منتديات غرام روايات غرام روايات كامله - يتم نقل الرواية هنا بعد اكتمالها روايتي الأولى : لا تسابقني بظنونك المسألة ما هي عيونك / كاملة
~{..أختنــآق الأنفآس ©؛°¨غرامي مشارك¨°؛©

مسائكمـ / صباحكمـ ..ورد

كيفكم ان شاء الله بخير..!

روايتي الاولى ..}~


اشكر كل من ساعدني ..اختي شق شق ..
وكل من شجعني .. برًووش . اسوم . دودو . ونواري ..

اخذت مني تقريبا سنه كامله او سنه وشوي
وهي عندي كامله ان شاء الله وراح انزلها

يومين بالاسبوع الاربعاء والجمعه
اما على الوقت بالضبط فالسا ماقررت..!

<~كثير من خواطر الروايهـ بقلم اختي شق شق
..|

اتمنى تعجبكم

بانتظراكم..~


~{..أختنــآق الأنفآس ©؛°¨غرامي مشارك¨°؛©





البآرت 1

قبل 35 سنه
في دآر الآيتام تحديدآ عند بآب الدآر:

كآن محمد (16 سنهـ) جالس على عتبة البآب والدمعه محبوسه في عينه والعبرهـ خانقته وهو يتأمل مشهد قدآمهـ ملي بالعوآطف وبالحنان كان ينآظر طفل يبكي عمرهـ مايتجآوز الـ8 سنوآت وأبوهـ ضآمهـ ويهديهـ كآن الآب ينآظر ولدهـ ويبوسهـ ويرجع يضمهـ أخذت الدموع مجرآها وتذكر اليوم اللي فقد فيهـ أهلهـ ونآسهـ

وكل الناس اللي كانو يمثلون لهـ الحيآة فقد أمهـ والحنآن فقد أبوهـ والسند وفقد أختهـ اللي كانت بمثابة الصديقه والآخت وكل شي.. رجعت بهـ الذآكرهـ لورى وتذكر..

السعادهـ اللي كانو فيهآ وهم رآجعين من الحديقهـ وفجأهـ بدون مقدمآت..!!

تعترض طريقهم سيآرة شباب بايعين أنفسهم ولآهمهم أحد أهم ماعليهم المتعهـ

مافكرو باأروآح الأبريآ اللي بيموتون مافكرو لو عاش وآحد منهم كيف بيعيش من غير أهلهـ..

رآحوا أهلهـ ضحية هالحآدث الشنيع..

وقتها محمد اصابته حالة بكاء هستيريهـ كآن عمرهـ 8 سنوآت ركض لعند أمهـ ووجهه غرقان بدل الدموع كان دم

دم الألم ودم الحسرهـ..

محمد جلس على راس امه ويهزهآ/يمهـ ...قومي يمهـ يمهـ لآتخليني لحآلي يمهـ مو أنتي وعدتيني أنك تشترين لي قطآر بكرآ ...يمهـ خلينآ نروح للبيت أنا خآيف فيهـ ناس كثيرهـ هنآ...............يمــــــهـ

>~مآردت عليهـ لآن وقتها ماتت بنفس وقت الحآدث من قوة الحآدث

رآح محمد يركض لأبوهـ وجلس عندهـ/ يبهـ....يبهـ يلآ يبهـ رد علي يلآ كلنا نبغى نروح

>~ محمد يتلفت على أمه وأخته ويقول صح نبغا نروح..!!

يبهـ شوف كلهم يقولون بنروح أنا خآيف يآيبهـ.. يبهـ رد علي ووالله مااازعلك بس رد علي..

>~وبالطبع مافي أجابهـ لآن الحادث من جهة الأب وألآم..

>~ وآحد من الرجآل/ لآحول ولآ قوة الآ بالله ..يآناس دقو على الآسعاف لعل وعسى..

بعد مدهـ ماهي بالقصيرهـ..!

جاء الأسعاف..

نقلوهم كلهم ألام والأب بعد ماسوو الأجرآءات الآزمه وأتصلو بأحد عشان أجرآءات الدفن والصلآة..



محمد كان فيه رضوض وخدوش

ولينـآ اللي كانت قمة بالبرآءهـ وكان عمرها 4 سنوآت بعد الحآدث اللي اثر عليها لانها كانت بحظن أمهآ..

دخلت بالعنآيهـ وماجلست ألآ يومين ومن بعدهآ توفت..

...

دورو على أقآرب يكفلون محمد لكن للأسف مآلقوا وبعد عدة محآولآت بأنهم يلقون من يكفل هاليتيم

أظطرو أنهم يحولونه لدآر رعاية الأيتـــــآم...

<~نرجع للأب اللي ضام ولدهـ لحظنه محمد ماتمالك نفسه وأجهش بالبكآء

صحيح أنه يحآول يبين قاسي وقلبه قوي بس ولو بعد اللي مر فيه مايقدر يتحمل وهو يحس بأحسآس الفقد..

دموعهـ اخذت مجرآها وبدى يبكي ومآحس الا بيد تنحط على كتفهـ

كانت اللمسهـ بمثآبة أني معك وشد حيلك..

ألتفت محمد ولقى صديقه اللي يعتبره اخوه ..

قعد عبد العزيز وعرف وش فيه محمد لأنه حظر المشهد على آخرهـ وعرف أن محمد يتذكر أهلهـ

عبدالعزيز وهو حاط يدهـ على كتف محمد ويشد عليه /وش فيك يآخوي..!!

محمد وهو منزل رآسه وفيه بحهـ من عقب البكي/ملــيت والله ملـيت

عبد العزيز/من أيش..!!

محمد/ من كل شي أبغاء عايله تحبني وأبغاء ام تسأل عني وتدعي لي أبغا أب يحرصني على نفسي

ويهزئني اذا أخطيت أبغآء اخت أمزح معها أتهاوش معها تعبت والله تعبت

أنـــــــــــــــآ تعبــآن =}

عبد العزيز/ أستغفر ربك يآرجآل..أنا عايلتك >~قآلها وهو يبتسم عشان يوآسي محمد..

(عبد العزيز أبوهـ مات وأمهـ كانت حامل فيهـ وأمهـ ماتت وهي تولدهـ قعد عند جدهـ اللي بلآ رحمهـ

بس ماتحملهـ فترهـ بسيطه وحطه بدآر الأيتآم)

محمد/ أنت أخوـوـوـوي مآيبي لهآ كلآم..بس أنا اقصد عايله صدق عـآيله كبيرهـ

عبد العزيز رجع يشد على كتف محمد/ أنا يآخوك عايلتك وأنت عايلتي ..ورآح نصير بأذن الله

عايلهـ كبيــرهـ بس أذا نفذت الكلآم اللي رآح أقولهـ..!! محمد/ قول ياخوك اسمعك..

عبد العزيز/ لما نكبر ونتزوج ونستقر ماتقطعني ولآاقطعك وتزورني وازورك عيالي هم عيالك

وعيالك عيالي..>~يدور أي شي يصبره فيهـ..

محمد بنبرة استهزاء/ وأنت مأمل أن أحد بيزوجنآ..!!

عبد العزيز/ أهل الخير وآجد وأنا اخوك....... يلآ عاد خلنا ندخل دآخل..

..مع مرور الأيآم كان فيه رجل أعمآل يتردد على الدآر يدرو احد يكفله ويآخذ به الأجر

أعجبه عبد العزيز.. بس عبد العزيز رفض أنه يروح ومحمد لآ..

الرجآل/يآوليدي أنت عجبتني بكل مافيك أخلآق رجوله شهامهـ وودي تصير ولدي..

عبد العزيز/ يآعم اذا قصدك بتكفلني لحآلي اعتذر انا اللي بيكفلني يكفل معي أخوي محمد وكانك تقدر تأخذنا كلنا أنا موآفق.. ولآتنسى ان الرسول} صلى الله عليه وسلم{.... قآل

(أنا وكافل اليتيم كهاتين في الجنة".)..

وأشار بالسبابة والوسطى

الرجآل/ أبشر يآولدي أنت وأخوك عيآلي من اليوم..





بعد 35 سنهـ


عآئلة أبو سيف
.. أبو سيف/ عبد العزيز اللي مره معتبر عيآله اصدقآئه حنون ع البنات كثير مازال وفي بعهده لأبو رائد..ومآزالت علآقته معهـ زي أول..


أم سيف/ أم حنونهـ على عيآلها لأبعد الحدود صحيح قآسيه شوي وهذا تقول أنه لآزم عشان تربي عيآلها .. ربي عطآها من الجمآل برغم كبر سنها صحيح خف شوي مع العمر بس مازلت جميله..

سيف/25 سنهـ أسمر برونزي سمآر جذآب شعره أسود لحد الأذن كثيف زي شعر الهنود مملوح ملح جسمهـ ريآضي وفيه عضلآت من فوق على خفيف.. وطويل..

ريم/ 24 سنهـ بيضاء وصآفيه بشرتها وجهها صغير ومو مليان بس فيها خدود وغميزآت وانفها صغير وشفآيفها صغيرهـ بس مليآنه مو ذآك الطول بس طولها يعتبر مع جسمها متنآسق..

رنآ/ 22 سنهـ طولها متوسط أطول من ريم بشوي بالملآمح ماكانت زي أختها أبد اخذت الملآمح الشرقيه الأصيله من أخوها سيف شبيهته لدرجة أن البعض يحسبونهآ تؤمهـ بس هي أنعم..

طلآل/ 23 سنهـ هو الوحيد اللي أخذ جمال أمهـ يميل للبيآض انفه سلة طلال شعره مو مره ناعم بس يجي مموج جسمه رياضي بس أكثر من أخوهـ لآنه بالاساس يحب الركض والرياضه وأهم شي عنده اللياقه البدنيه ( طيب على أخته رينآد لآنها اخر العنقود ودلوعه..)

رينآد/ سنهـ19 وجههآ صغيرو انفها صغير على وآقف وفمها صغير اللي يميزها أسنآنها زآدتها ملح صغيره وكأنهآ الولو وكل شي فيها صغير ماكانت جميله مرهـ بس كان فيها ملح فيها غميزآت محليتها زيآده طولها زي ريم مو طويله بس كان جسمها رووووعهـ ولون بشرتها عاديه ماهي بيضا ولآ سمرآ.. شعرها هو اللي يميزها عن خوآتها صحيح يفوقونها جمآل بس كان شعرها الأسود الطويل الكثيف الناعم يجذب الأنظآر.ناعمه وتستحي كثير وهذا الي يميزها.

عائلة أبو رآئد
أبو رآئد/ محمد اللي بعد ماانكفل رجع له الأمل أب شديد وبنفس الوقت حنون خصوصا على الصغار .. كلمتة مسموعه وياويل اللي يعارضه.. ..تزوج أخت أم سيف وكانت توئمها.. أم رآئد/أم رآئد شديده أكثر على عيالها وتحبهم بس أنها أقرب لبنآتها من العيآل وهي اخت ام سيف


لمى/ 27 سنهـ متزوجهـ تشآبه بنت خآلتها ريم بس ريم أملح منها والفرق أن لمى شعرها كيرلي وسمرآ..وهي حآمل اللحين.. رائد/ 26 سنهـ بشرتهـ قمحيه وملآمحه ملآمح رجوليه وجمآله يوسفي.. هشآم /21 سنه أخذ من ملآمح سيف الكثير يميزهـ عنه أنه ـشعرهـ مايحب يطولهـ واللي يعرفهم يلآحظ أن بينهم فرق بس اللي مايعرفهم يلخبط ومن بعيد كأنهم توأم وكمان أخذ من أطبآعه وهم اصدقاء وأكثر من أخوآن قلبه طيب ويرحم الناس بسرعهـ ويتميز في شيء ثاني وهي بحة صوتهـ الخفيفهـ .. ليآ/18 سنهـ بيضآ وناعمه ومرهـ كيوت شعرها بني مآيل للكستنآئي وقاصته فيكتوريا وعشانه ناعم مطلعها كيوت أكثرعيونها عسليه فاتحه ووآسعهـ طولها وجسمها مره روعهـ

تعشق شيء اسمه تحدي ومخروشه وراعية ضحك وفله عكس شكلها الناعم
(هذي العوآئل كبدآيهـ والبآقين نتعرف عليهم بالبآرتآت الجآيه)


~{..أختنــآق الأنفآس ©؛°¨غرامي مشارك¨°؛©

دخلت رنآ على ريم وريم نآيمهـ.. رنـآ/ ريــــــــم قومي أمي تسأل عنك..!!
ريم وهي معصبه ليه ينغصون عليها أحلآمها /مآني قآيمه مآمدآني أنآم أطلعي وسكرييي البــآب
رنآ وهي تبرد اضافرها بالمبرد وتنفث انفاسها على اظافرها بحركه غرور/ أحسن لآتقومين بس ترى خآلتي بيجون

نقزت ريم من السرير / ميـــن مــــــين عيدي من بيجي..!! رنآ وهي مستغربه حركة أختها والنشاط المفآجىء /عمي وعيآلهـ ريم من غير مآتنتبهـ/ يعيني رآئد بيجي..!! رنآ بنظرآت تشكيك/ وأنتي ليه تسألين عنهـ ..!! ريم تلخبطت وتغير لون وجههآ/ هــآهـ.. أنآ قصدي شسمـآ ..وأنتي وش دخلك ياله تقلعي رنآ وهي معصبه/ أنا تقلعيني مآلت علي جايه أخبرك

وطلعت وصكرة الباب بقوه رآحت تسآعد أمهآ ريم(جلست تفكر أنا لآزم أكون أحلى وحدهـ الليوم أن شاء الله رآح اشوفهـ ولآزم يشوفني ويعجب بي

لازم اطلع بوجهه اليوم واسوي نفسي غلطانه

آآهـ يآرآئد >~وسرحت بأحلآمها الورديهـ
ــــــــــــــ
في الحي المجاور لحي ابو سيف

في الريآض ببيت أبو رآئد.. ليآ شوي وتنتحر من عناد امها/ يممممممممهـ تكفين ابي البس هذا أم رآئد / لآ يعني لا هذا قصير مايصلح ليا/ تكفين يمه الله يخليك ابغى البسه بعدين مو ذاك القصر أم رائد /قلت لآ خلآآآص دوري ثاني ناويه تفشليني ليآ/ طيب وش البس انتي دوري ماعندي شي حلو :/ أم رائد / البسي اللي جابته لمى من سدني مرهـ حلو ليـآ/ طيـب بلبسه والشكوى للهـ رآحت ليا وهي تتحلطم وتكلم نفسها الآ وتقابل هشام بالدرج هشام/ لآ الظاهر لآزم نوديك مستشفى شهار هههههه ليآ/ ليه أن شاء الله وش شايفني مجنونه..!! هشآم / مادري عنك أجل احد يمشي ويكلم نفسه ههههههههههه ليآ/ ايه انا وش تبيني اسوي امي رفضت ألبس هذا تقول البسي اللي من لمى هشام يجاري اخته وماسك ضحكته/ايه وهي صادقه هذاك ااحسن ياختي الا ماقلتي لي و البس أنا ومتى تحطين لي منآكير ترآ مايمدينا ليآ عرفت أنه يتريق عليها /الشرهه على اللي يكلمك >~بس ماتحملت الآ وضحكت على أخوها وخفة دمه ههههههههههه هشآم / هههههههههههههه مدري عنك تشكين لي تقل أختك هههههه ليآ/ الا وش عندك كل هالكشخهـ ..!! هشآم /بروح أرقم .. يعني وش عندي بروح للكوفي ليآ/ أها اجل الله معك هشام / الله يسلمك وقبل مايطلع قال تراني ابي لون احمر بس ارجع من الكوآفير تحطين لي ههههههههههههههه ضحكت ليآ ورآحت..

ــــــــــــــــــــــــــــــــــ

ببيت أبو رآئد الكل كآن مشغول بشغلهـ

رينآد (مع أمهآ بالمطبخ)

رنآ (مع الشغآلهـ تشرف عليهآ)

وريم (للآن تدور لهآ لبس )

نزل سيف ودخل المطبخ لقى رينآد متحمسه تسوي حلآ ومن زود الحماس

بتقطع الجآلكسي جرحت يدها

رينآد مكوشهـ من الوجع/أأأأأأي الله يآخذك من حلآ

آي أيدي >~شوي وتبكي من الوجع لآن القطع شوي كبير وينزف

سيف/رينآد وش فيك..!!

رينآد/لآ مافي شي بس جرحت ايدي وانا اسوي الحلآ

سيف وهو فيه ضحكهـ على استعجال اختهـ /ههههه يؤ طيب الله يهيدك ورآك متحمسهـ >~أبتسم بعدهآ

دخلت أم سيف /وش فيكم..!!

سيف / مآفي شي بس بنتك المصون متحمسه وقطعت اصبعهآ

أم سيف أنرعبت / وريني يمهـ يوجعك ياقلبي انتي..!!

رينآد/عآدي يمهـ مو أول مرهـ انجرح

ام سيف وبآنت بيعونها الرحمه والدمعهـ / طيب تعالي يايمه اعقمه لك

سيف/ يمهـ وش بلآك ترى كلهـ جرح

ام سيف/ حتى ولو انا مااتحمل يصير لكم شي

أخذت رينآد ورآحت تعقمهـ..

ـــــــــــــــــــــــــــــــ

بعد صلآة العشا الكل كآن جاهز..

ريم(كآنت لآبسه تنورهـ سكيني سكريهـ لين نص السآق وقميص فرنسي بني على عودي مخصر جسمهآ ولآبسه كعب شوكهـ نفس لون البلوزهـ وشعرها تركته على طبيعته لآنه ناعم كانت خليط بين البسآطـ والنعومهـ والرزهـ)

رنآ(كآنت لآبسهـ بنطلون جنز سكيني اسود وقميص ابيض وفيهـ خطوط حمرآ توصل لحد الفخذ

وفيهآ حزآم سخيف أحمر تحت الصدر مع فلات احمر وشعرها مسويته كيرلي وحآطه فيونكه حمرآ على جنب)

رينآد(كآنت لآبسه فستآن ليلكي ستآن نآعم لآبعد الحدود ممسوك من تحت الصدر بعدين عاتي لآبسه كعب ليلكي ومسويه شعرها ستريت وبف خفيف)

ـــــــــــــــــــ

الكل كآن بأنتظر عائلة أبو رآئد

رن الجرس بهالحظهـ ونطت رينآد وبفرحهـ/أخيرآً جت ليآ

رنآ وريم ينآظرونها بأستغراب واستحقآر..

ريم/ طيب واذا جت خير يآطير أنثبري وعن حركات البزرآن

رينآد سكتت والدموع شوي وتنزل والعبرهـ خنقتها

قآم سيف وفتح البآب ودخلت كل العايلهـ

دخلو وسلمو على بعض وانسحبو رينآد وليآ لغرفة رينآد

وقعدو يسولفون مع بعض ..

رينآد /ليآ ماودك احد يحبك

ليآ/أكيد ودي بس حب أهلي الحمد لله مكفيني

رينآد /آهـ يآليآ انا اتمنى حد يحبني ويعبرني ابغا احد اسولف معه قريب من عمري ابغا اسولف مع أي احد غير امي صح امي ماتقصر الله يخليها لي بس حتى ولو

ليآ بأستغرآب/ وخوآتك وين رآحو..!!

رينآد /ههـ قآل خوآت أي خوآت تصدقين يآليآ عمري ماقعدت سولفت معهم ولو قلت كلمه ولآ رأي بأي موضوع

قآلو أسكتي يابزر يافاشلهـ يامدري ايش ماعندهم ألآ تجريح>~ هنآ خنقتها العبرهـ ومن غير اذنهآ نزلت الدموع

على خدهآ نزلت بشكل كآن مثل تفريغ لهموها نزلت وأخذت مجرآها اللي أغلب الليالي كانت تاخذهـ

ليآ قآمت وضمتها وهدتهآ قعدو وكملو سوآلف ومزح

(خلص الليوم بدون شي يذكر)

ــــــــــــــــــــــــــــ

في بيت أبو رآئد ..

السآعهـ 1 الظهر..

ليآ تطق البآب على غرفة هشآم ..

هشآم/ ادخلي ليآ

ليآ بأستغراب بعد مادخلت / كيف عرفتني ..!!

هشآم بضحهـ /لآنك الوحيدهـ اللي تطقين البآب

ليآ بغرور / أي أنا المؤدبهـ الوحيدهـ بهالبيت انا محترمه أنا مافي مثلي أنـ..

قآطعها هشآم/ اقول ماودك تخلصين علينآ

ليآ تحولت ملآمحها للضيق/ هشآم أنا ضآيق صدري ومآفي غيرك افضفض له انت اقرب وآحد لي

هشآم بأستغراب وفضول/ قولي ياليا وش فيك..!!

ليآ/ سآلفة رينآد بنت خالتي كنت أظن انها مبسوطهـ امس ولأول مرهـ تفضفض لي

كان مبين انها مبسوطهـ بس الظاهر عكس الباطن

هشآم بأستغراب ودهشهـ أكثر/ كيف يعني وش فيها هي..!!

ليآ/(قآلت السآلفهـ كلها) تخيل يآ هشآم قعدت نص سآعه اهدي فيها وباليالله هدت قطعت قلبي وهي تقول /انا مليت ابغا حد يحبني هي صحيح حساسه زياده عن اللزوم بس مدري كيف احسها من جد متضايقه ..

هشآم بتفــــــــآعل/ يآحيآتي

ليآ تحب تمسك على اخوآنها وخصوصا هشآم / هي أنت وش يا حيآتي هآهـ..!!

هشآم تلخبط وحمر وجههـ / لآ وشو شسمآ قصدي أنا

ليآ تضحك وتغمز لهـ / وشو قصدي ماقصدي..!!

هشآم عصب شوي/ والله تفآعلت مع السآلفه بس

ليآ تضحك على شكل اخوها اللي مستحي ومعصب /تفآعلت اجل زيـــــــــــن زيــــــــــن

هشآم / اقول تراني معطيك وجهـ ماودك تهوين ..!!

ليآ تضحك /ههههههههـ طيب يآبو التفاعل بطلع ههههههآي حيآتي هاهـ

هشآم بعصبيه /أقول اطلعي برآ

ليآ/ طيـب طـيب أف منكم ياهالشباب مايمديكم تعطونا وجهـ وتسحبون علينآ

قآلت وهي طآلعه يآحيآتي ههههههههههآي >~وهربت


~{..أختنــآق الأنفآس ©؛°¨غرامي مشارك¨°؛©

سيف يتصل على رآئد..

سيف/ هلآ والله هلآ بالتمسآح

رآئد /هلآ بك زود هلآ بالسحليهـ هههههههآي

سيف /هههه أقول عن الكلام الفآضي اجل سحليه وينك ماتتصل ولآ تسأل اشوفك بالدوام وبعدها تسحب علي

رآئد متقطع ضحك/هههههههههههههههههههههههه..والله اني مشغول ولآ انت دوم على البآل

سيف/ طيب أبغا اشوفك متى..!!

رآئد/أي يوم تبغاهـ قلي واشوف ان كنت فاضي نتقابل بالمزرعهـ

سيف/ أوك يوم الاربعاء ينآسب وياليت ننام هناك من زمان عنك يازفت

رائد/ زفت بعينك والله ماعندك اسلوب مييييييح أوك الاربعاء الاربعاء بس بسألك..

سيف/ هلآ آمر..!!

رآئد / بتجيب الأهل معك ولآ طلعه شبآبيهـ..!!

سيف /مآدري بشآورهم وأرد لك اجل يلآ تامر على شي

رائد / سلآمتك.. وسكر من سيف

________________

نزل سيف عند أهلهـ جلسو يتقهوون قلب سيف الجلسه مزح وهبآل قاعد يتطنز على خوآته ويعلق عليهم شوي ويسولف مع ابوهـ وامهـ شوي

سيف/ يبهـ طـــآلبك طلبهـ تكفى لآتردني..

أبو سيف/ خير ان شاء الله آمر وش بغيت..!!

سيف/يبهـ انا ورائد ودنا نطلع للمزرعهـ يوم الاربعاء الجآي ونبغى ننام هنآك بعد وش قلت يالغالي..!!

ابو سيف يحك راسهـ بتفكير/ بس انا عندي شغل..!!

سيف/يبهـ تكفى الشغل يتاجل

رينآد تدخلت / يبببببببببببآهـ تكفي نبي نروح الله يخليك

ابو سيف يبتسم/ خلآص موافق الشكوى للهـ

رينآد نطت وبفرحهـ / وآآآآآآآآآآآآآآآآو ونآسهـ بشوف ليآ

ريم /الحمد لله والشكر على العافيه وش فيك مبسوطهـ كذا الله واليآ عاد..!! من زينهآ

رينآد رجعت لهآ نظرة الحزن وقامت متضايقهـ >~ماحد انتبه لها الآ سيف

رنآ/ ايوآ ماعلينآ لمى بتجي..!!

ريم/ مـــآدري بتصل عليها وأشوف عاد اذا موب جايهـ انواع الطفشششش

سيف/ ليهـ طفش وليآ موجودهـ...!!

رنآ/ أي ليآ بس ليآ بزر من طقة رينآد ماينقعد معهم

ـــــــــــــــــــــ

في غرفة رينآد

كانت تكلم بالجوآل ليآ

ليآ / هلآ وغلآ هلآ بكل نآسي

رينآد/ هلآ فيك أخبآرك..!!

ليآ / الحمد لله نزقح زقحا ههه أنتي اخبآرك..!!

رينآد/ هه ألحمد لله ماشي حآلي

ليآ حست ان فيها شي/ وش فيك خوآتك اكيد..!!

رينآ /أيهـ فيه غير هالموضوع اللي محيرني

ليآ/ ماعليك منهم اتركيهم وطنشي

رينآد/ ماعلينا المهم انا متصله بقول لك سمعتي عن روحة المزرعهـ

ليآ/ يب.. رآئد قال لنآ ..بتجين..!!

رينآد / ايه ان شاء الله

ليآ/ وآآآآآآآآآآآآآآآي ونآآآآآآسهـ

(بنفس اللحظه ينطق باب غرفة رينآد)

رينآد/ لحظه ليآ

رينآد / ميــــن..!!

سيف/ أنا سيف ممكن أدخل

رينآد /ليآ اكلمك بعدين

ليآ / اوك ياعمري مع السلآمهـ

رينآد /بحفظ الله

سكرت منها

رينآد / تفظل سيف

انفتح الباب ودخل سيف رآسهـ من عند الباب /اختي الحلوه وش قاعدهـ تسوي

رينآد تبتسم/ حيآك سيف

سيف/ رينآد مبسوطه عشان المزرعه صح..!!

رينآد/ صح

سيف/ طيب ماتبغون حلويات تسهرون عليها وخرابيطكم ذي (يبغا يراضيها ويخفف عنها لانه حس انها تضايقت من معاملة خواتها لهآ اللي عجز وهو يحاول يغيرهآ)

رينآد بفرحهـ / الآ

سيف/ خلآص بعد صلآة العشا تجهزي امرك ونطلع

رينآد /اوك

سيف/ مو تتأخرين ترا اسحب عليك

رينآد / لآخلآص بعد العشاء على طول

قام سيف بيطلع واستوقفه كلمة من اخته الصغيرهـ كلمة بريئهـ

رينآد بفرحهـ خجولهـ / سيف شكرآ..

سيف أبتسم من قلب/ وشي شكرا ذي انا اخوك عادي بس يلآ عفوآً >~وطلع

_________________

بعد صلآة العشاء با السوق

طبعا ماراح الآ ريناد وسيف رنا نايمه وريم على النت

رينآد بطفش وعصبيه وترجي/ سيــــــف بلآ استهبآل وقف

سيف/ خليني استانس وش بلآك الحياة حلوهـ مع الاستهبال

(سيف كان يتلفت واذا ماشاف احد يمسك كل انوع من المأكولآت ويصور معهآ)

رينآد تاخذ الشوربهـ وترجعها / سيف خل الشوربهـ بحالها مابقى شي

حتى كيس الرز صورت معهـ

سيف اخذ وحدهـ ثانيه بس رجعها ماصور معها/ أف طيب تركنا وين تبين تروحين اللحين

رينآد/ ابغا اروح اشتري المشروبات

سيف/ يلآ

عند المشروبات رينآد تطلع جوآلها

سيف يضحك ويرفع حوآجبهـ /ههههههههآي بتصورين وتقلديني

رينآد /وش اصور مابعد انهبلت

سيف متفشل ويستهبل كأنه طاح وجههـ / ههه طيب وش بتسوين

ريناد/بتصل على ليا بسألها وش تبي

سيف /طيب يلآ اتصلي خلصينآ

رينآد/ هلآ وغلآ قلبو

سيف / ليتني ليا عشان هالتهليهـ

ليآ/ هلآ فيك..

رينآد /سيفوهـ اسكت خل اكلم

ليآ/ هلآ ريناد

رينآد/ أهلين كيفك..!!

ليآ/ الحمد لله كيفك انتي..!!

رينآد/ الحمد لله شسمآ سريع سريع بسألك وش تبغين مشروب عشان سهرة المزرعهـ

ليآ/ مالهـ دآعي تكلفين على نفسك لان انا بجيب

رينآد/اقول عن الكلام الفآظي أي كلآفه قولي وش تبين وبعدين الزياده خير وبركه

ليآ/امممم ابغا كآديهـ وردي

رينآد / كالعادهـ

ليآ/ يب يب

رينآد/ اجل يلآ اشوفك بكرا ان شاء الله

ليآ/ بكرا بكرا ان شاء الله مع السلآمهـ

سكرت رينآد وأخذت الكاديهـ

رينآد/ سيييييييييف خل البيبسي

سيف يضحك لانه نرفز اختهـ /هههه طيب شوي بس اخر دعايه

رينآد تبتسم /اوك

(خلصوا واشترت رينآد كل شي يحتاجونهـ)

__________

السآعهـ 6 الفجر

في بيت ابو رائد

رائد محتاس يجهز اغراض الرجال من حطب والشبه ومن مجاميعهـ

رآئد يتكتف/ أفففففففففففف كاني انا اللي بطلع لحالي وينهم ذولآ

خلني اروح انادي هشام يساعدني

صعد رائد ودخل غرفة هشام

رآئد/ هشـــــــــــــــــــــــــــآم هشآآآآآآآآآآآآآموهـ قوم قوم ساعدني قوم

هشام وهو معصب/ اطلع برا مانيب قايم

رآئد/ بتقوم غصب

هشآم يتغطى عن النور لآن رائد شغل النور / مانيب قايم وش بتسوي

رآئد /ترا اذا ماقمت بحوسك وبطب ببطنك

هشام/جرب وسوها

رائد رقى فوق السرير بيطب عليه

هشام يرفع الغطاء/ اف خلآص قمت قمت اعرفك دب تسويها عاد انا اللي بضيع بالطوشه واختفي

رائد يضحك/ ههههههههه احسن خلك رجال وقم بدون تهديد ..

قبل مايطلع ..

رائد/ يلآ عشان يمدينا الساعه 8 بنكون هناك ان شاء الله

هشآم بأستغراب/وين نكون..!!

رائد/ يعني وين بنروح المزرعه حنّا وعمي ابو سيف

هشآم /مزرعهـ وليه ان شاء الله اخر من يدري انا

رآئد/ الكل يدري ووصيت ليآ تقولك غريبه يمكن نست..!! ايه وبعد ترا بننام هنآك

هشآم / ليووووهـ طيب شغلها عندي خلآص اسبقني بجهز شنطتي وانزل

ــــــــــــــــــــــــــــــــــــــــــــــــــ ــــــــــــــــــــــــــــــــ

طلع رآئد الا وينفتح باب غرفة ليا وتطلع لآبسهـ (بجامه ورديه بنطلون برمودا وتيشيرت جوبينيز وعليها ميكي ماوس ) قاعدهـ تفرك عيونها بشكل طفولي وتمشي وهي ماتشوف من النوم

الآ طرآآآآخ صدمة برائد وتمسك رآسها /آآآآآآهـ

رآئد/ أنا اللي آهـ حفرتي صدري ..صبآح الخير

ليآ ماسكه راسها وباليد الثانيه تفرك عينها / صبآح الورد..ماشفتك ودآمك شايفني ليه ماوخرت

رائد/ احمدي ربك ماصكيتي بالدرج وصدمتي فيني..المهم ماعلينا ليه ماقلتي لهشام..!!

جت ليا بتبرر

الآ وينفتح باب غرفة هشام ويطلع رآسهـ

هشآم/ ايه ليه ماقلتي لي ولآ ماودك اروح ..!!

ليآ/يمهـ بسم الله مدري نسيت لهيت مع ريناد كلمتها ونسيت

هشآم طلع من الغرفه ووقف جنب رائد/ ليه تنسين وليه بالاساس تلهين..!!

ليـآ/ أووووووووهـ نسيت وخلآص وخرو عن وجهي كل واحد زي الجدار واقفين قدامي

رآئد/ وخر ياهشام ميب رايقه لنا ابد

(مشت ليا وتركتهم)

هشآم يصارخ/ ليوهـ قولي ماشاء الله لا نمرض وتروح جدراننا

ليآ من تحت/ موب قايلهـ

ومشت دخلت المطبخ تساعد امها

ليآ/ صبآح الخير يآ احلى ام

ام رائد/ ليا روحي جهزي شنطة القهوهـ

ليآ/ افا من اولها طيب هلي فيني قبل

ورآحت ليآ تجهز الشنطهـ لان امها ماردت عليها..

ـــــــــــــــ

في بيت ابو سيف مايقلون حوسهـ عن ابو رائد

أم سيف كانت بالمطبخ تجهز القهوهـ والشاهي مع ان ام رائد قالت لها لاتسوين شي بس تقول فشله اروح ايدي خاليه

سيف كان محيوس مع ابوهـ وطلآل قاعدين يحملون الاغراض بالسيآرتين..

ريم كانت قاعدهـ وتدعي ان رائد يشوفها لانها كانت ماخذه احسن الملآبس اللي تنفع للمزرعهـ

رينآد تجهز اغراض اللعب والسهرهـ

رنآ كانت طفشانه وكانت تجهز الآب توب حقها والكونكت لآنها تقول الروحه طفش واهلها غاصبينها تروح

وزيآدهـ على كذا ماراح تجي لمى..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

ببيت ابو رائد

انقسمو قسمين ام رائد ورائد وابو رائد بسيارة رائد

وليا وهشام بسيارة هشام

بسيآرة هشآم ..

ليآ/هشآم

هشآم يناظر الطريق بتركيز لان نصه نوم/ همممم

ليآ/ ابغا مفتاح صآلة الالعاب حقتك

هشآم/ وش تبغين فيها اخاف تخربينها..!!

ليآ عصبت/ بزر انا بزر اخربها وش ابي فيها بلعب فيها انا ورينآد

يلآ عاد حبيبي اخوي

هشآم/ ايوهـ حبيبي خفي فيني بس

ليآ تبتسم / لآ شدعوا حشا لله ماقد خفيت فيك بس هالمرهـ

هشآم / وانا قايل ماحد يحبني لله في لله انا المسكين ماحد يعطيني حنآن

ليآ/ اقول انا مشتغله اوزع لكم حنان انت ورينآد

الآ وش رايك تتزوجها وتعطيها حنان وهي تعطيك حنان

هشآم/ لآ والله تلقينها من طقتك ماابيها

ليآ عصبت / وش فيها طقتي هآهـ

هشآم يصرف/ تبين المفتاح ولآ لآ

ليآ /عاش مصرف.. أي ابيهـ

هشآم /اجل تعاليني بالمزرعهـ اعطيك اياهـ لآنهـ بغرفتنا هناك


~{..أختنــآق الأنفآس ©؛°¨غرامي مشارك¨°؛©



وصلو المزرعهـ السآعه 9:30

كان الجو جنان لآنه بمطنقهـ بعيدهـ عن المباني والزحمه

المزرعهـ كانت عباره عن فله بالوسط مقسومه قسمين رجال وحريم ويربط بينهم مقلط للعشاء له بابين للحريم باب وللرجال باب ..

الفلل تصميم كلآسيكي وكان برا فيه مسبح مكشوف من جهة الحريم وقدامه جلسات ومضلات

وكان قريب من قسم الرجال حضائر حيوانات ..

وصلت عائلة ابو رائد قبل وبدو يجهزون المزرعهـ

وليا راحت تجهز غرفتها هي وريناد عشان لما تجي ريناد ينبسطون..

بعد نصف ساعهـ وصلت عائلة ابو سيف

ــــــــــــــــــــــــــــــــــــــــــــــــــ ـــــــــــــــــــــــــــ

عند الرجال يدخل سيف وطلال وابوهـ

ابو رآئد/ هلآ وغلآ بالغالي هلآ وغلآ بأخوي

ابو سيف/ هلآ فيك عاش من شافك

ابو رائد /عاشت ايامك وينك ماتنشاف الاهل والعيال يشوفون بعض وانت ماتنشاف

ابو سيف/ وش اسوي والله اشغال بس انا اشوفك بالشركهـ

ابو رائد/وتسمي هذي شوفهـ
كملو سوالف وتقهوو قبل الفطور

ــــــــــــــــــــــــــــــــــــــــــــــــــ ـــــــــــــــــــــــــــ

عند الحريم

ام رائد / هلآ وغلآ زين اللي وصلتو اخبآركم..!!

ام سيف/ هلآ فيك والله زحمه اتوقع فيه حادث الحمد لله انتم اخبآركم

ام رائد/ لآحول ولآقوة الا بالله ..الحمد لله ياوخيتي

يلآ اقعدو وتعالي ياليا بنجهز الفطور ابو رائد جوعان هو العيال ماافطرو

قامت ليا وقامت معها ريناد تساعد خالتها

افطر الكل ابو رائد وابو سيف دخلو يريحون شوي

سيف ورائد وطلآل وهشام راحو يلعبون كورهـ

ام رائد وام سيف وريم ورنا وريناد وليا سوالف

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

العصر..

اتصلت لمى على هشآم

لمى /هلآ وغلآ بأخوي

هشآم/ هلآ والله هلآ بالقاطعهـ من سافرتي للشرقيه ماعاد اتصلتي

لمى / وش دعوا من سافرتي ترا مالي الا اسبوعين وبعدين انا الكبيرهـ ليه ماتتصل

هشآم/ شف شف قلبتيها علي المهم اخبآرك..!!

لمى /هههههه الحمد لله اخباركم انتم..!!

هشآم/ الحمد لله.. كلنا بخير

لمى /الحمد لله ..طيب وينكم انتم..!!

هشآم بأستغراب /بالمزرعهـ ومعنا خالتي وعيالها ليه..!!

لمى تصرف/ لآ بس كذا بسأل لان صوت عصافير فتوقعت انكم مو بالبيت

لمى تكمل/ يلآ اجل انا مشغوله سلآم

هشآم لسى مستغرب لان مافي صوت عصآفير/ اوك سلآم



____________

عائلة فهد (أبو شروق)

لمى زوجة فهد الثانيهـ

من بعد ام شروق اللي ماتت الله يرحمها

فهد رجال شرقي بحت اسمر مملوح ووسيع صدر ..مافي جمال صارخ بس طيبت قلبه مميزتهـ وحبه لبنته وحيدته شروق .. عمرهـ 39 تزوج عبير بنت خالته من يوم عمره 19 وحملت بشروق بعد زواجها بشهرين..

لمى سبق عرفنآهآ وصارت مثل الام والصديقه والاخت لشروق شروق تحبها وهي تحب شروق

واللحين حامل بالشهر السابع

شروق بنت عبير الله يرحمها زوجة فهد الاولى

شروق بنت حبوبهـ عمرها 19 سنهـ جميله بشكل عيونها كبار وعدستها بني غامق ورموشها كثيفه بشرتها بيضاء انفها صغير وفمها صغير ومليان شعرها لنص الظهر مدرج لونه كستنائي على ذهبي جسمها مرهـ حلو وطولها معقول.. طالعه على امها.. شروق كانت بنت فرفوشه بس من بعد وفاة امها تغيرت وبالاحرى تغيرت اكثر بعد ماانعمت من سنتين (عبيرتوفت قبل 4 سنوات بحادث كانت رايحه تشتري هديه لشروق سربرايز بمناسبة نجاحها من ثالث متوسط وبطريق الرجعه صار لها حادث ودخلت العنايه وتوفت بعد اسبوعين .. شروق من الصدمه كانت تبكي ليل نهار وللآن تبكي على امها ومن كثر البكي ظرت شبكية العين وبالتدرج بالاول ماعاد تشوف زين الين انعميت )

ـــــــــــــ

لمى بالسيارهـ

لمى /يلآ فهد بنروح المزرعهـ

فهد / يؤ مالي خلق .. وحتى شروق تعبانهـ

شروق / عادي بابا لمو اذا تبغى اروح ماعندي مانع

فهد /متفقين علي ملزمين..!!

لمى /ايه والله مشتاقه لاهلي مرهـ وبعدين كلهم مجتمعين وخالتي بعد فيه..

شروق / يؤ استحي ..

لمى /عادي شوشو ترا مرهـ حبوبين

فهد/ هاهـ نروح..!!

لمى /ايهـ يلآ

فهد/ امرنا للهـ مشينا..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

ليآ ورينآد يتمشون..

ليآ / يلآ عاد بلآ سخافه خل نروح

رينآد / لآ عاد خصوصا ان المفتاح مو معك بتروحين تطلبينه خليها العشاء

ليآ/اففففف طيب العشاء وياويلك ان قلتي لآ

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

بعد ساعهـ ونص تنفتح بوابة المزرعهـ وتدخل سيآرة فهد

امام ذهول من الكل ماتوقعوا ابد انهم يجون من الشرقيهـ

أبو رآئد/ هلآ وغلآ تو مانورت الرياض

لمى وفهد /منور بأهله

لمى وهي تحب راس ابوهآ/ وش اخبآرك يالغالي..!!

ابو رائد/ الحمد لله وش اخبآرك انتي ووش هالمفاجاه الحلوهـ

لمى /ههههههه اهم شي حلوهـ الحمد لله كلنا بخير

سلمت على رائد وهشام

لمى /يلآ يبهـ استئذن بدخل انا وشروق اسلم على امي وخالتي والبنات

ابو رآئد/ شروق جايهـ..!!

لمى /أي يبهـ أستئذن

ابو رآئد/ اذنك معك

فهد سلم على الكل وجلس

ولمى سلمت على ابو سيف وسيف وطلال من بعيد ورآحت ..

ورآحت هي وشروق عند الحريم بتفآجئهم

ـــــــــــ

عند الحريم دخلت لمى وورآها شروق

ليآ /رينآد رينآد شوفي من هالحرمتين

رينآد/ مادري اصبري اللحين تشيل طرحتها

كشفت لمى وماتسمعون الا صرآخ البنات

ليآ تركض وتضم لمى/ يـــــــــــآي لمووووش جايهـ هلآ وغلآ

لمى / هلآ وغلآ بأختي الدلوعهـ

ليآ / اشتقت لك..يادبا

لمى / وانا بعد عاد وخري بسلم على امي وبعرف خالتي على ضيفتي

لمى سلمت على امها وتخلله شوي من الدموع وسلمت على خالتها والباقي

لمى / يلآ عاد بعرفكم على ضيفتي

الكل ساكت

ولمى تمسك شروق وتدخلها بعد مافصخت عبآيتها

الكل انذهل من هالبنت الملآك بنت ولآ عروسهـ آيهـ ماشاء الله

لمى بأبتسآمهـ عريضهـ/ هذي شروق..

(سلمت شروق على الكل وطبعا ماحد سئل لمى ليه هي اللي ماسكه يدها وتدلها لآنهم يدرون انها عمياء سبق وقالت لهم عنها لمى بس ماشآفوها)



عند الرجآل ..

ابو رائد/ قم ياولد جب القهوهـ من المقلط توي قايل لهم يجهزونها نبي نقهوي فهد

..../ان شاء الله يبهـ

ــــــــــــــــــــــــــــــــــــــــــــــــــ ــــــــــــــــــــــــــــ

عند الحريم رآحت ريم ورنا ورينآد بأمر من امهم ان يجهزون القهوهـ

رينآد وهي تسخن القهوهـ انكبت عليهآ/ آآآآآآآآآآآآهـ

ريم/ وجع ان شاء الله بتفشلينآ

رينآد وهي تغسل يدها بالمويه الباردهـ /مآدريت

ريم/ طول عمرك فاشلهـ

طلعت رينآد من المطبخ تبكي تبكي قهر ووجع رآحت دخلت المقلط اللي نادرا ماحد يدخلهـ بس اوقات العشاء

شافت اخوها عزوتها ورفيقها اللي دوم تفضفظ لهـ شافت سيف او هي تظن انه سيف رآحت ركض وضمته

وبكت على صدرهـ وهو وآقف من دون حركهـ

لحظتها الشخص مو قادر يتكلم البنت تشكي لهـ وماسكته بقوهـ ومافي فرصهـ علشان يتركها

رينآد / آآآهـ ياسيف يمكن كلآمهم صح انا فاشلهـ صح انا مدري ليه مايحبوني مادري

____/........

رينآد/فاشلهـ او تفشلينآ كلها نفس المعنى ريم صادقه انا فاشلهـ >~وتكمل بكي

____/ آحم آحم

رينآد رفعت راسها بتشوف ليه أخوها يتنحنح لكن مجرد ماشافت الشخص اللي قدامها وادركت انو مو اخوها /أنت أنا أ أ أ أنت ميـييــن..!!

___/ أنتِ من..!!

رينآد بين دموعها انقلبت ملآمحا الى العصبيهـ / صدق قلت أدب شلون تسمح لنفسك تضمني ..!!

___/ ماضميتك انتي اللي ضميتيني..!!

رينآد وهي تمسح دموعها بظاهر الكف وبشكل طفولي/ كان قلت انك مو سيف مو ضامني وعاجبك الوضع

____/ لآ والله تعالي سطريني احسن..!!

رينآد بدت ترجع على ورى ووجها تغير من ملآمح العصبيه لملآمح الخوف وبدت تبكي بشكل هستيري

___ مايحب احد يبكي خصوصا البنات/ وش فيك والله ماكان قصدي وليه وجهك تغير..!!

وفجأهـ سمع صوت من خلفهـ ..

____ بعصبيهـ وبغيرهـ أخويهـ/ رينـــــــــــــــــآدوهـ ووجع وش قآعدهـ تسوين هنآ

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

نهآية البآرت الاول ..

بالمزرعهـ هل فيه احدآث جديدهـ..!!

شروق هل تتأقلم مع البنآت او لآ..!!

وهل بيصير لها شي..!!

رينآد من الشخص اللي ضمتهـ وكانت تحسبهـ اخوها..!!

ومن من اخوآنها اللي جاء ..!!

ريم ورنآ بتتغير معاملتهم لرينآد..!!

توقعاتكم..!!




«•●β’3έŧЌ ŧ7ş © ©؛°¨غرامي جديد¨°؛©

روآيه رآئعهـ
كمليهآ ..

بالمزرعهـ هل فيه احدآث جديدهـ..!!

أتمنى يزيد الحمآس

شروق هل تتأقلم مع البنآت او لآ..!!

يب

وهل بيصير لها شي..!!

بمآ انك سألتي أكيد

رينآد من الشخص اللي ضمتهـ وكانت تحسبهـ اخوها..!!

احد من عيآل خآلتهآ
يآربي أحرآج :$
ومن من اخوآنها اللي جاء ..!!

اتوقع طلآل؟؟

ريم ورنآ بتتغير معاملتهم لرينآد..!!

مادري
* مآحبيتهم حسيتهم مغرورآت

على شاطئ النسيان ༻حِـﮘآيَةِ عِشَقْ مَبَتُوَرهَـْ ༺

بسم الله الرحمن الرحيم



بالتوفيق في طرحك

أطلعي على قوآنين القسم
القوانين ، تحديث جديد ؛

وهذآ الموضوع بيفيدك

محتوى الروايات ! / دعوة لـ النقاش ؛




موفقه بإذن الله





~


الزعيـ A.8K ـمه δЯέαмş
مستشــ¸.·* غرام *·.¸ـــاري

,’





بسم الله




يعطيك العــافية
موفقة إن شـــاء الله





,’


مجنونتك حبيبي ©؛°¨غرامي مشارك¨°؛©

روووووووووووعه مره
يعيك الف الف عافيه
كمليها

سهومه.. وطـآحت . . آورآق آلآمآآني / يَ غصـن

رووووعه كمليييهآآآآآآ

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1