منتديات غرام روايات غرام أرشيف الروايات المغلقة - لعدم إكتمالها يوميات اتنين متجوزين / يوميات لذيذة موت
ZOMORDA ©؛°¨غرامي فعال ¨°؛©

السلام عليكم ورحمه الله وبركاته

أهلا ياقمرات يارب يعجبكم الموضوع

واللى يعجبها وعايزه تقيم جزاها الله خيرا

بس المهم تدعولى بالزوج الصالح وبصلاح الحال



الكتاب ده انا قريته لكاتبه شابه بجد عسل عسل

ربنا يباركلها ..

هتشوفوا بنفسوا اد ايه اسلوبها عذب وجميل

وجت فى برنامج بلال فضل ((عصير الكتب )) فى الحلقه 21 أو 22 مش فاكره بالظبط

طبعا الجزء الاولانى منها اللى هو يوميات اتنين مخطوبين كان مشهور أوى

وهو نزل كتاب كمان
ياللا الحلقه الاولى ..

يوم الزفاف


:قالت سارة
أخيراً أصبحتُ في شقتي، عشّي الصغير، إحساس جميل أن يكون للبنت بيت خاص اختارت
.. فيه كل ركن وكل جزء على ذوقها الخاص، تفعل فيه ما تريد وتشعر بالفعل أنها ملكة متوّجة
أخيراً إنتهت الترتيبات والمشاوير والسهر والخناقات من أ
.. جل فرش هذا العش الرائع الصغير
أخيراً انتهى ضجيج الفرح وتفحص المعازيم فيّ كأنّني هابطة من المريخ، وكل واحدة من
عواجيز الفرح تمصمص شفايفها وتقول:
مش كانت بنتي أحسن؟
تعبت جداً من حمل الفستان الثقيل والحذاء الضيق ..
سبحان لله ..
هوّ كل أحذية العرايس
بتكون
ضيّقة ليه؟
.. وأخيراً أخيراً ح اكون لوحدي
إيه ده ..

صوت عمر بيقول: "
.. " مدام عمر اجمع عندي بالخطوة السريعة


مدام؟ ..
انا يا بيه؟


عمر:
إيه يا ستي سرحانة في إيه ده كله؟ ..
هو علشان مفيش حد فى جمالك النهاردة
يبقى خلاص؟ ..
لا يا هانم أنا لما أنده عليكي تيجي ق
بل ما أنده مفهوم؟ ..
وبعدين فين القطة
علشان أدبحهالك؟


سارة:
انت عاوز تاكل قطط النهاردة ولا إيه؟ ..
.. لو دبحتها ح اطبخهالك فوراً


عمر:
تطبخيها ؟!! ..
بنات آخر زمن ..
يعني مش خايفة مني؟


سارة:
لا مش خايفة..
أنا فرحانة جداً ..
وإنت؟


عمر:
أنا أسعد إنسان في
الدنيا ..
أول مرة بنتكلم أنا وإنتي من غير ألف محرم وعزول في
بيتنا ..
بجد البيت جميل أوي ..
ذوقك طلع يجنن يا سارة لما كل حاجة إتفرشت ..
وأجمل ما
فيه إن حبيبتي فيه ..
لا لا ..
مفيش كسوف خالص ..
خلّصنا الحدوتة دي ..
شوفي أنا باقول
علشان ربنا يكرمنا في حياتنا
نصلي أنا وإنتي ركعتين نبدأ بيهم حياتنا علشان ربنا يبارك لنا كل
خطوة ..
ماشي؟


سارة:
.. ماشي يا حبييبي


عمر:
حبيبي؟!! ..
.. لا يا ستي قومي غيّري هدومك واتوضى أحسن كده مش مصلّيين خالص


:قالت سارة
قمت ودخلت حجرة النوم ..
ولا أدري عندما دخلتها لماذا ارتجفت؟
؟
لله يسامح كل البنات اللي رعّبونا لما اتجوزوا ..
ليه يعني هيّ حرب؟ ..
أنا مش ح افكر فى
.. حاجة علشان ما اديهاش عياط من أولها
يا خبر ..
إيه كل الجيبونات اللي في الفستان دي، أنا كنت شايلة حديد زي المصارعين مش
فستان ..
لازم يعذبوا البنات فى كل شىء ..
ولله
.. حرام الغلب ده
غيّرت الفستان باعجوبة وارتديت عباءة جميلة مطرّزة ولم أجرؤ أن أرتدي الطقم الذى أوصتني
أمي ان أرتديه ..
.. العالم دي بتهرّج أكيد
وتوضئت في حمام غرفة النوم، وأزلت ماكياج الفرح وأسدلت شعري ليراه عمر لأول مرة،
وخرجت له لأجده غيّر البدلة وارتدى
البيجاما التي أوصاني العالم كله أن أهديها له، وكأن
الجوازة ستفشل لو لم تُهدي العروس عريسها بيجاما يوم الزفاف وسيُكتب الخبر فى الصفحة
!!الاولى


وجدته ينظر لي نظرة كلها إعجاب وحب واستقبلني مهللاً:
أنا عرفت دلوقت ليه الحجاب
فُرضِ ..
لو كنتي بتخرجي بشعرك الجميل
ده كانت حصلت مظاهرة ..
يالّا يا ستي نصلي
.. أحسن كده مش ح ينفع خالص


وصليتُ وراء زوجى لأول مرة وأحسست إحساس رائع أن زوجي الإمام وأن لله شاهد علينا
ونحن نبتهل بين يديه أن يرزقنا السعادة والتوفيق ..
ودعا عمر دعاء طويل وأمّنت عليه وأنا أدعو
من قلبي أن يحقق لله
كل كلمة فيه، وأن يكون زوجي الحبيب حبيباً طوال العمر وألاّ يفرقنا إلا .. الموت وألا يدخل الشيطان بيننا ابداً
وأنهينا الصلاة وجلسنا واحتضن عمر يدي فى يده لأول مرة، فارتجفت وظهر عليّ ارتباكي
وصاحبني خوفي واسترجعت كل الحكايات المفزعة التى سمعتها من أغلب ا
لبنات ..
وواضح أن
خوفي كان ظاهر ..


وكأن عمر قرأ أفكارى فوجدته يحنو عليّ ويقول:
إيه يا سارة الرعب ده
كله ..
إيه يا حبيبتي هيّ حرب؟ ..
ما تخافيش من أي حاجة خالص وسيبك من الأوهام دي
وحواديت البنات الفارغة ..
لو كانت الإرتباط مفزع كده ما كانش الإسلام سمى الليل
ة دي ليلة
البناء ..
يعنى الزوجين بيبنوا حياتهم فى الليلة دي ..
وكان سماها ليلة الحرب العالمية ..
مش
كده؟ ..
وياستي علشان تطمني أنا عاوز أتكلم معاكي وأستمتع إن أنا وإنتي لوحدنا لأول مرة،
.. وبعدين كل حاجة تيجي على مهلها

أحسست بجبل أزيح من فوق صدري وشكرت تفه
.. م عمر ورقته المتناهية
وتحدثنا طويلاً طويلا كأني طوال عمري لم أتحدث ..
وكان أعذب حديث شعرت به في حياتي ..
أتكلم مع زوجي وحبيبي وفتحت له قلبي وسقط حاجز الخجل مني وأخرجت كنز المشاعر
التي كنت أخبؤها من يوم أن تشكلتُ أنثى إلى اليوم، وأعطيتها إلى الرجل الذي
.. ارتبطت به
ووقتها عرفت عظمة الإسلام فى تحريم العلاقات المحرمة ..
وإلا كيف تشعر الفتاة بهذا الشلال
من المشاعر الفياضة البكر لو كانت ألقت مشاعرها لهذا وذاك، ووصلت إلى زوجها وهى مليئة
بمرارات التجارب الفاشلة؟

وشيئا فشيئا سقطت الرهبة و الحواجز بيننا، وتحدثت
القلوب والعيون و...
سكتت شهرزاد عن
.. الكلام المباح



ددعواتكم بقى ياقمرات
واحنا فى ساعه أجابه دعاء كده
والملائكه هتأمن ياستى وهتقول ولكى بمثل
يعنى موصلحه أهو



يتبع والجاى أحلى


مستنيه رأيكم
ومتنسوش النيه يابنات
ربنا يسعد كل اتنين متجوزين
ويرزق بنات المسلمين كلهم بالزوج الصالح ..


~ الأصيل ~ ©؛°¨غرامي مبدع¨°؛©

الله يعطيك العافية

على الطرح الجميل

وننتظر القادم

مع اطيب الاماني

نبض المعاني

روح زايــــد مستشــ¸.·* غرام *·.¸ـــاري

وعليكم السلام

يعطيك العافيه

منوره القسم



الزعيـ A.8K ـمه ©؛°¨غرامي ماسي ¨°؛©

,’



بسم الله
و عليكم السلام و الرحمة


يعطيك العــافية
يا حبذا لو تكملينهــا و ما تتـــأخرين :)


بـ إنتظــارك




,’


ZOMORDA ©؛°¨غرامي فعال ¨°؛©

متشكره يارب تعجبكم

Dalo3aa ©؛°¨غرامي فضي¨°؛©



صباحك / مسائك ورد

تسلم إيدك على الطرح
راااائع جداً
بانتــظار الإكمـــال ياقمر

ربي يوفقك والجميــع ^^

عبق الريحان لقلبك


دولاب مفتوح ©؛°¨غرامي جديد¨°؛©

..



:(
وين التكملة ؟



شُكراً ^^



..

ZOMORDA ©؛°¨غرامي فعال ¨°؛©

الحلقة الثانية


:قالت سارة
استيقظتُ من نومي وأنا لا أدري أين أنا، وأخذتُ أتفحص المكان بدقة وأنا أبحث عن حجرتي
القديمة فلا أجدها، ووجدت عمر نائم على السرير فانتفضت وكدت أصرخ فى وجهه ..
ثم
تذكرت كل شيء ..
وأخذت أضحك في سريّ وأنا أتذكر أمي وهي تقول لي:
إنتي يا سارة لما
!!بتصحي من النوم ممكن تطلبي البوليس للّي قدامك عقبال ما تعرفي إنتي فين
.. عندها حق، لازم أتخلص من العادة دي، مش كل يوم ح أصحى الراجل مفزوع كده
وأفقت لأجد أن جرس التليفون يرنّ منذ فترة
وخرجت على أطراف أصابعي حتى لا أوقظ عمر ..
ووجدتها ماما كما توقعت ..
.. الحمد لله أنها لم تكن حماتي


ماما:
صباح الخير يا ست العرايس ..
.. صباحيّة مباركة
أنا:
.. صباح النور يا حبيبتي
ماما:
.. أنا ما نمتش خالص قلقانة عليكي
أنا:
.. الحمد ﻟﻠہ كويسة
آه لو الام
هات تبطل القلق ده
ماما:
.. طيب يا سارة إحنا ح نيجيلك بعد الظهر شوية
أنا:
.. تنوّري يا ماما
طبعاً ماما أُحبطت من ردي ..
خلاص فعلاً حاسة إن لي حياة مستقلّة وأني لست في حاجة
إني أقول كل شيء لماما ..
وبعدين عاوزة ماما تتعود على الوضع ده علشان ما يحصلش
مشاكل
.. بعد كده

وضعت السماعة لأجد التليفون يرنّ مرة أخرى واضح ان تليفوننا هو الوحيد في مصر لأجد
مكالمة مشابهة من حماتي وإنهم برضه ح ييجوا بعد الضهر ..
.. والدعوة عامة وحتبقى لمّة



إستيقظ عمر وهو يبتسم ويقول:
صباح الفل يا حبيبتي، أهو ده الصباح ولاّ بلاش ..
بجد ملكة
.. حتى وإنتي صاحية من النوم
إبتسمتُ له وقلت أسدّ نِفسه بسرعة، فأخبرته إن كل العالم ح ييجيلنا بعد الظهر، يعني بعد
.. ساعة تقريباً



ووجدته يقول:
يا ستي يشرّفوا، بس بجد المفروض إن الأهل يسيبوا العرايس شوية ياخدوا
على الوضع الجديد وعلى الحياة الجديدة، مش
هجوم كده من أولها ..
ماهمّ لسه سايبنّا من
كام ساعة ..
حيكون حصل لنا إيه يعني؟ ..
وبعدين أنا ما نمتش طول الليل من شخيرك يا
.. سارة



شخيري !!!
؟


وكان ردي أن قذفته بكل مخدات الأنتريه، ولقّنته درسا لا ينساه فى احترام حرمه المصون
.. اللي هيّ أنا



عمر:
يا ساتر يا
رب ده إنتي شرّانية أوي ..
الواحد ما يعرفش يهزّر معاكي شوية؟



أنا:
لا يا سيدي ما عندناش رجالة يهزروا ..
.. يالّا تعالى نشوف ح نقدم للجماعة إيه
ودخلنا المطبخ وأعددنا ما سنقدمه للضيوف، وأعدنا ترتيب المنزل علشان الناس اللي ح
تيجي تتفرّج على الفرش الجديد ..
وغيّرت ملابسي وارتديت طقم جديد وحذاء بكعب عالي
.. لأول مرة، وربنا يستر وأعرف أمشي فيه
وخلاص بقى ح اعيش في دور المدام ..




وجدت الباب بيرن ووجدت الأسرتين سوا مش عارفة
ازاي؟



لقيت نفسي مفروض أستقبل حوالي 18
فرد مرة واحدة ..
ليه كده بس؟
ما علينا ..
المشكلة الأزلية
إن الناس اللي بتيجي بتتفرّج على كل الشقة حتى المطبخ ..
يعني المفروض إن أول ما الناس يشربوا حاجة أغسل الكاسات فوراً علشان الفرجة تبقى
كاملة ..
وهكذا لقيت نفسي تحولت إلى نحلة مكوكية أشيل وأحط وأغسل وأفرجّ الزباين،
أقصد الضيوف، على الشقة حتة حتة ..
ومش عارفة
ليه العروسة بتفتح النيش والدواليب وكل
الفرش وكل الأطقم لكل واحد ييجي؟؟ ..
فعلا حرب ..



المفروض الضيوف ييجوا يقعدوا في
الصالون فترة بسيطة ويلقوا نظرة سريعة على الفرش ويباركوا ويمشوا وخلاص، وبلاش
التفتيش الذاتي ده ..
لكن تقول إيه الواحد كان إتجوز فى الصين أحسن





:قال عمر
إيه الشغلانة دي؟ ..
ده بيت أبويا ما كانش زحمة كده ..
الناس دي ح تمشي إمتى؟
أنا تعبت ..
وسارة ياعيني ما قعدتش لحظة ..
ولمّا جيت أشيل معاها الصواني ماما قالت لي:
!!يعني عمرك ما ساعدتني في البيت يا عمر
الحمد لله إن سارة كانت في المطبخ، مش
.. ناقصين نكد




:قالت سارة
وأخيراً أخيراً مشيوا وأنا اكاد أبكي من التعب، لأني اصلاً لسه تعبانة من مجهود الفرح ..
حرام
.. الظلم ده




وجدت ماما تميل علي وهيّ ماشية وتقول لي:
خلي بالك من نفسك يا سارة وماتتعبيش
نفسك (
مش عارفة ازاي؟) ..
وعلى فكرة خالك وخالتك و
أولادهم جايين لكم بعد العصر
شوية ..
!!!! وعمة عمر وجوزها وأولادها جايين بالليل
حرااااااااااااااااااااااااام




:قالت سارة
يااااااااااه ..
دي فعلا حرب ..
إيه كل المهنئين دول، أنا حاسة إني كنت عانس مثلاً ومصر كلها
مش مصدقة إنى اتجوزت فجايين يتأكدوا بنفسهم
.. أحسن تطلع إشاعة
ضيوف ضيوف ضيوف طول النهار والليل، ومفروض أكون طول الوقت مستعدة ولابسة لبس في
منتهى الشياكة وكعب عالي، حتى لو لطعونا ساعتين تلاتة مش مهم ..
كعادة المصريين
يقولوا لك:
حنعدي عليك آخر النهار ..
الكلمة دي بتثير جنوني ..
يعني الساعة كام؟!!




وطبعاً
لازم البيت يبقى مفيش فيه ذرة تراب أو طبق في الحوض طوال اليوم، علشان حملة التفتيش
الذاتية، وتكون النتيجة إننا مش عارفين نخرج ولا نتفسح ولا حتى الواحد يقعد على راحته ..
.. حاجة تفلق





:قال عمر
هو الجواز ح يطلع مقلب ولا إيه يا رجالة؟!!
أنا حاسس إني في
الصين الشعبية ..
رجالة
وستات والكارثة في الأطفال اللي مش بيحلى لهم أكل الشيكولاتة ومسح إيديهم إلا فى
الصالون اللي الواحد دافع فيه دم قلبه ..
واللي يفرس أكتر موضوع الهدايا ده ..
كل واحد جت
له هدية مش عاجباه ييجي ويديهالنا، وطبعا إحنا كمان مش محتاجينها وقليل
جداً الهدايا
النقدية ..





الواحد بقى على الحديدة من مصاريف الجواز والفرح وقلنا ح تفرج من نقوط الفرح
يقوموا يدوها هدايا مالهاش لازمة؟ ده الواحد كده مش ح يعرف يعمل منظر في شهر العسل
ولا إيه؟ ومش ح اعرف أفسح سارة في مكان كويس؟!
شكلها كده ح ترسي على شقة
خالي في
اسكندرية مع سلفة أبويةّ لا ترد ..
.. وربنا يستر وما تحصلش مشاكل




:قالت سارة
نقعت رجلي في ماء وملح من كتر الوقوف وأخذت قرص مسكن وأنا أعاني من علامات "
كساح
مبكر" ..
ونزعت فيشة التليفون كي لا يتصل أحد آخر ويتحفني بالخبر الميمون:
إنه جاي في
السكة ..
وأغمضت عيني




وجدت عمر يضع يده على جبيني ويقول لي:
سلامتك يا حبيبتى من التعب ..
معلش أنا ح
اريحك حالاً ..
.. يالّا قومي رتبي الشنط ح نسافر حالاً



رددت كالملسوعة:
إيه ..
أقوم؟!! ..
وكمان نسافر؟!!!
حرام عليك أنا ح اموت خلااااااااااص ..
أنا
مش ح اتحرك أبداً من هنا




عمر:
يا حبيبتى مفيش حل تاني ..
أنا خلاص ح اتجنن من كتر الدوشة ..
لازم نهرب من هنا
ونستمتع بشهر العسل ..
إنتي ناسية إننا ح نرجع شغلنا بعد أسبوع؟



أنا:
طيب والفلوس يا عمر؟




عمر:
ولا يهمك يا حبيبتي، جوزك اتصرّف ..
.. جيب السبع ما يخلاش




أنا:
طيب والناس اللي عمّالة تيجي دي، حيتجي ما تلاقيناش؟



عمر:
أحسن ..
يبقوا يقعدوا مع البواب ..
ولله ده أنا مسافر مخصوص علشان أهرب منهم
.. ونكون أنا وانتي بس في الدنيا



أنا:
طيب مش أستأذن ماما وبابا الأول؟
!!!!!!!!!!!!!!!!!


فنظر إليّ عمر بغضب هائل وقال لي:
قومي دلوقتي يا سارة حضري الشنط حالاً حنسافر بعد
.. ساعة قبل ما أفقد أعصابي
فانتفضتُ من أمامه لأحضر الشنط فوراً وأنا لا أعرف ما الذي أغضبه إلى هذا الحد ..
علشان
قلت أستأذن بابا؟ طيب ما أنا لسه مش واخده على دور المدام ده.!!!
واضح إني متجوزة أسد
.!!وأنا مش واخدة بالي




وفي السيارة أخدت بالي إني أول مرة أركب مع عمر لوحدنا ..
كان إحساس رائع، والأجمل
إني تركته هو يقود الدفة ويوجهنا إلى حيث يشاء ..
إحساس جميل بإلقاء المسؤولية على
الرجل وإنتي تنعمي بالراحة والاطمئنان ..
سبحان لله، حتى القوامة للرجل التي تغضب منها
النساء، ما أجمله من
.. إحساس
وأغمضت عيني ونمت ..
واستيقظت لأجد نسيم الإسكندرية الرائع




عمر يوقظني كطفلة
صغيرة ويقول لي:
قومي بقى يا عروسة ..
.. وصلنا شقة خالي اللي حكيت لك عنها
وصعدنا الشقة ووجدتها صغيرة لكن مشرقة وجميلة، وأخذ عمر يفرجني على جميع الغرف
وخرجنا البلكونة لنستمتع بمنظر البحر الرائع،





ولكني وجدت فتاة جميلة وجذابة ذات شعر
حريري وقوام ممشوق في مثل سني تقريباً فى البلكونة المجاورة لنا تماماً ..
صاحت عندما
رأت عمر وقالت بدلال كبير:
حمد لله على السلامة يا عمر، مش كنت تقول لي إنك جاي؟!!
كده أنا زعلانة منّك ..




ثم انتبهتْ
أخيراً إلى "
الحشرة"
الموجودة بجواره اللي هي أنا وقالت
بتساؤل ممزوج بغضب:
!!! مين دي يا عمر؟


يتبع والجـــاى احــلى


Dalo3aa ©؛°¨غرامي فضي¨°؛©



صباحك / مسائك أوركيد

تسلم لنا هالأنامل يا أمووورة

بانتظارك :)

تحيااتي


ZOMORDA ©؛°¨غرامي فعال ¨°؛©

ايه ده ليه انا مش شايفه ردود

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1