غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 19-12-2010, 01:52 PM
صورة غرامي وآفــي * الرمزية
غرامي وآفــي * غرامي وآفــي * غير متصل
©؛°¨غرامي مشارك¨°؛©
 
يا حبيبي آنستنا .. ربي يتمم لنا أنسنا / بقلمي


بسم الله الرحمن الرحيم



اول مره اكتب روايه وانا مقتنعه لازم اكتبها ولازم تكتمل والاهم انها تنقرا وتشتهر وتاخذ حقها ...
ماقدر اركز بالمحاضرات .. ماقدر انام بسرعه .. ماقدر ادرس ولا اقدر افضي عمري .. طول الوقت سرحانه وافكر بأبطالي .. اللي اكيد موجودين بهالحياه .. اكيد في ابطال بجد حقيقيه مو بس كتابه .. ومو مجرد مواصفات وخيال بنات !
انا ابطالي للاسف .. خياليه .. مالتقيت في حياتي مثلهم .. يمكن البعض منهم .. لكن اكيد مو الكل !!!!
انا بجد حابه اكتب .. وبجد حابه ابدع .. وحابه اصير كاتبه لبعض القصص اللي دايم تخطر ببالي .. لكثيير من المواقف اللي تصير وتمر بخيالي .. انا جد ادمنت الروايات من يومي صغيره .. وكل مره كنت اقول خليني اجرب .. وصج ابدا بالاسامي وكل واحد شبيكون .. بس من ابدا احس حماسي يقل ..
لكن هالمره وعد مني لكم ..
ابدع في كل خطوه .. وبكل فقره .. وبكل جمله .. بكل همسه .. بكل كلمه .. وبكل سطر ..
واتمنى من كل قلبي تعشقون ابطالي مثل ما انا اعشقها .. بحلوهم وبمرهم .. واتمنى يكون في اقبال كبير على كتابتي
واكيد انتوا ماراح تقصرون ..

انا راح انزل بارت كل اسبوع !ّ! وهذا سبب انشغالي هالشهر قبل الامتحانات ! ولان القصه في قيد الكتابه يعني مازلت اكتبها .. ولا تخافون راح اكمل .. بس المساله مساله وقت !!

واذا لقيت تفاعل راح انزل بـآرتين في اسبوع واحد ..
انتوا بس تفاعلووا وراح اسووي لكم اللي يحبه قلبكم هههههههههه ...

تقبلوا خالص تحيــــــاتي //
غرامي وآفــــي .,,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 19-12-2010, 03:08 PM
صورة غرامي وآفــي * الرمزية
غرامي وآفــي * غرامي وآفــي * غير متصل
©؛°¨غرامي مشارك¨°؛©
 
الافتراضي رد: ياحبيبي أنستنا .. ربي يتمم لنا أنسنا / بقلمي


بسم الله الرحمن الرحيم
اللهم عافنا من شر هذا المجلس
هذي اول روايه لي اكتبها
واتمنى تنال اعجابكم يااااااارب
وانا مازلت قارئه حبت تجرب الكتابه !!
يالله ( اسالك التوفيق ) !
.


.


.

استلموا ( الجزء الاول )



الفصل الأول

"و اذا سألوك يوما عن انسان احببته "
فلا تقل سرا كان بينكما ..
و لا تحاول ابدا تشويه الصوره الجميله لهذا الانسان الذي احببته ..
اجعل من قبلك مخبأ سريا لكل اسراره و حكاياته ..
(((فالحب اخلاق قبل ان يكون مشاعر)))


عبدالله وهو يدخل حجره موزه : اااااااااااااااااخ يعلن شكلج صبي ولا بنت انتي بررررررررررررد
موزه : --------------------
عبدالله وهو يسكر المكيف وراح عندها يهزها ع الخفيف : زوووز
موزه : --------------------
عبدالله وهو يقووي شوي من هزته : زووووز
موزه : --------------------
عبدالله وهو يهززها بقوووووووه ويصرخ : زوووووووووووووووووووز
موزه وهي توقف ع السرير : وووووووجع انشاللللله ووجع
عبدالله : ههههههههههههههههههههه امبيه شووفي شعرج شلون قايم
موزه ومعصبه : ماتعررف تقيم شوي شوووي انت ؟؟
عبدالله وهو يقعد ع الكرسي ويحط ريل على ريل : انا اعرف .. بس السؤال : انتي تعرفين تقومين ع الشوي شوي؟؟
موزه ردت انسدحت وتلحفت
عبدالله : يلا يا موزه قومي والله لو تموتين اليوم ماحضرت .. قومي احضري بدالي لو سمحتي !
موزه : عبدالله عيزانه ومالي خلق الصراحه !
عبدالله : لا قومي محاضره اليوم من النوع اللي تحبينه ماودج تحضرين ..
موزه : ودي بس عيزاانه ومانمت امس عدل خلني اليوم انام وانت احضر ووعد اسبوع بداوم بدالك ..
عبدالله : شبعت من هالكلام والله كل مره اسمعه واسمع وعودج بس كلام ع الفاضي ما عمرج طبقتيه !
موزه وهي تحذف المخده على عبدالله : افففففففففف افف منككك ليت امي ماجابتني تومك والله حسافه ليتني ماشبهك ليتنا ماتفقنا ان ندخل الجامعه بأسم واحد افففف مايسوى علي والله
عبدالله : حبيبتي انتي بدوني بتضيعين انتي ماقدرتي تعجبينهم وماقبلوج اما انا نلت اعجاب الاجانب وحبووني واقبلوني وانتي اللي كان ودج تدرسين فهالجامعه وفي هالتخصص بالذات !
موزه : هههههههههه ضحكتني .. لحد يسمعك تكفى .. ويصدقونك .. ااااااااخ لو بس احنا اغنياء : ( ماضطرينا ندخل بأسم واحد ااخ يا عبوود قلبت علي المواجع
عبدالله : انا لا قلبت المواجع ولا شي وانتي اللي وافقتي على فكرتي ولا نسينا ما كلينا ؟!
موزه وهي تضيق عيونها: ااااااخ غلطــه عمرر يا خووي شاسووي ! يلا يلا اسكت واطلع من الغرفه خلني ابدل ملابسي واصلي واروح .. ايي عبدالله جيب لي بدله من بدلاتك لو سمحت لان كل بدلاتك اللي عطتني اياهم حطيتهم فالمغسله !
عبدالله : حطيت الملابس الجديده فالكبت عندج ياموزه بس قومي بليز جهزي لا تأخرين ع المحاضره
موزه : تو الناس باقي ساعتين
عبدالله : زوز بس انا متعودين علي اني احضرر معاهم بريكهم ! بليز لا تحطيني فمواقف محرجه .. انا واعدهم !
موزه : ماشالله عليك انت تواعدهم وانا احضر يوم انك مب كفو ليش تواعد يا ريال ؟
عبدالله وهو يطلع لها لسانه ويطلع من الغرفه : زوز انا رايح انام تصبحين على خير ..
موزه وهي تصارخ : ااااااااااااااه ااااه
عبدالله وهو رايح غرفته يضحك : يلا بسسسرعه
( عبدالله وموزه توام .. كانوا اغنياء وافلسوا .. يعني صاروا فقراء .. ويالله لين يمعوا المبلغ اللي راح يدخلون فيه الجامعه .. واتفقوا يدخلون اثنيناتهم باسم واحد الا وهو عبدالله .. اللي يخلي موزه تضطر تسوي عمرها ريال مو بنت !!! )
اي نسيت اقولكم ( عبدالله وموزه عمرهم 23 سنه .. عبدالله طووويل وجسمه كان زمان معضل بس الحين يسوي رجيم ووقف من زمان عن الحديد عشان جسمه مايعضل و طبعا السبب في كل هذا موزه !! لان شلون بداوم على اساس انها عبدالله وجسمها ضئيل ؟؟ .. المهم .. عبدالله عيونه ضيقه وسودا وخشمه طويل وضعيف .. شعره مو ناعم .. ولاهو كيرلي .. حنطي .. مما يجبر نوره تحط برونز وحاله لله عشان يبينون واحد !!! عبدالله شخصيته واييد حببووب وطيب .. وكل اللي حوالينه يرتاحون له من اول قعده .. ونادر مايعصب .. وذكي بشكل فضيع ! بس دايماً يتغيبى !! )) هذا عبدالله بختصار ( للعلم : عبدالله شخصيه حقيقه بالشكل و الشخصيه ) هههههههههه
( موزه طويله وجسمها زين .. بس تلبس اميه تيشيرت عشان تبين شوي سمينه نفس عبدالله ههههههههههه .. عيونها ضيقه ورموشها طويله .. وشفايفها صغار وخشمها طويل شوي وضعيف .. نفس عبدالله يعني ) !!

قامت موزه خذت لها شور سريع و بدلت ثيابها وراحت المطبخ تسوي لها نسكافيه ووهي تشرررب تذكرت انها ماصلت راحت بسسسسرعه الحمام وتيددت وطلعت صلت ..
دعت كالعاده ان محد ينتبه انها موزه مش عبدالله !! وان ربي يوفقهم هي واخوها ..
اتجهت صوب المنظره ..
موزه : الحين اكره شي ان لازم الم شعري ااااااه نوو كومنت
بدت تاخذ المشابيص وتلم شعرها بطريقه لي البست كاب مايبين شي منتفخ عشان مايشكون فالموضوع وخلال شغلها كان طول الوقت اتصرخ وتحنطم : افففففففف كل مالميت خصله طاحت ثانيه والحل اساسا انا استاهل وللله اني استاهل
عبدالله طلع من غرفته يبي يشرب ماي وسمعها وهو رايح : هههههههههه قصي شعرج وافتكي مالله حادج
موزه بصراخ : ججججججججججججججب بعد هذا اللي باقي !!

وبعد فتره , عانت فيها زوز وهي تلم شعرها
موزه : يسسس .. اخيرا خلصت .. مابغيت ههههههه
تمت اطالع عمرها فالمنظره فجأه قالت بطريقه صبيانيه : يلا يالربع خلونا نمشي .. اقوول حموود شرايك اليوم ننتبه ! خبررك بيضيع الكورس واحنا بس هياته .. ردت طبيعيه وهي معصبه : ااااااااخ شقد اكرهكم يا شباب انا شقطني فهالبلوووه ؟ ههههههه لعيوونك يا عبوود بس من السنه الجايه خلاااص ماررراح اساعدك ابد لو تحلم ! وبرجع حق خواتي حبيباتي المزيونات ااااخ وحشووني واييد وقسمن بالله 
شافت الساعه 12 ونص والمحاضره 1 ونص
عبدالله اتصل لها : بسسسسرعه يه .. لحين ماطلعتتتي
موزه : طرار ويتشرط
عبدالله : موزه لا تشككينهم فينا !! مدري شلون مر كم شهر وماحسووا فبلييز خلصينا وبلا هالمشاكل الزايده مع حمود
موزه : اففففففففف اوكي اوووووكي .. يلا سكر فوني وحطه بالدرج ولا تمسكه مره ثانييه لا اكسر تلفوونك
عبدالله : اووهو .. زين يلاا بسسرعه ابي اسمع صفقه الباب المعتاده ولا بكسر لج فونج الحين
موزه وهي تصفق الباب وطلعت : اووكي جذي عمي عبدالله ؟؟
عبدالله : عباااالي بعد هههههههههه .. يلا وراي نووم تعبان من السهر
موزه : باي وسكرت فوجهه من القهر .. الحين اهوو يطلع ويسهر ويلعب ويشبع وانا اعاني مع هالدوام اففففففففففف من الفلووس تريح ناس : ( وتعذب ناس ثانيه
وطلعت من العماره رايحه الكوفي شووب تبي شي تاكله وهي تمشي: يالللللللللله الجووو فضييع ليتكم معي ياخواتي .. ولله بيفوتكم هالجوو  اااخ بس ااخ شقد حنيت لكم  .. الله يرحمك يايبا  الحين خواتي بروحهم مع امي وجدي  .. مابي افكر مااابي ولله فيني الصيحه من كثر الشووق .. وتمت اطالع الجو ياحلااه الجوو جوهم مب صاحححي .. ااخ الجوو فضييع ومنظر السما خلاب وبجد هاذي جنتهم هالاجانب .. جنتهم فالدنيا لاني اشك بيذقونها فالاخره استغفر الله ههههههههههههه .. وهي قاعده اطالع الشارع والمحلات والقهاوي اللي احفضت مناظرها ومستعده ترسم هالشرع وبما فيه حتى وهي مغمضه .. بس في شي اليوم مختلف ! جدددددا مختلف ! شافت ولد صغير يلعب بالكوره وتمت اطالعه : يالله شقد هالولد وسيم والله حد اممه كيووووووووووووت انا اشهد ان امك وابوك مزايين .. آه كل تفاصيله تجنن ماشالله من شعره الطويل شوي وعيونه الناعسه و خشمه الضعيف كل شي كل شي كان حلو ومرتب وانيق ..
وهي سرحانه راحت الكوره الشارع والولد رايح يلحقها فوقت كانت سياررره سرييعه ماره قامت نوووف ركضضضت وررراه واسحبببت الوووووولد بقووو الصوب الثااني
ماسمعت حزتتها الا صررخه ريال : سلــــــــــــــــــمممممممممان
وبعدها بدت تسمممع صياح الولد الصغير اللي بين يدها : ها حبيبي خلاص انشالله ماتعوورت ! عووورتك انا ؟؟
سلمان : لا بس ابي خالي خلننننني بروح عند خالي
وقفت موزه ومسكت يد الولد الا جاي ريال وشله بسرعه : ها يبا فيييك شي ؟؟
سلمان : لا انا كنت بموت بس هاي الريال عربي و ساعدني
عبدالعزيز وهو يطالع الريال اللي واقف جدامه : هلا اخوي
موزه : .................
عبدالعزيز : والله اني اسف غفلت عن الولد ! بس انت ماقصرت
موزه : .................
عبدالعزيز : مشكووور والله ماعرف شلون اشكررك وبصراحه ماقصصرت
موزه : .................
عبدالعزيز : ياخوي انت تتكلم ؟
سلمان : اي ياخالي يتكلم مساعه كلمني اقولك عربي
عبدالعزيز : ياخووي شفيك ماترد علي ..!؟!
موزه في عالم ثاني ! يالله شنو هالجمـــال وانا مالت علي اقول عن الولد يهبل وماشالله وسيم عيل هالريال اللي جدامي شنوو ؟ تحفه ؟؟ ايه من الجمال ؟؟ اااااااااخ يا سبحانك شلون في بشر بهالجمال ؟ بهالاناقه ؟ بهالحلااه ؟!!!!!! ااااااااااااخ ماشالله ماشالله ! هههههه لا قاعد يقوولي ياخوي بعد ! عوورت قلبكم ؟ لا لا ! اصلا تعودت اني اعجب بريايييل مايدرون اني مره اصلا ! ههههههههههههه بس شنوو صعب اني اجوف ريال بهالجمال جدامي وينادييني ياخووي والله انكم ماجربتوا ! ااااااخ مستحيل بشر !! اناااقه مب طبيعيه كشخه وجمال وهيبه ورزه معقوله كل هاي في انسان واحد .. وانا اقول شفيهم خلق الله شينين وين راح الجمال اتاريه سحبه كله !!!!!!!!!!!!!!!!!!!!!!!!!!!!!!!!!!!!!!
موزه بصبيانيه : هلا هلا السمووحه منك ياخوي بس لحين منصدم من اللي صار
عبدالعزيز : مشكووور يالغالي وماقصرت والله
موزه وهي ذايبه بس ردت بصوت خشن : ههههههه ولو هذا الواجب .. والحمدلله ان الولد ماصاده اي مكروه
عبدالعزيز : عساك بس ماتعورت ؟
موزه وهي بعالم اخر : لا .. لا تحاتي اخوك جبل مايهزه رييح
عبدالعزيز : ههههههههه ماقواك .. يلاا اخوي ارخص لي
موزه : مرخووص

تمت عين موزه تلحقه لاخرر لحضضه لين اختفى : اااااااخ معقوله بشر ؟ اكيد لا ! يالله شاقول ؟؟ عيــنه وسيــعه وناعسات .. الرموش طويله وكثيفه مستويه كنها مكحله !! والطريقه اللي عينه ترمش فيها توقف قلب اي بنت ! نضراته تلعب بالقلب وهو مو حاس !!!! خشمه سيف وطــويل خشم عربي اصيـل .. غمازاته طويله محفوره ع الخد .. ابتسامه تذبح جي شوي ع الجنب .. شعره الاسود المتموج الطويل شوي من ورا لي اخر رقبته .. حواجبه الغليضه ومرتبه اااه هلااك .. لونه لاهو ابيض ولاهو اسمرر .. مابينهم .. ااخ الحين صدقت المثال / خير الامور اوسطها خخخخخخخخ ماقول غير الله يسعد مرته آآآآه ...........
تررررن تررررررررن .. ترررررن ترررررررن .. بلاك بيري عبدالله يرن
موزه : اااخ يالله اكييد المصبنه ربع عبووود ..
موزه بصووت خشن : كاني كاني بالطررريج ياحموود .. اصبر علي بس عطني كم دقيقه واكون عندكم
محمد : ياخي القعده بدونك مالها حلاه والله ..
موزه : ادري .. ماقلت شي جديد
محمد : ياخي احيانا تكون عبيط وهبل وكريم وعطووف وحنون والكل يحبك ويغليك ويودك وفجأه تنقلب بدون سابق انذار شهالحال ؟ مينون انت يا عبدالله ؟ لا تستحي قوول لي صدقنني سرك في بير !
موزه : ههههههههههه ياحلو دمك بس ااخ ممكن تسكر لان بكسر الفون لو طولت معاي ع الخط ثانيه وحده زياده ؟ وانا الصراحه ابي فوني ماشبعت منه
محمد : جفت اقولك تجي احيانا متكبر ومو طايقني ياخي انت مزاجي و ...........
طوووووط طوووووووط ( سكرت الخط فوييهه )
محمد : اااه يالملغ معلي معلــي اروييك تعال انت بس
سلطان : شفيك ؟
محمد : ياخي جفت هاذا الولد اللي كل يوم اقولك عنه ؟ اسمه عبدالله
سلطان : شفيه
محمد : احيانا احسه يحبننني يموت علييي
سلطان : انزييين ؟؟؟؟
محمد : واحيانا مو طايق ارضي من سماي !
سلطان : هههههه مثلي يعني
محمد : افا وهذا اول يوم لك فالجامعه تقول لي هالكلام وهالاعتراف وانا اللي كنت نواي اعرفك عليه
سلطان : شكرا مابي اتعرف على حد .. لا ومزاجي بعد .. خلني بعيد عنكم انا اليوم بس جي جاي اسلم اوراقي وعقب 3 ايام بيبدا الدوام وفي هالثلاث ايام لو سمحت وتكرررمت لا تروييني ويهك اللي لاعت جبدي منه
محمد : اخ شقد انا حزين
سلطان وهو يضحك : بنبتدي بالافلام الهنديه الحين ؟ حده مو وقتك ..
محمد : وين بتروح الحين انت .؟
سلطان : توهم داقين يبوني اجي اوقع على كمن ورقه وبروح عند بو سعود ينطرني ..
محمد : انت شلون علاقتك فيه قويه .. انا الصراحه اخاف من خالي وافي احس فارض شخصيته .. احس بهيبه من يمر .. احس ان محد قده وهالاحاسيس ماحبها .. تحسسك بالنقص ماعرف اشرح لك اللي اقصده واللله .. العيب مب فيه .. بس مدري مدري ... احسه شوي سيريس
سلطان : اللي مايطول العنب .,,, حامض عنه يقووول ; )
محمد : ههههههههههه قلتلك العيب مب فيه بس اي واحد يحترم نفسه لايقرب له لانه غصبن عليه بيحس بالنقص .. عبدالعزيز قرب يكون كامل والكمال للله وحده
سلطان : محد كامل وهذاك قلتها .. الكمال لله وحده سبحانه .. بس صدقوني محد يعرف خالي عبدالعزيز .. هذا كيان والناس والعالم كيان ثاني ..
محمد : زين اقعد معاي .. والحين ربعي بيجون
سلطان : انا ابيع قعد خالي بو سعود ؟؟ عشان ربعك !!!!
محمد وهو يصد ويضحك : ذلفتك يبااا ..
سلطان طالعه بنضره عدم اهتمام ومشى عنه
محمد ووهو يطرش مسج لسلطان : مشيتك حلوه هههههههه
سلطان رد عليه بمسج : تعلمتها من عزوز
محمد : ههههههههههههههه .. سلم عليييه
سلطان :: يوصل ""

وطلع سلطان ............
فوقت موزه وصلت على اساس انها عبدالله
محمد : هلاا والله وغلا نووورت نوووووووووورت الجلسه
موزه : اهــا
محمد : ياخي شفيك انت مب صاحي
موزه : قوم اطلب لي شي اكله
محمد : مو من عادتك كل مره وانت مزاجك زفت نفس الحين تجي متريق ومخلص !
موزه : مالك شغل بمزاجي .. بتقوم تطلب لي ولا ؟؟
محمد : ياربي ع الزعووول .. تدررري احياناً احسبك مره مو ريال ههههههههههههههههههه
موزه التفتت بقوه عليه : محمد شتقصد ؟؟؟
محمد : شفييك ياخووي لا تزعل انا بس اتغشمر معاك ..
موزه وبدت تهدا : لا معلي غشمرة مثل هاذي خلها مع ربعك وعيال عمك مو وياي انا
محمد : اسف ياعبدالله وحققك علي .. يلا انا بقوم اطلب لك وبروح الحق ع المحاضره
موزه : الللله معاك .. ياخساره الجمال اللي هلك عطوك اياه
محمد : بل ! ليش
موزه : ياخي كله مقرع انت ! حرام عليك ملامحك حلوه وجسمك شحلاته بس لو ماتقرع و تخلي الهباله عنك
محمد : الحمدلله والشكر ! مب صاحي انت ؟؟ انت اللي قايل لي شعرك الطويل ماحبه قررع بتطلع احلى !!!!!!!
موزه في داخلها : امبييه هاي هو اللي محتر من شعرره ولان البنات سندروا عبوود على حمود قام قاله يقررع لحول الله الحين شلون ارقعها !
موزه : لا يبا اقص عليك انا لو قلتلك روح طب من فوق السطح بطب ؟؟
محمد : ااااخ يننتني يا عبوود وبعدين معاك متى تعقل ؟
موزه : اقوول الحق الحق ع المحاضره وانا ياي وراك
محمد : بخصووص ترا سلطان اللي اسولف لك دوم عنه اليوم جا سلم اوراقه وبيداوم معانا بعد ثلاث ايام
موزه بعدم اهتمام وهي اطلع الماي من الشنطه : اي سلطان ؟
محمد : شفيك انت متخلف ؟ امس الفليل مكلمك عنه وكل مره اسولف لك عن سلطان ! اليوم تقولي اني ماجبت طاريه ؟
موزه كانت تشرب ماي وشرقت من الفضايح اللي قاعده تصير تحس انها بمسلسل هندي ولا تركي مو حياه حقيقيه .. كل شي يثبت انهم مب شخص واحد بس محد منتبه !! : ايييييييي سلطان اللي رجيتنا عليه حيااه الله الجامعه جامعته نورها
محمد : جامعه ابوك هي .. وبعدين شنو نورها قرآن هاذا مو سلطان
موزه وهي تضحك من كل قلبها : ههههههههههههههههههههههه
محمد : ياخي الاشياء اللي لازم تضحك عليها ماتضحكك والاشياء السخييفه اللي يضحكون عليها خواتي تضحكك !
موزه بتوتر مخفي وبصوت حاد : ها بو جاسم رديينا ؟
محمد : اتغشمر يالحساس محد يتغشممر وياك
موزه تبي تقلد عبدالله : تدري شلون .. ذلييتني مابي ريووق قوم نتسابق ع المحاضره بنجوف من يوصل اول واللي يوصل اوول يغدي الثاني وقت مايختار .. شقللت ؟؟
محمد : اييييي الحييين عبدالله اللي اعرفه .. موووافق وبشده يالله
موزه : واااااحد
محمد : اثنيييييييييييين
موزه : ثــــــلاثه .. رووووووووووووح
بدا السباق بين موزه و محمد لي القاعه
والطريق شووي طوويل و موزه سريعة وكانت مسيطره على الوضع يمكن مو سابقتة بس مو متأخره يعني لو تزيد شوي من سرعتها بتعديه لكن وهييي ترركض اصدمــت بقـــوووو فواحد !!!!!!!!!!!!
موزه : آآآه
اللي واقف : ................
موزه رفعت نضرها وفتحت عيينها !!!!!!!!!!!!!!!!!!!!!!!!!!!!!!!!!!!!!!!
اليوم يوم المزاين العالمي ؟؟؟؟؟؟؟؟؟؟ شعر طويل لي اكتافه ومقصص ومررتب .. عين ضيقه .. رماديه !! نضراته اخذه بنفس الوقت تعبر بلامبالاه !! اناقه كامله رزه حضوور كل شي !!!!!! ااااااااااااخ مستحيل ماقدر استحمل .. هو عربي وكل شي يدل انه اعرببي واصيل بس اكيد فيه عرج لان عينه رماديه .. وستايله شوي مايل ع الاجانب يمكن القعده هني اثرت فيه : اخوي ماقصدت انا ماشفتك
اللي واقف : ........................
موزه : شكلك مب ناوي تتكلم انت .. انا وراي محاضره عن اذنك
وهي رايحه مسكتها يد بقووه .! ورجعتها مكاان ما كانت واقفه !
موزه : آآآآآآآيي يييه ... خيييير في شي ؟؟؟
اللي واقف : ........................
موزه : ياخي تبي شي قوول وخلصنا اقولك انا وراي محاضرره
الريال بكل غرور ونضره تحقير : اعتذر
موزه بصدمه : نعم ؟
الريال بقرف : اقولك اعتذر ماتسمع ؟!
موزه بكبرياء : بس انا ماشفتك ماقصدت يعني عشان اعتذر !!
الريال : بس انت جستني يعني من الاخر جذي لازم تعتذر لي ...
موزه : لحووول الللللله .. ترا انت المتسبب .. يعني لو ماتعامل الواحد بهالطريقه مستحيل يستخسر انه يتأسف !! وبعديين انا كنت اركض ليش ماوخررت ؟؟!
محمد وهو يرجع لهم
و طبعا محمد اللي فاز : ويييييييييو فززت لانك استسلمت مع انـ ..... , تعرفتوا على بعض ؟؟
الريال : ...............
محمد : شفيكم ! احس الجو متوتر ؟!
الريال وهو مستغرب حيل : ويت ويييت ...جنك كنت تركض حموود؟
محمد وهو منحرج شوي ويحك رقبته : ههههههههههههه كسرت البرستيج ها ؟
الريال : حدك ! وش تحس فيه !! مو منك مـ .... وسكت ماكمل كلامه
موزه طالعته بنضره ورجعت صدت ...
محمد : نسيت اعرفكم على بعض .. والتفت على موزه : عبدالله هذا سعود آل ...رفيج خالي عبدالعزيز والتفت على سعود : هاذا عبدالله من نفس عيلتنا آل .... وتعرفت عليه بثاني يوم دوام ولحين احنا بثاني شهر ماشفت منه اي سووء .. ورفجته توسع الخاطر والقعده معاه ماتنمل !
سعود بكل غرور وكبرياء : اها .. تشرفنا
موزه : الحين عندنا محاضره ولازم نروح عن اذنك
سعود وهو يميل براسه : بس انت ماعتذرت !
موزه بكبرياء مشت : ولا راح اعتذر .. فمان الله
محمد : امسحها بوجهي .. حصل خير
سعود وهو يطالع موزه وهي رايحه وماحب ان في حد انتصر عليه بالاخير : عشانك هالمره بس بعديها ..
محمد : تسلم ,, خشمك , وسلموا على بعض بالخشوم
محمد : يلا انا رايح المحاضره فمان الله ..
سعود وهو رايح : فمان الكريم ..
محمد وهو يمشي بسرعه لي وصل موزه : فزززززززت علييك لاول مرررره
موزه فخاطرها والله لو درا عبدالله اني خسرته وخليت حمود يسبقه رحت وووطي : ههههههه اي عشان خاطررك جفتك شاد حيلك فالركضه فخليتك تفووز
محمد : جب جببب انا جايفك وانا اركض وييهك احمررر ومن كل قواك تركض بس شكلك تكابر وايد ولا شكلك ماتبي تغديننني ولا يهمك الغدا عليي الغدا المكان اللي تبييه مع سلطانووه واعرفك علييه
موزه وهي تصد : يصير خير .. خلنا الحين ندخل المحاضره يا ريال قبل لا تفوتنا ..
محمد : يلا مشينا ..

=====================================

في اجواء بعيده عن بريطـآنيـــآ ..
وفي قطــر بالذآآت .. فـ قصــر آل ----- ي

سـآره : يما عيزااانه حددي والله قوولي حق للوووه
ام سلطان : سارو والله بتسطرين ثاني مره من اقول شي تفزيين فاهمممه ؟؟؟
سـآره بملل : زييين زييين ..
لولوه وهي تدخل عليهم الصاله : هاي
ساره : هايات
ام سلطان : هاي ورحمه الله وبركاته
لولوه : هههههههههههههههه
ساره وهي اطالع لولوه : ياسخافتج يعني هاي يضحك ؟!
لولوه : مالج خص انا ضحكني كيفي
ساره وهي قايمه : جب جب
لولوه : الحمدلله والشكر متسببه انتي
ام سلطان : اجييب لكم سكاكين تقطعون بعض فيها بعد ؟؟
لولوه : هههههههه يما دمج صاير خفيف
ام سلطان وهي تقلد صوت لولوه : يما دمج صاير خفيف .. خفيف من قبل لا اولدج
لولوه : وول يمه مالج بارض اليوم .. اكيد سلطانووه مزعلج ههههه وكملت وهي تقووول : على طاري سلطان .. كنت نازله عشان اسألج اذا كلمج ولا الكلب صار له يومين ماتصل ؟
ام سلطان : لا والله ماكلمني الخاين .. انتي كلمج ؟
لولوه : اليوم لحين ماكلمني .. اول امس اول ماوصل كلمني وبسرعه سكر على اساس اجراءات وجي ..
ام سلطان : ووصاك تسملين علي ؟
( لا تستغربون ال(كاف) بدال (الجيم) القصه قطريه .. بس لان امهم كانت سعوديه وابوهم قطري .. فأحيانا يقولون (اخبارج) واحيانا ( اخبارك) يعني الجيم والكاف لاعبين لعبتهم فيهم ههههههه مره جيم ومره كاف !!!
لولوه وهي تكذب : اكيييييد .. وقالي قوليلها بتوحشني خليها تدعي لي ان ربي يوفقني فالدراسه .. وبرجع وبشتري بيت لها ونسكن فيه مع بعض
ام سلطان وهي شاكه : صج ؟؟
لولوه : اييييييييييي
ام سلطان : واااايه فدييتتتت خشمه انااا وللله هو اللي وحشني
لولوه : خلينا ندق له
ام سلطان : عندج رقمه ؟
لولوه : اي سجلته فجوالج يمه .. شفيج نسيتي
ام سلطان : ااخ انا من كثر ماحاتي ضاعت علومي  ...
لولوه وهي تاخذ الجوال من امها : لا تحاتين ولا شي الحين نكلمهم وتطمنين عليهم بنفسج ..
ام سلطان : ياريت ولله  اااخ من عبدالعزيز بس
لولوه : يمه حرام عليج .. فكل شي ادخلين عبدالعزيز
ام سلطان : اي لان لو سلطانو رابي ويانا .. جان عمره ماقسى وجان اول ماوصل ماقدر يستحمل فراق امه .. امه اللي شالته فبطنها 9 شهور وهي تتعذب وتتوحم .. وولدته وربيته واخر شي الخاين طلع من البيت .. وخلاني
لولوه : اللي يشووفج يا يمه يقوول ان الولد راح سكن مع مرت ابوه
ام سلطان وهي معصبه : اي مرت ابوو .. ابووج سواها وخذ علي صصصح ؟؟؟ صحححححححح ؟؟ هذا بعد اللي قاصررني :@:@
لولوه : يمه شفيييج .. هاذي صيغه مبالغه .. يعني هو ماراح يعيش فبيت غريب .. راح يعش مع خالي عبدالعزيز .. وهذانا الحين كلنا مع بعض ..
ساره ودخلت عليهم : قصدج اخووج عبدالعزيز
لولوه ماحبت تعلق على كلام ساره فسكتت !!
ام سلطان : -------------
لولوه : احمدي ربج يايمه ان سلطان عايش مع خالي عبدالعزيز .. لان لو صارت هالظروف الصعبه اللي مرينا بها وما كان سلطان مع خالي عبدالعزيز لهدرجه .. جان مستحيل يرضى يعيش فبيت حد ثاني .. وكرامه وحاله وانتي ادرى بهالكلام كله ..
ام سلطان وهي تتنهد : لو اهو عايش معاي وتربى على تربيتي وعلى يدي ماكان راح يسويها سالفه كرامه وحاله بس لانه تربيه عبدالعزيز وعبدالعزيز الكرامه نفسها والكبرياء والغرور كله .... مابي اكمل !
و مابي اتذكر الظروف القاسيه مابي ماااابي : ( .. صدقيني هذا عقاب من ربنا من رب العالمين .. العادل الحيكم القدير .. وللله اني ياما تكلمت وياما نصحت بس ماكو فايده قالوا لي عاطفه المره هي اللي تحكم عقلها .. فعشان جي ماراح ابد يسمعوني بس ربي .. يمهل ولا يهمل ... وكاه رواهم العذاب بعينه
لولوه : قوليلي القصه .. قوليها من متى وانا احن عليكم .. ليش انتي مو راضيه .. وليش دايم هاذي كلماتج عن ابوي عمير وعن الاهل كلهم .. ليش تحسسيني ان احنا ظالمين الناس .. وان فلوسنا حرام .. يمه احنا شغلنا كان شريف وفلوسنا كانت كلها حلال .. لكن ربج ماراد نعيش اغنياء مدى الحياه وافلسنا .. ليش تشككيني ليش
ام سلطان وهي سرحانه : ماقلت حرام .. بس حرام اللي سوووه بصحاب الحلال ..
لولوه بخووف :شقصدج يا يمه ؟؟
ام سلطان وكنها صحت من اللي كانت سرحانه فيه : مالج خص .. اتصلي على سلطان ولا تغيرين الموضوع
لولوه وهي تعفس ويها لانها ميته وتعرف شتقصد امها : انشالله
ام سلطان : ها يررن ؟
لولوه : يممممممممممممه وهلي .. توني حتى ماضغطت ع الاتصال
ام سلطان : اااه وللله مو مني بس احاتيهم يالويلوو
لولوه : مسكرر يمه
ام سلطان وهي تحط يدها على قلبها : احساس هالقلب ان فيهم شي ولا ليش قافل تلفوونه ؟؟؟
لولوه : يما استغفري ربج وتعوذي من الشيطان .. شهالفال الله يهديج؟؟
ام سلطان : اعوذ بالله من الشيطان الرجيم .. ااخ يا سلطان عمرك ماحنيت ولا راح تحن علي .. طلعت على من رباك على ابووك
لولوه : يمه حرام عليج .. ابوي عمير عمره ماكان قاسي .. بس الظروف هي اللي عوته .. الله يقطع هالرفجه .. ربعه خربوووه ولا هو ياقلبي عليه يـ....
ام سلطان وهي تقاطعها : ماشالله كل هذا ابووج ؟؟ وانا ماخذته من 30 سنه ماحسيت بكل هاي .. حسستيني واحد من هالافلام مو ابووج وبعدين اي طيبه واي حنيه .. كل هاي ماينفع ابووج عمير سكيير يا لولوه سكيـــــــــر ..
لولوه وهي تهز راسها ماتبي تفكر بهالشي : حتى لو .. شدخل سلطان بأبووي .. سلطان مو نفسه .. لا تقولين طلع على من رباه
ام سلطان : وليش ياحسره ! ابووج هو اللي رباه ؟؟ انا اقصد عبدالعزيز .. عبدالعزيز شخصيته قويه وقلبه قاسي حتى لو كان هو انسان وافي بس شخصيته غريبه .. وطول عمرنا نهابه مع انه اصغر منا .. بس الكل يهابه .. وعبدالعزيز بروحه زلزل العيله .. شلون وهو قاعد يربي عزوز غيره ؟؟ سلطان كل ماله يصير عبدالعزيز .. بكل شي
لولوه بدفاع: يا حلاه عبدالعزيز وللله ليت الريايل كلها تنقلب عبدالعزيز مو بس سلطان اللي ينقلب .. اااااااااخ ياحسره .. الحين من كال هالريايل اللي فالعالم .. صار عبدالعزيز اخووي .. يعني مستحيل يكون لي .. ليت القى عبدالعزيز 2 ولله مافرط فيييه افررط بروحي واحط عبدالعزيز بدالها
ام سلطان وكنها تذكرت شي : تعالي .. على طاري عبدالعزيز .. ليش مانتصل على خالج عبدالعزيز ؟؟ ومنها نتطمن على سلطان !
( احسكم تخربطتوا !! صح ؟؟! – عبدالعزيز اخو ام سلطان واخو لولوه .. بس لولوه كانت صغيره يوم امها تموت .. وعبدالعزيز مع انه اصغر من ام سلطان الا انه هو اللي صرف عليهم .. و لولوه كانت صغيره فيوم تزوجت ام سلطان خذت لولوه وبرتها وصار حالها من حال عيالها .. حتى ان لوولوه دوم تقول خالي عبدالعزيز !!! و تحسب ريل اختها ابوووها !! )
لولوه : يلا الحين بتصل .. ويت بس
لولوه تمت ادور بين الارقام .. : كاااااااااااه رقمه ..
ام سلطان وتوها بتنطق بس لولوه قالت لها بسرعه : ايي يرن بس صبري عاد يا يمممه ..
ام سلطان : .............
لولوه عقب لحضات : مايرد ..
ام سلطان : اااااه ياقلبي وللله ناغززني .. ماقققدر ماااقدر يالولووه احس صاير لهم شي لا سمح الله ..
رن الجوال وتوها لولوه بترد نقزت عليها ام سلطان وخذت الجوال : هلاااا هلاااااا ولللله بعبدالعزيز .. شلوونك يمه شعلوومك ؟؟
عبدالعزيز بصوت نعسان : الحمدلله ياصالحه .. وانتي اخبارك واخبار البيت وياكم عساكم مرتاحين؟
ام سلطان : شلون مانرتاح .. وفيه ريحتك و طيبتك ياخووي .. حبيبي عبدالعزيز وينكم فييه
عبدالعزيز وهو يطالع سلطان ويضحك له لان كان مراهن ان اخته صالحه بتتصل عشان سلطان مو عشانه : احنـا كنا مشغولين شوي فديتك وخلص الشحن تبع سلطان .. وعشان جي كان يعطيكم مسكر
ام سلطان بقهر : ااااااه شكلك عاديته بقسوتك يا عبدالعزيز
عبدالعزيز ببتسامه وابد مو قلبه : هههه .. هذا هو معاك
سلطان وهو ياخذ الجوال من عبدالعزيز وهو يطالعه بلووم لانه مايبي يكلمهم .. عبدالعزيز حطه ميوت : سلطان خلك ريال .. مهما كان هلك
سلطان : ايي اهل هذوول اللي تتحجى عنهم ياخالي .. انا ماعندي اهل الا انت وعمي جاسر وعمي المسكين اللي ضلمتووه
عبدالعزيز بنظره صارمه وصوت حاد : لا تجمع لا تجمممع كم مره افهمك وشل الميوت وحط الجوال فأذن سلطان وطالعه بنظره .. غصبن عن سلطان يتكلم .. نظره عبدالعزيز فيها جبروت .. يجبر الواحد يسوي اللي هو يبيه بس من دون لا يتكلم !!!!!!!!!
سلطان بهدوووء : هلا..
ام سلطان وبدت تصيح : هلا بهالصووت .. وينك يمه ويينك ولله قسووك ياسلطان .. نسيت امك ياوولد ؟؟ ماتقوول عندي ام تحاتيي .. ام ماترقد الليل وهي ماتسمع صووتي ؟؟! ام تتعذب بقسوتي وبغيبتي وبفرقاي؟
سلطان : السموحه منج يمه .. ماقصدت بس قالج خالي وافي كنا مشغولين والجوال فضى .. وهذاني اكلمج الحين .. اخبار لولوه ؟
ام سلطان : يعني انا ماتبي تسأل عن احوالي ؟؟ ولا عن ساره ؟
سلطان وهو لايعه جبده : السمووحه .. شخباركم .. عساكم مرتاحين ببيتنا ؟
ام سلطان : بيتكم ؟؟ بيتك ياسلطان اللي انأخذ .. هذا مو بيتك فاهم هذااا موو بيتتتتتتتتتتتتتتك
عبدالعزيز وهو يسحب الجوال من سلطان عقب ماسمع صراخ اخته: هدي نفسك يا ام سلطان .. مايصير جي قاعده له ع الوحده ..
ام سلطان : قاسي ياعبدالعزيز قااسي سمعته شلون يكلممني ؟؟
عبدالعزيز : انا اروييك فيه .. بس انتي تكفين ريحي نفسك ولا تعصبين
ام سلطان : هههههه تحسسني بجد هامك موضوعي ياعبدالعزيز
عبدالعزيز وهو يغمض عيونه ولايعه جبده : صالحه .. اكيد يهمني موضوعك انتي اختي ..
ام سلطان : وفر تمثيليتك يا عبدالعزيز
عبدالعزيز وهو معصب : صالحه .. انا مشغول شوي الحين .. لازم اسكر تأمريني



************************************************** ***********************************


انتظر رايكم .. واترقب توقعاتكم على احر من جمر
وانشالله هالاسبوع راح انزل بارت ثاني .. عشان تتعرفون على الشخصيات اكثر خصوصا ان في شخصيات لحد الحين ماطلعت ...


[color="red"]
* شقصه عبدالعزيز ؟؟
* وشقصه لولوه و سلمان ؟؟
* و شقصه سعوود !!!!! وهل راح يردها لموزه ؟
* من هم الشخصيات الجدد ؟؟


تقبلوا خالص تحياتي : اختكم : عذاب العشــآآق ***

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 19-12-2010, 03:11 PM
صورة سوآلف بنآت الرمزية
سوآلف بنآت سوآلف بنآت غير متصل
©؛°¨غرامي متألق ¨°؛©
 
الافتراضي رد: ياحبيبي أنستنا .. ربي يتمم لنا أنسنا / بقلمي


لبى روحك والله شكل الروآيه جناااااان
واول وحده ترد عليك انا واول وحده تكون من المتابعين انا انشالله
بس برب خليني اقرأ الشخصيات والبآرت عشان اقول لك طرحك
برب يالغلاا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 19-12-2010, 03:14 PM
صورة ضمني بين الاهداب الرمزية
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: ياحبيبي أنستنا .. ربي يتمم لنا أنسنا / بقلمي


السلام عليكمـ..,
.
.
القوانين..,
https://forums.graaam.com/238622.html
.
.
متابعين لكـ..,
.
.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 19-12-2010, 03:30 PM
صورة غرامي وآفــي * الرمزية
غرامي وآفــي * غرامي وآفــي * غير متصل
©؛°¨غرامي مشارك¨°؛©
 
الافتراضي رد: ياحبيبي أنستنا .. ربي يتمم لنا أنسنا / بقلمي


اقتباس:
المشاركة الأساسية كتبها فديتك يا معزوفة الحزن ..} مشاهدة المشاركة
لبى روحك والله شكل الروآيه جناااااان
واول وحده ترد عليك انا واول وحده تكون من المتابعين انا انشالله
بس برب خليني اقرأ الشخصيات والبآرت عشان اقول لك طرحك
برب يالغلاا

تسلمين حبيبتي انتي الجنان ويشرفني انج اول وحده رديتي على اول بارت ..
تيت حبيبتي .. وان شاء الله تعجبك البدايه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-12-2010, 03:45 PM
صورة سوآلف بنآت الرمزية
سوآلف بنآت سوآلف بنآت غير متصل
©؛°¨غرامي متألق ¨°؛©
 
الافتراضي رد: ياحبيبي أنستنا .. ربي يتمم لنا أنسنا / بقلمي


يالبيييييييييييييييييييييييييييييه البآرت يهببببببل
بليييييييييييز امااانه لا تخلينه الاسبوع الياااي خليه اليوم ولا باااجر الله يخليييج والله البارت يهبببببببل وعجبني وتأثرت معاهم وحبيت زوووز { موزه } والله عجبتني لمن تسوي صوتها صبيانيه يا بعد جبببدي البارت روعه وعشان خاطري نزليه باجر ولا اليوم بلييييييز ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-12-2010, 03:56 PM
صورة غرامي وآفــي * الرمزية
غرامي وآفــي * غرامي وآفــي * غير متصل
©؛°¨غرامي مشارك¨°؛©
 
الافتراضي رد: ياحبيبي أنستنا .. ربي يتمم لنا أنسنا / بقلمي


اقتباس:
المشاركة الأساسية كتبها فديتك يا معزوفة الحزن ..} مشاهدة المشاركة
يالبيييييييييييييييييييييييييييييه البآرت يهببببببل
بليييييييييييز امااانه لا تخلينه الاسبوع الياااي خليه اليوم ولا باااجر الله يخليييج والله البارت يهبببببببل وعجبني وتأثرت معاهم وحبيت زوووز { موزه } والله عجبتني لمن تسوي صوتها صبيانيه يا بعد جبببدي البارت روعه وعشان خاطري نزليه باجر ولا اليوم بلييييييز ..
حبيبتتي انتي .. مشكووره هذا من ذووقج ..
اييي انا مفكره انزله اليوم ولا باجر على اساس تتعرفون اكثر على الشخصيات ورااح انزله ان شاء الله اليوم .. علشان خاطرج وللله ..
والحمدلله حبيتي شخصيه موزه .. لاني كنت خايفه من الفكره ! ان بنت مسويه عمرها ريال هههههه وعدت على خير

والبارت الثاني ترقبيه اليوم .. بس ابي تفاعل اول

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-12-2010, 07:21 PM
صورة غرامي وآفــي * الرمزية
غرامي وآفــي * غرامي وآفــي * غير متصل
©؛°¨غرامي مشارك¨°؛©
 
الافتراضي رد: ياحبيبي أنستنا .. ربي يتمم لنا أنسنا / بقلمي


الفصل الثاني
ياللي وداعك يشبه موادع الروح
دنياي ماتنطاق من غير قربك
الروح مذبوحه والاحساس مذبوح
الله يصبرني على نار حبك


عبدالعزيز وهو يسحب الجوال من سلطان عقب ماسمع صراخ اخته: هدي نفسك يا ام سلطان .. مايصير جي قاعده له ع الوحده ..
ام سلطان : قاسي ياعبدالعزيز قااسي سمعته شلون يكلممني ؟؟
عبدالعزيز : انا اروييك فيه .. بس انتي تكفين ريحي نفسك ولا تعصبين
ام سلطان : هههههه تحسسني بجد هامك موضوعي ياعبدالعزيز
عبدالعزيز وهو يغمض عيونه ولايعه جبده : صالحه .. اكيد يهمني موضوك انتي اختي ..
ام سلطان : وفر تمثيليتك يا عبدالعزيز
عبدالعزيز وهو معصب : صالحه .. انا مشغول شوي الحين .. لازم اسكر تأمريني
ام سلطان بضعف : رد ولدي لي .. تقدر
عبدالعزيز : سطان ؟؟
ام سلطان : سلطان ماعاد سلطان .. راح ياعبدالعزيز .. سلطان راح ..
عبدالعزيز : عيل وش قصدج ؟
ام سلطان : سلمان !
عبدالعزيز : ولدك سلطان .. وسلمان ولد لولوه ماهوب ولدك !!
ام سلطان : لولوه و سلمان عيالي .. وتربيتي .. وسلمان ولدي رده لي
عبدالعزيز بضيقه صدر : وليش يعني ؟
ام سلطان : كافي صار 2 عبدالعزيز فعيله مايحتاي 3 !!!
عبدالعزيز : هههه لهدرجه ؟
ام سلطان : متى بترجعه ؟
عبدالعزيز : يومين ويكون عندج ..اي اوامر ثانيه حاضره جنابك ؟؟
ام سلطان : يعطيك العافيه .. فمان الله
وسكر عبدالعزيز الخط ..
وقعد ينبش في جيووبه .. يدوور شي يهدييه .. يهدي اعصابه اللي كل من هب ودب يلعب فيها .. شي مايقدر يعيش بدوونه
سلطان اللي كان قاعد قباله مد يده ع الطاوله اللي جنبه وخذ علبه الزقاير وحذفها على عبدالعزيز : تفضل
عبدالعزيز واخيررا لقى اللي يبيه .. بس مو الزقاير .. لا .. طلع اللي كان يدوووره من مخبى ثووبه وفتح القراطيس بهمال وحذف حبتين ففمه وغمض عيوونه : خلييت الزقاير من فتره .. وهاذي هي اللي قامت تهديني .. تبغي الصدق ماتهدي .. بس انا احسها احسن
سلطان وهو ينسدح ع الكرسي : هههههههههههه حسستني مخدرات مو حلاووه نعناع
عبدالعزيز : لاني مابي ارجع حق الزقاير .. وكل ماحتجت الزقاره .. اخذت لي حبتيتن مصاص ..
سلطان وهو يطالع عبدالعزيز بلووم : اكرهم ياخالي اكرهم .. شلون انت مستحمل .. وانا اللي وللدهم ومو قادر
عبدالعزيز وهو يفتح عيوونه ويحدق في سلطان : انت ماتكرهم .. فاهمننننني .؟؟ انتت ماتكره .. انا ماربيتك جي .. احنا يمكن مانحب بس احنا مانكرره لازم تفهم يا سلطان
سلطان وهو يهز راسه بتعب
عبدالعزيز : انت يمكن ماعدت تحبهم مثل اول .. بس صدقني هذول اهلك وانت مستحيــــــــــل فيوووم تكرهم !!
سلطان وهو يضحك بستخفاف : هههههه ضحكتني يا خالي .. اي اهل انت قاعد تتكلم عنهم ؟؟ الابوو سكير وظالم اخوه .. كان عمي جاسر مايشتغل فأشغالهم وكنا دوم نستغرب ليش مخلي شركاتنا وحلالنا ورايح يشتغل فشركه مو ملكه من الاساس !! غصبن علينا بدينا نحسه متكبر وان في حقد خفيف بقلبنا عليه ! لكن عمر ابوي مافهمنا ان هو مايبي فلوس الحرام ! وانه عايش بفلوسه .. يبي يتلذذ فالحياه بالحلال .. الام تكره ريلها و سكتت عنه يوم سرق عمي وعيشت عيالها ونفسها بالحرام وعمدها اخوو ولا ارووع ومايعجبها العجب ولا الصوم برجب .. عمرها مامدحتتك وبالعكس غدرت فيك وكانت تبي تشرد منك لابووي .. اخت مزاجييييييييييييييه .. ومادري شلون اوصفها ولله جارحه بالكلام ماتحاسب بكلامها ..
عبدالعزيز : ولولوه ؟
سلطان : هذا اللي يخليني ازورهم .. هذا اللي يخليني ماتبرا منهم
عبدالعزيز وحذف عليه قوطي الفيان اللي يمه : وووجع انشالله
سلطان وهي يحك راسه مكان الظربه : اااخ شفييييك ياخالي علي مو طايق ارضي من سماي
عبدالعزيز : انت من قاص عليك وقايل لك امك بغت تشرد مني لابوك؟ من ويين سامع هالخرابييط .. الظاهر ان مجابل الشاشه الهنديه انت ونووير لفت بعقلك ولعبت بحكمك .. وش تحس فيه وانت بكل ثقه تقول انها بغت تشرد مني ؟؟
سلطان وهو قايم رايح المطبخ : اااااااخ هاذا اللي يحببني فيك ياخالي انت غيير .. انت ليش متحمل ؟ شلووون مو ليش ! شلون تتحمل كل هالظلم ؟ انت ليش تستر على غييرك لييييييش؟؟؟؟؟؟
عبدالعزيز وهو يحلقه المطبخ : انا محد ظالمني .. وبعدين من قالك اني استر عليها .. هاذي امك يعني انت مو حد غريب ولو في شي جان قلتلك بدون تردد ..
سلطان وهو يقرب من عبدالعزيز ويشوووف عيونه : ماربيتني ع الكذب يا خالي .. ليش تكذب ؟
عبدالعزيز : انا ماكذب .. ّ!
سلطان بضيق وهو يمسك اذنه :بهذووول الثنتين سمعتهم يا خالي قالتها امي بكل وضوح لبووي اللي رجع سكررران : خساااره عمري فيك ضيعت العمر وياك .. ليتني عشت عانس مع عبدالعزيز ولا فكرت فيوم اني اشرد وياك .. ااخ ولله لو غير عبدالعزيز ذبحني .. كنت بشرد وياك بس على اساس انك تحبني .. واخر شي لهيت بشغلك وبقت الحلال وهددتني اني اذا طلبت الطلاق ولا علمت راعي الحلال بحلاله بتاخذ عيالي مني وبتحرمني من شووفتهم وتربتيهم .. بس كاه ربي يرويك .. ان حتى لو سكتوا عباده .. هو مايسكت .. يمهل ولا يهممل .. بدينا نفلس وانت مجرد انك بديت تخسر اللعبه .. بديت تضيع فالخمر والسكر .. ليش مافكرت فخووك اللي طرردته .. ومارويته من هالحلال ريال واحد! شلون عاش شلون عيش مرته وعيش بناته وعياله ؟؟ شلوون ؟؟
وكمل سلطان وهو يصد عن خاله : سمعت اشياء وايد عن عمي وشقد هو كان يحاول يصرف على عيلته .. بس فالمقابل ابوي كان يسكر الباب فوجهه ..
عبدالعزيز وهو منصدم : تبي تقنعني ان عمك جاسم جا وطق الباب على ابوك محتاج ؟؟؟؟؟
سلطان وهو منكسر : لا .. بس من يشتغل ابوي كان بتصال صغير منه يطردوون عمي .. ويعتذروون ان مافي مكان .. وعمي مدري شلون عيش عمره .. لكن اهم شي انه ماتجه لنفس طريق ابووي .. وصبر عمره بالخمر !! بالعكس تعب وشقى وعيشهم .. شلون مدري .. لكن عيشهم.. وعطاك عمره وانشالله مصيره الجنه على هالسمعه الطيبه والصفحه البيضه
عبدالعزيز : ابوك كان يسوي كل هاذا عشان الناس ماتعرف ان هاذا اخوه وان هم اغنياء واخوهم فقير شلون تجي ؟؟ وحزتها اكيد بيشكون ان السالفه فيها ان وان الحلال انباق من عمي وماخذ حقه..
سلطان : حسبي الله ونعم الوكيل .. كل هاذا عشان الفلوس .. وكاهي الفلوس تبخرت !! وش استفاد اهوو من خساره اخوه ؟؟ انا مافكر بكل هاي لان ابوي مايستحق افكر فيه .. لكن افكر انا الحين شلون بيعيشون بنات عمي المساكين ؟؟
عبدالعزيز : لا تحاتي.. عندهم اخووهم
سلطان : ااااااخ عندي ولد عم وماعرفه .. شقد الدنيا قذره
عبدالعزيز : وعندهم جدهم ابو امهم وساكنين معاه وعايشين من خيره ..
سلطان وهو يتنهد : يعني غني ؟
عبدالعزيز : لا .. مو غني .. لكن يقدر يعيشهم والحمدلله
سلطان : وانت من وين تعرفهم
عبدالعزيز : ماعرفهم بس واحد من الربع كان ساكن بنفس الشارع .. والحين شدوا بيتهم الجديد .. وانقطعت الاخبار
سلطان : حسافه .. كنت بقولك تاخذ علومهم منه ولا ايدليني ع البيت
عبدالعزيز : صدقني حتى لو وصلت لين بابهم .. مافتحوا لك ولو تصييح دم وتتأسف دهر .. ماسامحووك ..
سلطان وهو كاره عمره : بس خالي مابي اسمع اكثر .. ومادام جدهم عايش .. اكيد هم مرتاحين وياه ..
عبدالعزيز : يلا ادخل غرفتك ونام لازم باجر نروح نتسووق .. خبرك طالب جديد فالجامعه .. ولازم تروح لهم بكشخات لا صارت ولا استوت
سلطان وهو يغمز له : ماوصل مواصيلك .. حتى لو البس خيشه واروح فيها
عبدالعزيز وهو يغمز له : هههههههه فاهم فاهم وش تبي توصل لي ..
سلطان وهو يطالعه بنص عين : شفهمت انشالله ؟؟
عبدالعزيز : ماتبيني ادخل الجامعه وياك فبريكاتك .. خايف اتسلط الاضواء علي وتروح انت فسابع داهيه ..ولايعبرونك
سلطان : هههههههههههههههههههه سبحان اللله فهييم
عبدالعزيز : شفت شلوون خخخخخخخخخخ يلا اشووف عطني مقفاك بوروح انام تعبااان حدي
سلطان : تصبح على خير ..
عبدالعزيز وهو رايح : وانت من هله ..

=============================



في قطـــر .. واحدى المناطق المشهوره فيها ..
فله طابقين .. لكن مو كبيره .. الحوش فيها صغير .. وفيه زراعات خفيفه والبيت من برا يبين بيت انقليز .. الديزاين كان وايد حلو .. بس لمن تدخل داخل البيت .. الوضع عادي .. يعني فله حالها حال اي فله .,,

شيخه : وهي ماسكه روايه لجين انستن وتقراها وهي تمشي فالحوش والهوى يحرك شعرها اللي يوصل لي نص ظهرها اسوود مو ناعم بس بعد مو خشن .. متمووج .. وعينها اللي مركزه بالكتاب عينها مدوره شووي وعسليييه فاتحه ورمووشها حلووه سبحان من انشاها .. خشمها من جدام ماكان واييد حلوو .. بس على جنب كان يجنن .. شفايفها حلوه .. شفتها التحتيه كبيره .. بس الشفه اللي فوق دقيقه ههههههه .. يعني وهي تسوولف او تضحك هبابها تبين .. بشرتها ناعمه وبيضه .. بس البيبسي ذابحها .. يعني كانت بيضه .. بس الحين اصفرر ويها من كثر هالبيبسي اللي ادمنته ههههههههههههه .. جسمها كان معتدل والبنت طوووويله
سكرت الكتاب وهي تمشي رايحه صوب الزراعات وهناك كانوا اهلها قعوود وادن دن : وقلبك موطن الازهار انا اللي يعشق الازهار .. وغيري يقطف احساسه ...
نوره وهي تجي تقعد على حد الزراعات يمها : ولكن مايهم اللي تولع في غرام الورد
شيخه : الا مانسيته ورده ...... هاي جدي كمل
جدها : سقــآها بلهفــت انفـــــآآآسه
نوره : حبيبي .. حبييييييييبي انت وقامت باست راسه
شيخه وهي تبتسم لهم وهي تحب هالمواقف العائليه : اخ يا جدي من لنا غيرك .. ومن لك غيرنا الله لا يرحمنا من بعض
الجد وهو يرفع العصاه : فزززي يابنت تعالي حبي خشم وارس جدك
شيخه وهي تبتسم ع الاخير : ووووه فديتك ماطلبت شي وراحت ولمت جدها بقوووووووووه وحبت خشمه وراسه
الجد : فعصتيييني وخري عنني
الام اطلعت لهم وهي تغني : فووووق اصعدددي فوووق اصعددي
نوره : هههههههههههههههههههههههههههههههههههههههه
شيخه : امبيه يمه مايصلح لج كلش
الجد وهو ياشر حق بنته تقعد يمه : لا تضحكون على بنيتي
شيخه : ههههههههههههههه
نوره : ولله وهي صادقه اوخييتي .. امي مالها بشغل الوطنيات وجي يعني ماتوقعنا لا اكثر ولا اقل هههههههههههههه قالت فوق اصعدي فوووق اصعدي مرره وحده
شيخه : هههههههههه صح يعني هاي يونسنا ان امي بدت تبين لنا مشاعرها حق البلاد شووويه
ام عبدالله : الوطنيه بدمي تسري ماتشوفون الدم عنابي .. مو لازم اغني واشل اعلام واتفدا قطر اربع وعشرين ساعه .. عشان يبين وتفهمون اني وطنيه
شيخه ونوره : عااشت عااشت الوالده هههههههههههههه
ام عبدالله : فديت شيخنا ولللله وفدييت الشيوخ كلها
شيخه : اااااااخ بالاخص بابا حمد اعششق امن يابتته
نوره : لاا انا جاااسم اااااااااااااااخ
شيخه : اييي .. بس تميم احلى ماشاللله ماشالله
جدهم : ووووجع انشالله .. قاعدين يتغزلون بالشباب وانا قاعد .. بنات اخررر زمن ولله ..
شيخه : اسفه جدي بس ان الله جميل يحب الجمال
نوره : ههههههههههه اموت ع العذر انا
( انا ونوره علاقتنا ببعض اقوى من الخوات .. ماقدرر اعيش بدوونها .. وبجد احسها حييل قريبه مني )
قلت وان اوقف : انا ابي اروح السينما : (
نوره : اااااخ حتى انا ميته واروووح وقسمن باللله في فلم ذابحني البطل
الجد : كنت بقوول حق امكم توديكم بس السالفه فيها ممثل عاجبكم قروا فالبيت مالكم حايه
قمت ركيض الم جددي ولحقتني نوره اختي ولمتنا احنا الاثنين عشان نبدا الفلم الهندي اليومي اذا بغينا شي ههههههههه : يببه تكفى عاد ترا تكفى تهز الرجاجييل .. هههههههههههه
نوره : يبه احنا يتامه واخووي مسافر بعد قلبي عليه .. ماعندنا حد يودينا ويرجعنا : ( يرضيك يا يبه جي .؟
الجد وهو منفعص بحضانهم : انا عممري ماشفت ناس مستانسه انهم يتامه .. فكل شي لازم تطرون انكم يتامه ؟
نوره : شنسووي بعد .. نحنن قلبكم علينا
شيخه : يبا .. شعول اليوم بترووح مع امها .. خلنا نروح وياهم تكفى يبا
نوره وهي تكمل : ترا تكفى تهز الرجاجيل .. ههههههههههه
الجد : وخرووا عني ابي اتنفس ووجججع
قمت انا ونوره ولمينا بعض نمثل دوور المساكين وكل وحده ماده بوزها شبرين
الجد : انا وافقت بس عشان كلمتن طيبه سمعتها منكم
نوره بفضول : الا وهي ؟؟
الجد : تكفى ترا تكفى تهزز الرجاجيل
قلت وانا ميته من الضحك : ههههههههه اععجبتك يبا
الجد : ايي ولله كلمتن طيبه توسع الخاطر ..
نوره : ليتك بس تعرف من وين جبناها
الجد : من وين ؟
نوره : من اليو تيوب .. في واحد بريطاني دايم سكران .. والعرب علممووه يتكلم عربي ودوم يصورونه ويحطون لنا الفيديو..
ام عبدالله : نعععععععععععععععععم ؟؟ وانتوا من وين تعرفونهم هالصبيان
طالعت نوره منصدمه وانفجرنا من الضحك خخخخخخخخخخخ
( امي مستحيل فيوم تتطور .. وعمرها ماراح تفهم تركيبه وطريقه الحياه فالتكنولوجي .. عمرها مافهمت موضوع الفلكر .. ولا حتى التوتر ولا المنتديات ولا ... اليو تيوب )
شيخه : انا عن نفسي تعبت اشرح .. وللله كل يوم نفهمج يمه بس اااخ تتبخر المعلومات وتردين تشكين وتفهمين غلط هههههه
نوره وخذت تشرح حق امها الموضوع .... وبعد ماخلصت
نوره : ها يمه فهمتي ؟؟
ام عبدالله : ولله مافهمت ولا ابي افهم .. اذا مالكم خص فيهم خلاص سووا اللي تبوونه وشووفوا اللي تبوونه ..
شيخه : انزين الحين وافقتوا نروح .. اكلم مشاعل تمر علينا ..
الجد : اي حبايبي .. يلا قوموا برزووا .. بس لا تتاخروون !
نوره : اكيد .. افا عليك بس نعجبك تربيتك
وقمت انا ونوره بنروح نبدل ...
ام عبدالله : وتغشوا عدل
نوره وهي معصبه : يمه .. الناس ماعادتت تتغشى وحتى شعورهم تبين واحنا للحين لازم هالغشوووه وين مانرووح ..
ام عبدالله : خلاص عيل .. مليتي منها .. ماتبينها ؟؟
نوره : لا مابيها زيين
ام عبدالله : قعدي فالبيت ولا تطلعين منه .. وعلى شرط مانقولج تتغشين
نوره وصدت راحت غرفه الملابس الصغيره : اففففففففففف خلاص خلاص بتغشا وامرنا للله
( انا عن نفسي ماتكلمت .. لاني مقتنعه بموضوع الغشوه .. وخصوصا هالزمن .. لان الشباب ماعدوا مثل قبل .. والناس دايم تشوفنا ان احنا ملكات الجمال !! ولا نوره .. نووره الغشوه انخلقت لها .. جميله .. ووجها يفتن ! بس عمرها نوره ولا حتى موزه اختي افتهموا ولا راح يقتنعون فيوم من الايام )
لبست بنطلون سكني اسود .. ولبست قميص بربري اللي مخصص حق الطلعات .. بما ان احنا على قد حالنا .. فـ ماقدر اشتري قمصان غاليه اتفقنا نشتري كم قميص .. ويتمون حق الطلعات وبس !!! ولبست جوتي فلات .. لاني طويله تقريبا 169 ..

اما عن نوره : فهي مب وايد طويله .. وجسمها حلوو مرتب .. وشعرها كان فاتح شووي .. وعينها وسيعه وبريئه حيييييييل ... ابتسامتها تاخذ العقل .. وبجد ماقدر اوصفها .. صدقووني ملاك ..!! لبست لها كعب شوي عالي .. وجينز فاتح وقميص نمري شيفون .. ولبست فلات نفس الشي نمري ..
نوره وهي تحط ميك اب : شوييخ يلا برزي
شيخه : انا بارززه يمه
نوره والتفت علي : شويخ حطي ميك اب حتى لو خفيف !
رحت عندها وخذت الماسكرا وجابلت المنظره وحطيت لي .. ولله انا ماحب الميك اب وايد .. بس مجرد الماسكرا وبلشر برونزي خفيف اطلع احلى بوواايد من الميك اب كامل .. لان ابين مهرج فيه !!!!
نوره : اي الحين شحلاتتج يلا بكلم شعول بشوفها وين اوصلت
ام عبدالله وهي تصرخ تحت : شوييييييييييييييييييييخ
شيخه : مايحتاي تكلمينها .. كاهي امي تصرخ معناتها وصلت
نوره تشيل شنطتها : يلا مشينا ...

===============================


[COLOR="rgb(46, 139, 87)"]
ابيكم تتفاعلوون تكفون .. لان جذي صعب اكمممل :(:(
وهذا البارت لعيون فديتك يامعزوفه الحزن ههههههههههههههههههه
وابي توقعاتكم ;) وانشالله البارت الجاي راح يكون الخميس .. [/COLOR]

ولكم جزيل الشكر
تقبلوا خالص تحياتي : اختكم : غرامي وافي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 19-12-2010, 07:24 PM
صورة غرامي وآفــي * الرمزية
غرامي وآفــي * غرامي وآفــي * غير متصل
©؛°¨غرامي مشارك¨°؛©
 
الافتراضي رد: ياحبيبي أنستنا .. ربي يتمم لنا أنسنا / بقلمي


ps : غيرت اسمي من عذاب العشاق *** الى غرامي وآفـــي *

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 20-12-2010, 02:01 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: يا حبيبي آنستنا .. ربي يتمم لنا أنسنا / بقلمي


,’





بسم الله




يعطيك العــافية
إطلعي على الرابط بـ يفيدك النقد
https://forums.graaam.com/342083.html


موفقة إن شـــاء الله




,’


يا حبيبي آنستنا .. ربي يتمم لنا أنسنا / بقلمي

الوسوم
حب تشويق كبرياء
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
آه يا عمري و هوايا آه من ظلمك معايا كم أناديلك حبيبي يا حبيبي و إنت ما تسمع ندايا / بقلمي ع ــزيزة آلنـ[فـ]ـس أرشيف الروايات المغلقة - لعدم إكتمالها 90 24-11-2010 06:40 PM
قصة رومنسية ولا أروع / كاملة رمشة العين ارشيف غرام 47 01-06-2008 06:21 PM
تابع / كيف مزاجك اليوم ؟ زهرة القمر العاب - مسابقات 2000 16-03-2008 12:13 PM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM

الساعة الآن +3: 08:48 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1