غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-11-2010, 11:33 AM
صورة شموخي مهابة الرمزية
شموخي مهابة شموخي مهابة غير متصل
©؛°¨غرامي فعال ¨°؛©
 
B10 طوقتني بحبك من كل الجهات / الكاتبة : الفرعونه



,,صدف حياتي,,
هذي أول رواية أكتبها أتمنى أن تنال إعجابكم وأنا بانتظار ردودكم وانتقاداتكم...

كل إنسان تحدث له صدف بدنياه فيها الزين والشين ولكن يا كثر الصدف في الدنيا اللي تسعد الواحد وفيها اللي يتمنى أنها ما صارت هذي الصدفة قصتي غريبة نوعا ما يعني حياتي أغلبها صدف...





البـــــــــــــــــــــــــــــــــــــــــــــــ ــداية..
...الفصل الأول...
(الجزء الأول)
الكـــاتبة:الفــرعونة







اليوم الأربعاء كان عندي يوم أوف بالجامعة (الساعة 1 ظهرا) و كنت جالسة في الصالة أشوف قناة شاعر المليون وطبعاً كنت أشوف الشاعر المبدع الخطير زعيم الشعر العربي شاعر الثقلين وش أقول عنه بس عرفتوه صح:ناصر الفراعنة >والنعم< (على فكرة تراني معجبة فيه فاللي يحب ناصر له روايتي بس لا يروح بالكم أن الرواية عنة لا بس أنا أبغى أظهره في روايتي لأنه يستاهل أكثر من كذا وأنا صراحة ماكتبت هذي الراوية إلا لأبين لناس وش كثر جماهير ناصر واللي يفدونه بأغلى ما عندهم وأنا منهم طبعا)..
المهم كنت منسجمة معه للآخر وأردد معاه.. شوي يطيح قلبي من الخوف!!!
بووووووووووو
فارس من وراي:هههه الأخت منسجمة خربت عليك ههههههههههه شكلك تحفة وأنتي خايفه... أوه حبيبي ناصر الفراعنة أبي أشوفه معك(جلس على الكنب)
وأنا أتنفس بسرعة وكأني راح أموت وماسكة قلبي: اذلف برا طيحت قلبي في بطني الله يقلعك شغلك عند عمي أنا أعلمك..
فارس:أصلاً أبوي يموت فيني ولا يضربني عشان غنمه مثلك ..(ويرفع حواجبه وهو يقول )يهوووووو
:مالت عليك والله إذا صرت أنا غنمه أنت أجل وش تكون ها يالتيس
وأنا أضربه مع ظهره عشان يطلع برا الصالة حرام شكلي عورته بس يستاهل
فارس:آآآي عور تين خلاص أبطلع من لحالي لا تضربين أف بس ما ينمزح معك... أروح أشوفه بغرفتي أزين
:... مع السلامه يا بابا
وهو يطلع سوى حركة بحواجبه و بلسانه قهرني كنت راح ألحقه بس كان أسرع مني وراح.. رجعت للصالة عشان أكمل جلستي بس كنت مقهورة منه مره بس ماعليه مردودة يافارسوه

فارس عمرة 14 سنة لعاب مره ويحب يقهرني ويحطني بمواقف لا أنحسد عليها بس يحبني>واثقة هههه<.. المهم.. بسرعة يزعل وبسرعة يرضى ونساي وخبل وهو دلوع عمي وخالتي لأنه أصغر واحد في البيت وغيوووووووور أعوذ بالله ومتفوق في دراسته وطموحة يكون طيار مثل أخوه طلال (أحم أحم صدقوا بس)

(نبذه عني بعيون الناس.. أولا أسمي دانه وعمري 19سنه و أدرس بالجامعة أول سنه قسم اللغات إنكليزي ووصفي صديقاتي يقولون أني مره حلوه وأحلى ما بي عيوني العسليات أنا جسمي حلو يعني مو سمينه ولا نحيله ومو طويلة ولا قصيرة يعني طولي مناسب لجسمي شعري أسود مره يوصل لتحت رقبتي يعني طوله متوسط وأنا بيضاء وفيني خفت دم وأموت وأحب وأهوى الشعر وأنا الحمد لله شاعرة بس مو ذاك الزود ها أمشي حالي يعني أسمى شويعره,,أنا غبية أصدق أي شيء لو تقولون لي أي شيء أي شيء أصدق>خبلة ههه< وفيني صفة مو حلوة أبدا أني دايم أنسى نساية بسرعه ورحوم مره وأحلى ما فيني أني أزعل بسرعة البرق وأرضى بسرعة الرعد(ههه) وعنيدة أنفذ اللي أنا أبغاه مع أني نساية ورحوم وحساسة لكن يا ويل أحد يوقف بوجهي أو يعاندني وآخر صفة والصفة الغريبة فيني إني ما أغار بس بعض الأحيان أحسد وأغاض بس مو غيره وأرضى بقضاء الله وقدره وإني متسامحة مع اللي يغلطون علي بس مو دايم أيه صح ودموعي اربع اربع ع طول تنزل هههه شلال)
(ع فكرة أنا أشبة ناصر الفراعنة يعني فيه شبه خفيف بيني وبينه وخصوصا العيون بالظبط وعندي القدرة أني إذ قلت قصائدة تقولون ناصر الفراعنة قدامكم والله هذي حقيقة خارجة عن إطار الرواية بالواقع أنا صراحة أشبة لناصر الفراعنة ومو أنا اللي أقول كذا الناس هم اللي يقولون حتى ماصدقتهم أصلا ناصر القمر يشبهله موهو يشبه القمر)....
رجعت لانسجامي مع الفراعنة** بعد ماخلص (على فكرة تراني شفتها 13مره.ناقتي الأولى) قعدت أقلب قنوات الشعر بملل ما في شيء حلو قفلت التلفزيون كنت راح أروح لغرفتي لما وصلت الباب جئ عمي صوب الصالة قلت في بالي خليني أستغل الفرصة وأطلب منه عاد عمي إذا صار تعبان وتوه راد من الشغل أطلب أي شيء ينفذه لي لأنه مو رايق لي...
المهم,,
:..هلا والله وغلا بعمي حياتي دنيتي بعد قلبي... رحت صوب عمي وبست راسه ... إيش أخبارك عمي؟
عمي عبد الرحمن يرفع حاجبه:أكيد وراك مصلحة يا أم المصالح قولي خلصيني
:..حرام عليك وراي مصلحة ها هذا جزآتي قلت أخليك تروق شوي بعد الشغل خلاص زعلت
عمي عبد الرحمن:أزعلي أجل ماراح أقولك المفاجأة اللي محضرها لكم اليوم بكيفك
*أنا يوم سمعت طاري مفاجأة نطيت من الفرحة عاد مفاجأت عمي مره حلوة:.وشو قل الله يخليك
عمي عبد الرحمن:ههههههه بسم الله خرعتيني صدق الحريم مخبل أسمعي
يا حلوه اليوم بأخذكم وبنطلع الثمامة حاجز لكم خيمة هناك يومين وش رايك
أنا يوم سمعت الثمامة قمت وضميت عمي (عشقي البر والقنص والخيل وبعد الحليب) اللي يشوفني يقول ولد ههههه المهم ضميت عمي وقلت له :...يا بعد قلبي يا عمي الحبيب
عمي عبد الرحمن:أبعدي عني خنقتيني ما صارت ذي طلعه آه منكم يا لحريم من تسمعون طاري روحة و طلعة تفرحون وتطلع جنونكم
بعدت عنه وقلت:..يا جعل عمرك طويل قل آمين
عمي عبد الرحمن:آمين
:..الله يخليك لي قل آمين
عمي عبد الرحمن بملل:آمين
قربت عند أذن عمي وقلت بصوت واطي:الله يزوجك الثانية
عمي عبد الرحمن:آآآآآمين
عمي+أنا:هههههههههههههههههههه أنا قلت لعمي: لا تسمعنا خالتي وتحرقنا أنا وأنت بالنار ضحك عمي بقوة وأنا ضحكت معه هههههههههههههههههههه
خالتي توها داخله الصالة:وش عندكم تضحكون وإيش اللي ماتبغيني أعرفه يادانوه أكيد وراك شي مو هين صح
سكتنا أنا وعمي بس شكل عمي تحفه كان خايف أنا كنت ماسكه الضحكة قلت لخالتي اللي كانت تناظرني تبغي تفسير للي صار:..أنا مالي دخل كل هذا من تحت راس عمي تصرفي معه
عمي عبد الرحمن:ها أشوف صرت أنا ها مافي روحة أجل لثمامة أنا أعلمك
:...لا لا عمي الله يخليك كل شئ إلا الطلعة أنا أقول لخالتي
خالتي أم طلال:وش الطلعة إن شاء الله بتطلع أنت وياه لثمامة وإحنا لا.... ها
عمي أبو طلال بجد:لا كلنا إن شاء الله اليوم أنا حاجز خيام بثمامة
خالتي أم طلال:الله يخليك لنا أجل أنا أبروح أتصل على طلال أقوله عشان يطلع بدري من الشغل
:...وأنا أبروح لغرفتي أجهز أغراضي وأعلم فارس
خالتي أم طلال:يمه دانه إذا خلصتي تعالي ساعديني على الغدا
:..من عيوني تامرين بشي ثاني
خالتي أم طلال:سلامتك
عمي عبد الرحمن عمي الكبير والوحيد لي هو وعمتي اللي أصغر منه...هو أبو طلال اللي ساكنه عنده بعد ما توفوا أمي وأبوي الله يرحمهم ولي أمري موظف متقاعد ويشتغل في الأعمال الحرة (رجل أعمال) عمرة 55سنه طيب مره ويعتبرني مثل بنته أو أكثر وكان متسامح معي كثير وكان دايم يردد (أنتي بنتي اللي ماجبتك) ولكنه عصبي شوي ما يتحكم بأعصابه بعض الأحيان...
خالتي منيرة زوجه عمي عبد الرحمن وهي أم طلال قاعدة في البيت ما تشتغل تحبني كثير وتنفذ لي أي طلب أطلبه منها حبوبه وايد وحلوة عيالها طالعين عليها وخاصة طلال اللي عيونه تذبح ؟؟!!...
لهم من الأولاد..طلال و خالد و فارس
طلال راح تتعرفون عليه بعد شوي وفارس سبق أني عرفتكم عليه بس خالد لا خليني أعرفكم :..
خالد طال عمركم عمره 21سنه أكبر مني بسنتين وهو ضابط بالحرس الملكي مزيون اللي يجذب فيه البياض وهو يكرهني وما يحب يسمع أسمي ليه ما أعرف؟؟!! راح تتقمصون شخصية أكثر بالرواية....\
وأكيد طبعا تبغون تعرفون وش قصتي,,
أنا لما ماتوا أهلي وأنا صغيرة كفلني عمي ورباني عنده لما كبرت ووصلت للي أنا وصلت له بعد فضل الله ثم فضل عمي وزوجته اللي رعوني وكبروني واللي أعتبرهم هم أهلي هذا قصتي بإختصار والتفاصيل راح تتعرفون عليها بالرواية
المهم..
رحت لغرفت فارس طقيت الباب ما أحد رد فتحت الباب لقيت فارس في سابع نومه
فتحت البطانية :.. ول عليه يا سرعه نام فارس فارس وصمخ قوم بنروح لثمامة ألحين
فارس:أطلعي برا أقول أبي أنام
:...يا غبي بنروح لثمامة أقولك أحسن لا تقوم
نط بوجهي مثل القرد وقال:احلفي أنا عارف أنك كذابة صح يا لله
:..بسم الله الرحمن الرحيم لا والله صدق بنروح
انهبلت لما شفت فارس يبوسني مع خدي تزيته على ورى وقلت
:..والله إنك ماتستحي تحبني وأنا بنت عمك يا قليل الأدب
فارس: ماقصدت بس كنت فرحاااااااان
:...لا والله سوها مره ثانيه وشف وش يجيك ياحمار أقلده(كنت فرحان)
طلعت برا الغرفة وأنا أمسح خدي بكفي وعععععععععععع قرف.. دخلت غرفتي وأخذت جوالي و اتصلت على صديقة عمري حصة طوط..طوط..ألو
حصة:.. هلا والله وغلا بالطش والرش
:.. يا هلا فيك أخبارك
حصة:.. أنا الحمد لله أنت أخبارك يا لظالمة أسبوع ما أدري عنك وينك وأتصل عليك الجوال مقفل وش السالفة والمسن ما في أحد داخل أسبوع
:.. شوي شوي أكلتيني وأنا حيه
حصة:.. تستاهلين ليه ما تتصلين ولا تسألين ولا بس كل شيء حصة
:.. والله يا بنت الحلال مشغولة
حصة:. والشغل هذا أهم مني يا برنسيسة
:.. لا أنت تعرفين أنه مو أهم منك بس تتغلين
حصة:.. حرام عليك أنا أتغلى
:.. إيوه أسمعي بس وش تتوقعين بعد شوي وين راح نروح
حصة:.. وين يعني أكيد لسوق
::.. لا ها لمرة غييييييييير
حصة:.. أف قولي حمستيني
:.. راح نروح لثمامة
حصة:...ألايييييي أبي أروح معكم تكفون
:... إنقهري ههههه
حصة:.. أصلا مو الشرهة عليك علي أنا اللي رديت عليك
:... لا وش....طوووووووووووووط طوووووووووووووط
أقطعتها بوجهي أنا ميته من الضحك ياحبيلها حصة دايم أقهرها
(حصة أعز صديقاتي من وأنا بأول متوسط وإحنا مع بعض حبوبة مرة وهي صديقة عمري )
المهم قمت وفتحت الكبت وأخذت بنطلون جينز وقميص أحمر مناسب مره الأحمر للون بشرتي البيضاء لبست مشطت شعري الأسود صديقاتي يشبهونه مثل [سواد الليل عشان كذا يسمونني دانه الليل] كحلت عيوني الواسعات اللي لونهم عسلي غامق كحلتهم بسرعة لأن عمتي كانت تناديني أخذت عبايتي الكتف السادة تعرفون رايحين للبر المهم جهزت شنطتي حطيت فيهاعطر جيوفاني (مع أنه قديم بس أموت بريحته) نزلت ورحت للمطبخ بسرعة لأن خالتي وصلت معها أم العبيد(هذي الكلمة تنقال للواحد إذا عصب مره)هههههههه (مصطلح من عندي)
دخلت المطبخ وأنا من غير عباية لأن عبايتي خليتها بالصالة على الشماعة
خالتي أم طلال:دانه وينك ساعتين
:...آمري هذاني جيت
خالتي أم طلال: ما شاء الله لا إله إلا الله وش هالزين كل ذا عشان بر
:...ههههه الله يهديك يا خالتي لا زين ولا شئ
سمعت صوت طلال يتنحنح (أحم أحم يا ولد) يبي يدخل للمطبخ عشان أمه ارتبكت
:..لحظة طلال أنا فيه
:.. ياتي (اسم الشغالة) روح جيب شرشف صلاه من الصالة بسرعة
خالتي أم طلال:هاك اللي علي
أخذت الشر شف وتغطيت دخل طلال
طلال:هلا والله بميميتي وباس راسها وش الأخبار؟؟
خالتي أم طلال:الحمد لله يمه بخير
طلال:آهلين دانه أخبارك؟؟
:..يا مرحبا!!! الحمد لله بخير وأنت؟؟
طلال:تسرك
خالتي أم طلال:يلا يبه روح بدل لبسك عشان نروح أنا وأنت ودنو
قلت وأنا مستغربه:..ليه عمي وفارس وينهم
خالتي أم طلال:سبقونا وراحوا قبل شوي
:...ما شاء الله وليه ما قالولي أروح معهم
طلال:ألحين حنا نروح شوي وأجي نسبقهم
راح طلال لغرفته إلي هي الملحق لأن الدور اللي فوق لي أنا وفارس وخالتي وعمي... أنا وعمتي رحنا نجهز الأغراض
طلال ولد عمي ملازم أول طيار في الطيران العسكري وبعض الأحيان يشتغل مع عمي بالشركة وبعض الأحيان يشتغل مع شركة صديقة ناصر عمره 28سنة أكبر مني ب9 سنوات بس حركاته فيها مراهقة شوي وإلى الآن ما تزوج مضرب عن الزواج أكبر واحد من عيال عمي مزيون وله هيبته كل بنت تتمنى واحد مثله أحلى ما فيه عيونه الخضر الغريبات و جامع كل شئ فيه جمال،دين،منصب،أخلاق،رجولة،متفتح،رومانسي بزيادة،خفيف دم مووت......إلخ كل شئ يعني هههه(بإختصار)
(على فكره دارس الطيران بأمريكا عشان كذا فيه نوع من عادات الغرب يعني متفتح بزياده)
جئ طلال وشال الأغراض عشان يركبهم بالسيارة عمتي راحت تلبس وأنا رحت لصالة آخذت عبايتي من العلاقة الخاصة في العبايات[الشماعة] اللي كان جنبها مرآيه طويلة لبست عبايتي وتلثمت بالشيله شفت شكلي بالمرايه وااااو رهيب .....(واثقة)هههههههههههههههههه لا تلوموني يا ناس والله أموت بنفسي
المهم مالكم في الطويلة,,
طلعت ورحت للبايكة(للمعلومية البايكة تعني القراج السيارات) لقيت سيارة طلال البورش ركبت السيارة اللي كانت مشغلة بس ما كان فيها أحد استغربت طلال يأخذ البورش للبر.. ما علينا المهم(انتبهوا ترا أبسألكم هههه) رتبت شنطتي سمعت الباب انفتح قلت في بالي أكيد طلال جئ صرعني ريحه العود القوي طلال مو من النوع اللي يحب العود !!! رفعت عيوني كان راكب قدامي لابس غتره وثوب أبيض يلبس ثوب أبيض واحنا في الشتاء( ههههه تستغربون التفكير اللي جاني بس إيش أسوي ) تأكدت 100% أنه مو طلال انصدمت و خفت مره أني راكبه سيارة خطأ بس كيف والسيارة هذي داخل بايكة البيت في نفس اللحظة هذي تحركت السيارة.. الرجال شكله مانتبهلي أنا تلعثمت وما أدري أيش أقول من الخوف
على فكرة الشبابيك كانت مظللة......تخيلوا أنا من الخوف مانطقت ولا كلمة لما الحين ..
بعد خمس دقايق وبعد ما أبعدنا عن البيت شوي تشجعت وقلت بصوت متقطع وأنا أبكي:..لو سمحت ميي... مين أننت (يااااااااااااااااااااي شوفي بعد كم من الوقت)
هو من الصدمة من اللي سمعه ضرب فرامل(بريك) أوووووووووووءءءءء ههههههه تشبيه ممتاز.... المهم التفت جهتي بسرعة (اللي هي ورا)وهو خايف آآآآآآآآه
أنا أول ما شفت الرجل اللي قدام فتحت عيوني على آخر شيء وفمي فتحته بعد وهو كان يناظرني وفاتح عيونه على وسعهن ما فهمت نظراته .. تبغون أوصفة يا ناس ملاك من السماء نازل بحياتي ما شفت مثله حسيته رجل بمعنى الكلمة ما أعرف ليه يجنن يدوخ وش أقول بس مثل الأمريكان عيونه الواسعات رموشه الطوال حواجبه مرسومة ولا لون عدساته عسلي فاتح أووه خشمه اللي كأنه حد السيف فمه الوردي كله على بعضة عذاب يا ويل حالي يا شيب عيني......هههههه مثل ما يقول ناصر الفراعنة
المهم..
قال:أنتي مين وكيف جيتي هنا
أنا جتني الدوخة من الخوف(بيني وبينكم من الملاك اللي قدامي ولله):أنت اللي وش جابك بسيارة طلال وش عرفني ع بالي أنت طلال وقعدت ابكي آهئئئئئئئئئ
(إن كيدهن عظيم)ههههه
قال:طلال وش دخل طلال سكت وكأنه تذكر شئ قال: آهة أنتي من أهل طلال >الغبي أجل من وين ههه<
قال بصوت وهو مرتاح وكان يناظرني :أنا آسف أصلا أنا آخذ سيارة طلال منه ما عليه راح أرجعك بس لا تبكين ما صار إلا الخير
مانتبت لجوالي اللي دق أكثر من مره أعطاني ابتسامه صرقعتني قالي وهو يأشر على جوالي:ردي ترا جوالك يرن يمكن الأهل خايفين عليك لأنك تأخرتي ما طلعتي
أخذت جوالي و كانت خالتي أما الرجال المجهول الهوية رجع وساق،،
قبل ما أرد على خالتي قلتله:..إيش أقول لخالتي أم طلال
قالي وهو يناظرني مع المرايه ويضحك:قولي لها خطفني واحد هههههههه
:...لا والله
قال:إيه عادي مو أنا خاطفك ههههه
الحبيب مسوي فيها موانه زيادة عن اللزوم
سفهته ورديت على خالتي:ألو هلا خاله
خالتي باين من صوتها أنها معصبه صوتها وصل لطبلة أذني وسوى انفجار:وينك أنتي بيأذن العصر و أنتي مانزلتي بتر وحين ولا لا تأخرنا
قلت بغباء:...شوي شوي خالتي أنا مخطوفة مع صديق طلال
سمعت ضحكة قوية من الرجال اللي قدامي ههههههههههههه ههههه
الحمد لله والشكر إيش عليه يضحك
خالتي: وش تقولين تلعبين أنتي ولا صادقة.. أقول أطلعي بس
ما أدري إيش أقول قلت:.. هاذاي جيت مع السلامة
خالتي أم طلال:وق.....
وقفلت السماعة قبل ما تكمل كلامها.... تخيلوا تو ما انتبهت إني مو متغطية شهقت بصوت عالي..
ألتفت صوبي وشافني وأنا أتغطى وابتسم فهمت معنى ابتسامته (بدري ألحين عرفتي أن ماعليك غطى)ناظرته وقلتله:..لو سمحت لا تناظر
رجع قدام وكمل سواقته بعد ماعرف أنه غلطان ههههههه لا يفوتكم صرت حكيمة بس أحسن يستاهل الأمريكي ذا..
على فكره ما قلتلكم إني مو متغطية لأني لما طول ماجا طلال وخالتي خنقني اللثام عشان كذا فتحته...
عدلت لثامي ووصلنا البيت ...خالتي وطلال والخدامة كانوا برا وقف الرجال السيارة قريب منهم أنا نزلت بسرعة صوب خالتي حتى من دون ما أسكر الباب
ضميتها وقلت:خالتي والله ما أدري إيش صار صدقيني شفت السيارة بالبايكة حسبتنا راح نروح عليها وركبت لما جئ الرجال وصار اللي صار والله صادقة
طلال لما سمع السالفة ضحك وراح لم صديقه
طلال: والله و صرت خاطف وأنا ما أدري يا نصور
( ألحقوا علي يا ناس تخيلوا أسمه ناصر ياويلي مثل الفراعنة أنا في هذي اللحظة طرت من الفرحة لما عرفت أسمه شوي ولا أرقص) تصدقون ألحين عرفت أن كل من أسمه ناصر يدووووخ مثل الفراعنة والحبيب صديق طلال(مو يدوخ إلا يذوب)
ناصر:والله ياخي ما دريت إن بنت عمك راكبة معي تقول أنها أحسبت السيارة سيارتك
وبعدين الحمد لله أني كشفتها قبل ما أروح للمشوار اللي وغمز لطلال!!!!
وش السالفة ما أدري؟؟!!!!...
طلال:هههههههه ما صار إلا الخير يا رجال كبرت السالفة
ناصر:على العموم أنا آسف
طلال:لا ماعليك
ناصر:يا لله مع السلامة
طلال:بحفظ الله لا تنسى المشوار
ناصر:لا توصي حريص
راح ناصر وركب السيارة وهو يحرك السيارة كان يشوفني جئ طلال وقال:يالا أركبوا تأخرنا يا ويلنا من أبوي
ركبت الددسن (عشان التطعيس بورررر)ركبت ورا طلال لأن المرتبة اللي ورا خالتي فيها ياتي والأغراض حرك طلال السيارة وأنا كنت أفكر بطلال اللي تفهم بكل ها لسرعة هذي وذي تعتبر من مميزات طلال الحلوة لأنه متفتح بإختصار مايلوم على الحركات هذي لأنها تعتبر عنده بايخة..(كنت أحترق من داخل أبغى أعرف أيش المشوار اللي راح يروحله نصوري هههههه من أولها نصوري) قاطع تفكيري صوت خالتي تقول لطلال:إيش أقول لبوك بايقول ليش تأخرتوا بيحطها فيني
فزيت من مكاني لجهت خالتي وقلت:...خالتي الله يخليك لا تقولينلة أخاف مايفهم إلي حصل
خالتي أم طلال:أجل إيش أقوله
:....قولي له أي شئ حطيها فيني قولي أخرتنا دانه
ناظرت في طلال كنت أطلب منه المساعدة قال طلال
طلال:يمه بكيفها ما تبغى أن أبوي يعرف باسالفه بس أنا واثق يادانه أن أبوي ماراح يقول شئ إذا فهمتيه
أنا بدون شعور حطيت كف يدي على كتفه وقلت:...لا الله يدخلك الجنة لا تقوله أنا خايفة
طلال ابتسم وهو يناظر أيدي اللي على كتفه أنا تذكرت وأبعدت أيدي وقلت:آسفه بدون شعور والله
سمعت ضحكة خالتي:..ههههههههههه الناس تضرب بواري ورانا يا بنت ما صار إلا الخير الله يقطع الشيطان
أنا رجعت بسرعة ورى كنت ما أبغى خالتي تشوف وجهي اللي ولع مثل النار
يا ربي ساعدني... بعد دقايق الكل سكت كنت أفكر باللي أخذ باللي نصووووور آآآآآآآآخ منه دوخني جئ في بالي سؤال ..كان شكلي حلو لما شافني ولا لا؟؟؟
كنت راح أشوف شكلي بمراية السواق اللي قدامي بس كان طلال يشوفني بالمرايه
أففففف بس إيش أسوي ألحين أنا اللي بديت فتحت أبواب ما تنسكر محد قالي حطي أيدك على كتفه بس والله ما كنت أقصد شئ بعد فترة من التفكير وقفت السيارة عند المحطة عبئ طلال بانزين وراح للبقالة قبل ما ينزل قال
طلال:وش تبغون أجيبلكم من البقالة
أم طلال:لا ياعيوني سلامتك
طلال:وأنتي دانه وش أجيبلك
:...لا شكرا شبعانة
طلال:على هواكم
راح طلال للبقالة وعم السكون السيارة وأنا طبعا حللت أن ناصر هذا هو صديق طلال اللي يشتغل معه بشركته,,بعد دقايق ركب طلال ومعه أكياس
طلال: تأخرت عليكم
أنا+أم طلال::لا عادي
حط طلال الأكياس بجنبي بعد ما أخذ ماء من الكيس تحركت السيارة مشينا بعد شوي تكلمت خالتي::وين أشرطتك
طلال::لا والله ليه
خالتي أم طلال:أبشغل شريط يعني ليه وبعدين وش دخلك
طلال:لا عجيز وتسمع أغاني
أنا هنا تدخلت:.. حرام عليك يا الظالم خالتي عجوز هي والله بنت البنوت
خالتي تصفق وتقول:تمام والله هذا الكلام السنع أنت ووجهك مهب مثلك تقول عن أمك كذا
طلال+أنا:هههههههههههههه
خالتي: أخلص وين الأشرطة
طلال:بشرط أنا أبي أشغل على ذوقي
أم طلال خالتي:إيه بس شريط حلو
شغل طلال أغنية خلك بجنبي
خلك بجنبي لا تخليني محتاج قربك يانظر عيني
يزداد عمري باقي سنيني خل الزعل يازين خاف الله
لا صرت عندي تفرح أيامي أحب الزهر والورد قدامي............إلخ
على فكره كان طلال يناظرني من المرايه اللي قدامه
خالتي أم طلال:أنت أنت شغل شريط ثاني
كان طلال منسجم مع الأغنية ويردد وراهها لا بأس في الصوت (بس لا تعلمونه ههههههههه)
بعد عناء خالتي معه رد عليها:آمري يا بعد قلبي
خالتي أم طلال:غير الشريط مو حلو
طلال: لا ليه أنا عاجبني
خالتي أم طلال:لا والله بعد بعد أنا ماعجبني
أنا في هذي اللحظة تدخلت وقلت:. طلال قفل المسجل يأذن العصر
قفل طلال المسجل ورددنا ورا المؤذن ...بعد نص ساعة من السكوت اللي عم الجو وصلنا للثمامة...
طلال:الحمد لله على السلامة
خالتي+أنا=== الله يسلمك
طلال:دوروا أبوي ولا خالد ولا البزر(يقصد فارس)
خالتي:بزر بعينك يا قليل الأدب يا لكبير
أنا:....هههههههه أف أف كل هذا عشان الدلوع ترى طلال ما قال شي كل اللي قاله أنه بزر
خالتي: ألا يستاهل خليه يتعلم الأدب والله أنه أزين عيالي
طلال:أفا والله ماهقيتها منك يا أم طلال
:... طلال وقف هذا هو البزر
طلال:ههههههههههه والله أنك نكته
خالتي:أسكت بس أنت معها أنا الغبية اللي راكبة معكم
أنا+طلال:ههههههههه هههههههه هههه
وقف طلال السيارة نزلت أنا وخالتي
فارس: ياهلا وغلا بأم فارس
طلال: تخسي يا لبزر أم طلال
فارس:ول عليك كيف سمعتني ما أمداك عند السيارة جيت هنا
قطع كلامهم صوت عمي أبو طلال: ما بغيتوا تجون كان تأخرتوا لما صلاة المغرب أحلى
ناظرتني خالتي وكان طلال يناظرني يبغوني أتكلم تكلمت وأنا أبتسم لعمي:.. والله يا الغالي أنا اللي أخرتهم حقك علي
عمي أبو طلال:لا دام دندن اللي مأ خرتكم ما تنواخذون
فارس:لا والله أنا أبغى أعرف هذي البنت أكيد مسويتلك سحر ولا في رجال ينزل هيبته قدام مرة
عمي:ما شاء الله والله وصرت رجال ياولد أبوك أمش بس قبل مايجيك مخمس يطيرك (المخمس هو الكف)
الكل وأنا أولهم:هههههههههههههههههههههه
دخلوا عمي وطلال وفارس داخل الخيمة الكبيرة وأنا وخالتي رحنا للمطبخ
:... مشاء الله يا خالتي الخيام حلوة
خالتي بضحكه:.. ما بعد شفتيهم
:..إلا من برا ههههه
خالتي:تعالي بس أقول نجهز الغداء لا يجينا عمك يزفنا
قلت بكسحة:..طيب
جهزنا الغداء أنا وخالتي والخدامة ورتبناه
:.. فارس فارس تعال شيل الغداء
فارس:عامل أنا عندك تقولين شيل
:... خذ بس وأنت ساكت
بعد الغداء أنا وعمي وخالتي وطلال نشرب شاهي ...طبعاً أنا كنت متبرقعه
وفارس عند التلفزيون.. وخالد بعد الغداء طلع مع ربعه للتطعيس
كان عمي يكلم بالجوال وخالتي وطلال يتكلمون عن المزرعة والنخل أنا ما أعرف أيش أسوي طلعت جوالي وشغلت (أيش تتوقعون)
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
.................................................. .................................................. ...
ناقتي يا ناقتي لا رباع ولا سديس
وصليني لا بيتي من وراء هاك الطعوس
حايل الربع سنه من خيار العيس عيس

تخيلوا الكل أنصدم عمي قفل السماعة وفارس جاء ركض وخالتي وطلال قطعوا كلامهم وناظروني...
توقعوا إيش كانت ردة فعلهم!!!!!
فارس قام يرقص هههههه والكل يصفق
طلال:.. يا عيني وراء أيوه يلااااااااا
( مجانين ...من حبهم له يا ناس كل العالم يحبونه ملك بالطيب قلوب كل الناس الله يخليك لنا يا ناصر ولا يحرمنا منك وإن شاء الله ترفع رأس السعودية بفوزك بالمليون والبيرق)
المهم...
من النذالة اللي فيني قفلت المقطع ويا ليتني ما قفلته قاموا علي كلهم فارس طب علي وعمي أخذ الجوال مني وخالتي تضربني مع رجلي وطلال يهاوش ياربي إيش هذا العذاب
:.. أبعد يا تبن عمي بعدة عني
عمي: خلاص بعد عنها تستاهلي أحد قالك قفليها
:.. بعد أنا اللي شغلتها والله!!
فارس بعد عني أنا قمت وطلعت براء وأنا أسب وألعن عليهم رحت للمطبخ عند ياتي دخلت المطبخ وأنا هلكانة
:.. آه يا ياتي والله مايوسع صدري إلا أنتي يا حبيلك
ياتي: يامرهبا ماما دادا(يا مرحبا مدام دانه)
:..دادا بعينك بلا أنا كم مره قلتلك أسمي دانه يا خبلة ماهو دادا
ياتي:..ههههههه ماما مافي مشكل كلو واهد (مافي مشكلة كله واحد)
:...أقول كولي تبن يا جبن هههههههههه هههههههه ههه هههههههه
ياتي:ماما هلوا جبن أنت أكل بيت رياد (تقصد رياض على بالها أحنا بالمريخ الغبيه ذي)
:... يلعن أبو البرود وبعدين أذكري الله يا أم عيون
باللحظة هذي جاء فارس
فارس:.. مرحبا دندونه
لما سمعت صوت فارس قمت ألحقه
:.. تعال قسم ما أتركك تعال يالعنز
فارس:ما تقدرين أنا أرنب سريع
طلعنا براء الخيام أنا معه وحنا نتراكض رحنا صوب السيارات أو بالتحديد سيارة طلال كان فارس سابقني بكثير وأنا أركض ضربت بشئ قوي حسيته (على فكرة ماكنت متغطية)*
إيش تتوقعون هذا الشئ أو مين؟؟؟؟؟؟؟
.................................................. ..................................................
المهم...
:... آآآآي ماتشوف
طلال:آسف ما كان قصدي ما نتبهبت
ما كنت أعرف أنه طلال رفعت راسي اللي كانت أيدي عليه من الضربة وقلت:..طلال
طلال: أيوه من أجل
:.. هاه لا بس حسبتك أأأأأأ مادري واحد ثاني بس ماهو أنت
أبتسم طلال وقال:ليه ما تتوقعيني
أنا كنت محتارة أبعد عنه لأني كنت لاصقه بصدره أو أبعد عيوني اللي ما قدرت تقاوم عيونه الخضر أو أتغطى يا ربي تمنيت الأرض تنشق وتبلعني ولا أنحط بالموقف هذا؟؟؟؟...
رجعت على وراء بسرعة وحطيت اللثام على السريع لفيت على وراء كنت راح أروح بس شفت شئ يا ليتني ماشفتة؟؟؟
وشو هالشيء اللي ما تمنيت يصير؟؟؟؟
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’







ابي ردودكم عشان انزل الأجزاء الثانيه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-11-2010, 03:33 PM
صورة cLLasSic الرمزية
cLLasSic cLLasSic غير متصل
©؛°¨غرامي مشارك¨°؛©
 
الافتراضي رد: طوقتني بحبك من كل الجهاتــــــــــــــــــــــــــــــ بقلم الفرعونهــ..............


خطيرة
كملي بليز
بانتظارك
موفقة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-11-2010, 04:44 PM
صورة 7safa 8lby a5l9lk الرمزية
7safa 8lby a5l9lk 7safa 8lby a5l9lk غير متصل
©؛°¨غرامي فعال ¨°؛©
 
الافتراضي رد: طوقتني بحبك من كل الجهاتــــــــــــــــــــــــــــــ بقلم الفرعونهــ..............


بصرااااحة جد ابدااع انا من متابعيك من البداية>>>> بن شب لك لما النهاااية الله يعينك ههههههههههه
تحياتي ! بنوته كول !

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-11-2010, 04:49 PM
صورة شموخي مهابة الرمزية
شموخي مهابة شموخي مهابة غير متصل
©؛°¨غرامي فعال ¨°؛©
 
الافتراضي رد: طوقتني بحبك من كل الجهاتــــــــــــــــــــــــــــــ بقلم الفرعونهــ..............


اقتباس:
المشاركة الأساسية كتبها احلى ما خلق ربي 1 مشاهدة المشاركة
خطيرة
كملي بليز
بانتظارك
موفقة
منورهــــــــــ عنونيـــــ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-11-2010, 04:51 PM
صورة شموخي مهابة الرمزية
شموخي مهابة شموخي مهابة غير متصل
©؛°¨غرامي فعال ¨°؛©
 
الافتراضي رد: طوقتني بحبك من كل الجهاتــــــــــــــــــــــــــــــ بقلم الفرعونهــ..............


اقتباس:
المشاركة الأساسية كتبها ! بنوته كول ! مشاهدة المشاركة
بصرااااحة جد ابدااع انا من متابعيك من البداية>>>> بن شب لك لما النهاااية الله يعينك ههههههههههه
تحياتي ! بنوته كول !
تنوريـــ الحتهـــــــــ قلبيــــــــــــ

ما ننحرمشـــــــــــــــــــــــــــــــــــــــــــ


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-11-2010, 04:55 PM
صورة 7safa 8lby a5l9lk الرمزية
7safa 8lby a5l9lk 7safa 8lby a5l9lk غير متصل
©؛°¨غرامي فعال ¨°؛©
 
الافتراضي رد: طوقتني بحبك من كل الجهاتــــــــــــــــــــــــــــــ بقلم الفرعونهــ..............


بليييييز متى البارت الجااي ؟؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-11-2010, 04:57 PM
صورة شموخي مهابة الرمزية
شموخي مهابة شموخي مهابة غير متصل
©؛°¨غرامي فعال ¨°؛©
 
الافتراضي رد: طوقتني بحبك من كل الجهاتــــــــــــــــــــــــــــــ بقلم الفرعونهــ..............


لخاطر كل من ردوا وشافو روايتي’’
(الفصل الثاني)
الجزء الأول

نزلنا وأول ما دخلت البيت أعتذرت منهم وقلت لخالتي أني راح أروح أنام لأني كنت تعبانه حييل والساعة كانت 3 بالليل...

دخلت غرفتي ورحت على طول طبيت على طرف السرير وحطيت الوردة قريب مني وطلعت دفتر أشعاري من الطاولة اللي جنب السرير فتحت أول صفحة كان فيها أول قصيدة كتبتها وأنا بثاني متوسط اللي هي..
الوداع يـوم ما بقى غير اسبــوع

الــوداع يـا أعز وأغلى النــاس
بودعك ودمعي من غلاك يـموع

والله ماني بناسيك ياملكة الإحساس
لك المحبه والغلا والسمع والطوع

أحبــك ويشهد علي طير قرنــاس
صدقيني لو يمر أسبوع وراه أسبوع

ماني بناسيك لو تنساني النـاس

هذي قصتها أن لي صديقه أسمها وجدان وراح تنقل من المدرسة اللي كنت فيها فجتني الشاعرية وألفت بها هالمقطع والقصيده كتبتها باللهجة أني ولد صح أنها بسيطة بس لما كنت بثاني كنت توني مكتشفه أني أكتب شعر فهذي القصيدة مو ذاك الزود..
أماااااااااانة عطوني رايكم فيها؛؛
أنتظركم
المهم..
بعدها الصفحة الثانية كتبتها في حفل الأمهات وأنا بثالث متوسط كانوا كل البنات معاهم أمهاتهم إلا أنا وحيدة كانت باللغة الفصحى (خاطرة) كانت عنوانها ذكريات الطفولة وهي:..
هناك أناس طفولتهم حديقة....ممتلئة بأشياء يانعة
وهناك أناس طفولتهم حديقة....ممتلئة بأزهار الفاوانيا الأرجوانية
ولكن حديقتي طفولتي ذابلة طوال السنة....فلا شيء ينمو فيها
وهناك أناس طفولتهم كقوس قزح... بحر متقد من الألوان يمتزج الأحمر والبنفسجي في صف واحد
ولكن طفولتي رمادية اللون... قوس منم الوحل بدون شعاع
وهناك أناس طفولتهم هيكل...مغطى بمليون من الأحلام الحميمة
وطفولتي أنا بسيطة...تجثم في المطر هادئة الحضور
وحيثما تزخر الطفولة بالذكريات الجميلة فالحياة تتدفق بإشراق حولنا
وحيثما تتلاشى ذكريات الطفولة فالقلوب تصبح ميتة...
كنت أبكي وأنا أقراها ما انتبهت لنفسي إلا وأنا في سابع نومه...
- - - - - - - - - - - - - - - - - - -

ما أدري أنا بحلم ولا بعلم حسيت أحد يشيلني بعد ثواني نزلني وغطاني بالفراش كنت أقاوم أبغى أقوم بس التعب كان مغطي كنت بس أحس مسح راسي بيده وبعدين باسني مع راسي أنا بكذا تخدرت كلي ونمت بتاسع نومه ههههه

الساعة 10 صباح يوم الخميس

قمت من النوم وأنا متخدرة جسديا ألتفت حولي كنت على السرير من جابني أذكر كنت على الطرف تذكرت اللي شالني وغطاني كنت أسترجع ذاكرتي أبغى أعرف مين بس ما قدرت أتذكر شيء معقول يكون عمي؟ يجوز!! ألحين أنزل وأسأله أخذت لي شور على السريع لبست بجاما وفليت شعري وأكلت علاجي وغيرت شاش رأسي ولبست شرشف الصلاة إحتمال يكون طلال أو خالد موجودين...
طلعت من الغرفة ومريت غرفة فارس طقيت الباب ماحد رد علي قررت أدخل لما دخلت مافي أحد طلعت براء غرفة فارس هذا الولد مستحيييييل يجلس في البيت وإن جلس يكون نايم
.........
نزلت تحت تحديدا لصالة الطعام كنت أشوف من بعيد كان موجود عمي عبد الرحمن وخالتي منيرة وطلال فقط ,,أنا قلت في بالي فرصة أخليهم ينسون اللي صار أمس با لثمامة عدلت الشرشف وتغطيت دخلت الغرفة أول مادخلت الكل سكت وأرتبك كنت أشوف طلال يناظرني بنظرات غريبة بحياتي ما شفته يناظرني كذا نظرات تساؤل عدم تصديق أنا حسيت أن فيه شيء صاير ومخبينه عني المهم..
قلت:... السلام عليكم جميع صباح الخير
عمي:... وعليكم السلام صبحك الله بالنور يا نور عيني تعالي أفطري الفطور جاهز لك
هنا حسيت أن حدسي صحيح مافي أحد رد السلام إلا عمي أكيد أكيد فيه شيء طلال قام من الطاولة وقال:... أنا طالع عندي شغل تبغون شيء
خالتي:.. سلامتك
طلع طلال من الباب بعد مامر من جنبي وأنا إلا الآن مو فاهمه نظراته لي النظرات الغريبة هذي!!
خالتي:.. تعالي دانه ليه واقفة عند الباب
تمالكت نفسي وقلت:... ها لا مافي شيء
جيت بست راسي عمي وخالتي لما بست راس خالتي حسيت من كلامها شيء غريب :... هلا والله وغلا بميمتي نظر عيني أنتي بنتي اللي ما جبتك
:....تسلمين خالتي
خالتي:... لا تسميني خالتي سميني ماما
ابتسمت وأنا على راسي أكبر علامة استفهام قلت:... شكرا يا ماما
(وش رايكم فيني حاسه نفسي طفلة)
خالتي:...كلي يمه بالعافية
:".. إن شاء الله
عمي:... يلا أنا أستأذن
:... وين رايح عمي اليوم خميس خلني أشبع منك شوي
ابتسم وقال:.. يابعد قلبي والله يا بنيتي الله لا يحرمني منك ويطول الله بعمري عشان أشوفك تتزوجين وتجبين لي أحفادي
:.... أوهوووووه تونا على الزواج يا عمي
خالتي:... لا مو تونا ولا شيء إذا ما تزوجتي هالحين متى أجل
:... خالتي عمي وش فيكم اليوم علي زوجوا طلال وخالد بعدين أنا
عمي بإختصار:... إذا جئ المقسوم ما يرده أحد يلا السلام عليكم
أنا وخالتي:... مع السلامة
ضربت على جبيني وقلت:... أوووووووه ما قلت لعمي
خالتي:... إيش تقولين له
:.... أمس من دخل علي غرفتي وغطاني
خالتي:... ما أدري يمكن عمك ما أدري
:... يمكن
خالتي:... كملي فطورك أنا بروح أكلم أم علي
خالتي راحت تكلم وأنا جلست أكمل فطوري اللي الساعة 10 الصباح ههههه لما خلصت من الفطور ناديت على ياتي عشان تنظف الطاولة وتأخذ الأكل وأنا رحت على الاب توب وفتحت على الماسنجر اللي لي أسبوعين ما أدري عنه يوه تعالوا خذوا من الرسايل شوي من أحلام وثناء وأروى و رنيم و مرام ومن كثير لأنهم مو معاي بالرياض وحتى مو معاي بالقسم ولا بالشعبة وقليل نشوف بعض بالجامعة غير حصة معي بالقسم والقاعة أما أحلام لغات فرنسي يعني أشوفها بالأستراحة الجامعة بس ورنيم ومرام بقسم إدارة أعامل قليل أشوفهم وثناء مو من الرياض من القصيم وأصغر مني بسنه بثالث ثانوي تعرفت عليها عن طريق النت وعرفتها ع البنات ودايم تجي لرياض نشوفها وصارت من ضمن الشلة وأروى من الدمام بس مو مره معها مثل ثناء هذي البنت غير رغم أنها أصغر مني لكن ما أحس أنها أصغر مني أبدا...
*دانه وينك فيك شيء حتى الجوال مقفل.. الموهييييم شوفي مجلة فواصل فيها إعلان عن ناصر الحبيب الأول والأخير هههههه
أنتظر ردك إذا شفتيها...

*دنو ما وحشناك مشتاقين لك موووووووووووت إذا دخلتي المسن خبريني أنا والبنات والله مشتاااااااااااقة لك مووت...

دانه وين الدنيا فيك مشتاقة لك عندي لك خبر عن ناصر الفراعنة خطير.................
وكثير كثير من الرسايل وكل ما أقرا تجن جنوني البنات إذا بغوني أدخل أرسلوا أخبار عن ناصر الفراعنة المهم...
أتصلت على محمد السواق الهندي يجيبلي المجلة اللي قالت عنها أحلام فواصل..
رجعت للمسن اللي كانت موجودة رنيم ومرام دخلت عليهم...

كان نكي تميمية بس فرعونية والتوبيك تعال وأدخل القلب وشوف مقدار حبي لك والتوقيع طبعا ما يبي له كلام ناصر الفراعنة....
(على فكرة تميمية لأن أصلي من قبيلة بني تميم وأحب الناس ينادوني دانه التميمي وفرعونية لأني أحب الفرعون ناصر)
و رنيم نكها أغبى ذكية والتوقيع صورة مصري أو بالأحرى صعيدي شعرة قرعة يعني صفر وله شوارب طوال مثل الصرصور هههههه والتوبيك نكته.......
ومرام الرومانسية أحبه ولكن بعيد عني والتوقيع صورة ولد بحظنه بنت طبعا من تصميمها والتوبيك بيت شعر...
المهم دخلت....
تميمية بس فرعونية...
مرحبا تراحيب المطر طقوا تحيه لتميمية خشمك رنيم خشمك مرام
أغبى ذكية....
ياهلا ومسهلا أنتي حيه ولاميته ولا ذكيه
تميمية بس فرعونية....
لا غبيية يا ذكية ههههههههههههههه
أحبه ولكن بعيد عني...
حبيبتي دنو وينك وحشتيني كثير مشتاقتلك
تميمية بس فرعونية...
تشتاقلك العافية بعد عمري حتى أنا مشتاقة لكم بس تعرفين الظروف
أغبى ذكية....
أقول ما عليك منها والله إني ماله منها 24 ساعة داخله مافي إلا هي الحمد لله أنك دخلتي والله لك وحشة أول مرة أشتاقلك كذا
تميمية بس فرعونية...
أولا:وين البنات ليه ما يدخلون
ثانيا: جرحتي مشاعري أول مره تشتاقين لي ليه كذا
أحبه ولكن بعيد عني...
ليه وش عندك أشغال تشغلك عنا صديقاتك
أغبى ذكية....
بعد أحمدي ربك أني أشتقتلك
قطعني صوت ياتي جابت المجلة تدرون أني بغيت أنصرع والله ياعليه شكل ياخذ العقل ما شاء الله أول ماشفتها طار عقلي:..... وااااااااااااااو بعد عمري يهبل
بالغلاف كان مكتوب....

كل شيء عن شاعر((ناقتي يا ناقتي)) المهندس النقيب المظلي ناصر الفراعنة..
ولادته.. ودراسته.. ونبوغه..

ألحقوا علي مهندس ونقيب ومظلي مره وحده ويل ويلي شيب عيني طر جيبي ويل حالي صدق..........................

المهم..
صرت أفتح الصفحات مثل المجنونة أدور عليه بعد عناء طويل شفته آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآه يا قلبي صفحة70
كاان مكتووب؛؛

في برنامج ((شاعر المليون))..
((فرعون الشعر)) يخطف الأضواء... وينفي استعانته بالجان.
كتبه يوسف الكهفي...
ما يصدق هذا الكاتب قعدت أدعيله ولأهله وربعه كلهم...
إنه الشاعر ناصر بن محمد بن فارس الفراعنة السبيعي المولود في ((رنيه)) في العام 1397
يالبا قلب السبعان كلهم ناصر منهم أول شيء قولوا مشاء الله على عمره ما تصدقون إني قعدت أحسب كم عمرة كم تتوقعون اللي ما يدري لا تنسون تكتبون...
المهم...
طلع 32سنه (قلت في بالي):..يا ويلي صغير آه ويلموني فيه صغير 32 يعني كم بيني وبينه 12 سنه أووف كثير من زود حبي له تمنيت أن عمري 26عشان أكون قريبه من عمره

اعتذرت من البنات لأني مشغولة وأبي أطلع طبعا عارضوا لكن ما لقيت لهم بال هههه أنا إذا شفت ناصر أنسى الناس كلها ..
صرت أدور في البيت أدور فارس عشان يشوف المجلة لأنه يحب ناصر(على فكرة كل اللي بالبيت يحبون ناصر مو بس أنا وهو)بعد وقت طويل دام 10 دقائق
شفته الحبيب يلعب كوره مع ولد الجيران بملعب البيت أول ما شفته:.. فااااااااااااااارس تعال بسرعة عندي لك خبر بمليون ريال
فارس:... أقول ما أبي منك أخبار أدخلي داخل أشوف ما تشوفين الولد قدامك
حبيت أعاند فارس:... إلا شفته تعال يا ولد
الولد جاء وشكله مؤدب ومزيون مديت أيدي له وهو صافحني قلت:أخبارك
الولد وهو منزل عيونه:...الحمد لله
:... إيش أسمك أنا دانه
الولد:.. وأنا خليفة
:...تشرفنا
خليفة:.. الشرف لي
فارس:..هييييييه أنت وياه أشوف صارت صداقة بينكم
:... وش عليك
فارس:...أقول دانه شكلك نسيتي ليه جايه
:... إيه والله (طلعت المجلة من وراء ظهري كنت راح أخليها مفاجأه)شف وش جبتلك
فارس:... الله نصووووووووووووووووري(أخذ فارس المجلة وصار يفتحها بسرعة)
خليفة:.. أنت تحبينه
:... أكيد أحبه هذا كل الناس تحبه أنت تعرفه
خليفة:..فيه أحد ما يعرف ناصر الفراعنة أصلا هو حبيب الناس
:... بعدي والله ياخليف
خليفة:...هههههههههه بعد لو تدرين عندي أخبار عنه
مسكته مع أكتافه وصرت أهزه وقلت:... قل تكفى وش هي< قلت لكم شيء عن ناصر ما أعرف أمي من أبوي من كثر الرجه هههههه<
خليفة:... هو يشتغل مع أخوي بالقصيم بالمعهد اللي جنب المطار معهد الطيران للقوات المسلحة
:... يا حبيلهم أهل القصيم كلهم من أولهم لآخرهم أصلا أمي أصلها من القصيم
خليفة:... أجل خلي نروح حنا وياكم الصيف هذا للقصيم على الطيارة عشان نقابله
:... فكره خطييييييييييييييييييييييره
أنا وخليفة:... هههههههههههههههه
فارس:.... شفتي يشتغل بالقصيم مكتوب
:..ما جبت شئ جديد
خليفة:... هــههـهـههـهـههه كسحه
فارس:.. ها ها وش أنكسح عليه مالت عليك أنت وياها أقول أنقلع لبيتكم أزين لك بس <بدت الغيرة تشتغل<
:... لا والله تطرد الضيف صدق أنك قليل خاتمه
فارس يوجه كلامه لي:... أنت وش دخلك أحين
حبيت أقهره وقلت:... دخلن الباب ودعسك الدباب
فارس طلعت من أذانه دخان من كثر العصبيه قال:.. شاحنة إن شاء الله تدعسك أنتٍ وياه
أنا وخليفة:... ههههههههههههههههههههههههههههههههههههههههههههه هههههههههههههههههههه ياحرم خليناه يعصب هههههههههه هاهو هاهاهاهاهاهاهاهاهاهاهاهاه ههههههههه ياهو
(لا تستغربون من الضحكة هذي ضحكتي إذا عصبت أحد وخاصة فارس ههه)
مديت أيدي لخليفة وقلت::.أيدك يا خليف دقها
كنا راح نضرب بيدين بعض بس سبقنا فارس وضرب بيدينا بقوه وهو يقول:.. كسر يكسر ها ليدين أمشي أنت قدامي داخل وأنت رح لبيتكم أنقلع ولا عاد تجي مره ثانيه هنا
أنا غمزت لخليفة يعني أرفع ضغطه شوي قال خليفة:... أنا بستأذن صاحبة البيت دانه مو أنت
فارس صار يلحق خليفة وهو يسبه ويهوشه ويضربه.... يا ضعيف يا خليفة طحت بيد فارس وش بيطلعك منه ههههههههههههه
(الله يعين زوجة فارس غيوووووووووور 100%)
المهم:..
دخلت البيت وأنا معي المجلة فكرت أنام لأن راسي يعورني هذي عادتي إذا كنت فرحانة مره يزيد علي رحت عطيت خبر لخالتي........
:... خالتي ترا بروح أنام
خالتي بشهقه:.. قبل شوي قايمة وين تنامين
:... لا والله من الساعة عشر وأنا قايمة ألحين الساعة 12 بصلي وأنام
خالتي باستسلام:.. على راحتك حبيبتي
:... يالا مع السلامة
خالتي:..بحفظ الرحمن

رحت لغرفتي كانت مثل الثلج لأني نسيت أقفل المكيف قبل لا أطلع..
كانت روعة الغرفة ظلام والبراد يا ربي يا الوناسة توضيت وصليت وقريت قرآن على السريع لأني ما تحملت الوجع اللي جاني من راسي..
نمت وكأن لي سنة ما نمت أحلى نومه ولا أروع منها مع البراد ياااي على كيف كيفك....


كنت أقاوم النوم عجزت كان النوم يغلب علي كل مابجي أقوم أرجع أنام آخر شيء قاومت وقمت يا ربي حسيت راسي ثقيل مره فتحت نوره الأبجورة اللي حنبي أو اللي جنب السرير شفت الساعة توقعوا كم كانت الساعة!!!!!!!!!!؟؟؟؟؟؟؟؟؟؟



الساعة( 8المغرب )
أوف لي 8ساعت نايمة ولا حد صحاني والصلاة فاتتني قمت بسرعة البرق وتوضيت وصليت العصر والمغرب بعدين أخذت لي شور بارد (cold) حسيت راسي خف شوي والحقيقة حسيت بانتعاش طلعت من الحمام بعد ما رتحت لبست بنطلون جينز وبلاوز تفاحي فليت شعري حطيت مكياج خفيف احتياط يمكن يكون فيه أحد بالبيت ضيوف حطيت الشرشف على راسي وطلعت من الغرفة أول ما فتحت الباب أبي أطلع صدمت بخالتي اللي كانت تبغى تفتح باب غرفتي ..
:... بسسم الله الرحمن الرحيم من وين طلعتي خالتي
خالتي:..من القبر من وين يعني أني حيه ولا ميته
:... لا حيةٌٌٌُ أرزق
خالتي:..دامك حيه ليه نصحيك من العصر ما حد يرد علينا توقعناك متي جبنا الإسعاف
قلت بضحكة:... الله كل ذا عشاني نمت 8 ساعات
خالتي بعصبيه:... أنواع البرود بنات ها لوقت لا صلاه ولا عباده ماعندكن إلا النوم وثمان ساعات قليلة
قلت أهديها:... يا خالتي الله يهديك النوم عبادة بعدين أنا كنت تعبانة عشان كذا نمت كل هالوقت
خالتي:... أيوه كذبي علي ما بك إلا العافية
:... هههههههه ياحبيلك
خالتي:.. أمشي بس ننزل
:... يالا يا أحلى خالو بالدنيا (وبستها مع خدها)
خالتي ألتفتت علي وهي مبتسمه وقالت:.. آآآه بس منك محد يقدر عليك إلا اللي خلقك
رديت لها الأبتسامة و نزلنا بالصالة خالتي قالت أنها راح تروح لدانوب تجيب أغراض محتاجينها في البيت كنت بقول لها بروح معاكي أغير جو بس ما أدري حسيت أني مو متحمسة فا أسكتت..
أصلا خالتي إذا صحيت تكون طالعة وإذا نمت تكون موجودة راحت وأنا صرت لوحدي بالبيت قلبت التلفزيون ومريت لي على مسلسل كوري بقناة دبي شفته بملل لأن مافي غيره إلا على طاري المسلسلات الكورية واليبانية أشوف البنات هالأيام يتكلمون عنها وش السالفة وعععع أنا ما أحب أشوفهم أحس أنهم جيل آخر مع العيون الصغار والخشم الأفنس هههه لا تزعلون ياللي تحبون الكوريين بس والله صدق ما أدري وش فيهم بالعكس أنا عندي الأفلام الأمريكية خاصة الرعب واااو مره أكشن وأفضل من اليبان صراحة عندي ولا الأفلام الهندية آآآآآآه يا حلوهم الهنود جمال ورمانسية صراحة يفتحون النفس؛؛
بعد ما أنتهى المسلسل الكوري الممل والله العظيم قلت بصوت مرتفع أكلم نفسي:...ياربي أنواع الطفش النت وماله منه والجوال مالي خلقه والتلفزيون ما في شيء حلو وش أسوي أوف بس
وصرت أفكر أيش أسوي للحظة أنتبهت ومرت من قدامي ياتي معها صنية وفيه دله قهوة وفناجيل طالعة براء غريبة من في بالبيت غيري أنا والدجاجة ياتي رحت صوبها بسرعة..............

وأنا أناديها:.... ياتي ياتي
ياتي:.. ســـــــــــــــــــــــــــــام
:..... لمين هذا قهوة
ياتي:.... لبابا طلال
:... طلال هنا
ياتي:..أيوه
:... طيب من عنده
ياتي بملل:... صديق هو أسمه ناصر
أنا جنت جنوني ناصر موجود بالبيت يا ويلي وش أسوي شايفته شايفته غصب عن اللي ما يرضى قلت لياتي:... جيب أنا ودي قهوة
(لا تضحكون الحمد لله أنا شفيت ونسيت اللي صار لي أمس أنا سبق وأن قلت لك أني نساية حتى الآلم أحاول أنساها أو بالأصح أتناساها)
ياتي بفرحة:.. أهسن
:..لحظة لا تروحي
رحت ألبس الشرشف عشان برد براء لأن الجاكيت بغرفتي وعجزه أجيبه ولو قلت لدجاجة اللي قدامي بتنفخ علي هي ووجهها اللي مثل وجة تيس هههههههههههههه أستغفر الله أستخفيت أنا وقمت أسب على الناس<<
ياتي:... بسرعة مدام أنا في شقول كتير أنا ألحين يجي مدام وأنا مافي خلاس بعدين هذا سوي قرقر كثيير سوى أنا << ما أعرف أترجم أندنوسي ترجمت لكم هندي ههههههه أنا محششة اليوم وأنا أكتب لكم البنات بالمدرسة يقولون شاربة شيء أنتي قلت شاربة حليب خخخخخخ<
الموهيييم,,
طنشتها ولبست الشرشف...
أخذت القهوة منها وهي وراحت على طوول أنا جتني حالة التردد..
أروح أوديها ولا لا؟؟ أروح ولا لا؟؟ وكذا جلست أسأل نفسي..
بالأخير قررت أحطها عند الباب وأطقه وأروح هذا كان تخطيطي ما دريت أني راح أنصدم وبيتغير كل المخطط!!!!!!!!!!!

شنو توقعون راح يصير لي عند طلال و ناصر خل نشوف!!!!؟؟؟؟
..................................................


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-11-2010, 07:10 PM
صورة سهومه.. الرمزية
سهومه.. سهومه.. غير متصل
وطـآحت . . آورآق آلآمآآني / يَ غصـن
 
الافتراضي رد: طوقتني بحبك من كل الجهات / الكاتبة : الفرعونه


يسسلمو ع البارت

ننتظرك على احر من الجمر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-11-2010, 02:38 AM
هوب هوب أنا جيت هوب هوب أنا جيت غير متصل
عضو موقوف من الإداره
 
الافتراضي رد: طوقتني بحبك من كل الجهات / الكاتبة : الفرعونه


بارت حلو


يسلمو قلبو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-11-2010, 10:52 AM
صورة شموخي مهابة الرمزية
شموخي مهابة شموخي مهابة غير متصل
©؛°¨غرامي فعال ¨°؛©
 
الافتراضي رد: طوقتني بحبك من كل الجهات / الكاتبة : الفرعونه


اقتباس:
المشاركة الأساسية كتبها سهومه.. مشاهدة المشاركة
يسسلمو ع البارت

ننتظرك على احر من الجمر
سهومهـــ قلبو اللهــ يسلمتســــ
تسعدنيـــــ متابعتكــــــــــ


طوقتني بحبك من كل الجهات / الكاتبة : الفرعونه

الوسوم
رواية رومانسية في قمة الروعه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
عندما نتحدى الأيام ... ريجيم / الكاتبة : سهر الليالي ، كاملة سموة المعالي روايات كامله - يتم نقل الرواية هنا بعد اكتمالها 92 22-04-2017 04:10 PM
الجهات الأمنية تفكك شبكة دعارة تتزعمها مقيمة عربية بحارة المظلوم وسط جدة lovecaptive أخبار عامة - جرائم - اثارة 23 16-07-2010 10:52 PM
الجهات الأمنية تقبض على الخادمة الآسيوية التي قتلت كفيلها السبعيني بمنطقة الحويه ملك الاحسااااس أخبار عامة - جرائم - اثارة 20 20-05-2010 05:32 PM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM
مواطن سلم نفسه بشبهات تكفيرية و 3 أبلغوا عن سفر أبنائهم فأعادتهم الجهات المختصة ! عبدالكريم ! أخبار عامة - جرائم - اثارة 18 20-08-2008 11:33 AM

الساعة الآن +3: 10:21 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1