اتحاديه لحد الجنون ©؛°¨غرامي فضي¨°؛©

بسم الله الرحمن الرحيم

سلامٌ من الرب والرب يرعاكم
...........سلامٌ من القلب والقلب يغلاكم


اشلونكم مع قرب الغثاااااااااااااااا(الاختبارات)

المهم ابي فزعتكم وانتم دوم معروفين بالفزعه

بمناسبة قرب الاختبارات النهائيه ابي مكنم حلول وتفسيرات وكمان ابي ارشادات اتفقنا *__*

ادخل في الموضوع

مابقي شي على الاختبارات وابي حلول لوقت مذاكرتي اللي مو قادره اغيييييييييييره
ووقت مذاكرتي اقول بس لاتنفجعوووووووووون والبعض عادي عنده متعود مثلي

وقت مذاكرتي في الابتدائي والمتوسط
مادة الرياضيات والانجليزي
امسك اوراق المراجعه او الكتاب من بعد صلاة الجمعه اللي يسبق يوم الاختبار
بس مو مذاكره بس اشيك بين كل فتره وفتره زي اللي اهيئ نفسي للاختبار
وابدا بالمذاكره لهذه المادتين بجد طبعاً كل ماده في يومها الرياضيات والانجليزي مو مع بعض
الساعه 12الليل وتعرفوا الرياضيات يباله وقت عاد اخلص الساعه3 ونص
وبعدين ابدا في الماده الثانيه وبعدها الساعه اربعه ارد للرياضيات
ونفس الحال مع الانجليزي

وفي المواد العاديه ابدا الساعه 2او وحده ونص الليل وكذا في كل السنوات اللي فاتت
مو اهمال بس كذا مااعرف اذاكر الا في الليل واجلس فاضيه لاخر الليل واقوم واذاكر
والحمدلله كانت نسبتي عاليه 99% يعني وقتي ومذاكرتي حلوه وتمام دام النسبه كذا

بس ذحين الوضع تغير صرنا في الثانويه وصارت المواد اكثر واصعب
وفوق هذا كله تغير المنهج وصار امريكي اصعب من اول

فوقت مذاكرتي الاول مره ماراح يماشي هذه السنه
وحاولت في الاختبارات الشهريه اني اغير وقت المذاكره مره ماقدرت
امسك الكتاب تجيني ضيقه واقفله لاخر الليل وافتحه واذاكر
بس هذه نهائيه يعني تبي وقت طويل وانا ماتعودت اذاكر بدري مدري ليش
يمكن لاني من البدايه تعودت على هذا الحال
بس المطلوب كيف اغير موقت ذاكرتي؟


بماذا تنصحوني وتفيدوني فيه

هل ابقى على نفس حالي؟
او اغير حالتي وطبعاً ماعندي اي طريقه عشان اغيرها

وعادي لو بقيت على وقت المذاكره القديم ؟

اللي يعرف لايبخل علي والله اني في حاله ومتوتره لان السنه هذا غير
طبعا ًمواد غير ومافي تأشير وخاصه المكتبه الله يعيننا علييييييييييه

وابي شي يسهرني غير المشروبات الغازيه اللي زي مشروب الطاقه وغيره لانه مايعجبني
وغير النسكفيييه والكابتشينو والقهوه ابي شي غيرهم يسهرني وينشطني
وسمعت ان البيبسي يسهر صح

فزعتكم يااهل الخير عساها تكون في ميزان حسناتكم يارب

مع تحيات:طالبه وهقانه في سالفها القديم *__^

ولكـــــــــــــــــم خـــــــــالـــــص ودي

النجمة القطبية ©؛°¨غرامي متألق ¨°؛©

كي تسهري اغسلي وجهك كل فترة
الا انني لا انصحك بالسهر
كلي مواد مليئة بالطاقة ك التمر و الزبيب و الشكلاته
الوقت الأنسب للمذاكرة هو بعد صلاة الفجر تماما
حاولي أن تجدي رفقة تذاكرين معهن مثلا زميلاتك في الفصل
موفقة

صدى ذكريات ©؛°¨غرامي فعال ¨°؛©

اختي انا بصراحه مثلك ماحب اذاكر الا بالليل

بس انا افتح الكتاب بعد صلاة العشاء مباشره

ومايجي الساعه ١٢الا انا مخلصه

فاذا انتي تحبين مذاكرة الليل حاولي تبدين من العشاء وراح يمديك باذن الله تخلصين

وحاولي تراجعين الحين عشان وقت الاختبار يصير بس قرايه مو مذاكر

ام اللي يسهر فان احس كل وشخص وطريقة في مذاكر

فان ماحب اذاكر الا والاكل قدامي ياببسي وجالكسي ياكيك وقهوه

وفي ناس ماتحب تاكل وقت الاختبار

ويارب يسهل عليك وعلينا وعلي جميع المسلمين الاختبارات

اتحاديه لحد الجنون ©؛°¨غرامي فضي¨°؛©

المشاركة الأساسية كتبها النجمة القطبية اقتباس :
كي تسهري اغسلي وجهك كل فترة
الا انني لا انصحك بالسهر
كلي مواد مليئة بالطاقة ك التمر و الزبيب و الشكلاته
الوقت الأنسب للمذاكرة هو بعد صلاة الفجر تماما
حاولي أن تجدي رفقة تذاكرين معهن مثلا زميلاتك في الفصل
موفقة
شاكره لك مرورك ونصحك
وربي كتب لنا كل مافيه خير

لكي خالص ودي

اتحاديه لحد الجنون ©؛°¨غرامي فضي¨°؛©

المشاركة الأساسية كتبها صدى ذكريات اقتباس :
اختي انا بصراحه مثلك ماحب اذاكر الا بالليل

بس انا افتح الكتاب بعد صلاة العشاء مباشره

ومايجي الساعه ١٢الا انا مخلصه

فاذا انتي تحبين مذاكرة الليل حاولي تبدين من العشاء وراح يمديك باذن الله تخلصين

وحاولي تراجعين الحين عشان وقت الاختبار يصير بس قرايه مو مذاكر

ام اللي يسهر فان احس كل وشخص وطريقة في مذاكر

فان ماحب اذاكر الا والاكل قدامي ياببسي وجالكسي ياكيك وقهوه

وفي ناس ماتحب تاكل وقت الاختبار

ويارب يسهل عليك وعلينا وعلي جميع المسلمين الاختبارات
حاولت اذاكر بدري بس ماقدرت الله يكتب مافيه الخير

وبعدين وين اذاكر خلينا نخلص بالاول من الاختبارات اللي يطلعوها من تحت الارض
عشان اقدر اذاكر اخر اسبوع يوم الثلاثاء علينا اختبار فيزيا عملي<<دوم مااكتب الهمزه
وين نقدر نذاكر الله المستعان
وبعدين انا ايام الاختبارات اكون متوتره ومااحب اكل الا اشياء بسيييييييطه
ماشاءالله عليك الله يوفقك ويوفق الجميييييييييييييييييييع

شاكره لك مرورك نورتي الصفحه

Dalo3aa ©؛°¨غرامي فضي¨°؛©



يــاهلا ومرحبا بالطالبة الوهقان في سالفها القديم ^_*

بدايةً ... ربي يصبحك بالخير والسرور

حبيبتي اول شغلة نظامك خاطئ >> اعذريني
واللي للأسف كثييييير ماشيين عليه

اهم شي بفترة الامتحانات النفسية التمام والرااحة الجسدية
والسهر ماراح يجيب نتيجة ..حتى لو كانت نسبتك حلوة
بيأثر عليكِ السهر
وخاصة الحين مناهجكم تطورت ..وتعتبر جديدة بالكامل حتى على المعلمين والمعلمات

لازم تبطلي سهر
لاتقولي ماعندي طريقة .. وتعودت مااقدر
لا صدقيني راح تقدري ..
وخطوة خطوة بتتأقلمي
مثلا الوقت من الظهر إلى فترة الليل اللي بتدرسي فيها
الأشياء اللي كنتِ تسويها بهالوقت امنعي نفسك منها
اذا كنتِ تنامي بفترة الظهر او العصر ..
الغي هالنظام او نامي نصف ساعة بالكثير .. لتجددي نشاطك بس .. حتى لو واجهتي صعوبة شوي ^^
مو تنامي بالساعات ..لأن هذه النقطة كافية بانها تخليكي ما تذاكري
فتحسي بالضيق و الخمول
نصيحة بهالفترة حاولي تبعدي عن الشاي والقهوة ومشروبات الطاقة ....المنبهات بشكل عاااام
لانها تضرك جدا
كثري من اكل الزبيب والزعتر ^^ >> طفشوا مني شخصياً خخخ
حاولي انك تذاكري المواد قبل فترة الامتحانات وحبذا لو تكوني لك جدول للمذاكرة ..هالطريقة راائعة
لانها تبعد عنك توتر ماقبل الامتحان او تخفف منه لانك تكوني مذاكرة .. فتسترجعي المعلومات فقط
وحتى تحمسك للمذاكرة لانك ماتشيلي هم تذاكري من البداية وقلق وطفش ..... كانها مجرد استرجاع معلومات

............ الحين اناظر بردي اقول ربي يعينك علي >> ماخذه راحتها الاخت
عذراً على اسهااابي

ربي يوفقك حبيبتي ..ويوفق الجميع

دمتِ بكل الحب

رورو ثقيف ©؛°¨غرامي جديد¨°؛©

أختي اتحادية

ما شاء الله عليك صراحة كيف تذاكرين على آخر الساعات المهم إنتي داخلة ثانوية عامة الله يعينك
أنا أنصحك نصيحة من أخت لخصي المنهج كله في أوراق وخليها في يدك أربعة وعشرين ساعة مع قلم أو مرسام
لا تنزليها أبد من يدك وإذا إنتي من النوعيات اللي ما تحب تلخص خلي الكتاب بيدك مع القلم أوالمرسام
وحاولي تجبري نفسك من فترة لفترة تاخذي معلومة وحدة أو حتى تقرأي قراءة ومع الوقت راح تقدري تذاكري بدري بالنسبة لشي يسهر أنا ماشية على فيتامين سي فوار ((وعلى فكرة له فايدة يفتح البشرة^^))

بالتوفيق قلبو ولا تنسيني من دعاك
رورو ثقيف

فاطِمه بِنتْ الغَمامْ
مستشــ¸.·* غرام *·.¸ـــاري

و عليكِ مِثل ما ذكرتِ
،
تقسيم الوُقت يخضِع ل برنامجِك و روتينِك المنزليْ
و لكِن بِ وجهِ عامْ يُفترضْ
أن تبدأي لآن ك مراجعَة أوليَة
ب التاليْ سَ ينزاح عنكِ الشيء الكثيرْ
و أذكُر أنُه مُعلمَتيْ في مرحلَة مِن المراحِل
دوماً تُشدِد على أنُه أفضل مرحلَة ل المُرجعَة هيْ
ما بعدْ صلاة الفجرّ
،
أمَا

وابي شي يسهرني غير المشروبات الغازيه اللي زي مشروب الطاقه وغيره لانه مايعجبني
وغير النسكفيييه والكابتشينو والقهوه ابي شي غيرهم يسهرني وينشطني
وسمعت ان البيبسي يسهر صح
لا أدري لمَاذا أرتبطت لدينَا الإمتحاناتْ بِ السهرّ .؟!
مع أنُه عاديْ جِداً لو إستيقظتِ باكِراً
و أديتْ واجباتِك و خلدتِ للنوُم أيضاً باكِراً
هُنا سَ تكونيِن ذهنياً و فكرياً حاضِرة أكثرّ
،
ب التاليْ لستِ بِ حاجَة لِ كٌل ما ذكرتيِه
فقطْ إستعينيْ بالله
و بالله التوُفيقْ

راجية رحمة الله ©؛°¨غرامي مبدع¨°؛©

مدام عارفه المشكله
حاولي تعدلين وقد مذاكرتك
ولاتقولين ما اقدر
تقدرين لان احنا اللي نصنع الظروف
مو الظروف تصنعنا
وبالتوفيق عزيزتي

شروق فجر الأمل ©؛°¨غرامي متألق ¨°؛©

أنا ما أعرف اذاكر بعد الظهر الى العصر

بس بعد العصر تبدأ مذاكرتي
لحد ما أكمل وبعدين أراجع مرة ثانية يعني الى الساعة 1.00
بس أكثر منها لا ونام واصحى بدري يعني أحيانا قبل الفجر بساعة
واذا كانت المادة سهلة بعد الفجر أومعاه
اذا انتي ما عرفتي تذاكري الا في اليل
لا تحاولي تغيري نضام مذاكرتك في الاختبارات الشهرية لأن رح يلخبط عندك كل شيئ
وفوق كذا انتي بتنظمي وقتك والا بتركزي في اختباراتك

الأحسن انك تنظمي وقت مذاكرتك عشان ترتاحي لأن اليل مو للمذاكرة للنوم والراحة
الا اذا كانت المادة طويلة وصعبة ممكن الى الساعة2:00 وتنامي وتصحي بكير

الله يوفقك ويوفقنا في الاختبارات ان شاءالله

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1