SoMeOn3 عضو موقوف من الإداره

السلااام عليكم .. كييفكم ؟؟

انا قررت بعد تردد كبير اني اكتب رواية و طبعا احتاج تشجيعاتكم عشان اخلصها معاكم

اما فترات تنزيل البارتاات فتختلف الحين بااقي يومين و تبدا الدراسه و راح اكتب لكم كل يومين بارت طويل و كل ما لقيت ردود تشجيعيه كثيره بنزل بارت ثاني

و ما احلل اي احد ينزل الرواية بأي منتدى ثاني بدون ما يكتب المصدر و اسمي انا SoMeOn3

و انا لسى ما ادري كم جزء بالرواية بس ان شاء الله انا ناويه اخلصها معااكم و ما بديت فيها الا لاني ابغا انجزها

الجزء فيه بارتين ان شاء الله كل يوم بارت و الويكاند بيكون جزء كامل او بارت طويل

الجزء الاول البارت الاول:

يلا بسم الله نبدا اول شي بالشخصياات الهامه و الشخصيات الباقيه راح تعرفونها بعدين

عائلة ام نواف و ابو نواف:

نواف و عنود توأم:

نواف:جذااب و حنوون دايم هو و عنود يشكون لبعض عن اللي بداخلهم عمرهم 17 سنة اخر سنة ثانوي
عنود: حلوة احلى من نوااف بس هي ما تهتم بنفسها و دايم تقول:اتعب نفسي لمين ؟ اللي يحبني يحبني من داخل مو من مظهري ! .. شعرهاا الى نص الرقبه و ملفف و صااير كدش
ديما: عمرها 13 سنه تدرس بـ ثاني متوسط \\ لها بالرومانسيه .. و كل اللي براسها تسويه و ما تخلي شي يوقف بطريقها


عنود تصارخ على نواف: نوااف انت مجنووووون ولا صار بمخك شي !!؟؟ كيف تبغاني اداوم بمدرستك كيف !!
نواف يسكر فم عنود: اووص فضحتينا الله ياخذك
عنود مكتفة يدها و تناظر فيه: اخلص علينا طيب
نواف: احم احم اختي العزيزه
عنود:اوهووو بدينا مصلحه
نواف:اوف ما تنفع معك ذي المقدمات انتي خلاص ببدا بس اسكتي شوي .. و بعدين مو تقولين انك تبغين تقصين شعرك بوي من زمان بس امي معيه ؟
عنود:اييييييييه ؟ (سكتت شوي بعدين شهقت) هيييي يعني تتفاهم مع ماما اني اقص شعري و اداوم هنااك
نواف:ايييه يلا يلا تعالي خن اعلمك كيف تكونين انا
عنود:اقول روح بس تبيني امووت خيير انهبلت انا اروح مدرسه كلها عياال
نواف:عنوود مو من زمان تقولين ان مدرستك مخيسه كلهاا بنات ماصلات
عنود: ايه بس...
نواف يقاطعها: خلاص اجل شوفي ذي المدرسه كلها ناس من قبيلك
عنود: بس اخوياك كييف اكيد بيعرفون اني مو انت حتى لو كنا نشبه بعض و توأم بس الشخصية تختلف و يفرق بنت عن ولد
نواف: لا ما عليك انا قلت لك لان اصلن الفصول اختلطت مع بعض و تغيروا الطلاب و بعدين اخوياي 3 و كلهم بيجون معي
عنود: ايه صح وين بتروح انت !!؟
نواف: بروح امريكاا
عنود: مرره ثاانيه مو يكفي اننا يوم رحنا امريكا السنة بالاجازه الصيفية قررت انك تطول اكثر وما رجعت الا بعد ما بدت المدرسه شهرين .. احمد ربك انهم وافقوا يخلونك تدرس السنه ما تستنى للسنه الجاايه
نواف: عشان كذا انا اقولك .. المدير كتبني تعهد اني اذا عدتهاا مب دارس الا السنه الجاايه
عنوود: كم يوم تبيني اداوم ؟؟
نواف: اسبوعين
عنود انفعلت: وش اسبوعين و انا دراستي وين راحت يعني
نواف: عنوود بس اسبوعين يختي و شيلي الويكيند يعني صاروا 10 ايام بس
عنود: متى بتسافر طيب ؟؟
نواف: لازم بكرا اروح
عنود: و انت ليش توك تقولي المفروض تقولي من قبل عشان اتجهز نفسيا
نواف: يوم كامل تجهزي
عنود: طيب يلا ودني خن اقص شعري
نوااف: يلا اركبي السيااره بجيب جوالي و نمشي
عنود: و امي !!
نواف: اركبي ما عليك (راح يجيب جواله و ركب و مشوا لاقرب مشغل)
و هم بالطريق
نواف يستنى امه ترد عالجوال:الووو
ام نواف: هلا نواف بغيت شي يمه
نواف: يمه ترا انا بودي عنود تقص شعرها مسكينه كسرت خاطري
ام نواف: زين يمه بس لا تقص قصات قصيره
نواف: ما عليك يالغاليه مع السلامه
ام نواف: بحفظ الرحمن

عنوود: ها ايش قالت
نواف: وافقت
عنود تهاوش نواف: طيب مو اقولك من زمان ودني تقول اذا امك وافقت اوديك !! و الحين لانك انت تبي خليتها توافق خيير
نواف و هو كاتم الضحكه: خلاص اسكتي يلا وصلنا انزلي و تقول امي لا تقصين قصات قصيره
عنود وودها تصفقها: بالله بروح لمدرستك بشعري كذا وش راايك
نواف: عادي اغلب العيال زي شعرك يلا يا شيخه انزلي و خلصينا
عنود نزلت و دقت الجرس حق المشغل: اوف ليش ما يفتحون هم ووجههم
انتبهت انه فيه ورقه معلقه عالباب: المشغل مغلق مؤقتا الى تاريخ --\--\---- : اوووف هذاا تاريخ بعد اسبوعين الله يقلعهم ما لقوا يسكرونه الا الحين
رجعت للسياره وهي معصبه و سكرت باقوى ما عندها حتى نوااف ارتااع منها: وجعوووه خير وش فيك
عنود: ارجع البيت المشغل مسكر
نواف: طيب نستنى
عنود: نستنى اسبوعين وش رايك ؟
نواف: طيب قولي مسكر اسبوعين لا تاكليني
عنود: طيب اسكت و رجعني للبيت ياخي
نواف: ما تبين تقصين شعرك !! فيه مشغل ثاني ترا !!
عنود تستهبل: قل قسم على بالي مافيه الا هذاا بالعاالم
نواف: اووف منك احسن خن ارجعك للبيت احسن
عنود: و احسن لي بعد

وصلها نواف البيت و نزل يجهز شنطته دخلت عليه عنود: وين شنطتك و اغراضك حقت المدرسه
اشر لهاا على شنطته .. اخذتهاا و حطت فيهاا قلم و خلتهاا زي ماهي فاضيه و راحت مره ثانيه لنواف تطلع من دولابه ملابس
نواف: انا كم مره قلت لك دولابي حقي و دولابك حقك يعني لا عاد تاخذين مني ملابس ترا شريتها لي
عنود عطته نظره: اقول اسكت ما تبي اروح لمدرستك ولا هونت
نواف: طيب لا تكثرين ملابس
عنود عطته نظره ثانيه
نواف يضحك: هههههههههههههه امزح امزح خلاص
اخذت لهاا 4 تيشرتات
عنود: نواف متى رحلتك بكرا ؟
نواف: رحلتي اليووم الساعه الساعة 5 العصر يعني شوي و اطلع من البيت
عنود راحت ضمت نواف: بشتااق لك يالدب
نواف: انا اكثر
طلعت غرفتهاا تفكر ببكراا و دقت على صديقتهاا مهاا الروح بالروح و قالت لها الي صاار

مهاا: و الله انك خبله والله لو اني منك كان وافقت على طوول عشان افتك من هالمصاله اللي هناا
عنود: طيب يلا تعالي معي و خن نسحب على المدرسه اسبوعين
مهاا: لا انا صعبه ملفي كيف انتي ملف اخووك عادي
عنود: ايه صح .. بس بشتااق لك بكرا ماراح اشوفك :(
مهاا: من جدددد حتى اناا
قعدوا يسولفون بالساعات بعدها سكروا و قعدت عنوود تفكر

هذي شخصيه جديده: مهاا
و اكيد تبغون تعرفون ايش قصتهاا
مهاا هذي صديقة عنود الروح بالروح .. و نفس شخصية عنود مرره و كل اسرار عنود عندهاا و اي شي يصير يقولون لبعض .. صديقات من ثاني متوسط

شعرهاا لتحت كتفها بشوي دايم تخليه مفكووك .. مملوحه و نفس عنوود ما تحب تهتم بنفسهاا

_____

عند نوااف راح للمطار بعد ما ودع اهله ينتظر ينادون على رحلته و جو اخويااه و قعدوا يسولفون مع بعض
اماا نواف فما كان معاهم و بس سرحان و متوتر و الكل لاحظ بس تركووه يرتااح
سلمان: اووف وين فارس نادوا عالرحله
خالد: خن ادق عليه اشوف
دق عليه حوالي 5 مرات ما رد

نادوا على رحلتهم و ركبوا الطيااره و نواف ارسل لعنود مسج: عنود انتبهي تغلطين بالكلام و تفضحيننا من الحين تدربي تتكلمين على انك ولد و اسمك نواف احمد الـ....... و كل اللي يصير روحي للحمامات و دقي علي اذا محتاجه شي انا بوصل 7 الصبااح ان شاء الله وما راح انسى لك هالخدمه ابد .. بالتوفيق

قفل جواله و اقلعت الطيااره متجهه الى سانفراسسكو

نتعرف على اسماء اخوياء نوااف:

فارس,خالد,سلمان

اما عن شخصياتهم فراح نعرف كل واحد فيهم بعد ما نتعمق بالاحداث اكثر

______________________________________________

توقعااتكم:

ايش بيصير على عنود ؟ فيه احد بيكشفها ولا بتمر الاسبوعين بسلام ؟؟

نواف ساافر بوقت مره غلط ايش اللي خلاه يسافر بهالوقت تحديدًا ؟؟


و ارائكم عالروايه تشجعني اني اكملهاا اسرع و لا تنسون تقييم الرواية :)

روح زايــــد مستشــ¸.·* غرام *·.¸ـــاري

وعليكم السلام

بالتوفيق ان شاء الله


قوانين القسم

القوانين ، [ توضيح يختص بـ الردود المحذوفة ( الرد 3 ) ] ؛


يعطيك العافيه

{~soso~} ©؛°¨غرامي مشارك¨°؛©

رووآآيـه ولــآ آروووع .. بـآآآآآآرت بججد خوآآقـيي و آنتظركـ ع آحـر من آلششمسس <<< مـآ آبطـل آسستهبـآل :p

آنتظركـ <3<3

بصنع انا حظي ©؛°¨غرامي مشارك¨°؛©

تسلمي
الرواية جنان
واتوقع ان عنود بيعرفونهاا عن طريق ريما اختها بتقول الامها شي جذي يعني
اما بالمدرسه يمكن لآ يمكن اي عن ظريق فارس رفيج نواف الان ماسافر معاهم

بصنع انا حظي

SoMeOn3 عضو موقوف من الإداره

رووآآيـه ولــآ آروووع .. بـآآآآآآرت بججد خوآآقـيي و آنتظركـ ع آحـر من آلششمسس <<< مـآ آبطـل آسستهبـآل :p

آنتظركـ <3<3
انتي الاروع .. هههههههههههههه مشكووره على ردك :) والله شجعتووني اكملهاا اليووم

تسلمي
الرواية جنان
واتوقع ان عنود بيعرفونهاا عن طريق ريما اختها بتقول الامها شي جذي يعني
اما بالمدرسه يمكن لآ يمكن اي عن ظريق فارس رفيج نواف الان ماسافر معاهم

بصنع انا حظي
تسلمين على ردك انتي الجنان والله

شكرا على توقعااتك و انتظري الاجابة بالبارت الجااي

....

والله شجعتوني اكملها الحيين :)

يلا انتظروه ان شاء الله انزله قبل الساعه 8

lady gaga lover <3 ©؛°¨غرامي جديد¨°؛©

البارت بطل و الرواية شكلها تحمس ننتظرك

غ‘ــنـ’ـوج‘ــہ ©؛°¨غرامي جديد¨°؛©

لحـد الحيـن الـروآإيه خـوقـآإقيه
لكن فيـه آششيـآإء محيـرتني ..!!
معقـوله آن آم نـوآإف وآبونـوآإف بيرضـون على بنتهـم تـدآإوم بمـدرسة آخوهـآإ ...!!؟؟
ويعطيك آلف عـآإفيه
وآصلـي آإبـدآإعك

meso0o^_^ ©؛°¨غرامي جديد¨°؛©

آآآآآآآآآآآآممممممممممم آآآآآآيووة مومكن نواف قال لاصحابو انو بيخلي اختو تداوم وفاررس يكشفها
مابعرف يمكن سر او يتمشى

M!ss NoOne ©؛°¨غرامي فعال ¨°؛©

روايتك روعه وعجبتني ..

بس فيه سؤال

شلون ام نواف وابو نواف يوافقون على بنتهم تروح لمدرسة اخوها .؟

واذا دقو مدرستها وقالو بنتكم ليش غايبه .. وش بيكون الموقف ؟ ولا احنا سبقنا الاحداااث .؟

اتمنى ما تزعلين مني

بس هذا حيرني وروايتك خققققق

النمله الورديه ©؛°¨غرامي مشارك¨°؛©

تابعي عيوني بس خلي البارت طويل

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1