غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 10-12-2010, 02:23 PM
برائـــة طفلـــهـ برائـــة طفلـــهـ غير متصل
آعيش الدنيــآ بقلـــــ طفلهـ ـــــب
 
B9 رواية صعب المنال / كاملة


بسم الله الرحمن الرحيم

السلام عليكم ورحمة الله وبركاته

اليوم رح انزل اول رواية بالقسم وهي رواية منقولة يعني مو انا الي كاتبتها

وبالنسبة للبارتات رح تنزل بشكل شبه يومي بس طبعا على حسب الظروف

يعني بالاسبوع رح انزل فوق ال5 بارتات ونبدأ هذي اول بارتين واذا عجبتكم على المغرب انزل كمان بارتين

والسلام عليكم ورحمة الله وبركاته


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 10-12-2010, 02:26 PM
برائـــة طفلـــهـ برائـــة طفلـــهـ غير متصل
آعيش الدنيــآ بقلـــــ طفلهـ ـــــب
 
الافتراضي رد: رواية صعب المنال (رواية سعودية) / كاملة


البــــــــــــــارت (الاول)

منال صعب المُنال



يادموعي جفي قبل نور الصباح
دايم يقولون كلام الليل يمحيه النهار
ابد مابي أشوف الضيم واسمع صياح
ابي جنبي تكونين نسقى ثمر وإزهار

بالبدايه خلوني اعرفكم على اسرتي الصغيره الي انا اموت واحيا بينهم
ابوفهد : هذا الوالد والله ابوي حبوب وطيب وتحطه على الجرح يبرى هو كبير شوي في السن
همه في الدنيا كلها راحت عياله يحب عياله كلهم وحلمه يشوف احفاده
فهد : هذا اخوي عمره 27 سنه متزوج من فتره بسيطه زوجته بنت عمتي اسمها هيفاء
عايشين احلى عيشه ويموتون في بعض فديتهم
ماجد : الي هو انا عمري 22 سنه والحين انا سنه ثانيه جامعه ادرس محاسبه
حبوب وطيب مافي اجمل من احم احم ياعيني على الوسامه فديت حالي والله
اخلاقي عاليه ماشاء الله علي واي بنت تتمناني ( ادري انتو بعد تتمنوني بس شسوي الدنيا حظوظ )
نور: اختي اصغر مني بسنتين عمرها 20طيبه وحبوبه ودايم بحالها ورزينه وتمووت في الدراسه تدرس طب بالفيصل
ليال: هذه دلوعة البيت واخر العنقود عمرها 18 سنه ثالث ثانوي قسم علمي
ومرررره حلوه وجميله لدرجة ان البنات يغارون من جمالها

وختامها مسك الوالده بعد اهلي وناس الله يخليها لي ام فهوود

وهذه العائلة وعشان اعرفكم اكثر لاتضيعون معي بتكلم لكم عن عايلة عمي ناصر
ابو ناصر : اخو ابوي الكبير شخصية تختلف عن ابو ي كثير ظالم
بقلبه مافي رحمه ومتسلط مره
حصه : عمتي الصغيره مو متزوجه عمرها 25 سنه مدرسة رياضيات بثانوي
شخصيه حلوه وطيوبه والكل يحترمها ويحبها ودوم البنات يلجئو لها بمشاكلهم لانها تفهمهم على طول وتعطيهم الراي الصحيح
ناصر: ولده الكبير طالع عليه الي يسويه ابوه يعجبه على قولتهم الي خلف مامات
متزوج عمره 30 سنه عنده 3 عيال متزوج من بنت خالته ايمان

خالد: عمره 24 سنه وهذا غير عنهم مره طيب وحبوب يقولون يشبه لي كثير
يعني تأكدوه انه وسيم بس محد بحلاتي

ريم : عمرها 23متزوجه وعندها علاوي صغنون ياقلبي حركاته مره حلوه

شدى : بنت طيوبه وحبوبه وعمرها 17 سنه ثاني ثانوي حلوه مره وواعيه
واي شاب يتمناها

عائله عمي ابو سعود
عمي ابو سعود عايش في الرياض لانه شغله كله هناك
ابو سعود: طيب كثيــــــر دارس ادارة الاعمال نفس شخصية الوالد وراعي سوالف وعلوم بس شديد على بناته لانهم في غربه
ام سعود:ام ماشاء الله عليها تحملت الغربه بعيد عن اهلها عشان شغل زوجها تخاف على بناتها كثير وتسمع كلمة زوجها
رنا:بنت عمرها 24 سنه دارسه ادب انجليزي تنتظر الوظيفه
امـانـي :عمرها 20 سنه تدرس في معهد دبلوم سكرتاريه طبيه عشان تبي تكمل بكالرويس بالشرقيه
وجيهان : عمرها 15 سنه داخله على سن المراهقه العيشه بره والضغط الي شافته من اهلها بسبب الخوف من دخلتها وطلعتها بره البيت وهي بمنطقه مو منطقتها
جيهان: عمرها 12 سنه دلوعة امها جاسوسه بالبيت كل سوالف خواتها توصلها لـ امها وخواتها مايسلفون قدامها لانها تنقل الكلام غلط لمها
سعود: هذا دلوع البيت واخر العنقود والآمر والناهي بالبيت واخواته كثير يغارون منه عمره 7 سنوات

والحين بعرفكم على العنود عمتي وعائلتها
ام هيام(العنود) : طيووووبه مره وتمووت في بناتها بس دووم تنتقد تصرفاتها لانها تبيهم يكونون احسن الناس
ابوهيام(صالح): دكتور وعنده مستشفى خاص خلوق لابعد الحدود وكلمته ماتنزل الارض ابدا والكل يحترمه من قوة شخصيته واخلاقه العاليه الله ماعطاه الول
اللي يشيل اسمه بس هو يحمد ربه ان الله عطاه البنات اللي يحبهم ومدلعهم اخر دلع ويحقق كل طلباتهم
هياام: عمرها 25شايفه حالها مخلصه دارسه تمريض وتشتغل بمستشفى ابوها كانت هيام اقل جمال بنات العائله عشان كذه كانت طباعها حاده لان الغيره تذبحها لما تشوف جمال بنات الباقيات
هيفاء : عمرها 24 سنه متزوجه اخوي وخلصت ثانوي وتزوجت مادرست جامعه
حنان : عمرها 19 سنه اول سنه جامعه تدرس اقتصااد لان نسبتها ماكنت قويه كثير جميله كثييير شعرها بني فاتح قصير يوصل لين اكتافها وبيضا وعيونها خضراء ورائه من عائلة ابوها كان طولها حلو مناسب جسمها
ايمان: عمرها 15 سنه هاديه لابعد الحدود وهي الحين بمتوسط عكس بنات عمرها تماما كانت جميله مثل جمال الهنود ودوم يشبهوها بشواريا الممثله الهنديه



الحين خليني اتكلم لكم عن حياتنا وكيف حنا عايشين بالبيت وكيف تعاملنا مع بعض انا بالنسبه لي قريب كثير من اهلي بالبيت وعشان اثبت لكم عيــشو معــأي حياتي ساعه بـ ساعه


] الجزء الاول [





ماجد نايم وكانت الساعه 10 الصباح يرن جواله ماجد يقوم من عز نومه ويفرك عينه من كثر النعاس

ماجد: الو ( صوته كان باين انه نايم)خير ياخوي عسى ماشر وش تبي
راشد ( اقرب صديق لـ ماجد دايم معاه اعز انسان بحياته):ماشر ياخوي وانت دايم نايم شعندك مع النوم صرت اشك انك متزوج النوم
ماجد: ههههه متزوج النوم ضف وجهك بنام
راشد: لا تنام ولاشي طفشت لحالي قمت اكلم نفسي انا هنا على البحر تعال لي ابيك
ماجد : خير رشود وش الي جابك للبحر ماخبري فيك رومانسي ورايق
راشد :منيب رايق ضاق خلقي قلت اجي الكورنيش تعال ابي احكي لك
ماجد : طيب جايك انت بأأي كورنيش
راشد : بكورنيش الخبر تعال لي بسرعه ياخوي
ماجد : خلاص جايك يابعدي باي
سكر التلفون ماقام من سريره يفكر ( شفيه راشد مو عادته اقوم اشوفه)
قام لبس وطلع جنان وهو لابس البالطو الجلد الاسود الطويل والجينز الاسود والبلوزه الحمراء حط في شعره جل عشان يثبت (ياحليله والله الشعر الناعم)
طلع في قمة الوسامه نزل شافته امه وكانت مره مستغربه مو عادة ماجد
ام فهد : صباح الخير
ماجد : هلا يما صباح الخير ( راح لمه وباس راسها ) يما انا بروح لـ راشد يبني ضروري
ام فهد: خير ياولدي فيه شي راشد تعبان او مريض
ماجد : لالا يما بس يبيني
ام فهد : طيب تريق وروح له دام مافيه شي
ماجد : شكرا يما بتريق معاه ..فمان الله يما
ام فهد : فمان الله الله يحفظك ياولدي
ماجد وهو يسكر الباب كان ابو فهد نازل من السلم
ابو فهد : خير ياام فهد وين طالع ماجد في ذا الوقت
ام فهد : راح يشوف راشد قال يبيه ضروري
ابوفهد : على خير حطي لي ريوق الحين( راحت ام فهد تجهز الريوق)انا بصحي العيال
ام فهد خلصت وجلست تنتظر عيالها ينزلون جا ابو فهد معاه فهد
شوي ونزلت هيفاء مع نور وجات ليال واجتمعو على الفطور مع بعض والسوالف على افى من يشيل
ماجد في الكورنيش
ماجد :ياراشد انا من جيت هنا وانت ساكت انت كلمتني اجيك عشان تسكت اذا بتم كذا انا بمشي ( قسى عليه عشان ينطق بشي)

راشد :اصبر علي والله مالي غيرك ( حس ماجد بالذنب ) ماجد شرايك باللي يعصي والدينه ويسوي الشي الي هو يبيه
ماجد ( محتار ويطالع في راشد بحيره) بالصراحه ياراشد انا مدري وش ورى السؤال وليه يعصي الواحد منا اهله عشان كذا ماقدر ارد عليك

راشد : اسمع إنا أبوي يبيني ادخل طب لانه عنده مستشفى وانت عارف ان انا تخرجت من الثانويه قبل العام وماقدمت على أي جامعه عشان ماقدر اسوي الي يبونه وماقدر اسوي الي ابيه طول عمري احلم اصير ضابط وهذا حلمي ومحد يقدر يحرمني منه ومحد يقدر يوقف في طريقي ( يقولها والدمعه بعينه وشاد على اعصابه عشان لاتهزمه دموعه)

ماجد : أنا ادري ان هذه رغبتك بس مو كل شي حنا نبيه يصير كل الناس تحلم بس لما ما يتحقق الحلم يعني مو نهاية العالم وهذا امل ابوك فيك وماعنده ولد غيرك فكر فيه انت بعد

راشد : ( معصب يخاف يرد ويبكي ومايقدر يسكت) ووين اهم قولي حلمهم ولا حلمي انا الي درست وانا الي تعبت وسهرت ومرت علي سنوات ماشوف نور الشمس وانا اذاكر شوف نفسك تخرجت معي ودخلت محاسبه لانك مقتنع وانت تبيها محد غصبك ( راشد بكي وهو يتكلم والغصه بحلقه )
ماجد : تقرب اكثر من راشد حط يديه على كتف راشد ) صلي على محمد ومابيصير اللي الله كاتبه الحين انت اهدى ونتكلم بوقت ثاني ماحب اشوف دموعك آجل الموضوع ياراشد وخلك قوي مثل ماتعود عليك ولاتهزك الريح ياصاحبي ولازم في يوم راح يتحقق حلمك اللي تبيه وادعي ربك اللي مايرد اللي يترجاه

راشد جالس على الارض وهدئ شوي لان كلام ماجد عطاه حافز انه يحاول مره ثانيه ويتحمل ويعيد التفكير بقراره

ماجد : قوم وانا اخوك نفطر تراك خرعتني وقومتني قوم قوم ناكل لنا شي

وقام راشد وماجد كان صوت الامواج رهيب راحو يتمشو على العشب الاخضر لان المنظر كان يهدي النفس لروعة المكان ودخلو ستار بكس كافيه لانه كان بوسط الكورنيش جلسو يفطرون

( في السياره )

ماجد : الحين بوصلك بيتكم والعصر امرك انا عشان ناخذ سيارتك من الكورنيش


راشد ساكت

ماجد خلاص ياخوي انسى وفكر بعقل وابي منك قرار ترضي فيه نفسك واهلك الحين انزل بيتكم واكلمك انا بعدين (نزل راشد )
ماجد : مدري شفيه هالولد كل الابواب مسكره بوجهه والله مابيدي شي عليه غير اني اهون عليه


ليال كانت تسمع بالصاله ( جاني حبيبي ) لـ راشد الماجد وترقص دخل ماجد البيت سمعت صوت الباب التفت وهدت ورفعت شعرها وطفت الاغاني كانت خجلانه من ماجد ابتسمت وطالعت بالارض

ماجد يبتسم لـ اخته : هلا ليال شخبارك ؟

ليال : هلا وغلا فيك يابعدي وينك اليوم ماكنت معانا بالفطور فتقدناك

ماجد : انا قلت للوالده كنت مع راشد

ليال ( سمعت اسم راشد طار عقلها وحمرت خدودها ) : اها راشد واخباره ؟

ماجد : بخير والله يلا انا بقوم اخد لي قيلوله لاني صحيت بدري
تقدرين تصحيني الساعه 2 الظهر ؟

ليال : من عيوني بس ماراح تنام كثير الحين الساعه 11

ماجد عادي مابي اطول بطلع مع رشود صحيني مو مثل هذيك المره

ليال : لا لااعتمد وانا اختك افا عليك بس ( تقول بقلبها ببتطلع مع راشد واخليك نايم مستحيل)

دخل ماجد الغرفه وبدل ملابسه وراح سريره وغمض عينه

جواله يدق وهو توه ببداية النوم نغمة( ايه احبك هذا حظي اللي انكتب ..دربي اللي امشيه وادري به تعب ) لـ اصيل ابو بكر المتصل ( منال القلب)

ماجد سمع النغمة فز من سريره

ماجد : الو .. هلا وغلا ( أي صح نسيت ماعرفكم بالي دقت علي هذه حياتي ودنيتي هذه حبيبة قلبي منال احبها من كل قلبي كل شي يجمع بينا حلو والله اندفن بالتراب الي تمشي عليها ياناس مافي شي يبعدني عنها الا الموت وانشاء الله تصير زوجتي وام عيالي بعد واعزمكم على زواجي بعد)

منال : هلا وغلا فيك ماجد اخبارك

ماجد ( بقلبه يقول فديت صوتك يالغاليه) : هلا فيك قلبو اخبارك

منال : ماجد انا بخير اخبارك انت ووينك البارح ؟

ماجد : هههه شوي شوي علي منول اولا انا ابخير ثانيا البارح انشغلت شوي وماقدرت اكلمك عشان كذا لما دقيتي ماقدرت ارد لاني وصلت تعبان ونمت

منال : نوم العوافي حبيبي ..طيب وش كنت تسوي

ماجد : والله توني بنام صحيت بدري ورحت الكورنيش لـ راشد كان تعبان شوي بس الحين احسن ورجعت قبل شوي وقلت بنام اذا تقدرين تصحيني بعد ساعتين تكونين اغلى واحلى بنت بهالدنيا
على الاقل اصحى على صوتك
منال:اه منك مجووود يعني في اغلى مني
ماجد: لايابعد ناسي انتي وبس يااغلى من سكن قلبي
منال: فديتك انا
ماجد: تسلمين يالغاليه
منال: الله يسلمك
خلاص نام وبصحيك انا بصحيك الساعه 2 الظهر بس على شرط تحلم فيني ولابعاقبك ..
ماجد : فديت الي بتعاقبني بعدين انا احلم فيك اونا صاحي كيف وانا نايم فمان الله ياقلبي انتبهي لنفسك
ياربي كيف الحب يسوي فيني كذا وربي منال احلى بنت شفتها والله ماشوف مثلها

ليال: كالعاده جالسه على السوالف في التلفون كلمت نوف وعزمتها لليلة الخميس على عشاء
ليال: خلاص اعتمد تجين وكلمي لي مريم عشان ماتقول اني ماعزمتها ام السانين وقولي لـ سميه وحوراء

نوف تضحك : ..اي والله خلاص بقول لهم

ليال: الحين يالله باي
نوف باي

ليال راحت المطبخ لـ أمها كانت تتطبخ الغذاء دخلت شوي شوي على اطراف اصابعها وتقرب شوي شوي لـ امها وتصرخ بـ أذن امها

امها تصااااااااااااااااااارخ : ليااااااااااااااااااالو وججججججججججججججع ماتتأدبين انتي خرعتيني

ليال: ( ماسكه بطنها ميته ضحك ) ههههههههههههههههههههههههههههههههه

راحت تركض اووف الحين وش اسوي هيفاء مع فهد بغرفتهم عيب ادخل عليهم ومجود نايم والوالده تتطبخ والوالد طالع مالي غير نوير

ليال : تدق الباب على غرفة نور
نور : هلا ليال خير
ليال: خير بس مره ملانه اووووووووووووف الحياه زهق ( وهي تصارخ ) ( نور ترمي على وجه ليال المخده )
نور : وانتي دايم كذا يابنت اعقلي الحين شلي اسويه لك
ليال : مادري ... يوووووووه الساعه 2 ونص بروح اصحي مجود نسيته وترررررروح تركض
وتطيح على وجهها نور تضحك على هبال اختها
ليال : تدق باب غرفة ماجد وتدخل كان ماسك الجوال يكلم منال اشر لها عشان تتطلع
ليال ( بصوت عالى ) مالت عليك دام عندك من يصيحك ليه تتعبني تدري اني جالسه على باب غرفتك اخاف ابعد شوي وانساك وانت مو حاس فيني
ماجد ( مسك الجوال وقال لـ منال ) : دقيقة ثواني بس

قام مسك ليال من شعرها وقطها بره الغرفه وسكر الباب

ليال : تصارررررررررررخ اوووووووف هذه جزاتي مايدري انه خرب جدول اعمالي يوم قال لي اصحيه
سمعت صوت التيلفون راااااااااااااااااااااااااااااحت تركض وتتطيح على السلم
ليال : الو
ابوناصر: هلا ليال وين ابوك
ليال : لحظه عمي
ليال راحت تركض للمطبخ يما يما ابوي جا من بره ولا لا
ام فهد جا الحين جالس بالمجلس ( ليال راحت تركض المجلس يبا يبا عمي ابو ناصر يبيك في التيلفون )
ابوفهد : خير انشاء الله سكري الخط انا برد من هنا
ليال راحت تركض وتسكر التيلفون
ابوفهد : هلا بو ناصر اخبارك
ابو ناصر : هلابك بخير انا اسمع ياخوي بلغ اخوانك ان في اجتماع هذا الاسبوع وراح يصير في بيتكم
ابو فهد : طيب انا ابلغهم
ابو ناصر : مع السلامه ويقفل الخط
ابو فهد: خير انشاء الله والله ينخاف منك يابو ناصر

ماجد طلع من غرفته نزل لـ الصاله وشاف الوالد جالس بروحه

ماجد : هلا يبا اخبارك ويبوس راسه سامحني يبا اليوم طلعت بدري ماسلمت عليك
ابوفهد : عادي ياولدي الحين اذن العصر خلينا نروح نصلي قبل مانتغذى ماجد بلغ اخوك وقوله يتوضأ وينزل
ماجد : حاضر يبا
رحت لـ غرفة اخوي فهد .. دقيت الباب بهدوء وردت علي هيفاء
هيفاء والنوم في راسها : مين الي عالباب
ماجد: هيفاء اعذريني على الازعاج بس ياليت تصحين اخوي عشان نسير للمسجد نصلي
هيفاء: ان شاء الله ماجد الحين اصحيه
سمعتها تقول له وهي تصحيه
هيفاء : حبيبي فهودي بكل حنيه
خجلت انا شوي شوي بس مو كثير
فهد: نعم عمري ايش بغيتي ؟
هيفاء: قوم مع الوالد وماجد لصلاة
فهد: ان شاء الله حياتي الحين باقوم البس واتوضى

( ماجد من وراء الباب)
ماجد: ياربي متى يجي هذاك اليوم الي تقولي فيه ياعمري وانا ارد عليها هلا حياتي ياخوفي مايجي ذا اليوم واحنا متزوجين
لا الظاهر النوم مأثر فيني
جلست اضحك على حالي <<< صحيح رايق
وانا سارح افكر قطع تفكيري ابوي
بوفهد: يالله يبا مشينا مابي الشيخ يبدي وحنا ماوصلنا
في نفس الوقت طلع فهد من غرفته : ايه يالله يبا
مشينا لين المسجد كان صوت الاذان يرد الروح وفيه روحانيه كثير
دخل الوالد لمسجد واخوي فهد على يمينه وانا على شماله
بوفهد+ فهد+ ماجد : السلام عليكم
ردو الموجودين : وعليكم السلام والرحمه حيى الله بو فهد وعياله

هيفاء نزلت تجلس مع ام فهد عشان ماتجلس بروحها
وهي نازله صادفة ليال
ليال وهي تركض :هلا هيوف كيفك وتعطيها بوسه في خدها وهي تركض
هيفاء تضحك على رجة ليال
ليال ادخلت غرفة ماجد بتحط لها عود من عند ماجد لان دايم ذوقه حلو
سمعت الجوال هو ما اخده المسجد جاها فضول مسكت الجوال


( راشد يتصل بك )
يدق قلب ليال تبي ترد عليه <<<انا مو صاحيه اش بيقول عني تركت الجوال وطلعت من الغرفه

**


نور تدق على جوال ماجد
ماجد : الو هلا نور
نور : هلا ماجد هلا اخوي وحبيبي هلا يابعد الدنيا والله
ماجد : نور حفضنا هالحركات اخلصي الي بعدوووه
نور : ماشاء الله عليك فاهمني والله ابيك توديني اشتري اغراض ليال عازمه صديقاتها
ولازم تعرف عزيمة بنات لازم تكون راهيه بتوديني ولا ادق على السواق
ماجد : لاتدقين على سواق ولا شي انا جاي هالحين


نور: ابي اروح الراشد

ماجد؟: يعني لازم الراشد والله زحمه ولووعه تجمعات الشباب فيه

نور: بس الراشد فيه المحلات اللي احب اشتري منها

ماجد: من عيووني يالغلا على هالخشم

نور : الله لايحرمنا منك يااحلى واجمل واعذب وارق والطف اخوووووو يارب ولا يحرمني من هالخشم جنان وربي


ماجد: لا لا أي مصدق انا بس شوي شوي ترى اتشقق الحين

ونور راحت لبست عبايتها ونزلت ولقت ماجد ينتظرها في السياره وكانت تبي اختها ليال بس
كانت شوي مشغوله تجهز للعزيمه الي عندها

ماجد وهو مشغول بالسواقه ويردد اغنية (يسالوني ليه احبك حب ماحبه بشر .. وليه انتي في حياتي شمسها وانتي القمر) لراشد الماجد

نور: اوووه مجوود قام يحفظ اغاني اش هالتطور شكلك عاشق ولهان قولي وانا اختك من هذي

ماجد : اقول سكتي ترى ماني برايق لحركاتك
نور : منت برايق لي ولا تستحي تصارحني
ماجد: اقول يالله انزلي وانتي ساكته وصلنا
نور : بتنزل معي ولا ...
ماجد : بنزل معك اكيد ثواني اوقف السياره واجي
نور انزلت راحت المكان الي تبي منه الاغراض وماجد حاسب عنها
ماجد : ها .. تبين شي ثاني ولا نطلع
نور :لا لا خلاص عشان ما أتاخر على امي واساعدهم

(في السياره نور رجعت لنفس مووضوع الحب )
ماجد : انتي مو شريتي الي تبينه من السوق وخلصتي
نور: أي خلصت ليه تسال ليكون ثقلت عليك <<تكلمه بثقل
ماجد : زين عرفتي يالله انا بنزلك البيت واذا سألتك الوالده عني
قولي لها طلع مع راشد واذا بغيتو شي كلموني
نور : ان شاء الله يالله فمان الله

نور دخلت البيت وجلست تساعد ليال بتحضير العزيمه ومعاهم هيفاء زوجة فهد

نور : يما مادريتي الظاهر ان ولدك صابه سهم كيوبيد

ام فهد : وش ذا الهرج شتخربطين انتي اقول تكلمي كلام ٍ مفهموم ولا اسكتي ازين

ليال: اقول نور انتي كيف عرفتي انه عشق وان صابه سهم كيوبيد

ام فهد : رجعنا لهالكلام الي مدري من وين تجيبونه تراني جالسه بينكم ترجمو لي ولا تتكلمون بالالغاز

هيفاء : عمتي هذولي يقولون ان مجوود يحب

ام فهد : ياحبيبي مجوود كبر وصار يحب بعد والله هو بس يأشر وانا اختار له بنت الحلال

ليال :ياحظك يامجوو اجل انا بعد بحب عشان أأشر وتزوجيني
ام فهد : هذه الي يبي لها طق
ليال : تضحك .. اقول حاولو تخلصون بسرعه وانا الحين بقوم البس عشان قرب وقت جيت صديقاتي

ليال ركبت غرفتها ولبست تنوره سودا قصيره وبلوزه سودا شيفون فيها شك فضي ولبست بوت اسود طويل وحطت لها منديل فضي فيه تطريز اسود وحطت لها وحطت لها كحل وضلال وردي خفيف برز جمال عيونهاالجميله وروج وحمرة خدود ورديه مره خفيف وفلت شعرها الي واصل لـ نص ضهرها وطلعت قمر

نور البست جينز ازرق وبلوزه ورديه فاتحه ورفعت شعرها بشريطه ورديه وماحطت لهاالا كحل وقلوس لانها حلوه بطبيعتها

ليال قبل ماتنزل راحت تشوف هيفاء دقت الباب ممكن ادخل
هيفاء : ايوه ليال تعالي وشرايك احس انه مو حلو ابدل
ليال لا وربي قمر صكيتي على بعد
كانت هيفاء لابسه جلابيه عنابيه مره حلوه وكمومها وساع طويله شوي وعليها سلسال من اللولو ابيض وفلت شعرها القصير المطبق وطلعت طبقاته على بره وحطت لها ظلال خفيف ورسمت عيونها بالكحله وحطت لها روج وردي ناعم
هيفاء ليال انتي نزلي الحين بجي ورااكِ
ليال : صار بس لاتتطولين

نزلت ليال وكانت نوف داخله من الباب
ليال تركض لـ نوف ليال : هلاااااااااااااااا تو مانور البيت
نوف : أي قصي علي نور البيت اصلا انتي تنورين الشرقيه كلها أي الشرقيه قولي تنورين السعوديه كل ابوها
هههههههه ويضحكون

ليال: هلاااااااا والله وشذى النور الي جانا انا اقول بيتنا نور
مريم : اه يالعياره انا مدري من وين تجيبن هالكلام وحشتيني مرررره

نوف : وينك انتي خلاص من رحتي علمي ماعاد نشوفك مسويه فيها الاولى

سميه : شوي شوي على ليال اكلتوها

ليال : أي سميه دافعي عني شفتي شلون علطول يشرهون علي

مريم : الا وين فيه الوالده وزوجة اخوك فديته والله

ليال : هي انتي لاتفدين اخوي ترى زوجتة تغار عليه اخاف الحين بالنعال على راسك

مريم : اووو اسفين بس والله مزيون اخوك انتي ماطلعتي عليه مع هالخشه

الا وبنزلة نور وهيفاء



نور وهيفا: السلام عليكم

البنات مريم ونوف وسميه : عليكم السلام

ام فهد : شخباركم يبنات شعلومكم ؟

مريم : شوفة عينك ماتغيرنا على حالنا

نوف : أي والله ولاحده فينا تزوجت ولا نخطبت الظاهر بنعنس

ليال: لعنبوك انتي عمرك 17 تبين تتزوجين اقول جيل اخر زمن


هيفاء : اقول تراني ميته من الجوع قومو ناكل ادري انه بدري بس تراني بموت جوع نكمل كلامنا وحنا ناكل

ليال : أي والله يالله قومو ونسولف هناك

قامت نور ونوف وليال وسميه وهيفاء الا ويدق جوال مريم
مريم: الو

ليال تمسك نوف امشو عنها مريومه اذا خلصتي تعالي لنا

مريم : الو .. هلا يما خير وش بغيتي
مريم : انشاء الله انشاء الله يما اذا رجعت يالله باي

دخل ماجد فجاءه وهي دارت شافته بوجها ماجد
صارت تتطالع بأعجاب هو نزل راسه بالارض وكمل طريقه وهو يناضر الارض وهي مبهوره بجماله كمل طريقه وهو خجلان وركب فوق




وهي تذكرت انها لازم تروح لـ صديقاتها مشت وهي تحمل خطواتها بثقل وبالها عند ماجد
ليــال: بصوت عـــــــــــــــــــــــالي يهــــــــــــــــــز الارض :مرررررررررررررريم وجع وينك تكلمين الخطيب المنتظر انتي ولا وشو

مريم ( بهدوء) : ها.. جيت..خلاص

نور ونوف تحط العشاء وليال مسكت مريم وجلسو على الطاوله
ليال تتطالع سميه ومره مستغربه من هدوء مريم وليه موعادتها ماتهجم على الاكل
وقامو يسولفون عن المدرسه والمواقف اللي تضحك وام فهد وهيفا ونور ميتين من الضحك عليهم
ماجد طلع لـ راشد بره البيت يعطيه الفلم
راشد : خير شفيك رحت ونقعت داخل وموقفني هنا ياخي زهقت ماصار
ماجد : اسكت فاتك وش صار لي داخل
راشد هههه والله ضحكتني الي يسمع داخل بيت الاشباح انت داخل بيتكم
ماجد : لالا وانا داخل شفت وحده من صديقات اختي بروحها بالصاله وصارت تتطالع فيني بضمير وماشالت عينها عني انا ادري اني وسيم بس مو لها الدرجه ( ويعدل شماغه وهو يقول هالكلام ورافع حاجب وطالع جنان )
راشد : عسى البنت حلو يــا ... الوسيم
ماجد : ياخي شدراني عنها ماشوف الا منال القلب آآآآآه من منال القلب
راشد : عطني الفلم بروح ارقد وانت خلك مع منال القلب
ماجد : امسك ويالله تصبح على خير
راشد باي ( ومشى)
رجع ماجد يدخل البيت ويقول في قلبه ( يارب ماتتطلع لي عجوز النار ابي اركب غرفتي بسرعه )

نوف وسميه ومريم طلعو من البيت الساعه 12 الليل
ليال ( ركبت تنام دخلت الغرفه بدلت ملابسها ولبست بجامه فيها صورة دبدوب وردي وهي بالفراش تدكرت راشد آ ه ياراشد كيف تخليني افكر فيك)
ااااوف شفيني انا .....خليني انام ازين لي باين بديت اخرف
يوم ثاني

الصباح الساعه 10صحت هيفاء بدري وهي تنزل من السلم شافت خالتها حصه وخالها ابو ناصر وابو سعود بالصاله مع ابو فهد وامها العنود نزلت تسلم عليهم
العنود قامت لـ بنتها وهيفاء جلست معاهم بالاجتماع

ماجد جلس مع خالد ولد عمه ابو ناصر وفيصل ولد عمه ابو سعود وعبد الله اخو فيصل بالمجلس الثاني لانهم شباب ومالهم بسوالف الكبار
من مجلس الرجال

ابو فهد : خير يابو ناصر في شي انت في بالك وسكت ترانا جالسين قول الي في قلبك وربي شغلت بالي تكلم
ابو ناصر : ماشر وانا اخواك بس انت تدري ان عيالنا كبرو وصار لازم نفكر فيهم شوف كيف ربانا ابوي وكيف صرنا ولازم نصير زيه ونربي عيالنا مثل ماربونا

_(( الكل يطالع في ابو ناصر بتعجب ابو فهد يقول في قلبه : ناويلك على شي منت خالي
.
.
.

يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 10-12-2010, 02:29 PM
برائـــة طفلـــهـ برائـــة طفلـــهـ غير متصل
آعيش الدنيــآ بقلـــــ طفلهـ ـــــب
 
الافتراضي رد: رواية صعب المنال (رواية سعودية) / كاملة


البــــــــــارت (الثاني)

ابوفهد : اكيـد ياخوي بس مهما كان الجيل تغير وعيالنا مو مثلنا

العنود: أي ياخوي الشباب الحين من ولادتهم راسمين حياتهم ومستقبلهم وبانين خطة مستقبلهم

ابو فهد : بو ناصر وش المطلوب نسويه عشان نرضيك؟؟

ابو ناصر: اللي اعرفه ان العيال كبرو وانا مابتكلم بدراستهم واعمالهم هذا الشي راجع لكم ولهم بس لما نجي للزواج لازم نزوج ماجد وخالد وفيصل وبهالسن الزواج يحصن البنت والولد
العنود : لكن البنات الي تبي تكمل دراستها والي عندها اهتمامات ثانيه وانت تدري هم بيعشون حياه وحده مانبيهم يقولون انتو السبب وقفتو بطريقنا ومايرضيكم نحطم احلام عيالنا

ابو ناصر: مو شغلي انا الي ابي اقوله لكم ان هذه كلمتي ولازم تتنفد ( ابو ناصر قام من المجلس وولده ناصر مشى وراه )

ابو فهد: انا مااقدر اتحكم فيهم كل واحد منهم له طموحه واحلامه ماقدر اجبرهم على شي هم مايبونه انا عودتهم على كذا وهذي حياتهم

حصه : ياخوي هدي حالك ماعليك من بو ناصر صلي على النبي واركد
ابوفهد: اللهم صلي وسلم عليه
العنود : مافي شي يسوى زعلك وانا اختك

ابو سعود : ليه معصب يابو فهد هده مهي باول مره ولا اخر مره تعود من الشيطان وخلينا نقوم نتغدى ترى وراي مشوار طويل

حصه: صحيح يابو سعود ليه ماجبت العيال وام سعود من زمان ماشفناهم

ابو سعود : والله ياحصه كنت بجيبهم بس مدرسه وكذا قلت خليهم هناك ومره ثانيه انشاء الله اجيبهم وتشوفونهم

ابو فهد : يالله اشتقنالك متى ترجع تسكن بالشرقيه
ابوسعود: مابقى شي كلها سنه ونص وبتقاعد وبرجع الشرقيه

ام فهد ( من ورا الباب) يالله يابو فهد الغدا جاهز تعالي حصه والعنود تغدومعنا وخلي العيال يروحون يتغدون مع الرجال

(الجزء الثاني)
ام فهد : ميررررررررررررررررررررري ( الخدامه ) نادي على ليال والبنات من غرفة نور
خليهم يجون يتغدون

ميري : ان شاء الله مدام

جلست ام فهد وحصه والعنود على الطاوله وجات هيام وحنان وايمان بنات العنود

ام فهد : يالله سمو بالله وكلو 0000000
الجميع: بسم الله الرحمن الرحيم

وبدو ياكلون
ليال: يما شفتي حنان تقول مسويه ريجيييييييم ماتتغدى
العنود : حنانو اليوم خديه اجازه
ام فهد : اكلي يابنتي وتزيدين حلى فوق حلاكِ لما تاكلين اكلي وبتروحين بيتكم بتشوفين طابور خطاب
حنان : احم احم
هيام(تناظر اختها بنظرات فهمتها على طول حنان من طرو طاري الزواج وهيام مختبصه لان اختها دوم تنخطب وهي ولامره جاها النصيب)
العنود : شفتي شلون اكلي
حنان ( حمرت خدودها ) : ان شاء الله يما الحين اكل
وتقرص حنان على يد ليال
ليال:آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآه يماااااااااا

الرجال خلصو غداء ابو سعود استأذن عشان يروح الرياض

العنود جاها زوجها
ام فهد : مو تقطعين ازعل عليك دايم تعالي لنا
نور: عمتي دايم تعالي لنا انتي وحنان وهيام وايمان والله تملون البيت علينا
(العنود : اموت انا في العياره ..بنجيكم لاتخافين
الكل يضحك والعنود مشت
(في الصاله)
ام فهد جالسه بالصاله
ماجد : دخل ..هلا يما ( باس امه على راسها) وين فهد ماشفته طلع من الغداء

ام فهد : يقول دايخ وركب حتى هيفاء ماجلست معنا راحت لـ زوجها مدري شفيهم مو عوايدهم

ماجد : طيب ماي ماذر بروح اريح تعبت من الصباح جالس

ام فهد: وش اللي ماضر وضر ياولدي عسى ماشر

ماجد مسك بطنه من الضحك:ههههههههههههههههه
اقصد انادي عليكِ يااحلى ام بالدنيا فديتك والله
يالله يما انا بركب فوق انام

ام فهد: نوم العوافي يالغالي

ماجد: يعافيك يالغلا كله
(نور راحت تزور صاحبتها لانها بالمره تبي منها كم ملزمه )

ليال كالعاده جلست على النت تكلم صديقاتها بالمسنجر شافت مريم اون لاين كلمتها



مــــــــــريووووومه الحـــــــــلوه (F)

هلا وغلا بــ احلى ليال بهالدنيا

لـــــــــــــــــيالي الشـــــــــــــــوق (l)

هلا فيك وانتي دايم كذا ماناخد منك الا الكلام الزين

مــــــــــريووووومه الحـــــــــلوه (F)

طبعاُ الكلام الزين مايطلع الا مني

لـــــــــــــــــيالي الشـــــــــــــــوق (l)
اقول اعقلي بس



مــــــــــريووووومه الحـــــــــلوه (F)

صحيح ليال اخوك ماجد كم عمره ؟


لـــــــــــــــــيالي الشـــــــــــــــوق (l)

شعندك انتي كذا وشذا السؤال
بنناسبينا على غفله مدري كم عمره بظبط بس هو سنه ثانيه جامعه

مــــــــــريووووومه الحـــــــــلوه (F)

لابس حبيت اعرف مين اكبر انتي ولاهو

لـــــــــــــــــيالي الشـــــــــــــــوق (l)


اها

مــــــــــريووووومه الحـــــــــلوه (F)


طيب اقول ابيك تكلميني بقول لك شي الحين ضروري


لـــــــــــــــــيالي الشـــــــــــــــوق (l)



لا والله انا مشغوله شابكه النت ومابي
افصل وجوالي ماسددت فاتورته ونور اختي طلعت شسوي لك

مــــــــــريووووومه الحـــــــــلوه (F)

اقول قومي فزي خدي جوال اخوك ماجد
وكلميني بقول لك شي وقفلي << مريم مخخطه لها الشي لانها عارفه ان ليال اذا شبكت ماتفصل وعارفه ان جوالها مقطوع


لـــــــــــــــــيالي الشـــــــــــــــوق (l)

طيب ثواني بروح اجيبه وبدق


مــــــــــريووووومه الحـــــــــلوه (F)

لاتتطولين


ليال ماتدري عن نية مريم قامت مخترعه راحت لـ غرفة ماجد فتحت الباب وماتت من برد الغرفه في بالها لو فاتحه الثلاجه ارحم

بشويش مسكت الجوال و طلعت بره الغرفه ودقت الرقم
ليال: هلامريم خير شغلتي بالي قولي تراني اخدت جوال مجود
مريم : هلا هذا جوال ماجد
ليال: مو وقتك تاخدين وتعطين معي وش السالفه
مريم : ( ها ... اممم ترد بتردد محتاره ) ها أي لا كنت بقول لك ان بكره بالمدرسه لاتنسين الكيمياء لان المدرسه هددت

ليال: انا اولا مستحيل انساه ثانياً انتي مره رايقه الحين هذه سالفه تخرعيني عليهاكنتي تقدرين تقولينها بالنت مالت عليك ماقول الا ضفي وجهك باي وسكرت ليال الخط وهي ماسكه الجوال يدق الجوال

راشد يتصل بك
ليال دق قلبها : ياربي هذه ثاني مره راشد يدق والجوال عندي معقوله يحس فيني اووووف خليني ارجع الجوال وارجع النت قبل مايصحى مجود

رجعت الجوال وطلعت

رجع دق الجوال ماجد وهو نايم يمد يده وياخد الجوال ( المتصل منال القلب) يفز قلبه

ماجد : هلا منوله هلا قلبي وينك انتي
منال: هلا ماجد نايم والله ماودي اصحيك ارجع نام
ماجد : لا عادي قلبو كل شي منك حلووو ياقمرحياتي
منال : شسويت اليوم جو اعمامك ولا ماجو
ماجد : عقبال ماتكونين معي بنفس البيت عشان تعرفين كل شي بدون مااقولك
الا وليال تدخل الغرفه وتصااااااااااارخ : ماااااااااااااااجد


اصحىىىىىى راشد بررررررررررررررررررررررره


ماجد : بصوت خفيف : وجع يالدوبه تعلمي الادب مع وجهك هذا اسلوب طلعي بره

(منال تسمع وميته ضحك عليهم)
ماجد :ايوه منال سوري
منال : ياحلوك وانت معصب
ماجد : احم احم طبعا مو حبيبك
منال :روح لـ راشد
ماجد : الله يرجك ياليال سمعت الناس كلها بصوتها العالي طيب منوله انا اكلمك بعدين يالله باي
منال: باي

ماجد نزل لـ راشد وهو نازل شاف نور لابسه عباتها ولسا راجعه من بيت صاحبتها

ماجد : اذا شفتي ليالوو طقيها طق
نور: ههههههه من عيوني انت تامر حتى بدون ماادري على ايش بنفذ اللي طلبته

وطلع من البيت راشد : ماجد هلا اخبارك كنت جايك بجلس معك بس الجين يماجد انا جاني تلفون ضروري بروح اشوف وش صاير وبرجع لك انتظرني بالمجلس مابي اجي واقول لهم ينادونك ولا ادق على جوالك وماترد ثواني وبجي

ماجد : على خير بس لاتتطول

دخل ماجد المجلس وفتح التلفزيون
ْْْْْْْْْْْْْْْ................................... ................
(في الصاله)
ليال يدق جوالها وكالعاده ليال تركض للجوال وتتطيح بالارض
ليال : الوو هلااااا طحت وش تبين طيحتيني
مريم : هلا يالمرجوجه وانتي كل تركضين سمعي انا مسويه حلى وتذكرتك وقلت لازم تذوقين عمايل يد مريومه المهم انا بالطريق بجيبه لك وبمشي
ليال : طيب غلاتي انتظرك عنوني بس مدري ليه متعبه حالك لكن يالله هذا بدل الخرعه
مريم : تعبك راحه طيب انا جايه باي
ليال: باي


نزلت لامها بالطابق الارضي شافت نور جالسه بالصاله راحت لغرفتها ولبست لها على السريع تنوره جنز لـ تحت الركبه على بلوزه ورديه ربع كم كان لبسها ناعم جدا بس يازينه عليها وتكحلت ورفعت شعرها وطلعت ناعمه

ليال بصوتها العالي: يمااااااااااا نوررررررررر وين اميييييييي
(نور ماتكلمت لان ليال بخبالها تسأل ولاتنتظر الاجابه)

يمااااااااااااااااا مريم بتجي وبتجيب لي حلى تقول تذكرتني بـ كيكه
ام فهد : فيها الخير والله مريم تذكرتك بشي مو مثلك تعلمي شي ووديه لها
حتى ماتعرفين تولعين النار
ليال : يما رجعنا لنفس الموال
ام فهد : ليال ليه احنا خلصنا من نفس الموال عشان نرجع له

يدق الجرس .. ليال في قلبها(جيتي في وقتك يامريم) ليال تررررررررررررركض تفتح الباب
ام فهد : تعالي يمكن مو مريم شوفي مين اول لاتتطلعين كذا
ليال : لالالا يما هذه مريم انا اعرفها هي كلمتني

ليال تركض وتفتح الباب وهي متحمسه مررررررره


يدخل راشد من الباب ( على باله الخدامه فاتحه له الباب )

شاف ليال ورا الباب انبهر بحلاتها( يقول بقلبه صحيح ماجد جميل بس اخته ملاك نازل من السماء)
ليال تتطالع وعيونها مفتوحين شوي وتنزل راسها وترررروح تركض ومو مستعوبه الي شافته ( راشد شافني ياربي وش الي صار )

ام فهد : وين مريم.......ليال وين مريم
ليال: ها مادري يما ماشفتها وهي تتطالع بالارض وترد بهدوء

( ياربي انا هذا الي كنت ابيه بس مو بهالطريقه اكيد بيقول عني مهبوله )

وصوت الجرس مره ثانيه : ليال تركض اكييييييد هذه مريم وووووتوصل للباب

ام فهد : ياربي انا متاكده ان هالبنت مابتعقل الا لما تتزوج مدري طالعه على مين

ليال وهي فاتحه الباب : هلا مريم
مريم : هلا عنوني هذا الحلا مابقدر اطول اخوي واقف بره مابي يصرقع السياره على راسي
كلي الكيكه واذكريني بكره اشوفك بالمدرسه
ليال : تسلمين قلبوووو
مريم : يالله باي وطلعت بسرعه ركبت سيارة اخوها

وسام ( اخو مريم) : انا قلت لك دقيقه طولتي
مريم: حرام عليك ماطولت ولا شي بس عطتيها الحلى حتى ماسلمت عليها

ليال وهي داخله البيت

ام فهد : وين مريم كان قلتي لها تدخل انتي ماتعرفين السنع ابد متى بتكبرين

ليال تتكلم وهي تاكل : يمااااااا شفيك قلت لها بس هي مره مستعجله
ام فهد : طيب طيب انتي كلي شوي شوي لاتغصين
ليال: انشاء الله يما (وهي تاكل )
(من المجلس)
ماجد : خلاص انت كلم ابوك وقول له رايك وماتوقع ابوك يعند اكثر
راشد : على رايك بس ياخوفي اني اسمع كلامهم وبعدين يتعودون على هالاسلوب ويمشون حياتي بكيفهم

يدق جوال ماجد ( هدوء) لـ عبد المجيد عبد الله

راشد : شفيك رد تتطالع بالرقم ساعه
ماجد : طيب برد بس الرقم غريب علي
ماجد : الو .... نعم مين معي
مريم من الطرف الثاني ( بقلبها آه وش هالصوت الحلو ) الو .. اسفه اخوي الظاهر غلطانه
ماجد : طيب اختي ......حصل خير
مريم : طيب باي
(قفلت الخط اوووف ياربي في شاب كذا بهالثقل تدق عليه بنت ويقول لها اختي هين يامجود ماراح اخليك تقول لي اختي ثاني مره بس وربي جنان ماشفت برزانته وصوته خيال بحاول يامجود ومابوقف وماراح ايأس)<<< اصغر عيالك مجوود والله انك خبله

راشد لـ ماجد: مين بسرعه كذا قفلت وتقول لها يااختي مين هذي
ماجد : يعني مين بالعقل وحده غلطانه وقفلت
راشد : طيب لاتاكلني قول لي اخبار منال؟
ماجد : آآآآآآآه من منال تدري ياراشد انا صاحبك وتعرفني زين ثقيل ورزين بس وربي اسم منال لـ حاله يطيرني بالسماء وماحس لـ نفسي ماكنت اتوقع الي يوقع في الحب يصيبه الي صابني متى بس اتزوجها ونصير في بيت واحد

راشد ( دمعت عينه وتذكر قصة حبه اللي مع الاحداث راح تعرفونها ) : شوي شوي لايصير فيك شي كل الناس تحب بس مو كذا

يدق جوال ماجد نغمة ( ايه احبك هذا حضي الي نكتب دربي الي امشيه وادري به تعب )
راشد: اقلقنا الجوال قفله اريح
ماجد : اسكت هذه نغمة منال قلبي
راشد : طيب ها سكتنا رد بسرعه قبل ماتقفل

ماجد : هلا بريحة هلي وديرتي هلا والله بأغلى ناسي
راشد يدندن( من اغلى ناسي من اغلى ناسي ياروحي قلي اش صار انا من اغلى ناسي .....)
ماجد+منال: ههههههههههههه
ماجد: وانت دوم على الحرف الاخير
منال راشد: جت على بالي ياخي غنيتها
: قوله يعطيه العافيه على هالصوت الحلو
ماجد يكلم راشد: تقولك يعطيك العافيه
راشد : الله يعافيك ايه هذي الناس اللي تقدر الفن مو امثال وجهك
ماجد: اقول عطنا مقفاك
راشد: هين طرده
ماجد: لا تصريفه بس
ناظره وهو يضحك وتباعد عنهم شوي عشان يتكلمو براحتهم
وراح وجلس يقلب بمحطات التلفزيون وحط له اغنيه وقام يترقص عليها
وماجد ماسك بطنه من الضحك عليه وعلى خباله

ماجد : أي هلا ماعليك كملي هالخبل ضيعني
منال : هلا بك
ماجد : كيفك غلاتي وحشني صوتك
منال : امداك تشتاق لي
ماجد : انتي توحشيني بنفس الدقيقه الي تفارقيني فيها ليكون انا ما اوحشك
منال : تضحك اشتاق لك
ماجد : فديتك وفديت ضحكتك
راشد : هييييييييييييييه مجود اسمعني
ماجد : لحضه منوله


ماجد : هي رشود لاتقول لي مجود ماني باصغر عيالك خير يالدب وش بغيت هاطلعو الجنانوه
راشد : ههههههههههه مدري عنك انا وش يجلسني معكم احس نفسي عذول جالس بينكم اطلع احسن لي تاركني بروحي اتكلم مع الجن
ماجد : أي والله ياخوي تسوي خير .. غثيث انت
راشد :ادري قلتها لي فوق العشرين مره من قبل
ماجد : اقوم اوصلك ولا تدل الطريق لالا تدله مايحتاج
راشد : أي ادله سلم على منال
ماجد : انقللللللع
راشد : يضحك باي ( طلع من المجلس)
ماجد : سوري منوله طولت عليك بس هذا الغثيث رشود ماخلاني
منال : عادي كنت اسمعكم
ماجد : شفتي خبالنا كل منك خليتيني اصير خبل فيك
منال : تضحك ....هههههه احسن خبل فيني هههههه حلوه
ماجد: وبتم خبل فيك عشقت الخبال دامه منك
منال: طيب ماجد لازم اقفل لان وراي بكره مشوار الصباح
ماجد : خير وين بتروحين
منال : بروح اشتري لي ملابس زواج صديقتي اميره بعد اسبوع وماجهزت شي
ماجد : وين بتروحين طيب أي مجمع
منال: اعرف سوالفك تبيني اقول لك وين بروح واشوفك بكره في المجمع
ماجد : لاعنوني ماراح اجي لاتخافين
منال : بروح اشتري لي فستان من جمعه ستي سانتر وبعد بطلع منه بروح فؤاد سنتر وبشتري لي نعال واكسسوارات
ماجد : أي أي عرفته الي بالخبر صح
منال : أي طيب الحين تامرني بشي
ماجد : سلامتك يابعدي
منال : تصبح على خير باي
ماجد : باي
والله احبها احبها ياناس ( وبالهجه لبنانه) لك بيزرب الحب شو بيزل
كانت الساعه 10:30 راح فتح التلفزيون وشاهد فلم لعبد الحليم حافظ (الخطايا) وكان مندمج باحداث الفلم مرره
ليال: الله على الاخو اللي يشاهد لعبد الحليم
ماجد: ليالوو اسكتي خليني اشاهد ماتجين الافي المواقف الحساسه
ليال: الظاهر اللي سمعته صحيح
ماجد: ليالووو وربي مالي خلق ابي اشاهد الفلم
ليال: والله باين ان سهم كيبوبيد صابك ياخوي الله يعينك
ماجد(يطالع فيها بنظرات وفي باله لهالدرجه يبان علي اني احب): هاشتقولين
ليال: لا الحين تأكدت
ماجد: اقلبي وجهك خليني اكمل الفلم
ليال: ههههههههههه ايه ادري تصريفه عشان لاتتكلم بالموضوع
ماجد: وربي اذا ماتباعدتين عن وجهي بقوم اطقك طق
ليال: لالالالالالا (تركض لغرفتها بصووت عالي): تصبح على خير ياالعاشق الولهان
ماجد: هههههه وانتي من اهله يالخبله

تابع الفلم ولما جات النهايه قام ينام كانت الساعه 12:30

اليوم التالي )

(بيت ابو سعود)
ابو ناصر جالس يفكر بـ اللي صار في الاجتماع
ناصر : صباح الخير يبا
ابو ناصر : هلا ولدي زين انك صحيت
ناصر : خير يبا في شي
ابو ناصر : انا الحين لازم انفذ اللي ببالي ابي ماجد يتزوج شدى اختك لان من لما كانو صغار الكل يقول ماجد لـ شدى بعيد مابي حلال اخوي تتطيح عليه وحده مو منا وابي ولدي خالد يتزوج ليال وبنات سعود نفكر فيهم لما يجون الشرقيه دام هم ساكنين بالرياض مالنا فيهم

ناصر : يبا انت كلامك عين العقل ولا ماجد ماراح يلاقي احسن من شدى وليال مراح تلاقي احسن من خلود

ابو ناصر: ابوك ماتفوته هالسوالف بس الحين وش السوات لازم اسوي الي في بالي
ناصر : وجاسم ولد عمتي العنود وهيام بنتها نترك احد يجي من بره يتزوجها وزوج العنود كلمته قويه اخاف يسوي الي هو يبيه

بو ناصر : صادق ياولد بس الحين خلينا نخلص من خالد وشدى وماجد وليال وبعدين يصير خير وانا بوك
حتى ابو سعود انا لازم اتدخل بشغله يعني مايصير تاركين له حرية التصرف بشركة ابوي صحيح صارت بـأسمه بس مهما كان هذه شركتنا كلنا

( في بيت ابو فهد اليوم التالي )
(في غرفة نور)

ليال : دقت الباب على اختها نور : نور ممكن ادخل ولا عندك شي
نور : عادي تعالي بعدين انتي من متى نزل عليك الادب كذا فجاءه كبرتي وصرتي تدقين الباب
ليال : مادري انتي مشغوله ؟؟؟؟؟
نور : سكرت الكتاب الي بيدها لا والله جلسي وش عندك
( ليال تفكر محتاره تقول لـ اختها الى صار مع راشد ولالا ؟)

نور : شفيك في ايش سرحانه
ليال : .. ها ... انا ... لاا بد مني بـ سرحانه ولاشي

نور : تضحك وربي مو حلو الهدوء تعودنا عليك مرجوجه
ليال: هههههههههه أي ادري بس خايفه بعد اسبوعين الاختبارات وانتي تدرين ثالث وابي ادخل طب ومابي ادخل على حساب الوالد ابي اجيبها بجدارتي
نور : الله يوفقك يارب وتجيبين نسبه تدخلك الجامعه الي انتي تبيها بس انتي متاكده مافي شي ثاني تبي تقولينه

ليال : وقفت فتره .....ها لا بس هذا الي كنت بقوله
نور : وين فهد وهيفاء وماجد البيت مره هدوء ووين الوالده
ليال : ا وووووووه قصه طويله فهد وهيفاء البارحه سهرانين للصباح والحين نايمين ومجود كالعاده نايم بهالوقت اما الوالد طلعت مع ابوي راحو لـ بيت عمتي حصه يجلسون معها


ماجد نايم يدق جواله وهو بعز نومه بس جواله صحاه
ماجد : الو ( صوته باين عليه انه نايم ) مين ؟
مريم : الو
ماجد : سمي اختي
مريم : لا لا اسفه داقه غلط
ماجد قفل الخط: اوووف شفيه هالرقم مو اول مره يجيني يتقلب على السرير ورجع نام
( في غرفة فهد )
هيفاء صحت فهد من النوم : فهد يالله قوم خلاص نمت كثير
فهد : طيب يالله جاي جهزي ملابسي
هيفاء : طيب ( ودخل فهد التواليت غسل وجهه وطلع )
فهد : مشكوره ياقلبي بتنزلين تحت؟
هيفاء : أي بنزل الحين .. صحيح فهد بكره ابيك توديني المستشفى اسوي فحص
فهد : ليه ياكافي الشر فيك شي يابعدي
هيفاء : لا بس هالايام احس شوي مافي قوه وجسمي ضعيف
فهد : حاسه انك حامل
هيفاء : تبتسم ... ( خدودها حمرت ) ان شاء الله
فهد : طيب ياعيوني بكره نروح المستشفى
هيفاء : الله لا يحرمني منك يابو...صح فهد اذا جبنا ولد ايش نسميه؟
فهد : اممممممم شرايك نسميه عبد العزيز
هيفاء : طيب يابو عبد العزيز وانا ام عبد العزيز هههههه احس بصير اضحك
فهد : ( يضحك ) تسلم لي هالضحكه والله
هيفاء : الحين خلينا ننزل تحت نسلم على خالتي ويصير خير بعدين
نزلت هيفاء وراحت المطبخ لـ ام فهد ماشاء الله عليها ام فهد على كثر الخدامات الي عندهم بس دايم هي الي تحب تطبخ لعيالها

هيفاء:صباح الخير خالتي
ام فهد : هلا هلا يما عسى نمتي زين البارح
هيفاء : أي والله الا وين ليال ونور ماسمع لهم صوت
ام فهد : مادري عنهم روحي ناديهم عشان ينزلون يتغدون مابقى الا ويخلص الغداء مدري شعندهم كل متعلقين فوق
فهد دخل المطبخ : هلا يما صباح الخير
ام فهد : هلا ولدي وش هالنوم لـيه لهالوقت بنحط الغداء وانت توك صاحي
فهد : والله سهرانين البارحه يما ومجود للحين نايم ماقلتي له شي
ام فهد: روح روح صحيه مايصير ينام لها الوقت
(في بيت ابو سعود)

رنا واماني في الغرفه
اماني : انا ابي اطلع اصلا لازم اطلع وربي طفش بتجي الاختبارت وحنا مانطلع وابوي كل مشغول بالدوام وامي تخاف علينا تقول لو بالشرقيه خليتكم تتطلعون بروحكم ياربي ليه كذا

رنا : أي والله اماني بسالك سؤال لو يخطبك واحد من الرياض توافقين

اماني : امممممممممممممم اذا بوديني الشرقيه اوافق ليه لا بس تتوقعين اهلي يوافقون

رانا : انا بيني وبينك اتمنى واحد من هنا
اماني : أي واحد من هنا ولا واحد معين
تفتح الباب سارونه فجاءه : سمعتكم هين هين بقول لـ امي ( وتروح تررررركض
اماني ورنا يطالعون في بعض تقوم رنا تررركض ورا ساره وتشدها من شعرها سمعي سارو اذا شي وصل للوالده
بحبسك بالحمام شهر
ساره : ماتقدريييييييين لوووووووووووووووووووووول
رنا : شكلك تبين تجربين يالله قدامي
ساره : لالا خلاص مابقول شي وعد اعتمدي

ام سعود : شفيكم يااابنات اصواتكم عاليه تعالو جا وقت الغداء
رنا : يماااااااا وش الغداء اليوم ؟.
ام سعود : تعالي شوفيه وانت يابو سعود اترك عنك المباره وقوم للغداء
جات جيهان ورنا واماني وابو سعود
ام سعود : وين سعود بعد قلبي وينه ؟
رنا : ناديته ماشفته اكيد بره خله يولي
ابو سعود : اذا ما جا سعود مافي غذاء

اماني : احسن لي اقوم اناديه احسن ما ننحرم من الغداء اليوم
رنا : ليه تقومين انتي وسارو وش وضيفتها في البيت
ساره : اوووووووووووووف كل انا كل انا ماني بقايمه
رنا : سارو قومي دام النفس عليك طيبه ولاترى .....( تغمز لها بعينها )
ساره : ماني بقايمه قومي انتي ولا ترى افتن
ابو سعود : وبعدين كل وحده تغمز للثانيه اقوم اجيب ولدي انا احسن لي

ابوسعود راح يجيب سعود من الحوش ابو سعود : يالله بابا سعود تعال غسل يدك غداء
سعود: حاضر بابا
جلسو كلهم على الغداء ( رنا تتطالع بـ اماني )
اماني : أي يما انتي تدرين ماباقي على الاختبارات الا سبوعين وحنا مررررره ملانين نبي نروح الشرقيه
الاربعاء ونبات هناك ونجي الجمعه ولا شقلتي يما
ام سعود : انا ماعندي مانع وش رايك يا ابو سعود
ابو سعود : صار ياعيال بس توعدوني بعلامات حلوووه
البنات + سعود ( بصوت واحد ) نووووووووووووووووووعدك يبــــــــــــــــا وناااااااااااسه

( من الشرقيه)
ماجد : الو هلا راشد وينك مارحت جبت سيارتك ؟
راشد : صباح الليل رحت مع حسام جبت السياره وجيت الصباح
ماجد : طيب الحين انت وينك ماراح تمرني
راشد : بوصل اختي المعهد وبمرك
ماجد : وين المعهد ذا ؟
راشد : شدخلك يالدلخ
ماجد : انا دلخ اقول اقلب وجهك مابيك تمرني ولاشي
راشد : انقلع باي
وقفل الخط راشد وماجد يضحك على هبال رشووود الاهبل

واشوفكم على المغرب اذا شفت توقعات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 10-12-2010, 02:29 PM
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية صعب المنال (رواية سعودية) / كاملة


السلام عليكم

حبوبه الروايه مكرره

https://forums.graaam.com/135275.html

اذا عندك التكمله نزليها بالموضوع القديم

يعطيك العافيه

الرد باقتباس
إضافة رد

رواية صعب المنال / كاملة

الوسوم
(رواية , المنال , رواية , سعودية) , كاملة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لحظات طيش تنادي للندم بشويش / كاملة حورية جده روايات كامله - يتم نقل الرواية هنا بعد اكتمالها 612 27-08-2017 06:27 AM
رواية الحلم الغامض أحلام سرمدية ارشيف غرام 31 28-08-2010 04:45 AM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 03:20 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1