غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات أدبية > منقولات أدبية
الإشعارات
موضوع مغلق
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-01-2011, 02:58 AM
الفطيماني الفطيماني غير متصل
©؛°¨غرامي مشارك¨°؛©
 
الافتراضي (ذكريات شاعر) للشاعر/ محمد بن مطلق الفطيماني


هذه قصيده للشاعر/ سعد بن علوش القحطاني
موجهها للشاعر/ محمد بن مطلق الفطيماني



سلام يارجل له الطيب عنوان  
  سلام أحلى من حليب الردومي
وأحلى من السكر على شاي لبنان  
  بتحية للقرم ولد القرومي
تنصا محمد ياعرب طير حوران  
  حر" على الصيدات دايم عزومي
ويستاهل التقدير والطيب زومان  
  جعله مع الايام عمره يدومي
من لابت"يوم الملاقا له شان  
  أسهول شجعان أكعام اللطومي
من عقب ذا بشكي على ذرب الايمان  
  واعطيه موجز من خفايا علومي
جاري علي قصه وهم وحرمان  
  من عقبها ماذقت يالقرم نومي
خلي ذبحني ذبح من غير برهان  
  واونس بقلبي مثل حر السمومي
ابو عيون كنها عين شيهان  
  علق على قلبي كثير الوسومي
وحدتني الدنياء على جاري كان  
  وحسبي على ذا الوقت جاب الهمومي
وأشكي لابن حشر سلايل كحيلان  
  رجل شجاع وفاهم للسلومي
أمجرب في الوقت ياذيب سرحان  
  مجرب في الحب ضرب السهومي
واصبحت انا فالحب تايه وغرقان  
  ولاغير ابن حشر يسد اللزومي
وكتبت لك قاف ووضحت ماكان  
  جعله يجيك ولايجي فيه لومي
واقبل تحيه من سعد والف عرفان  
  تحية لك والجماعه عمومي
وتحيتي ورد وكادي وريحان  
  لشخصك عدد مايطلعن النجومي
قلته وانا من لابة العز قحطان  
  قول صحيح مادخل به اثلومي
والختم صلو عد ماهل ودان  
  على الرسول اعداد طير يحومي


رد محمد الفطيماني

بديت بسم الله على كل ماكان  
  اللي عيونه ياقضه ماتنومي
اللي فرق في قدرته خلق الانسان  
  وخلاه في زود الوقار محشومي
واضفا عليه الخير من غير نقصان  
  لطف به الي في عباده رحومي
ومن عقب ذا بكتب مقاطيف قيفان  
  ردن على المنعور هيف القحومي
يامرحبا" بالخط ترحيب صفطان  
  اللي لنا خطه مرده لزومي
ترحيبة" من خاطري شانها شان  
  تنساق مني للرفيق وتقومي
تشذ الذهب لانوعو فيه مرجان  
  صعبن على الشراي واللي يسومي
واحلى من الصافي على كبد عطشان  
  في ساعة فيها البراد معدومي
بخط الرفيق اللي من الحب تعبان  
  اللي خذنه رادعات الوشومي
اللي على منبوز الارداف شفقان  
  هايم ومن سبة هواه مهمومي
خطو اطرقن عوده كما طرق لبان  
  اوعود موزن من هوى النود يومي
غرون يخلي طارد الغي .......  
  من سبته يرقا طويل الرجومي
كان ان حبه مشعل" نار الاحزان  
  يسوق لاهبها طلوع هشومي
فقدمك سلب عقلي هوا خدر الاعيان  
  عين العديم الي ترب الخشومي
أمنولن كنا قرايب وخلان  
  واليوم عنه ارمسن العلومي
وابنشدك وينه اريش العين سكان  
  حتى نقوم ونشتقي باللزومي
فان جات باللي ترغبه ياكحيلان  
  فأنا احمد اللي وصلك ماترومي
والانجيه ابقوة اسنان واعنان  
  ونخلي الدنيا عليهم تقومي
واليا تهيت غايتك والهوى زان  
  ماعاد لي في باقي الاشياء لزومي





هذه القصيده للشاعر هادي بن حسين الخدري اليامي يمدح فيها محمد بن مطلق بن حشر الفطيماني وقصتها انه كلما طلع احد من معارف هادي اخذ يمدح ويثني على محمد ويذكر خصاله الحميده ونخوته العربيه الاصيله وفزعته مع كل من ينصاه
(فهاضت قريحته بهذه الابيات)


يابو علي وصل سلامي لمنهاه  
  للشيخ ابن مطلق كريم السبالي
وصل سلامي شايع الصيت والجاه  
  قرم"شجاع"من خيار الرجالي
محمد اللي جعل الانذال تفداه  
  شيخ السهول مخضبين السلالي
ابن منيعه جاب ذكره وطرياه  
  علم"يشرفني ونعم المجالي
قالو ترى المضيوم لوجاه ينخاه  
  يرخص بروحه دون مد الحلالي
وقالو لي انه طيب"يذبح الشاه  
  لاجاو هشال الخلا مايمالي
مادام ذا علمه وفعله وممشاه  
  الله يجيره من صدوف الليالي
وترسل له البيضاء مع كل من جاه  
  وترفع له الرايه بروس العوالي
ياسعد من هو له رفيقن بدنياه  
  ياتي عضيدا له على كل حالي
ومن يقتدي بسهيل ماتاه مسراه  
  ولايرتكي للحمل كود الجمالي
يقوله ابن حسين يوم الخبر جاه  
  يرسل سلام باقي"له توالي
سلام دهن العود الازرق تنشاه  
  والذ وازكى من حليب المتالي
وقلته وانا من لابة"بالملاقاه  
  يامن هل الردات عند التوالي
قلته ولالي مطلبن اترجاه  
  حبيت انا رجل من الذم خالي
وصلو على اللي كلنا نتبع اخطاه  
  نبينا اللي له تشد الرحالي





هذا البيتين وجهها الشاعر: ناصر الشريف للشاعر محمد بن مطلق الفطيماني عندما اتاه يوم" من الايام وهو مستغرقا" فالتفكير




يقول الشريف

والله ماودي يبعدك طاري الهم  
  لكن أشوفك دايم الميل يمه
أنت المهم وباقي الناس ماهم  
  عندي وكلن له رفيق" يهمه


رد الفطيماني



قم قرب القرطاس يامسندي قم  
  باكتب لابو شرفا ووديه يمه
ملزوم أعبر بالقلم واتكلم  
  اللي ليا من قال قول يتمه
العرف مايعرض على غير فاهم  
  ياحاكم العريف رجل المهمه
من كان مثلي لازم يدغفه هم  
  ملزوم عوكات الطواري تخمه
عساك من سوء المقادير تسلم  
  والخير يهيالك مع كل يمه





هذه القصيده مرثيه في صاحب السمو الامير/ سعد بن محمد بن عبدالعزيز ال سعود
رحمه الله



ياونتن ونيتها من بلا حل  
  أمر جلل مايرفا لو شكيناه
اون ونة من ضرب بالمشلل  
  كونه عطيب ماتداوى هواياه
وابكي وغيري من بكاه وتململ  
  ابكي الامير اللي طروقه مخلاه
على سعد دمع العيون يتهلل  
  لاواحسايف من فقدنا سماياه
ابو اليتيم والمريض المشلل  
  يعطي ويخفي مايبين عطاياه
وابو السجين اللي طريح وهمل  
  جاهه من اجل انقاذته يبذل اقصاه
مرحوم ياشايل عن اللي توحل  
  لامن شكى له ثم كشف له خفاياه
يالدرع يالصنديد ياملتجا الكل  
  يامن دوافيع الشرف من مزاياه
ياللي من العود المسما تسلسل  
  فيصل عديم الراى لاتاه من تاه
هداج تيماء كوكب مايكمل  
  ياقل والله من يسوي سواياه
اللي يعرفه من فعوله تهول  
  حاله وماله مايكفي عن الجاه
هو يعرف ان فعل الحساني له حل  
  في ساعتن ماقدم العبد يلقاه
واخر كلامي قلت وانته معي قل  
  يالله عساه بجنة الخلد ماواه




قصائد لشعراء النبط ..جمعهم القضاء والقدر ان يكون أخوان.

هذه قصيدة محمد الفطيماني رد" على الشاعر غازي بن عيد السبيعي

ياعيال هيا خلو القاف ينقاد  
  ردو على راعي البيوت الجدادا
ردو على ابو عيد كساب الامجاد  
  اللي شرب كاس القوافي وزادا
ردوا على اللي من غثاء الوقت زهاد  
  اللي طلب منكم ردود الافادا
اللي نخاكم يطلب العون وامداد  
  حلو له الموضوع حل الركادا
وانا ماملك لحمر العين سداد  
  لاركب جواد" من السبايا الشدادا
أقف معه لاكلل الناب بجهاد  
  وارسي كما ترسي جبالا" جمادا
مانيب عنه بحزت الضيق صداد  
  امشي معه في حر ولابرادا
مهما حصل له يعتبرني له اسناد  
  قولي صحيح والصدق مااعتادا
أنا لصعبة المشاوير قداد  
  لامن تخلو مرتخين الزنادا
وجدي وجده من على وقت كنعاد  
  ربع اليا من حل ضرب الهنادا
لاجاء نهار" فيه مزهد وزهاد  
  يوم يشيب ابه الذي في المهادا
هذا وانا اونس في خفا القلب وقاد  
  احيان يغرقني ماحيط الشهادا
قد لي ثمان سنين باحزان وانكاد  
  وهم يرق الحال رق الرمادا
لااشك اكنه بين الاضلاع لو زاد  
  من ذلتي يدري خفيف المفادا
واليوم من فضل الله امان وارغاد  
  وحكم على نهج الهدا والسداد
في ظل ابوفيصل حجا كل رعداد  
  ومن هيبته يخضع قوي العنادا
وصلات ربي عد ماحل رعاد  
  على شفيع الخلق يوم الابادا



وهذا رد الشاعر /سعود بن فهد المنجلي السهلي


يامرحبا ترحيبة" ماله أعداد  
  مفتوحة"حتا ليوم الابادا
أعداد من سبح وهلل بالاسجاد  
  واعداد من ناجا لربه ونادا
واعداد من يعرف من السين والصاد  
  واعداد من يكتب أحروف"جداد
واعداد من بحكمه مريفين ومداد  
  واعداد من يسكن وسيع الحمادا
بالي علي اسند على غير ميعاد  
  يشكي على هموم كثر الجراد
يقول عاف النوم من هاجسه حاد  
  الهاجس الي من زمانه تمادا
الحل يابو عيد للصبر تعتاد  
  حتى الولي ينوى بشم البرادا
الصبر مفتاح الفرج وقت الانكاد  
  أخير من راعى العلوم الحدادا
اللي على كثر السواليف نشاد  
  اللي على الغرات مثل القرادا
ياخوي يامشكاي كان الدهر زاد  
  باذن الولي تلحق بلوغ المرادا
الرب يفعل بالبشر كل ماراد  
  يخص بالجمله والانفراد
والله ولي البيت في كل مرصاد  
  والله مايخفاه راعي العنادا
شكواك فرت ضامري فر عداد  
  عد الرقوم وجابها واستعادا
أمسيت اقاسي لوعتي مالها بناد  
  ونات قلبي فرقتها بدادا
تعزف عليه الروس والهند وتشاد  
  تواصلت كل الدول بالمنادا
وختامها منى عدد نو منقاد  
  مشروك بالعنبر وطيب الزبادا



وهذه القصيده للشاعر /سعود بن عفاش العنزي موجهها للشاعر غازي بن عيد السبيعي



أهلا" هلابك يالسبيعي بالاعداد  
  ترحيبة" من كل قلبي تعادا
أنته ومن مثلك على جد الاجداد  
  يامرحبا بك ياقوي العنادا
جتني مشاكي منك من كثر الانكاد  
  تسهر عيونك ماتريد النوادا
يامسندي مضيت عيدين واعياد  
  وياماصبرت وشفت كثر النكادا
لاتتعب افكارك ترى الوقت حساد  
  واصبر عسا ربي يمهد مهادا
والهم يرث هم والصبر سداد  
  وأنصحك تصبر ياقوي الارادا
الصبر مفتاح الفرج عطه ماراد  
  دار الصبر يالقرم تلقا السعادا
واطلب ولي العرش ياعز الاولاد  
  واد الفروض الخمس باحسن عدادأ
يجعل لك المطلوب لو دونه اجهاد  
  لو انهم كفار سيد العتادا
الحر حر وماكر الحر ببلاد  
  ولاكل منه قانص الحر صادا
ولاكل منه صايد الحر صياد  
  ولو حاولو صيده بوقت الهدادا
نعم" بكم ياسبيع في كل الامجاد  
  والكل يعرف طيبكم بالوجادا
الحل عند اللي لها الخلق سجاد  
  به نكتفي بالراى ومنه السداد
والوقت مايصفي على وقت شداد  
  من ذى قديم من ثمود وعادا
وختامها مني عدد كل من قاد  
  سحب ترازم بالحقوق البرادا



وهذا رد الشاعر جابر بن فراج السبيعي رد" على غازي بن عيد السبيعي
[center]
البارحه يوم المخاليق هجاد  
  عيني على المرقاد قامت تحادا
بيني وبين النوم جا حرب وعناد  
  والكل منهم قايم" باجتهادا
سبت جوابن من عزيزين الاحفاد  
  خلا عيوني في سهرها تمادا
يومي قريته شب بالقلب وقاد  
  قام يتقادح به سوات الزنادا
اهلا" هلابه عد كاتب وعداد  
  واعداد مابان الزهر بالحمادا
ياللي لبدع القاف بيطار واستاد  
  سمعت صوتك من على البعد نادا
يامرحبا بغازي تحياتن اجداد  
  من ضامر مخلص بكل الوداد
ومن غير ذا يامسندي خوذ ماجاد  
  دامك دخلت اليوم سوق المزادا
شكواك حطت في خفا القلب قداد  
  وضاقت بي الدنياء وكل البلادا
تشكي وانا مثلك تراني بالاضماد  
  لاقلت عني راح هون وعادا
مير الصبر يالقرم هو طب الاكباد  
  لاصار جرحك مانفعها الضمادا
تراى قبلك يافتى الجود منصاد  
  من يوم ركب طاح عنه الشداد
لاشك على شأنك ابا اقوم باجهاد  
  يوم ان غيري في لزومك تبادا
ببذل لك المجهود في كل ميراد  
  واللي عليه اقدر ولو كان كادا
في خدمتك بصير جاهز وسداد  
  ولاخير في عن رفيقه يترادا
جاك الجواب وماذكر فيه ميعاد  
  باول شهر عاشور وقت الهدادأ
هذا وقبل وبعد يانسل الاجواد  
  حظك مجار بجاه رب العبادا



راحت حياتي كلبوها نكديا  
  ماخبر يوم" خاطري مسفهلي
على الذي لعروق قلبي عقديا  
  عقد" عسير كايد" مايحلي
غرو"ليا منه هرج بالركديا  
  يسل حال امولع القلب سلي
ابو جديل" فوق ردفه رجديا  
  اشقر على هاف الضمير متدلي
لاشافه العشاق يخطي الشهديا  
  يخطي الشهاده والقدم به يزلي
دونه حداني نازح البعد حديا  
  لاتاصله رجلي وهو ماوصلي
ارجي لعل الله يجيلي سنديا  
  ويجيبلي من له شفوق" مغلي
ابقدرته يجيب غض النهديا  
  ابو طفاطيف"هدبهن مضلي
اللي سلب عقلي وحالي نفديا  
  خذاهن ابكثر الغلى والتغلي
ماخبر يمشي فالردى والنقديا  
  مصيون وبتاج الجمال امتحلي
[/cente]





هذا رد الشاعر محمد بن مطلق الفطيماني على شاعر لم أجد قصيدته ..ورد محمد بالابيات .

يقول

حييت ياخط" سرى ليلي أقراه  
  افزلا من جاء لراعيه طاري
القاف لاجاء منه محد" تقفاه  
  عليه من سور الصيانه مذاري
ان جيت ابكتب مطلع الرد وابداه  
  يحير به فكري وكل اختياري
يصعب ردود القاف من صعب مبناه  
  له ميزتن تثر على كل قاري
ومن عقب ذا ياللي لك الروح مهداه  
  والحال من حبك كما العود باري
صديقك اللي في منامك تغاياه  
  وهو فظلام الحب لرضاك ساري
ودايم على شاشة خيالك محياه  
  أخ عزيز ويستحق الوقاري
عندي خبرماجاك وايضا" بعد جاه  
  مماجرالك جارين له جواري
اللي وطاك من المحبه توطاه  
  صابه وحط جسور قلبه دماري
عليك قلبه يابساتن ضماياه  
  يعوي عوى ذيب" حدته الظواري
خلن كشف لك بالمحبه خفاياه  
  ومن سبتك يمشي من العقل عاري
يقول قلبه راح معكم وخلاه  
  ماعاد له وسط الضماير مواري
مادام هو يغليك وانته تمناه  
  وصافي غلاكم مادخل به غباري
وهوه بعد يقول لا واحلاله  
  من شاف من حبه بناله سواري
الحل خل الحب ياصل لمنهاه  
  يروي القلوب الي على كف باري
خل الغلا في القلب ياصل شغاياه  
  وخل التفادي مستمرن وجاري
لاساق لك مدن عطه صاع بملاه  
  وخلك وفي ولايجيبك مداري
عساك تلحق كل شي" تمناه  
  ملحوق لذه مادخلها غياري
واختامها باول كلامي وبتلاه  
  تحية" مقرونة" باحترامي




هذه قصيده حزام بن وليد موجهها الي الشاعر محمد بن مطلق الفطيماني


راكب اللي في طلبنا مرسلينه  
  يم سجن العام في وقت الزياره
هاف سته من حفيزه مظهرينه  
  ماشكى السواق من ضيم الحراره
يعجب اهل الصنف تزويد المكينه  
  كامل ومكملا حتى الاشاره
نصه الي بالمراجل عارفينه  
  ريف ربعه بالقسى ويعز جاره
ابومطلق شوق من يضوي جبينه  
  عافت الادنين كله بانتظاره
وثنها للي باذل نفسه رهينه  
  صلب ابوي لي اقدح حامي شراره
قل لبو سلطان تسلم لي يمينه  
  هو وابو مطلق وهم راس التجاره
وقل ترى عرق الطويسه نازلينه  
  نحتريهم ليل والافي نهاره
لاكمل سجن" عليهم حاكمينه  
  اهتنيت وشافو العرق وحماره


رد الشاعر المرحوم/محمد الفطيماني

بادي" باسم الولي مجري السفينه  
  مجريا"كونه على امره واختياره
وياهلا بالهاف واللي مرسلينه  
  والذي يسوقه مع اللي بالغماره
موترك يامسندي مستقبلينه  
  يستحق الطيب مع زايد وقاره
فوقه اللي تكسب الطاله يمينه  
  لاتغيرمشرب الحلو بمراره
ومرحبا بالخط واللي كاتبينه  
  من رفيق تفتخر لاجت خياره
فوق جمس"تو اهله ممرنينه  
  مرسله سلمان من دف الزباره
طالع" حينه وحنا خابرينه  
  الفخر والطيب همه واختياره
شوق غرو" يذبح العشاق زينه  
  واذكر الله مثل شمس" في نهاره
ناعم"عوده واهله مدللينه  
  في شبابه داخل"جو الحضاره
بوثمان مثل ضيف من غضينه  
  والنهيد ازبيدي"له في قراره
العمر خمسة عشر عدة سنينه  
  مترفا"مالوعه برد وحراره



من قصائد المرحوم في السجن.



احد" مقره باردات البساتين  
  واحد" وراء البيبان يرفع يدينه
ياسعود لو اني زعيم السلاطين  
  ماكان مسكاني بدرا الغبينه
ماكان سبع اسنين في موقع" شين  
  اشرب من المر المعلقم خشينه





هذه مساجله بين الشاعر مطلق بن نداء المطيري..يسندها لمحمد بن مطلق الفطيماني

يقول مطلق بن نداء

البارحه قلبي من الهم منبذ  
  والعين تسهر مايجي النوم لذه
والفكر صاير للهواجيس منفذ  
  والحال كثر الهم ياخوي بذه
كله سبب خل" عن القلب ماشذ  
  حبه وهرج الناس ياخوي شذه
صد وتكبر وودع القلب منهذ  
  وقلبي بعد فرقاه همه يهذه
طاوع بي العذال ولخافقي جذ  
  وتل الهناء من مهجتي ثم قذه
واصبحت تايه في خفوقي ترذ رذ  
  هواجس"وهموم ياخوي فذه
أشكي لبو مطلق عسا اليوم ينقذ  
  قلبي بسيف الغدر خلي يجذه



رد محمد الفطيماني



يابو ندا بكتب جواب" مقدقذ  
  متفقده من كل عيب يقذه
رد"على اللي قلتها لي بعد خذ  
  حصينة من كل هزل يرذه
ان كان قلبك من هوا البيض منعذ  
  قلبي خذاه ضويمر البطن خذه
وان كان قلبك يالمطيري تشذذ  
  غذه من الروحات يالقرم غذه
وان كان نون العين للنوم مالذ  
  قرب حصانك للمحذي وحذه
ناخذ صميل"للسفر مابعد نذ  
  جديد يحفظ مينا ماينذه
انا على ماترغب اليوم ماشذ  
  راحتك يامطلق لنفسي ملذه
امر وانا للي لما تريده انفذ  
  وعقب صبي"راحتك ماتلذه






بسم الله الرحمن الرحيم



مساجله بين صليهم بن عبيد السهلي ..ومحمد بن مطلق بن حشر الفطيماني .. رحمهم الله جميع ..





يقول صليهم بن عبيد



راكب اللي تو ماورد مضله
حوض صندوقه ولاركب حنايا

يسهج البطناج والمجرا يزله
كن ينحونه على الساقه سرايا

خيرت الجمسات والله ثم والله
كامل الاوصاف من كل المزايا

ياصل الشيخ المهادي في محله
شيخنا توصف به الشيوخ الهدايا

وقفه قدمه وقله ثم قله
دوك كلماتي مع الموتر هدايا

من ضميري هاضبه دقه وجله
كني اونس داخل اضلوعي حيايا

لاجين بين الضلوع الفين عله
مانفع فيها الطبيب والاالكوايا

مونسا" داخل ضميري صلوا مله
كن نار بقيق تنويني نوايا

وسط صدري يابو مطلق مستهله
من لهبها راحت ضلوعي شظايا

والسبب في ماحدث ياخوك كله
طفلةٍ خده يشادي للمرايا

راحت ورحنا على زين الجبله
ماحصل من صاحبي مز الشفايا

عزتي للي شكا من حب خله
قدمنا ياشيخ من قدم الشكايا

باسند الشكوا على رجل بمحله
باسند القيفان لسهام المنايا

شيخنا ماشفت انا حي " يمله
جعل يفدا شيخنا كل البرايا

رد محمد الفطيماني

شفت خط للي غدا بالمدح كله
بالكرم وان صاح صياح الحمايا

كسبت الناموس والله عادة له
شاربن كاس المراجل بالوفايا

مركز الناموس كله مستحله
مابقا للي يردونه بقايا

الكرم والطيب والجود انعزله
وهبتن له خص من راع العطايا
فوح صدري فوح بنن وسط دله
من دلال الشام والوقده غظايا

خل مزروق القلم ياسعود خله
يسي اوراقن على حبره ظمايا

بنسلن عوج المثايل تنعدله
البيوت العوج يودعها سوايا

من هجوس ٍ مثل مزن ٍ مستهله
من مطرها تشرب نفوس ٍ ظمايا

مرحبا بالهاف واللي جاء يتله
من ضمير ٍ صافي ٍ مابه خفايا

كان عينك دمعها الازرق تهله
دوك قلبي غادي ٍ كله كوايا

شل مرد القاف يالمرسول شله
للرفيق اللي بدع زين الرفايا

للرفيق للي هوا خله يتله
واردن قلبه كما ورد الظمايا

بوجناحين ٍ كما وصف الاهله
دقه الاوبار في خده بهايا

غاية الصفطان ياتي في محله
المرد يصير من جنس الهدايا

لا عوى سرحان لذياب ٍ عون له
وكل ريق ٍ يبس مابل الشفايا

يعرفون اهل المواقيف المطله
مكرمين الضيف وكبار الهوايا

ماقفن منه الردي يجيه خله
عن وجوده يمسح ماله سمايا




قصيده قالها ..الشاعر سعود بن ناصر السبيعي يسندها على محمد بن مطلق بن حشر الفطيماني ..
يصف بها محبوبته..وانه جأت له في السجن ..وعندما افاق لم يجدها ..وتعلمون ..حرقة المحب عندما يفقد احبابه ..في غربه ..كيف ..في ظلمة السجن ...



ليت حلم" حلمته يابو مطلق صحيح
ليت عيني تهنت في لقا احبابها

اشهد اني لزمته في مكان مريح
مير يوم انتبهت اقول وش صابها

قمت انا من منامي صب دمعي سفيح
ليت ذا الحلم يصدق في لقا احبابها

عذبوني وانا عذبت قلب" جريح
كن يكوى بكبدي حر مشهابها

كن في ضامري نيران يامستريح
كن نيران تنوره تلظى بها

لاجلست بمحل" مانظرت المليح
كن شبه الجزيره صكت ابوابها

ضاقت المملكه بي قمت انا امشي واطيح
كن رقط الحيايا علقت نابها




هذه القصيده من الشاعر مصلح بن زيد العتيبي ...يثني فيها على محمد بن مطلق الفطيماني ..



هديتك يالسنافي نفتخر فيها
هدية من صديق" كامل الشاره

هدية مااقدر اعطيها ولااهديها
ذكرى صداقه حميمه مابها باره

فالرجل يهدي وتعطي له هداويها
من ماضي الوقت والافلاك دواره

وانته صداقتك يالمنعور نشريها
ومن كان مثلك يقدر ضيفه وجاره

وربعك سهول" اليا كثرت عزاويها
عدوهم فالملاقى بردو ناره

تعطي العطايا الجميله وانت راعيها
والحر لاهد يعجب عين صقاره


يامحمد القرم جعل الله يسويها
ونطلع بفضل الولي للزين ودياره

واشوف من بالهوى تذبح مهاويها
من شافها في المحبه ضيع افكاره

ابو قرون على الامتان ثاعيها
والخد برق تكاشف تسطع نواره

يالله عسى العين تسعد في لياليها
وبطلب الله يزيل الهم واكداره

وختام الابيات باولها وتاليها
صلوا على المصطفى ماهلت امطاره




هذه الرديه بين الشاعرين محمد بن مطلق الفطيماني ومطلق بن نداء المطيري


محمد الفطيماني


عيني ياللي كن في نونها شين يفوح  
  كل ماقلت اسكنت زاد فيها لتهاب
والسبايب نفسي اللي على العليا طموح  
  مير دورات الليالي يجي فيهن عياب

مطلق المطيري



من عنا وقتي خفوقي تزايد به جروح  
  ذقت مر الحنظله وسط زادي والشراب
ماكتب للعبد ربي مدون وسط لوح  
  وماحدن دون القدر يافتى ياضع حجاب


محمد الفطيماني



وحالي الي سلها الصبر والوقت الشحوح=في محل الزهر شفت المهونه والعذاب
ضيقتن في خاطري مستمره ماتروح=حطمت حالي وانا من قديمن بانحطاب



مطلق المطيري


وحدني وقتن على راحت الخافق شفوح  
  وحطني في موقفن حط بالقلب التهاب
وزادها العله بقلبي وكبدي منه تفوح  
  والهنا قفي واشوفه مثل شوف السراب



محمد الفطيماني


مامضى لي مارجع والبواقي بتروح  
  اه ياوقتن مضى يالمطيري لو يجاب
كنت في غي الجهل بين ضحكات ومزوح  
  مادريت ان القدر بالتصدي وانقلاب





هذه قصيده من محمد بن مطلق الفطيماني يوجهه الي الشاعر مطلق بن نداء المطيري



البارحه سهران ماذقت انا النوم  
  كنه يخطف عن حجا العين خطاف
الف وثمان وفوقهن شهر مع يوم  
  يابو نداء في مقعد الزهد وقاف
ملزوم ارد القاف ملزوم ملزوم  
  وانته بعد يلزمك رد" على القاف
ان كان تقدر يازبن كل مضيوم  
  والا ترى يامسندي مابها خلاف
يابو نداء مافيه حقن ولا لوم  
  نأخذ ونعطي بيننا بالتعجراف
ياشوق من عينه كما عين صاروم  
  حرن بكفه لبرق الريش تلاف
غرون على راعي الهوى يطلق سهوم  
  خطرن يجذ القلب من بين الانجاف



رد مطلق بن نداء المطيري

جأني كتابي اللي مع الطيب زيزوم  
  حلال مايصعب على كل عراف
يامرحبا واعداد ماغرد الحوم  
  واعداد ميلاف" شكا بعد ميلاف
وأعداد من صلى فروضه مع الصوم  
  واعداد من عدا على راس مشراف
يشكي على قلبي من سنين مهموم  
  ويقول وقته ماسعى له بالانصاف
ويومه وقلبه عن هنا الوقت مفطوم  
  وطير السعاده فوق جوه فلاطاف
هذا القدر دايم على الناس محتوم  
  مايكتبه ربي له الناس تنحاف
والدار هذي كم به اليوم مظلوم  
  من وقتنا اللي للملا صار سياف
أصبر يابن مطلق على كل محكوم  
  عسى الفرج نوره يقرب بالاشراف
وعن الخطاء محدن من الخلق معصوم  
  وماكل من يرمي للاهداف هداف




قصيده من ناصر الشريف الي محمد بن مطلق الفطيماني.


يقول الشريف:

يامن جذبني يم زين الطواريق  
  حيه وحي اللي بخطه كتبها
هاض الغرام وهيضوه المطاليق  
  وحلو النباء زين السوالف جذبها
أهلا" هلا ياصادقين المواثيق  
  زحول الرجال اللي عريب" نسبها
أحلى من الحالي على فكة الريق  
  ترحيبتن سلك البريسم سحبها
هاضة شجون القلب با قصى المعاليق  
  وهاض ورهج واخطرت انا من لهبها
يالله يامحصي جميع المخاليق  
  عساك تقبل طلبة اللي طلبها
يحط لك مخراج من موقع الضيق  
  ويفك عسرات" العقد من نشبها
يامومي" لاهل النضاء بالدواليق  
  وكل المعاني الطيبه قد كسبها
الله يوفقكم بكل التوافيق  
  ياداعي الداعي لداعيك جبها
هذا وانا أنوي بذب الشواهيق  
  مير الرجل ماجت مثاني ركبها
وحملت يالمطلق على غير ماطيق  
  واثر الصعب تنقاد لحد غصبها
ياشربة عقب الضما مع مشافيق  
  ماها قراح يلتهم من شربها

رد محمد بن مطلق
بديت بأسم الله على كل تبريق  
  خلاق الانفس معتني في شببها
اللي رزق خلقه صحاح ومعاويق  
  أظفا عليهم من حنانه هدبها
ومن عقب ذامن فوق بيض"ملاهيق  
  بارفع على قوس العجايب عجبها
ردا" على معنا زبون المشافيق  
  زبونها فكاكها من عطبها
اللي يدفق خزنة القاف تدفيق  
  على بياض البوك ركز نصبها
هيض هجوس كان قبله مراويق  
  لين أستشاطت بالقصيد وقطبها
كان الليالي ذوقنه تذاويق  
  أنا علي أتسوق طايش غضبها
طوش القدور المرهفات الدوافيق  
  لازاد شباب الوقايد حطبها
منها هواجيسي تخافق تخافيق  
  من شوف دنيا بينت لي جربها
لاقلت قفت جت صفوق" مصافيق  
  ترهق بممشاها سريع" ندبها
واخر كلامي لك فدوك المطافيق  
  اخفاف العقول اللي قليل" أدبها
أهل القلوب النايمه بالمشاريق  
  اللي مماشيها تبين عطبها









عزالله اني تالي اليوم منحاس  
  متكدر" جوي وفيه أنعكاسي
ياخذبي الهاجوس سجه ومرواس  
  غطاس في بحر الهموم انغطاسي
من كثر مايفتر في طاسة الراس  
  امشي مع العالم بليا احساسي
وأن رقدو ماهملج الطرف بنعاس  
  اعوم في بحر بعيد المقاسي
تلاطمه فيه الزهايد والاتعاس  
  وبواخر التنكيد وسطه رواسي
اسبابها اللي زود الهم باعماس  
  خط لفاني زاد عمسي عماسي
رسالة كتبت على فرخ قرطاس  
  عبر معبرها بفكر وحماسي
وفزيت لولا اشوف فالباب حراس  
  يالله ياعسى ماصار يابوك باسي
وقمت أستدير وزايد الهم كباس  
  ونزلت من راس الطويل انتكاسي
والله لولا ماعلى الباب حباس  
  وعن بعض مانبغيه صار انحباسي
لادق سلف مقرب البعد مساس  
  واخذ صميم الراي من مخ راسي
اما تجي وتصير فرحات واوناس  
  ولا معك نلبس همومك لباسي
لاشك وقتي داسني بالعنا داس  
  علي بثقال المقادير داسي
وشفاي من كثر التفاكير يباس  
  لها ثمان سنين والوقت قاسي
والهم في صدري ورى كل مقياس  
  اسقني الاقدار مر ابكاسي
أحد" مواقفهم تورى بالافلاس  
  وعرفت من ياقف بوقت التعاسي
للي على صعبات الاوضاع دواس  
  لاجنب الموقف خطاة الهداسي
وصلاة ربي عد ماهب نسناس  
  على شفيع الخلق يوم الافلاسي







قصيده للشاعر/ سعود بن فهد السهلي يسندها على الشاعر / محمد بن مطلق الفطيماني رحمه الله ..




مدري علامك يافتى الجود زعلان  
  علام خاطرك واقفن من طرفنا
لعل ماب الجو حاسد وعدوان  
  وإلا كلام" صايرن من جهتنا
لولاك ماسويت عذبات الالحان  
  أشوف خاطرك واقفن يااخو بنا
جت منك ياوافي الخصايل كحيلان  
  يوم أن دنيانا لكم حاذفتنا
أنا أحسبنا دايم الدوم خلان  
  وأنا أحسبنا دايم" دون أهلنا
مأهوب يلزم بيننا كتم الاحزان  
  ترى زعلنا بيننا من جهلنا
عطني على قولي دليل وبرهان  
  وإلا على دار الطواله رحلنا
والله معك يأعزوتي طير حوران  
  عساك في جو السعاده تهنا
عسى تزور الهند وأبها وعمان  
  وعسى تمشى في مثاني وطنا
ومشكور ياحرن لك الطيب عنوان  
  لو كان نظراتك لنا يحزننا
وأختامها وأعداد ماهل ودان  
  وإلاالهبايب لاجنبن وأشملنا


محمد

مانيب يافرز الوغى منك زعلان  
  ياسعود مهما تفعله ماشحنا
انا الذي في جيتك كنت فرحان  
  وياللاسف تقول جاء الحيف منا
أنت الذي غلطان بالحيل غلطان  
  غلطان بالتأكيد ماهوب حنا
أكبر غلط في قولتك لي زعلان  
  يأكبرها يأعبرها ياجملنا
مقبول مأجاء منك في سر وأعلان  
  وانت أقبل اللي جاك ياسعود منا
خطاءك مسموحن ولوكنت غلطان  
  تخطي خطا وتقول يالقرم حنا
ترى الخطاء ياسعود من بين الاخوان  
  يهدم وساسه يالشلي مايبنا
ماهوب حقن منك ياذرب الايمان  
  في قولتك تنوي السفر من وطنا
دنياك ماتسوى بها كثر الاحزان  
  أنظر وفكر يافتى كيف كنا
وأختم كلامي بالتحيات صفطان  
  منى لمن سوى المثايل وغنا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-01-2011, 03:13 AM
الفطيماني الفطيماني غير متصل
©؛°¨غرامي مشارك¨°؛©
 
الافتراضي رد: ((ذكريات شاعر)) للشاعر/ محمد بن مطلق الفطيماني


مساجله بين الشاعر: ابن دايل ((وهو ماورد لنا بهذا الاسم)) وبين :محمد بن مطلق الفطيماني


ابن دايل:  
  يقول أبو دايل ترى العين حايله
مصايب الدنيا تعالت فروعها  
  وغصون حظي دايم الدوم ما يله
مامن مجيب لصيحتي كود ترديدها  
  حتى صدى صوتي فلانيب طايله
حالي تدانى من عناها عودا  
  والد الصب ماعاد قلبي يتخايله
لكن على ماقيل شكوى لله  
  الواحد المعبود يسمع نداي له
ومحمد مشكاى بأول وتالي  
  ابو مطلق والله مانسى جمايله
أشكى عليك الهم والغم والعناء  
  وأشكي شديد الضيق بالصدر شايله
كل على درب الهواجيس حدني  
  ربعي وناسي والزمان بفعايله
في حلكة الظلماء تداريت عبرتي  
  وكفكفت دمعات" على الخد سايله
ماهوب ياس مير كثرة مصايبه  
  صارت تعج بنارها في دخايله
أشكي انا ياشيخ من زايد القهر  
  وأشكي ظروف الوقت أقسى نكايله
وأرجي العذر يالقرم لاهان شخصكم  
  شخصك عزيز وزود بأثني رجايله
أقولها والعين ياشيخ توها  
  عن لذة المرقاد لاشك حايله

محمد المطلق رحمه الله:
يامرحبا بالخط ترحيب مخلص  
  ترحيبة ذوب العسل من زلايله
ترحيبتن فيها على الزين ميزه  
  تفوق معيار المقاييس هايله
يجرها سلك المحبه وتنجذب  
  من غاية الصفطان جات متهايله
لك يارفيق الصدق والعز والوفاء  
  اللي شكيت الضيق وأعظم عظايله
أنا رفيق لك على كل شده  
  فالموقف اللي يرهقنك هوايله
هذا وأنا يالقرم شايف وعايف  
  أشوف وقتن شايناتن دغايله
وقت على الطيب يجي فيه ميله  
  يشن غارات كبار وهايله
عساك من سوه بعيد معافا  
  ابجاه من نرجي عطاه وفضايله
ومن عقب ذا خذ يانديبي رسالتي  
  اخذ الكلام اللي كتبته وقايله
وده لمن سوى البيوت الغرايب  
  اللي حثل صاف المثل من حثايله
وده لبو دايل وقله تراني  
  له مسند" في الضيق وأيضاشكايله
يامر وأنا له مستعد وحاضر  
  أفديه في نفسي وأبين فدايله
لي الشرف في خدمته مع لزومه  
  افي مع اللي وافياتن خصايله
قلته وانا له صادق في كلامي  
  والصدق دايم يثبتنه دلايله
وختامها اللي شكا لي ظروفه  
  مني مرد القاف تافي مكايله





قصيده موجهه للشاعر/ محمد بن مطلق الفطيماني رحمه الله

يقول الشاعر :


سر ياقلم وأكتب علوم وكايد  
  أكتب بيوت" بالمعاني لها ذوق
ثم أخبر اللي بالمواقيف رايد  
  ابن حشر طيبه مع الناس مفروق
وهو رفيق الجود راع العوايد  
  ريف الحزين اللي من الوقت محروق
رجل" حياته كلبوها فوايد  
  يعرف حقوق الغير وللحق محقوق
هو مسندي والله وللجود صايد  
  مشكاي وقت الضيق عن كل مخلوق
لاشك انا محتار والبعد كايد  
  وزود الظروف اللي على الراس من فوق
يامحمد" والله وقتي شدايد  
  أسهر من اللوعات ماغمض الموق
والحيل مني يافتى الجود بايد  
  وقلب الحزن من بين الاضلاع مدقوق
في موقع" ياعنك مانيب فايد  
  بين اربعة جدران والحال مدقوق
هذا كلام اللي همومه سرايد  
  وضح لكم خافيه والوقت ملحوق







قصيده للشاعر / محمد بن مطلق الفطيماني رحمه الله في السجن . يسندها لصديقه القوس من قبيلة عتيبه




أه وأعزاه يالقوس للي مثلنا  
  لابغاله لازمن عنه عداه الخفير
لاوقف له مثل يالقوس ماوقف لنا  
  ماينول اللي يبي لو شكاء عند المدير
مرجعه معطيه تصريح مايلطف لنا  
  لابغينا الحق يالقوس عنده مايصير
جعل ربي يالعتيبي يفرجها لنا  
  من محلنا شبرنا فيه يالغالي قصير
عقب مانامر على الشي ويحضر لنا  
  صار كل اللي نبي يالعتيبي جاء عسير
شف لنا يالقوس ماهو مناسب شف لنا  
  شف لنا يالقوس دبره ترى الموقف خطير



رد محمد الفطيماني
بديت باسم الله على كايد  
  اللي بخلق الخلق ماهوب مسبوق
اللي خلق خلق وجعل له عقايد  
  والرزق من بين المخاليق مسيوق
ومن عقب ذا من فوق بيض جدايد  
  بكتب على الصفحه مقاطيف واطروق
ردا" على من صاغ زين القصايد  
  كن العسل في رونق البيت مذلوق
قاف لقانا من وسيع البنايد  
  صفاه من يلعب على القوس بطروق
صاغ البيوت اللي بها لزين زايد  
  تشدا حليب اللي رعت كل زملوق
الزين يصدر منه ويجيه عايد  
  له ميزة" تفرق على كل منطوق
كل على درسه ينال الشهايد  
  يأخذ على قد التفوق من الذوق
اللي قضى وقته بهم وجهايد  
  تصفق به الدنيا على كل طاروق
قبله جرالي كل كود ومكايد  
  شربت انا الذرنوح والسم مسحوق
الحال كلت مابقاله شرايد  
  يطويه من كثر الدواكيك ساروق
راحت حياتي كلبوها نكايد  
  بيت النكد في بخشة الخط مطقوق
ذقنا بها الدنيا اهموم وزهايد  
  حاطت علينا في غثاها تقل طوق
عساه يجمعنا وكيد الوعايد  
  في موقع" عن رجة الخلق مرفوق
نمشي على شف النفوس السنايد  
  ونأخذ من اللي ترغب النفس دغروق
ونختار باللذات ماكان جايد  
  حتى نمتع به هوى النفس وتروق
وختامها لك يارفيق الشدايد  
  العنبر الاصلي مع العود مسيوق


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-01-2011, 03:32 AM
صورة ؛؛همس الروح؛؛ الرمزية
؛؛همس الروح؛؛ ؛؛همس الروح؛؛ غير متصل
[®]همس الحروف[®]
✿ إدارة الإقسام ✿
 
الافتراضي رد: ((ذكريات شاعر)) للشاعر/ محمد بن مطلق الفطيماني


سلمت على الطرح والمجهود

شكراً لك

إحترامي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-01-2011, 03:41 AM
صورة يادرب ماأصعبك الرمزية
يادرب ماأصعبك يادرب ماأصعبك غير متصل
©؛°¨غرامي ماسي ¨°؛©
 
الافتراضي رد: (ذكريات شاعر) للشاعر/ محمد بن مطلق الفطيماني


يعطيك العافيه على روعه النقل
ننتظر جديدك...
لك ودي..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-01-2011, 03:45 AM
الفطيماني الفطيماني غير متصل
©؛°¨غرامي مشارك¨°؛©
 
الافتراضي رد: (ذكريات شاعر) للشاعر/ محمد بن مطلق الفطيماني


همس حياك حياك



وتشرف الموضوع بوجودكم.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-01-2011, 11:39 AM
صورة جرحني(جورية) حبي الاول الرمزية
جرحني(جورية) حبي الاول جرحني(جورية) حبي الاول غير متصل
يً ربَ ..رضـآآك.. والجًنَه .. ♥
 
الافتراضي رد: (ذكريات شاعر) للشاعر/ محمد بن مطلق الفطيماني


انتقااااءات راائــعـــــه
يعطيك العااافية على النقل
ودي//جــــورريـــــــة


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-01-2011, 11:56 AM
صورة جرحني(جورية) حبي الاول الرمزية
جرحني(جورية) حبي الاول جرحني(جورية) حبي الاول غير متصل
يً ربَ ..رضـآآك.. والجًنَه .. ♥
 
الافتراضي رد: (ذكريات شاعر) للشاعر/ محمد بن مطلق الفطيماني


انتقااااءات راائــعـــــه
يعطيك العااافية على النقل
ودي//جــــورريـــــــة


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 17-01-2011, 08:46 PM
صورة عناق المطر الرمزية
عناق المطر عناق المطر غير متصل
أبتسـم وتوكل على الله
 
الافتراضي رد: (ذكريات شاعر) للشاعر/ محمد بن مطلق الفطيماني


انْتِقَاءُ عَذْبٌ
عَوَافِي
/


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-01-2011, 08:55 PM
صورة //R الرمزية
//R //R غير متصل
©؛°¨غرامي فضي¨°؛©
 
الافتراضي رد: (ذكريات شاعر) للشاعر/ محمد بن مطلق الفطيماني


تسلم إيدك على روعة النقل

لاعدمنا جديدك يارب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 18-01-2011, 04:05 PM
صورة unique ksa الرمزية
unique ksa unique ksa غير متصل
فيني هدؤ الكون وفيني جنونه
 
الافتراضي رد: (ذكريات شاعر) للشاعر/ محمد بن مطلق الفطيماني


ابيات رائعه
يعطيك الف عااافية
ودي//يونيك

موضوع مغلق

(ذكريات شاعر) للشاعر/ محمد بن مطلق الفطيماني

الوسوم
((ذكريات , للشاعر/ , محمد , أطلق , الفطيماني , شاعر))
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مملكة صدى ذكريات الخاص ^_^ صدى ذكريات سكون الضجيج - مملكة العضو 33 20-01-2011 02:21 AM
تجديد / رابطة مشجعي نادي القرن الآسيوي ღ∙• وَينـφـِا έـيُونٍـﮓ •∙ღ كووره عربية 2002 03-03-2010 04:51 PM
قصيد للشاعر المبهم بعنوان مسرحيتي غارقه في الاحزان منقولات أدبية 7 21-10-2008 08:32 PM
ذكريات الزمان حلو البسمه خواطر - نثر - عذب الكلام 14 27-06-2008 03:14 PM
..... ذكريات عينيك ..... نداء الروح خواطر - نثر - عذب الكلام 14 03-04-2006 05:30 AM

الساعة الآن +3: 04:49 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1