو صار .. شو استوى خبرييييييييييييني .. مات طحنون من الروع وتم فاج اعيونه يطالعها ... وسكرت حصه ..
طحنون : شو بلاكم .؟؟؟
اليازيه منصدمه ودموعها بدت ترس عينها وهي متروعه : ماعرف ماعرف بلاهم .. مادري خالد مادري منوه مااعرف شو مستوي دخيلك و دنيه الهم ..
طحنون : ان شاء الله ان شاء الله ..
وتمت اليازيه متروعه وكل ساعه تتصل حق حصه بس حصه ماكانت اترد ... عليها .. وسيده اول ماوصلت نزلت البيت وهي تربع حتى شطتها ماشلتها ..وتم طحنون في السياره استحى ينزل واتصل في محمد وقاله انه هو في المستشفى عند خالد وراح الهم ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 02-12-2012, 01:56 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي







بيت بو محمد
الجمعه 6 ونص المغرب
بوظـــــــــبي ..


ودي ابكي لين مايبقى دمـــوع ... ودي اشكي لين مايبـــــقى كلام
من جروح صارت بقلبي تلوع .. ومن هموم احرمت عيني المنام

دشت اليازيه الصاله وحصلت امها قاعده وشكلها وايد حزين ومتضايقه .. ووايهت اليازيه امها ..
ام محمد: الحمد لله ع السلامه يابنتيه متى ييتوا .؟؟
اليازيه ميته من الروع : توني امايه حتى بيتي مارحتله شو بلاكم شو مستوي شو فيكم خبروووووونيه .؟؟؟
ام محمد : خالد سوا حادث .. وتعبان وايد وباجر بيسفرونه لندن عند خالج احمد .
اليازيه منصدمممممممممممه : هااااااااااااااا ؟؟ شو ليش وكيف ومتى .. وتمت ساكته والعبره خانقتنها .. واذكرت شي .. وقالت .. حصووووووووه .. حصووووووووه .. وراحت تربع فوق .. ويوم فجت الباب .. طلعت روحها من اللي جافته اتمنت انها تنعمي ولا اتجوف اللي اتجوفه .. كانت حصه قاعده في الزاويه وشكلها شكل وحده خايفه ويائسه من الحياه خلاص واتصييييييييييييييييييييح بصووووووووت يعور القلب .. ويقطعه .. ربعت الها اليازيه وقعدت مجابلتنها ماقدرت تتحمل شكل حصه .. انفجرت من الصياح ..
حصه وهيه ميته من الصياح : انا انااااااااااااااا السبب انا اللي سويتبه جذيه غرررررررررررووووري وكبريااااااائي هو اللي سوابه جذييييييييييييييييه .. انااااااااااااا يايزووووي انا سويبته جذي والله والله انا بعقلي هاذا وبقلبي ذبحته .. وردت اتصيح وحطت ويها عالارض وتمت اتصيح ... واليازيه مش عارفه شو تقولها ..
حصه وهي اتصيح وتضرب ايدها بقو ع الارض : انا لو قلت اني موافقه جان ماصار اللي صار .. انا السبب انا مجرررررمه انا اللي خليته يسوي جذيه بعمره .. ماتوقعت انه شارني جذي لو ماااااابعت واتكبررررررررت.. مااااااابعت .. وتمت ادح عمرها بيدها .. موووووووتي يامجرمه موووووتي .. واتصارخ واتصيح ..
اليازيه : انتي مؤمنه وتؤمنين بقضاء الله وقدره خلاص حصوه الله قدرله هالشي . وان شاء الله انه بيستوي بخير ..
حصه وهي تصيح وغرقانه من بين دموعها : والله العظييييييييييم لو استوابه شي مابسااامح عمري ووالله مالي قعده في هالدنيا ثانيه من بعده .. وردت اتصيح ..
اليازيه ودموعها عخدها : ان شاء الله انه مابيستويبه شي ان شاء الله انه بيغدي بخير . حصوه لاتسوين جذي .
حصه : اريد اروحله اريد اقوله يسامحني اريد حرام عليكم ودوووووني له ونشت من مكانها وراحت للكبت ولبست عباتها مالي خص الحين الحييييييييييين اتودوووووووووني ..ودوووووووني .. ودووووووووووووووووووووووووني ...
اليازيه مسكتها من ايدها : شووو شو بيقولون كيف اتروحين الهم ..؟ مايستوي .. استهدي بالله ودشي قولي لا اله الا الله هب زين عليج جذي جوفي حالتج ماتسمح اصلا تتحركين من مكانج ....
حصه تنزل وتركع عند ريول اليازيه وهي اتصيح واتصارخ : حراااااااااام عليج خلووووووني ارحمووووووني حرام حراااااااااااااام انا السبب في اللي هو فيه .. ادخييييييييللللج وديييييني له بس من بعيد بشوفه حرام حرام ..
اليازيه تنزل صوبها : اتعوذي من ابليس لا تسوين جذي .. لا تسوين جذي ..
ودشت امهم عليهم وانصدمت يوم شافت المنظر .. وتربع حصه عند امها ..
حصه : امممااااايه حرام خلينا انروح الهم امايه ارجوج حرام امايه انا السبب انا وتمت اتصيح وامها واليازيه يهدونها ..
ام محمد: محمد عندهم ويوم بيرد بيطمنا .. خلاص ياغناتي لاتسوين بعمرج جذي خلاص .. نشي استهدي بالله قولي لا اله الا الله سيري صليلج ركعتين خلي نفسج تهدى .. نشي ياامايه صلي وادعيله انه الله يقومه بالسلامه . لا صياحج ولا ندمج بيرده شرات ماكان .. نشي الله يهديج ويشفيه ياربي ..
وتمت حصه قاعده مكانها والحزن اتهجم على حياتها حياتها بالكامل وتمت دمعه تلحق دمعه بصمت وبجرح و بالم مااظن انه بعده او قبله الم .. وتمت اليازيه اطالع امها بحزن على حال حصه .. اللي من عاشت هالحب وهيه في عذاب وجرح .. تفرح يومين وتحزن وتنجرح عشره .. وظهرت عنهم امهم وتمن اليازيه وحصه ..
اليازيه : نشي حصصووه بنصلي ركعتين بندعيله ..
حصه بحزن : ان شاء الله ..
ونشن حصه واليازيه يتوضن وصلن ركعتين وتمن يدعن حق خالد .. وتمت قاعده حصه على لسياده تقرا قرءان ... واليازيه تمت قاعده عندها نص ساعه وعقب شلت تلفون حصه واتصلت حق طحنون ..
اليازيه : الوو ..
طحنون : هلا غناتي .. شحالج ؟؟
اليازيه : بخير وسهاله .. شنطيه عندك صح ..
طحنون : هيه مانتبهت الها الا يوم رحت عاد ..
اليازيه : ماعليه انتي وين ؟؟
طحنون : رادين البيت انا ومحمد بنزله لانيه دقيتله ورحت الهم المستشفى مايستاهل خالد حليله ..
اليازيه وهي تظهر من الغرفه : انزين وهو شحاله الحين ..
طحنون : مايحس بشي بعده تاثير البنج .. باجر ان شاء الله سفرهم الصبح ع الساعه 7 ..
اليازيه : يله ان شاء الله الله يشفيه ياربي .. يله تعالوا نترياكم ..
طحنون : ماعليه فديتج يله مع السلامه ..
اليازيه : ربي يحفظك غناتي .. مع السلامه ..
وسكرت عنه ودشت الغرفه على حصه .. وعقب دشت عليهم لطيفه ..
لطيفه : يزوي تعالي طحنون تحت ..
اليازيه : انزين روحي الحين بيي ..
ونشت اليازيه وسلمت على حصه : يله اتحملي على عمرج وان شاء الله بسويلج تلفون فليل ...وتمت حصه ساكته ماودها انه اليازيه اتروح واتخليها بس بعد ماتقدر ماتخليها اتروح عند ريلها وهيه توها عروس يديده ...وحست اليازيه بحصه ونزلت عنها وخلتها وتمت قاعده مع ابوها ومحمد وطحنون .. وعقب سلموا وظهروا حايلتهم ام محمد يتعشون بس طحنون ماطاع..
بو محمد: الله يشفيه ان شاء الله ويرده بالسلامه ..
محمد: ترى الولد يبا البنت والبنت من ردته من قهره سوا الحادث ..
ام محمد: حموود شو اتقول انته اقطع هالرمسه ربك كاتبله ..
بو محمد : ومانروم نغصب البنت ..
محمد: بس الولد شارنهااا . ويباها .. ومب حرام اللي صارله من قهره ..
ام محمد: ربك كتبله ... وان شاء الله الله بيشفيه ومابتم في خاطره اكثر وان شاء الله محد بياخذها الا هوو ..
محمد: عقب شوو .؟؟
بو محمد: نش نش استهدى بالله شو هالرمسه اللي اتعقها ..
ونش عنهم محمد وهو ضايق مر من صوب غرفة حصه بس مارام يحدر عليها وراح غرفته .. وهو مش عارف بشو يفكر .. او شو مممكن انه يقول ..
مستشفى من مستشفيات لندن
السبت 3 الظهر
لنـــــــــــدن ..

يااحمد خفوقي غدا في ايدينها لعبه .. لعب الهوى في غصون الراك لا مالت
وهي في قلبي اتمركز في طرف شعبه .. وذكرى غلاها لي ذا الحين مازالت

هالوقت بو سيف وسيف وبطي وناصر واحمد قاعدين في غرفة الانتظار لانه الدكتور كان عند خالد داخل .. وبعد شوي ظهر الدكتور عنه .. وزقر المترجم معاه .. والدكتور كان يكلم المترجم ..
احمد: هاه ياسر شو يقول الدكتور ..
المترجم : الدكتور عم يقول انه الشاب الحمد لله صحته القويه هيه اللي ساعدته شويي يتعدى مرحلة الخطر وهو الحمد لله بصحه كويسه بس المشكله اللي في رجله .. عم يقول انه راح يركبوله رجل صناعيه وراح ياخدون القياسات من شان يركبوله اياها .. وراح يتبعوا معاه العلاج الطبيعي ..
بو سيف : بس الولد لين الحينه مايعرف عن ريله شو انقوله وكيف نشرحله ..
المترجم رجع ايكلم الدكتور ورد عليهم : صح ايقول الدكتور انه اول مايصحى راح ايجيبوله دكتور نفساني من شان ايقوله عن رجله ..بهدوء ويشوف ردة الفعل .. بس بيقول انه راح يبقى كويس .. وفي كتير من الناس زي حالته وعايشين حياتهم طبيعين وبيتزجوا وبيقيبوا اولاد حالهم حال اي حد تاني ..
بو سيف : الله كريم ياولدي ومشكور ..
المترجم : العفو وان شاء الله راح يصحى ويبقى زي الحصان ..
احمد: الله يشفيه ان شاء الله ..
بطي : لا اله الا الله .. الله كريم والله يعينا ع ردة فعله ..
سيف : يله ان شاء الله خير ..
خلونا نروح نقعد عنده عن لايقوم ومايشوف حد عنده .. ناصر :
ودخلوا عنده وتموا قاعدين ..
بو سيف : احمد دورلنا شقه حذا شقتك ..
احمد: ليش ياعمي وشقتيه ؟؟
بو سيف : لا لا هب حلوه انته وحرمتك نحن وين نقعد الا هن حجرتين وين بتعدنا ؟؟
احمد : ماعليه الغرفه الثانيه اتسد ..
سيف : لا يااحمد نحن مابنرتاح ولا حرمتك بترتاح .. خلنا انكون قراب منكم اخير ..
احمد: ماعليه ان شاء الله .. انا بنش الحينه بسير ارمس راعي العماره بخليه يجوفلكم شقه في عمارتنا .. بردلكم .. نشوا معايه بنتغدا وبنرد ..
سيف : هيه صح نشوا اتغدواوردوا انا بقعد عنده وانتوا هاتوليه غدا خلاف ..
بو سيف : محد له نفس للعيشه ..
ناصر : هب زين ابويه نش عسب تاخذ حبة الضغط مالتك انته ماخذتها نش بنتغدا وبنردله ..
احمد: يله عمي نش .. لا تحاتي نحن كلنا اقلوبنا شراتك بس شو نسوي .. الله كريم ان شاء الله والحمد لله اهم شي صحته انه هو بخير وصحه .. يله انسير ..
ونشوا كلهم وراحوا شقة احمد واتغدوا .. وبعدين يابهم احمد المستشفى وراح عنهم يطالعلهم شقه ..ورد الهم ..
احمد: السلام عليكم
الكل : وعليكم السلام ..
احمد: حصلتلكم شقه في الطابق الثاني .. غرفتين وصاله ..
سيف : زين والله ..
وشوي حسوا انه خالد بدا يحرك ايده .. وكان يون ..نشوا كلهم يطالعونه .. وربع بطي يزقر الدكتور .. في نفس الوقت زقروا الدكتور النفسي عشان اي صدمه لو من البدايه ايكون متابعنها .. وخالد كان يطالعهم واحد واحد ومش قادر يفهم هو وين او شو صارله حتى ...
خالد بصوت مبحوح : انا وين ..؟؟..
احمد: انته هنيه في لندن ..
بو سيف : الحمد على سلامتك ياولديه وين كنت وشو صرت ..؟
خالد يتذكر : الحادث .. والسياره .. و.. و ... وح .. حح .. وغمض اعيونه بألم ..وخلوه يرتاح شوي وراحوا عنه الدكاتره لانه تقريبا مااحس بشي ..
احمد: سيف ودوا عمي الشقه خلوه يرتاح وهاذا المفتاح ..
سيف : هيه والله انا من متى مابدلت بسير ببدل وبريح وبييكم ع الليل ..
بو سيف : ماعليه بنسير بندبل وبنريح وبنييك .. سامحنا يااحمد لهيناك عن بيتك وشغلك ..
احمد: اعنبو ياعمي شو هالرمسه هاذا خالد .. هاذا عديييل الروووووح ...
بوسيف : الله يخليكم لبعض ياربي ..
وراح سيف وبطي وبو سيف وتموا ناصر واحمد عند خالد .. وكانوا يالسين يسولفون .. وبعد ساعه بالضبط انتبه خالد .. وتم يتصدد حواليه ..
خالد وهو يحس بعضو ناقص فيه او انه شي ناقص من جسمه ..
خالد: شو قالولكم عني ؟؟
بو سيف : الحمد لله بخير وسهاله .. والباقين كلهم نزلوا راسهم يطالعون الارض ..
خالد يطالعهم باستغراب : ابويه انه احس شي فيه ..
بو سف : شو يعورك..؟؟
خالد: لا مافيه ويع بس احس انه شي ناقصني .. احس بانه ريلي اليمين خفيفه غير عن ريي اليسار ..
وظهر احمد يزقر الدكتور ويا معاه الدكتور النفسي عسب يتابع حالته من البدايه من يوصله الخبر لين كيف يتقبله ... ودخل عليه الدكتور النفسي وقاله عن ريله وقاله ان بيركبوله ريل صناعيه وانه بيكمل حياته شرات قبل واحسن ..وفيه وايد ناس اهنيه اتي ويركبولها اعضاء مب بس عضو واحد طبعا الدكتور فهمه قبل ويابله كل شي بالتدريج بحيث انه الصدمه ماتكون قويه .. تم خالد ساكت وتمن عيونه يدمعن بصمت وحزن على اللي حل به .. والكل اتأثر .. وان شاء الله انه مع الايام بيتحسن ..

بعد مرور اسبوع من الاحداث السابقه ..

بيت بو محمد
الاثنين 8 فليل ..
بوظــــــــبي ..

ماألومه..ماألومه لو غابت اعلومه .. وان ماسأل عني من حقه مالومه
انا اللي زعلته .. واصلني واهملته .. ولا حبيب القلب يبيني من يومــه

حصه كانت قاعده في غرفتها بروحها .. وحصه وايد اتغيرت من عقب اللي صار فخالد وكانت كله اتحس انه اللي صارله كله بسبتها .. وماكانت تاكل ولا تتطيع اتروح تقعد عند هلها ولا شي .. وحتى كان يتهيألها انه نظرات هلها الها كانت لوم في لوم .. بس العكس هلها كانت نظراتهم الها نظرات عطف .. ولدرجة انها ظعفت وايد واستوى ويها اصفر وشاحب .. ودخلت عليها الخدامه ..
الخدامه : ماما يريد ..
حصه : شو يريدد ؟؟ ماريد انا اروح تحت ..
الخدامه : ماما ايقول في ماما موزه دوان ..
حصه منصدمه : لا لا شو ماما موزه . ماما موزوه ماما الرماح ..؟؟
الخدامه : ايوووه ..
حصه انصدمت وتمت متروعه : لا لا مايريد قولي حق ماما .. اني انا نوم . وراحت ربعت فراشها وطاحت وتلحفت .. وتمت تصيح تحت اللحاف .. وسمعت صوت حد يدق الباب ..وتمت ساكته ودخلت عليها خالتها ام سيف .. وراحت صوبها وقعدت عدالها ..
ام سيف : حصه امايه ..
وحصه تحت اللحاف ترتجف واعيونها كلها ادموع ..وشلت ام سيف اللحاف عن ويه حصه .. وحصه تمت منزله اعيونها ولوت على ام سيف وتمت اتصيح وام سيف تمت لاويه عليها ودمعت اعيونها ..
ام سيف : لا فديتج لا .. لا تصيحين يعلني افدا روحج ان شاء الله انه بيرد ابخير وسهاله .. والحمد لله تراه الحينه بخير وسهاله وعمليته نجحت . والحينه يتعالج علاج طبيعي ..
وحصه اتصيح في حظنها ..
ام سيف : لا ياامايه استهدي بالله . قولي لا اله لا الله .. والله انيه يايتنج اليوم متعنتلج وماباج جذيه اتسوين بعمرج .. انتي مالج ذنب ..ربج كتب هالشي .. وسبحان الله يابنتيه اي شي ربج يكتبه يصير نحن بني ادم مالنا حق نعترض مالنا الا نحمد الله ونشكره .. قولي الحمد لله يابنتيه .. واستهدي بالله ..
وتمت حصه اتناهي في حظن ام سيف ....
ام سيف : ماعليه يابنتيه بيردون جريب خمس شهور وبيردون وان شاء الله كل اللي تبونه بيصير .. طالعي كيف شكلج صار وين الروح وين الحلاه .. انت الحص المنقايه .. مايستوي جذي ..
وتمت ام سيف تمسح ع شعرها واتحاول اتهديها .. ودشت عليهم امها .. وجافت حصه اتسولف مع خالتها ..
ام محمد: الحمد لله ياخالتيه .. يزاج الله خير .. ماتتدرين شو كانت مسوتبنا ..
ام سيف : لا الحمد له الحينه هيه فهمت وعرفت انه الله سبحانه وتعالى كل شي بيده .. واللي صار كله ربها اللي كاتبنه صح الحص ..
وهزت حصه راسها حصه كانت .. محتاجه انه حد يكلمها هالكلام صح انه امها واختها ماقصروا بس كانت تبا تسمعه من ناس قريبين من خالد عشان اتحس انها مالها ذنب وانه محد بيلومها وبيقولها هيه السبب يسد انه هيه اتحس بالذنب واتحس انه هيه السبه ومش متحمله اصلا انه ايي حد ثاني غير نفسها ويلومها يسد نفسها اللي تلومها على اللي صار ليل ونهار ..
ام محمد: يله خالتيه ننزل نتعشى ..
ام سيف : يله امايه الحص نشي معانا ..
حصه : مالي خاطر خالتيه ماعليه خلاف بنتعشى ..
ام سيف : يله يله انا هب متحركه اليوم من مكاني الا وانتي معايه وبتتعشين وبييج بعد يومين وان ماشفت حالتج اتحسنت وقالوليه حصه بعد على حالتها ... حلفتيني بالله انيه لزعل . وجاني غاليه عندج بتنزلين وبتتغيرين وبترديلن حصه القبليه ..
هزت حصه راسها : ان شاء الله خالتيه ..
ام سيف : يله فديتج ننزل ..
ونزلوا كلهم تحت وحطوا العشا واتعشوا ارباعه وعقب ردت ام سيف الرماح ...

بيت بو عبدالله
الثلاثاء 7 المغرب
بوظــــــبي ..

قلت بخفي المحبه قلت بلجم جوابي .. واثره الحب جامح من يروض حصانه
من يظن المــــحبه جوها جو هادي .. اشــــــــهد انه يماري في زمانه زمانه

حصه كانت مسويه ورق عنب واليازيه اتموت فالورق العنب اللي اتسويه اليازيه .. فكانت مطرشتلها اياه مع محمد .. ولانه محمد بعد كان بيمر على طحنون فوصله فدربه مره وحده ..اتصل محمد حق طحنون فمارد عليه واتصل في اليازيه ..
محمد: حيالله العروس ..
اليازيه : الله يحيك .. شحالك فديتك ..؟؟
محمد: بخير ربي يسلمج .. مستانسين البيت خلا من وحده الفال حق الثانيه نفتك ..
اليازيه : ههههههههه حرام عليك ماعليه زعلت زعلت ..
محمد: لا افا عليج منوه يروم عزعلج ..
اليازيه : هيه توك.
محمد: السوالف حلوه واعرف انج احلا عنهن بس انا من الصبح واقف برع ويابلج طبخه من تحت ايدج اخت المينونه فالله يعلم شو يستويبج اليوم .. انا اقترح تخلين ريلج يوقف سيارة الاسعاف حذا بيتكم ..
اليازيه : ههههههههههههه .. اوكي .. انزين يله الحينه بظهرلك .. احدر احدر فالحوي ..
محمد: يله اوكي ..
دش محمد الحوي ومافكر انه يدق جرس اصلا .. وجاف اسماء واقفه مع هزاع وشاله صينيه شكلها يايه من المطبخ وهو واقف يسولف معاها وهو كانت تضحك من خاطرها .. مات محمد من القهر وتم يطالع بقهر فضيع حتى انه ماتكلم وهم مانتبهوله .. وظهرت اليازيه وجافت هزاع واتغشت وراحت صوب اخوها واتغشت اسماء ودخلت .. وايهت اليازيه محمد وشلت عنه المله ودخلتها البيت ووايه هزاع محمد وتم واقف يسولف معاه..ومحمد كان واقف وميت من القهر والف فكره وفكره ادور في راسه ..
هزاع : شحالك محمد ربك ابخير ؟؟
ومحمد سكات وسرحان .
هزاع : محمد..
محمد: امم هلا ..
هزاع : شو بلاك ياريال من متى ازقرك ..
محمد: لا لا وياك ..
هزاع : شحالك اقولك ؟؟
محمد: بخير وسهاله ايسرك الحال ومن صوبك ..؟؟
هزاع : والله يسرك الحال .. بتظهرون مكان مع طحنون ...
محمد : هيه والله بنسير الكوفي عند الشباب .. حياك جان بتخاوينا ..
هزاع : لا لا بحدر بقعد عن الاهل وخلاف بويه صوب العين ...
محمد فخاطره ما يبا يبعد عنها لازم هو اولى فيها مني : .................... وتم ساكت ولا رمس ..وشافهم طحنون ..
طحنون : هلا والللللللللللللللللللللله ...
محمد: اهلين وسهلين ..
طحنون : ها هزاع بتخوينا ..
هزاع : لا والله توه محمد يعزم عليه ابرايكم سيروا انا بحدر شويه وخلاف بويه صوب العين ..
طحنون : ماعليه يعلني افدا خشمك ربي يسمح دربك ..
هزاع : خلاص عيل مانعطلكم برايكم جان بتسيون ..
طحنون : يله عيل سلم سلم .. يله بو جسيم سرينا .. جلووو .. بابا جلووو ..
ومحمد واقف متصنم ولا جنه وياهم ..
طحنون يدزه من جتفه : حوووووووه حمود..
محمد : همم هلا ..
هزاع : عاين ربيعك تراه هب اول مره يسرح شي فيه ...
طحنون : افا عليك الحينه بنظهر منه العلوم . يله سلام..
وظهروا محمد وطحنون من البيت وركبوا سيارة طحنون .. ودخل هزاع في الصاله عندهم ..
طحنون : حمووود شو بلاك؟؟
محمد : ولا شي سلامتك..
طحنون : عنبوه هزاع اللي مايعرفلك قال انه فيك شي وين انا .. اللي خاويتك اكثر عن هلك ... شكلك طايح في حب ليلى ..
محمد: ولا يخصه .. تعرفني انا ماعندي هالخرابيط ..
طحنون : صح ماكان عندك بس يمكن الحينه عندك. ع فكره عيونك تفضحك .. في حد فخاطرك ؟؟
محمد: لو فيه شي في خاطريه جان انته اول واحد بتعرف ..
طحنون : اكييييييييييييد ؟.؟؟
محمد: اكيدين ...
وراحوا طحنون ومحمد عن ربعهم في الكوفي وطول القعده محمد كان يحاول انه يكون طبيعي .. قد مايقدر والحمد لله قدر بس من وصل البيت انفجر من كثر التفكير والاهتمام هاذا اللي لين متى بيطول وهو ممن صوب واحد والحينه لا ظهر النا ولد عمها .. اكيد انه تبا ولد عمها .. عيل بتفضل الغريب عليه انا .. بس انا شو ذنبي جان كل هالسنين هيه في بالي ... وهيه الحب الوحيد اللي سكن حياتي .. يارب رحمتك ياارحم الراحمين .. وطبعا تم محمد هاذا حاله كله باله مشغول ويتريا نفس ماتنصدم وقالوله انها انخطبت وخطبها غانم يتريا الصدمه الثانيه انها تننخطب ويخطبها هزاع .. حليلك يامحمد ..

بعد مرور 3 شهور من الاحداث السابقه ..

بيت بو عبد الله
الاربعاء 10 فليل
بوظــــــــبي ..

تضـــــــيق يالغلا قلبك .. غيرك ولو مات ما جيته لا
لك قسم يا شوق وبربك .. غير شخصك ماتمنيــته

اليازيه وطحنون ومهره واسماء وهادف كانوا قاعدين في الصاله وتوهم مخلصين عشا ..وطحنون وهادف مشغلين السوني ويالسين يلعبون كوره ..
طحنون : وينوه خلوفي ماشوفه .؟؟
مهره : ياله مابغينا يرقد .. خله مفتكين من الصدعه ..
هادف : فديته اليوم مايبا يفج خاله هزاع متعلق فيه ..
اسماء : ولدكم هواوي يموت في سيرة العين ..جنه الا اخر شي بيظوي على عيناويه ..
اليازيه : هههههههههه فديته ..
هادف : اممممممره اللي يباها بنخطبله اياها هب مترددين ..
طحنون : حتى لو بنت الطباخ ..
هادف : مايطيع زينه ولد هادف .. جان الا بتخطب حق ولدك وتباني اسوي واطه امممممره ماععنديه مانع ..
طحنون : هههههههههههههههههه .. بتبطي عاد ...
وشوي وان ام عبدالله داشه عليهم ..
ام عبدالله : السلام عليكم ..
الكل : وعليكم السلام ورحمة الله ..
طحنون : ها ام عبدالله من وين ظاويه هالحزه ..
ام عبدالله : وايه وانته شعليك عاده انا ظاهره ومشاوره ريلي ..
طحنون : لا لا ماعندنا حريم ايتمن لين هالحزه برع البيت يله اخر مره قولي اسف ..
وترقعه ام عبدالله بقوطي الكلينكس جتفه ..
طحنون : ههههههههههههههههههه . وتموا كلهم يضحكون عليه ..
اليازيه : يله عاده هب جنه الا بسك من اصبحت وانته طايح في عمتيه ..
طحنون : لازم بدافعين عنها عيل بدافعين عنيه ..
ام عبدالله : يله عاده خل عنك .. مادريتوا عن حرمة سعيد ولد مجتوم ..؟؟
مهره : منيه هاي عمتيه العروس اليديده ..
ام عبدالله : هيه ..
اسماء : شو فيها ؟؟
ام عبدالله : ماشاء الله عليها حامل .. اليوم اسمع نوره اتخبرنيه انصدمت قلت ماشاء الله توها ماكملت الا شهر وحملت ..
اليازيه اتحسست من كلامها وتمت ساكته ..
مهره : ماشاء الله عليها ..
اسماء حست بانه شكل اليازيه اتغير : عادي امايه شي حريم بسرعه يحملن ونصهن يطولن ..
ام عبدالله : هيه عاده نوره تتخبرنيه عن اليازيه اقولها حليلها بعدها اللي ماكتبلها ان شاء الله بيكتبلها قريب .. هنيه اليازيه مارامت تقبض عمرها سوت عمرها عاديه لين غيرت ام عبدالله السالفه ونشت راحت قسمها .. طحنون انتبه الها وصد على امه واسماء ..
طحنون : وين سارت حرمتيه ؟.
اسماء : اممم .. ها مادري اظن سارت اتيب شي ..
ورد طحنون يكمل لعب مع هادف ..
صدت اسماء على امها وهيه اتكلمها بصوت واطي : امايه ماكان له داعي هالكلام جدامها جرحتيها ..
ام عبدالله : وايه بالستر ثرني انا شو قلت ..انا اعرف انه لابيدها ولابيد ريلها كله مكتوب من عند الله ..
انا ماقصدت .. لا لا ماعليج مابتزعل ..
مهره : عمتيه نشت وهيه متضايقه حليلها ..
اسماء : والله ماتحسون بس جذه تيلسون تعقون على الواحد قنابل ماتعرفون شعوره كيف ونشت اسماء راحت حق اليازيه .. في قسمها ..وتمت ام عبدالله متلومه ماتهون عليها اليازيه .. اتحبها بس بعد ودها تشوف ولد لطحنون مع انه تو الناس ..ودخلت اسماء على اليازيه القسم ودورتها ماحصلتها وعقب سمعت صوت ماي في الحمام عزكم الله وقعدت ع الكرسي اللي في الصاله تترياها ..وعقب ظهرت اليازيه وكان يبين انها كانت تصيح لانه خشمها كان احمر وعيونها حمر شوي ..
اليازيه تحاول تخلي عمرها عادي : اوووه اسامي فديتج انتي هنيه ..
اسماء اطالعها : شو فيج ..؟؟
اليازيه :لا ماشي فديتج .. ييت شويه وكنت برد الصاله ..
اسماء : بس ويهج . ايقول غير عن جذيه ..
اليازيه : مثل شوه .. اسامي شو فيج ..
اسماء : انتي اللي شو فيج .. لا تحطين فخاطرج من رمسة اميه تراها ماتقصد وعلى ويها ..
اليازيه : لا عنبوه اصلا انا ماحطيتها فخاطريه ..
اسماء : تخشين عنيه ..
اليازيه : حشا عليه .. تعالي بتخبرج .. كم باقي حق مهاري عن تربي ..
اسماء : ياحبج لتغير الموضوع ..
اليازيه : ههههههههه .. حليلي .. وحدر عليهن طحنون ..
طحنون : شو اتسوين انتي هنيه عند حرمتيه يله يله جلبي ويهج ..
اسماء : هههاي على اي صفحه ..
طحنون : صفحة 32 ..كيييييككككككككي .. مع هالويه ..
اسماء : جفتي اخو جذي عوف ..
اليازيه : هههههههه هيه كان حمود جذي وايد يلعوز حصوه ..وانا شويه بس اتيني طشات ..
اسماء : هههههههه .. زين عيل ثرني هب حليلي اللي بس اعاني ..
طحنون : اعاني .. اعاني .. تعالي شويه بقولج شي حبيبتي ..
اسماء : لا تقولليه ولا اقولك اعرف بجلب ويهي ..
اليازيه : وييييييييين تتو النااااااااااس ؟..
طحنون اونه ياشر الها : شو تو الناس يله يله .. مع السلامه ..
اسماء: خبل .. وراحت تربع برع ..
طحنون : محد غيرج خبل .. وسكر الباب .. وقعد ع الارض مجابل اليازيه وين كانت قاعده ع الكرسي وحط ايده ففي ايدها ..
اليازيه : شو هالرمنسيه ..؟؟
طحنون : ودي اغير كلمة اهواج .. بكلمه توصف كم انا ابغيج .. كلمه تفسر اني وياج .. عايش وقلبي ميتن فيج ..
اليازيه : فديتك والله ..
طحنون : افداج والله العظيم ..
اليازيه : نوني حبيبي بسالك سؤال وتوعدني انك اتجاوبنيه بصراحه .؟؟؟..
طحنون : في مره فحياتي دسيت عنج شي وماصراحتج .؟؟
اليازيه : لا .. بس .. انته متضايق انيه انا لين الحينه ماحملت .. انصدم طحنون ومن كثر صدمته نش من الارض وقعد حذاها ..
طحنون : شووووووووو اتقولين انتي ؟؟؟؟؟؟؟؟؟؟ تو النااااااااس وايد تو الناس على حمالج .. تونا من عرسنا اربع شهور .. اي حمال انتي تبينه .. وبعدين انا مش حاط في بالي الا عقب سته او سبع شهور انا ابا استانس معاج ابا تركضين وتلعبين نحنا لاحقين وبعدين انا توني 25 سنه اي عيال ؟؟..
اليازيه : صدق والله ..
طحنون : فديتج لا تفكرين في هالشي انا احبج واباج .. انا اعرف الافكار اللي في بالج شليهن .. لاني اباج بو مهما صار .. اوكي حياتي ..
اليازيه : اوكي حبيبي ..
طحنون : فديت هالعيون محلاهن .. هههههههههههه .. وباسها ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 02-12-2012, 01:57 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ليت جنح الليل يحملك أساي / الكاتبة : ظبيانية دار الظبي



بيت بو محمد
الخميس 11 فليل
بوظـــــــبي ..


ياربي اشــــكيلك بحـــالي .. شــــــكوى لـــــــغير الله مذله
لو مر وقتي ماصــــفالي .. محد (ن) بيسعفني سوى الله
ياربي .. يا اتعبني سؤالي.. ياعالم(ن) بالامـــــــر كلــــــه
من عقب فرقى شخص غالي .. قلبي الوحيد اليوم من له

اليازيه كانت اليومم بايته عند هلها .. لانه طحنون راح مع محمد وربعه البحر ..
حصه : اي يزويه و بلاج يايتنا مويمه ؟؟
اليازيه : حصووه .. عمتيه متضايقه انيه لين الحينه ماحملت ..
حصه : شووووووو ؟ شوووووووو ؟؟ لا والله ليش بيدج هو .؟؟ ولا بيدها ...؟؟ وبعدين تو الناس ..
اليازيه : انزين حتى طحنون يقول تو الناس بس امس امممممم ماعرف ماعرف حسيت انها نغزتني فالرمسه بوحده من يرانهم عرست قبليه وحملت ..
حصه : والله صراحه بطيح عمتج من عيني اذا كان هاذا تفكيرها . صدق عياييز ..
اليازيه : مااعرف احس انيه اذا ماحملت ممكن اتحط في بال طحنون ايعرس عليه ..
حصه تقوم من مكانها واتحط ايدها ع رلااس اليازيه : انتي فيج حمى ولا شي ..؟؟
اليازيه : حصووووووووه هب وقته اممممممممره استهبالج ..
حصه : لا والله مااعرف منوه اللي يستهبل توكم ماكملتوا خمس شهور .. هب خمس سنين عسب ايعرس عليج وعدين منوه يسويها منوه منوه .. قلتيلي منوه بيسويها طحنون .. هيييء هيء هيء .. مابغييييييييتي اقص ايدي هب الا من النص .. وتشلح عن كم ايدها .. من اهنيه اتشوفين من الجتف ..
اليازيه بحزن : ظنج ؟؟
حصه : ظني ونص .. صخي الله يخليج عن هاي الهرائات الذي تقولينها .. بسير برد على التلفون .ز وراحت حصه شلت تلفون البيت ..
المتصل : الوو ..
حصه : الوو ..
خالد: السلااااااااااام علييييييييييج والرحمه ..
حصه بقرصه في قلبها : منوه يتكلم ..
خالد: وين وين اتولهنا عليج .. قصدي عليكم ..
حصه : منووووووووه ؟؟
خالد: الشيخ خالد بن عوض ال....
حصه بصدمه : ياويلي .. وفرت السماعه ..
اليازيه : شعندج ..
حصه تهز راسها .. تهز راسها ..
اليازيه قربت صوبها : شعندج شو مستوي .. وشلت السماعه ..
خالد: الوو .. الووو ..
اليازيه : مرحبا منوه يتكلم ..
خالد: شو فيكن ؟؟
اليازيه : وااااايه مرحبا مليون .. خالد شحالك .. صدق نحن في حلم ولا علم ..؟؟
خالد: هههههههههههه .. علم علم .. شحالج .؟؟
اليازيه : ابخير وسهاله ايسرك الحال وشحالك وشحالهم اللي عندك ؟؟
خالد: بخير وسهاله .. لا تتصلون ولا تسالون دومها حليلها الريم تتصل الا انتوا ماشي ..
اليازيه : ماعليه سامحنا والله مقصرين بس والله دوم نتخبر ععنك ..؟؟
خالد: شو بلاها الساحره من سمعت صوتيه .. شردت ..
اليازيه : ياريال انا انصدمت هيه حليلها ياها شلل في لسانها تمت اتهز راسها اربع مرات والحينه صاخه ..
خالد: انا سمعت اعلوم عنها امممره ماعيبتنيه .. المهم امج حذاج .؟؟
وزقرت اليازيه امها وتمت مجابله حصه اللي صاخه وعيونها تتدمع ..
ام محمد: مرحبا والله مرحبا مليون ..
خالد : المرحب لاهان شحالج ؟؟
ام محمد: بخير وسهاله ربي يسلمك ..
خالد: عساه دوم ياربي .... ياينج في طلبه بترديييييينيه .؟؟
ام محمد: افا عليك والله ماطلبت .. لو تباني اتعنالك لين لندن بييك وبيبلك طلبتك ..
خالد: هههههههههه تسلمين ياام محمد ماتقصرين .. الطلبه خليها امانه عندج لين ارد البلاد ان شاء الله ..
ام محمد: افا عليك ..
خالد : رديتوني فيها اول مره بتردوني فيها هالمره ... طلبتيه يالريم .. الحص تحجزييييييييلي اياها لين ماارد ..
ام محمد وهي اتصيح : وايه يعلني افدا ثرك في ذمتيه وعليه رفجه ياانه محد بياخذها الا انته ...
حصه هنيه سمعت وراحت صوب امها وتصاصرها : موافقه موافقه موافقه ..
واليازيه اطالعها منصدمه ..
حصه : شو شو . خسرته مره بغبائي بخسره مره ثانيه ..
اليازيه : مينونه ..
حصه اتأشر على قلبها : احبه احبه .. امووووووووواه واطرشها على التلفون ..اششش اشششش صخي خلنا نسمع شو بيقول ..؟
وامها اطالعها بنص عين ..
ام محمد: ماعليه فديتك يله اتحمل على عمرك .. وسلم عليهم سلامن وايد ..
خالد: سلامن يبلغ .. وقولي حق الساحره حصوه خالد زعلان عليج ..
ام محمد: ههههههههههه .. ان شاء الله ..مع السلامه وبدنت ..
حصه في حلج امها : ها ها شو قال ..
ام محمد: وايه شو هالديدان ؟؟
حصه : ههههههههههه يله عا شو اسوي هب مني .. يله يله .. ويالسه تتحرقص ..
ام محمد: اشهد انج مقوووووي لا لا حسا عليه ماروم عليج ..
اليازيه : ههههههههههههه ياحيها يوم الا جذيه ..
امم حمد: يقول زعلان عليج ..
حصه : افا ليش ؟؟
اليازيه :قال سمع علوم عنج وماعيبته ..
حصه : اووووونه شو صار ..؟؟
اليازيه : ماعري يوم بتملجون اتخبريه ..
ام محمد: ايقول بيردون عقب شهرين ..
اليازيه : يله بالسلامه ان شاء الله ..
ام محمد: برايكن انا بسير برقد وعن السهر هاه رقدن ..
اليازيه : ماعليه ان شاء الله .. حصوووووووه ..
حصه : هااا ؟؟
اليازيه : شو اللي خلى خالد .. يخطبج مره ثانيه ..
حصه : وقسم بالله حالي حالج .. انا منصدمه مووووووووووووووووت مووووووووووووووووت منصدمه بس للاسف الفرحه غطت عالصدمه ..
اليازيه : سبحان الله بس لازم اعرف ..
وتمت حصه سرحانه اتفكر شو اللي خلا خالد يخطبها .. وشو اصلا الموضوع .. وهيه اصلا هب فاهمه اي شي ... وتمت اليازيه اترمس طحنون وحص طايحه عدالها اتفكر وعقب نشن يرقدن ..
بيت بو عبدالله
السبت 10 فليل
بوظــــــــبي ..

اشكي من الحب ولا الحب يشكيلي .. دورة زمان دارت على فكري ووجداني
ياناس والله ذقـــت الويل والويـلي .. من حبه اللي ســــموم الكون اســــقاني

مهره واسماء واليازيه والعنود كانوا يتمشون في الفريج .. عشان مهره وانها خلاص قريب بتربي ..
اسماء : يله هالشيطون الصغير متى بيظهر ..
مهره : بيلعوزني شكله نفس خلوف ..
العنود: ماعليه ان شاء الله متى ما الله يريدله بينزل ..
اليازيه : اتخيلي اتكون بنت ..
مهره : والله انا فخاطريه بنت .. بس قالولي ولد .. وهادف يبا ولد ..
اليازيه : هو اوكي عسب خلوفي فديته يحصله ولد يلعب معاه ..
ووصلوا البيت ودخلوا ..
اسماء : هاذوه ريلج ..
اليازيه : احيده ظاهر . رايح الكوفي مع محمد ماحيدهم يردون هالوقت ..
العنود: شكله هب مبندنها ... الظاهر نازل اييب شي ..
اليازيه : بسير اطالعه عيل .. وراحت اليازيه ..
اسماء : اتصقوم من خذ هالمرسدس ماشفتها ولا ركبي فيها زطي .. ركبلها مخفي والله زين ..
مهره : انا تعبت بسير بنسدح .. برايج جابلي سيارايرج .. ياعاشقة السيايير ..
العنود: ههههههههه شلييني معاج ..
وراحن مهره والعنود وراحت اسماء صوب سيارة طحنون اليديده اطالعها .. وتمت اتوايق .ز وفي هالوقت كان محمد في السياره وهو اصلا من شاف اسماء . تم يطالعها عقب حس اللي يسويه غلط انه هب زين ايطالع الحريم وتم صاد الصوب الثاني عسب مايطالعهن .. وطحنون كان مع محمد فالكوفي وانجبت عليه القهوه وياي يبدل ثيابه فقعد محمد يترياه في السياره وطول هالوقت محمد صاد الصوب الثاني ... ماتواعا الا بدقه على الجامه اللي عداله .ز وصد .. جاف اسماء ملصقه راسها في الجامه واطالع .. مارام يتحمل صدق صدق اتعذب وانجرح ومات .. وفرح كل مشاعره انخلطن في بعض .. عقب بغا ينبها نزل الجامه شوي ..واسماء اول ماشافته شهقت وشردت .. ولقت طحنون في ويها ..
طحنون : شعندج ..
اسماء متروعه : ها لا لا ماشي .. وراحت عنه ورا هو عند محمد وركب ..ومحمد طبعا سرحان ..
طحنون : اتاخرت عليك ..
محمد : لا عادي ..
طحنون :ختك قبضتني منوه جبه عليك ومادري ومادري شو ..
محمد: معروفه تراها يزوي ..
طحنون : يصقت لصقه اونه دامك بتوصله بروح معاكم اكيهه يت ..
محمد : ايييييه ياللزقه .. روح روح عنها ..
طحنون : هههههههه ماتهون عليه ..
محمد ينزل الجامه : انقلعي حق شو رزه ..
اليازيه : احمد ربك اصلا .. انا يايه مع ريلي ... وبعدين مركبينك سيارة ريلي .. لا تخلينا نعطيك عشر وترد تكسي ..
محمد: ههههههههههههاااااااااااااي . ع كيفج ولا ع كيف ريلج ..
طحنون :هب جنك مصختها ..
محمد: ركبي ركبي خلنا نطنز عليج .. وركبت اليازيه ورا محمد ..
اليازيه : شو هاذا انا الشيخه مركبيني ورا ..
طحنون : ماعليه سامحينا شيختيه .. اخر مره .. اعفي عن هالمره .. وغمز الها ..
اليازيه : سامحتك سامحتك .. ههههههه ..
وهم في لفة بيت بو محمد .. شافوا هندي يمشي في الشارع وكان في ايد محمد شلق شالنه من عند اخوه منصور ظهر الولاعه من مخباه وولعه وفره جدان الهندي والهندي اتروع ونقز وتموا يضحكون ..
محمد يصارخ : اوووووووووووووووووه .. ههههههههههه ...
طحنون : هههههههههههههههههه خس الله عددوك .. هههههههه جفته .. مات انصرع ..
اليازيه : ههههههه حليله حرام عليكم ..
طحنون : يله يله اتفضل انزل بيتكم خله الشيخه اليازيه تركب حذايه ..
اليازيه : عادي انزل معاه واييك باجر ؟؟
طحنون : هيه صح ان شاء الله ماعليه ترومين جنج .. يله يله ..
محمد: تعالي تعالي .. وسحبها ..
طحنون : ياريال هاتها بنسيلا متاخرين ..
محمد: ههههههههه .. ودزها .. انقلعي يباج ..
اليازيه : حمار .ز وركبت السياره وقفلت الباب .. ومحمد يدق علها الجامه ..
طحنون : هههههههههه .. يله يله جلو جلو .. وراح عنه .. ودخل محمد البيت ..
اليازيه حاطه ايدها على ايده : شو رايك اتودييييييني البحر مابننزل بس بنطالع ..
طحنون : احبك ياحلو والله ..
اليازيه مستحيه : انزيييين بتودييييني ؟؟ ..
طحنون : ان شاء الله ماطلبتي امممره على خالشم يله .. ووداها البحر ..وتموا قاعدين في السياره وعقب ردها البيت ..
بيت بو محمد
السبت 2 الصبح
بوظـــــــبي ..

كذاب انا لو قلت بنساك .. او جيت يوم وقلت مابــــيك
صدق باني واللي سواك .. لو انسى اسمي باني ناسيك

حصه هالوقت كانت راقده .. ووصلها مسج على تلفونها ونشت تقراه .. الرقم كان فتح خط لندن .. 00447
وكان في المسج ..
" واعيه ..؟؟ "
تمت حصه مستغربه من الرقم واطالعه ياربي جنه رقم خالد ... اذكر اخر شي اصفار .. بس بتاكد ..وطرشت .
" منوه ..؟.. خالد ..؟؟ "
ووصلها ..
" هيه نعم .. حافظه رقميه ؟؟ " ..
وسكتت ماطرشت شي .. وتمت مستغربه غريبه شو فيه .. خالد متغير .. شو سالفته .. وشو في خاطره ...؟؟ غريبه !! .. ووصلها ..
" ممكن اتصل واسمعج اهداء .. كل مااسمعه اذكرج .. ممكن .. بس بسمعج ووبند .."
تمت تقراه كم مره مستغربه وطرشت ..
" اوكيه "..
واتصل خالد .. وتم ساكت وهيه بعد ساكته .. وكانت هالاغنيه في تلفونه وشغلها وسمعها اياها ..
لبيه يا لبيه روحي تلبي
في كل نبضي في شراين وعروق
مجنون شفتك شوفتك جننت بي
كن السما تحتي وهالارض من فوق

مرسال شوقك ياشتياقي لعبي
كأنك سرقت العقل ماعطيتني حقوق
ياليت تدري كم مسافات حبي
ماشفت حالي من محبتك مسروق

شرقي اشوفك وان تقبلت غربي
ماغيرك انته ذوق بعروقي يروق
اشتاق لك واشتاق شوفك بقربي
انته هنايه يابعد كل مخلوق

ان قلتلي مشتاق ريقي شرق بي
وش عاد حالي كيف صاير من الشوق
حبك حبيبي ماخذن كل حبي
امر عليه لو على قطع العنوق

]وخلصت الاغنيه وتم ساكت وهبه ساكته وهيه اعيونها تتدمع وفيها عبره مخنوقه .. وهو يحس بشوق ووله الها .. راحت الاستديو اللي في تلفونهها وحطت له هاي الاغنيه .. وهو ساكت يسمع ...

هات العذاب وهات حزنك والاُلام
واضحك ياخالد واجعل الهم نسيان
هات الشقا والهم وطعون الايام
من فرحتي والشوق يا اغلى انسان
يكفي عناك الي سكن فيك اعوام
يكفي الذي شفته من فلان و فلان
خل السهر لي وانت خل عينك تنام
تعمى عيوني لو غفت وانت سهران

......................................

ادري بهم حولك كما الطير ليحان
فوق الجمر يحسبه تين ورمان
يوم احترقنا كان خالد من اوهام
سبحان من يشعل من الدين نيران

.....................................

لايهمك رماح تلاحقك وسهام
تخطيك دام القلب ماليه نيران
نجاك حفظ الخمس ودعوات الايتام
برك وصبرك عالبلى لين ماهان

وتمت حصه ساكته ..
خالد : حصه .. والله انيه احبج ..
وسيده سكرت حصه .. وتمت اتصيح على كل لحظه خسرت فيها خالد .. وعلى الينان اللي ركب راسها ووصلهم لهاي المواصيل .. لمست الصدق في احساسه وكلامه وسكوته وشعوره وهمسه .. ياربي ياخالد ... والله والله اني انا اللي احبك واموت فيك .. وهاذا كان شعور حصه وخالد .. اللي كل منهم بات وهو شايل حب الثاني في قلبه وكل واحد ندمان على اللحظه اللي بس فكر فيها انه يخسر هالحب ..

بيت بو عبدالله
الاحد 5 العصر
بوظــــــــــبي ..

تلاقينا حبيبي وكنت فاكر ..... خفوقي صعب ما يندش بحره
وضعت بكونك ولاني بناكر .... ولا عندي عن المكتوب فكره

نزلت اسماء وحصلت اختها سلامه قاعده وبنتها مي راقده عالكرسي ..
اسماء : السلام عليج .. وايهتها ..
سلامه : وعليج السلام ..
اسماء : وينج من 4 ايام مامريتي ..
سلامه : فهد كان عنديه ومارمت ايي .. خبروج انه طلقها مسودة العين ..
اسماء : هيه قالتليه امايه .. كنت حاسه بس جذي خذها .. عيل مسودة الويهه طمعانه به ..
سلامه : شو انسوي زين انها ماحملت منه .. بعد ..
اسماء : هيه والله .. افتكيتي .. بس ربه انه خلاص ..
سلامه : لا سكتي نادم ندم .. ومن خاطره يباني اكثر عن قبل .. وشو الهدايا . يله دام الله يسامح ليش نحن مانسامح ..
اسماء : يله الله يهديه ان شاء الله .. يله خلي هالنونو يظهر عسب يستانس به ابوه ..
سلامه : ان شاء الله .. يله باقي شهر وبيفرح ابوه ...
اسماء : هلله هلله عاده في العيال كل سنه واحد ..
سلامه : ههههههههه .. قبل كان عدي مانع بس الحينه عشان بو ميووه افاا عليه كل سنه ..
اسماء : يله الله يديمها عليكم من فرحه ..
سلامه : ماتصلوا قوم امايه يقولون شي عن مهره ..
اسماء : لا والله من متى اتريا .. قبل ساعه متصله قالوا اتقول الدكتوره بعها ..
سلامه : يله الله يقومها بالسلامه ان شاء الله ..
وتمت اسماء ساكته وسرحانه .. فتره طويله وسلامه ساكته اطالعها ..
سلامه : اسااامي ..
اسماء : .................
سلامه : اسمووووووه .. ودقتها ع جتفها ..
اسماء : همممم هاه ..؟؟
سلامه : شو فيج ؟؟
اسماء: ماشي ..
سلامه : عيني فعينج تخشين عنيه ..
اسماء : لا والله .. بس انا انا .
سلامه : انتي شوه ..
وبدت اسماء تصيح : انا خاينه .. خاينه . خنت غانم .. بتفكيري في واحد غيره ..
سلامه : انتي شو اتقولين .. خلاص اسماء غانم راح والله اختاره وشله بس البقا في الحي وانتي الحيه عيشي حياتج حتى ربج بيغضب عليه على اللي تسوينه .. نحن كم نتكلم وكم نفهمج وانتي ليش مب راضيه .. استهدي بالله .. وقوليلي شو الموضوع ؟؟.. تمت اسماء ساكته وتستهدا بالله وعقب اتكلمت ..
اسماء : مااعرف انا كل مااجوف محمد اخو اليازيه مااعرف شو اح .. احس باحسيس غريبه اتييني اسويلها طاف ومافتكر فيها ... بس احس هالانسان دوم الصدف تجمعني فيه حتى من قبل لا يملج عليه المرحوم .. احس فعيونه كلام وايد انا افهمه بس مش قادره استوعبه .. ودومي احلم فيه .. وساعات اكره عمري اني لو ماكنت افكر فيه جان ماحلمت فيه بس نااعرف ليش احلم فيه دومي اجوفه بين كل مكان ودوم اشعر براحه يوم اجوفه سواء في حلم ولا واقع .. وامس .. حلمته قاعد مع غانم الله يرحمه .. وكانوا في مكان ماعرفت هالمكان وين .؟؟ بس شفتهم مع بعض .. وكانوا يسولفون ووايد ماخذين على بعض .. وبعد شوي دخل عليه غانم وخلا محمد قاعد بروحه .. وياني وانا كنت قاعده ع الارض .. قالي اسماء تراه محد يستاهل انه ياخذج من عقبي الا محمد .. واجوف عمري اصيح في الحلم اقوله لا انا بتم حقك ومابا حد الا انته .. واجوفه هز راسه بانه مب موافق بالكلام اللي انا اقوله واختفى عنيه تميت اتبعه ماحصلته لقيت محمد بعده قاعد في المكان ويطالعني .. شو تفسير هالحلم ؟؟.. وشو يعني .. انا نشيت متروعه ومن حلمت هالحلم وانا هب يايني ارقاد ..
سلامه : مااعرف تبين الصدق انا مادري ليش احس انه هو نصيبج .. من زمان انا حاسه بس ساكته اجوف الامور كيف بتتيسر ؟؟؟..
اسماء والعبره خانقتنها : يعني شووو ؟؟
سلامه : خلاص اللي فهمته انه الله ارسلج غانم عسب يقولج انه هو راضي وانه محد يستاهلج الا محمد ..
اسماء : لا لا ماباه انا امممره ماباه .. كيف اباه اصلا هو ماقال يباني .. وماادري ليش ياني غانم وقالي محد يستاهل الا محمد .. مع انه محد اتكلم ولا قال انه محمد يباني او انه ناوي يخطبني ..
سلامه : سبحان الله .. يمكن انه الله ناوي ايجدم لج الامور انتي ماتتدرين .. وصبري وبتشوفين شو نصيبج ومصيرج ..
اسماء : نووووو ويييييييييه .. لو حتى صار هالشي انا مستحيلل اوافق .. وشوي ورن تلفون سلامه وكان المتصل هادف ..
سلامه : ها بشر بشر ..
هادف وصوته جنه مخنوق من عبرته : الحمد لله الحمد لله ياني غانم ..
سلامه : الف الف مبروووووووووك ويتربا بعزك ..
هادف : الله يبارك فيج . بشريهم ها ..
سلامه : ان شاء الله .. ان شاء الله .. طرشولنا صورته ..
هادف : ان شاء الله انا بعدني ماجفته الحينه بحدر اجوفه ..
سلامه : يله صور نتريا ..
هادف : ماعليه يله مع السلامه ..
سلامه : ياهم غانم ..
وتمت اسماء ساكته وشكلها اللي في خاطرها وايد بس كانت صابره .. ومحتسبه كل شي عن الله ..

بعد مرور شهرين من الاحداث السابقه ..

بيت بو سيف
الخميس 6 المغرب
بوظـــــبي ..

حبي لج يااغلى ناسي والله انه بالازل .. فكي صدري شوفي صدري ناقش اسمج وبنتظام
حافره بعروق قلبي وثابتن مثل الجبل .. من قديم الوقـت وانتي اغلــــــــــى الغــــــــــاليات

اليوم واليوم بالذات .. اليوم فرح لقلب حب قلب وصبر عليه وعلى فراقه وعناده صبر انه قلبه ينجرح جدام اعيونه وهو ساكت ويتألم وينزف .. بس اليوم هدية هالقلب وفرحته .. اليوم موعد جمع قلبين ...اليوم ملجة خالد على حصه ..
بطي : هالمعرررس شو هالبه ؟؟؟
خالد: هههه .. والله الله يعلم ابيه .. مستانس + متروع = الله يعين ..
بطي : لا عيل الله يعينك عيناه ...
خالد: امين ..
ناصر : ها وينها ام المعرس ..
ام سيف يايه تربه مستانسه : وايه يعلني افدا المعرس .. ويت وحبة خالد .. وخالد حبها عراسها ..
خالد: افداج ياشيخة الزين ..
بو سيف : يله متى بنحرررك ؟؟
زايد: مشتط عوض اليوم ..
ناصر : ههههه جنه هو المعرس ..
ام سيف : ايروم .. مايروم .. مايباها عروس غيري .. يله يله اتحركوا .. وظهروا كلهم من بيت بو سيف ووصلوا بوظبي بيت بو محمد .. ودخلت ام سيف عند الحريم والراييل في الميلس عن الراييل ..
ام سيف تصيح : الحمد لله ياربي الحمد لله .
ام علي : ربي يسعدهم ياربي .. ومنها العيال ومنه المال ربي يوفقهم ..
ام محمد: امييين ياربي ...
ام عبدالله : الله يتمم الهم على خير ياربي ..
وفوق بالتحيد في غرفة حصه ...
اليازيه : شو شعورج ..
حصه : هههههههههه بموت مااعرف ..
اليازيه : ياويلي عليك ياخالد تعال وشو المستحى كله ..
ظبيه : حصووه منوه بكده الحينه عسب يشل عنيه ميثاني ..
اليازيه : الحينه هالصغنوطه ماترومين عليها ..
ظبيه : خلاص بعطيج اياها ..
اليازيه : لا لا مسكوره .. عطيها حصوه لين اتعرس ..
حصه : فديتها طالعي الجمال والله فديت قلبيه انا ..
اليازيه : يله ريم الحينه بتيبين بنوته شراتها ان شاء الله ..
ريم : فيه ولد امحق ليل ولا انا والله وديه ببنوته ..
حصه : يله عاد انا حرمة خالها كله عنديه ..
ريم : هيه ياله يوم بتلوع جبديه بتشوفين سيف شالنها ويايبنها ..
ظبيه : ههههه ... مابتخلصين من دور الاموممه تخلصين منيه ومن اعيالي .. تبتدين في ريم وعيالها ..
حصه : فديتهم ياربي .. ياله ميثاني مامصتها ياربي والله اممممممممممممموااه ...
اليازيه : تعالي ريلج مابيي يجوفج ..؟؟
حصه : لا لا لا مابا ..
ظبيه : مااظن خالد بيفوت ..
حصه : لا ماعليه عشان خاطريه بنخليه يفوت ..
اليازيه : ههههههههههه .. ربي يسعدكم ياربي .. وتم محمد يدق الباب ..
محمد : العروووووس العرووووس نداء نداء عاجل عاجل ..
حصه : فديتك والله ياحمود مابتوله على حد الا انته .. وراحت بطلت الباب .. واول ماجافته تمت اطالعه بعبره مخنوقه .. وبعدين قالها وين اتوقع ..
محمد: تعالي بحبج .. الف الف مبروووووووك .. ولوى عليها .. وطاحت حصه فحظنه وتمت لاويه عليه واتصيييح .. وحط الكتاب ع الطاوله اللي حذاه ..
محمد: فديييييت روحج والله .. الف الف مبروووك .. تستاهلين .. وظهرت اليازيه وجافتهم وكملت وياهم ..
اليازيه : فديتج الف الف مبروك ..
محمد: لا تصيحوني .. ايييه .. هههههههههه .. بتنزلوني عند الراييل انا ودموعيه شو بيقولون عنيه صاح ...
حصه : فديت روحك والله ..
محمد : نفداج يالعروس .. وتمت حصه اطالعه واتفكر في اخوها من بعد ماراح حق اليازيه وتم يشتكيلها ويعترفلها بحب اسماء ... واليازيه كانت مسجله كل هالكلام في تلفونها عسب تسمعه حصه ..وسمعته حصه اللي واي اتعاطفت مع اخوها اللي كان دوم كاتم هالحب .. من متى يعني تقريبا من هم صغار وهو يحبها ..
وتمت ظبيه واليازيه يزغرطن ويوم نزل محمد بالكتاب دار به في الصاله والحريم كلهن تمن يباركن .. حق ام محمد وام سيف ... وظهر المطوع عنهن وحطوا العشا حق الراييل واتعشوا .. وعقب ظهروا الراييل ماخلوا خالد ييلس مع حرمته قالوله تعالها عقب .. وهو رايح ميت من الغصه بس عطاها هديتها .. وكانت هديتها خاتم الماس ...

بيت بو عبدالله
السبت 5 العصر
بوظـــــبي ..

هاك عمري خذ مـــــنه وتوح...عــــذب فوادي كان ترتاح
بحظن الذكره وواعدك ما بوح...لو هل دمعي وكان فظاح

اليازيه واسماء كانوا قاعدين في قسم طحنون وطحنون كان رايح النادي ..
اسماء : عندج صور غنومي ..؟؟
اليازيه : هيه فديته هالصور كلهن طرشتليه اياهن مهاري ..
اسماء : اجوف نفس صوريه ولا مطرشيلج اكثر ..
اليازيه : ههههه .. مادري جيكي .. وعطت اليازيه تلفونها اسماء ..
اسماء : فديته كيوووت .. يشبهه خلوفي يوم كان صغيروني ..
اليازيه : فديتهم .. وشوي انه تلفون الصاله يرن .. وراحت اليازيه اتشله .. وكان محمد متصل كانت امها مطرشتلها اغراض مع محمد ..
اليازيه : انزين تعال احدر عنبوه وقافي ..
محمد: والله عيزان بروح البيت ..
اليازيه : تعال شويه عن خاطريه ..
محمد: انزين يله .. فتحي الباب .. ودخل محمد قسم اليازبه .. ومحمد كان اي وقت يروم يدخل قسم اليازيه لانه كان برع في الحوش .. ملحق الهم ..وراحت اليازيه صوب حجرتها ..
اليازيه : اسامي حبيبي ثواني محمد اخويه شوي عنديه بييج ..
اسماء : اووه ماقلتيلي من قبل جان شردت ..
اليازيه : لا عادي بس بيعطيني غرض وبيروح .. بوديه المطبخ مالي هههههه بيكون بعيد .. عادي عادي ..
وراحت اليازيه عند محمد وكانت اسماء اطالع . تلفون اليازيه وكانت تتسمع الاغاني الموجوده .. وشغلت تسجيل .. كان محمد اخوها يتكلم فيه .. وكان ايقول : والله العظين اني متعذب وخلاص مااقدر اتحمل .. انا من متى شال حب هالانسانه وخاشنه عن العرب كلها .. يزوي انتي ماترومين تتخيلين هي شو تعنيلي . اسماء تعنيلي الحب الروح الحياه .. دست ع قلبي يوم ملج عليها المرحوم .. والحينه مع هزاع .. وانا شو ذنبيه جاني انا حبيت هالاسانه حب يتعدا حبي لنفسي لهليه لكل مااملك واعز في هالدنيا ليش الله مابيرحمني ..
اليازيه بحزن : محمد .. شو بيدي اسوي .. انته عارف انه اذا ماكنت لغانم اكيد بتكون لهزاع ..
محمد : وانا منوه يعلم ابيه وانا شال هالحب في قلبيه من اسنين من متى وانا اعاني من متى وانا ذابح عمريع\ه في هالحب .. ماخنت .. والله ماخنت هالحب .. حبيتها في غيابها قبل حضورها .. درت العالم من اوله من الامارات لين لندن وربي اني ماخنت .. ولا فكرت في ولاحده مريت بااصعب لحظات حياتي اللي هيه المراهقه .. مريت بمغريات وايد تغريني اني اخون حبها واتسلى مع وحجه غيرها ... بس ماحبيت ولا بغيت ولا اشتريت ولاهويت الا هيه .. والحينه انا باي عقاب اتعاقب .. شو الذنب شو الذنب ؟؟....؟؟...؟؟؟.. والله انا تعباااااااااااااااان تعبااااااااااااااان ..ز ابا ارتاح خاطريه خاطريه ارتاااااااااااااااح .. خلاص خلاص ..
اليازيه : محمد ..
محمد: يعله ايمووووووووت ويؤرتاح .. وسمع صوت باب انه ظهر ولا سوالها سالفه وبندت اليازيه التسجيل ...
سمعت اسماء هالتسجيل وارتبط كلام محمد فالحلم اللي حلمته وكلام غانم عن محمد .. تمت تصيح من خاطرها معقوله في انسان حبني وعشقني جذي غانم وهو غانم اعترف انه هو خاني يوم كنا صغار وهالاسان اللي انا مااعرف عن حبه شي وفا لي .. معقوووووله .. ياربي .. ياربي .. مستحيل اعذب هالشخص اكثر من العذاب اللي اتعذبه بسبتيه مستحيل .. وظهرت من غرفة اليازيه وراحت صوب المطبخ واتغشت وشافت محمد واقف عند باب المطبخ مسند ايده على الباب واليازيه تعطيه كوب العصير ..
اسماء : محمد ..
صد محمد . يطالعها منصدم واليازيه منصدمه ..
اسماء وبصوت مبحوح : سامحني .. سامحني .. ارتاح ارتاح ريح بالك .. وارتاح .. من بعد اليوم ماببتعذب ومابسمح لاي شخص يعذبك .. حتى لو كنت انا ... سامحني .. وراحت تركض برع وهيه تصيح ودخلت غرفتها .. والحمد لله انه محد شافها .. والبيت كان خالي .. ودخلت غرفتها فجرت كل اللي فيها من اول وتالي ..

بيت بو محمد
الاحد 8 فليل
بوظـــــــــبي ..

ودي اغير كلمة اهواك .. بكلمة توصف كم انا اغليك
كلمة تفسر اني وياك ... عايش وقلبي ميت (ن) فيك

حصه كانت في المطبخ اتعابل العشا اللي كان طالبنه خالد منها ..
محمد : اسميه الريال بسير المستشفى من عقب ماياكل
حصه : هههههه .. حرام عليك عاده هب لهالدرجه طبخيه شين ..
محمد: في ذمتج شو طالب منج ..
حصه : هههههههههههه طالب معكرونه بالبشاميل ..
محمد: الله يعينه ..
حصه : هههههههه خل عنك هالسوالف تراك بتاكل معاه ... ورن تلفون حصه .. وكان خالد ايقولها انه هو عند الباب ..
محمد: وينه .؟؟
حصه : ياويلي ياوييييييييلي عند الباب .. وانا ريحتيه مطبخ دخيلك جابله لين اتسبح باي .. وشردت وراحت اتسبحت واتعدلت وتعطرت واتجحلت .. ولبست هييج الطبعه الغاويه .. ونزلت .. وكانت ماشاء الله عليها .. ونزلت الميلس شافت محمد وخالد قاعدبن اول مادخلت ماعرفت كيف اتسلم عليه دخلت ومدت ايدها ومد ايده .. وتم راص على ايدها ويطالعها عينه فعينها وهيه قافطه ومنزله راسها ..
محمد : اتم قاعد ولا اروح ؟؟
خالد : لو سمحت ..
محمد يقعد : اه يعني اقعد ..
خالد: لا الله يخليك روح يوم بنزقرك تعال ..
محمد: لا ااسف الخلوه هب زينه ..
خالد : روح لا افلعك بالنعال .. حرمتيه ..
محمد : لا لا هب رايح .. وتم محمد قاعد ويطالعهمحصه اطالع خالد وخالد يطالعها وهو يطالعهم بعبط .. ويصد خالد على حصه ياشر على بلعومه انه محمد قاعد عظم في البلعوم وحصه تضحك ..
محمد: ادري انزين شفتك شو سويتلها ؟؟
خالد: انزين يعني متى بتروح .؟؟..
محمد: اوكي يله بروح .. اخليكم .. هلله هلله فختيه لاينقص فيها ايد ولا ريل ؟؟
خالد: مايحتاي اختك قاعده مع مصاص الدماء وانا مادري ..
محمد: هههههههه يمكن .. وراح عنهم ..
خالد ياشر الها تقعد حذاه : تعالي ..
حصه تتسرط : ها لا لا اهنيه اوكي ..
خالد: انزين قوليييييييلي .. شو الخبرين الحلوين اللي عندج .. وراح وقعد حذاها ..
حصه : اول شي .. يزوي ختيه حامل .. وثاني شي احمد خالي ياه ولد وسموه راشد ..
خالد : والله يستاهلوووووووون .. بس احمدوه هالخاين ليش ماخبرنيه ..
حصه : توهم ماكملموا ساعه ..
خالد: دام جذيه معذور .. واتجرب خالد من حصه .. احبج والله .. وحط ايده في ايدها وسحبت ايدها ..
حصه بخوف : لا ..
خالد: مافي لا .. واتقرب منها .. وباسها بين حياتها ... الله لا يحرمني منج ..

انتهىىىىىىىىى الجزء .. وانتهت القصه ....
(( ليت جنح الليل يحملك اساي .. نوح قلبي منك ليتك تسمعه ... ليت حظي مرتن يصدق معاي ... ليت شملي معك ربي يجمعه )) ... من زمان وصلكم غاية مناي ... من زمان النفس فيكم مولعه




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 03-12-2012, 12:33 PM
amal hanna amal hanna غير متصل
©؛°¨غرامي فعال ¨°؛©
 
الافتراضي رد: ليت جنح الليل يحملك أساي / الكاتبة : ظبيانية دار الظبي ، كاملة


رواية كتير حلوة مشكورة على نقلها لنا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 04-12-2012, 10:43 PM
الندى الجريح الندى الجريح غير متصل
©؛°¨غرامي مشارك¨°؛©
 
الافتراضي رد: ليت جنح الليل يحملك أساي / الكاتبة : ظبيانية دار الظبي ، كاملة


احب الروايات الامارتيه لهجتهم تعجبني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 20-12-2012, 03:52 AM
صورة روح لكويت الرمزية
روح لكويت روح لكويت غير متصل
©؛°¨غرامي فعال ¨°؛©
 
الافتراضي رد: ليت جنح الليل يحملك أساي / الكاتبة : ظبيانية دار الظبي ، كاملة


يسلمووووووو رووووووعه ويعطيج العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 78
قديم(ـة) 20-12-2012, 05:05 AM
صورة سأإأإأإأإأإهر الرمزية
سأإأإأإأإأإهر سأإأإأإأإأإهر غير متصل
©؛°¨غرامي فعال ¨°؛©
 
الافتراضي رد: ليت جنح الليل يحملك أساي / الكاتبة : ظبيانية دار الظبي ، كاملة


رؤؤؤؤؤؤؤؤؤؤعهــ


الله يعطيكي العآآآآآآآآآفية ..


ودي وتقديري ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 79
قديم(ـة) 24-08-2019, 05:58 AM
صورة عاشقة ياسمين الرمزية
عاشقة ياسمين عاشقة ياسمين غير متصل
©؛°¨غرامي فعال ¨°؛©
 
الافتراضي رد: ليت جنح الليل يحملك أساي / الكاتبة : ظبيانية دار الظبي ، كاملة


شكرا ويعطيك العافيه

الرد باقتباس
إضافة رد

ليت جنح الليل يحملك أساي / الكاتبة : ظبيانية دار الظبي ، كاملة

الوسوم
للكاتبه , مساج , الليل , العبد , يحمل , ظبيانية , •]¦• , •¦[•
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
قصة العبد مع عمته آلعشق قصص - قصيرة 27 25-06-2013 07:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
قيام الليل لحن الروند ارشيف غرام 4 13-12-2009 05:45 AM
أكثر من 100 طريقة تحمسك لقيام الليل BOB الرومنسى مواضيع إسلامية - فقه - عقيدة 8 19-04-2006 07:00 AM

الساعة الآن +3: 06:57 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1