غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات الأعضاء > سكون الضجيج - مملكة العضو
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-01-2011, 08:37 AM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ


في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-01-2011, 08:43 AM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي رد: في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ


لما يبعد ... في المساطيف المسافر ..

لما يخفيه الضباب ..

لما يرحل ... بالأمل وبفرح باكر ...

لما ينسا لي عذاب ...

هلا ... يا حزن ...

هلا بالصاحب الطيب ...

ابد ... لو تبعد قريب ...

هقيت إنك مع الفرقا ... تبي تنسى حنينك لي ...

هقيت انك بعد مليت ...

من الماضي عذابك لي ...

عسى ما جرحك فرحي ... عسى يا حزن ...

أنا لو خنت في جرحي ...

وضيعني ... الهنا ليله ...

ترى ما في يدي حيله ...

هقيت إني لمحت النور ...

بيمسح دمعي المبهور .. بمنديله ...

سحرني حلو ترتيله ...

لما يسري في الفضا .. نجم السهاد ...

لما يطفيه السحاب ...

لما يملى عمرنا الماضي السواد ...

تصبح البسمه ... صواب ...

هلا بالليل ..

هلا والله ..

يا ضاوي لو أضمك لي ..

على صدري ... وافني فيك أشواقي ..

أماني ...عمري الباقي ...

هلا بالليل ...

حبيبي كسر الفرحة على صخر الجفا الجاير ...

حبيبي حزنه الزاير لياليا ... يحبك ليل ...

يقول ازرع ضنى شوق النوى فيا ...

وأنا في موعد الشكوى ...

أبي شكوى ... أبي دمعة ضنى تسوّى جراح العمر ...

هلا بالليل ... يا ضاوي بالحنين المر ...

هلا ... والله ...

بدر المحسن


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-01-2011, 08:49 AM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي رد: في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ


صعب السؤال .. ليه نفترق !!

صعب السؤال .. وين نلتقي

إنتي الجنوب .. وأنا الشمال ..

وما بيننا .. بحر .. ورمال

لكن نحب .. والله نحب .. وفوق الخيال

.. صعب السؤال

يا اللي اجمل من كلامي عنك وأقرب من سكوتي

آه يا طول المسافة بين احساسي وصوتي

ما هو غريب .. إني أسألك

و إنتي أنا .. كيف أوصلك !!

لا مستحيل .. هذا الرحيل

من يقطع الصمت الطويل

ويــدلنـــي ..

قصيدتي .. وين الحروف .. جف القلم

يا ضايعه .. ببرد الكفوف .. رعشة ألم

قصيدتي .. إلا الندم .. إلا الندم

بتسافرين .. وانتي معي

وبترجعين .. وانتي معي

قصيدتي .. لا تسمعي .. غيري قصيد

يا ساكنة افـ ورق الحشا .. وحبر الوريد

بدر بن عبد المحسن


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-01-2011, 08:52 AM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي رد: في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ



علميني ؟

لاسألني الشوق ويني ؟

تسأليني ‍‍ ؟

أنت وين ؟

واسمعيني ‍ ؟

لاصرخ هالجرح فيني ؟

وأسأليني ؟

يعني وين ؟

يعني وين ؟

يعني وين ؟

في دهاليز التعب

في ممرات الهموم

عند ركنك يالضياع

عند بيتك يالحنين

وتسأليني

يعني وين ؟
للسما للصبح للغيمه وليّه
للهوى للحب لايامي وهمي

للتعب للحزن للأشواق فيّه
للأمل ل النور للدمعه ياعمي

وش تبي أكثر من جروحي هديّه ؟
وش تبي أصدق من الصرخة أب فمي

علّم الطفلة رغد معنى الأسيّه
لانبت هالعشب من دمعات أمي

ماشتهيت الصدق واحلامي غبيّه
لو تسوسن غدر من أغصان دمي

ليلة البارح وكانت سرمديّه
أطلبتني شوق قلت بذوق : سمي

صبت بعيني سهر بنت الخطيّه
آآه ياطول السهر لاجات يمي

ليلة البارح وانا والآآآدميّه
كلنا يشكي واقول الهم همي

ياعزيزي قوم نم ْ

كافي فوق الهم ْ

هم ْ

كافي نقطف من حنين

كافي نسرف

بالأنين

وكل مافينا سأم ْ

كافي تحرث في خيالي

وكافي نبحث

ف الليالي

عن دوى يشفي ألم ْ

خذ تعال الشوق يندهلك

تعال

ولاسألك :

الصبح وافي ؟

قول : لا

ولاسألك :

الليل جافي ؟

قل : نعم

وعلّم الدنيا مراسيم التعب

وعلّم العالم شنو

أصعب صعب ؟

إنتكاس الحب كله للعدم

لملم أشواقك وهات

وإلا تدري

للجهات

أنتثر كلك شتات

ولملم إجراحك

ونم ْ

لحظه وحده

قبل ترحل ؟

ودي أسأل هالسؤال ؟

ركز إحساسك معاي

وحاول إنك

تسمعه

السؤال يقول

تدري ؟

ودي أقلبها خيال

خلني بتبع خيالي

يوم اشوفك

تتبعه
ماأحب اسكن ( سهولي ) والسما تنده تعال
لن أنا أصلا ( نزولي ) ( ماأبالغ ) يرفعه

( طلع الشعر علينا) من ثنيّات ( الجدال )
وآمن الراعي بنايه يوم أيقظ مضجعه

لبّى قلبك ياقصيدي شاعرك ميّل عقال
وعاد لاميّل اعقاله وين منهو يردعه

الأسم واضح ومسقط راس جدّاني لشمال
فاضح ٍ كل الجروووح وماأحب المعمعه

اليقين اللي يشكك فيك تحريمه حلال
اركله من قرية أفكارك لإنه إمّعه

من يقول الشمس أصلا ً مالها أيّة ظلال ؟
ظالم ٍ حظ الكواكب في سفاهه مقنعه

إيه

وش كنّا نسولف ؟

قول

ياإبن الحلال ؟

هو سؤال الله واعلم

هاك مني

واسمعه

والسؤال بكل بساطه

دام طرّيت

السؤال

أنت ضد القلب

والا

يابعد روحي

معه ؟

واتركيني للغياب

واتركيني

بلا أمل

واتركي بي طفل شاب

شاب صبره

واندمل

تاه يبحث في فيافي الشوق

عن صبحه وهمسه

تاه يبحث عن حنان

عن أمان

عن هوى مسكون أمسه

كان بالإمكان

لمسه ا

أففف هَم ْ

ياخي

أف هم
والله إني جيت أطهر من ينابيع النقاء
والله إني جيت أصدق من دموعك ياليتيم

آه ياربي يارب الأرض هذي والسماء تغفر
أخطائي وزلاتي وترحم يارحيم

كنت مثل الطفل أحلم في زمن كله صفااء
وكنت ابني الحلم هذا من ( جزيئات ) النسيم

لين ماطاح الصباح ودمعتي وآخر لقاء
لين مايّبست اعروق وسال ملح وجف غيم

الهوى ماعاد ابيه ولايشرفني إنتماء دام
( إذلال ) الرجولة من ورى ( ضحك ) الحريم

أنت تسأل كيف حالي ؟ مزري وكلي استياء
من سخافات الزمان ومن سماجات النديم

لا ياقلبي عاد صحصح طير لعيون السماء
عيش باحضان السحابة وارسم الاحساس غيم

جبتها لك م الأخير

يا تسلمني ( حياتك )

والا باخذها

واطيرر
عقبك غدت كل الليالي حزينه
ومافيه عقبك من يسد بمكانك

روحي غدت للياس منّك رهينه
وخان الزمن فيني وخانك زمانك

مثل الغريق اللي يتحرا سفينه
ظليت انا اتحرى يجيني حنانك

شاعرك ياخلي تفجّر حنينه
لاجلك وكل الليل يسهر عشانك

ماغير اقلّب ذكريات ٍ دفينه
يوم الهوى عايش بدنيا جنانك

انا باقي

أسولف للمطر عنّك

ولكنّك

ولااعبرت أشواقي
!!


بركات الشمري


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-01-2011, 07:24 AM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي رد: في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-01-2011, 03:53 PM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي رد: في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ


مساءٍ يذكرك بالخير

مساء الغبطْ بعيونك

مساءٍ خضّب أيامك

سعادة عمر بأوقاتك!

بوقتٍ أنهك أنفاسي

سنيني وحبر قرطاسي

مساء قلبك...تراتيلك

ضميرك .. كثرة ذنوبه

هنا ترقص خفايا روحك بغدرك

* * *

مساءٍ يحرق أنفاسي ملام وابدا أترجاك

مساءٍ يشعلك صخب الليال الضيق ناداني

بدا فيني صدى هم الألم للفرْح جا حيّاك

مثل مالاق بي همّي ..كأنه حبر عنواني

تبعثرني خيالات المطر تشتاقلك تهواك!!

كذا ديمومة الوجه الغرير بحزْن تبْغاني

هنا ميلادي وموتي

أغانينا..حكاوينا

هنا شربي .. هنا قوتي

هنا لاطوّل سكوتك

أدغدغ سمعك بصوتي

وأتوه

يصغي لك سكوتي
هنا يتنفسك شوقي.. هنا تحنانك وأحلاك
هنا لامن طروا بعضك أضيّع عمر وانساني

هنا أرسم جفا جرحي "معالم" قلت:أنا أهواك
و(ليله كانت الفرقا)..تشتت كل ألحاني

هنا تشرب دفا حلمي.. ودربٍ جابني دنياك
خطاوي ما لها آخر تشتت خضر أغصاني

وألعابي القديمه (يوه) واشعاري جريئه هناك
وفوضى .. تعتري كلّي من أقصاني لأقصاني
أنا اللي تهت بأسبابي .. أفتّش فرحتي بدنياك

وانحت في بزوغ الفجر..(لوحة).. سيد خلّاني
وش أحكي للفضول ان جا يدوّر رد .. ما يلقاك؟

إلا منّه بكى بعدك..قصيدي .. علبة ألواني؟
لحد ألحين ترضاني .. أكمّل رحلتي ويّاك؟؟

تحكّى .. ملّني صمتك .. لحد ألحين ترضاني؟
تصدق والمساء جاب الحنين بقصتي لخْطاك

دموعي ..حزني وصمتي .. يثيروا جو أشجاني
أنا في ذا الركن مليت فجأة..ملّني الشبّاك

كذا درجي حضن بعضي و(مكياجي وفستاني)
(وان قيل الهجرْ ظالم صبراً ربما ألقاك

لعلكْ كنت في دربٍ تُزاحمْ عمري الثاني)

مساء أسمر

وليلٍ ساقني لظلمه

وحزن قد لبس ..عظمي

وريدي حظي العاثر

يحفر في حقل النور

سوادٍ ضحكته حزني

عطر السحاب المر

سراب وزخته عمري

وبعيد

ألقى ملامح صورتي العذبه

بعيد هناك ..

مسافاتي بقت كذبه
بلاد النور ملامح لوحةٍ تحكي
فضاءك والغُنا أحلى مسافاتك

تجيك وكلها درب نغم تشكي
لعْل الضيق أبد ما هو نهاياتك

وأنا طفلة وجيتك كنت أبي أبكي
أبسكن وجهتك وأحلى مساءاتك


(أفراح الصالحي)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-01-2011, 03:54 PM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي رد: في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ


ورحت أسأل ..

أفتش عن إجاباتي ..

وبسمة خانت شفاتي ..

سألت النااس ..

واللانااس ..

وردوا ..

بعينهم حسره ..

( غرامك .. راحلٍ بكره )..

وبكره .. هو صحيح انك مسافر؟ .. راحلٍ عني ؟

تبي ترحل وتتركني ؟؟ او انه جابرك وقتك ؟

أنادي وانجرح صوتي .. ترى لازلت تسمعني ؟

صعب يوصل صدى صوتي .. صعب يوصل لطايرتك

تعال .. وقبل لاترحل (( بعد عمري )) .. يجوز اني

أرتب قلبي وضلوعي .. وأحملها في أمتعتك

تبي ترحل؟؟

حبيبي ليش تتغرب؟؟

وماتدري ..

مجرد تخفت أنوارك

ورودي اليانعه تذبل ..

وأتعذب

وأتعذب

وأتعذب

وتكس/رني جراحاتي

وأتمرمر بهالدنيا ..

على ذاك الوجع للصبح ..

حبيبي ..

لازلت تذكر ؟؟

(على ذاك الوجع للصبح )

او ان الغربه نسّتك ؟؟..

ودنيا همها تنهيدة الصحبه

وتكويهم على ماتشتهي هي كي

أبلغي من المعاجم كلمة ( الغربه )

اذا بيدي ومقدوري فعل هالشي

ولكن هالوجع مكتوب ونشربه

ونتجرع مراراته شوي شوي

ومهما غرّبتنا ظروفنا الصعبه

مصير الحي بالدنيا يلاقي الحي

أراااهنهم..

أراااهنهم..

أراااهنهم..

أراهن ..كل من مرّك

صبح غربه

مسا غربه

اراهن..

لو قدر يلهيك عن قلبي

ويستنزف عباراتك..

يبين الصدق في كذبه

بعدها ترد لأحبابك ..

وقلبك منهزم .. مك/سووور

وتطرق بالأسى بابك

بعد غربه تدوم شهور

هلا قلبي وحيابك

هلا بالنور والديجور

رواياتك في دولابك

وتذكر ( سيفك الساطور )؟

هنا لازال .. وألعابك..

حصانك خلف ذاك السور

بأحضاني .. لنسّيك الارق وجراح مأساتك

تعال وارتوي تفداك باقي كل اعوامي

تبختر بين أحشائي بروحاتك وجياتك

تبختر ياسبب فرحي وبسماتي وهندامي

حبيبي مهما تبعدنا مسافاتي / مسافاتك

أظل ..نفس الانا .. نفس الانا .. ما اغترّت ايامي


أفراح الصالحي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 17-02-2011, 07:37 PM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي رد: في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ


رَقَصَات عَلَى إيقَّاعات الْصَّمْت
لـ أَمْسِك بِخَاصِرَة الأبَجَّديّة
خُطْوَة لِـ الْيَمِين تُشْعِل نبْضا فَاتِنًا غَارِقًا بِالنَرجسِيَّة
وَخَطْوُه لِبَاحَة الْصَدْر اكْتَسَت بِصَدَّى عَزْفٍ مُعَطَّر بِالْهِيَام
وَبِكُل خُشُوْع يَنْهَمِر الْنَزْف بِحَنَان يُلَامِس الْخَيَال
بِتَفَاصِيْل ذَات نَبِيّذ مِن جِنَان مِن بَيْن رُفُوْف الْعَاشِقِيْن
فَتَتَرَاقَص الْمِحْبَرَة عَلَى شَهَقَات الْوَرَق ..!
بإيْقَاعَات شَرْقِيّة

فَتَرْتَعِش الْحُرُوْف عَلَى بِسَاط الْغَرَام
لِتَحَتَوِيهَا ابْتِسَامَة بَيْن نَسَائِم الْفَجْر وَخُيُوط الْقَدْر
فَتَتَلَبّس الْحُرُوْف تَاج غُرُوْر تَتَبَاهَى بِه
كَـ فرَاشَة تُقْبَل الْزُهُوْر
وَتَرْتَشِف رَحِيْق الْخَيَال

لـ تَتَعَثَّر تِلْك الابْتِسَامَة بِهَشَيْم وَرَق
يَنْتَظِر وَهَج حُب يُضِيء مُحِيْطَة بِألْوَان الْطَّيْف
لِيُدْخِل الْأمَل فَتَتَشَبث الْمُفْرَدَة بِأَنَامِل الْوَرَق
فَيَغْشَاه عِطْر عَلَى كُفْوَف صَمْت مُنْهَمِر ؟!!

وَتَرْتَوِي الْسُطُوْر مِن فَيْض اشتِيَاق الْقْلَم
فِي صَفْحَةٍ لِموْقِد الْرُوْح
وتَشْتَعِل مَعْزُوْفَات الْبَوْح
لِـ أُنْثَى تَتَجَاذَب أطْرَاف الْحَدِيْث مَع الْجُنُوْن
وَتَقاذَفَهَا الْأمْوَاج مِن ثَوْرَة الْحُب
وَتَصِل بِهَا إلَى جَزِيْرَة لَا يَسْكُنُهَا سِوَى الْخَيَال

فَتَتَدَفَق امَنْيَات صَّعْبَة الْمَنَال مِن بَيْن حُرُوْف الْوَجْد
لـِ تَرتطم أَلْوَان الْنَثْر بِقُوَّه مَع القَدر
وَيُحَدِّث ثُقْبَا بِقَلْب الْوَرَق
وَتَتَسِرّب الْمِحْبَرَة قَطْرَة ،قَطْرَة
وَيُنْهِك الْوَرَق
وآياتَ الشوقِ تَتَبَعْثَر مِن الْوَجَع
فَيَرْتَعِش الْقْلُم
وَيَتَوَقَّف الْنَّزْف بَيْن أَرْوِقَة الْكُتُب ..!!

أبَجَّدية مُبعْثَرة مِن الوَجْع


لملمُوها لِـ تَقْرؤهَا ..!!


عطر وردي ..انفــاس الــــورد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-02-2011, 08:07 PM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي رد: في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ


شِرَق هذا الفراق اللي كِسَرني حزَّة غروبك
________ بغيتك وإستحت عيني من الغلطات صدقني !

كتبتك من قبل لا تجرح الكلمات مكتوبك ..
________ إذا عندك عذر باقي على التقصير إعذرني !!





كثير الهَم متعوِّد علي .. وإنت يا دوبك
________ وكافي الحزن لو عنَّه أغيب أيَّام " يفقدني " !

حبيبي ليه متضايق وعلي متغيِّر إسلوبك ..؟
________ يبيِّن لو سِكت قلبك .., بأنْهَا ضيقتك مني





غيابي كان مو بيدي خذاني الحظ من صوبك !
________ وقلبي هذا هو حظه غريبٍ , من صغر سني ..

أبيك وما أبي غيرك .. وتأكد قلب محبوبك
________ جبره الوقت يتناسى لأجل بالخير تذكرني





إذا ردَّت علي أبقى معاك وثوبي من ثوبك
________ ولكن [ الزمن ] .. لمَّا أقرِّب يبعدك عني !

غصب رايح ولا برجع لأني أبرز عيوبك
________ حرام إنَّه يجي واحد يلومك من كثر " حزني " !





ترى ما رحت من كيفي عشان أتحمَّل ذنوبك
________ أنا شفت الزمن ناوي علينا وقلت له : خذني ...!

واذا قالوا : رَحَل عنِّك حبيبك ، فتِّش جيوبك
________ تطمَّن قلبي بـ جيبك حبيبي لا تدوِّرني !





لذلك قلت في نفسي أبي أبعد عن دروبك ..
________ تأكد غيبتي هذي عشانك إنت ... صدّقني !




أحمد الصانع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 23-02-2011, 12:43 AM
صورة خـفـايـا الـحـزن الرمزية
خـفـايـا الـحـزن خـفـايـا الـحـزن غير متصل
©؛°¨غرامي نشيط¨°؛©
 
الافتراضي رد: في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ






تدري وش سوَّى غيابك ؟!
مـوَّت غيابك سوالف ..!

ما يخوِّفني زماني
بس من فرقاك خايف ..!


فجأه أصحـى ومـا أشوفك ..
لا تهددني ... ظروفك
إعتبرني .. حلم / واقع
وإلاَّ ظلٍ ما يطوفـك

ضاميٍ عطشان .. جيتك
لا يعشمني سرابك ..!


تسمح بكلمه ؟! بغيتك
قبل لا تبدي غيابك ..!





تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!



تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!




تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت




تدري وش صار بغيابك..؟
غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق
والسؤال اللي جرحني
وين فايق وين فايق
وين فايق..؟
ليه ما يكتب قصايد
وين فايق..؟
ما نشوفه بالجرايد
وين فايق..؟
نفقده بالحيل / وايد
صج هو راح العراق..؟
وش يسوِّي ليه راح..؟
وين فايق..؟
ما تعب صوتي ينادي
صرت مُزعج صرت هادي
وفجأه قلت: بصوت صارخ
" فاااااااايق "
وأسمع جراح
راح صوتي
والصدى يرجع .. سكات
مَنْ تُنادي ؟؟ لا حياة
كم أسيرٍ جو رفات
مات....
ومات....
مات....
ومات...
لحظه لحظه منهو مات..؟
صرت أحس الإختناق
يعني فايق ما رجع؟
ليه يا حظي وجع
قلبي دقاته سباق
مِن خبر موته فجع
وهذا آخر شي صار
مات
فايق في العراق !!





غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!




:

تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !

:



:

عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!

:



:

تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !

كيف أضحك ..
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..

ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !

وبالنهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!

:






:

تدري وش " يقتل " غيابك ؟!
يقتل إحساسي وعمري !
وين رايح عن عيوني ؟
ليه ؟
تو الناس !
بدري !

إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!

وإن سأل عني قليبك ؟!
لا تفكِّر في الجواب !
قول [ إحتاجك ] حبيبك ..
وإنت لاهي بـ الغياب !

من يحبك ..
وش مصيره ؟!
- " يحترق " قلبه أكيد!
تنهي أحلامه الكبيرهـ ..
وتبدي في حبٍ جديد !

ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !

صرت أبعد من منامي !
وكنت أقرب من ثيابك !!
أختصر باقي كلامي ؟!
حيل يقتلني غيابك

:





:

تدري وش بكَّى غيابك ؟
موق عين اللي تحب !
مهتني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !

إستحَت منِّك [ طعوني ] ..
وما قويت أصير ضدِّك !
ليت ما شافت عيوني
من يذمني [ ضيف ] عندك !

إنسَحَب فرحي / وطموحي
ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!

دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "

مو غريب أبكي عشانك
الغريب إنِّك .. تخوِّن !!
ويبقى مثل أوِّل مكانك
وأعتبر هـ الجرح ( هيِّن ) ..!

فدوه لك جرحي ..
وضيقي
المهم قلبك يحب ..
تدري وش موتي الـ حقيقي ؟!
[ من حياتي تنسحب ] ..

:





:

تدري وش صحَّى " غيابك " ؟
جرح نايم من سنين !
ما ربحت
وما فرحت
جرحي فيني يستهين !

غيبتك كانت خساره
إفهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !

وين أيَّامك يا " غايب " ؟
قلبي يسأل قول وين !!
يا بعد كل الحبايب ..
شوف وش سوى الحنين !
نمت وفي حلمي لقيتك
وقمت أردد كلمتين :
لا تغيب أكثر فديتك
نامت أفراح السنين !

:





تدري وش وقَّف غيابك ؟
وقَّف غيابك [ سنيني ] !
نبض قلبي ..
ليه ساكت ؟
والدموع اللي تباكت ؟
كل هذا صار فيني !!

يعني معقوله تغيب
وما تراجع بـ القرار ؟

منظر غيابك كئيب !
واقف بـ " سكة قطار " !

في قفص صدري ربيت
كيف أحس الطير طار ؟

لا نهاري هو نهار ..
وفيك أسهى ما دريت !

ومن يكلمني يقول :
يا بخت من به سهيت

إنت ما حسيت يمكن
والغياب أكبر دليل ,

دايم يردد لسانك :
" لذة الشي القليل "

راضي قلبي في قليلك !
المهم ألمح وجودك

تحترق أعصاب قلبي ..
وإنت غايب !
يا برودك !!!
:




تدري وش بعثر غيابك ؟
قلب من تغليك عينه !

من بعد ما كان يشوفك
رغبته ومعنى سنينه

ليه يا عيني بكيتي ؟
قالت عيوني : حزينه !

قلت يرجع إن هديتي
قالت إبتنهيد : وينه ؟!

هذا " قلبك " بين إيدينك ..
وما أبيك ترده لي !

من كثر ما قلت : وينك ؟
صرت أسألني علي !

ضعت في زينك وشينك
مات قلبي وإنت حي !

ما تهم صارت سنينك
وما يهمني كل شي !

كل هذا وإنت باقي ..
مستغل نقطة فراقي !
ما لقيت بوقت همي " شخص " ..
وبـ الفرحه ألاقي !




:

مدام الشوق ما جابك
وبقلبي الشوق متنثر :
غيابك حيل يذبحني ..
ويخلي الحب يتعثر !

قليل إن قلت في حقك
ومهما قلت أنا مقصِّر !
كثير أشياء تدفعني
عليك ،
إعذرني ما أصبر !

أحبك ( لا ) ما أبيها !
أبي أكثر من [ أحبك ] ...
ومدامك دنيتي فيها
حبيبي ما أبي " أكثر " !

قدرت أنسى جميع الناس
وفعلاً صرت أنا ناسي ..!
يا ماخذ منِّي الإحساس
أبي أنساك ....
ما أقدر !!

معاي إنتَ أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !

تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !

حزين القلب بـ غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!

:




:
تدري وش معنى غيابك ؟
يعني " الموت " المحقق !
عمرك إنتَ شفت [ دفتر ] ..
من غلا شخص يتشقق !

يعلَم الله .. وش [ ظروفي ] ..
يا بعد عيني .. وشوفي ..
مدري وش فيها حروفي !
ما تبي تكتب ( أحبك ).. !
ليتك .. الليله " معايه " ..!

ليمتى وهذي السوالف ؟
كل ما جيتك .. تخالف !
قول إذا عـ البُعد حالف
وما تبي ترجع لي ثاني !

قول ..
علمني ..
عشاني
لا تعلِّقني .. بـ دربك
بين قلبي .. وبين قلبك !
ما أبي أكثر .. أعاني ..
عـ الأقل , عطني [ نهايه ] ..!

من أماني لي أماني
في دقايق في ثواني ..
أحترق وأقول :
وينك ..؟
إيه وينك ..؟
وين عينك !
يمكن بـ لحظه أشوفك ..
ويمكن إنِّي ما أشوفك !
وبين كل يمكن ....
أموت !
وأرجع أرجع للسكوت
يعني أرجع للـ " بدايه " ..!

:




:

تدري وش يقهر غيابك ..؟
[ قلب ] في الغيبه سهر !
كل خلق الله إذكروني
وإنت ..
ما عندك خبر !

يعني ما هزِّك قصيدي ؟
كل ما تقرا ( جديدي ) !
ودِّي أسمع رَد / مُقنع :
وينك بـ عيد الفطر ؟

كيف من غيرك أعايد ؟
يـ اللي " متهنّي " بـ عيدك ..
عطني الحل المُحايد
فيدني ...
الله يفيدك !

لا حياتي /
هي حياتي ..
و الصبر ؟
وين الصبر !
راح مثلك يا غلاتي
وما بقى فيني [ عمر ] ...!

عيد ..
وإنت بعيد عنِّي ؟
بذمتك هذا إسمه ( عيد ) !
كل من جاني يهنِّي
قلت :
دونك مو سعيد ..!

بس ....
تذكَّرني بـ غيابك ..
والفَرَح يملي ثيابك :
عيدك مبارك حبيبي
وعيدي من غيرك ..
قهر !

:




:

تدري وش غيَّر غيابك ؟
غيَّر " غيابك " نصيبي !
غلطتك سدِّييييت ( بابك ) !!
و غلطتي ويَّاك : طيبي !

زين ما فكَّرت ....
فيني ؟
قبل لا تترك سنيني ؟
وش أسوِّي في " إيديني " ؟
ما تبي غيرك حبيبي !

من يشاركني حياتي ؟!
و " نصّي الثاني " ....
خذيته !!!
وش بقالي من غلاتي ؟!
وقلبي من شفتك ....
نسيته !!

من يحب إنسان ناقص ؟
ما معاه إلا " الجروح "
إنت في الغيبات راقص !!
وآنا [ موتي ] من تروح !

ما رضى قلبي جروحك
ليه ترضى لي جروحي !
إنت " أحزاني " طموحك !
وآنا أفراحك [ طموحي ] !!

:


:



- تدري ليه أكره غيابك ؟!
...... لأني في الغيبه / أموت
" ضيقتي " بعدك تجيني ,
و ( البُكى ) من غير صوت !

اسأل [ الضيقه ] : بديتي ؟
قالت إنّك فيها .... راضي ! .
دام قلبك صار – بيتي
لا يصير البيت { فاضي }

في غيابك شوف وجهي . . .
أدري متغيِّر عليك ,
كل شي " منّك " وحشني
: كل تفاصيلي تبيك :

ليه أشوفك في ( منامي ) ؟
ودوم أحس إنّي بـ جنبك ؟
لو نويت / أقسى .... بـ كلامي .!
أفقدك أكثر , و أحبك

تدري لو بيدي ؟؟ .. : كرهتك
بس هـ الشي مو بـ إيدي !!
شوف بـ غيابك [ مدحتك ]
و – ما رضى . يذمِّك قصيدي

:
:




تدري وش " يحرق " غيابك ؟؟
إللي جايب لي / التعب ... ؟
( يحترق قلبي ) , لأنه :
قلب حبي .. من خشب !

لا تشب النـار فيني . . .
وتشعل , أيامي , و سنيني
يا حبيبي كنت : أبكي :
و ما تطفّي النار - عيني !

حبي لك مثل " السحابه "
أعشقك و أروي ترااابك
مادريت ( الحُب غــابه )
و إنت / ممنوع إقترابك

ما سمعت أصوات غيرك ... .
كنت أسمع بس [ صوتك ]
هذا شرّك , وين خيرك ؟؟
- ما تخاف إني أفوتك !

كلمة توصف لك عذابي ؟
يحرق إحساسي : غيابك
صرت أقرب من ثيابي .
و تحسد عيوني ثيابك !

صوتي , الباقي ( معايه )
و صوره { بروزها سكوتك }
إنت عايش ! في النهايه .......
و آنا بـ الفرقى : أموتك



:



:

تدري وش شفت بـ غيابك ؟
شفت وش يعني { السواد }
تلبس إنت الثوب الأبيض
وألبس " ثياااب " الحداد !

ينتكس لـ إحساس فيني
- ما أشوفك ! وين عيني ؟
قلت يا فرحي : أجي لك ؟
قال آسف : لا تجيني !!

كنت أحلم في [ الخيانه ]
وصرت أشوف الحلم دايم !
يالله عاد / إكذب أمااانه
وقول إني كنت : نااايم !

الغياب . . . أثّر علي
ما أتحمّل . . أي شي !!
موتي كل لحظه أشوفه
ليه جبت الموت لي .؟

البقى براسك يا غالي
وعظّم الله فيك , أجري ..
في غيابك هذا حالي
في إيدي أحفر لي قبري !

:







ليه وربك ؟
من تخون ؟ ومن عشانه ؟
من هو يسوى في عيونك
من هو أشغل فيك ذنبك
وغيّر إخلاصك " لسانه " !

ياه يا صدقي ويا كذبك
أعتبر هذي . . . إهانه !
{ الأمانه } قلب حبك
وإنت , ما صنت الامانه

تعتقد . . هذا جزاي ؟
طعنتك جت من وراي
وقلبي ينزف لك حنانه !
روح له وعطني وفاي ,
رجّع إحساسي مكانه

وإنتفارق , في هدوء
ما نعيد . . الإسطوانه
إنه بعض الظن سوء
وإنه بعض الحُب إثم
عاشق وأطلب لجوء
شاعرك إطلق عنانه

لا تسولف لي عليهم
" النوايا و الخطايا "
حتى لو عندك سوالف
إحتفظ فيها لـ [ نفسك ]
إنت مجرم في عيوني
وثابته فيك الإدانه !
قلبي لك فارس شجاع
ما ترجّل من حصانه
عاش لك في كل لحظه
ومات لك فارس زمانه





:

تدري وش قوّى غيابك ،
" قلب " عذّالي . . علي !
يا هواي إللي بـ صدري
أختنق - لو فيك شي !!

لا يموت "الحُب" فيني
وإنت في غيابي تعيش !
بس أبي عينك بـ عيني
وقول : هذا صار ليش ؟

من خذاك ومن خذاني !
من بكى لي ومن بكى لك !
إفهم الجمله : عشاني ،
يحكي عنّك من حكى لك .

أدري تسأل وش بسوّي ،
{ كل حادث له - حديث }
ما يعكّر - صفو جوّي :
لا ( خبيثه ) ولا ( خبيث )

إنت في الغيبات تَلهو !
وآنا في قلبك - فخوراً
فاز بـ اللذات ، منهو :
كان يا عمري " جسوراً "

:



:

أتنفّسك
وأحلم بـ أنّك لي : هوى
- ماسك يدي -
نمشي سوى ..
عطرك على ثيابي نوى ،
وإيدك ، تبيني ألمسك !

هذا العطر إللي أحب
صدرك رحب !
ما تزعل عيونك علي
شاريني بايع كل شي
كنّي مطر
وإنت [ السحب ]
أدعي لك : الله يحرسك

غمّضت عيني فـ المنام
ما به ظلام !
نورك يخليني أشوف
أحبك بـ كل الظروف
أشعل أحاسيسي كلام
أقطِفْك ،
وفيني أغرسك

نايم وما أصحى { ياليت }
يـ إللي بغيت ،
ما فيه " غيرك " يا غلاي
في حلمي ويومي معاي
وشلون أتنفّس ؟ نسيت !
- علمني كيف أتنفّسك



:



:

تدري وش يكتِب غيابك
صفحة أيامي : الأخيره :
إستخار القلب بُعدك بس ،
ما حسيّت خيره !

إنت راضي !
وإلا قلبك من شعور الحُب فاضي ؟
ما أبي أكثر أحبك ،
وما أبيك تصير ماضي

إعترافي
لك حقيقه ما يخون الجرح ، وافي
جرحي من غيرك رفيقه ؟
يا حبيبي [ بس كافي ]

شفت ناتج هـ الخطايا ؟
كل شي ميّت : بـ عيني
ما أبي منّك ( هدايا )
لأني أصلاً .. ما أبيني

سافَرَت عنّي عيونك
وصوتي يبكي من سكوتي
يوم ميلادي بدونك
صار عندي [ يوم موتي ]

:




:

تدري وش مّوت ....... غيابك ؟ .
موّت غيابك | بشر |
إنت " أجمل " شي كتبته ,
غير – صالح للـ نشر

كنت أنا مثل ( المسافر )
وغيبتك دربٍ : وعر
كيف أكتب لك . . . شعور ؟؟
ومابقى عندي { شعر } !

/ السواد / أدري كثير
تحت عيني ’ يا سهر ,
كيف أقول إنِّي [ بـ خير ]
وعيني . يمليها – القهر !!

عطني " عذر " , وأعذرك ! ,
حتى لو ~ كذب .. العذر ..
قول :: صارت لك ظروف ::
وغايب | زيادة ( حذر )

وضعي من بعدك ........ تغيّر .
و إنت وضعك ؟؟ / مستقر
كنت أغنى شخص < فيك >
وصار يهددني – الفقر !

:



:

تدري وش قرّب غيابك ؟
- قرّبك منّي ... [ كثير ]
يا أقرَب إنسانٍ علي ،
لو حضنتك ، راح : أطير !

ما تفيد الغيبة , " عني "
.. غالي حتى وإنت { غايب }
صرت ( أحسّك ) | قطعة مني
يعني . . . مو مثل الحبايب .

شفت لك إنسان : غيري :
بس أنا ما أشوف . ........... - تايب .
يكبر < الحُب > و < مصيري >
صار قلبي ؟ منْك / شايب !

تدري إني .. . [ مبتلي ]
منجرح وأقول : طايب
كنت أظن تشتاق لي ~
وكل ظن يكون خايب !

قلت لي | أنساك , يمكن :
يوم ~ غبت و صرت ~ ذايب
المصيبه !! فيني " تسكن "
بس أنا ؟ .. أحب .. المصايب

:




:

تدري وش معنى غيابك ؟!
يعني عايش في ( خطر )
إرجع بسرعه عشان ~> القلب
متشفِّق . . . نطر /

ودي أكتب لك ~ أحبك :
كل ما أبدي ( شطر ) ..!
شفت هالكلمه الصغيره ؟
ما ~ يكفّيها - ( سطر ) -

{ غيمة أشواقي } كبيرة ،
ممتلي صدري ~ مطر ~
ماخطر ع البال غيرك
وإنت !! مو حاس بخطر ؟

شخص يطلبني الفَرَح !
حافي .. من حافي يطر
صار لي صايم [ كثير ]
هو متى - عيد الفطر !؟

:



:

كذبت وقلت لك جرحك : صغير ،
ومنْه راح { أشفا } !
سوالف قالها لساني بغيابك ..
وأعظم الأخفى ،

أنا إللي كنت ..
أحطب لك شجر
من قلبي و تدفا ..
أنا إللي كنت لك موطن ،
إذا حسيت بك منفى

أنا السهران لعيونك ومجنونك
- أنا [ قيسك ]
حشى ماكنت أنا نفسك !
لأني ( مِتْ ) من دونك .

أنا إللي كنت في عِزْ الظلام الحالك" سراجك "
وأنا إللي كنت أحتاجك !
ولا ألقى حاجتي وأغفى .

أنا إللي كنت ..
أشعل لك أصابيعي شمع
وأطفى !
أنا إللي من النهر أصفى
وتسألني من الأوفى ؟
لأنك خنت ..
من حقي
أقول إنّي : أنا إللي كنت .

:



:

كل هذا الحزن [ منّك ]
والهموم ... وكل شيّ

المشاعر لك .. لأنّك :
قلب شاعر كان : حيّ ،

صرت أبعد شخص عنّك !
خفّف | غيابك ... شويّ

ما صدمت بـ يوم ظنّك
ليه ?? تصدمني ياخيّ !!

صعب أستوعب بـ أنّك
( صرت )
ما . ........... - تشتاق لي !!

صرت .. [ ما ]
.................. [ تشتاق ]
............................... [ لي ] !!

:






من غيابك
كانت أفراحي " سفينه " وإغرقت ،
وكانت أحلامي ( مدينه )
غير واقع !! ما لقت
في غيابك . .
شفت عيني ؟ غورقت
وكانت أكثر من : حزينه
ماهي بس تْضايقت
إنت ماتدري ؟ عن أعراض " الحنين "
[ إنت ] قاسي ، ماتلين
وآنا أحبك حيل وعيوني أمينه
ماسرقها إنسان ( غيرك )
وماتخونك . . وإنت أكثر من يخون !
أدري تغليني ،
وأدري نفس الوقت عندك أهون !
روحي من حُبّك ؟ شقت
والقصيدة [ تشقّقت ]
وطاحت دموع السنين
ومابقى عندي عيونٍ لأجل أشوفك
ومابقى عندك عذر وافي لظروفك
كيف أسامح ؟
تكفى علّمني ؟ وصدّقني بسامح
من كثر ماصار في وجهي ( حزن )
صارت أحزاني -> ملامح !
يا ( أناني ) . .
كنت آخر شخص حبّك
وإنت أوّل من نساني !!
آنا كاني ،
إنت وين ؟
قلت : أحبك . . والسعاده ، فارقت !
والسفينه . .
هاجرت كل [ المواني ]
يضرب الحب وسنينه .
يضرب الحب وسنينه .
يضرب الحب وسنينه .

:



:

ما تدري وش سوى الفراق ؟
أثّر على فصل [ الشتا ] !
لك عندي غيمة إشتياق ،
غيمه على كلمة : متى ؟

مامر بـ غيابك مطر !
كل شي على بالي خطر
حتى حروفي عابره ،
أكتب سطر وأمحي سطر

قلبي طفل توه صغير
بردان بفراقك كثير
وشلون قلبك يتركه
يا صاحب القلب الكبير

خايف عليك من الغياب
الدنيا ~ مليانه [ ذياب ]
و أدري بأنْها ~~ نيّتك
رحلة فراق بْلا إياب

إرجع ولك عندي غلا ،
غيمه على كلمة : هلا
أشتاق لك ، بس السؤال
مشتاق لي ؟
إي وإلا لا ؟

أحمد الصانع


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1