غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 23-02-2011, 07:12 PM
صورة حبر القمر الرمزية
حبر القمر حبر القمر غير متصل
©؛°¨غرامي فعال ¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


اقتباس:
المشاركة الأساسية كتبها كيموه نت مشاهدة المشاركة
بالتوفيق يالغلا

منورة حبوبه
للجميع يارب

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 23-02-2011, 07:13 PM
صورة حبر القمر الرمزية
حبر القمر حبر القمر غير متصل
©؛°¨غرامي فعال ¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


البارت الرابع
بيت ابو عناد
كانت جالسه امواج مع امها وابوها
ابوها .. هاشصار على موضوعك يامواج شنو قررتي
امواج .. بحير .. مدري يبه محتارة من بينهم
ابوها ..بمزح سوي قرعه من بينهم واللي يطلع لك تزوجيه
امواج .. شنو من صدقك يبه
امها .. ماعليج من ابوج امواج يمه فكري واللى تبينه بيصير
امواج .. حتى لو رفضتهم اثنينهم
ابوها حتى لورفضتيهم اثنينهم
امواج .. طيب يبه لو وافقت على صقر جدى مايزعل
ابوها .. بيزعل بس هذى حياتك وانتى اللى بتعيشينها
امها .. احس ميولك حق صقر يامواج
امواج .. بخجل ايه يمه انا موافقه على صقر بس خايفه من انى اتسبب لبوي بمشاكل مع جدى وعمامي
ابوها .. ماعليج يابنيتي من اللى بيصير اهم شى عندي بالدنيا سعادتك انتى واخوانك
امواج .. بحب .. الله لا يحرمنا منك يا يبه
امها :: اجل نكلم خالك نعطيه خبر
امواج .. لا يمه الاختبارت كلها يومين وتبداولو صار شى مع جدي وعمامي بيشغلنى عن المذاكرة صبري ليما تخلص الاختبارات

امها .. اللى تشوفينه
ابوها .. يالله شدي حيلك نبي نسبه ترفع الراس
امواج .. بشويه غرور .. ومن متى يبه ماجبت نسبه ترفع راسك
ابوها .. ههه بطلى غرور يابنت
امواج .. ماقدر يبه هذا فطرة فيني ماقدر اغيرها
ابوها وامها .. الله يخليك لنا انتى واخوانك ويهديكم ويصلحكم
امواج .. امين ويخليكم لنا نطلع
ابوها .. يالله احنا بنطلع عنك وبنخليك تكملين دراسه
امواج .. حياكم الله
طلعوا عنها وفتحت اللاب على الورد وبدت تكتبت اسئله مراجعه الاحياء وتحلها
بعد المغرب ..
بيت الجد
الجد .. شنو رد بنتك ياخالد
ابو عناد ... البنت تبي ولد خالها طال عمرك
الجد بعصبيه . وانت ليه ماتجبرها على ولد عمها
ابو عناد .. يبه الزواج بالاجبار نهايته الطلاق وانا مابى بنتى ترجع لى مطلقه بعد كم شهر
الجد .. بدا يلين .. يصير خير خلنى افكر بموضوعهم
ابو عناد .. فكر على راحتك بس مهمه صاير يايبه مراح اجبر بنتى على احد من عيال عمها
الجد .. خير ان شاء الله

بيت الخال عيسى
صقر .. يبه ماردوا عليك
ابو صقر .. لا البنت عندها اختبارات وقايله مافى رد الحين
صقر .. ليه عاد شنو بيضرها اذا ردت الحين
ام صقر .. وانت شنو معجلك اذا لك نصيب بتاخذها يايمه
شيماء .. صقور تبي اخذ لك الاخبار
صقر .. كيف
شيما .. بطريقتي الخاصه بس كم تدفع
صقر .. اللى تبيه
شيماء .. امم ابي بيبي
صقر .. ابشري بالخير بس جبين لى الرد
شيماء .. اوكي بس مهلني يومين والاخبار عندك
صقر .. اوكي
بيت ابو عناد
بغرفه امواج خلصت حل الاسئله وفتحت المسن بتشوف اذا فى وحدة من صديقتها بتسالها كم عدد الطالبات عشان تطبع المراجعه دخلت ولقت مروج موجودة
امواج .. مرحبا بنت الخال
مروج مرحبتين ياهلا بامواجوة
امواج .. هلا بك زوود وشخباركم
مروج .. تمام التمام انتى شخبارك
امواج .. الحمد لله بخير امم بغيت اسالك عن عدد الطالبات كم
مروج .. ليه
امواج .. خلصت مراجعه الاحياء وابي اطبعها للفصل كامل
مروج اها .. حلوو كم ورقه طلعت
امواج .. 10 وجهه وظهر
مروج .. اوف كثير على العموم عددنا اتوقع 45 طالبه
امواج .. حلوة تتوقعين خلاص بطبع 60 وانتى شصار معاك على مراجعه الفقه
مروج .. با قى ورقتين وتخلص
امواج .. حلوو برب بشوف شيوم شنو عندها داقه على وبرجع لك
مروج .. تيت خذى راحتك
على التلفون
امواج .. ياهلا والله
شيماء .. هلا بك شخبارك وشخبار النفسيه حق الاختبارات
امواج .. الحمد لله عال العال انتى شخبارك وشخبار الاهل
شيماء .. الحمد لله كلنا بخير والاهل يسلمون عليك
امواج .. الله يسلمك ويسلمهم من كل شر
شيماء ..ومن قال يارب . شخبار عمتى والجوري
امواج .. تمام الجوري مطلعه لنا قروون بلقافتها
شيماء .. ههههه يا حبني لها امم اقول امواج شصار على موضوع صقر صجنا والله من كثر الحنه
امواج ابتسمت وجهها قلب احمر ... امم بتجيكم الاخبار ان شاء الله بعد الاختبارات
شيماء .. مايصير اعرف انا الحين وارف بحال اخوي المسكين
امواج .. لا كل شى بعد الاختبارات
شيماء .. عنيدة مالك الا كلمتك
امواج .. بخقه .. وه فديتني وفديت عنادي
شيماء .. بمزح .. اقول مالت ماقول غير الله يعين اخوي عليك
امواج .. بنفس المزح .. يطول اخوك وحدة مثلى يحمد ربه لو وافقت عليه
شيماء ... ههههههههههههههههه مانتى بسهله
امواج .. ايه شنو على بالك انا امواج والاجر على الله
شيماء .. اوكي اخليك الحين وبينا الو
امواج .. اوكي وسلمى على الاهل
شيماء .. متاكدة كل الاهل ولا السلام حق ناس معينه
امواج .. شيووم العقل زين سلمي على خالى وخالتى
شيماء .. وي ياحليلها اللى تستحي يوصل ان شاء الله مع السلامه
امواج .. مع السلامه

اليوم الثاني بيت ابو مشاري
بمجلس الرجال الكل مجتمع ومعاهم الجد


الجد .. انا جاي اليوم عشان ابلقكم بقرار امواج
سارة بلقافه .. اكيد وافقت على مشاري اخوي
ابو مشاري .. يابنت عيب عليك تقاطعين اللى اكبر منك
سارة .. اسفه
الجد .. لا ياسارة امواج وافقت على صقر ولد خالها
ابو مشاري .. الله يوفقها
الجد .. وانت يامشاري ماسمعت رايك
امشاري بابتسامه .. صحيح انا تمنيتها زوجه لى بس الله يوفقها مع اللى اختارتها ويسعدها معه
ابو مشاري.. عين العقل كلامك ياولدي وانت ان شاء الله ربي يرزقك بزوجه اللى تسعدك
مشاري .. امين
سارة ... بحقد الدنيا .. بالبساطه هذى كلها تدعون لها بتوفيق وانت ياجدي شلون رضيت بانها تاخذ ولد خالها
الجد بهدوء وحب لامواج .. نصيبها يابوك
سارة .. نصيبها بس انت طول عمرك تقول ان البنت لولد عمها شاللى تغير الحين
الجد .. ماتغير شى وانا ابوك بس مابي اجبر احد فيكم على شى مايبه ويدعى على بعدين
سارة .. بس لا...
ابو مشاري يقاطعها .. بس ياسارة هالشى مالك شغل فيه
سارة .. اي طبعا مو هذى دلوعه العايله محد يرفض لها طلب
الجد .. كلكم حبايبي ودلوعاتي
سارة .. بحلطمه واضح هالشي
انتشر موافقه امواج على صقر والكل فرح لها معادا اللى يحقدون عليها

بيت ابو صقر
شيماء .. يمه صقور متى يرجع من الدوام اليوم
ام صقر .. على الساعه 2 ونص ليه وشتبين فيه
شيماء .. ابي ابشرة انا واخذ البشارة
ام صقر ..بمزح .. اي بس انا علمته اول ماسمعت الخبر
شيماء ... بزعل .. لا يمه لى خربتي علي
ام صقر .. ههه امزح معاك بشريه انتى
شيماء .. اووكي


بعطيكم لمحه بسيطه عن بعض الابطال
امواج ... عمرها 18 سنه بنوته طيوبه وحبوبه حيل وخجوله زيادة عن اللزوم جمالها عادي بس اللى يغلط عليها مايسلم من السانها
صقر .. 25 سنه قلبه طيب وحبوب حيل وينقص عليه بالكلام كلمه توديه وكلمه تجيبه موظف باحد شركات سابك
شيماء 20 سنه مغرور حيل مخلصه الثانويه وجالسه بالبيت تحب اخوها صقر حيل وجمالها بسيط وعادي
مشاري .. 23 سنه انسان عصبي لبعد درجه معقد حبتين وفيه شويه غرور يدرس هندسه
سارة .. 19 سنه حقودة حيل مخلصه الثانويه تكرة شى اسمه امواج ماهي جميله ولا هي قبيحه متوسطه جمالها اقل من العادي

هذا تعريف بالابطال اللى بتكون حاليا الاكثر ظهور واي بطل يظهر راح اعرفكم عليه بالفور

بعد اسبوعين انتهت الاختبارات وتححدت ملكه امواج وصقر بالاجازة بتكون كتب الكتاب الثلاثاء والخميس الحفله
قبل الملكه باسبوع كانت امواج جالسه مع ابوها بالغرفه

امواج .. يبه ولا عليك امر بكرة ابي اروح السوق اخذ لى طقم ذهب مع الساعه
ابو ها .. ان شاء الله يبه وشصار على فستانك
امواج .. بيطلع قبل الحفه بيومين
ابوها .. شالوقت الحرج ان شاء الله يصير مظبوط
امواج .. بخوف .. ان شاء الله والله ان
قطع عليهم حديثهم رنين جوال ابوها
ابوها .. هلا والله ابو سعود
ابو سعود عم امواج الصغير .. هلا بك شخبارك وشخبار الاهل
ابوها .. الحمد لله الكل بخير انت بلى صوتك متغير
ابو سعود .. عظم الله اجرك
ابوها .. فى مين

ابو سعود ............ز
بكذا انتهى البارت
واسفه على التاخير والقصور زواجي بعد اسبوعين ومنضغطه بالحيل
وان شاء الله ماتاخر عليكم بالبارت الجاي
ردودكم وتعليقات وتقيمكم يهمني
دعواتكم لى بان ربي يتمم لى زواجي على خير


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 23-02-2011, 09:00 PM
صورة ~البكآ بالليل يغــري) الرمزية
~البكآ بالليل يغــري) ~البكآ بالليل يغــري) غير متصل
©؛°¨غرامي مشارك¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


الله يوفقك
وييسر أموور زواجك يارب ’’’
خذي رااحتك ,,,
بس لتطولين علينا ,,
وروايتك من جد بداايتها قويه ومحمسه
أتمنالك التوفييق من كل قلبي ,,
,

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 02-03-2011, 05:31 PM
صورة حبر القمر الرمزية
حبر القمر حبر القمر غير متصل
©؛°¨غرامي فعال ¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


اقتباس:
المشاركة الأساسية كتبها أم منايررر مشاهدة المشاركة
الله يوفقك
وييسر أموور زواجك يارب ’’’
خذي رااحتك ,,,
بس لتطولين علينا ,,
وروايتك من جد بداايتها قويه ومحمسه
أتمنالك التوفييق من كل قلبي ,,
,
هلا والله باختى ام منايرر
يوفق الجميع يارب
ان شاء الله مراح تاخر عليكم
قريب بينزل البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 02-03-2011, 06:30 PM
صورة شذوش الحلوه الرمزية
شذوش الحلوه شذوش الحلوه غير متصل
©؛°¨غرامي مشارك¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


يوووووووووووووووووووووووه حمستيني بسررررعة حطي البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 02-03-2011, 08:35 PM
صورة شوق وحنين طول السنين الرمزية
شوق وحنين طول السنين شوق وحنين طول السنين غير متصل
©؛°¨غرامي فعال ¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


وووي الجد اتوقع هو اللي مات .. وراح تتأجل الملكه ..
وبس هذا اللي عندي ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 04-03-2011, 05:23 PM
صورة حبر القمر الرمزية
حبر القمر حبر القمر غير متصل
©؛°¨غرامي فعال ¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


اقتباس:
المشاركة الأساسية كتبها شذوش الحلوه مشاهدة المشاركة
يوووووووووووووووووووووووه حمستيني بسررررعة حطي البارت

هلا والله شذوش الحلوة
ان شاء الله حبيتي
الله لا يحرمني من حماسك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 04-03-2011, 05:24 PM
صورة حبر القمر الرمزية
حبر القمر حبر القمر غير متصل
©؛°¨غرامي فعال ¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


اقتباس:
المشاركة الأساسية كتبها شوق وحنين طول السنين×|× مشاهدة المشاركة
وووي الجد اتوقع هو اللي مات .. وراح تتأجل الملكه ..
وبس هذا اللي عندي ..

هلا خيتو
امم نشوف من اللى توفى الجد ولا غيرة
وتتاجل الملكه كل شى جايز
نورتي لاتحرمني هالطله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 04-03-2011, 05:25 PM
صورة حبر القمر الرمزية
حبر القمر حبر القمر غير متصل
©؛°¨غرامي فعال ¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


البارت الخامس &السادس

قبل الملكه باسبوع كانت امواج جالسه مع ابوها بالغرفه

امواج .. يبه ولا عليك امر بكرة ابي اروح السوق اخذ لى طقم ذهب مع الساعه
ابو ها .. ان شاء الله يبه وشصار على فستانك
امواج .. بيطلع قبل الحفه بيومين
ابوها .. شالوقت الحرج ان شاء الله يصير مظبوط
امواج .. بخوف .. ان شاء الله والله ان
قطع عليهم حديثهم رنين جوال ابوها
ابوها .. هلا والله ابو سعود
ابو سعود عم امواج الصغير .. هلا بك شخبارك وشخبار الاهل
ابوها .. الحمد لله الكل بخير انت بلى صوتك متغير
ابو سعود .. عظم الله اجرك
ابوها .. فى مين
ابو سعود .. جدتي نورة
ابوها .. ان لله وان اليه راجعوان ومتى الدفن
ابو سعود .. باجر بعد صلاه الظهر
ابوها .. يالله الحين انا جايكم
ابو .. سعود مع السلامه
امواج بحزن .. من اللى مات يبه
ابوها .. جدتي نورة
امواج .. بصدمه .. جدتك انت يبه
ابوها .. ايه وشفيك مصدوم
امواج ... لا سلامتك وعظم الله اجرك
ابوها .. اجرنا واجرك
امواج .. عن اذنك يبه
ابوها .. اذنك معك
فى الصاله
دخلت عليهم امواج .. السلام عليكم
عناد وام عناد .. وعليكم السلام
عناد .. شفيك شكلك متضايقه امواج
امواج .. جدتي نورة توفت
ام عناد .. لا حول ولاا قوة الا بالله ومن قالج هالكلام
امواج ... عمي ابو سعود كلم ابوي وقاله توها توفت المغرب
ام عناد .. الله يرحمها اجل بكرة لازم نروح الدمام حق العزاء
امواج .. بهدؤء بس انا مراح اروح
ام عناد .. ليش لازم تعزين عماتك وخلات ابوك
امواج .. يمه عماتي بروح اعزيهم بعد مايرجعون من الدمام وخلات ابوي انا ماعرفهم

ام عناد ماحبت تضغط عليها .. اوكي الى يريحك
انتشر خبر وفاه الجدة نورة والكل حزن على وفاتها بعد وفاتها بيومين
بيت ابو صقر
صقر .. يمه الحين ببتاجل اكيد ملكتى
ام صقر .. والله مدري ياوليدي هي بيوم الملكه يكون مر على وفاتها 9 ايام بس الواجب ابوك يسال ابو عناد ويشوف شنو رايهم اذا تتاجل ولا
صقر .. يارببي شالحظ اللى على كل ماقلت بيتعدل يندمر زيادة
ام صقر .. استغفر ربك وشالحكي ذا وكل شى مقدر ومكتوب
صقر .. استغفر الله العظيم
شيماء .. طيب يمه ليه ماتكلمين عمتى وتشوفين شنو رايهم
ام صقر .. بكلمها ان شاء الله بكرة
شيماء .. حلو بعد عشان الحجوزات وكذا
صقر .. وليش مو الحين تكلمينها
ام صقر .. جنيت انت شايف الساعه كم
صقر .. 8 ونص عادي
ام صقر .. انت مو صاحي شنو عادي اكيد ابو عناد موجود الحين بالبيت
صقر .. واذا انا بكلم وبطلبها لك
ام صقر .. انا قلت كلمتى بكرة يعني بكرة وصكر عن الموضوع يالله
صقر بقهر .. عن اذنكم
ام صقر وشيوم .. اذنك معك



اليوم الثاني بيت ابو عناد
امواج .. يمه متى بنطلع للبيت جدي المغرب ولا العصر
امها .. العصر ان شاء الله
امواج .. اكيد انت بابا بتوصلنا
ابوها .. للاسف ياعيون بابا انا بعد نص ساعه بطلع للدوام
امواج .. هي شوي وتصيح .. يعني شنو بنمشى مشى
امها .. بلا دلع زايد مو من بعد البيت كلها خطوتين
امواج .. اي خطوتين لا مابي امشى افف متى تجيبون سايق وتريحون
ابوها .. كل اسبوع وبيوصل السايق
امواج .. الحمد لله
ام عناد .. الا يابو عناد شلون على الملكه بتم على نفس موعدها ولا بتتغير
ابو عناد .. مافى شى راح يتغير كل شى على نفس موعدها جدتى الله يرحمها كانت عايشه وهي ميته ويوم الملكه بيكون مر علي وفاتها 9 ايام خلاص
ام عناد .. بس خواتك مراح يسكتون على هالشى
ابو عناد .. سكتوت والا ماسكوت مايهموني بالطقاق
ام عناد .. اللى تشوف صح ومناسب سوه انا مالى شغل بشى
امواج .. بقهر .. ياسلام اجل انا بنت البطه السود مالك شغل بشى وقعدت تبجينا
امها .. ياحبيتي انا قصدت بين ابوك وعماتك ماقصدت مالى شغل فيك
امواج .. خلاص اصلا انا بطلت مابي اتزوج لا صقر ولا غيرة
وتركتهم وراحت غرفتها
ابو عناد .. جنت بنتك هذى
ام عناد تهديه .. حبي هدي يعني ماتعرف سوالف بنتك لازعلت تقول اي شى
ابو عناد .. الله يهديها يارب ويوفقها ويسعدها
ام عناد .. امين يارب
العصر بيت الجد
دخلت امواج وامها والجوري داخل بالحوش
امواج .. يمه من صدقك احنا جاين نعزي اسمعي صوت الاغاني لوين واصل
امها ..اكيد هذولا البزران مايفهمون
امواج .. اها
الجوري .. يالله انا بسبقكم داخل
امواج .. وين يالله كلنا داخلين مع بعض
الجوري .. طيب وفتحت الباب ودخلوا دخل الفلا
سمعوا صوت ضحك عماتهم واصل لاخر الممر
امواج .. رفعت حاجبها الايمن لامها باستفهام .. بعد هذا البزران مايفهمون
امها .. مالك شغل يمه فيهم انتى جايه تادين الواجب وبس
امواج .. ان شاء الله يمه
دخلوا داخل وسلمت على عماتها وعظمت لهم الاجر
العمه دلال .. شخبارك ياعروس
امواج .. بخجل .. بخير عمتي شخبارك انتى
العمه . دلال الحمد لله بخير
العمه اريج .. اقول امواج ملكتك اكيد بتتاجل
امواج .. لارد
العمه اريج بشر .. وشفيك ساكته ماتردين ولا كلامي مو عاجبك
امواج بهدوء .. لا عاجبني بس عندك شى اسالى البابا لا تسالني انا
العمه .. اريج مايحتاج اساله مليون بالميه بتتاجل
امواج .. خير ان شاء الله ولفت صوب امها .. ماما متى بنطلع للبيت مابقى شى وياذن المغرب على الاقل نوصل قبل لاياذن
امها .. ان شاء الله حبيتي الحين بنروح للبيت بس قومي نسلم على جدك
امواج .. اوكي ماما
اريج .. عشتوا بتتزوج وهي للحين تقول ماما خلاص كبرتي
امواج بدلع ماما وبايا كيفي انتى شاللى حر رزقج
اريج .. خوش تربيه يام عناد
امواج بقهر .. متربيه غصب عن الكل واللى مو عاجبه يطق راسه بالطوفه
وطلعت للصاله
امواج .. سينتي سينتي وجع
سينتي .. نعم مدام
امواج .. مدام بعينك جدي وينه
سينتي .. بابا هذا في يطلع
امواج .. زين ذلفي عن ويهي
امواج .. جوجو يالله قومي بنروح البيت
الجوري .. طيب
ام عناد .. يالله يمه
وهم يمشون بالشارع
امواج بهمس .. شفتي يمه عماتي اللى ماتبيني اغلط عليهم
امها .. بنفس الهمس.. عيب يمه ماهم صار هذولا عماتك
امواج .. بس يم قطع كلامها صراخ الجوري باسمها
الجوري .. امواااااااااااااااااااااااااااااج
امواج .. التفت عليها . خير وشفيك تصارخين كل اللى مرو ا عرفوني انامن
الجوري .. بعدم اهتمام .. شوفي صقر وتاشر عليها بايدها
امواج .. وجعه فضحتينا ..
صقر كان طالع من بيت جده رايح للمسجد
وسمع صراخ الجوري وهي تنادي باسم امواج والاخ من الربكه كانت بايده الغترة والعقال طاح العقال
الجوري ... ههههههههههههههههههههههههههههه طاح عقاله هذا وانت شايفها منقبه اجل لو شايفها كاشفه شنو بيصير فيك
صقر .. انحرج ومارد عليها
وامواج سحبت اختها ودخلت البيت هي وامها
داخل البيت
امواج .. وهى ترص على اسنانها والله ياجوجو لو عدتى حركتك مايصير طيب لك مرة ثانيه
الجوري .. عادي بعد 3 ايام ملكتكم وشفيها واي لو يدخل بالبيت بعد مايكتبون الكتاب والله لاهبل فيك وفيه
امواج .. ماما صحيح بيدخل
ام عناد .. مدري يابنتي يس ماتوقع يمكن يخليها بالحفله مرة وحدة
امواج .. بدت توتر .. ماما حتى لو طلب بليز ارفضى
ام عناد .. ليش
امواج .. لان فستاني حق يوم كتب الكتاب قصير فشله يشوفني
فيه
الجوري .. الحمد لله وشكر عادي ترا هو زوجك
امواج .. انت جب يالسوسه
ام عناد ... كلام الجوري صحيح
امواج .. خلاص بليز لتوترني ليما يوم كتب الكاتب يحله الف حلال
الكل انشغل بتجهيز للملكه وطبعا العمه اريج سوت حرب على ابو عناد ان المفروض ياجل الملكه وسكتها بكم كلمه
يوم كتب الكتاب
الصبح فى بيت ابو مشاري
سارة .. يو صدق قليله حيا الحين جدتها متوفيه ومافكرت تاجل ملكتها
نورة .. وانتى شعليك منها يعني انتى لو بمكانها بتاجلين وبعدين خلاص جدوة مر على وفاتها 9 ايام وبعدين هي جدة ابوها
والرسول .. قال لايجوز حداد المسلم علىاخيه المسلم اكثر من 3 ايام غير المراء على زوجها
سار ة .. حتى ولو وبعدين انتى المفروض تكرهينها لانها رفضت اخوك
نورة .. ياسلام اذا كل وحدة بترفض اخوي بكرها مراح احب احد
سارة .. المهم بتروحين الحفله
نورة .. ماعتقد انتى عارفه يوم حفلتها بتشرف الحلوة وصعبه اروح اول يوم
سارة .. طيب اليوم
نورة .. لا مراح اروح حتى اليوم محد عزمنا
سارة .. احسن مالت عليها الكريهه
بالليل وقت الحفله
امواج مستشورة شعرها ومنزله غرتها على صوبها اليمين وحاطها روج لحمي وومكثرة المسكرةبس ماحطت اي لمسه ثانسه من المكياج ولابسها فستان اسود ماسك على جسمها يوصل لحد الركبه ولبسه مع كيلون اسود وجوتي كعب عالى اسود كانت متعمدة لبسها يكون باللون الاسود لجل يعطيها هيبه ولابسها ساعه اسود وذهبي وطلعه عذاب
امواج .. الجوري حبيتي من فيه بغرفه الضيوف
الجوري .. شيوم وامها وخالتها وخلاتي وحريم عمامي نسرين والجود
امواج .. اها
الجوري .. امي تقولك خلاص طلعى للصاله عشان الكل بيبارك لك الحين وغمزة بعينها قبل لا يدخل صقر
امواج .. بتوتر طيب بس صقر مراح يدخل وهالكلام من عندك صح
الجوري .. اي يالله بس اخلصى
امواج نزلت من على الدرج وطلت بالصاله كانت فاضيه دخلت وقعدت وهي بالحيل متوترة وسمعت صوت الحريم وهم يدخلون عليها ويباركون لها
وبعد ساعه من الرقص والهيصه
خالتها كلثم كلووووووووووووووووووووووووووووووووش
امواج .. قلبها بد يرقع عرفت ان صقر دخل وهي متفقه مع اهلها مايشوفها الا الخميس بيوم الحفله وتلبيس الشبكه مرة وحدة

امها وخالتها ابتهال .. يالله يمه قومي المجلس صقر موجود هناك
امواج بخوف .. هااا مابي هونت
خالتها ابتهال بمزح .. العقد بعدة ماجف الحبر حقه نشقه شرايك يامواج
امواج ............................
انتهي
رودكم وتوقعت بليز لا تحطموني وماشوف رودود


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 05-03-2011, 10:43 PM
صورة شوق وحنين طول السنين الرمزية
شوق وحنين طول السنين شوق وحنين طول السنين غير متصل
©؛°¨غرامي فعال ¨°؛©
 
الافتراضي رد: يا شين طبع فيك .. يا زين الأطباع لولا الرجاء ما كان خليته يفوت / بقلمي


كللللللللللللللللللللللللللللوش ..

متحمسه وش يصير بين امواج وصقر ..؟

يا شين طبع فيك .. يا زين الأطباع لولا الرجاء ما كان خليته يفوت / بقلمي

الوسوم
ماكان , لولا , الأطباع , الرجال , دميته , يفوت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية غصب أضحك غصب أفرح و لكن الجروح كثار .. أحاول أبتسم أمرح و صوت الحزن يرثيني / بقلمي خاطري فيك ..! أرشيف الروايات المغلقة - لعدم إكتمالها 27 12-01-2012 12:06 PM
قصه نسيان الرجال بيت الساحره همـــــــــــ س الهواء ارشيف غرام 3 09-02-2011 03:16 AM
عشرون دليلاً على حرمة اختلاط الرجال بالنساء الدرة المكنونه مواضيع إسلامية - فقه - عقيدة 22 19-06-2010 05:36 PM
إنتفض قلبي بغزال منصوري ( يصعب فتح الموضوع ) حبيبة دمعه مخنوووقه ارشيف غرام 16 08-05-2009 03:25 AM

الساعة الآن +3: 02:34 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1