مجهوله في زمن ©؛°¨غرامي مشارك¨°؛©

السلام عليكم ورحمة الله وبركاته

احببت ان اقدم لكم ابداعي في كتابتي للقصص والروايات ولم اجد منتى اعجبنيواحببته غير هذا المنتدى
واردت ان اطرح لكم اولى رواياتي واتمنى من الله ان تعجبكم
ومن اراد ان ينشرها في اي موقع او منتدى اتمنى ان ينشرها باسم صاحبها(باسمي) ولا يكذب في ان ينسبها اليه
ومن كان يريد ان ينقدني في روايتي ان يكون النقد بناء ولايكون جارح او فيه سب اولا لوصية الرسول وثانيا حفاظا على مشاعري ومشاعر الاخرين
وسوف تكون تنزيل الرواية يومي السبت والاربعاء ان شاء الله
واخيرا اعذروني اذا كان بالرواية خطاء فهذا ليس مني وشكرا



مع تحياتي
مجهوله في زمن


مجهوله في زمن ©؛°¨غرامي مشارك¨°؛©

(روايه ساره وصراع الحب)

البارت الاول

(فهد الأخ الأكبر للعائله عمره٢٨سنه مدير لشركة ابوه الكبيره.
أحمد بعد فهد عمره٢٥سنه وهو بعد متوظف في شركة ابوه.
ساره١٩سنه تدرس ثالث ثانوي بيضا جسمها يهبل شعرها الين ظهرها حبوبه.
رهام وسهام توأم صف ثالث متوسط متشابهين شكلا مختلفين في الذوق في الأفكار في كل شي .
سعد يدرس سادس شقي لاكنه حبوب وحنون.
امجاد تدرس ثاني ابتدائي حبوبه وهاديه وحلوه مثل ساره.
أبو فهد عنده شركتين كبار وحده بيده هو والثانيه عند ولده فهد متواضع.
أم فهد حبوبه وراعية بيت تنحب من أول ماتشوفها)
(هدى البنت الوحيده للعائله حبوبه حلوه مره شعرها بني الين كتفها تدرس مع ساره هي أصغر وحده في البيت.
راكان الأخ الأكبر لهدى يشتغل مدير في شركة ابوه.
عبدالله يدرس ثاني ثانوي بسبب رسوبه الدائم وعربجيته يحب البنات.
أم راكان خدومه حبوبه ماتحب تجرح أحد هي المسؤله على اولادها بعد وفاة أبو راكان.
سليمان يدرس ثالث متوسط حبوب اجتماعي مايحب يجرح أحد)
خوال ساره
خالة ساره(أم سعد طيوبه حبوبه مره تخدمك بعيونها.
أبو سعد اجتماعي مره يحب العلاقات الكثيره تاجر كبير يحب السفريات.
سعد أكبر أبنائهم يشتغل مع ابوه
.
خالد في ثالث جامعه حلو مررره البنات إذا شافوه يذوبون عليه هادي مره شاطر في دراسته.
رغد تدرس ثالث ثانوي بس جاها نصيبها وانخطبت حلوه مره شعرها نص ظهرها جسمها حلو.
ريم وغاده توأم بس مختلفي بالشكل والذوق والأفكار وكل شي.
بعدين سعود يدرس اولى متوسط آخر العنقود هادي اجتماعي)

اما خالتها الثانيه(أم عبدالله هاديه حبوبه مزوحه.
أبو عبدالله يشتغل ظابط دايم يسافر مايجلس في البيت الا نادرا.
عبدالله هادي يحب يساعد الغير متزوج بدور بنت عمه وعنده بنتين اماني وإيمان زوجته بدور حبوبه مره دايم تعطي الغير وتساعدهم.
ضي تدرس اولى جامعه حبوبه مثل امها تفتح لك قلبها تسمع لك وتواسيك وتساعدك بعيونها وحلوه مره شعرها الين ظهرها ناعم مره مدرج طالعه خيال عليها.
مي ثاني ثانوي هاديه مره مش اجتماعيه إذا أحد سألها تجاوب وتسكت حلوه مثل اختها شعرها نص ظهرها)
خال ساره(أبو محمد يشتغل طيار دايم مسافر عشان الشغل ماينشاف الا في المناسبات والاجتماعات المهمه وبعض الطلعات.
محمد يدرس بأمريكا اجتماعي مره يحب العلاقات الداخليه والخارجيه.
العنود تدرس بأولى جامعه طيبه مره ومرجوجه مزوحه حلوه مره كأنها ولد قاصه بوي ملابسها ولد كل شي ولد بولد بس انها فله.
عبير تدرس ثاني ثانوي مثل اختها بس انها مو بوي بس انها مرجوجه وملقوفه شعرها لكتوفها ناعم مره صابغته بني.
سديم ثالث متوسط مثل سهام هاديه وحبوبه)
خال ساره الثاني(أبو فارس حبوب مره يعتمد عليه في كل شي جدي بوقت الجد ومزوح بوقت المزح
.دنيا حبوبه مره زي ابوها يعتمد عليها في كل شي متزوجه ولد عمها عندها سالم وسماح ونجاح.
ذكرى تدرس ثاني جامعه مخطوبه من سنه من ولد عمها اخو زوج اختها حبوبه مره حساسه حلوه مره.
فارس وفراس توأم نفس الشكل نفس الطباع يدرسون ثاني ثانوي كل واحد بفصل بسبب شقاوتهم.
آخر العنقود فرح حبوبه مره بريئه طفوليه خدومه الكل يحبها تدرس خامس ابتدائي.
بعد دنيا فيه شخص ماراح نعرفه الا مع الأحداث)
هذا هم خوال ساره.

البارت الأول



ساره:ها انشغلتي؟
هدى:يعني شوي.
ساره:طيب متى تفضين؟
هدى:لا عادي الشغله مو مهمه اسويها بعدين.
ساره:طيب أخبار المدرسه اليوم؟جات استاذة هديل؟والاء؟
هدى:كالعاده بس صراحه افتقدناك واستاذة هديل غايبه والاء جايه ماشفتها في الفسحه مريت على فصلها شفتها محزنه.
ساره:ياحياتي ليتني ماغبت اليوم اموت ولا تزعل.
هدى:والله لو تموتين راح تنتحر.
ساره:هههههههه والله صادقه الله لايجعلني افقدها الله يجعلني فدوه لها الله........

هدى:خلاص خلاص ايش بقى لي خلاص زعلت باي.
ساره:لا يابعد عمري أنتي كل شي ولا زعل هدهوده ايش يبغى الزعلان ويرضى؟
هدى:ابغى... ابغى... ابغى...
ساره:يلا عاد خلصيني ولا ترى بهون.
هدى:أجل يلا باي زعلت.
ساره:لا لا خلاص لو تبين عيوني عطيتك اياها.
هدى:خلاص طيب ابغى عيونك.
ساره:ياعيوني أنتي بس لو عطيتك عيوني وشلون بشوفك واكحل عيوني فيك؟
هدى:خلاص خلاص ترى استحي بعدين اسكر السماعه.
ساره:ههههههه ياقلبي أنا على اللي يستحون طيب ايش يرضيك؟
هدى:طيب ابغاك تعزميني على ملاهي ستار سيتي وكل شي على حسابك.
ساره:من عيوني بس تعالي جلسنا نسولف ونسيت اقولك ايش صار أمس في الاستراحه.
هدى:حمستيني ايش صار؟
ساره:صبرك راح اقولك كل شي.
هدى:يلا ترى تحمست.
ساره:خلاص ماراح اقولك.
هدى:خلاص خلاص بسكت يلا تكلمي.
ساره:تخيلي أمس لما رحنا ملكة بنت خالتي واحنا جالسين وطفشانين جات فكره للعنود وقالت ليه مانطلع نلعب في الملعب ووافقنا كلنا بس قلنا خليهم لين يخفون الناس لأن حنا ناوين نجلس في الاستراحه الين العصر اليوم الثاني وطبعا كل وحده جايبه ملابسها وأغراضها واحنا جالسين الا قالت عبير تعالوا شوفوا رغد مع محمد ورحنا ركض معاها كلنا جلسنا عند الشباك نطالع الا الأحضان والبوسات من أول يوم هههههه المهم واحنا جالسين نناظر الا خالتي طالعه وشافتنا وجلست علينا تهزئ ودخلنا رحنا للمسبح صراحهم كان شكله روعه والاروع لما سبحنا فيه بدلنا ملابسنا بسرعه وكنت لابسه فستان فوشي هادي مره قصير للركبه فيه كسرات خفيفه من الجنب في الخصر حزام اسود طويل شوي ورحنا للمسبح ننط في المويه تسابقنا ولعبنا حتى جا العشا لما جهز مارحنا بدلنا ملابسنا جابوا العشاء في غرفه عند المسبح دخلناها واحنا مليانين مويه وتعشينا ورجعنا كملنا سباحه لما طلعنا وبدلنا ملابسنا وتعدلنا رحنا في غرفه فاضيه وطولنا على صوت المسجل ورقصنا صراحه ذاك اليوم فله ولما خفوا الناس بعد العشا طلعنا للملعب ولعبنا كوره وشوي نتخبا ونلاحق بعض ومن سؤ حظي رحت تخبيت ورا شجره عند باب الرجال والبنات بعيدين عني الا انفتح الباب و التفت الا خالد ولد خالتي يناظر فيني وأنا ركض على الغرفه اللي ننام فيها يوم التفت عليه الا واقف ماتحرك يناظر فيني مااستوعب الا لما ركضت ورجع داخل عند الرجال والبنات مساكين يدورون علي وأنا تحت الفراش ارتجف شوي وابكي من الموقف ومن حسن حظي ان ضي هي اللي دخلت الغرفه وجات عندي تسألني ايش فيني وارتميت على حضنها وبكيت ولما هديت دخلوا البنات خايفين يوم شافوني سألوا ضي قالت لهم اني دخت وماقدرت اكمل وطلعوا وسألتني ضي ايش فيني وعلمتها بس صراحه شكله حلو.
هدى:يمه والله لو أنا كان اغمى علي وأنا في مكاني وبعدين لا يكون حبيتيه.
ساره:لا الله لايقوله مستحيل احبه وفي قلبي استاذة هديل والاء.
هدى:اها طيب متى تنفذين الوعد؟
ساره:خلاص بكره أنتي فاضيه؟
هدى:اكيد راح أفضى.
ساره:هههههههه تدرين الساعه كم؟
هدى:كم؟
ساره:الساعه١٢ياحلوه.
هدى:وااااو أجل يلا باي لا يجي بكره تغيرين رايك يلا باي.
ساره:هههه باي ترى من العصر خلك جاهزه اوكي يلا باي
وجا اليوم الثاني صحت ساره الساعه١١الظهر ونزلت تحت شافت امها وابوها في الصاله سلمت عليهم وجلست.
ساره:يمه بروح اليوم ستار سيتي مواعده هدى اليوم العصر.
أم فهد:روحي الله يستر عليك بس خذي اخواتك معاك.
ساره:صدق يمه اروح الله يخليك لي.
وراحت باست رأس امها.
أبو فهد:وأنا مالي شي؟
ساره:وأنت بعد الله يخليك لي ولا يحرمني منك.
وباست رأس ابوها.
أبو فهد:الله يوفقك ويسعدك بحياتك.
وباست رأس امها وابوها وطلعت فوق راحت لغرفة البنات.
ساره: يلا يلا يابنات قوموا ولا ترى مافي روحه لستار سيتي.
رهام وسهام وامجاد نطوا من السرير على طول وساره تضحك عليهم.
ساره:يلا البسوا بعد العصر راح نروح.
وراحت ساره غرفتها فتحت دولاب الملابس اخذت لها بدي موف عليه كتابات رصاصي وبلوزه نص كم رصاصي واسترتش موف عليه ورود رصاصي ولبست اكسسوارات ناعمه نفس لون ملابسها وقبعه رصاصي نفس لون الملابس وجزم رصاصي وشنطه مخططه موف ورصاصي اما رهام لبست بلوزه نص كم اسود فيه كتابات حمرا واستريتش اسود عليها تنوره حمرا مخطط بأسود اما سهام لبست بنطلون جينز عادي مع بلوزه ورديه نص كم وامجاد لبست بنطلون وردي مع بلوزه بيضا نص كم فيها قلوب وردي قبل العصر وكلهم خالصين ودقت ساره على هدى.
ساره:هدهوده ها خلصتي نجي نمر عليك؟
هدى:أي خالصه من زمان بس انتظركم تجون.
ساره:يلا هذا حنا بالطريق جايينك.
هدى:أجل يلا باي.
ووصلوا عند بيت هدى واتصلت على هدى تقولها انهم عند الباب وطلعت هدى وركبت السياره وراحوا للملاهي ولعبوا واستهبلوا واستانسوا ومارجعوا الا الساعه ١١الليل.
وجا يوم الجمعه راحت ام فهد تصحي ساره.
أم فهد:ساره يلا حياتي الحين الساعه١الظهر ولسى ماصحيتي هذا بسبب الملاهي أمس يلا يابنتي قومي بيجون خوالك اليوم يلا قومي.
ساره:طيب يمه بقوم.
أم فهد يلا بروح اصحي خواتك.
دخلت أم فهد على غرفة البنات.
أم فهد:يلا يابنات قوموا بيجون خوالكم اليوم يلا قوموا.
سهام:طيب طيب بقوم الحين.
رهام:إذا قربوا يجون صحوني فيني نوم.
امجاد:طيب طيب بقوم الحين.
وطلعت أم فهد وراحت المطبخ تجهز.
قامت ساره غسلت وجهها وطلعت لها ملابس تنوره قصيره تحت الركب لونه برتقالي وبلوزه بيضا عليها خطوط مموجه برتقالي وطلعت من غرفتها.قامت سهام وامجاد غسلوا وجههم وطلعوا مرت ساره من غرفة البنات شافت ريهام نايمه.
ساره:رهام وجع حد الحين نايمه قومي ساعدينا حسي.
رهام:اوووه طيب طيب بقوم.
ساره:ماراح اروح حتى تقومون من السرير يلا قدامي.
رهام:اف طيب.
وقامت ونزلت مع ساره تحت وتوزعوا كل وحده تسوي شغله الين المغرب
خلصوا قبل المغرب بساعه وكل وحده لبست ملابسها وتجهزت راحت ساره رتبت غرفة فوق للبنات عشان يرقصون ويستهبلون جهزت الاستريو والاشرطه
وامجاد شحنت القيمبوي عشان تلعب مع البنات الصغار وسيهام شحنت اللابتوب عشان إذا جات بنت خالها سديم روح بالروح يجلسون عليه اما رهام طلعت ملابسها واكسسواراتها الجديده وكل شي جديد عشان بنت خالتها غاده اللي هي وياها ماشين على الموضه وحركات الموضه.
وخلصوا جهزوا كل شي الا وصلوا واستقبلوهم وجلسوا الحريم في الصاله وراحوا البنات في الغرفة اللي جهزتها ساره:هلا والله بالعروسه توقعت ملزقة عند خطيبك ماراح تجين.
رغد:هلا بك لا عاد شدعوه مااجي.
ريم:صراحه ماكانت بتجي بس حنا سحبناها حتى جات.
ساره:افا ليه أجل اطلعي روحي عند خطيبك.
رغد:والله كذابه اصلن ماكانوا بيجون أنا اللي جلست على قلبهم لو ماجوا كان جيت لحالي.
ساره:يافديتك أنا بس صراحه كان شكلك في الاستراحه يهبل مع العريس.
رغد:افا ياقليلات الأدب شفتوني.
ساره:ههههههه أي شفناك وشفنا الاحضان والبوسات.
رغد:افا ياقليلات الأدب.
البنات قاموا يضحكون.
وجلسوا سوالف وضحك واستهبال.
ونادت أم فهد ساره عشان يجهزون العشاء للرجال نزلت ساره تحت عند امها وجهزوا العشاء وطلعت ساره الحوش عشان تنادي اخوها فهد عشان يجون الرجال للعشاء الا خالد توه جاي ووقف يطالع فيها خافت ساره بس مسكت نفسها.
ساره:شفيك واقف ولا في شي؟
خالد ارتبك:لا لا مافي شي.
ساره:طيب ناد لي فهد.
وراحت ركض للمطبخ حاطه يدها على قلبها مستغربه وشلون جاتها الجرءه


ألماسه تحب الوناسه ©؛°¨غرامي فعال ¨°؛©

بدايه موفقه.. أهنيك وإستمري !

روح زايــــد مستشــ¸.·* غرام *·.¸ـــاري

و عليكم السلام

موفقه إن شـاء الله


قوانين القسم


القوانين ، [ توضيح يختص بـ الردود المحذوفة ( الرد 3 ) ] ؛

يعطيك العافيه

دلوعة بنات الخليج ©؛°¨غرامي جديد¨°؛©

روعة

موفقة ياقلبي

عاشقة شدا ©؛°¨غرامي فعال ¨°؛©


روووعه عن جد .. يعطيك الــف عافية ..

بـــداية موفقــة حبيبتي ..

استمـري ..


حَفيدة عبْدَالعزيزْ ♥ ..مدٌوخَهـ دوُرَية الطــَآيف..♥

بدايهـ حلوهـ

سجليني من متابعينكـ ..


ضمني بين الاهداب ©؛°¨غرامي مجتهد¨°؛©

السلام عليكمـ..ـ
.
.
موفقه عزيزتي..
.
.
.

فديت اسمي ©؛°¨غرامي متألق ¨°؛©

روووعــــه

ابــدعـــتــي (تــٍسسسلــــم يـــمـــينـــك)

بداااايه موفقه

استمري

وشكرا

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بسم الله
و عليكم السلام و رحمة الله




يعطيك العـــافية
إطلعي على هـ الموضوع بـ يفيدك النقد
https://forums.graaam.com/342083.html

موفقة إن شــاء الله





,’


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1