غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-02-2011, 09:12 PM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
B10 رواية حبيبي مغرور و أعشقه لحد الجنون / بقلمي ، كاملة


حبيبي مغرور واعشقه لحد الجنون <روايه رومانسيه جريئه>
انا مثلي مثل كل كاتبه ابدعت في روايتها وسطرت الأحداث من مخيلتها ماراح اسامح ولا احلل من راح ينسبها لنفسه وشكرا
بقلمي مديحه لفانتا
أتمنى تعجبكم روايتي الأولى
الجزء الأول
الاسم نوره فهد براك عمري 15 سنه ثالث متوسط أمي اسمها مريم ألكعبي إمارتيه وخواتي حياة الكبيرة عندها فواز ومشاعل والعنود 0اختي أمل عندها فهد ومحمد واخوي ماجد وأنا أخر العنقود وصديقتي وتؤمي نوره سعد السعد 0متوسطة الطول أحب الونا سه ومحب الزعل وضيقة البال0واهم شي أني أحب يمكن تقولون صغيره تو الناس بس قلبي اختاره يحبه ويموت عليه والمشكلة الكبيرة ما يدري عني وهو متزوج للمرة الثانية أحبه وعندي أمل لو كان بعيد
مضت أيام وشهور وسنين ونوره تكتب في دفتر مذكراتها كل الأحداث المهمة وعلى أخر حدث اليوم في دفتر المذكرات 000000اخيرا راح الكثير مبقى إلا القليل هذي أخر سنه لي في الجامعة الترم الأول وعلى آخر اختبار قسم انجليزي وماده صعبه كثير ان شالله انجح0
يدق جوال نوره تناظر الاسم نوره 2 تتصل بك نوره هلا نوير
نوره2 هلا صحيتي من النوم ولا للحين نايمه
نوره من قال إني نمت رجعت البيت تغديت وكملت كتابه مذكراتي
نوره 2 مخلصنا من بقارتك للحين المهم سمعي بعد شوي جايه عندك عشان نذاكر سوا ساااامعه0000000
نوره تعالي وأنا قلت شي بكره أخر اختبار وأجازه 00
نوره2 إلي يسمعك أجازه كلها أسبوع يخلف علينا 00
نوره المهم بطلع كل شي فيها يالله لا تتأخرين انتظرك
سكرت الجوال تنهدت اااه انزل أحسن لي أشوف أمي شتسوي 00وعلى نزلت الدرج قابلت نوره أخوها ماجد بس كان قافل ولا كلمه نوره بمزح 0هلا بالحبيب أقول أي قناة حاط عليها 0
ماجد بثقل أقول روحي عن وجهي الحين لا تنكتين وصعد لغرفته
نوره مستغربه دخلت الصالة وكانت أمها جالسه مع أبوها 0نوره مساء الخير للحلوين وأجلست عند أبوها فهد هلا حبيبتي ها مستا نسه بكره أخر يوم اختباراتك
نوره تبتسم من كثر مؤنا مبسطوه ما أبقى اذاكر0 مريم سمعيني امايه طلبتي تكملين دراستش لحد الشهادة ألكبيره مو ترقدين
فهد يحط يده على كتف نوره بنتي ممتازة وراح تأخذها إن شاالله ما يبي لها كلام0
نوره أكيد بتخرج وبصير مدرسة انجليزي وارفع روسكم فوق فوق ألا على طاري فوق شفي ماجد شكله متضايق كثير خير.
مريم اااااااه مستولي زعلان على ربيعه 00
نوره أي صديق
مريم فارس ولد جيرانا 00طبعا نوره لما سمعت اسم فارس صار قلبها يدق طبول ويرقص هذا الحبيب من أيام المتوسط 0
نوره خير00شفيه
فهد يقول طلق زوجته الثالثة من يومين ولما درى ضاق صدره 00نوره في نفسها يا فرحتي اليوم وينك يا نوير افرحك
مريم إنا ما ادري ليه زعلان ماجد الله يهداه بعد الزواج قسمه ونصيب وإذا على الناس بيتكلمون لحد ماينسون السالفه وهو ريال شايل عيبه
فهد بس ياام ماجد هذا ياثر على سمعته واسم اهله ولاتنسين انهم عيله كبيره ومعروفه يدق جرس الباب توقف نوره هذي نوير جات عشان نذاكر
مريم على الله تفلحون انتو الثنتين يوميا تذاكرون مع بعض ولا يندره عنكم يجيب الله مطر إن شالله 00
نوره والله نذاكر يمه شفيك 0مشت بسرعه لنوره2 ألي دخلتها الشغاله مجلس الحريم ادخلت لها بسرعه وتحضنها بقوه وعيونها مدمعه 0نوره2 بسم الله عليك فيك شي نوير صاير لكم شي تكلمي خرررررعتيني نوره تمسح دمعتها اليوم نوير احلى يوم عندي حبيبي تحررطلق زوجته الثالثه
نوره2 تجلس على الكنب أنا أقول الفرحه هذي كلها علشان الحبيب والله يانوير مايدري عنك ولاعن هواك ولا لو بقاك كان جاه من الثانيه
نوره تقاطعها كنت صغيره في أول ثانوي
نوره 2 طيب والثالثه كنتي في ثالث جامعه حبيبتي اصحي من حلمك لو كان يفكر فيك كان اطلبك من أخوك صديقه الروح باالروح يخطبك منه انسيه يانوره ولازم تعرفين انه من عيله كبيره ومعروفه من الهوامير والهوامير ماتاخذ ألا الهوامير مثلها أما أحنا يخلف علينا نزل كلام نوره2 على
نوره مثل صوت الرعد في الاذن أجلست وأنزلت دموعها 0نوره موبيدي يانوير حبيته حبيته من كان عمري 15سنه كان عمره 23سنه وأول ماشافته عيني حبيته غصبا عني
تبتسم نوره2 وتضرب نوره على راسها بحركه خفيفه والله يانوير أذا بظلين على حالك ماراح يدري عنك لازم نسوي خطه تخلينه ينتبه لك على الأقل 00تضحك نوره طيب ياافلاطون فكري وأنا أنفذ والحين خلينا نذاكر 00000
ملاحظه 0000000في حي من أحياء الرياض الفاخره يسكن أبطالنا نوره وعلى مسافه بسيطه بيت نوره2 واكبر قصر كان قصر فارس عبد الرحمن حمدان عمر29سنه أبوه رجل إعمال معروف وأمه اسمها ليلى اخوانه محمد الكبير متزوج منيره وعندهم 4اولاد 0عبد المنعم زوجته مروه عندهم بنت صغيره 0اخته حصه ارمله عندها سحر وخلود 0سحر تدرس مع نوره ونوره2 في نفس القسم لكن العلاقه بينهم زماله أما خلود عادت ألسنه الاخيره 0سعاد متزوجه ولد عمها وعندها 4اولاد0فارس بطلنا شاب طموح وحبوب من اهله ورربعه وقت الجد جد عنده ماسك منصب مدير لشركه من شركات أبوه 000000000000يوم الأربعاء ساعه 9الصباح في قصر حمدان في الصاله منيره انشاالله خالتي تكونين بخير الحين صدقيني مازعلت على طلاق فارس كثر مازعلت عليك خفت يرتفع ضغتك وتزعلين
ليلى الله يهداه فاجأنا كلنا وكان بارد وهوى يقولها لنا تعشى معانا ووسع صدره وقبل ليروح غرفته بكل برود يمه تراني طلقت أروى وياليت قال السبب
حصه يمه ماعرفتي اولدك على اتفه سبب بيطلق بس هذي المسكينه ماخذت أسبوعين عنده
ليلى عاد البنت ماعليها كلام جمال وحسب ونسب يشرف الله يهداه أولدي
منيره ماهي نصيبه خالتي وانشالله الله يوفقه في بنت الحلال وهي في نفسها تتمنى ياخذون اختها .وبخطوات مسموعه داخل الصاله فارس السلام عليكم هلا يمه ويحب يدها
ليلى هلا حبيبي صحيت من النوم كانك تاخرت على العمل اليوم 0
فارس اليوم أخذته أجازه وباخذ البنات من الجامعه حصه ليه تتعب نفسك يااخوي خل السواق يجيبهم عنك فارس وأنا اقدر على خلود لما تامرني أجيبها اليوم أكيد تبقى مني شي عشان اخر يوم في الأختبارات
حصه الله يخليك لهم يااخوي عوضتهم عن فقدان أبوهم ويخلي أمي وأبوي ماقصرو معاهم
ليلى حصه هذيلي بناتنا احنا ربيناهم وما نبقى شي ينقصهم0يدق جوال فارس هلا بالشيخ .تامرني.ماطلبت شي.فمان الله .يوقف تامرين على شي يالغاليه ليلى الله يحفظك أن شالله
يطلع فارس منيره بعد مارفعت شيلتها يالله خالتي بمشي ليلى وحصه وين تو الناس
منيره بروح اقنع أمي ترضى تسوي حفلة شهود علشان كملت سنه عندها في البيت ومحمد ماهو راضي ليلى ليه تسوين حفلة شهد عند اهلك حبيبت هذي بنت الحمدان وحفلتها علي من الألف إلى الياء أنتي بس عزمي إلي تبقين من اهلك ومالك ألا حفله ترفع الراس منيره بكل فرح تقوم لعند ليلى وتحب راسها الله يخليك لنا ياخالتي.
في الجامعه....
نوره2تصرخ بقوه خلصنا اختبارات
نوره فضحتينا ألي يسمعك هذا الترم الثاني تو الناس
نوره 2المهم خلصنا وبوسع صدري في هاالاسبوع نوره هذا اخوي ماجد أكيد جاه ياخذني 0الو هلا ماجد أنت برا الحين
ماجد سمعي أنا سويت حادث وبتاخر في المرور كلمت خوي فارس ركبي مع بنات أخته وبيوصلك سامعه نوره بس الغبي سكر في وجهي هذا اخو
نوره2خير شفيه خطيبي عسى ماشر
نوره تحلمي فيه يقول مسوي حادث وقال اجي مع سحر نوره2 بخبث خالها الحبيب خلاص فرصه وجات عندنا
نوره وشو ياأم العريف نوره2 اتفقت معاك نلفت الانتباه نخليه يعرف أن نوره فهد موجوده في هاالدنيا الحين أذا جات سحر قولي لها أني أنا بوصلك اوكيه 0 نوره الحين إذا ماركبت معاهم بينتبه لي من وين تجيبين أفكارك هذي نوره2 على مااعتقد سكوتك طول هذي السنوات ماصارشي خلينا نجرب ماراح نخسر طيعني واكلي تبن سحر جايه لهم ها نوره كلمك أخوك عشان نوصلك نوره كلمني بس مااكلف عليكم برجع مع نوره صديقتي سحربس خالي قال 00 تقاطعها نوره2 الله يهداه خطيبي ماجد نسه أني موجوده وتراني ساكنه بنفس المنطقه خلاص سحر روحي لخالك لاتاخرينه 0 سحر اوكيه براحتكم باي0 بعد مامشت سحر نوره2 مالت عليك يانوير كيف بتعيشين معاهم ولا خلود ألي تمشي ولاكنها تشوف احد نوره وأنا بآخذهم ولا بآخذ خالهم نوره2 أخاف يصير مثلهم اخذي اخوي عبود شحلوه ومملوح
نوره عبيد ماغيره نوره2 على طاريه هلا عبود بالجوال
عبدالله طلعي انا انتظرك بره
نوره2 وين ابوي ماجى ياخذني عبدالله يعني جاي من حبي لك أكيد أبوي قال لي جب أختك وهو جالس في البيت مايبقى يطلع في الحر
في سياره فارس خبرته سحر بترجع مع صديقتها
فارس تستهبل هذي الحين أخوها مكلمني وطالبني شقول له الحين
خلود خالي ماهي راكبه مع غريب
فارس انا محب ارد احد طالبني شقول لأخوها الحين يحرك السياره بسرعه نوره2 عبود حبيبي تدري اليوم أخر الاختبارات واختك طالبتك 0
عبدالله ان لله وانا اليه راجعون بدينا
نوره2شدعوه كلها وجبه لنا من المطعم وبنحسبك معانا عبدالله اخوها الصغير وعمره 18سنه .كل وحده تدفع 50ريال لي

نوره شدعوه بتنهبنا عبود عبدالله أقول بطلعون الفلوس ولا تعرفون شسوي فيكم نوره2 لا مانسينه حسبي يالله عليك 1000ريال خذتها منا ذيك المره لما استلمنا المكافآت وقفت فينا بنص الطريق ياتاخذ الفلوس ولا ماتحرك تذكرين نوره نوره ماراح انساها طول عمري يضحك عبدالله من وين الواحد يطلع فلوس ألا من النصب على اشكالكم وهو يسوق يدوس بنزين وبحركه سريعه يتعدى السياره ألي قدامه ولما سمع صوت الهرنات صار يضحك
نوره2 عبيد شفيك وليه الهرنات من السياره الثانيه عبدالله خليه هذا ولد جيرنا فارس قاهرني كل مايشوفني يقول لا تسرع في السواقه وقدام أخوي علشان يصرخ على 0صارت المساله تحدي بينهم عبدالله ماهو معطي فارس مجال انه يتعداه وفارس صار قريب من سيارته وهرنات ماتوقف
نوره2 عبدالله خله يروح لا تموتنا
نوره عبدالله الله يخليك ماحنا ناقصين مشاكل
عبدالله بعطيه قرصة اذن عشان ثاني مره مايدخل فيني خلود خالي الله يخليك ماعليك منه هذا حيوان ومايستاهل تعصب علشانه
فارس الا هذا كلب وماتربى وانا بربيه .وفي سباق حاد تنازل عبدالله وفتح الطريق بعد اصرار نوره أخته ونوره وصلو مطعم كنتاكي
خلود خالي نبقى من هذا المطعم مسوي عروضات حلوه. سحر نجرب الوجبه الجديده
فارس كان متنرفز وزادت لما شاف سيارة عبدالله واقفه فارس سمعو عندكم أكثر من مطعم بس هذا ماراح اوقف عنده خلصوني
خلود ابقي كنتاكي
فارس بصرخه مافيه عاجبك ولا لأ خلود بزعل خلاص ماابقى شي فارس وأنتي لسحر
سحر غدا البيت احسن .حرك السياره اوصلت نوره عند بيتها وقبل لتنزل اضربت نوره2على راسها ماقصرتي لفتي الأنتباه غبيه وانزلت ادخلت بيتهم وخبرت أمها انها بتاكل وجبتها وتنام وعلى ماخلصت راحت تنام ألا يدق باب غرفتها
ماجد نوير فتحي الباب
نوره اكيد عرف.راحت افتحت الباب
ماجد انتي مجنونه وفشلتيني مع الناس
نوره أي ناس
ماجد تستهبلين بس سمعي أذا سمعت انك راكبه مع خويتك ياويلك هذا ألي ناقص يفحط فيكم وانتو مستانسين 00نوره من الي قال ماجد فارس شافكم بعيونه بعد قولي انه كذاب هذا أنا قلت لك أذا سمعت انك رحتي معاها لاتلومين ألا نفسك نوره تبقي يوقف علشان تفهمه بس طلع وسكر الباب نوره بعد يعرف يكذب يصير خير أروح أنام وبعدين افهم ماجد 000الساعه 3 العصر حست نوره الم في بطنها وصار يزيد أكثر أنزلت عند أمها وكان أبوها توه جاي من العمل نوره يمه يمه وهي ماسكه بطنها فهد نوره شفيك يمه 00
نوره تصيح بطني يعورني .وبسرعه يودونها المستشفى وعلى قسم الطوارئ ينتظرون الدكتور وخبرهم بعملية غسل المعده عشان التسمم فهد كم مره قلت لك لاتخلينها تاكل من بره مريم وأنا على كيفي بنتك راسها عنيد 00 وعلى خطوات قريبه احد ينادي فهد 0فهد هلا حياك الله بو خالد يسلم عليه بو خالد سلامات عسى خير .فهد سلامتك بس نوره جاها تسمم والحين بيسون لها عمليه .بوخالد لا حول نفس خويتها توها مخلصه تنظيف معده والحين طلعوها الغرفه هذا الي يجي من أكل المطاعم
فهد صادق اجل نخليهم نفس الغرفه يتونسون اليله مع بعض.خلصت نوره عمليتها وصعدوها الغرفه مع
نوره2 وبعد مانتهت الزياره
نوره2 وناسه نوير مع بعض في المستشفى
نوره تصدقين ندمانه على شي كبير نوره2 خير شنهو 0 نوره اني سمعت كلامك وركبت معاك وسويتي لي مشكله مع ماجد لو راكبه معاهم وكحلت عيوني بشوفته مو أحسن نوره2 لاوالله هذا ألي بيسوي خير في حياته شنهي ألمشكله يحظي نوره الأستاذ فارس كذب على اخوي وقال أن عبدالله كان يفحط واحنا مستانسين معاه نوره2الله اكبر عليه الله اكبر طلع شلاخ شتبقين فيه مالت علي000فجاه يدق باب الغرفه وينفتح بهدوء ؟ ادخلت وحده ماسكه باقتين ورد السلام عليكم ترفع شيلتها نوره ونوره2 سحر سحر حمدلله على سلامتكم بصراحه أول ماعرفت اصريت أزوركم سلمت عليهم نوره2 الله يسلمك بس كيف دخلتي والزياره


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-02-2011, 09:44 PM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
الافتراضي رد: رواية حبيبي مغرور و أعشقه لحد الجنون / بقلمي


إن شاء الله اعجبتكم البدايه واذا حبيتوها بكمل لفانتا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-02-2011, 09:45 PM
صورة متكحله.k.s.r.e الرمزية
متكحله.k.s.r.e متكحله.k.s.r.e متصل الآن
©؛°¨غرامي متألق ¨°؛©
 
الافتراضي رد: رواية حبيبي مغرور و أعشقه لحد الجنون / بقلمي


السلام عليكم

بدايه موفقه .. القصه من بدايتها روعه .. الله يعطيك العافيه ويخليك

ماعليك امر ياليت تكبرين الخط .. وفي شي ثاني الكلام ورا بعض ياليت كل شخصيه تبي تتكلم يكون لها سطر لحالها والله من كثر ما اركز عيوني دمعت

كم بارت بالاسبوع ووش هي الايام ؟

ننتظر البارت الجاي حبوبه

سلااام

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-02-2011, 09:55 PM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
الافتراضي رد: رواية حبيبي مغرور و أعشقه لحد الجنون / بقلمي


السموحه على الخطه بس صدقوني الأخطاء بس في الجزء الأول اول مره اكتب
وباقي الأجزء بتكون احسن وانا القصه كامله عندي وبنزلها مرتين
في الأسبوع الأثنين والخميس لفانتا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-02-2011, 11:19 PM
صورة • Ņṩєэṫ aήśảқ « الرمزية
• Ņṩєэṫ aήśảқ « • Ņṩєэṫ aήśảқ « غير متصل
©؛°¨غرامي مجتهد¨°؛©
 
الافتراضي رد: رواية حبيبي مغرور و أعشقه لحد الجنون / بقلمي


مرآآ شوكرآآ ..
بدآآيــــــــه قمــــه فـ آلروعــــــه ..
يعطيكي آلعآآفيـــــه يآآرب ..
متآآبعـــه لك ..
آنتزر آلتكملــــه بـ كل شوق ..
وديـ ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-02-2011, 01:49 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية حبيبي مغرور و أعشقه لحد الجنون / بقلمي


,’



بسم الله




يعطيك العــافية
ركزي بـ القوانين حتى ما تتعرض روايتك لـ التحرير
إطلعي على الرابط بـ يفيدك النقد
https://forums.graaam.com/342083.html


موفقة إن شـــاء الله
https://forums.graaam.com/238622.html



,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-02-2011, 02:11 AM
صورة ضمني بين الاهداب الرمزية
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: رواية حبيبي مغرور و أعشقه لحد الجنون / بقلمي


السلام عليكم..,
.
.
.
موفقه
.
.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-02-2011, 02:23 AM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
الافتراضي رد: رواية حبيبي مغرور و أعشقه لحد الجنون / بقلمي


تضحك سحر حبيبتي عادي والي
عنده واسطه مثل خالي بندخل أي مكان
نوره تبنسم ليه كلفتي على نفسك
سحر لا كلافه ولا شي انتو بنات
جيرانا ومافي احد من الحي
الا وعرف سالفتكم
وتصدقون كنت انا وخلود بناكل منه
نوره مكتوب لنا احنا نبلع منه الحمد
لله جات على كذا
نوره2 "ياليت انتي واختك بلعتو منه
وتسممتو بس حظ قوي قوي
سحر تقوم يالله اخليكم الحين
وان شالله ازوركم اذا طلعتو
ماابقى اتأخر على خالي ينتظرني تحت
بعد ماطلعت
نوره2قلبي قلبي منقهره منها
وتضرب المخده بقوه
نوره لو كنت راكبه معاهم كان ماصار
كذا حالي الحين والأخت جايه تتشمت فيني
انتي السبب يانوير
نوره2 من الحره خذت المخده
واضربت نوره بقوه فيها
نوره وجع ياحيوانه تعور
يدق تليقون الغرفه
نوره2جلسي انا برد الو نعم
..السلام عليكم
نوره2وعليكم السلام
..عفوا اختي نوره فهد
نوره2 لا سعد
..حياك الله اختي ان شالله مرتاحين في الغرفه
نوره2 داخت على صوته حلو
وعدلت جلستها وتعدل شعرها
ينقال بيشوفها
الغرفه كثير مريحه بس من معاي
..معاك رياض المدير العام للمستشفى
نوره مثل الأطرش في الزفه
رياض وانا في خدمتكم في أي وقت
انتو توصيه من شيخنا
نوره2 أي شيخ
رياض يناظر فارس ويبتسم
شيخنا فارس حمدان
نوره2 نعم فارس الحمدان متوصي فينا
نوره اول ماسمعت الأسم خذت
السماعه من نوره2
اسمع احنا مو محتاجين خدمتك ولا توصيه من شيخك
احنا داخلين بفلوسنا يعني غصب
عليك تخدمنا سامع وسكرت
نوره2 مالت عليك صج أحبه
وفي النهايه تخرب على نفسها غبيه
في مكتب رياض
وجع ماهي بنت كلتني بلسانها
فارس من تقصد بنت فهد
رياض لا قالت سعد هذي صوتها
حلو وتدلع وهي تكلمني مو الثانيه
اعوذ بالله منها
فارس محد قالك تتكلم بطريقتك
المايعه كلمتين ورد غطاهم
رياض قلت يمكن اظبط روحي مع وحده
فارس اسمه هذيلي الثنتين مالك
شغل فيهم سامع
يدق جوال فارس
هلا سحر يالله جايك الحين
على العموم مشكور رياض
نخدمك ان شالله سلم عليه وطلع
في غرفة البنات
نوره يعني خربت على نفسي
نوره2اقول لك من الحين شيليه من مخك
خلاص محد يفكر في خبله مثلك
نوره والحزن بادي في وجها
يوم الخميس الساعه 10الصباح
تدخل الممرضه سعوديه
السلام عليكم
نوره ونوره2 وعليكم السلام
الممرضه كيفكم اليوم احسن ان شالله
نوره الحمدلله احسن
الممرضه بيدخل الحين الدكتور
عشان يتطمن عليكم
نوره ان شالله فيه طلعه اليوم
الممرضه على حسب الدكتور
ونزلت الستاير الفاصله بينهم
واطلعت
الممرضه استاذ رياض بتحطني في
مشكله انا في غنى عنها ويمكن اخسر
وظيفتي
رياض يابنت الحلال كلها نظره سريعه
ومن يقدر يفصلك دام انا المدير
يالله لا طولين خلينا ندخل
بعد مادخل اول ماشافته نوره تغطت
وقف قبالها رياض
الممرضه هذي نوره فهد والفحوصات
الي اطلعت اليوم سليمه
رياض بثقه ان شالله احسن اليوم نوره
وهو يناظر الأوراق الي في يده
نوره الحمدلله احسن
رياض طيب والثانيه
مشو لعند نوره2 وكانت البنت
مفهيه ولا تغطت ورياض لما شافها استانس
رياض كيفك اليوم احسن
نوره2 بخير ان شالله بس في طلعه اليوم
رياض ليه مليتي منا بسرعه
نوره2لا يادكتور بس العطله
كلها اسبوع ومانبي نقضيها هنا
رياض يبتسم في طلعه ولا يهمك
طلع من الغرفه وهو ماشي
بعطي الممرضه اوراق
رياض سمعي خلي دكتور عمر يوقع
خروج لهم قولي انا طلبت
وكلمي اهلهم ياخذونهم
اليوم الجمعه 4العصر
مشاعل احسن الحين خالتي
نوره زينه الحمدلله
مشاعل طيب انا ناويه انام عندك كم يوم
بوسع صدري معاك
نوره حياك الله بس تدرين السهره
ماتطلع حلوه الا لما نشتري افلام جديدة
مشاعل فيه محل توه فاتح ويقلون
ماتلحقين عليه من كثر الناس فيه
نوره حلو نروح كلمي فواز يودينا
مشاعل طيب دقت على اخوها
فواز هلا
مشاعل هلا فواز فاضي اليوم لنا
فواز بدينا طلبات خير
مشاعل مو لي حق خالتي تبيك توديها
المحل الجديد لللأشرطه
فواز زين بس مو اليوم انا في البر مع
الشباب بكره
مشاعل طيب بقول لها
بعد ماسكرت يقول بكره شرايك اكلم خالي
نوره ماجد ادمر تحلمي يوافق
مشاعل بروح اجرب ادعي لي
وراحت غرفته
مريم داخله وفي يدها الصينيه
يالله شربي الشوريه اباج تاكلين كل شي
وودري عنج اكل المطاعم يابنيتي
نوره لا خلاص حرمت
مشاعل شقلت خالي طلبتك
ماجد ماتشوفيني مشغول على الاب توب
تراك هذره على خالتك وتعورين الراس
مشاعل كله مشغولين يعني نروح للجيران
نطلبهم يودونا ولا
ماجد بصرخه قويه خلاص يالهذره
على امك وخالتك بوديكم طلعي الحين
مشاعل المغرب
ماجد متى ماقلت لكم طلعو والحين بره
في قصر الحمدان
ليلى والله يسلمك كتبي ام فيصل وخواتها
وام سالم وخواتها
حصه يمه الحين عزمتي فوق المية حرمه
ليلى والله شوفي حفلة شهود جات
بوفتها وبنوسع صدورنا
سعاد يمه اتفقت مع الطقاقه على يوم الثلاثاء
مثل ماطلبتي كأنها تستاهل مرت اولدك
ليلى حبيبتي هذي حفلة بنتنا اقول
سكتي ابي اتذكر من ماعزمت
سعاد عزمتي الجيران
ليلى عزمتهم مع بناتهم هذيلي جيرانا
اذا ماعزمناهم من نعزم
وعلى نزلت سحر وخلود وداخلين الصاله
خلود ماشالله عندكم عرس على البطاقات هذي
سحر ليكون عرس واحنا مندري
سعاد ياحليلها تنكت بنت اختي
هذي حفلة شهد من جدتها بطنز
ليلى قولي الي تبين الحفله مسويتها
خلود طيب وين خالي
حصه خير شتبقين فيه
سعاد ماعليك من امك روحي خالك
في المسبح تحت
خلود طيب يالله سحر ننزل له
انزلو تحت في الدور الأرضي
وكان عباره عن صاله فيها جلسه
ومسبح كبير
وقفو عند بداية المسبح
سحر ماهو سامعنا دامه داخل في الماي
خلود بصوت عالي
خالي خالي
فارس لما طلع من الماي
بسم الله علي من متى وانتو هنا
خلود من دقيقتين
يسبح لعندهم نعم اكيد فيه شي
خلود بصراحه نبي نطلع معاك مشوار
سحر تدري العطله كلها اسبوعين ولا في
سفره قلنا نشتري اشرطه لنا
فارس زين خلكم جاهزين بعد المغرب
يناظر الساعه يعني قدامك
ربع ساعه وتجهزون ولا بمشي عنكم مشغول
سحر احنا كلها عبايه نلبسها ونخلص
انت متى بتخلص
فارس انا دقيقه واخلص
خلود لا صادق دقيقه وتخلص
فارس ليه الهذره الزايده ويرش
الماي عليهم كثير لحد ماصعدو الدرج
في محل الأشرطه الساعه 7وربع
ماجد يالله نزلو ولا تتأخرون
نوره من صجك ننزل بروحنا المكان
مليان ارجال
ماجد لاحول نزلو خلصوني ونزلمعاهم
نوره ومشاعل يتفرجون على الأفلام
وماجد عند الأفلام الأجنبيه
وتنحط يد على كتفه ماجد شافه
هلا بالشيخ اخبارك
فارس تمام اشوفك هنا
ماجد غصب عني عندي عله وبنت اختها
الا يجون يشترون لهم اشرطه
فارس عندي وعندك خير بس تدري
البنات دايم جالسين في البيت
خلهم يتسلون
ماجد لاتخاف على الي عندي مافيه
مكان وماتروحه من كافي ومجمعات
فارس مافيه مشكله دام انت
ولا الوالد معاهم
ماجد اقول لك ابوي معطيها الحريه
تروح وترجع بدون احد يروح معاها
فارس ماعجبه الكلام لأنه مربي
بنات اخته وماعنده طلاعات بروحهم
سحر شوفي خلود هذا ماجد ولد جيرانا
اخو نوره
خلود اكيد بتشوفين ناس تعرفينهم
هنا المكان توه فاتحوجديد
المهم انا اخذت الأفلام الي ابيها وانتي
سحر ايه خذت فلمين
وهم ماشين سحر اصدمت بوحده اسفه
مشاعل لا عادي
نوره اعرفتها من شنطتها انتي سحر
سحر ايه انا
نوره انا نوره ياحليلك جايه تشترين
افلام مثلنا
سحر ايه فلمين وان شالله مايرجعهم خالي
مشاعل ليه بيتحكم في الأفلام الي بشوفها
نوره ليكون ماخذه افلام لك عليها
سحر لا والله شوفيهم عمر وسلمى2
ودكان شحاته
نوره زي ا فلامنا بس انا زدت السفاح
وبعدين الأفلام عاديه مافيها شي
سحر انتي تقولين
يدق جوال نوره هلا نوير
ايه شرينا يالله تعالي وسكرت
سحر بتتجمعون مع بعض
نوره ايه السهره عندي في البيت
سحر حظكم ياليت اجي معاكم
مشاعل تعالي حياك
سحر مايرضى خالي
نوره عن جد بديت اكره خالك كل
شويمايبقى ومايرضى
المهم هذا رقم جوالي اذا رضى تعالي
بعد مااطلعو واركبو السياره
ماجد شاف فارس توه بيركب سيارته
طلع وناداه فارس لحظه بقيتك
وتقابل معاه
فارس خير
ماجد نسيت ماقلت لك روحة الأستراحه
اليوم
فارس مو بكره
ماجد لا غيرو رايهم تدري بو عرب
مسوي جلسه حلوه اليوم الساعه9 اليل
مر علي ونروح سوا
وعلى كلامهم نوره كانت سرحانه في
فارس وتناظر فيه وفي نفسها
يسلم هالطول والعرض يااخي
حلو وجذاب تهبل من وين جايب هذا كله
تناظره بعيون مليانه حب
مشاعل كانت تهذر بروحها المسكينه
ونوره مركزه عيونها على فارس
وانتبهت انه يبادلها نفس النظرات
مانتبهت في البدايه بس لما شافته
يطالعها ومركز عيونه على عيونها
خافت ونزلت عيونها بسرعه مو مصدقه
ارفعت ادور ماجد وشافته مشغول يكلم جوال
وفارس ماخذ راحته وهو يناظر نزلت
عيونها وبدت تتنفس بسرعه والقلب
دقاته اسرع ولا عارفه ترفع عيونها
لحد ماحست بماجد يركب ويحرك
فارس لما ركب السياره كان مثل
ماتقلون مبسوط ومرتاح ميدري
ليه بس كان داخله احاس جديد اول مره يحسه
؟؟؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 07-02-2011, 04:55 AM
لمى 4444 لمى 4444 غير متصل
©؛°¨غرامي جديد¨°؛©
 
الافتراضي رد: رواية حبيبي مغرور و أعشقه لحد الجنون / بقلمي


حلووووه مره




يعافيك ربي





انتظر الجزء الجديد






ياعسل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 07-02-2011, 09:07 AM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
الافتراضي رد: رواية حبيبي مغرور و أعشقه لحد الجنون / بقلمي


فارس لما ركب السياره كان مبسوط مرتاح مايدري ليه بس كان داخله احساس جديد اول مره يحسه 00وصل البنات للقصر وانزلو 00
سحر خالي ممكن طلب صغيرون
فارس ماخلصنا طلبات
سحر أذا ماعندك مانع ممكن أروح لنوره اليوم جمعة بنات بنطالع افلام و0
يقاطعها فارس على مااعتقد الموضوع ألي فيه بنات وطلعات منتهي منه أذا مافيه احد يروح معاكم لا
واذا اهلهم مسبلينهم أحنا لا
سحر بس ياخالي اهم محل ثقة اهلهم وعمرهم ماخانو الثقه
فارس سحر انتهينا مافيه روحه
خلود قلت لك لا تعبين نفسك اخذي افلاامك وطالعيها في غرفتك 0صعدت خلود وسحر لغرفهم 00
الساعون 9فارس كان مار جهة الغرف ووقف عند غرفة سحر يدق الباب
سحر تفضل 00يدخل فارس وشاف الانوار مطفيه الا الابجوره وسحر جالسه على السرير
فارس بتنامين الحين
سحر ماعندي شي انام احسن
فارس يبتسم مااقدر ازعل هالعيون جهزي نفسك
سحر مشكور ماابقى اطلع
فارس لاتستهبلين بوديك عند الشله الصايعه والساعه 11 تكونين جاهزه قدامك دقيقه ولا بمشي عنك
قامت سحر وباست فارس 00وصلها لبيت نوره واخذ ماجد معاه للاستراحه00
نوره2اخيرا ياسحرانفك سجنك
مشاعل بطنز انا لو خالي مثل خالك كان حطيت فيه قنبله وفجرته
نوره تضرب راس مشاعل ماعليك منهم سحر يمزحون معاك بس خالك مصخه يعني المفروض يعطيكم الثقه في الروحه والرده
سحر اهو مايقصر مايخلي مكان الاواحنا رايحينه حتى في السفر بس مايبقانا مثل هالبنات الي نسمع عنهم يطلعون مع السواق ومقاهي وشيشه وانتو تعرفون الباقي
نوره2 طيب بسالك خالك وينه الحين
سحر في الاستراحه مع ربعه
نوره2 وانتي تدرين شيسوون الحين
سحر لا والله مااعرف
مشاعل ألي يخاف عليكم ولا يبقاكم تروحون على كيفكم اكيد يسوي شي وانتو ماتدرون
نوره بعصبيه شعيله نوير خلصنا
نوره2 تغمز لمشاعل فارس وينه في الاستراحه يشرب بيره مع هاااااهاااااااهاااااااااهاااااااااااااااااا يضحكون سحر لا حرام عليكم والله ازعل هذا خالي وما أرضى عليه
نوره خلصنا يا البقر وتلوح عليهم البيبسي
نوره2 واحنا ما نرضى نطالع الأفلام أحسن
وكملوا لسهره على ضحك ووناسه صحيح سحر بنت غنية وعندها ربع بس حست مع جمعتها هذي حلوه وفيها حرية بدون تصنع وطبيعيه
في الاستراحه مع الشباب والناس قايمه وقاعده على الرقص 00
رياض جالس جنب فارس 0اقول يالحبيب تراني شفت أخت ماجد
فارس بانتباه نعم وكيف إن شالله
رياض كيف ما هي صعبه علي وانا المدير
فارس ما شالله عليك وعاجبتك الحركه هذي
رياض يا ابن الحلال الي يسمعك يقول حلوه صدق صوتها الشي الحلو فيها
فارس وان شالله الثانيه اعجبتك
رياض لا كانت متغطيه وما عطتني مجال اسولف معها بس دمها خفيف بنت سعد
فارس كان متضايق من حركة رياض بس لما سمع الاسم ارتاح تقول شفت اخت ماجد ولد فهد متأكد
رياض بدا يستوعب بنت فهد وسعد 0ايه والله صادق اثرها بنت سعد ما فيه مشكله اشوفها مره ثانيه
يقاطعه فارس لا ثانيه ولا ثالثه شوف رياض اذا ما تادبت والله لا قول لماجد وشفت الي يكلمه ماجد الحين هذا خالد سعد اذا قلت لهم عنك اعرف بتطلع اليوم على نقاله سامع انت لك سوابق وهذيلي بنات ناس
رياض مالت عليك وعليهم وبعدين انا عندي أمل تسواهم كلهم
فارس بارك الله فيك العب على قدك 0000
انقضت الليله على البنات والشباب بشكل حلو
يوم السبت الساعه 1ونص الظهر ينزل فارس من الدرج ويدخل الصاله ويجلس جنب امه على الكنب
فارس يالحبيبه تراني جعت ما خلص الغدا
ليلى اصبر اشوي عازمه خوانك يتغدون معانا مع حريمهم
فارس خوش تغدينا العصر
دخل عبدالرحمن السلام عليكم
فارس وليلى وعليكم السلام
عبدالرحمن سمعت العصر شعندكم فيه
فارس سلامتك يالغالي بس الغدا بيطول عليك
عبدالرحمن لأيام محمد تراني تعبان من الاجتماعات ابقى اتغدا وانام
ليلى لا اله إلا الله عليكم ما تبقون الجمعه صبرو اشوي تراهم على وصول وبعدين فارس لا تضيع الموضوع خذ هذي البطاقات لحفلة شهوده لا هل ماجد وهذي لبيت العبدالله وهذي لبيت السعد
يقاطعها فارس أقول يمه ما تبقين أوزع البطاقات كلها عنكم
ليلى يمه منك هذي كلها على طريقك عن العياره بس
عبدالرحمن أن شاالله سويتي شي يبيض الوجه يا أم محمد هذي حفيدتنا وما نبقى قاصر عليها
ليلى لا تخاف كل شي جاهز بأذن الله
الا بدخلت محمد وزوجته وعيالهم وعبد المنعم وزوجته وبنتهم وبعد السلام وسوالف الحريم الي ما تخلص وبعد الغدا اخذ فارس ليال وحطها في حضنه
فارس أقول ها الجمال هذا كله طالعه على عمك
عبدالمنعم أي عم انت ولا محمد بنتي طالعه على أبوها
محمد أقول ترى النسل الطيب ما يطلع الا من نسل أطيب ويحط يده على كتف أبوه 0عبدالمنعم وفارس يناظرون بعض
فارس اذا تكلمت اليد اليمين أحنا مانقدر نقول شي تعرف من وين تاكلها ياابو عبدالرحمن
انقضت الجمعه الحلوه الي ماتنمل 00000
في نفس اليوم 7المغرب في بيت نوره
نوره يمه مطوله هريستك ماصارت
مريم يبقى لها شوي وبعدين توالناس على العشى خلي خواتك يخلصون طبخاتهم ونتعشى مره وحده اشوف ذكرتيني ستي ياستي يامال الصمخ
تطلع من المطبخ نعم ماما
مريم ليه مانظفتي ميلس رجال للحين روحي نظفيه بسرعه
نوره اذا انتو مطولين أروح البس بجامه أحسن لي
مشاعل خالتي حطي لنا ثنين ببسي قبل لاتبتدي مباراة السعوديه مع الامارات وتناظر جدتها
مريم ها شعيله بتبدون فيه يوزي عني ولا ماشي مباراه طالعونها
نوره ماعليك منها امايه انا بشجع الأمارات معاك
مشاعل صج مافيك الدم الأخضر
نوره فديت السعودي والأماراتي بدمي. الا وين روايتي الي قريتيها
مشاعل خليتها في المجلس لما قريتها الظهر
نوره روحي جيبيها
مشاعل سوري عشان تشجعين الأمارات يالدبه
نوره اوريك اليوم رجعي مع أمك سامعه 0
اصعدت غرفتها وبدلت وأنزلت سيده للمجلس كان عباره عن مجلس كبير داخله مجلس وسط عباره عن غرفة طعام والمجلسين كل واحد له باب ادخلت المجلس الوسط وصارت ادور روايتها وهي تغني
مابي بساط الريح أي شي في الدنيا
ودي اغمض عين وافتحها على القياه
نوره ستي وين روايتي 0صارت ادور بين الكنبات
ياانسه ستي ردي يامال الصمخ 00
احم 00احم
نوره وقفت مكانها صوت رجال؟؟؟ رفعت عيونها للمجلس الثاني وكانت الصدمه الكبيره لما شافته بعيونها يناظر وهو مبتسم وبسرعه تتطلع من المجلس وتصعد غرفتها ودقات القلب سريعه ماهي مصدقه الي شافته بس أكيد حلم خيال 0وسمعت صوت مشاعل يناديها
مشاعل خالتي ماصارت بجامه بدت المباراه
نوره أفتحت باب الغرفه من جاي في المجلس
مشاعل محد الا خالي ماجد عازم ربعه وبيطالعون المباراه خالتي ليكون درعمتي كان فارس موجود هناك
نوره ماهي مصدقه أن فارس شافها 0انا نزلت ودخلت المجلس لان الشغاله تنظف هناك بس شفته
واسكتت منصدمه خايفه
مشاعل وناسه خالتي اخيرتقابلتو وجها لوجه بروح اكلم نوره2 وابشرها وخذت جوال نوره واهربت فيه ونوره وراها بصراخ00000000000000
يوم الأحد كان يوم ثقيل على الكل 000
رجع فارس من العمل وجلس في الصاله مع البنات ويسمع لهذرتهم الي ماتخلص ومن محطه لمحطه
خلود خالي ممكن طلب
فارس يقرب أذنه لها اسمع قولي
خلود لا بس ربعي عاملين بارتي في بيت المنصور وإذا ماعندك مانع اروح وترا أمي معزومه بس مادري عنها اذا بتروح والحفله 5العصر
فارس تبشرين ويناظر سحر وأنتي مالك روحه يمين شمال
سحر بأدب حتى لو بقول ماراح ترضى انسى الموضوع
فارس لا مااقدر على المؤدبه اسمع قولي
سحر بصراحه شلتي الجديده بتطلع العصر للكافي اذا بتوديني جزاك الله خير
فارس بطنز مااقدر على الشله الجديده ومنهي شلتك
سحر احم نوره اخت صديقك ماجد وبنت أختها مشاعل ونوره سعد
فارس لما سمع اسم نوره ابتسم تذكرها وهي داخله عليه في المجلس وتغني
سحر خلاص خالي انسى انا قلت لهم انك ماراح ترضى اروح معاهم
فارس افا بزعل عليك بتروحين وتوسعين صدرك تامرين امر
خلود ياسلام أهي تامرين وانا لي الله
فارس انا لي الله جايكم وناسيكم انتو الثنتين الله يعيني عليكم
تغد فارس مع البنات وشرب الشاي وكان بيقوم بيريح سمع اغنية راشد الماجد تقول
ادعي علي بالموت ولا سمني
بس لا تفارقني دخيل الله وتغيب
طال السفر يابعد عمري همني
شلون اودع بالمطار أغلى حبيب
تعال قبل تروح عني ضمني
اقرب من أنفاسي ترى حالي صعيب
أبي انتثر قدام عينك لمني
وأبي أسالك هل نلتقي عما قريب
فارس ماقدر يتحمل صارت دموعه سابقته كلمات الاغنيه افتحت عليه باب ذكريات قديمه وصور لأشخاص مرو في حياته صعب ينساهم غطى وجه بغترته بس خلود وسحر انتبهو له وراحو لعنده
سحر خالي حبيبي لاتسوي في نفسك كذا
خلود خالي خالي رد علي
فارس يمسح دموعه خلاص يابنات بصعد ارتاح تطمنو انا بخير 00صعد لغرفته وهو حامل ذكره اليمه ماراح ينساها طول عمره000000
الساعه 6المغرب في الكافي شوب
نوره أن شالله مبوسوطه معانا يا سحر
سحر وناسه وانااقول ليه ربعي مطيحين في هاالاماكن
نوره2بعد ماشفتي شي الحين نطلب شيشه ونكيف عليها
سحر مستغربه لاتقولون أنكم تشربون
مشاعل مره وحده في الشهر بس
سحر وانتي نوره تشربين مثلهم
نوره والله مو دايم كم مره ينعدون
نوره2 نطلب لك وحده
سحر لا اخاف يشمون ريحتها فيني
مشاعل عادي لاتخافين سوي مثلي اذا أمي اسالتني عن الريحه اقول كنت جالسه جنب طاوله يشيشون تقول لي ثاني مره لاتجلسين انتهينا
سحر لا اخاف خلوها ثاني مره
نوره 2براحتك المهم انك جيتي معانا
اجلسو مع بعض لحد ماصارت الساعه 7ونص
سحر يالله بنات انا بمشي خالي ينتظرني بره
وانتو مش رايحين
نوره2 اكيد بكلم السواق 0تتصل بالجوال 0صاحب تعال اخذني من الكافي 00شو سويت حادث 0جات الشرطه الحين اقول اذلف مامنك فايده 0سكرت
البنات يطالعونها نوره صاير
نوره2 ابد سلامتكم السواق مسوي حادث وينتظر الشرطه
سحر قوموا وصلكم معاي
نوره لا مانبقى نكلف عليكم
سحر شدعوه البيوت جنب بعض يالله قومو
نوره2بخبث انا عن نفسي بروح معاك لان اذا تاخرت امي بتهاوشني
مشاعل افهمت حركة نوره2 حتى انا اذا تاخرت بتهاوشني امي
نوره من متى يانوير أمك تسال اذا تاخرتي وانتي طالما أنتي معاي أمك ماتسال 0توره افهمت حركتهم
سحر اقول مالك عذر قوموا وصلكم
قامو واطلعو نوره2 امسكت مشاعل وهمست لها بنيه خليها تصير وراه ومشو
سحر هلا خالي بنوصل البنات سواقهم سوى حادث
فارس اوكيه حياهم الله
اركبو ولما حست نوره بحركة البنات صارت تتوعد فيهم
نوره 2تهمس لنوره اقول نوير ريحة العطر الي حاطها دوختنا تقولين متسبح بالعطر جنان الريحه دخت يانوير
نوره سكتي فضحتينا بس اوريك اذا وصلنا
فارس سحر ريحة شيشه قويه 0بنظره حازمه 0
شربتي
سحر تكح بقوه لا خالي انا اشرب انا تربيتك هذي
طاوله قريبه منا كانو يشيشون
البنات خافو ؟؟؟؟
فارس حب يحرج البنات 0يعني مو الي معاك شاربين ترا عادي عندهم حريه
مشاعل خافت كثير وان سحر تعلم خالها وهو يعلم خالها ويصل الخبر لابوها خاصه أن أبوها متشدد ومايحب الغلط قربت لنوره2 الله يستر شكله بيفضحنا
نوره2تهمس لنوره 0نوير الي كذب مره يكذب مره ثانيه طلع ماهو هين الله يستر
نوره ماتوقعته كذا انتو السبب ولا كان انتظرنا أي احد يجي لنا
سحر لاخالي حرام عليك اصلا البنات ماشالله عليهم كانو عاقلين وجلستنا كلها ذكر وأحاديث وقصص فيها موعظه وعبره
فارس ماشالله مع أن المكان الي داخلينه مايشجع للي تقولينه بس كل شي جايز
نوره عصبت ولانها ماتقدر تتكلم ارفست كرسي فارس بقوه وهوحس بالضربه
فارس اسكت احسن لي لايجيني شي ثاني صح سحر
سحر ماهي فاهمه قصد خالها بس صادق خالي
مشاعل مع نوره2 ياليت الرفسه جايه في ظهره
بعد ماوصلو نوره2 لبيتها 0ووصلو نوره ومشاعل قبل لاتنزل نوره
سحر نوره بتحظرون حفلة بنت اخوي ماقلتولي
نوره انزلت وهي في نفسها فاضيه انا معصبه من خالك 0وسكرت باب السياره بقوه
سحر سكرت الباب بقوه شكلها معصبه نوره
فارس اهي معصبه من اول ماركبت شكلها مغصوبه تركب معنا
سحر صدق كانت رافضه بس البنات اغصبوها لان مافيه احد يوصلهم
كملو الطريق لبيتهم وفارس ماتكلم بس نوره اشغلت التفكير
يوم الاثنين الساعه 8الصباح نوره ماجاها النوم كانت مواصله وجالسه في الصاله اطالع التلفزيون
مريم صباح الخير غريبه نوره جالسه من وقت
نوره هلا مامي انا مانمت اصلا
مريم زين فطرتي ولا اسوي لنا فطور
نوره لا حبيبتي انتي ارتاحي وانا اسويه بنفسي كم مريوم عندي
مريم اكيد تبين شي خو الذيب مايهرول عبث
نوره انا الله يسامحك بس يمه انتي كنتي تبقين اغراض للبيت شرايك نروح بعد الفطور نشتريها
مريم الحين لاابوك هنا ولا اخوك خليها المغرب
نوره الله يسلم الموزين الحين ادق على الشركه ترسل لنا سياره
مريم انتي خبله انا اركب لموزين ليه العيله
نوره تحضن امها علشاني انا بنتك الصغيره والله زهقانه يمه وبعدين اخذ فكره عن اغراض البيت اذا الله وفقني
مريم تعرفين ماارد لك طلب خلينا نفطر وبعدين نروح
طالعين من البيت وسيارة الموزين واقفه الا بسيارة يوكن سودا واقفه عند الباب واول ماشافهم طالعين ينزل من السياره بثقه
فارس هلا خالتي صباح الخير
مريم هلا فارس شخبارك وشخبار الوالده
فارس بخير الله يعافيك
دورو نوره في هالحظه كانت مستانسه انها شافته مره ثانيه ولا كان قريب منها
فارس سامحيني خالتي على التاخير هذي بطاقات حفلة بكره ماكان عندي وقت اجيبهم
مريم لاعادي ليه تعبت نفسك كان عطيتهم ماجد
فارس انا انسى اعطيه وهو ينسى يذكرني علشان ياخذهم الا خالتي اشوف سيارة لموزين واقفه عندكم
مريم ابد سلامتك تدري كلهم في اعمالهم ونوير الا تطلع زهقانه عاد قلت نروح المخازن نشتري اغراض للبيت
فارس افا خالتي تركبين لموزين وانا موجود
مريم لا مانبى نتعبك ويانا
فارس لا تعب ولا شي انا ماخذ اجازه هاليومين علشان الوالده مشورتني
راح مشى السواق
نوره يمه ليه خليتي السواق يروح لازم نركب معاه
مريم سمعي احصلت سياره امان لنا بنركبها امشي اشوف
فارس كان فاتح لهم الباب الثاني وراه اركبت مريم بس نوره ناظرت فارس وراحت للباب الثاني واركبت 0يبتسم فارس ويركب ويوصلهم للمخازن واصر ينتظرهم لحد مايخلصون
بعد ماحاسبو يدق جوال نوره 0هلا نوير
نوره2 هلا وينك ادق تلفون بيتكم وماحد يرد
نوره طالعه مع امي للمخازن وتخيلي من الي وصلنا
نوره 2خلصي ماابقى افكر
نوره حبيب القلب
نوره2 كذابه مااصدق انا رايحه لبيتكم وانتظرك هناك
نوره زين
نوره2 ايه قولي لخالتي جمعة الحريم اليوم في بيت أم نواف
مريم يابنت خلصي تاخرنا على الريال
نوره مو اهو دق بصدره ينتظرنا خلاص خليه
اوصلو عند السياره ومعاهم السله وفارس صار يحمل الاغراض في الشنطه للسياره وفي نفسه مابقى شي ماشروه مابقى الا المحل بعد ماخلص في الطريق يدق جوال فارس
فارس هلا يمه 00ان شالله اوصل خالتي أم ماجد أولا 0تفضلي خالتي امي تبقى تكلمك 0يمد الجوال مريم هلا أم محمد شلونكم
ليلى عاش من سمع صوتك أم ماجد شخبارك وينك ماتبينين
مريم في هالدنيا وتدرين الواحد مايدري شنهو يجيه من مشاغل
ليلى صادقه طيب في جمعه بيت أم نواف شرايك تجين حريم الفريج رايحين يباركون لها علشان ملكت على ولدها
مريم لا اروح ماعندي شي
ليلى اجل خلي فارس يوصلك معاي
وعلى كلمه منا ومناك
فارس في نفسه خوش حرمتين ماسكين الجوال يسولفون متى يخلصون
مريم سم يمه فارس الولده تباك
فارس هلا يمه
ليلى الله يعافيك وصل خالتك أم ماجد معاي
فارس أن شالله يالله فمان الله
وصلهم لبيتهم
فارس انتظرك خالتي
مريم لا يمه روح جيب الوالده أولا وبعدين مرو على أكون خلصت
انزلو وادخلو البيت في الصاله نوره2 جالسه تشرب قهوه الابدخلت نوره وأمها
نوره2 هلا خالتي
مريم هلا يمه شلونك الا كلمي أمك قولي لها تجي بيت ام نواف
نوره2 امي بتروح وقالت لي أقولك وانا قلت لنوير ماقالت لك

نوره نسيت وبعدين هذا أنتي بتروحين ماما
مريم اروح أبدل قبل لا يجي فارس اصعدت
نوره2 تعالي قولي لي كيف فارس وصلكم
نوره بقولك بش وين ستي أبقها تسوي لي قهوه
نوره2 قالت بتروح تسبح
يدق جرس الباب
نوره تكلم من السماعه مين
فارس ياليت احد ياخذ الاغراض
نوره صج نسيناهم وين ستي لازم تسبح الحين
نوره2 روحي فتحي الباب أنتي مافيه احد غيرك أمك تلبس والشغاله تسبح وانا ضيفه سمحيلي
نوره أمري لاالله ألبست عبايتها وغطت وجها بالشيله واطلعت افتحت باب الشارع فارس صار يدخل الاغراض ونوره ماسكه له الباب لما شافته شايل مايكرويف شارينه
نوره لو سمحت حطه على الطاوله هناك
فارس حب ينرفزها مادري اشتغل عندك انا
نوره انحرجت واسكتت
وهوطالع يجيب باقي الاغراض دق جواله
فارس ينعم صوته وبرقه يرد هلا حبيبتي صحيتي من النوم 00نوم العوافي 00تدللي امري
نوره نزلت الشيله وقربت أذنها عند الباب عشان تسمعه عدل وهي منقهره من الي يكلمها بنعومه مالت علي طايحت حظ ماهو معبرني ولا نوير مسويه لي خطط امحق خطط ومانتبهت بدخلة فارس وحاط أخر شي من الاغراض
فارس تامرين على شي
نوره مفهيه لا مشكور
فارس وقف محله وكان يتامل ملامح وجها 0ماشالله القمر يطلع بالنهار
نوره في نفسها شفيه خبل يكلم روحه
فارس لما اشوف ماجد بحب راسه لان عنده اخت مثلك
نوره ارفعت عيونها وشافته يناظرها وكان مبتسم وحست على نفسها وراحت بسرعه داخل
في ها اللحظه في هالدقيقه أعلن قلب فارس انه بدا يحب نوره 000000000

الرد باقتباس
إضافة رد

رواية حبيبي مغرور و أعشقه لحد الجنون / بقلمي ، كاملة

الوسوم
<روايه , مغرور , الحنون , حبيبي , جريئه> , رومانسيه , رواية , واعشقه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية يا حظ عينك / بقلمي ، كاملة •●!✿حنين الورود✿!●• روايات كامله - يتم نقل الرواية هنا بعد اكتمالها 503 01-10-2018 05:31 AM
يا حبيبي اللي تشوفه فيني ترى ما هو غرور هذي عزة نفسي في قمة تواضعها / بقلمي ، كاملة مآلے مثيل روايات كامله - يتم نقل الرواية هنا بعد اكتمالها 249 23-08-2014 01:00 PM
رواية أموت أنا في حبهم / كاملة بنت أبو ظبي روايات كامله - يتم نقل الرواية هنا بعد اكتمالها 45 07-07-2012 11:52 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM

الساعة الآن +3: 11:31 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1