غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > قصص - قصيرة
موضوع مغلق
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-02-2011, 06:45 PM
صورة Miss Sun الرمزية
Miss Sun Miss Sun غير متصل
©؛°¨غرامي نشيط¨°؛©
 
إن كانت عظلاتك تجرحني فكيدي يحرق كل اللي حولك / بقلمي


~... السلام عليكم و رحمة الله و بركاته ...~



المدخل ...~

أسمع بكيد النساء و عندي خبر
كيدهن غالب و لا هو بمغلوب

بالحقيقه مالي بقربك فخر
و مثلك أنتي لو تعذر ماتوب

لا حشا مابك من إحساس البشر
و كل أحاسيسك بقاياها ذنوب

سيف غدرك في ضميري استقر
بان هجرك لو نويتي بالهروب






أنا شموخ أسمي على شخصيتي كيدي عظيم عمري 22 سنه....

بدأت قصتي مع فواز ولد خالي عمره 25 سنه جسمه كان يضرب فيه المثل جماله جمال يوسفي بين العربي و خليجي و يغلب عليه الجمال الخليجي لكنه سخيف و تافه لا أحبه من غير سبب

أو يمكن لأن أمه أمريكيا التى خانت خالي أه يا خالي يا حبيبي
أو
يمكن لأن لا يوجد شخص يتمدح أخلاقه ....

في غرفة الاستقبال بيت جدي أهل أمي <<~ يعني خوالي

جالسه لوحدي و استخدم لاب توب أف ملل خالاتي و بناتهم خارجين و لا يوجد أحد بالبيت غير الخدم و جدتي الكبيره بالسن

سمعت صوت خطوات رفعت راسي بملل
أنا مصدومه : فــــواز
فواز و وجه يشتعل بالغضب : صدق أللي سمعته
أنا وقفت بشموخي : و شنو سمعت...؟
فواز : صدق أنج راح تتزوجين ...؟

أنا حسيت بالخوف لأن فواز معروف أنه غير محترم و متربي بأمريكا بحكم أن أمه أمريكيه و يقولون حتن الصلاة ما يصلي ...

وقلت بعنادي و شموخي : أي نعم عندك مانع..!
فواز : أي أكيد عندي مانع....و أنا ؟
شموخ : شنو أنت ...؟ يا رجال أفهم أنا ما أحبك ليش مو راضي تفهم ...!

راح فواز يشتعل غضب و سكر الباب

هذا شنو أسوي ؟

سكر الباب لا وقفله بعد... أمبيه..!

قلبي صار يضرب بقوة كأنه بيطلع من مكانه

ألتفت علي

شموخ : أنت شنو قاعد أتسوي ...! جنيت ...؟
فواز : سكتي ما أبي أسمع أي صوت
شموخ بصوت عالي و تهديد : عطني المفتاح و لا ترى أصارخ الحين

طلع من مخباته كلنكس أو مرطب و الله مادري بس كان مبتسم
بحركه سريعه حطها على فمي
حاولت أقاوم لكن ما قدرت حسيت الدنيا دور فيني و سقطت

مر الوقت و أنا مو حاسه بشي

......: شموخ شموخ يمه حبيتي قومي
أنا كان جسمي متكسر تكسير صرت أتلفت شنو صار بعد ماخدرني : يمه أنتوا متى رديتوا ...؟
أمي : توه الحين...شنو هالدم وي كنت بقعدج حق الصلاة عيل يالله روحي غيري تلقين الكوتكس بحمام خالتج مشاعل
أنا ناظرت الدم ... قلبي وقف أحس كل شي فيني تجمد :......
أمي : هههههه لا تخافين محد شافج بس روحي بدلي الحين و أنا أقول حق الخدم ينظفون أنتي لا تحاتين

رحت الحمام أركض

كلمت فواز و قالي " أنا لو ما أحبج ما سويت هالشي "
و صار يقنعني أيام و ساعات أن كل هذا لجل ما أروح من أيده و أتزوج ووعدني أن يتزوجني
حبيته طلع مو سخيف بالعكس صدق أن ما يتكلم بالدين بس يتكلم بالعلم بالأصل أنا موذاك الزود يعني مو كثير دينه

مرت على هالحال أيام ممم لا أكثر يمكن شهر أو شهرين بس أخر الأيام قلت أتصالاته بالضبط أخر خمس أيام ما كلمته

سويت فحص بالبيت طلع أني حامل خفت و على طول أتصلت بفواز
وقتله شنو صارلي

ضحك و كأنه مو مهتم : هههههههه أنزين و بعدين كل هالخوف عشان جذي يبه سقطيه و خلصت السالفه
أنا : شنو مو مهم حنا لازم نتزوج الحين
فواز باستغراب و برود يقطع القلب: نعم...! أنا غيرت رايي بتزوج بنت صديق أبوي... ليش محد قالج؟
أنا لا أكيد يتغشمر : فواز تكفى مو وقته هالكلام الحين شنو يعني شسوي ...؟؟

حاولت أستوعب الكلمات بس هذا بالضبط أللي قالي أياه
صارخت و عفست البيت أبوي أخترعت و كذا مرة جلس معي لجل أعرف السبب
بس ما قدرت أقول لحد صرت ما أطلع من البيت طلعت سالفت زواجه صدق
و أمي كانت مستانسه و كانت أكثر وحده من خالتي مهتم فيه وبزواجه و تبي أتعوضه عن أمه الخاينه كنت دايم أسمعها تقول " إن شاء الله يتزوج و يعقل و تعوضه هالبنت عن أمه "

بس و الله ما أضعف و الله لرد حقي

إذا بعظلاته جرحني و الله و قسم بلله لرد له حركته

و قلبي صار يشتعل نار
الحطب كان الحقد
و الزيت الكره
و الغيره و الشياطين كانوا ربعي و أحبابي
و أبليس كان أللي يتحكم فيني

رحت و شتريت مسجل لجل أستمع لكل شي من أول ما يدخلون لي ههههههه أنـــتـــقـــم
و شتريت شمعه حجمها كانت ممم أشوي كبيره و طويله أتأدي الغرض و من النوع الزين لجل ما تنطفي
و حطيتها بجنب الفراش و شتريت خيط ضعيف و لونه أبيض و طويل كثير طويل حوطت الشمعه بالخيط و سحبت الخيط لي براا الغرفه يعني لو سحبت الخيط بقوة طاحت الشمعه
و الحمدلله ماكان واضح خيط ماكان واضح

ليلة العرس

دخل المعرس المجرم الله ياخذه ذبحني ولد الشيطانه الذيب
دخل و هو يضحك و مبتسم بجنبه أبوه باس راسها و النار تشتعل بقلبي يا جعل النار تحرقك يالنذل

مر الوقت
و صار يمشي و هي بجنبه و ماسك أيدها
حسيت بيغمى علي كأن أحد ماسك قلبي يضغط عليه
دمي توقف شياطين الدنيا كلها حوالي الدنيا سوده

رحت أمشي بهدوء لجل محد يحس فيني و صلت الدار كانت غيمه سود قدام عيني
أشعلت الشمعه حسيت بصوت قريب و طلعت بسرعه لحد يشوفني
مادري بس كأن فواز حس أني طالعه من الغرفة
ماهتميت فيه أهم شي أن أمي ما شافتني

دخلو

أمي نزلت تحت تكمل الحفله أنا ظليت واقفه خارج الغرفه بمسافه قصيرة
محد موجود غيري و أهما داخل فتحت المسجه

فواز: مبروك يا عروس
العروس بصوت كله خجل : الله يبارك فيك
فواز : مممم أنتي شكلج مستحيه أنا بروح أتسبح و أغير ملابسي و أنتي أخذي راحتج
العروس : أي أوكي
فواز صوت بوسة : أحبج

شتعلت النيران بقلبي
يالخاين يالمنافق كنت دايم تقولي هالكلمه
حسيت بطني يألمني ما هتميت
سمعت صوت الباب يتسكر أكيد دخل الحمام بعده صوت قعدت على الفراش يعني صوت خرفشه
العروس : أأأه يا حبي لك يا فواز ههههه ياحليله ماكو مثله كامل و الكامل الله

أنا ماستحملت ألي يصير....
أتحبها يا فواز...!
ها أتحبها يالخاين أتحبها يا ولد اليهوديه أتحبها
سحبت الخيط بقوة و كأن أحد يساعدني على سحبه
و طاحت الشمعه بكل هدوء صارت تلتهم كل شي حولها
الفراش شتعل نار العروس صارت تصارخ

أنا بسرعه نزلت تحت العرس مادري بعدها شنو صار
بس فواز أتصل بأبوه و أمي صعدت فأنا صعدت معاها

أللي لقيته أن البنت شبه جثه كأنها ميته لا و الله أللي يشوفها أقول ميته
ضاق خلقي عليها
لكني لما شفت فواز فرحت كان بجنبها يصيح مثل الطفل

أنا شموخ يعتدي على و يضحك و لا كأنه سوالي شي
أنا بكل غروري و كبريائي و شموخي أسوي فيني جذي ......!
هذا جزاك و أقل من جزاك

مادري شنو أللي صارله بالضبط بس أللي سمعته أن يحبها إلا يعشقها بجنون
كان دايم عندها وجها تشوه و حالتها خطره
و بعد خمس أو سبع أيام توفت
أبو البنت ما دقق بالسالفه لأن أبو فواز قاله ألتباس كهربائي
أبو البنت صديق أبوفواز من عمر فصدقه بدون لا يدقق
ولما أسألوا فواز شنو صار قال أن ما يدري لأن كان بالحمام

أما الشمعه عقب ماراحوا المستشفى
و قبل لا يجون الشرطه خبيت الشمعه و رشيت ماء عشان البصمات
النار و الماء يخفف بصماتي على الرغم أني ماخذها أحتياطي يعني لابسه كفوف((دس))
حاولوا أن السالفه تتسكر من قبل التحقيق بكثر ما يقدرون

سويت أوراقي بسرعه عشان بسافر براا بروح أمريكا أكمل دراستي هناك
و أرتاح لأن أللي أشوفه أحسن شي لي الهروب مو ضعف و لا خوف
لا لا أنا شموخ و راح أظل شامخه مهما طال الزمن أو قصر بس عشان أرتاح

ترى أللي سويته مو شي غلط لا أنا أللي سويته صح هذا من حقي فواز خاين و دمرني
فأنا دمرته و الضحيه البنت مو مهم أهي بتموت بكلا الحالات و محد يموت قبل يومه
سويت أوراقي بس المشكله أن يبون توقيع ولي الأمر
و أنا أبي أسافر بدون لا يدري أبوي و لا تدري أمي

حطيت منوم حق أبوي بالشاي و نام بالصاله على الكنفه خذيت بصمة أبوي وقعت
سويت أوراقي و رحت أمريكا

أه الحين أنا بلد الحريه و أخيراً

سقطت الولد أللي في بطني و فصخت أحجابي و لبس القصير و العاري
مرة السنين و تزوجت واحد أسمه جون ألبرت
مادري عن و لا شي بالكويت و لا أبي أدري
ماحبيت زوجي بس حسيت بفراغ مو طبيعي فتزوجت
أللي لاحظته أن و لا مرة ضحكت أو حتن بكيت كله
حتن بعرسي ما فرحت و لا حسيت بالخوف شي مو طبيعي

كأن مشاعري راحت مني صرت شخص بليد من المشاعر كتوم جماد مو إنسان
إنسانيتي راحت حسيت أن الحيوان أحسن مني على الأقل يمتلك بعض المشاعر أما أنا فجماد

صار عندي ولد سميته توم و الصراحه زوجي أللي اختار هالأسم لأني بالمختصر ما حسيت بالأمومه
مثل ما يسمونها

بعد مرور خمس سنوات

كنت مع ولدي بالحديقه
ماحسيت ألا بصوت قوي

ألتفتت

أنا بصوت عالي : تـــــــوم

ولدي كان مرمي بالشارع الدم حواليه السيارة صدمته بقوه
مادري شنو أقول لكم ولدي قدامي جثه مرميه
رحت أحظنه حاولت أني أحظنه
من أول ما جبته و لا مرة حظنته لأني ما أحمل له أي مشاعر

ما قدرت أبكي مادري ليش حاولت أن أحزن ما قدرت مشاعري مو راضيه تتحرك معقول المشاعر تختفي
بس كان في شي يحاوطني من سالفه فواز و هالشي يحاوطني دايما و وين ما أروح غيمه سوده ظلام

رحت المراقص أرقص ماكو فايده
شربت الخمر ماكو فايده
تزوجت
جبت ولد
و مات الولد هم ماكو فايده

هالغيمه ماتروح أبي أضحك أبي أبكي
أبي أحس بشعور واحد مو أكثر حتن ديرتي ما وحشتني
مر شهر على وفاة توم
صرت ما أهتم بنفسي و لا بشكلي كل أللي يهمني مشاعري وينها ......؟

دخلت الشقه الساعه9 بليل

الزوج ما يهتم معطيني حريتي على الأخر
و صاير ما يكلمني بالأصل ما أشوف إلا نادر وقت النوم أو بالصدفه
فتحت الباب و ياليتني ما فحته

بنت و الزوجي العزيز معاه و الضحك و الخمر

ناظرني اخترع و صار يصوت علي و يتأسف أنا عصبت و
نزلت تحت بلبسي الفاضح التنور القصير التيشرت
كأن إحساس الحيا راح مني من أول ما دخلت أمريكا

صرت أتلفت بالشارع

شفت عايله خليجه كانوا يضحكون و مستانسين
الولد : الصراحه شي مو طبيعي
الأم : ههههههههههه أي و الله حركاته.... صدق بهلواني
البنت : أي ما شاء الله ... ذكروا لا تصير فيه شي هههههههه
الوالد : لا إله إلا الله

أنا وقفت أهني عند كلمه لا إله إلا الله هالكلمة هزت كياني

لا إله إلا الله

حسيت بمعناه الحين دخلت قلبي
صرت أتذكر ضحكاتي مع أهلي
صرت أتذكر صلاتي و صيامي و ذكري لربي وقرأه القرأن
دمعت عيني مسحت الدمعه بيدي و صرت أناظر أيدي و أضحك
فرحت و حزنت بنفس الوقت حسيت بشي
مشاعري ردت
و فجأه طرى على بالي
العروس أللي ماتت عيوني بدت تتساقط منها الدموع ماتوقف أنا مجرمه
فواز أمي أبوي خوالي عمامي

شنو صار فيهم....؟؟

رحت لأقرب محل ملابس و دورت شي ألبسه يسترني و شريت شال عشان أغطي شعري
و رحت أدور أقرب لجنه لتعريف الأسلام لأني نسيت كل شي حتن صلاتي
و صرت أدرس و أحظر محاظرات

مارديت الكويت خفت لكني رحت الحج و العمره
و شتغل بلجنه تعريف بالأسلام بأمريكا

و إحساسي بالذنب يقتلي كل يوم أصيح و أنا أقرى من القرأن الكريم
ماتوقف أدموعي إلا وقت الدوام

تعرفت على وحده أسمها زهراء زوجها سفير الكويت بأمريكا
أهي تشتغل معاي باللجنه طلبت منها أنها تشوف أمي تقول لها
أني بأمريكا و خايفه أرجع

و راحت زهراء الكويت الخبر أللي يابته أن
أمي قالت لها "ما أبي أشوف شموخ و ماأبي رجلها توطي أرض الكويت "
أبوي توفى بعد روحتي بسنتين

أمي زعلانه علي و أنا خايفه أني أكون عاقه بكيت بكي موطبيعي و كذا مرة
رحت المستشفى بسبب أنهياري و صرت أتعاطه حبوب مهدئه
وبعد مدة أمي جت أمريكا أظن أن زهراء قالتلها عن حالتي
و حظنتها أااه ماكو على حظن الأم

قالتي " أبوج يا بنيتي مامات إلا وهو راضي عليج لأن خوالج قنعوه أنج تدرسين و كنا نألف له قصص عنج... لكنه مات بحادث سيارة وهو يسوي أوراقه عشان يجي لج "

كثير ألمني هالشي

أمي ماقالت شي حق خوالي و لا عمامي لأنهم لو دروا كان أذبحوني
هي جت أمريكا بعذر السياحه مع مشاري ولد خالتي
هو رجال بكل ماتحمله الكلمه من معنى عمره ما يتجاوز 20 سنه الحلو فيه أن مو متهور مثل شباب هالأيام متفهم رغم صغر سنه
و أنا ضليت بأمريكا لأني صرت

عـــار
عـار
عار

على ديرتي و أهلي و أمي و نفسي

لكن الحمدلله على نعمة الأسلام و الله يغفرلي إن شاء الله
و لا إله إلا الله
و الحين أعترف أني غلطانه
و أنا مو مشموخ أنا مجرمه
و عسى ربي يغفرلي لكن شموخي ماعاد موجود


و سبحان الله

إلي عظم نفسه و كيد النساء

و دعو كل النساء أن لا تفكرون بالإنتقام

أنا عارفه أني ظالمه و البطله معروف أنها تكون مظلومه

لكن هذي أنا و بليس لعب براسي

و خسرت دنيتي

و ماكتبتها إلا لأني أبيها تكون عبره وعظه لبنات جيلي

و قول لهم أنتي غزال و ظلي غزال و لا تصيرين أفعى

و إذا غضبتي استنجي بربج







مخرج....~

وجه الشبه بين النساء و الأفاعي
لسعه تصيب الغافل اللي قربها

كيد النساء يا ناس زاد الوجاعي
فكر(ن) يجيد اللعب لا من لعبها

خذها نصيحه من دروب الضياعي
إحذر و حاذر و إنتبه من غضبها










رجاءاً أللي بينقل يكتب أسمي ترى و الله تعبت عليها^_^_^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 26-02-2011, 07:03 PM
صورة •~»مـثلـيے قـ¸¸ـليل«~• الرمزية
•~»مـثلـيے قـ¸¸ـليل«~• •~»مـثلـيے قـ¸¸ـليل«~• غير متصل
©؛°¨غرامي نشيط¨°؛©
 
الافتراضي رد: إن كانت عظلاتك تجرحني فكيدي يحرق كل أللي حولك ...~[ مشاركة بالمسابقه ]


‏"‏

يسسعد مسسآئك..
بصصرآحه القصصه حلوه..
والفكره قدرتي توصلينها بطريقه حلوه..
يعطييك آلعآفييه..






‏=‏

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 26-02-2011, 07:40 PM
صورة رغم الحزن تبقى الابتسامه الرمزية
رغم الحزن تبقى الابتسامه رغم الحزن تبقى الابتسامه غير متصل
©؛°¨غرامي نشيط¨°؛©
 
الافتراضي رد: إن كانت عظلاتك تجرحني فكيدي يحرق كل أللي حولك ...~[ مشاركة بالمسابقه ]


سردك للقصة رااااائع
و القصة بعد عجييبة
و اسلوووب حلو بعد
و زين اهتدت على اخر عمرهاااا

يسلمووو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 26-02-2011, 07:49 PM
صورة ادمنت حبك. الرمزية
ادمنت حبك. ادمنت حبك. غير متصل
©؛°¨غرامي متألق ¨°؛©
 
الافتراضي رد: إن كانت عظلاتك تجرحني فكيدي يحرق كل أللي حولك ...~[ مشاركة بالمسابقه ]


مررررررررررره روعه وصلتي الفكره بطريقم مره حلوه
الله يوفقك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 26-02-2011, 08:31 PM
صورة Dalo3aa الرمزية
Dalo3aa Dalo3aa غير متصل
©؛°¨غرامي فضي¨°؛©
 
الافتراضي رد: إن كانت عظلاتك تجرحني فكيدي يحرق كل أللي حولك ...~[ مشاركة بالمسابقه ]


يسعد صباحك / مسائك

تسلم أناملك حبيبتي
قصه رااائعه

موفقة يالغلا


تح ــيآاتي~\

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-02-2011, 10:22 PM
صورة Miss Sun الرمزية
Miss Sun Miss Sun غير متصل
©؛°¨غرامي نشيط¨°؛©
 
رد: إن كانت عظلاتك تجرحني فكيدي يحرق كل أللي حولك ...~[ مشاركة بالمسابقه ]


اقتباس:
المشاركة الأساسية كتبها •~»مـثلـيے قـ¸¸ـليل«~• مشاهدة المشاركة
‏"‏

يسسعد مسسآئك..
بصصرآحه القصصه حلوه..
والفكره قدرتي توصلينها بطريقه حلوه..
يعطييك آلعآفييه..






‏=‏
يا هلا و الله

هلا و غلا

تسلمين حبيبتي و حياج الله

مشكوووووورة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-02-2011, 10:25 PM
صورة Miss Sun الرمزية
Miss Sun Miss Sun غير متصل
©؛°¨غرامي نشيط¨°؛©
 
رد: إن كانت عظلاتك تجرحني فكيدي يحرق كل أللي حولك ...~[ مشاركة بالمسابقه ]


اقتباس:
المشاركة الأساسية كتبها رغم الحزن تبقى الابتسامه مشاهدة المشاركة
سردك للقصة رااااائع
و القصة بعد عجييبة
و اسلوووب حلو بعد
و زين اهتدت على اخر عمرهاااا

يسلمووو
يا هلا و الله زهور

منرتني يالغلا ^_^_^_^

مشكورة بعد عمري و الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-02-2011, 10:26 PM
صورة Miss Sun الرمزية
Miss Sun Miss Sun غير متصل
©؛°¨غرامي نشيط¨°؛©
 
رد: إن كانت عظلاتك تجرحني فكيدي يحرق كل أللي حولك ...~[ مشاركة بالمسابقه ]


اقتباس:
المشاركة الأساسية كتبها &مشكلجيه& مشاهدة المشاركة
مررررررررررره روعه وصلتي الفكره بطريقم مره حلوه
الله يوفقك
بعد جبدي و الله

وجودج أللي مره روعه

منورتني يالغلا^_^_^_^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-02-2011, 10:27 PM
صورة Miss Sun الرمزية
Miss Sun Miss Sun غير متصل
©؛°¨غرامي نشيط¨°؛©
 
رد: إن كانت عظلاتك تجرحني فكيدي يحرق كل أللي حولك ...~[ مشاركة بالمسابقه ]


اقتباس:
المشاركة الأساسية كتبها dr / dalo3aa مشاهدة المشاركة
يسعد صباحك / مسائك

تسلم أناملك حبيبتي
قصه رااائعه

موفقة يالغلا


تح ــيآاتي~\


تسعدني حياتج يا بعدهم و الله


منورتني يالغلا ^_^_^_^_^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 27-02-2011, 12:24 AM
صورة سكُون الرمزية
سكُون سكُون غير متصل
©؛°¨غرامي مجتهد¨°؛©
 
الافتراضي رد: إن كانت عظلاتك تجرحني فكيدي يحرق كل اللي حولك [ مُشاركة في المسابقة ]


يسلمووؤوشن ياقمر

دحيـــــن أقــرء القص ــة =)

وأعطيكِ رأي ||~


موضوع مغلق

إن كانت عظلاتك تجرحني فكيدي يحرق كل اللي حولك / بقلمي

الوسوم
...~[ , آآآخ , مشاركة , بالمسابقه , تجرحني , يحرق , حولك , عظلاتك , فكيدي , كانت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية كل ما قرب مني أنا بعدت و كل ما قربت منه هو بعد ما أدري هي رعشة خوف و إلا جنون الشوق / بقلمي ||~ فخآمة كبريآء ~|| أرشيف الروايات المغلقة - لعدم إكتمالها 22 16-03-2013 02:44 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
جرحتني مرة لا تجرحني مرة ثانية / بقلمي حكاية عاشقة أرشيف الروايات المغلقة - لعدم إكتمالها 19 27-04-2010 05:35 AM
حبيبي ليه تجرحني رزاااااان منقولات أدبية 8 10-02-2010 11:44 PM

الساعة الآن +3: 05:14 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1