منتديات غرام روايات غرام أرشيف الروايات المغلقة - لعدم إكتمالها سأبتعد عنك .. لإن كل ما يذهب العقل محرم ! / بقلمي
ما مبين من راسي غير كشتي ©؛°¨غرامي مشارك¨°؛©

"نرجع لسمر "
كانت في المكبخ تاكل موز وتشرب حليب سمعت شيء انكسر في غرفة الطعام اللي جنب المطبخ ... توجهت لها وهي مستغربة .. يمكن مشعل جا بس وش يبي في غرفة الطعام على آخر الليل .. طالعت يمين يسار شافت كوب منكسر ...
بدأ الخوف يتسلل لقلبها شوي شوي .. راحت ركض طلعت فوق غرفتها واتخبت في غرفة الملابس
" من جهة ثانية "
حمد كان بالسيارة قريب من البيت ... دق على مشعل
- الو مشعل
- هلا حمد
- اقول مشعل في احد في بيتكم
- اااا لا ما ضنيت ..امي راحت عند خالتي والظاهر الشغالة معها وسمر ومريم عند صاحبتها ... ليش بغيت شيء ؟؟
- اي والله ابغى فلم افاتار معك ذبحني الطفش
-ههههههههههههههههههههههه اي عندي شوف تلاقية في الدرج الطويل اللي بغرفتي .. البيت مفتوح ما اظنه مقفل
- اوكي يله سلام
- مع السلامة
فتح الباب الرئيسي ودخل سيارته مع المدخل وتوجه للباب الفله فتحه بهدوء وطلع على الدرج للدور الثاني وفتح اول غرفة قابلته وكانت غرفة سمر يحسبها غرفة مشعل ... استغرب ان المكيف فيها شغال ما اهتم .....
ولع النور .. استغرب من الوان الغرفة سماوي وابيض .. واستغرب اكثر ان الغرفة مرتبة .. معقولة مشعل غرفته مرتبة .. ماظنيت
سمر ميته في مكانها تقول في نفسها : مين هذا ياااربي احميني يا ليتني رحت مع امي ولا مريم ياللييييييييل ... ودموعها تنزل
حمد انتبه لباب غرفة الملابس ما يدري ليش جاه فضول يفتحها ...
سمر تسمع صوت الخطوات يقرب بطنها مغصها فوق موهي تعبانه وتحس ان حرارتها مرتفعة اكثر من اول وداااايخ وبأي لحظة راح تطيح ..
فتح حمد الباب وهي وراه وحاطه يدها على فمها عشان ما تطلع الشهقات ...
انتبه حمد ان هذي ملابس بنات استحى على وجهه وطلع .. سمر بمجرد انه طلع على طول طاحت على ركبها ... رجولها ما تقدر تشيلها اكثر ...
حمد سكر باب غرفة سمر وفتح باب الغرفة اللي قدامها ولع النور وشافها عفييييييييييسه .... ضحك وعرف ان هذي غرفة مشعل ... طلع جواله وارسل رسالة لشعل كاتب فيها :
بالله انت ووجهك تسمي هذي غرفة !!
دور ودور على الدرج الطويل .. المشكله في ثلاثة اي واحد فيهم ..
سمر لسى خايفة في مكانها .. قامت على حيلها وقالت في نفسها : لو مريم هنا كان ميت من زماااان
اخذت لها عصا كانت على صندوق وطلعت من غرفتها بهدوء وهي تمشي على اطراف اصابعها ... شافت نور غرفة مشعل شغال راحت لها ودخلت بهدوء .. بدون ما يحس عليها حمد ... طبعا حمد معطيها ظهره
استجمعت قوتها الضعيفة بسبب المرض وضربت حمد على راسه بقوة وهي تقول : يا حيوان وش تسوي هنا
حمد تفاجأ مسك العصايه من يدها يحسبها حرامي لأن مشعل قال له ان مافي احد في البيت ... تنح في سمر وتنحت فيه
- سمر
- حمد
سمر باستغراب : وش تسوي هنا ؟؟؟
حمد تفشل قال بنفسه ( بلا يبلي هالفلم اللي جابني ) جيت اخذ الفلم من عند مشعل أنا دقيت عليه وقالي ان مافي احد في البيت
-ايه هو مايدري اني جلست مارحت مع امي
حمد مسك راسه مكان الضربة وهو يقول : بس تدري ان عليك ضربة كسرت جمجمتي
سمر استحت وخدودها حمرت قالت بهمس :آسفة ... ما امداها تكمل الكلمة الا تجيها كحه قويه حلقها بيطلع منها
انخرع حمد " وش ذا " وراح عندها على طول وقال : انتِ بخير ؟؟
شاف علبه مويا عل السرير اخذها وعطاها ياها وهو يقول : اشربي
شربت سمر ووقفت عنها الكحة ...
حمد بخوف : سلامات عسى ماشر
سمر بتعب : الشر ما يجيك ... بس تعبانه شوي
حمد :هذا كله شوي
استحت سمر اكثر وتحس قلبها بيطلع من صدرها من كثر ما يدق وتقول بنفسها : ياربي وش ذا .. ليش حمد ...ليش الشخص اللي احب واقف عندي
حمد يطالع فيها وسرحان بأفكاره ويقول بنفسه : يا سبحان الخالق وش ذا الجمال والبراءة ما توقعت تكون بهذا الجمال
انتبهوا كلهم لصوت مشي بالممر ... بحركة سريعة من حمد شال سمر وهمس بأذنها : لا تطلعي صوت .. .. وحطها على سرير مشعل وغطاها وهو اخذ العصا ووقف ورا الباب ...
" نهاية الفصل الثاني من الباب الرابع "


اعتذر عن قصر البارت

مشـاعر دلخه ©؛°¨غرامي جديد¨°؛©

ي لبيهـً وش ذـاُ ألزيـنٌ

قسم تحمسسسستٌ حيييلُ مـابغيت ـانهـٌ يخلص

بـارتيين ممتعين مرررـهُ ودمييرـهُ

تكفييين لـاتطولينُ علينـاٌ بالبأرـت ـالجـايُ <<تنتظرـهُ على فـارـغ ـالصبرٌ

عسـاكـ ع ـالقوـهُ ي بعديُ

Mesho$ ©؛°¨غرامي مشارك¨°؛©

وااااااااااااااااااااااو رواية مرة جنان استمري

ما مبين من راسي غير كشتي ©؛°¨غرامي مشارك¨°؛©

المشاركة الأساسية كتبها مشـاعر دلخه اقتباس :
ي لبيهـً وش ذـاُ ألزيـنٌ

قسم تحمسسسستٌ حيييلُ مـابغيت ـانهـٌ يخلص

بـارتيين ممتعين مرررـهُ ودمييرـهُ

تكفييين لـاتطولينُ علينـاٌ بالبأرـت ـالجـايُ <<تنتظرـهُ على فـارـغ ـالصبرٌ

عسـاكـ ع ـالقوـهُ ي بعديُ

فديتك ياشيخة وشسموه ان شاء الله البارت الجاي ما راح يطول

ما مبين من راسي غير كشتي ©؛°¨غرامي مشارك¨°؛©

المشاركة الأساسية كتبها وحدة مخها اوف لاين اقتباس :
وااااااااااااااااااااااو رواية مرة جنان استمري

هلا والله منورة الحته
ان شاء الله تكوني من متابعين الرواية

همسات وردة ©؛°¨غرامي فضي¨°؛©

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك
تغلق الروايه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1