منتديات غرام روايات غرام قصص - قصيرة قصتي (( انســــاك كلمة مالها أية وجود بمرجعي ))
اماراتية حشيمة ©؛°¨غرامي متألق ¨°؛©

السلام عليكم ورحمة الله وبركاتة :

حبيت انزل قصة (( انســــاك كلمة مالها أية وجود بمرجعي )) في هالمنتدى ..

و اتمنى اني القى الإقبال عليها .. و انها تعيبكم في نفس الوقت ..

يالله ما بطول عليكم و بنزل لكم الجزء الأول ..

انساك.. كلمه مالها اية وجود بمرجعي..

الجزء الأول :

عائلة عبدالله سعيد( ابوسعيد )
ابو سعيد
ام سعيد
سعيد (24 سنه )
سلامه ( 20 سنه )
عفاري ( 17 سنه )
احمد ( 10 سنوات )
حصه ( 3 سنين )



عائلة راشد سعيد ( ابو حمدان )


حمدان (22 سنه )
عنود ( 17 سنه )
فهد ( 13 سنه )



عائلة خليفه سيف(ابو مريوم )
مريوم ( 18 سنه )
سالم (12 سنه)


عائلة علي سيف ( ابو محمد )

محمد ( 24 سنه)
راشد ( 19 سنه )
ميثوه ( 17 سنه )
ناصر ( 12 سنه )





الشخصيات


عبدالله سعيد ( ابو سعيد ) و راشد سعيد ( ابو حمدان ) يستوون اخوان

عائلة خليفه سيف (ابو مريوم ) و عائلة علي سيف ( ابو محمد ) يستوون اخوان
و ام سعيد و ام مريوم يستون خوات

---------------------------------------------------------------
ام سعيد : عفاري عفاري تعالي وينج ؟ ما تسمعيني ازقرج
عفاري : هاها امايه
( وتطلع عفاري من حجرتها و تنزل تحت الصاله اتشوف امها شو تبا منها)
عفاري : ها امايه بلاج اتصارخين
ام سعيد : اعنبوه سنه لين ما اتوايبين عليه .. تعالي تلفون حقج
عفاري : سوووووري امايه كنت عالنت
( وتاخذ عفاري السماعه و اتروح بعيد عن امها )
عفاري : هلاوالله عاش من سمع هالصوت
مريوم : اهلين شحالج ؟
عفاري : والله تمام و انتي شحالج ؟
مريوم : يسرج الحال
عفاري : وينج البارحه اتصل بيتكم محد يرد
مريوم : هي كنت بيت قوم عمي اذاكر ويا ميثوه
عفاري : هي .. انزين اقولج متى بتوون دبي تولهت عليج
مريوم : ان شاالله باجر
عفاري : هي زين عيل انا الحين بخليج يالسه عالنت و مخليتنه مفتوح
مريوم : اوكي خلاص عيل في داعة الله
عفاري : باي
مريوم : باي
وسكرت عنها و راحت عفاري حجرتها .. و شافت شئ ما توقعت انها اتشوفه
عفاري ( معصبه ) : حصيص الله يغربل بليسج شو اتسويين
( عفاري كانت واصله حدها من اختها الصغيره حصه اللي كانت اتعابل بالكمبيوتر و كانت مبطله فيشت النت .. حليلها ياهل و ما اتعرف شو هالأشياء )
حصوه : عفاالي اثثو فيج
عفاري بعصبيه : لا عيوني ما فيني شئ .. على كل اللي سويتيه و تقولين لي شو فيج يله برع برع
حصوه ( وبدت اتصيح ) : مامااااا ماماااا ثوفي عفاالي
و اتروح عفاري و اتيودها من ايدها و اتطلعها برع الحجره و اتسكر الباب

في بيت ابو مريوم :
مريوم يالسه في الصاله ويا امها و اخوها سالم :
مريوم : امايه باجر بنسير بيت قوم خالوه ام سعيد
ام مريوم : هي ترانا من زمان انعدي بهم .. خلينا انسير انسلم عليهم و انرد
مريوم : اهاا لانه عفاري توها كانت اترمسني و تنشدني اذا بنيهم و لالا
سالم : امايه انا بسير وياكم احمد ولد خالوه قايللي انه شاري اشرطه play station يديده
مريوم : و انته و حمود ما عندكم شغله غير هالــplay station
ام مريوم : يا بنتي برايهم خليهم يستانسون .. تراج سايره لعفاري وخليه يسير لخوها يلعب معاه
مريوم : اووووه كيفج وياه انا بسير ارقد الحين
ام مريوم : هي سيري و انته وراك مدرسه بعد يله سر ارقد
سالم : امايه انا باجر مب ساير المدرسه
ام مريوم : ويديده و ليش عاد ؟؟
سالم : امايه حمود و لد خالوه يوم يبا يغيب الاّ انا
مريوم : احمد اصغر عنك اهو صف رابع ابتدائي و انته سادس شو وداك له هو ابرايه يغيب
ام مريوم : انتي مالج خص سيري ارقدي انتي وياه و غياب مب غايب ولا والله بخبر ابوك عليك
سالم : افففففف انزين بسير
وكل واحد منهم راح حجرته يرقد
يالسه في حجرتها اتفكر تزقر بنت عمها اتفهمها كم من مسأله في الرياضيات مب فاهمتنهم .. كانت ميثوه وايد و يا مريوم بنت عمها يمكن لانهم في نفس الصف .. و مريوم دايما تيي بيت قوم ميثوه لانه بيت عمها .. وفجاءه حد دق عليها الباب و قطع حبل افكارها :-
ميثوه : امنوه
راشد : ممكن ادخل ؟
ميثوه : تعال راشد حياك
كان راشد اخو ميثوه العود اكبر منها بسنتين وكانت وايد جريبه منه:-
راشد : شو تسويين ؟
ميثوه : ماشئ
راشد : انزين ياي اوصل لج سلام من محمد اخويه
ميثوه : فديته محمد شحاله ؟
راشد : يسرج حاله
ميثوه : وشو الدراسه وياه و شو اخبار بريطانيا
راشد : والله يقول اممشي .. واسبوع و بيرد البلاد
ميثوه : قول والله احلف انته بس .. فديته متولهه عليه مووووووت
راشد : انزين انا بسير الحين
ميثوه : هي و انا برقد وراي مدرسه باجر
وطلع راشد من عند اخته ساير يرقد وراه كليه باجر

وبيت قوم ام سعيد الساعه 7: 30 الصبح

عفاري : امايه انا سايره تامريني بشئ ؟
ام سعيد : لا في داعة الله
عفاري : سلامي يله بسج اكل خلينا انروح
سلامي : انزين يله
عفاري : امايه وين حمود
ام سعيد : يقول تعبان ما بيسير
سلامي : امايه انتي وايد امبزيتنه دووم يغيب
ام سعيد : خلنه على راحته ما ابا اغصبه على شئ
سلامي : انزين مع السلامه
و تطلع سلامي و عفاري مع بعض كل وحده رايحه لدوامها .. سلامي رايحه الكليه اما عفاري رايحه المدرسه اللي هي آخر سنه لها

في المدرسه ( العين ) :
ميثوه و مريوم في نفس الصف وييلسن عدال بعض في الصف و هن كانن بعد ثنويه عامه :
ميثوه : اففف ملل هالحصه
مريوم : هي الحين قولي ملل و باجر اتصلي لي و قولي لي تعالي بيتنا فهميني
ميثوه : مريوم جد عن السخافه
مريوم : اسكتي الله يخليج ابا افهم
ميثوه : اسميه عله هالرياضيات
ابلة الرياضيات : ميسا و ميريم .. ايش فيكنن تيتكلمين اسكتن خلني اشرح الدرس كويس
مريوم و ميثوه : ان شالله ابله
( ويدق الجرس و يطلعن البنات للفسحه )
ميثوه : مريوم تعالي اليوم بيتنا .. ابغيج اتفهميني رياضيات
مريوم : لا عيوني انا بسير دبي اليوم عند عفاري
ميثوه : هي .. عفاري ودي اشوفها من زمان مب شايفتنها حليلها
مريوم : ما عليج انا باجر الصبح بييج و بفهمج و بحاول اييب صورة عفاري
ميثوه : اوكي خلاص خلينا انسير الصف
مريوم: يله


في بيت ابو محمد ( الظهر ) :
كانت العايله كلها متيمعه عالغدا و كانوا وايد مفتقدين محمد اللي كان مسافر بعثه يدرس فيها في بريطانيا من 4 سنين :-
ابو محمد : ها راشد رمست خوك ؟؟؟
راشد : هي بويه و يسلم عليكم كلكم
ام محمد : وايه فديته والله اني متولهه عليه فديته
ميثوه : ما عليج امايه ما بقى قد اللي راح
ناصر : هي بويه انا بعد يوم بخلص بسافر برا ادرس شرات محمد
راشد : انته خلص ابتدائي اول .. توك سادس عقب فكر في الدراسه برا
ميثوه : هي والله
ام محمد : فديتك ما فينا لا تروح يسد خوك ساير من 4 سنين و تيي انته لالا ما نصبر عليك انته خص آخر العنقود
ميثوه : راشد شوف امك ادلع خوك
راشد : عادي بس انا غلاتي غير .. ما تظهرها تخاف يحسدوني كثر ما انا غالي
ميثوه : حليلك راشد مصدق عمرك
و تمو يسولفون بسوالفهم اللي ما تخلص

كانت يالسه اتعابل في المطبخ تطبخ حق مريوم .. و كانت مستانسه انها بتشوفها :
عفاري : افففففف حرقت لي صبوعي هالكيكه
ام سعيد : محد طلب منج
عفاري : لا امايه مريوم تيي ولا اسوي لها شئ ما يستوي
ويدخل عليهم سالم :
سالم : خالوه انا ييت
عفاري : هلا والله سلوم شحالك ؟
سالم : ايه شو سلوم ؟
عفاري : هههههههاااي
ام سعيد : هلا ولديه شحالك ؟
سالم : بخير .. امايه و مريوم يدورونكم
عفاري : انا بسير لهم
وراحت عفاري الصاله عند مريوم و امها
عفاري : هلا مرااايم شحالج
مريوم : يسرج الحال انتي علومج ؟؟
عفاري : والله طيبه .. شحالج خالوه ؟
ام مريوم : الحمدالله
عفاري : وينكم شو هالقطاعه ؟
ام مريوم : و الله يابنتي مشاغل الدنيا ما تخلص
عفاري : هي والله خالوه
ام مريوم : وين امج ؟
عفاري : هاكي يايه ورايه
ويت ام عفاري و تمو يسولفون الحريم .. اما عفاري و مريوم راحن حجرة عفاري يسولفن
في حجرة عفاري :
مريوم : ميثوه اتسلم عليج واااااااااايد وايد وودها اتشوفج
عفاري : هي حليلها من زمان مب شايفينهم اظني من سافر محمد خوهم
مريوم : بل عليج 4 سنين ليييش ؟
عفاري : ما ادري والله هم ما يقربولي وايد .. من بعيد يعني مافي داعي دايما اسير لهم
مريوم : و امج ما اتسير لهم ؟
عفاري : امبلى امي تسير بس يوم تروح انا يكون شئ وراي يا امتحان او متواعده ويا ربيعاتي
مريوم : اهاا .. شو رايج اتروحين وياي اليوم و تردين يوم الجمعه منها تطلعين من البيت ومنها اتشوفين ميثوه و اتشوفج
عفاري : لا وراي اشياء واايد .. المس طالبه من بحث و عليه امتحانين لا يا بوج ما اروم
مريوم : حرام عشان خاطري و لا مالي خاطر عندج
عفاري : لا والله بس مشغوله بس اوعدج اول ما افضى بيي بيتكم
مريوم : اوكي .. ما راويتيني الصور اللي تصورتيها من اسبوع
عفاري : هي حلوات طلعن .. لحظه بييبهن
مريوم : يله بسررعه
عفاري : هاج يودي
مريوم : ياااااااي جنان و الله ما اصدق انها انتي
عفاري : شو قصدج
مريوم : ههههههههااااااي اقول ها العوده حلوه بشلها
عفاري : لالا اباها
مريوم : يله عاد باخذها
عفاري : انزين بعطيج بس خذي هاي الصورة الشخصيه الصغيره
مريوم : لالا ما ابا هاي .. العوده اللي تبينين فيها كامله برويها ميثوه
عفاري : انزين بس ياويلج اذا راويتي حد غيرها
مريوم : اوكي
ومر الوقت عند البنات و صارت الساعه 9 و تعشو وردو العين و قبل ما يسيرون :
مريوم : يلا باي عفاري
عفاري : مع السلامه ما اوصيج لا تراويين حد
مريوم : افاا عليج اعتمدي
عفاري : باي خالوه باي سلوم
سالم : سالم لو سمحتي
عفاري : ههههههههه سلوم على كيفي
وراحو مريوم و اهلها العين
متملله واااااااايد و شكلها واصله حدها .. تتصل حق بنت عمها مريوم بس محد يرد .. معقوله للحين عند عفاري .. بس ميثوه رددت تتصل بس هالمره حد رد عليها :
ابومريوم : الوو
ميثوه : الو هلا عمي شحالك ؟
ابو مريوم : هلا والله ميثانه .. بخير ربي يسلمج شحالج انتي ؟
ميثوه : الحمدالله .. عمي وين مريوم
ابومريوم : ما ردت من عند خالتها
ميثوه : هي قولها اني اتصلت و ابغيها ضروري
ابو مريوم : ان شالله بنتي
وسكرت ميثوه عن عمها و راحت الصاله و لقت ناصر اخوها يجلب هالقنوات .. كانت ادور راشد
اللي كان الوحيد اللي فاهمنها في هالدنيا و يوم اتمل اتسير له
ميثوه : ناصر وين قوم امي و راشد
ناصر : امايه سارت عند يارتنا ام سعود و بويه في الميلس وراشد اظني في حجرته يذاكر
ميثوه : خل اتصل به اشوفه وين
وتتصل به :
راشد : الوو
ميثوه : الو راشد وينك اباك ؟
راشد : هني في حجرتيه
ميثوه : اوكي يايتنك
راشد : اترياج
ميثوه : اوكي
وسارت صوب حجرته ودقت الباب و دشت :
ميثوه تحضن راشد و اتحبه
راشد كان خبال كان توه متسبح و تم يذاكر .. كان خبال شعره طويل شوي .. وقصته مبلله على عيونه ..
راشد : هلا والله وينج مب شايفنج اليوم
ميثوه : متملله من مريوم
راشد : مريوم هههههههههههاااي حليلها بلاها ؟
ميثوه : قاهرتني سايره دبي عند عفاري بنت خالتها و انا متملله بدونها
راشد : ما عليه خل تييج باجر
ميثوه : انزين هي قالت لي جي
راشد : خلاص عيل ما في داعي الحلو يتضايج
ميثوه : اونك عاد انزين شخبارك بعد ؟
وتمو يسولفون سوالف عاديه و يمر الوقت بدون ما يحسون به

يالسه في حجرتها اتذاكر من بعد ما راحت عنها مريوم .. اللي يتها و ما خلتها اتسوي شئ الا يالسه و اتقرقر عليها من سوالفها اللي ما تخلص
بس حد دق عليها الباب :
عفاري : منو؟؟
:......... (محد رد عليها )
عفاري : منو ؟؟ حمود لا تستهبل ( بس بعد محد رد )
وراحت و فتحت الباب و شافت حصوه اختها الصغيره شاله و ياها ورده و منزله راسها .. بس عفاري كانت بعدها متضايجه منها من سالفة امس :
عفاري : نعم شو تبغين ؟
حصوه : عفالي ثوووووري ( سووري ) والله ثوولي ما اثوي مله ثانيه
عفاري اتسير و تحضن حصوه و اتبوسها : فديتج والله بس ما تسوينها مره ثانيه
حصوه : هي ما اثوي موووول
عفاري : فديتج
حصوه : انتي ما ذعلانه
عفاري : لا مب زعلانه
حصوه : انذيين هاذي ولده ( ورده ) حقج قثيتها ( قصيتها ) من الحديقه برع
عفاري : شكرا حياتي
حصوه :عفوا ( وركضت راحت برع الحجره )
عفاري وااايد استانست من اختها لانها عرفت اتصلح خطأها



انتظروا الحلقه اليايه و احداث يديده ..


تحيــــــــــــــ اماراتية حشيمة ــــــــــــاتي

++ بوراشد++ ©؛°¨غرامي جديد¨°؛©

تسلمين على القصة الروعة

ودمتي بخير

..ღ Yaadein ღ.. ¤* LΦvẼĺỷ Ặйgέĺ *¤

تسلمين حبيبتي
و الله يعطيكي العافية


وتقبلي مني كل الود

للبوح حكايه~ ©؛°¨غرامي متألق ¨°؛©

يسلمواااااااااا ياقمر على هالقصه شكلها مرررره حلوه انتظر الجزء الجاي
دمتم بود

اماراتية حشيمة ©؛°¨غرامي متألق ¨°؛©

تسلموووووووون على المرور و المشاركه ..



الجزء الثاني :

في بيت قوم مريوم :
دخلت مريم وامها و سالم ولقوا ابو مريوم يالس في الصاله يتابع الأخبار :
مريوم : السلام عليكم
ابومريوم : وعليكم السلام زين ييتوا
ام مريوم: والله هم حلفوا علينا الا نتعشى عندهم و نحن ما بغينا نردهم و الله
سالم : بويه لعبت ويا حمود
ابومريوم : هي زين استانست عيل
مريوم : انا بسير ارتاح في حجرتي
ابو مريوم : هي نسيت تراها بنت عمج ميثوه اتصلت بج تباج اتقول ضروري
مريوم : انزين بتصل بها
ام مريوم : وشو هالضروري اللي ما ايي الا نص الليل
مريوم : امايه ما عليج من ميثوه كل شئ ضروري عندها
وراحت مريم عنهم تتصل بميثوه اتشوف بلاها و شو تبا منها
دخلت مريوم حجرتها و عقت عباتها و شيلتها و بدلت و راحت تتصل بميثوه :
مريوم : الوو
راشد: الو هلا مريوم
مريوم : هلا راشد شحالك ؟؟
راشد : بخير ربي يعافيج وين كنتي تهومين
مريوم : ههههههههههه وين اهوم كنت عند عفاري
راشد : أي عفاري بنت خالتج ؟
مريوم : هي منو غيرها
راشد : من زمان مب شايفنها من يوم سافر محمد اخويه اكيييد تغيرت احيدها ياهل و حشرره
مريوم : وييييييه خبرك عتيج الحين اونها كبرت و يوم حد اييهم لازم تطبخ لهم شئ
راشد : هي هاي البنت الرزينه مب شراتج اللهم عافنا
مريوم : اشقصدك حبيبي
راشد : اولا انا مب حبيبج و لا اتنزل اكون حبيبج و ثانيا اقصد هبلج هذا يوزي عنه
مريوم : جب جب والله متفيج
راشد : ههههههههااااي اونها زعلت
مريوم : ما زعلت لاني ما اتنزل ازعل عمري عشانك يله يله عطني ميثوه
راشد : اوكي دقايق
راح راشد زقر ميثوه عشان اتكلم مريوم

ميثوه : هلا مراايم
مريوم : هلا اففففف يا ملاقة اخوج
ميثوه : فديته خويه ما يظايج حد
مريوم : اونج انزين شبغيتي مني
ميثوه : ولا شي بس كنت ابا اسولف وياج و آخد اخبار عفاري
مريوم : بس هذا !! و ابويه ماكل الدنيا يقول تبغيج ضروري
ميثوه : ههههههه وحليله عمي ما كنت ادري انه بياخذ بكلامي
مريوم : انزين .. يبت صورة عفاري اقولج اتينن صوره يديده متصورتنها من اسبوع
ميثوه : والله خاطري اشوفها
مريوم : خلاص باجر بيي عندج
و سكرت عنها بعد السوالف و كل وحده راحت ترقد على اساس يتلاقون باجر

في بيت عفاري : الساعه 11:30
عفاري راقده في سابع نومه و بعد ما شبعت نوم قامت نزلت تحت و مالقت حد في البيت , سلامي اختها راحت تتشرى اغراض من برجمان و امها و احمد اخوها رايحيين عند يرانهم و ابوها ساير العزبه عند البوش

عفاري ما عرفت شو اتسوي فكرت تتصل ببنت عمها عنود اللي وياها في الصف و اتصلت ورد عليها اخو عنود حمدان العود :
حمدان : هلا والله
عفاري : اهلين شحالك ؟
حمدان : ممشي حالي
عفاري : زين وين عنود
حمدان : راقده
عفاري : بل بل وعها بسها رقااد
حمدان : و انتي شو حارنج ..برايها مات يخصني خل امي يوم تيي توعيها انا ساير عند الربع
عفاري : هي .. و عموه وين سايره
حمدان : سايره صوب وحده من ربعها وياها فهود
عفاري : اهاا يعني محد في البيت غيرك انته و عنودي
حمدان : هي و انا ساير الحين و بتم بروحها يعني
عفاري : هي يعني ابند عنك انا ؟!
حمدان : هههههه افهميها مثل ما تبين
عفاري : انا بخليك الحين
حمدان : باي

وسكرت عفاري عنه وراحت تفتح النت شوي يمكن تلقى وحده من ربيعاتها تتسلى معاها عالمسنجر


مريوم ناشه من الصبح الساعه 9 نشت و راحت اتبدل و اتطلع كتاب الرياضيات لانها مانت سايره عند ميثوه مثل ما وعدتها بس قبل ما اتروح حبت انها اتخبر امها قبل لا تسير:
مريوم : سلوم وين امايه ؟
سالم : امايه ما ادريبها
مريوم : عافانا الله انت عن شو تدري
سالم : بلاج عليه خليني العب سيري لاه
مريوم : مالت عليك انته ويه حد يرمسك خلك ويا هالـlay station
راحت مريوم ادور امها لان سالم اخوها مامنه فايده ينسى اللي حواليه من يمسك
هالـplay station

دقت باب الحجره و دخلت :
ام مريوم : اووه مريوم ناشه من الصبح شطاري عليج
مريوم : ههههههههه امايه لاني بسير عند ميثوه
( وتروح و تسلم على امها و اتحبها على راسها (
مريوم : امايه شو هباتج اليوم ؟
ام مريوم : الحمدالله
مريوم : وليش يالسه بروحج ؟
ام مريوم : ابوج ساير المزرعه و اخوج مب متفيج لحد دام هاللعبه عنده
مريوم: انزين امايه انا بسير عند ميثوه و يمكن ما ارد لين المغرب
ام مريوم : انزين براحتج
مريوم : انزين في داعة الله امايه
مريوم راحت صوب بنت عمها اللي تترياها بفارغ الصبر بس عشان اتشوف عفاري اللي ما شافتها من سنين

نشت من الصبح بس ما لقت حد في البيت موول البيت فاضي و شافت الساعه كانت وحده الظهر استغربت انه محد وعاها بس عقب اتذكرت انه انه محد في البييت و انه حمدان اخوها ماييلس في البيت .. عنود انسانه طبيعيه في تصرفاتها و اللي في قلبها على لسانها .. و كانت صادقه في مشاعرها تجاه الكل ( ابوها كان متوفي من 3 سنين لانه كان مريض بالقلب (

فكرت تتصل ببنت عمها ما كلمتها من امس :
عنود : الوو
سعيد : الوو
عنود كانت وايد اتحب سعيد اخو عفاري العود من يوم هم صغار :
عنود : هلا والله سعيد شحالك ؟
سعيد ( وبكل ثقه ): هلا والله عنودي يسرج حالي .. انتي شحالج وشو العلوم ؟
عنود: بخير ربي يسلمك
سعيد : ها تبين عفاري
عنود: هي اذا ممكن
سعيد : امممممممممم لا مب ممكن
عنود : اووه سعودي عن الطفاسه ( و كانت اول مره تنطف بهالأسم (
سعيد : اووه اطورنا قمتي ادلعيني
عنود : سعيد عن المصاخه
سعيد : اوكي بعطيج عفاري بس بشرط
عنود : اوكي شو شرطك
سعيد : ردي قولي لي سعودي
عنود : لالا ما بقول اصلا انا روحي ما اعرف كيف طلعت من حلجي
سعيد : عيل ما بعطيج عفاري
عنود : اوهو انزين ( وبسوط منخفض ( سعوودي
سعيد : آه آه يا حلاتها من حلجج
عنود ( و هي مستحيه ) : سعيد بس عاد
سعيد : دقايق عنودي
وراح وزقر عفاري و تمت تكلم بنت عمها و اتسولف معاها عن المدرسه

دخل الصاله مكييف عالآخر ما يدري من شوه بس حاس عمره مستانس وايد و حب يفرح اخته وياه و سأل امه عنها :
راشد : امايه وين ميثوه
ام محمد : في حجرتها عندها مريوم
راشد : اوه مريوم عندنا خل اسير العوزهن
ام محمد : يا حبك للمغايظ
وراح حجرة ميثوه عشان يلعوز مريوم .. وصل الحجره ودق الباب بس محد رد .. رد دق مره ثانيه يقول يمكن ماسمعو الدق بس بعد محد رد بس عقب طفر و فتح الباب .. مالقى حد في الحجره بس راح صوب الشبريه و فجأه شئ لفت نظره ما قدر ما يبعد عينه عنها و ما حس بعمره الا ماخذنها و طالع


دخلت ام عفاري البيت و لقت عفاري ماسكه التلفون و اتسولف ويا بنت عمها و قالت لها تيي تشل عنها حصوه اللي كانت نايمه على ايديها:
عفاري : فديتها ليش رقدت
ام عفاري : ما ادري بها والله تعبانه
عفاري : انزين عنود اتسلم عليج
ام عفاري : الله يسلمها هي اللي كنتي توج تكلمينها
عفاري : هي

راحت عفاري فوق تودي اختها الحجره و ترد حجرتها اتذاكر

دخل حجرته و طلع الصوره من جيبه و تم يطاله فيها فاج حلجه و يتسائل من هالملاك اللي في الصوره .. كا نراشد مصدوم بجمال عفاري البريئ اللي سحره من اول نظره ما كان يعرف شو يسوي يبا الصورة حقه بس تذكر انها مب مالته فسوى لها سكان بالسكانر و شوي و انه حد مكسر عليه الباب:
ميثوه : راشد بطل
راشد : ها ها ( و يفتح الباب (
ميثوه : انت دشيت حجرتنا
راشد ( و هو مرتبك ) : ها اا لاهي .. لالا ما دشيت انا ييت من برع علطول على حجرتي ليييييش ؟
ميثوه : لا في شئ ضايع مني
راشد : يعني انا شو ابغي بأغراضكم
و راحت عنه ميثوه و هي معصبه و ماكانت تدري انه راشد هو اللي شال الصوره وراشد عرف انه اخته ما بترتاح لين ما يرد الصوره .. بعد ما نسخ الصورة و حطها في الدرج و دخل حجرة اخته و مالقاها .. حط الصورة على الشبريه و طلع بس اخته كانت في الصاله يالسه اتصرخ على ناصر اخوه :
راشد : بلاج عليه ؟؟
ميثوه : شال صورة عفاري بنت عبدالله .. كانت في حجرتي
راشد ( منصدم ) : هاااا هاااا هي عفاري هالملاك ؟؟؟؟!!؟


شو تقولون رح يستوي ؟؟ وشو ردت فعل ميثوه و مريوم ؟؟ شو رح اتسوي عفاري لو درت مع انها مأمنه مريوم عالصوره ؟؟ و شو اللي بين عنود و سعيد هل هو الحب حقيقه ؟! و هل من صجه راشد حب عفاري من اول نظره ؟؟ اجوبة هالأسئله كلها في الحلقه اليايه

تحياتي .. اماراتية حشيمة

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1