غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-02-2011, 02:31 AM
صورة همسة حالمة الرمزية
همسة حالمة همسة حالمة غير متصل
©؛°¨غرامي فضي¨°؛©
 
الافتراضي مصر .. عفوا لانى سكت


مصر .. عفوا لانى سكت


فى الامس القريب اختطف رايى عن طريق فئة وانا جالسة فى مصاف الناظرين وفى 25 يناير ايضا اختطف رايى بواسطة فئة وانا مازلت فى مصاف الناظرين .. فى الامس القريب تم اختيار ناس يتكلمون عنى رغم انفى وقالوا انهم يمثلون الشعب الذى انا منه وجلست فى مقاعد المتفرجين وفى 25 يناير خرج ناس يقولون انهم يمثلون الشعب الذى انا منه وايضا جلست فى مقاعد المتفرجين ..
كنت مجرد متابع فى كل الاحوال وكنت اعبر عى رايى من تحت البطاطين .. وكانت النتيجة انى كنت دائما اسيرة مختطفة ( لمجموعات ذوى الاراء الخاصة )



ولان الرئيس مبارك ليس شتيمة وليس مشبوه فقد عبرنا عن حبنا له خاصة بعد الخطاب الذى ادمى قلوبنا وخلانا نبكى بدل الدموع دم .. هى دموع الحب والتأييد له وندما كبيرا من غالبية الناس لانه انا شخصيا حسيت بانى كنت السبب بسكوتى وسلبيتى فى كل ما حدث للرئيس مبارك واللى اثبت قوة نادرة جدا... على العمل وحده فى الميدان فى الوقت اللى كان فيه مجموعة سفلة بيسبوا باوسخ الالفاظ رئيس مصر وبيطالبوه بكل وقاحة بالتنحى والسقوط وكانه ( وحاشا لله ) كيس زبالة على الشعب كله ( الذى لا يمثله هؤلاء وظهر ذلك جليا فى الخروج الحاشد للتعبير عن الحب والتاييد لمبارك ) انه يرميه بعيد .. ولكن الشعب المحب جدا للرئيس واللى فكر بعقله ولقى انه فعلا رجل فوق كل الرجال وليس كالرجال وانه رجل اتحمل رغم عنف الصدمة على قلبه من كم الجحود والكراهية اللى عبر عنها بتوع ميدان التحرير وبتوع 25 يناير ( اللى قال امبارح قيادات فيهم ان بتوع 25 يناير كلهم مازالوا فى التحرير وهذه اشارة هامة جدا لاشتراكهم المباشر فى خيانة الوطن وتسهيل تدميره ) لانهم كانوا موجودين وقتها ولم يقل احد منهم لا او عيب للى عمل لافتات بيسب فيها الرئيس فى عرضه وشرفه باوسخ الشتايم السوقية اللى الواحد حتى لو متعود يقولها مع اصحابه الا انه لا يجرؤ حتى انه ينطقها قدام ابوه او امه خجلا ولكنهم قالوها للرئيس فى لافتات وبالالسنة الحقيرة وعلى مرأى ومسمع من العالم كله وامام الشاشات العميلة مثل الجزيرة والعربية المنحطتين اللتين كان المتظاهرين بيتعمدوا الذهاب اليهم ليبدأوا حفلات السب المسموم على الرئيس او تذهب اليهم تلكالمحطاتالعميلة ( وعلى فكرة لانها محطات عميلة فانها لم تنقل المظاهرات الملايينية بحق وليس المليونية الى عملها عيال التحرير وماكانتش اكتر من 200 الف ل 400 الف واحد على اقصى تقدير ) وبكل اسف وصلت لكل العالم هذه الافعال على انها المصريين جميعا موافقين عليها او يفعلونها وهذا عكس الحقيقة كليا ...
العالم اللى كانوا بييجوا للرئيس فى مصر لحل المشكلات وخاصة العالم العربى والافريقى اللى بكل اسف هؤلاء السفلة لم يقدروا انهم بسبهم للرئيس امام عدسات العالم فانهم يضعفون مصر كلها فاى رئيس بعد الان سيرى فى الرئيس مبارك الرجل القوى الحكيم المحترم الذى ياتون هم اليه لحل المشاكل ولا يذهب هو اليهم كما شاهدنا فيما قبل رؤساء كثر من دول حوض النيل هبوا الى مصر لحل المسائل العالقة فى ازمة حوض النيل بكل اسف لم يفكر هؤلاء فى اى اثر لتصرفاتهم العرجاء وانهم انما يضعفون مصر كلها بمحاولات تبيان ان الرئيس ضعيف وهذه الدول قوة الدولة بالنسبة اليهم تظهر من قوة الرئيس وقوة الرئيس ومدى احترامه فى وسط بلده

يعنى العيال بتوع التحرير ضربوا الوطن فى مقتل فى علاقاتها مع الدول واللى اسرائيل هتقدم كل التحية للعيال دى انهم نفذوا ارادتها فى اضعافهم لمصر بايدهم وخسئوا كلهم لان هذا لم يعد مطروحا بعد هبة الشعب الحقيقى للتعبير عن مكانة مبارك الحقيقية وبجموع كاسحة فى كل محافظات مصر

وهؤلاء الناس اللى خرجوا وبل وبات الكثيرين منهم فى الشوارع شايفين ان الرئيس مبارك قامة كبيرة جدا لتاريخه الطويل .. كل الناس شافوا هؤلاء الفجرة المنحلين بفعلون ذلك وهم معتقدين انهم هم الشعب .. وكل ده ليه .. لاننا ببساطة ونحن الغالبية العظمى من الشعب سكتنا .. تركنا الساحة خالية الا من هؤلاء وسلمنا الرئيس لهم على طبق من خيانة وتخلى عن مسئوليتنا فى الدفاع عن حقوقنا التى تتمثل فى حفظ كرامة رمز مصر القوى فى عيون العالم ..
تخلينا وسكتنا كالعادة وتركنا الرئيس وحده يواجه حربا قذرة ومنظمة جدا بيشتغل عليها الخارج والخونة فى الداخل لتحطيم مبارك سياسيا وتحطيم مصر كليا واكتفينا فى البداية بمجرد الشجب من تحت البطاطين .. ولكن الحمد لله هب الشعب الحقيقى ليقول كلمته الان ..ولن نترك مواقعنا ابدا فى ابراز حقنا الشرعى كغالبية فى هذا الوطن لنا نحن الشعب الحقيقى الحق الاصيل فى تسيير شئون الوطن حتى لو كان ده على غير هوى وحب بتوع 25 يناير واقصد الذين يقفون وراء المظاهرة ومن اشترك معهم وظل معهم مستمرا فى العناد رغم كل التخريب اللى شافوه قدامهم لمصر

يا من اوصلتم مصر لنكسة جديدة فى 2011 ولم تفهموا و هذا حتى الان ويبدوا انكم لن تفهموه فى القريب العاجل الا بمطرقة شعبية كبيرة تنزلق على رؤوسكم ..كيف تجرؤن على عمل حزب باسم يوم انتكست فيه مصر كلها وخربت بايديكم ووضعت علامة حارقة فى قلوب الشعب المصرى الحقيقى وليس المزور الذى زورتوه فى غيبة من الشعب الحقيقى وزورتوا ارادته ..كيف تجرؤون على القيام بهذا العمل استمرارا فى تلك الدناءة التى اصبتم بها الشعب كله فى مقتل ومازلتم مصرين على انكم الاطهار ..اى طهارة تلك اريد ان افهم واعرف .
على كل الاحوال اود ان اقول لكم ليس لانكم خرجتم باهداف نبيلة وهذا ما تدعونه لان الحقائق على الارض اثبتت الخطة الدنيئة الحقيقية والتى شاركتم فيها بالعناد والاصرار ومازلتم مستمرين فيها بوجودكم فى التحرير رغم معرفتكم الحقيقية انكم لستم الا مجرد ركوبة ركبها اعداء الوطن الموجودين دلوقتى هناك لتخريب الوطن والاستيلاء على الحكم تنفيذا لارادة امريكا واسرائيل
تلك الخطة الدنيئة (التى لن تكتمل ابدا بفعل الشعب الحقيقى ) والتى تتمثل كما يتضح الان بوضوح مطلق لا لبس فيه ولا تشكيك ولا جدال فى اقصاء الرئيس مبارك لخدمة امريكا التى هرعت عندما رات الشعب الحقيقى يخرج ليؤيد الرئيس انتفضت خوفا من بقائه لانه يمثل حجر عثرة امام مخططاتهم وبقت تصريحاتهم كل خمس دقايق بلا مبالغة لطلب تنحى الرئيس فورا ..
واقول لكم لا تعتقدون ابدا ان الشعب فى غالبيته سيترككم تستمرون فى افعالكم تلك لانه قد خرج ايضا الى الشوارع وتلك الشوارع التى اعتقدتم انها ملككم سوف ترون قريبا جدا كيف انه يوم 25 يناير لن يتكرر ابدا بالشكل الذى حصل وخرب البلد كليا الان وارجعها فى كل المجالات لخمسين سنة للوراء
واقول ذلك لان الشعب المصرى لم يتعود على الركون للنكسة وخاصة بعد ان اوضحتم حقيقتكم بكل جلاء وثبت ان طلبكم الملح تنحى الرئيس مبارك الان او فى ايام الانتخابات هو نفسه امل امريكا واسرائيل واوربا وكل اعداء مصر وطبعا ليست مصادفة ابدا هذا التوافق الغريب بينكم وبين امريكا التى لم تنم منذ خرج الشعب الحقيقى يقول للرئيس نريدك معنا كرئيس حالى ومستقبلى وليس كرئيس سابق كما تنظرون وتتمنون لان وجود الحاكم فى مصر يحكمه رغبة الجماهير الحقيقية وليس فئئة محدودة على راسها الاخوان المسلمين الذين اعلن مرشدهم ان الثورة الاسلامية هتحصل عن قريب وفات الكتير مابقى الا القليل كما قال
واقول لهؤلاء انتم منذ الاعلان والدعاية للمظاهرة لم تكونوا الا ركوبة ركبها فى الحقيقة التنظيمات الاكبر منكم وعلى راسها الاخوان الذين اندسوا وسط المتظاهرين فى كميات كبيرة ومنظمة وانتم مبسوطين اوى وقلتم الناس بتؤيدكم وياسلام على التفكير السطحى
عفوا لا تتحدثوا ولا يتحدث عنكم احد ابدا انكم اطهار وغيره لان الشباب الطاهر الحقيقى هو من وقع تحت شحنات كبيرة ومستمرة لسنوات من الفكر السوداوى بان مصر منيلة بنيلة وخرج هؤلاء بكل عفوية للتعبير عن ارائهم واؤكد لكم انهم لم يكونوا يريدون الا الاصلاح وليس تدمير مصر بالاعتصام فى الميدان قبل التخريب ووقت التخريب وبعد التخريب والى الان فى عناد اهبل منقطع النظير وهذا الشباب ومنذ الساعات الاولى وربما قبل 28 يناير وهو اليوم الذى اكتملت فيه النكسة وخربت مصر عن بكرة ابيها واكلت الدناءة وايدى الارهاب الاخضر واليابس .. تقول لكم ان هذا الشباب الطاهر بحق قد انسحب كليا بل وتأسف كثيرون منهم عبر الاعلام للرئيس مبارك لانهم فعلا هم الطاهرين ولانهم فعلا هم الشباب المحب لمصر وليس لمصلحة شخصية وهذا الشباب هم فعلا اللى عندهم مصر اهم حتى من الهوا اللى بيشموه ولانهم كانوا واعيين جدا واكتشفوا فورا ان هناك مؤامرة ارادت ركوب الاعداد الكبيرة التى نزلت منهم بعفوية لخدمة اهداف هؤلاء الخونة ايمن نور والبرادعى ومن قبلهم الاخوان المسلمين وهى المؤامرة الواضحة جدا دلوقتى باعلان صريح لمرشد الاخوان وازلامهم فى التحرير عن الانقلاب على النظام والتعاون مع اعداء مصر من ايران لاسرائيل اللى اتضح جدا انهم عادى اوى اى حد يمسك الحكم ومستعدين للعمل معاه .. ياسلاام ايه الجمال ده ايه الصدف دى فى التوافق ده بين الاراء بين اللى فى التحرير وبتوع 25 المزورين لارادة الشعب وبين امريكا واسرائيل لا وايه مازال هؤلاء مصرين على المناداه بنفس الاهداف
وباقول لهم خسئتم يامن تتعاملون مع اعداء مصر وبمعرفة وبارادة منكم وظهرت جدا هذه الارداة فى ظهور العديد من هؤلاء على الشاشات منظرين لما فعلوا وبكل اسف رايت كم العنتظة منهم على الغالبية العظمى من الشعب واعتبار اى راى يخالف رايهم هو راى البلطجية.. اى بلطجية يا بتوع الكنتاكى والبيبسى ..
اللى خرجوا للتعبير عن الحب والتاييد لم يكونوا بلطجية حتى رغم اندساس البعض لتلويث هذ الصورة الجميلة للشعب الحقيقى وارادته الحقيقية وليس ارادة مجموعة ميدان التحرير وباقول ان البعض ده اللى اندس وعمل بلطجة هو نفسه يشترك معكم فى الدناءة وهو كاره للرئيس لانه حاول ان يحول المظاهرات الحاشدة الحاشدة بجد ووعى وليس باى شحن او ضغط لانه لا يمكن خروج الملايين الا اذا كانوا مقتنعين فعلا بما خرجوا له ومازالوا مستعدين للخروج تانى وتالت ورابع لنفس الهدف .. حاول هؤلاء المندسين تحويل الحضارة الرائعة والحب الجارف للرئيس الى اعمال عنف ولكنها لن تنفى فى كل الاحوال حقيقة الحشود الهائلة من الناس اللى خرجوا للتعبير عن التاييد لمبارك
باتكلم فى كل المقالة دى عن الشباب المستمر لحد الان واللى بيظهر علينا على شاشات التليفيزيون عمال على بطال وبكل اسف بيستفز الشعب كله وشفت امبارح واحدة خارجة تقولك بيقولوا علينا خونة طب لو احنا عملنا لصالح مصر خونة ابقى خاينة ايه القرف ده وايه التفكير السطحى ده وكانها بتفسه من راى الشعب اللى دلوقتى فى حالة غليان من عيال التحرير وسمعت ناس من اللى انخرب بيتهم راحوا للتحرير وهم عايزين يقطعوا العيال دى وده تعبير حقيقى عن راى الناس فى اللى حصل 25 يناير بدية النكسة وفى العيال دى

وبعدين مين اللى يحدد الصالح من الطالح شوية عيال وكانت نتيجة افعالهم تخريب كلى للبلد وبكل اسف لسة العيال دى موش حاسة.. لا والاكادة لما تقول لواحد فيهم كده يرد عليك ويقولك ماهى كل ثورة لها تمن .. ياسلاام ايه الهيافة والانحطاط ده وايه انعدام الاحساس ده يعنى كانهم بيقولوا للشعب وماله مايضرش موتوا من الجوع وموتوا من المرض فى سبيل تحقيق اهدافنا واى تمن عايزين الشعب يدفعه بدون ارادته وبعدين عن اى ثورة بيتكلموا هو فيه ثورة حصلت فى التاريخ كله تقوم يوم 25 بمجموعة 100 الف او حتى 500 الف لانها لم تزد فى اى حال عن كده وليس كما يقولون بالملايين وده كلام موضوعى وليس تسفيها ولكنها الحقيقة لان ميدان التحرير لوحده وبالشوارع الجانبية والفرعية وكما قال خبير التخطيط العمرانى العالمى انه فى اقصى الزحام هياخد بالشوارع اللى حواليه ما يزيد قليلا عن 400 الف فرد .. حد سمع فى الدنيا كلها ان فيه ثورة طلعت فى يوم 25 يناير وبعدها ب 9 ايام بعد التخريب الكامل لمصر وغليان الناس غليان منقطع النظير خرج الناس وهم يسبوا ويلعنوا فيها وفى اللى عملها انا شخصيا ما سمعتش كده ثورة 23 يوليو بدأت بانقلاب عسكرى لكنها تحولت لثورة كاسحة من الشعب المصرى الذى لم يحشده احد ولكنه اقتنع بانها فعلا للخير وكل يوم كان بيزيد فى التاييد وليس فى الرفض كما يحدث الان للعيال بتوع التحرير ..يبقى عن اى ثورة بيتكلموا واصلا الشعب رافض كلمة ثورة تلصق بيهم لانها اشرف منهم والغريب انهم موش بيسمعوا لكلام الشعب الحقيقى فى البيوت الفقيرة وفى الشوارع وبيسمعوا لنفسهم بس بيسموا نفسهم باسماء اساسا مفيش حد موافق يديها لهم من الشعب
الناس كلها عمالة تتكلم معاهم بادب ومع الادب كلام نقد لاذع لا يفهمه الا اصحاب العقول الفاهمة وفيه ناس لها لغتها التانية بيعبروا عن الغضب باساليب لفظية عنيفة وفى كل الاحوال فان غالبية الناس كرهت العيال دى خصوصا بعد ظهورهم على الشاشات كقيادات او مشتركين فى المظاهرات وسماع كلامهم الغريب واللى فيه قدر كبير من الهبل الفكرى مافيهوش ابدا اى تحديد لمسلكيات العمل ولا لاهداف الفعل والمصيبة انهم معدومى التقدير حضراتهم قاعدين عاملين الميدان رحلة والناس بتموت بره واعصاب الشعب كله بقت عند مناخيره وامبارح واحدة طالعة على الاخبار وجايبة فيديو بيظهر حال اللى فى التحرير عمالين يغنوا ويضربوا على العود ايه السفالة دى وايه انعدام الاحساس ده وكانهم فى رحلة والشعب كله ميت بره..
انا بكل صراحة باشوف الفترة القادمة قاتمة للغاية مع العيال دى خاصة بعد التصريحات المؤدبة للنائب عمر سليمان ورئيس الوزراء احمد شفيق واللى بكل اسف العيال دى مافهمتهاش لانه لما النائب عمر سليمان يقول ان مصر دلوقتى فقدت ثلثين مواردها الاقتصادية وبان السياحة المصدر الرئيسى للميزانية خسر فى 9 ايام مليار و200 مليون دولار واكيد دلوقتى الرقم اكبر بكتير وده من السياحة بس والبورصة كمان من جابن اخر قال الخبراء انها خسرت فوق ال 200 مليار دولار وده رقم حقيقى وكلها اموال اصحاب اعمال صغيرة يبقى ده معناه ان مصر رجعت خمسين سنة لورا .. ولما المحلات والفنادق وكل مقدرات مصر تنضرب وتتحرق يبقى مصر فى نكسة حقيقية .. مين اللى ادى العيال دى الحق فى تخريب مصر ومين اللى اداهم الحق فى تجويع الناس ومين اللى اداهم الحق فى انهم يتصرفوا على كيفهم وعلى الشعب ان يرضى بالتمن اللى هم اختاروه للشعب ومين اللى قال ان الخروج للاصلاح معناه تخريب البلد ..هو الواحد فى بيته لما يكون عايز يجبر ابوه على الاصلاح من البيت يقوم ينزل ويهد السلم ويقوله انا بكده باجبرك او باعمل اصلاح .. اى تفكير اهبل وعبيط ده
بكل اسف العيال دى واقعة فى اشكالية فكرية كبيرة جدا سببها فرقة الجوقة والرقص الموسيقى اللى التفت حولهم مباشرة وكلهم متسلقين عمالين يتملقوا العيال وعمالين ينفخوا فيهم وعمالين يفهموهم وعلى عكس الحقيقة انهم اصلحوا البلد والمصيبة ان ده لانه كذب وتضليل وبعيد عن حقيقة رؤية الشارع المصرى فى غالبيته فانى اتوقع بكل اسف ان صبر الشعب وادبه مع العيال دى هيخلص قريب جدا وما حدث فى التحرير لم يكن الا مجرد بداية وعلى فكرة لم يكن البلطجية وغيره هم اللى ضربوا العيال فى التحرير وغيره لانه اللى راح التحرير اندس فى وسطهم عيال من الاخوان ونغزوا بعض الناس بالسنج وسرقوا لافتات التاييد لمبارك ويدأوا يضربوا ومن الناحية التانية بدأوا يضربوا فى نفس التوقيت والناس مسكت فى بعض لكن برده هذا لا يمنع ابدامن ان الناس اللى خرجت للتحرير كانوا رايحين وهم غضبانين جدا واغلبهم ناس مصريين بجد موظفين بسطاء وصنايعية يعنى المصريين الحقيقيين موش اللى طالعة منهم تتكلم ولابسة ملابس غالية جدا وعاملة شعرها كيرلى ( كنيش يعنى) وقاعدة رجل على رجل وعمالين يتكلموا فى الدستور ويوضحوا انهم هيسيبوا الرئيس وهيصبروا الشهور الباقية وهيراقبوا الحكومة وغيره .. العيال دى موش عارفة ان فيه حقيقة جديدة على الارض وفى الواقع المصرى الحالى .. كلهم واقفين عند 25 يناير وعقلهم وقف عن كل تفكير فى اللى حاصل دلوقتى ورغبات الناس وشعورهم دلوقتى وهو شعور اخشى انه هيؤدى فى لحظة منفجرة ان الناس هتزحف للتحرير لاخراجهم بالقوة الشعبية وربما ايضا لعمل محاكمات شعبية لهم باعتبارهم خونة اثبتوا الخيانة بالعناد والاستمرار فى مساعدة وتسهيل اعمال مخربين البلد اللى هم معاهم دلوقتى جنبا الى جنب فى التحرير
باشكر جدا النائب عمر سليمان ورئيس الوزراء احمد شفيق لانهم وصفوا الحالة بشكل فعلى للغاية وزى ما فاهمها الشعب الحقيقى انه يوم 25 يناير طلب مجموعة طلبات ولما استشعر النظام بانها طلبات الشارع فى مجموعه لبى الطلبات كطلبات للمصريين جميعا وهذا توصيف فى غاية الدقة لان دى الحقيقة المطلقة زى ماهى فعلا ده اللى حصل لان الشعب لو كان رفض الكلام الاولانى بتاع يوم 25 كان -خرج وهو اثبت انه قادر على الخروج بكثافة لتوقيف اى مخطط او عمل ضد ارداته وده حصل بعد خطاب الرئيس ولكن ماحدث هو تعبير عن رغبة شعبية وصلت للرئيس بكل وضوح واستجاب ودى قمة القوة لرئيس قوى جدا لم ينهار ولم يهرب كفأر تونس ولم يذبح الشعب كمرشد ايران اللى ذبح الاف المتظاهرين فى الشوارع وفى السجون وقمعهم وقال لهم طظ فيكم .. الرئيس اثبت فعلا انه بكل فخر رجل شريف جدا ورغم نظرة الحزن العميق الى كانت فى عينيه فى كل خطاباته الاخيرة واللى كان طبعا سببها قلة الادب والاستسفال من الاشكال بتاعة ميدان التحرير واللى جرحت كرامة رجل عسكرى ورجال العسكرية عندهم عزة وكرامة كبيرة جدا لا يقبلون الاهانة لانهم تعودوا ان من يقبل الاهانة على نفسه يقبلها بكل سرور على وطنه لذلك فان كرامتهم عالية ورغم كل ده وقف بقوة عشان ينقذ مصر من المخططات السفيهة
وبكل اسف مازال هؤلاء الخونة مستمرين فى تصرفاتهم الدنيئة برده ويطلع لك كل شوية فأر منهم يقولك هنصبر عليه لحد ما يمشى ما انشالله ما صبرت عليه مين قالك ان رايك دلوقتى فى الوقت الحالى هو اللى بيعبر عن اى حد من الشعب ومين قالك ان الشعب هيسمح لك تحدد مصير الرئيس مبارك وتحجر عليه وتغتاله سياسيا زى ما حاولتوا تغتالوه وتدمروه نفسيا
ارادة الشعب هى اللى هتتعمل رغم انفوكم انتم والشارع اللى نزلتم فيه وافتكرتكم انكم اشترتوه وانه بقى عزبة البابا والماما الشعب المصرى الحقيقى وزى ما انا شايفة انه على وشك انه يدمركم فيه وهيديكم مطرقة كبيرة جدا على رؤسكم وبكل اسف انكم لم تصلكم الرسالة بعد رغم مظاهرها اللى حصلت بعد خطاب الرئيس فى المظاهرات الملايينية واللى كانت مؤيدة للرئيس
وعلى فكرة هبل وعبط لو حد قال انه كان حشد محشود من الحزب الوطنى وده غباء مستحكم جدا هذا التفكير لانه كان حشد حقيقى برغبات تلقائية لا يملكها الحزب الوطنى باى حال بهذا الشكل الجارف حتى لو اشترك بعضهم فهم قلة جدا ولكنالغالبية هى اللى طلعت وفى كل محافظات مصر بتلقائية لاعادة حق الرئيس فى الداخل والخارج وحتى فى المعاقل بتاعة الاخوان المسلمين لم يستطيعوا الخروج فى مواجهة مع مئات الالاف من الشعب الحقيقى اللى قال كلمته الاولى فى هذا اليوم واعطى تحذير كبير جدا وعميق جدا للى بيحاول يتكلم باسمه وخرب البلد واعتقد ان التحذير بكل اسف بفعل جوقة الرقص الشرقى الملفوفة حوالين العيال وبفعل فهم خاطئ جدا انهم هم اللى وقعوا النظام ولم يقرأوا كلام النائب سليمان ورئيس الوزراء اللى بيوصفوا الامور زى ماهى بكل حقيقية وبفعل الاعلام الاهبل اللى عمال يتكلم بلسان غير لسان الشعب الحقيقى ولكن اعتقد من مزاج الشارع فى غالبيته دلوقتى انه المطرقة الكبرى سوف تقع قريبا جدا على رؤوس من لم يستطع الفهم الحقيقى
بقلمى
فنن

‫ظ„ظ† ط§طµظ…طھ ط¨ط¹ط¯ ط§ظ„ظٹظˆظ… | Facebook‬


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-02-2011, 04:49 PM
أنسام الجنة أنسام الجنة غير متصل
©؛°¨غرامي جديد¨°؛©
 
الافتراضي رد: مصر .. عفوا لانى سكت


الله يكون في العون يا أشقائنا في مصر نحن نتابع أخباركم ونتمنى لكم الأمن والسلامة
دعواتنا لكم ولتونس ولكل الأمة العربية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 07-02-2011, 10:50 AM
صورة Asera8 الرمزية
Asera8 Asera8 غير متصل
©؛°¨غرامي مبدع¨°؛©
 
الافتراضي رد: مصر .. عفوا لانى سكت


الله يكون في عونهم...
يعطيك الف عافية...
^_^


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1