غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-12-2010, 07:34 AM
المحظوظة أشعار الشميمري المحظوظة أشعار الشميمري غير متصل
©؛°¨غرامي جديد¨°؛©
 
وحيدات في القصر / بقلمي


السلام عليكم ورحكة الله وبركاته

أشكــــــــــر من دعـــــــاني لهذا المنتدى ..
بس أنا أتذكر والله اني سجلت فيه .. قبل سنتين وجيت على أواخر قصتي لجل الوعد لقيتها منقولة هنا ..
وأذكر اني علقت عليها .. !

مو لاقية معرفي أبدا
وسجلت من جديد باسم المحظوظة متبوع بـ نقطة .


::


توقفت برهة من بعد كتابة التحية لآ أعرف كيف أصيغ جملي وعباراتي لأعبر عن كتلة من المشاعر تتدفق بأعماقي نحو من وقفوا معي وتابعوني
من عرفته المحظوظة منذ سنوات
ومن عرف المحظوظة ..
ومن يكن لها وتكن له كل حب وشوق كان ولازال وسيظل ..

ربآآه أين حروفي وكلماتي وجُملي ؟؟
حقا اشعر باضطراب مشاعري وأنا أبحث عن نسق يليق بما يود خاطري البوح به

عشتُ عاما بين قصتي " لجل الوعد "
وأعترف بحق أنه كان أجمل عام قضيته ..

واختفيتُ بعدها ولكن مشاعري لم تختفي أبدا ..
دفنتها بأعماقي عامان أو يزيد ..
حسبتُ أنها لن تظهر .. ولكني أيقنتُ أنها أكبر وأعظم من أن تختفي ..
وأرى شوقي يشدني لأعود لعالم القصص .
وأجول بين روعة قصصه وكتاباته
ويشدني الحنين لأعود لتركيب الخيال وتصوير الأبطال
وكتابة قصة تبلورت فكرتها بالخاطر والبال

خفتٌ من خاطري الوليد
كتابة قصة من جديد!

ولكني وبقربكن سأحاول انتزاع خوفي
لأنني أعلم أنه حين أبدأ بعـــالم القصة .. فسوف تنقلب حياتي رأسا عن عقب
وسوف أتوووووه بين أفراحه وأحزانه
وسوف أتخبط بين طرقه وجدرانه
كما أنني سأهيم برسوماته وألوانه

وسأبكي فرحا ..
وسأضحك حزنا

عجيب أليس كذلك !؟

قلت لكم سيكون كل شي غريب
والمشاعر أغرب وأحلى ..

ولكني أقدر أليس كذلك؟
وسأقتحم العالم وللمره الثـــــــــالثة
من كاتبتكم المحبة لكم : المحظوظة

حظ ثالث أضعه بين إيديكم

قصتي بعنوان

(( وحيــــــــــدات ))


كما أخبرتكم فكرة القصة متبلورة ببالي من وأنا أكتب لجل الوعد
وقد كتبت منها في ذيك الفترة ولكن توقفت حتى لا أنقص بحق لجل الوعد


وحيدات

قد يتراود لأذهانكم معنى مرتبط للوحده .. وهو الحزن!
لكن لا
هن وحيدات لكن لسن حزينات

اذن هل هن سعيدات؟؟؟

عندما يعيش الشخص بين مئات الحضور
ولكنه لايفهم كلمة مما يقولون لأنهم ليسوا من موطنه!
فهو حينها .. وحيد!

حين يواجه الشخص ضائقة فيمد يده يطلب العون فلا يراه ولا يلتفت إليه أحد
فهو حينها .. وحيد !

حين ينام والبيت يعج بأصوات الأهل ..
ويصحى .. ويجد البيت خآلي لاسواه غير هو ..
فهو حينها وبحـــــق .. وحيد

فأي نوع من أنواع الوحده يعشن وحيدات؟؟
ومن هن ياترى؟

قصتي كعادتي لا تعتمد على بطل واحد
الجميع أبطال

حتى أنا

وحتى أنتم

ترقبوني قريبا بالجزء الأول من :



(( وحيــــــــــدات في القصــــــــــــر ))


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-12-2010, 06:10 AM
المحظوظة أشعار الشميمري المحظوظة أشعار الشميمري غير متصل
©؛°¨غرامي جديد¨°؛©
 
الافتراضي رد: وحيدات في القصر / بقلمي



(( وحيــــــــــدات في القصــــــــــــر ))

سُـكّـان بدارالغربة والأجر مدفــــــوع
نسرح ونمرح بيـن سجّـه ولـــــــذات

والجو صافي بين خضره وينبـــــــوع
وأمي بسموم الولــه وبلا إجــــازات

صار سفرنا كنّه مثل حبّة الكــــــوع
وجمع الحبايب سابع المســـــتحيـلات

بس دارت الدنيـا .. وجا وقت الرجـــوع
ورجعة بنـــاتك بتــنهي كل المعــــانات


آخر أيام شهر رمضان المباركـ


فتحت عيوني بتعب .. وللحظات ماعرفت أنا بأي زمن ؟ بأي وقت نهار ولا ليل شتاء ولا صيف .. حسيت كني بدوآمة وجسمي مكسر من التعب .. اتقلبت وشديت اللحاف على جسمي آه شهالبرد ؟؟
للحين احنا بالشتاء ؟؟
رجعت أفتح عيوني مره ثانية .. وصدمت عيوني بشنطة السفر عند الباب .. وأغراضي مبعثره بالغرفة .. وشوي شوي استوعبت أنا وين ..
وان البرد هذا من التكييف المركزي !
ياربي شفيني .. ؟!
هذا بيتنا الي بالسعودية ..
بيتنا بامريكا أساسا مافيه مكيف لأن الجو بارد على مدار السنة .. !
احنا بالسعودية الحين مو بامريكا ..
لميت الغطا علي كن هالخاطر خوفني ورجت أغمض عيوني ..
واستوعبت شالي متعبني .. هذا السفر الي هد حيلي انا وخواتي البارحة ..

غمضت عيني وانا أسترجع رحلتنا الطويلة 17 ساعة من متشقن على نييورك ومن نييورك على السعودية ..
شي يصدع الرآس خصوصا مع صجة خوآتي الي ماقصروا خبال وضحك طول الطريق مع إنهم كانوا يبكون بمطار نييورك !

لكن مع شروق وشمس وقمرا .. بتشوفون العجب !
يلا الحمد لله أبوي وعَدنا ماعاد نمسك هالدرب الطويل ونسافر مره ثانية ..
وأخيرا استقرينا بعد الهجولة الي عشناها طول عمرنا
وأبوي اهو الي بيجي ويزورنا كل سنة


" شعــــاااااع .. شعاااااااااع .. "

صوت صراخها من ورى الباب اخترق أعمق مسآآآمعي !
بسم الله الرحمن الرحيم هذي شصحاها الحين ؟؟

طالعت الساعه لقيتها 2 الظهر .. أوووبس !!

والله انا الي شالي منومني للحين !!

" شعاااااع فكي الباب كسرت جوالك ماتردين "

لازلت مغمضة عيني ويوم سمعت طاري الجوال اتذكرت ورميت اللحاف وقعدت ادوره على الكوميدينا مالقيته .. بالأخير لقيته تحت مخدتي شكلي نمت وانا أقلّب فيه ..
صح حسيت فيه يرن كم مره بس ماكان فيني حيل أرد !

مسكت جوالي وطالعت وانصدمت لما لقيت 18 Missed call
5 من شمس
3 من شروق
و2 من أمي .. وناسة امي داقة علي مرتين !

والباقي كله من هالمزعجة قمره ..

طنشت كل المكالمات ودقيت على أمي ..
قمت من السرير وانا افرك عيوني وأرتب شعري بإيدي وأتنحنح وطالعت شكلي بالمرايا مادري شدخل شكلي بمكالمة أمي بس كذا ودي أتأكد ان كل شي تمام وانا أكلم أمي..

ردت أمي : هلا والله ..
قلت : أهليييييين يمه معليه يوم تدقين انا نايمة ..
أمي : نايمين للحين ماقمتوا صليتوا ؟
سكت شوي .. نصلي .. ؟؟ اه الا الا صح احنا برمضان لازم نصلي !
وحضرتي توني متذكرة ان احنا برمضان اسم الله على مخي بس لحد يصكني عين ..

قلت وانا أحاول ما أتلعثم : خواتي الظاهر صحوا بس انا والله حاسة جسمي مكسر ونمت مو دارية عن عمري ..
أمي : اسم الله عليك حبيبتي خلاص مابقى شي على الفطور .. ارتاحي الحين واذا أذن افطري وخذيلك مسكن ..

" شعااااااااااع انا ماصحيتك عشان تحاكين بالجوال !!! افتحي الباب بسرعه "

قلت : لحظة يمه هذي قمور رجتني من صباح الله ..

مشيت وفتحت الباب إلا قمره داخلة وبإذنها الجوال وتقول : ساعه عشان تفتحين ؟؟؟
طنشتها ومشيت وانا أسمع أمي تقول : شفيها قموور ..
قلت : مادري عنها مستخفة على صباح ربي

قمره والجوال باذنها : وبعد أمي مادري شعندها أدق عليها يعطيني ويتنق وتطنش وماترد

أمي تضحك : هههههههههههههههههههههههههه قوليلها انك تكلميني عشان كذا مارديت عليها
قلت : امي تكلمني ياخبلة !
قمره بصوت واطي مصدوم : هذي امي الي معاك ..؟؟
قلت : ايه ..
قمره انفعلت : هاتي الجوال بالله ..
ومشت وبلحظة صار الجوال بايدها
بسم الله شلون خطفته مني ؟؟ ضحكت عليها وأنا أشوفها تناقز واهي تكلم أمي وتركتها ودخلت حمام غرفتي وأنا أسمع لجتها .. ضحكت عليها هذي متعلقة بأمي حيييييل
مع انها مع انها أقل وحده مننا عاشت مع أمي !

خلصت ويوم جيت أطلع اتذكرت كلام أمي يوم تقولي عن الصلاة !
يالله خليني أكسب أجر لو مره وحده بحياتي .. اتوضيت ومادري ان كان وضوئي صحيح او لاء !!
لأن بيني وبينكم مادري متى آخر مره اتوضيت !!

طلعت وألاقي قمره تقول بفرحه : صدق ؟؟؟؟؟؟ متى طيب ؟؟؟ لالا يمه تعالي الحييييين ؟؟؟ ايه نبيك الحين تجين .. !! يووووووووه كيفه عاد قوليله بناتي جايات من السفر شتبي انت ..
ههههههههههههههههههههه ايه قوليله شتبي .. ههههههه ياحليلك يمه طلعتي مؤدبة !!

طيرت عيوني فيها هذي شلون تقول لامي كذا ؟؟ بس شفتها تضحك عرفت ان امي ضحكت لها أمي حنونة وطيبة وتتحمل كل الي يجي منا ..
ليتنا مافارقناها !

سكرت قمره وقالت والفرحة بعيونها : أمي بتجي تفطر عندنا ..
قلت : جد ؟؟ اهي قالت ؟؟
قمره واهي تقلب عيونها : لا أنا طلبتها وقلت مانبي نصبر للسحور وقالت ماقدر أرفض لقمورتي طلب
قلت : قمره مايصير تحرجين أمي دامك تدرين انها ماتقدر ترفض لك طلب ! يمكن جد صعبة عليها تجي !
قمره : وليه صعبة ان شاء الله ؟؟ يعني مو كفاية أمس ماجتنا وانا اتوقعت أشوفها أول مانوصل كله بسبب أهل زوجها الي بلطوا عندها بالبيت وهم دارين ان احنا بنجي .. !
قلت : أوكي وانا ماقلت شي .. انا بعد أبيها تجي واتضايقت انها ماجتنا أمس بس خليها تجي منها أحسن
قمرا : لا حبيبتي أنا مافيني صبر .. يلا بقوم أجهززز
وطلعت تركض

::

طلعت من عند شعاع وانا مستانسة وسمعت صوتها من وراي تقول : قمووور صحي شروووق وشمس وقوليلهم ان ماما بتفطر عندنا
شقيت الضحكة وأنا متحمسة أفاجئ خواتي بجية أمي .. وبنفس الطريقة الي دقيت فيها باب شعاع قبل شوي .. دقيت باب شروق وأنا أصارخ " شرووووووق شرووووووق "

بس اتقاجأت لما فتحت الباب شمس وشكلها مصحصة والغرفة مبين مرتبة كأنهم صاحين من زمان .. أو كأنهم ........ !
دخلت وانا أقول : Good after noooooon
شمس وإهي ترمي نفسها على السرير : توكم تقومون ياعيني عليكم؟؟
قلت : وانتوا متى صحيتوا ؟؟
شمس وراسها تحت المخده يالله أسمع صوتها : مانمنا .. مواصلين
قلت : مجانين انتوا بالله ماتعبتوا من طول السفر ؟؟

شمس ماردت يمكن نامت وشروق هاللحظة طلعت من الحمام ماخذه شاور وتغني بروقان ويوم شافتني جت قعدت جمبي وكالعادة باستني واهي تقول بصوتها الحنون : شلونك ؟
قلت بفرحة : مستااااااااانسة
شروق بضحكة : دايم يارب بس شعندك
قلت : أمي بتفطر عندنا
أنا اللي أذكره اني كنت أكلم شروق بس مادري شلون شفت وجه شمس قبالي كيف قامت ونطت بثانية مااادري وقالت : من جد ولا تستهبلين؟؟
قلت : والله جدددددد قوموا اجهزوا وصحصحوا تو كلمتها قالت جاية
شروق : حبيبتي ماما بس يارب ماتجيب معها زوجها
قمره وإهي تضم ايدينها على صدرها: انا ماهمني شي غير أشوف مااااماااا وبس ..
شمس بحيرة : تتوقعون اتغير شكلها !
قلت : والله سنتين مو قليل بس يمكن احنا اتغيرنا عليها أكثر ..
قمره : يالله ممممتى تجييييييييييي ..
طالعت الساعه وانا بعد أحس ودي أقدم الوقت بسرعه عشان تجي أمي ..

شمس اتربعت على الأرض وسندت ظهرها على السرير وقالت والنوم بعيونها : طيب احنا مانمنا شلون بنتحمل نقعد لين الليل كله منك ياشروووووق ابلييييييس
شروق : لا والله ؟ محد ضربك على إيدك وقالك وآآآآصلي معاي غصب عليك
شمس : انتي تسوين أشياء مغرية مآ تخليني أنام
ضحكت على شموس وقلت : شقعدتوا تسوون طول الليل أمانة؟
شروق وهي تفتح المنشفة من شعرها : قعدنا نستكشف أرجاء قصرنا المحترم ..

وقبل ما أرد عليها دخلت شعاع علينا وتقول بابتسامة : شفتوا أمي بتجي تفطر عندنا ؟
شمس بدلعها الي يذبحني : ايييييه بس احنا مواصلين شعاااع
شعاع : ماشاء الله عليكم روحوا اشربوا ريد بول صحصحوا
شروق : ايه وبعدين ننوي الصيام من جديد مثلا؟؟؟
شعاع : ههههههههه أستغفر الله نسيت
ضحكنا كلنا وقمت سحبت إيد شعاع وقلت: تعالي قوليلي وش ألبس ملابسي كلها بالشناط وحايسة
شعاع واهي تمشي وراي : حلو اللي عليك لا تغيرين
قلت وانا اطالع بلوزتي : لا أستحي ..
حضنتني شعاع ومشينا لغرفتي وإهي لامتني وأنا أحس بقربها كنها أمي وأحس إني أحبها أكثر من نفسي

::

بصراحة فرحت بجية ماما بس مجرد تفكيري ان زياد بيكون معاها يخليني اقول لاتجي أحسن ! زياد زوج أمي محد منا يحبه لأنه أخذ أمنا مننا .. صحيح احنا الي سافرنا عنها وعشنا عند أبوي بأمريكا بس كانت إهي تفكيرها كله إحنا وبس
ومن اتزوجت هالزياد أحس صار لها عالم ثاني يفصله عن عالمنا تضاريس وهضاب وبحور وكل شي صعب يوصلنا لها ويوصلها لنا ..

التفت على شمس الي اتمددت على البلاط بالأرض وقلت : شموس ودي أرسل لماما مسج أقولها تجي بروحها بدون زياد
شمس : .....................
مسكت جوالي ورحت للرسايل وانا اقول : ها شراايك ؟
شمس : ...........
كتبت الرسالة وحفظتها بالمسودات وقمت وانتبهت ان شمس نامت على البلاط وغطست بالنوم بعد
ياحبيبتي كسرت خاطري .. انحنيت ومسكت ذراعها وقومتها ووقفتها إلا طاحت علي وطحت أنا وهي على سريري
دفيتها وأنا أقول : الشرها على الي يحن عليك وربي
شمس ابتسمت ابتسامة مسرع ماختفت وردت نامت

قمت وغطيتها باللحاف ورحت أشوف خواتي

وقفت عند السيب وشفت قمرا وشعاع قاعدين عند شناط السفر يحوسون بالملابس وهالشغلة بالذات أنا مالي خلقها ..
بس حسيتهم من جد مستانسين .. شعاع أكبرنا وقمور أصغرنا بس كلنا مابيننا فرق كبير بالأعمار .. شفت قمور وهي مابقى بلوزة ماطلعتها وشعاع معطيتها وجه ياحبيلها
اما أنا ماخطر ببالي أغير لبسي اللي علي ..
وبيني وبينكم هالشورت الي لابسته ...................

"شروووووووووق هذا شووورتي الي لابسته يادوووبا "

ضحكت بصوت عالي يوم صادتني قمره ومشيت عنها
قمره : وتضحكين بعد يادوبا ؟؟ افصخيه لا توسعينه بعدين هذا مو حق بيت عشان تعدميلي هو

مشيت عنهم بس لحظة !! استوقفني كلام شعاع وهي تقول لقمره : حبيبتي على بالك شورتاتك بتلبسينها هنا بالسعودية ؟؟؟
قمره ببرائة واضحة : ايه وليه لاء !
شعاع : لاياعمري ترا الوضع بالسعودية غييييير .. لبسنا بيكون غير وطلعاتنا غير ولازم نتحجب وكل شي بيتغير فينا ..
رجعت لهم وانا مسرعه خطواتي وأقول: أكره هالازدواجية صراحة !! بأمريكا نسوي الي نبي وهنا لاء ! بعدين أبوي قال خذوا راحتكم وماعليكم من أحد ..
شعاع : تعرفين تفكير ابوي شلون بس مو معناه ان كلامه صح .. ! خلاص احنا بنعيش بالسعودية على طوول لازم نعود أنفسنا على وضعها ..
قمره : يعني تبيني بهالحر الي بهالبلد .. ألبس بانطلون طويل وبلوزا طويلة وأطلع ؟؟؟
شعاع وإهي تدور اصباعها حولين راسها وعيوني داااايرة معها : وعباية وطرحة بعد !!
شفت الصدمة بوجه قمره وقالت : وانتوا يوم جيتوا قبل 8 سنوات لبستوا كذا ؟؟
أنا وشعاع بنفس الوقت : طبعــا !
وكملت شعاع : انتي كان عمرك 10 سنوات والي بعمرك حتى واهم هنا مايلبسون شي
لكن احنا كنا كبار انا كنت 16 وشروق 14 وشمس 12
ضحكت فجأة :هههههههههههههههههههههههههههههههههههههه
قمره باستغراب : شفيه ؟؟
قلت : اتذكرت يوم لبسنا العبايات والطرح وكانت ذي أول مره تطخ جلودنا .. اتذكرت أشكالنا واحنا مو عارفين نلمها زين ولاحنا عارفين نلف الطرح .. الناس قبل ماتطلع تقعد على المرايا تزين شعورها واحنا نقعد سااااعه على المرايا نلف بطرحنا ..
شعاع واهي تضحك : بس هالناس بأمريكااا مب هنااا
قلت بصراخ : أمرييييييييييييييييييييييكااااااااااا
دفتني شعاع تبي تسكتني وقالت : حاولي تنسينها ياحلوة لأن حتى بابا نقل منها ..
قلت وانا فيني الصيحة : مادري شلون باتعود على السعودية
شعاع قامت واهي تقول : يلا قمور ارسي لك على بر وش بتلبسين ؟

سحبت قمره فستان كان حلو عليها لون خربزي كت وميدي وشفت الراحة بعيون شعاع أكثر من قمره ..
قلت : وانتي
شعاع : شفيني؟
قلت : وش بتلبسين؟
شعاع : ياناس ترا أمي هذي والله أمي ليه مكبرين السالفة ونلبس وما نلبس !
قلت : لا أنا عااادي مراح أغير
شعاع : شروق تكفين غيري .. ماتدرين يمكن يدخل زوجها وتعرفين ماما بتتضاااايق اذا شافك بهاللبس
شعاع خاطرها عندي بالدنيا نطيت عليها واهي اخترعت وبستها مع خدها بقوة خلتها تصرخ وتقول : ببببااااااااااااااااااس
ضحكت وقمت رحت لغرفتي وسكرت الباب ..
وفورا على سريري .. دفنت نفسي جمب شموس وماظني تميت دقيقة إلا وانا نآآآيمة

::

طلعت أقول للخدامات يزيدون الفطور .. ويضبطون الطاولة دام أمي بتفطر معانا ..

وبعدها دخلت أخذت لي شاور ويوم طلعت اتذكرت اني ماصليت ! هذا وامي موصيتني ..
بس تعالوا الحين بصلي بإيش ؟؟ مافي شراشف صلاة بهالبيت .. اتذكرت العباية الي لبسناها يوم وصلنا السعودية .. الحين هذي وين ألقاها بين كل هالحوووسة .. نبشت الأغراض يمين يسااار وأخيرا لقيتها مدفوسة بين الشناط والحوسة ..
سحبت العباية والطرحة ولبستهم .. الا اتفاجأت بالسؤال الثاني وهو كيف القبلة ؟؟
ضحكت وأنا أدور بغرفتي ..
الحين شلون بعرف ؟؟ أسأل مين عن القبلة !!
هالقصر الي شراه أبوي قبل كم شهر وسلمنا احنا مفاتيحه واحنا أول مادخله
إحنا وخداماتنا ..
أدق على أبوي باستراليا وأسأله مثلا ؟؟؟
لوهلة كنت بافصخ العباية ولا صلاة ولاهم يحزنون ..
بس قلت بخاطري صلي ياشعاع على أي اتجاه وبعدين اذا بغيت أصلي مره ثانية بعرف .. وصليت الظهر .. مدري ليه خفت خواتي يدخلون وانا أصلي .. مادري يعني بيضحكون ولا بيستغربون ولا بيفرحون .. بس اتمنيت مايدخلون .. وحمدت ربي يوم خلصت ومحد دخل وقمت بسرعه رميت عبايتي على السرير ..
ونزلت أشوف الأوضاع تحت.. لقيت كل شي مرتب ..

طالعت الساعه لقيت العصر قرب وأمي قالت بعد العصر على طول بتجي ..
طلعت الدرج بسرعه بشوف خواتي وينهم محد نزل ..
ولايفوتكم شكل وجههي شلون انصدددم يوم شفت الحلواات
.. شمس .. وشروق .. وقمره بعد .. نايمين كلهم بسرير شرووق !
الحين شسوي فيهم ذولا ؟!
زين شمس وشروق مواصلين بس هالنتفه قموور شنومها الحين؟؟
صرخت وانا أسحب البطانية عنهم : بنااااااااااااااااااااات أمممممممي جـــــــــــــت
فتحت قمور عيونها وقالت : كذابة توي كلمتها قالت بالطريق
انتبهت للجوال ماسكته بإيدها ياحياتي ياقمره حتى وانتي نايمة بالك معها
قلت : زين قوموا خلاص ماما بالطريق لاتقعد تجي تلقاكم نايمين تقول مالت عليهم وين الي متحمسات يبوني
قعدت قمور واهي تفرك عيونها وتقول : مادري شنومني
قلت : عادي تعب السفر حبيبي قومي غسلي وجهك وصحصحي

قربت لشمس أصحيها : شمس .. شمس حبيبتي قووومي
شمس بصوت متقطع : تعبانة مانمت الليل كله أنا
قلت : قومي عاد امي جاية الحين
فتحت عيونها واهي عاقدة حواجبها وقالت : صدق ؟؟؟
ضحكت على شكلها وقلت : ايه بسرعه قومي غيري وزيني شكلك قبل ماتجي
شمس : ليه ماقلتولي من قبل !
قلت : قلنا لك بس انتي عقلك نايم لاتشوفين ولا تسمعين
شمس وهي تقعد : يلا بآخذ لي شاور سريع
وقامت وطلعت من الغرفة !
قمره : شمووووس على وين؟؟
شمس ببرائة : الحمام !
قمره : وهذا وشو .. وتأشر على الحمام بغرفتها
دخلت شمس واهي شبه صاحية وشافت الحمام وقالت : اممم صح حمامات بالغرف
ودخلت وانا وقمور ضحكنا عليها

سحبت شروق مع إيدها وبـالقوووة قامت
وانا وقمور نزلنا الصالة ننتظر أمي

فتحت التلفزيون وقعدنا نقلب القنوات .. ومن أغنية لأغنية .. الا شوي سمعنا صوت عااااالي جاي من برا .. بالبداية حسبته طياااارة ! بس وطيت الصوت ابي اسمع زين.. !!

" الله أكبـــر الله أكبـــر .. أشهد أن لا إله الا الله .. "

قمره بابتسامة : اييييييييه هذا الآذااان ..
قلت وانا مستانسة على التغيير الجديد : يعني هالصوت بنسمعه خمس مرات باليوم
قمره وعيونها على التلفزيون : ايه .. ارفعي الصوت هالأغنية أحبهااااا
رفعته وقعدنا نتفرج بس ثواني ورجعت وطيته ..
قمره : شفييييييك ؟
قلت : مادري أحس مايصير أغاني وآذان !
قمره : عاااشت اختي هذا أول الخير يالسعووووودية
قلت : اصبري الحين بيخلص الآذان
قمره وهي تضحك : انتي من جدك ؟
هزيت راسي بالموافقة بدون ما اتكلم والحلو ان قمره طاوعتني
انتهى الآذان وأول ماخلص رفعت الصوت وقمنا نرقص بعد

بعد نص ساعه ..
سمعنا صوت الجرس يعني جت أمـــي
ولكم أن تتخيلوووووا الربشة الي صارت بالبيت من دق الجرس !!

أنا وقفت مكاني وصكيت التلفزيون بالريموت .. وقمرا طاااارت على زر الجرس ضغطته عشان ينفتح باب الشارع وركض على الباب الداخلي .. فتحته وطيرااان على الحوش ..
كل هذا صار بثواني وانا ظليت واقفة بمكاني بس دقات قلبي متسااارعة .. كني أنا الي ركضت مو قمره !

نزلت شروق الدرج بسرعه واهي تقول : جت ماما ؟؟؟
كنت بجاوب بس كان وصولها للباب أسرع من جوابي !!

كانت تناااقز حتى شمس من فوق اخترعت واهي تقولها : شروووق خبللللة بتطيحين وتبلشينا فيييك !
شروق واهي وصلت للباب : شــــــرب

شفيهم كلهم طلعوا وانا متشبصه بمكااااني !

مشيت بسرعه للباب والتفت للمرايا بسرعه طالعت شكلي وكملت للباب ..
وطلعت وراهم

::

كل جزء بجسمي أحسه مكسر ..
سرير شروق مو مرييييح وراح تنصدم بهالشي اذا نامت الليلة .. ياخوفي بس يكون سريري نفسه لأني للحين ماشفت غرفتي
نشفت شعري وطلعت بالروب للغرفة الي حطوا فيها شناطنا .. ولقيت كومة ملابس طالعة وأغلبها كانت لقمرا
شكرا حبيبتي قمور وفرتي علي وقت التدوير على ملابسي
أخذت تيشرت أخضر بولو وبانطلون أبيض .. وحمدت ربي هاللحظة بالذات اني أنا وخواتي أجسامنا قريبة من بعض .. شعاع بس أطول منا
لبست وانتبهت ان التيشرت بورقتها جديدة
ضحكت وانا اقطع الورقة واتخيل ردة فعل قمره .. هذا آخر تيشرت شرته قبل يومين من سفرنا وقبل مانودع مولات ومحلات أمريكا ..
تركت شعري زي ماهو بدون تمشيط أحس يطلع أحلى .. طالعت شكلي بالمرايه واتخيلت أمي واهي تشوفني .. وش بتقول !
هههههه ياربي شفيني مراح أعجبها مثلا؟؟
طيب وهي زي ماهي كلبوزة وقصة شعرها القصير وهايلاتها المعروف ؟
خلاص مو قادرة أصبر لين أشووووفها

أخذت جوالي ولقيت 4 Missed call

فتحت لقيتها مكالمات دولية مجهولة الرقم
بلعت ريقي بصعوبة .. مافيني شي بس حلقي ناشف مع الصيااام موو ؟؟
بس ..
معقولة يكون ......... ؟

قطع تفكيري صوت الجرس !
جت ماما ..
وبهاللحظة تركت الجواال وماصرت أفكر إلا بلقائها

فتحت غرفتي وانتبهت لشروق واهي تناقز الدرج مناااقز وقلت وانا مفجوعه : شروووق خبللللة بتطيحين وتبلشينا فيييك !

وكني سمعتها تسكتني ..!

نزلت وراها وأنا أشوف شعاع تطالع نفسها بالمراية وبسرعه طلعت

وبهاللحظة ناقزت مثل ماكانت شروق تناقز ويمكن أكثر
ولحقتهم وطلعت وراهم ...
لوين ماكانت أمــــــي توها داخلة من باب الشــــــارع

يتبع ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-12-2010, 07:25 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: وحيدات في القصر / بقلمي


السلام عليكم

بدايه روعه


شروق و شمس و شعاع و قمره حلو الترابط الي بينهم بس رجعتهم الي السعوديه بعد ما كانوا عايشين في امريكا اكيد بيكون صعب عليهم عادات السعوديه خصوصا اللبس بس في النهاية بيتأقلمون مع الوضع الجديد

الصلاه بروحها سالفه في حد ما يعرف يتوضأ السبب الاول الابو شكله فيري و تاركهم يعيشون براحتهم

شمس شكلها لها سالفه او قصه حب بامريكا


قوانين القسم

القوانين ، [ توضيح يختص بـ الردود المحذوفة ( الرد 3 ) ] ؛

يعطيك العافيه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-12-2010, 05:28 PM
المحظوظة أشعار الشميمري المحظوظة أشعار الشميمري غير متصل
©؛°¨غرامي جديد¨°؛©
 
الافتراضي رد: وحيدات في القصر / بقلمي


روح زايد
أشكـــــــــر لك ردك وتفاعلك معي وتعليقك عجبني وأسعدني

لكن مصدوووووومة من عدم الردود من البقية !!

خاصة انه انا نزلت القصة هنا بناء على طلب البعض .. !

ومو لاقية أحد ....... !!

عموما بنزل الجء الثاني واذا استمر الحال نفسه مادري اذا بكمل ولا لاء :(


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-12-2010, 05:31 PM
المحظوظة أشعار الشميمري المحظوظة أشعار الشميمري غير متصل
©؛°¨غرامي جديد¨°؛©
 
الافتراضي رد: وحيدات في القصر / بقلمي




الجزء الثـــاني

وصلت لبيت بناتي .. قصر بناتي ..
حطيت إيدي على قلبي وأنا أتأمل البيت .. حسيت برعشة إيدي وشفاي ..
و آه يآآالبى قلوب الي بشوفهم الحين
مسك زياد إيدي وقال : تبين أنزل معك؟
قلت وانا يالله آخذ انفاسي : لا تسلم خلي جيتك مره ثانية .. الحين اكيد البنات يبون يشوفوني لحالي
زياد : أسلم عليهم من عند الباب وأمشي
ترددت شوي وريحني يوم قال : خلاص على راحتك
ابتسمت ونزلت .. عيوني تتلفت يمين يسار كني متوقعة أشوف بناتي بأي مكان ..!
ومشيت للدرج الي يطلع للبوابة ..
كنت بدق على شعوعتي إلا شافني الحارس وأقبل لعندي وقال : تامرين على شي ؟
كني غريبة بس ماضايقني سؤاله.. بالعكس اتطمنت نوعا ما ان بناتي عندهم على الأقل من يحرسهم وقلت بصوت حسيته مرتعش : أنا .. أم البنات !
الحارس: أهلا أهلا خالتي حياك حياك اتفضلي ..
ومشى مسرع للبوابة واهو يقول : معليه بدق لك الجرس لأن تونا ماستلمنا المفتاتيح ..
قلت وانا اتخيل اللي بداخل البيت : مو مشكلة .. دق الجرس

دق الجرس ومامداه يرفع إيده الا أصدر الباب صوت فتح الباب
دف الحارس الباب وطلعت الدرج وبدت الدموع تتجمع بعيوني ودقات قلبي العنيفة تسابق أنفاسي وخطواتي ..
لحد يسألني عن حالتي .. لأن محد يدري عن اللوعة والمعاناة اللي ذقتها وعشتها سنييييين !
من راحوا بناتي وخلوني ..

دخلت من الباب للحوش الكبيـر ..
وشفتهم .. شفت قدامي صغيراتي الحلوات يتراكضون وكل وحده تبي تسبق الثانية ..
شفتهم بعيوني صغار .. أطفال ماكبروا ..
وهالشعور خلاني أفتح إيديني بوسعـهــا لأول وحده رمت نفسها بحضني .. لا والله مو وحده .. ثنتين .. قمره ومن بعدها شروق
ضميتهم لحضني بقوة وطبعا انفجرت الدموع الي حرصت نفسي أكبتها بس خانتني بهاللحظة : يمه شروووق يمه قمووورتي ياعمممري ولهت عليييييييكم ياروح أمكم ولهت علييييييكم موووت ..
شفت شعاع من وراهم ووراها شموووستي وكانوا يناقزون ويصارخون وشمس تصارخ وهي تسحب خواتها من حضني عشان تاخذ مكانها فيه
أبعدت شروق ونطت شمس بحضني ولميتها وأنا عيوني على شعاع الي للحين تنتظر دورها : شمووووس ياحياة أمك انتي وحشتووووني وحشتووووني
شعاع واهي تسحب قمره : قموووور وخرررررررري
وخرت قمره وعيونها وخشمها حممممر لأنها كانت تشاهق بحضني وجا دور شعاع الي من طاحت بحضني انفجرت تبكي
قلت وانا أحس اني بطيح من طولي : يابعد عمري شعووعتي ولهت عليكم ياروحي والله اشتقت لكم موووت ياروح أمكم وحشتوووني وحشتوووني
شعاع واهي تشاهق : وانتي بعد مررره وحشتينا يمه ..
شمس وصوتها يبكي : عجزنا نصبر لين نشوفك يمه والله وحشتينا موت
بستهم ثنتينهم ومشينا كلنا سوى لداخل قصرهم

وقمور حاضنتني من خصري وشروق لامتني من ظهري وأنا أنفاسي صارت شهقات وانا مني مصدقة عيوني الي قاعدة تشوفهم
لأن عيوني ياما شافتهم .. وحاكتهم .. واتأملتهم .. بس لحظات ويختفون لأن عيوني نايمة وبأحلامها زارتهم ولامستهم وضمتهم !
دخلنا الصالة والتفوا بناتي حولي ..
ليش أشوفهم صغار ؟
كنهم نفسهم الي راحوا عني من خمسة عشر سنة وصرت ماشوفهم إلا شهر بالسنة يا أجيهم يايجوني إجازة وبكل مره نفترق ياخذون معهم صحتي وراحتي وهناي ونومي
لين آخر سنتين .. أمـَر سنتين .. وأقسى سنتين ..
ماقدروا لايجون ولاأروح لهم بسبب صعوبات بأمريكا ومشاكل واجهت أبوهم اضطرته يترك امريكا بكبرها وينقل لاستراليا ..
لكن الله ربط على قلبي يوم بناتي رجعولي أخيرا وهذا هم قدام عيوني
يااااه ياحلو بناتي

قلت وانا أتأمل كل وحده فيهم : شلونكم ياعمري عسى ماتعبكم النقل والسفر ؟
قمره واهي لاصقة فيني ولامة ذراعي : كل التعب راح بشوفتك ماما
ضحكوا خواتها وشروق قالت : هههههه لا مايمدينا على هالحكي من وين طلع قمووور ؟
ضحكت قمره وهي تلصق فيني أكثر وأنا كل شوي آخذ وحده من بناتي لحضني وأضمها وابوسها ياعساي أعوضهم حضن وحنان العمر كله
قلت وانا احاول أضحك : خلاص امسحوا دموعكم وانا بعد بامسح دموعي ( وسحبت مناديل أمسح عيوني وانا اقول : ها وان شاء الله هالعيون آخر يوم تدمع فيه دامها شافتكم ورجعتولي وان شاء الله ماعاد تروحون عني
شعاع : ان شاء الله ماما حبيبتي والله مراح نخليك خلاااص
شمس : اي والله ياماما هالمره وعد احنا بعد خلاص محتاجينك ونبيك
قلت بفرحة : صدق والله؟؟
أصواتهم داخلة ببعض : طبعا يمه ..
شروق وهي تحضني : طول عمرنا نحبك ونبيك بس ياماما كنا صغار يوم قلنا نبي امريكا وماصدقنا كبرنا عشان نقدر نقرر ونرجع لك
شعاع : وشوفي بابا شرالنا البيت ونقلنا كل عفشنا .. (( وكملت بضحكة : خلاص يمه بنكون مع بعض على طووووووول
قلت : الله لايحرمني منكم ياروح أمكم انتوا ..
بناتي : ولا منننننك يمه
قمره بحضني ورافعة راسها تطالعني: شلون خالي وخالتي وبناتها وعمو زياد والكل شخبارهم
قلت : والله طيبين وماتصدقون قد ايش فرحاااانين بجيتكم ودهم كلهم يجون معاي الحين بس قلت قلعتكم لاحقين عليهم خلوني انا أشبع ببناتي ..
شمس : حبيبتي يمه حنا مراح نشبع منك أبد والله
محد يدري شكثر يبتهج خاطري اذا سمعت هالكلام من بناتي لأني حسيت الدنيا خطفتهم مني ونزعتهم من حياتي وأبعدتهم عني وأشغلتهم عن أمهم لكن شوفتهم الحين وهم ملتمين بحضني كنها توها عيونهم تفتح على الدنيا وانا الي احتويهم أنا أمهم الي مراح يلقون قلب يحن عليهم كثر قلبي

شعاع : ماما وخالتي شلونها ؟ ساكنة جمبك للحين ولا نقلت ؟؟
قلت : لا الحمدلله وسعت بيتها وقعدت فيه
شعاع : وكيف حال رزان وغادة اكبروا اتغيروا انخطبوا ؟
قلت : ماشاء الله كل وحده تقول الزين عندي بس رزان خطبها ولد عمك راكان
شمس وهي عاقدة حواجبها : مين عمي راكان ؟؟
شروق : ههههههه مب عمك راكان .. ولد عمك اسمه راكاااان
شمس : اهااااااااا طيب ومين راكان هذا ؟
شروق : عاد مدري ..
شعاع : ههههههههههه اما عليكم معلومات مدري شتبي هذي ماتدري وشسم عمها وهذي ماتدري عن ولد عمها
شمس : يلا قولي ياحلوة مين راكان ؟؟؟؟؟
شعاع وهي تكتم ضحكتها : ولد عمي عاااصم مثلا ؟؟؟
ضحكت من قلبي وانا اقول : ههههههههههههههههههههههههههههههه عصام مب عاصم ياحليل بناتي اللي مايدرون عن الدنيا
قمره اتعدلت بقعدتها وقالت: اي والله ياماما أمس اسولف انا وخواتي مدري شلون بنعيش بمجتمعكم مانعرف أحد خصوص أهل ابوي والله ماعرف غير جدو الله يرحمه بس
شعاع : اي حبيبتي قمور رحتي امريكا وانتي صغيرة مرة اما حنا عشنا شوي من طفولتنا معاهم
قمره : اي والله يهديه ابوي قاطع الكبير والصغير ولا أذكر يوم سولف لنا عن اخوانه وخواته

قطعتني حسرتي على بناتي الي راح عمرهم لاهين بالدنيا لا دين ولا صلة رحم كله من أبوهم الله يسامحه وقلت : عاد عماتكم مانسوكم كل ماشافوني بأي مكان يسألون عنكم وحده وحده حتى بنات عماتكم وعمانكم فرحوا يوم دروا بجيتكم
شروق: ياحليلهم يسألون عنا ولو شافونا ماعرفونا
شعاع : عاد غلطتنا احنا اللي كل اجازة كنا نجي نقعد بس عند امي وخالتي وخالي بس ولا نروح لعماني ماغير جدو الله يرحمه نسلم عليه ساعه ونمشي
شمس : وصية ابوك ياروح ابوك
شروق : عن الحكي الفاضي والله لو بغينا نروح لهم كان رحنا بس احنا مانبي أحد
قمره : أصلا كل الي كنا نجيها شهر يالله نقضيه مع امي مو بعد نسير على خلق الله
شعاع : وغير كذا ترا السنين الي عشناها برا بعيدين عن كل العالم عودتنا على العزلة
قلت وانا ابتسم لهم : خلاص حبايبي الي فات مات .. انا مابي أحد يتكلم عنكم كلمه وحده بس مو زينة .. ان شاء الله بتشوفون عماتكم وعمانكم وبناتهم وعيالهم وتتعرفون عليهم وبتحبونهم بعد
مع اني ماحسيت باهتمامهم بهالشي ولا لهفتهم عليه إلا اني ارتحت يوم ماعارضوني وانا ودي أحطهم فوق راسي وأمشي بين الناس أقول شوفوا هذا هم بنااااتي

خذتنا السوالف لين سمعنا المغرب يأذن وقمنا وقعدنا على الطاولة .. شفت بناتي يصبون لهم كاسات موية ويشربون محد منهم مد إيده على التمر الا أنا ..
وعقب ما أخذت تمرتي قالت شعاع : ماما أصب لك قهوة ؟؟
قلت : افطري حبيبتي انا أًصب
فهمت شعاع اني أبي القهوة وصبت لي فنجان وقربته لي .. صرت آكل التمر واشرب القهوة وأراقب أكلهم .. شربوا الموية وبعدها غرفوا السلطة وبعدها كل وحده سحبت منديل ومدت ايدها بالمنديل واخذت سمبوسة وأكلتها .. كل هذا وانا توني بالتمر والقهوة ..
لأني اتعودت افطر تمرتي وقهوتي واقوم اصلي وعقب نحط سفرة ثانية بباقي الأطباق
شروق : ماما شتبين أحط لك ؟؟
طالعت الساعه خفت أتأخر على الصلاة ولما شفت فيه وقت قلت : افطري حبيبتي انا بحط لي كل شي
شروق : يمه ادري انك ذوووق وأخلاااق وكل شي حلو بس مو على بناتك تكفين وقوليلي شتبين أحط لك ؟
ضحكنا عليها وقلت لها : اغرفي لي شوربة شوي
شروق : من عيوووني
قلت وانا مغرقتني وناستي : فديت عيونك حبيبتي
ناولتني الشوربة واخذتها وانا اقول : كيف الصيام بامريكا عسى النهار قصير؟
قمره ضحكت : ههههه قصييييييير مره بس لين الساعه 9 !!
شعاع : اتخيلي ماما يدخل المغرب 9 والفجر 3
قلت : ياعمري مايمديكم تفطرون الا أمسكتوا
شمس : أصلا هي وجبة وحده ناكلها الساعه 12 فطور وسحور
قلت : ياقلبي وش تاكلون؟؟
قمره : كل يوم نطلب من مطعم شي ..
قلت وصوتي خفت غصب عني : وأبوكم ؟؟
شعاع : بابا مايكون فيه بالليل .. نفس حاله سواء برمضان ولا بغيره

اتنهدت غصب عني .. ليتني أقدر أرجع الأيام وألف الدنيا وأقلب الماضي وأخلي بناتي عندي بدل ماضاع عمرهم وانسرقت أيامهم واهم داجين ولاجين بديار لاهي لهم ولاهي عليهم
الحين فهمت ليه محد مد ايده على التمر
المشكلة مو وين بناتي عاشوا ..
المشكلة هي مع مين عاااشوا !
وعلى ايش اتربوا وعلى ايش اتعودوا واش اتعلموا واش الي انغرس فيهم من صغرهم ؟
وشالي انتزع منهم ؟
وهل اقدر أبني فيهم من جديد؟؟ هل أقدر أرمم على الأقل شي من الي بنيته بصغرهم والي هدمه أبوهم فيهم ؟؟
طالعتهم وهم ياكلون .. شمس وقمره ياكلون باليسار
وشروق تغني أغنية أجنبية ..
وشعاع عيونها علي تضحك لي وتطالع بخواتها ....
انتبهت على شعاع وهي تضحك لي وتقول : يمه ليه ماتاكلين؟؟
قلت : أكلت حبيبتي خلاص بقوم أصلي .. وانتوا بعد ان كان خلصتوا يلا لا تأخرون الصلاة
وقمت وانا اقول : وين الحمام ؟؟
كانت شمس جمبي قامت ومسكت ايدي وقالت : انا اوديك الحين اسأليني عن اي شي بالبيت أمس انا وشروق مواصلين بس ندور ونفتش ونحوس بالبيت
قلت وانا امشي معها : مانمتوا وانتوا راجعين من سفر وتعبانين !
شمس : ماقدرنا ننام متغير علينا الوقت والمكان بس ان شاء الله كم يوم ونتعود

رحت للمغاسل وبصراحة ماعرفت من وين افتح الصنبور .. مغسلة عجيبة اول مره اشوفها ولاهي اول شي اتفاجأ فيه .. انا من دخلت هالقصر وكل شي غريب اول مره أشوفه بحياتي
فتحت لي شمس الموية وصارت تسولف معاي وانا أغسل واتوضا ويوم خلصت مسحت بالمنشفة وانا اقول : شلون القبلة حبيبتي ؟؟
شمس بحيرة واضحه : آآآ .. ماادري ..
قلت وانا اضحك : شلون صليتي من جيتي ؟
شمس وهي تضحك : ههههه انا اصلا هاليومين ماصلي ..
قلت : اه ياقلبي يعني فاطرة اليوم ..
شمس : ايه ايه طبعا
رجعت للطاولة وشمس وراي وقلت : بنات شلون القبلة ؟؟
شعاع قامت وجتني بسرعه واهي تقول : ماندري يمه ماعرفنا شلون نصلي كل وحده صلت على جهة غير !
شروق : ايه ايه خلي نسأل الحارس اكيد بيعرف
قلت : يلا تكفون اسألوه انتم بعد كان سألتوه من يوم ماوصلتوا الله يهديكم صلاة هذي مو لعب تصلون على اي اتجاه تبون ..
شروق وهي تمشي للتلفون : اي والله استغفر الله الحين باسأله
دقت شروق على الحارس وعلمها اتجاه القبله لبست عبايتي وصليت المغرب ويوم خلصت التفت وشفت بناتي قاعدين حول بعض يطالعوني ويتهامسون .. ابتسمت وانا أقولهم : صلوا !!
نطوا مع بعض وهم يقولون : ايه يلا ان شاء الله
وصعدوا الدرج كلهم .

::

طلعنا فوق وشمس وشروق وقمرة راحوا غرفهم ..
كنت ابتسم لاشعوري وانا أسترجع لقائنا بماما حبيبتي .. ماتغيرت زي ماهي حلوة ونعومة وطيبتها تشع من عيونها الله لايحرمنا منها .. خاطرها عندي بالدنيا وحسيت ان هالشي خلاني على طول اتوضا واصلي ويوم طلعت لقيت خواتي طالعين من غرفهم سألتهم بهمس : صليتوا؟؟؟
وضحكت يوم جاوبوني انهم صلوا ..
نزلنا الدرج بس انتبهت ان شموس مانزلت التفت عليهم وقلت : وين شمس ؟
شروق واهي تحوس بجوالها : مادخلت غرفتي راحت غرفتها
نزلنا عند امي لقيناها قاعدة على الكنب ومعها مسبحتها تسبـّـح وتطالعنا بابتسامتها الي تحسسني ان الدنيا لسه بخير .. قعدنا حواليها وقمرا أخذت مكانها بحضن امي الي لمتها وباستها وقالت : ها مستعدين للعيد قضيتوا من هناك ؟؟
قلت : والله احنا قضينا كل شي ومن كل شي هههههه نودع المحلات
ماما : هههه زين ماشاء الله ..
قمره : كيف عيدكم ياماما هنا شتسوون وين تروحون؟؟
ماما : الصبح نصلي العيد وبعدين نفطر ببيت أهل زياد واذا رجعنا نمنا وبالليل يجوني خالكم وخالتكم .. ومن ثاني يوم ورااايح انا اروح مع خالتكم لاهل زوجها واحضر اعيادهم لان اهل زياد يسافرون كل سنة يعيدون بمصر
شروق : ولاتقولين هالسنة احنا بنروح معاكم لاهل زوج خالتي !
ماما : هالسنة انا مو رايحة لاحد هالسنة عيدي بنااتي
شروق : والله احنا اللي عيدنا عيدين لأنه معك يمه
ماما : حبيبتي انتي ..
قمره اتعدلت وقالت : يعني معليه ابي اعرف .. انتي بتكونين عندنا من يقولون جا العيد مثلا ؟؟
ماما : ههههههه ايه حبيبتي ليه مو مصدقة ؟؟
قمره تطالع امي بنص عين : وعمو زيااد؟؟
ماما : شفيه عمك زياد يمرنا واحنا نمره وعادي ياقلبي محد يقدر يبعدني عنكم لاتشيلين هم ( وقرصت خدها
ابتسمت بفرح وقلت : ودنا نطلع بالعيد شاليه مانبي بيوت
ماما : اي صح على هالطاري .. أهل ابوكم هالسنة ماخذين شاليه 6 ايام العيد كلها .. عاد لازم تروحون تعيدون معاهم وشاليههم حلو مره عزموني ورحت يهبل والله
شروق : بتجين معانا ؟؟
ماما : ان شاء الله .. ترا أهل أبوكم طيبين شوفوا كم لي انا وأبوكم منفصلين وللحين واصليني ويسألون عني ويفرحون اذا شافوني .. وبتشوفون هالشي بنفسكم !
بدا الحماس يلعب فيني وقلت : محنا شايفينهم قبل العيد؟؟
ماما : إلا أفا عليك مايصير تجون كل هالفترة وماتزورون عماتكم .. ان شاء الله نشوف يوم ونروح لهم كلنا ..

دق جوالي ويوم طالعت الشاشة لقيت ابوي المتصل .. ارتبكت مدري ليه ورديت بسرعه وانا عيوني على أمي : هلا هلا بابا
بابا صوته بعيد : هلا شعااع شلونكم ياماما ؟
رديت : احنا بخير بابا انت شلونك ؟
بابا : الحمدلله ها كيف استقريتوا ان شاء الله نمتوا ارتحتوا ؟
قلت : اي والله الحمدلله كل شي تمام .. انت كيفك بابا وكيف حال آنتي جولي
بابا : طيبة الحمدلله تسأل عنكم والله
قلت : سألت عنها العافية سلم لنا عليها يبه
بابا : يوصل ان شاء الله .. خواتك حولك أكلمهم ؟؟
رديت : ايه ايه هذي شروق جمبي ..
مديت لشروق الي سحبت الجوال وقامت وهي ترد وتقول : دااااااااادي حبيبي آي مس يووووو

ضحكنا عليها وانا اطالع بأمي ماودي تصير اي حركة تضايقها بس مع ابتسامتها الساحره وهي تطالعنا واحنا نكلم أبوي حسستنا انها مرتاحة ولاهي مضاايقة

قمره : وين شمس الحين يسأل عنها أبوي وهي مانزلت
قلت : اي والله دقي عليها قوليلها تنزل بسرعه
دقت قمره وقالت واهي تطالع الجوال : يعطيني ويتنق ..
قلت : وقته تكلم الحين ..
اخيرا نطقت ماما : اطلعي قمور شوفيها حبيبتي قوليلها ابوك يبي يكلمها
وقفت قمره تبي تطلع الدرج الا شافت شروق تمشي لها بسرعه واهي تقول : هذي قمره معاك بابا
اخذت قمره الجوال وشروق التفتت علينا وهمست بحمق : وووين شمس ؟؟؟؟
قلت وانا أأشر على الدرج : روحي شوفيها بسرعه طيران
واستجابت شروق لكلامي صدق وطااارت طيران الدرج حتى امي وسعت عيونها واهي تقول : شوووي شوووي ياااابنت !
وسمعنا بعدها تخبيط شروق لباب شمس وصراخها


::

كنت قاعدة أكلم وفجأة سمعت الباب يتخبط وشروق تصارخ : شمووووس وينك انزلي بسرعه بابا يبييييييك
فتحت الباب وسحبت شروق من إيدها وصكيت الباب بسرعه ..
مافاتني شكل شروق شلون انفجعت وهي تشوف عيوني الحمر والدموع على وجهي .. قعدت على السرير قبالي وقالت بصوت خافت : مين تكلمين ؟؟
مارديت عليها وظليت أسمع وأتلقى القنابل الي توصلني من الطرف الثاني وانا مغمضة عيوني بكل ألم ..
سمعت شروق تقول بخوف : بنت شفيييييييك ؟؟
فتحت عيني وطالعتها وعيوني تصرخ بكل الأهات تستجدي الرحمة .. انتهت القنابل واتقفل الخط .. رميت الجوال على الطاولة ومشيت لجمب شروق ورميت راسي بحضنها وصرت أبكي من كل قلبي
شروق بخرعة : شمممممس شصااار .. ( وبعد لحظات كنها استوعبت وهمست : نادر؟؟
قلت وبالقوة صوتي يطلع : خلاااص كرهني ياشروق ماعاد يبيني ماعاد يحبني ليه طيب انا مو بايدي الي صااار ياشروق والله ماسويت شي
شروق بقهر : هذا شيحس ابي أفهم ؟ يعني ياتنفصلين عن كل أهلك وتقعدين بأمريكا عشان سواد عيونه ولا خلاص مايبيك ولا يحبك ؟؟
قلت : يقول لو تحبيني جد كان حاربتي الكل عشاني وقعدتي عشاني مو تروحين وتتركيني بعز مني محتاجك
شروق : كان قلتي له والله ياحبيبي انا مخيرة مو مسيرة وهذي نقله كاملة من بلد لبد مو حيا الله سفره ولا سياحة عشان أبدي رايي فيها وأقرر بكيفي !
رديت : قلللللللت له مو راضي يفهم ولا يستوعب .. كله مصر اني اتخليت عنه وعن احلامنا وحبنا وكل شي بنيناه سنين
شروق : والله اذا يبيك جد ليه ماخطبك قبل مانمشي ؟؟ من شهور وحنا ندري اننا بننقل !
قلت : ماكان مصدق يقوللي لآخر لحظة وأنا اقول اكيد بتقعدين ..
شروق بعصبية : تقعدين لحالك شتسوين هذا شلون يفكر؟؟؟؟
قلت : يقول تكملين دراستك ..
شروق مسكتني من كتوفي وقعدتني وطالعت بعيوني وقالت : انتي لايكون ندمانة على الي سويتيه ؟؟؟ لايكون لعب بمشاعرك وحسسك انك مذنبة وكلامه صح ؟؟؟
غمضت عيوني ورفعت راسي على فوق وانا أهمس : ماادري
هزتني شروق من كتوفي وهي تقول : شمس انتي ماغلطتي .. كونك تسافرين مع أهلك وين مايسافرون وتروحين معاهم مكان مايروحون هذا هو الصح .. وهو الي يلحقك مكان ماتروحين مو انتي ياشمس استوعبي مو انتي الي تقدمين تنازلات بهالشكل وتضحيات بهالطريقة ترا انتي بنت حتى لو حياتنا هناك أجبرتنا على أشياء نسويها وعودتنا وعلمتنا على أشياء المفروض مانسويها بس مو معناه ان الي كنا نسويه صح !
مسحت عيوني بخلف كفي وانا اقول : طيب اذا هذا هو الصح ليه مايفهم هالشي ؟؟ والله سمـّـعني كلام يجرح حسسني اني أنانية وسيئة وخاينة وكل شي مو حلو
شروق : لأنه حقير ومصيره يندم .. ويعرف انه غلطان وانك انتي الصح .. بس أمانة شمس لاتحاولين تدقين عليه مره ثانية !
قلت : مني داقة اصلا أنا استغربت انه دق .. لأنه قاللي اذا سويتيها وسافرتي فاعرفي انك انتي الي نهيتي كل شي .. وقبل مانسافر حاولت أكلمه أودعه مايرد .. وعرف اننا سافرنا ودق اليوم قلت يمكن حن وغير رايه فيني اثاريه دق عشان يسمعني هالكلام

حضنتني شروق واهي تقول : حبيبتي شموس لاتزعلين نفسك عشانه صدقيني بيجي يوم ويندم ويعرف ان هو الغلطان وانتي الصح .. لاتبكين ولاحد يستاهل دمعة منك ياقلبي أدري انه صعب عليك بس المفروض هو يتفهم ظروفك لأنها أكبر منك .. يلا قومي غسلي وجهك وانزلي كلهم يسألون عنك تحت
بعدت عنها وانا اقول : ياربي الحين ماما بتستغرب من شكلي شقولها ؟
شروق : قوليلها كلموني صاحباتي من هناك وحنيت لهم وقعدت أبكي
قلت : شهالصحبااااات الي يبكوني بهالطريقة يخسووون بعد
شروق : ههههههههه حرام عليك نسيتي شلون بكوا علينا قبل مانروووح ؟
شمس : اي بس وقتها والكل بينساااانا مع الايام
شروق تبي تضحكني : والله جتك صدمة عاطفية انتي والكل عندك صار ينسى ويقسى..
قلت : لا مو الكل .. بس هو الحقير
شروق : خلاااااص لاتجيبين سيرته ويلا قومي ( وقفت وسحبتني وهي تقول : غسلي وجهك وانزلي واذا سألوا شفيك انا بضيع السالفة

قمت وانا يالله أمشي وأجر جروحي معاي .. وفتحت باب الحمام ودخلت
وشروق فتحت باب الغرفة وطلعت


::

طلعت من الغرفة وأنا أحاول أكبت دموعي الي شوي وبتطفر من عيوني على شمس ..
حاولت أهديها بس داخل نفسي عارفة انه شي مو سهل ..
نادر مو أي شخص ..
شخص غآلي علينا كلنا بس صدمنا بموقفه !!
نادر ولد صديق أبوي ومن بداية حياتنا بأمريكا وهو داااايم يجينا مع أبوه ..
كان زي أخونا لأن ماعندنا اخو لكن أهو وشمس يوم كبروا تنحت مشاعر الأخوة وحلت محلها مشاعر ثانية !
مني قادرة أصدق ان كل اللي بينهم انهدم وانتهى بلحظة !
خسارة حبهم وأحلامهم وذكرياتهم ..
خسارة كل لحظة حلوه قضوها مع بعض ..
يالله انك تعين اختي ..

نزلت الدرج وأنا أحاول اصطنع المرح واقول : ياهوووو ياللي تحت شرايكم نطلع ؟؟
محد رد علي ويوم وصلتهم لقيتهم فاتحين التلفزيون على الحرم ويطالعون التراويح ..
حسيت اني لازم التزم الصمت وقعدت جمب أمي اللي قالت على طول : أول مره أتابع تراويح الحرم لأن هالوقت أكون بالمسجد أصلي ..
قلت : ماشاء الله يمه كل يوم تروحين تصلين ؟؟؟
ماما : الحمدلله المسجد جمب بيتي ولاعمري خليت الصلاة
شعاع وهي تضحك : أجل خربنا عليك اليوم
ماما : لا ياعمري هذا انا قاعدة اشوف الحرم وبنسمع الدعاء بعد شوي وآخر الليل ان شاء الله بصلي بالبيت ..
قمره وهي تتثاااوب : وين شمس ؟
قلت : نازلة نازلة بس صدق شرايكم نطلع ؟؟ شرايك ياماما ؟
ماما : فيكم حيل تطلعون ؟؟
قلت : ايييييه والله زهقت من أمس وانا بالبيت
ماما : ههههههههه لا كثير صراحة لازم تطلعين

شعاع طالعتني بنظرة اخترقت جواي !
كنها فاهمة ان فيه سالفة داخلي مرهقتني وتبي تعرفها ..
اتبادلت انا وهي النظرات وكنها فهمت كل شي لما قالت : صدق ماما امشي نروح كوفي وكلمي خالتي تجينا هناك
ماما : على راحتكم حبيبتي .. تبون نطلع طلعنا
قمره وقفت واهي تقول : يلا لأني احس بديت أطفففففي
ماما : أكيد حبيبتي للحين تعب السفر فيكم
شعاع وقفت واهي تقول : اوك ماما بنروح نلبس ونجي
ماما : خذوا راحتكم حبيبتي

مشينا كلنا للدرج وماما رفعت صوت التلفزيون على الصلاة


::




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-12-2010, 05:32 PM
المحظوظة أشعار الشميمري المحظوظة أشعار الشميمري غير متصل
©؛°¨غرامي جديد¨°؛©
 
الافتراضي رد: وحيدات في القصر / بقلمي


سبقتنا قمره بسرعه وانا وشروق نطلع وراها .. مسكت يد شروق أوقفها والتفتت علي .. طالعت بعيونها وقلت : شصاير ؟؟
شروق بهمس : نادر دق على شمس ..
قلت وانا بدت دقات قلبي تتسارع : وش قالها ؟
شروق : أنهى كل شي بينهم وسمعها كلام يجرحها انها هي الي اتخلت عنه وخلاص ماعاد يبيها ولا شي ..
سعرت نار بصدري وانا اقول : وأكيد انهارت !
شروق : كانت تبكي وهديتها شوي بس ترا لحد يلومها ..
مررت يدي على شعري بضيق وانا اقول : الحين هذا وانا مكلمته قبل مانسافر وفهمته شكثر شمس متأثرة وزعلانه وفهمته ظروفنا وان شمس مو بايدها شي !
شروق بصدمة : صدق كلمتيه ؟؟
قلت : اي والله وسكر واهو يسوي نفسه اقتنع وشوفي شسوى فيها
شروق : أناني قسم بالله ..
قلت وانا اطلع الدرج : ياعمري ياشمس والله قلبها مايتحمل حبيبتي
شروق : ليتنا ماعرفناه ولا عرفنا
قلت وانا اتنهد : هو بس هالشي ياشروق الي راح نعاني منه ؟؟ صدقيني كل حياتنا الي عشناها هناك راح ندفع ثمنها هنا من اليوم ورايح

شروق ماردت وراحت غرفتها وانا رحت غرفتي والضيقة خانقتني ..
إلا شمس ما أرضى عليها .. ولا قمره بعد ولا شروق ..
خواتي كلهم ما أرضى أحد يآذي مشاعرهم ويجرحهم مو عاد من واحد هو كل حياة شمس مابقى غير تحلف باسمه من حبها له ..
كيف هان عليه يتركها واهو كان يبوس الأرض الي تمشي عليها ؟؟
كيف هان عليه ينهي كل شي ويتركها تحترق وتتدمر وتتحطم ومين المذنب ؟؟
مو غلطتها ولا ذنبها ..
مو اهي الي اختارت طريق حياتها هذا ..
مو اهي الي اختارت تحب
مو اهي الي اختارت تنشأ وتكبر معاه بدون قيود ولا حدود ..
مو غلطتك ياشمس ........
أجل غلطة مين؟؟

نفضت هالأفكار من راسي وقمت أجهز بسرعه .. أمي تحت تنتظرنا وبنطلع معها ونبي نكون مستانسين ومافي شي يعكر علينا ..
وبعد نص ساعه كنا جاهزات

نزلت لقيت قمره تحت وشروق وشمس نزلوا وراي ..
التفت لهم ومافاتني الألم الي بعيون شمس ..
وقفت ماما وهي تقول : جاهزين ؟
قلت : ايه يلا ..
ماما تضحك لشمس وتقول : وينك انتي وين غطستي؟
شمس واهي تحاول تبتسم : توني أدخل غرفتي من وصلنا مارحتها وقعدت أحوس فيها و ......
قاطعتها شروق : يلا يلا ماجابت ميري عباياتنا ..؟؟ (( وصارت تنادي : ميييييييييري وين عبـــــــــاياتنا ؟؟؟؟
جابت ميري العبايات وكل وحده أخذت عبايتها .. وعند المدخل قعدنا نحوس قدام المراية واحنا نلف الطرح ونضحك على أشكالنا مثل كل مره نلف الطرح ولا نعرف نلفها زين .. وجتنا أمي واهي لابسة عبايتها ومتنقبة ..

كلمت السواق قلت له يشغل السيارة وطلعنا ..
كانت السيارة جيب " لاند كروزر " داخل البيت بالحوش ..
طلعنا نمشي بالحوش والسواق كان جاي ..
أمي وعينها على السواق: طرحكم يابنات !
انتبهنا ان طرحنا على كتوفنا طاحت لأن لفنا كان عشوائي .. رجعنا حطينا الطرح على روسنا وركبنا السيارة ..
وطلعت السيارة للشارع وثواني ودخلت بين الزحام الفضيع الي تعرفونه أكثر مني بهالأيام الأخيرة من رمضان وخصوصا بهالوقت ..

دقت ماما على خالتي الي اتحمست للطلعة وقالت بتلحقنا اهي وبناتها ..
وصلنا لمطعم بابايا حلو ورايق..
دخلنا وقعدنا كلنا على الطاولة .. كان محاوطنا الشجر والزرع وصوت خرير الموية بكل مكان .. لكن ولا شي من هذا خلاني أستمتع وانا أمسك المنيو وأرفعه قدام وجهي وأطالع بشمس من ورى المنيو وهي لافة وجهها على الطاولات الثانية وعيونها ضايعة بالرايح والجاي ..
ظليت أطالعها وقلبي متقطع عليها ..
وشوي شفتها تتنهد وترجع وجهها لنا وجت عيني بعينها وابتسمت لها ابتسامة خلتها تطالعني فترة بعدها شفت الدموع اتجمعت بعيونها رحت وسعت عيوني فيها وأنا أأشر بعيني على أمي ..
عضت على شفتها واتنهدت تنهيدة عميقة ولفت وجهها على الجهة الثانية ومسحت دموعها ..
مسكت جوالي وأرسلت لها مسج :
"حبيبتي عشان خاطري اضحكي .. حاولي تضحكين عشان ماما وعشان ننبسط "

قرت شمس المسج ورجعت طالعتني بنظرة قطعت قلبي أكثر ..
وبعدها ابتسمت وقالت بصوت حاولت تخليه طبيعي : تطلبون الحين ولا نستنى خالتي ؟؟
ياحبيبتي ياشمس .. ليت الي فيك فيني ..

ماما : لا عادي نطلب الحين ونطلب مره ثانية اذا جت خالتكم
قلت : كلميها اذا كانت قريبة نستناها أحسن
دقت ماما على خالتي وقالت دقايق ويوصلون ..
ولكم أن تتخيلوا كيف كان اللقاء وقت وصول خالتي وبناتها ..

دخلت خالتي وبناتها يتلفتون يدورون علينا وشفناهم كلنا وناديناااهم
التفتوا لنا بسرعه ومشوا وهم يضحكون واحنا قمنا بسرعه ناحيتهم ولاشعوري صرخنا وكل وحده تحضن الي تجي بوجهها ..
طبعا لابد من الدموع المختلطة بالضحك ..
انتبهنا اننا لفتنا أنظار الناس وضحكنا ورجعنا للطاولة وقعدنا كلنا حولها ..
خالتي : شلونكم يابنات ؟؟ والله كبرتوا واحلويتوا ماشاء الله تبارك الله
قمره : هههههههه وانتي بعد خالتي صغرتي واحلويتي
ضحكنا ورزان بنت خالتي كانت بيني وبين شروق وقالت وهي تدور وجهها بيننا : شلونكم يابنات وحشتوووووني موووت والله
رديت : ياعمري والله وانتي أكثر شأخبارك شلون دراستك
رزان : خلاااص اتخرجت بعد عناااااء الحمدلله
شروق : مبرووووووك ماشاء الله عاد انتي ماخليتي تخصص ماجربتيه
رزان : طموووح طموووح بعيد عنك
ضحكنا عليها وقلت : وشالأخبار الحلوة الي سمعناهاااا ؟
رزان بضحكة : شسمعتوا بالضبط ؟؟
شروق : خطوبة مدري ملكة مدري زوااج
رزان وهي تضحك : لالالا وين بس خطوبة والملكة ثاني العيد ان شاء الله

صوت عارض دخل علينا .. صوت قمره واهي تقول : مااااشااااااء الله رووزي ثاني العيد ملكتك ؟
رزان : ههههههههه يعني يارب الناس الي بالمطعم مو لازم يدرون
قمره : ههههههههه وناسة طيب من اول خاطري أحضر زواج
خالتي : وحنا ماخليناه ثاني العيد الا عشان يمديكم تحضرون
قلت : ياعمري ياخالتي أصيلة من يومك
خالتي : ولو اني شرهانة عليكم لاتدقون ولا تسألون عني ياكافي كم خالة عندكم ؟؟
شروق : وحده وفدييييت هالوحده
خالتي : ايه اضحكي علي بس وانا كل ما أدق عليكم يا مايشبك يامحد يرد
رديت : ياعمري ياخالتي والله اننا نحبك بس عاد قليلات أدب حنا شنسوي
شروق : ربي بلاك ببنات أخت مايفهمون السنع والذوق ولازم تحبينهم عاد مابيديك حيلة
خالتي وماما ضحكوا وكلنا ضحكنا ..

بس وحده مو قادرة تضحك .. كان مالها وجود بس بالنسبة لي وجودها غطى على أي وجود
كانت غادة جمبها وقلت أبيها تشاركنا السوالف : شفتي ياشمس شلون النتفة الي جمبك اتغيرت واحلوت
شمس كنها توها تستوعب الي حولها وقالت وهي تبتسم لغادة : اي ماشاء الله ياخوفي تلحق باختها وتصفى علينا احنا ..
غادة : هههههههه ليش تحسبوني مهبولة زي اختي ؟؟
رزان واهي موسعة عيونها بغاده : مهبولة انتي الا غيرانة مني ومقهورة
غاده : غيرانة هههههههههههههههه تدرون كلكم انا ضد الزوااج
ماما : اي عاد هذي لاحد ياخذ بشورها تفتح محاضرة عن عيوب الزواج ماتخلي فيه ميزة وحده
غادة : بس كلها صح مووو ؟؟
خالتي : شالي صح الا كلها خرابيط ومثل مافي زواجات فاشلة هم بعد فيه ناجحة وسعيدة
غاده : بس الي اشوفه ان السلبي صار أغلب .. بالبداية حب ودلع وياسلام .. وبعد شهوووور بالكثير سنة .. كل هذا يروح بمهب الريح
خالتي : بس عاد عن الهذرة الفاضية
شمس بهمس : صادقة غادة ..
رزان بحمق : اقول ترا انا انسانة مقبلة على زوااج ارفعوا معنوياتي مو تحطمونها
خالتي : عاد انتي احمدي ربك راكان مافي مثله
شروق : ايه انتي شجاب ولد عمي لك ؟؟؟
رزان : هههههههههههههههه رحت صدته ورجعت
شروق : هههههههههههه يجي منك والله
رزان : هههههههههههههه حرام عليك .. لا بس مرة عمك تعرفني من زمان وطبعا معجبة فيني وانتظرت لين اتخرجت وخطبتني
قلت : هم المحظوظين والله ..
رزان : حبيبتي انتي اي هذي الي تعرفني زين ..

ضحكنا عليها وخذتنا السوالف عن السفر وامريكا وسألوا عن أبوي ومر الوقت ماحسينا فيه لين دق خالي على ماما يصر ويلح اننا نجي نتسحر عنده
سألتنا ماما اذا نبي نروح ...
شمس : خلوها بكرا او يوم ثاني خلاص تعبنا اليوم واحنا مو نايمين زين
شروق : ايه صح ماما بكرا ماعندنا شي
ماما : والله يزعل يقول مو مهتمين يشوفوني وهو من أمس يبي يشوفكم
قلت : خلاص نروح نسلم عليه بس ماله داعي نطول ونتسحر ..
شمس : والله ان رحنا مراح يطلعنا بدون سحور
ماما : خلاص نخليهم يسحرونكم بدري ونمشي بس مايصير يترجى فيني ونرفض واحنا ماعندنا شي ..
قمره تكلم خالتي وبناتها : طيب انتوا تجون معانا ؟؟
غادة : طبعا حبيبتي واذا تبين نرجع معاكم بيتكم بعدين نرجع واذا تبين ننام عندكم عااادي ننام واذا ودك نشوف بيتكم مررره مـُصرّه يعني عادي نجي نشوفه
قمره : ههههههههههههه خلاص يلا تعالوا صدق
خالتي تكلم غاد : وسيعة وجه هالغادة ..
قلت : شدعوة خالتي والله صدق خلي البنات يرجعون معانا خبرك بيتنا لافيه عيال ولا رجال
خالتي : خير ان شاء الله
وبعد ساعه من السوالف المتفرقة الي حاولت قدر استطاعتي أشارك شمس فيها .. مشينا كلنا بسيارتنا الجيب لبيت خالي


::

كنت قاعدة جمب شمس بالسيارة وأمي وخالتي على يساري يسولفون ..
وشعاع وقمره ورى مع رزان وغادة ..
مسكت يد شمس حسيتها بادة زي الثلج ..
التفتت شمس لي وقالت بهمس حزين : شروق أنا تعباانة ..
ضغطت على ايدها وانا اقول : ياعمري انتي .. صدقيني مسألة وقت وبتنسينه وبيصير ذكرى مالها أي طعم ولا لون .. بس خليك قوية حبيبتي
شمس وهي شوي وتبكي : مو قادرة والله أحس فيه أشياء تتدمر جواي .. كلامه أحسه كان مصمم لتقطيع قلبي .. انا مادري شلون اتحول لهالشكل قاسي وجاف وباعني بكل بساطة ! مو قادرة أتخيل حياتي بدونه شروق ولاني قادرة أصدق اننا انتهينا
حسيت صوتها بدا يتهدج بالدموع فحاولت أدور على أقوى كلمات ممكن تسعفها بهاللحظة وقلت : شمس انتي متأكدة انه يحبك مو ؟؟
شمس : كآن !
قلت : طيب .. كآن يحبك مو ؟
شمس : ايه ..
شروق : خلاص واحنا كلنا كنا شايفين وحاسين بهالشي .. والحين الي قاعد يسويه انتقام قاعد ينتقم من الظروف الي أبعدتك عنه ويبي يحسسك بالذنب وقالك ماعاد أحبك ولا أبيك .. بس صدقيني ياشمس بيندم صدقييييني
شمس : واش فايدة الندم بعدين ؟؟
سكت شوي بعدين قلت : أقصد يعني لو .. دق عليك واعتذر وحاول يرجع الي بينكم
شمس : وانا بارضى ؟؟؟؟
شروق : هاه ؟ مراح ترضين ؟؟
سكتت شمس وماردت .. وسندت راسها على كتفي وصرنا نسمع سواليف البنات ورانا وأعلق عليها كل شوي لين وصلنا بيت خالي

دخلنا بيت خالي ولقينا خالي بالحوش يستقبلنا هو وبنته وولده الصغار ..
أخذنا بحضنه وحده وحده واهم يرحب ويهلي فينا من كل قلبه
دخلنا كلنا للصالة ولقينا مشاعل مرة خالي بالصالة شاقة الضحكة وسلمنا عليها بشوق وعيالهم نوف ونواف يطالعونا مستحيين

انحنيت لنوف وبستها من خدها وقلت : كيفك ياحلوة وحشتيييييييني
ضحكت نوف وقالت : انتي بعد
حضنتها وانا اقول : وه ياناس عطيني بوسة
باستني الحلوة وركضت هربانة ..

مشيت لنواف وسلمت عليه وقلت : ماشاء الله نواف كبرت .. سنة كم الحين ؟؟
نواف : ثاني ابتدائي
قلت بهمس عن لا أتفشل : مين أكبر أنت ولا نوف
نواف بفخر : أنا .. نوف أولى
ضحكت وانا اقول : هههههههه مافرقت كلها سنة
نواف : الا فرقت وانا اصلا المفروض اكون ثالث
رديت : وليش ثاني طيب ؟؟
نواف : مادري عن أهلي أخروني سنة
قلت : وعلى ايش مستعجل حبيبي ( وبسته وقمت لوين ماهلي كانوا قاعدين ..

كانت طرحتي على كتوفي وعبايتي مفتوحة ودخلت عليهم وانا اقول : ياحلو عيالك يامشاعل كبروا ماشاااء الله
ماما : شروق شروق شروق !!!
استغربت من ماما شفيها تناديني كذا ولقيتها تأشر على الجهة المقابلة ..
التفت لمكان ماتأشر لقيت شخص غريب جالس جمب خالي .. بالبداية مافهمت أمي شتبي ..
أسلم عليه مثلا ؟؟
وقفت لحظات أطالعه وانا ملامحي حايرة ومو فاهمة ..
كان شاب نسخة مركبة من مرة خالي ويبدو كأنه بأواخر العشرين وعيونه كانت تحاول تبعد عن وجهي بس ترجع تطالعني بنفس اللحظة !
ورجعت التفت لأمي وخواتي وبنات خالتي لقيت طرحهم على روسهم .. وبنات خالتي لافين طرحهم زين ..
رجعت طالعت بالشخص مره ثانية وكني لمحت على فمه ابتسامة على الجمب .. أخيرا استوعبت ان أمي تبيني ألف طرحتي عشان هذا الشخص المجهول قاعد بالصالة
مسكت طرحتي بسرعه ولفيتها على راسي مادري شلون وانا أقول : معليه سوري مادريت ان فيه أحد
ومشيت بسرعه وحشرت نفسي بين شعاع وقمرة وانا اقول : مين هذا ؟؟
شعاع : مشعل أخو مشاعل
قلت : أهاااا هذا توأم مرة خالي ؟؟؟
شعاع : ايه
عرّفنا خالي عليه بطريقة سريعة واتحمد لنا اهو بالسلامة بطريقة رسمية وبعدها صرت أسولف مع مشاعل وخالتي والبنات ..
وبعد شوي اختفى خالي وهذا الي اسمه مشعل وشلنا كلنا طرحنا وعباياتنا .. وكملنا سوالف
وبعد اقل من ساعه دق خالي على مشاعل الي سكرت وقامت من مكانها وطلعت ..
شوي ورجعت لنا وقالت : السحور جاهز اتفضلوا الله يحييكم
قمنا بنطلع وامي قالت : بنات البسوا عباياتكم
قمره : ياربي ماما والله حر مو معقول طول الوقت بالعباية مايصييييير !
ماما : معليه حبيبتي اذا صرنا بس احنا حريم بروحنا إلبسي الي تبين بس الحين فيه اخو مشاعل مايصير يشوفكم بلا شي
قلت : طيب ماما نبي نلف الطرح بس عبايات مو لازم
امي وهي تطالع بملابسنا : لالالا شوفوا لبسكم جينزات ضيقة وبلايز قصيرة .. تكفون لاتضايقون خالكم ومرة خالكم معليه مشوها الليلة ..
لبسنا عبايتنا وطرحنا هالديباجة الي راح ترهقنا بكل طلعة واحنا ماتعودنا عليها ..

قعدنا كلنا على طاولة وحده كبيرة وبدينا ناكل ..
انتبهت لمشعل قاعد بين خالي ومشاعل وقلت وانا ابتسم : ماشاء الله يامشاعل انتي واخوك تتشابهون مره مع انك بنت وهو ولد
ابتسم مشعل نفس الابتسامة الجانبية ومشاعل علقت بضحكة : يقولون توأم
رديت : ههههههههههه عارفة بس أعرف توائم كثير مايتشابهون خصوصا اذا كان ولد وبنت
مشاعل : لا انا واخوي نوع أصيل
ضحكنا ومع السوالف والأكل انتبهت ان كل خواتي يسولفون وياكلون وطرحهم نازلة على كتوفهم ولاهم منتبهين .. والمضحك اني انا مثلهم وماني منتبهة ..
رفعت طرحتي على راسي وانا أأشر لشعاع.. شعاع وسعت عيونها بالصحن وكتمت ضحكتها وهي ترفع الطرحة ومعاها شمس وقمره ..
خلصت وحطيت شوكتي وملعقتي بالصحن وشلت الصحن وانا أقول : أنعم الله عليكم ..
خالي : صحة وعافية ..
مشاعل : خلي الصحن شروق ليه شايلته؟؟
قلت : بوديه المطبخ !!
مشاعل : لا حبي هذا النظام بامريكا بس خليه على الطاولة بنقوم ويجون الخدامات يشيلون كل شي
حسيت بحرج وانا اضحك واقول : كيفكم ..
ورجعت الصحن مكانه وقمت للمغاسل

بعد شوي انتبهت لصوت مشعل يتنحنح .. هذا شيبي .. اه الطرحة الله يعين بس ..
حطيتها ودخل يغسل وانا مشيت ابي أطلع ولضيق المكان عند الباب مريت من جمبه الا هونفض يده من الموية وابتعد من جمبي بسرعه وهو يقول بنبرة قوية : اتفضلي !

طالعته وانا مستغربه من هالنترة المفاجئة وطلعت وطاحت طرحتي وتركتها طايحة وانا امشي وهو خلفي لين وصلت للصالة وقعدت بين خواتي ..

بعد نص ساعه كانت شمس جمب امي وقالت : يلا ياماما نبي نمشي ..
خالي : ليه شوراكم اقعدوا ؟؟
ماما : تعرف ياخوي تعبانين من السفر ولا ناموا زين
شعاع : ان شاء الله بنجيكم مره ثانية
خالي : البيت بيتكم والله فرحتنا برجعتكم ماتساويها فرحة ..
مشاعل : اي والله هو صدق جيتوا ؟؟
قمره : ههههههه لا
شعاع : ههههههه خلاص بنذبل كبودكم عشان تصدقون
خالي : والله تنورونا شعوعه وكلكم والله هذي جية سريعة مراح نحسبها ترا
ماما : أكيد طلال ( وقفت واهي تقول : يلا تصبحون على خير ..

مشت مشاعل معانا للباب وودعتنا وطلعنا وركبنا السيارة وهالمره محد كان يسولف لأننا كنا خدرانين تعب ونوم وكل شي ..
و بنات خالتي مانزلوا معانا وخلوها مره ثانية عشان يخلونا نرتاح ..
وماما ودعتنا بالسيارة .. ووعدتنا بكرا تجينا وتنام عندنا ..
نزلنا وكل وحده يالله تشوف طريقها من التعب والنوم بس يوم طلعنا فوق دخلت شمس غرفتي وقالت : بنام عندك ..
قلت : نامي ياقلبي ..
دخلت الحمام وبيجامتها بإيدها .. وشوي وطلعت ورمت نفسها على السرير
دخلت بعدها الحمام وبرضو بيجامتي بإيدي وشوي وطلعت وبرضو رميت نفسي على السرير ..
غمضت عيني ودوامة تدور براسي ميزت فيها آخر حدث صار لي وفور استرجاعي له حسيت بضيقة وقلت وانا مغمضة عيوني : شمس شرايك بمشعل أخو مشاعل ؟
شمس وبالقوة يطلع صوتها : أول مره أشوفه مادريت ان مشاعل عندها توأم الا اليوم
قلت : اي اصلا مشاعل يالله نعرفها اتزوجت خالو واحنا بامريكا .. بس أحس أخوها مغرووور شمس بهمس : والله ماركزت فيه ولادريت عنه ..
قلت : اتخيلي كنت أغسل وجا هو يغسل وانا خلصت وجيت بطلع مريت من جمبه عادي بطلع .. قام بعـّـد كذا بنرفزة وقالي اتفضلي وهو معصب !!
شمس : يمكن ماحب انك تمرين جمبه
قلت : مالت علييييه ليه بطيح بحضنه انا ؟؟

واتذكرت ابتسامته الجانبية الي كنها تسخر مني ..
وش يحسب نفسه هذا ؟؟
ضاعت صورته من مخيلتي لما غطى النوم على عيوني ..
ومامداني أغفى الا سمعت شهقات مكتومة صادرة من الممزقة الي جمبي ..

انتبهت وفتحت عيوني والتفت لها ورفعت راسي وانا اناديها برجاء : شممممس
ماردت علي ولمت اللحاف عليها أكثر ..
انتبهت لنور الجوال بإيدها ..
مديت إيدي واخذت الجوال منها وشفتها فاتحة على صورة تجمعها إهي ونادر بحديقة بيتنا الي كان بأمريكا ..
كانوا قاعدين على الكراسي وبينهم الطاولة عليها هدية كبيـــرة ..
كانت من أحلى الصور الي جمعتهم ..
وكان هاليوم يوم ميلادها العام الماضي والهدية جابها هو وكانت لاب توب " ماك " كان نفسها فيه من فترة وجابه لها بهاليوم ..
التفت على يساري ولقيت اللاب توب على الطاولة ولاصقة عليه استكرات باسمه واسمها ..
رجعت أطالع بشمس واشوفها تمسح دموعها وكل مامسحت دمعة نبتت دمعة جديدة

قطعت قلبي حبيبتي .. ودي أدخل جوا قلبها وأنتزع نادر وسنينه وذكرياته ..

ولاشعوريا ضغطت على ديليت ومسحت الصورة !!
واتمنيت أدخل قلبها وأضغط على ديليت وأمسح اسمه

حطيت الجوال على الكوميدنا
ورجعت راسي على المخده

وكل الي قدرت اسويه هو اني أطبطب على كتفها ليــــن نمت .. !

يتبع ..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-12-2010, 09:14 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
رد: وحيدات في القصر / بقلمي


السلام عليكم

صباح الخير

اقتباس:
واذا استمر الحال نفسه مادري اذا بكمل ولا لاء :(

اكيد كملي الروايه مع الوقت بتشوفين الردود الحلوه

شمس : تكسر الخاطر بس اتوقع نادر بيرجع لها

شروق : اكيد مشعل له دور كبير بالقصه و يمكن بالمستقبل يكون زوج شروق

ننتظر التكمله ياقمر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-12-2010, 02:18 PM
صورة أحلام طفل الرمزية
أحلام طفل أحلام طفل غير متصل
©؛°¨غرامي متألق ¨°؛©
 
الافتراضي رد: وحيدات في القصر / بقلمي


من العنوان باين ان الرواية حلوة :)

أخيرا البنات اجتمعو مع أمهم بس كيف بتعيش معاهم وزوجها ؟؟

نادر المفروض يتفهم موقف شمس مو يضغط عليها ويجرحها

يعطيك العافية

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-12-2010, 02:53 PM
lolo_w lolo_w غير متصل
©؛°¨غرامي جديد¨°؛©
 
الافتراضي رد: وحيدات في القصر / بقلمي


يسلموو ايديك الرواية جد حلوة
البنات بيصير لهم عالم مختلف عن اللي كانو فيه
نادر قهرني لازم يتفهم الظروف وغذا كلن جد يبيها يلحقها
ننتظر البارت الجاي
ومتى تنزيل البارتات

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-12-2010, 07:47 AM
المحظوظة أشعار الشميمري المحظوظة أشعار الشميمري غير متصل
©؛°¨غرامي جديد¨°؛©
 
الافتراضي رد: وحيدات في القصر / بقلمي


روح زايد
أحلام طفل
لولو

يسعد لي تواجدكم وردودكم ..

داخلة تعلى عجل بنزل الجزء الثالث ولي عودة

وحيدات في القصر / بقلمي

الوسوم
القصر , وحيدآت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية سكون الليل و جنون النهار / بقلمي بنت حساسة مثل الألماسة أرشيف الروايات المغلقة - لعدم إكتمالها 58 28-10-2012 02:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
رواية سلسلة فصائل الدم / بقلمي روائية طموحة أرشيف الروايات المغلقة - لعدم إكتمالها 103 03-12-2010 12:51 AM
سيرة بطل الملك عبدالعزيز الأمـــاكـــن مواضيع عامة - غرام 4 24-12-2005 04:11 PM

الساعة الآن +3: 05:06 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1