ما يهاب القصيد عضو موقوف من الإداره

اعذروني بدخل كذا بدون ما اطرح شماغي



عادات وتقاليد



سبب نسبة الطلاق ( عادات وتقاليد)


اللي يختار الزوجه امك ولا اختك والسبب( عادات وتقاليد)


واللي يكلمها ويوصل لها رغباتك وامنياتك امك ولا اخوتك والسبب( عادات وتقاليد)


واللي يخطبها لك بعد من امها امك ولا اختك والسبب( عادات وتقاليد)


واللي يكون معك في الشوفه الشرعيه امك وامها ( والسبب عادات وتقاليد ) يعنى لو جلستوا بروحكم

بياكلها الرجال ولا احم احم مفهمومه


ومن الهباله تلاقيه اخته لمدة اسبوع وامه هم كل شي بحياته ومايدري وش مخبيله القدر

والسبب ( عادات وتقاليد)

وبند خل النار ( والسبب عادات وتقاليد)

ومارح نشم ريحة الجنه والسبب (عادات وتقاليد )

ونشوف حنى الصح والعالم كله غلط والسبب( عادات وتقاليد)

وفيه ناس للحين ماشف صدر زوجته او شاف اجمل لحضات المتعه الجنسيه معاها لانها تستحي

والسبب (عادات وتقاليد)

وانا واخويا على ولد عمي وانا وولد عمي على الغريب ( والسبب عادات وتقاليد)

الى الان لاحظو ماشفت بدل عادات وتقاليد شريعه واسلام

واول مانسافر للخارج اللي يفتح طاولات على البست حنى( والسبب عادات وتقاليد)

واللي ينقط على الراقصات حنى والسبب (عادات وتقاليد )

وابن امه اللي يتحرش ببنت خارج المملكه ولا خارج وطنه اي كان السايح الخليجي لان هناك سجن 40 سنه


واذا رحمه القاضي طقه 20 سنه


ليش.



يقول القاضي ( عادات وتقاليد )


























ام ام العادات والتقاليد اللي ما انزل الله بها من سلطان ماهي الا اسماء سميتومها وانتم وابائكم























وانتم اللي خلاكم تردون عليه عادات وتقاليد









نسيت شغله ... كرت الدعوة خذ عندك


يتقدم اسرة فلان على دعوتكم لحظور زفاف ابنهم فلان على ابنة فلان

والقاقبه لديكم بالمسرات


اش دخل ابوها بالكرت

ليش ما نقول زفاف ابننا فلان على فلانه بنت فلان


ولا الشغله شهرة بس يبي يشوف اسمه بالكرت جريده هي عشان يستانس





احساس**** -» پعض العطر يوجع لاصار فے شمتہ ذكرے ¤ ~

والله مادهوور عقوول الناس وشتتهم االا العاادات والتقاااليد ..
خذ مثاال ..
لما البنت يجيهاا نصيبهاا ,,امها وابوها يقرروون ..والسبب عاادات وتقااليد ..
لماا البنت الصغيرة يجيهاا نصيبهاا والكبيرة توهاا ,,ماايوافقون ..تبي الكبيرة والا رح دور لك بيت ثااني.. والسبب عاادات وتقااليد ..
لما الولد يقرر الزواج ..بنت عمك ..والا لاانا ابوك ولا انت ولدي ..والسبب عاادات وتقااليد .

يعني الى الان ,,العاادات والتقااليد بعضهاا مو كلهاا غير متوااافقه مع الشرع ..


مااقول الا الله يعيينا على هالعاادات ..يالليتهااا ..ورق ونحرقة ونتخلص من شي اسمه عاادات وتقااليد ..

//

احساس ..

عطر نيوتن ‏‏‏‏مـجـمـــــوعة ‏ إنـــــسان ‏..‏!‏‏

هع هع

وراك وراك

عاد والله يامايهاب اني دخلت وما انتبهت على كاتب الموضوع

ههههههههههههه

والله صدفه ههههه

..

المهم

عادات وتقاليد

اوووووف

وع

أكره العادات والتقاليد

احس عقول متحجره

تصدق خواتي تزوجو من غير مايشوفون ازواجهم


ههههههههه


والله حتى نظره شرعيه مافيه

ههههههههههه

اختي الثانيه يوم جا يخطبها

رحت انا وياها عند الدريشه
‏<‏‏<انا رازة وجهي ههههههه

بس ماشفنا غير شماغه

وجهه ما كان باين هههههههههه

....

وهم ماشافو بعض غير بليله عرسهم

..

وع

انا اسميه زواج امسح واربح

ههههههههههههه

,،,،...

وفي امور تعل القلب

والسبب

عادات وتقاليد

ام ام الي جابها ‏‏<‏‏<تقلدك ههههههههههه


..

تحياتي

هههههههههههه

لجل الوع د ©؛°¨غرامي متألق ¨°؛©

هههههههههههههههههههه<<ادري مافيه شي يضحك
بس ليه عقول النااس كذااا
يعني لو سمحتو عاداتكم وتقاليدكم نبي ننساها حلوه ذي
اسمح لي بعلق على بعض اللي قلت منهم

سبب نسبة الطلاق ( عادات وتقاليد)
من جد والله واجد تصير ياخوي طلقها انا ولد عمها اولا فيها :طسس مناك بينهم قصة حب ولين الحين عادات تقاليد

اللي يختار الزوجه امك ولا اختك والسبب( عادات وتقاليد)
ياخوي انت روح اختاراها عادي ترى مو شرط امك ولااختك انتت حب بأخلاص ورح وتقدم لها

واللي يكلمها ويوصل لها رغباتك وامنياتك امك ولا اخوتك والسبب( عادات وتقاليد)
شدعوه يمكن جماعتكم كذا
حناعادي ياخذها يطلع معها يتمشى عادي يكلمها يجي البيت

واللي يخطبها لك بعد من امها امك ولا اختك والسبب( عادات وتقاليد)
اكيييد ولاشرايك تروح انت وتقول ابي بنتكم بدون ابوك وامك تخيل الشكل بلحالك بالمجلسس وقدام ابوها
مين بيفاتحه بالموضوع والله بينربط لسانك

واللي يكون معك في الشوفه الشرعيه امك وامها ( والسبب عادات وتقاليد ) يعنى لو جلستوا بروحكم

بياكلها الرجال ولا احم احم مفهمومه
هههههههه لالاالاياكلها ولاحم احم عن نفسي انا ابي احد يكون موجود اذا كان رجال غريب
والله مادري عنه ماعرفه ماعندنا جرئه
لازم يكون دقيقه بس على الاقل اخوي يقول بس كلمتين ويطلع وبعدين نشوف وش علينا
ومن الهباله تلاقيه اخته لمدة اسبوع وامه هم كل شي بحياته ومايدري وش مخبيله القدر
ههههههههههههه ياحياتي عليكم ياشباب متبهذلين
والسبب ( عادات وتقاليد)

وبند خل النار ( والسبب عادات وتقاليد)
انشاء الله كلنا من جنات النعيم
ومارح نشم ريحة الجنه والسبب (عادات وتقاليد )
انشاء الله كلنا نشم الريحه الطيبه
ونشوف حنى الصح والعالم كله غلط والسبب( عادات وتقاليد)
هينا كلامك عين العقل
وفيه ناس للحين ماشف صدر زوجته او شاف اجمل لحضات المتعه الجنسيه معاها لانها تستحي

والسبب (عادات وتقاليد)
<<<مشفر
بسس يعني االلي بتتزوج تنسى الحيااا
وانا واخويا على ولد عمي وانا وولد عمي على الغريب ( والسبب عادات وتقاليد)
هذا اللي ماحبه انتي لولد عمك ولد عمك لك<<الحمدلله ماعندي عم هع هع هع
الى الان لاحظو ماشفت بدل عادات وتقاليد شريعه واسلام

واول مانسافر للخارج اللي يفتح طاولات على البست حنى( والسبب عادات وتقاليد)
صححححححححححححححححححححححححح بس مو الكل
واللي ينقط على الراقصات حنى والسبب (عادات وتقاليد )
صح بس موالكل
وابن امه اللي يتحرش ببنت خارج المملكه ولا خارج وطنه اي كان السايح الخليجي لان هناك سجن 40 سنه
هههههههههههههههههههههههههههههههه ياليت يطبقونها بالسعوديه




موضوعك مره حلووو
والدليل حللته تحليل
والله ياخذها من عادات وتقاليد
وياشيخ عادي تراها حلال عليك وقت الملكه تكلمها تتمشى معها عاتي

رمـ فيء ـشها ©؛°¨غرامي مجتهد¨°؛©

لا وازيدك من الشعر بيت

يقولون انو نلبس الساتر عشان الناس بس عشان ما تتكلم ونسوا شي اسمه دين وربي

يعني لا عندنا كلمه اسمها (( وين اودي وجهي من الناس )) << طبعا هذي في الطامه الكبرى تنقال مثلا البنت غلطت ولا صارت حامل ولا .. الخ

وانا اقولهم وين تودين وجهك من ربك مو من الناس

ياشيخ العادات حلو الواحد يتذكرها بس تسير حياته لا

ولا البلا والفضيحه لما يعرف اسم العروسه تدري يكتب بالبطاقه الزواجات كريمه فلان << والرسول اوجب تعيين اسم البنت حتى يعرفون الناس << صارت العادات تقدم على الدين للاسف

تحياتي

رقي الحرف ©؛°¨غرامي فضي¨°؛©

اعذروني بدخل كذا بدون ما اطرح شماغي

حياك الله خذ راحتك اهم شي تكون مرتاح ومبسوط




عادات وتقاليد
كل الشعوب لها عدات وتقاليد




سبب نسبة الطلاق ( عادات وتقاليد)
تبريرات السبب الجهل وعدم التوعية
السبب ألامبالاة والبعد عن الله
اسباب كثيرة ولكن ليست جميعها بسبب العادات والتقاليد


اللي يختار الزوجه امك ولا اختك والسبب( عادات وتقاليد)
بامكان الشاب يختار ويقول اخطبوا لي بنت فلان
ولكن انت تعلم ان ديننا يحرم الاختلاط والتعارف
ومن هنا الام والاخت هن ادرى بالفتيات
والامر الاخر من يخطب هي الام وهل هناك شخص اخر يخاف على الشاب
غير امة او اختة ويبحث عن مصلحتة وسعادتة


واللي يكلمها ويوصل لها رغباتك وامنياتك امك ولا اخوتك والسبب( عادات وتقاليد)
كما قلت هل تريد ان نذهب لبنات الناس ونخطبهن
هذا زواج وليس عزيمة الامر فية امور اجتماعية لها قيمة
لابد ان نحترم الفتاة واهلها وهل نكون يدون قيم ومبادئ
ونذهب وناخذ راي الفتاة في الزواج


واللي يخطبها لك بعد من امها امك ولا اختك والسبب( عادات وتقاليد)

هناك من يخطب من ابوها الامر ليس إلا بداية ومن خلال الام او الاخت
وهنا نجد ان النساء هن لهن الراي الاول
هناك من يخطب من والدها قبل ماتعلم والدتها
اهم شي انة يبحث عن زواج وستر


واللي يكون معك في الشوفه الشرعيه امك وامها ( والسبب عادات وتقاليد ) يعنى لو جلستوا بروحكم

بياكلها الرجال ولا احم احم مفهمومه

هي شوفة شرعية وليست جلسة وسهرة صباحية
يعني امها او امك او اخوها او ابوها الامر شوفة
وتكون لدقائق والفتاة تكون في وضعية خجل وحياء
ولا تبي سوالف وحكاوي وضحك
احترام المكان والغرض والحدث مهم ويعطي انطباع عن الظرف الاخر


ومن الهباله تلاقيه اخته لمدة اسبوع وامه هم كل شي بحياته ومايدري وش مخبيله القدر

مافهمت هذا السطر ؟؟؟

والسبب ( عادات وتقاليد)

وبند خل النار ( والسبب عادات وتقاليد)

يعني لو تركت العادات تدخل الجنة؟؟

ومارح نشم ريحة الجنه والسبب (عادات وتقاليد )

لاجنة ولانار ؟؟؟؟؟

ونشوف حنى الصح والعالم كله غلط والسبب( عادات وتقاليد)

ياليت تضرب مثال هنا حتى افهم قصدك ؟؟

وفيه ناس للحين ماشف صدر زوجته او شاف اجمل لحضات المتعه الجنسيه معاها لانها تستحي

والسبب (عادات وتقاليد)
اية هيييييييين لا اعتقد فية ناس لحد الان بهذة العقلية
حتى اهل البادية تجد عندهم قنوات

وانا واخويا على ولد عمي وانا وولد عمي على الغريب ( والسبب عادات وتقاليد)

شي طبيعي هل تفزع مع الغريب ضد اخوك او ولد عمك
هنا الامر يكون للدين فالظالم لا نفزع معة بقدر ان نعطي المظلوم حقة
اي كلمة الحق لابد نقولها بعيدآ عن عادات وتقاليد وصلة قرابة وعصبية قبلية


الى الان لاحظو ماشفت بدل عادات وتقاليد شريعه واسلام
الشريعة الاسلامية بالاول كمنهج ولكن هناك عادات تكون ضد الشريعة
ولكن ليس جميع العادات ضد الاسلام
وهناك عادات تكون مع الشريعة بل اغلب العادات

واول مانسافر للخارج اللي يفتح طاولات على البست حنى( والسبب عادات وتقاليد)
السبب ضعف الوازع الديني
وهل العادات قالت افتحوا طاولات
العادات بداخلها الحياء والقيم والدين وتدعو الى ذلك

واللي ينقط على الراقصات حنى والسبب (عادات وتقاليد )
هنا قمة التخلف وانعدام للدين
العادات تدعو لعكس ذلك وتنبذ كل فعل هكذا وتحاربة

وابن امه اللي يتحرش ببنت خارج المملكه ولا خارج وطنه اي كان السايح الخليجي لان هناك سجن 40 سنه


واذا رحمه القاضي طقه 20 سنه


ليش.



يقول القاضي ( عادات وتقاليد )

يعني لو العادات لم تتواجد ولم تكن واقع لن نجد كل ذلك ؟؟


























ام ام العادات والتقاليد اللي ما انزل الله بها من سلطان ماهي الا اسماء سميتومها وانتم وابائكم

هناك عادات لازالت متواجدة وتعطي عدم توعية وجهل
ولكن ليس كل العادات فالايجابيات في العادات والتقاليد اكثر من سلبياتها
ولكن هناك من يطبقها بشكل سلبي وعكسي























وانتم اللي خلاكم تردون عليه عادات وتقاليد

عادات وتقاليد منتدياتية هل توافق عليها او ترفضها
وانت من طرح هذا الموضوع هل تريد ردود او لا
هنا المهم بعيدآ عن العادات والتقاليد
شاكر لك
يعطيك العافية

رقي الحرف ©؛°¨غرامي فضي¨°؛©

يقولون انو نلبس الساتر عشان الناس بس عشان ما تتكلم ونسوا شي اسمه دين وربي
اختي
طيب هنا الامر يكون مع الدين
يعني لغة رفض وهذا مايقولة الدين
والامر الاخر
لماذا نلبس ؟؟؟

نـوف الحربي ©؛°¨غرامي مشارك¨°؛©

بعض العادات والتقاليد مخالفه للشرعيه والحمدلله في جيلنا بدأت تفقد سلطتها بسبب العلم .

عادة المرأه اللي تتغطى عن زوجها تلاشت ولاهي موجوده الا عند كبار السن فقط .!!

ونسبة الطلاق ممكن يكون الزوج ماهو قد المسؤؤليه وممكن تكون الزوجه ..ولااعتقد للعادات والتقاليد أثر فيها

واكبر دليل زمان جدي وجدك كان الطلاق منتشر مثل اللحين..!!!

شئنا ام أبينا للعادات والتقاليد اللي ماتمس عقيدتنا سلطه واللي يخرج عنها يصير منبوذ في نظر افراد مجتمعه

اما مسألة الدين والعادات صار الكل يعرف الفرق بينهم انتهى زمن الجهل في الدين .....!!

والحلال بين والحرام بين ...!!




مايهاب القصيد
موضوع مهم ويستحق النقاش
شكرا لك

احبك اكيد ©؛°¨غرامي متألق ¨°؛©

شكرا لك بس احس انك مبالغ كثيييييييييييييييييييييييييييييييييير في الموضوع انا اشوف الحين المجتمع بدا يتطور ويغير بعض المفاهيم

** ماشغلني غيييرك ** ©؛°¨غرامي مجتهد¨°؛©

العادات والتقاليد مو كلها مخالفه لشريعه
بل اكثرها جاءت من الدين
والعادات المخالفه للشريعه الحمد لله بداءت تتلاشى
ولله الحمد

يعطيك العافيه
ومشكور...

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1