منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   روايتي الأولى : وشلون صرنا شخص واحد و إحنا إنخلقنا إثنين (https://forums.graaam.com/385162.html)

حلآ الشرقيه 24-02-2011 11:23 AM

روايتي الأولى : وشلون صرنا شخص واحد و إحنا إنخلقنا إثنين
 
السلام عليكم ورحمة الله وبركاته
بصرآحه من كثر قرآئتي للروايات حبيت ادخل عآلم الكتآبه وأجرب حظي
وأي نقد احب انكم تقولون لي مشان أتطور للأعلى
بسم الله الرحمن الرحيم أبدأ روآيتي على بركة الله .


احْضُنِّي بكُل قُوَّتِك حَبِيْبِي خِلِّني اذِوِب بِدَاخِلِك

انْتَه مَا تَعْرِف حَبِيْبِي شُكْد جُنَّت مُشْتَاقْلِك

ارَحَلَت وَانّي الْهَم بِقَالِي يَالِي مَا فَارَكَت بَالِي

بِكُلِّشَي اشُوفَك يَا حَبِيْبِي انَا صِرْت اتَخايّلك

***

لَفَّنِي بِأَحْظَانَك حَبِيْبِي انَا مُحْتَاج الْحَنَان

ارْتَاح بَس بحظْنّك انّي مَا ارْتَاح بِأَي مَكَان

بَيْن ايْدِيْك ارْتَاح وابجِي وَانَا سَاكِت كُلِّشَي احُجي

مَا مُحْتَاج عُيُوْنِي انّي مِثْل مَا مُحْتَاج الْك

***

وَيَن هَال غَيْبِه حَبِيْبِي حَرَمْتَنِي شَلُّون مِنْك

انّي عِنْدِي الْدُّنْيَا كُلَّهَا تَرُوْح فَدَوْه لاثَر رِجْلَك

انَا مَا اكْدَر اعَوَفِك َرُوحِي تُرْجَع مِن اشُوفَك
عآئلة ابو سآمي
ام سآمي عمرها 45امرأه طيبه وحبوبه وعلى نيآتها وتحب الكل وحنونه على أولادها وبنآتها عشان تعوضهم عن حنان ابوهم إللي توفى وهم في سن صغير
سآمي رجل بمعنى الكلمه يحب خوآته ومدلعهم وصآير كأنه الأب لهم اسمر طويل وملاآمحه حلوه جذآب عمره 26ومآسك شركة أبوه مع عمآمه
نوآف يشبه سآمي بس ملآمحه أحلى بكثير كيوت ويحب الموضآت والتميز عمره 23وقريب من خوآته حييل وبالذآت دآنه ويدرس بالجامعه سنه رآبعه
سآره بنوته طيبه وحبوبه على امها شعرها قصير وناعم وحركتها المعتاده ذيل حصآن وحلوه عمرها 21 تدرس بالجامعه سنه ثآلثه
دآنه أصغر وحده حلوه بشرتها بيضه شعرها اطول من سآره عمرها 19 تدرس بالجامعه سنه اولى
__________________________________________________ _____
عآئلة أبو وليد
أبو وليد رجل عصبي ومتشدد رآيه هو إللي يمشي دىئما حتى لو على حساب غيره عمره 46
أم وليد عكس زوجها حنونه وطيبه وإجتمآعيه مع النآس عمرها 42
وليد طالع على امه في الطيبه وإجتمآعي ويحب يسآعد الكل عمره 25
اماني نعومه وأنيقه فيها غرور شوي على ابوهآ صآير العكس ^ ^ عمرها 21 تدرس في الجامعه
إيمان عكس اختها طالعه على امها وابوها عمرها 20 وتدرس في نفس الجآمعه
للمعلوميه أبطآلنا عآيشين بالإمآرات ويدرسون في نفس الجامعه إللي هي الجامعه الامريكيه في دبي
في بيت أبو سآمي الكل متجهز ومتحمس اول يوم درآسه من بعد العطله الصيفيه
في غرفة دآنه :تجهزت وضبطت نفسها وكل شوي تطل في المرىيه تتفحص وجهها لانها متوتره اول سنه لها بالجامعه
إلا شوي وتسمع طق خفيف على باب غرفتها
دآنه :منو
نوآف:أنا اخوك حبيب قلبك
دانه:ههههههههههههههههههه يالبى قلبك ياخوي فديتك تفضل
نواف:اوف اوف وش هالزين وش هالحلآ لو اني مو اخوك كان رقمتك
دانه:هههههههههههههههههه والله جد طالعه حلوه
نوآف: وانا اقدر اكذب على اختي دنو حبيبت قلبي
تقطع عليهم سآره
سآره :مين هذي حبيبت قلبك وانا وين رحت
دانه:ياربي بدت الغيره
نوآف:هههههههههههههههه ثنتينكم حبيبات قلبي وش تبون بعد
ساره طيب ياست الحسن والدلآل خلصتي لان ابغى اروح اشوف جدولي مابي اتورط مثل العام
دانه أي خلصت وراحت تطل في المرايه إلا سحبتها اختها ساره من كتفها وطلعتها من الغرفه بس بس
حتى المرايه طفشت حسيت فيها
نواف هههههههههههههههاي مسحيها بوجهي اختي دنو
نزلوا في الصاله إللي كان سامي وامه جالسين يفطرون
الكل صباح الخير
ام سامي وسامي صباح النور والسرور
ام سامي حياكم تفضلوا افطروا قبل ماتمشون
دانه لا ماما انا مابي احس بطني يوجعني
ام سامي بسم الله عليك يابنيتي فيك شي نوديك الطبيب
سامي مافيها الا العافيه بس يمكن بسبب التوتر صح دانه
دانه أي يمه بسبب التوتر بس وانا إذا رحت الجامعه بفطر أي شي بس بعد مااتكد واشوف اشكال الناس
ساره هههههههههههههههه لاتخافين انا معك ادبرك ياتنحه
نواف مطولين حضراتكم وانتي دانه خليك معي اليوم انا ماعندي محاضرات ولا شي
دانه أي حلو يكون احسن
طلع نواف ومعه ساره ودانه متوجهين للجامعه
____________________
في بيت ابو وليد
اماني خلصت وتجهزت ونزلت تفطر على رآحتها الاخت وقت ماتروح الجامعه
إيمان نزلت وشافتها تاكل
إيمان وآآآآآآآآآآآآآآآآآو وش هالبرود تاكلين ومروقه واحنا متاخرين
أماني والله بكيفك تبين تروحين روحي انا وقت ماخلص بروح وش له العجله
إيمان على رآحتك انا رايحه مالي خلق اتهزأ من اول يوم سيو
مشت إيمان من عند اماني إللي جالسه تفطر وبكل رواقه وسلمت على امها وابوها وهي طالعه ناداها ابوها
أبو وليد إيمان وش هالخرابيط إللي بوجهك إنتي رايحه جامعه والا عرس
إيمان مسكينه ماعرفت وش ترد شوي وتصيح
ام وليد يابو وليد كل البنات كذا وبعدين البنت مو حاطه شي في وجهها كلها كحله وروج
ابو وليد لو سمحتي شي بيني وبين بناتي لاتدخلين فيه
ام وليد طيب إللي تشوفه
وطول هالوقت إيمان واقفه ومنزله راسها وساكته
ابو وليد هالمره سمحت لك لان الوقت متاخر ثاني مره لو تطلعين باللي حاطه بوجهك ماتلمومين إلا نفسك
إيمان إن شآءالله يبا تامرون على شي انا بمشي
ابو وليد وين اختك إلى الحين نايمه
إيمان لا أختي جالسه تفطر وتقول مو مشكله أي وقت تروح
أبو وليد خوش والله خوووش
ويبدأ ينادي أماني
أماااااااااااااني امااااااااااااااااني
أماني صار عندها كانه زلزال وهي مو عارفه توقف
طيب يبا جايه
وصلت عند ابوها
أبو وليد وش عندك حضرتك لمتى يعني وش هالكلام إللي سمعت وقت ماتروحين لعب هي الدراسه
اماني وجهت نظراتها لإيمان وعرفت ان هي إللي فتنت وقعدت تكلم نفسها هين انا اوريك
ابو وليد ماتسمعين وش قلت يالله مع اختك طلعوا كفايه تأخير
طلعوا البنات وكل وحده مغبونه من جهه من تعامل ابوهم لهم اما امهم جالسه وتطالع مكان وقفتهم بحنيه
في الجامعه وصلوا الابطال كلهم وتوجهوا لقاعاتهم عدا دانه ونواف إللي جالس مع اخته يساعدها ويعرف امورها
وقعد ساعه على ماضبط الامور وتوجهت دانه لقاعتها
اول مادخلت القاعه
كانت ممتلئه بالطلاب والطالبات اشكال والوان ومن جميع الجنسيات
دانه مو عارفه شتسوي محتاسه وانصدمت بالزحمه إللي شافتها ماتوقعتها كذا تحسب نفس المدرسه ^ ^
الا شافت كرسي فاضي وجنبه بنت جميله بشرتها بيضه ونعومه بمعنى الكلمه مو طويله حيل بس طولها مناسب مع نعومتها شعرها طوويل إلى خصرها او انزل شوي عيونها وسيعه وخشمها صغير وشفايفها ممتلئه واسمها فاطمه هذي أحدى بطلاتنا إللي رآح تشاركنا الروايه ^ ^
جلست جنبها دانه وهي تحس انها ارتاحت لها واطمئنت من هدوئها ورقتها
دانه امممممممم السلام
فاطمه وعليكم السلام اهلين
دانه اخبارك أختي
فاطمه تمام الحمدلله
دانه دوم يارب
فاطمه تسلمين
دانه امممممممم انتي اول سنه ماعندها سوالف بس تبي تسولف خخخخخخخخ
فاطمه أي اول سنه وماعرف احد هنا
دانه في قلبها الحمدلله طلعت وحده معي وباين انها بنت خلوقه خلاص بصادقها احسن من اظل بروحي ماعندها وقت^ ^
الا قطع تفكيرها وصول دكتورهم
الدكتور السلام عليكم
الكل وعليكم السلام
الدكتور طبعا مراح ناخذ شي بس بتعرف على اسمائكم
دانه أي اشوه فكيتنا
الدكتور ايوا اختي في شي عندك تعليق
دانه توهقت وماعرفت شتقول قالت له لا ابد دكتور سلامتك مافي شي
الدكتور طيب نرجع لمحور حديثنا اولا اعرفكم على نفسي وبدأ يعرف الطلاب والطالبات على نفسه
وتعرف على اسمائهم وخلصت المحاضره
بدأ الكل يطلع الا دانه إللي ماتحركت من مكانها وفاطمه
دانه اممممممممم فتو عادي تتمشين معي ونصير صديقات <<عايشه جو المدرسه خخخخخخخ
فاطمه ايوا حبيبتي عادي لي الشرف
دانه انا اكثر حووبي يالله مشينا وبعرفك على اخوي واختي وبنات عمي يدرسون معنا في نفس الجامعه
فاطمه ماشاءالله يعني انتوا عايشين بالامارات من زمان
دانه أي من توفى ابوي انتقل عمي معنا عشان مانكون لوحدنا ولان عندنا شركه هنا بالامارات
فاطمه اهااا ماشاءالله الله يوفقكم
دانه وانتي عايشه هنا من زمان
فاطمه لا انا درست في السعوديه بس لما صرت في اول ثانوي نقلنا للإمارات لان ابوي شغله يحتاج للسفر من بلد لبد
والحين هو مسافر بريطانيا وانا وامي لوحدنا بالبيت مع الخدم
دانه يعني ماعندك اخوان ولا خوات
فاطمه لا انا وحيدت ماما وبابا
دانه وهي تقعد على كرسي الكافتيريا اووه ماشاءالله يحق لك الدلع اجل
فاطمه ههههههههههه ايوا
دانه وهي تاكل وماقفت سوالف وإللي يشوفها تعرف فاطمه من سنين دقيقه بتصل على اختي سارونه تجي تتعرف عليك <<البنت على نار خخخخخخخخ
رن جوال ساره وهي مندمجه بسوالف صديقاتها
هذي اختي دانه تلاقونها ضايعه الحين ومو عارفه وش دعوه هههههههه
احلام ههههههههه ياعمري عليها ذكرتني بانفسنا اول سنه
ريناد ههههههههههه أي والله ذكرى ماتنسى ردي عليها المسكينه
ساره هلا وينك انتي
دانه انا بالكفتيريا تعالي ابغاك شوي
ساره شفيك وش عندك تبين شي
دانه أي تعالي بسرعه
ساره خافت يكون في اختها شي قفلت الجوال وقامت بتروح
احلام شفيها وش تبي
ساره والله مادري اخاف صاير لها شي ارعبتني تقولي بسرعه تعالي انا بالكفتيريا
ريناد الله يستر اجل خلينا نروح معك نفزع معكم في الهوشه >>وش عندها الاخت بتفزع خخخخخخ
ساره أي والله تعالوا معي
مشوا البنات إلين ماوصلوا للكفتيريا وشافت ساره اختاها دانه مع وحده اشبه ماتكون للقمر
ساره وي مين اللي مع اختي اول مره نشوفها
احلام احييييييييه على جمال مو طبيعي
ريناد أي والله الملعوونه
ساره اذكروا الله صلوا ع النبي وش فيكم بتحسدون البنت
وصلوا لعند دانه
ساره دنو شفيك خرعتيني عليك وش صاير لك
دانه الحمدلله والشكر الناس يسلمون قبل
ساره مالت على خشتك اقول وانا خايفه عليك وجايه لك بسرعه زين اني ماطحت على وجهي
دانه هههههههههههههههههههههه اماااا اتخيلك حفله
احلام هذي إللي خايفه عليها وخلتينا نجي لها طيران
ريناد ياتعب المسافه بس
دانه يعني انتوا متحسفين على المسافه إللي مشيتوها كان عديتوا الخطوات عشان امشي لكم كثرها خخخخخخخخخخ
ساره ياسخف دمك اختي واعرفك ماتبطلين هالحركات
دانه اوووه نسيتوني انا جايبتك اعرفك على الاموره فطوم
فاطمه ابتسمت إللي جمل وجهها اكثر
ساره اهلين اخبارك خيتو
فاطمه هلابك زود
ساره في نفسها وي كان لهجتها سعوديه
سلموا باقي البنات على فاطمه وقعدوا معهم وتعرفوا على بعض اكثر
في بيت ابو وليد
دخلت إيمان واماني مع اخوهم وليد البيت
أماني أووووووف والله مللل طفشت من جد وهالعيون تلاحقني من كل جهه<<الثقه عندها زايده ^ ^
إيمان الحمدلله والشكر ناقصين الناس
اماني انتي وش عرفك
الاقطع عليهم وليد اقول مابتبطلون هذره تراكم صدعتوا راسي اكثر من ماهو مصدع
ايمان مادري عن اختك مع هالغرور والثقه كان الناس مو شايفين خير
اماني طيب انتي وش حارك الانسان لابد ان يكون عنده ذره من الثقه
وليد اقول لايكثر كملي محاضرتك بغرفتكم انتِ معها
________________________
وبس انتهى البارت اتمنى يعجبكم ويكون بدايه موفقه لي
واتمنى الاقي تشجيع وحماس عشا ن اكملها
سيو

الزعيـ A.8K ـمه 25-02-2011 04:22 PM

رد: روايتي الأولى : وشلون صرنا شخص واحد و إحنا إنخلقنا إثنين
 
,’



بسم الله



يعطيك العــافية
إطلعي على الرابط بـ يفيدك النقد
http://forums.graaam.com/342083.html
موفقة إن شـــاء الله
http://forums.graaam.com/238622.html





,’

آمـوت بحبيبي 25-02-2011 04:34 PM

رد: روايتي الأولى : وشلون صرنا شخص واحد و إحنا إنخلقنا إثنين
 
بدآأإآيه موؤؤؤفقه .,.

وحلوؤؤه بجددد . .

آتمنى تكملي آلبآأإرت. .


بآأإنتظآأإرك خيتوؤؤؤؤه

حلآ الشرقيه 26-02-2011 08:22 AM

رد: روايتي الأولى : وشلون صرنا شخص واحد و إحنا إنخلقنا إثنين
 
البارت الثاني
في بيت ابو سامي وصلوا ساره وإيمان مع اخوهم نواف وسلموا على امهم
أم سامي :ها دانه حبيبتي وش صار معك اليوم
دانه:لا ابشرك ماما كل شي تمام وتعرفت على بنوته تهبل اسمها فاطمه ومن عائله سعوديه وباين انها محترمه صح سارونه
ساره:أي صح وبصراحه البنت عليها نعومه تحسد عليها الله يحميها من العين
ام سامي :الله يستر عليها وعلى بنات المسلمين إن شاءالله تبقون دائما مع بعض
دانه:آمين ماما يالله عن اذنكم بروح غرفتي
ساره :وانا بعد بروح ابدل ملابسي واصلي
ام سامي :بسرعه عشان تتغدون وترتاحون شوي
نواف: أي والله يمه ياليت تعجلين بالغداء تراني ميت جوع على لحم بطني من الصبح
ام سامي:ليه ماكلت لك شي بالجامعه تخفف شوي
نواف:بالبدايه ماكنت جيعان بس قريب ارجع البيت حسيت بالجوع وقلت ماباكل شي عشان اشبع عدل من طباخ الغاليه
ام سامي:ههههههه الله يحفظك ياوليدي ويبلغني فيك قول آمين
نواف:آمين يمه وإن شاءالله العروس ابغاك انتي تختارينها لي
أم سامي:إن شاءالله بس لاتغير رايك
نواف:لا لاتخافين اعرف ذوق امي الغاليه عشان كذا مابغير رايي
قطع سوالفهم دخول سامي وهو معصب شوي
سامي:السلام عليكم
نوآف وأم سامي :وعليكم السلام
ام سامي :شفيك يمه مين إللي مضيق خلقك
سامي :ولاشي يمه بس عمي ابو وليد ماتعرفينه في كل شي مدخل روحه ورايه هو إللي يمشي حتى لو كان غلط
نواف:انا متاكد ان بنخسر الشركه بسبته
أم سامي:معليه ياوليدي عمك وانت تعرف سوالفه من على ايام ابوك الله يرحمه
سامي:والله لو ابوي كان موجود كان الحين الشركه في احسن حال
إلا بدخول دانه وساره
دانه:ماما وين الغداء فيني النوم ابي ارتاح شوي
ام سامي:الحين اقول للخدامه تحطه
ساره:سمو فيك شي
سامي:ولا شي بس الله يهدي عمك
دانه:اوف ياليته هو اللي مات وابوي إللي عايش
نواف :عيب دانه وش هالكلام مهما كان لاتنسين انه عمك وياما وقف معنا وقفات
سامي :خلاص قفلوا الموضوع الواحد منتهي ويبي ياكل برواقه
الا بصوت ام سامي تناديهم للغداء
في بيت فاطمه
جالسه في الصاله وعندها الابتوب وتفرفر في المنتديات وهي طفشانه
اووف والله طفش هالحياه اللي عايشتها ابوي كله مسافر وامي الله يهديها ماتقعد في البيت
بس انا مع هالخدم ليه ماتصل بدانه تطلع معي نتونس شوي
دانه:فتحت عيونها بصعوبه وهي تتثاوب الو هلا فتو
فاطمه :اهلين نايمه؟
دانه:أي والله رجعت من الجامعه وتغديت ونمت آمري
فاطمه:لا مايآمر عليك عدو بس طفشت وانا بروحي بالبيت قلت اتصل عليك ونطلع نتمشى شوي
دانه:ولايهمك بعد صلاة الغرب نطلع أي مكان تبينه
فاطمه:تسلمين قلبوا اخليك الحين تكملين نومتك
دانه :اوكِ باي
قفلت فاطمه الجوال وهي مو عارفه شتسوي من الطفش آخر شي قررت انها تنام إلى بعد الصلاه عشان الطلعه
في بيت ابو وليد
اماني وإيمان ووليد في الصاله ويسولفون ومندمجين بالسوالف الا قطع عليهم دخول ابوهم
ابو وليد:السلام عليكم
إيمان واماني ووليد :وعليكم السلام
أبو وليد:وين امكم فيه غريبه مو جالسه معكم بالصاله
ايمان:الا يبه كانت معنا بس من شوي صعدت غرفتها بترتاح شوي
ابو وليد:طيب وانتوا ليه قاعدين كذا ماعندكم شغل وانت ليه طلعت من الشركه بسرعه اليوم ماتدري ان بحاجه لك
وليد:يبه انا شفت سامي هناك قلت اروح البيت ارتاح وبعدها ارد
ابو وليد:خوش مره ثانيه ماتتحرك منها الا إذا سمحت لك سواء كان وليد موجود او لا
وليد:حاضر يبه على امرك
____________________________----
بعد صلاة المغرب تجهزت فاطمه واتصلت على دانه عشان الطلعه
فاطمه:الو هلا دنو خلصتي؟
دانه:أي حبيبتي بس على مايخلص اخوي نواف
فاطمه :ليه اخوك إللي بيوصلك؟
دانه :أي اخوي لان امي رايحه السوق مع اختي ساره وطالعين بالسواق
فاطمه:اوك وين حابه نلتقي؟
دانه:امممممممم وش رايك نمر عليك ونروح سوا
فاطمه:لا استحي فشله
دانه:فتو ترى والله ازعل عليك من شنو تستحين؟
فاطمه:من اخوك احس احراج
دانه :اقول بس بلا هرج فاضي شوي وبنمر عليك بس عطينا عنوان بيتكم
فاطمه :اوكِ ووصفت لها بيتهم وعطتها العنوان وسكرت منها
نزلت دانه الصاله وشافت اخوها نواف ينتظرها
نواف:تو الناس كان ظليتي شوي
دانه: يعني تبيني ارجع عادي عندي كل شي ولا اخوي نواف
ولفت بتطلع الدرج الا يحذفها نواف بالخداديات حقين الكنب
دانه:ههههههههههههههههههه والله انت اللي قلت وانا مارد لك طلب
نواف:خلصي بتجين او اطلع
دانه:الا بجي وابيك تمر على فتو
نوآف: مين فتو بعد
دانه:فتو صديقتي إللي تعرفت عليها اليوم
نواف:هههههههههههه وبهالسرعه تطلعين معها
دانه:أي والله البنت تهبل وخلوقه واتصلت علي ومابغيت اردها
نواف:ماشاءالله عليك ماتردين احد ابد
دانه:شسوي الطيبه ذابحتني
نواف:اقول قدامي
طلعوا دانه ونواف وركبوا السياره
وفي السياره نواف:وينه بيتها صديقتك
دانه :والله مدري هي وصفته لي وعطته الوصف
وصل نواف عند بيت فاطمه واتصلت دانه عليها عشان تطلع
طلعت فاطمه وهي منحرجه ومستحيه وواضح عليها من مشيتها
ركبت فاطمه ورى نواف
فاطمه:السلام
نواف ودانه:وعليكم السلام
دانه:هلا وغلا ترحيبةً من عظمها بتنفجر السياره
نواف:فال الله ولا فالك بسم الله على سيارتي
فاطمه ماتحملت الموقف وقعدت تضحك بصوتها
نواف:خق على ضحكتها وقال في نفسه ياويل حالي
دانه إللي انتبهت في سرحان اخووها
دانه:نواف شغل لنا شي خلنا ننطرب
نواف:وشو تنطربين رايحه عرس انتي
دانه:خل ننبسط نستانس شوي
نواف:طيب وش الاغنيه إللي تبون اشغلها
دانه:فتو وش احلى اغنيه تعجبك
فاطمه:أي شي عادي
دانه:امممممممممممم شغل لنا دلعوها لبشار السرحان<<إذا ماني غلطانه^ ^
ابتدت الاغنيه ودانه شوي وتطير من النافذه من شدة الحماس اما فاطمه ميته ضحك على هبالها ونواف إللي كل شوي ويسرق له نظره من عند فاطمه وفاطمه مو داريه عنه ^ ^
وصلوا المجمع ونزلوا وراحت فاطمه جنب دانه ودخل نواف معهم
فاطمه:اخوك بيقعد معنا
دانه:اتوقع لانه مستحيل بيتركنا لوحدنا بنات في هالمجمع المليان شباب
فاطمه في نفسها يابختك يادانه عندك من يغير عليك ويحميك مو انا طول عمري لوحدي
دانه:فتو في شي
فاطمه : لا ابد بس وين اخوك راح
دانه:شوفيه قاعد ياشر لنا
لما وصلوا عند نواف
نواف:وش فيكم واقفين فيه شي؟
دانه:لا ابد سلامتك
نواف:طيب تفضلوا حياكم
قعدت دانه في الكرسي المقابل لنواف اما فاطمه فقعدت جنب دانه وطلبوا لهم إللي يبون
عند إيمان اخذت جوالها بتتصل على ساره بنت عمها
إيمان:الو هلا سارونه
ساره:اهلين إيمان شخبارك
إيمان:تمام الحمدلله وينك انتي
ساره:طالعه مع امي السوق
إيمان :حسافه
ساره :ليه تبين شي
إيمان :لا سلامتك بس قلت ابي اقعد معكم شوي انتي ودنو من زمان ماشفتكم وحتى اليوم بالجامعه ماتلاقيت معكم
ساره:وش هالحظ كل يوم قاعده في البيت واليوم لمن طلعت قررتي تزورينا
إيمان :يالله اجل ماطول عليك إن شاءالله التقي فيكم بكره
ساره:اوك باي
في المجمع دانه وفاطمه ونواف قاعدين يتمشوا الا شوي ويرن جوال فاطمه
فاطمه:الو هلا يمه
ام فاطمه:وينك الساعه 10 ونص الحين
فاطمه:انا بالمجمع مع صديقتي دانه
ام فاطمه:اوك بس لاتطولين ع الساعه 11 ابغاك تكوني بالبيت مو حلوه تطولين بره البيت
فاطمه:اوك يمه لاتحاتين شوي وبجي
قفلت فاطمه جوالها وقالت لدانه يالله دنو خل نمشي امي اتصلت علي ماتبيني اتاخر
دانه:اوك نواف مشينا يالله
نواف:بدري ماصارت الساعه 11 حتى
دانه:ام فاطمه اتصلت عليها ماتبيها تتاخر
نواف:مدام كذا خلاص اجل مشينا
طلعوا من المجمع وركبوا السياره ووصلوا فاطمه لبيتها وكملوا طريقهم لبيتهم
_______________________________________
وبس خلص البارت اتمنى يكون عجبكم

حلآ الشرقيه 28-02-2011 03:22 PM

رد: روايتي الأولى : وشلون صرنا شخص واحد و إحنا إنخلقنا إثنين
 

البارت الثالث
دخلوا دانه ونواف بيتهم وقعدوا الصاله يكملون سوالفهم
عند أماني خلصت من دردشاتها وسوالفها بالشات وقفلت الجهاز وتوجهت لفراشها بتنام
إلا رن جوالها أخذته بتشوف مين المتصل
أماني :هلا وغلا
هيفآء:هلابك أخبارك (هيفاء صديقة اماني من المتوسطه ونفس الغرور والثقه وفيها حقد على الناس
اماني :الحمدلله يالغلا وينك اليوم ليه ماداومتي
هيفاء:والله طفشانه ومالي خلق
أماني:طيب بكره بتداومين
هيفاء:أي بداوم اكيد متشوقه اشوف الناس ^ ^
أماني:تطمني مافي حد احلى منه إلى الآن انا وانتِ في المرتبه الاولى<<<الثقه عندهم ابد
هيفاء :أي الحمدلله طمنتيني
اماني :طيب انا بقفل الحين لان النوم يلعب بعيوني
هيفاء:صريحه من يومك خخخخخخخخ
اماني :هههههههههه ماعرف اجامل
هيفاء :طيب يالغلا تصبحين على الف خير
أماني وانتِ من اهله باي
هيفاء:باي
صار الصبح والكل صحى وهو نشيط وافطروا وتوجهوا للجامعه
عند دانه اول ماوصلت اتصلت على فاطمه تبي تشوفها وين
أما إيمان فراحت عند ساره بنت عمها وباقي البنات
ونواف راح عند الشباب
وإماني وهيفاء ماشغلهم إلا يناظرون بالبنات وماظلت تعليقه ماعلقوها
توجه الكل للكلاس عدا دانه إللي قعدت تتصل على فاطمه وفاطمه ماترد وهالشي إللي خله دانه تخاف على فاطمه
فقدت الامل من ان فاطمه ترد عليها وتوجهت للكلاس إلا بصوت يناديها التفتت بسرعه وشافتها فاطمه اطمئنت شوي وراحت لها ركض
دانه:وينك حرقت جوالك من الصبح
فاطمه:ههههههه تصدقين نسيت الجوال بالبيت ومو عارفه كيف التقي فيك انتظرتك عند البوابه الرئيسيه ومالقيتك
آخر شي قلت اروح للكلاس
دانه:الحمدلله اني لقيتك قبل ادخل تدرين اخاف ادخل بروحي على الاقل معي احد يتهزأ
فاطمه:ههههههههههههههه يالنذله طيب تعالي لانتاخر اكثر
دانه:هههههههههه مشينا
دخلوا الكلاس وسمعوا كم تهزيئه من الدكتور وكتبهم تاخير
_______________----
في البريك طلعت ساره والبنات ومعهم إيمان وتوجهوا للكافتيريا
عند دانه وفاطمه طبعاً كالعاده آخر من يطلع من الكلاس
طلعوا من الكلاس وفي طلعتهم التقوا بهيفاء واماني
دانه :اوووف وش هالصدف الخايسه
فاطمه:شتقولين
دانه:لا ولا شي
اما عند اماني مو مصدقه إللي تشوفه انبهرت بجمال فاطمه ونعومتها إلي غطت عليها
اماني:هيووف تشوفين إللي قاعده أشوفه
هيفآء:أي اشوف من هذي
أماني :والله ماعرفها توني اليوم اشوفها بس ولا يهمك استفسر من دانه مع ان مالي خلقها بس للضروره احكام
راحوا اماني وهيفاء وسلموا على دانه وفاطمه هالشي إللي خله دانه تستغرب ان بنت عمها تنزلت وهي اللي سلمت عليها
اماني:اقول دانه عرفينا على إللي معك
دانه:فاطمه من السعوديه صديقتي
اماني و هيفاء طالعوا بعض وباين عليهم انهم منقهرين خصوصا انها طلعت من نفس بلدهم
اماني:تشرفنا
فاطمه:انا اكثر
دانه:هذي اماني بنت عمي
فاطمه:اهلين اخبارك
اماني:وهي مالها خلقها بخير
هيفاء:يالله أماني بتقضي البريك هنا
اماني:طيب تشاوفرصه سعيده
بعد ماممشت اماني وهيفاء لفت فاطمه على دانه
فاطمه:اسمحيلي دانه بس بنت عمك مابلعتها اهي مع اللي معها
دانه:وش دعوه انا إللي ابلعها عاد
فاطمه: كيف يعني ماتحبون بعض
دانه:مو كذا بس هي مغروره واجد وشايفه حالها واتوقع ان إللي معها مثلها واعظم
فاطمه:طيب ماعلينا خليننا نفطر الحين تراني جيعانه
توجهوا دانه وفاطمه للكافتيريا
الا شافهم واحد من اصدقاء نواف
بدر:الله الله حمود لايفتونك الثنتين إللي بيدخلون الكافتيريا
أحمد:ياويل حالي خلاص نضبطهم وحده لك ووحده لي
بدر:أي خلاص انا إللي ع الشمال قصده دانه
احمد:أي وحده بس المهم وحده منهم
نواف إللي مو معهم ابد ولا يسمع سوالفهم إلا لفت دانه وشافته
دانه:فطوم حبيبتي بروح اكلم اخوي شوي وبرجع لك
فاطمه:اوكِ بس لاتطولين
دانه:او اقولك مو حلوه توقفين لوحدك تعالي معي
فاطمه:يكفي دانه بصراحه بديت انحرج من اخوك
دانه:هههههههههه اقول عن الدلع وتعالي
مشوا فاطمه ودانه متوجهين لنواف
وبدر واحمد علامات الاستفهام عليهم
دانه:نوافوه
نواف :اعوذ بالله فشلتيني قدام الربع وش تبين
دانه:ههههههههههههههههه مابي شي بس شفتك قلت اسلم عليك
نواف:اللي يسمعك الحين ماكاني 24 ساعه في وجهك
دانه:بس يختلف إذا كنت بالجامعه عن البيت ولا
نواف إللي انتبه بوجود فاطمه
نواف:هلا فاطمه اخبارك سوري والله بس اختي الله يهديها تنسي الواحد حتى اسمه
فاطمه:ههههه تمام الحمدلله
نواف:دوم يارب
فاطمه:وياك
إلا بصوت بدر احم احم من ورانا يانواف
نواف إللي فهم عليه وقعد يضحك
نواف:دانه ماعندك شي الحين
دانه فهمت ان اخوها يبي يصرفها
دانه: لا ابد ماعندي شي
بدر:لاداعي نواف ههههههههههههاي خذ راحتك
نواف:دانه اقول توكلي
فاطمه:خلاص دانه تعالي
نواف عجبه هدوء فاطمه وانسحابها السريع
دانه:اوكِ عشان فاطمه بس خخخخخخخ
نواف:اقول طيري ولا يكثر هرجك
بعد مامشوا دانه وفاطمه
بدر:احييه والله انك عرفت تختار
نواف :بلا هرج زايد ترى وحده اختي والثانيه صديقتها ياتنح
أحمد:واي وحده اختك
نواف:مايخصك
بدر:لاتخاف ماحنا بماكلينها
نواف:يعني واضح اختي إللي تسولف طول الخط ماوقفت
احمدوبدر ههههههههههههههههههههههههههاي
أحمد: اجل انا احجز لي صديقتها
نواف وكانه بدى شي يحترق بداخله مهمها كان صديقة اخته ومايرضى حد يستغفلها
نواف:اقول ماودكم تسكتون انت وياه
بدر:خلاص بنسكت مافينا حيل للهواش خخخخخخخ
____________________________________
عند إيمان وساره وريناد واحلام مندمجين بالسوالف وهم ياكلون
إيمان:اووف ترى وربي هالدكتور ماينطاق
ساره :الله يعينك عليه انا السنه إللي طافت بالقوه تحملته
ريناد:أي والله والحمدلله انها عدت مادته على خير
احلام:بس من جد سخيف ولاعنده اسلوب ابد
إيمان :تراكم حطمتوني انا قلت يمكن تكبرونه في عيني
ساره:ههههههههههههههههههه نقولك الصدق من الحين
أحلام:عشان ماتنصدمين بعدين وترى بإمكانك تستعطفيه ويعطيك درجات بالهبل
إيمآن:شكلك انتِ تسوين كذا ههههههههههه
أحلام:هههههههههه أي اسويها وش إللي نجحني اجل تفكرين من فلاحتي
ريناد:هههههههههههههههههه اتخيل لمن يطردنا بره
ساره:هههههههههههههههههههههه من جد إحراج هههههههههه
أحلام:لا وانا بالمقدمه وانتوا وراي كانكم بودي قارد
ساره وريناد :إللي حذفوا القلم على احلام واحلام وإيمان ميتين ضحك
__________________________________________-
خلص الدوام والكل توجه لبيته ومرت الشهور سريعه وتعمقوا بالدراسه
في بيت ابو سامي
الكل مجتمع بالصاله
أم سامي:أقول سامي ماودك تعرس يايمه ودي اشوف اعيالك وهم تارسين البيت
سامي:اووه يمه بدري
ساره:لا والله مو بدري جد نبغى يصير عندنا عرس
سامي :وش بلاكم مستعجلين علي توني في بداية شبابي
دانه:خلاص اجل نواف تزوج انت
نواف:انتِي شكلك ماتعرفين شنو الزواج تفكرين بنشتري سياره
ام سامي:خلاص وقت ماتفكرون تعالوا وقولوا لي وذيك الساعه ربك يسهل
ساره:امممممممممممممم سامي انت عروستك موجوده
سامي إللي فهم عليها واكتفى بإبتسامه
سامي يحب إيمان بنت عمه بس محد يدري إلا اخته ساره وإيمان تموت فيه بس برضوا محد يدري ولا هو يدري بالاساس
دانه:مين عروسته لاتقولين المقروده اماني بنت عمك
سامي :فال الله ولا فالك
نواف:أجل اختها الاصغر خخخخخخخخخخخخ
سامي:يعني مافي بنات بالدنيا الا بنات عمكم
ام سامي:خلاص ياعيال عاد ماصارت قلبتوها قضيه وبعدين ماتدرون عن نصيبه وين
ساره :أي صح ماتدرون يمكن تكون بالصين
دانه:ههههههههههههههاي اما بالصين عاد
سامي:بسم الله علي فال الله ولافالك
أم سامي:اقول لاتفاولين على اولدي بسم الله عليه طول وجمال ورزه تاخذه وحده من الصين
نواف:كح كح نحن هنا
أم سامي:هههههههههههههه حتى انت يازينك زينة الشباب بسم الله عليكم الله يحفظكم من عين الحسود ويبلغني فيكم
دانه إللي تعمدت ترفع صوت كحتها
سامي:هههههههههههههههههههه محد حولك
ساره:يعني بس الاولاد تبين تبلغين فيهم
نوآف: انتوا ماتستحون بدري عليكم يالله اشوف قال تبلغين فينا قال
ام سامي:بشويش عليها تراهم حتى خواتكم وش زينهن الله يحميهم من العين
دانه:واخيراً مابغيتي تنظقيها
الكل ضحك وكملوا سوالفهم وهم مستنانين
في بيت ابو وليد
عند اماني سرحانه وتفكر في فاطمه وكيف تطفشها وتخليها تطلع من الجامعه
إلا بدخول اخوها وليد
هي انتي
أماني:خير وش تبي
وليد:بلا قلة ادب واسلوبك هذا عدليه قبل ماعدله بطريقتي الخاصه
أماني:والله هذا اسلوبي وعاجبني
وليد:الظاهر قلة ادبك بدت تتمادى وانا إللي بوقفك عند حدك بس الحين مو رايق لك
طلع وليد من غرفة اماني إللي ماله خلقها لانها عكسه هو واخته ايمان وامهم بغرورها وثقتها وشايفه حالها على الناس
دخل للصاله إللي كانوا قاعدين فيها امه واخته إيمان
وليد: السلام عليكم ياحلى ام واخت في العالم العربي كله
إيمان:ههههههههه وعليكم السلام
أم وليد:وعليكم السلام ياشيخ الشباب كلهم
وليد:احم احم لاحد يكلمني الحين
إيمان:ههههههههههههه بشويش لاتطيح من طولك
ام وليد:اقعد وش بلاك واقف
وليد:ابد يمه بس طفشان شوي قلت اطلع افرفر شوي او بروح اقعد عند سامي ولد عمي او نواف
إيمان إللي وقف قلبها من سمعت اسم سامي وحاولت تتجاهل لانها ماتبي تعلق نفسها بوهم
أم وليد:طيب ياوليدي بس لاتتاخر تدري بابوك
وليد:إللي اخذ نفس طيب طيب
طلع وليد من البيت وهو كاره العيشه إللي عايشها مع ابوه إللي يتحكم فيه كانه بزر
خلص البارت واي إنتقاد اتقبله^ ^

حلآ الشرقيه 04-03-2011 01:23 PM

رد: روايتي الأولى : وشلون صرنا شخص واحد و إحنا إنخلقنا إثنين
 
بصراحه بسبب قلة الحماس والتشجيع
اطلب من المشرفه قفل الروايه

روح زايــــد 18-02-2013 02:53 PM

رد: روايتي الأولى : وشلون صرنا شخص واحد و إحنا إنخلقنا إثنين
 

’,

اقتباس:

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

’,


الساعة الآن +3: 05:02 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1