غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-11-2010, 03:29 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
Post إنت ما تدري إنك صرت لي نبض و دم / الكاتبة : BRoNZ GiRL ، كاملة


رواية اعجبتني وحبيت انقلها والرواية مو كاملة انا بنزل البارتات

على حسب ما تنزل الكاتبة بس حاليا بنزل البارتات الموجودة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-11-2010, 03:30 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: انت ما تدري انك صرت لي نبض ودم للكاتبة : BRoNZ GiRL


البـــــارت الاول


يفوق الوصف حبي لك يفوق الوصف*
يفوق الوصف شوقي لك يفوق الوصف*
يا فارق حيل عن غيرك صطا في قلبي تاثيرك*
كل ما جيت اعبرلك تغلبني تعابيرك*
يفوق الوصف ..!!*


سلمان : احبج والله
شوق واهي مستحيه : احبك اكثر
سلمان: فديتها اللي بحظني الله يخليج لي يارب
شوق : امين ويخليك لي
شوق " انا بحظنه ومستحيه و احس بمغص شلون لي صرت ببيته ؟؟
سلمان: عجبج البيت ؟ اذا تبيني اغير بشي انا موافق المهم رضى حرمه البيت
شوق :هههههه لا حياتي عجبني كافي انه من ذوقك
سلمان قرص خدودها : حياااتي والله .. نمشي ؟
شوق : اوكي وقامت من حظنه و اهو قام وراها



_________________


بالــسياره ..


سلمان : ها قلبي شقاعده تفكر فيه
شوق : اممم مادري قاعده افكر شبصير بعد العرس شلون بتكون حياتنا
سلمان مسك ايدها : بتكون عسل بعسل
شوق ابتسمت :ماعندي شك يلا سوق ليش واقف
سلمان ضحك عليها و حرك السياره

_________________________


شــوق .. 25 سنه طويله بيضه عيونها مسحوبه رموشها كثيفه .. شفايفها صغار وردين متفوخين شوي .. باختصار جمالها بريئ وناعم !! تشتغل بمستشفى خاص ( دكتوره نفسيه ) .. خايفه ربها وتحب الكل .. كل همها انها تشوف الابتسامه بــويه اللي جداامها حتى لو على حساب تعاستها ..!!


سلــمــان .. 31 سنه طويل حنطاوي جسمه مشدود عيونه وسيعه .. حلو وكل من يتمناه .. طيب قلبه كبير يعشق شي اسمه شوق من لما شافها واهو مو قادر يفكر الا فيها .....



_________________________________




سلمان : هاا شرايج باهدائي
شوق مستحيه : حلوو
سلمان : بس حلو ؟
شوق : اينن بعد
سلمان : انتي اللي اتيننين
شوق " خف علي !!

وفجـــــــــــــــــــــــــــــــــــــــأه

سلمان قط عمره عليها وشوق استوعبت وصرخت : لااااااااااااااااااااااااااااااااااااااااااااا


_________________________________________

بعد ساعتين ..!!


الشرطي : لا حول ولا قوه الا بالله .. الله يصبر اهاليهم ..
الشرطي 2 : ايي والله توهم صغار بس الفضيحه بتصير عليها
الشرطي : الله يستر على بناتنا!!


***** ظــــــلـــــــــــــم*****


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-11-2010, 03:31 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: انت ما تدري انك صرت لي نبض ودم للكاتبة : BRoNZ GiRL


البـــــــــارت الـــثـــــانـــــي ..




بعــد سنــه ...

شوق بغرفتها منسدحه لامه مخدتها وتبجي وتتذكر اللي صار اصلا من هذاك اليوم واهي تفكيرها بهالسالفه وباللي صار

سلمان قط عمره عليها وشوق استوعبت وصرخت : لااااااااااااااااااااااااااااااااااااااااااااا
شوق بصوت واطي وبالغصب طالع : سلمان قوم قوم بس شافته يتشهد غمضت عيونها وماقامت الا بالمستشفى

شوق واهي تكلم الدكتور خالد : دكتور خالد ريلي وينه
خالد : دكتوره شوق انتي الحين تعبانه بس ترتاحين نتفاهم على كل هذا
شوق : خالد انا الحين بخير بس قولي ريلي ما مات صح ؟
خالد نزل راسه بأسف : الله يرحمه طلبيله الرحمه
شوق هزت راسها باستنكار وقعدت تستغفر ربها ونزلت دموعها وحده ورا الثانيه ..

نرد للواقــع ..

" الله يرحمك يالغالي ضحيت بعمرك عشاني !! اشتقتلك رد لي انا محتاجتلك


شوق " اووه الساعه 5 ونص وانا ما صليت !! اعوذ بالله من الشيطان الرجيم

راحت توضت و ردت فرشت سيادتها لبست ثوبها وصلت


شوق قاعده على سيادتها تقرا قرآن وتبجي !! تبجي على فرقاه و على نفسها !! خايفه من بعده منو بيعينها وبيوقف معاها ؟

شوق استغفرت وقامت لفت سيادتها حطتها مكانها و لبست عبايتها وشيلتها وكحل خفيف ونزلت


ام شوق : صباح الخير اليوم امبجره
شوق ابتسمت : صباح النور وباست راسها وقعدت تاكل
ام شوق : ما راح تنطرين الباجي ؟
شوق : لا يمه مستعيله من صجج
وشربت عصيرها وقامت

شوق : مع السلامه وطلعت ..

شوق اول ما طلعت وخذت نفس ابتسمت : يا حلاه الجو ولفت ويها على البيت اللي يمها !! وهذا متى بيون يسكنونه اهله ؟ وكملت مشيها واهي مومهتمه !!


بالمستشفى

د.خالد : وهذا مكتبك
د.حسين : هههه حلو
د.خالد : ايي اذا فضيت تعال عند الدكاتره النفسيين دايماا الفاضي يروح هناك نكون متيمعين وسوالف
د.حسين : بدال ما تشتغلون
د.خالد : قلتلك اذا فضيت ماعندك شي و فريت عالمرضى وخلصت تعال !
د.حسين : اوكي يلا برا برا
د.خالد : حسابك بالبيت!!
د.حسين :خير انشالله

----------------------------------------------


شوق اول ما دخلت سلمت على البنات اللي بالاستقبال : صباح الخير
البنات : صباح النور
شوق ابتسمت وكملت طريجها لي مكتبهاا



د. خالد : اووه دكتووره شووق صباح الخير اليوم يايه مبجر
شوق : صباح النور ..
د.خالد : الدكتور اليديد وزميلي بالعمل وقريبي وصل
شوق : هههههه واخيرا !! سلم عليه وقوله ييت وانقذتناا من الحنه
خالد : انا حنه ؟
شوق : سلااام !! ومشت عنه وخالد يضحك

---------------------------------------



فوق بمكتب شوق

شوق دخلت : السلام عليكم
الكل :وعليكم السلام
شوق : مشالله اليمعه عندي !! روحو جابلو شغلكم
سناء :شدعوه شوواق ماعندنا شغل يينا نستانس عندج
شوق : ايي اوكي و قعدت على مكتبها

بعد 10 دقايق
انطق الباب ودخل ..

د.حسين : السلام
الكل :وعليكم السلام
الكل استغرب !! اول مره يشوفوونه ..
د.حسين : انا الدكتور حسين اليوم اول يوم دوام
الكل : اهلين
د.حسين : عذروني بنات بس ولاوحده شافت خالد ؟
شوق " شفيه هذا !!
سناء : دق عليه
د.حسين باستهزاء : دقيت بس ما رد ولو رد جان ما سألتكم
سناء تفشلت :خلاص يمكن تحت اذا شفناه بنقوله انك سألت عنه ..
حسين : اوكي مشكوره وطلع
حسين" بنات اغبيا!!
سناء : مزيون بس شالفايده دام هذا المضمون !!
سميره : وييع من صجه هذاا ؟؟ اقول بنات انا ماشيه خل افر عالمرضى
البنات : اوكي
سميره : نطروني اذا بتتريقون
شوق : ولا يهمج حبيبتي
سميره : محد ذاكرني غيرج
شوق : ما اقدر انساج
سميره: ههههههه اوكي يلا سلام
الكل :وعليكم السلام
سناء : يلا انتي وياها وراها بعد
في : روحي زين خليني اهني مستانسه انتي اللي روحي جابلي مرضاج
سناء : مالي خلق انزل
في : هاده الاسنان ويايه روحي يلا
سناء : مالت عليج وعلى اللي يقعد معاج انا رايحه وطلعت
في : هههههههه خبله هذي والله
شوق : حرام عليج سناء اتينن
في : والله كل الدكاتره اللي عندنا ايننون
شوق : بس انا اللي اينن ههههههههه
في : ايي صح صح
شوق : روحي مكتبج يلا !!
في : رايحه رايحه بس موعشانج عشان انا ابي اروح
شوق : لا ترقعين برا ..
في : مردووده .. باي !!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-11-2010, 03:34 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: انت ما تدري انك صرت لي نبض ودم للكاتبة : BRoNZ GiRL


البـــــــارت الـــثـــــالـــــث ...






شوق " نرجع حق الملل !! افف ماكو شي نسويه الحين ومحد ايي قبل الـ 10 !! خل انزل افر على المرضى يمكن اقدر على جم مريض و يوافق على عمليته ..

شوق سوت لها نسكافيه وقعدت تشربه واهي تتمشى

حسين : هاا خوييلد شصار عليك
خالد : من صجك تعبت من الفراره وتوه طالع من عمليه بذلف عند البنات محد مريحنا بالشغل غير سوالفهم
حسين ابتسم : بنات يونسون ؟ مستحيل ! كلهم اغبيا ..
خالد : ههههههههههه والله انت الغبي .. اووووووه شوووق
شوق : دكتوره شوق !! لا تتعدى الحدود
خالد : نسينا سامحينا !!
شوق : ولا يهمك .. شلون الشغل قالو كنت بالعمليات .. شصار ؟
خالد : كل شي تمام الحمدلله قدرنا ننقذه و وقفنا النزيف والحين بالعنايه .. دعواتج !
شوق بابتسامه حزينه : الله يشافي الكل ..
خالد : دكتوره شوق لا تتضايقين بس هذي الدنيا
شوق ابتسمت : لا ليش اتضايق كلنا ماشيين بهالطريج .. يلا عن اذنك بفر على مرضاي مو بس انت
خالد : ههههههههههه اوكي تفضلي
شوق ابتسمت ومرت يمه ومشت
حسين !! ريحتها مو صج !!!! بس تبقى من الاغبيا :/
خالد : هذي دكتوره شوق .. دكتوره نفسيه قبل سنه تقريبا توفى ريلها
حسين: الله يرحمه
خالد : ماعلينا امش امش
حسين : عندها عيال ؟
خالد : لا كانو بفتره الملجه وماقعدت بالعده يعني ما لمسها !
حسين : امممم
خالد : ليش تسأل عن بنيه مو برايك انهم اغبيا !
حسين : و بيبقون اغبيا ما علينا شبنسوي الحين ؟ ماكو شغل ؟
خالد : ههههههه بتتعب وايد هذا توه اول يوم وبعدين مبجر على التعب الاصلي
حسين : الله كريمـ
خالد : والنعم بالله

-----------------------------------------------


شوق " وينك تشوف حالتي من بعدك !! مو مثل الاول .. الاسود طغى علي البسمه ما قمت اشوفها دموعي صارت رفيقه دربي .. الله يعيني على الباجي

سميره : شووقوو بروح اتريق تحت تيين ؟
شوق : ايي والله يعت
سميره : اوكي مشينا
شوق واهي تمشي مع سميره : شلونج مع عيالج
سميره : فديتهم ميننيني بس احلى ينوون
شوق : الله يخليهم لج
سميره : امين .. وعسى الله يرزقج
شوق : سميره بلا هالحجي
سميره : خلاص اوكي
شوق : شسالفه الدكتور اليديد
سميره : مادري فيدينا بدراستج شنو شخصيته
شوق : معقد !
سميره : هههههههههههههههههههههههههههه
شوق : والله من صجي اصلا مبين من ويهاا ونظراته غريبه جنه اللي جدامه مخلوقات فضائيه
سميره: محد بالعه بس مستحملينه عشان الدكتور خالد
شوق : امبيه والله مو مستوعبه انه يصير حق خالد !!
سميره : ايي والله الدكتور خالد محترم واينن باسلوبه بس هذا ؟ استغفر الله
شوق : هههههههه
سميره : شصيرله ؟
شوق : انا سمعته يقول حق سناء انه ولد اخوه
سميره : مومبين
شوق : الفرق جم سنه
سميره : المهم الخميس البنات بيطلعون عاد تعالي مو نفس ذيك المره
شوق والحزن واضح عليها : سميره انتي تدرين اني ما احب اطلع
سميره : و بتبقين طول عمرج دوام بيت .. بيت دوام ؟
شوق : ايي انا مرتاحه جذي
سميره : زين سافري غيري جو حاولي تنسين
شوق : ما احتاج كل هذا انا بخير جذي
سميره : على راحتج انا نصحتج نصيحه من اختج العوده
شوق : تسلمين
سميره : يسلمج يلا ها شتبين تاكلين متنا يوع !
شوق : اممم مادري طلبيلي كرواسون و قهوه
سميره : قهوه ! قهوه ! قهوه ! ما تملين ؟
شوق :لا !!!
سميره : براحتج :/

------------------------------------------------------------



الخميس .. شيليز البحر

سميره :وييع مصبنه وجنهم يهال
سناء : هههههههه كبرنا على هالسوالف
سميره : والله انتي الغبيه يايبتنا هالمطعم ويك اند !
سناء: يلا عاد بخاطري من زمان .. شوااق قالت بتيي ويينها !!
في : كلمتها توه قالت قاعده تدور مصفط
سناء : ايي عالعمووم بنات
شوق : السلام
الكل : وعليكم السلام وقامو يسلمون عليها
بعد ما قعدو تنحو !
سناء : بعد قرن قدرتي تفصخين الاسود ؟
في : مكياج !!!
سميره ابتسمت : رديتي شوق اللي احنا نعرفها
في : هذي شوق اللي دخلت علينا اول يوم دوام
شوق : ههههههههههه بعد شنسوي مليت من الاسود مليت من هالوضع وبس صار الوقت اللي اعيش حياتي واكملها مثل ما ابي
سميره : هذا الصح صدقيني الحياه بتكمل غصبا علينا وبعدين جذي احلى ابتسمي وعيشي حياتج وفليها
شوق : ولا يهمج شووق الخبله بترد افا عليج بس
في : شنوو السبب بهذا كله
شوق : هههههههههه مزاج
في : انتي لوتفكينا من مزااجج
شوق : لا لا اسفه ما نستغنى
سميره : فكونا طلبو اللي تبونه
شوق : بنااات انا باخذ اجازه اسبوع
سميره :ليش ؟
شوق : بسافر دبي اسبوع و راده
سميره : احسنلج مره وحده تغيرين جو .. تروحين وتردين بالسلامه
شوق : شتامروني عليه
سميره : سلامتج
في : رديلنا سالمه
سناء : ايي والله مانبي الا سلامتج وشوفتج
شوق : فديتكم والله

------------------------------------------------


بنفس اليوم بليل !!

ام شوق : يمه حبيبتي شوق
شوق : هلا يمه
ام شوق : بصراحه انتي كبرتي والموضوع طاف من زمان عشان جذي في ناس
شوق : يمه قوليلهم ماكو نصيب انا ما افكر بالزواج كلش !
ام شوق : ماعليه فكري استخيري بعدين رديلي خبر
شوق : اسفه يمه بس انا مابي اتزوج
ام شوق عصبت وصرخت بويها : يعني الحجي اللي انقال صح !! انتي حاطه ابالج واحد ولما درا سلمان سويتو الحادث الله يرحمه !! والحين شلتي السواد عشان الزفت اللي تبينه بس صدقيني هذا اللي براسج ما راح يصير وطلعت وصكرت الباب


شوق ابتسمت " مو شي يديد !! الظلــــــــــــــم تعودت علــيه ..


* بكيــــت و فــــي عيــــونــــي دمـــ .. رضــيــــت انـــا علــــى القـــســـوه وضـــاعـــت كــل بســمــاتـــي ..!!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-11-2010, 03:37 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: انت ما تدري انك صرت لي نبض ودم للكاتبة : BRoNZ GiRL


البـــــــارت الـــرابــــــع ..


شوق " هذا حالي من بعدك !

فجر : شوواقه قلبي
شوق : هلا
فجر : امي تقولج جهزي عمرج ومن الحين طلبي اجازه عشان نسافر
شوق : اوكي انشالله بأقرب فرصه
فجر قعدت يمها : فيج شي ؟
شوق : لا .. شرايج نطلع ؟
فجر : ياااااريييت
شوق : اوكي كلمي امي اذا وافقت قوليلي و بدلي
فجر : اوكي وراحت بسرعه تكلم امها
شوق " الله يعينج يافجر بتعيشين مع هالناس وبتحسين اللي حسيته عساج ماتذوقينه ! قلبج ما يتحمل ..
فجر يايه ركض : امي وافقت بدلي
شوق : اوكي انتي اخذي نفس وبدلي
فجر :زين زين وراح تبدل
شوق قامت بدلت عالسريع بس كان شكلها كيوت نزلت شافت امها ابتسمت بس ما قربت منها وراحت السياره تنطر اختها

شوق بالسياره " اوووه هذيل بيسكنون ما بغو !!
فجر : قوه
شوق : يقويج وحركت .. وين بتروحين ؟
فجر : الحب
شوق : هههههههههه روحي زين !! دكتوره وحالتي حاله ورايحه هناك قز ومصخره
فجر : اوكي البدع !
شوق : بوديج شرق كيفي
فجر : هاا شوااق مواعده اعترفي اعترفي
شوق : هههههههههه انا اواعد ؟ ماكوشغل !! بس شرق عشان نشم ريحه البحر
فجر : ايي والله قعدينا عالبحر
شوق : ولا يهمج


------------------------------


بشرق .. شوق قاعده على الكراسي مجابله البحر وناسيه كل شي وما تفكر الا بحالها وفجر كانت داخل بالحمامات ..

شوق تمسح دموعها كل ما نزلو

ريال قعد يمها : ماكو شي يستاهل
شوق : مادريت عن الحال ولا جان قلت ابجي
الريال : لاصدقيني ماكو شي يستاهل
شوق : بنظرك !! بس انا ابجي على اللي شفته وعلى العذاب اللي عشته
الريال : قطي كل شي ورا ظهرج
شوق :خلني بحالي
الريال : ماعمري فكرت التفت لبنيه بس دموعج شدتني !
شوق : معقد !!
الريال : صريحه ..
شوق: الصراحه راحه
الريال : عيل قولي اللي فيج و ارتاحي
شوق : لو الحجي يريح جان مالقيت احد مهموم
الريال : مايريح بس يخفف
شوق : ماكو احد ينوثق فيه !
الريال :اصابع ايدج مو سوى
شوق :بس انا ما شفت الا الناس الشينه
الريال : في ناس زينه طالعي حواليج وبتعرفين
شوق لفت عليه وانصدمت : دكتور حسين !
حسين : دكتوره شوق !
شوق قامت : انا اسفه عن اذنك وراحت ..
حسين " انسانه غريبه ..


-----------------------------------------


بالدوامـ ..

حسين: وينها اليوم!
خالد : منو ؟
حسين :دكتوره شوق
خالد : يت قدمت على اجازه وطلعت
حسين: شكثر ؟
خالد:اسبوع بتروح دبي تغير جو
حسين: اهاا
خالد :غريبه تسأل عن حرمه
حسين : جب زين.. تعال صج باجر اليمعه ببيت يدي
خالد : ايي كلمني ابوي
حسين :وشفيها ساروه مستانسه
خالد : مادري تقول بنت الجيران خوش وحده وعازمتها !
حسين : يعني المفروض هذي عمتي
خالد : هههههههههههههههههه
حسين : والله ليلحين خبله
خالد : خلها بحالها كلش ولا اختي
حسين : تامر امر



-----------------------------------


الخميس ..

شوق : اهلين وسلمت عليها
ساره : هذي امي
شوق : اهلين خالتي فرصه سعيده
ام خالد : هلا والله شوق نورتيني حياج تفضلي
شوق : زاد فضلج


* ام خالد عندها خالد و وساره .. بو مشعل ريلها كان متزوج ياب مشعل وتوفت مرته وبعدها تزوج ام خالد .. مشعل يكون ابو الدكتور حسين وعنده بنت كبر ساره اخته ..

ام خالد : هذي مرت ولدي وهذي سجى بنتها كبر ساره بنتي
شوق ابتسمت : اهلين
ام حسين : انتي الدكتوره شوق
شوق : ايي وانتي اكيد ام الدكتور حسين
ساره : هههههههههههه شتبين بهالمعقد
حسين: محد غيرج معقده
ساره : انت شكو ياي يلا برا برا عندنا حريم
حسين : هههههه منو الحريم ؟ امي ويدتي وكمل باستهزاء عمتي ساره
ساره : ايي ايي عمتك لا يكون مو عاجبك
حسين : هههههه طبعا مو عاجبني وشافها ابتسم : شلونج دكتوره شوق
شوق : الحمدلله بخير انت شخبارك
حسين : نسأل عنج .. عسى ماشر ماخذه اجازه
شوق " واهو شكو ! بس ابتسمت : باجر مسافره دبي
حسين" هاده شغلها عشان راحتها : تروحين وتردين بالسلامه
شوق : الله يسلمك
حسين : سلام ولف ويها ماشي بس سمعها
شوق : انشالله بنروح دبي يومين وبعدهابنروح العمره 4 ايام
حسين ابتسم واهو ماشي " عمره مقبوله مقدما !!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 06-11-2010, 03:39 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: انت ما تدري انك صرت لي نبض ودم للكاتبة : BRoNZ GiRL


البـــــــارت الخـــــامـــــــس ..

ساره : فجووره ليش ما يت
شوق : عطله و كله نايمه
ساره : هههههه ايي والله كلنا جذي
شوق : انتي و سجى كبر فجر عدل ؟
ساره : ايي وكلنا ناطرين التسجيل
شوق : وين بتدخلون انشالله ؟
ساره : طب
سجى : هندسه
شوق : حلوو بس ساره ليش طب شتبين بالتعب
ساره : ههههه لا بالعكس احسه ونااسه
شوق : تعب والله !! 7 سنين دراسه مو شوي خلج على طب اسنان شي جذي
ساره : علم نفس ؟
شوق : لا ويين من صجج !! يقطونج بمدرسه تصيرين اخصائيه نفسيه وتعب البنات خلج بعيد
ساره: وانتي شلون بمستشفى ؟
شوق ابتسمت : مخلصه دكتوراه
ساره : اها .. الله يوفقج
شوق : اجمعين .. بس اذا حابه طب كملي واحنا ننطرج عندنا
ساره: ههههههههههه ايي خلاص نطريني بدخل طب اسنان وبييلكم
شوق : دخلي اللي تبينه مو عشاني قلت على طول بتدخلين طب اسنان
ساره : لا شفيج من اول انا كنت بدخل طب اسنان ولا هندسه بس خلينا على اسنان اسهل
شوق : موفقه حبيبتي
ساره : اجمعين يارب ..
شوق : يلا انا استأذن
ام خالد : وين تو الناس حبيبتي قعدي الاهل بيون الحين وكلهم حابين يشوفونج !
شوق : ماعليه خالتي اليايات اكثر
ام خالد : لا انا قلت هالمره سمعي الحجي
شوق ابتسمت :ولا يهمج من عيوني ..
ام خالد : سويره دقي على عماتج شوفيهم وينهم
ساره : انشالله ودخلت داخل ..
ام حسين " خوش وحده! : الا شوق جم عمرج
شوق ابتسمت : 26 سنه
ام حسين : العمر كله وليش ماتزوجتي ليلحين ؟ انتي مشالله عليج كل من يتمناج
شوق : انا ارمله
ام حسين انصدمت !: الله يرحمه كلنا على هالطريج ماشيين
ام خالد : الله يرحمه بس ماكنا ندري
شوق : ماكان مار على زواجنا الا شهرين كنا بفتره الملجه
ام خالد ابتسمت : الله يعينج حبيبتي وقعدتي عدتج
ام خالد " خل اعرف حرمه ولا ليلحين بنيه
شوق : هههه لا خالتي ماقعدت
ام خالد : اييي ماعليه ياحبيبتي
شوق ابتسمت
ام حسين : عن اذنكم بصعد اشوف ولدي
الكل : اذنج معاج
وصعدت
شوق " ولدج خساره تكونين امه !! يلوع الجبد استغفر الله !!
ساره : اووه هذا الجرس اكيد عماتي وصلوو هووبه وراحت تشوف منو بالضبط ..


-----------------

فوق عند حسين بالصاله

حسين : هلاا والله
ام حسين : هلا فيك وقعدت يمه .. اي شلونك وشلون الدوام
حسين : انا الحمدلله بخير والدوام حلوو وانتي شخبارج
ام حسين : الحمدلله
حسين يقرص خدودها : حلوتي شفييها ؟؟ بقلبها كلاام عدل
ام حسين : هههههههههه ايي
حسين عدل قعدته : تفضلي اسمعج
ام حسين : انت كبرت واشتغلت وانا يحق لي اشوفك
حسين " ردينا !: ما اقاطعج بس انا ما افكر بالزواج
ام حسين : ياولدي عشاني صدقني بترتاح لي تزوجت احسن من حالك جذي
حسين : خلاص يمه اللي تبينه سويه
ام حسين : في وحده اباالك ؟
حسين : لا يمه دوري على ذوقج
ام حسين : فيها شي معين ؟
حسين : لا اي شي ما تفرق معاي المهم انتي مرتاحتلها وماتكون متينه ابيها جسم !
ام حسين طقته : استح على ويهك
حسين : بعد شنو هذا الصج ! انا ما احب البنات على الاقل اتزوج اونسج و اونس عمري
ام حسين : الزواج مو وناسه !
حسين ابتسم : الزواج مسؤوليه و عيال و مره وبيت وحياه ثانيه حافظ الحجي لا تحاتين !
ام حسين : ايي خلاص يلا اقعد لاتنزل بحاجي الحريم يدورون لك
حسين : لا بشوف الحريم يمكن وحده تعجبني
ام حسين " الا شايفها ومجابلها ! : اقعد مكانك

-----------------------------------

اليـــمعه .. بالمطـــار


شوق : هاا فجوور
فجر : وينه اخووج ؟؟

* شوق عندها اخو واحد واخت ( فجر ) بس ..

شوق تأففت: مادري دوريه استغفرالله وراحت قعدت بستاربكس واهي معصبه حدها !
فجر راحت وراها : انتي شفيج !! من اليوم معصبه
شوق :مافيني شي
فجر سكتت عنها
شوق " اي صج شفيني معصبه ؟ على اخوي ! او اللي ينقال انه اخوي ؟ خل يولي !

نرجع حق جم سنه قبل

شوق راده من عرس رفيجتها ومستانسه لها
بدر بعصبيه: انتي وين كنتي !!
شوق شافته وانصدمت : بعرس رفيجتي
بدر : تبيني اصدق انه كل هالكشخه حق عرسها ؟
شوق : شنو تبيني اروح وانا مهلقه هذا عرس عرس موو يمعه بنات !!
بدر عطاها كف : اكلي تبن وقوليلي منو اللي كنتي عنده اعترفي !! انا وصلي مسج انج عنده قولي منو
شوق واقفه مكانه ولا اهتزت ولا نزلت دمعه منها : شووف !! صح انك اخوي العود بس لي اهني وحدك انا انسانه لي كرااامتي وما اسمحلك انك تدوس عليها كلامك هذا كله ما يشككني بعمري انا واثقه بعمري وعارفه انا شنو مستواي واللي متأكده منه اني ما راح اوصل بيوم من الايام بالمستوى الوصخ اللي انت تتحجى عنه ! اذا هذا كان طبعك انت وصاحباتك ترا مو طبعي انا ومره ثانيه لي بغيت تتحجى كلمني باسلوب محترم ولا ما راح ارد عليك .. ومشت عنه
اول ما وصلت غرفتها بجت !
شوق بعد مابجت مسحت دموعها " ليش تبجين هالظلم انتي متعوده علييييه !!!!!!!

نرد للواقع

فجر : شووااق يلاا امشي بندخل
شوق استوعبت الوضع : اوكي يلاا قايمه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 06-11-2010, 03:40 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: انت ما تدري انك صرت لي نبض ودم للكاتبة : BRoNZ GiRL


الـــبــــــارت الـــســـــادس ..





بالطــيـــارهــ ..

بدر يكلم شوق : ياجلبه قومي وقعدي صوب الجامه وخلي امي اهني ولا حق المغازل وخز باللي رايح وراد!
شوق ابتسمت : امي تبي عند الجامه بس ولا يهمك وراحت بدلت مع وحده من خالاتها وصارت يم بنت خالتها و داخل مثل ما اهو يبي

بدر راح لها : ايي تعدلي !!
شوق سكتت عنه واهو مشى
بنت خالتها : امبيه هذا من صجه!
شوق : عادي طااف
فرح : انتي شلون مستحملته ؟ امبييه انا لو مكانكم اموت
شوق : اسمله عليج وبعدين جم مره قلتي امبيه ؟
فرح : امبيه مادري
شوق: هههههههههههههه
فرح : شفيج تضحكين
شوق : نامي نامي
فرح : سخيفه حدج !
شوق تضحك : مو اسخف منج
فرح : عقلي عقلي ترا انتي دكتوره !
شوق ابتسمت : واذا ؟ الدكتوره ما يحق لها تضحك ؟
فرح بجديه : الدكاتره معقدين ما يضحكون ما يستانسون بس مجابلين كتب وما يسولفون مع احد وكله منعزلين و ماكو احساس لأنه تمر عليهم مليون حاله باليوم ومع هذا صامدين !
شوق : اذا كان الواحد قلبه قوي مايكون متبلد تصبحين على خير ولفت ويها
شوق غمضت عيونها واهي تفكر " شلووون كانت تبي الفرصه اللي تقول رايها عني وبصراحه !! انفجرت مثل البركان بويهي !!! انا صرت معقده ومنعزله ؟ اذا يبوني بعد وفاه ريلي استانس فخل يسمحولي ما اقدر !! انا ليلحين ابجي على فرقاه !! ومجابل الكتب صار حرام ؟؟ شصار بالدنيا حتى اقرب الناس جذي نظرتهم لي ؟ وابتسمت باستخفاف ! وليش مكبره الموضوع ؟ عادي اخوج وامج يشوفونج بنظره الوصخه شلون على بنت خالتج ؟؟

------------------------------------------------

ارجــــوك شــــوف لــــي مــــن تكــــون .. حيـــــرتنـــــي فـــــي طبعـــها ...!!!


حسين : خووويلد قوم نايم عندك و تخليني
خالد كفخه بالمخده : ياتبن اذلف عن ويهي روح غرفتك لا تذلني و بناام شفتي اليوم بليل خلني انااام
حسين : لا خلود صج قولي عن دكتوره شوق
خالد فز : هااا شوق ؟ تعال لا يكون بينكم شي حسوون ابعد عنها المره مو حق هالسوالف وبعديين من متى تسأل عن بنيه
حسين : اقول جب مامنك فايده انا كنت ابيها زواج !
خالد بطل عيونه وصكره بسرعه !! : هااا ؟ انت و شووق ؟؟
حسين ابتسم : ايي ليش لأ ؟ فيها شي البنيه ؟ انا فيني شي ؟
خالد عدل قعدته : دقاايق اغسل واردلك السالفه مهمه وراح الحمام

حسين " شفيه هذا ؟؟ مو معقوله البنيه فيها شي من عرفتها واهي خوش وحده !

خالد رد له وقعد : اقعد اقعد قولي السالفه من اولها

حسين : اي سالفه ؟
خالد : انت و دكتوره شوق !
حسين : ماكو سالفه انا ابي اتزوجها وبس
خالد : عاجبتك يعني
حسين : بصراحه احسها غير وامي تبيني اتزوج وانا اشوف انها انسب وحده
خالد : بصراحه اهي خوش وحده وانت بعد بس مادري شقولك .. يعني الحرمه احسها متضايقه وفيها اشياء محد يتصورها انت قادر تنسيها كل هذا ؟؟ انا احس انك بتعذبها لانك ما تحب الحريم

حسين ابتسم : انا مقتنع بهالشي وبحطها بعيوني لأنه ولا مره فكره ببنيه الا فيها وهالشي اشوفه كبير !!
خالد : موفق عيل !! روح كلم امك
حسين ابتسم : ايي بقولها يلا باي
خالد : بااي و قولي شيصير !!!

------------------------------------------------


شوق " الحمدلله على كل حال !! يارب ساعدني

------------------------------------------

حسين باس راس امه وقعد
ام حسين : هلا والله صباح الخير
حسين : صباح النور ..
ام حسين : شفيك يمه تحجى قولي
حسين : يمه انا ابي وحده يعني لا تدورين لي
ام حسين تغيرت ملامح ويها
حسين : يعني يمه انا احس اني بكون معاها مرتاح ودام ليلحين ما صار شي ومافكرتي انا اقول تكلمين ام البنيه اللي انا ابيها
ام حسين تضايقت : بس ياوليدي انا كلمت ابوك و وافق وكلمنا ام البنيه والحين قاعدين يفكرون !
حسين بصدمه : بس !
ام حسين : انت قلت ما تهمك المهم تعجبني انا وكلمت امها امس و كنت بقولك اليوم
حسين هز راسه : على خير انشالله وقام باس راسها وصعد فوق عند خالد

خالد متشقق : هاا يامعرس متى بيكلمونهم
حسين : امي مكلمه الحريم امس
خالد : اوووه يعني خالتي فاهمتك ! مبروووك يالغالي
حسين لف عليه : خالد
خالد شافه وانصدم
حسين لمه ونزلت دموعه
خالد : حسوون شفيييك !!!!!!!
حسين يتكلم شوي شوي : توني افهم معنى الحب !! توني استوعب انها صارت حياتي !!
خالد : هد عمرك وانشالله بتكون لك قريب
حسين هز راسه : اناا بدونها بكون سراب !! تعودت على شوفتها كل يوم تعودت على ابتسامتها تعودت على كل شي فيها شلون لي راحت ؟؟
خالد : حسين ما راح تروح لا تحاتي انشالله بيوافقون
حسين على هالجمله بجى اكثر : خلوود امي مكلمه الحريم امس ومو ام شوق !!
خالد انصدم : عيل منو
حسين : مادري بس قالت انها مكلمتهم وما تقدر ترد بكلامها اكيد ودام الموضوع صار بسرعه يعني من الاهل ولا وين يلقون وحده من برا بهالسرعه ؟؟
خالد قعد و يحاول يستوعب !!
حسين قعد على ركبه : احبهااااااا اييي احبهاااااا !!!!!!!!!!!!!!
خالد : حسين خلاص انسى
حسين : يوم حبيت تقولي انسى ؟
خالد مو قادر يقول شي !! كسر خاطره
حسين : لا تقول شي ومسح دموعه وراح ركض خذا مفتاحه وطلع من البيت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 06-11-2010, 03:42 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: انت ما تدري انك صرت لي نبض ودم للكاتبة : BRoNZ GiRL


الــــبــــــارت الـــســــابـــــع ...




حسيــــن " بعد ما حبيتها بيبعدونها عني ؟؟ بقعد ادعي انهم مايوافقون وانه شوق تكون لي !!حتى لو تزوجت بحببها فيني عشان ترضى تتزوجني وانا متزوج او اطلقها اففففف وشذنبها بنت الناس؟ حرام عليك !! لا تظلمها ما راح ترضاها على اختك :/ شنوو الحل !!!!!!!!


شــوق " امي شفيها من اليوم تخزني وماتكلمني !!! هذا واحنا تونا بالمطار جذي لي طلعنا ودشينا شبتسوي ؟؟

ام شوق : شوق يمه
شوق ابتسمت وباست راسها : هلاا يالغاليه
ام شوق : شوفي في ناس خطبوج وانا موافقه وابوج بعد وبقول حق ابوج انج موافقه وانتي اكيد ما راح تفشليني وراحت !!!

شوق " لااااااااااا !! لا تذبحيني يمه

* خـوفي لمــا قلـــبي يعــلنــ عـــن رحيــله .. القــى الجـروح اتســابــق منــهو يــوصل قلــبي اول ..


شوق " شنو الحل !!!! بتزوج ؟؟ وضحكت على السالفه !! انا اتزوج ؟ واحد غير سلمان ؟ واحد غير روحي ؟؟ بكون بحظن غيره ؟ بنام يم غيره وانا راضيه وما اقدر اقول لا!! انا شنو ذنبي ؟ مابي اتزوج غيره ليش يصير فيني جذي !! و اهو ؟ مو حرام يتزوج وحده مغصوبه عليه ؟محد يرضى !!!!

شوق على طول راحت عند امها : يمه منو هذا !!
ام شوق : واحد موو من معارفنا و لفت ويها تكلم اختها !!

شوق " يمكن هالشي اهون !! مانعرف بعض ويمكن اقدر اتاقلم بحياتي معاه ..

شوق " انشالله يكون خوش واحد !!! مابي اتعذب اكثر ابي ارتااح !! وينها راحتي ؟


-------------------------------------------------------------

x.. بعــد شهــر ..x

شوق " انا بعد جم يوم ملجتي وانا مادري منو يكون هالريال اللي ينقال بيكون زوجي !! انا متشتته مو قادره افكر بــ ولا شي !! حسين وتصرفاته معاي ! خالد و بعده عني !! البنات ماقامو يقعدون معاي مثل اول شصار بالدنيا ؟شنو اللي تغير ؟؟ دخول هالريال بحياتي بغير واايد اشيااء !!


نرجع قبل فتره ..



شوق اول يوم دوام لها بعد ما ردت من السفر ..

شوق : صباح الخير دكتور خالد
خالد ابتسم بمجامله وما طافت على شوق : هلا دكتوره شوق
شوق " شصاير : هلا فيك عن اذنك بس بغيت اصبح وكملت طريجها حق مكتبها

سميره : شوق !! الحمدلله على السلامه وسلمت عليها
شوق : الله يسلمج حبيبتي ..
سميره : ايي سمعنا انج انخطبتي وملجتج قريب .. مبرووك
شوق " شدراهم ؟؟ : يبارك فيج
سميره تتكلم بسرعه : يلاا انا لازم اروح بطل على مرضاي وراحت
شوق " فيني شي انا ؟ليش الكل ينفر مني!

دخلت مكتبها ولقت البنات عندها
شوق : صباح الخير
الكل : صباح النور .. مبروك
شوق ابتسمت : يبارك فيكم وراحت قعدت على مكتبها وبعدها شوي شوي قامو !

شوق " ابي اصرخ ابي اعرف انا شفيني شنو سبب كل هذاااا !!!!

نرد للواقع

شوق " انا تعبت بهالشهر وايد وقامت وقفت جدام المنظره وينها شوق ؟ كنت ورده متفتحه و انذبلت بوفاته رديت بكل قوتي والحين ؟ برد انكسر ؟ مستحيل !! انا شوق و معروف اني ما انهز انا شوق اللي مقسيه قلبها عشان تقدر تعيش !! ابتسمت على كلامها وراحت بدلت وعلى طريج الدوام !!

-----------------------------------------


بالمستشفى

خالد : هونها وتهون وملجتك قربت ومالك غير الصبر لا تضايق عمرك هذا واقع ما نقدر نغيره
حسين: ملجتي بعد اسبوعين وانا مو قادر اتقبل سالفه اني مع وحده غيرها !!
خالد : هذا نصيبكم ومانقدر نقول شي !! بتعترض على شي ربك كتبه ؟
حسين : استغفر الله .. لا طبعا
خالد : خلاص عيل استغفر ربك
حسين : بروح اخذ جلسه عندها
خالد : شنو ؟
حسين : ابيها تسمعني
خالد ابتسم : اللي يريحك
حسين : سلام ومشى ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 06-11-2010, 03:44 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: انت ما تدري انك صرت لي نبض ودم للكاتبة : BRoNZ GiRL


البــــــارت الـــثـــــامـــــن ..



شوق بالطريج " انا لازم اسأل البنات شسالفتهم !! هذي مو حاله ..



حسين " هذي سكرتيرتهم مالت المواعيد وين ذلفت !!!!
شوي ويت

حسين : السلام عليكم
: وعليكم السلام
حسين : اختي حطيلي موعد عند الدكتوره شوق بس بأقرب فرصه
: عندك ملف ؟
حسين : لاا بطليلي مو مشكله
: اوكي تفضل وقعدت تبطل له ملف واهو يعطيها البطاقه وهالسوالف ويدفع لها واهي مبتسمه او (ذايبه عليه )

حسين : متى موعدي ؟
: اليوم
حسين : اي حزه؟
: 10 .. انت اول واحد
حسين ابتسم : اوكي مشكوره بكون موجود عالـ 10 .. مع السلامه ومشى
--------------------

شوق : صباح الخير دكتور خالد .. كالعااده اول من اصبح عليه
خالد ضحك : هههههههههه صباح النور شوق
شوق : دكتوره شوق !
خالد : اسف حقج علي .. دكتوره شوق
شوق ابتسمت : عفيه على دكتورنا
خالد : هههههههه افا علييج بس
شوق بجديه : دكتور خالد شنو سبب تغيير الكل عليي اخر فتره ؟!
خالد على نفس جديتها : انا مادري عن الباجي بس اذا عليي انا لأني متضايق من حاله ولد اخوي مو اكثر .. اسف تقبلين اعتذاري ؟
شوق ابتسمت : حتى لو ما تأسفت وقلت هالحجي انا كنت بسامحك .. مقبول اكيد
خالد ابتسم "ايي والله فقدت جوهره !! : عااشت
شوق : هههه عن اذنك ورانا اشغال
خالد : اذنج معااج
شوق : هذا دكتور حسين ؟
خالد ابتسم:ايي
شوق : ليش جذي !! متغير وايد عن اول
خالد " اعتبرها خايفه عليه ؟
شوق : دكتور خالد ديربالك عليه والله شوف شكله يكسر الخاطر
خالد : تامرين امر
شوق :مايامر عليك عدو .. مع السلامه ..

بمكتب في ..



في : بنات بصراحه شواق كاسره خاطري
سناء : انا بعد بس هم مو حلوه بحقنا ! احنا رفيجاتها واخر من يعلم !! يعني ملجتها بعد جم يوم واهي ليلحين ما عزمتنا ! حركتها مو حلوه كلش !! ونعرف عن ملجتها و زوااجها من الغريب ؟؟ يعني لو مو اخت المعرس اعرفها جان ما درينا @@
شوق دخلت عليهم بعد هالجمله وابتسمت : ومنو قالج اني حالي من حال اي عروس ؟ خليها على ربج وبعدين احنا نهينا هالسالفه ومافي لا زواج ولا اي شي !!
البنات مو مستوعبين
شوق ابتسمت : انا ماكنت موافقه موافقه !! والحمدلله امه دقت واهي متفشله بس احنا تقبلنا الموضوع او بالاخص استانست !

سناء : احنا اسفين
شوق : لا عادي وقعدت واهي تدور بالاوراق افف اليوم عندي وايد زواار وجيكت عالملف !!
شوق تعدل الوضع : بنات شفتو دكتور حسين ؟ متغير واايد
سناء : ايي سواد تحت عيونه وضعفان ومو مهتم بشكله مثل اول احس ورااه سالفه ..
شوق " ما ردي اليوم بعرف ! : ايي والله شعلينا

-----------------


الـــساعه 10:00 am

بمكتب شــوق XX

شوق ابتسمت واهي تشوفه يدخل بهيبته المعتاده بغروره و ثقته بس هالمره عيونه تدل على انه مهزوز استغربت بس كملت ابتسامتها وزادت اكثر واهي تشوفه يمد لها ايده سلمت عليه وقعدو واهو وكل ماله يتعذب اكثر ..

حسين " ليش انا ؟؟؟؟ ابيييهاا يا نااس !!!!!!!!!!!!!!!!!

شوق ابتسمت : شلونك اليوم
حسين : الحمدلله وانتي ؟
شوق : الحمدلله على كل حال
حسين خذا نفس : يمكن دايما اللي اييولج ما يتحجون من اول جلسه بس انا مو مريض
شوق قاطعته: اللي ايولي مو مرضى !! هذيل زايريني نسولف ويطلعون !!!
حسين : ولا يهمج زوارج العاده اذا يو ما يقولون اللي بقلبهم على طول اول ياخذون ويعطون معاج بس انا تعبان وكلامي مع خلود مو قاعد يريحني هالمره انا حاس اني اذا قلتلج برتاح

شوق ساكته
حسين : بصراحه دكتوره شوق ومن كل قلبي بقولج شغله
شوق : تفضل اسمعك
حسين : زاد فضلج .. اممم انا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 06-11-2010, 03:46 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: انت ما تدري انك صرت لي نبض ودم للكاتبة : BRoNZ GiRL


البــــــــارت الـــتــــاســــع ..


حسين : زاد فضلج .. اممم انا
شوق تنطره يتكلم ..!
حسين : بصراحه شوق انا احبج
شوق بدت تعصب بس تحاول تمسك روحها
حسين : ادري كلامي ما عجبج وانج معصبه بس رده فعلج طبيعيه كرده فعل اي بنيه محترمه بس انا نيتي زواج والله !!
شوق تحاول تهدي عمرها
حسين : من اول وانا ما احب الحريم لا تسأليني عن السبب !! اكرهم كلهم .. بنظري اهم اغبيا بس من عرفتج وهالنظره تغيرت !
شوق ليلحين على نفس الوضع
حسين: شوق كلامي
شوق قاطعته :دكتوره شوق!
حسين: دكتوره شوق كلامي صعب والاصعب موقفي اللي انا منحط فيه الحين بس والله لو ما احبج او نيتي لعب جان ما فشلت عمري وييت قعدت جبالج .. انا صج نيتي زواج وكنت بكلم الاهل عنج بس امي كلمت حريم ثانييين وملجتي بعد اسبوع تقريبا!! انا تعبان ابي شوورج !


شوق ابتسمت : هالبنيه مو ذنبها شي .. لا تظلمها كمل حياتك معاها وحاول تتأقلم لأنه انا مامني رجا وحتى لو نهيتو هالخطبه ما راح اوافق انا !! انا ما افكر بالزواج كلش وانت الله يوفقك تأكد انه هذا نصيبك ومحد ياخذ غير نصيبه .. هذا القضاء والقدر مانقدر نعاارضه ..

حسين ابتسم و حاول يلملم باجي جروحه : مشكوره على الوقت اللي خذيته منج .. عن اذنج مع السلامه وطلع


* لمـــلـــم شـــتــــات المـــشاعـــر خل نـــروح *

---------------------------------------

حسين " شصاار فيني !!! معقوله هذا انا ؟؟ انا حسين المعروف بهيبته وطلته وجذي ؟ بنيه تكسرني؟ ما راح ارضى على هالشي .. وعلى طول راح الحلاق وعدل لحيته وشعره

شوق " يحبني !! بس انا ما اعتبره الا زميل عمل .. ورنت الكلمه براسها لين صدعت من التفكير بهالموضوع ..

----------------------------------------------------------------


يـــوم ملـــجه حســـيــــن ..


الســـاعه 2:00 pm

شــوق بدارها تبجي " غبيه غبيه غبيه !!!!!!! وتكسر كل شي يمها ايدها انتلفت دم مو قادره تركز من دموعها طاحت من طولها صارت شبه جثه منسدحه عالارض والدم والزجاج حوالينها .. ودموعها ليلحين باقي اثرها على خدها ..



الســاعه 4:00 pm


فجر تطق باب دار شوق : شواق ما قمتي ليلحين ؟بطلي الباب وقامت تطق الباب بأقوى ماعندها

فجر " شفيها هذي شدعوه كل هذا نوم !! وبعدين اهي نومها خفيف :/
فجر كملت طق !! لا رد ! ماكواستجابه

فجر بدا الخوف يدخل قلبها تحاول تهدي من عمرها وتقنع نفسها ماكو شي ..

فجر " لا فجر ماكو شي اهي الحين بتبطله : شوووق حياتي يلاا قومي

لا رد ..

فجر بدت دموعها تنزل ومتصنمه مكانها مو قادره تتحرك وبصوت واضح عليه الرجفه : شوق !!

نفس الحاله .....................

فجر استوعبت الوضع وخوفها على اختها وعاها ونزلت ركض

فجر تاخذ نفس بسرعه بسرعه : بدر وين المفااتيح السبير ؟
بدر قام : شفيج شتبين فيهم
فجر : شووق ماترد علييي
بدر خاف وراح ركض غرفته خذا السبير و راح بطل باب دار شوق
فجر كانت وراه اول ما شافت اختها بجت !!

فجر : شووووووووووووووق
فجر بحاله هستيريه !! بجي ودم اختها صار بايدها تمسح دموعها الدم يبقع ويها !! حاله مو طبيعيه

فجر مكمله بجي وتكلم بدر اللي كان متصنم شال اخته اللي كانت لابسه عبايتهاوقط الشيله عليه وراح مع فجر المستشفى ..


------------------------------------------


بالمستشفى

خالد : انت من صجك !! ملجتك اليوم ومداوم ؟
حسين : ايي يبه كيفي مالك شغل فيني
خالد : كيفك والله انت اللي بتتعب موانا:/
خالد : حسوون جيك عليه شلون شايل مرته والله حرام امش نشوف شالسالفه

بدر طبعا على طول دخل اخته الطوارئ وحسين وخالد كانو وراه ! شافو شوق وانصدمو وحسين لا اراديا دخل واستلم حالتها وبدا يكشف عليها..


الرد باقتباس
إضافة رد

إنت ما تدري إنك صرت لي نبض و دم / الكاتبة : BRoNZ GiRL ، كاملة

الوسوم
انت ما تدري انك صرت لي نبض ودم للكاتبة : bronz girl
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
قيود الماضي / الكاتبة : الملكة الام ، كاملة روح زايــــد روايات كامله - يتم نقل الرواية هنا بعد اكتمالها 47 23-03-2016 05:40 AM
و اني أحبك / الكاتبة : امازيغية الهوى ، كاملة النجمة القطبية روايات كامله - يتم نقل الرواية هنا بعد اكتمالها 76 28-07-2013 11:12 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 08:43 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1