غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-08-2006, 11:52 PM
ضياع ضياع غير متصل
©؛°¨غرامي فضي¨°؛©
 
سوالف الشباب في الباص--- بنات بنات حياكم حياكم


سوالف الشباب في الباص
--------------------------------------------------------------------------------

سوالف الشباب في الباص!

هااذي سوالف وانواع الشباب في الباااص


عشاق الكورة

نفر (1) :: يا خووك احلى شي عاد لين الهلال تصدر الدوري
نفر (2) :: ايه والله .. شفت قول آيتوو عاد شق المرمى شق فديته هالريال
نفر (3) :: راحححح ياشيخ .. بييكم الشبح المدريدي بيشوت هالعيال
نفر (1) :: روح روح .. مدريدك ذيله الحمدلله فازو على الدرجه الثانيه

وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب


المغازلجـيـه:

نفر (1) :: اااخ يا الحبيب شفتهاا .. هذي الي قاعدة ورى السواق
نفر (2) :: تقصد هذي ام العباة فيها ستين فراشه ؟!
نفر (1) :: لااا يا حظي العوج .. اللي عباتها الخفاش ..
نفر (2) :: ايه هذي كشخه يابووك بس يقولون ماتعطي وجة
نفر (1) :: ما عليك منها .. بتطيح بتطيح ..

عاد الاخو ايجيب تاريخ اهلها واجدادها على اساس ان انا اعارفها ترى !



المطينزجـيـه ( راعيين المطنزه )

نفر (1) :: شوف شوف .. هذي ام عباة راس صدقني بطيح
نفر (2) :: شدراك انها بطيح ؟! الا اذا عينك حارة:
نفر (1) :: يا العله بتشوف الحين

" البنت بتنزل من الباص "

نفر (1) :: حجيييييييييه عبااتك

طــــــــم طـــرااااخ ( طيحه على الوجو )

نفر (1) & (2) :: هههههههههه

وتقعد تسب فيهم وتلعن وهم للحين يضحكون عليها



عشاق الكتب ( ما يشيل راسه من الكتاب ساعه )

نفر (1) ( قاعد يراجع اخر درس من الماده )
نفر (2) :: وين وصلت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: اوكي ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين ايجيهم السواق ويقولهم يلاااا فكوني بروح بيتنا



صبيان على غير العاده " هاذيله في حالهم"

نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك

انتهت المحادثه .. واحد يطالع من الدريشه والثاني سرحان والا راقد



عشاق الورق و الاونو

نفر (1) :: العـــــب خل اكسر راسك .. تقط لي ثنتين الكلفس
نفر (2) :: عشان اتجيك الاكـلـه العدلـه ( يلعبون كوت )
نفر (1) :: يا عمـــي .. بنشوف ترى الجوكـر جايك جايك
نفر (3) :: العب العب حبيبي يقولك جوكر ما عليك منه زين

والصراخ ينسمع للسواق .. ولا كنه احد يمهم .. ويجوز احيانا ان الكل ينزل الا هم يبقون بالباص طبعا من عقب الصبيان مال الدراسـه والكتب



عشاق الاغانـي والطقطقه

نفر (1) :: يا مونيتي يا سناااا خاطــــررري وانا احبك يا سلام
نفر (2) :: ياهووو .. هلا هلا روووح ررروح
نفر (1) :: ليه الجفااا .. ليه تهجرنــي وانااااا وانا وانا احبك ..
نفر (3) & (4) :: احببببك .. احبببببك يا سلاااااام حبيبي انتـه روووح

مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعل(الله يكرمكم)؟


فئة الموضـه


نفر (1) :: شفت وائل كفوري شمسوي والله عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب والله يطلع كووول

ذيلين مساكين بعد .. اخرة هالقصات بيسوون تسريحة المطربة صباح !


فئة البناتـيـه

نفر (1) دايس على رجلي الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك < ااااه ياليت عندنا من هالفئة الرقيقة )
وتقول شوي ومن زود الرقة بيقعد يبكي وخوية يساندة الفاجعة

ســــــــــــــلامو
منقوله:)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-08-2006, 12:08 AM
قدهـ111 قدهـ111 غير متصل
©؛°¨غرامي نشيط¨°؛©
 
الافتراضي رد: سوالف الشباب في الباص--- بنات بنات حياكم حياكم


ههههههههههههههههههههههههههه

مشكوووووووورة على هالموضوع الفرفوشي ^_^

ولكن العذر والسموحة ,,, الموضوع مكرر

وقد سبق طرحه من قــِــبل أحد الأعضاء على هذا الرابط

http://www.graaam.com/vb/showthread.php?t=31319

يتم نقله الى الأرشيف

موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1