غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 901
قديم(ـة) 04-06-2014, 01:55 AM
صورة المجهولهه الرمزية
المجهولهه المجهولهه غير متصل
©؛°¨غرامي مشارك¨°؛©
 
الافتراضي رد: رواية رضيت بقدري و حبيتك / بقلمي


بننااات راحح أكمل البارتت هو طويل شوي
بس انتظروو علي شويي
ان شاء الله كلها كم ساعه وتكون التكمله جاهزهه
بس انا نزلت هالجزء القصير عشان ماتزعلونن منيي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 902
قديم(ـة) 04-06-2014, 05:53 AM
صورة إختـفاء! الرمزية
إختـفاء! إختـفاء! غير متصل
©؛°¨غرامي جديد¨°؛©
 
الافتراضي رد: رواية رضيت بقدري و حبيتك / بقلمي


ومتى تكملة البارت مره متحمسه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 903
قديم(ـة) 04-06-2014, 12:40 PM
صورة المتني يازماني الرمزية
المتني يازماني المتني يازماني غير متصل
©؛°¨غرامي فعال ¨°؛©
 
الافتراضي رد: رواية رضيت بقدري و حبيتك / بقلمي


وانا متحمسة بعد
خذي راحتك حبيبتي
احنا بانتظارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 904
قديم(ـة) 04-06-2014, 01:15 PM
صورة خيالك دوم بعيوني الرمزية
خيالك دوم بعيوني خيالك دوم بعيوني غير متصل
©؛°¨غرامي فعال ¨°؛©
 
الافتراضي رد: رواية رضيت بقدري و حبيتك / بقلمي


حماااااااااس نتظرررررك ي غلاااااا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 905
قديم(ـة) 04-06-2014, 02:44 PM
صورة ras99 الرمزية
ras99 ras99 غير متصل
©؛°¨غرامي مشارك¨°؛©
 
الافتراضي رد: رواية رضيت بقدري و حبيتك / بقلمي


حماااس يلا ننتظرك 3>

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 906
قديم(ـة) 04-06-2014, 02:46 PM
صورة المجهولهه الرمزية
المجهولهه المجهولهه غير متصل
©؛°¨غرامي مشارك¨°؛©
 
الافتراضي رد: رواية رضيت بقدري و حبيتك / بقلمي


راح انزل البارت الليله
ووعد مني انه يكوون طوييل مرا

ودددي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 907
قديم(ـة) 04-06-2014, 05:46 PM
صورة المجهولهه الرمزية
المجهولهه المجهولهه غير متصل
©؛°¨غرامي مشارك¨°؛©
 
الافتراضي رد: رواية رضيت بقدري و حبيتك / بقلمي


تگملة ParT 23 ❤️

تنآمْ الذكريآت الموجِعَة فِي صدري الليلَة
......... وتصحَى ذكريآت المآضِي اللي رآح ..وأحبآبِي


زوآج ( رآئد | سمر ) ��

اصوات الزغاريط مالية المكان .. الكل فرحان ومبسوط .. الا بعض القلوب الحزينة ... الكل يهني ويبارك بمناسبة زواج رائد من سمر
كان الفرح ولا اروع ... في قاعة رائعة وفخمة في احد احياء جدة الراقية ..


( فــــآصل ~ ��


وكانت أحلى وحده فيهم ليآل كانت ملاك بمعنى الكلمه الكل يسمي بالرحمن عن الحسد ....

كانت لابسه فستان أحمر فااااااااااقع لفوق الركبه من فوق فيه مثل الشبكه تغطيه لين الخصر وفتحت الصدر وسيعه شوي ومن تحت الخصر طبقات كبيره لين آخر الفستان والفستان عاري اليدين .. وصندل أحمر ربطات وفيه كرستالات فضه رووعه .. و حاطه قلوس أحمر صاارخ و كحله سوداء محليه عدستها الرماديه .. وبلاشر احمر وشدو روعه بالاحمر والاسود وفيه لمعة .. بالمعنى آخر كانت في غاية الروعة

ونوف كانت لابسه فستان حرير لونه بنفسي لين الركبه عليه قطعة حرير عند الصدر مفصوله عن الفستان لكن لاصقه فيه من بداية الفساتن لين عند الخصر وكسرات مع كعب بنفسجي .. مع ظل بنفسجي واسود وفضي و قلوس فوشي فاتح شوي وكحل محليه عيونها وماسكرا .. طالعه شي خطير ..


اما رغد فكانت لابسه مثل أختها لكن لون الفساتن بني حرير وعليه زي اللمعه الذهبيه منثور عليه .. ومسويه بشعرها بف ومستشورته غرتها ومميلتها وطالع شكلها كيوت


ودانه كانت لابسه فستان فيروزي طويل مره فتحة الصدر شوي واسعه وحريري ورافعه شعرها لفوق بطريقه مميزه وحلوه ومطيحه بعض الخصل على وجها وحاطه شدو فيروزي وقلوس وردي ناعم وبلاشر وكحل كثيف شوي مع الماسكرا ... طلعت شيء رائع جداً ..

روعه كانت لابسه فستان اسود لحد الركبه .. فتحة الصدر وسيعه شوي والفستان كان مخصر عليها شوي .. وفيه كرستالات محليه الفستان اكثر .. ومجعده شعرها طالعه شيء خطييير .. مع القلوس الاحمر النااري مع بياض بشرتها وصفائها طالعه روعه بمعنى الكلمه

ولجين اللي ماكانت بتحضر عشان بطنها بان وماجد الزفت مثل ماتقول بس نوف اصرت عليها لانه مهما كان هذا زواج ولد عمها
وكانت لابسه فستان وردي غامق مره لنص الركبه حرير مخصر عليها ومخليها فاتنه .. وكان مافيه أي زخرفه او شيء .. لكن طالع كيوت .. رافعه نص من شعرها وعامله نفخه مطلعتها حلوه كثير وكان الميك اب شوي غامق .. والي محليها اكثر القلوس الوردي الغامق مثل لون الفستان .. كان غريب لونه ومميز .. كانت تلفت الانظار .. وادا ابتسمت تطلع لها غميزه من جهة اليسار ..
ومبينه كرشتها على خفيف بس نوف رقعت لهم وقالت انها زايده كم كيلو


دلال كانت لابسه فستان جلد النمر وعليه شال بنفس شكل الفسان حلو كثير .. ومخليه شعرها مثل ماهو فقط مستشورته ومسويه بوف من فوق


الجوري كانت لابسه فستان قصير لنصف الساق..لونه احمر علاق وتحت الصدر فيونك بلاك زاد من جمال الفستان..سيحت شعرها وفردته على كتفها..


ــــــــــــــــــــــــــــــــــــ

دخلو البنات غرفة العروس يسلمون عليها ماعدا رغد اللي قالت بتروح الحمام وبتسلم بعدين لانها ماكانت قادره تشوفها تحس لو شافتها راح تذبحها

دانه : مبروووك سمممر
سمر بغرور واضح : يبارك فيك
دلال : مبروك ياعروسه
سمر تناظرها من فوق ل تحت : اووهه انتي مو متزوجهه
دلال اخذت كلامها عن استهبال : وعععع ماناقص الا اتزوج وش اسوي في الزواج
ليال تقاطعها : مبروووك سمووره منه المال ومنك العيال
سمر : يباركك فيك

بعد ماسلمو البنات عليها طلعو للمعازيم
وعلى الساعه ١٠ بدت القاعه تزدحم بالمعازيم

فجأه انطفت الاضواء
ودخلت سنر بثوبها الأبيض ..كان فستانهاا راقي وفخم جداا ورائع ومبين كل جسمها الرشيق الجذاب..

بعد دقايق اعلنو دخول المعرس
في هاللحظه رغد ماقدرت تشوفه وهو ينزف لغيرها
فقررت انا تطلع من القاعه
دخل رائد ورغد كانت طالعه وتلاقت عيونهم كل واحد يعاتب الثاني ويشكي له
نزلت منها دمعه خانتها ولاحظها رائد وتمنى انه يروح ويضمها ويقول لها انتي لي
دخل القاعه وشاف عروسه تنتظره
بس ماكانت اللي يتمناها
تمنى في هاللحظه ان لو رغد تكون مكان سمر
كان هو الحين اسعد شخص في الكون
انزف لها وهو يحس ان اليوم عزاه مو عرسه

انتهت مراسيم الزواج وتوجو ابطالنا لبيوتهم


مشاري ( اخو سمر ) : رائد يااخوي مااوصيك على سمر تراها غاليه
ابتسم بتصنع وهو يقول : لاتوصي حريص
مسك يدها ومشى معاها للفندق
دخلو الجناح اللي محجوز بإسمهم
وعلى طول سمر توجهة للحمام الله يكرمكم واخذت شاور ولبست بيجاما ونامت
فتح عيونه من الصدمه معقوله وحده بيوم زواجها تسوي كذا ؟ لا اكيد هذي مو صاحيه
رآئد : سمر
سمر : نععم شنو تبي انا تعبانه وابي انام
رائد بعصبيه : انتي متأكده انك عروس ؟
سمر بضحكه : ليش شنو شايف انت؟
رائد : في عروس بليلة زواجها تسوي سواياك
رجعت تمددت على السرير وغطت نفسها وهي تقول : قلت لك تعبانه وابي انام
طلع من الغرفه وضرب الباب وراه وراح ينام في الغرفه الثانيه

ــــــــــــــــــــــــــــــــــــ

اليوم التآلي ~

گآنت بغرفتها تجهز ~

لبست لها فستان احمر لنص الركبه .. مخصر عليها .. عليه حزام عريض اسود تحت الصدر .. و مجعدهـ شعرها لكن غرتها كانت مستشورتها ومميلتها .. وحاطه لها مناكير احمر صارخ رووعه .. اخذت لها كريم اساس وحطته بوجها .. وبعدين اخذت الكحل ورسمت بيه عيونها .. واخذت روج أحمر هادئ .. وناظرت بنفسها بالمرآة .. حست شيء ناقصها .. مدت يدها للماسكرا وحطت لها .. وحطت لها شدو ناعم كثييير .. قامت من مكانها واخذت لها بوت اسود طويل للركبه جلد .. وحطت لها اكسسوارات منوعه ولبست الساعه الي خلتها احلى واحلى ... وحطت لها حلق ناعم .. مسكت عبايتها الكتف وشنطتها الحمراء الصغيره ونزلت تحت ..


دخل الجناح وبيده مفتاح السياره ويلعب فيه ويصفر
جمد مكانه لما شافها كانت كلمة ملاك قليله بحقها
ناظرته من المرايا وابتسمت بسخريه وهي تقول : سكر فمك ادري اني حلوه
انتبه على نفسه كيف تصنم وهو يناظرها : ماخذه بنفسك مقلب
ليال بابتسامه عذبته : اشوفك ماوقفت تطالعني
خالد بارتباك : انا ماناظرتك لجمالك
ليال : لا والله ؟ اجل ل شننو ؟
ابتسم بخبث وهو يقول : لا ابببد بس فيك شي خطأ وبصراحه لو يشوفنك به راح يضحكون ههههه
ليال واللي صدقت : بجد ؟ شنو ؟
خالد وهو يفتح باب الحمام الله يكرمكم : ماراح اقولكك
وقفت بجنب المرايا وهي تناظر بشكلها وفستانها وماتشوف الشي اللي قاله خالد
سمعت صوت ضحكاته العاليه وهو في الحمام وفهمت انه اكل بعقلها حلاوه
ضربت الارض برجولها بقهر وهي تقول : هييين ياتبننن
ــــــــــــــــــــــــــــــــــــ

بعد صلاة المغربب ~

أبو فيصل : يا أم فيصل
ام فيصل : سم
ابو فيصل : سم الله عدوك " قولي للخدم يجهزون الشاي عندنا ضيوف


في مجلس الرجال )~

أبو مآجد : بصراحه ياأبو فيصل أنا طالبك طلب واتمنى ماتردني
أبو فيصل يضرب على صدره : ماعاش من يردك وانا اخوك
ابو ماجد : هذا العشم فيك
بعد اذنك انا طالب يد بنتك لجين لولدي ماجد
توسعت ابتسامة ابو فيصل لان ابو ماجد كان شريك معاه قي الشركه من زمان : والله ياابو ماجد انتو ناس والنعم فيكم ماحد يقدر يرد لكم طلب واذا علي انا موافق بس لازم اخذ شور البنت
ابو ماجد بإبتسامه : من حقها ياابو فيصل خل تاخذ راحتها وتفكر والله يكتب اللي فيه الخير ان شاءالله

ــــــــــــــــــــــــــــــــــــ

فارس بصراخ وهو يدخل الشقه : ريمممااااا ريممماااا
ركضت له بخخوف : فارس !! غريبه جاي
ابتسم بخبث وهو يأشر لأصحابه يدخلو
طاح قلبها من الخوف وركضضت بتهرب للغرفه بس يده كانت اسرعع ومسكتها : وينن رايحه ياحلوه
ريما بصياح : فارس حرام عليك انت عديم احساس فكني
فارس بضحك : ههههههه هذا مقابل اني تزوجتك ولميتك من الشارع ويلا الحين روحي بدلي ملابسك ( وغمز لها : ولبسي قميص نوم حلو
ريما بقرف : انت واحد ماتستحي ولا عندك غيره الله يرويك يوم بخواتك ياكلببب
رفع يده واعطاها كففف : شبب ولا كلمه لسانك هذا اقطعه اذا طال ويلا الحين ع الغرفه بدلي ملابسك ولاتحاولي تلعبي بذيلك لانك مهما تسوين ماراح تقدرين علي

ــــــــــــــــــــــــــــــــــــ

ام فيصل : ها يمه لجين شقلتي
لجين كانت موافقه اكيد بس عشان ماتشكك اهلها قالت : بفكر يمه
ام فيصل بإبتسامه : خذي راحتك ياقلبي ' وترا ماجد رجال من ظهر رجال ماراح تلقين مثله
لجين ( رجال على تبن انتي لو تعرفين شنو سوا فيني يايمه : ان شاءالله

طلعت ام فيصل ولجين رفعت جوالها واتصلت على نوف ،، بعد دقايق جاها صوتها "

نوف : هلا لجون
لجين بسرعه : ماجد خطبني
نوف بفرحه : من صدقك انتي ؟
لجين : اي تو امي خبرتني
نوف : الحمدلله تدرين لجين كنت خايفه انه مايوفي بوعده
لجين بخوف : بس انا ابي يتم الزواج بسرعه لان خلاص بطني بدأ يبان
نوف : لاتخافين اكيد ماجد راح يقول لعمي انه بسافر ويبيك معاه لاتفكرين في شي حبيبتي

ــــــــــــــــــــــــــــــــــــ

نرجعع ل ورىَ ششوي ،،

صحى من النوم وشافها لين الحين نايمه عفس وجهه وهو يناظرها وقام الحمام الله يكرمكم اخذ له شاور ولبس ثوب وشماغ ورش له من عطره
طلع لقاها نايمه تأفف وهو يقول : هذي ماتشبع نوم

طلع من الفندق وراح المزرعه ل أصدقاهه

( طبعا الجد كان راح يسوي غدا بمناسبة الزواج
لان هذي عاداتهم بعد كل زواج يجتمعون على غدا
بس رائد قال انهم بسافرو بعد سبوع فقرر الجد انه يسويه قبل سفرهم بيوم )

ــــــــــــــــــــــــــــــــــــ

بيت الجد منصور ~

الجد منصور ينادي : روووعه روعععه
جت روعه تركض : هلا يبه آمرني
الجد بإبتسامه : مايآمر عليك عدو يابنتي ، بس مشعل في المجلس ينتظرك
تسارعت نبضات قلبها وهي تسمع كلام ابوها
ماكانت تبي تشوفه كانت خايفه من مواجهته
صحاها صوت ابوها وهو يقول : يابنتي الرجال له ساعه ينتظرك يلا عجلي
دخلت غرفتها ولبست لها بنطلون جينز ضيق وتيشيرت فوشيه علاق ماكانت تبي تكشخ له ليششش !! ماتدري


دخلت المجلس ورجولها ترتجف من الخوفف
روعه : السلام عليكم
مشعل : وعليكم السلام
انصدمت من صوته ، هالصوت حافظته عدل
معقوولهه !!!! رفعت راسها له وانلجم لسانها من قوة الصدمه ،،


يتبــــعع ~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 908
قديم(ـة) 04-06-2014, 05:53 PM
صورة المجهولهه الرمزية
المجهولهه المجهولهه غير متصل
©؛°¨غرامي مشارك¨°؛©
 
الافتراضي رد: رواية رضيت بقدري و حبيتك / بقلمي


ياشيخ استح على دمّك !
أنا اللي شتت احبابه ..
عشان يفكّر يلمّك !
وجاي تقول ..
............... ماهمـّك !


********************


دخل البيت ويحس نفسه ضايق
مخنننوق ومقهووور
رمى جسمه على اول كنبه ونزل راسه وسنده على يدينه وهو يردد : يارب ساعدنا يارب ساعدنا
طلعت ام ناصر من المطبخ وشافت ولدها وكيف حالته حاله ، قربت منه وجلست جنبه وتكلمت بخوف : يمه خالد شفيه وجهك كذا ؟ شصاير ؟
رفع راسه وناظر امه نظرات ماقدرت تفسرها : يمه
ام ناصر بخوف : خالد شصاير وقفت قلبي تكلم
خالد بتعب : يمه عرفت منو اللي قتل اختي ريم
شهقت ام ناصر وحطت يدينها على فمها وبدأت دموعها تعلن نزولها
خالد يكمل : تذكرين ابو منصور اللي كان يشتغل معنا في الشركه وطردناه ؟
ام ناصر بصياح : ايي
خالد بحقد : ولده ناصر هو اللي قتل ريم
صرخت ام ناصر وصارت تضرب على راسها بصراخ
نزلت ليال والجوري ولمياء على صوتها
وحاولو يهدونها وهم مو عارفين سبب صراخها

ــــــــــــــــــــــــــــــــــــ

جرها من يدينها وصرخ فيها وهو سكران : ارقصي
ريما بصياح : فارس حرام عليك
قرب لها لؤي صديق فارس وباس ثغرها بعنف وهي بس تصيح وتضربه
فارس بضحك : اقوول لؤي شكلك ناوي
لؤي بخبث : احد يشوف هالقمر ويشبع

جرها للغرفه وهي تصارخ وتصيح
ومااهتم لكلامها وضربها له و........

ــــــــــــــــــــــــــــــــــــ

انصدمت من صوته ، هالصوت حافظته عدل
معقوولهه !!!! رفعت راسها له وانلجم لسانها من قوة الصدمه ،،

تكلم بحب : اشتقت لك روعه
ارتمت ع الكنبه اللي وراها ورفعت يدها على قلبها اللي حست انه بيطلع من مكانه سكرت عيونها ورجعت فتحتها تبي تتأكد هذا حلم ولا حقيقه

ابتسم على حركاتها اللي يعشقها
قرب منها ومسك يدها وباسها بحنان : اسف والله اسف انا ماكنت اسوي هالاشياء بوعيي
الله يشهد علي اني تعذبت من فراقك ياروعه
والله احبك ومااقدر اعيش يدوك
رفعت يدها ولامست خده وهي تهمس بصدمه : طلال .. طلال
وقف ووقفها معه وضمها لصدره : ياروح وقلب طلال انتي ' الله يخليك روعه سامحيني
روعه والصدمه مأثره فيها صارت تصيح وتصارخ وتكسر كل شي قدامها وهي تقول : لييششش كذا ليش ذليتني وضربتني ؟ لييش سويت فيني كذا لييييش انا تعذبتت طول هالسنين وانت تزوجت وعندك ولد وعايش ومبسوط وجاي تقول سامحيني
اسامحك على ايش ياطلال ؟ على ضربك لي ولا اهانتك ولا طعنك في شرفي ؟
انت قتلتني قتلتني خلاص ماعاد فيه روعه انا من صار اللي صار وانا جسد بلا روح حرام عليك ذبحتني وعذبتني وجاي تقولي احبك لييش طلعت في حياتي مرا ثانيه انا ماابيك انا نسيتك ماابيك مااااابيك

دخلو الجد منصور والجده منيره وريان وهم مرتعبين من صراخها
قرب لها ريان وضمها وصار يمسح على شعرها وهي تصيح بصوت يقطع القلب ؛ ليش يااخوي ليش سويتو فيني كذا ؟ ليش مااخذتو رآيي لهدرجه انا رخيصه عندكم
نزلت دمعة ريان وهو يشوف اخته ب هالحاله عوره قلبه من كلامها : ياروح اخوك انتي مافي احد بغلاك عندنا ولو حنا عارفين ان هالشي بيزعجك ماسوينا كذا والله كنا فرحانين لكك قلنا اكيد انك بتنبسطين
قرب منها طلال وسحبها من حضن ريان لحضنه : انا مستحيل اتركك رورو والله عارف انك تعذبتي وهالشي فوق طاقتك بس انا احبك ومستحيل اتركك ماراح اضيعك من يديني هالمره

ــــــــــــــــــــــــــــــــــــ

رجعع من المزرعه وشافها جالسه ع الكنبه وبيدها البوب كورن وتشاهد التلفزيون
تكلم بحده : انتي متأكده انك عروس
ناظرته بغروور : ليش ان شاءالله ويش شايفني
لابسه احلى لبس شتبي اكثر من كذا
رائد بقهر من غرورها : عبالك اللبس كل شي ؟ الاخلاق هي الاهم يامدام
سمر : اذا عرفت معنى الاخلاق تعال تكلم
جرها من يدها وقومها من مكانها وصرخ : انتي مو عارفه من تكلمي
تخصرت بدلع وهي تقول : الا اعرف ' زوجي المصون رائد الـ.... )
ذاب من دلعها ولبسها كانت لابسه فستان ابيض لنص الفخذ والظهر كله عاري وفتحة الصدر واسعه وبجنب البطن شفاف يعني يبان بطنها
بلع ريقه وهو يناظرها حتى لو كان مايحبها بس مهما كان هو رجال مايقدر يتحكم بنفسه
بعد عنها بسرعه لما حس انه بيتهور
وتذكر رغد وانه مستحيل يخونها

اما سمر استغربت من حركته هي تبي تغريه بس تفاجأت لما شافته صابر وماهزه شي من حركاتها ولبسها
ضربت رجلها ع الارض بقهر وهي تقول : هييين يارائد والله لااخليك تتعذب وتحبني مثل ماحبيتك

ــــــــــــــــــــــــــــــــــــ

ما جت على هـ / الجرح يومك تشرّه
ولا على .. آخر سواياك فيني
أموت " وجد " بـ / غيبتك ألف مرّة
اسأل " عذولي " كيف سوّا حنيني !
و الحين تشكي لي غدى الشوق " جمرة " ؟
يا خي قسم بالله .. ما عاد فيني ,

جالسه بغرفتها على المكتب وتبكي بقهر وهي تتذكر الاحداثث قبل شويي ،،

روعه بقهر : اطلعع بررا اطلعع ماابيك في حياتي اكرهك ياطلال اكرهككك

نزلت راسها بقهر وسمحت لدموعها ب النزول
تحس نار بقلبها وودها تطفيها
صحيح انها تحبه وتعشقه وعاشت هالسنتين على امل انه يرجع ليها ولما تحقق اللي تبيه حست انها غبييه ورخيصه كيف ضيعت حياتها وسمحت له انه يذلها

فتحت لابتوبها وسجلت دخولها في المنتدى ( طفلتك شابت )

دخلت قسم الخواطر وكتبت :


أكتب في هذه اللحظة ونزف قلمي منهمر بدم جرحك ..
وأحاول ألملم شتات روحي ,, بعد وإن تبعثرت ,, لأجلك ولأجل حبك ...
حتى وصل بي الأمر إنني كدت أخسر روحي لأجل أفديك بها ..

... كنت سأصبح جسد هامدا بلا روح ...
وكل هذا من أجلك
جلست لحظات أتذكر كلامك اللطيف الرقيق ,,
الذي كان يُسكر عقلي ويحرك مشاعر قلبي ويزيد نبضها ..
كانت لحظات سعيدة جدااا .......

لكن !!! ...

ويا للأسف تحول هذا الرومانسي الرقيق ...
إلى : -*-* جراح ,, وسفاح ,, ومصاص دماء -*-*

جرح قلبي و سرق النوم والراحة من عيني ومص دم عيني
قطرات دموع ..

لماذا تحول هكذا ؟؟؟
هل جزاء محبتي المخلصة لقلبه ؟؟
أم جزاء تضحيتي بروحي من أجل إسعاده وراحته ؟؟
أريد أن أعرف لماذا جرحتني ؟؟

حتى يهدأ بالي قليلا ...
أنا لم أقل أرتاح أو أفرح ..
لا والله لم أذق طعم الراحة ولا الفرح من لحظة تغيره نحوي ..
أنا تمنيت هدوء بالي لكي لا يصيبني الجنون ,,,,
أدري أنني كنت مجنونة بحبه ,,
وماااازلت مجنونة ولكن ؟؟ !! مجنونة لغدره المفاجئ ..

أيها الجراح ......

لا أطلب منك الرجوع إليك ..
ولكن أطلب منك الإفراج عن قلبي الذي سجنته بين قوتك ولا مبالاة
إحساسك ..

أرجوا منك تخفيف جرحك ,,
لا أطلب مداواته وعلاجه ,, بل فقط تخفيفه ...
لأجل مقدارك في قلبي يوما ما وتضحيتي إليك ..


( ل الامانهه ، منقول ) ،،

ــــــــــــــــــــــــــــــــــــ

بيت أبو ناصر ~
جناح ( ليآل | خآلد ) ❤️

ليال بخوف : وهو ليش ذبحها
خالد بقهر : لما كنا مو موجودين في البيت دخل وحاول يغتصبها ولما قاومته حاول يثبتها وحط يدينه على رقبتها لين ماتت
شهقت ليال : معقوله فيه ناس كذا
نزل راسه بألم : وفيه ناس اعظم من كذا ياليال
ليال : طيب شنو بسوون فيه ؟
خالد : الاعدام راح يكون يوم الخميس
ليال بخوف : بعدموه ؟
خالد : اللي يقتل ينقتل ياليال
ليال : طيب وكيف الشرطه عرفت انه القاتل
خالد : الشرطي نايف يقول انه جا واعترف امس
بس انا مااشفته والله لو اشوفه اذبحه بيديني الواااطي


في نفس البيت
( تحت ف الصاله )

ام ناصر تضرب على راسها وتصيح : اااااه ياريييم اااه يابنتي
الجوري تصيح وتحضن امها : خلاص يمه والله يسلمك هدي نفسك شري
لمياء : قولي الحمدلله ياخاله انه اعترف وراح ياخذ جزاه

( انتشر الخبر عند العائله وكان شعور الفرح والحزن طاغي عليهم
مبسوطين ان القاتل اعترف وراح ياخذ جزاه
وحزنانين على ريم اللي راحت وماتهنت بشبابها )

( طبعا منصور بعد ماصارع الشعور بالذنب ماقدر يعيش حياته فقرر انه يروح ويعترف للشرطه بكل شي خصوصا انه ماكان ناوي يذبحها
كل اللي كان بسويه انه يغتصبها ويطعن خالد واهله بشرفها بس صار اللي صار وماتت ريم > على فكره ترا منصور نفسه اللي خطف الجوري في السوق ' تذكروه ؟؟ )

ــــــــــــــــــــــــــــــــــــ

في لندننن ؛

عبدالله دخل وبيده اكياس نزلهم ع الارض وصرخ فيها تعالي ارفعيهم ورتبيهم
جته تركض وهي تقول ؛ ان شاءالله
جرها من يدها وقربها له وصرخ : كم مرا قلت لاتحاولين تجذبيني لك من اسلوبك
طلاق راح اطلقك بس نرجع وخل الناس تتكلم وتاكل فيك
ماهميتيني لا انتي ولا غيرك ( طبعا الكلام ماكان من قلبه )
نزلت دموعها وهي تقول : عبدالله اترجاك تستر علي
طلقني هالشي من حقك بس مو الحين الله يخليك
صرخ فيها : ولا كلمه في هالبيت انا بس اللي اتكلم وانتي بس تنفذين الكلام فاهممممه
ويلا خلصيني روحي حطي الغدا
خمس دقايق واشوفه قدامي

وهذا حالهم كل يوم هو يصرخ وهي تحاول تكسسسبه

بس السؤال !!!
بتقدرييينن يَ مهآ !!!!

ــــــــــــــــــــــــــــــــــــ


بعد إسبوعع من الأحداثث

انعدمم منصور بعد ماراح له خالد وناصر
وضربوه ضرب محترم

روعه لين الحين حابسه نفسها بغرفتها وماتبي تاكل ولاتشرب
ولاتدري كيف طلال ملك عليها ووين مشعل راح
والجد والجده وريان يلومون نفسهم الف مرا

سمر تحاول تغري رائد بأي طريقه
ورآئد مايتجاوب معها مع انه مايقدر لما يشوف اغرائها له بس يحاول يمسك نفسه قد مايقدر

ليال وخالد هدأ الجو بينهم نوعاً ما بس مايدري
يمكن هذا اللي يسمونه هدوء مااقبل العاصفه

ريما وفارسس كل يوم يتكرر عذابها ويعتدو عليها
اصحاب فارس وكلما حاولت تهرب ماتنجح

وتمت ملكة لجين وماجد والزواج بعد شهر
بحكم ان ماجد يدرس برا ومايقدر يأجل الزواج
لانه راح يطول هناك ويبي ياخذ زوجته معاه

ــــــــــــــــــــــــــــــــــــ

اليومم گآنن زواجج دآننه وُ فيصل > أخيرا خخخخ

البيت كان قايم فووووققق تحتتتت
داننه بصراااخ : يمممه ويين جزمتتي اففففف
ام فيصل بعصبيه : انتي شفيك تصارخين من الصبح
دلال اللي كانت نايمه مع دانه : ههههه خالتي هذا اللي يسمونه توتر ماقبل الزواج هههههه
ام فيصل : اقول انتي وياها اخلصو بسرعه نبي نروح المشغل تأخرنا



انتهــــى ـآ

توقعاتكم تهمننني ''

ماجد | لجينن ' شننو راحح يصير بينهم ؟
ليال | خالدد ' هدأ الجووو. مابينهم معقوله خالد نسى انتقامه منها ؟؟
سمر | راح تقدر تحبب رائد فيها ؟
ريما | وعذابها ' شنننو نهايته ؟
شخصيتين ماظهرت في هالبارت ( هارون وُ رغد ) معقوله انتهى دورها ؟
قصة ريم وغموض روعه انحلوو في هالبارت
ياترى راح نكتشف في البارت الجاي غموض نواف ؟؟
مها | عبدالله ' توقاتكم لهم ؟؟

و

شششنو أگثر شخصيه عجبتكم ف الروايهه !


وددي لكم
المجهولهه 🌹🌹

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 909
قديم(ـة) 04-06-2014, 05:53 PM
صورة المجهولهه الرمزية
المجهولهه المجهولهه غير متصل
©؛°¨غرامي مشارك¨°؛©
 
الافتراضي رد: رواية رضيت بقدري و حبيتك / بقلمي


لااحد يقول مو البارت مو طويل هههههه
ويلا ابي اشوووف ردودكم الحلوهه

��������

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 910
قديم(ـة) 04-06-2014, 07:39 PM
صورة المجهولهه الرمزية
المجهولهه المجهولهه غير متصل
©؛°¨غرامي مشارك¨°؛©
 
الافتراضي رد: رواية رضيت بقدري و حبيتك / بقلمي


اببببببببببببببببب

الرد باقتباس
إضافة رد

رواية رضيت بقدري و حبيتك / بقلمي

الوسوم
حلووووووووووها مرررررررررررره , رواية رضيت بقدري وحبيتك \ بقلمي , قلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية أتحرى العيد أكثر من طفل و أتعذر فيه لجل أسأل عليك / بقلمي طفلة الشوق أرشيف الروايات المغلقة - لعدم إكتمالها 6 15-05-2012 06:15 PM
بلغ حبيبك وقله باخدك منه / بقلمي ][ جمآلي في خبآلي ~ أرشيف الروايات المغلقة - لعدم إكتمالها 93 13-12-2010 09:30 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات والطلبات ؛ الزعيـ A.8K ـمه روايات - طويلة 4998 04-08-2010 01:03 AM
رواية الموعد الضائع / بقلمي ❤صآحبــة الآمـتيـآز❤ أرشيف الروايات المغلقة - لعدم إكتمالها 21 30-07-2010 03:02 AM

الساعة الآن +3: 05:16 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1