~{jro7 alro7 ©؛°¨غرامي جديد¨°؛©

هاااي اعضائنا الغراميين، اليووم كنت اتحووط في المنتديات ولقيت لكم قصة ما عليها كلاإآأم،، طبعآآ هي للكآتبة ((بحرينية))... ""قرآءة سعيدة""

نبدآ بالشخصيات او بالآحرى العوآآيل:
عآيللة يتيمة الاب, رآعيتهآ ام فاطمة، سااكنه معاها بنتها فااطمة.... فطووم مملووحة اقوى شي عيونها مكحلات طبيعي ورموشهااا دبل -وايد غليظة- شعرها لين نص الكتف وقاصة قصة الفراولة، فطوم فيها طبع دليع شوي، دلعها له طعم مع جمآلها>>> يمكن مآفهمتوو رموزي،، معنأها آن دلعهاا محلنها آكثر من مآ هي حلووه^^

عايلة آم محمد: آم محمد ريلهآ أبوو محمد،، عآيشين مع ولدهم محمد، محمد يهبـبـبـبـبـبـل بس مبين آنه إنسآآن عصبي ونضرته متهكمه، محمد من النآس اللي مآيعرفون يعبرون عن مشآآعرهم، غرفته جبن غرفت آخته عهود، عهود جمآلها طبيعي، وشعرها وآآيد قصيرقآصته قصه فكتوريا،، عهود إنسآآنة عآدية ومآعرف كيف آووصفهااا لككم.

المكالمة (1)

سلمان: هلا
محمد: ها وينكم انتو
سلمان: احنا في الديوانية ننطرك وينك تاخرت
محمد: لا يا اخوي شكلي الليلة ما بقدر امركم
سلمان: ليش عاااد
محمد: اختي تبيني اوصلها الصالون
سلمان: اهاا, يعني ما بتمرنا كلش
محمد: لا يمكن امركم
سلمان: اوكي عيل احنا ننطرك مو تطول
محمد: انشا الله, بس اهم شي لا تتعشون عني
سلمان: هههههههه افا عليك
محمد: يلا عيل اجوفكم الليلة, باي
سلمان: بايات


المكالمة (2)

عهود واهي اخت محمد: هاااي
فاطمة واهي بنت عم عهود: هايات
عهود: اقول فطوم ترى اخوي بوصلنا الصالون
فاطمة: بااااال
عهود: أي يعني من اول ما انطق لج هرن تعالي بسرعة
فاطمة: انة بقعد عند باب البيت بنطركم ما فيني شدة يزفني مثل ذيج المرة
عهود: هههههههههههههههههههه
فاطمة: اوكي عهوودي انابروح البس عباتي والشيلة عشان ما اتاخر
عهود: ههههه اوكي يلا عيل باي
فاطمة: بايات
((اظن انكم عرفتوا من الكالمة الاولى ان محمد عندة قلب حنون , ليش ان بوصل اختة وبيتاخر على ربعة , المهم يعني محمد بطبيعتة حنون))
((بس من المكالمة الثانية نستخلص ان محمد واااايد عصبي , من كلام فاطمة طبعا))

بعد نص ساعة وصل محمد ونادى اخته عهود عشان يمرون على بنت عمهم فاطمة ولما اوصلوا اهناك طق محمد الهرن وبسرعة اطلعت فاطمة ولا تاخرت ولا شوي ,,,,,
فاطمة: السلام عليكم
عهود ومحمد: عليكم السلام
فاطمة واهي تنافخ من الركض اللي ركضتة عشان توصل بسرعة للسيارة وبدون ما تحصل لها زفة من محمد: شخباركم
محمد: بخير انتي شخبارج ,شفيج تنافخين
فاطمة بارتباك: ها ما فيني شي (ما كانت تبي تبين لة انها خايفة يزفها مثل المرة اللي فاتت)
محمد: هههههههههههههههههههههههه
فاطمة: شفيك
محمد واهو يقلد عليها: ها ما فيني شي (كان يبي يقهرها شوي)
عهود: ههههههههههههههههه
((فاطمة زعلت من الموقف اللي صار وحطت في خاطرها, ترى فاطمة بطبعها دليعة شوي. وبعدين سكتوا كل اللي في السيارة , محمد حس لبنت عمة انها زعلت منة وحطت في خاطرها وكان يبي يلطف الجو فشغل سي دي الحربي على اغنية ابتسم))

ابتسم خل الزعل عنك ابتسام تبتسم روحي
بسمتك لشفتها منك هي دوايه وبلسم جروحي
ذبت في حبك وفي فنك هايمن بالحيل مذبوحي
والله اني صدق هاونه مستحيل انساك واروحي
لو طلبت عيوني اينك يامنايه وغايت اطموحي ليعبايه
دوم يغرنك في خيالي طيفك ايلوح
كم من الاحساس عاطنك من فواد
لجلك ايبوحي وبتسم خل الزعل ياحبيبي
وانته مربوحي

(( عهوود فهمت السالفة))

عهود: اففففففف حموود بند المسجل...
محمد قاطعها:افآآ ليش؟؟؟
عهود: تدري فيني ما احب الحربي
محمد: بس في ناس يحبون الحربي ويموتون عليه وعلى اغانية ( يقصد فاطمة )
عهود: فطوم ما حييدج ع الحربي.
فاطمة وهي: ومن قال لج اني احب اسمع اغاني من الاول؟؟
عهود: زين يبه ماقلنآآ شي
محمد: شفيج فطوم
فطوم: ..............
محمد: يلا وصلنا شرفوا
فطوم نزلت واهي مادة البوز شبرين حتى مع السلامة ما قالت
#في الصالون,,,,
عهود: فطوم حبيبتي شفيج
فاطمة وعيونها مدمعة شوي: اخوج يتعمد كل مرة يحرجني و يزفني
عهود: صدقيني محمد يعزج
فاطمة: لو يعزني ما سوى فيني جذي
عهود: يعني انتي زعلانة
فاطمة: لا والله تبيني ما ازعل بعد
عهود: لا ما قلت جذي
فاطمة والدمعة شوي وبتطيح: ذيج المرة زفني ليش اني تاخرت وهالمرة اللي ييت فيها اركض بس عشان ما يزفني يتمسخر علي
عهود: يلا عااد هونينها وتهون , ولا تزعلين ترى الزعل ما يليق عليج
فاطمة واهي تحاول تبتسم : هههههه انشا الله
**المهم خلصوا البنات مكياجهم وكل وحدة صارت احلى من الثانية كانوا يطيرون العقل ,,,,,,
عهود: يلا فطوم قومي ننطر محمد عشان انة اتصلت فية
فاطمة واهي معصبة : ومن قال لج تتصلين فية
عهود: .........
فاطمة: الحين بدور لة شي يتمسخر فية على او بزفني
عهود: .........
فاطمة: يلا عهودو اتصلي فية وقولي لة لا يمر علينا, ما نبية , ما يعرف الا يزف ( واهني وصل محمد وكانت الدريشة منزلة وسمع كلام فاطمة بنت عمة وعرف انها زعلانة علية وااايد , وحز هالشي في قلبة لكنة تجاهل الموضوع وسوة روحة ولا كانة سمع شي وطق عليهم هرن عشان ينتبهون لة)
عهود: السلام عليكم
محمد: وعليكم السلام
وكان الهدوء مسيطر ع المكان لين ما وصلوا عند الاشارة وقعدت فاطمة تعدل في شيلتها بس لان الهوا كان يتحرك بين وااايد من شعرها,,,,,
محمد واهو معصب: فطوم شتسوين
فاطمة واهي خايفة من محمد ليش انة معصب: ولاشي
محمد: انتي ما تدرين ان احنا في الشارع شلون تعدلين شيلتج
فاطمة: هي طارت من الهوا وتعفست
محمد: أي هوا أي خرابيط
عهود: بس خلاص عاد
فاطمة اهني ما قدرت ونزلت دموعها على خدها ( قولوا زين ما اخترب مكياجيها لان حاطة مكياج ما ينمسح الا بالمناديل الخاصة خخخخخخ )
محمد قلبة يعورة لما تزعل منة فاطمة من جذي سكت وسد السالفة لما جاف دموعها
محمد: يلا نزلوا
عهود: يلا فطوم
فاطمة كانت تدور على الكلينكس تبي تمسح دموعها بس الكلينكس كان يم محمد ولما حاولت تاخذة لامست يدها يد محمد , محمد حاول يمسك يد بنت عمة ويتاسف لها لكن فاطمة – الله يهداها – ما عطتة مجال ونزلت بسرعة ودخلت الفندق

*في الفندق الكل لاحظ ان فاطمة متضايقة ,,,,,,
نوفة واهي وحدة من رفيجات فاطمة: فطوم حبيبتي شفيج
فاطمة: ما فيني شي
نوفة: امبلة شكلج يبين
فاطمة واهي تحاول تغير الوضوع: يلا قومي خل نرقص شوي
نوفة: اي جذي فطوم اللي عرفنها
فاطمة ابتسمت : يلا
على المسرح كانت عهود وباجي الربع قاعدين يرقصون بس لما وصلت فطوم بفستانها الاسود اللي فية ورود حمرة وسودة خفيفة , وشعرها المفلول والطويل والمموج شوي, ومكياجها الفاتح العجيب اللي كان يلفت الانظار, يعني الصراحة فاطمة بدون شي وجمالها يلفت فما بالكم اذا كانت متعدلة ,,,,,,
كانوا الحريم هناك يسالون هذيلة بنات من وكل وحدة فيهم تبي وحدة منهم حق ولدها , تعرفون سوالف الحريم.

المهم مع الوقت ومع الوناسة وية البنات بدت فاطمة تنسى الزعل وقعدت تضحك وتسولف , وصلت العروس بفستانها الابيض وقعدوا البنات يغنون ويرقصون وراحوا يباركون لها ويعطونها الهدايا ,,,
عهود: يلا فطوم تاخرنا
فاطمة: انزين يلا
عهود: يعني اتصل في محمد ولا بتزفيني مثل مساع
فاطمة: اسفة عهودي بس اخوج نرفزني وما لقيت احد احط فيه الحرة الا انتي
عهود: لا عادي انة بعد لو مكانج سويت جذي, بس انتي خففي جرعة الدلع اللي عندج
فاطمة: ههههههههههههههههههههههههه
عهود: اقول لمحمد يردنا البيت
فاطمة: لا , انة بقول لامي
عهود: اوكي يكون احسن بعد عشان ما يمللنا ويقول خربنا قعدتة مع ربعة

واتصلت فاطمة بامها وفي السيارة,,,,,
عهود: فطوم شرايج الليلة ترقدين عندنا
فاطمة: ليش ما انتي ترقدين عندنا
عهود: لا انتي تعالي عندنا احسن
فاطمة: وليش احسن يعني؟
عهود: تعالي عشان براويج الهدايا اللي حصلتهم في عيد ميلادي
فاطمة: تبين تفوشرين علي ها
عهود: هههههههه لا بس انتي قلتين تبين تجوفينهم
فاطمة: ها يمى شقلتي
عهود: تكفين خالتي لا تقولين لا
ام فاطمة: ترى انة بخليج ترقدين عنهم موب عشانج عشان عهودي بس

فاطمة استانست بعدين تذكرت محمد وضاق خلقها

ام فاطمة: يلا يا بنات حطوا بالكم على روحكم
عهود وفاطمة: انشا الله

في حجرة عهود,,,,,,
فاطمة: عهود بموت من الجوع نبي شي ناكلة
عهود: تعرفين تطبخين
فاطمة: تدرين فيني ما عرف
عهود: ولا انة اعرف
فاطمة: يلا عاد عهودي , انة وااايد يوعانة
عهود: انة بعد يوعانة بس شسوي ما عرف اطبخ
فاطمة: خلينا نطلب من المطعم
عهود: أي مطعم يا حلوة
فاطمة: شدراني أي واحد من هالمطاعم اللي فاتحة بالليل
عهود: وانة شعرفني باسامي المطاعم اللي فاتحة 24 ساعة
فاطمة: افففففف انة يوعانة تصرفي
عهود: بقول لمحمد يييب لنا اكل
فاطمة: ............
عهود: بقوم اتصل فية ما علي منج والله

محمد: الووو
عهود: هلا اخوي
محمد: ها شفيج تبين امر اخذكم
عهود: لا يا الغالي
محمد: عهودو لا تطولينها قولي شتبين
عهود: يوعانة
محمد: لايكون عبالج فاتح لي مطعم انة
عهود: يلا عاد اخوي ييب لنا عشا
محمد: قولي ييب لي عشا مو ييب لنا
عهود: فطوم معاي
محمد واهو مستانس: زين يلا عيل انة الحين برد وبييب لكم زحير تاكلونة
عهود: هههههههههههههه اوكي
محمد: باي
عهود: بايات

فاطمة: ها شقال
عهود: بالاول مارضى بس لما قلت لة فطوم معاااي.....
فاطمة واهي تقاطعها: سكتي واللي يرحم والديج
عهود: زيييييييين قومي غسلي ويهج بدلي ثيابج
فاطمة بملل: انشا الله الحين

*وقبل ما تروح فاطمة تشيل مكياجها

عهود: تعالي براويج الهدايا على ما يوصل العشا
فاطمة : يلا


عهود: في تحفة روعة عطتني اياها مروة بس محمد خذاها وخلاها في حجرتة
فاطمة واهي متشوقة: شلون شكل هالتحفة
عهود: تعالي معاي حجرة محمد خل نجوفها قبل ما يوصل
فاطمة: اخاف ييي الحين
عهود: لا تعالي بسرعة

*في حجرة محمد,,,
عهود: ما ادري وين خلاها
فاطمة: اففف مالي شغل تراويني اياها تراويني اياها, شوقتيني اجوفها
عهود: والله ما ادري وينها
فاطمة: عهودي يمكن خلاها بصالتة
عهود: روحي دوري بالصالة وانة اهني
فاطمة: وانة شعرفني اهي شلون شكلها
عهود: في تحتها لوح من الخشب مكتوب علية عيد ميلاد سعيد
فاطمة : اوكي

*فاطمة راحت تدور في الصالة ومرة وحدة دخل عليها محمد,,,,
محمد واهو معصب: فطوم شتسوين اهني
فاطمة: كنت ادور على التحفة اللي يابتها مروة لفطوم....
محمد: وليش موب لابسة الشيلة
فاطمة: عبالي انت مو اهني, ييت ادور على التحفة اللي يابتها.......
محمد واهو يقاطعها: وانتي شخصج بالتحفة
فاطمة: اوووووه اسال عهود
*وطلعت من الصالة ودموعها على خدها, هالشى اثر وااايد على نفسية محمد لان في هاليوم جم مرة زعلها وجم مرة نزل دموعها من عينها , دخل الغرفة وجاف عهود تدور على التحفة,,,,,
محمد: عهودو شعندج انتي وفطوم
عهود: فطوم تبي تجوف الهدايا اللي حصلت عليهم في عيد ميلادي
محمد: يعني ييتوا تدورن على تحفتج
عهود: اي, لا يكون زفيت فطوم بعد
محمد: .....
عهود: وانت كل ما تجوفها تزفها وبس
محمد واهو معصب حدة: انتي سكتي مالج خص
عهود واهي طالعة من الحجرة: افففففف
محمد يناديها: عهودي تعالي
عهود: شنو
محمد: سمعي كا العشا خليتة لكم تحت بالمطبخ
عهود: انزين

*في حجرة عهود,,,,,
فاطمة واهي بتصيح من قلب: والله لو ادري ما ييت رقدت عندكم الليلة
عهود: انتي تيين اهني عشان عمج ومرتة وبنت عمج موب عشان الخبل محمدو
فاطمة واهي تزيد بصياحها: اخوج يكرهني ما ادري ليش يتعمد يزفني ويحرجني
عهود: صدقيني محمد يعزج بس ترى هو من النوع اللي ما يعرف يعبر عن مشاعرة
فاطمة: اصلا هذا اذا كان يحمل مشاعر تجاهي
عهود: شتقولين الله يهداج انتي بنت عمة
فاطمة: ..........
عهود: انزين يلا عاد قلت لج مساع روحي غسلي المكياج وغيري ملابسج
فاطمة واهي قايمة من على الكرسي: انشا الله

*راحت فاطمة الحمام وغسلت المكياج وخذت لها دش, وغيرت ثيابها – طبعا تسلفت من عهود بدلة – لكنها ما قدرت تنسى محمد واللي سواه لان جم مرة زفها وفي نفس اليوم ولا اعتذر منها ولا بين انة غلطان,,,,,

عهود: يلا فطامي قومي خل ننزل تحت نتعشى
فاطمة: ما ابي
عهود: شفيج الله يهداج توج مساع فاحتنة يوعانة يوعانة
فاطمة: بس الحين ما ابي تعبانة ابي ارقد
عهود: يلا عاد بلا دلع
فاطمة: والله ما ابي
عهود: لا تحلفين لان بتاكلين غصبا عنج

*وقامت عهود وسحبت فاطمة من يدها ونزلوا المطبخ, محمد كان وايد متاثر من اللي سواة في عهود, وكان يبي يعتذر منها بأي طريقة بس مب عارف شلون وقعد بروحة في غرفتة يفكر مب عارف شسوي , ويتذكر شكل بنت عمة بالفستان وشلون كانت حلوة , وقعد يقول في قلبة" احبج والله احبج يا الدلوعة , شلون اقول لها هالكلام, وانة متعود كلة ازفها وبس , وقعد يضحك بينة وبين نفسة"
حاول يرقد بس ما قدر وظل يفكر فيها طول الليل وصورتها واهي تصيح ما تغيب عن بالة وضميرة يانبة لان ما اعتذر منها,,,

هآآه شرآآآآآيكم باالجزء الآوول،،،نبي تفآعل مو اي شيي

تحيآتي:جروح الرووح

يغار الحلى مني ©؛°¨غرامي مشارك¨°؛©

نبي التكمـــلة
ربيعتج مــــ,,,

~{jro7 alro7 ©؛°¨غرامي جديد¨°؛©

هه مشكـوـوـوره ع آلرد ربيعتي يغآر آلحلى مني هـع

يلآإآإآإآ وين بآجي آلردوووووود؟؟؟؟؟؟؟؟ وآلله حرآإآم علييكم 63 مشآهده و رد وآآآآآآآآآآآحد بسس؟؟! :(


آدري إنك نصيبي بآلآحلآم ©؛°¨غرامي مشارك¨°؛©

يعطييك الف عاافيه ^,^

~{jro7 alro7 ©؛°¨غرامي جديد¨°؛©

المشاركة الأساسية كتبها آدري إنك نصيبي بآلآحلآم اقتباس :
يعطييك الف عاافيه ^,^
آلله يعآفيج حبيبتي مشكووره ع آلرد ويلآآآآآ بآقي آلردود بليـيـيـيز

~{jro7 alro7 ©؛°¨غرامي جديد¨°؛©

لييييييييييييييييييييييييييييييييش آلمشآهدإآإآإآت 107 و آلردوود 2 موومعقوووله،،،،

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1