منتديات غرام

منتديات غرام (/)
-   الحياة الزوجية - الحمل - مشاكل الزواج - خاص بالمتزوجين (https://forums.graaam.com/76/)
-   -   افكاار رومنسيه لمناسبه رومانسيه (https://forums.graaam.com/37881.html)

ظل القمر 16-08-2006 12:59 PM

افكاار رومنسيه لمناسبه رومانسيه
 
الرومانسية في حياتنا تنادي باعلى صوتها .. حرروني من روتين المسلسلات والافلام . والعلاقات غير الشرعية . وتطالب بادخالها بيوت الزوجية .. فهي أحق بها !!


في هذا الموضوع سنعرض عده افكار لمناسبه رومانسيه مع زوجك


الصندوق

اشتري صندوق صغير و اوراق محارم ملونه ثم داخلالصندوق ضعي أوراق زهور حمراء و بيضاء ثم ضعي بجامته المفضلة و رشي عليها عطرهالمفضل وشيكولاته و ضعي ورقة تقولين فيها انكي ستكونين سعيده لرؤيته مرتديها و حدديوقت و يوم لليوم الرومانسي



اثارالحب

اولا اقطعي تقريبا 300 ورقة على شكل قلب و اكتب خلف كل واحد سبب لماذا تحبيزوجك و علقي اول قلب و ضعي بجانبه سلة و شمعة و عبارة اتبع اثار الحب و علقيبقية القلوب في اماكن مختلفة خلف الكراسي و حول مائدة الطعام و على الدرج و في غرفةالمعيشة و الى غرفة النوم



الرساله


اكتبي رساله حتى لو كلمه بسيطه وتحطيها بالشنطه في مكان واضح في أعلىالأغراض أو في البوك (( المحفظه)) لما يفتح بوكه يتفاجئ بالرساله أو في أحد جيوبالثوب في مكان واضح .

وطبعاً تكون الرساااااله رومانسيه وعطريها شوي بعطر اللييحبه زوجك ولما يلقى الرسااااااالهأكيد بيجننننن .



أماكن ظريفة لترك رسائل حب قصيرة


داخل فوطة زوجك
- داخل كتاب يقرأه زوجك

-وراء زجاج سيارة زوجك.
-داخل وسادة النوم .

- الصقيه وراء عصيره المفضل .
- الصقيه خلف الريموت كنترول .

-داخل الميكروويف والذي بالطبع سيرونه .
- داخل محفظته او حقيبته.

- رساله كبيرة جدا ملصقه خلف نافذة المنزل .
-علقيها مع ميدالية المفاتيح .

- ارسليها له بالبريدالعادي .
- في السقف فوق السرير .

- داخل كوب القهوة الخاص بها .
- الصقيه في باب الدولاب من الداخل .

-علقيه على مقبض الباب .


المرايه

اشتري لزوجك مراية شكلها حلو .... بعدين اعطيها زوجك ومعاها الكرت مكتوب فيه
:



"في المراية هذي .... راح تشوف اجمل رجل في العالم"




الورده الحمراء

خذي وردة حمراء .. وحطيها
في مكان زوجك راح يشوفها ..... واربطي فيها ورقة مكتوب فيها:


"اشكرك لانك دخلت حياتي"




الاستيقاظ صباحا
أصحي مبكر الصباااح قبل مايصحى زوجك


وخوذي ورد مجفف ووزعيه على رف الحنفيه (( المغسله )) وحطي بالعلبه الخاصه
بأغراض الحلاقه ورده حمراء طبيعيه


وأكتبي على المراءاة بروج أو كحل مثلاً(صباح الورد ياحبيبي)
او تكملين عليها >> نعيماً مقدماً



ويمكن هذي الفكره تصلح أكثر للزوجه اللي عندها دواااام وتداوم قبل
زوجها لان راح يجلس ويتفاجىء



نزهه داخل المنزل


افرشي مفرش للنزهات في البيت و استمتعي بنزهة داخل المنزل .



- اعيدو قراءة الرسائل و بطاقات الحب القديمة التي ارسلها كليكما
للآخر.



- العبو لعبة الاستغماية

- لا تنسي لبس أروع ما لديكِ

-أضواء الشموع مع العشاء تضيف سحر رومانسي .

- ضعي خيمة صغيرة في فناء منزلك , و اقضوليلة تحت أضواء النجوم .

- تسلو بلعب بعض الألعاب الجاهزة

- فاجئيه بحمام ساخن مع الرغوة
المنعشة


- اخبزوا كعكة معاً أو أعدو العشاء معاً


- اعملي شيئا لطالما الطرف الآخر كان يود منك أن تعمليه.




مارد



فاجئ زوجك يوم بأنك تتطلعي له مثل المارد


وتقولي له شبيك لبيك المارد بين إيديك


ولك 3 طلبات تطلبها وراح
تنفذ


أمرررر وتدلل أطلب شو ماتريد


وعقب مايطلب نفذيها على طول وأكيد
ساعتها بيكون سعيد جداا .




الصابونه

خوذي صابونة (( غسيل اليد )) وحفري عليها كلام


مثلا 000حبيبي أو .. قلبي ,, عيوني ,, روحي,, .... الخ


بخط كبير وتحت هذي الكلمه كتبي أسمه
يعني مثلا


حبيبـــــــــي
(فلان ) يفضل أسمه بدون بو فلان


وتحطيها بالعلبه على رف المغسله وتنثرين حوليها ورد مجفف


وحبذا
يكون بجنبها كارت صغير عليه طبعة شفايف من شفايفك الحلوين (( بروج أحمر )) ومكتوب بجنبها


صبااااح الورد للورد صباح معطربطيبك





الشموع



أكتبى له كلمة أحبك بالشموع و ضعيها على قطعة من الزجاج أو مرآة


أو بواسطة أوراق الورد على طاولة زجاجيه أو مرآة أو على الأرض في
غرفة النوم أو عند المدخل




بطاقه الدعوه

أخذي بطاقة الدعوه حقت زواجكم وحطيه داخل إطار جميل ونااااااعم وعلقيه بغرفة المعيشة أو غرفة النوم هذا راح يعطيه أحساس بأنك تعتزين بزواجك وسعيده بإرتباطك به




الشريط تسجلين في شريط بصوتك شعر أو رسالة رومانسيه وتكون مع خلفيه صوت عصافير أو موج البحر حتى يعطي جوووو رااائع مع الكلام اللي راح تسجليه


بعدين تدخلين الشريط بالمسجله بسيارته
من دون مايدري ولما يطلع بالسيارة للدوام يتفاجئ بصوتك على الشريط


وطبعاً في أخر التسجيل تقولي
(( زوجتك العاشقه ,,, أو عروستك المحبه ,,, وأنتِ وذوقك




المذكره
حطي على طاولة غرفة نومك تابلوه صغير )مذكره(وتدون فيها كل يوم كلمه تبين تقولينها لزوجك وصدقيني راح يتعود كل يوم يفتحها ويقرأ شو كتبتي ؟؟؟




كارت الدعاء

عن طريق الكومبيوتر اصنعي له..بطاقه صغيره يعلقها في السياره..يكون مكتوب فيها دعاء الركوب..او دعاء الدخول والخروج..ممكن يعلقها على مراية السياره...


او بطاقه من صنع ايديك يكون فيها اذكار الصباح والمساء...عشان يتذكرك دايما ويدعيلك بالخير


الكيكه
تفاجئية مثلاً بكيكه عليها صورته


وكاسات ملفوفه بدانتيل وشرايط ناعمه وملاعق كمان مربوط عليها شرايط وتكتبي على بطاقه مثلاً بالكمبيوتر(حبيبي) بلون أحمر وتلصقيها بالكاسات وتكون بحجم صغير وناعم

وتشغلي
شمووووع


وبالونات توزعيها على الأرض وكل بالونه تكتبي فيها كلمه
((حبيبي ,, روحي ,, حياتي ,, قلبي ...... عاد مايحتاج أعلمكم أنتم أخبر)) وتبثيهم على الأرض وكمان شوي على السرير


وتكتبي رساله فيها كلام
روماااااااانسي وتعلقيها على باب الغرفه أو المكان اللي راح تحطي فيه الطالوله والكاتو ... الخ ويفضل بالكمبيوتر وترشي الرساله بخاخ يعطي لمعه (( أكيد عرفتوه))




ليله مميزه

هذي الليله راح تكون غير شكل


بس لازم الزوج يكون مرتااااااح ومزاجه عالي وجسمه نشيط
وما يكون بكرة
دوام او عمل بيكون احسن....عشان القعدة اذا طولت تحلى


وعلشاان ما يبهدلك لما
تفاجئيه بهاليلة ......الغير شكل


لانه توقيتها بنص الليل قبل اذان الفجر
بساعة


بخري مكان معين هادي وعطريه وجهزي ماء بارد
وحطي بجانب
الماء السواك لاتنسيه (مرضاة للرب مطهرة للفم)


الحين روحي لعنده شوي شوي


وصحيه بصوت ناعم .....مو تفززي الرجال ؟؟وتخوفيه؟؟
بصوت هادي ولمسة حانية
قوليله ........ تعال يا حبيبي نتعبد ساعة


باقي شوي للفجر قوم نناجي ربنا ....في
السحر والناس نايمة


قوم نعدد مطالبنا ونرفع شكاوينا للحي اللي ما ينام
قوم
نسبح ونحمد ونشكر لهذا الرب الكريم الرحيم


يلي جمعنا واعطانا هالاولاد والبنات
ورزقنا من فضله الكتيررررر


واشعري حقيقة عزيزتي انه الله شايفك وانتي
بهاللحظة


واشعري كم من الرضا نلتي باذن الله......وصدقيني ما في احلى
من
ليلة تجلسي مع الله تناجيه في ظلمة الليل


ليلة لاتنسى سحرها خاص وطعمها ..........آآآآآآآآه من القلب


صدقيني نهارك كله بيصير غير شكل
.......انتي بس اعزمي وتوكلي
..........واعزمي زوجك


بهاليلة احلى
ليلة ........من ليالي العمر



الليله البحريه

الادوات

1/ كرتون (( الوسيله )) + مقص + رش أزرق + قطن + نجوم اللي تضوي بالظلام + صمغ
((تقصين الكرتون على شكل سحاب وتلصقين عليها القطن بشكل عشوائي بعدها ترشيه بالرشالأزرق بشكل مموج يعطيكِ شكل غيوم "سحـــابه " )) تعملي 4 قطع أو 5


2|أسماك جاهزه البلاستيكيه تكون معلقه بخيط



3/ ويحبذا يكون عندك حوض سمك الزينه كمان تحطيه في المكان المخصصلليله الرومانسيه وإذا ماعندك ممكن تسخدمين الشلال الزينه أكيد الأغلب يعرفها وهيلها أحجام في منها الكبير والصغير


4/ شريط رومانسي فيه صوت أمواج البحر


5/ أصداف وقواقع ومحار

6/ شموع زرقاء أو بيضاء أو شموع صغيره تطفو في كأس ماء


الان نجي للتنسيق العام للمكان
أولاالطاوله... أفرشيها بفرش أزرق ويفضل يكون فرش مرسوم فيه بحر وطبيعه


بعدين تاخذين الاصداف والقواقع والمحار وتبثيها على الطاوله وكمان ورد مجفف


وفي شموع مثبته على محار تكون أحلى وتحطي الشموع على الطاوله



وكمان ماتنسي تتركِمكان لوضع الأطباق ((الأكل)) اللي راح تعديها بنفسك



وبعد ماتنتهين من تصميم الغيومعلقيها على الحائط وكمان تعلقيالنجوم المضيئه
والأسماكتكون متدليه من السقفوبإتجاه الطاوله بس مو تكون نازله مررررره يعني تكون على طول مناسب بعيد عن مستوىالنظر
وجهزي الشريطاللي فيه صوت أمواج البحر وكمانعصافير وطيور


وكمان ماتنسي تفرشيالسريربمفرش بحريأو أزرق إذا ماعندك




ننطلق الان للمطبخ


((أطبخي أطباق بحريه مثل الجمبريوأسماك يعني أطباق يدخل فيها اللحوم البحريه))
وبعد ماتنتهي نسقي الطبق وحطيه على الطاوله المجهزه


الان جاء دورك أنتِ ا لبسي لبس أنيقي كون بنفس لون التنسيق وميك أب هاااااادئ


وأكتبي كرت عندواجهة الباب الرئيسي
لما يدخل يكون عند ناظر زوجك
مكتوب فيها دعوه


((أدعوك ياحبيبي لقضاء نزهه على شاطئ البحر))


وتكون كروت صغيره معلقه كدليل لمكان النزهه موزعه من باب الدخول الى مكان المخصص لليله الرومانسيه



ليله في هاواي

وأول شي بنبدأ بمدخل البيت::



سوي استاند من جذع الخشبوعليه فلين مغلف بورق بني وزينه بأغصان خشب واوراق شجر وورد واكتبي عليه
غبت والشوق جابك.. عمر الغالي هلابك..


حبيبي
((وتكتبين اللي تبين ))



وحضرى صندوق وزينته من الداخل بقطعة قماش وحطي داخلها شورت وبلوزهعليها سمك نفس حقت هاواي ورساله كتبت فيها الأوامر اللي بتطلبيها منه
وحطي الصندوق بجنب الاستاند ومعهم شمعدان كبير..



وسوي من كاسات الصغيره كاسات للشمع لصقى عليها اوراق شجر من اللي تجي رفيعه اللي اذا سحبتيها بالمقص تصير اطرافها ملفوفه ومن نصفها الأسفل غلفيها بخيشوزينيها بورق شجر صغير مع ورد.. وحطيها بالممر اللي يودي للغرفه اللي فيهاالمفاجأه وانثري بالممر ورد وورق شجر



بعد كذا نجي للغرفه..


حطي مرتبه بالأرض..(ممكن استعمال مرتبه أو أي شي مريح بالجلسه )


وعلقي فوقها ناموسيه وخيطها بالمرتبه من الأطراف علشان ماتتحرك وتضايق ومن الفتحه من قداما ربطيها وحطي عليها ورده من الجهتين وتصير مثلالستاره المربوطه.. وانثري عليها ورد..


ومن زاويتين الغرفه من جهة المرتبه حطيزرعتين مثل النخل..


ونثرت على المرتبه ورد


بالخيش سوي الارضيه غريه بالمسدس وسويه تموجات مثل تموجات الرمل بالشاطئ ..

والطرف المقابل من عند الجدار حطي شرشف سرير ازرق بلون البحر على شكلتموجات( اللي ما عندها ينفع ابيض او بيج لأننا بنحط انوار زرقاء تعكساللون..


انثري على الارض صدف واوراق شجر وورد بسيط ونثرت بعد علىالصخور..



وجيبى لمبات حطيتها بالأفياش وحده زرقاء في المدخل وزرقاء ثانيه منعند البحر و2 أخضر من زاويتين الزرع من ورا الجلسه..



العشاء اطلبي اكل جاوي او صيني او زي ماتحبيى وجيبي صحنين على شكل ورق شجر عند ابو.. والعصير جبيبي ثمرة جوز هندمفرغه وزينها واعمليها كاسه للعصير





نجي للبس البسى لبس بها وورود ملونه زي لبس اهل هاواي


سوي اسوره وعقد وخلخال من الورد


وحطي وردتين بشعرك على جنب وسوي مكياج واتعطري..



والبيت عطريه بزيت اسمه ocean ريحة بحر منعشه وشغلي شريط بصوت موج البحروعصافير
وجهزي سله فيه ادوات المساج من زيت واجهزه يدويه ومخده للعين



والحمام زينته بالاصداف والورد وأوراق الشجر وجهزي رغوه للحمام وعطريه بنفسريحة البحر وجهزي المناشف..


وقبل ما يجي شغلي الشموع واللمبات الملونه


الموضوع مجمع ومنقول

ڪَارمـטּ ! 16-08-2006 07:27 PM

رد: افكاار رومنسيه لمناسبه رومانسيه
 
السلام عليكم


موضوع جدا جدا رائع


تسلمين ويعطيك الفين عافيه:050103hrm_prv:

مجنونة 17-08-2006 12:28 AM

رد: افكاار رومنسيه لمناسبه رومانسيه
 
بصراحة افكار رائعة

تسلمين حبيبتي

والله يعطيكي العافية

King Of The Drem 17-08-2006 06:50 AM

مشاركة: افكاار رومنسيه لمناسبه رومانسيه
 
تسلمين ضل القمر


افكار رومنسيه جدا رائعه

بس وين اللي ينفذ ؟؟؟؟؟

تحياتي لك

! لصمت000كلام ! 18-08-2006 03:20 AM

رد: افكاار رومنسيه لمناسبه رومانسيه
 
ياااعيني على الرومانسيه

في ناس تقدر هذا الشي

لكن في ناس وينها وين الرومانسيه
مالها بالكلام هذا

ظل لاحرمانك اختي

:
:

النـــايفه 18-08-2006 06:29 AM

رد: افكاار رومنسيه لمناسبه رومانسيه
 
افكـــــــار راااائعه يعطيكـ العافيه

samt_alskooon 18-08-2006 06:33 AM

مشاركة: افكاار رومنسيه لمناسبه رومانسيه
 
http://www.nzzf.com/vb/uploaded/bg0015.gif
يسلموووووو على هالافكار الرهيبه بصراحه
واتمنى فعلا لكل زوجه ان تسعى لامتلاك قلب زوجها
وانا اكيده بانه سوف تستطيع ذلك
http://www.nzzf.com/vb/uploaded/bg0015.gif

ظل القمر 18-08-2006 10:18 PM

رد: افكاار رومنسيه لمناسبه رومانسيه
 
انتو اللي تسلمون حبايبي على مروركم الغالي


عساني ماخلا منكم


وان شاء الله اكون افدتكم يارب

الوافـــــــي 18-08-2006 11:38 PM

مشاركة: افكاار رومنسيه لمناسبه رومانسيه
 
مشكوره أختي على طرحك الجميل


الساعة الآن +3: 04:57 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1