k,s,a ©؛°¨غرامي متألق ¨°؛©

المشاركة الأساسية كتبها زياد الغامدي اقتباس :
مساء الخير ..
ما راح ازيد على كلام الأعضاء ,, وفو وكفو صراحه ..
بس حبيت اضيف نقطه بسيطه ..
صدقيني ..!!
إذا سويتي كل الأشياء هذي عشان زوجك يحس ويرجع يسويها لك .. صدقيني ,, فترررره وبتطفشين ..
لآن شكل زوجك مو من النوع اللي يتقبل الوضع بسرعه .. يبيله صبر ..
بس ..!
لو سويتي كل هالأشياء .. عشان تشوفين رده فعل من زوجك ,, وقبل كلل شي .. عشان ترضين ربك اول وأخر..
راح يصير شي تسوينه لآ إراديا .. وراح تشوفين كيف زوجك بيتغير ..
لان كل شي متعلق بالله سبحانه وتعالى ,, يدوووم بس يبيلك صبر .. وأحتسبي الأجر .. وبشوفين الفرق ..
الله يوفقك ويهدي بالك ويحنن قلب زوجك .. تحياتي
فعلا لازم ا اثق بالله وإنشاءالله انني احتسب الاجر والله يوفقنا والجميع......آمين

k,s,a ©؛°¨غرامي متألق ¨°؛©

المشاركة الأساسية كتبها al_99 اقتباس :
زوجك اذا حطمك عن البس قولي حابه اغيرر شكلي
وبعدين انا لاابسته على شان زوجي وااذاا زوجي مايبيني البس الا بالمنااسباات
خلاص اجل راح البس واتزين على شااني انا
والهداايااا سويهاا كل بعد شهرر شهرين
انا مثلاً اذا تهااوشناا وانا الغلطانه اجيب له هديه واعتذر له
وبعدين سامحيني على هالكلمه بس زوجك حسيته مثل عديم احساس
ولا الغلط منك اول ايام زوااجكم يمكن مخليته يتعوود انك ماتلبسين الا بالمناسبات
اووو ماتجيبين له شي ومااترسلين له
وعن الرسايل اناا مثلك يوم قالي ماعندي رسايل حلوه
صرت ارسل سواليف وبس شوفي اهم شي تحسسين زوجك بالحب
هذا اهم شي وان شاء الله يصيررر مثل اللي تتمنينه
ويرزقكم بالضنى

الله يسعدك دنيا وآخره يارب ....
كلامك جميل والله ريحتيني الله يوفقك وين مارحتي, انا اول ايام زواجنا كنت فعلا البس بالمناسبات وكان زوجي
يقول يليت كل يوم فيه مناسبه.
وعن الهدايا فعلا انا غلطانه لان اول هديه مني له كانت بعد زواجنا بسنه ونص للاسف.لاني ارى انه لايستحقها مني
لانها لاتهمه ولايعترف بها.
ورسايلي قليله جدا.

ومشكوره ياعمري على اهتمامك والله اعتبرتك مثل اختي واكثر....تسلمين يالغلا...


اللورد الملكي ©؛°¨غرامي مشارك¨°؛©

في شيء ودي اقوله مدري احد قاله قبلي ولا لا؟؟

لاني ماقريت كل الردود

ليه ماتصارحي زوجك؟؟

شيء مو صعب ابدآ

جهزي كلام بطريقه حلوة ومؤثرة في نفسه

ومو مشكله لو دمعت عيونك قدامه حتى يعرف انك من جد متأثرة باللي يسويه

جهزي جلسه هاديه على ضوء الشموع

والبسي اللي يحبه زوجك

وعصير او عشاء خفيف
وكلميه باللي في قلبك
وحذاري انك تنفعلي
خلي صوتك واطي عشان مايعصب عليك

واذا منحرجه تكلميه
او خايفه من رده فعله
اكتبي له الكلام في ورقه وحطيه تحت مخدته او اي مكان يشوفه فيه
في دولابه مثلا
ولاتكوني معاه لما يقرا الكلام


اما بالنسبه للبس
خليك زي منتي مهتمه وماعليك من كلامه
بالعكس اهتمي في نفسك زيااااده

واذا قلك شيء قولي له احب اتكشخ
بالذات لك لاني احبك ومن ذا الكلام

جددي في ذوقك يمكن يعجبه البسي شيء جديد ماقد شافه

غيري تسريحتك ومكياجك
اهتمي فيه كثيرا


واخيرا

ابحثي في الانترنيت عن المواضيع التي تجعل الزوج يهتم بزوجته
والله يرزقك الذريه الصالحه

والله يسعدك مع زوجك


روزا. ©؛°¨غرامي نشيط¨°؛©

حبيبتي بالنسبه لملابسك الجديد حاولي مابين فتره وفتره تاخذين رايه بلبس الجديد

بس لاتكثرين لا من فتره لفتره عشان مايمل

بنسبه للهديا انتي ابدئي فيها اهدي له وبيني له بعبارات حب ان هذي هديه مني لك

اما الرسايل انتي ارسلي اذا كان بعيديعني مثلا:

اشتقت لك حيل....طمني عنك....كيف وحشتك ولا لا

هو لازم بيرد على رسالتك...واذا مارد ناقشيه

وهوكذا.كذا بيتعود لانه لازم يبادل الاهتمام بهتمام

وراح يفرح كثير على اهتمامك

اتمنى اكون افدتك

صحيح خليت كل الحمل عليك بس الي يبي الزين يصبر

k,s,a ©؛°¨غرامي متألق ¨°؛©

تسلمين ياليان على نصايحك الرائعه

ro0o0o0dy ©؛°¨غرامي فعال ¨°؛©

تزيني لكن بنعوومه
يعني مكياج بيت
لاتتلبسين حلق يوصل لكتفك !!
او مليار اسواره
او قراقيش وشخاليل !! ومليون خاتم !!
وياسبحان الله بعض الحريم يااما تجيك ماحطت شي شكلها يجيب الهم او انها تحط كل شي
بالنسبه للمكياج
اول شي لا تكثرين اساس يعني حطي بس لايبين انك حاطه !!
والرجال يكره شي اسمه ظل يعني لاتحطين ظل " اي شدو " للزوجك لا حطي رودي على لحمي البيج المورد اللي مايبان
والبلشر لا تكثرين !!
حطي خووخي على لون الجلد موب فوشي يروووع !!
لا خليه ناعم وحلو موب تملين وجهك بلشر
بالنسبه للكحل الكحل السايل لا تخطين حطي كحل بني من جوا يعطي اتساع ومايبين او حطي اسود او ازرق او اخظر اهم شي لايصير شكلك مبهرج
والروج على جسب
اذا مكياج عيونك ثقيل يعني مثقله ماسكارا ووحاطه كحل اسوود ثقيل لا تحطين روج مرآ لا حطي ناعم بيج او لحمي او وردي ,,
تيب تبين تغيرين حطي روج اورنج او مانجو بس لاتكثرين بلشر ولاتكثريت كحل عشان مايصير مبهرج شكلك يعني كثرتي من شي قللي من شي يعني لبسك ناعم ألبسي حلق شووي ملفت
لبسك لا فخم وفيه ترتر وشغل لا ألبسي حلق نعوووم

يعني حطي مكياج بس مكياج يصير ما كأنك حاطه


مو تحطين مكياج سهره الله يصلحك وتستقبيلنه الظهر اكيد انه بيعلق وبيقول كاشخه

ro0o0o0dy ©؛°¨غرامي فعال ¨°؛©

أسفه ع الأطاله بس حبيت افيد واستفيد

ro0o0o0dy ©؛°¨غرامي فعال ¨°؛©

وسوري على الأخطآء الأملائيه لأني ارد من الجوال عشان هيك يصير في اخطاء

بنت العز رنو ©؛°¨غرامي مشارك¨°؛©

حبيبتي حاولي تكتبي له في مراية الحمام او التسريحة صباح الخير او اذا كنتي بتخرجي خارج البيت قبل لاتطلعين وهو مثلا سبقك ع السيارة روحي بسرعة واكتبي في اي مراية في البيت دايم يسرح شعره فيها اكتبي له اشتقت لك مااشتقت لي او اطبعي قبلة بأحمر الشفاة وقولي خذ بوسة ومن هالكلام ع طول راح يتصل عليك ويقولك وش الحركات هذه فاءجتيني ......(ترى رسايل الجوال لها اثر ع الرجل خصوصا اذا كان في العمل وارسلتي له رسايل شوووووق وصباحية )ومثلا ارسلي له رسالة قولي انا ارسلك كلمة احبك موووووووت انت وش ترسلي كلمة حلوة مع هذا الصباح راح يرسل وانا اجنن عليك.......وبكذا تخلينه وغصبا عنه يشترك في خدمة الرسايل ويرسلك......
واذا كان ع الملابس انتي افتحي خزانة الملابس ونادي علية اذا جاء قولي ياللة اختار لي لبس محتارة كلها شفتها انت ابغى احلى شي عجبك علي في اللون والشكل يالله لازم تختار تكفى حبيبي.......او انتي اذا يلبس بيجامتة اجري واحضنيه وقولي لا الله يخليك انا بختار لك عجبني عليك الشورت الرمادي وبكذا يتعلم منك........
واذا كان ع الهدية اطلبيها مباشرة قولي حبيبي ودي تشتري لي ورد جوري هدية او ميدالية لمفتاح غرفة النوم تذكرني فيك او قوليلة ابيك تشتري لي هدية عطر نسائي يعجبك اتعطر منه اذا انت معاي بس لك وحدك عشان ريحتي تكووووون مميزة عندك غير عطر الخروج.......ثانكس ياقلبووووووووو
ارجوا اني افدتك (يارب ترزقها احلى تؤأمين في الوجود)

بكاء القمر ©؛°¨غرامي متألق ¨°؛©

حاولي معاء بلكلام الحلو والمزيون ولاتعصبين ولا تنعتينه بكلام جارح

وانته معا اتحاورو بعيدن عن العصبيه والتشنجات وانشاء الله توصلون لبر الامان

والله يسعدك


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1