منتديات غرام روايات غرام أرشيف الروايات المغلقة - لعدم إكتمالها رواية أحبه و أعشقه و لو يخيروني بينه و بين الحياة أختاره / بقلمي
ملك دنيتيـ ©؛°¨غرامي جديد¨°؛©

سلااام

كيفكم يالغوالي؟؟

بصراحه هاي اول روايه لي واتمنى تعجبكم

وبعد تشجيع قررت احطها هنا

واتمنى انكم تشجعوني ماتتركوني

نبذة عن الرواية:

رومنسية....حزينة....كوميديا....دراما....اكشن

عدد البارتات:30 ويمكن يزود

هذا الي اقدر عليه الحين بعد شوي بنزل البارت

تحياتي

ملك دنيتيـ ©؛°¨غرامي جديد¨°؛©

الشخصيات:
الجد:رجل اعمال متقاعد بسبب كبر سنه ,عصبي مرة
الجدة:حنونه وعليها حركات فله
عائلة بوخالد:
بوخالد:محمد يشتغل في شركة من الشركات ابوه حنون وعصبي
ام خالد:تشتغل في احدى الصالونات حنوونه وتموت في زوجها وعيالها
خالد:طالب بالجامعة اخر سنة في الهندسة عمره 22 سنة جسمة رياضي طويل وابيض شعره لنهاية كتفة لونه اسود مايل للبني عيونه عسلية عصبي ويدلع اخته,خاطب بنت خالته
بسام:طالب بالثانوية اخر سنة عمرة 18سنة يشبه خالد مغازلجي وحنون يكره يوم السبت
غزل:'طالبة بالثانوية باول ثانوي عمرها 16سنة طويلة وضعيفة شعرها بني فاتح لنهاية ظهرها عيونها بنية وبشرتها بيضا البنت الوحيدة ,دلوعة اهلها رومنسية وعصبية
عائلة بوفهد:
بوفهد:سالم يشتغل مع بوخالد في الشركة عصبي
ام فهد:تشتغل في صالون وعصبية
فهد:طالب بالجامعة اخر سنة هندسة عمره 22سنة طويل وجسمه رياضي حنطي شعره لبداية رقبته عيونه بنية وواسعه دايم يتهاوش مع اخوانه
رهف:طالبة بالثانوية باول عمرها 16سنة طويلة وضعيفة جسمعها عريض شعرها اسود لنص ظهرها عيونها عسلية رومنسية وصديقة غزل الروح بالروح
مهند:طالب بثاني ابتدائي عمره 8 سنوات يشبه رهف دلوع اهله طويل لسان
عائلة بوفارس:
بوفارس:عادل يشتغل مع اخوانه في الشركة
ام فارس:استاذة رياضيات حنونه اصلها فرنسية
فارس:طالب بالجامعه اخر سنة هندسة عمره 22 سنة طويل جسمه رياضي عيونه خضرا شعره اشقر لكتفه رومنسي وحنون وحيد اهله واكيد دلوعهم دافور بالدراسة

باقي الشخصيات راح تتعرفوا عليها عن طريق الرواية

برب

ملك دنيتيـ ©؛°¨غرامي جديد¨°؛©

(البارت الاول )


يوم السبت اول يوم دراسي في الفصل الدراسي الثاني في الفجر
{بيت بوخالد}
في غرفة غزل
ام خالد:غزل يلا قومي صلي لاتتأخري على الصلاة
غزل وفيها النوم:انشاءلله يمه الحين بقوم
طلعت ام خالد وقامت غزل تتوضأ وتصلي بعدين خذت لها شور ولبست حست انها نشيطة جات في بالها فكرة
راحت غرفة بسام دخلت وكانت الغرفة ظلمة وباردة ارتجفت من البرد شغلت الانوار وطفت التكيف وراحت باتجاه السرير
غزل:بسوم قووم صل
بسام:صليت طلعي وطفي النور
غزل:قوم تجهز اليوم السبت مانبي نتأخر
بسام:اوووف ياكرهي لهاليوم
غزل:كره مثل ماتبي بس قوم تجهز
بسام:اوووش يلا اطلعي خليني انام
....:ماقمت للحين يلا قوم تجهز
بسام:خويلد ياسخيف خذ اختك واطلع لا اخليكم تلعنون اليوم الي عرفتوني فيه
غزل نطت على السرير وصارت تناقز وتضحك
بسام:ياحماره لاتناقزي
خالد نقز وصار يناقز على السرير
بسام:ياحمير برا ,مسكهم من رقبتهم اثنينهم وطلعهم برا الغرفة
غزل+خالد:ههههههههههههههه
بوخالد كان طالع من غرفته وشافهم يضحكون:عيالي جنوا
خالد وقف ضحك:يلا روحي جهزي مانبي نتأخر
غزل:اوكي
{بيت بوفهد}
رهف كانت صاحيه من نص الليل صلت وتروشت وتجهزت وراحت تشووف فهد دقت الباب ثلاث مرات بعدها دخلت
رهف باستغراب:الهبل صاحي من الفجر
نزلت لقت اهلها يفطروا
رهف:صباح الخير بابي صباح الخير مامي
ام فهد+بو فهد:صباح النور
فهد:حنا هنا على الاقل احترميني وقولي صباح الخير
رهف سفهته وباست راس امها وابوها وجلست تفطر
{بيت بوفارس}
فارس كان بسابع نومه الا يرن جواله وبدون مايشوف المتصل
فارس:مين الزفت الي منصل هالوقت
....:زفت بعينك يلا قوم اليوم دوام
فارس:خويلد ياحمار خلصني وش تبي
خالد:قوم اجهز اليوم دراسة
فارس :طيب
سكر الجوال وقام تروش نزل وباس راس امه وابوه
فارس:صباح الخير
بو فارس+ام فارس:صباح النور
{بيت بوخالد}
خالد:غزل خلاص جهزتي
غزل:يس
خالد وهو يناظر بسام:وانت
بسام:اي خلصت
خالد:يلا قوموا نمشي ..مع السلامة
بسام:مع السلامة
غزل:باي
بو خالد+ام خالد:مع السلامة
طلعوا وتوجهوا للسيارة وهم بالطريق اتصلوا بفهد وفارس عشان يمرون عليهم (تعودوا اول يوم يروحون مع بعض)
وكلن راح لمدرسته او الجامعة
(في المدرسة)
رهف:شقد مشتاقة للبنات
غزل:وانا اكثر منك
رهف:وينهم
غزل:شوفيهم هناك
راحوا لشلتهم وحظنوا بعض
دانه:لكم فقدة يادببة
لوجين:من جد الحياة من دون الشلة مو حلوة
غزل وهي تضحك:ادري الحياة من دوني مو حلوه
نوره:روحي زين
رهف:ماعرفتوني مين هذه
لوجين:هذه بنت خالتي اسمها ساره في ثالث متوسط نقلت من مدرستها
رهف+غزل:تشرفنا
سارة:الشرف لي
دانه:دام الشلة اجتمعت خلونا ندخل
اعرفكم في البنات
(دانة:صديقة غزل ورهف الروح بالروح بيضا ومنوسطة الطول تحب الاكشن والموسيقى رومنسية لدرجة كبيرة شعرها
قصير لكتفها لونه اسود )
(لوجين:صديقتهم طويلة جسمها جسم عارضات الازياء شعرها لنص ظهرها لونه بني )
(نوره:طويلة وضعيفة شعرها لنهاية ظهرها عصبية ورومنسية دافورة بشكل كبير دايم تحب تطنز على الناس
اجتماعية بشكل كبير )
(سار:بنت خالة لوجين طويلة شعرها لبداية كتفها لونه اسود ناعمة ودلوعة)

(في الجامعة)
خالد:شوفوا الشله هناك
فهد:يلا خلونا نروح
فارس:بشتري ماي وبرجع
فهد:سلم على الشباب وروح
فارس:اوكي
راحوا وسلموا على بعض
فارس:شباب في احد يبي شئ من الكافتيريا
متعب:اي طلال يبي ماي
طلال:مين قال اني مابي
فيصل:صارلك ساعة تبي ماي
طلال بتأفف :خلاص مابي
خالد :لمتى بتضلوا ماتكلمون بعض
فارس:خالد امور ماتخصك لاتدخل فيها
فهد:طيب هدوا اعصابكم ماصار الا كل خير
راح فارس الكافتيريا ولحقه متعب
متعب:وش فيك ابوالفوارس
(فارس يتنرفز اذا احد قاله بوالفوارس)
فارس بنرفزة:انقلع عن وجهي
متعب:امزح معاك ..يلا وش رايك نخطط لليوم
فارس:خطط بنفسك
متعب باس فارس على خده :سوري ماراح نعيدها بس لاتزعل
فارس يضحك وحاط يده على خده:ماصدق حبيبتي باستني انا بحلم ولا بعلم
متعب:لا حبيبي انت بعلم
فارس:اقول انقلع
متعب:خلينا نعيش جو شوي
فارس:عيش جو مع حبيبتك
متعب:للأسف للحين ماعرفها
فارس:روح تعرف عليها
وصلوا الكافتيريا واشتروا ماي ورجعوا
اعرفكم في الشباب
(فيصل:طالب جامعي عمره 22سنةمحبوب ومرح بس وقت الجد جد عصبي ,طويل وعريض وجسمه رياضي عيونه بنية وشعره بني مايل للأشقر مايحب يلبس الثوب)
(متعب:طالب جامعي عمره22سنه محبوب وعصبي ومغازلجي طوله متوسط عيونه عسلية شعره بني لكتفه بشرته بيضا)
(طلال:طال جامعي عمره 22 سنه محبوب وطيب بس مايظهر طيبته مايحب فارس بدون سبب طويل شعره لكتفه لونه اسود بشرته حنطية)

(في المدرسة)
دانه:ابي اسوي اي شئ يزعج الاستاذة
غزل:مو بس انتي ..بنات عندكم فكره نسوي اكشن
رهف:وش رايك نرمي قرشة ماي بالارض
دانه:فكرة غبية
رهف بنظرة شيطانية :بنفتحها ونرميها
غزل اول ماسمعتها اخذت قرشة ماي وفتحتها ورمتها
نوره:غزيل ياحماره ليه تسوينها بدوني
غزل:لو قلت لك راح نتهاوش مين الي ...
الاستاذة بعصبية:مين الي رمت القرشة
غزل وقفت:انا استاذة
الاستاذة :تعالي معي
غزل:استاذة تعبانة مالي خلق
رهف:تعرفي استاذة كانت الفكرة فكرتي بس غزل سوتها
دانه:استاذة اذا ماعندك مانع ابي اجي معاهم
نوره:شلون تروحون وتخلوني بروح معـــ ..
الاستاذة:كلكم برا
غزل والبنات ماعطوها وجه
الاستاذة عصبت زيادة:حسابكم بعدين
انتهى الدوام وجهزوا وانتظرت كل وحده اخوها او سواقها يوصلها
(غرفة الانتظار)
رهف:يلا باي السواق جا
غزل :باي
(في الجامعة)
خالد:فارس تعال معي اليوم
فارس:اوكي
فهد:وانا محد عاطيني وجه
خالد وانت حياك
(في المدرسة)
بسام كان معصب لوحده لان ربعه ماجاو رجع البيت وشاف اهله ينتظرونه
بسام:سلام عليكم
الكل :وعليكم السلام


(انتهى البارت )

كيف وصفي للشخصيات؟؟

بنظري البارت اﻻول ممل شوي ؟؟

شو بيسوي بسام لشلته؟؟

شو بيصير لفارس وهو ببيت عمه؟؟

هل بتستمر خناق فارس وطلال؟؟

بايو

HnOoOoD ©؛°¨غرامي نشيط¨°؛©

يسعدني اكون اول من يرد عليج

كيف وصفي للشخصيات؟؟

حلو

بنظري البارت اﻻول ممل شوي ؟؟

كبدايه عادي

شو بيسوي بسام لشلته؟؟

ع حسب تحليلج لشخصيته واحد من الاثنين
1) ما يكلمهم
2) يسوي فيهم موقف لا يحدسدون عليه ما ادري شلون اقولها بس بالكويت دقه

شو بيصير لفارس وهو ببيت عمه؟؟

بشوف غرل

هل بتستمر خناق فارس وطلال؟؟

انا ما اعرف شنو القصه بينهم اذا وضحت ممكن احكم اذا يضلوا او لا

تحياتي
HnOoOoD

رهوووفا ©؛°¨غرامي نشيط¨°؛©

بداايه جدا راائعه

بانتظااارك

stael ©؛°¨غرامي جديد¨°؛©



كيف وصفي للشخصيات؟؟
رااائــع بس ليييش كلهم عصبيين <<كف+براا+ووجع
بنظري البارت اﻻول ممل شوي ؟؟
لاهوو حلوو يجي منه
شو بيسوي بسام لشلته؟؟
اتوقع بيقتلهم ههههههه

بيسسوي حركة نذااله انا متاكده << وش درااك

شو بيصير لفارس وهو ببيت عمه؟؟
بييشوف غززل ويقع في حبهاا <<هع
هل بتستمر خناق فارس وطلال؟؟


صصررااحه امممم ما اتوقع بتسستمر




رووووايتك عذاااب كليها بلييز




ملك دنيتيـ ©؛°¨غرامي جديد¨°؛©

HnOoOoD

رهوووفا

stael

يسلموو ع التواجد

ماننحرم

كنت هنا

ملك دنيتيـ ©؛°¨غرامي جديد¨°؛©

(البارت الثاني)

(بيت بوخالد)
خالد:ساعة ياخي كل ذا من الدفارة
بسام:مالي خلقك
ام خالد:صلوا على النبي
الكل:عليه الصلاة والسلام
ام خالد:بسام حبيبي روح غير ملابسك وتعال تغدى
بسام:يمه ماني جوعان مابي غدا
واتجه ناحية الدرج وهو يصعد تذكر انه ماشاف دلوعته <<غزل
غير ملابسه ودق باب غرفتها
بسام:غزولتي فتحي الباب
غزل سوت نفسها نايمة
بسام كان متوقع انها ماراح ترد عليه دخل الغرفة وجلس على طرف السرير
بسام:غزل يلا قومي تغدي
غزل بصوت فيه البكا:مابي شئ
بسام:حبيبتي لازم تاكلي جايه من الدوام تعبانة واكيد جوعانة يلا نزلي كلي شئ
غزل:بسام الله يخليك اتركني لوحدي
بسام:حبيبتي الى متى بتضلي على هذا الحال خلاص ادعي لها بالرحمة
غزل ماقدرت تتحمل انفجرت بكي:اشتقت لها
بسام مايحب يشوف دلوعته بهالحال حضنها:خلاص حبيبتي ماحب اشوف دموعك هي غالية اذا كان لي خاطر نزلي معي
غزل:ماني جوعانه
بسام:عشان خاطري
غزل:طيب بس
بسام:لابس ولا شئ
عند الدرج
بسام:حبيبتي نزلي بس نسيت جوالي بروح اجيبه
غزل:اوكي
غزل سرحت وصارت تمشي وهي منزلة راسه وماحست الا وهي صادمة بشئ اول مارفعت راسها انصدمت
نروح لشخص الثاني
كان يكلم بالجوال ولما سكر حس بشئ صدم صدره نزل راسه وناظر الملاك الي قدامه
غزل لما رفعت راسها عيونها بعيونه حست على نفسها وقالت:سوري
وركض راحت للمطبخ وسكرت الباب بقوة وتسندت عليه ورجعت تفكر بعيونه الخضرا
عند الشخص الثاني
للحين بمكانه منصدم من الي شافها صحى على صوت ولد عمه
بسام:اوه فارس عندنا
فارس ابتسم:اي ماتبيني
بسام:لا بالعكس ابيك بس قايل لغزل تنزل
فارس:شكلي مزعجها
بسام:لا عادي
غزل سمعت كل شئ :الله ياخذك يابسام تفضحني عنده
اول مادخل ارس الغرفة راحت ركض لبسام ومسكته من رقبته وقالت بعصبية :يالغبي تبيني اتغدا ها ..اخر مره اسمع كلامك
بسام:خلاص توبه بس تغدي ..غمز لها..وش فيه وجهك كذا اعترفي وش صاير
غزل :ها
بسام بابتسامة خبيثة:يعني صاير
غزل فكت رقبته وقالت بعصبية:يازفت انقلع عن وجهي
طلع لهم خالد:وش فيك تصارخين
غزل:ولا شئ ولا شئ
خالد ناظرها باستغراب وبسام يضحك
غزل:شوف اخوك
خالد:مو انتي تقولي مافيه شئ فهو مافيه شئ
غزل:خلودي انا غزولتك دلوعتك وهذا جالس يستهبل علي
خالد:اتركها وتعالوا تغدوا
غزل:مابي غدا
خالد:موكيفك لازم تتغدي
غزل:طيب خلاص
راحت لبست الطرحة ونزلت دقت الباب
غزل:السلام عليكم
رفعت راسها (الله ياخذك يابسام)كان بسام جالس بمكانها ومكانه قدام فارس فاضي
فارس:لهالدرجه ماتبين تجلسين قدامي ترا ماكل
بوخالد:وش هالكلام يافارس (ناظر غزل)والحين غزل بتجي وتجلس
غزل ماحبت تفشل ابوها وجلست على الكرسي
بوخالد:شخبار الاهل يا فارس
فارس ابتسم:بخير مشتاقين لكم
بوخالد:واحنا اكثر سلم عليهم
فارس:يوصل انشاءلله
ضرب رجل غزل برجله غزل ملت من هالحركة ووقفت وقالت:الحمدلله
ام خالد:ماكلتي شئ
غزل:الحمدلله شبعت
وطلعت فارس:الحمدلله
بوخالد:وين ماكلت شئ
خالد ناظر بنص عين:لاتستحي
فارس بنف النظره:ماني مستحي بس طولت عندكم
طلع يغسل وشاف الثلاجة مفتوحة
غزل:اوف يابسيم حسابك عندي تاخذ البيبسي ولا تجيب غيره
سمعت ضحكة من ورا لفت راسها تناظر وانصدمت
فارس بضحكة:كل ذا عشان البيبسي اذا ماجاب لك انا اجيب
غزل تمنت الارض تنشق وتبلعها راحت ركض غرفتها
غزل:او وش بيقول عني مشفوحة رجعت تتذكر شكله وقالت:اه عيونه عذاب وابتسامته خقاق
ضربت خدها :وش فيني اكلم نفسي
وراحت ناحية السرير ورمت نفسها وجلست تفكر فيه قطع عليها سرحانها الجوال يرن روحي يتصل بك
غزل ردت:هلا وغلا
....:هلا بحياتي
غزل:وحشتني
.....:ههههه وش شايفتني يابت الناس
غزل:حبيبي
.....:اخر عمري اصير حبيبك
غزل:لك الشرف
.....:طيري هناك قالت ايش قالت لك الشرف
غزل:رهوفة خلصيني وش تبين
رهف:وحشتيني
غزل:يلعن ام الكذب
رهف:والله
غزل:والله
رهف:عن السخافة اقول غزولتي
غزل:ايوا
رهف:انتي تدرين انك روحي وحبيبتي وقلبي
غزل قاطعتها:بدون كل هالمقدمات وش تبين
رهف:يابعد قلبي تعالي بيتنا
غزل:امممم امي مستحيل ترضى
رهف:اوف طيب باي
غزل:رهوف لاتزعلي
رهف:مقدر ازعل منك
غزل:فديتك يلا باي
رهف :باي
غزل سكرت ورجعت تفكر في فارس
(بيت بوفارس)
دخل البيت وهو يفكر بغزل رمى نفسه على الكنبة ورجعت له افكاره
ام فارس:فارس متى جيت
فارس ابتسم:ها
ام فارس:شنو فيك
فارس:مافيني شئ بس تعبان
ام فارس:سلامتك من التعب حبيبي
فارس:الله يسلمك يالغالية
راح وحط راسه على رجل امه وغمض عيونه يفكر بغزل
بعد مرور سنة مافي اشياء جديدة تصير بس تطور حب غزل لفارس وبسام وخالد عرفوا غزل قالت لهم
دخلت بيتهم وهس تبكي وصارخت:ماما ماما ماما ماما
ام خالد:شوفيك بشري
غزل:نجحت
بسام نزل على صراخ اخته
بسام:بشري كم
غزل:95%
بسام:ههههه هذه النسبة الي احسن مني
غزل:هذا الي تجيب انت انا جايبة 99
بسام:كذابة
غزل:روح شوف جهازك وتأكد
بسام ركض لجهازة وشاف كلامها صحيح
دخل بوخالد وخالد
غزل:راحت لأبوها بسرعة:بابا بارك لي
بوخالد:مبروك بس على شو
غزل:نجحت
خالد:كم
غزل:95
خالد:لا ومأذيتنا بجيب احسن منكم
بسام :ماعليك منها كذابه جايبة 99
غزل:يلا راح تنفذ وعدك
خالد بكذب:اي وعد
غزل:وعدك اني اذا جبت احسن منك راح توديني المكان الي ابيه
خالد:تعبان حدي
غزل:خالد انت وعدتني
خالد:طيب في الليل
غزل:طيب
خالد:لاتزعلي بس الحين تعبان
غزل:مقدر ازعل عليك
بسام:هي انتم عايشيين جو
خالد:تغار
بسام:اكيد اختي الوحيدة
خالد:يمه جوعان
بسام:ياخي مافي وحده بترضى فيك بسبب هالكرش الي بيطلع
خالد:مو كيفك كل بنات السعودية يلحقوني
بسام:حيل اشوفهم اول مافتح الباب


(انتهى البارت)

بانتظار توقعاتكم

ملك دنيتيـ ©؛°¨غرامي جديد¨°؛©

(البارت الثالث)
غزل راحت غرفتها تبي ترتاح شافت جوالها يرن تأففت وشافت رقم غريب
غزل:الو
....:هلا بهالصوت
غزل:اخوي شكلك غلطان
.....:مو انتي غزل
غزل:اي انا غزل
.....:شفتي ماني غلطان
غزل:مين معاي
.....:مو لازم تعرفي
غزل:بتقول ولا اسكر
.....:لا لاتسكري في وجهي
غزل بحده:مين
.....:ماعرفتيني انا فارس
غزل انصدمت ابد ماتوقعته فارس:مين فارس
فارس:كم فارس تعرفين فارس ولد عمك
غزل:ااا.......
فارس:كيفك غزل
غزل:بخير وانت
فارس:دامني سامع هالصوت اكيد بخير
غزل انحرجت:.......
فارس:غزل معاي
غزل:ها اي معاك
فارس:شو فيك
غزل:مافيني شئ
فارس:طيب حبيت اسألك
غزل:تفضل
فارس:اول شئ مبروك النجاح
غزل:الله يبارك فيك
فارس:كم نسبتك
غزل:99%
فارس:واااو طالعة دافورة
غزل:بس مو احسن من نسبتك
فارس:انشاءلله تجيبي مثلي في ثالث
غزل:انشاءلله
فارس:امممم
غزل:امم
فارس:حبيبتي
غزل:......
فارس:غزل
غزل:هلا
فارس:ممكن اتصل بين فترة وفترة اتطمن عليك
غزل:ممكن
فارس:طيب ماطول عليك ازعجتك
غزل:لا عادي
فارس:باي
غزل:باي
غزل احضنت الجوال وجلست تناقز على السرير
تمددت على السرير وحضنت دبدوبها وجلست تفكر في فارس وحبها له
(عند فارس)
اول ماسكر منها تمدد على السرير وغمض عيونه يفكر فيها
فارس(اشتقت لك ياغزل كثيير متى يجي بكرا ابي اشوفك انا لازم اخطبها ماراح اظل طول الوقت كذا
بقول لأمي تخطبها وهي تحبني وبتوافق)
نزل ولقى امه وابوه جالسين يتابعون تلفزيون
جلس على الكنبة امه لفت عليه
ام فارس:حبيبي في شئ تبي تقوله
فارس:بصراحة اي
ام فارس:شو
فارس وهو يخلل اصابعه في شعره:ابي اتزوج
بوفارس ابتسم:هذه الساعة المباركة ياولدي
ام فارس:من بكرا راح ادور لك على عروس
فارس:لا يمه بصراحة في بالي وحدة
ام فارس:مين
فارس:غزل بنت عمي محمد
بوفارس:زين ماخترت
فارس:يمه متى بتخطبيها لي
ام فارس:وش فيك مستعجل
فارس:يمه البنت في سن الزواج واخاف تطير مني والمثل يقول خير البر عاجله
ام فارس:خلاص بكرا اكلمهم
فارس:يمه بكرا متأخر
ام فارس ضحكت:طيب بروح اكلمهم بس امسك اعصابك
اتصلت على بيت بوخالد وردت غزل
غزل:الو
ام فارس:هلا يابنتي شخبارك
غزل:بخير ياخالة انتي شخبارك
ام فارس:الا امك موجودة
غزل:ثواني اناديها لك ..ماما ماما
ام خالد:شنو فيك
غزل:خالتي ام فارس تبيك
ام خالد:السلام عليكم
ام فارس:وعليكم السلام
ام خالد:شخبارك وشخبار العيال
ام فارس:الحمدلله نسأل عنكم
ام خالد:احنا الحمدلله
ام فارس:بس بقيت اقولك بكرا تعالوا بيتنا
ام خالد:انشاءلله يصير خير
ام فارس:يلا تامرين على شئ
ام خالد:لا سلامتك
ام فارس:مع السلامة
ام خالد:مع السلامة
فارس:يمه ليه ماقلتي لهم
ام فارس:يمه انتظر كم يوم الحين توهم مخلصين من الامتحانات انتظر البنت ترتاح شوي وبعدين نخطبها
فارس:طيب
رن جواله
فارس:هلا عزوز
عزوز:هلا فيك اخبارك
فارس وقف بيطلع برا:بخير وانت
عزوز:بخير وينك مختفي هالايام
فارس:مشاغل الدنيا
عزوز:من متى مشاغل الدنيا تشغلك عني
فارس:والله الشغل كاثر هاليومين
عزوز:طيب هاليومين مسامحينك
فارس يركب سيارته:عزوز ابي اشوفك
عزوز:الحين
فارس:اي
عزوز:طيب وين
فارس:بأي كوفي شوب
عزوز:خلاص اشوفك بالكوفي ال....
فارس:اوكي اشوفك هناك
عزوز:يلا باي
فارس:باي
(عند فهد)
رجع من الدوام ورمى نفسه على السرير وراح في سابع نومه صحاه رنين جواله المزعج
فهد:مين التبن الي متصل
.....:اوف مليت منك ومن ولد عمك على هالسب
فهد:خويلد وش تبي
خالد:مابي شئ بس بقولك بكرا جمعتنا في بيت عمي بوفارس
فهد:اوووه انا افكر اني ماجي الجمعة
خالد:ليش انشاءلله
فهد:مشغول لفوق راسي
خالد:براحتك بس بتجي اليوم الدوانيية صح
فهد:اي بجي
خالد:يلا باي
فهد:باي
ورجع ينام
(عند رهف)
كانت تجهز نفسها لان اليوم شبكة صديقتها لبست فستان اسود يوصل لركبة ومن ورا طويل
ونص الظهر عاري فيه كرستالات في الظهر ومنزله خصل على وجها ورافعه شعرها بتسريحة بسيطة
وحطت لها مكياج ناعم وحلو
(عند غزل)
تجهز للشبكةة ولبست فستان احمر قصير يوصل للركبة ونص الظهر عاري وفيه علامة×فيها كرستالات
وحطت لها مكياج ناري ناعم ورفعت شعرها بتسريحة بسيطة ناظرت في المراية وابتسمت برضا
اخذت الجوال واتصلت برهف
رهف:هلا
غزل:جهزتي
رهف:اي يلا لبسي عباتك الحين بمرك
غزل:اوكي لاتتأخرين
رهف :باي
غزل:باي
غزل راحت لأمها
غزل:يلا ماما تامرين على شئ بمشي
ام خالد:لا سلامتك بس انتبهي لنفسك
غزل:انشاءلله يلا مع السلامة
حطت عبايتها على الكنب وجلست تشوف شنطتها اذا ناقصها شئ
بسام:بالله مين هذه ليكون جني
غزل لفت له وتخصرت:تستهبل انت
بسام:بس ماذكر ان عندنا بنات حلوات طذا
غزل:الا عندكم واسمها غزل ملكة جمال
بسام:روحي هناك بس قالت ملكة جمال
غزل:بجد شكلي حلو
بسام بابتسامة :لو مو اختي كان تهورت
غزل انحرجت:روح انقلع
رن جوالها وكانت رهف
غزل:يلا باي
بسام:مين بيوديك
غزل:بروح مع رهف وبيوديها فهد
بسام :اوكي باي
غزل:باي
لبست عباتها بسرعة وطلعت
ركبت السياره
غزل:سلام
فهد:ساعة ياانسة غزل
غزل سفهته:اخبارك رهف
فهد:اذا تكلمت لاتسفهيني
غزل:اوف حاظر ياستاذ فهد كنت اكلم بسام وتاخرت زين
فهد:انتي كلمي اخوك وانا اتأخر
غزل:كلها ربع ساعة
فهد:ماعندي اشغال انا
غزل:اوه خلاص خلنا نسكت
فهد اتصل بفارس وخالد
فهد:رهف ركبي ورا لان فارس بيجي هنا وخالد بيجلس جنب اخته
رهف:اوكي
فارس+خالد:سلام
الكل:وعليكم
خالد:الحين اختك ليه جايه ووش جاب اختي
فارس اول ماسمع انها موجوده ابتسم
فهد:بيروحوا شبكة صديقتهم
خالد:اها
فارس:متى بترجعون
رهف:بعد مانخلص
فارس:يعني كم الساعة
رهف:ليه مهتم كل هالاهتمام متى ماخلصنا بنتصل عليكم وبنخبركم....
غزل ضربت رهف وهمست لها:اسكتي لأدوسك
رهف بهمس:كل هذا ماترضي على الحبيب
غزل بهمس:اي مارضى ويلا سكتي لأدوسك
رهف:اممم فارس
فارس:هلا
رهف:انا وغزل بنجي بيتكم بعد مانطلع من الشبكة
فارس ابتسم:حياكم الله
فهد:يلا نزلوا
غزل ورهف نزلوا
غزل:اوف كان لازم تقولي له
رهف ابتسمت:بس كذا ابي اسمع صوته
غزل:رهيف روحي انقلعي عن وجهي
رهف:طيب يابت ماخقيتي على ابتسامته
غزل:تبين الصراحه
رهف :اي
غزل ابتسمت:موبس خقيت الا بذوب ابتسامته تجنن موت
رهف:كل ذا لانه ولد عمي
غزل:طيري هناك قالت ايش قالت لانه ولد عمها اصلا مايشبهك ولا شئ
رهف:طيب اكلتيني
دخلوا القاعة بعد مافسخوا عباياتهم
دارت عيونهم يدوروا صديقاتهم او اي احد منهم
اتجهوا لطاوله كانوا صديقاتهم موجودين هناك
غزل ورهف:هاي
البنات:هاي
غزل:رحتوا لجوجو
نوره:لا ننتظركم
غزل:طيب خلونا نروح لها
دانه:يلا
راحوا البنات للوجين
دخلوا الغرفة وكانت هناك زوجة اخوها تساعدها اول ماشافوها صلوا على النبي
غزل:مبروووك حياتوو طالعة تجننين اليوم
لوجين:الله يبارك فيك لا انتي راح تغطي علي
نوره:مبروك لجو عقبالي
لوجين:الله يبارك فيك عقبالك
دانه:مبروووك جوجو
لوجين:الله يبارك فيك
رهف:مبرووك جوجو الفال لي
لوجين:الله يبارك فيك مشفوحة ماشاءلله
رهف:مشفوحة ولا عانس
لوجين :مالت

(انتهى البارت)


توقعاتكم

stael ©؛°¨غرامي جديد¨°؛©



الباااااااارت يججنننننن والله

توقعاتي
فااارس يخطب غززل

اتووقع خالد يحب رهووف

وووبسسس



انترك قلبووو

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1