دلع بنات1 ©؛°¨غرامي مشارك¨°؛©

مرحبــــــــــآإآإ
يعطييك ــــآلعآإآإفيية
متى ينزل ـــآلبآرت

لؤلؤه~ ©؛°¨غرامي مبدع¨°؛©

بصراحه الروايه حلوه بس ليش ماكملتها
الي بيكتب روايه يكملها ولا لايكتب من الاساس

ما انسي ©؛°¨غرامي متألق ¨°؛©

يسلموووووووووو علي البارت
كفو والله جني قوية والله
مسكينه ملك شنو هل ابو مايحس
ننتظرك يا غلا

Lover without a heart ©؛°¨غرامي مشارك¨°؛©


في غرفة ملاك ...


أم عزام : حسبي الله عليه من رجال ...
الجوري : شفيك يمه ..؟
أم عزام : ابوك .. ابوك الي بيموتني ...
الجوري : شنو سوى ...؟
أم عزام : يبغي يزوج اختكم حتى بدون ماايستشيرها ...
الجوري : والله ...
وراحت ضمة ملاك ...
الجوري : الف الف مبروك ..
أم عزام : هوووو .. ليه تباركين لها ..؟
ملاك : لاني انا موافقه ...
أم عزام : ...........
بو عزام : وينكم ...؟
أم عزام : هناااا .. تعال ..
ويدخل ..
أم عزام : طلعوا ..؟
بو عزام : لا .. روحي جهزوا العشا ...
أم عزام : يعني بيتعشون عندنا بعد ...
بو عزام : أي مااسمعتيني وانا اقولك جهزي العشا ...
أم عزام : مالت عليهم جعله مايحدر ...
ملاك همست للجوري : بسم الله عليه ان شاء الله انا ولا هو ..
الجوري : اقول سكتي لايسمعونك ...


في المجلس ..


عزام : السلام عليكم ...
بو معاذ + جواد : وعليكم السلام ...
عزام اول ماااشف جواد : انا شايفك من قبل ...؟ وجهك مألوف ...
جواد برتباك : مدري انا اول مره اشوفك ...
عزام : يمكن يخلق من الشبه اربعين ... بس تصدق ان تشبه واحد .. لالامستحيل يكون انت .. ..
ويدخل بو عزام : ربع ساعه ويجهز العشاء
بو معاذ : والله ما يحتاج تعذبون نفسكم ..
بو عزام : ولو هذا واجبنا وانتوا ضيوف عندنا ...واكرام الضيف واجب ..





في بيت بو معاذ ..


دخل معاذ البيت وشاف امه في وجهه ..
أم معاذ : حمد لله على السلامه ..
معاذ : شنو صاير بعد .. تبغين نكمل اخناق اليوم الصبح .. قولي لي علشان اطلع مره ثانيه لان يماني مستعد للخناق الحين ..
أم معاذ : متى راح تكون مستعد علشان اكون عارفه يعني ...
معاذ : لاحول ولا قوه الا بالله بروح اطلع احسن لي ...
أم معاذ : أي اطلع ... اطلع وخلني في حسرتي .. وانت متزوج زباله ... والثاني يبغي تزوج مدري من وين ...
معاذ بستغراب : ومين الي يبغي يتزوج ثانيه ....؟
أم معاذ : اخوك ... حسبي الله عليكم من عيال ... على مين طالعين مدري ...
معاذ : جواد ..!! شلون يزوج على زوجته .. انا الي اعرفه انه يعشق الاتراب الي تمشي عليه ...
أم معاذ : مو هي الي بتزوجه .. جات اليوم قالت لابوك انه يخطب له .. ابوك على طول وافق .. بس لما قلت لهم خلوني انا اخطبه وحده سنعه على ختياري ماوافقوا .. طلعت انها مدوره له على وحده .. وخلاصه ..
معاذ : أهاااا يعني انتي مو هامك ان جواد بيتزوج على زوجته .. الي هامك وحارق قلبيك انك مو انتي الي بتختارينها ... اقول يمه مع السلامه بروح اكمل طلعه ..





.....................



في بيت بو عزام ...


ملاك كانت تروح وتجي ... نحو المجلس تبغي تسمع صوته ... او تلمح شكله ... ودها تدخل عقله وتشوف شنو يفكر فيه الحين ... شنو راك تكون ردت فعله اذا شافها بشكلها الجديد ... كيف راح يتعاملون مع بعض ... هل راح يناديها ملاك .. ولا راح يضل يقول لها هتان ... هل راح يكره وضعها الجديد ...



.................

في المجلس ..

كان الكل يسولف الا جواد .. كانت في افكار تتصارع في مخه ... هل الي يسويه صح ... !! يحس بالقرف من نفسه كيف يتزوج واحد ... لالالا.. كيف يتزوج وحده كانت صديقه ... كيف راح يعيش معه .. او معها ... اصلا كيف راح يفكر فيها كزوجه .. لالالا .. هي ماراح تكون زوجه له .. هتااان هتاااان .. شنو الي صار في دنيا .. شنو الي صار لك يا هتان .. كيف شكلك الحين لسى على ما هو عليه ولا تغيرت .. كيف مانتبه من قبل على انه بنت .. من عرف هتان وهو يشوف الناس تقوله هذا مو ولد هذا بنت على شكله الانوثه طاغيه على ملامح وجه بشكل كبير .. حتى يدينه كانوا نحاف وطوال وملمسهم مرره ناعم .. صوته الهادئ والحلو .. كيف ماحس من قبل ان فيه شي غلط ... ورهف ااااه من رهف .. شنو يقول شنو يخلي فيها ... يحبها ولا يقدر يعيش من دونها ... ويدري ان داخلها يشتعل نار ... حتى لو قالت العكس ... لانها لما طلع من البيت لمح في عيونها الانكسار .. والعجز كان ودها تمنعه بس بدل هذا .. ابتسمت وسكرت له زرار ثوبه .. وعطته بوسه على خده .. وقالت له "ابتسم يا عريس" ..
بو عزام : شفيك ما تاكل ..؟
بو معاذ : جواد ..!!
بو عزام : شفيك ..؟
جواد ابتسم : ما فيني شي ..
بو عزام : شفيك ماتاكل اجل ..
جواد : هذا انا اكل يا عمي ...
بو عزام : تصدق ان شكلك مألوف احس اني شايفك في مكان ..
جواد : ههههه .. حتى انت يا عمي ..
بو عزام : من جد يخلق من الشبه اربعين .. عرفت الحين بمن تذكرني ..
جواد ارتبك : بمين ..!؟
بو عزام : بصديق ولدي المرحوم .. الله يرحمه كان عنده صديق يشبك حيل .. بس ناسي اسمه ..
بو معاذ : مو انت يا جواد كان عندك صديق وتوفى قبل كم سنه .. شنو اسمه ...!!! ليكون هو ..؟
جواد : لا لالا لا مو هو .. مااضن ...
عزام : شنو كان اسم صديقك ..؟
جواد : عادل ..
بو معاذ : مو ان اسمه غير ..
جواد : لا اسمه كان عادل ..
بو عزام : اهاا الله يرحمه ..
جواد : امين ..
بو معاذ : يلا اجل احنا لازم نستأذن ...
بو عزام : اذنكم معكم ..
بو معاذ : نشوفكم على خير اسبوع الجاي يوم الخميس ...
بو عزام : على بركة اه ق ..
وطلعوا ...




عند ملاك ..


كانت مسدحه على السرير ويمها الجوري ..
الجوري : شنو شعورك الحين بعد ماجى اميرك على حصان الابيض .. قصدي سيارته .. وخطبك ..
ملاك : همممم ... مدري واهرت ..
الجوري ضربتها : مالت عليك المفروض تقولين انا الحين طايره من الفرح .. وتقومين نتططين على السرير ..
ملاك : الصراح انا الحين خايفه ..؟ صحيح فرحانه بس خايفه ..
الجوري : خايفه من شنو ..؟
ملاك : خايفه من اكون دمرة حيات اعز اناس عندي ... تتوقعين سبب له مشاكل مع زوجته ..
الجوري : انسى زوجته الحين انتي وفكر بنفسك .. انتي عانيتي بما فيه الكفايه خلاص يكفي المفروض الحين تفرحين ولو شوي ..
ملاك لفت على اختها : بس ماابغي افرح على حساب غيري ..
الجوري : لو هو يحب زوجته جد كان مافكر يتزوجها .. وانتي قلتي له خلها سر بس هو رفض .. وجاب ابوه معه ..
ملاك : طيب ولو ماتقبلني بعد الزواج كيف راح اتعامل معه ... يعني انا مااتخيل نفسي زوجه لجواد ..
الجوري : انسى كل هذا الحين .. وفكري شنو بتلبسين يوم الخميس .. يادوبه ..




في سيارة جواد ..


بو معاذ : ليه كذبة ..؟
جواد لف على ابوه بستغراب : هاااا ..
بو معاذ : ليه كذبة وقلت ان اسم صديقك عادل ..
جواد كان بيصدم سياره من الارتباك : لان اسمه عادل ..
بو معاذ : لا تكذب ما كان اسمه عادل ... كان اسمه هتان .. انا اذكره عدل .. كان اعز صديق لك .. من ايام الطفوله ..
جواد : ممكن تعفيني من الجواب ..
بو معاذ : اكيد .. بس انا ماتعود منك انك تكذب ..



يتبع

..

البنت الذي كويسة ©؛°¨غرامي نشيط¨°؛©

يعطييك العافية

على البارت اخي عاشق بلا قلب


متحمسين للتابع

ولمكلة هتان اقصد ملاك و جواد



عوافي

Lover without a heart ©؛°¨غرامي مشارك¨°؛©

--------------


في مكان ثاني ..



1: شنو بتسوين الحين ..؟
2: مدري ..
1: انتي لازم تنزلينه ..؟ ولا راح تنفضحين ..؟
2: اصلا انا خلاص انفضحت وانتهى الموضوع ..
1: يعني بتخلينه ..؟
2: لا .. بس قبل ماانزله لازم انتقم من شخص .. حلفت اني ادمر حياته .. وجى الوقت اني ادمرها له الحين ..
1: انتي مجنونه
2: ماعندي شي اخسره خلاص .. انتهى كل شي .. حياتي انتهت ..







عند جنى ..

كانت تحس بدوخه مو طبيعيه .. كانت من الصباح ماكلت شي .. بس هذا الشي عادي عندها هي بعض الاحيان تجلس بالثلاث ايام ماتاكل ما مره جات لها دوخه كذا .. وتحس انها بتتقيء كل دقيقه ... حست انها بطيح مريضه ... حاولت تنام علشان تهدء الدوخه بس تروح فته وبجرد ماتتحرك ترجع مره ثانيه ... في النهايه قررت تروح تاكل لها شي يمكن الي تحس فيه من الجوع .. وبسرعه راحت وتسللت لمطبخ وهي تمسك ارسها وخايف انها تنهار في أي دقيقه .. وجلست تاكل ساندوش جبن .. بس بمجرد ما ستقر الاكل في بطنها .. قامت تسرع ورجعت كل شي كلته ... حست انها ان روحها بتطلع معه .. ولها فتره تحس بالالم في صدرها ...
لا شعوريا منها توجهت لغرفة معاذ .. وهي ماره من الصاله شافة الساعه كانت تشر 2: 30 بعد منتصف الليل .. يعني الحين اكيد نايم ... بس ماوقفت الا وهي عند بابا غرفته .. ضلت تطالع في الباب مدة دقيقه .. وهي متردده تضرب الباب ولالا .. للحظه كانت بترجع غرفتها بس رجعت لها الرغبه في التقيء مره ثانيه .. فمسكت فمها وضربت الباب بسرعه ...



صحت رغد من ضرب الباب ... وشغلت الابجوره وطالعت الساعه ..
رغد : معاذ .. اصحي ..
معاذ : هممممم .. شفيك .؟
رغد : شوف مين عند الباب ..
معاذ ما سمع شي : ما في احد رجعي نامي ..
رغد : الا قبل اشوي انضرب ...
معاذ : مين الي يبغينا الحين .. رجعي نامي شكلك حلمانه ..
الا ينضرب الباب مره ثانيه ..
معاذ انتبه من النوم : شنو صاير ..؟
رغد : قوم تحرك شوف مين عند الباب ..!!
وبسرعه معاذ قام وفتح الباب الا يشوف جني واقفه قدامه ..
معاذ : انتي ...!!!
رغد : معاذ مين عند الباب ..
معاذ : هااااا .. هذا ... هذا جواد ..
رغد : جواد .. !!!
معاذ : رجعي نامي انتي ... بروح معه مشوار وراجع ..
وسكر الباب ...
معاذ بهمس : شنو تسوين هنااا ..!!
جنى مسكت معاذ .. وقبل ما يقول شي رجعت الباقي الي في بطنها عليه ..
معاذ : ييييييع .. شنو ماكله انتي ..؟؟
جني : بمووت .. ودني المستشفى مو قادره اتحمل ... بمووت ...
معاذ : طيب طيب .... صبر اشوي ..
جنى : مااقدر مااقدر ..
معاذ : صبري بجيب مفتاح السياره على الاقل ..
وجلسها على الارض .. ودخل الغرفه ...
رغد : شنو يبغي جواد هل وقت ..؟ اوووووف شنو هل ريحه ..؟ معاااذ اكلم انا ..
معاذ : انا رايح مشوار ضروري وراجع ..
رغد : وين بتروح ..؟
معاذ : ماني متاخر ..
وخذ له اقرب تي شرت شافه قدامه وطلع ..
رغد كانت بتلحقه بس جاتها دوخه من الريحه وجلست مكانها ..
معاذ طلع من الغرفه ..
معاذ : جنى جنى .. يلا قومي ..
جنى : احملني مو قادره اقوم ..
معاذ : لاحول .. قومي ...
مااحب يتاخر وخاف ان رغد تطلع فحملها .. كانت مثل الريشه بين يدينه ... نحيفه وهزيله ... بسرعه نزل للملحق ..
معاذ : وين عبايتك ..؟
بس مافي رد ..
معاذ صار يهزها : جنى جنى ..
حطها على الفراش شافها غابت عن الوعي بسرعه دور عبايتها وغطاها ... وطلع ...

لؤلؤه~ ©؛°¨غرامي مبدع¨°؛©

الحمدلله نزل بارت بس
متى البارت الجاي ان شاءالله ماتطول علينا كاالعاده
عشان ماننسى الاحداث ونرجع نقراهامرا ثانيه

ما انسي ©؛°¨غرامي متألق ¨°؛©

یسلمو
جنی بتکون حامل
مبروک لملاک
کملی ننتظرک

زهرة الربيع87 ©؛°¨غرامي مشارك¨°؛©

مراااااحب

ياي كشخة نزل البارت:)

اكيد جنى حامل، انا متشوقة اعرف ردت فعل رغد لما تعرف انه معاذ متزوج عليها
وحرمته حامل بعد خخخخ

اتوقع جواد بينصدم من شكل ملاك الجديد
يمكن بالاول ما بتقبلها بس مع الوقت ان شالله مع انه احس بيكون صعب عليه


ننتظرك لا تتأخر علينا

GoldRose ©؛°¨غرامي جديد¨°؛©

واااااااااااو اخيرا نزلت بارت ولو انه قصير
اممم توقعاتي:
جنى حامل اكيد
وو ملاك و جواد شوي شوي بيتقبلها وبيحبها
ومرته الاولى بتموت :(

اممم وبس البارت قصير مافيه احداث كثيره:(
بليز لا تطول ، ننتظرك ع اخر من الجمر :)

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1