Lover without a heart ©؛°¨غرامي مشارك¨°؛©

السلام عليكم ورحمة الله وبركاته
هذي اول مشاركه لي في هذا المنتدى الرائع
وحبيت انها تكون مميزه لي
لهذا قررت اكتب لكم احدى رواياتي وكل امل انها تنال استحسانكم
طبعا ارائكم تهمني كثير لتساعدني في تحسين مستوى كتابتي
وشكرا

الحين اخليكم مع البارت الاول من روايتي ...

لمن .. أشكو حبيبي ..!

مع تحياتي


lover without a heart

Lover without a heart ©؛°¨غرامي مشارك¨°؛©

البارت الاول .^_^.






* سأبوح لكم بسر مثير ..
في قلبي حب خطير ..
اقتحم قلبي .. دون سلاح .. دون تحطيم الأسرار أو حصوت أو قلاع ..
مهدت له الطريق .. أسلمته مفاتيح وجداني .. وغرقت معه في شهد لا مثيل له ..
لا تسألوني عن حبيبي ..
فهو مشغول عني .. اهتماماته أكبر مني .. وقته .. لا يتسع للرحيل معي ..
أعطيته فرصة ذهبية .. لمراجعة حساباته السلبية ..
سأرحل بعيداً عنه .. سألتقي بحبي الجديد ..
أكاد أموت شوقاً إليه .. أحلم بلحظة اللقاء .. بدوامة النظرة الأولى ..
أشعر بحريق العناق يلفحوني ..
أتحسس فوران عروقي يزلزلني .. في نعيم من القبل ..
أخاف عليه مني .. أخشى أن التهمه قبل أن اعتصره بين ضلوعي ..
سأعطيه شهداً شهياً من عمري .. فالعمر وحده لا يكفيه ..
سأعود حتما ً إلى حبيبي ..


منقول .^_^.
-_-_-_-_-_-_-_-_-_-


ثلاث سيارات من افخم السيارات توقف في افقر حي في المنطقه امام عماره قديمه .. ونزلوا منهم مجموع من الشباب والبنات الي يبدو من شكلهم انهم صايعات ..
: ابغي اعرف ان مالقيت مكان احسن من هذا ..
: يا اخي هذا مكان مؤقت بس هذي الفتره الي ان الشرطه توقف مراقبة الشقه الثانيه ..
: بس ياحلو ممكن اهل هذا الحي يفضحونا بسرعه ..
: معاذ خلاص لا تخرب وناستنا خلنا الحين نستانس بعدين لكل حادث حديث ..
معاذ : اوووف .. اخلص فكان ادخل ليتجمعون علينا اهل الحي من منظر الصيعات المعاكم ..
: بما انك ما تحب هذي التجمعات ليش تجي معنا ؟؟
معاذ : خويد متى سمعتني اني ماحب هذي التجمعات .. بس ياخي نفسي مره تجيبون بنت ثقيله شوي علشان يكون في تحدي في الموضوع .. مو من اول كلمه جات تركض ..
خالد : وليش نتعب نفسنا وعندنا شي سهل ..
أحمد : هيييي انت وياه بدخلون ولا شلون ...
خالد يطالع معاذ : بتدخل ولا بتروح تدورلك بنت حق تتحداها ..
معاذ دخل بدون مايرد عليه ..


في الجها المقابله لشارع رجال في 60 من العمر كان يطالعهم وهو يستغفر ربه .. بس لفت انتباها واحد منهم ..
الرجال : ان هذا الولد مو غريب علي .. مو هذا ولد عبدالله .. ( ..... ) الي اشتغل عنده .. استغفر الله ربي واتوب الله هذا وابوه رجال مصلي ومومن ولده راعي هذي السوالف .. لا حول ولا قوه الا بالله العلي العظيم ..
ودخل بيته ..



_-_-_-_-_-_-_-_-_-_-_-_-_-_-_-_-_-_-_


في شقه ..

خالد : الحين انت شفيك اليوم ؟؟ مو عاجبك العجب .. قوم استانس ..
معاذ : والله مدري .. حاسس ان مصيبه بطيح على راسي .. والله هذا المكان مايطمن .. وبعدين كل البنات الي هنا مو داخلين مزاجي .. احس انهم قذاره ..
خالد : ترى كل بنت جبناها معانا من قبل قذاره مافي فرق الا ان المكان اليوم بعد طالع عليهم قذر ..
معاذ : والله صح كلامك ..
خالد : يعني ماراح تخذ وحده منهم اليوم انت ؟؟
معاذ : لا الصراحه مو جاي على بالي ..
أحمد : الحين انتوا ماعندكم شي ينشرب ؟؟
معاذ : لا ..
أحمد : والله مشتي شي يضبط راسي .. الا ليش يا معاذ انت ماتشرب ؟؟
معاذ : لان احب اني اكون صاحي طول الوقت .. وانا اصلا احتقر الي يسكر ترى الفرق بينا وبين الحيوانات هو نعمة العقل اذا راحتي صرنا منهم ..
خالد : اوووف منك انت اليوم صاير من جد ممل ... اقول انا روح اخذ لي واحد من المزز الي يمنا احسن من مقابل وجهك ..
أحمد : وانا بعد شنو يجلسني ..
ويقومون ويخلون معاذ لوحده جالس يطقطق على الجوال ..
كلها كم دقيقه وقربت منه وحده من البنات الموجودين .. وكانت لابسه بدي شفاف يبين كل شي و شورت يعني ملابس ماتستر كثر ماتفضح ..
البنت : هاي ..
معاذ مارد عليها وكمل طقطقه على الجوال ..
البنت : عاد لا تتغلى علينا ..
معاذ : مزاجي مايسمح لي اتعامل مع اشكالك الحين ..
البنت : افااا .. ترى اشكالي يعرفون يريحونك على الاخر حبيبي ..
معاذ : ياسلام .. ومين قالك اني ابغي ارتاح ..
البنت : والله انا شفتك شكلك مهموم وتعبان .. قلت اجي اريحك على طريقتي ..
معاذ : روحي ذلفي عن وجهي ماني فاضي قلتلك ..
البنت : مالت عليك وعلى الي يجيك لا تتوقع بس الانك حلو بتترفع علينا .. لا ياعمي تراني الف واحد يتمنا نظره من عيوني الحلوه ..
معاذ : ههههههههه اي باين .. اقول انقلعي ..
البنت راحت وهي معصبه ..


_0_0_0_0_0_0_0_0_0_

معاذ << 22سنه شاب مستهتر بحياته ماخذ الحياه لعب ووناسه وبس .. راعي بنات وصياعه على الاخر .. جسمه رياضي ووسيم على الاخر .. ابوه صاحب شركات كبيره وغني الي اخر درجه .. امه انسانه انانيه ماتحب الا مصلحتها علشان كذا ماعرفت تربي عيالها عدل ..

_0_0_0_0_0_0_0_0_0_


في البيت قريب من العماره ..

: شفيك ياجدي ؟؟ من جيت وانت مو على بعضك ؟؟
الجد : والله مدري شنو اقولك استغفر الله ربي واتوب اليه .. والله اليوم وانا داخل البيت شفت شي مايسر .. جنى ..
جنى بستغراب : شنو شفت ؟؟
الجد : والله هذا الشي ماينقال .. شفت شلت شباب صيع داخلين البنايه قريبه من البيت .. معاهم استغفر الله .. استغفر الله .. بنات ..
جنى : استغفر الله .. والله الدنيا اختربت .. انت رتاح ولا عليك منهم ياجدي احنا مو قد مشاكل ..
الجد : بس المشكله اني اعرف ابو واحد منهم ..
جنى : ابو واحد منهم ؟؟
الجد : اي واحد منهم يكون ولد صاحب الشركه الي اشتغل فيها .. واللخ ابوه واحد يخاف ربه .. شلون ولده يصير كذا !!
جنى : لا حول ولا قوه الا بالله العلي العضيم .. جدي مثل ماقلتلك احنا مالنا دخل .. يكفينا مشكالنا مانبغي مشاكل زياده ..
الجد : مدري كيف راح اقابل ابوه بكره والله قلبي مايطاوعني اني اشوفه وانا ادري ان ولده يغرق في بحر المعاصي على الاقل اقوله علشان يمنعه عن بنات الناس ..
جنى : لا ياجدي هذولا ناس كبار احنا مو قدهم يمكن يكون هو يدري بشي الي سويه ولده وبكذا راح يطردك من الشغل وحنا محتاجي للريال .. طاوعني ياجدي ماعليك منهم ..
الجد : طيب ..



_0_0_0_0_0_0_0_0_0_

جنى <<< 19 سنه .. بنت طيوبه وحبوب وتخاف ربها .. جميل حيل ونعوميه الي ابعد درجه تتميز بشعرها الطويل البني وعيونها العسليها الوساع وجسمها المخصر .. ماتوا اهلها في حادث سياره وهي عمرها 10 سنين ومابقى لها الا جدها الي رباها وعتنى فيها .. وهو يشتغل في شركة بو معاذ يصب القهوه ويكنس المكنس المكتب ويهتم ببعض الامور الي يقدر عليها ..
_0_0_0_0_0_0_0_0_0_


في اليوم الثاني في شركة ابو معاذ ..


بو معاذ : ناصر وين الملف الي قلتلك جيبه ؟؟
ناصر : هذا هو ياطويل العمر .. وهذي الاوراق تحتاج توقيعك ..
بو معاذ : حطهم خلني اقراهم اول .. يلا تقدر تروح لمكتبك .. وخل بو سعد يجيب لي القهو ..
ناصر : حاضر طال عمرك ..


_-_-_-_-_-_-_-_-_-_-_-_-_-_-_-_-_-_-_


بعد ربع ساعه دخل بو سعد ( جد جنى ) وهو يشل صينية القهوه ..
بو سعد : قهوتك طال عمرك ..
بو معاذ ببتسامه : شخبارك اليوم ؟؟
بو سعد : والله نحمد الله ..
وجي بيحط القهوه على الطاوله بس يده هتزه وطاحت القهوه ..
بو سعد : انا سف طال عمرك ..
بو معاذ : بو سعد شفيك اليوم ؟؟ هذي اول مره تطيح عليك قهوه ؟؟ انت فيك شي ؟؟ تعبان مريض ؟؟
بو سعد : شكلي خرفت من الكبر ..
بو معاذ : لا تقول كذا .. تعال خل الي في يدك واجلس ارتاح ..
بو سعد : لا مايحتاج .. اكيد انت عندك شغل كثير مابغي اعطلك ..
بو معاذ : والله ماتروح .. الا لما تجلس وتقولي انت شنو فيك اليوم شنو الي شاغل مخك اليوم ؟؟
بو سعد جلس وهو محتار شنو يسوي مو قادر يطالع بو معاذ في عيونه ووده يقوله عن ولده ..
بو معاذ : يلا قولي شنو فيك ؟؟ محتاج شي ناقصك شي ؟
بو سعد : لا والله طالع عمرك خيرك مكفينا وزياده ..
بو معاذ : اجل شنو فيك ؟؟ ولا تقول مافيك شي .. واضح ان فيك شي .. يلا قول ..
بو سعد : استغفر الله .. والله مدري شنو اقولك طال عمرك ..
بو معاذ : قول الي فيك ..
بو سعد وهو محتر يقول له ولالا : الصراحه امس شفت ولدك ..
بو معاذ بستغراب : ولدي انا معاذ ؟؟ !! وين شفته ؟؟
بو سعد : في حارتنا ..
بو معاذ وزادت حيرته : وشنو يسوي في حراتكم ..
بو سعد : ......
بو معاذ : تكلم يا بو سعد شنو يسوي ولدي في حارتكم ؟؟
بو سعد نزل راسه : كان داخل عماره هو ومجموعة شباب و ووو..
بو معاذ : و شنو ؟؟ تكلم !!
بو سعد : ومعاهم بنات ..
بو معاذ : انت شنو جالس تقول ؟؟
بو سعد : والله هذا الي شفته ياطويل العمر ..
بو معاذ وهو في حالت صدمه من الكلام الي سمعه : ولد انا مع بنات .. ولدي انا ..
وجلس يتذكر ان ولده مانام امس في البيت ولما طلع من البيت اليوم هو مارجع ..
بو معاذ وهو يصارخ : ناااااصر يا نااااااااصر ..
دخل ناصر يسرع : نعم طال عمرك ..
بو معاذ : شنو عنوان العماره ؟؟
بو سعد في قلبه الله يستر : حي ..... شارع ....... مافي الا عماره وحده ..
بو معاذ يكلم ناصر : اسمع ابغيك تروح لهذي العماره وتدور لي على شقه يكون فيها ولدي معاذ ولا تجي الا وانت جايبه معاك فاهم ..
ناصر وهو مستغرب : حاضر طال عمرك ..
بو معاذ : شنو تنتظر الي الحين تحرك روح سو الي قلتلك عليه ..
وطلع ناصر يسرع ..
بو سعد بخوف : طال عمرك اقدر اروح لشغلي ؟؟
بو معاذ بعصبيه وهو مو منتبه على نفسه : لا اجلس الي ان نشوف صحت الكلام الي قلتله ..
بو سعد في قلبه لاحول ولا قوه الا بالله العضيم لو اني سامع كلام بنتي جنى احسن لي من هذي المشكله الي حطيت نفسي فيها .. والله ان نطردت من الشغل راح نام انا وجتى في الشارع .. الله يستر بس ..



_-_-_-_-_-_-_-_-_-_-_-_-_-_-_-_-_-_-_



بعد نص ساعه في العماره ناصر ماخلى باب ما دق عليه وهو يدور معاذ الي ان جي الشقه الي فيها معاذ .. وطق الباب ..
خالد صحى من النوم : اوووه ..
البنت الي يمه : مين الي جاي هذا الوقت ؟؟ ليكون الشرطه .. انت روح شوف افتح الباب بسرعه ..
خالد فز من مكانه خايف وراح صوب الباب وبتردد : مين ؟؟
ناصر : ممكن تفتح الباب ياخوي ابغي اسئلك سوال بس ..
خالد فتح الباب بشويش : نعم شنو بغيت ؟؟
ناصر : انا ادور ...
في هذا الوقت خالد فتح الباب كله وبان الي داخل كانوا بنات مع اولاد نايمين يم بعض ..
ناصر اشمئز من النظر الي شافه ولف وجهه : انا ادور واحد اسمع معاذ عبد الله ...( .. ) هو موجود ؟؟
خالد : وانت شنو تبغي فيه ؟؟
ناصر : مو شغلك انا شنو ابغي فيه .. بس قلي هو موجود ولالا ؟؟
الا في هذي الحظه جاه معاذ وهو يفرك عيونه من النوم : خويلد مين على الباب ؟؟
ناصر اول ماشاف معاذ عرفه لانه كذا مره جى الشركه : معاذ ..
معاذ : نعم !!؟؟
ناصر : ابوك ابوك يبغاك ممكن تجي معاي ؟؟
معاذ بصدمه : ابوووووووووووي .. كيف وشلون ؟؟
ناصر : لو سمحت تعال معاي لانه ينتظرك ..
معاذ مو عارف شلون يتصرف .. وصار يفكر كيف ابوه عرف انه هنا كيف كيف ؟؟
معاذ : خلاص انت روح وانا بجي بسيارتي ..
ناصر : اسف طويل العمر قالي ماارجع الا معاك .. يعني ممكن تتفضل معاي انت بسيارتي وانا بخلي احد من الشركه يجي يطيب لك سيارتك ..
معاذ ماحب يعاند اكثر وراح معاه ..



_-_-_-_-_-_-_-_-_-_-_-_-_-_-_-_-_-_-_



في مكتب بو معاذ ..

دخل معاذ ..
بو معاذ والشرار يطلع من عيونه : يعني صحيح الكلام الي سمعته ..
وراح لمعاذ وعطاه كف خلى خده يصير احمر ..
معاذ بصدمه : يبه ..
بو معاذ : ولا كلمه مابغي اسمع منك شي .. يلا بسرعه طلع لي مفاتيح السيارتين ..
معاذ : ليش ؟؟
بو معاذ بصراخ : قلتلك طلعهم بسرعه ..
معاذ طلع المفاتيح وسلمهم ابوه ..
بو معاذ : ومن بكره ابغيك تجي وتداوم بشركه .. وكل يوم ترجع البيت قبل الساعه 9 .. ولا ترى والله انا اسلمك لشرطه واقول خذوه تراه صايح ..
معاذ انقهر من قلب ..
بو معاذ يكلم بو سعد : وانت يابو سعد مشكور وماقصرت .. تقدر تروح بيتكم الحين ترتاح لك هذا اليوم ونشوفك بكره على خير ..
بو سعد : حاضر طال عمرك ..
وطلع ..
بو معاذ يكلم ولده : وانت تروح البيت الحين على طول خليني ادق على البيت ويقلون لي انك مو موجود ..
معاذ وهو منزل راسه : بس ماعندي سياره ..
بو معاذ : اخذ لك تكسي .. اي صحيح ذكرتني .. عطني بطاقة البنك حقتك ..
معاذ : ليش ؟؟؟ هذا كثير عاد ..
بو معاذ : وانت الي سويته قليل .. بسرعه طلعها ..
معاذ هو يعطي ابوه البطاقه : طيب واذا كنت ابغي اشتري لي شي ...
بو معاذ : تجي لي وتقولي شنو هذا الشي الي تبغيه وانا احكم اذا هذا ضروري ولالا .. يلا انقلع ..
معاذ طلع وشر راكب راسه .. وشاف ناصر في وجهه ..
معاذ : هي انت ..
ناصر : نعم ..
معاذ : انت تعرف مين قال لابوي عن مكاني ؟؟؟
ناصر : بيت بو سعد قدام العماره شافك وانت داخل العماره وجى وقال لابوك ..
معاذ : الحين هذا الحمار مشى ولا لسى ؟
ناصر : مشى ..
معاذ راح يسرعه .. ووقف اول تكسي شافه ..


_-_-_-_-_-_-_-_-_-_-_-_-_-_-_-_-_-_-_




بو سعد توه واصل البيت وفتح الباب وجى بيدخل الا بسيارة تكسي توقف .. وينزل منها معاذ ويجي يسرع لابو سعد ويمسكه من ثوبه ويرميه داخل البيت ويدخل ..
معاذ بصراخ : يا كـ## يا حيـ ### .. مسوي فيها انك مدين وتروح تقول لابوي .. ابغي اعرف انت شنو يدخلك .. شنو ستفدت لما قلتله هاااا .. تكلم قول ؟؟
بو سعد كان مرمي على الارض من ضربت معاذ ..
معاذ : تكلم شنو يدحلك تقول لابوى ؟؟
ويرفس بو سعد برجله ..
معاذ : تكلم قبل لااطلع حرتي فيك واقتلك ..
بو سعد : هذا جزاتي اني ابغي مصلحتك وابغي اساعدك !!
معاذ : واحد شكاك الحال ؟؟ انا قلتلك تعال ساعدني ؟؟ انا واحد متاح كذا ..
بو سعد : انت ماتعرف مصلحتك ..
معاذ يضربه مره ثانيه : انطم ولا كلمه .. والله ان ماسويت ديتك سوده ماكون معاذ ولد عبدالله ..
جنى اسمعت صوت صوت واحد يصارخ فخافت وراحت تشوف شنو صاير .. الا تشوف كذا الشاب الي يضرب جدها .. بدون ماتحس انها مو لابسه عباتها .. راحت تسرع لجدها ..
جنى : وخر عن جدي يا حـقـير ..
ولاحت حضنت جدها .. الي كان يتالم حيل من ضرب معاذ له ..
معاذ اول ماشافها تجمد الدم في عروقه .. هذي اول مره يشوف ملاك في صورت انسان ..
جنى : اطلع برا .. اطلع برااااااااااااا ..
معاذ انتبه لنفسه وجى يكمل ضرب بو سعد بس جنى وقفت قدامه بسرعه وعطته كف .. هنا معاذ لا شعورين امسكها من شعرها وضربها في الجدار ..
بو سعد : بس وقف حدك .. ياكلب .. ماحترمت الشيب الي في راسي ولا حترمت اني اكبر من بوك ولا حترمتني وانت واقف في بيتي .. بس تجيك الجرئه وتضرب بنتي قدامي لا هذا كبيره .. اطلع بره لاتصل على الشرطه يجون ياخذونك او الم عليك رجال حرتنا يا صايع .. يلا برا ..
وقام بوسعد وسحب معاذ من ثوبه وجره برا بيته بدون مقاومه من معاذ الي كان يفكر هو شنو سوى ..
بعد مامشى معاذ راح بو سعد وشال جنى ودخلها ..
جنى : مين هذا الحقير ياجدي ؟؟ وليش يتجرئ ويضربك في بيتك ؟؟
بو سعد : هذا الي قلتلك عنه امس ..
جنى : الصايه الي تعرف ابوه ؟؟
بو سعد : اي ..
جنى : هذا الواطي .. وليش جاي بيتنا النذل الحقير ..
بو سعد : انا ماتحملت اطالع ابوه بدون ما اقوله عن حراكات ولده .. وابوه ماقصر فيه ..
جنى وهي تطالع جدها بحنيه : مو انا قلت لك مالنا دخل فيهم .. يعني حلو الي صار لنا اليوم من هذا النذل ..
بو سعد : انا اسف اني اعرضتك لموقف مثل هذا .. سامحيني يابنتي ,,
جنى : لو انت الي تعتذر ياجدي ..
بو سعد : الله يخليك لي ولا يحرمني منك ..




_-_-_-_-_-_-_-_-_-_-_-_-_-_-_-_-_-_-_



في اليوم الثاني في شركه بو معاذ ..
معاذ جالس في المكتب الي عطاه ابوه وجالس يسمع ناصر وهو يعلمه على الشغل .. ومعاذ متملل ولاهي عنده
ناصر : انتبه علي شوي ..
معاذ : اوووف متى راح تسكت .. وتخليني في حالي ..
ناصر : بس ابوك موصيني اعلمك كل شي ..
معاذ : وانا ماابغي اتعلم اي شي .. اخي فك عني ..
الا يرن جوال معاذ ..
معاذ : هلا والله بوجه النحس ..
خالد : اوف اوف .. شفيك ؟؟
معاذ : قول شنو الي مافيني ؟؟
خالد : هاا بشر شنو صار لك امس ..
معاذ : تو الناس تسئل شنو صار ..
وقاله كل السالفه ..
خالد : بل بل بل .. والله انك رحت فيها ..
معاذ : بس انا لسى مابردت حرتي من الكلب بو سعد ..
خالد : كل الضرب الي ضربته .. وضربت بنته ولا بردت حرتك .. كيف ناوي تبردها ان شاء الله ليكون ناوي تقتله مثلا ..
معاذ : انا الي الحين مابعد افكر ..
خالد : مو تقول ان عنده بنت .. خلاص روح وغتصبها وبكذا راح تحط راسه في التراب الي الابد .
معاذ : والله انك جبتها ..
خالد منفجع : هاااا ياغبي تراني امزح ..
معاذ : يلا يلا مع السلامه اكلمك بعدين ..
خالد : مععاذووووه ياغبي .. اعقل تراني امزح .. هذا جريمه كبيره .. خل البنت في حالها ..
بس معاذ سكر في وجهه ..
معاذ : والله فكره مو بطاله .. بنت حلوه حيل .. وبكذا اقدر اعذبه للابد .. بس كيف ؟؟


_-_-_-_-_-_-_-_-_-_-_-_-_-_-_-_-_-_-_



نهاية البارت الاول ..!

روح زايــــد مستشــ¸.·* غرام *·.¸ـــاري

وعليكم السلام

بدايه جميله

خالد منفجع : هاااا ياغبي تراني امزح ..


اللحين امزح بعد ما دخلت الفكره براسه


قوانين القسم

القوانين ، [ توضيح يختص بـ الردود المحذوفة ( الرد 3 ) ] ؛


يعطيك العافيه

ميرديانا ©؛°¨غرامي فعال ¨°؛©

بدايه رائعه بجد وتسلم دياتك وبانتظارك بالبارت الجاي

Lover without a heart ©؛°¨غرامي مشارك¨°؛©

المشاركة الأساسية كتبها روح زايــــد اقتباس :
وعليكم السلام

بدايه جميله



اللحين امزح بعد ما دخلت الفكره براسه


قوانين القسم

القوانين ، [ توضيح يختص بـ الردود المحذوفة ( الرد 3 ) ] ؛


يعطيك العافيه
شكرا على المرور

والله يعطيك العافيه وان شاء الله اني اطبق كل القوانين

Lover without a heart ©؛°¨غرامي مشارك¨°؛©

المشاركة الأساسية كتبها ميرديانا اقتباس :
بدايه رائعه بجد وتسلم دياتك وبانتظارك بالبارت الجاي
يسلمو على المرور

Lover without a heart ©؛°¨غرامي مشارك¨°؛©

انا راح انزل كل يوم ربوع بارت

اذا شفت تفاعل منكم ونالت الروايه استحسانكم

Lover without a heart ©؛°¨غرامي مشارك¨°؛©

البارت الثاني .^_^.






في الليل في بيت بو معاذ
: خل الفلم لا تفره ..
: روحي انقلعي انا ابغي اشوف المباره ..
: بس انا جالسه قبلك ..
: وانا اكبر منك ..
الا على دخلت معاذ عليهم ..
معاذ : اووووه الواحد مايعرف يرتاح في هذا البيت ..! ليلوه شفيك تصارخين ؟؟
ليلى : شوف اخوك انا جالسه اشوف فلم وجى وفر عنه ..
معاذ : جويد رجع لها فلمها خلنا نخلص من صوتها ..
جواد : ياخوي هذا مبارة الهلال ..
معاذ : والله الحين المباره .. مو انها الساعه 8 ونص ..
جواد : لا ..
معاذ يكلم ليلى : وخري انتي خليني اشوف .. كم النتيجه الي الحين ؟؟
جواد : 0_0 ..!




._._._._._._._._._._._._._._._._._._._.


جواد <<< 21 سنه .. يشبه اخوه كثير في الشكل واحد شافهم مع بعض يسئلونهم اذا هم توئم .. مع هذا مختلف عنه في التصرفات لانه طيب حيييل ولا يطلع الغلط منه ..

ليلى << 19 سنه .. مغروره وانانيه مثل امها وتشوف انها احسن من الناس كلهم مايهمها احد ولا تحط حساب لاحد ..


._._._._._._._._._._._._._._._._._._._.




ليلى : لا والله .. اشوفكم خذتوا راحتكم .. مالي دخل ابغي اشوف فلمي ..
جواد : قومي شوفيه فوق ..
ليلى : مابغي ابغي اشوفه هنا .. انا جيت قبلكم ..
معاذ : ترى ان ماسكتي بخلي وجهك احمر من الكف الي بيجيك ..
ليلى : اتحداك علشان ابوي يكسر يدك ..
معاذ توه بيقوم .. الا هي خافت ونحاشت ..
جواد : ههههههههه ... بنات اخر زمن مايجون الا بالعين الحمره ..
معاذ : اسكت بعد انت خلني اشوف المباره عدل ..
الا تجيهم ام معاذ وهي تسرع ..
أم معاذ : مين فيهم الي ضربك ؟؟
ليلى ورى امها : معاذ ..
أم معاذ : جعل يدك القص قول امين ..
معاذ : انا ضربتها ..
جواد بصدمه : ليلوه يالكذابه متى الحين معاذ لمسك ؟؟
ليلى : مو بس معاذ الي ضربني حتى جويد صارخ علي .. مو مخليني حتى اشوف الفلام الي ابغيه ..
أم معاذ : بعد .. كان قتلتوها يلي ماتستحون ..
معاذ : الفروض نقتلها ..
جواد : عمري ماشفت وحده تكذب كذا ..
أم معاذ : اقول انت وياه خلوها تشوف الفلم بسرعه ..
معاذ : احنا جالسين نشوف المباره ..
أم معاذ : روحوا ذلفوا شوفوها في مكان ثاني ..
وترح وتفر على الفلم ..
جواد مسك معاذ : قوم بس خلنا نروح مكان ثاني خلها تولي مردها بتحتاج وبتجي لنا ..



_-_-_-_-_-_-_-_-_-_-_-_-_-_-_-_-_-_-_


في نفس الوقت في بيت بو سعد ..
جنى : شفيك ياجدي .. اكل ولا طباخي مو عاجبك ..
بو سعد : افاا يابنتي وانا القى مثل طباخك ..
جنى : اجل ليش ماتاكل ..؟
بو سعد : والله مدري بس حاس اني تعبان ..
جنى بخوف على جدها الي مالها في الدنيا غيره : سلامتك ياجدي .. قوم خلنا نروح المستشفى ..
بو سعد ببتسامه : لا شدعوه مستشفى مايحتاج ..
جنى : قوم ياجدي خلني اتطئن عليك ..
بو سعد : مافيني شي .. بس شكلي مانمت عدل امس .. الحين انام وبكره تشوفيني مثل الحصان ..
جنى قامت وحضنت جدها : الله يخليك لي ولا يحرمني منك قول امين ..
بو سعد : امين ..


_-_-_-_-_-_-_-_-_-_-_-_-_-_-_-_-_-_-_



في اليوم الثاني .. في احد المقاهي ..

خالد : معاذ انت مجنون ..؟
معاذ : انا مقهور .. ! لو ماسوي الي براسي بستجن ..
خالد : عاد بهذي الطريقه .. لالا اصلا انت جنيت من الحين ..
معاذ : خلاص انا قررت وانتهى الموضوع ..
خالد : لا ماانتهى .. ماراح ينتهي الي ان تغير الي في راسك والله العضيم الشي الي تفكر فيه مو سهل .. بعدين شنو ذنب البنت .. انتقم من ابوها ماعليك منها .. ليش تدمر مستقبلها ..
معاذ : شفيه قلبك صار حنون .. نسيت كل البنات الي .......
خالد : كلهم هم الي جانوا برضاهم مافي وحده منهم خذتها غصب .. لو واحد فيهم قالت لا مالمستها ..
معاذ : نفس الشي ..
خالد : لا مو نفس الشي ..
معاذ : اوووف .. ياخي تراك عورت راسي بحنتك .. بتسكت ولا اقوم امشي انا احسن ..
وتوه بيقوم مسكه خالد وجلسه ..
خالد : اجلس يارجال .. وخلاص ماني متكلم في هذا الموضوع وانت بكيفك .. شوف مو هذا اخوك ..
معاذ : اووف .. شنو يجيبه هذا هنا بعد ..
خالد : حتى اخوك مالك خلقه ..
معاذ : اي عندك مانع ..
جواد انتبه على اخوه وراح له مبتسم ..
جواد : هلا والله .. وانا اقول ليش المكان منور ..؟
خالد : اكيد لاني انا موجود .. حياكم جلسوا ..
جواد وهو يجلس : ومين الي كلمك انت ..!! انا كنت اكلم اخوي حبيبي .. بس غريبه ماشفت سيارتك برا ..
معاذ بملل : جاي بسيارت خالد ..
جواد وهو يفكر : الا لي يومين ماشفت سيارتك وينها ؟؟
معاذ : لا حول في الورشة ..
جواد : ليكون صادم فيها ..؟ ترى ابوي بيذبحك ..
معاذ : تحقيق هو ..
خالد : اعصابك يارجال .. لا تنفجر علينا ..
جواد : شفيه معصب ..؟؟
معاذ : مافيني شي .. يلا خالد خلنا نمشي تاخرنا ..
خالد بستغربا : تأخرنا ..!! اي صح تاخرنا .. يلا انا استئذن يا شباب .. !!
ومشوا ..
جواد يكلم نفسه : شفيه هذا ..؟؟
هتان : هاااي عبرنا شوي ولا انا لوح جالس يمك ؟؟
جواد : ههههههههه .. اسف ..


_-_-_-_-_-_-_-_-_-_-_-_-_-_-_-_-_-_-_



في سيارت خالد

خالد يطنز : تاخرنا على شنو ؟؟ على الشركات حقينا ولا على ام العيال ؟؟
معاذ : تراني مو ناقصك الحين ..
خالد : شنو مسوي لك اخوك علشان تعامله كذا بعد ..
معاذ : مو مسوي شي ..
خالد : الا مو ابوك قالك انه يبغي تشتغل معاه في الشركه ..؟؟
معاذ : اي ..
خالد : وليش مارحت اليوم ..!!
معاذ : مالي خلك ..
خالد : ماراح يسوي لك مشكله ..؟؟
معاذ : يعني شنو بسوي اكثر من الي سواه ..
خالد : ممكن يطردك من البيت ..
معاذ : يكون احسن ..
خالد : تبغي تعيش مرد في الشارع ..
معاذ بعصبيه : خوييييلد ...
خالد : خلاص اعصابك ..
يرن جوال خالد .. الي طالع الرقم ورجعه الجوال مكانه من دون مايرد ..
معاذ : ليش مارديت ..
خالد : هذي خويتي مابغي اكلمها ؟
معاذ : وليش ..؟؟ تتغلى ..
خالد : مسويه نفسها شريفه .. اقولها طلعي معاي مو راضيه تقول تخاف .. وانت تعرفني مااحب هذا النوع ..
معاذ : انت تحب السهله ..
خالد : ايوه تكلم ابو التحديات .. خلاص اتحداك تخليها تطلع معاك .. تراني لي الحين 6 اشهور وانا اكلمها والي الحين ماادري عنها شي غير ان اسمها الهنوف ..
ويرن جواله مره ثانيه ..
معاذ : وانا قبلت التحدي .. اشوف جيب جوالك .. خلني ارد عليها ..
ويعطيه الجوال ..
معاذ : الوووو ..
الهنوف : خالد حرام عليك .. اسبوع ماسمعتني صوتك حرام عليك تعلقني فيك .. بعدين تسحب علي .. وين كلامك لي انك ماراح تتخلى عني مهما كان .. مو انت حلف لي انك غير عن كل الي يلعبون ..
معاذ : الوو اختي ..
الهنوف انفجعت : مين معاي ؟؟
معاذ بحزن متصانع : انا معاذ اخوا خالد ..
الهنوف برتباك : هاااا ..
وتوها بتسكر ..
معاذ : خالد عطاك عمره
خالد من سمع هذي الكلمه داس على البريك لدرجه انه كان بيصدم في سياره .. ولف على معاذ وضربه على كتفه .. بس معاذ اشر عليه يسكت ..
الهنوف بصراخ : شنو فيه خالد وين خالد ؟؟
معاذ وهو يتصنع البكاء : اقولك خالد راح مات خالد خلانا وراح ..
الهنوف : لالا انت تكذب .. انت كذاااااااااااب .. كيف يموت ويخليني ؟؟ مااصدقك ..
خالد بهمس : شنو تسوي ؟؟
معاذ ماعطاه وجه وكمل : قبل اسبوع صار عليه حادث وتوفى قبل يومين ..
الهنوف : لالا مايصير يموت .. هو واعدني انه راح يعيش معاي الي ان تعجز ..
معاذ يوخر الجوال عنه ويهمس لخالد ..
معاذ : انت واعدها انك تتزوجها ؟؟
خالد : وعدتها علشان اقدر اضبطها بس مافي فايده تقولي اول تعال خطبني بعدين تشوفني ..
معاذ يرجع الجوال : بعد هذا الشي مو بكيف غصب عنه ..
الهنوف كانت تصيح ..
معاذ : اختي ابغي اسئلك ؟؟
الهنوف وهي تشاهق من الصياح : نعم ..
معاذ : انتي الهنوف ؟؟
الهنوف استغربت : اي .... انا .. ليش ؟؟
معاذ : اخيرا ..
الهنوف : كيف تعرفني ؟؟
معاذ : انتي وصيت المرحوم لي ؟؟
الهنوف : وصيت ..!!! انت شنو جالس تخربط .. ؟؟
معاذ : خالد قبل مايموت قالي عنك وقالي انه يحبك حيل ووصاني عليك قالي اني اقولك ترى هذا الشي غصب عنه .. وانه كان ناوي يقول لاني يجي يخطبك لما تتحسن الضروف .. بس للاسف الله ماكتب حتى يشوفك .. الهنوف كان هذا اخر شي يقوله خالد قبل مايموت .. كان يقول معاذ وصيتي لك الهنوف .. لا تخليه تبكي ولا تحزن .. لانه هذا الشي راح يعذبه في قبره حيل ..
خالد : اي .. الكذب .. !!
معاذ : انا ادري انك مستحيل راح تنسينه بس انا من كلام خالد عنك وتمسكه فيك الي اخر نفس عنده خلاني احبك ..
الهنوف : انت شنو تقول ؟؟
معاذ : انا بجي اخطبك علشان انفذ وصيت المرحوم ..
الهنوف : لا ...لا لا لا .. انا ماابغي غير خالد .. انا ابغي خالد خالد وبس ..
خالد : ياولد انت انجنيت ؟؟
معاذ : وخالد يبغيك تعيشن حياتك بسعاده .. وانا مستعد اني اعيشك احلى حياه ..
الهنوف : لا ماابغي .. يلا باي ..
معاذ : الهنوف فكري عدل ..
الهنوف بصياح ازيد : خلاص اسكت مااقدر اتحمل ..
معاذ : يلا مع السلامه ..
وسكر ..
خالد : انت شنو سويت ؟؟
معاذ : ياغبي كيف اخليها تتعلق فيني اذا كانت تحبك ؟؟ خلنا نصبر عليها كم يوم بعدين اتصل عليهم ..
خالد : ترى بديت اخاف منك .. الحين وين نروح ؟؟
معاذ : ابغي اروح انفذ انتقامي ..
خالد : من جدك انت ؟؟ انهبلت انت .. اليوم عاد ..!!
معاذ : اي اليوم الحين العجوز في الشغل .. وماحد يقدر يوقفني ..
خالد : اعقل ياولد ..
معاذ : بتوصلني ولا انزل الحين واروح بتكسي .. بس لاتجي تكلمني مره ثانيه ..
خالد : خلاص بوصلك .. بس انا مالي شغل في شي ..



_-_-_-_-_-_-_-_-_-_-_-_-_-_-_-_-_-_-_



بيت بو معاذ ..


ليلى : يمه شرايك في هذا الفستان ..؟؟
أم معاذ : مو كان الي قبل لونه احلى ..
ليلى : بس هذا قصته احلى .. !!
أم معاذ : والله معاكي حق .. حتى مطلعك اضعف ..
ليلى : يمه يعني انا متيه ..
أم معاذ : ايوه .. شوفي حتى طالعلك بطن ..
ليلى : يمـــــــــــــــه ....
أم معاذ : اقول لاتصارخين .. نزلي وزنك بدال هذا الاصراخ ..
ليلى : يعني خلاص البس هذا الليله ؟؟
أم معاذ : اي لبسيه ..
ليلى : الا ماقلتيلي مين زواجه الي بنروحه اليوم .. ؟؟
أم معاذ : تعرفين جارتنا ام حمد تصير بنت اخوها ..
ليلى : اي وحده فيهم ؟؟
أم معاذ : والله ناسيه اسمها .. بس انتي ذاك اليوم شفتيها .. في خطوبه بنت ام سلطان .. البنت الي لابسه اخضر ..
ليلى : اي عرفتها .. ويع هذي مين المجنون الي خذها .. الحين هذي تتزوج وانا ولا واحد جاي يخطبني .. !!
أم معاذ : هذا من قرادت حظك .. شكلك بتجلسين على قلبي ..
ليلى : يوووه بسم الله علي .. فال الله ولا فالك ..
أم معاذ : خلصي علي بس .. خليني اقوم انا بعد اختار شنو البس ..
ليلى : الا ليش ماتشترين لك شي جديد من اسبوع ماشرينا شي ..
أم معاذ : والله خوش فكره .. روحي دقي على السواق خلينا نروح السوق ..
ليلى بفرح : وبلمره اشتري لي اكسسوارت ..


_-_-_-_-_-_-_-_-_-_-_-_-_-_-_-_-_-_-_


قدام بيت بو سعد ..

خالد : معاذوه فكر عدل .. ترى الي بتسويه ضرب من الجنون ..
معاذ : انت قلتها الي بسويه انا مو انت .. انت مالك دخل ..
خالد : طيب كيف راح تدخل البيت الحين ..؟؟ ولا تتوقع ان البنت راح تدخل البيت وتقولك تفضل .. حياك ..
معاذ : تطنز انت واجهك ..؟؟!!
خالد : مدري عنك .. يلا قلي ياشاطر كيف بتدخل .. ؟؟
معاذ : انت ماتشوف ان جدار البيت نازل .. اقدر بنطه وحده اتسلقه ..
خالد : بتخطر .. ؟؟!!
معاذ : اي ..
خالد : ماتخاف انت .. لنفرض وانت تتسلق شافك احد من الجيران وعلم الشرطه .. بتروح فيها ترى ...
معاذ بعدم اهتمام : انت راقب الشارع بس ..
ونزل من السياره وراح يسرع وتسلق الجدار بعد ماشاف ان مافي احد حوله ..


كانت جنى جالسه في الصاله تشوف التي في وكانت رافع على الصوت ومندمجه مع الفلم .. فما حست بالي دخل عليها ..



نهاية البارت الثاني .^_^.

متكحله بـ دم خآينهآ عضو موقوف من الإداره

بدآيه حلوهـ ^^

يعطيك آلعآفيه يآعسل

بإنتظآر آلبآرت آلقآدم

عسل مخلوط شقاوة ©؛°¨غرامي فعال ¨°؛©

الرواية رووووعة يعطيك العافية

اتوقع انه معاذ بيغتصب جنى وخالد بقول لابو معاذ وبيخلي معاذ يتزوج جنى << كملي الرواية احسن هع

ومتى مواعيد البارتات والرواية كاملة او لا ؟

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1