منتديات غرام نسائيات غرام تسريحات - مشاكل شعر - قصات اسباب مشاكل الشعر وكيفية العنايه به
القمر الغامض ©؛°¨غرامي ذهبي¨°؛©








مراحب تراحيب الساع

حي الله خواتي المنولات

طيب وبعدين

المهم شفت أغلب بنات جنسي << متعوب عليها


يحبن كششهن وأبلشونا فيها اللي تقول :

شعري يتساقط
شعري خفيف
شعري صبغته ولاذابحه أمه بالاستشورا ومحنتيه << وشو لون تبغينه حلو

شعري فجأة تغير
شعري صار من قدام زي الصلعه فيه حبوب في فروة راسي
.
.
إلخ


تبين شعرك يبدا يهفهف على قولة أمي
تبينه يلمع
تبينه يصير صحي ويتنفس << ماسرقتها من دعاية أبدا




تعالي ياعسوله إنتي وإياها أقولك بعض أهم الأشياء اللي أنا أسويها وصاحباتي
أنقل لكم خبرتي بهالجمال يمكن تنفعكم انتن ووجيهكن << أسلوب خايس

أمزح


راح يتكون موضوعي من أجزاء اللي هي

أ.أهم المشاكل المؤثره على الشعر وأسبابها :

1. مشاكل نفسية
2. التوتر
3. الوراثه
4. سوء الأكل
5. كثرة الصبغات
6. نقص فايتامينات
7. نظافة الأدوات المستخدمه للشعر
8. طريقة تسريح الشعر


ب. أهم النقاط للشعر جمييل وصحي وناعم :

1. التغذية
2. العناية الخارجيه
3. نظافة المواد المستخدمه للشعر
4. بعض من النقاط المهمه


أ.أهم مشاكل المؤثره على الشعر وأسبابها :

1. المشاكل النفسية
2. التوتر


سبحان الله هذه تعتبر من أهم المشاكل اللي تواجهنا حنا يالنساء بشكل عام،، بحيث إننا من النوع اللي يقلق أكثر، يشيل هم، نفكر كثير، امتحانات، حمل، ولاده، هذه كلها تؤثر بجمال الشعر وكثرته
عشان كذا الواحد يهدي ويثق بالله ومايفتح مجال للتفكير والوسوسه بس عشان ماتصلعين

3
. الوراثه

أكيد الوراثه تلعب دور كبير في نوعيه الشعر، كثرته ، متانته، ولونه
فيه أنواع من الشعر ينفع فيها الأهتمام على حسب نوع الشعر وفيه شعر لا ماينفع بحكم إنها مثلا سوداء مره
شعرتها متينه مره ماتنصبغ بسهوله
فاللي تسأل ليه شعري خفيف؟ ليه شعري أشهب؟

أبحثي في شجرة العائلة وبتلاقين جوابك أكيد



4. سوء التغذية

للأسف أكثر من 60% تغذينا سيئة جداً
كلها زيوت
أوقات غير منتظمه
شوكولاتات بكميات كبيره جداً
غير المقالي والوجبات السريعه

وياليتنا ننتبه بعد أهم شي نسد جوعنا وبس


5. كثرة الصبغات

أكيد كثرة الصبغات لأنها كلها مواد كيميائة ومافيها خير
فيه نوعية شعر ماتتحمل الصبغات أبدا تحترق على طول
وماشاءالله تبارك الله فيه أنواع شعر ماتتأثر
وفيه نوعية شعر ماتمسك فيها اللون
يعني مولازم أنتي تسوين لون يطلع نفس لون شعر صحباتك والا اختك ببساطه لأن نوعية شعرك تتأثر ولو بشكل بسيط




6. نقص الفيتامينات

نقص الفيتامينات في جسمك يأثر بشكل مباشر جدا في شعرك وحتى في نعومته وقوته ولمعانه



7. نظافة أدوات الشعر

تأكدي عزيزتي من نظافة المشط، والفرشه، وخاصة فرشة الاستشوار
بكلتك
الكلبسات حقتك
حتى طرحتك


8. طريقة تسريح الشعر

حتى في طريقة تمشيط أو تسريح شعرك لازم حبيبتي تكون بشويش
وأفضل طريقه هي إنك تمشطين الخصلة من تحت لفوق
يعني مو تمشطين شعرك من فروة الراس لين الأطراف بيتجمع عليك الشعر في نهاية الخصلة وبيتعقد عليك
خليك حنينه وانتي تمشطين

ممكن ماأحد يرد



القمر الغامض ©؛°¨غرامي ذهبي¨°؛©

خلصت من الجزئيه اللي أشوفها من وجهة نظري من أهم أسباب مشاكل الشعر

ألحين بتكلم لكم عن كيف تعتنين بشعرك وكيف تهتمين فيه لنتيجه راااااااااااائعه وتسعدك بإذن الله



ب. أهم النقاط للشعر جمييل وصحي وناعم :



1. التغذيه



مهممممممممممممممممممممه هالنقطه جدددددددا

لأن مثل ماذكرت قبل إحنا ناس مانهتم كثير بالتغذيه
يعني مانراقب نوعية أكلنا إيش
هل إحنا حققنا اليوم الهرم الأكلي وأعتقد الكل عارفه
أخذنا كفايتنا من الفيتامينات والكالسيوم والحديد في اليوم
شربنا مويه اليوم
فيه أشياء كثير تقدرين تستعينين فيها لنتيجه لشعرك مذهله من أهمها
التونه
الجزر
فيتامين e
البيض
الحليب
الكرفس
الزبادي
الربيان
الأفوكادو


كل اللي ذكرتها فوق سبحان الله كلها تتغذى عليها بصيلات شعرك يعني لو حاولتي قد ماتقدرين تدخلين هذه الأشياء في أكلك إنتي بتكونين أبطل شيء بالحياة

منها يزين شعرك، وبشرتك ، وجسمك


. العناية الخارجيه



أقصد فيها اللي هي الزيوت والماسكات للشعر وغيرها

عندك مثلا زيت الذره حق الطبخ
وقد تكلم فيها على العموم الدكتور القحطاني
زيت اللوز
جوز الهند
السمسم
زيت الزيتون
دابر أملا
الزبادي
المايونيز
العسل ويكفي إنه مذكور بالقرآن الكريم
وبعد ماساكات الشعر زي بانويل
ودابر أملا


اذا تبغين شعرك مايطيح حاولي قد ماتقدرين إنك تنتظمين في الزيوت والماسكات

يعني مثلا مرة وحده بالاسبوع الماسك ومرة وحدة بالاسبوع زيت
يعني في الاسبوع يومين ماسك وزيت
وأفضل شيء تغسلين شعرك بالشامبو وبعدها تنشفينه شويه وهو مبلل تحطين الماسك أو الزيت
لأنك تشيلين الطبقه المزيته من شعرك ويتفتح المسام ويستفيد شعرك من اللي انتي حاطته
فقط ساعه وحدة تكفي وبعدهاتحممي وتهني بحمام الهنا


وأنتبهي عزيزتي ترا أذا قطعتي الاهتمام والعناية تأكدي مليون بالمية إن شعرك بيبدا يتساقط



3. نظافة المواد المستخدمه للشعر



فرشة الأستشورا هي العدو اللدود للشعر الصحي

يعني حاولي مرتين في الشهر تنظفينها
أقول لك وش لون


تجيبين طشت كبير وتحطين مويه دافيه ومعها شوي ديتول

وتحاولين تتخلصين من الشعر والسبراي والموس من الفرشه نفسها
هي والأمشاط العاديه وكل الفرش عندك
وبس


4. بعض النقاط المهمه



عندي كم نصيحه لكم يمكن تستفيدون منها يارب



* تبغين شعرك يلمع: قبل لا تطلعين من الشاور خلي عندك كاسه فيها مويه بارده وملقعه خل تفاح صبيها على راسك واشطفيها واطلعي



* تبغين تستفيدين من الفايتامينات اشربي فيتامين سي يثبتها في جسمك



* لو حابه تسوين خلطات زيوت حطي في العلبه اللي بتسوين فيها الزيوت حبة البركه ومسمار وزعتر ناشف وحاولي وأنتي تسوين خلطك أقرأي فيها القرآن من المعوذات وآية الكرسي وآخر أيتين من سورة البقره.. لأن أفضل التحصين تحصين الأنسان لنفسه



* عشان تستفيدين من الماسك غسلي شعرك ونظفيه بعدها حطي الماسك اللي تبغين



* الحناء ويكفي إنها ريحة الجنه الحناء ماسك ممتاز للشعر بحيث ينشفه، ويسمك الشعره



* أذا كان شعرك مصبوغ أحرصي عليه أكثر لأنها كلها مواد كيماويه ضاعفي الاهتمام أكثر



* لا تربطين شعرك وهو رطب زي الكعكع او تلفينها وتنامين تراك كذا تخيسين الشعره



* أعرفي إيش الشامبو اللي يناسبك اذا كان دهني خذي شامبو قوي التنظيف




* حاولي تنامين بدري ولا تسهرين كثير هذا يأثر على صحتك وبالتالي على شعرك



* قللي من القهوه والشاهي لأنها السبب الرئيسي في سقوط الشعر وخاصة الشاهي الأخضر حاولي تشربينها باعتدال



* للي تبغى تعالج شعرها وتبي البصيلات تطلع من جديد خذي ثومه صغيره وافركي فيها شعرك اللي هي فرة راسك . صحيح ريحته مخيسه بس سبحان الله لأنه حار يفتح لك مسمات جديده ويطلع لك شعر جديد




" منقول"




وفي الأخير ماأبغى منكم غير دعوه حلوه منكم وأنتم تستاهلون كل خير << ماتوهقت في الخاتمه أبد



وقولو يارب كلكم تصير شعوركم أحسن من ذي



7

7












سبحان الله! ©؛°¨غرامي ذهبي¨°؛©

عوااافي يالغلا,,

انا شعري يتساقط ..!! لاوالله مو يتساقط الا ينزف نزيييف هع
بسبة الاكل الصحي خخخخخ
اعترف اكلي مو ذاك الشي وعشان فقر الدم كمان .. يعني كلها جت ...

على العموم عوافي يالغلا ..


جرح كبير ©؛°¨غرامي ذهبي¨°؛©

معلومات قيمة

ان شاء الله تعم الفائدة

لاخلا ولاعدم من جديدك بالقسم

ريما الهلال ©؛°¨غرامي نشيط¨°؛©

يعطيك العافيه معلومات راائعه ...

bilsan ©؛°¨غرامي ذهبي¨°؛©

و عليكم السلام و رحمة الله وبركاته

معلومات مهمه

ان شاء الله تعم الفائده

يعطيك العافيه

ما ننحرم

" زحمة جروح . . ! ©؛°¨غرامي ذهبي¨°؛©

الله يعطيك العافيـــه

يسلمووووو غلآتـــي ع المعلومــاات

؛؛؛؛؛؛؛؛؛؛؛؛؛


همسة سكون ©؛°¨غرامي جديد¨°؛©

يعافيك ربي ع الطرح,

مشششكوووورهـ

...اول العنقود... ©؛°¨غرامي متألق ¨°؛©

يسلموووووو

Dalo3aa ©؛°¨غرامي فضي¨°؛©

صباحك / مسائك كنقاء قلبك

تسلم إيدك عسولة
طرح قيم


تح ــيآاتي~\

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1