غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-02-2011, 02:19 PM
صورة أجمل الأحاسيس الرمزية
أجمل الأحاسيس أجمل الأحاسيس غير متصل
©؛°¨غرامي مشارك¨°؛©
 
رواية صدق المشاعر / بقلمي , كامله






بسم الله الرحمن الرحيم
اللهم صل على محمد وآل محمد

رواية بقلمي ( nony)

رواية كثير فيها من الواقع
الذي حدث
لا تخلو من الخيال الذي لم يحدث حقيقة
ولكنه يحدث لغير هذه الشخصيات

كما أقدم كل الشكر للشخصيات اللتي عاونتني في كتابة الروايه في اول الأجزاء
~*~*~*~
*عائلة أبو ناصر*

أبو ناصر: الأب متقاعد من عمله ,شخصيته جداً قويه ويحب أبنائه.
أم ناصر : ربة منزل ضعيفة الشخصية أمام أبنها ناصر وعلى طول ما تبغى مشاكل.
ناصر: الابن الأكبر عمره 25 سنه متسلّط جداً وبشكل غير طبيعي بأهله وأخته متزوج بابنة عمه.
باسمة (زوجة ناصر): الزوجة التي تحب تسيير زوجها بما تهوى يعني(ساحبه زوجها وراها بحبل(.
وعد: الأخت الكبرى متزوجة من ثلاث شهور من واحد ما يقرب لهم عمرها 21سنه.
عبد الله (زوج وعد):عمره 27سنه يحبها بجنون ويتمنى لو يهديها روحه.
قمر:عمرها 17سنه تدرس بثاني ثانوي بنت حبوبه ومرحه والكل يحبها.
~*~*~*~*~*~*~


*صديقات قمر*
حور_ آيه_ ليال_ أماني _ سهى
------
*عائلة أبو علي*
بوعلي: الأب مدرّس حنون على الطلاب ويحب الكل .
أم علي: الأم الحنون اللي تحب أبنائها وتعامل بناتها كأنهم صديقات لها.
حور: البنت الكبرى عمرها 19سنه من أقرب الصديقات لقمر ,دايم ترسب ما تحب المذاكرة ماهي غبية إلا هي داهية وأخذت جائزة نوبل في هلأمور والتخطيط طبعاً مع بقية الشلّة, في سنه ثاني ثانوي>>>ما أدري متى بتنتهي من الثانويه.
علي: الأخ الأكبر عمره 17سنه يدرس في ثاني ثانوي ,شاطر ومتفوق في دراسته .
سوسن: بنت نعومه وحبوبه بس ما تحب الإختلاط بالناس كثير عمرها 15سنه مهتمة بدراستها وبصديقتها زهور وبس.
أحمد: الأخ الأصغر عمره 12سنه في سنه أول متوسط , يحب المرح بشكل كبير , ويهتم بدراسته بس اشوي مشاغب.
فجر: الأخت الصغرى عمرها 6سنوات لكنها أعوذ بالله شاقه الأرض وطالعه ,شر ,شيطانه,حوسه,علّه,ولسانها طويييييييييل,وترادد بعد, الله يكفينا شرها أنا عن نفسي شفت منها الويل(حقيقة ترى) هع هع هع .
~*~*~*~*~*~*~*~
آيه: صديقتهم ومن ظمن شلّة الدواهي جميله جداً من أم هنديه وأب سعودي عندها اللغتين الهندية والعربية بس ما في أحد من البنات يدري أنها من أم هنديه غير الشلّة , تحب واحد يقرب لها من الهند وهو يحبها وكل سنه في أيام العطلة يسافرون الهند لأهلهم, عمرها17سنه وتدرس في سنه ثاني ثانوي.
~*~*~*~*~*~*~
ليــــــال: بنوته حليوه مملوحة أهدئ من صديقاتها في الجنون والإستهبال بس أحياناً تجيها نزوات, متعلقه أكثر شيء بحور وقمر,عمرها 17سنه وفي ثاني ثانوي.
محمد(أخو ليال :(رجل طويل ونحيف عريض الأكتاف شديد البياض جميل الملامح واسع العينين وطويل الأنف شعره ناعم وأسود ما شاء الله عيني عليه باردة يهبّل, عمره 23سنه يشتغل في أحد الشركات الكبيرة وحالته المادية زينه.
~*~*~*~*~*~*~*~
أماني: صديقتهم وحبوبه وحلوه ومرررررره مرحه بشكل كبير ,البنت الوحيدة لأمها وأبوها ,عمرها 17 سنه في ثاني ثانوي تو مخطوبه بس محتاره توافق ولالأ.
اللي متقدم لها(مرتضى :( شاب وسيم وحبها من كثر ما يسمع عن أهلها من طيب وكرم وأخلاق عمره 25 سنه خريّج لكلية الهندسة وموظف وما عليه قصور.
ياسر:الأخ الأكبر وهو المسؤل عن أخوانه بعد وفاة أبوه وأمه في حادث سيارة وعاهد نفسه أنه يبقى ويعيش لأخوانه حتى يطمئن عليهم ويشوفهم يعتمد عليهم , عمره 29سنه وماسك شركة أبوه من بعد وفاته من كان عمره 20سنه .
فيصل: الأخ الثاني شخصيته جميله ,جدّي في كلامه وكل ما يقوله عين الصواب يعني(عقليته حلوه) محترم وما يحب الخرابيط ولا السوالف البطاليه , عمره 25سنه يدرس طب وناوي يتخصص بالجراحة ويحب يدلل أماني ويدلعها .
مساعد: آخر العنقود عمره 12سنه وفي أولى متوسط ولد نعوم ويحب المرح , حساس بزيادة ويتأثر باللي حوله في تصرفاته , لكنه مهتم بدراسته وحابها .
~*~*~*~*~*~*~
*عائلة أبو خالد*
أبو خالد: أب متحجِّر ومتجبِّر متسلط على أبنائه بشكل كبير لكنه يحبهم.
أم خالد: أم موظفه في إدارة مركز التمريض تحب أبنائها بشكل كبير لكنها لا تهتم بهم ولا بمشاكلهم(غير مبالية).
خالد: الابن الأكبر عمره 24سنه متخرّج من الثانوية ودخل بجامعة الملك سعود وما عاد رجع لأهله بسبب ضغوطات أبوه عليه.
سهى:بنت هادئة طفوليه بشكل كبير في شكلها وتصرفاتها, مسالمة تدرس بنفس الثانويه في سنه ثاني ثانوي عمرها 22سنه متزوجة من شخص يحبها جداً.
عبد الرحمن:الأخ الأصغر ثقيل دم على خفيف بس طيب وعمره 17سنه ويدرس في ثاني ثانوي وصديق لعلي ومعه في نفس الصف.
زوج سهى(ماجد( :عمره 32سنه يحب سهى حب كبييييييير وتعب على ما وافقت بالزواج منه لكن لا يعتمد عليه ,لا يملك وظيفة ثابتة لأنه ما كمل دراسته وأي كلمه ممكن تهزه يعني(مو خوش رجال( .
أخت ماجد(ميساء ): كانت من قبل زواج سهى صديقه لها وهي اللي خطبت أخوها لصديقتها بس بعد الزواج قلبت عليها وكرهتها وتسوي لها المكائد والمشاكل.
~*~*~*~*~*~


*عائلة أبو زهور*
أبو زهور:الأب الذي يحب الجميع ويسعى لإسعادهم .
أم زهور: الأم الحنون ربة أخوها بعد وفاة أمها وأبوها وصار معها ساكن بنفس البيت .
زهور:البنت الوحيدة لأمها دلوعة مره عمرها 15سنه وصديقة سوسن وتحبها بجنون.
بدر:الخال اللي عاش مع أخته ويعتبرها بمنزلة أمه عمره 23سنه انتهى من دراسته ويشتغل.


~*الجزء الأول *~

في صباح يوم الأثنين
*في بيت أبو ناصر*
)في غرفة الطعام)

أم ناصر(جلست عند طاولة الفطور):صباح الخير ياوجه الخير يابو ناصر.
بو ناصر: صباح النور.
باسمه دخلت مع زوجها غرفة الطعام
باسمة (حبت راس عمها وخالتها ):صباح الخير.
بو ناصر: صباح الخير بنتي.
ناصر : (ناصر دخل الغرفه لم يسلم على احد ) اوووف اليوم الجو حااار
أم ناصر: عاد سلم وأنا أمك....أقول بنتي باسمة روحي صحي قمر للمدرسة أخاف تتأخر.
باسمة(من غير نفس ) :إنشاء الله خالتي.
~*~*~*~*~*~
(في غرفة قمر)
باسمه(فتحت الباب وبقوه) :قمر
أنتي قومي اصحي من نومك علشان المدرسة (من غير نفس تكلمها(.

قمر : (وهي تطالع الساعة( أووه تأخرت عن المدرسة الحين بقوم )قمر عالسريع أخذت شور وسرحت شعرها ونزلت ركض عالدرج) صباح الخير لأحلى أم بالدنيا
أم ناصر:صباح النور بنتي تعالي بس افطري لا تتأخري على المدرسة.
بو ناصر:وأنا يبه مالي صباح الخير ولا كيف؟؟؟(يمزح معها)
قمر : فديتك يا يبه والله لايحرمنا منك.
ناصر : قمر يلا ما في فطور اليوم ,,!! جلستي متأخر والباص راح يـجي قريب ...

قمر: أيه يا خوي صدقت اليوم تأخرت بالنومة وما في وقت أجلس معكم.
أبو ناصر:يبه قمر أخذي معك الشاندويش واكليه معك ..والله يوفقك يارب.

قمر: إنشاء الله باخذ السندويش معي وباكله بالباص
يلا عن أذنكم .




(قامت قمر و طلعت من البيت للمدرسة)

*في بيت أبو علي*
(في غرفة أبو علي بالتحديد)
(طبعاً أبو علي اهو أول واحد يجلس من النوم لأنه لازم يصير قدوه لعياله(
أبو علي: أم علي..أم علي..جلسي حبيبتي .
أم علي(صحت من النوم :( صباح الخير بو علي.
أبو علي: صباح النور...قومي حبيبتي جلسي البنات علشان لا يتأخرون على المدرسة وأنا الآن بروح أصحي علي وأحمد عسى يقوم علي.
(وقام من السرير وطلع من الغرفة).
~*~*~*~*~*~
(في غرفة الأولاد(
أبو علي(دخل الغرفة وراح لأحمد يصحيه ) :أحمد يبا قوم المدرسة.
أحمد:أنشاء الله يبه.(وقام بسرعة)
أبو علي(راح لعلي يصحيه ) :علي.. علي..يبا قوم.....علي (ويهزه بقوه).
علي:أن شاء الله
~*~*~*~*~*~
(في غرفة البنات)
أم علي(دخلت الغرفة وراحت لحور) :حور..حور يمه قومي المدرسة.
حور:اوووووووووووف يايمه مورايحه اليوم المدرسة
أم على:أقول قومي أحسن لك.. وأنا اللي معتمده عليك تصحين أختك بسرعة قومي.
حور(جلست من النوم وقالت): إنشاء الله يمه هذا قمت.
وجلست وراحت لأختها سوسن.
حور:سوسن....سوسن..سويسن قومي.
سوسن:حور خليني أنام اشوي .

حور:ما في نوم يا سويسن يلا بسرررعه لاتتأخرين اكثر من كذا يلا بسررعه للحين اجيب لك سطل ماي بارد واكبه عليك) عشان تقوم سوسن قامت تهدد فيها.(
سوسن : أووووووف منك ياحوير خلااااص بقوم روحي نزلي انتي اشوي وبقوم .

حور:لالا تقومين الحين معروفه انتي تستنيني انزل وبعدين ترجعين مره ثانيه وتنامين ما في ما انزل الا لمن تقومين يلا مانبي اليوم تأخير.
سوسن : حوير وجــــــع روحي طسي عن وجهي وبقوم
أوووووووووف منك يالحنه (وجلست)

حور :اي الحين عدل انا لما اقولك قومي يعني تقومين) متسلطه خخخ) ويلا بسرعة لا خلصتي نزلي تحت.
سوسن : الود ودي ياحور اقوم واسطرك .
وعناد فيك برجع انام .
حور(طلعت من الغرفه وجابت معها كاسة مويه): ما قمتي هاااااا( وعليها كاسة المويه كلها) .
سوسن: يمه بسم الله وش ذا وش صاير
حوير وجع يوجع ابليسك حسابك معاي صبري علي

(طلعت حور من الغرفه ولما ارجعت شافتها نايمه
راحت لها وأصناف التعذيب لما قامت
وبعدها حور راحت تغيّر ملابسها
وترتب شعرها للمدرسة).
~*~*~*~*~
)في غرفة الطعام)

أم علي:حور وين أختك سوسن ماجات تفطر.
حور:أنا تعبت وأنا أصحي فيها ما هي راضيه تقوم.
أبو علي: أحمد يبا روح شوف أختك ونادها.
أحمد:إنشاء الله يبه ...سوسن(بصوت عالي)
أم علي: لا بالله قعدو الجيران من النوم وأختك ماجات.
أبو علي:يلا مشينا.

وطلع أبو علي وعلي وحور وأحمد للسيارة
~*~*~*~*~*~


*في السيارة*
بوعلي: ماجات أختكم.
حور:الآن بتجي ماراح تتأخر.
مرت دقيقه وثنتين وثلاث وعشر وماجات سوسن.
أحمد:تراها أخرتنا ذي.
علي:إيه والله تأخرنا.
بوعلي: يبا حور نزلي شوفي أختك واستعجليها.
حور:طيب ( ونزلت من السيارة للبيت).

(بعد خمس دقايق)

بوعلي:وينها ذي راحت لأختها ولاجات..خل أروح أنزل أشوف ويش فيهم أحسن لي.
علي: وأنا بنزل معك.
أحمد: أجل أنا ويش يخليني لحالي أنزل معكم أحسن لي.
(ونزلو كلهم من السيارة للبيت(
~*~*~*~*~
*داخل البيت*
أم علي: بوعلي ماني شايفه بنتك دورت عليها أنا وحور ومو شايفينها.
بوعلي: اشلون يعني مو شايفينها أهي ماطلعت من البيت
دورتو عليها عدل.
أم علي:ما لقيناها بكل مكان.
علي: طيب رحتو غرفتها.
حور: مو موجوده بالغرفه.
أحمد: يمكن بدورة المياه روحو شوفو.
حور: ما هي هناك..تعبت وأنا أدورها مولاقيتها.
بوعلي: أنتو متأكدين أنها جلست من النوم.
حور: إيوه أنا مقومتها غصب.
بوعلي: يمكن رجعت تنام مره ثانيه.
علي: صحيح يمكن موجودة .
حور: أهي جلست من النوم سجادة الصلاه موجوده بالأرض ما شالتها يعني أهي جلست وصلت.
بوعلي: يا ربييييييييي يعني وينها..أنا بروح أدورها وإنشاء الله أشوفها.

بعد دقايق

أحمد(يضحك ):ههههههههههههه.
أم علي: ليه تضحك أحنا خايفين على أختك ومو شايفينا وأنت تضحك.
أحمد:هههههههههههه(مازال يضحك ).
حور: وجعه تكلم ويش فيك.
أحمد: لقيتها.
في نفس اللحظه جات لهم سوسن وهي معفوسه وتو جالسه من النوم.
أم علي: وينك ماشفناك وين مختفيه.
سوسن: كنت نايمه.
حور: وين نايمه أنا رحت الغرفه وماشفتك.
أحمد: شفتها تحت المكتب نايمه( ومازال يضحك) ههههههههههه.
علي: شتسوين تحت المكتب ما عندك سرير.
دخل عندهم بوعلي وشاف بنته: يبا بنتي وينك.
سوسن: أنا ....
قاطعها أحمد: نايمه تحت المكتب.
بوعلي( مستغرب :( تحت المكتب!!!!
سوسن: صليت وأول ما انتهيت الصلاه سجدت وما حسيت بنفسي ونمت وطحت على جنب وعلى طووووووووول تحت المكتب لأني كنت أصلي جنبه.
حور:هههههههههههههههاااااا ..والله نكته أنتي.
أم علي: حسبي الله على ابليسك خوفتيني عليك.
بوعلي: ههههههههههه ..طيب روحي غيري ملابسك تأخرنا على المدرسة بسرعة.
سوسن: إنشاء الله يبا.
لبست ملابس المدرسة ورتبت شعرها وأخذت دروسها وعلى المدرسة .

*في بيت أبو خالد*
(في غرفة سهى )
سهى(صحت من النوم):ماجد..حبيبي ماجد قوم .
ماجد:خليني أنام اشوي ما نمت زين.
سهى :وراي مدرسة وأنت عندك دوام قوم.
ماجد(جلس):هذا قمت.

راحت غرفة الملابس المنعزلة عن غرفة النوم وغيرت ملابسها وأخذت دروسها
سهى:أنا نزلت تحت أفطر مع أهلي.
ماجد: هذا أنا بس بغيّر ملابسي وأجي معك.
(وطلعت سهى من الغرفة , وبعدها طلع ماجد).
)في غرفة الطعام)
(سهى سلمت على أبوها وحبت راسه وزوجها نفس الشيء(
سهى:صباح الخير يالغالي.
بو خالد:صباح النور حبيبتي.
ماجد:صباح الخير عمي.
بوخالد :صباح النور.
سهى :وين أمي ما أشوفها.
(في نفس اللحظه جات أم خالد).
أم خالد: أنا تأخرت على الدوام ما راح أفطر السايق ينتظرني برا
مع السلامة (وطلعت من البيت ).
بوخالد:شفتي هذا أمك ما هي مهتمه بشيء أبد.
سهى: ما عيك يا ابوي يمكن مشغوله.
بو خالد: أي مشغوله الله يهداك.
نزل (دحيّم)عبد الرحمن :صباح الخير (وحب راس أبوه) أخبارك ماجد ..أخبارك سهى.
ماجد وسهى : الحمد لله.
ماجد:سهّوي حبيبتي يلا علشان ما تتأخري أكثر.
سهى : يلا مشينا.
بوخالد: وين مشيت أنت وياها..ماحد راح يوصلها غيري سامع(وينظر له نظرات أحتقار وكره وغيره) أنا رحت أشغّل السياره تعالي بسرعة (وطلع من البيت).
سهى: إنشاء الله يبا.
ماجد:أووف.. ويش ذي العيشه.
سهى: لا تزعل ماجد يلا بروح باي (وطلعت ورا أبوها).
عبد الرحمن: ماجد أمسحها بوجهي.. أصلاً المفروض أنك تعوّدت على أبوي.
ماجد: بس مهما كان هذي زوجتي.
عبد الرحمن : الله يعينك..أنا رايح المدرسة تامر على شيء.
ماجد: سلامتك.
عبد الرحمن: بااااااايو.

*في مدرسة...الثانوية للبنين*
عبد الرحمن:هاااااااااااي علي..أخبارك
علي:هلا والله ..طيب,أنت كيفك.
عبد الرحمن:كالعادة متضايق من تصرفات أبوي...أنت عسى ما شر الضحكة من شفتك وهي مافارقتك.
علي:هههههههههه ..موقف يموت ضحك لو كنت معي كان الله يرحمك.
عبد الرحمن:أقول خل مواقفك هاذي بعدين تأخرنا على الفصل يلا مشينا.
علي ok : مشينا , إلا ما قلت ليمن علينا أول حصة.
عبد الرحمن: فيزياء.
علي(ضرب بإيده على جبهته):أووووووووووف ما حليت الواجب.

(وراحو للفصل)

(دخل علي وعبد الرحمن الفصل ودخل بعدهم الإستاذ)
الإستاذ:السلام عليكم
الطلاب: وعليكم السلام.
الإستاذ :كل واحد يحط الدفتر قدامه علشان أشوف الواجب.
علي(وقف وقال للأستاذ( : استاذ ما حليت الواجب عندي ضروف ولا قدرت احلة بكرة اجيب لك الواجب كامل

الأستاذ: انا ابي الواجب اليوم موبكرة وش الفايدة بكرة؟!!

علي: عندي ضروف مقدرت اوعدك بكرة

الأستاذ : وش هذي الضروف الي تخليك ماتحل الواجب؟

علي: امممممم
عبد الرحمن: اي يستاذ عندة ضروف وانا كنت معاه

الأستاذ : آخر مرة مرة ثانية بنقصك درجات وبكرة عطني الواجب محلول. وأنت يا عبد الرحمن حليت الواجب

علي : ان شاء الله استاذ.

عبد الرحمن:اي يستاذ..(يكلم علي بصوت منخفض( : والله وتعرف ترقع يا علي مالت عليك بس.
علي:أنا عمري ما كذبت أسكت بس أسكت لا يشوفنا نتكلم والله يطردنا من الحصة.


(في مدرسة .....الثانويه للبنات(


وفي الصف الثاني أدبي بالتحديد


شلّة الدواهي كانت عندهم استاذه دين والبنات يصفطونها على جنب ولا كأنها موجودة.

الأستاذة تشرح الدرس والبنات مو ماعطينها إهتمام.
قمر:يوووه نسيت الساندوش تبع الفطور ما أكلته بالباص يا لله مو مشكله ما عندي شي
) عا لمكشوف طلعتها تاكلها(

الأستاذة:أحنا وين جالسين يا قمر هذا مو وقت أكل.
قمر:أوووه أستاذتنا العزيزة هنا ما أنتبهت عليك ) بملامح دهشة)
) الربع هنا جلسو يضحكون من بياختهم المعتادة(
الأستاذة:خلاص قمر انتبهي للدرس(ورجعت تشرح الدرس للبنات ومحّد مهتم فيها)



ويش تتوقعون يصير في الفصل وويش يسوون البنات
انتظروا الأحداث في البارت القادم
لكن بعد ردودكم

^_^

نوني



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 12-02-2011, 02:44 PM
صورة ضمني بين الاهداب الرمزية
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: رواية صدق المشاعر بقلمي (nony)


السلام عليكمـ..,
.
.
القوانين
https://forums.graaam.com/238622.html
.
.
آشدد على البند السادس..لـ آهميته..,
.
.
موفقه..,
.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 12-02-2011, 03:03 PM
صورة أجمل الأحاسيس الرمزية
أجمل الأحاسيس أجمل الأحاسيس غير متصل
©؛°¨غرامي مشارك¨°؛©
 
الافتراضي رد: رواية صدق المشاعر بقلمي (nony)


ضمني بين الأهداب

منوره حبيبت قلبي على تواجدك

^_^

اتمنى اشوف ردود أكثر علشان أتشجع واكمل الروايه


نوني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-02-2011, 10:06 PM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: رواية صدق المشاعر/ بقلمي


بسم الله الرحمن الرحيم



بالتوفيق في طرحك

أطلعي على
هذآ الموضوع بيفيدك

محتوى الروايات ! / دعوة لـ النقاش ؛




موفقه بإذن الله





~




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 12-02-2011, 10:42 PM
صورة أجمل الأحاسيس الرمزية
أجمل الأحاسيس أجمل الأحاسيس غير متصل
©؛°¨غرامي مشارك¨°؛©
 
الافتراضي رد: رواية صدق المشاعر/ بقلمي


دخلت واطلعت عليه واستفدت

وإن شاء الله راح تشوفون استفادتي منه في روايتي الثانيه

لكني هذه الروايه كاتبتها وانتهيت من الكتابه
وأتمنى اعرضها

لكن ابغى اشوف تفاعل

وين تفاعلكم أعضاء؟؟؟؟؟؟؟؟


نوني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 14-02-2011, 12:35 AM
صورة أجمل الأحاسيس الرمزية
أجمل الأحاسيس أجمل الأحاسيس غير متصل
©؛°¨غرامي مشارك¨°؛©
 
الافتراضي رد: رواية صدق المشاعر/ بقلمي


~*الفصل الثاني*~

حور(جالسه جلسه مايله وتطق طق بالعلك (طق طق).

الإستاذة:حور عدلي جلستك وانتبهي للدرس

حور (ما تعطي الأستاذة أي إهتمام):ليـــال شوفي ملابس الأبله(وتأشر عليها وتتطنّز على الأستاذة).

ليــال:ويييييييييييييه بتنفجر التنوّرة ,,يــا ليتني جايبه أبره وخيط احتياط.

(والشلّه كلهم ضحك موطبيعي .(

آيه (فاتحه الكتاب في الدرج ومسويه روحها محضّره الدرس والإجتهاد مقطعها تقطيع وجالسه تشارك مع *فاهمات *الشلّه أطلقت هذا اللقب على معلّمة الدين لأنها كلمه والثانية قالت لهم فاهمات , لأن في حصتها الكل نايم و(فاهمات)مستانسة على آيه لانها صايرة شعله بالفصل).

الإستاذة: والله ماحد مهتم بالعلم والدين غيرك يا آيه.

بقية الشلّة (ميتين ضحك على إطراء المعلمة على آيه لأنهم عارفي أسلوب آيه بالمشاركة):ههههههه.

أمـــاني (رايحه بسابع نومه من انخطبت وهي على طول تفكير وما في نوم .(

الأستاذة (شافت أماني وقرّبت منها ومعها مسطره خشب وضربت فيها على الطاولة بكل قوتها وهي معصبه): أماني
أمــاني(بروعه وبكل خوف فزّت):خلاص موافقة موافقة

(وقامت تصيح).

قمر: هي أمــاني وينك أنتي أحنا بالفصل.

حور: قمرووووه ويش فيك احنا نتمسخر بس بالأبلات والبنات صديقاتنا مالهم شغل.

قمر: أووووه نسيت ..بس شوفي شمسويه أمــاني والله حدها وناسه.

البنات استغربوا من أماني.

سهى:بنات والله ماني قادره اتحمّل هههههه(ومستمرة بالضحك).

آيه: أسكتي والله تطردك شكلها الشر بدأ عندها هالبطة فاهمات.

سهى: ما أظن تسويها خبله أهي.

الأستاذة(انتبهت لهم وعصّبت):آيه.

آيه : نعم أستاذة.

الإستاذة:تعالي اجلسي عندي قدام السبورة .

آيه(في داخلها..وافضيحتاه كيف الآن بفتح الكتاب وبغش؟؟(.

الإستاذة(كمّلت الشرح ولاحظت على آيه قل نشاطها من تغيّر مكانها): آيه ويش فيك ما تشاركي كثير ما شاء الله عليك من اشوي كنتي شعلة نشاط.

آيه(في داخلها والله ومصيبه وطاحت علينا..شسوي أفاااا أنا أحتار وأنا أم الحيل كلها): لا ياأبله بس أنا كنت مفكره أنك راح تعطينا نص الدرس فما حضّرته كلّه.

(شلّة آيه تعالت ضحكاتهم على الموقف)

الإستاذة (لاحظت أن الشلّة كلّهم يضحكون فعصّبت): فصل 2/2 بنات مشاغبات وما عندكم احترام للحصة وماني مكمّله الدرس (وطلعت من الفصل).

آيه (ما صدّقت خبر بسرعة رجعت لمكانها ورى آخر شيء للشلّة )اشتقت لكم كأني مفارقتكم سنه وبمناسبة عودتي لكم يا شلّتي الغالية سالمه غانمة في تطفيش الأبله راح ألقي عليكم شيء من قصيدي الطيب.

سهى: هيّه (مبسوطه مره)

حور: يلا يلا بسرعة تراني اليوم مره بمسوطة

قمر: آيوه الحلوه.

آيه(بدأتتلقي القصيد)
ودي أضمك بصدري وألمك بين يديني وأحتويك
وأهمس بسمعك حبيبي اشتقت لك
عيدي وجودك بالحضن وايدي بإيديك
وعيدك وجودي جانبك بيوم ماألقاك
فرّحت قلبي بشوفتك في يوم ضيقه
وصارة سعادة بدنيتي الناس المحوها
يالبى قلبي لاسمعت الطيب حاكاني
ويالبى سمعي وناظري وروحي تفداك
بسّك تمهل خافقي ليك محتاج
وبسّك تغلي يالغلا ويس بقى لي
وسلامتكم
حور: صح لسانك.
آيه : صح بدنك.
قمر: يالحلوووووووووه شكلك وقعتي بجد وما حد سمى عليك.
آيه (تضحك ) : هههههههههه.

(وقامت وحده من ملاقيف الفصل مسويه روحها بتموت إذا ما سمعت الشرح تترجى الإستاذة علشان ترجع وتكمّل الشرح لكن بائت كل محاولاتها بالفشل)

لأن الحصّة انتهت وجا وقت الفسحة.

أمـــاني: وأخيراً انتهينا من ثلاث حصص.

قمر: أنتي ما أدري ويش حسيتي فيه طول الوقت نايمه.

حور:يووووووووووه علينا نفس الأبله الحصّة الرابعة يوووه أنا ما أبي .

آيه: أجل احنا اللي نبي.

ليــال :أسكتي أنتي بس أنتي أكثر وحده تشارك عندها صحيح بالغش بس مسماها مشاركه .
أمــاني: يعني وبالمختصر أنتي أكثر وحده تطيقي حصتها مو مثلنا اللي ما نتحمّل ثقالة دم (فاهمات).

حور:بنات يا أعضاء شلّتي العزيزة ..ويش رايكم نهرب من الحصّة ونخليها ما تشرح الدرس.

سهى: ما شاء الله وهي بتجلس على حسابكم بتشرحه ولا عليها منكم.

آيه: في لعنه خليها تشرحه أهم شيء أحنا ما نحضر.

ليــال:لا بنات أخاف تعاقبنا أنا بحضر الحصّة.

آيه: يعني بتنزلنا للإدارة وبيكتبونا تعّهد عادي تعوّدنا هذا, أقصى حد عندها واحنا الملف تعب من تعهداتنا .

الشلّه:هااا بتجين معنا ولا بنحذفك من قائمه شلّة الدواهي.

ليـــال: يمّه منكم انتو <خلاص معاكم على الشر والعدوان أما الخير ما أظن فيكم خير.

حور: أفاااااااا.

قمر: لا هاذي اللي بتوطى في بطنها اليوم.

ليال: خلاص آسفين معاكم على الخير والشر عجبكم كذا.

سهى:إيييه ظبطي حالك.

(وراحوا الشلّة يتفسحون)


(في مدرسة.... المتوسطة للبنات)


زهور ما صدقت أن ثلاث حصص انتهت وجا وقت الفسحة.

زهور:سوسن ..سوسن حبيبتي اجلسي من النوم.

سوسن: زهور حبيبتي بس اشوي أبغى أنام

يكفي حوير الخبلة ما خلتني أنام.

زهور: ما قلت لك ويش صار البارح مع خالي.. جلسنا سوالف ومزح.

سوسن (قامت مسرعه راح النوم): وش صاير وش مسويه أنتي وخالك .
زهور : الله يسلمك اللي صار(وجلست تسولف لها عن خالها بدر وسوسن سرحانة) سوسن ..سوسن..وين رحتي ..شكلك مو معاي بالمره ..اللي ماخذ عقلك يتهنى به هههههههه.

~*~*~*~*~

(نرجع للشلّة مره ثانية)

انتهت الفسحة والبنات كلّهم راحوا لفصولهم والشلّة على إيد وحده في الهروب

سهى: أنا بروح أتفقّد لكم الوضع(وطلعت تكتشف الوضع بالساحة كان في أحد ولا, علشان الهروب..وسوّت تصفيره للعصابة للهجوم وطلعوا وحده وحده علشان ما ينكشفون وراحت لحالها بعيد اشوي علشان تراقب الوضع للشلّة)

(ونطّت عليها أبلة الدين جعلها العمى خافت سهى)

الأستاذة:على وين يا سهى.

سهى:ها..ها ويش إييييييه أبوي جاي بياخذني لأني أحس بتعب وبروح أجيب البطاقه من الفرّاش.

الأستاذة: خلاص روحي.
(ورجعت سهى للشلة)
قمر: الحمد لله على السلامة.
حور: طلعتي من الشر.
ليــال: لا بالله خوش شر الله يستر بس.
آيه: أقول يــا خوافة أنتي أسكتي لا تفاولين علينا بس.
أمــاني:بس بنات ما نبغى هواش خلونا نـتونّس اشوي؟
(وكل ماشافوا أبله تمشي انحاشوا ما تشفون إلا غبارهم
وقاموا يطلعون أسامي مسخره على معلماتهم وقامو يتمسخرون على الابلات وحور الفت لهم أغنيه موال)

حور: اي ايييييييي اي يا أبلة الدين ليش كل ذي هالدروس
والشله تردد معاها :ايييييييييييييييييييي

حور:ما تدرين ان مخنا مقفل

الشله:ايييييييييييييييي

حور: اي ايييي ويا أبلة العربي وشرايك يوم تغيبين.

الشله : اي والله ليش ما تغيبين اييييييييييي آآآآآآآه

حور : اووووووووه يا مال ايييييييييييي اااااااه

ويا أبلة الاجتماعيات وش علينا في الحروب اللي صارت

الشله : اييييييييي آآآآآآآآآآآآآآآآاه اي يا مال اييييييي يا مال اييييييييييي
حور:وليش الخرايط يا أبله وليش هالحدود والدول وش نستفيد.
الشله :ايييييييييي اااااااااااااااه اييييييييييي
الشله وحور : اووووووووووه يا مال اووووووووووه يا مال ايييييييييييي

الشله :صح لسانك يا حور .
حور: صح بدنكم حبيباتي.
~*~*~*~*~

(في غرفة زهور)
غيّرت ملابسها وأخذت جوالها واتصلت على صديقة عمرها سوسن.
زهور: ألوووووووو...كيفك.
سوسن: هلا والله بزهور حياتي ... بخير وأنتي أخبارك ؟
)جلسوا يسولفون ويضحكون ودخل عليها بدر وهي ما تدري و من وراها جا لها وروعها ..زهور انتقزت)
زهور(صرخت):واااااااااه (والتفتت وراها شافت خالها بدر).
بدر: (يضحك):هههههههه.
زهور: حسبي الله على ابليسك طيّرت قلبي.
بدر(مازال يضحك):هههههههه كيفي بنت أختي وكيفي.
زهور(رجعت تكلم سوسن):ألووو..سوسن حبيبتي أكلمك بعدين خالي عندي..باي.
(وسكرت الجوال)
بدر: من هاذي اللي كنتي تكلميها.
زهور: ما سمعتني أقول لها سوسن.
بدر: صديقتك هاذي اللي...
زهور(قاطعته):إيوه أهي اللي أنا على طووول معها.
بدر:آآهااا.
زهور: خالي ..خالي..بدر..خالي بدر....بدير..بدروه رد عليّ..لا تصير ماصخ (وضربته بقوه على ظهره ).
بر(صرخ ):آآآآآآه وَجْعَه.
زهور: الي توجع ابليس , وينك تعبت وأنا أناديك وأنت في عالم ثاني.
بدر:أنــــــا ..هاااا...شنو...كيف..
زهور:ويش فيك ولا كلمه ضابطة مع الثانية.
بدر: هاااااااا..أنتي ويش مقعدك لألحين طلعي برا.
زهور: هي أنت..تراك جالس بغرفتي فتّح عدل.
بدر:هااا آسف ما انتبهت ..بااااااي (وطلع من الغرفة)
زهور: لااااا خالي رايح فيها ,يا رب لك الحمد.

~*~*~*~
(في بيت أبو علي..وبالتحديد غرفة البنات)
(سوسن سكرت من الجوال وهي ميتة ضحك دخلت عندها حور(
حور : وش فيك ضحكك واصل لآخر الدنيا .
سوسن (تضحك): ههههههههههه ...... زهور خالها خرعهااا وأنا اكلمها واهي خافت(ومستمرة في الضحك) ههههههههههههههه .
حور: أنتي مع صديقتك الحمد لله رب العالمين مجانين
سوسن: ما عليك منا.
(دخلت عندهم أمهم)
أم علي:يلا بنات قوموا غدا.
سوسن: طيب أمي أنا نازله الآن.
حور: إنشاء الله يمه.

~*~*~*~*~
(في بيت أماني)


كانت أماني جالسه في الصالة على الكنبة وحاطه رجليها فوق الطاولة اللي قدامها,وتتابع التلفزيون مع أخوها ياسر.


دخل فيصل البيت تو جاي من الجامعة
فيصل:السلام عليكم (وجلس معهم)
يــاسر وأمــاني: وعليكم السلام.
ياسر:أقول يا فيصل ,ما شفت الخبر اليوم خبر نزول الحديد يا رجال الأوادم مو قادرين يبنون الحمد لله الله سهل لهم عقبال المواد الثانيةز
فيصل : أي يا خوي شفت الخبر بالجريدة ,وزين أنهم رخصوا عشان العالم ترتاح من رفع هالأسعار.


ياسر:طيب وش سويت بالجامعة عسى اليوم ok.
فيصل:الجامعة الحمد لله الدراسة ممتازة.
ياسر: ترى فيه مجال عندنا بشركة الوالد الله يرحمه كان ودكـ.
فيصل: ادعوا لنا بالنجاح عشان أتخرج وأساعدك بالشركة.

ياسر:الله يوفقكـ يا أخوي بس ما أظن بتساعدني بالشركة بتشق بطون الأوادم وروسهم دكتور جراح ما راح تفضى تشتغل معاي ومساعد يمكن منه الرجاء يخش على الأقل هندسة ويساعدني شوي.
فيصل: أي صدقت مشغول بشغلي الي صج يتعب بس بدعاوتك الله يخليك لنا بنتوفق إن شاء الله ومساعد إن شاء الله يتخرج ويساعدك.

ياسر:ها يا أماني وش قلتي على مرتضى ترى الرجال أزعجني كل يوم والثاني يسأل فكرتي زين ترى الرجال ما يعيبه شي والقرار الأول والأخير لك انتي وش قلتي...
فصيل:أماني ها وشرايك بالرجال ترى ما شفنا منه إلا كل خير.
أماني(ما عرفت ويش تسوي كيف بتجاوبهم وهي حدها محتارة ويش تقول لهم راحت لغرفتها كالعادة بدون ما تعطيهم ولا كلمة وراحت تصيح وتضرب اخماس في اسداس وتقول في نفسها هو صحيح وسيم ومن الرجال اللي يعجبوني بس ما أدري يا ربي محتارة).
~*~*~*~*~
(في بيت أبو علي)
فجر تلعب وتنطط فوق الطاولة.
أحمد: هي إنتي أزعجتينا لا تنططين.
(فجر تلتفت عليه وما عطته إهتمام)
أحمد: يعني إنتي مــا تسمعين الكلام قلت لك لا تنططين فوق الطاولة إنتي مسويه إزعاج وأنا ماني قادر أذاكر.
فجر: والله أنا ما ضربتك على يدك وقلت لك تعال ذاكر هنا ,ما عندك غرفه تذاكر فيها ولا كيف؟؟؟
أحمد: عاد هاذي اللي ألحين بتوطى في بطنها الآن ... أقول بلا طوالة لسان ولا تراددين.
فجر: والله أنت اللي بديت كيفك تحمل (ونطت من فوق الطاولة على الأرض وتعورت رجلها وقامت تصارخ)
أم علي: (جات عندهم وهي مرعوبه من صراخ بنتها ): ويش فيك وحملتها وقامت فجر تصارخ زيادة)
فجر: آآآآآآآآآه يمه يألم.
أحمد:تستاهلين خلك كذا.
أم علي : (سدحت فجر على الكنب): أحمد روح قول لأبوك يجي بسرعة يوديها المستشفى.
أحمد:إنشاء الله مع إنها ما تستاهل.
~*~*~*~*~
(في بيت أبو خالد وبالتحديد في غرفة سهى وماجد)


(سهى وماجد جالسين في غرفة النوم كانت ترتب شعرها قدام المرايه وماجد كان جالس على السرير)
ماجد(راح لسهى وحط إيده على شعرها):ما شاء الله عليك حبيبتي قمر.. الله يخليك لي.
سهى(استحت ونزلت راسها للأرض):خلاص استحي.
ماجد:يا حلاة اللي يستحون فديتهم أنا (ورفع راسها بإيده)
(ابتسمت له(
ماجد (مسك إيدها وأوقفها وراح معها وجلسها على السرير وجلس عندها): حبيبتي.
سهى:هلا عمري .
ماجد:ما كنت أتخيّل بيوم انك راح تكونين لي كنت شبه فاقد الأمل أول ما رفضتيني في أول مره تقدمت لك فيها , بس الحمد لله ربي كتبك من نصيبي(أخذ إيدها بإيده وباسها ثم حطها عند خده ويتحسسها).
ودي أسعدك بكل اللي أقدر عليه..ما أبغى اقصّر عليك بشيء أبغاك تكونين أحسن بنت في الدنيا.
سهى:الله لايحرمني منك يا قلبي وأنا كمان الله يقدرني وأسعدك
ماجد:نور عيني.
سهى:الله لايحرمني منك يا بعد عيوني .
ماجد:ما ودك اليوم نطلع مع بعض اشوي نتمشى بمكان حلو وهادئ ورومنسي.
سهى:ودي بس تعرف أبوي ما يرضى وحتى لو كلمته بيعصب وأنت تعرفه من زمان الله يهدي أبوي .
ماجد: يا ربي...وأحنا كل كلمه والثانية أبوك..ما أدري متى أحنا بس نرتاح ونعيش لحالنا بدون إزعاج أي أحد(عصّب وطلع من البيت).
~*~*~*~*~


(في بيت أبو علي وبالتحديد في صالة الجلوس)
(أحمد كان جالس بالصالة ومعه اللوب توب وكان يسولف مع مساعد صديقه أخو أماني وبينما هو كذالك(حلوه هع هع هع( دخل أبوه وأمه وفجر البيت بعد عودتهم من المستشفى).
أحمد:هلا يبا ويش صار فيها عساه شين.
أبو علي(يضحك):هههههههه.
أم علي:بسم الله على بنتي إنشاء الله في عدوينها.
أحمد: يعني كل ذا حب..الله يخلف علينا.
أبو علي(مازال يضحك):هههههههههه.
فجر:يا رب لك الحمد والشكر صحيح أن العقل زين.
أقول ماما وديني غرفتي أحسن لي مالي خلق أقابل هالأشكال شبح ويه (وتأشر على أخوها بإيدها(.
أحمد: أقول احترمي نفسك لأقوم وأتوطى في بطنك ألحين.
أم علي:أحمد... فجر,أسكتوا أحسن لكم, وأنت يا أبو علي ليه جالس وتضحك هذا بدال ما تأدبهم.
بوعلي:شسوي فيهم والله تعبت خلينا بس نتفرّج عليهم وعلى اهواشهم صايرين زي توم وجيري بحلقات ماتنتطوّف.. هههههههههههاااااا
(حور وسوسن نزلوا من غرفتهم وهم على الدرج سمعوا ضحك أبوهم وانصدموا لما شافوا رجل أختهم ملفوفة)
حور(وهي مصدومة) :ويه ويه وش فيها رجل فجر .
سوسن : ويـه فجر وش فيها رجلك ملفوفة .
حور :ويش صار وشلون انكسرت وكيف لازم تقولين لي كل شي.
أحمد: والله قهر انها ما انكسرت بس متعوّرة ( و قال لهم كل شيء).
~*~*~*~*~


(يوم الأربعاء في مدرسة ...الثانوية للبنات)
شلّة الدواهي كلهم جالسين في الساحة.
أماني:بنات عندي لكم خبر.
حور: قولي ويش هو ؟؟
قمر: أكيد وافقتي صح.
أماني: إيوه وافقت على مرتضى.
آيه :كللللوووووووووش.
ليــال: وأخيراً ما بغيتي توافقين مسكين الرجال موقفته لا رافضته ولا موافقة.
أماني: بكيفه يبغيني يصبر.
سهى: بس حسافه ما شفناك وانتي تقولين لأخوانك أنتي موافقه.
أماني: من قال لكم أني قلت لهم.
حور: يعني أحنا أول من يعلم.
أماني: يس.
قمر: خلاص ما تقولين لهم إلا وأحنا حاضرين كلنا.
أماني : ولا يهمكم.
~*~*~*~*~
(في بيت ليال وبالتحديدغرفة محمد)
محمد(يقرأ أحد الكتب ..وأخته عند الباب تستأذنه بتدخل عنده):أدخلي ليــــال.
ليال:هلا والله أخوي حمّود
محمد:هلا أختي خير بغيتي حاجه.
ليــــال:بغيتك توصلني اليوم بيت صديقتي أماني كلنا الشلّه بنتجمع.
محمد:بس تبغيني أوديك لصديقاتك..ما طلبتي شيء أنتي تامرين أمر.
ليـــال(راحت لأخوها وضمته وحبته من خده لأنه حنون مره عليها وما يرفض لها طلب):مشكور أخوي أنا من غيرك ما أدري كيف أصير.
~*~*~*~


(في بيت بو خالد)
بو خالد: نعم ..ويش قلتي.. بتطلعين.
سهى:أي أبوي تكفى لاتردني طلبتك صدقني ما راح أتاخر
بو خالد:ولمين بتروحين.
سهى:أبوي وش بلاك بروح حق صديقاتي خبري فيهم من فتره ما شفتهم
بوخالد:ومين راح يوديك.
سهى:أكيد ماجد منو بيوديني غيرة
بوخالد: زوجك!!....طيب بس لا تتأخرين فاهمه

سهى: إن شاء الله مشكور ما قصرت وباسته فوق راسه

(وأهي طالعه لغرفتها بتغير ملابسها وتتحلطم): تزوجت ما تزوجت هالأبو ما راح يخليني ارتاح بحياتي يارب ارحمني

~*~*~*~*~
(في بيت أبو علي وبالتحديد في غرفة البنات)
حور وسوسن لبسوا وجهزوا للطلعة
حور (لبست جينز سماوي وقميص وردي ناعم وحطت لها اشوي ميك أب وصارت مرره حلو):
حور تناظر روحها بالمرآيه وتقول قمر قمر طالعه ما ادري منو طالعه عليه أنا

سوسن( لبست تنوره قصيرة لحد الركبة لونها زيتي وقميص أخضر فاتح مرره, توب للرقبة وبدون أكمام والظهر كلّه طالع ورافعه شعرها لفوق ومجعدة أطرافه وحاطه بشعرها شريطه لونها زيتي وصايره مرره كيوت مع الميك أب الناعم صايره البنت جنان): حوير بلا هذرة زايده أبوي ينتظرنا بس على فكره أنا أحسن منك .
(حور نزلت ولاردت على أختها لأنهم كانوا مستعجلين ,نزلوا من غرفتهم للصالة)
(في الصالة)



(أبوهم كان ينتظرهم طبعاَ حور رايحه لعند صديقاتها في بيت أماني ,أما سوسن رايحه لحبيبتها زهور.(
بوعلي:خلاص جهزتوا وما بقى شيء.
سوسن: ايه يبه جهزنا .
أم علي: أنتبهوا على نفسكم ولا تتأخرون كثير.
حور:إنشاء الله يمه تامرين أمر
بوعلي:خليهم على راحتهم متى ما ملّوا تصلوا علينا.
أم علي: كيفك أنت مع بناتك.
بوعلي: يلا مشينا.
حور:يلا مع السلامه يايمه
~*~*~*~
(في بيت أبو علي وبالتحديد في المجلس)
(كان موجود أحمد ومساعد وكل واحد منهم معه اللوب توب الخاص فيه.(
أحمد:مساعد.
مساعد:هلا آمر.
أحمد:شفت لك ذاك اليوم موقع في النت مره حلو فيه مواضيع شيء عجيب...
مساعد(قاطعه):أترك عنك هالمواقع وشوف ذا.
أحمد(ناظر جهاز مساعد وانصدم):شنو ذا؟؟؟!!!!
مساعد: ويش رايك احسن من المواقع اللي تتكلم عنها.
أحمد(سكر لوب توب مساعد بكل عصبيه):أنت ويش فيك ..كم مره قلت لك أترك هالشغلات عنك ..أنت ما تتوب.
مساعد:والله أنا ما سويت شيء هم اللي حاطين صورهم وعارضين روحهم ما أحد قال لهم أنا بتفرّج عليهم حالي حال أي واحد.
أحمد:بسئلك سؤال بس أمانه تجاوبني بصراحة.
مساعد: أسئل.
أحمد: أنت لسَّ تمشي مع الشلّة الصايعة اللي شفتهم ذاك اليوم وما تركتهم مثل ما قلت لي صح؟؟
(مساعد نزل رأسه وما عاد تكلّم).
أحمد:مساعد رد عليّ ما ترتكتهم صح.
مساعد:والله ما أقدر أقول لهم أني ما أبغاكم.
أحمد: كان أنت ما تقدر أنا أقدر.
فجر(دخلت عليهم المجلس وبكل دفاشه):ويش عليه ما تقدر إذا تبغى مساعده ترى عادي.
أحمد(التفت عليها وعيونه تطلع منها الشرار)أنتي ويش دخلك هنا ..هااا.
فجر:دخلتني ارجولي من الباب اللي أنت دخلت منه (وتحط يدها على خصرها).
أحمد: أقول اطلعي برا أحسن لك لأقوم عليك ألحين.
فجر: ويش بتسوي يعني.
أحمد(زادت العصبية فيه وقام):أنا أوريك شسوي فيك.
مساعد(مسك أحمد):أستهدي بالرحمن وصل على محمد وآل محمد..خلها عنّك ذي جاهل.
(فجر طلعت من المجلس تركض).
أحمد:أي جاهل الله يهداك ما تشوف طول لسانها أنا أشك أن عمرها 6سنوات.




مساعد:أجلس بس أجلس وخلها تولّي.
~*~*~*~*~

(في بيت أبو زهور)
(وصلت سوسن لصديقتها)
سوسن:هلا والله بحبيبتي .
زهور: هااااااااي هلا والله حياك ادخلي .
سوسن: هلا خالتي .
أم زهور: هلا والله بنيتي أخبارك وأخبار الوالدة.
سوسن: الحمد لله كلنا بخير خالتي .
أم زهور: حياك البيت بيتك.
زهور:مامي.
أم زهور: سمي يمه.
زهور:احنا صاعدين لغرفتي .
أم زهور:يلااا أحسن لكم علشان تاخذون راحتكم.
زهور:أكييييد...عن إذنك مامي.
أم زهور: أذنك معك.
سوسن: يا لله خالتي عن أذنك .
(وبعدها صعدوا لغرفتها)
~*~*~*
(في بيت أماني)
سهى وليــال وقمر وأماني جالسين سوالف وضحك دق جرس البيت راحت أماني تفتح الباب.
أماني(فتحت الباب):هلا والله بآيه ..كيفك.
آيه. كيفك أنتي هاا ألحق على الموافقة ولا ما ألحق.
أماني: أفااااا , أنا أنتظرك أنتي وحور .
آيه:ماجات حور لحد الآن.
حور:إلا جات (حور وراها) من قال إني ما جيت هذا أنا موجودة.
آيه(تروّعت):بسم الله ..من وين طلعتي أنتي.
حور: من تحت الأرض .
أماني: حياكم أدخلوا بسرعة.
(ودخلوا وسلموا على البنات وضحك وسوالف)
ليــال: يلااا أموووون ..متى بنشوف الموافقه.
أماني: طيب الآن أكلم لكم أخوي(وأخذت جوالها واتصلت على ياسر)
أماني:ألوو
ياسر: ألوو.
أماني :أخوي بغيتك أنت وفيصل بسالفة.
ياسر: بعدين عندك صديقاتك عيب تتركينهم .
أماني: لا الآن لازم ضروري.
ياسر: يعني لازم.
أماني: إيوه روح المجلس أنت وفيصل وأنا جايتكم..باااي
(وسكرت الجوال(



ويش تتوقعون راح يصير بعدين؟؟

نوني



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 14-02-2011, 01:05 AM
Sy6r 3la 39rh Sy6r 3la 39rh غير متصل
©؛°¨غرامي جديد¨°؛©
 
الافتراضي رد: رواية صدق المشاعر/ بقلمي


Mshkooorh 70000by 3rwaaayh '78aaa8yh
a9raaaa7h Len al7eeen mashy tw83aaat

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 14-02-2011, 01:19 AM
شموخ القوافي شموخ القوافي غير متصل
©؛°¨غرامي جديد¨°؛©
 
الافتراضي رد: رواية صدق المشاعر/ بقلمي


وآآآآآآآآآآي روووايه روووعـــــــــــــــــــــــــــــــه

بليييييييز يالغلاا متى تنزلين البارت الجااي!؟؟

بصرااحه حبيت حوور مرره رهيييييييبه وه بس

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 14-02-2011, 01:50 PM
صورة أجمل الأحاسيس الرمزية
أجمل الأحاسيس أجمل الأحاسيس غير متصل
©؛°¨غرامي مشارك¨°؛©
 
الافتراضي رد: رواية صدق المشاعر/ بقلمي


فديتك حبيبتي

اليوم بنزله لكم
لعيونك بس بكمل الروايه

^_^


نوني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 14-02-2011, 02:17 PM
صورة أجمل الأحاسيس الرمزية
أجمل الأحاسيس أجمل الأحاسيس غير متصل
©؛°¨غرامي مشارك¨°؛©
 
الافتراضي رد: رواية صدق المشاعر/ بقلمي





الفصل الثالث
أماني: بنات يلا أنا قايمه أقول لأخواني أني وافقت على مرتضى.
حور: وقفي بروح معك.
قمر: وين تروحين أهناك أخوانها أنتي مجنونه.
أماني: أقول أنا رايحه أنـتو تهاوشو لحالكم.
(تركتهم ومشت لمجلس الرجال وراحت لأخوانها)
(ياسر وفيصل في المجلس ينتنظرون أماني)
أماني(دخلت المجلس):مساكم الله بالخير أخواني.
ياسر:مساك الله بالنور.
فصيل: هلا والله أختي ويش صاير خوفني ياسر عليك.
ياسر:لا يكون ما عندكـ سالفة اها قولي وش عندكـ

(والبنات كلهم وراء الباب واقفين).
آيه: بنات وخروا اشوي تراني ماني سامعه شيء منكم.
حور: أسكتي أنتي خليني أركّز عدل.
سهى:أوووووش بنات سكتو اشوي أسمعها تتكلم معهم أسكتو اشوي.
(داخل مجلس الرجال)

أماني :أخوي ياسر.
فيصل: تكلمي وقفتي قلبي.
أماني(وهي منزله راسها في الأرض وخدودها مره حمره): أنا موافقة على زواجي من مرتضى.
فيصل: زين ما اخترتي زين الشباب .
ياسر: الله يوفقك يا أختي أنا إن شاء الله بوصل له خبر بموافقتك الليله.
فصيل: مبرووووك يا بعد قلبي والفال لي يا رب.

أماني( قامت من عندهم بتروح لصديقاتها
وتفتح الباب إلا كلهم يطيحون فوق بعض وما ارفعو راسهم إلا وياسر وفيصل قدامهم
وانحرجو وطلع ياسر وفيصل من الباب الثاني للمجلس علشان ما يزيدون الإحراج.
أماني (ماتت ضحك على أشكالهم):ههههههههه.
~*~*~*~
(نرجع لسوسن وزهور)
زهور:أقول حبيبتي سوسن.
سوسن: سمي يالغلا .
زهور:أنا رايحه أجيب لك حاجه تشربيها
خذي راحتك البيت بيتك أنتي منتي بغريـبة .ok
سوسن: OK .
(وطلعت زهور من الغرفة(
~*~*~*~*~
(زهور ومعها كاسة العصير راحت لغرفة خالها.(
زهور(فتحت غرفته):وينه خالي؟؟ يمكن طلع خلني بس أروح لحبيبتي أكيد تأخرت عليها.
(اتجهت لغرفتها وشافت خالها واقف عند الباب تو بيفتحه)
زهور: خالي بدر.
بدر: بسم الله ...أنتي ويش جابك وراي مو كنتي في الغرفة اشلون طلعتي..أعوذ بالله من الشيطان الرجيم ليكون أنتي جني وأنا ما أدري.
زهور: جني في عينك أنا طلعت أجيب عصير لصديقتي,بعدين أنت لا تفتح الباب في وحده عندي.
بدر: طيب اشوي اشوي عليّ ماني داخل شسوي في صاحبتك أكيد مثلك ثقيلة دم.
زهور: أنا ثقيلة دم أصبر عليّ حسابك مو ألحين بعدين لما تطلع حبيبتي ما أبغى أحرجك قدامها.
بدر: يلعن على اللي يعرفون الأصول.
زهور: أنا أعرف الأصول من قبل لا أشوف وجهك.
بدر: أقول روحي بس عن وجي تراك بدأتي تطولين لسانك..أنا طالع تبغين شيء أجيبه معي.
زهور:سلامتك.
(بدر مشى عنها وزهور دخلت لسوسن(

~*~*~*~*~
(نرجع لفجر)
راحت لغرفة أخوها أحمد وأخذت اللي تقدر عليه من ملابسه ونزلت فيهم وطلعت في حديقة البيت .
فجر:أنا أعلمك يــا وحيمد أجل أنا توريني
أصبر عليّ بس.
~*~*~*~
نسينا أحمد ومساعد نرجع لهم


أحمد:كأني أشم ريحه.


مساعد:لا يتهيأ لك.


أحمد:إلا ريحة شيء يحترق.


مساعد: إيه والله قوم خلنا نشوف.


وما طلعوا من المجلس إلا المكان كلّه نار.


فجر (واقفه وتضحك):شفت كيف أوريك.


وفي نفس اللحظة وصلت سيارة عبد الرحمن ومعه علي وتفاجؤ بالموقف .


علي(أستغرب من اللي صاير) :وش صاير ؟ منو سوا كذا؟


عبد الرحمن:اتصل على المطافي بسرعة.


(علي اتصل بالمطافي (


(أم علي طلعت من البيت وراحت تشوف ويش صاير.(


أم علي:يما علي ويش صاير من وين الحريق ذا.


أحمد: بنتك فجر أهي اللي سوته.


علي:يما اخذي فجر ودخلوا داخل البيت الحين بتجي المطافي.


(ودخلت البيت هي وفجر).


~*~*~*~


(أبوعلي في سيارته ودق جواله(


(المتصل علي(


بوعلي: ألووووو...هلا يبا..نعم....شابة حريق في حديقة بيتنا!!!.شنو...أي..كيف صار .
علي: لين توصل واعلمك بالسالفة.


بو علي: اتصلت بالمطافي .
علي: اي.
بو علي: خلاص ثواني وأنا عندكم.. ابتعدو عن النار لحد يقرب منها
علي :أن شاء الله يبا.
بوعلي: مع السلامه.
علي: مع السلامه (سكر الجوال).


بوعلي: ياربي ويش ذي المصيبه الله يستر..يارب ابعد عن اهلي واعيالي كل شر يــالله.


(وصل بيتهم وشاف المطافي واقفه عند البيت وطفت الحريق وكل شيء بخير).


بو علي: علي أبوي خير عسى ما صار لكم شيء.


علي: (طبعاً الحريق ما صار إلا في مكان فاضي ما كان فيه زرع ولا كان صار الحريق أكبر) : لا الحمد لله ما صار لنا شي.

بوعلي: الحمد لله.


عبد الرحمن:خطاك السوء عمي بوعلي.


بوعلي: خطاك اللاش.
~*~*~*~
(نرجع للبنات في بيت أماني(
(جالسين سوالف وضحك ومزح وفي هاللحظة دق جوال سهى .. المتصل رقم غريب.
سهى طلبت من البنات يسكتون علشان تشوف من اللي متصل
أول ما ردت سمعت صوت أخوها خالد طارت من الفرحة
لأنها من شهر ما كلمته لأنه تارك بيت أهله وساكن بالرياض
لأنه تعب من أبوه ومعاملته له وبعد كل مكالمه لأهله يغيّر الشريحة علشان ما يرجعون ويكلموه).
سهى:هـــــــــــــــــــــــلا وغلا بأخوي

وحشتنا موت أخبارك وش حالك وش مسوي وين دنياك

يا خوي متى نشوفك عن جد ولهنا عليك


خالد:أخبارتس أختي..أشوي أشوي عليّ خليني أتكلم )يضحك)هههه.
سهى: وينك أخوي ليه ما تسأل ولا ترد على اتصالي بعد.
خالد:يا أختي لاتعورين قلبي.
(وجلسوا يسولفون مع بعض)
~*~*~*~*~*~
(في بيت أبو ناصر وفي مجلس الرجال بالتحديد(



دخل عبد الله زوج بنتهم في المجلس .



عبد الله : السلام عليكم ورحمة الله.



بو ناصر: وعليكم السلام..تو مانوّر البيت.



عبد الله: منوّر بأصحابه.



ناصر(سلم على عبد الله ورحب فيه):السلام..حيا الله من جانا.



عبد الله:أخبارك ناصر عساك بخير.



ناصر:الحمد لله طيبين أنتو أحوالكم.



بوناصر: وين هالغيبه أخذت بنتي وما صرنا نشوفك كثير.



عبد الله:هههههه..واللي يشوف القمر يقدر على فرقاه.



ناصر:أوووووووووه ويش ذا الدلع لأختي يا حظها..ههههههه



~*~*~*~*~



(في بيت أبو ناصر في الصاله بالتحديد(



وعد (فتحت باب الصالة ودخلت وشافت قدامها باسمه ):هلا ..هلا والله بمرت أخوي.



باسمه: هلا والله..كيفك..أخبارك.



وعد: بخير الحمد لله..وين أمي.



باسمه:تلاقينها في المطبخ تسوي الشاي والقهوه للرجال هذا وقت جيتهم كل أسبوع.



وعد: يعني مسويين في بيتنا ديوانيه.



باسمه: نوعاً ما..هههههههه.



وعد:طيب عن أذنك بروح لأمي.



(وعد راحت لأمها المطبخ وشافتها منشغلة وهي تسوي الشاهي للرجال وراحت لأمها من وراها وحضنتها بالقوه.(



أم ناصر: بنتي حبيبتي(وضمتها لصدرها(



وعد: يمه أشتقت لك يا روحي.



أم ناصر: أنتي عاد القاطعة ما تسئلين عن أمك ولا عبد الله أخذ عقلك ونسيتينا.

وعد: ما عاش من ينساك.
~*~*~*~*~
(في بيت أبو زهور في حديقة البيت)
سوسن وزهور طلعوا في حديقة البيت يغيروا جو
زهور:سوسن حبيبتي عندي لك مفاجئه ماتتوقعينها.
سوسن:وش هي .... وش مسويه اعترفي الله يستر من هالمفاجئه .
زهور: دقايق وأجيبها لك
ok
سوسن:ok حبيبتي أنتظرك أنا لا تتأخرين .
زهور: خذي راحتك ما راح أتأخر.
سوسن: طيب يالغلا .
(وقامت زهور ودخلت البيت)
(في هاذي اللحظة بدر دخل البيت وهو في الحديقة شاف سوسن بس من ورى ظهرها واعتقد أنها زهور وجا لعندها وهي جالسه على الكرسي حط إيديه فوق عيونها وسكت ما تكلم وفي هاذي اللحظه جات زهور وعندها الكيك اللي هي سوته علشان تفاجئ فيه سوسن وشافت خالها بدر ماسك عيون سوسن شهقت بالقوه وطاحت الكيكه من إيدها .(
بدر (شاف سوسن قدامه وتوهّق باللي ماسكها ما يدري من تكون ويقول في داخله):يا ربيييييييه شالوهقه ذي من هاذي البنت؟؟؟؟
سوسن: يلا زهور أفتحي عيوني علشان أشوف مفاجئتك) وأول ما فتحت عيونها وشافت قدامها بدر طاحت واغمى عليها.): يمـــــه ...آآآآآآآآآآآآه
زهور: حبيبتي (وراحت لصديقتها وضمتها لصدرها وهي تبكي).
بدر: زهور قومي شيليها ووديها غرفتك .
زهور: شايفني أقدر أشيلها ما أقدر أنت شيلها.
بدر: انا!!!!!
زهور: إيوه ....يلااااااا بسرعة لا يصير فيها شيء.
(حملها بدر وصعدها لغرفة زهور وسدحها على السرير وطلع من الغرفة).
(نرجع للبنات في بيت أماني)
البنات جالسين وسوالف



دق جوال سهى المتصل حبيب الروح(زوجها ماجد(



سهى(ردت على زوجها):هلا مجودي



ماجد:حبيبتي سهّوي أنا عند بيت صديقتك اطلعي علشان ما نتأخر.



سهى:إن شاء الله قلبي دقايق وطالعه



(سهى سلمت على البنات ولبست عبايتها وطلعت)
قمر(دق جوالها المتصل أخوي ناصر):ألوو..نعم ..
ناصر : الوو السلام عليكم
قمر: وعليكم السلام
ناصر:انتي وينك إلى هذا الوقت ..؟ وعد في البيت تعالي.

قمر:صج جات أختي ...خلاص مر عليّ.
ناصر: طيب أنا جايك الآن.
قمر:طيب ..أنا راح أجهز..مع السلامه..
( تكسرالجوال(
بناااات بعد أشوي بمشي أخوي ناصر راح يجيني.
آيه:مسرع ياقمر لس ما شبعنا منك.
قمر : أنا كاكاو تشبعين مني..هههه ..لا بس أنا والله مضطرة أمشي من زماان ما شفت أختي تزوجت ونستنا.
ليال: أحس أني جوعانه.
أية : ويش رايكم نعلّم أماني تطبخ نسوي معكرونة بالبشمل أنا أحبها وتضبط معاي
(البنااات وافقوا مدام أن آيه هي اللي بتتكفل بالطبخ)

قمر: الله معكرونه بالبشمل ولا من إيد آيه يــاسلام , تراني متنازله عن الطبق مو بايعه عمري
ليال: لاتنسين أنك بتمشين بعد اشوي يعني مالك طبق من الأساس.
أماني:هههههه خلاص حبيبتي ولايهمك آكل عنك.
أيه: طيب يا حبايبي تبقون المعكرونة بالدجاج أو اللحم,
البنات يفضلونها باللحم صح, أماني وين لحمكم والمعكرونة والدقيق والحليب ...( الخ (

أماني :ويش مدريني وينهم بطلعهم لش اللحين
اصبري شووووي.
)) قامت تدور أماني على الأغراض))
وعفست في المطبخ شوووي
وطلعتهم كلهم
أماني : الحين ويش اسوووي آيوووووووه؟؟
حور:آيه خليني أنا اللي أسوي المعكرونه وأنتي سوي سلطة الفواكه طيب.
آيه: OK .
ليـال: أجل أنا راح أسوي لكم عصير برتقال طازج
راح تحبوه كثـــير.
أماني : وأنا شسوي.
قمر: تفرجي عليهم. .. باااااااي أنا طالعه وصل أخوي.
حور: باي.
آيه : مع السلامه سلمي على الوالده.
قمر : الله يسلمكم.
(وطلعت قمر..وراحوا البنات على المطبخ)

)في المطبخ(
حور تكفّلت بالطبق الرئيسي (يـــاعيني طباخه ماهره)
(آيه تجهّز سلطة الفواكه.(
(وليــال حضّرت عصير البرتقال الطازج).
وأمــاني كانت بس تتعلم من حور كيف تطبخ (يعني ما سوت شيء(
حور:جلست تتمسخر بتسوي لها برنامج طبخ << خخ
أول ما بتدت السلام عليكم ايها الاعزاء والمشاهدين
اليوم عندنا ضيفه عزيزه الا وهي أماني
ترررررررن ترن تررررن << موسيقى خخ
اول شي ياهلا والله بأماني
أسفرت وأنورت واستهلت وأمطرت
حيا الله من جانا
المهلي مايولي
القهوة القهوة يالربع << حشى مو برنامج هذا خخ
ياهلا والله بيك
أماني:هلا والله فيك ياللي مصدقه روحك في برنامج أقول كملي شغلك ووريني بدون هذره زايده.
حور:أول شي ياضيفتنا لازم تتعلمين الطبخ زين مازين وهالله هالله بالطبخ السنع ومثل مايقولون
أقرب طريق الى قلب الرجل معدته
أماني:هههه..بس ترى مو كل الرجال.
آيه:أنا اللي أشوفه أن معدته سر ما أقدر أتخيله.
حور: هذا أقول لها بس شسوي...طيب نكمّل الطبخه.
ليـــــال(تقص البرتقال علشان تعصره وجرحت صبعها):آآآآآآآآآآآه... أح

أماني:مره ثانيه فتحي عيونك عدل وانتي ماسكه السكين.
ليـال: هذا بدال ماتقولي سلامتك ..ماتشوفي شر...مالت بس.
أماني: ماتشوفي شر حبيبتي.(أخذت البلاستر) وحطته على الجرح.
ليـال: يعطيك العافيه(وكملت شغلها).
حور: أماني تعالي بسرعة مو تنحاشين عني تعالي.
أماني : هذا جيت أشوف هالطبخه.
آيه: ليال..شوفي اللي سويته كميتة سلطة الفواكه كافيه ولا؟
ليـــــــال:أشوف..وراحت تناظر فيه.
آيه: ها تكفي ولا.
ليـال: لا بعد سوي اشوي يقولون الكرم زين.
حور: حلوه يقولون هاذي بعد.
أماني: هههههههههه ..والله أنتو ياربعي مسخره.
حور: أفا احنا صديقاتك وتقولي عنا مسخره.
أماني:ياأختي نمزح معك.
آيه: بس مزحك ثقيل مره..الله يعين مرتضى عليك.
~*~*~*~*~
(في مجلس الرجال(
فيصل:إلا أقول ياسر.
ياسر: سم.
فيصل: الليله ما راح نتعشى ولاكيف.
ياسر:ما أدري شوف أتصل على أماني أسئلها نشتري من مطعم ولا الطباخ أهو اللي راح يطبخ.
فيصل: طيب.
~*~*~*~
)في المطبخ(
دق جوال أماني
آيه: أماني جواك روحي ردي عليه لا يزعجنا خلينا نستمع إلى برنامج حور(وتضحك)هههه.
حور: تمسخري علي بس.
آيه: ما حد قال لك أنا قلت بسوي معكرونه بالبشمل تجين أنتي تتلقفين..ههههه.
أماني(ردت على الجوال.المتصل أخوي فيصل):ألوووو
فيصل: هلا والله.
أماني: أهلين..خير
فيصل: أقول نطلب عشا من المطعم ولا الطباخ بيسوي عشاء.
أماني :لا مايحتاج أنا وصديقاتي جالسين نطبخ العشا.
فيصل: الله يرحم عشانا الليله عزة الله أكلنا صح.
أماني : لا تحطمنا.
فيصل: أقول يلا باي.
أماني :باي.
~*~*~*~
)في مجلس الرجال(
فيصل:أقول ياسر أنا راح أطلب من المطعم .
ياسر: مو تقول راح يطبخون البنات.
فيصل: وأختك تعرف تطبخ وأكيد صديقاتها مثلها ..أنا بطلب من المطعم إحتياط لان العشا أنا مترحم عليه قبل لا أشوفه.
ياسر:هههههههه الله يستر بس.
~*~*~*~*~
)نرجع لزهور وسوسن نسيناهم(
في غرفة زهور جالسه زهور وأمها وأم زهور وسوسن نايمة على السرير ومو حاسه بشيء.
أم زهور(تغسل وجه سوسن بالمويه وتسمي عليها بالرحمن وماهي حاسه بشيء(
زهور: آآآه يــــــاقلبي على حبيبتي...تهئ ..تهئ.. تهئ(تبكي(.
أم زهور: أذكري ربك ما فيها إلا العافية والحين بتصحى.
زهور: خايفه تروح مني.
أم زهور: أهي مغمى عليها بس ما فيه شيء.
(ثواني وصحت سوسن وماهي عارفه وين هي ومين اللي سدحها على سرير زهور(
سوسن:وين أنا ومن اللي جابني هِنا وش صار .
زهور:صحيتي حبيبتي.
أم زهور: ما تشوفين شر بعد عمري.
سوسن(مستغربه مين صعدها فوق وكيف؟؟):زهور حبيبتي من صعدني فوق أنا كنت تحت .
زهور: ما كان في أحد يقدر يشيلك ..ما في إلا خالي بدر قلت له يحملك ويصعدك فوق.
سوسن(طار قلبها وانصدمت):ليش تخليه يصعدني فووق حرااام عليك يازهور .
أم زهور:أهم شيء أنك بخير وتطمنا على صحتك.

~*~*~*~*~*~


(في بيت أبو خالد في صالة الجلوس)

(أبو خالد جالس على أعصابه وينتظر سهى وماجد يرجعون
في هاللحظة دخل عبد الرحمن البيت.(
عبد الرحمن: السلام عليكم
بوخالد: وعليكم السلام.
عبد الرحمن (جلس عند أبوه):خير أبوي ..عسى ماشر...ويش فيك.
بوخالد: أختك.
عبد الرحمن: ويش فيها أختي صاير لها شيء.
بوخالد: من طلعت مع زوجها ماجات.
عبد الرحمن:خليها تستانس أهي ما تطلع.وبعدين أهي طالعه مع زوجها يعني عادي ما فيها شيء.
بوخالد(بعصبيه):لا موعادي ..أنا قايل لها أنها ما تتأخر عن الساعه10 ونص.
عبد الرحمن(يناظر الساعه) والآن الساعه عشره ونص وربع يعني ما تأخرت يايبا لا تكبّر الموضوع.
عبد الرحمن (حب يغيّر الجو وينسّي أبوه تأخير سهى):أقول يبا.
بوخالد: سم.
عبد الرحمن :سم الله عدوك...منت بناوي تزور العم بوعلي.
بوخالد:ويش المناسبه.
عبد الرحمن:لا مناسبه ولا شيء..بس تتحمّد لهم على السلامه.
بوخالد: خير ويش صاير لهم.
عبد الرحمن: اليوم الله يسلمك وأنا مع علي لما وصلنا بيتهم شفنا عندهم حريق(وقال له السالفه كلها).
بوخالد:لا حول ولا قوة إلا بالله العلي العظيم...عسى ما صار لأحد شيء بس.
عبد الرحمن: لا الحمد لله الحريق صار في حديقة البيت واحنا اتصلنا على المطافي وما صار لأحد شيء.
بوخالد: والله مايستاهل بوعلي رجال طيّب ... يبغي لنا نمر عنده هاليومين.

~*~*~*~*~
(في غرفة بدر)
بدر: يالله أنا من اشوي كنت حامل قمر ولا إنسان
لا لا ..هاذي حور من الجنه ..ما شاء الله عليها جمال ونعومه ورقه.....آآآآآآآآه يـــــــــاقلبي..يا ريت بس يرجع الوقت ربع ساعه لورى كان أهي الآن فوق يديني
طيب من هاذي؟؟؟؟
يمكن تكون سوسن اهي أقرب صديقات زهور .. أتوقع أنها أهي
طيب كيف أتأكد ... ياربييييييييييييه
بس لازم أشوف لي طريقه أعرف فيها من بنته تكون هالقمر.





ترقبوا البارت القادم في الأيام المقبله


^_^

نوني




الرد باقتباس
إضافة رد

رواية صدق المشاعر / بقلمي , كامله

الوسوم
(nony) , المشاعر , بقلمي , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1735 03-04-2019 02:16 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM

الساعة الآن +3: 01:42 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1