GoldRose ©؛°¨غرامي جديد¨°؛©

حسافه الروايه كانت روووووووعه
:(

Lover without a heart ©؛°¨غرامي مشارك¨°؛©

ادري اني طولت عليكم كثير .. وادري انكم مليتوا من الانتظار .. بس انا قررت ارجع اكتب باقي الروايه ..
وراح نزلها باسرع مااقدر
اخليكم مع التكمله

Lover without a heart ©؛°¨غرامي مشارك¨°؛©

_-_-_-_-_-_-_-_-_-_-_-_-_-_-_-_




في بيت بو معاذ ..



أم معاذ بفرح : على البركه ..
رغد : الله يبارك فيك ..
ليلى : أخيراً بتصيرين أم ..
وجات وحضنت رغد ..
ليلى : أي الحين يا معيذ انت مبسوط .. ما في قدك .. بيجيك ولد .. معاذ .. ياهووو .. ترى انا اكلمك .. رغد .. شفيه اخوي .. يكون طار عقله من الفرحه .. !!
رغد : من اول ما قلت له وهو على هذا الحال .. انا توقعته بيستانس بيضحك بيصارخ بينفز .. بدل كل هذا كل دقيقه سرحان ..
ليلى وهي تحرك يدها قدام وجه معاذ : معاذ فيك شي .. معاااااذ ..
معاذ : هاااا .. تكلميني ..
أم معاذ : شفيك ..؟ ساعه اختك تناديك وتكلمك ولا ولا كانك تشوف ..
معاذ : ....
الا يدخل عليهم بو معاذ
بو معاذ : شفيكم .. ليش تصارخ ليلى .. ؟
ليلى : اكلم ولدك الي مو معطيني وجه ..
بو معاذ : معاذ .. ليه شفيه ..؟
أم معاذ : بارك لهم .. رغد حامل ..
بو معاذ بفرح : مبروك .. مبروك ..
معاذ : الله يبارك فيك .. يلا عن اذنكم ...
بو معاذ : على وين ...؟
معاذ : عندي شغل مهم ..
بو معاذ : شنو هذا الشغل المهم الي مايتأجل ...؟
معاذ ماارد على ابوه وطلع من البيت بسرعه ماايقدر ... مااايبغي يجلس اكثر من كذا حاس انه مخنوق ... مو قادر يتنفس ... يبغي يروح أي مكان الا البيت ...
وفي الوقت الي طلع معاذ من البيت مهموم ... دخل جواد للبيت وهو مهموم .. ولا حتى انتبه ان ابوه ناده راح على طول صعد لغرفته ...
بو معاذ : شفيهم عيالك اليوم مافي واحد راد علي .. واحد تطلع ولا كاني اسمعني وانا اقوله لا تطلع والثاني دخل ولا سلم ولا رد على لما ناديته ...
أم معاذ : وانا شدراني عنهم .. المهم لا تخليهم يخربون فرحتنا ... والله من زمان ماافرحنا ...


اول مادخل جواد الغرفه انسحد على السرير وشرد فكره للي صار اليوم ... شنو راح يسوي ... شنو صار له علشان يقول بتزوج .. ومين صديقه .. الي يعتبره اكثر من اخو .. يتزوجه على زوجته الي يموت فيها .. والي ممكن تموت لو عرفة في الموضوع ..
رهف : بتضل زعلان مني الي متى ..؟
جواد : هااا ..!!
رهف : يعني ماتبغي تقول لي شنو الي مضايقك اليوم ...
جواد : مافيني شي ..
رهف : تكذب علي .. انا اعرفك من عيونك في شي شاغلك .. قولي شفيك ..
جواد : لاتخافين مافيني شي .. انتي بس ارتاحي ..
رهف : كيف تبغيني ارتاح وقلبي وروحي وحياتي متضايق ومهموم ..
جواد مسك راسه : وكيف ماتبغيني اتضايق وانا ممكن اخسر اغلى شي عندي .. كيف مااتضايق وانا اشوفك تسوين في نفسك كذا .. انتي كل يوم يمر تذبلين اكثر من اليوم الي قبله ..
رهف حطت اصبعها على فمهم : الي الحين وانت تكذاب .. مو هذا الشي الي مضايقك ..
جواد برتباك : يعني شنو الي راح يضيق خلقي اكثر من اني اشوف حبي يموت قدامي ..
رهف : جواد انت مااتعرف تكذب .. ولا مره كذبت على علشان كذا لاتبدأ تكذب الحين .. قول ماتبغي تقولي بس لاتكذب على ..
جواد : رهف ..
رهف : يعني ما تبغي تقول لي ..
جواد : آآآآه ... اخاف اقولك واخسرك ..
رهف : ماارح تخسرني .. قول وريح نفسك ...
شافته يقوم ويفتح الدرج ويطلع شي منه ... ويعطيه اياه ..
طالعت فيها .. كانت صوره لجواد وهو صغير مع واحد طالع في الصوره اصغر من جواد بكثير ولو مو مصورين في الشارع كان قالت هذا بنت مو ولد .. فرفعت عينها عن الصوره وطالعت فيه .. بستغراب .. مو عارفه شنو معنى هذي الصوره ..
رهف : شنو هذي ...
جواد جلس يمها وخذ الصوره من يدها وصار يطالعها : انتي معك حق انا مااعرف اكذب ولا اقدر اكذب على احد فكيف بكذب عليك .. بس ابغي منك ماتتوترين وتكونين هدئه ..
رهف : قول ووعدك اني راح اسمعك الي النهايه ...
جواد : شفتي هذا الولد الي معي في الصوره .. هذا اعز اصدقائي ... اعتبره اقرب لي حتى من معاذ .. اسراري عنده واسراره عندي .. نمت معاه وكلت معه ولعبت معاه ... الي ان قالوا لي انه مات .. دورة عن صديق غيره يحل مكانه مالقيت .. مافي احد مثله .. حسيتا ني صرت وحيد مافي احد اشتكيله او اسولف معه .. امي لاهيه وابو همه شغله .. ومعاذ مستحيل يسمعلي .. وليلى بنت مستحيل تفهمني .. بعدين شفتك وحبيتي ومليتي الفراغ الي صار فاضي بعده نستيني اياه ..
رهف : بس الحين حتى انا صرت بعيده عنك وراح تفقدني بعد كم شهر ..
جواد : بعيد الشر عنك .. ان شاء الله انا ولا انتي ..
رهف : طيب كمل ..
جواد : احم .. انا شفته اليوم ..
رهف بستغراب : شفته ..!! مو الحين تقول انه مات ..
جواد : قالوا لي ان مات .. بس طلع انه لسى حي .. بس ..
رهف : بس شنو ..؟ وليه قالولك انه مات .. يعني مايبغونك تعرفه .. ؟؟
جواد : لانه سوى عملية .. عملية تصحيح جنس ..
رهف : يعني مو ولد ..
جواد : لا طلع صديق عمري بنت في ثوب ولد ..
رهف : طيب كمل ..
جواد : شنو اكمل بعد الي قلتلك كله ..
رهف : باقي الشي الي تبغي تقوله وخايف .. او متردد .. الكلام واضح في عيونك انه يبغي يطلع قول كمل .. باقي كيف شفته او كيف شتفتها وليه ..؟
جواد : هو دق علي وقال يبغي يقابلني وقالي ............ وقال انه يبغيني اتزوجه ..
وحلت فترة صمت طويله .. فيها اوقفت رهف ... وبعدها لفت له .. وقالت له : انا موافقه ..
جواد انصدم ولا ستوعب الي قالته : موافقه على شنو ..؟
رهف : انا موافقه انك تتزوجها ..
جواد : انتي انجنيتي ..!!
رهف : لا بس انا اشوف في عيونك الا انت تحاول ترفضه .. انت تبغي تتزوجها .. لامر انا مااعرفه بس انا عارفه انك موافق ..
جواد : رهف انتي شنو تقولين .. !!
رهف : جواد خلنا نواجه الواقع امل اني اعيش ضئل جدا .. وانت قلتها انا كل يوم اذبل اكثر من اليوم الي قبله .. اليوم حتى مااقدرت ادخل دورة المياه .. بعد كم يوم مااراح اقدر اوقف .. انا خلاص حياتي قربت تنتهي .. انا حاس في هذي الشي .. وانا ابغي اموت وانا مطمئن عليك .. مثل ماانا مطمئنه على ولدي .. الكل راح يهتم فيه بس بينسونك .. الكل راح يعتقد انك قوي بس انا ادري انك من الداخل راح تكون متدمر ..
جواد : رهف لاتكمليني مااراح افقدك ..
رهف : جواد انا اوعدك اني اكون قويه .. راح احاول احافظ على دقات قلبي الي النهايه .. بس اذا اكان الموت اقوى مني ولا قدرة احافظ عليهاا ابغيك اكون على الاقل مطمئنه ..
جواد : انتي تتكلميني وكانك متاكده انك بتموتين لنفرض انك مامتي وانا تزوجت شنو راح يصير بعد كذا ..
رهف : راح تعدل بيني وبينها .. وراح اكون سعيده حييل ابها .. بما انها كسبت قلبك وخلتك ماتشوف صديق غيرها .. فانا متاكده انى قلبها ابيض مثل الثلج .. وراح احبها لانك تحبها ..
جواد نزلت دموعه : يامجنونه انا احبك انتي .. ذاك صديقي بس انتي قلبي ..
رهف : لا انا نص قلبك .. لان النص التاني ملك لها .. وجى الوقت الي تسكنها فيه ..
جواد : يامجنونه ..
رهف : تزوجها ياجواد .. تزوجها علشاني ..
جواد : مااراح اتخلى عنك ..
رهف : ولا انا ..
جواد : راح تحافظيني على نبض قلبك لنهايه ..
رهف : هذا وعد مني بس يمكن مااقدر احققه .. تزوجها ياجواد ..
جواد حط يده على قلبها : حتى لو قلت موافق .. تتوقعين اني ابوي بيوافق ..
رهف : خل الكل على انا .. انت بس وافق وانا اكلمهم لك ..
الا يسمعون ضربت الباب ..
جواد مسح دموعه : مين ..؟
ليلى : انا ..
جواد : شنو تبغين ...؟
ليلى : ابوي يبغيك ..
جواد : طيب قولي له الحين جاي ..
ليلى : طيب انا ابغي ادخل اشوي يم رهف ..
رهف : دخلي حبيبتي ..
وفتحت الباب ودخلت .. وراح جواد دورة المياه ..
ليلى : عندي لك خبر بمليون ريال ..
رهف : شنو هذا الخبر ..
ليلى : الحين مو بس انتي الحامل الوحيده في بيتنا .. صار في غيرك ..
رهف : مين ..؟
ليلى : تستعبطيني ..!! يعني مثل بتكون امي .. ولا انا مالت على الي الحين مااحد دق باب بيتنا بيخطبني .. اكيد رغد ..
رهف : والله .. الف الف مبروك الله يتمم لها على خير .. اكيد الحين هي ومعاذ طايرين من الفرح ..
ليلى : ااهي بتموت من الفرح مو بس طايره .. اما ميعيذ .. مالت عليه من اول مااقالت له الخبر وهو ساكت تقول كانها قالت له ان في احد ميت ..
رهف : يمكن من صدم من الفرحه خليه يستوعب انه بيصير ابو بتشوفين كيف بيفرح .. وبيشيها على كفوف الراحه
الا يطلع جواد من دورة المياه ...
رهف : جواد بارك لاخوك مرته حامل ..
جواد : صحيح .. وينه هو الحين ..؟
ليلى : طلع ..
جواد : يلا بروح اشوف ابوي شنو يبغي ...



.................



جنى كانت غرقه في حزنها .. الي مو عارفه تطلع منه .. ضلت طول الليل وهي سهران .. وتفكر الحين بيجيه ولد منها .. الحين بيحبها اكثر .. اما هي راح تضل طول عمره مجرد غلطه .. بس فجأه سمعت صوت الباب ينفتح عليها .. توقف قلبها من الخوف .. وهي تشوف خيال احد داخل عليها صارت الافكار السوده تتجمع في راسها .. مين هذا .. حاولت توصل للكهرب علشان تشغل للانوار بس كانت يد الشخص الثاني عليه فصرخت .. بس في احد كتم انفاسها .. وشغل النور الي عمى عيونها للحظه .. فضطرت تغمضهم .. ولما فتحتهم شافت معاذ بشكل يكسر الخاطر كان يبكي .. قلبها عتصر في مكانه من شكله ..
معاذ : راح اصير اب .. مع هذا مو قادر افرح .. ليش .. ليش عندي شعور اني ماابغيه .. قولي لي شنو صار فيني .. كيف صرت كذا ..
احضنها وصار يبكي ويردد : ماابغيه .. مااابغيه ..
جنى : استغفر ربك .. هذا ولدك ..
معاذ : مو قادر احبها كيف راح احب ولدها .. مو قادر اتقبلها .. الحين مو قادر اقرب منها .. اليوم اكتشفت اني اكرها ..
جنى : انتي مين تحب اصلا ..
معاذ بعد عنها : شنو ...؟
جنى : انت مااتحب احد اصلا الا نفسك .. والحين بدأت اشك انك بعد تحب نفسك .. انت عشت وتربيت على الكره .. يلا قولي مين تحب انت اصلا ..
معاذ صار يطالعها وطلعت كلمه عفويه من بين شفايفه : انتي ..
جنى : شنو انا بتسبني بتضربني قلتلك مااراح يفيد ..
معاذ ضمها حاولت تبعده بس مااقدرت فستسلمت وخلته .. الي ان نامت وهو في حضنها نايم ..


.................................


في الصباح ..
راحت ام معاذ علشان تكمل وتنكد عيش تجنى علشان تطفشها وتخليها تمشي من البيت ..
بس اول مافتحت الباب .........................





يتبع .....
.

البنت الذي كويسة ©؛°¨غرامي نشيط¨°؛©

....
يسلموووو على البارت

كل بعد فترة ادخل على الرواية واشيك اذا نزل بارت او لا
والحمدلله انك نزلت بارت


توقعاتي
انو ام معاذ
لما بتشوف ولدها بتنصدم وبتفكر افكار سوده
انو جنى بنت مو كويسة...وبهذا الوقت ولدها بيفهمها انها زوجته.....ي خوفي الام تطردها


ورهف وجواد
اللي واضح انه يحب صاحبه<<نسيت اسمها لما اصبحت بنت ههههه
المهم
تصرف رهف طيب وان دل (دل على طيب اصلها)
وماصارت نذله وانانية وزعلت وخاصمته...
فكرت بالامر بمنطق....




عوافي

Lover without a heart ©؛°¨غرامي مشارك¨°؛©


في الصباح ..
راحت ام معاذ علشان تكمل وتنكد عيش تجنى علشان تطفشها وتخليها تمشي من البيت ..
بس اول مافتحت الباب شافت ولدها الي مارجع طول الليل البيت .. في حضن هذي المخلوقه الي تشوفها قذره .. بسرعه شدة شعرها وسحبتها بعيد عن معاذ ..
جنى فزت من النوم مرعوبه مو فاهمه شنو يصير ..
ومعاذ مثلها .. ماستوعب الا بعد دقايق لما شاف امه يتضرب جنى .. وجنى متدري شنو تسوي تقاوم ولا تصارخ ولا تسكت .. وجسمها يرتجف من الخوف والرعب الي فيها .. فبسرعه راح ومسك يد أمه ..
أم معاذ : يا سافله .. يالقذره .. مااقدرتي على الابوا قلتي بتاخذين الولد .. ولا شكلك بعد فتحتها سبيل مااستبعد انك تكذبين على الاثنين .. متى ان شاء لله بيجي دور جواد بعد .. لما تموت مرته .. ولا شكل مااتقدرين تنتظرين ... بنت شوارع اتفوو عليك وعلى الي جابوك .. انتي الي مثلك يبغي لهم حرق في الدنيا قبل الاخره .. وخر انت بعد عني شغلك معي بعدين .. ان ماربتك عدل .. الحين مرتك امس تبشرك انها حامل تروح تنحاش وتجي عن هذي القذره .. مالت عليك .. والله من جد مااعرفت اربيك .. اقولك اتركني خلني قتلها بيديني هذي الي ماتخاف ربها ..
معاذ : يمه مااسمح لك تقولين عنها هذي الاشياء ..
أم معاذ : ومين انت علشان تسمح لي ولا ماتسمح لي .. انت دواك عندي بعدين ان مااقلت لابوك والله ليوديك ورى الشمس .. وخر عني ..
معاذ : يمه انا مااسمح لك تغلطيني علي ولا على زوجتي احنا ماسوينا شي ..
أم معاذ : أي مااسويتوا شي شايفتكم بعيوني وانتوا في حضن بعض وتقول مااسويتوا شي ..................
وسكتت تراجع الي قال لها ولدها .. هو شقال بضبط كانها سمعت كلمة زوجتي .. لالا مستحيل اكيد هي غلطانه ...
أم معاذ : انت شنو قلت ..؟
معاذ ترك امه وراح شال جنى ومسح على راسها : الي سمعتيه يمه هذي زوجتي .. وما يحق لك تمدين يدك عليها ..
أم معاذ : انت شنو قاعد تقوله شنو تخربط .. هذي الزباله كيف تصير زوجتك .. !!
وراحت تركض لداخل البيت .. واول ماشافت بو معاذ في الصاله يفطر اسرعت له ...
أم معاذ : الحق على .. الحق على ..
بومعاذ : شفيك ..؟ اشصاير ..!!
أم معاذ : ولدك .. ولدك .. شفته مع الخدامه الي انت جايبها .. شفتهم مع بعض ..
بو معاذ : الخدامه أي خدامه واي ولد ..
أم معاذ : معاذ .. معاذ .. ويقول متزوجها ..
بو معاذ رجع ياكل : اقول وطي صوتك لتسمعك رغد ..
أم معاذ : اقولك ولدك الي مايستحي نايم مع الخدامه وانت تقول لي وطي صوتك ..
بو معاذ : هذي مو خدامه .. واذا نام معاها حلاله .. زوجته حالها حال رغد .. الحين انتي لو شفتيه نايم مع رغد كان مااقلتي شي ..
أم معاذ : يعني كلامه صحيح .. هذي القذره زوجت ولدي انا .. وليه ومتى ..؟
بو معاذ : اول وطي صوتك لايسمعونك .. وجلسي واقول لك كل شي ..
أم معاذ : أي اجلس أي خرابيط .. ولدي يطلع متزوج من خدامه وتبغيني اجلس واسكت ..
بو معاذ : للمره الثانيه هذي مو خدامه .. هذي زوجته ... وجوابي على سوالك متى فمن زمااان .. انا ماادريت الا من فترى بسيطه .. دريت من جدها الله يرحمه قبل ماايتوفى .. ولدك كان يعذب البنت .. وكنت ابغي احميها منه ..
أم معاذ : وليه مااخليته يطلقها ..
بو معاذ : البنت وحيده ومالها احد .. قلت بدال باخليها تتشرط اجيبها هنا واعوضها عن الي سواه فيها ولدك ..
أم معاذ : وليه يتزوجها من الاساس ..
بو معاذ : عاد ليه هذي روح سئلي ولدك عنها .. مااقدر اجاوب عنها .. الحين سكتي لاتسع رغد .. ويصير فيها شي ..
أم معاذ : انا ماابغيها في بيتي ..
معاذ : اذا طلعت هي انا بطلع بعد ..
أم معاذ : انت تسكت ولا تتكلم يا اسود الوجه .. لك عين تتكلم بعد الي سويته ..
معاذ : سمعوني عدل اذا بطردونها انا بعد بطلع معها ..
بو معاذ : معاااااذ .. لاترفع صوتك على امك .. ومافي احد بيطلع من البيت .. أم معاذ قصري الشر وسكري على الموضوع .. لاتسوين مشكله اكبر من هذي .. اوووف الواحد صار ماايحب يجلس في البيت ابد ..
وقام وطلع .. وطلع وراه معاذ .. اول مااطلعوا أم معاذ راحت تسرع للملحق ..
اول مااشافتها جنى صارت تتراجها : تكفين لاتضربيني .. تكفين انا ماالي ذنب في كل هذا ..
أم معاذ : تقولين ماالك ذنب .. انا بربيك عدل الحين ..
وجلس تضرب فيها الي ان حست انها وقادره تتنفس .. بعدها سحبتها وودتها المطبخ .. وخلت كل الخدم يطلعون .. وجبرتها تظف كل شي ..
أم معاذ : شوفي لو اشوفك مقربه يم معاذ قتلتك .. انسى انه متزوجك .. وعن قريب راح اخليه يرجعك للزباله الي جابك منها ..
جنى طول الوقت كانت خاضعه لها بس لما سمعتها تقول انها راح تخلي معاذ يتخلى عنها شتعلة غضب ووقف في وجها ..
جنى : شوفي مستحيل راح يتركني .. انا خليته ينسى حتى الحليب الي رضعه منك هذا اذا رضعتيه .. ولدك صار لي .. حتى زوجته الثانيه مو قادره تملك .. لازمه لي انا واذا انا طلعت من هنا راح يكون معي وراح تشوفيني ..
أم معاذ عطيتها كف : اشوف طلعتي على حقيقتك ..
جنى : ضربي الي ان تعبين لانك تضربين في جسد ميت .. بس ولدك لي انا وبس ومستعده اسوي كل شي علشان اخليه لي .. حتى لو اطريت اوقف في وجه العالم كله .. مثل مااخذ مني كل شي .. انا باخذه من الكل وبخليه لي انا ..
أم معاذا : سكتي يا بنت الكلب ..
الا تدخل ليلى : يمه شفيك تصارخين من الصباح ..؟
جنى جات بتمشي ..
أم معاذ : وقفي مكانك .. وين رايحه ..؟
جنى : رايحه غرفتي ..
أم معاذ : مين سمح لك تروحين ..
جنى : انا الي سمحت لنفسي .. ومن اليوم ورايح مني شايله شي من المطبخ الا بكيفي اذا انا حبيت اشتغل اشتغلت مااحبيت براحتي .. مااحد يأمرني غير زوجي حبيبي ..
ليلى : يلي ماتسحين على وجهك .. الحين طلعتي على حقيقتك ..
وجات تضربها الا مسكت يدها جنى ..
جنى : لاترفعين يعدك انتي بعد علي ..
وتركتهم ومشت ..
ليلى : شفتي يمه قلتلك انها راح تنتظر الوقت المناسب وراح تاخذ محلك في البيت .. عن قريبا راح تطردنا .. لعبت في عقل ابو .. ماتوقعته مراهق لهذي الدرجه ..
أم معاذ جلست : مو ابوك المراهق هذا اخوك ..
ليلى : أخوي ..؟ جواد ..!!
أم معاذ : لا .. معاذ ..
ليلى : معاذ يتزوج هذي الهيلقيه .. مستحيل ...
أم معاذ : ودي اقتل اخوك الحين ..المهم لاتقولين لاحد .. مانبغي مشاكل ..
ليلى : طيب ...



يتبع ...

Lover without a heart ©؛°¨غرامي مشارك¨°؛©


في السياره كان معاذ مع ابوه ..

بو معاذ : الحين امك عرفت بالموضوع يعني السالفه تعقدت اكثر .. وان وصل الخبر لزوجتك راح تزعل وممكن تطلب الطلاق .. او يصير لها شي وهي حامل ..
معاذ : ماااعتقد انها راح تقول لها ..
بو معاذ : طيب حتى اذا مااقالت لها الحين راح تعذب جنى ..
معاذ : طيب شرايك ارجع جنى لبيت جدها ..
بو معاذ : وانت تتوقع ان بس نوديها راح تسكت امك .. لا راح تجلس على راسك الي ان تطلق جنى ..
معاذ : انا ماابغي اطلقها ..
بو معاذ : وماراح تطلقها حتى اذا تبغي .. البنت الحين امانه عندي .. ماراح اخليها بس انا الحين يديني متربطين اخاف انصفها واظلم رغد .. وحرام اظلمها علشان رغد ..



..................



بعدها مر شهر والاوضاع ماتغيرت





.............................



رهف : جواد ..
جواد : نعم ...
رهف : متى بتفاتح ابوك بالموضوع ...؟
جواد : أي موضوع ..
رهف : بعد أي موضوع .. موضوع زواجك ..
جواد : رهف انسي الموضوع ..
رهف : لامااراح انسى الموضوع لك شهر وانت كل ماافاتحك تقولين خلينا نأجرلها او مو وقتها ... ترى الوقت يداهمنا .. انا الحين في شهوري الاخيره ..
جواد : رهف لهذي الدرجه تبغيني ابعد عنك ..
رهف : انت مااراح تبعد عني .. ولا تقولي هذي الكلمتيني .. راح تروح وتخطبها واذا ماارحت انا الي بروح وخطبها لك ..
جواد : طيب الي تشوفينه ..
رهف : جواد انت زعلت ..؟
جواد : لا ليه ازعل .. كل مافي الموضوع ان زوجتي تبغي تزوجني كل رجال في العالم يحلم ان زوجته تخطب له .. خاصه اذا كان يحبها ويموت فيها .. ويعشق التراب الي تمشي عليه ..
رهف : اجل خلاص بكلم خالي اليوم ..
جواد : رهف .. هتان ماادق من ذاك اليوم يعني يمكن لقى له حل لمشكلته .. مافي داعي نقول لاحد ..
رهف : عطني جوالك ..
جواد : ليه ..؟
رهف : ابغي اكلمها ..
جواد : تكلمين منو ..؟
رهف : الي تتزوجها .. بقول لها تجهز حالها اليوم بنجي نخطبها .. اشوف عطني رقمها ..
جواد : رهف انجنيتي ..؟
رهف : جواد اذا مااعطيتني رقمها ترى بزعل .. وانت تدري ان الزعل مو زين لي .. جواد الله يخليك اذا تحبني من جد خلني اطمئن عليك .. انا اموت كل يوم الف موته وانا اشوف تناظرني كذا .. كانك تبغي تطلع صورتي على قلبك .. واكون عارفه انك ناوي تستسلم لليأس والحزن بعدي .. انا تعبت وانا اسمع الكل يقول الله يصبرك .. ابغي اروح وانا مرتاحه ..
وصارت تصيح ..
جواد : راهف تكفين لاتسوين في نفسك كذا ..
رهف : اذا انا اهمك عطني الجوال الحين ..
جواد : مسكي بس مسحي دموعك ..
رهف : وين رقمها ..؟
جواد : هذا هو ..
وطلبت الرقم ..
في الجها الثانيه .. كانت ملاك جالسه في المطبخ مع اختها ..
الجوري : اقول انتي بسك اكل ..
ملاك : اوووف اقول خليني اكل على راحتي .. اصلا مااعندي شي اسويه غير اني اكل ..
الجوري : ليه ما تقومين وتطلعين معنا ..
ملاك : تدرين اني مااحب سوالف الحريم .. كل كلامكن تافه ولا يهمني ..
الجوري : اجل شنو يهمك .. مين فاز في مبارة كوره ..
ملاك : انا مااحب الكوره ..
الجوري : اجل يهمك شنو اسرع سياره ..
ملاك : امممم .. تقريبا ..
الا يرن جوالها .. وتشوف المتصل وتشهق ...
الجوري : شفيك ..؟
ملاك : دق ..
الجوري : دق ..!! مين الي دق ...؟
ملاك : جواد ..
الجوري : حلفي .. بسرعه ردي عليه .
ملاك : مدري شنو اقول له ..
الجوري : ردي عليه ياغبيه وبعدين فكري شنو تقولين ..
وردت ..
ملاك : الوووو ..!!
رهف : السلام عليكم ..
هنا ملاك اتجمدت مكانها وهي تسمع هذا الصوت الانوثي يدق من جوال جواد ...
رهف : الوووو ... ممكن تردين ..
رهف وخرت الجوال عنها شوي ..
رهف : شنو اسمها ..؟
جواد : هتان ..
رهف : مااغيرت اسمها لما تحولت لبنت ..؟
جواد : مدري ..
ورجعت تتكلم في الجوال ..
رهف : هتان ممكن تردين ..
ورجعت توخر الجوال عنها ..
رهف : مو راضيه ترد ..
جواد : عطيني انا اكلمه ...
رهف : تفضل ... قول لها ان اليوم بتجي تخطبها ..
جواد : الووو .. هتان .. رد ..
ملاك بصوت مبحوح : هلا ..
جواد : امممم .. انا ..
ملاك بندفاع : مين هذي الي كلمتني قبل اشوي ..
جواد : هذي .. زوجتي ..
ملاك : زوجتك ..!!
جواد : انت اكثر شخص يعرف اني مااقدر اكذب .. اطريت اقول لها .. بس لا تخاف زوجتي موافقه .. وتقول لك اليوم بنجي ... اممممم ... المهم اليوم بنجي .. يلا سلام ..
وسكر ..
الجوري : هااا شنو صار ..؟
ملاك : قال لزوجته ..
الجوري : يعني فشلت الخطه ..
ملاك : لا..
الجوري : توك تقولين ان زوجته عرفة في الموضوع ..
ملاك : أي عرفة بس يبدوا انها موافقه .. وبيجون اليوم يخطبوني ..
الجوري : واهنت " وحضنتها " الف الف مبروك .. شفيك كانك مو فرحانه ..
ملاك : كيف افرح وانا احس اني خربت بيت اعز اصدقائي .. وغير كذا يمكن ابوك مايوافق اذا شاف جواد .. لانه يعرف انه صديقي ..
الجوري : من ناحية ابوي .. فلا تخافين .. ابوي هل يومين مايتذكر حتى شنو كل على الغدا اليوم .. علشان يذكر صديقك الي قبل سنين ..
ملاك : طيب شنو تقول لامي عن الي بيجون ..
الجوري : سهله .. نقول لها ان في ناس دقوا وردينا وقالوا انهم بيجون اليوم .. واذا سئلت ليه نقول لها ماندري ..




يتبع ....

Lover without a heart ©؛°¨غرامي مشارك¨°؛©


.......................

جواد : وين بتروحين الحين ..؟
رهف : بروح اقول لخالي ..
جواد : جلسي مكانك انتي مو قادره تتحركين ..
رهف : الا اقدر .. لازم اكلمه ..
جواد : انا اروح اكلمه ..
رهف : لا اذا انت كلمته مااراح يوفق ..
جواد : طيب لاتتحركين رايح اناديه ..

.....................

في الصاله ..

معاذ : يمه .. الي متى بتجلسين ماتكلميني ..
أم معاذ : الي ان تطلق بنت بليس الي متزوجها ..
معاذ : يمه طلاق ما راح اطلق ..
أم معاذ : اجل انسى اني امك .. وانا الي اقول معاذ ولدي .. ماايطلع عن شوري .. في النهايه تطلع مسوي كل هذا .. حسبي الله عليك من ولد ..
معاذ : يمه ..
أم معاذ تمثل انها تبكي : انت لو تدري بنت ابليس شنو قالت لي .. ولا شنو سوت .. مسويه نفسها الكل في الكل في هذا البيت وتقول انك خاتم في صبعها .. وانها تدريجين بتخليك تحطها في صدر البنت .. حتى رغد هل المسكينه راح تطردها ..
معاذ : متى قالت هذا الكلام .. !!
أم معاذ : كل يوم تقول لي نفس الكلام .. وانا صابره وساكته ..
معاذ وقف : قومي انا اوريك فيها .. وراح بسرعه للملحق وامه وراه ..
معاذ دخل على طول وسحب جنى من شعرها : شوفي لو اشوفك رافع صوتك على امي مره ثاني راح اقتلك فاهمهما ... لسانك هذا بقصه لك ..
جنى : آآآآآآآآآآآي .. انا شنو سويت هل مره بعد .. اترك شعري ..
وضربته .. بس لما ماترك شعرها عضت يده ..
معاذ : أأأأه .. يا بنت .....
جنى : ولا كلمه لو تلمسني مره ثانيه بصارخ واخلي امرتك تسمع ..
معاذ : تهدديني ..
جنى : أي اهددك ..
أم معاذ : مااقلت لك انها بنت ابليس .. طلقها وفكنا منها ..
جنى لفت على أم معاذ : انتي الي الحين مامليتي .. طالق مااراح يطلقني لانه يموت حتى في الهوا الي انا اتنفسه .. فلا تعبين نفسك ..
معاذ : من وين طلع لك هذا اللسان ..
جنى : انت الي طلعته لي .. انت الي خليتك اصير كذا .. انا طول حياتي كنت امشي يم الجدار مافي احد يسمع حتى نفسي .. بس بعد مااعرفتك صار لازم اعرف ادافع نفسي .. قلتلك جنى الضعيفه والمسكينه راحت .. جنى الي مااتعرف تدافع عن نفسها راحت .. تعلمت قوانينك .. القوي ياكل الضعيف .. علشان كذا مااراح اكون انا الضعيفه الي راح تكلونها ... وحين طلعوا برا من هنا ..
وسحبت معاذ وطلعته برا .. وهو مستغرب .. وفي نفسك الوقت مفتون فيها .. يحبها اذا كانت قويه ..
أم معاذ : مالت عليك ..
معاذ : طالعه تجنن اليوم ..
أم معاذ : هذا بدال مااتكسر الباب وتصكها كف تقول طالع تجنن اليوم ..
معاذ : يمه ..
أم معاذ : وخر عني بس انا كنت متوقعه اني مربيه رجال .. طلعت مربيه خرفان ..
معاذ : يمه يعني شنو تبغيني اسوي ..؟ اقتلها ..!!
أم معاذ : لا تقدر تطلقها ورميها مكان الي جبتها منه ..
معاذ : مااقدر ..



..............................



جواد : يبه .. ابغيك في موضوع ..؟
بو معاذ : شنو هذا الموضوع ..؟
جواد : اممممم .. لا رهف تبغيك في موضوع ..
بو معاذ : لاتلف ودور اذا تعرف الموضوع قوي شنو هو ..
جواد : والله انا مو عارف شنو اقول لك ..
بو معاذ : قولي بدون لف ولا دوران .. شنو تبغي مني زوجتك ..
جواد : الصراحه وبختصر .. رهف تبغي تزوجني ..
بو معاذ : شنو ..!! ليكون جنت البنت ..؟
جواد : .....
بو معاذ : ليكون انت الي قانعها في الموضوع ..؟
جواد : لا والله .. انا لي شهر وانا احاول اني اغير رايها بس مافيا مل ..
بو معاذ : لو انت ماابغي تتزوج كان قنعتها .. لاتحاول تقنعني ان زوجتك هي الي تبغي تزوج .. هذا وانا اقول جواد هو العاقل الفاهم .. الي بيريحني طلعت مثل اخوك ..
جواد : يبه ....
بو معاذ : وحطبه ان شاء الله ..زواج مافي لاتقولي زوجتي مو زوجتي ..
: خالي ..
جواد راح يسرع ومسك رهف : مو انا قلت لك لاتتحركين من سريرك ..
رهف : خالي .. انا الي ابغي جواد يتزوج ..
بو معاذ : طيب ليه ..؟
رهف : ليه الكل يعرفها ... مايحتاج نخدع نفسنا .. بس اذا كان لي معزه عندك يا خلي تروح تخطب له اليوم ..





...........................



في غرفة رغد ..

كانت جلسه وسرحانه .. من اول مابشرت معاذ انها حامل وهو تغير عليها ... صار ماايجلس معها بالمره .. ودايم تشوف كلام في عيون أم معاذ .. حاسه ان في شي جالس يصير من وراها ... كل ما قالت ان معاذ صار قريب منها .. وانه راح يفتح قلبه لها .. يزيد بعد .. كان في حاجز كبر الجبل بينهم .. كل مااصعد هذا الجبل خطوه طاحت الف خطوه .. وكل ما له مايزيد ارتفاع .. صارت مااتقدر تتحمل تجلس في البيت .. تحس انها مخنوقه .. مافي احد تسولف معه .. او كان معها ليلى ورهف .. الحين رهف مااتقدر تطلع من غرفتها .. وليلى .. ااااه من ليلى الي صارت ماتنشاف في البيت .. بس كل هذا يهون قدام الضيقه الي تجيها اذا شافت جنى .. كل ماتشوفه تحس انها ودها تقتلها .. تكرها بس مااتدري شنو السبب .. مع ان البنت مااسوت لها شي .. ولا مره غثتها حتى بنظره دام جالسه لحالها ولا تكلم احد ... وكل مااتحاول تدوس على مشاعرها وتروح تكلمها .. يشتعال نارر في قلبها اتجاها .. ولا تدري الي متى راح تقدر تستمر تعيش كذا ...




.................................



في الملحق ..

معاذ : فتحي الباب ..
جنى : مااراح افتح .. شنو تبغي مني ..؟
معاذ : بتفتحين الباب ولا اكسره ..
جنى : اذا كنت تقدر تكسره كسره .. مافي احد مااسكك ..
معاذ : استغفر الله اقولك فتحي الباب ..
جنى : ماني فاتحه شنو بتسوي ..
بس ماجاها أي رد بعد كذا .. انتظرت دقايق وراحت فتحت الباب بس مااشافته واقف ... رجعت سكرت الباب وجلس تفكر ... الي متى بتقدر تصبر وتمسك اعصابها ... هي اذا قدرت توقف في وجهه الحين ... فماراح تستمر اكثر ... هي تعترف انها ضعيف .. جدها رباها على كذا .. وماتقدر تتغير ... اول ماراح يرتمي في حضنها راح تضعف .. وتنهار .. وتستسلم له ...


................................


في الليل ... في بيت بو عزام ..


أم عزام : ما عرفتوا حتى هم مين ...؟
الجوري : لا .. بس دقوا قالوا ابوكم موجود .. قلنا لا قالوا طيب متى بيجي .. قلنا يمكن في ليل .. قلوا طيب خبره ان في ضيوف بيجونه الليله .. وسكر هذا اكل الي قالوا لنا ..
أم عزام : طيب مااعرفتوا بيجون حريم معهم ولا بس رجال ..؟
الجوري : لا .. مدري والله ..
أم عزام : ان شاء الله يكون خير ..
بو عزام : انتي متاكده انهم قالوا بيجون الليله ..؟
الجوري : أي ..
بو عزام : ليكون غلطاني في الرقم .. تأخروا ..
الا يرن الجرس ..
الجوري : اكيد جاوا ..
قام بو عزام يفتح الباب ..


على الباب كان واقف بو معاذ مع جواد ..
بو معاذ : لاتتوقع اني موافق على هذي المصخره كلها .. انا مااجيت الا لاني خفت على رهف ... المسكينه لو اني مااقالت لها اني بروح كان يمكن صار فيها شي .. انا ماادري ليه حاطه افكار سوده في راسها ... ليه مااتتفائل بالخير .. ترى كل شي بيد الله .. وان شاء الله تكون ازمه وتعدي .. وبعدها راح تتحس انها خلتك تتزوج ... طيب ابغي اعرف من وين عرفت هذيلي الناس وخذت عنوانهم وليه اصرت على هذي البنت بذات .. عايلتهم مو غريبه علي بس ناسي وين سامعها ..


الا ينفتح الباب .. ويدخلهم بو عزام المجلس ..

بو عزام : حياكم حياكم .. تفضلوا ..
بو معاذ : زاد فضلك ..
وحلت فترة صمت .. فقام بو عزام وجاب صنية الشاي والقهوه وحطها لهم ..
بوعزام حب يكسر حاجز الصمت ويجيب الموضوع من النهايه ..
بو عزام : ماتعرفنا عليكم ..؟
بو معاذ : انا بو معاذ ...... وهذا ولدي جواد ...
بو عزام : وانعم فيكم ... !!!
بو معاذ : ادري انك جالس تفكر شنو نبغي منك ...!! وليه احنا جاين عندك .. !!
بو عزام : والله ياريت ..
بو معاذ : علشان مانطولها وهي قصير هانا جاين نطلب منكم القرب .. جاين نخطب بنتك ...
بو عزام : بنتي .. بس انا بناتي الثنتين مخطوبين وزواجهم قريب ...
بو معاذ : بس انا سمعت ان عندك بنت مو متزوجه .. ولا انا غلطان ..
بو عزام : اهاااا ... انتوا تبغون بنتي ملاك ....
جواد .. كان يسمعهم وهو في عالم ثاني .. كان يطالع الباب ورى هذا الباب هناك هتان ... كيف صار شكله الحين ... تغير ولا مثل ماكان ... شلون يكون مثل مااكان اكيد تغير ... بيتعرف عليه اذا شافه ... شلون بيتعامل مع نفس اول ... لالالا .. اكيد غير .. الحين هوو ... هو ... يعني شلون بيصير زوجته ...
بو عزام : مين الي دلكم علينا ...
بو معاذ : انا سئلت اني ابغي ازوج ولد من بنت ناس محترمين وانا الناس جابوني لعندك ... وان شاء الله نلق طلبنا عندك ... وهذا ولدي قدامك تقدر تسئل عنه وتاخذ راحتك وان شاء الله نسمع الخبر الطيب ..
بو عزام : مايحتاج اسئل عنه من شكلكم انتوا ناس محترمين .. وبما انكم دقيتوا الباب مانقدر نردكم ...
بو معاذ : بس من حقك تسئل عن الولد .. وتخلي البنت تفكر فتره ..
بو عزام : لو ولدك فيه شي كان الناس الطيبه ماادلوك على بيتنا صح ولا انا غلطان ..
بو معاذ : معك حق .. بس ترى ولدي متزوج ..
بو عزام : اهاااا ...
بو معاذ : يعني فكر عدل ..
بو عزام : ماايحتاج ... ترى الشرع حلل له اربع .. فمين انا علشان اعترض على شي حلل ربي ... انا موافق .. واذا تبغون اروح الحين اشوف البنت وارد لكم خبر الحين ...
بو معاذ : على بركة الله اجل روح اسئله وخلنا نتفق على الباقي ..
وقام بو عزام ... ودخل ..
أم عزام : هااا خير ان شاء الله شنو يبغون ...
بو عزام : اجين يخطبون ..
أم عزام : يخطبون ..!! يخطبون مين ...؟
بو عزام : يعني مين بنتك الي ماتتسمى .. اخير بفتك منها ... روحي قولي لها اني وافقت على زواجها .. وان شاء الله افتك منها ..
أم عزام : حرام عليك يارجال .. على الاقل اسئلها اذا تبغيه ولالا ...
بو عزام ك روحي قولي لها الي قلت لك وبس ...
ورجع المجلس ..
بو عزام : البنت وافقت ..
بو معاذ : اجل على بركة الله ... الصراحه احنا شوي مستعجلين .. وبما انك تدري ان ولدي متزوج فماانقدر نسوي لهم زواج كبير .. فياريت يعني نسوي حفيه صغيره كذا ليلة الملكه وزوجهم بالمره ... ادري ان احنا نطلب شي كبير منها وادري انها مثل أي بنت تحلم ان يكون زواجها اكبر زواج ... بس
بو عزام : بس لاتكمل .. احنا جالسين نشتري رجال .. ماتهمنا المظاهر .. وبنتي تعرف هذا الشي ... حدد اليوم بس واخذ البنت ..
بو معاذ : يناسبكم بعد اسبوع ..؟
بو عزام : اكيد يناسبنا ...
بو معاذ : اجل خلنا نتفق على المهر ..
بو عزام : قلتلك احنا نشتري رجال ماتهمنا هذي الاشياء ...
بو معاذ : ولو هذا حق البنت .. ولازم نعطيها المهر ..
بو عزام : خلاص الي تبغونه بيصير ..
بو معاذ : خلاص انا بجيب لكم المهر بكره علشان تقدر تجهز البنت نفسها .. وموعدنا يوم الاربعاء الجاي ... يلا اجل انا استئذن الحين ..
بو عزام : وين وين ... مافي مااراح تطلع الا متعشي عندنا ..
بو معاذ : ماايحتاج تكلف على نفسك شي ..
بو عزام : وانا مصر انكم تجلسون تتعشون عندنا ...
وقام ودخل ... الا يشوف ولده عزام في وجهه ...
عزام : يبهم مين الي في المجلس ..؟
بو عزام : هذيلي جاين يخطبون اختك ...
عزام : ملاك ..؟
بو عزام : أي وانا وافقت عليهم ..
عزام : اهم يدرون انها كانت ......
بو عزام : يعني لو يدرون كان جاوا خطبوها اكيد ماايدرون ... علشان كذا ابغي استعجلهم علشان مااحد بعد يوصل لهم خبر ..
عزام : الله يهديك يعني من وين بيدرون مو احنا قتلنا هتان من زماان ..
بو عزام : أي بس اهلنا يدرون ... وماتدري ممكن احد يزل لسانه ... يلا روح ادخل سلم عليهم ...
عزام : حاضر ...





يتبع .....

البنت الذي كويسة ©؛°¨غرامي نشيط¨°؛©

....يسلموووو على البارت

اتوقع عزام..ممكن يتذكر شكل جواد صاحب هتان؟؟

ومعاذ<<<اخ منك اللحين عجبتك جنى لآنها اصبحت قوية
خلاص عساها دووم قوية...
وي ترى متى راح تنفضح عند رغد


عوافي
نحتري التكملة

rloooosh ©؛°¨غرامي مشارك¨°؛©

الرويه تجنن مرة نايس
وجنى لبى قلبها يارب دايم تكون قويه

rloooosh ©؛°¨غرامي مشارك¨°؛©

البارت وايد حلو

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1