غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 27-01-2011, 12:25 AM
صورة lovely doody الرمزية
lovely doody lovely doody غير متصل
©؛°¨غرامي جديد¨°؛©
 
إيه أحبه و أعشقه بعد .. عندكم مانع مثلاً ؟ / بقلمي


بسم الله الرحمن الرحيم ...
السلام عليكم ...
كيفكم .. ؟؟
حبيت إنكم تقرؤوا أول رواية ليا ... وإن شاء الله تعجبكم .. :)

آيهَ آحَبهٍ’ وآعَششّقهٍ’ بعد ,, عندّكم مآ آ آ نع مَثلاً ؟! \\ بقلمي

نبدأ الرواية ...

ولو لقيت تفاعل أنزل الباقي ...


هيثم : متأكد أنكـ رعد ؟!!
وعد تحاول تغطي وجهها : أيوة وي هيثم أشبكـ .. ؟!!
هيثم : لا ولا شئ بس فيك شئ متغير ...
وعد تحاول تغير الموضوع : لالا يتهيألكـ ... ما رح توريني الشركة .. ؟؟!!
هيثم سرح شوية .. (( رعد فيلو شئ متغير بس مني عارف أيش ... أقول هيثم سيبك الأفكار دي ما فيلو شئ الولد .. ))
هيثم : أيوة أيوة .. يلا نمشي ..
هيثم : وهذا مكتبنا ...
وعد كملت معايا في نفس المكتب : واا ... ( يا هبلة أنتي ولد ) .. أحم أحم .. مررة ما شاء الله حلو المكتب .. شكرا هيثم جميلكـ هذا ما رح أنساه طوول عمري ...
هيثم : العفوو ولو ..
أبتسمت وعد الله أنسان كامل والكامل الله .. جمال وعز وأخلاق .. أخخخ بس عندو غمازات ... أتبهت على نفسها وضربت نفسها كف ع الخفيف .. بنت أنتي جاية هنا تشتغلي مو تقزي خلق الله ... أنتبهت أنو هيثم بيطالع فيها ..
: أممم كان في ذبانة على خدي ههه
هيثم بعدم تصديق : طيب .. تعال أوريك طبيعة شغلنا ..
وعد : أوكي ..
هيثم جلس يعلم وعد ع الشغل ومن هذا الكلام والأخت مفهية من المخلوق القريب منها .. وهيثم يشرح وهيا مرررة متوترة من قربو .. بس ما باليد حيله .. مطرة ..
هيثم : ها رعد فهمت ..
وعد : هااا !! .. أيوة أيوة ..
هيثم لاحظ رجفت وعد فحب يطمنها فحط يدو على كتفها .. ما يدري انو هذا وترها بزيادة : رعد لا تخاف كل شئ رح يسير كويس .. والشغل سهل ورح تتعود عليه أن شاء الله ..
وعد : أن شاء الله ..
هيثم : أوكي أذا أحتجت شئ قول أوكي .. ؟!
وعد : أوكي ..
جلست على المكتب وجلست تناظر الورق والمستندات وهي مهي فاهمة أي شئ .. يالله هذا كلو وراني أياه هيثم وأنا مني عارفه أي شئ يا ويلي..
هيثم : رعد .. يوم السبت رح تداوم في المدرسة صح .. ؟!!
وعد وي يا دي البلشة دحين لازم اداوم معاه في المدرسة : أكييد أخر سنة لازم .. ههه
هيثم : كويس .. خلاص من بكرة أن شاء الله تبدأ الشغل هنا أوكي .. ورح يكون دوامك من 5 لـ 10 الليل أوكي ..
وعد أوووف متى أداكر وانتبه لماما : أوكي ..
وعد الله يرحمك يا بابا و يا رعد والله من دونكم انا ضايعه .. الله يخلي ماما ليا ما بقيلي في الدنيا غيرها .. ونزلت دمعه غصب عنها .. ومسحتها بسرعه ..
هيثم : رعد أشبكـ .. ؟!!!!
وعد : هاا ! ولا شئ بس الوالد الله يرحمو مرة كان نفسي يشوفني وأنا أشتغل << تصرف هع هع
هيثم : اهاا الله يرحمو ..
أبو هيثم : هلا والله توها ما نورت الشركة ..
وعد وهثيم وقفوا وراحو يسلمو ..
وعد كانت بسلم بس مصافحة لكن أو هيثم قرب خدو فأطرت تسلم عليه عراب
وعد أحححح دقنو يغزغز : كيفك يا عمي أبو هيثم
أبو هيثم : الحمد لله كيفك أنت ؟!! هاا كيف المكتب والشركة عجبتك ..؟!!
وعد : والله الحمد لله .. أكييد ماشاء الله مررة حلوة الشركة ..
أبو هيثم : وكيف الشغل .. ؟!!
وعد والله أني مني دارية أيش هوا .. : لا الحمد لله كويس ..
أبو هيثم : ترى لو مو عاجبك أنقلك قسم تاني ..
وعد أي قسم الله يخليك .. كلو زي بعضوو : لالا كويس الحمد لله ..
أبو هيثم بهمس في أدن هيثم : هذا عندو أخوات .. ؟!
هيثم : أظن .. ليش .. ؟!!
أبو هيثم : ادا هوا قد كدا حلو فمابالك بأختو .. ههه
هيثم طالع في أبوه نظرة : بابا ما يسير ..
أبو هيثم : كنت أمزح بس أيش رأيك أخطبلك أياها ..
هيثم يبغى يصرف أبوه : يسير خير يسير خير ..
وعد جالسه تطالع فيهم وي هذولا أيش بيقولو .. لا كونو عرفو انو أنا مني رعد ..
أبتسم أبو هيثم : يلا ع البركة ..
وعد و هيثم : مع السلامه ..
وعد : عمي أبو هيثم ..
أبو هيثم : هلا رعد ..
وعد وعيونها تلمع وأبتسامه خلت بعض الناس تفهي . : شكرا = )
أبو هيثم أبتسم : ولو العفو .. وأنت كمان شكرا ... لولا الله ثم أنت ما كان الأخ جا الشركة .. جا قلي قلي أبوي أطلب مكتب في واحد من اصحابي بيشتغل عندك ... ولا أقلك مكتبين .. قلتلو ليش قلي .. وي ما تبغاني أشتغل عندك .. عرفت من وقتها عرفت أنو الأخ هذا يحبك ولك مكانة كبيرة في قلبو ..
وعد : هههههههههههه ... والله حتى هوا ..
هيثم انحرج : ههههه ... خلاص وي .. بلاشي فضايح ..
وخرج أبو هيثم ..
هيثم هذا الرعد بجنني فيلو شئ نظرتو طريقة كلامو حتى نحف مررة عن قبل أسبوع ..
وعد : هيثم ..!! أشبك تطالع كدا ..
هيثم :: هاا !! .. بس مو كأنك نحفت .. !
وعد أنا لله وأنا أليه لراجعون : ههههههه أمكن مع مرض الوالده
هيثم : بس في أسبوع .. مدري والله ..
وأنتهى يومها على خير ..
تاني يوم في الشركة :-
الموظف : هاذي هيا المستندات ..
وعد : ها !! أوكي أوكي .. دحين أشوفها .. شكرا ..
الموظف : العفو ..
وخرج وهيا بدأت حوستها .. جلست نقرأ وتحاول أنها تزبط الشغل وعملت ألي قدرت عليه ..
هيثم : محتاج شئ
وعد : لا شكرا
هيثم : أكيد !!
وعد : أيوة ..
جات الساعه 10 أخدت أشيائها ومشيت ..
هيثم كان خارج لكن لفتو شئ مرمي على الأرض ..
يوم السبت .. صحيت بدري .. لبست مشد و ثوب أخوها .. وبخت من عطرو ولبست ساعتو وكل شئ حقو ..
قدام باب المدرسة :
وعد يارب يعدي اليوم دا اليوم على خيير .. دخلت وهيا ترجف ...
ومشيت وهيا تدور بعيونها على هيثم : يا الله فينو دا كمان .. ؟!!
شافت شخص تعرفوا .. كان دايما يجي أيام زمان عندهم لمن كانو صغاار ..
جا سعيد جاري وحضنها .. دورلو لوعد فينها .. وجهها أنقلب ألوان وأشكال : وينك أسبوع غايب سلامات ..
وعد بعدتو عنها : ها !! أييه الوالدة بس كــ
سعيد : خالتي سعاد فيها شئ .. !! سرلها شئ .. !! لا تقول .. لالا كويــ
وعد يالله ما أطولكـ نفس العجلة ما تغيرت : لاااا ما فيها شئ خليني أكمل كلامي ..
سعيد أستغرب من أسلوبو كان رعد لمن سعيد يستبق الأحداث يجلس يضحك : هاا !! طيب كمل
وعد : كانت تعبانة شوية ودحين الحمد لله ..
سعيد : أهاا الحمد لله ..
سعيد بتردد : و و وعد كيفها الحين .. ؟!
وعد خير يسأل عني : الحمد لله لييه .. ؟!
سعيد : لسه مصرة .. ؟؟!
وعد ؟!!!!! : على أيه .. ؟؟!!
سعيد : يووه رعد .. على أنها ما تبغاني ...
وعد وأكبر علامة تعجب على وجهها ... : هاا ما سألتها لسه ..
سعيد : اهاا ... مو مهم .. ترررررررررررررررررررررن ... يلا يلا خلينا نوقف دحين يجينا أستاذ أيو كرش ورينا شغلنا ...
وعد : ههههههههه .. طيب .. سعيد شفت هيثم ....
تنرفز سعيد : no لييش .. ؟؟!!
وعد : لا أبدا ...
سعيد : يلا يلا مشينا ... (( سعيد مرة ما يطيق هيثم لأنو في نظرو ولد ما يحب الوناسة والشعور متبادل بينهم سعيد في نظر هيثم أنو أنسان فاشل وما يدري أيش يبغى من الحياة ))
وقفوا في الطابور وبدأت الأذاعة وتمارين الصباح ... وهي مستنية هيثم وطلعوا الفصول ... هيا عارفه أنو رعد كان يجلس جمب هيثم بس الأخ لسه ما شرف ... يالله أيش أعمل فكري فكري ..
وعد : سعيد بالله حط شنطتي على الطاولة .. بروح الحمام حالة طارئة ..
سعيد :هههههههه .. طيب هاات ..
ومشيت بسرعه خخخخخخ دحين أشوف فين مكاني ... بس فين الحمام ...
وهيا ماشية تدور ع الحماام لعل وعسى تلاقيه في المدرسة الكبيرة دي
: رعــــــــــــد !! وجا يسلم عليها عرب طبعا ... هع هع
وعد أم البلشة : أهلا كيفك .. ؟!!
خالد: الحمد لله كيفك أنت .. ؟!! سلامات اشبك غايب اسبوع ..؟؟
وعد : الحمد لله .. لا ابدا بس الوالدة كانت تعبانة شوية ودحين الحمد لله ..
خالد : اهاا .. الحمد لله على سلامتها ... ما تشوف شر
وعد : الشر ما يجيك ... = )
فيصل : خــــــــااالــــــد !! يلا الأستاذ جاي ...
خالد : يلا أشوفك بعدين ..
وعد : أن شاء الله ..
ورجعت ع الفصل .. الطلاب كلهم نطو على عندها تخيلو 25 ولد وهيا بنت في وسطهم .. وإلي يحظن وألي يبوس .. هيا كانت في وضع لا تحسد عليه ... ما صدقت لمن دخل الأستاذ رجعوا لأماكنهم ..
وعد وهيا ترجف خلاص داك الوقت نفسها الأرض تبلعها ولا يسير الي سار قبل شوية .. بس الحمد لله أنو جا الأستاذ ..
أ‌. معتز : هلا والله المدرسة نورت ... جاا يسلم طبعا ع الخد ..
وعد كملت : الحمد لله كيفك أستاذ ...
أ‌. معتز : الحمد لله ... سلامات .. أشبك غايب أسبوع والله أفتقدنااك ..
وعد : بس الوالدة كانت تعبانة شوية دحين الحمد لله ..
أ‌. معتز : الحمد لله على سلامتها ..هيا خد الفاتك من زملائك واذا أحتجت أي شئ تعال أسألني طيب ..
وعد : شكرا أستاذ ما تقصر ...
أ‌. معتز : غريبة هيثم ماجا ... !!
وعد : والله مدري ... أن شاء الله خير ..
وبدأ الأستاذ الحصة بعد ربع ساعة .. طق طق طق ..
أ‌. معتز : تفضل ..
هيثم : السلام عليكم
... : وعليكم السلام .
أ . معتز : خير أستاذ هيثم ليش متأخر .. ؟!!
هيثم طالع في وعد وقال : كان عندي أمس شئ وما قدرت أنام زي الناس ..
أ . معتز : طيب أتفضل وهذي أخر مرة ..
هيثم دخل وجلس : السلام ..
وعد : وعليكم السلام .. كيفك .. ؟؟!
هيثم : زي الزفت ..
وعد : أفاااا ... ليييش ؟!!
هيثم أول ما قالت زي كدا طاالع فيها وهوا فاتح عيونو .. وسرح .. وجلس يدكر ..
هيثم : رعد يلا قوم ...
رعد : والله ما ليا نفس .. مضايق ..
هيثم : أفاااا .... مضايق وأنا موجود ..
رعد : بالله هيثم لا تقول أفاا أنت هنا ووعد في البيت ما سكينها .. أكرها لا تقولها ..
أ . معتز : يا الله يا هيثم لدي الدرجة رعد واحشك ..
أنتبه هيثم .. والفصل كلو جلس يضحك عليه ..
أنحرجت وعد مررة وجهها حمر ...
وكمل الأستاذ الحصة .. خلصت الحصة الأولى والتانية والثالثة ..
في وقت الفسحة ..
هيثم : رعد ...
رعد : هلا ..
هيثم : لحضه لا تنزل أبغاك في هرجة ..
رعد اللهم أجعلو خير .. : حاضر ..
نزلوا تقريبا كل الفصل ..
هيثم : ليش سويت كدا ..
وعد بلعت ريقها .. : أيش في ؟!!
هيثم : لي كدبت .. ؟!!
وعد رحت في خبر كااان وأخواتها خلاص : هيثم عن أيش تتكلم ..
هيثم : أمس بعد ما أنت مشيت كنت خارج بعدك إلا شفت ورقة مرمية ع الأرض من مستند قريتها وشفتك موقع عليها وانت منت داري أيش فيها أصلا وكل الشغل ألي عملتو أمس غلط في غلط .. أنا جلست لغيت الساعه 3 الفجر أصلح أغلاطك يا سيد ..
وعد الله يقع أبليسك قطعت قلبي : أسفــــ .. عن جد أخر مرة رح أنتبه مررة تانية ..
هيثم : أوكي مو مشكلة المهم تعال اليوم بدري ورانا شغل ..
وعد كملت ورنا اليوم شغل .. يالله متى أداكر باقي أسبوعين ع الإختبارات : أهااا أوكي أن شااء الله ..
هيثم طالع فيها نظرت شك : لو ما جيت رح أجي أشدك من شعرك ألي مدري متى أخر مرة حلقتو ..
{ صح أنو هيا قصت شعرها بس برضو يعتبر طويل لحد تحت أدنها ..}
وعد : هههههههههه .. ليه مو حلو عليا .. ؟!
هيثم : أممممم مسكت وجهها يقبل فيه يمين يسار ... أممم حلوو .. يمشي الحال ..
وعد يمشي الحال هاا .. : دفت يدوو ... طيب شكرا .. ومشيت ..
هيثم وي أشب ودا .. : رعد ...
طنشتو ومشيت ...
أخدت شنطتها وراحت ع البيت ... دخلت بشويش عشان أمها لا تحس فيها ولبست المريول ..
وعد : ماما حبيبتي كيفك .. ؟!
الأم : الحمد لله .. متى رجعتي ما حسيت فيكي ..
وعد خخخخخ وهذا المطلووب .. : من شوية .. المهم أيش عاملة أخدتي الدوا ..
الأم : أيوة الحمد لله .. بصرامة .. يعني عملتي ألي في راسك .. ؟!!
وعد : أيش في .. ؟!
الأم : رحتي مدرسة رعد .. وأكيد داومتي في الشركة أمس ..
وعد : أنااا !!
الأم : لا أمي ... الله يرحمها خرجت من قبرها وراحت ... وعد صح أني ما أشوف زي الناس ولا أتحرك زي الناس بس هدا مو معناتو أنو ما أقدر أشم ريحة العطر حق الرجاال .. ولا أسمع حسك وأنتي داخلة بسرعه لغرفتك وفاتحة الدولاب ..
وعد أم الطبقة : هههه ما شااء الله معايا ع الخط
الأم : يا وعد يا بنتي والله ما يسير لو احد عرف رحتي في خبر كان ... وعد حبيبتي .. أفهمي ..
وعد : ماما بالله ما تقوليلي من فين رح ناكل من فين رح نلبس ... وأنتي تعبانة ياماما تخيلي لو سرلك شئ ونحنا ما عندنا فلوس .. وأنا أجلس أتفرج عليكي كدا ... ماما حتى لو دورت شغل والله ما رح ألاقي محل يشغلني بهذا الراتب .. رح ألاقي 2000 أو 3000 هذا لو لقيت .. ماما بالله والله أنا ما أفكر في نفسي كثر ما أفكر فيكي ولا تحسبيني مبسوطة .. بالعكس أنا من اللحضة الي مات فيها رعد الله يرحمو أنحكم عليا أعيش دكر وأنسى أني بنت ...
الأم جلست تبكي .. وعد ما قدرت وهيا كمان جلست تبكي فكوها نياحه ع الظهر هع هع ..
وجلست الأم تحكيها عنها وعن رعد لمن كانو صغار .. وهيا تضحك قد ايش كانوا أشقياء وجننوا الناس .. وقد أيش كان رعد يخاف على وعد ويغار عليها ويدافع عنها ... بس الله يرحمو ..
وعد : اوووه الساعه 4 والله ما حسيت بالوقت .. لحضه أروح أجبلك غداكي ..
الأم : وعد الله يوفقك يارب ..
وعد : اميين ..
وجلست وعد تتغدى هيا وأمها .. ونسيت أنو هيثم قلها تجي بدري ..
مسكت جوالها واتصلت على صديقتها الروح بالروح هنادي .. بس ماردت ..
قالت يلا باقي نص ساعه ع الساعه 5 أخد غفوة ..
وهيا في الغفوة ... دق جوالها ..
وهي نايمة .. ألوووو ..
هيثم وهو معصب ... : أهلا أستاذ رعد .. صباح الخير ..
وعد نطت من سريرها .. : أهلا هيثم .. في الطريق أنا في الطريق خلاص قريب ..


توقعاتكم ....
ودمتم بألف صحة .. : )
lovelu doody


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 27-01-2011, 01:36 AM
صورة أنا لكـ وحدكـ ماني لغيركـ الرمزية
أنا لكـ وحدكـ ماني لغيركـ أنا لكـ وحدكـ ماني لغيركـ غير متصل
©؛°¨غرامي مشارك¨°؛©
 
الافتراضي رد: آيهَ آحَبهٍ’ وآعَششّقهٍ’ بعد ,, عندّكم مآ آ آ نع مَثلاً ؟! \\ بقلمي


عجبتني البداية بس برضوا يبغالنا كم جزء عشان نفهم

ايش السبب اللي خلى وعد تعمل كذا

وفاة أخوها كيف توفى , وليش محد يدري عنه
ايش سبب كره يوسف لهيثم
وايش سر خطبته لوعد من غير رعد مايقولهها <<< كيف بس أعجبك


يالله يا قلبي مابي اطول عليك ولا تطولي علينا في البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 27-01-2011, 01:49 AM
صورة lovely doody الرمزية
lovely doody lovely doody غير متصل
©؛°¨غرامي جديد¨°؛©
 
الافتراضي رد: آيهَ آحَبهٍ’ وآعَششّقهٍ’ بعد ,, عندّكم مآ آ آ نع مَثلاً ؟! \\ بقلمي


اقتباس:
المشاركة الأساسية كتبها أنا لكـ وحدكـ ماني لغيركـ مشاهدة المشاركة
عجبتني البداية بس برضوا يبغالنا كم جزء عشان نفهم

ايش السبب اللي خلى وعد تعمل كذا

وفاة أخوها كيف توفى , وليش محد يدري عنه
ايش سبب كره يوسف لهيثم
وايش سر خطبته لوعد من غير رعد مايقولهها <<< كيف بس أعجبك


يالله يا قلبي مابي اطول عليك ولا تطولي علينا في البارت
هههههههههههههههههههه ... يب يب ...
كل إن شااء الله رح تعرفووه في البارت الجااي ...
وعشان خاطر عيونك رح أنزلوا حالا ... :)
تسلمي ع المروور يا عسل ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 27-01-2011, 01:55 AM
صورة lovely doody الرمزية
lovely doody lovely doody غير متصل
©؛°¨غرامي جديد¨°؛©
 
الافتراضي رد: آيهَ آحَبهٍ’ وآعَششّقهٍ’ بعد ,, عندّكم مآ آ آ نع مَثلاً ؟! \\ بقلمي


البارت التاني لعيوون ... أنا لكـ وحدكـ ماني لغيركـ


وعد نطت من سريرها .. : أهلا هيثم .. في الطريق أنا في الطريق خلاص قريب ..
هيثم مسك ضحكتو : واللهي .. أيت شارع ..
وعد : خلاص أهووو الشركة قدامي ..
هيثم :فينك أنا عند الباب ..
وعد : دحين أجي أسلم عليك يلا باي ..
وقامت بسرعه لبست بنطلون جبنز عليه تي شيرت أورنج وأخدت النظارة الشمسية وجري وقفت تكسي .. وع الشركة .. وصلت لقت هيثم عند الباب .. يا الله يا دي النشبة .. ..
هيثم أنتبهلها .. بس ما بين .. وهيا جالسه تحوس يالله كيف تدخل وهذا واقف هنا ...
قررت تدخل وألي فيها فيها ...
وعد : السلام عليكم ..
هيثم : أهلا وعليكم السلام .. تو الناس ..
وعد : معلييش راحت عليا نومة ... يلا نطلع ..
هيثم ابتسم : يلا ..
وجلس يعلمها ..
هيثم : تحب تشرب شئ ...؟؟
وعد : ياريت ريقي نشف ... من كثر الشغل ..
هيثم : لسه ما شفت شئ ..
وعد مسكت راسها ... : ياويلي ... بالله جبلي بيبسي نفسي فيه ..
هيثم غريبة ما كان يحب البيبسي : شئ تاني .. ؟ !
وعد : شكرا ..
خرج هيثم وهيا جلست تطالع في الورق وزي كدا طفشت مسكت جوالها
وعد : خليني أتصل على المعفنة هنادي ..
هنادي : وعـــــــــــــــــــــــــد يا الخايسه وحشتيني ...
وعد : وانتي أكثر ... كيفك .. ؟؟!
هنادي : الحمد لله .. أنتي كيفك وكيف خاله سعاد ؟؟!
وعد : الحمد لله .. كويسة ..
هنادي : أخبارك ...
وعد :ما دريتي أيش سار معايا ...
هنادي : لا تقولي سويتي ألي في بالك ..
وعد : يب يب ..
هيثم : يالله خلص البيبسي أيش أجبلو ... أيوة أيوة هوا يجب الميرندا ... ومشي راجع ع المكتب ...
خليني أشوف هذا أيش يعمل .. سار يمشي كأنو حرامي بشويش ... لين ما وصل للمكتب فتح الباب بشويش ..
وعد : هيثم رجعت ... مررة اتأخرت أشبك ...؟؟
هيثم : ههههههههه ... ما توقعت أنك جالس تكمل الشغل ماشااء الله عليك ...
وعد : ليش انت ما خد فكرة سيئة عني .. ؟؟
هيثم : مني ماخد بس هذ ألي شايفو أنا ...
وعد : ايش شايف .. ؟؟
هيثم : أهمال .. عدم ألتزام بالواعيد .. كسل .. أممم
وعد : بس بس .. والله حرام عليك أنا كدا ..
هيثم : ما كنت زي كدا بس مدري أيش ألي سار لك ..
وعد هههههههههه عنك ما دريت : ولا شئ ..
هيثم : أسمــ
دخل أبو هيثم : كفشتكم أيش تعملو .. ؟؟!
وعد : ههههههه .. بتشتغل ..
أبو هيثم طالع فيهم نظرت شكـ ...
وعد وهيثم ضحكوا ..
هيثم : هههههههه ... والله كنا بنشتغل ..
أبو هيثم : ع العموم أنا كنت جاي هنا عشان أفلكم أنتو مفصولين ..
وعد نطت من مكانها .. ليييييييش أيش عملت أنا قصرت في شئ بالله يا عمي ..
سكتها أبو هيثم وهوا يضحك .. : هههههههههههههه ... بعد أسبوعين أختبارات .. أجلسوا داكروا أنتو أخر سنة ..
وعد هديت ولا كانت رح تبكي .. : أهاا قول كدا .. مسكها أبو هيثم وقال : هوا أنا أقدر أطرد ولدي من الشركة ..
أبتسمت وعد : شكرا ..
أبو هيثم : يلا الشهر الجاي لا أشوف وجه واحد فيكم في الشركة ,,, ولا تخافوا راتبكم ماشي ...
وكمان في شئ تاني .. تاني يوم في الأجازة رح تكون طيارتكم على دبي عشان تشيكو ع الشركة إلي هناك ..
وعد فتحت عيونها على أكبر مقااااااااااااااااااس ...
وعد لا مستحيل كيف أسافر وأمي ... مررة ما ينفع ... ياربي يادي اللبشة ...
وعد : عمي أبو هيثم لازم أسافر ...
أبو هيثم : ليش أنت ما تقدر ... ؟!
وعد : والله الوالدة لوحدها في البيت ..ما أقدر ..
هيثم : وأختك .. يا أخي خلينا نسافر مع بعض ...
وعد واقفه قدامك بشحمها ولحمها هع هع : أختي رح تكون مشغولة ... مارح تقدر ..
هيثم : كلمها بالله ولا ترى أنا ألي رح أكلمها ..
وعد : ههههههههههه أيش ألي أنت رح تكلمها فين نحنا ...
هيثم : هيا قول تم ..
وعد : أشوف لسه أسأل الوالدة ..
أبو هيثم : أوكي .. شوف وردلي خبر .. يلا أسيبكم تكملو شغلكم .. ههههههههه
وراح ... وعد جالسة تفكر يالله كيف أسافر الحين ما ينفع .. صعبة والله صعبة ... خلينا نشوف أمي أيش تقول ..
هيثم كان يطالع فيها .. مسرح ... يالله يا رعد ليش أحس أنك مو رعد ألي أعرفوا فيك شئ... أحس أني أميل لك .. أعووذ بالله أي شدا الكلام .. أستغفر الله .. الله يخلي البنات ... وس بسم الله عليا سرت شاد على أخر عمري ...
وعد : هيثم !! مضيع شئ في وجهي .. ؟؟!!
هيثم : لا ما في شئ ...
وعد : أوكي ... بدلع .. هيثم ..
هيثم : طالع فيها مستغرب ..
وعد حست أنها غلطت ما ينفع تدلع .: .. هههههههه ..
هيثم :ههههههههههههه .. سلامات...
وعد : خلاص اتأخر الوقت أنا برجع البيت ... يلا سلام ..
هيثم : أوكي يلا سلام ...
خرجت وعد وهيا مبتسمة على هبالتها ...
في البيت ..
وعد : هلا ماما ..
الأم : هلا حبيبي .. ها كيف كان يومك في الشركة ...
وعد : ماما بالله مو كفاية كل الناس يكلموني على اني ولد خلاص بالله انتي لا ..
الأم : أيش أسويلك من ألي عاملتو في نفسك ..
وعد ياليل ما أطولك ... : قلتلك مطرة مطرة ... ع العموم هذا أخر يوم أداوم فيلو ... عندي أجازة شهر عشان الإختبارات ..
الأم : اهااا ... طيب ..
وعد : ماما .. حبيبتي ممكن أطلب طلب ...
في بيت ابو هيثم :
هيثم هوا مسدووح على السرير .. يالله من هـ الرعد .. رح يجنني أول كان عادي من يوم ما غاب ورجع حسيت ه الشئ .. في شئ يجدبي في شئ غريب ... الله يحرق أبلييييس ... يا أبن الحلال .. هذا ولد زيو زيك كيف بالله ... أنا شكلي بخلي أمي تخطبلي .. من دحين أحسن لي ... بس ما شاء الله عليه مزززز ... خبط المخدة في راسو ... هييييييثم هذا ولد نااام بس نااام أصرفلك ...
يعد كم يوم ...
منال ( أخت هيثم ) : هيـــــــــــــــثم ... هيـــــثم .. جوالكـ يدق ...
هيثم : طيب طيب ...
هيثم : ميين يدق ..
منال :: أمممم .. رعد ..
هيثم دق قلبو بسرعه ..: وجاا جري .. : وخري بس .. أحم أحم ألووو .
وعد : أهلا هيثم كيفك .. ؟!
هيثم : الحمد لله .. أنت كيفك .. ؟!
وعد : الحمد لله تماام ... مشغوول ..
هيثم : لا أبدا .. فينك لك كم يوم لا حس ولا خبر ..
وعد : هههههههههه ... والله مشغول مع هالمذاكرة ...
هيثم : رعد ويداكر ... ما أصدق ...
وعد : هههههههههههههه ... ع العموم كان عندي سؤال في الكيمياء وقلت الجواب الشافي عندك..
هيثم : أكييد ... أسأل ...
المهم ... جلسوو يتكلمو ... طلعت وعد مييييح في المادة لأنو كان تخصصها أدبي رعد علمي ...
هيثم : رعـــــــــد من جدك ... منت فاهم شئ ...
وعد مشكلتي كنت ادبي ... ياربي ... : والحل ...
هيثم : تقدر تجي عندي ...
وعد ... أخخخخخخخخ .. ياشيخة قدها خربانة خربانة .. : أمممم أوكي أشوف ... يلا سلام
وقفلت حتى قبل لا تسمع ردو ...
وعد يارب أروح ولا ما أروح أحسها صعبة .. بس هوا لا بالو أنك ولد .. أوكي روحي عشان تداكري ولا رح ترسبي ... خلاص أوكي
وعد : ماااااااامااا .. أنا خارجة ...
الأم : طيب يا بنتي لا تتأخري ...
وعد : ههههههههههههه .. طيب أن شااء الله ..
هيثم قدام المراية يزبط شعرو ... : منال : أخليه كدا ولا كدا .. ؟؟!
منال : أنت متأكد أنو صاحبك ألي جاي مو صحبتك .. ؟!!!
هيثم بنرفزة ..: أيش دا الكلام ... بلا هبل أيوة صاحبي ...
منال : بس أنت مو أول مرة يجيك واحد من أصحابك ليش الشياكة دي والأهتمام ... ويعدين لمن أتصل لي كنت تتكلم معاه كدا ... صراحة أنا أشك ...
هيثم حس على دمو شويتن ... والله صح كلامها ... بس يلا ...
تبين تييييييييييين << دقت الباب ..
هيثم : يا هلا يا هلا ...
وعد ( عشتوو أنا قلت دحين بجي بلاقيه متشيك .. نهايتها برموده وتي شيرت بس شكلو خققه حتى بدي الملابس ... بنت أصحي ... أنتي هنا تداكري .. أوكي .. .. )
هيثم : رح تطول عن الباب ..
وعد : ها .. سوري .. كيفك .. ؟؟!
هيثم : الحمد لله ... أخبارك ؟؟!
وعد : ماشي الحال ...
هيثم : تفضل ...
وعد : لييش شغل الرسمياات .. ؟؟!
هيثم : أي رسميات وأي خرابيط ... يعني فين تبغى تجلس في غرفتي مثلا .. ؟؟!!
وعد : أيوة أنا صراحة ما أحب أداكر في المجلس .. أذا ما فيها أحراج ....
هيثم : أي احراج وأي بطيخة ... طيب .. بس لحضه أشفلك طريق ...
وطلعوا على غرفت هيثم ..
وعد : الله غرفتك مررة حلوة ما شاء الله ... ومجلسني في المجلس ...
هيثم : هههههههههههه ... و أهو طلعت خلاص ..
وعد : ههههههههههه ... يلا نبدأ ...
هيثم : يلا ... وبدأ هيثم يشرحلها من بداية الكتاب ...
هيثم : رعد من جدك أنت ... هذا سهل كيف منت فاهمو ...
وعد تستهبل .. :: تعال أفلك سر خطير ..
هيثم : قول
وعد : قبل ما أتصل عليك اليوم .. وأنا ماشي أتزحلقت وسار عندي فقدان داكرة مدرسية ..
كل ألي يخص التعليم وسنينو نسيتو اوكي ..
هيثم : لاااا من جد رما المخدة على وجهها ... تستهبل أنت وجهك ..
وعد : ههههههههههههه وسارت تضحك ...
وهوا يطالع فيها ... يالله قد أيش ضحكتك حلوة .. هي هيثم أصحى ..
هيثم : أنا بروح أجيب شئ ناكلوا ..
وعد : أيوة أحسن لأني كنت رح أكلك من الجووع ..
هيثم : صدقتك عااد لو أكلت أصباعي الصغير ... يقلد صوتها : الحمد لله شبعت ... ياولد الحلال كل كمان ..... لالا خلاص حاسس نفسي رح أطلع ...
رمتو بالمخدة .. وجلسو يضحكو ...
راح يجيب شئ ياكلوه .. وأكلو ... وخلصت تقريبا مداكرة ... وقررت أنها رح تداكر كل مواد العلمي معاه يوم هوا يجي ويوم هيا تجي ...
يوم السبت : فيزياء
هيثم : هاا كيف ..؟؟
وعد ولا هي معاه عيونها بتطلع من كثر ما تطالع في القوانين ...
هيثم جلس يطالع فيه وهو يداكر والله هذا أحلا أسبوعين مرو عليا ...
وعد : هيثم مرررررة خايفــــــــــ ففففف... ( يا هبله انتبهي ) ...
هيثم : لا تخاف أنت مو داكرت .. خلاص ان شاء الله رح تجاوب ...
وعد : أن شااء الله ...
دخلوا الأختبار وبدأ ,, وهيثم مو قادر يركز في الأختبار طول الوقت يطالع في وعد أيش تسوي .. أخر شئ الأستاذ خاصموا وهددوا انو لو ما طالع في ورقتو رح يسحب منو الورقة ويعتبرو غشااش .. فوقتها أنتبهت عليه وعد طالعت فيه وأبتسمتلو عشان تطمنوا انو كل شئ أوكي ...
خرجت من الأختبار مبسوطة ..
كانت بتتكلم مع هيثم عن الأسئلة وزي كدا ..
ألا جا سعيد حظنها هيا أنفجعت وعلى طول طالعت في هيثم : هيثم حس كأنو أحد بطعنو في قلبو ... جا يبغى يبعدو بس ما حق ... ايش يقلو ا ....سوا نفسو مو مهتم ... عكس شعورو مو جوا ...
سعيد : مبسوووووووووووووووووط الاختبار مرة سهل الحمد لله ان شاء الله الدرجة الكاملة .. هههههه
وعد وهيا تصلح توبها : الحمد لله ...
وعدى أيام الأختبارات ...
اخر يوم ...
وعد : لالالا من جد خلاص خلصنا .. وناآآآآآآسه ...
هيثم أبتسم : ههههههههه ... الحمد لله ..
وعد : مرررررررة شكرا يا هيثم والله لو ما ساعدتني كنت رحت في خبر كان
سعيد جا عندهم : السلام عليكم ..
وعد وهيثم : وعليكم السلام ..
سعيد : ها أيش عملتو في الأختبار .. ؟؟!!
وعد و هيثم : كويس الحمد لله ..
سعيد : رعد ممكن أكلمك ..
وعد سارت تخاف من سعيد وما تقدر تكلمو لوحدها .. : أيوة تكلم ..
هيثم فهم قصدو كان بيمشي لكن وعد مسكت يدو .. : هيثم مو غريب أتكلم عادي ...
سعيد أنحرج : أهه .. كنت بسألك عن وعد ...
وعد : الحمد لله كويسه ..
سعيد : كلمتها .. ؟؟!
وعد : والله ما فضيت ... لكن أن شاء الله قريب ...
سعيد بخيبة أمل : أهااا أوكي .. أسيبكم ... بااي
وعد : باي .. وسرحت ...
هيثم : رعد أيش قصتو دا مع وعد ...
وعد : يحبها ..
هيثم : اهااا ... وهيا ما تبغاه ...
وعد : أنا ما سألتها لسه ..
هيثم : أمممااا !! يعني أنت تصرف سعيد ...
وعد : شئ من هذا القبيل .. ( وعد كانت تجهل السبب إلي خلا رعد ما يقلها عن هذي السالفة )
هيثم : أهاا ..
سكتوا شوية ...
هيثم : كنت أبغى أسألك عن السفرة ... رح تطلع معايا ..
وعد : أممممممممم ... والله مني عارف أيش أقلك ..
هيثم : لا خلاص مو لازم عادي ..
وعد : من جد مني عارفه كيف أقلك أنو امي وافقت .. ههههههههه
هيثم تنح : أممممممماا !!! مررررة حلو ... من جد ... جا حظنها حظن بسيط ..
وعد ياريتني ما وافقت .. : ههههههه ..
------

في مدرسة البنات :-
عبير .: هنــــــــــــــــــــادي ... هنـــــــــادي ...
هنادي وقفت .. : هلا عبير في شئ .. ؟!!
عبير : يب كنت بسألك عن وعد من زمان عنها .. أشبها ما سارت تجي المدرسة ..؟!!
هنادي : هههههههههههههه ... أنتي ما دريتي .. <<< حريييم ما يعرفوا يمسكوا شئ في فمهم هع هع
عبير : لا خير أيش في ...
هنادي : أقلك بس ما تقولي لأحد .. أوكي ..
عبير : أفااا عليكي ... أكييد ... <<< بكاااااااشه ..
هنادي : أنتي عارفه أنو قبل 4 سنوات مات أبو وعد ... صح .. ؟؟!
عبير : يب ... بعدين .. ؟!!
هنادي : وسار رعد هوا ألي يصرف على أمو ووعد ...
عبير : يب ..
هنادي : قبل 3 ونص
رعد : يـمااااااااااااااااااا ... وعد ,,, يماااااااااااااااا ... وعد ..
وعد جاية جري .. : خير رعد أيش في .. ؟؟!!
رعد : لقيت شغل ...
وعد : من جد .. !! حلو ... فين ... ؟؟!!
رعد : رح أشتغل في ورشة .. حق سـ ...
وعد : لا سيب دي الشغلة ...
رعد : ليش أن شاء الله ..؟؟!!
وعد : أنت صدرك تعبان ... وهناك في روايح قوية بطاله على صدرك ... لا ما ينفع ...
رعد : لا تخافي ... أنا رح أنتبه على نفسي
وعد : لا يعني لا ... رعد أنا قلتلك أنا أنزل على شغل ...
رعد : ما شااء الله وأنا أجلس زي الحريم وحضرتك تنزلي تشتغلي ...
وعد : وأيش فيها أن شااء الله .. ؟؟!!
رعد : فيها أنو ما عندنا بنات تنزل تشتغل ... أوكي .. !!
وعد مررة كانت خايفة على أخوها .. : لا رح أنزل حتى لو مو عاجبك فااهم ...
رعد : وريني كيف رح تنزلي ..
الأم : خير أشبها أصواتكم عاليه كدا ... !!؟؟
رعد بابتسامة : يماا لقيت شغل ...
الأم : من جد .. الله يبشرك بالخير ..
وعد : قلها ... أشبك سااكت ... ماما رح يشتغل الأخ في الورشة ... ونسي أنو مرييض ..
الأم : لا بلاها الشغلة دي ... ما في غيرها .. ؟؟!
وعد : أنا قايلتلك تكلمي خوالي .. بس أنتـ ..
رعد : أنتي هبله كيف تكلمهم .. أنتي ناسية أنهم يكرهونا .. ؟!!
-----
عبير .. : ليش يكرهوهم .. ؟!!
هنادي ..: أخوان خاله سعاد كانو رافضين زواج خاله سعاد من خالو محمد .. عشان خاله سعاد من عائلة مرة غنية .. أما خالو محمد من عائلة من الطبقة الأقل من الوسطى ... وهيا عاندت وأتزوجتو ...
عبير : طيب وفين عمانهم ...
هنادي .. : لمن خوال وعد كانو يفكرو في خطة انهم يفرقو بينهم فكروا أنهم يخلو أهل خالو محمد يضغطو عليه .. وعرضو عليهم مبلغ وقدره ... طبعا أغرتهم الفلوس .. فحاولوا أنهم يفرقوا بينهم بس ما قدروا فقالولو أنو لو أتزوجتها أخر ما بيننا وبينك ... وهوا طنشهم ...
عبير: يا الله لدي الدرجة يحبها ..
هنادي : شفتي كيف .. المهم أكملك ...
أشتغل رعد في الورشة في البداية كان أوكي ... بس بعد فترة مررة سارت تجيلو النوبات حق صدرو كثير ...هوا ما كان يقول لأهلو عشان لا يخلوه يوقف شغل ...
فمرة من المرات جاتلو النوبة في المدرسة ... وصاحبوا هيثم شافو .. فمرة خاف عليه وعرض عليه أنو يشتغل معا أبوه في الشركة ... بالراتب الي يبغااه .. بس للأسف بعدها بيومين مات رعد ...
-------
عبير : كيف مات .. ؟!!
هنادي : ذاك اليوم في الليل الساعه 2 ...
وعد يالله مني قادرة أنام ... قلبي ناغزني على رعد .. أن شاء الله ما فيلو شئ .. لالا خليني أقوم ..
مشيت وعد في الممر حق غرفت رعد .. وسمعت صوت أحد بيكح .. يكح بقوة ...
وعد : هئئئئ .. رعد ...
دخلت غرفتو بسرعه : رعد حبيبي أيش فيك ... البخااخ .. فين البخااخ .. ؟؟!!
رعد أشر على جيب الجينز المعلق ... بسرعه راحت جابتو .. وبختلوو .. وجابت كاسة موية وخلتو يشرب ..
وعد : رعد إيش فيك ... ؟؟! حررام عليك إلي بتعملو فينا ... ؟!!
رعد : كح كح .. وعد حبيبتي . أسمعي ... أبغى أطلب طلب منك..
وعد : أمر ... تدلل ...
رعد : أمي يا وعد أمانة .. لاتـ...
وعد حطت يدها على فمو : رعد سيبك حراكات الأفلام الهندية ... بلا هبل ما فيك شئ ... قرد ما شااء الله عليك ...
رعد أبتسم : أنتبهي على نفسك ... أحبكم و أسف أدا زعلتكم في يوم ... قولي لأمي ...
وعد وعيونها بدأت تدمع : أقوول رعد بلا هبل ... رعد ... رد يا السخييف ... رد أقوول بلا هبل .. رد والله ما تعرف تمثل ترى .. رعد .. بليييز .... رعاااااااااااااااااااااااااااااااااااااااااااااااا ااااد ... وبعد ما مات فضلت أنها ما تقول لأحد إلا ألي مررة قريبين ليها ... عشان في خطة في راسها ..
-------
عبير : مسكينة وعد والله تحزن ...
هنادي : يب والله مررة ... أنتي ما تقدري تشوفي أخوكي مهوا يمووت فما بالك بأخوكي التوأم لا الوحيد كمان ...
عبير :أيوة ... وبعدين .. وش هيا الخطة ؟!!
-------
هنادي : أنتي أكيد أتجننتي ... هذا مو كلام وحدة صاحية .. ؟!!
وعد : هنادي بالله أسمعيني للأخر ... دحين أنا ماما عايشين لوحدنا .. ما عندنا أحد يصرف علينا .. وماما تعبانة وبعد موتت رعد تعبت أكثر ... أنا مني مستعدة أفقدها هيا كماان ..و الله ما لي أحد غيرها في هالدنيا ...
هنادي : تقدري تصرفي ع البيت من غير الخطة السخيفة دي ...
وعد : بالله ميين رح يقبل يشغل وحده صغيرة لسه ما خلصت ثانوية .. ياماما ألي متخرجين من الجامعات ما لقو شغل .. وحتى لو لقيت 1000 أو 2000 ... وأمكن أقل ... أما صاحب رعد رح يعطيني الراتب إلي أنا أبغااه ... بالله أرفز النعمة برجلي ..
هنادي : أنا ما ليا دخل فيكي أنتي بكيفك .. بس أصلا أمك ما رح ترضى ..
وعد : لا ما دي سيبيها عليا ...
------
هنادي : أنتي عارفه أنو وعد ورعد مرررررررررة يشبهو بعض ...
عبير : يب أتدكر مررة شفتو وهوا جااي ياخد وعد من المدرسة أنفجعت حسبتها وعد لابسه ثوووب ... بس هوا أمتن شويتين ...
هنادي : هههههههههههههه .. يب يب ... بعدها قصت شعرها ... ولبست ملابس أخوها ...
عبير : أممممممماااااا !!!
هنادي : يب ... وداومت في المدرسة حق رعد ... و ششركة عبدالرحمن الـ ..... على أنها رعد ...
عبير لازم ألحق دانية أقلها قبل لا يفتح الباب ..: والله وعد ما طلعت هينة ... أوكي يا حلوة .. يلا أشوفك ع الترم الجاي ...
هنادي :أن شاء الله .. بس زي ما قلتلك سر ما تقولييه لأحد أوكي .. ؟؟!
عبير لا توصي حرييص .. : أفااا عليكي ... سركـ في بير ...
هنادي : هذا العشم فيكي ... : )
--------
عبير :داااااااااااااانية .. داااااانية ... داينة والصمخ ..
دانية : هااا ... خير أشبك تصارخين .. ؟!
عبير : وجع ما تسمعي .. صوتي راح وأنا أنادي ...
دانية : هاا أيش في ... ؟؟!
عبير : مادريتي ... << حريييم يموتوا لو سكتوا ... المشكلة قبل شوية تقول لا وأفاا عليكي .. وما ستنت ترجع البيت وهيا ناشرة الخبر .. إنا لله وإنا إليه لراجعون .
وقالتلها كل الحكاية ...
دانية عبدالرحمن الـ ... أنا أعرف بنتو .. يالله دحين لازم أقلها .. : أنتي متأكده ...
عبير : يب قبل شوية هنادي صحبتها الروح بالروح قايلتلي ...
دانية والله لأوريكي يا وعد : أوكي ..
عبير : بس ها لا تقولي لأحد..
دانية .. لا لاتخافي ما رح أقول لأي أحد ههههههااي : لالا تخافي .. يلا باي سيارتي جاات ..
عبير : باي ...


توقعاتكم ................

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 27-01-2011, 02:09 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: إيه أحبه و أعشقه بعد .. عندكم مانع مثلاً ؟ / بقلمي


,’





بسم الله
و عليكم الســــلام و الرحمة



يعطيك العــافية
إطلعي على الرابط بـ يفيدك النقد
https://forums.graaam.com/342083.html


موفقة إن شـــاء الله
https://forums.graaam.com/238622.html



,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 27-01-2011, 01:28 PM
صورة lovely doody الرمزية
lovely doody lovely doody غير متصل
©؛°¨غرامي جديد¨°؛©
 
رد: أخفي دمعتي بقناع القوة / بقلمي


اقتباس:
المشاركة الأساسية كتبها الزعيـ a.8k ـمه مشاهدة المشاركة
,’





بسم الله
و عليكم الســــلام و الرحمة



يعطيك العــافية
إطلعي على الرابط بـ يفيدك النقد
https://forums.graaam.com/342083.html


موفقة إن شـــاء الله
https://forums.graaam.com/238622.html



,’
ان شاء الله ...
شكرا على مرورك ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 27-01-2011, 02:52 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: إيه أحبه و أعشقه بعد .. عندكم مانع مثلاً ؟ / بقلمي


وعليكم السلام

بالتوفيق ان شاء الله

يعطيك العافيه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 27-01-2011, 03:03 PM
صورة lovely doody الرمزية
lovely doody lovely doody غير متصل
©؛°¨غرامي جديد¨°؛©
 
الافتراضي رد: أخفي دمعتي بقناع القوة / بقلمي


اقتباس:
المشاركة الأساسية كتبها روح زايــــد مشاهدة المشاركة
وعليكم السلام

بالتوفيق ان شاء الله

يعطيك العافيه
الله العافيكـي ...
تسلمي ع المروور ... :)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 27-01-2011, 04:27 PM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: إيه أحبه و أعشقه بعد .. عندكم مانع مثلاً ؟ / بقلمي



بسم الله الرحمن الرحيم

نورتِ القسم عزيزتي

بالتوفيق في طرحك


~








  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 27-01-2011, 04:58 PM
صورة lovely doody الرمزية
lovely doody lovely doody غير متصل
©؛°¨غرامي جديد¨°؛©
 
رد: أخفي دمعتي بقناع القوة / بقلمي


اقتباس:
المشاركة الأساسية كتبها على شاطئ النسيان مشاهدة المشاركة

بسم الله الرحمن الرحيم

نورتِ القسم عزيزتي

بالتوفيق في طرحك


~






منوور بوجودك تسلمي ...

إيه أحبه و أعشقه بعد .. عندكم مانع مثلاً ؟ / بقلمي

الوسوم
آحَبهٍ’ , مدهش , مَثلاً , بقلمي , عندّكم , وآعَششّقهٍ’
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أسوي المستحيل بس ما أخسر عيونك / بقلمي احآسيس أرشيف الروايات المغلقة - لعدم إكتمالها 10 11-05-2013 02:52 AM
إضحكوا لعنبوا همٍ يبكينا / بقلمي KINDA99 أرشيف الروايات المغلقة - لعدم إكتمالها 33 07-05-2013 12:41 AM
عزيزي / مثلاً عبير طوق الياسمين نكت - ضحك - وناسة - فرفشة 1588 10-09-2011 05:02 PM
سبع خطوات سهلة لحياة زوجية رائعة Rich الحياة الزوجية - الحمل - مشاكل الزواج - خاص بالمتزوجين 2 10-03-2009 02:29 PM
المدينه زمان ياحبايبي x_VIP_x مواضيع عامة - غرام 4 13-03-2008 01:20 PM

الساعة الآن +3: 05:39 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1